قادرة تصدق.
دهه كان اصعب يوم في حياتي كلها😪💔.
امي جات راجعهه المكتب بعد التفتيش وكانت منزلة راسها بس ما عايزة تعاين فيني وانا ببكي المديرة قالت لي انا متأكدهه انك ما بتعملي غلط وشكله في سوء تفاهم..وشكلك كنتي واقفه جمب الحمام ساي..
ليلى اتغاظت شديد وقالت ليهم ليه عشان هي بت استاذة حواء لا هي كانت بالجد واقفة وعارفهه انه عندي تلفون وعارفاني بتكلم.
ما فارق معي كلام ليلى انا عارفهه انه أمي في اللحظة دي مصدومة شدديد وما كانت متخيلة دهه يحصل مني!..
بعد تحقيق ومشاكل كتيرة شالوا التلفون من ليلى وقالوا ليها جيبي ولي أمرك وفصلونا اسبوع من المدرسهه انا وهي وحرمونا من الامتحانات الباقيهه كان باقي امتحانين قالوا حيدونا فيهم صفر💔.
دهه كله هين البحصل لي شنو بعد ارجع البييت😭💔،،امي مسكت نفسها هنا قدام الاستاذات،،بس شكلهه كدهه حتتصرف معاي تصرف تاني بعد نرجع البيت شوفت شكل عيونها وغضبها💔..
جاتني قالت لي ما تطلعي البيت الليلة بنطلع سوا خليك قاعدة لحدي اخر اليوم وحسابك معاي بعدين.
#نتلاقهه_ بعدين👏.

ليهو كيف يعني مستحيل ده مكتبي أنا براي وما بحب زول يشاركني فيه لو سمحت أطلع باحترام من هنا،،ما اديتو فرصة إنه يتكلم وتابعت كلامي وقلت ليهو وبعدين انت ال جابك هنا شنو؟!..دي جريدة يعني ال بكونوا قاعدين هنا صحفيين دي ما حَلبة ملاكمة😏.
ابتسم وقال لي الجوطة في شنو؟!.وبعدين انتي منو؟!
المهم حصل نقاااش كتيير وعنادي على عناد الزول القدامي دهه صدعنا الاتنين..

جا رئيس التحرير ولقانا بنتشاكل قال لينا إتلاقيتو؟!،،كويس شديد عشان انا كنت طالع ..فاطمة دهه أستاذ مؤمن صحفي شاطر وكان بحضر الدكتورا في كندا،،مؤمن دي فاطمة الصحفية اللي كلمتك عنهاوقلت ليك حتقاسمك المكتب لحدي ما نشوف ليك مكتب تاني،،فاطمة بما انك لسه مبتدئة فاا فرصة كبيرة إنك تتدربي على يد مؤمن وهو ما حيقصر معاك.
يلا مع السلامة..
وطلع خلانا الاتنين فاتحين خشمنا وبنعاين لي بعض..
#نتلاقهه.

#إقتباس..
حتى الآن أتذكر جيداً أول لقاء جمعني بك،كل تفاصيل اللقاء تحفر نفسها داخل قلبي..منذ اليوم الأول سكنت أعمق دواخلي،تلك اللحظات تقربنا من بعض ذراعاً واحداً وحتى الآن نحن نقترب أكتر.

،تقريباً هي عارفة إنه امي عصبية بس حنينة💙..
المهم لبسنا ومشيت لي ابوي قلت عشان اقنعه😂دايماً مهمة الإقناع بدوني ليها أنا فاطمة امشي حنسي لينا واقنعيهم🙂💔،،مشيت لي ابوي وانا لابسة قلت ليهو يا ابوي احنا ماشين المعطم القريب دهه عايزين ناكل بيتزا🙈،،قال لي بسم الله اسي مش اكلتوا هنا قدامي يا بنات😂،،وبعدين لو جاية تستاذني بتجيني وانتي لابسة؟! دهه اسمو عُلم يا ابوي ما اسمو عن إذنك🙂،،ماف طلعة ليكم شوفوا الليل جا والساعة كم😔،،حرفياً انا قربتهه ابكي قلت ليهو يا ابوي الساعة 6 ياداب عليك الله خلينا نمشي😭😭💔والله المحل قريب يا ابوي💔💔،،قلت لا يعني لا..
قعدت جمبه وبقيت خاتة يدي في وشي نظام زعلانهه،،جات امي قلت ليها تعالي شوفي ابوي ما خلانا نطلع ناكل في المطعم😔💔،،قالت لي والله دي طلعهه بالليل دهه يابت امشي نومي نومك،،
غايتو بس ليه حابسننا كدههه خليناهوو،،مشيت جبت البنات وقعدنا لابسين وقاعدين جمب أبوي،،بعد زن وكلام كتيير حتى خلانا نطلع😂،،
مشينا أكلنا واتصورنا واسمهان نفسيتها اتحسنت شوية💙💙..

#نتلاقهه.

وا..
اتغدينا.

. وطعلت معاهم.. مريم قالت لي..
عارفاك امس اتحسستي من كلام ميادة اللي في القروب وعارفنك بتكوني بكيتي😔💔..
بس يا هبلة احنا اخوات والله الحاجة دي ما بتفهمها ميادة ولا الغيرها😊💜..
ريم:اي ناس يا فطوم بتكون علاقتهم قوية الناس بتحسدهم🙏💜.. وانتي عارفة واحنا عارفين لما اتصاحبنا كنا زي الشفع.. مصلحة شنو ال بتمسكنا سنين؟!..
لمتنا ال معاك في البيت دي اكبر دليل انه احنا اخواتك.. احنا حافظين مكان الملح والسكر في بيتكم تقولي لي مصالح؟!.
بكيت تاني زي العويرة المرة دي عشان انا عندي صحبات نعمة😔💜🙏..
حضنتهم ودعتهم..

لكن لسهه على قراري اني اخلي الجريدهه وبكرة ح اقدم استقالتي.. على قول الاستاذ باقي لي سنهه واحدهه..احسن. لي امشي جمب الحيطهه.
____________________________
اسمهان.. كيفك..
اهلين يا ليلى😊.. في شنو؟! عايزهه حاجة عشان انا بصراحة ما حابة اضيع وقتي عندي مذاكرهه..
والله يا اسمهان جاية اعتذر ليك😭💔،،المرهه الفاتت ختيتك في موقف محرج شديد قدام امك😴💔.. اعفي لي.. وبعدين احنا صاحبات يخ.. ما تخلي قلبك اسود كدهه..
قلت ليك عافية ليك يا ليلى بس تاني ولا بيني وبينك كلام ولا اي حاجة تانية.
الحصل حصل..
ومشيت منها.
ليلى ليها كم يوم بتحاول ترجع الأمور بيني وبينها زي زمان.. بس انا بحاول اعمل العكس..

مع انه ما عندي صاحبات في المدرسهه غيرهاا..
مع اصرارها الشديد قلت ليها خلاص يازولههَ.،،ما مشكله المسامح كريم💜🙏.. وبقينا نتونس عادي بقت ما بتجيب لي سيرهه اولاد ولا اي شيء.. ومشت لي امي اتكلمت معاها.. قالت ليها والله يا استاذه انا ما نفسي اتكلم بالتلفونات بس ما عندي صاحبهه.. وكمان ماما وبابا اي زول في شغلهه وانا واحدة فالبيت.. جابوني مدرسهه حكومية عشان فيها انضباط😴💔.. وعشان يريحوا ضميرهم شوية..
وبصراحة هم كل شهر في بلد شكل وانا زهجت والله😭🙏💔..
امي قالت ليها خلاص يا ليلى من اليوم اي حاجة تجي تحكيها لي انا واي شيء بيحصل ليك او مضايقك كلميني اعتبريني زي امك💜..
امي بقت تشوف ليلى مجتهدة وبتذاكر اول باول... مبسوطهه من انها بدت تتغير..
_________________________
#الخلاصة..
أنا بحب صاحباتي للأبد، وعمري ما حسيت ب إني اخترت غلط،، مع كل موقف كانوا بيثبتوا لي انهم اقرب لروحي..
عارفين صحباتي بلاقيهم متين؟!..
لما تكون. الدنيا ادتني الف ضربة في راسي.. لما الناس كلها تبقى ضددي،، لما احس انه الواسعة دي ضاقت بي..
الف موقف وهم لسه مستحملين مشاكلي الكتسرة ومستحملين تقلباتي وهرومانتي وقصصي اللي ما ليها نهاية..

