#منفايا_وموطني
بقلم بطبعي هادئة
-١٢-
مشيت ورا حسام لغاية العربية.. فتحها ركب شال كيس ونزل قال لي أول شي آسف عشان صرخت عليك بس بتجنيني تاني شي دي هديتك بتاعت النجاح شلتها قلت ليهو شكرا عايزة الف وامشي وقفني قال لي زعلانة قلت ليهو لا قال لي اامممم عايني لي عاينت ليهو كان في نور طاقي فيهو بقى جزو من وشو في الضلام وجزو تاني في النور قال لي ها يلا قولي م زعلانة قلت ليهو خلاص قلت قبل شوية قال لي انتي لو زعلتي مني انا والله ببقى م طبيعي لغاية م نتصالح🚶🏼‍♀️بقيت بعاين ليهو باستغراب قال لي المهم م تزعلي وخلي بالك من نفسك ارجعي لينا بسرعة يلا ارح ارجعك عشان انتي خوافة قفل العربية ومشينا علي مكان اهلي... انا قلت في سري حسام دا كل شوية بي وش شكلو مجنون ولا شنو ي ربي...
وصلت المكان حسام ودعهم وفات وانا قعدت تمينا أكلنا وقمنا لعبنا والعروس م قامت معانا اكيد بتتوحم قال
المهم خلصنا لغاية بعد العشاء مشينا أنا مشيت مع ناس خالتي قلت لي عمو تعال لي الجمعة
رجعنا البيت..
باقي الأيام م كان في شي مهم يذكر غير انو ناس خالو رجعو بيتهم وم في شي جديد يوم الجمعة نفس المرة الفاتت عمي صلى وجاني لكن المرة دي حضر الغدا معانا😂بعدها رجعنا البيت وبرضو خالتو سهير مافي قعدت شوية ومشيت سلمت علي خالتي سمية وحكيت ليها بالرحلة واتونسنا قالت لي خلاص انا بكرة بعمل ليك حفلتي قلت ليهو شبه القمر منتظراك🌚بعد 4 أيام من انا رجعت حتى خالتي سهير جات طول الأيام الفاتت دي عمي مبسوط منها شديد كل يوم تسوي الأكل تعرفو لينا حتى لقيمات لو عملت يعني مرة حبابة شديد♥️. لي جلابية عمي كوتها ليهو كان عندهم عقد ولد واحد صاحب ناس عمي أداني اكوي الجلابية م عرفت وغلبتني براحة اتسحبت رفعتها ليها كوتها لي🤣 عمي قال لي م شكلها مكوتك قلت ليهو أكيد مكوة خالتي سمية🤣 قال لي باين شغل زول متقن مش زي ناس كلفتة كدا عاينت ليهو وصريت بعد شوية فكينا الضحكة...
مرت الأيام عادي شديد ومملة كمان لمن بدا التقديم ومشيت مع عمي قدمت في مكان بتاع تقديم "قدمت السودان مختبرات ورويدة راجلها قدم ليها من البيت"..انتظرنا تاني لغاية م شالوني السودان مختبرات فعلا ورويدة فنون جميلة السودان برضو😼
نزلت السوق انا روويدة نجهز مستلزماتنا كلها م خلينا شي الغربيةة رويدة م كان عندها كرش قلت ليها وين حملك؟قالت لي هوي صدقتي انتي لسه والله م في شي قلت ليها يا حلوة ربنا يسعدك ان شاء الله يلا يلا..خلصنا كل حاجة وجميل كان متفق يرجع رويدة ودي حركة منو عشان يلاقيني😂فعلا اتلاقينا في مطعم أنا وهو وريدة اكلنا اكل فشينا مغصة الحوامة دي.. كنت كل دقيقة برفع راسي القى جميل يعاين لي ومرة يغمز لي ويبتسم فصلني😆
المهم قال لي يلا ارجعك البيت قلت ليهو بس قال م في بس يا دكتورة يلا ركبت علي مضض غايتو وخايفة من حسام خوف وصل حلتنا وصفت ليهو شارع قلت ليهو بس هنا قال لي لا بيتكم وين قلت ليهو لك...قال لي بيتكم وين وصفتو ليهو ولحسن حظي م في زول الشارع وقفت العربية نزلت كدا الباب فتح عمي وحسام جو طالعين جميل نزل سلم عليهم وقال ليهم انو ود خال رويدة عمي حلفو يقعد لكن أبى ساق رويدة ومشو..دخلنا انا وحسام وعمي...حسام قال لي " ما شاء الله بقيتي بت جامعة وكمان تطلعي وتنزلي علي كيفك ومع اي زول صح؟"عمي قال لي حسام عيب تقول كدا لي دعاء قال ليهو "يعني م شايفها راكبة مع زول غريب؟دا الاتفاق انها تجي بترحال؟انت ي أبوي ليه بتقيف في صفها وانت عارفها غلطانة كيف تجي مع راجل غريب؟ومنو ود خال صحبتها يا ابوي بدلعك دا ح تخربها وبكرة تجيب لينا مصيبة" حسام كان بتكلم ومندفع م شعرت بنفسي إلا وانا بضربو بنج علي صدرو وببكي شديد قلت ليهو انت قايل نفسك منو يا متخلف تتحكم فيني في الطلعة والنزلة وفي المرقة والدخلة لو انت قايل كل الناس م عندهم احترام زيك دي م مشكلتي انا انا عارفة حدودي وعارفة عمي وعارفة ديني كيف يعني اجيب ليكم مصيبة إنت قايلاني شنو يعني عشان جيت مع جميل عشان م أركب ترحال براي ح أبقى مذنبة؟يعني هسي اجي بي ترحال زول غريب وبراي ولا ولد خال صحبتي البعرفو؟؟... اطلع من حياتي ي حسام لو أبوي ميت عمي قاعد هو ولي أمري م انت م تتدخل فيني.. م عايزة اسمع اوامر منك أنا م دعاء الشافعة البتوديها علي كيفك فاهم انت؟؟!! دا كلو وانا بضرب فيهو ووببكي وعيوني مغمضة خلصت شلت كيسي ومشيت عرفتي قفلتها علي..

#منفايا_وموطني
بقلم بطبعي هادئة
-١٣-
طلعت قدمت رويدة راجلها نزل سلم علي قال لي ماشة نقدمك؟قلت ليهو اااا لا ياخ م مشكلة بمشي براي رويدة قالت لي انتي طبيعي في حالة اعتراض؟اركبي عليك الله م تعملي رقيقة وبتاع حدرت ليها وركبت طول الطريق لا رويدة اتكلمت لا راجلها اتكلم حسيت الاجواء متوترة بينهم قلت خلاص الطف الجو قلت ليهم ها يا جماعة متين ح أبقى خالتو؟؟ وريدة وراجلها كانو صبت فيهم موية صنو ساي حسيت نفسي قلت غلط سكت وقبلت راجلها قال لي ان شاء الله قريب وسكت فضلنا ساكتين لغاية م وصلوني نزلت قلت ليهم انزلو رويدة قالت لي تعبانين واليوم مرهق وكدا مرة تانية ان شاء الله وفاتو..استغربت واستعجبت..
عدت الأيام عادية ك اي برلوم طايش م فاهم حاجة😂.. جميل كان يوم ورا يومين بنط لي بقعد معاي ويتونس ويهظر مالي لي وقتي لي درجة م كان عندي لا صاحب لا صاحبة...يوم قاعدة في الكافتيريا باكل براي جاتني بت قالت لي ممكن أقعد قلت ليها اتفضلي قعدت قالت لي مالك يا زولة م بتصاحبينا ورافعة قزازك ولا بتصاحبي السناير بس🤣 قلت ليها لا انا اصلا م بدخل في الناس سرعة...سناير منو انا مصاحباهم؟قالت لي امممم الناس كلها تتكلم عن الولد الطالعة نازلة معاهو دا مش صحبك؟عرفت قصدها جميل قلت ليها اها ايوا صاحبي لكن م سنير دا اتخرج قالت لي اي عشان كدا مصاحباهو ومفترية علينا وبقت تنقنق وتتفسلف.. قلت ليها اسمعي بتعرفيني من وين عشان تقولي مفترية ولا لا انا قلت ليك م بدخل في الناس سرعة عايزة وقت.. بعدين الولد الطالعة نازلة معاهو دا بعرفو من فترة اوكيه؟وبعدين علي مزاجي اصاحب العايزاهو يا اخت م اظن في زول من حقو يجبرني اصاحب زول..قالت لي انتي مالك فرتي كدا بهظر معاك..قلت ليها اولا م من حقك تهظري معاي هظار بايخ وانتي م بتعرفيني ولا من حقك تاخدي فكرة اني مفترية وانتي م اتعاملتي معاي وكان علي كلام الدفعة انا م عندي شغلة بي اي واحد فيهم اوكيه؟وعشان حركات الشفع الفيكم دا انا م صاحبت واحد فيكم بعد تعقلو وتخلو الناس في حالها بعدين نتفاهم ويلا عن اذنك عندي مشوار ضروري وقمت منها خليتها تغلي...اسخف شي تكون دفعتك متخلفة ووفهمهم سطحي وعواليق..مشيت لفيت كدا بعيد عن قاعتنا وقت المحاضرة جا مشيت علي القاعة قعدت لقيت جزء كبير من ناس الدفعة بحدرو لي ساي م اهتميت بيهم اساسا...الدكتور جا ادانا المحاضرة في نهايةة المحاضرة قال لينا اعملو لي بحث عن الموضوع دا البحث دا ح يكون بي10 والميد بي10 كدا 20 اي زول م ح يكتب البحث دا ح ياخد صفر في الميد ولو مقفلو تمام؟يلا يوم الاحد القاهو هنا تنسى اسمك م تنسى تكتب البحث وفي ورق فلوسكاب واسمك كبير والعنوان كل م كان منظم ومفهوم بتاخد الفل مارك وتاني علي حسب شغلك....خلصت المحاضرة طلعت علي البيت طوالي "لسه م بعرف المواصلات بمشي بي ركشة و مرة عمي... مرة حسام وكدا"..
في نفس اليوم بالعصر ضربت لي رويدة اشوفها مالا من آخر مرة م شفتها م اتكلمنا.. ضربت تلفونها مقفول ضربت تلفونها مقفول..رسلت ليها رسائل نصية علي اساس لمن تفتح التلفون تشوفهم.. جميل اتصل علي وكلمتو بالبحث بتاع الدكتور وراني مواقع اجيب منها البحث وحاجات تفيدني كدا وحكيت ليهو كلام البت معاي قال اي غيرانين عشان م اديتهم وش ولا يهمك أنا مش بكفيك؟قلت ليهو جدا ولا عايزة غيرك زاتو😂.."انا وجميل اصحاب إسما لكن مرتبطين فعلا 🌚 يعني م بنقول مرتبطين بنقول اصحاب لكن تصرفات مرتبطين"
تاني يوم كان يوم جمعة ضربت لي أمل قالت لي يخسي تدخلي الجامعة وتفتري قلت ليها شنو ماسورة تفتري الفتحت دي😂والله ي امولة عارفة براك الجامعة وتعبها والله م بلقى وقت زاتو اتكلم بيهو واتونس ودي الحالة سنة أولى غايتو ربنا ييعين اتونست معاي قالت لي خالو ال في السعودية بسأل عنك ومرسل ليك قروش معانا تجي تبيتي تشيليها قلت ليها تمام ان شاء الله اديني اسلم علي الباقين أدتني سلمت عليهم كلهم وقلت ليهم بجيكم ان شاء الله يوم جمعة ودعتهم وقفلت...