'' صح الرفيق قبل الطريق''
كم مرة سندنا بعض لما بنتخذل من حُب اول حاجة بنجري عليها الصاحبة الحنينة،،هي في اللحظة دي بتتحول ما بتكون حنينة.. بتقسى على أيّ زول حاول ينزل دموعك،، تحسي كدة عندك سند.
صحباتي بيكرهوا معاي كل الناس اللي انا ما طايقاهم.. وبيحبوا معاي حبايبي.. عمرنا ما كرهنا الخير لبعض.. حتى الأكل بنتمنى نتشاركه في كل لحظة..
الصاحبة اللي مهما المحادثة بينكم قلّت بتخت ليك ألف وألفين عذر..
ما صحبة ضحك وصور ومصالح زي ما بقولوا.. صحبة نتمنى نفضل كدة لحدي الجنة.. صاحبتك اللي بتمسك يدك وتقول ليك يلا نصلي..
الصحبة البتقربك لربنا..اتمسكي بيها.
#نتلاقهه

شكراً ليك ما قصرت

معاي يا أستاذ..
قال لي اسمي أمجد..
ابتسمت ليهو وقلت ليهو،،عن إذنك،،
قال لي معالي..
لو في حاجة وقفت ليك فس الشرح انا موجود..
ومحاضرة الليلة دي ممكن. اشرحها ليك..
قلت ليهو،،لا شكراً ما بتحتاج. شرح،، ح. ارجع اقرا براي وح افهم إن شاء الله..
قال لي كويس بس طلب تاني.. معلش تجيبي لي قائمة بدفعتكم..
قلت. ليهو حاضر ح اخلي واحد من اولاد الدفعه يرسلا ليك،،ومشيت😭💔💔..

هبة استلمتني برا الا تعرف الحصل شنو  و أمجد عايز مني شنو😏💔،،
كلمتها بالحصل كله بالنقطة والفاصله😂..
وبعلي من ال عملتو🤦‍♀️،،
هبه:انتي غبية يا معالي؟! عايني الاستاذ دهه بالواضح كدهه عايز يفتح. معاك مواضيع😭💔واااي اريتني مكانَك يابت،، معالي ما ممكن تكوني بالغباء دهه.. انتي ما. ملاحظة انه أمجد دهه مركز معاك من اول..
قلت ليها هبة عليك الله خلينا نفكر بالعقل عشان انا ما اتعشم على الفاضي،، أولاً هو ما قال اي شيء يعني ما لمح لحاجة ونظراتو دي ما حاجة بتخلينا نحكم انه هو معجب بي،، هو استاذ فاهمة استاذ دي؟!..
يعني انا لو جاريت كلامك ده واتعمشت وبقيت خلاص بسرح معاهو وبتخيل حتعب قلبي بس والله،، وهو. اول حاجة حيقولها لي انه أنا أستاذك وانتي طالبة،،يعني نقفل على السيرة دي والنبي يا هبة عشان اخدت مساحهه اكتر من اللازم.
خلاص خلاص يا معالي قفلنا😭💔..
#نتلاقهه

نتهت..
مع كل الظروف دي كنت بشوف انه سارة حلم وانا لازم احققه،، الليلة قلت ليها اني بحبها،، وهي
شايفهه انه حبي ليها كلام فارغ وحركات مراهقين،، انا شايف انه حصاد قلبي طول السنين الفات.. واتوقعت انها تكون مبسوطة لما تعرف.
________________________________
يعني طلع روميو اللي بيرسل لي الجوابات الفترة الفاتت احمد ههههه🙄،، لا وفاكرني ح اقعد انطط واقول ليه واااو وانا بحبك ويلا نعرس،، أكتر واحد مغرور وشايف نفسه،، يعني على أي اساس ممكن احبو بس؟!..

مامن حق اي زول يتدخل في خصوصيتي بالطريقة دي.. او يفرض نفسهه عليّ،، اي واحدة مكاني كان ضربتو كف ووقفت المهزلة دي،، بس أنا احترمت مكانتي واحترمت انه دكتور،، مع اني عمري ما فكرت في موضوع الارتباط دهه بس حقيقي بالطريقة دي ما عايزة..

اتصلت لي يسرا عشان تجيني ونطلع سوا،،
لما اتكلمت معاها فالموضوع.. ما لومتني أبداً..
=يسرا: ما عارفة والله يا سارة دي حياتك وانتي حرة فيها..
قلت ليها طيب انا قلت ليهو شيء غلط؟!
قالت لي بس دي الحقيقة.. وقفلت الموضوع بانه الليلة اتاخرنا وكدهه كنا طالبين ترحال،، وطول الطريق ما فتحت لي الموضوع وانا قاعدهه سرحانة في ال عملتو.. حاسة انه لهجتي كانت حادهه شوية.
#نتلاقهه.

#الخلاصة
مرات الصدّ بيكون مؤلم وما بنقدر نتقبله،، بجينا احساس انه كيف نترفض بعد الحب واستهلاك المشاعر وكل اللي قدمناه،، مع أنه بنخاطب القلوب وهي المفروض تميل بالإهتمام،، وشوية حنية،، لما تبذل كل طاقتك عشان تحاول بس تقرب للبتحبه وتتبدا ترسم توقعاتك انه خلاص أنا لو قربت مكاني هيكون موجود.. تكتشف فجأة انك بنيت أوهام وياريتك ما قربت.. في الحقيقة بتكون واقف في النصّ ولا قادر تخطو خطوة لقدام ولا بتقدر ترجع..
ربنا ما يوريكم لحظة انك تترفض انت وقلبك والحب الفيهو..

اقف مديني ضهرو  دقيت
الباب.. ما اتلفت قال لي خشي يا معالي.. المواعيد المفروض الساعهه كم؟! بنبرهه حادة.
عاين لي..
قلت ليهو أنا اسفهه بس ما كنت عارفهه مفروض الاقيَك وين..
بقى بعاين لي من فوق لتحت🙄،، كانه في حاجة ضاعت منو..
قال لي حصل خير يلا نطلع..
مشى جاب العربيهه وفتح لي الباب زي ال في الأفلام 😂.. قعدت.. ما اتكلم طول الطريق..
بس كان بعاين مرة مرة🤦‍♀️.

لما قربنا نوصل قال لي دهه شارع الشركهه اللي فيها المكتب حقك لو نجحتي فالمعاينة.. لو لقيتك شاطرة حتشرفي على المبني كلهه..
بس ما تخذليني..

سكتت مسافهه.. قلت ليهو كويس.

لما وصلنا.. قال لي يلا اتفضلي.. وكان حيفتح الباب وينزل.. قلت ليهو استاذ.. دقيقهه بس..
قال لي أها يا معالي في شنو؟!
قلت ليهو انا ما عايزة انزل ما عايزة اشتغل.. عايزة ارجع البيت.

قعد يضحكك قال لي مالك فجأة!!.. استهدي بالله وما تفكري في شيء.
بقيت بضغط على يدي بتوتر.. قلت ليهو لا لا انا ما ح انجح فالمعاينة دي.
احسن ما اخش اصلاً.

قال لي طيب تعالي اول ادخلي لو غيرتي رأيك كلميني.. بس انا عندي شغل ما حقدر ارجعك اسي.
قلت ليهو برجع براي😭.. عاين لي كدهه وقال لي هنا الحتهه دي خطر ما بخليك تمشي براك.
انزلي لو سمحتي يا معالي.
نزلت ودخلنا الشركة.. يعني ما كانت كبيرهه واو من برا..
دخلنا كلهم بسلموا عليهو باش مهندس كيفك،،وباش مهندس اتفضل..
وهو بتكلم معاهم باساميهم.. قال لي تعالي مكتبي..
مشيت وانا مستغربهه دهه شغال هنا وفالجامعة كيف..
دخلت مكتبو كان رهيييب😭💜.. التصميم سمح..وحتى مفروش رهيب شديد..
قال لي اتفضلي.. قعدت بعدين طلب لي شاي..
جات السكرتيرهه.. ادتني الشاي..
قال ليها.. يا إسراء جايباها بنفسك لييه؟!
قالت ليهو عمو محمد طلع بدري الليلهه وانا ال عملت الشاي يارب يعجب البنوتة الحلوة دي.. وعاينت لي..
قال ليها تسلم يدك.. أجلي لي الاجتماع ل ساعة.. وكلمي عادل انه المعاينة الليلة ما يطلع مكان.
واتفضلي..
البت طلعت.. قال لي اشربي الشاي..
قلت ليهو ما بحبو🙂..ما اتكلم.. شغل لي شاشهه وقال لي عايني هناك..
بدا يشرح لي المراحل اللي بيمر بيها أي مبنى.. شرح كتيير وكيف الشركة دي اتبنت..
وانا كنت متابعهه ومركزة.. بسال وبجاوبني..
قال لي.. بس دهه محور المعاينة..
اتطمنت.. ومشيت المعاينة.. كان هو ماف بس عدت على خير..
واحد قال لي شكلك مهندسة شاطرهه حقيقي مهندس أمجد عندو نظرة قوية.
طلعت لقيت السكرتيرة برا.. قلت ليها عايزة استاذ أمجد..
قالت لي أستاذ أمجد هههه.. وااي افتكرتك واحده بحبها ولا خطيبتو ال بقولوا عليها😂.. تجي تقولي استاذ امجد اقعدي يختي..
بس والله انتو الاتنين سمحين سماحة.. اول ما دخلتو قبيل افتكرتكم مخطوبين.. عموماً أمجد دهه من نوع الناس ال ما مفهوم يعني مرة تشوفيهو تقولي خلاص دهه شيخ ومرة تحسيهو فرفوش وبضحك ومرهه عصبي وبصرخ ومرة..


قلت ليها ما عايزة اعرف قصة حياتو لو سمحتي سالتك هو وين بس.

اتضايقت من كلامي بس ودتني المكتب حقو من سكات تاني،، واحدة كلامها كتير وصدعتني أمجد. أمجد أمجد🤦‍♀️.
وصلت المكتب.. وبقيت صارهه وشي وساكتة السكرتيرة قالت ليهو البت دي لميضة شديد ما انصحك تشغلها هنا🙂.

قال ليها إسراء معالي دي خط أحمر اعتبريها المديرة حقتك من هنا ولقدام،، ما عايزها تشكي منك،،اعتبريها مكاني.. مفهوم.. ويلا على شغلك.
البت إسراء لما جات ماشة ادتني عين😂خوفتني.
قلت ليهو يا أستاذ هي ما قالت شيء غلط انا اسفهه معاها حق هي..
قال لي اتشاكلتي معاها؟!.
قلت ليهو لا والله أبداً بس طلعت من المعاينة وسالتها منك وهي بقت تتكلم كتير قلت ليها انا عايزة امشي لاستاذ أمجد بس..
قال لي عموماً لو عملت اي شيء تاني كلميني بس..
ااا بالمناسبة مبروك المهندسين اختاروك عشان تبدي شغل هنا..
قلت ليهو شكراً ليك وعلى وقفتك معي يا أستاذ.
اقصد ياباش مهندس..
ضحك وقال لي يلا اوصلك عشان تلحقي تفرحي اهلك..
وشال رقمي عشان يفهمني الحاصل بعدين.

#نتلاقهه.

.

مشى اتصل تاني لي سالم وقال ليهو هنجيك بكرا ان شاء الله،، واعتذر ليهو وقاسم قبل الاعتذار..

مؤمن قال لي ارح اطلعي شكلك اتضاقتي من المصنع،، ارح سرييع.. طلعنا..

انا حرفياً المصنع والمكان غريب علي راسي بقى دايخ وصدعت،،وقلقت بي مؤمن كان كل دقيقه يسالني فاطمة انتي كويسة؟! حرفياً كل دقيقة بردد لي نفس السؤال..
وقفني في مستشفى🤦‍♀️وقال لي الا تنزلي نشوف الصداع  والدوخه ديل من شنو والتعب دهه،، قلت ليهو مستحيل ما بنزل والله.. وهو يحلف مية يمين الا أنزل..
نزلت فالنهاية عشان هو عنيد ببساطة وعشان انا متاكدة لو قعدت اعاند فيه لبكرا ما بسمع لي كلام..
انتظرني برا،، والدكتورة قالت لي كويسة بس في نقص في الدم،، وقالت لي ما تساهري كتير واكلي كويس،،رفصت اخد ادوية..
جاب الادوية وختاهم لي فالشنطة قال لي من متين كمان الشفع الصغار بحبو الادوية؟! عايني فس دوا هنا طعمه سكر اشربي منو،، قعدت أضحك لحدي ما دمعت😂💜..
قلت ليهو ما تعاملني زي الأطفال ياخ..
قال لي ما تساهري واكلي كويس عليك الله ما تخوفيني عليك أكتر💔.
ما عرفت اقول شنو ولا هو كمان تاني اتكلم،،
لحدي ما وصلنا.

#نتلاقهه

#إقتباس.

هو شـخصـاً واحـد يؤمــنُ بأن قلبــي فرصــة لا تتكــرر،، شخصاً يلاحـظ مزاجــي المُتقلِب ويركُـــض حافيـــاً يبحـــث عن ما يضـحـِكنــي.. شخصاً يرى الحيــاة في عافــيتـي"

يس إنك طالعة من بيت أصول واحدة زيك تستحق الثقة اللي خاتيها فيك أبوك،، أبوك عارف إنه هو عرف يربي،، أنا بعرفك من كم شهر بس خليتني عندي فضول أشوف منو الرباك،، وزرع فيك القيم دي.
لقيتو عارفني وبصراحة اتوقعت انك تحكي ليهو،،
قلت ليهو كل يوم إحترامي ليك بيزيد.. شكراً على كل حاجة.
قال لي إنتي تتعاملي ملكة وغير كده ما تقبلي.

#نتلاقهه.

#إقتباس.

سأخــتار قُربـــه ولو بـَــعد ألـــفين حــاجــز هو فــقط يُعـــامِـلنـي كأنـــني ملــكتـه ويعــلو رأســي تاجُ مُرصــع بالحُــب..أنا التي لا أُســــاوِي شيء في ميـــزان فـــؤاده أساوي الكثير.

ليها ما كفاية وعايزة امشي ليها تاني في نص بيتها واندمها على كل كلمة.
#نتلاقهه



الخلاصة..
في نوع من الصحبة بكونوا حرفياً شر ليك مهما اتظاهروا بانهم كويسين،، بيكونوا حاسدين حب الناس ليك حاسدين ضحكتك وطيبة قلبك،، يسرا واحد فالمية من النوع ده،،في الموقف ده ما بتعرف تزعل على اختياراتك الخطأ ولا على إنك ختيتهم في مكانة كبيرة.. الله يكفينا شر يسرا ونا يوقعنا في الصحبة دي.

نفسي بايخة شديد.. قلت ليهو كنت فاكرة الفستان حيعجبك! قال لي دي شنو حركات المراهقات دي؟! جايباني لي مووضوع ولا لا!!.
بقيت بفكر لو قلت ليهو ما عايزاك لحاجة حيزعل💔..وتاني ما بثق فيني..
قلت ليهو شوفت سارة عملت شنو؟!.
فجأه عدل فعدتو وعينو بقت تلمع قال لي سارة مالا!!.
شكله أحمد لسه بحبها💔.. قلت ليهو سارة ما طايقاك.. وعرفت اني بحبك..
عارف البت الصحفية ال كانت في بيتكم؟! دي فاطمة اختها.. وكلمتها جاتني البيت ونبزتني وقالت عليك اسوء كلام😔،، قالت انك لو جريت وراها سنين وسنين ما حتعاين ليك،، وانك جبان ووو.
احمد ضرب يده في العربية.. وقال لي انزلي.. جيت قربت ليهو وحضنتو.. بعدني عنه وضربني كف.. قال لي قلت ليك انزلي..
بقيت ابكي ونزلت.. وهو ساق العربية ومشى..
كلما احاول اقرب ليهو ترجع سارة تاني.

انا بكرهااا.. بس انا ح اخليهو يخطبني حتى لة هو ما عايز،، انا حاربت عشانو..
باقي لي اتكلم مع امو وابوهو وهو بيسمع كلامهم..
انا لازم اوريهم سارة دي ابوها منو! وسبب الدمر حياتهم..
اكيد ام احمد وابوهو بعد يعرفوا حيضغطوا على احمد يخطبني بسرعة.. ما مدام بدت حرب ياسارة انا ح انهيها.. احمد لي وحيفضل لي..
#نتلاقهه..

#الخلاصة..
اغنجوا بحاجاتكم.. ما تحكوا بي اهلكم والحب الجوة بيوتكم قدام الناس،، عشان ما تتحسدوا،، ضاروا على العيلة شديد.. أي حاجة بتحبوها ما تكلموا بيها زول.. الحسد زي النار بتاكل اي شيء قدامها.. في ناس بتحسدكم على نعمة الفرحة وسط اهلكم.

ن اخو يحلييلكن كنا بنضحك وبنقول ليهم احنا الواحدة من بنات حواء بمية راجل،، امس لما بتكلم مع ابوي في موضوع عمي قال لي ياريت لو عندي ولد ياريت بس عشان يسندكن ويحافظ على حقوقن بعد اموت.. اول مرة ابوي يجيب السيرة دي قدامنا..ويحسسني انه فعلاً احنا هم زي ما الناس بتقول،،

مؤمن قال لي انتي عارفة كويس انه ابوك خايف عليكم.. وعمك مستحيل يخليك في حالك ما اعتقد انه يعمل حساب لابوك وصلة الرحم.. بس انتي خليك قوية واستحملي اي تهديد يجيك لو قال ليك وقفي سلسلة الحقائق دي وقفيها واكسري الشر،، حافظي على البتحبيهم..
قلت ليهو ما كنت متوقعة يا مؤمن تقول لي كده! ما بوقف سلسلة الحقائق دي مهما حصل لي ح اقعد اكتب عن قاسم وامثاله لو على حساب موتي..انا اقوى من تهديداته دي ولا نسيت؟؟!.
الكلام طول شديد بينا انا مؤمن من الصباح لحدي قريب الظهر احنا هناك😂💔،،مع اني كنت فضفضت بس حاسة بضيق في قلبي حاسة بحاجة غريبة وقلبي بيوجعني..
قلت ليهو ارح يا مؤمن نمشي.. كنت خاتة شطنتي في العربية ومعاها التلفون لما دخلت اتحركنا طلعت تلفوني لقيت 20 مكالمة من امي وابوي ومعالي. اول مرة يتصلوا لي كتير كده وكلهم في وقت واحد..
رجعت ليهم بس ماف رد..