#منفايا_وموطني
بقلم بطبعي هادئة
-١٤-
يوم السبت عديتو كلو في البحث اخلصت فيهو جدا...عمي جا قعد معاي وسالني من الجامعة واحوالي ولو عايزة شي أو كدا..حسام م عندي بيهو احتكاك اساسا ولا خالتو سهير برضو..خلصت البحث لقيت روحي فاضية اتذكرت رويدة ضربت ليها تاني كمان مقفول قلت الليلة البت دي إلا حاصل ليها شي كدي اسال جميل طوالي رسلت لي جميل في الواتساب"جميل كيفك...عاين انت رويدة دي مالا ليها كم يوم م بترد وتلفونها مقفول" قال لي والله م بعرف سامع امي بتتكلم مع امها قبل يومين لكن م قالو شي شكلها كويسة لكن م عايزة ازعاج مع راجلها😉 قلت ليهو ها بكون البت دي مجنونة اتونست معاهو كدا وقفلت منو لبست عباياتي مشيت لي خالتي سمية قعدت معاهم واتونسنا بعد شوية الباب دق فتحت لقيتو عمي قال لي بفتش فيك عشان تعملي لي قهوة بتقدري؟خالتو سمية سمعتو قالت ليهو بعمل ليك أنا يا حاج ودخلت المطبخ قال لي بعد تخلصي ارفعيها لي بفوق قلت ليهو شبه القمر وغمزت ليهو 😉 ضحك ومشى خالتي سمية سوت القهوة وادتني ليها شلتها ومشيت عليهو عديل لقيتو راقد أول م شافني قام قلت ليهو القومة لي ولا للقهوة! قال للشراب😂 قعدت جمبو كبيت ليهو القهوة شرب كدا قال لي الله ياخي قهوة ظابطة شديد قلت ليهو اممممم😉 قال لي يا بتي كدي اسمعيني انتي اعتبرك صحبتي اللحظة دي قلت ليهو سامعاك قال لي:
انا عرست خالتك سهير بعد ترشيح عماتي لي كانت زولة طيبة والله عرسنا وكانت مهتمة بي اي شي بخصني بخص البيت بخصها لغاية م ربنا اكرمنا بي حسام ملا علينا الدنيا وقربنا من بعض زيادة...وبعد امك اتوفت وجبتك أول فترة كانت بتعبرك بتها تاني ي بتي النسوان وسوسو ليها ملو ليها راسها سهير دي إتغيرت تغير كلامي م بتسمعو وبتكسرو اكل م بتعملو اي شي م بتعملو شايفة براك انتي واليوم كلو في التلفون كلمتها قلت ليها ي سهير بالطريقة دي بتخربي بيتك م تسمعي كلام النسوان خليك عاقلة زي م عرفتك رفضت تسمعني وواصلت في عنادها ووصلت كمان زادت بقت تعرف صوتها علي قدام أهلها مشيت مرة أجيبها من بيتها كوركت فيني قدام أهلها واعترضت م احترمتني طلقتها طلقة واحدة في مكانها داك...انا هسي يا بتي بعد قلت ليك الكلام وقلت ليك داير اعرس فيها مشكلة؟!؟ح تقولي لي ي عمي بقيت كبير عرس شنو صح؟ح اقول ليك أنا م داير اعرس عشان ارفه لي نفسي واتموضع انا داير اعرس عشان الاقي زولة تعمل لي حاجاتي الاساسية يعني انا زول سكري الفطور دا دايرو بدري والشاي والعصير والحاجات دي بعملها منو انتي ممكن صح؟ لكن ان طال الزمن ان قصر انتي بتعرسي وتمشي اها انا المسكين دا منو بمسكني؟ ياخي يوم سهير دي أخرت الفطور تقول قاصدة انا لمن هبطت جريت الدكان جري اكلت عشان م اقع ياخي معقول ي بتي!؟!...كلامي عمي دخلني في صدمة يعني م قايلاهو متأزم كدااا سكت ساي بستوعب في تصرفات خالتو سهير دي قلت لي عمي:والله ربنا قال منثى وثلاث ورباع يعني تعرس من حقككك انت بالجد عايز مراعاة وانا والله م بقصر معاك يا عمو لو عايز العرس دا زاتو بخلي عشانك اننت خليت كم حاجة عشاني يعني شنو لو قعدت معاك وم عرست ورعيتك!؟ انا م بقدر اقول ليك عرس خالتو سهير تقبل علينا هسي😂😭😂 لكن ي عمي أنا معاك في أي شي انت عايزو انت من حقك ترتاح والله يا عمو قال لي برتاح لو عرست قلت ليهو خلاص علي بركة الله وين العروس قال لي قاعدة قلت ليهو سمسم😉 قعد يضحك قال لي خلاص المووضوع سر لغاية م افاتحها اول وبعدين نشوف قلت ليهو سرك في بير يا حاج😉 قال لي قومي قومي علي قرايتك يلا ضحكت عليهو وقمت بقيت بفكر انو بالجد عمي محتاج زول يراعي ويهتم بيهو والله..
اها عدا اليوم في التفكير والخيال وبحصل شنو لو عرسو ...
لغاية نهاية اليوم صليت العشاء ودعيت لي عمي ورقدت نمت..

#منفايا_وموطني
بقلم بطبعي هادئة
-١٥-
تاني يوم كان الاحد صحيت عملت الشاي وشربت ختيت لي عمي وحسام لبست وشلت البحث ومشيت مشيت قاعدة كدا في مصطبة وخاته البحث في المصطبة جاتني بت قال لي يا اخت عليك الله تعالي نزلي معاي شنطتي الأولاد بتعاورو معاي جدعوها في الشجرة قلت ليها وانتي م تكلمي الأولاد ينزلوها قالت لي أكيد م ح يشتغلو بي قلت ليها المكان وين؟قالت لي قريب والله تعالي تعالي قلت خلاص اشيل تلفوني وقروشي بس ختيت شنطتي و البحث ومشيت معاهو لقيت شنطتها فعلا في شجرة جبت عود كبير ضربت الشنطة وقعت قلت ليها براك بتقدري تعملي كدا قالت لي شكرا شكرا ابتسمت ليها ورجعت مكاني أول م وصلت اتفأجات ليك بالبحث بتاعي مكبوب فيهو عصير واتبلا ووواقع في الأرض وشنطتي مششتهة في الأرض حاجاتها بقيت واقفة بعاين ليهم مخلوعة بعد استوعبت البحث ال ح يدوني فيهو صفر قعدت ابكي ألملم حاجات شنطتي وأبكي جميل ضرب لي رديت عليهو اتخلع لمن سمعني ببكي قلت ليهو البحث باقي ساعة ونص لي تسليمو قال لي هو كان عن شنو قلت ليهو عن..... قال لي جايك خليك في مكانا لملمت حاجاتي ومشيت مكانا ربع ساعة جميل جاني شايل فلوسكاب في يدو قعد قال لي يلا يلا انا بكتب النص انتي إيدي واعملي المقدمة والحاجات دي هاك هاك فعلا سرعة سرعة بديت أكتب كان بي سرعة لكن بي أقلام ملونة وبي إخلاص رغم اني كنت زعلانة لكن جميل فرحني🌚 ساكتين وبنكتب بس خط جميل قريب لي خطي بس كبير بقى بصغرو عشان يشبه حقي غايتو تعب تعب😂 المهم ساعة بالظبط خلصنا منو قلت ليهو بتتكلم معاك بعدين جريت جري ألقاهو عشان وقت التسليم قرب..قبل م ادخل ألقاها سمعت ناس بتكلمو " ههههه الليلة الاخت العاملة كبيرة وم بتصاحب صغار بدوها صفر (عرفتهم قاصدني طلعت تلفوني اسجل كلامهم)...يا زولة صفر ساييي صفر كبيرة نوريها الصغار بعملو شنو...غايتو يا هندوية خطة الشنطة ال في الشجرة سمحة يا بت.....انت عارف لو كان جبنا حنك غير دا م كان صدقتو البت دي مفتحة شديد...علي روحها يلا يا شباب المحاضرة قربت اقعدو اتفرجو علي البحصل" انا من القهر الدخل فيني قربت اقوم اكفتهم لكن قلت اتريس ساي عملت شهيق زفير ودخلت أول م دخلت قعد يتبسمو ساييي قلت م أبين ليهم حاجة قعدت كدا الدكتور جا قال يلا التسليم بالدور يلا ناس البيشن الاول ارح قامو كلهم ختو ورقهم ناس التاني يلا قامو كلهم وختو ورقهم التالت كنت فيهو انا قال لينا يلا هند نطت قالت ليهو في واحدة م عندها بحث رفع ليها حاجبو قالت ليهو ديك واشرت علي قال لي صح الكلام دا؟؟ قمت قلت ليهو يا دكتور عايزة اقول ليك كلامها صح البت ديك "اشرت علي القالت لي الشنطة بتاعي في الشجرة" قالت لي ارح معاي نجيب شنطتي مشيت وختيت البحث وم معاهو عصير ولا اي شي جيت لقيتو كدا "طلعت البحث القديم من شنطتي" قلت ليهو السؤال دي "اشرت علي عند كيف عرفت القصة وانا اساسا م كلمتها..إلا لو كان هي الكبت العصير لانو عندي معاها موقف وحقدت علي.. لكن انا اتصرفت بسرعة طلعت البحث الجديد اديتو ليهو شالو فتحو كدا قلبو يمين شمال كدا قال لي امممم تمام شديد وبالنسبه لي القصة بتاعتك عندك دليل؟قلت ليهو اي طلعت تلفوني وفتحت التسجيل "حركات الهنود بتجيب حقها بعد مرات" الدكتور بعد سمعو كلو قال لي عند انتي والمعاك منو سرعة قالت ليهو ي ي ي قال ليها قلت ليك سرعة اشرت علي المعاها قال ليها جيبو البحث شالو اوراقهم ومشو مسكها شرطها ليهم في وشهم قال ليهم يلا البحث صفر الميد صفر تبحو اديكم الفاينل صفر؟؟؟هند قعدت تبكي ومعاها بت الشنطة وكان في ولدين موقفهم بقى زبالة..قال ليهم انتو م في الاساس انتو في الجامعة دي شنو حركات الشفع دي؟تحبو نرجعكم الروضة تلعبو؟؟؟؟واتهزؤ شديد الدفعة دي اتمسخرت عليهم مسخرة طردهم وبدأ المحاضرة انا المحاضرة كلها اتبسم...بعد خلصت جريت جري لي جميل فرحانة حكيت ليهو القصة كلها قال لي والله شفع شديد عواليق يا زولة ولا تشتغلي بيهم كويس البحث سلمتيهو م تتكلمي معاهو تاني وارح نفطر مشيت فطرت معاهو لقيت ناس هند يحمرو لي وأساسا عيونهم محمرة من البكا😂جميل بعد فطرنا قعد شوية ومشى انا قعدت تميت محاضراتي ورجعت البيت "محرمة علي جميل يوصلني"
رجعت حكيت لي عمي القصة لكن م حكيت جزء جميل دا🌚
اها عمي قال لي بفاتح سمية قريب إن شاء الله قلت ليهو كويس بالتوفيق ي رب قال لي كلمت حسام م اعترض قلت ليهو م من حقو زاتو المهم انت بس فتش مكان راحتك يا عمو قال لي ان شاء الله
عدا الاسبوع لغاية يوم الخميس مشيت لي ناس خالتو قعدت معاهو الجمعة والسبت بالعصر رجعت عشان اجهز حاجات الجامعة...
يوم الاحد مشيت الجامعة وجيت لقيت عمي قال لي بعدين ماشي أكلم. سمية قلت ليهو كويسسس يا عمو ايويويويويييي قال لي هسس هسسس هسي سهير تجي من بيت ناس امها ضحكتا ومشيت.. منتظرين بعدين عشان عمي يكلم خالتي سمية

#منفايا_وموطني
بقلم بطبعي هادئة
-١٦-
بعد المغرب عمي مشى لي خالتو سمية قال ليها عايز اقول ليك كلام ان شاء الله لكن وقفتنا غلط ودخول البيت غلط عشان كدا بكرة بجيك ونمشي مكان بتاع شاي طرفي كدا نتفاهم قالت ليهو عديلة يا حاج ودخلت عمي جا راجع قلت ليها اها اها وافقت؟قال لي م كلمتها الوقت ووقفتنا في الشارع م مناسبين وعارفة فهم ناس الحلة قلت ليهو اها صح ح تطلعو ولا شنو؟قال لي اي بكرة ان شاء الله وتمشي معانا انتي قلت ليهو خير استخير يا عمي قال لي استخرت وتاني بستخير قاعدين كدا دي خالتو سهير ضربت قالت ليهو عايزة تقعد مع ناس أمي يومين تاني قال ليها ومن متين بقيتي تاخدي اذني م بتطلعي وترجعي علي كيفك قالت ليهو تمام بس حبيت اكلمك وقفلت...قال لي مقلقلة من احترامي شديد قلت ليهو ربنا يهون والله حمد لله ...
تميت باقي اليوم بتونس مع جميل وبالي مشغول مع عمي ومع رويدة ال م ظهرت بي جهة تانية.. لغاية م فاجأني جميل انو عايز يخطبني قلت ليهو كيف كيف يعني؟قال يا زولة انا صغير ولا شافع بتكلم معاك ليه انتي قايلة م هو عشان نتعرف ونعرس قلت ليهو بس انا صغيرة لسه وبعدين انت لسه م كونت نفسك قال لي انتي م صغيرة رويدة هدي معرسة بعدين انا قلت ليك خطوبة ساي بالنسبة لي سنة بالكتير بكون جهزت ...هسي انا عايز أعمل خطوة بس عشان احجزك وكدا قلت ليهو لكن قال لي م عندك غير لكن لكن فكري استخيري استشيري بعدين قولي لكن قلت ليهو ان شاء الله طيب يلا عن اذنك وقفلت...كلامي مع جميل لخبطني زيادة م انكر اني عايزة جميل من جواي لكن م بقدر اعرس في عمري الصغير دا و لسه م اتخرجت وقدامي حياة لسه وكلام كتير في راسي قطع حبل افكاري اتصال من رويدة سرعة رديت عليها قلت ليها رويدة بسم الله خلعتيني مالك يختي عرستي وافتريتي لا بتجي جامعة لا بتقولي لا بتسألي لا هناي يعني بتبالغي سالت منك جميل قال لي كويسة اظنها قالت اديني فرصة اقول و يا ستي انا كويسة علي فكرة بس جمدت السنة ومشيت قعدت مع حببوبتي في البلد شوية كدا اغير جو ان شاء الله بجي نازلة مع البرالمة كلام رويدة وقع فيني زي الصاقعة قلت ليها رويدة قلتي شنو؟جمدتي؟انتي متين نزلتتييي عشان تجممممدي رويدة قرايتك أهم من راجلك الطاقانا بيهو دا تخيلي هسي تتطلقي لا قدر الله بتمشي وين قولي لي؟بتلعبي بي قرايتك كدا ليه؟تجمدي من أول سنة عشان تغيري جو؟رويدة انتي مجنونة اتكلمي افتحي خشمك قولي كنت بتكلم بنبرة عالية اظن رويدة بقت تبكي قالت لي م من حقك تتكلمي كدا م بتعرفي ظروف الناس انتي م بتعلمي الغيب انتي صح بتتكلمي ساي ليه؟وانتي م بتعرفي مصلحتي اكتر مني كانت بتبكي وقفلت الخط فيني بعد قفلت انا زاتي بكيت ليه م بعرف ببكي كدا الباب دق قلت منو قال لي حسام ختيت طرحتي وطلعت ليهوو عيوني ورامة اتخلع لمن شافني قال لي بسم الله مالك يا بت بتبكي مجرد م قال كدا انا تاني بكيت حسام بقى واقف محتار خت يدو علي راسي قال لي خلاص معليش عايزة حلاوة ولا شنو صرصت ليهو وانا ببكي قال لي تخوفي والله كدي شكلك منفسنة البسي عبايتك وارح لبست سرعة غسلت وشي وطلعت معاهو "كان الوقت ليل والشارع شبه فاضي" بقينا ماشين قال لي اتكلمي فضفضي سامعاك طوالي حكيت ليهو بالحصل مع رويدة قال لي اامممم صراحة اني زودتيها يعني كان تتكلمي براحة معاها كل شئ بالذوق والصوت الواطي بتتحل امكن عندها سبب مقنع لمن قال كدا انا اتقهرت منوو زيادة قلت ليهو يعني انت بتعرف الصوت الواطي والاسباب المقنعة م طول عمرك بتتكلم معاي بصوت عالي بدون م تسمعني ومشيت منو سرعة مسك يدي جراني عليهو بقيت قريبة منو شديد بقينا واقفين بنعاين لي بعض بس وقربين من بعض بزيادة قال لي من يومي جيتنا انا شايفك بتي عشان كدا اي شي بحصل ليك أنا م بفكر أساسا أنا بتصرف بس عشان والله خوفي عليك اكبر من خوفي من اي شي فاهمة م تفتكري البعملو ليك دا عشان في كره ولا شي لا انا يعمل كل دا عشان اااااا وسكت بقيت بعاين ليهو قلت ليهو عشان انا أختك صح ؟وانت اخوي الكبير خلاص يا حسام اتكلم معاي براحة الصوت العالي بزهجني وبزعلني اتعامل معاي كأني شافعةة ياخي ممكن عليك الله وبطل تظن فيني حاجات م ياها انت بتعرفني كويس م تتهمني قال لي طيب آسف يلا نرجع وانحنا راجعين حسام م اتكلم معاي خالص... لقينا عمي واقف منتظرنا قال لينا خوفتوني قلنا ليهو بنتمشي عمي قال لي بكرة م تنسي قال ليهو سمح مشيت رقدت نمت طوالي م عندي حيل لي اي شي تاني يوم قمت زهجانة بعد خلصت حاجاتي رسلت لي رويدة رسالة طويلة اعتذر ليها قلت ليها كل صراخي عليك دا عشان انا بخاف عليك والله يا رويدة انا بحبك زي م بحب عمي واهلي عشان كدا مصلحتك مصلحتي وضياعك ضياعي اسفة م كان قصدي ازعلك وكلام كتير...

#منفايا_وموطني
بقلم بطبعي هادئة
-١٧-
خالتي سمية قالت ليهو اتكلم يا حاج خوفتني قال ليها من الاخر بدون لف انا بريدك خالتو سممية دي شهقت قالت ليهو سجمي كيف الكلام دا كيفن يعني بتريدني وانا مرة كبيرة كداا اجي وب علي دا كيفن يعني سجمي
عمي قال ليها ومالو ي سمية الحب م ليهو علاقة بالعمر ولا ليهو علاقة بالشكل اي نعم نحنا بنكبر لكن قلوبنا دي م بتكبر والله انا دايراك بالحلال خالتي سمية دي عيونها قدر الفنجان قالت ليهو وب علي داير تخليني اخرب بيتك وب وب سجمي بري والله انا م ربوني علي كدا وكر علي بري م بشيل حق الناس بري ي حاج م بقدر م بقدر قال ليها سمية يعني السيدة عائشة خربت بيت السيدة خديجة؟يا سمية حكمي عقلك الله محلل 4 نحنا يعني م عيب اعرس اتنين صح؟بعدين بيتي م خربتي انتي خربتو ستو زاتها والله يا سمية انا متوسم فيك الخير واحتراامك لي بالدنيا يا سمية عشان كدا اخترتك الراجل عايز شنو اكتر من واحدة تحترمو في وجودو وفي غيابو ها يا سمية شنو قولك؟ انتي م تردي هسي استخيري أول وفكري ويا سمية وربنا العالم بحالي دا انا دايراك...غايتو أنا من بعيد شايفة خالتي سمية وشها حمر من الخجل😂حلوين شديد غايتو خلصت الجلسة علي انو سمية تفكر وترد علي عمي أنا بعد الموقف دا حبيت العرس قلت مالو اعرس انا كمان لكن اخلي جميل يتعهد يخليني اقرا واخلص قرايتي كلها وكنت مبسوطة بالقرار دا شديد♥️
.عدت الأيام عادي ولسه خالتي سمية بتفكر وانا ورويدة اتصافينا وانا وجميل شبه اتفقنا علي كل شئ وجميل م اعترض علي قرايتي قررنا بعد سمستر ون يخلص نخطب وبقينا انا وجميل مرتبطين 😂♥️ اما حسام من اخر موقف بقى م بتكلم معاي كتير ولا بصرخ علي شبه طلع من حياتي يعني كنت مبسوطة ولا برضو
خالتي سهير رجعت بيتها والمرة دي جاية بفهم الحوامة تحوم ساي ساي عمي زاتو قنع منها ومنتظر رد سمية شلة ناس هند بعدو عني لكن قطيعة شديد🤣خلص سمستر ون وجا يوم جميل يلاقي عمي 🚶🏼‍♀️كلمت عمي انو في واحد عايزني عمي دا ربع ساعة بتسوعب كلامي قال لي من وين وكيف ومتين وشنو قلت ليهو ولد خالة صحبتي داك بس يا عمي شافني في عرسهم وفي الجامعة كان جاي لي اصاحبو عشان كدا بقرا هناك قال ح يجيك عمي وشو جاب اللوان قال لي خلاص يوم الجمعة فاضي قلت ليهو كويس بكلمو وبوست عمي وجريت كلمت جميل وكلمت خالاتي عشان يكلمو خيلاني لكن عمي طلع حقاني وزول فاهم وكلم خيلاني كمان.... حسام لمن عرف قال لي ابوه كيف توافق ليها؟البت دي لسه صغيرة داير تجدعها لي واحد ساي عمي قال ليهو بعد نعرفو بنقرر حسام جاني قال لي انتي موافقة عليهو؟قلت ليهو شديد قال لي بتعرفيهو كويس الأولاد ديلب
بمثلو ومخادعيين علي فكرة وبقى يديني محاضرة بعد خلص قلت ليهو شكرا علي خوفك بس انا كبيرة بعرف مصلحتي عاين لي بنظرات غريبة شديد قال لي ربنا يتم ليكم ومشا!..
اها يوم الخميس خالاتي جو ويوم الجمعة جميل مع ابوه وخالو وعمو جو عملنا ليهم عشا م خمج🔥🔥قعدو مع خالي وحسام وعمي اتضح انو ابووه لجميل كان صاحب جدو أبو خالي وامي وكان صدفة في صالحنا😂♥️حسام طول الوقت بحدر لي جميل..
عمي قال ليهم نفكر ونديكم الاكيدة ان شاء الله اها مشو عمي طوالي طلع اتصل علي كم نفر سألهم من جميل شكروه ليهم...عمي سالني قال لي استخيري ووريني رايك قلت ليهو كويسسس بعد يومين مشيت لي عمي قلت ليهو موافقة "لا استخرت لا حاجة" قال علي بكرة الله

#منفايا_وموطني
بقلم بطبعي هادئة
-١٨-
"ح اكركم في الأحداث الجاية عشان باقي حاجات كتيرة"

عمي كلم أبو جميل وحددو يوم الخطوبة قبل آخر اسبوع من الجامعة.. ساقوني ناس أمل أقعد معاهم نظام اتحبس وكدا قالو لي اصغرنا تعرسي قبلينا😂 قلت ليهم نصيب بس..رويدة بعد عرفت قالت لي دعاء اوعك تستعجلي في العرس اوعك قرايتك م تفرطي فيها م في زول بستاهل وبقت تديني مواعظ قلت ليها سبحان الله العرس غيرك😂متين بتدي مواعظ قالت لي هه الحياة بتغير المهم يا زولة مبروك قلت ليها مبروك بالتلفون م بتنفع لو م جيتي قالت لي بحاول والله قفلنا علي كدا مرة الاسبوع محبوسة وكل يومي حبي لي جميل بزيد ياخي الولد دا بفصلني كيف😆 لغاية يوم الخطوبة كنت مصصمة البس في بيتنا زاتو فعلا جبنا حنانة في البيت رسمت لينا قريب المغرب كدا ااتلبسنا عملت لي الميك اب أمنية لانها درعة فيهو المهم جو اهل جميل واتعشو ولبسنا الدبل وعمي وحسام وشهم قالب شديد المهم كانت خطوبة حلوة شديد ورويدة م جات ... مشيت اتكلمت مع عمي قلت ليهو زعلان مني؟ قال لي لا والله لكن كان نفسي اعرس ليك بعد تخلصي م كنت داير امشيك مني من هسي قلت ليهو عمو انا خطبت يدوب بيته لمن جميل يخلص بيتو بكون لسسهة قال لي حمد لله يا بتي انتي بس تكوني فرحانة لو جميل عمل اي شي قولي لي قلت ليهو جميل حنين معاي م تخاف طمنتو ومشيت منو🚶🏼‍♀️ جميل بعد الخطوبة غزلو بقى اكتر😆
"نتيجة سمستر ون طلعت كانت نضيفة حمد لله"
نزلنا سمستر 2 كان نزلت بدبلتي بنات الدفعة يموتو ويعرفو الشمار أصلو م اديت واحدة فرصة تتكلم معاي..يومي كلو يا في محاضرة ي بقرا يا مع جميل م كان في شي يذكر لغاية م في يوم نص السمستر قاعدة كدا جاتني بت رفعت راسي عاينت ليها قلت ليها رويدة؟؟؟؟م بصدق طوالي ضميتها شديد وبقيت ابكي قالت لي بايرة وبكاية هي صحي مبروك يا قلبي مبروك قلت ليها غبية م جيتي ليه رويدة سرحت بعيد قالت لي ظروف عاينت ليها لقيتها باهتة كدا قلت ليها هوي انتي مالك باهتة كدا حامل؟؟لا حنه لا دخان لا اي شي..قالت لي دعاء كلامك بقى كتير ارح نقعد عندك محاضرة قلت ليها لا ارح ارح مشينا كافتيريا...

___________
من جانب عمي وخالتو سمية
_اها يا سمية انتي لسه م وافقتي؟
:يا حاج والله طلبك صعب عشان كدا محتاجة افكر شديد انا م دايرة اخرب علي مرتك.
_يا سمية م في خراب والله انتي لو عرفتي قاعد كيف مع مرتي براك بتقولي لي تعال اعرسك.
:خلاص يا حاج علي بكرة الله استيخر واديك راي بكرة ان شاء الله
_حني علي سمح علي بكرة الله

______________
قعدت مع رويدة وأنا بتكلم والغلغ واسأل فيها فجأة بدون مقدمات رويدة قالت لي دعاء ارحمي نفسك من الاسألة انا اتطلقت..