تاني بقيت بتصل لي معالي.. في النهاية ردت لي..
اول ما فتح الخط سمعت صوتها مبحوح وبتبكي.. انا قلبي وقع خلاص قلت ليها معالي اتكلمي.. في شنوو!!!
قالت لي الحقينا يا فاطمة تعالي شوفي لينة اختي بتموت لينة بتموت يا فاطمة💔..
#نتلاقهه.

ضيقة وما بتتقعد ولينة ما فيها حسيت اني في نار.. لينة لو بتختبر في غلاوتها عندها والله غالية والله غالية بس تجي تاني واشوفها..
مشيت بتخبط.. شايفة معالي قاعدة جمب ابوي وابوي مكسور ضهروه ودموعو اول مرة تنزل.. ابوي متاكدة فاقد لينة وهي بتجي تشيل منه الشنطة وتقول ليهو تقيلة عليك.. وتجيب ليهو الموية وتقعد جمب رجليهو💔.. كنا بنضحك وبنقول ليها بقيتي كبيرة ما تتدلعي.. بس ترجع اسي والله ما نزعلها.
ابوي عاين فيني وقال لي.. الحنينة وين؟! لينة يا بنات حواء ما قدر ضربة العربية دي انا حافظ بتي كويس عارفها اسي بتكون دايرة تبكي وتشكي لي😭،، هي زاتها متين كبرت عشان تستحمل كم عملية💔قولوا للدكتور جوة لينة لسه صغيرة انا لسه بشوفها بتنطق اول حرف وما قادرة تمشي،، امشوا يا بنات طلعوا اختكم من هناك جيبوا اختكم لا اله الا الله وبقى يبكي اول مرة اشوف ابوي كده..
...................................
انا اتخيلت كل حاجة تحصل لي في الدنيا اتخدع في كل الناس ال عايز يفوت يفوت.. بس ما اتخيلت اضوق المر لمن اشوف اختى الصغيرة جاتني جثة.. انا سارة ال قريت طب عشان ادواي اهلي الليلة جابوا لي اختى الحافظاها حفظ غريبة علي جابوها راسها مفتوح ودمها غرق وشها الصغير💔،، جابو لي اختى في المستشفى وختوها قدامي لا بتتحرك ولا بتتكلم.. بس ليه لينة انا كل البحبهم حيمشوا يخلوني💔💔،، انا ما قادرة استوعب انه القدامي دي بتي ال ربيتها،، بلقاها في وشي كل ما افتح باب الحوش،، بشتري ليها شكولاتات عشان تسكت مني شوية.. انا اسي عايزة اسمعها حريقة في اي صداع بجيني من كلامها بس جيبوها لي،، صرخت وبكيت وقعت وقمت وعملت اي شيء عشان اقوم من الكابوس ده ويقولوا لي قومي يا سارة انتي بتحلمي💔😭😭،، ما قدرت اشوفها ولا وعيت بعديها انا وين والحصل شنو..
،،،،،،،،،،،
احنا ما بنعرف قيمة الحاجة الا لما تمشي مننا،، انا بحب لينة اختي شديد بس طبيعي بنتشاكل على اقل حاجة انا بتناقر معاها،، هي مستحيل تنوم الا لما تجي تعتذر لي.. بتقول لي اسمهان انتي صاحبتي ما تزعلي مني💔،، انا من جواي بكون نفسي احضنها واقول ليها انتي اختي ما بزعل منك.. بس ما بقول ليها كده💔بقول ليها امشي مني اسي هي صدقت ومشت انا بهظر ما عايزاها تمشي،، منو البنوم معاي في الاوضة ويونسني.. منو البتحكي لي يومها كلو والحصل معاها من الصباح،، منو ال بتقاسمني كل حاجة بتشتريها مستحيل تاكل بدوني..
الله ما يوريكم مكروه في اخواتكم بس أصعب حاجة في الدنيا يجيك خبر وانتي في عز انشغالاتك ويقولوا ليك تعالي شوفي اختك الصغيرة باقي ليها شبر من القبر،، تجي تلقيها مليانة دم وفي دنيا تانية،، احساس البكا ده ساهل في اللحظة دي.. الحكاية اكعب خنجر في القلب.. الأخت البتبكي وبتساهر وبتضحكك وبتحلم تكبر وتقرأ وتتفوق،،

امي بتقول انا خايفة العين تجي عليكن.. بتقول ما عايزة زول يشوف بناتي انا ما بعيش لو واحدة حصل ليها حاجة.. ماف زول في بيتنا الليلة ما موجوع ولا عارفين نصبر احساس انك ما قادرة تدعي لي اختك حتى ولسانك ما بتحرك وعيونك بس بشتوف فيها وهي بتجري وتنطط في بفستانها الجديد ما بتفارق راسي ولا لحظة..
قدر ما حاولت اكتب واوصف الحصل شنو في اليوم ده ما بقدر..
الحقوا صالحوا اخواتكم وامشوا احضنوهم اسي قولي لاختك اسفه انا ما قدرت اقول كده وانا شايفاها دم قدامي.. الدنيا لما بتختبر حب الاخوات بتاخد منك الغالية.. بتشيل منك البتساهر لما تكوني عيانة وما بتستخسر فيك روحها.. كل ساعة لينة في العملية روحنا كانت بتطلع معاها.. الليلة اول مرة تكون براها في مكان،، لينة بتخاف تقعد براها.. بتخاف من ريحة المستشفى.. لينة ما بتحب الدوا.. ولا الحقن..
كلنا ماسكين المحصف وبنصلي وندعي ترجع لينة،، الدنيا بقت ضيقة شديد بس فيها بنات حواء والبكا والوجع ومصحف ومصلاية ودعوة واحدة انه لينة تكون كويسة،،
اهو يا ليتة والله بنحبك كلنا ما زي ما انتي فاكرة،، كلنا ما قدرنا على فراقك ولا ساعة بكينا كلنا عليك تتذكري لما تزعلي وتقولي اصبروا بس بمشي منكم وبتبكوا علي كلكم؟! 😭😭 متذكرة لما بنضحك ونقول ليك امشي ساي ماف زول بنزل عليك دموع💔.. والله كنا بنكضب احنا بكيناك مطر يا لينة بكينا من قلبنا تعالي شوفي امي وابوي ببكوا كيف.. بكينا عليك كلنا خلاص تعالي ما تمشي تاني تعالي اقعدي نفس قعدتك يوم الجمعة واحنا حواليك وبتحكي بصاحباتك.. تعالي قلدي لينا الاستاذات.. تعالي نتصور والله تاني ما بنقول ليك مليتي التلفون بي صورك💔

مرت 8ساعات ولينة في العملية..في الساعات دي كملنا كل الدموع دعينا بكل الادعية وهي لسه ما منها خبر.. ما في يدنا شيء غير ننتظر وندعي.
#نتلاقهه

ر الأقدار،،ولينة لما تصحى تلاقيكم اقوى.. ولا عايزنها تدخل في غيبوبة تانية..