#منفايا_وموطني
بقلم بطبعي هادئة
-١٩-
قلت لي رويدة عيدي كلامك تاني كدي!!!قالت لي قلت ليك اتطلقت يعني عرس بح لقتني مبحلقة فيها ساي قالت لي والله يا ديدي عرست وسافرت وكان أحلى راجل من جينا هنا اهلو إشتغلونا م بقيتو تلاتة م بقيتو تلاتة!!؟يعني كرهوني الحياة قلت م مشكلة بقو يحرشو علي ومشاكل تخيلي مشاكل وانا م تميت سنة المهم تتذكري يوم جيتك هنا وجا وصلنا بس مشينا فصحنا واتضح انو عندي مشاكل وكدا لمن بالعلاجات بتروح المهم بعد تعبت من راجلي البسمع كلام النسوان دا وتعبت من اهلو اتطلقت بس ولا إتعالجت معاهو حمد لله عشان م في شي يربطني بيهو .. نفسياتي اتحطمت شديد م حبيت اكلمك بي خيبتي دي عشان متذكرة لمن انتي بتقولي لي القراية المهم مشيت قضيت عدتي في البلد مع حبوبة كنت جثة بتاكل علي فكرة يلا عندهم مرة كدا بتعمل تطريز وكورشي كانت بتجي لي نسوان الحلة تعملهم كانت بتجي في بيت ناس حبوبة عشان حوشهم كبير والنسوان بجو ف بس كان حياة كل مرة أصعب من التانية والله لمن هانت علي مصيبتي وحمدت الله اني لسه في بداية حياتي اتعلمت معاهم يا زولة وبقيت بيرفكت وهسي مسافة السمستر التاني ينتهي وكدا بكون خلصت الكورس الهسي عايزة ادخلو بتاع تصميم أزياء دا وبس بنزل مع البرالمة وح تشوفو رويدة تانية😼👏🏻 قمت من مكاني مشيت علي رويدة ضميتها قلت ليها بس م عارفة أعمل شنو ولا اقول شنو انا مصدومة والله ربنا يعينك يا رويدة ويوفقك قالت لي ادعي لي بالتوفيق الكبير شديد ويلا يلا عندي شغل... ودعتني ومشت
رويدة خلتني أضرب اخماس في اسداس لمن فكرت افسخ خطوبتي من جميل كنت خايفة من الطلاق" لكن قلت جميل قال لي بتقري خلاص م في داعي أخاف لكن هسي لو جميل خرخر ونط من كلامو وم قريت؟؟لا ياخي م بنط لو نط بخلي عمي يكلمو طيب لو م رضى؟؟بطلق لكن انا اساسا م بعرس لو م خلصت...قطع تفكيري اتصال جميل اختصرتو سرعة سرعة وخلصت يومي ورجعت البيت اليوم كلو افكر
العصر كدا مشيت لي خالتي سمية اتونست معاها عرفت انها لسه م قررت شي بموضوع عمي..
عدت الأيام وريدة نزلت كورس التصميم دا وخالتو سمية تفكر وعمي منتظر وانا أمشي الجامعة واجي لا بلاقي حسام كتير لا أمو البقت تقع يوم في البيت و6 ايام مع ناس امها ف شغل البيت كلو بقى علي وخالتي سمية م بتقصر أكيد
اها يوم مشيت الجامعة كالعادة بعد طلعت الفطور لقيت جميل قاعد منتظرني سلمت عليهو وقعدت قال لي خبر حلو شديد عشان كدا قلت إلا أجيك قلت ليهو احكي قال لي بيتي خلص🔥 قصدي بيتنا قلت ليهو بيت شنو دا؟قال لي بيت عديل بيتنا يعني عرسنا قرب طقيت ليهو التربيزة قلت ليهو لا م فيي عرس قرب انا لو م شلت شهادتي م بعرس اوكيه؟؟؟قال لي بسم الله اقعدي مالو لو عرستي وواصلتي قرايتك؟قلت ليهو بل انتو الأولاد م مضمونين هسي تعرسني وبكرة تحميني القراية والشغل صححح؟؟؟قال لي لا والله العظيم تقري وتتخرجي وتشتغلي واساعدك وأعمل ليك العايزاهو انا عندي كم دعاء؟؟؟ قلت ليهو كلام ناعم م عايزة انا م بقدر اعرس لو طلعت شهادة علي الاقل اضمن روحي لو اتطلقت قال لي شنو هو طلاق طلاق طلاق م في زول بطلق روحو دعاء انتي الهوا ال انا بتنفسو اطلقك كيف وبي ياتو عقل وياتو قلب ال ببعد عنك دا؟؟ فصلني فصلني😆سكت ساي قال لي حبيبتي اسمعيني لمن قال حبيبتي دي كانو طقتني كهرباء فصلني😆 قال لي والله العظيم تقري وتشتغلي م بحميك وطلاق دا تشيلي من راسك م عندي شي اسمو طلاق وبعدين والله انا بقيت م قادر أقعد بعيد عنك لازم اعرسك خلاص ياخي م قادر ممكن تقبلي تعرسي العبد الضعيف دا؟... جميل فضل نص ساعة بحنك فيني قال لي دعاء عايني لي عاينت ليهو قال لي بحبك♥️

#منفايا_وموطني
بقلم بطبعي هادئة
-٢٠-
جميل قال لي عايني لي عاينت ليهو قال لي بحبك طبعا مش فصلت بس انا هبطت عديل😆 جميل واصل حنكو واقناعو وحقيقي أقنعني قلت ليهو بس بعد اخلص تانية دي كلهااا قال لي انت تؤمر يا حبيبي ف ص ل ن ي😆 المهم بقيت موافقة علي العرس وبرضو خايفة..
خالتي سمية من بعد تفكير قررت انها توافق علي عمي ..مشيت كلمتو انها مواقفة وكدا عمي طوالي مشا لي اهلها في الولايات يخطبها....
رويدة مواصلة في كورسها وشغالة تطريز في البيت وتسوي وتبيع الجيران وتعرض في الفيس...انا خلصت سمستر 2 وامتحنت واجزت..
اها يوم عمي ماشي لي اهل خالتو سمية دا كان يوم جمعة ساق صحبو ومشى انا قعدت في البيت مع حسام كل زول في مكان قاعدين كدا للعصر حسام جاهو تلفون قام زي الطلقة جرى حفيان بتذكر بعد وصل الباب إتذكر رجع لبس سفنجتو وجرى خالاني محتارة قلت دا جن قعدت لغاية المغرب حسام م جا ولا همي بقيت قاعدة وخايفة قفلت الأبواب علي وقعدت ..الباب دقا قلت منو قال لي انا حسام بصوت تعبان شديد فتحت الباب شفت حسام واقف وحالتو بالبلاء لمن قلبي قطع عيونو محمرة وواقعة وشعرو منكش أول م فتحت مسك يدي وقعد في الأرض علي ركبتو خت يدي في وشو وبقى يبكي!اي ببكي وكان ماسك يدي قوي خلعني ووخوفني قلت ليهو حسام مالك؟؟ قال لي دعاء أبوي من قال أبوي دموعي جرو حسام بقى يقول لي أبوي أبوي ويسكت انا بعاين ليهو وببكي وهو يقول لي أبوي بقيت يهز فيهو بهسترية قلت ليهو حسامممم ابوييي مالو عمي مالووو يا حسام عمي مالووووو قال لي عمل حادث انا الجملة دي خلتني لا في السماء لا في الأرض قاعدة أعاين لي حسام ودموعي شلال شلال بسسسس قلت ليهو وححح حصل لي ليهو شن شن شنوو؟ قال لي في العناية يمكن م يقوم كل كلمة من حسام كانت بتعادل موتي ..بقيت بضرب في حسام قلت ليهو حسام م تقول كدا ح يقوم يعني ح يقوم م تقول كدا م تقول واضرب فيهو حسام فك يدي وقام غسل وشو وجاني قال لي بكرة بوديك ليهو قلت ليهو لا هسي هسي يا حسام ابكي واضرب وشي قال لي م بتسفيدي شي م في زيارة هسي قلت ليهو لا يا حسام هسي هسي قلت ليككككككك وجري قلعت طرحتي ولبست عباية وجري ركبت لي حسام في العربية قال لي انزلي م في طريقة هسي قلت ليهو حساااااام م بعرف م نازلة ودموعي أبو يقيفو حسام مسكني من يدي وجراني من العربية جيت مترمية علي صدرو فضلت بالوضع دا وأبكي وراسي علي صدرو حسام همس لي هسس تعالي مسكني من يدي ودخلني لي غرفتي قالل لي ارقدي رقدت قشقش لي دموعي قال لي ادعي م تبكي طيب انا م بعرف بواسو كيف لكن ادعي طيب؟ وطلع مني قعدت اتقلب الليل كلو وادعي تاني قلت اخير اصلي ساي مشيت الحوش اتوضى لقيت حسام قاعد بصلي أتوضيت وصليت وراهو بعد خلصنا مشيت قعدت في سرير كدا في الحوش وختيت راسي في الحيطة ورفعت رجولي فوق حسام جا خت مصلايتو وقعد تحت جمبي الساعة 2 مشت و3 مشت وانحنا صاحينا..شوية كدا انا شالتني نومة صحيت لقيت روحي في سريري ومتغطية صحيت جري علي غرفة حسام لقيتو قاعد سويت حاجاتي سسرعة سرعة سويت الشاي شربت ووديت لي حسام قلت ليهو ارح قال لي طيب قبل م امشي كلمت خالتي سمية اتجرست جرسة..

#منفايا_وموطني
بقلم بطبعي هادئة
-٢١-
خالتي سمية متجرسة وحاسة نفسها هي السبب عشان الحادث عشان ماشي يخطبها بقيت تبكي وتستغفر قالت لينا ماشة معاكم ..فعلا مشينا كلنا كان عمي في العناية صحبو م حصل ليهو شي بس جروح وشنو وشنو وشفتا صحبو وقعدنا منتظرين عمي ومنتظرين وقت الزيارة خلص طردونا حسام ساقنا كافتيريا قريبة من المستشفى اكلنا ولسه منتظرين لغاية العصر حسام رجعنا البيت وخلا خالتي سمية تبيت معاي عشان هو ح يتأخر.. فضلنا اسبوع نمشي ونجي وعمي دا م منو حركة واانا توتري زايد كل يوم واخلاقي ضاقت وفصلتها من جميل وبعد دا كل يوم بتصل علي ويتطمن علي عمي ومشى المستشفى وريدة قعدت مع عمي خالتي سهير جات وم بتسوي اي شي تمشي المستشفى تجي بعد الفطور البيت ترقد تمشي ليهو العصر وتجي بعد المغرب وبس واهل امي م قصرو معانا ولا خالتي سمية برضو ...بعد اسبوع حسام كان في المستشفى ونحنا في البيت حسام ضرب قال لي أبوي فتححح فتحح اقسم بالله واتكلم واكل وشرببببب اقسم بالله شفتو انا فتيت التلفون مشيت لي خاالتي سهير كلمتها وخالتي سمية وتاني رجعت لي تلفوني اتصلت علي حسام قلت ليهو تعال لينا قال لي اي بعد شوية عشان الزيارة... فعلا اتلبسنا وانتظرنا حسام ومشينا رويدة كانت في الكورس كلمتها جاتنا في المستشفى دخلنا لي عمي بعد حولو غرفة عادية كان كويس بس تعبان شديد و الصدمة الكبيرة كانت انو اتشل💔 رجولو الاتنين والله لا عرفنا نفرح عشان فتح ولا نحزن عشان اتشل كانت حالة بطالة ..اخدنا قعدتنا معاهو ومشينا قعد في المستشفى اسبوعين وطلع كان متقبل الشلل نوعا ما يعني كان عادي م متاثر شديد زي وزي حسام ...بعد طلع عملنا ليهو كرامة وكانت تعبت في تعب واي زول بعرفو جا حتى جميل وأهلو زاتهم ...خالتي سمية دي م قصرت كلو كلو اما خالتو سهير مشت بيتهم بعد السماية وبعد يومين طلبت الطلاق!!؟؟؟عمي دا اتصدم فيها صدمة م قالت شي غير إنها"م بتقدر تقعد مع راجل مشلول" عمي ادها فرصة تفكر وكلم اهلها وبعد دا كنت مصرة طوالي رمى عليها الطلاق وشتت بقيت انا القاعدة اهتم بيهو لمن امشي الجامعة خالتي سمية بتجيب ليهو الأكل وكل شي يعني م كان متعبنا ابدا...ودينا عمي لي دكتور ووخلانا نوديهو مكان علاج طبيعي وماشي كويس في العلاج حمد لله.
رويدة نزلت الجامعة مع برالمتها
وانا في تانية بقيت
وحسام حايم ساي بعد أمو اتطلقت وعمي اتشل بقى تايهة خلاص..
وجميل معاي زي العسل بس مرات بجيب ليهو حركات كدا غريبة شوية أهمال وحاجاات كدا
ومواصلين لي عمي في العلاج...
#نهاية الجزء الاول

لسههه لسه الرواية م خلصت وباقي كتير بس هسي مشغولة شديد ولقيت نفسي بكلفت فيها ساييي 😃 قلت اخلص من العلي دا واواصلل أن شاء الله😆😆
كدي ارائكم فيها لغاية هسي 🌚
وإن شاء الله انزل ليكم الباقي قريب😆
#بطبعي_هادئة
#دعاء
ابقو عافية♥️

#منفايا_وموطني
بقلم بطبعي هادئة
الجزء الثاني
-١
عمي واصل في العلاج الطبيعي وماشي تمام التمام...خلصت سنة تانية...عمي بقى كويس رجع يتحرك وعادي يعني فل حمد لله واحلى عصافير هو وخالتي سمية😂😂 بالجد الحب م ليهو علاقة بالعمر... بس لسه م عرسو لكن عمي مشا واتكلم مع اهلها ووافقو يعني اساسا م في زول شغال بي خالتي سمية ..رويدة مشروعها ماشي تمام التمام وخلصت كورس التطريز وادوها شهادة..
جميل فاتح عمي بي موضوع العرس اتردد كتير كتير وكلم خيلاني وخلو لي الراي انا ...قلت ليهم موافقة "زاتو افضي البيت لي خالتي سمية وعمي عشان يعرسو"..إجازة تانية لي حظي كانت طويلة ف اتحبست عن خالتي سمية حبسة تمام😙رويدة كانت معاي برضو وناس خالاتي بزرونا مرات... جو اهل جميل جابو الشيلة والحاجات ...انا متواصلة مع اختو يمنه صحبتي... العرس كان يوم الجمعة في صالة
_________________
انت يا زول متأكد الشغل دا م بدخلني في متاهات وسجون وكدا...يا زول لو اشتغلت بي دقة و م في زول عرف وبقيت حريص م في زول بعرفك... امممممم لو حصل كشفوني طيب بحصل شنو؟...بتتسجن بس واياك تفتح خشمك وتجيب سيرتنا لانك م ح تكون سالم بعدها ف لو اتمسكت تلتزم الصمت بس..طيب إن شاء الله... انا عايز أسألك انت ولد شاب ياخي ليه بتدخل نفسك لي متاهات وحاجات زي دي؟؟ وامكن تضيع روحك..والله انا بحب الخام دا كان عندي صحبي بجيبو لي قام قال لي الشغل دا بجيب قروش زي المطر واغراني عشان إشتغل وياهو الباقي عارفو....أمرك عجيب يا شاب...فعلا كدي اقوم عندنا تجهيزات عرس

_____________
يوم العرس الصباح البيت كان مليان اهلنا كلهم وصادف خالي ال في السعودية جاي م لحقت أقعد معاهو زاتو لبسنا عبايات انا ورويدة وامل وامينة ومشينا الكوفير ...جميل رسل لي "دقائق وتبقى حقتي يا حلوتي" فصلني😆 قعدت اتخجل ساي قعدت للمرة عملت لي شعري ووشي وكل حاجة وبهناك برضو ناس رويدة شغالين فيهم...خلصنا زي أربعة كدا جميل ح يجيني عشان التصوير وكدا وانا مستغربة من وين جاب القروش دي كلها وهو يدوب بادي؟؟"شغال في عيادة مع زول "
جميل جاني غايتو أنا لو م الخجل كان خطفتو وقمت جارية😆 لكن بس جميل جميل شديد كان واي..جا علي قال لي في أضاني "احتمال اكلك بعد شوية مالك حلوة كدا يا زولة؟"ضحكت ليهو حسام كان جا معاهو وصحبو برضو عشان يسوقو الباقين تلقائيا رفعت عيني علي حسام لقيتو بعاين علي تلفونو قلت في سري "اها يعني عايزاهو يبكي مثلا من الله خلقو م بتشتغل بيك إلا ك اخت"ركبت انا وجميل وصحبو سايق وحسام معاهو ناس رويدة ومشينا اتصورنا واوت دور ووو وصلنا الصالة الدخلة كانت بي أغنية" م مصدق اني قدام حبيبي"عشان جميل بحبها وبحب يغنيها لي اخترتها وجميل كان مبسوط شديد عرسنا كان رهيب والله انا كنت فاصلة عديل كل دقيقة ارفع راسي ابتسم ساي..خلص العرس وخالاتي مسكوني بكو بكا ورويدة دي اسكتو ساي و عمي كان حاجة حزينة شديد ال لفت انتباهي حسام ال كان مغمض عيونو بي ألم والله حنيت ليهو لي لحظة اتذكرت أيام كنت طفلة وشووو الدموع نزلو جميل قال ليهم يا جماعة داير تبكو مرتي أول يوم استهدو بالله😂 ضحكو عليهو ركبنا العربية ومشينا فندق عشان بكرة السفر من التعب قلعت حاجاتي واترميت فطيسة وجميل خاتي يدو علي وننايمم...
تاني يوم صحيت مسافة استوعب العرس بقيت قاعدة وخجلانة كدا جميل كان مافي جا قال لي حبيبي الحلو ياخي أخيرا صحبت بي وشك بالله كدي جيبي بوسة.. فصلني😆 قلت ليهو جمييييل قال لي آسف آسف يلا يلا أرح ادخلي الحمام دخلت وجيت لقيتو مسوي الشاي شربنا قال لي م تتعودي بس الدلع عشان عروس قلت ليهو كان كدا كل شهر نعرس من البداية ضحك وانا ضحكتو علي ضحكتو قال لي يلا البسي عشان نمشي المطار قلت ليهو ظابط ارح مشينا لبسنا ومشينا...كل الناس كانو منتظرننا في المطار انا بكيت تاني وبذات مع خالتي سسمية بكيت بكا ومع رويدة جميل قال ليهم تاني م بجيب ليكم مرتي دي تبكوها كل شوية ...قعدنا شوية كان النداء علي رحلتنا زنجبار ومشينا...

#منفايا_وموطني
بقلم بطبعي هادئة
الجزء الثاني
-٢-
وصلنا زنجبار نزلنا في الفندق ومن التعب تاني رجعنا نمنا...
كان أحلى شهر في حياتي ياخي لمن اتكفيت من جميل زاتو لكن مرات كدا لمن القاهو بتكلم مع بت مثلا زميلة ولا اي شي م كنت بتآثر ولا حتى بغير اساسا
________________
بهناك عمي بقى يعدل البيت عشان يعرس وأمورو ظابطة..ورويدة شغالة وبدت تصمم براها شوية شوية...وحسام طاشي...امنيه عرسها بعد انا اجي وامل لسه.

بعد شهر رجعنا شهر العسل ونزلنا عن اهل جميل عاملين لينا كرامهة كبيرة شديد المهم كل الناس قاعدين ال لاحظتو جميل دا فجأة كدا اتغير بقى بتحرك كتير ووشو م طبيعي وحركاتو غريبة لمن مشى غرفتو القديمة دخل وقعد...دخلت وراهو لقيتو قاعد بتلوي في السرير وبعمل حركات براسو قلت ليهو جميل جميل دا شنو يا جميل دا شنو واي مالك قال لي في حبوبي في الشنطة البنيه جيبها بسرعة بسرعة جري جبتها كانت في علبة بتاعت حبوب امبرازول شلت واحدة ادديتو جبت ليهو موية شالهم قال لي يلا برا براااا قلت ليهو جميل انت تعبان خ قاطعني قال لي يلااااا قلتتتت لييككك م بتسمعي يلا واقفلي الباب وراك ودفرني بي يدو لملمت روحي وطلعت علي الحمام عاد بكيت قدرتي اليوم داك تاني رجعت شلت شنطتي صلحت الميكاج بتاعتي شوية ورجعت قعدت مع الناس لكن بالي كان مع جميل... جميل مالو ووشو مالو ودا شنو ودي حبوب شنو؟؟يا ربي يكون عندو معدة؟؟ولا مصران قام عليهو؟؟
المهم بقيت في حيرة من التساؤلات...العزومة كلها م فهمت ليها شي بعد العصر عمي ناداني مشيت قعدت معاهو برانا قال لي ي بتي اها كيفك انتي وكيف راجلك قلت ليهو عمو والله راجلي كويس وعايشين حياة حلوة قال لي لو حصل اي شي قولي لي عليك الله م تخلي بالي مشغول بيك طمنيني طوالي لو دايرة اي شي تعالي م يعني عرستي خلاص بقيت م مسؤول منك لا لا حتى لو عجزتي وانا حي انا مسؤول منك كلامو اثرني وانا اساسا متضايقة طوالي مسكتو وبقيت ابكي قال لي مالك هسي قلت ليهو اشتقت ليك بس أول مرة أقعد بلاك الفترة دي كلها قال لي فراقك حار والله هسي بعد جيتو السودان طوالي تعالي لينا م تنقطعي قلت ليهو اساسا يا عمو انت كيف رجولك قال لي زي م شايفة حصان ما شاء الله المهم ان شاء الله بعد 15 يوم عقدنا انا والمبروكة عقد ساي ح نعمل قلت ليهو مبروك ليك انت والمبروكة لكن😉 قعد يضحك اتونسنا كدا وقمنا كان خلاص المغرب بإذن الناس فرتقو شوية شوية ودعت عمي خت لي قروش في يدي م حبيت احرجو شلتها وسكت..بعد المغرب قعدت اتونست مع الباقين جا جميل مبتسم قال ليهم عن اذنكم اخطف مرتي؟ماشين بيتنا قالو ليهو اتفضل طوالي أشر لي يعني يلا طلعت من سكات وانا م عارفة دا مالو دا قبيل شاكلني شلت حاجاتي ومشيت معاهو ركبنا العربية قال لي كيف كانت الكرامة قلت ليهو تمام حلوة فجأة باسني في خدي قال لي لا حلوة انتي فصلني كالعادة🤷🏼‍♂️😝😆بقيت ساكتة ساي لمن وصلنا قال لي خليك قاعدة هناك مشا هو فتح وجا نزل الحاجات وجاني تاني قال لي يلااااا يلااااااااااااا تعالي وهوب شالنيي والله بخجلني خجل😆...قال لي شوفي بيتك يا اميرة بقيت بشوف في البيت وكل م اشوف حاجة حيرتي بتزيد من وين القروش م سالتو لكن المهم شفت كل شئ والنهاية كانت في غرفة النوم وحصل..
_______
ناس الجامعة نزلو وانا نزلت عادييي...
بس علاقاتي بجميل عادية وحلوة شديد ومستمرين حلوين واي شي يلا عقد عمي مشيت قبل 4 أيام قعدت معاهم لقيت خالتي سمية معاها جزء من اهلها وفرحانه فرح هي...بقيت مشغولة شديد مع عمي وتجهيزاتو ضربت لي رويدة جاتني ساعدتني وكان في بنات عمي وعمتي وديل م كنت بعرفهم شديد المهم يوم العقد الجمعة دا البيت جوطة شديد وزحمة والصيوان دا م يديك الدرب والناس داخلين وطالعين وووو لغاية م فطرنا الناس كلهم حتى انا ورويدة وامنيه وامل مشينا لبسنا وانتظرنا العقد عقدو مع صلاة الجمعة...وقمنا نوزع الحاجات والتبركيات وو... خالتو سمية كانت لابسة توب وحلاوة شديد شديد شديد شديد جابوها قعدت الناس باركت ليها وعمي لابس جلابية جا ساقها غايتو وسوس ليها بي شي ضحكت كدا وساقها وفات الناس كلهم يصفرو ويصفقو 😂😂 أصلو م صادفت حسام إلا مرتين
رجعت البيت مع جميل اول م نزلنا قال لي مالك حلوة كدا قلت ليهو حلاتك انت دي قال لي ااااا فجأة لقيتو ضاميني عليهو♥️
___
بعد اسبوع خالتي عزمتنا انا وجميل وعمي وخالتي سمية
وبعد أسبوع من العزومة عرس بتها
وبعد عرس بتها رويدة عزمتنا وقرايتي بقت في تلتلة خلاص ناهيك عن صدمة دفعتنا بالعرس...