كلام مؤمن صبر امي وابوي شوية بس انا واخواتي لسه حاسين بي الدنيا كلها جاية علينا حاسين بي حاجة حارة اكتر من الموت،، ما قادرين نصبر،، نصبر كيف وكنا بنقول لي لينة البيت بدونك ما فيهو حركة،،كيف حنقول ليها الكلمة دي تاني وهي ما قادرة تتحرك،،
مؤمن جاب اكل عشان يوم كامل ماف اي زول اكل.. بقى يقنع في اي واحدة زي اخونا الكبير.. اكلنا شوية..وكل ما نقرب الاكل لخشمنا تنزل دموع..
جاني قال لي يا فاطمة لازم ناس منكم يمشوا البيت عشان ترتاحوا شوية على الاقل وتجيبوا ملابس لابوك وامك..
مشيت ومعاي معالي اسمهان قدر ما اقنعناها تجي رفضت قالت ما بتقدر تدخل البيت بدون لينة،، وانا ومعالي كنا فاكرين انه عادي كده حنخش البيت وكانه ماف شيء.. اول ما خشينا البيت بقينا نبكي الاتنين وحضنا بعض وقعدنا في نص الحوش.. مؤمن ما دخل معانا البيت..
كلما نمر بي زاويا بجينا صوت لينة،،شلنا حاجاتنا سريع وطلعنا..
طلعنا من البيت واحنا بنبكي مؤمن جاني قال لي في شنو الحصل شنو؟! قلت ليهو ماف شيء ارح من البيت بس..
قبل ما نتحرك جات واحدة جارتنا..
قالت يابنات حواء تعالن هنا.. صحي اختنك عيانة.. وانتن بجاي جايبات راجل غريب وجايات البيت؟! صحي والله الاستحوا ماتوا يابنات امي راعن لاختنك الصغيره دي صحي الميت فاقد عمره..
انا ومعالي كاننا ما سامعين حاجة بنعاين ودموعنا بتجري بقى نا عندنا اي قدرة نشرح ونبرر مهما كان موقفنا صح ولا غلط...
بس مؤمن شاكلها وردح ليها.. وقال ليها عيب عليك لما بت صغيرة قدر اولاد اولادك حاصل ليها حادث يوم كامل لا تقولي سلامتها ولا اي شيء وهمك كله انك تطعني في شرف البنات الشريفات.. حواء وعبدالله لو سمعوك حيعلموك مقامك كويس.. اخجلي انتي من نفسك ياخ.. ال سمعته بسيط بس المرأة الكانت واقفة دي اعتزرت في النهاية وجات حضنتنا حضن الثعابين ده.. والخبث..
مؤمن قال لينا ارح امشوا.. طلعنا وبقى يعتذر انه جاب لينا الكلام وانه الناس ما بترحم..
ما سكت مننا طول الطرييق مرة يحاول يهدي فينا ويقول لينا انه دي اختبارات من ربنا ومرة يسالنا بنحس بشنو..
الحقيقة انا ال كنت عايزة اقول ليهو شكراً ليك كل حاجة بس ما عارفة كيف،، حاسة انه كلمة شكراً دي بتقلل من ال بعمل فيهو مؤمن ده.. يعني باسم الحب احمد عمل في سارة مكايد وفرقها من صاحبتها.. ومؤمن اسي بدون ما يقول لي كلمة بحبك لقيتو واقف معاي في كل خطوة كل مرة انا بقرب اقع بلقاهو هو براهو البسندني ماف مرة قال لي بحبك بس بعمل حاجات وموااقف تحسسني انه استاهل يحارب عشان ضحكتي.. ما عارفة اشكره كيف وهو بنسى نفسه لما الموضوع يتعلق بي وبي اهلي.. ممكن يصحى من اعز نومه عشان يجيني لما اكون محتاجة.. يبطل اي شيء في يدو عشاني.. عمري ما حسيت اني مملة وطلباتي كتيرة قدامه.. وهو بحس انه بعمل كده عشان يكون مبسوط..
وصلنا المستشفى معالي شالت مني الحاجات ومشت.. مؤمن وقفني قال لي فاطمة دقيقة،،انا عارف انه حادث لينة كسرك من جوة بس هوني على نفسك،،وخليك عارفة انها حتبقى كويسة وترجع تمشي..
اثناء ما بتكلم معي تلفوني اتصل
.. رديت.. واحد قال لي الو فاطمة عبدالله؟! قلت ليهو ايوة.. قال لي ان شاء الله بعد حادث اختك الصغيرة تكوني اتعلمتي درس؟! ياريت تتعلمي ما تلعبي مع الكبار تاني.. المرة دي حادث خفيف لاختك عشان عارف انها بتوجعك.. المرة الجاي بتفقدي الأغلى.. ياريت يا حلوة بس المكالمة دي تكون بي وبينك عشان انا ما برحم.. والخط قفل.

#نتلاقهه

نت في حالة ما ينفع يشوفني بيها أبداً مهزومة وحتى ملامحي بقت باهتة.. بقيت عبارة عن هيكل واقف ماف اي حياة فيني..
قبل ما يتصل جا وطلعت ليهو برا المستشفى.. سلم علي وبقى يصبر فيني انه لينة حتكون كويسة وكل شيء يتحسن ان شاء الله..
قال لي ممكن امشي لاهلك جوة؟! واقفت وقلت ليهو تمام.. دخلنا لقيت امي وابوي،، كنت عايزة اتكلم واقول ليهم انه ده منو وكده يعني.. بس هو سبقني وسلم على ابوي كانه بعرفه من سنين.. وبقول ليهو يا عمي.. وسلم على امي.. قال ليهم انا أمجـد استاذ معالي فالجامعة،، وانا كمان مديرها في الشغل اكيد بتكون حكت ليكم عن الشغل،، بصراحة الايام الفاتت والله ما كنت عارف بالحادث اعذرني يا عمي بس من اسي تعتبرني ولدك ومتى ما احتجتني بتلقاني..
ابوي قال ليهو كتر خيرك ياولدي ما بتقصر.. الله يخليك ويسعدك انت ومؤمن قليل ال زيكم..
أمجـد بقى يقول لابوي انه ما يقول كده وهو ولده وعادي وشنو،، اتكلم مع امي وابوي كتيير قدر يخليهم يضحكوا ويفتحوا مواضيع من جديد بعد كم يوم من السكوت والالم.. انا حسيت انه انجز كتير في اقل من ساعة.. وانا واقفة مبسوطة وبتفرج.. وطمنهم انه عنده قريبه في الهند دكتور ممكن يسفر لينة وتتعالج مشكلة المشي.. وبقى يقول ليهم انه هو شاف كم حالة شفوا.. حقيقي الطمأنينة ال دخلها فيهم عيونهم بقت تلمع من الفرحة..

انا طلعت برا وخليتهم لسه بتكلموا.. جاني أمجد برا،، قال لي يا عُلا.. مالك انتي كويسة؟!.. قلت ليهو استاذ أمجـد.. انا تمام.. شكراً ليك عشان خليت امي وابوي يرجعوا يضحكوا..
قال لي كفاية استاذ أمجـد دي عشان والله بتخنقني😂🤷‍♀️،، قولي لي يا باش مهندس أمجـد🌚،، قعدت اضحك.. عاين لي مسافة وسكت.. تاني قالي لي كويس اني قلت حاجة تخليك تضحكي💓..
قلت ليهو بس الضحك مرات بكون مجاملة وما من القلب..
قال لي.. التفيكر في انك عايزة تضحكي ده في حد زاتو انا بعتبره حاجة كويسة.. فكري على طول انك عايزة تجاملي القدامك بالضحك.. عقلك حيصدق انك المفروض تضحكي على طول ويبدأ يتبرمج على كده.. وتكوني بتضحكي..

...
عاينت ليهو باستغراب وقلت ليهو ده شنو يا استاذ أمجـد الكلام ده بالجد؟! قال لي بتاع العقل الباطن وانه بيصدق ويبدأ يتبرمج ده؟!..
هزيت ليهو بي راسي يعني اي..
كان قاعد في الكرسي جمبيي.. بس عدل الكرسي وقعد قصادي.. نزلت راسي وعاينت في الارض.. وبقى يشرح لي انه هو قرأ كتاب بتكلم عن الموضوع ده.. يعني اي حاجة انتي عايزاها كرريها كتير لحدي ما تبقى واقع..
.....
الحاجز الاعظم بيني وبين أمجـد اتشال للأبد.. اول مرة اعرف انه عنده قدرة رهيبة في انه يعدل مزاج ال زول القدامه ويحسن من حالته.. طريقة كلامه.. حتى لما يجي دوري وابدا اتكلم انا هو بيركز كانه انا اعظم واحدة في الدنيا.. بحس انه انا مهمة لما يركز ويحاول يعرف انا قاصدة شنو..
واحنا قاعدين جا مؤمن ومعاه فاطمة.. ناديت ليهم وقلت ليه اعرفك على اختي ومؤمن،،
فاطمة جات وعيونها متورمة من البكا،، وحالتها تحنن..
سلموا علينا.. قلت لي مؤمن ده أمجـد استاذي ومديري في الشغل الجديد.. وقلت لي أمجـد.. مؤمن صحفي مع فاطمة اختي فالجريدة.. مؤمن الاخ الروحي لبنات حواء،، فاطمة عاينت لمؤمن وابتسمت..
اتعرفوا على بعض وقعدنا نتكلم كتير.. الا فاطمة ساكتة وكالعادة مؤمن مركز معاها بس وكانه الدنيا فيها هم الاتنين❣️..
أمجد جاهو اتصال.. واستاذن مني.. قال حيجي راجع بكرا..
مؤمن مشى معاه برا ودخلنا انا وفاطمة المستشفى..
.....
مبسوط اني لاقيتك يا أستاذ مؤمن والله.. اهل معالي بشكروا فيك شديد..اتمنيت اني الاقيك من كلامهم عنك..
شكراً ليك والله انت انسان كويس يا حبيب..
اممم.. وانت خاطب فاطمة دي؟!..
ههه لسه ادعي لي انه كل حاجة في حياة فاطمة تتحسن عشان اقدر اخد خطوة زي دي..
وانت؟!..
انا شنو!!
يعني معالي وكده..
والله يا مؤمن اهو بحاول اخليها تنتبهه لي🤷‍♀️..
مؤمن ضحك وقال لي والله بنات حواء ديل ال بقع في غرامن الا يساهر الليل.. هههه..

ضحكنا الاتنين واتبادلنا الارقام.. أمجـد مشى وانا رجعت جوة..
#نتلاقهه

لو كانت قاعدة حترضى؟!..
ليلى بسرعة قالت لي يااااخ بركة اختك العيانة وامك ماف..
اتضايقت منها وقلت ليها انتي ما عندك رحمة وشوفي ليك واحدة تمشي معاك..

لفت وحاتني جابت لي تلفونها وورتني صورة الولد صاحب حبيها.. انا عيوني قعدت تعمل قلوب قلوب😭🤷‍♀️ ود سمح سماحة.. وهي شافتني فصلت بدت تزن في راسي..
قالت لي بديك فرصة لحدي بكرة تقرري اسمه غسان الود السمح ده.. عايني انتو جاين كيف غسان واسمهان😍🤭..
بصراحة بديت افكر..
طلعت منها جري عشان كانت بترغي..