#منفايا_وموطني
بقلم بطبعي هادئة
الجزء الثاني
-٣-
يوم كدا كنت بقرا وطلبت من زمليتي ترسل لي تسجيلات بتاعت المحاضرات بسمع فيهم وبقرا دخلت لقيت جميل عندو نفس الحالة ديك يتلول في السرير اصلي م سالتو شلت شيتاتي ومشيت اقرا...تاني يوم جيت قلت ليهو هي انت ي جميل الايام دي بقيت تعمل ليك حركات وم طبيعي في شنو وريني قال لي زننن زننن جنك زننن بقيتي... خلاص عرستي عايزة تعملي حركات النسوان الفقرياات دي وتجننيني...مالك ومال البعملو ان شاء الله أعمل قيامة مش مأكلك ومشربك وم مخليك تشحدي أسكتي سايييي وخليني بالله اتخلعت لمن غلبني ارد إلا بعد زمن قلت ليهو جميل انت من متين بتصرخ علي انا..
"قبل م اكلم كلامي كان طلع ورزع الباب بشدة و فات"قعدت في السرير بتذكر الحصل دا ومستغربة دا مالو في شنو ولقيت روحي ببكي من متين جميل بقى زفت كداا لبست ومشيت الجامعة ولا كلمتو زاتو بعد جيت راجعة كان مافي دخلت قعدت بعد شوية جميل جا شايل وردة قال لي حبيبي قبل م ارد كان محاوطني بقوة قال لي آسف انا بس زعلت عشان م بحب زول يسالني في شغلي آسف هاكي الوردة دي مع انو الوردة غيرانةة عشان انتي اسمح منها لكن يلا يلا هاك بقى يحنك فيني لمن فصلني ورضيت😆ولسه محاوطني قال لي يلا اسمعي انا بعد بكرة ماشي سفرية اسبوع ح اوديك عن عمك قلت ليهو ليههه ماشي قال لي شغل بسيط يا قلبي بقيت بلعب بي زراير قميصو قلت ليهو طيب...تاني يوم جميل وداني بيت ناس عمي ومشا قعد في بيتنا جهز حاجاتو وسافر انا عديت الاسبوع دا في بيت ناس عمي مع خالتي سمية وعمي... عمي دا لمن سمن 😂😂خالتي سمية شايلانا في راسها قالو حسام سافر بورتسودان...
اها قبل م يجي جميل مشيت اتحنننت ونظفت وقعدت انتظرت جميل جميل جا شايل شنطة ختاها تحت السرير قبل م يعمل اي شي ضربو ليهو امو تعبت قالو اها ختا الشنطة وجري خلاني براي وانا قاعدة كدا الباب دق طلعت لقيتو شرطي قال لي بيت أستاذ جميل فلان الفلاني قلت ليهو ايوة "كنت فاتحة الباب صغير كدا سمعت واحد من بعيد بقول ادخلو فتشو البيت دا سرعة م تخلو ولا شبر
واحد رد....
حاضر سعادتك"تحية العسكر ديك وجرو علي البيت دخلوه او بمعنى أصح اقتحموه"
انا واقفة بعاين ليهم قلت ليهم وب علي في شنو دا شنو ديل منو لييهه اجي ليهه في شنو هي ي شرطي بيتي مالو سجمي دايرين تحيبو لينا السمعة هي انت بتكلم معاك انا رد علي في شنو ليه بتفتشو دقيقة اضرب علي عمي وانا منهارة وبرجف وببكي اتصلت علي عمي قلت ليهو تعال لي في بيتنا عمي جاني جري لقى ليك الشرطة والبيت دا مقبول مسك واحد قال ليهو في شنو يا زول الحصل شنو؟؟قال ليهو الزول دا متهم انو شغال في عصابة مخدرات وهسي وصلتنا معلومات انو جاب مخدرات من برا وعندو في البيت دا وهسي بنفتش... من قال كلامو دا جا واحد شايل شنطة جميل القبيل ختاها ديك فتحها كدا لقى هدوم بقى بفتش م لقى شي تاني فتش م لقى شي واحد قال ليهو فتش الشنطة زاتها فتِّحها.. الشرطي بفتح لقى جيب جوة الشنطة فتحو لقى ليك حاجة بيضا كدا وحبوب عاينت ليها لقيتها نفس الحبوب البلعها المرة الفاتت بقيت ببكي بقول جميل مخدرات جميل مخدرات وقعدت في الأرض ابكي واجعر وأبكي واجعر عمي ماسكني ويهدي فيني الشرطي قال لي وينو راجلك داا؟ قلت ليهو في هناك وأبكي قال لي وينن قلت ليهو بيت ناس امو امو امو وأبكي قدرتي قال لي عمي ودينا ركبت مع عمي والشرطة ورانا فو لي بيت ناس ام جميل عمي دا وشو أحمر من الغضب وصلنا لقينا جميل طالع أول م شافنا وشو قلب قلبة أنا من شفتو نزلت عليهو زي المجنونة بقيت اضرب فيهو قلت ليهو يعني كل قروش عرسنا من المخدرات كلها ؟؟يعني بيتنا من قروش المخدرات يا جميل ليههه عملت فيني كدا ليههه قول لي ليهههه انا سالتك من يوم جبت القروش ليه م وريتني ليه يا جميل بكرهك بكرهك واضرب ليهو قلت ليهو طلقنييي طلقنييييي يا جميل كمان بقيت بتاع مخدرات واليوم داك جاتك حالة عشان الحبوب صحححح ليهههه يا جميل ذنبو شنو ولدنا هسي يجي يلقى ابوه مجرم؟؟؟ جميل عاين لينا ساي ومخلوع خلعة نااس الجيران طلعو وناس اهلو... الشرطي قال ليهو مقبوض عليك عشان بتتاجر بالمخدرات جميل قال ليهو لل لكن م ح حقتي انا انا الشرطي قال ليهو هسسس قدامي يلا بنشوف دا في المكتب ومسك جميل يسوقو عمي مسكو اداهو بنيه في وشو قال ليهو دي الأمانة ال قلت ليك امسكها طلقها طلقها... جميل بدون تردد طلقني وساقو ومشا انا لمن سمعتو بطلقني قعدت في الأرض وابكييي عمي رفعني ومشينا البيت خالتي سمية شافتني كدا ضمتني قوي وأبكي وهي تبكي معاي عمي دا وشو داير يقع من الزعل واانا زاتي زعلانة عشان عرست...
بعد يومين من الحصل عمي جمد لي السنهة ورويددة جاتني ونفسياتي زفت كانت بتحاول تتطلعني من المود وتضحكني وكمان خالتي سمية وعمي برضو...يوم قاعدة كدا مع خالتي سمية الباب دق فتحتو كان حسام جاي من السفرية بتاعتو م عارفة الحصل علي شنو اتخليت روحي صغيرة وجريت جري عليهو ضميتو وببكي بكا بكيت علي روحي وعلي

#منفايا_وموطني
بقلم بطبعي هادئة
الجزء الثاني
-٤-
"الحوار الكان بين نفرين عن شغل وسجن وداك كان بين جميل وواحد من ناس العصابة"
"اثناء عرسي من جميل كنت ببلع حبوب عشان م عايزين نجيب أطفال هسي وكدا نظام القراية وكدا"

___________
انت يا حسام مش ح تعرس الزولة البتحب فيها من الله خلقك؟؟مالك م فرحان ومهموم!!؟... ح اعرس ال بحبها من زمان وهي م شايفانِي اساسا ومشت عرست وقدر الله اتطلقت وتاني ح اعرسها انا... تفتكر في شي بفرح يعني؟؟ اي نعم ح اعرسها واي شي لكن م ح تكون معاي قلب وجسد ح تكون معاي بجسدها بس دا المخليني مهموم.....كلامك حقيقي طيب يا زولي اقول ليك م تديها فرقة زاتو املى ليها يومها بيك خليك مركز معاها وحركات الدلع دي براها ح تحبك..... تفتكر ح يحصل؟؟.....اي اي انت جرب م خسران ... تمام يا زول يلا عن اذنك شوية مواضيع اخلصها...
_________________
يوم العقد الصباح:
الناس جايطة وداخلة ومارقة وانا قاعدة أعاين ساي جابو حنانة في بيت خالتي سمية وواحدة ميك اب برضو لبست في بيت خالتي سمية فستان حلو والميك حلو بس ال م حلو حزني حرفيا كان باين شديد إني م تمام رويدة كل دقيقة تقول لي هوي فكي وشك دا العريس ذنبو شنو؟.....لغاية م عقدو جاني حسام م اتكلم معاي ولا شي بس ضماني عليهو قال لي #كنتي_منافي_بقيتي_وطني
كنت ساكتة ساي بعد شوية كان بعاين لي وساكت بعد شوية قال لي" عارف المريتو بيهو م هين عارفة الوجع ال انتي بتحسي بيهو انا بحس بيهو أضعاف والله لمن تزعلي انا بكون عاجز أسوي اي شي...انتي بتي الربيتها وحميتها وسرحت ليها شعرها انتي من زمان بقيتي قطعة من قلبي والله "كلام حسام خلاني ادمع دموع فرح ولا حزن م بعرف..مسك راسي بي يدينو قال لي اوعدك الدموع م تنزل إلا وانتي فرحانة تاني..كلام حسام رفع معنوياتي باقي اليوم تميت العقد بي ابتسامة.. لغاية م خلصنا مشينا شقة في فندق حسام كان مصر نمشي مصر شهر عسل وتغير جو لي وبعد يومين من العقد كنا في ام الدنيا♥️
قاعدة وسرحانة كدا جا حسام وقف قدامي شايل شبس شيتوس قال لي بسالك سؤال لو جاوبتي بديك شبس لو غلطتي راح عليك يلا يلا قومني بقى يسالني مرة سؤال صعب احتار فيهو وم اعرفو يضحك علي ومرة سؤال ساهل اجاوبو وياكلني الشبس..بعد خلصت جا دورو بقيت بسألو أسألة صعبة م عرف ليها حاجة لمن زهجت قلت ليهو ماشة انوم قال لي لا والله انا اكلت شبس تاكليني م راضي بس وكان صاري قلت ليهو اوف طيب طيب شلت الشبس وقربت منو حسام طوالي مسكني من نصي وجراني عليهو لمن اتجمدت في مكاني رفع لي حاجب قال لي يلا وفتح خشمو اكلتو شوية وجري علي الغرفة نمت م حسيت بالزمن الا صحيت بصوت حسام بقول لي الصلاة وبلعب بي شعري صحصحت ومشيت صليت وجيت لقيت فيلم wonder بادي وأساسا بحبو وببكيني كل مرة ...قعدت أحضر واتبكي حسام بعاين لي محتار بعد بكاي زاد قرب مني براحة خت راسي علي صدرو ومسكني من خصري قوي فصلني فصلني😆سكت ساييي بقى يتكلم معاي بصوت حنين يا الله قربت ادردق نمت بالوضعية دي
عدينا شهر كامل فعلا شهر عسل حسام مالي يومي بشكل حلو شديد لمن بديت اتعلق بوجودو...
بعد رجعنا من شهر العسل قعدنا في بيت اجار لغاية م حسام يخلص من بنيان بيتو مع بيت ناس عمي بس فوقهم...
يوم قاعدة كدا جاني حسام من الشغل قال لي بالمناسبة جامعتكم السنة الجديدة لسه شوية صح ؟قلتو ليهو اي قال لي خليك مركزة عشان ترجعي قلت ليهو كويس بدون نفس...حسام طلع جزمتو وشرباتو وجا خت راسو في رجليني وغمض كان حزين حزين قلت ليهو مالك قال لي مالي كويس قلت ليهو وشك م بتفسر قال لي تعب شغل سكت منو بعد شوية قلت أمسح ليهو علي راسو تاني قلت لا هوي تاني قلت ياخي راجلي أمسح ساي طوالي مديت يدي بقيت بحركها علي شعرو ويدي التانية لقيت حسام ماسكها وخاتيها في صدرو قصاد قلبو♥️
"سمعنا ان خالتي سهير عرست واحد كدا بعد اتطلقت وسافرو برا...العرستو دا كان قاعد معاهم في بيت ناس امها جاي من سفر هو الملا ليها راسها ضد عمي واغراها بالسفر والقروش"