مشيت على البيت والفكرة حتطق في راسي..والصورة ما عايزة تفارقني،🤷‍♀️.
بقيت بحسب ليوم بكرة بالدقيقة والثانية..
#نتلاقهه

بكرة دي بتكلفني كتير،، وعارفة انه الوضع ما بسمح لي افكر في حاجة زي دي اسي.. خصوصاً انه لينة لسه في المستشفى،، بس لينة بدت تتحسن،، وحترجع انت اللازم اخد اي خطوة تخليني ابدا اركز في قرايتي بدل كل مرة بحس انه لو انا عندي حبيب ولا صاحب حتى ح اقدر اقرا،،
'' باب الغرفة بدق براحة،، وانا عاملة نفسي بقرأ'' دي معالي.. جات تنطط.. اسمهاان اسمهاان تعالي اسمعي اخر الاخبار،، قالوا ليك لينة اتكلمت وحترجع البيت بعد يومين😭❣️❣️،، قمت حضنتها وقعدنا نبكي.. جات سارة ومعاها فاطمة وقلبناه بكا..
سارة طمنتنا انه لينة حتكون كويسة شديد وما ظنيت حتى انها تحتاج لي سفر برا وحتاخد كم شهر وترجع تمشي عادي✨✨..

اتلمينا كلنا في غرفة واحدة وقفلنا الابواب ونمنا وابوي وامي ومعاهم مؤمن في المستشفى..

....

عبدالله عبدالله.. انت نمت يا راجل!.. قوم طيب امشي المسجد خليني انا هنا مع لينة،،
لا لا انا صاحي يا حواءصحي نعسان بس اول مرة احس اني داير اخد ليي غفوة،، الهموم بدت شوية شوية تتلاشى،، تعبنا يا حواء تعبنا كتيير والبنات شافن عذاب الوان وانتي صبرتي معاي العمر كله،، انا ما كنت داير بناتي يتعذبن طلعت بيهن من بيت ابوي عشان شوفت الاهانة بي سبب وبدون سبب.. هاجرت بيهن من البلد كلها عشان ما يضوقن ربع ال ضوقناهو..
بستحمل اي حاجة الا فكرة افقد واحدة في البنات.. ديل حتة مني..

مسكت يد عبدالله وقلت ليهو ما تشيل الهم براك،، بناتنا ديل بقن جبل ما بنطلع ما تخاف.. وانسى الماضي ما بلحقنا تاني..
ياريتني ما جبت سيرة الماضي.. باب الغرفة اتفتح،، جات الممرضة قالت لينا أستاذ يا عبدالله في واحد عايز يشوفكم قال ده هو واقف برا..

ياريت الارض بلعتني قبل ما اشوف منو الفي الباب.. قاسم جاينا بي رجليهو.. جاي لاخوة بي رجليهو..
#نتلاقهه

#بنات_حواء
بقلم فاطمة محمد
-٢٧-

قبل ما نقول للممرضة خليهو يدخل قاسم جا بنفسه وقفل الباب.. وقف قدامنا بنفس الشكل الزمان نفس الملامح والجبروت.

بقينا مصدومين فجأة الماضي كله جا في بالي اتذكرت لما طردوني انا وعبدالله وبناتي صغار وش الصبح.. لما اتشاكلوا معاي كلهم نص الليل لما قالوا علي انا عيني فاضية وعايزة انهب قروشهم.. لما. بعايروني بي خلفة البنات..
الحصل شنو من سنين؟! ابوي ابو حواء حيلتي وانا وحيدتو.. قاسم وامو اتهموا بالسرقة وسجنوهو.. ابوي كان ماسك ليهم شغل المصنع بعد ما ابو عبدالله مات.. وكان عارف بلاوي وساترهم.. في اليوم نفسه ندموني العيشة في البيت معاهم.. وام عبدالله الحاجة امنة هجتمت علي وضربتني كف.. عمري كله بحاول انسى الظلم الحصل لي بس وقفة قاسم قدامي ذكرتني،، لما خيروا عبدالله يا اما يطلقني ويجدع لي بناتي يا اما يمشي معاي وما يشوف ورثه ولا يشوف وشهم..

انا مستحيل انسى..
احنا ساكتين قاسم اتكلم.. قال لسه يا عبدالله اخوي ما اتغيرت لسه مباري لي حواء كان احسن ليك تسمع كلامنا..على الاقل ما كان اسي انت بتشحد حق عملية بتك.. جابت ليك بنات هم.
عبدالله قال ليهو،، اطلع برا مسك يد قاسم من يده وطلعوا برا غرفة لينة وطلعت معاهو قفلنا الباب عشان لينة ما تصحى..

قال ليهو جاي ليه بعد السنين دي! جايني عشان تقول لي اني بشحد قروش؟! انا اشرف من اني اشحد.. عندي قروشي ال بتكفيني وبتكفي عيلتي قروش تعبي براي من سنين وبالحلال ما جبتها من قتل ولا مخدرات ولا رشوة.. ولا اكلت مال يتيم ولا نصبت.. يعني كل البلاوي ال عملتها انت انا بريء منها،، عارف بناتي ال بتقول عليهم هم ديل؟!.. اصغر واحدة فيهم دي اعقل منك..
بناتي ربيتهم على كل حاجة انت فاقدها.. عملتهن بالقليل بس كل واحدة ناجحة وانت عارف كده كويس.. اتحسر انت على عيالك..

قاسم في اللحظة دي كانه بقى مشلول وقال ليهو لو ربيت بناتك صح ما بتستخدمن عشان تنتقم مني يا عبدالله خليت واحدة بالغصب تجي صحفية عشان تكتب عني وتتشهر بي وراي.. تكتب عن عمها؟! هه دي تربيتك..

انا رديت ليهو.. قلت ليهو انت متخيل انه بناتي عارفين انه عندهم عم؟! ههه فاطمه الصفحية دي ال جهجهتك بدون ما تعرف انك عمها وخلتك تجي جاري وتفتش علينا مستشفى مستشفى عشان تجي ترتاجاها.. ما عارفة انك عمها ولا بهمها انت منو.. عارف ليه؟! عشان اترتب على كلمة الحق وانه تنصف المظلوم.. عكسك تماماً يا قاسم.. امشي امشي استغفر ربنا لذنوبك وخلينا في حالنا لا بينا لا بينك كلام.

قاسم قال لي.. لسه يا حواء ما اتغيرتي فصاحة ولسان طويل.. اهو ده السبب ال طلعك من الجنة زمان!
قلت ليهو جنة؟! جنتك انت وامك واخواتك!! دي اي جنة اللي الام فيها بتفرق بين اولادها واولاد اولادها؟! اي جنة دي ال بتخلي ام تخير ولدها انه يطلق مرتو ويرمي بناتو ولا يشوف وشهم؟! اي ام اللي كل ما اخوك يمشي ليها لحدي اخر شهر في السنة دي وبعد كل شي حصل ورغم الظلم السنين الفاتت دي كلها لسه بمشي ليها يطلب رضاها.. وهي لسه بتقول ليهو وشك ما دايراهو وما تجي تورث مني؟! امك لسه مفتكرة عبدالله كايس رضاها عشان المال.. دي ما جنة والله دي ما

جنة..

قاسم سكتني وقال لي بس بس بالله فاكراني ببكي؟! هاا اااحواء انا قاسم امي ليها حق تغضب عليهو.. غضب امي خلى بتكم قربت تموت ههه ما استسلمتوا؟!
قلت ليهو الجابك شنو داير مننا شنو؟! قول جيتنا ليه..

بقى يضحك واتحرك ناحية عبدالله.. ومسك ليهو في كتفه.. وهو ضاحك.. عبدالله نزل يد قاسم وقال ليهو بي نبرة حادة خلص سريع عايز شنو..

قال لينا جيت اعترف ليكم بي حاجة.. ههه ضميري عذبني الايام الفاتت.. بصراحة انا العملت الحادث لي بتكلم الصغيرونه دي ههه.. عارفين ليه ما عشانكم أبداً أبداً.. عشان الصحفية الشاطرة تتعلم درس انها ما تلعب مع الكبار.. اظن بتكون كلمتكم.. انا وريتها مش انتو مربينهم على الصراحة؟!..

....
في اللحظة دي أنا اتهزيت وحسيت الدنيا بتلف كلها وبقت طشااش لسه بسمع صوت اخوي ود امي وابوي وهو بقول انه السبب في حادث لينة.. صوته بس بقى في راسي.. لحدي ما اختفى كل شيء.. وشوية سمعت من بعيد صوت حواء ال ما بغباني بتنادي على عبدالله عبدالله اصحى.. بعدها ما شوفت..
،،،،،

حلوة لمتنا دي بس ناقصة لينة.. انا ما قادرة انوم عشان بفكر في الموضوع ال قالتو لي ليلى.. في حاجة بتقول لي كلمي فاطمة واحكي ليها.. فاطمة اكتر واحدة وقفت معاي لما امي دقتني اخر مرة.. وانا وعدتها اني احكي ليها اي حاجة تحصل لي.. وهي احسن صاحبة لي..
حاولت انوم..
صحيت بعد ساعتين تقريباً البنات كانو نايمين.. سارة تعبانة شديد من الشغل.. من يوم الحادث ما باتت في البيت.. ومعالي كمان نايمة اصلا من تجي من الجامعة بتجي جثة وبتنوم بس.. عاينت ما لقيت فاطمة..
قفلت الاوضة وطلعت افتش فيها.. لقيت نور الصالون فاتح.. مشيت عليهو.. لقيتها قاعدة حاضنة مخدة وشاردة بعيد..
جيتها وانا نعسانة قلت ليها فطوم مالك قاعدة هنا وما خايفة براك،، ارح نومي..
قالت لي اسمهان نومي انتي انا ما جايني نوم.. قالت ليها بس انتي ليك كم يوم ما بتنومي كده حتمرضي عايني شكلك بقى كيف..

بس كاني بتكلم مع حجر فاطمة عنيدة.. رفضت.. وانا زاتي النوم طار لي قلت ليها خلاص بقعد معاك لحدي ما انعس..
الساعة كانت 1 صباحاً.. قلت فرصة افتح معاها الموضوع.. قلت ليها فاطمة الحب حرام؟!..
عاينت لي باستغراب قالت لي غريبة تسالي سؤال زي ده في الوقت ده في حاجة يا اسمهان وانتي داساها مني؟!.. قلت ليها اي بس اول جاوبي..
قالت لي يا ستي الحب ما حرام دي حاجة بزرعها ربنا في قلوبنا بدون وعي بنلقى نفسنا بنحب والحب ما شرط يكون للحبيب مثلاً علاقة بنات حواء دي حب..
الحرام هو اننا نستغل اسم الحب ده في حاجات غلط وبتغضب ربنا..
كدي اول احكي لي في شنو..
حكيت ليها بالموضوع وبي غسان والصورة وليلى..
فاطمة عدلت قعدتها وقالت لي كويس انك جيتي كلمتيني والحمد لله اني كنت صاحية لحدي اسي..
شوفي يا اسمهان انا عارفة كويس انه في عمرك ده نفسك تتحبي وتعيشي المشاعر دي.. وعارفة انه قصص البنات صاحباتك ال قدامك حاجة نغرية شديد عشان تخليك تصممي تعملي زيهم.. بس كده غلط،، عارفة انه الحب ده رزق؟! يعني حاجة كاتبها ليك ربنا بتاخديها بتاخديها.. ما تجري تفتشيها من مكان لي مكان..
اسي انتي بتقدري تحكي لي امي انك ماشة تقابلي الولد ده في مكان الله اعلم وين؟! في عربية براكم؟! وبعد دوام المدرسة؟!
بسرعة قلت ليها لا طبعاً مستحيل اقول كده لامي ولا ابوي..
فاطمة قالت لي ليه طيب مستحيل؟!
قلت ليها عشان ما صح ال بعمل فيهو ده وعيب وحرام الاقي واحد بالطريقة دي.

قالت لي اها يا اسمهان كل حاجة بتخجلي تقوليها وبتضاريها من الناس فاا هي عيب وحرام وانتي لازم تبعدي منها..
قلت ليها معاك حق..
حضنتني وقالت لي بكرة يا حبيبتي تحبي وتتحبي ويجيك واحد يقيف قدام امي وابوي والدنيا كلها عشان حبك.. ما تستعجلي..
..
اتونسنا كتير بعدين انا نمت.. صحيت على صوت معالي قالت لي قومي اجهزي للمدرسة.. رغم اني كنت مساهرة امس بس حسيت بي فخر اني ما اخدت قرار ممكن اندم عليهو واستشرت فاطمة.. اول ما خشيت المدرسة جاتني ليلى قالت لي الليلة موعدنا يا حلوة..
وقفت بي شموخ بنات حواء ال بحبو وقلت ليها معليش يا بيبي ما عندنا مواعيد.. انسي اني اطلع معاك..
اهاا وقبل ما امشي شوفي يا ليلى صحبتك دي من الاخير كده ما بتلزمني لو شوفتيني ماشة في شارع ما تجي بي جنبو.. ما ناقصاك انا..

ومشيت على فصلي وانا مبسوطة من الخطوة دي..
#نتلاقهه

نت متاكدة انه الدكتور ما حيخليني اخش..
بس مشيت القاعة.. قبل ما اخش لقيت أمجـد قاعد قدام الباب وقفت متجمدة،،بعد شوية رجعت وعايزة امشي اقصد اهرب🤷‍♀️.. بس أمجـد لحقني وقال لي معالي اقيفي.. في شنو ومالك جارية كده؟! هو انا بخوف😂.
قلت ليهو لا لا وبقيت بتمتم.. قلت ليهو ااا بصراحة انا اتاخرت على المحاضرة ولازم اخش.. عن اذنك.
أمجـد مسكني من يدي وقال لي دقيقة يا معالي بالله عليك اديني فرصة💔.
سحبت يدي منه بسرعة وقلت ليه معليش يا استاذ انت متخيل اننا في الجامعة وانك استاذي لسه واني طالبة عندك وشغالة في مكتبك.. ده تصرف ما كويس منك.. لا المكان ولا الزمن مناسبين لنقاشات.
قال لي انا اسف بس انا لو ما قلت كلامي ما بتزحزح من هنا.. طيب ارح برا الجامعة،،والله ما بأذيك ولا بخطفك!.

كنت عايزة اتكلم.. قال لي ولا كلمة مش انا استاذك يلا قدامي..😂🤷‍♀️..
مشيتنا.. ركبنا العربية.. قال لي انا ح اسوق طوالي عشان ما تديني درس زي لما مسكت يدك😅على فكرة مسكتها بالغلط يعني..

نزلت راسي وانا بتبسم..

قال لي تحبي تمشي وين؟!
قلت ليهو ما بحب امشي مكان،، قعد يضحك قال لي يا ساااتر😂 ما بتحبي؟!
عاينت ليهو وقلت ليهو طلعات طلعااات ما بحب الطلعات.
قال لي مالك اسي بتكرري فيها هو انا قلت ليك تحبي؟!!
سكت.. تاني قال لي اها ما بتحبي شنو تاني؟!
قلت ليهو الكذب والخداع.. ما بحب المية وش!
قال لي لا تمام..
وما اتكلم تاني خالص..
مشينا كافيه.. قال لي اها يا معالي حنقعد في كافيه والناس ماشين وجاين🤷‍♀️.
قلت ليهو ليه انت بتقول لي كده اسي انا قلت ليك خاطفني؟!.
قال لي ما مهم تعالي نتفاهم جوة.. ما تخافي المكان فيه ناس كتار😂.
دخلنا قعدنا وانا اتلفت ساي يمين وشمال.. أمجـد اصلاً ما قال اي شيء بس بعاين لي..
قلت ليهو احنا جاين هنا ليه؟!.
قال لي جاين عشان انا من امس ما قادر اوصل ليك تلفونك مقفول يوم كامل ليه؟! وبعدين انتي ما جيتي المستشفى اعتبر ده هروب مني؟!.
قلت ليه لا انا طلعت بسرعة امس قبل المحاضرة ما تخلص،، وووو..
بعدين قطعت كلامي وقلت ليهو أمجـد انت بتعمل كل ده لشنو؟! عايز مني شنو؟!

أمجـد قال لي بحبك♥️
هزيت بي راسي كده نطام مستغربة من الاجابة..
واصل في كلامه وانا ساكتة وبعاين..
قال لي،، ما حصل لفتت انتباهي بت زي ما انتي عملتي،، متذكرة لما طردتك من المحاضرة؟! دي اول لحظة احس نفسي بحبك وعايز اشوفك انتي بس في الدنيا بغض النظر عن المحاضرة والناس.. وانتي ولا على بالك بتعايني لي كانك عمياء وما شايفة اني غرقان.

بس بحبك.. من غير كلام كتير!
انا ما من جواي ما مصدقة كل البحصل ده وعايزة اقول ليهو وانا بحبك.. بقيت خجلانة ومنزلة راسي..
بعدين اتذكرت كلام السكرتيرة في الشغل وانه خاطب..

وشي اتقلب وقلت ليهو دقيقة انت بتعلب يعني؟!  بتكذب ليه وانت خاطب على فكرة السكرتيرة كلمتني ماف داعي يعني..
قعد يضحك قال لي والله ولا خاطب ولا شيء.. هو اي زول يقول ليك حاجة عني تصدقيها؟! ولما انتي مهتمة كده ما تجيني انا🤭،، قعدت احلف ليهو يمين انها كلمتني براها وماف فايدة..
كنت بتكلم بحاول اثبت ليهو اني ما مهتمة وخاتة يدي في الطربيزة مسكها وقال لي عيني في عينك كده!؟.

بقيت خايفة ويدي تلج.. هو لسه بتكلم.. قال لي حواليني كتار أي بت شكل مختلف..
بس لو انا قادر اشوفهم ولا الاحظ وجودهم والله حكون كذاب.
انا ما عارف اقول ليك شنوو انا لي يومين بحهز في كلامي ليك بقيف في المرايا اعيد واكرر حفظت كل حاجة ما عرفت اقول ليك غير بحبك افهميها عليك الله ووافقي انك تكوني حلالي قدام الدنيا كلها.