#منفايا_وموطني
بقلم بطبعي هادئة
الجزء الثاني
-٥-
اخبار جميل انقطعت مني خالص م كان عندي استعداد اسمعها اساسا...حتى رويدة تلفوناها م شغال ولا جاتني بعد جيت من السفر ومحيراني...عمي وخالتي سمية حلوين حلا💜..بيتنا ماشي كويس
في يوم كدا بليل حسام جاب لينا سمك من مكان اها أكلنا واتعيشششنااا ونومناا تاني يوم من الصباح بطني وجعتني وجع قعدت لغاية حسام م طلع الشغل انا خلاص فاض بي سويت نعناع ارتحت شوية رقدت نمت م صحيت إلا علي اذان الظهر قمت سرعة سويت الغدا. وصليت وسرحت شعري عايزة امشي استحمى تاني بطني وجعتني قعدت في الكرسي وداك يا البكاء كان وقت رجوع حسام قرب أو جا فعلا ...في بكاي داك حسام جا لمن شافني كدا اتخلع قال لي دعاءء؟؟وجا علي من شفتو قمت عليهو ومشيت اترميت فيهو قلت ليهو بطني عندي تسسممم يا حسام اظن حسام كان ضامني عليهو وهوب شالني وداني السرير قال ثواني واجيك مشا سرعة عمل لي عصير ليمون مركز وجاني قال يلا قومي اشربك قمت علي حيلي شربني ورقدت تاني كان جمبي فجأة بدون مقدمات باسني في خدي فصلني فصلة😆 بقيت بعاين ليهو قال لي اساسا خدودك م مفروض تنزل عليها دموع مفروض تتباس بس "هي لا فصلني برضو😆"
بقيت مقهية فيهو قعد يضحك دققت فيهو ياهو حسام الحنين رغم انو بزعلني بعد مرات لكن م برضى زعلي ياهو سندي وغطاي ♥️ ياهو ابوي التالت...."قعدت أعاين ليهو كدا وسرحت فيهو لي اي موقف بينا في كمية الأمان البحسها معاهو دي...في قدرتو علي انو يحول زعلي ضحك في عصيبتو علي لمن يخاف في خوفو في اي شي"...حسام لمن لقاني بعاين ليهو قال لي تاكليني طوالي لو عايزة ابتسمت ليهو بس دخل يدو من جوة القميص ختاها علي بطني بقى يحركها ويقرا قران...بعد مسافة قال لي ماشي استحم واغير ماشي؟هزيت راسي يعني اي باسني في راسي ومشى...
اليوم داك حسام عداهو كلو عصير ليمون ونعناع وم عارف شنو كان عايز يوديني الدكتور لكن لقيت روحي اتحسنت شديد....
بعد يومين من الكلام دا لقيت اتصال من رقمي دولي م رديت تاني قفل وتاني اتصل برضو م رديت تالت مرة رديت قلت ليهو اللووو ....م عرفتيني؟؟...لا ابدا ... اتذكري كدي....يا إنسانة انتي انا م فاضية ليك عندك شي تقولي اهلا م عندك شي مع السلامة...ياخي يا دعاء أخلاقك زبالة طولي بالك ي شبه القمر...ر ر رويدة؟؟؟يا عواليقق يا زفت دا شنو وانتي وين في شنووو واي يا رويدو م قادرة أسألك عديل انتي وين ومالك واي...اديني فرصة يا دعاء اتكلم أول شي يا ستي انا سافرت براا شفتي الكورس الدخلتو بتاع التطريز داك ادوني شهادة وانا اساسا كنت بقرا اونلاين برضو ويا ستي جمعت شهادتين محترمات قدمت علي شغل في السودان كوفير هنا واشتغلت فترة ولسحن الحظ زارتنا مرة كدا عندها شركة أزياء وقررت تسوقني ووو هسي سافرت وبديت شغل معاهم شايفة تعويض ربنا؟؟بالنسبة لي انا كويسة حمد لله وفل شديد رقمك كان رايح فترة يدوب لقيتو اتصلت عليك كيف انتي طمنيني... قلت ليها روييييدةةة عادييي اعبر عن حبي ليك وااي انتي انثى قادرة يا رويدة ما شاء الله دا كلو حصل وانا م عارفة....
"استمرت الونسة غيرت من مودي تماما انتظرت حسام جمب الباب عشان احكي ليهو" واول م جا استلمتو من الباب أحكي ليهو رويدة والحصل ليها بعد شوية انتبهت اني موقفة حسام في وهو جاي من الشغل قمت سكت قلت ليهو معليش وعايزة امشي مسك يدي وشالني وداني الكرسي قعدني وقعد قصادي في الأرض وماسك يدي قال لي قولي قصة رويدة أول طوالي رجعت لي قصة رويدة وكنت متحمسة شديد خلصت لقيت روحي انا الماسكة يدينو عاين لي باس يدي وغمز لي😂♥️

#منفايا_وموطني
بقلم بطبعي هادئة
الجزء الثاني
-٦-
رويدة بعد سافرت"الأمارات" ادوها كورس اسبوعين أول حتى بقت تشتغل وماشة كويس حتى ست الشركة مبسوطة منها شديد ورويدة لانو رسمها حلو اساسا كانت بترسم أشكال فستانين حلوة شديد والتصميم والحاجات دي اتعلمتها ف بقت ترسم الفستان وتعملو وشوية شوية براها كدا بقت تعمل في التياب كان في مسابقة كدا اتعملت لي أجمل تصميم رويدة كان عندها توب عملتو قالت تشيلو وتعرضو بالزي السوداني واساسا م خسرانة شي المهم ظبطت التوب وطقمتو تمام..وكانت متواصلة معاي بالواتساب لبست التوب وصورتو لي وحتى الاكسسووري نفس التوب كان بالكحلي شي فخم فخم فهم انا من الفرحة بي رويدة القدرت تعمل حاجة في حياتها دموعي جرو...
بعد فترة بسيطة كان الجامعة خلاص مشيت مع حسام عملت اجراءات النزول وكدا ورجعت كان نفس يوم المسابقة بهناك رويدة لبست وعرضت توبها للجنهة لغاية م خلصو كل المشاركيين وكان وقت الاعلان.. المقدم بتكلم (ح نقول آخر 5 فقط
المركز الخامس المصممة رزان القحطاني. الاردن
المركز الرابع رويدة عبد الرحيم ... السودان) "رويدة تاني مع سمعت شي من البكي فرحت فرح تبكي وتضحك ضربت لي برضو انا اكورك وهي تكورك حسام جا لقانا كدا قلت ليهو تعال بارك لي رويدة جا شال التلفون اتكلم معاها خلص لقاني ببكي لسه قال لي اها مالك قلت ليهو حسام رويدة اتطلقت وعاين هسي عملت شنو وبقت وين وشوف انا م ناحجة ومدمرة كيف انا ضعيفة م قوية يا حسام وأبكي قال لي م ضعيفة انتي براك عارفة حياتك كانت كيف وقدرتي تتجاوزيها انتي اقوى زول شفتو والله وقدرتي تتخطي حاجات كتيرة حتى جميل دا ح تنسيهو اسااسا بس خليك معاي مسكت في قميصو قلت ليهو حسام انت ح تساعدني في أي شي صح؟ قال لي لو ساعدتك اساعد منو يا دعاي؟ فصلني فصلني😆 بقيت ساكتة وبعاين ليهو أو بالاصح حسام دا مالو سمح كدا وانا مالو قلبي بدق كدا حسام شالني ومشينا علي الشاشة قعدني في الأرض قال لي هسي امشي اجيب ليك حاجة حلوة واجيك ..مشى جاب اندومي وبارد عملهم بالمكيروف وقفل النور فتح فيلم وفتح المكيف وجاب الاندومي البارد وجا قعد جمبي طوالي مشيت عليهو شلت يدو ختيتها في صدري وتكيت راسي عليهو وقعدت كل دقيقة ارفع راسي أعاين ليهو دا زول بالجد ولا بهظر مالو بقى كدا زمان كان بكورك فيني بعد مرات هسي مالو بتساءل مع نفسي لمن نمت بالطريقة دي حسام شالني وختاني علي السرير وعمل الحركة المعتادة شبك ايدينا ختها جمب وشو ورقد معاي شوية العشاء اذن صحاني اصلي صليت وهو صلى وجيت رقدت جمبو..بقيت متردةة اضمو ولا لا تقول حس بي بعد شوية لقيتو جراني عليهو وخت راسي علي صدرو وحاوطني بدينو قال لي تصبحي علي حاجات حلوة بتحبيها و اصبح عليك يا خيري💜 حسام نام من الارهاق انا قعدت افكر لمن نعست حتى نمت...
تاني يوم صحيت زهجانة وقعاد البيت دا مزهجني شديد بعد حسام طلع الشغل طلعت كل فستاتيني السمحة لبست واحد وكويت شعري وعملت فل ميك اب وقعدت اتصور تاني جاتني فكرة كدا قلت امشي لي حسام في مكان شغلو لكن انا م بعرفو وين اتصلت علي عمي سلمت عليهو قال لي عرستي وافتريتي قلت ليهو لا انت الافتريت عرست سمسم دي وتاني م سالت مننا اتونست معاهو شوية كداا وسالتو من مكان شغل حسام قال لي مالو قلت ليهو لا عايزة اودي ليهو حاجة وصفو لي شلت طرحتي وطق وطق ركبت ترحال ومشيت نزلت في الوصف وين المكتب وين وين لمن لقيتو طوالي دخلت لقيت واحدة قلت ليها عايزة حسام انا زوجتو طوالي دخلتني دقيت الباب ودخلت كان في حسام ومعاهو نفرين بتناقشو وواحد تالت رافع رجل فوق رجل وشايل سيجارة حسام من شافني وقف علي حيلو الشايل سجارة قال ليهو اوه زباينكم كلام لكن وغمز ليهو حسام قال لي انتظريني برة قلت ليهو حسام ياخ ارح نطلع قال لي قلت ليك انتظريني برة قلت ليهو أنا زهجانة عايزة امشي مكان...الشايل سيجارة وقف جا علي قال لي انا زاتي زهجان ارح اوديك مكان رهيب وغمز لي قبل م يكمل كلامو كان حسام بوراهو مسكو من قميصو بعدو لي ورا ومسكني من يدي وطلعنا فتح باب عربيتو ورماني في الكرسي وركب هو وساق باقصى سرعة عندو أنا قلبي كنت سامعاهو في أضاني حسام ماشي بسرعة شديدة جا مكان استوب واقف حسام لمن عمل فرامل انا طقيت راسي مع العربية وصرخت حسام قال لي ياخيييي انتي مالك ياخي م تجيني في مكان شغلييييي انا شغليييي كلووو رجال عاارفه؟؟وكمان عاملة ميكاج ولابسة أحسن لبس وجاية صح؟وروج روج يا دعاء روج شاذ كمان؟؟انتي بتعرفي الشايل سيجارة دا بعمل شنو م عارفة صح؟انتي م مستوعبة انك بقيتي مرة متزوجة؟حركات المراهقين دي خليها انتي بقيتي كبيرة انا مع كل كلمة ببكي اساسا الضربة بتاعت الفرامل حارقاني قلت لي حسام بصوت باكي أنا زهجت من البيت قلت أجيك نطلع بس وتاني ابكي حسام سكت مني لغاية م وصلنا البيت نزلت ومشيت الحمام غسلت وشي أو بالاصح لخبطتو بقى جايط كحل بي هنا وماسكرا أبو يطلعو وفكيت شعري وطلعت بالشكل دا حسام كان قاعد في الهول لمن شافني وقف قال