جريت يدي منو وقلت ليهو انا ماشة البيت.. طبعاً ما حيخليني امشي وقال لي الا اسمع منك رد والا الناس ال قاعدين هنا ديل كلهم حيعرفوا اني بحبك..
قلت ليو لا خلاص.. انا كمان بحبك.🙊
قال ما سامع،، قلتها ليهو تاني😅،، قال لي لا قولي لي بحبك يا أمجد،،
قلت ليهو أمجد عليك الله بطل حركات المراهقة دي ما بقول ليك شيء،،
قال لي زي ما عذبتيني معاك شهور تعوضيني اسي قولي لي بحبك💁‍♀️..
قلت ليهو اوعدك ح اعوضك🙊✨،، ابستم لي يا لطيف😭❣️ وقال لي انا ال بوعدك انك تكوني ملكة براك في حياتي.. اوعدك ما اكذب عليك ولا اخدعك.. وتلاقيني معاك لحدي ما العمر يخلص،، اوعدك يا معالي اني احفظك واحميك وابقى ليك سند.
اول طلعة لي مع أمجـد واحنا رسمياً حبيب وحبيبته✨
..
#نتلاقهه

#بنات_حواء
بقلم فاطمة محمد
-٢٩-

شكلي نمت الصبح في الكرسي جنب لينة.. وما مشيت لي عبدالله تاني.. صحيت مخلوعة.. جريت على الغرفة حقتو.. لقيت مؤمن صاحي..
قال لي عمي كويس صحى واتكلم معاي.. بس نايم اسي شكله مرهق ممكن يطلع الليلة ما تخافي امشي انتي نومي وخليني معاهو لحدي ما سارة تجي..
قلت ليهو كتر خيرك يا مؤمن من امس ما نمت امشي بيتكم ارتاح سارة اسي بتجي..

قال لا لا كيفن يعني لازم واحد مننا يكون هنا وواحد مع لينة.. خالتي الله يخليك امشي لي لينة اسي ما تقلقي انا بمشي البيت تجي سارة بس.

..
كدة.
انا بعاين في عبدالله وهو بعاين فيني..
سارة قالت  لاخواتها  دقيقة انتي وهي..

مشت وقفت قدام عماتها وحبوبتها.. قالت ليهم انتو الجابكم شنو؟!

سامية جاتها جارية مسكتها قالت ليها مش انتي الدكتورة؟! انا شوفتك في الحوادث،، الجابك هنا شنو بتعرفيهم؟!
سارة نزلت يد عمتها براحة قالت ليها لو سمحتي ابعدي.. انا دكتورة سارة عبدالله.. سارة بت عبدالله وحواء.
لما انتي متذكرة موقف المستشفى والعجرفة ال كنتي فيها ليه ما اتذكرتي شكلي وانا صغيرة لما بتضربيني باي شيء قدامك.. انا كنت قدر ولدك ولسه متذكرة..
سارة اتلفت للبنات.. وهم مستغربين..
معالي قالت ليها ده شنو فهميني..
سارة قالت ليها حاضر بس دقيقة اعرفكم!..
دي فاطمة عبدالله صحفية عارفين طبعاً اكيد قريتوا مقال قاسم..
دي معالي عبدالله مهندسة مدنية سنتين وتتخرج بس شغالة في شركة..
دي اسمهان تالتة علمي..
ديل احنا بنات حواء.. بنات ديل عماتكم.. زمان متذكرة في واحدة فيهم ما مركزة انا مسكتني وقرصتني قالت لي حتطلعي فاشلة وعينك قوية،، حتطلعي زي امك🤷‍♀️.

مشيت على سارة قلت ليها يا بتي عيب كده ديل في بيتنا ما صح مننا،، مافي داعي للكلام ده يا سارة انتي كبيرة واوعى بناتي،،انا عارفة كويس انك طول السنين انتي الوحيدة المتذكرة اهلك وال عملوه.. بس الدنيا ما بتدوم واسي هم جاين يعتذروا..
سارة قالت لي اسفة يا امي ما عرفت اتصرف.. انا عن نفسي سارة دي عفيت ليهم كل شيء بس ما عايزة شيء يجمعنا بيهم..ومشت..

حاجة آمنة قالت للبنات تعالن اسم عليكن💔.. اي واحدة مدت يدها لي حبوبتها ومشت بسرعة..


عبدالله قال لامه معليش يا امي البنات ما اتقبلن الموضوع،، قالت ليهو ما مشكلة ياولدي.،،دخلت لي لينة سلمت عليها وحضنتها ما قالت ليها انا حبوبتك.. وتاني كررت لي اني اعفي منها..

انا حواء عفيت ليها حقي..
مشيت للبنات في الاوضة.. لقيتهم متجمعين واي  واحدة سارحة بعيد زي الميت ليهم ميت،،قعدت جمبهن.. انتظرت شوية جا عبدالله،، قعدنا في السرير معاهن..
سارة هي الوحيدة ال كانت معترضة،،قالت كيف يا امي وابوي الناس ديل ليهم عين يجوا تاني؟! بعد العمر ده كله يظهروا؟! فلم هندي ده ولا نسوا العملوهو فينا؟!،، عبدالله ساكت ما اتكلم.. قلت ليها يا سارة يا بتي افهميني في حاجات ما بنقدر نتخاطاها مهما طال الزمن زي صلة الرحم دي،، طيب انا اسي لو طردتك وبهدلتك وضربتك لما اكبر وأحتاج ليك بتخليني؟! بتشمتي في مرضي وتقولي لي امك تستاهلي ده حقي عليك؟!..
سارة قالت لي لا طبعاً مستحيل انتي امي..
قلت ليها بس ببساطة ابوك عمل نفس الشيء،، حبوبتك جات تطلب العفو وانا عفيت.. وهي رضيانة على ابوكم اسي.. عارفين انه من غير رضاها بمشي النار؟!..
انسوا انتوا زاتكم احنا طول السنين دي ما اتكلمنا عن الموضوع ده القصة تخصنا احنا ما تشيلونا فوق طاقتنا يا بنات حواء..

البنات اتقبلن الموضوع واي واحدة قامت على ابوها تبوسه في راسه وتعتذر♥️

مسحت دموعي وقلت ليهن..وانا المسكينة حواء دي ما عندي حضن؟! مشيت ليهم حضنتهم كلهم❣️.
#نتلاقهه

#بنات_حواء
بقلم فاطمة محمد
-٣٠-

'' مرحــباً بعـــد الكــثـير مــن الــوجــع.. لم تـــكُن حــكايــتـي أمراً خــيــالــيّ.. أنــجَبــتُ بــنات فقط.
حتى اليــوم أقــول أن بــناتـي أوطــانُ مــن الورد
كنت أستــنشـق عبــيرهُن كلما كَبــرن عام.. خمــسُ بنات والكثير من الأفـــراح''

بنات حواء..

عند فاطمة:

صباح الخير لنفسي بعد تعب ايام وسنين،، الحقيقة هو ما صباح الخير.. انا نمت لحدي الساعة 4 عصر،، كنت مرهقة شديد لاول مرة انوم بالطريقة دي.. مشيت استحميت واكلت بطريقة غريبة كنت جعانة شديد وعايزة اكل لسه.. بعد خلصت مشيت اتونست مع ناس امي،، كنت ناوية من الصباح امشي لي مؤمن بس اتاخرت في النومة.. جريت على تلفوني..
اتصلت ليهو..
رد لي بسرعة كانه كان منتظر تلفوني،،انا كنت مشتاقة ليهو،،بس طبعاً ما ح اقول كده خايفة من الحقيقة انه مؤمن ما عنده لي اي حاجة.. مع انه كل المواقف بتأكد عكس كلامي،،
المهم بعد رد قال لي أهلاً أهلاً بالصغيرونة،، قلت ليهو معليش يا مؤمن انا والله نمت تخيل صحيت قبل ساعة🤷‍♀️.. قال لي اهاا والساعة دي عملتي فيها شنو بكيتي الليلة؟!
قعدت اضحك بي صوت،، قلت ليهو ان شاء الله ماف بكا تاني♥️،، قال لي ضحكتك دي احلى موسيقى سمعتها عمري كله.. ما توقفي ضحك.

سكت✨.
هو اتدارك الموقف بسرعة وقال لي بكرا الصباح تعالي الجريدة عندي ليك اخبار سمحة..
قلت ليهو لا كلمني اسي،، قال لي يلا يا عنيدة امشي نومي يابت..

قفلت منه التلفون.. تاني يووم الصباح صحيت بالمنبه عشان امشي الجريدة..

وصلت الساعة 8صباحا،، قعدت في المكتب بما اني طولت،، بس منتظرة مؤمن يجي،،المرة دي هو اتاخر كتير شديد،، ساعة ساعتين تلاتة وخلاااص انا زهجت.. ما اتصلت ولا هو اتصل مع اني ح اموت بالقلق.. في النهاية غلبني اتصلت ليهو لكن ما رد🙄..
بعد اقل من 5 دقايق جا خاشي المكتب مشيت عليهو وبقيت اتكلم ما اديتو فرصة،