#منفايا_وموطني
بقلم بطبعي هادئة
الجزء الثاني
-٧-
حسام جا علي انا قلت الليلة لو م كفتني بقتلني أصلو م في حل غيرهم... سكت بقيت بعاين ليهو قرب علي فجأة لصق جبهتو مع جبهتي ومسك يديني بقينا مغمضين حسام قال لي جميل عمرو م كورك عليك ولا شاكلك عشان م بحبك انا مشكلتي شنو اني بحبك؟وبغير؟ وم بحب زول يشوفك غيري اساسا؟من زمان لو متذكرة بعد كل مرة بكون في واحد بعاين ليك أو كدا انا بجي اشاكلك كل دا عشان بغير والله وحاولت أعمل فيها م بغير وعادي غلبني م بقدر اشوف زول بعاين ليك ومركز معاك...طيب انتي عارفة انا بحبك من متين؟من أول يوم دخلتي بيتنا انتي في الحقيقة دخلتي قلبي م بيتنا...عارفة بعدت عنك لمن كبرتي شوية عشان خايف خايف اقرب منك ويكون حبك لي حب مراهقة اانا كنت خايف تتعلقي بي عشان عمر المراهقة قلت اخليك تكبري واحببك فيني حب حقيقي وترا ترا حصل شنو حبيتي واحد تاني وعرستو انتو عرسكم وبداية حياتكم مع بعض كان لي زي المنفى... اظن الوحيد ال م كنت فرحان بعرسك انا.. سافرت بعد عرسكم طوالي عشان أنسى وحصل شنو ؟؟اكون عايز اهرب منك القى روحي غرقان اكتر في زول بهرب من وطنو اساسا؟ المهم يا سستي م اقول ليك حمد لله انك اطلقني لكن حمد لله اني رجعت وطني💜.حساام كلامو شلاني شل بقيت م قادرة اقيف قعدت في الأرض حسام بقى يعاين لي وانا بعاين ليهو مستغربة وبفكر في كلامو معقول حسام بحبني وانا م عارفة؟؟؟ بتذكر في مواقفي مع حسام كلها دموعو شو جرو قلت ليهو حسام فتح لي يدينو طوالي ضميتو ياخي صوتي لمن راح من البكا حسام كان بهدي فيني لغاية م هديت قال لي خلاص ارح ناس أبوي تنفسي شوية قلت ليهو طيب غسلت وشي ولبست عباية وعملت كحل وطلعنا مشينا لقينا عمي قاعد ووشو دا منور قلت ليهو العرس لكن😆ضحك كنا شايلين معانا حاجات من الطريق قعدنا اتونسنا مسكت خالتي سمية دي بحس بيها امي كنت راقدة في رجولها وهي بتسمح لي في راسي العصر اذن عمي وحسام طلعو للصلاة بقيت مع خالتي سمية وبتنونس قالت لي حسام كيف معاك قلت ليهو اخخخ حسام حنين شديد رغم عصبيتو قبل م نتم كلامنا سمعنا ناس الجامع بزيعو في زول مات وناس بكبرو وبهللو قلت الله يرحمو يغفر لي قبل م اتم كلامي جاتنا مرة الجيران طايرة وتبكي وتوصف طلعنا عليها انا وخالتي سمية مرة الجيران كانت بتقول الليلة يا الرزين الليلة يا المكسين الليلة يا الحنين خليتهم وراك الليله خليت بتك الليلة ..الليلة وب خليت مرتك أنا.... وخالتي سمية بقينا نعاين ليها المرة لسه توصف الليلة وب يا ياسين وبببببب لمن قالت ياسين قلت ليها هيييي انتي هيييي عمي مالو كمان بتكوركي مالك مسكتني قالت لي عمك مشا لي ربو يا بتي الليلة يا حلليل عمك الهادي الطيب الليلة وب عاينت لي خالتي سمية كانت في عالم تاني المرة بتتكلم كدا جو رجال كتار شايلين عمي في سرير ياخوانا م بقدر اوصف ليكم شعوري وانا شايفة عمي وأبوي التاني في سرير داخلين يكفنوهو اتفكيت من المرة ومشيت علي السرير مسكت رجولو انا من الصدمة م قادرة أتكلم فتحت عاينت لي وش عمي قلت ليهو هي عمي دا بكون نايم خلوهو عليكم الله م مات والله م مات هو لسه م شافني خريجة ولا شافني ناجحة وافتخر بي الليلة قبيل عمي دا وشو كان منور والله خلوهو وماسكة في السرير الراجل فكاني جريت الشارع افتش في حسام لقيت معاهو أصحابو حسام في الأرض ببكي بجعر عديل واصحابو بقول ليهو يا راجل أبوك مات ساجد يا زول م تعذبو انا جري بي قميص البيت جريت عليهو قعدت قصادو واحد من ناس الحلة دخل جاب لي توب سريع وجا انا قعدت جمب حسام قلت ليهو تعال شوف الناس دايرين يشيلو أبونا يا حسام تاني نقول يا منو حسام قوم الله يرضي عليك خلينا نمشي ليهو ونصحيهو حسام م كان بتكلم قلت ليهو انت ساكت ليه خلينا نمشي يلا مسكني وشال يديني غطى وشو وصوت بكاهو واضح انا بقيت بعاين ليهو ساي وهو بببكي قاعدين كدا لغاية م جابو الجثمان اتفكيت من حسام وجريت ورا السرير اقول ليهم خلوني اشوفو آخر مرة خلاص التوب عتر لي وقعت وتاني قمت اجري وراهم تاني التوب يعتر و اقع وتاني قمت جريت شديد حصلتهم قلت ليهو اسلم عليهو انا وحسام آخر مرة واحد من الرجال قال لي اها سرعة قلت ليهم نادو حسام واحد مشى جابو... بست راس عمي وانا ببكي حسام جا منهار شايلنو شيل عاين ليهو وقبل شالو مننا السرير قلت ليهو حسسسام شالوه ارح نمشي حسام مسكني عليهو وبكى ...شوية الدنيا بقت ضلام ضلام ورب جيت واقعة

#منفايا_وموطني
بقلم بطبعي هادئة
الجزء الثاني
-٨
م فتحت إلا تالت يوم في البكا خالتي سمية دي شايلة سبحتها وتبكي والناس معاها وخلاص اتحبست وخالاتي لقيتهم قاعدين مسكوني يتكلمو معاي يصبرو فيني قلت ليهو نادو حسام نادو حسام مشو رسلو ليهو جااني في غرفتي الزمان قعد جمبي في السرير وشو دا لمن ضعف فتحت ليهو يديني وانا راقدة كدا خت راسو علي صدري قلت ليهو حسام عمو مشى لي أبوي ح يقول ليهو الحصل هنا وح يقول ليهو اني بحبهم عمو حظو ح يلقى أبوي أنا عايزاهم يا حسام حسام كان ساكت ببكي بس قام مني وانا قمت غطيت وشي وبكيت بكيت ابكي علي شنو ولا علي شنو بس حسام فك يديني ولصق راسو معاي وبكينا زحيت راسي من راس حسام ودفنت روحي في صدرو حسام كان ماسكني قوي اتنهد وقال لي الله يحرمو عشان نحنا بنحبو م نبكي ندعي ليهو البكاء بعذبوو يا دعاء وابونا مات ساجد وصاني عليك في طريقو للجامع ووصاني علي خالتي سمية كل م حسام يقول لي أبوي قال لي سوي كدا انا بحس انفاسي بتقطع ياخوانا دا م عمي بس دا أبوي امي اخواني أخواتي صحبي اي شي اي شي من قمت قمت عليهو تاني وين الاقيهو وين اتكلم معاهو وين اسألو وين اتونس معاهو وين أهظر معاهو والله لو عارفاهو بموت كان جيت قعدت معاهو المشكلة م كان عيان هسي لو م حسام قال لي ارح نمشي ليهو كان ح يموت بدون م نودعو واي يا قلبي واي يا عمو واي واييي واحي يا الله الله يرحممك يا عمي...
حاولت في فترة البكا دا أعمل قوية عشان خالتي سمية كنت قدامها بعمل قوية براي ببكي بكا..
البكا خلص انا نقلت حاجاتي وقعدت مع خالتي سمية البيت دا بقى كعب خلاص ممل شديد ..خالاتي مرة مرة بزورنا.. خالتي سهير اتصلت عزتنا...رويدة معاي بالتلفون كلو يوم... اهل جميل جو عزونا..حسام معانا برضو اكتر واحد كان متماسك لكن انا عارفة بجواهو م كدا عشان كدا كل م القى فرصة بضمو او أخليهو يقعد علي رجولي وامسح راسو أو امشي يدي علي وشو وبحاول أخليهو يتكلم ويفضفض ومرات بتكلم ويشكي لي م كان عندي كلمات للمواساة غير إني بضمو شديد عسى ولعل احساسي يصلو..برضو خالتي سمية كل م نلقى نتونس معاها ونشاغلها انا وحسام.. نزلت الجامعة بعد موت عمي بشوية عشان اشغل روحي حسام كان بوديني ويجيبني مرة انا نزلت منو كدا دخلت الجامعة واحدة من دفعتنا شلة ناس هند ديك كان بتشوفني مع جميل قالت لي الجديد شديد انتي كل سمستر بولد ولا شنو كلام لكن مالية وقتك بالاولاد عشان كدا م فاضية لينا عايزة ارد ليها سمعت صوت حسام بقول لي دعاء أسكتي منها الزي ديل لمن يردو عليهم بتديهم قيمة خليها م تردي عشان تعرف أنها زي الحشرة واحد اشرت ليهو ومشيت منها قعدت مع واحدة كانت بتوريني اخد شنو وكدا جات بت قبيل معاها شلتها نبذوني وردحو لي ولا اشتغلت بيهم واحدة قالت لي انتي لو اهلك عرفو ربوك م كان ولزتني بقوة ...قمت عليها وانا شايفة عفاريت قدامي أديتها كف خليتها تصرخ ووشها حمر خشمتها من طرحتها لصقت ليها كف تاني قلت ليهو اوعك تجيبي سيرة اهلي في خشمك الزبالة يا زبالة ودفرتها ومشيت علي ال لاقتني اول لصقت ليها كف أول قلت ليهو قبيل سكت ليك عشان راجلي بس م تفتكري انا خايفة منك يا وهمية ابعدي عني أحسن ليك م بتعرفيني كويس انتي خلي جايبة لي شلتك كلها يا جبانة تستقوي بيهم ...واحد من اولاد الشلة رفع يدو داير يضريني قلت ليهو اضربني اي قصدي اضربيني لانك بقيت تالتهم اساسا جاري ورا البنات عامل جنتل دي ياها رجولتك يا حبيب امك؟؟ ابوك موقف شنو لو عرف انك بشنبك دا عامل بوتقادر للبنات ال معاك وريني اقول ليك الشنب دا زاتو م علامة للرجولة...لكن لو داير طرح عندنا قبل م ااتم كلامي جو دكتورين سالو الحصل شنو الدفعة حكو ليهم انو ديل براهم البدو ودونا المكتب فصلو ديك 15 يوم وانا فصلوني 3 ايام غايتو رغم دا كنت مبسوطة رجعت البيت حكيت لي حسام وعمتي سمية ضحكو غايتو ...اليوم داك عملت ليهم كيك وشربنا الشاي بليل لمن جينا ننوم حسام رقد وانا رقدت جمبو قلت ليهو حسام قال لي اي يا قلبي قلت انا بحبك وغمضت سرعة واديتو ضهري بعد مسافة كدا حسام استوعب كلامي ضماني من ورا قال لي اخخخخ منتظر من متين انا؟؟ يا الله منك انتي...وسكت مسافة تاني قال لي طيب انا م بحبك انا بهواك عديل وحصل....💜😆

#منفايا_وموطني
بقلم بطبعي هادئة
الجزء الثاني
-٩-
عدت أيام وايام وفعلا حبيت حسام...رويدة بهناك في يوم المسابقة في ناس عندهم مشاغل بتاعت ملابس شافو شغلها علي التوب عرضو ليها تمسك فرع منهم ومنو تعمل تياب كلمت المرة ال كان شغالة معاها ديل أول المرة وافقت طوالي من حبها لي رويدة..رويدة مسكت الفرع ومشت اشتغلت....خالتي سمية معاي زي العسل وبقيت أحسن هي...انا نزلت جامعة وماشة كويسة...كل جمعة يا مشيت ناس خالتي يا جونا هم...أكيد م اتقطعت زياراتي لي عمي في القبر وعملنا ليهو كولر في الجامع وكولر في جامعتنا...حسام بيتو الفوق خلص خالتي سمية قالت ماشة البلد خلاص بقى م عندها شي في الخرطوم قدر م حنستها أبت تقعد كلو كلو في النهاية مشت واجرت بيتها...انا رحلت فوق وتحت اجرنا نصو وعملنا نصو معمل باقي لي سنة واتخرج من مختبرات... قالو جميل اتحكم عليهو يسجن سنين كدا...خالتي سهير راجلها طلع سكير وجنو نسوان وخاين اتطلقت وجات قعدت مع ناس بيتهم وكل مرة بتجينا واتغيرت شديد بقت مسكينة مسكنة مسكها فشل كلوى بقت ضعيفة...آخر سنة في الجامعة انا كنت حامل "من حسام " كانت حياة صعبة خلاص اليوم كلو اتبكي لي حسام واتعاور ورويدة بهنناك يا حلليلا تجهز لي في هدوم البيبي...وحاجات رويدة البتعلها بقت متداولة عندهم شديد ومعروفة رويدة بقت بزنسس ومن💜🍂.
يوم جيت من الجامعة كان يوم خميس أخلاقي نخرتي وزهجانة ضربت لي حسام قلت ليهو زهجانة عايزة اتفسح هسي.. بتوحم قال لي نص ساعة بجيك جاني ساقني ومشينا أبو شاكر قعدنا كدا جات بت حلوة حلاا قلت ليهو أوووو البروف حسام وقف سلم عليها البت بتتمايع مع حسام بطريقة مقرفة وحسام يضحك معاها وانا الغيرة دي اكلت قلبي مسكت حسام من يدو قلت ليهو يلا يا حبيبي ارح نمشي نوتيلا جريتو وقلت ليها عن اذنك انا وراجلي طالعين لو ممكن ومشينا حسام يتبسم ساي زي العوير لمن ركبنا قال بتغيري قبلت عشان اقول ليهو م بغير لقيتو مقرب من وشي غمضت بسرعة حسام بسرعة باسني في خدودي قال لي بحبك تصدقي؟خليك مجنونة كدا يا حبيبي وقعد يضحك ... مشينا أكلنا الاسكريم ورجعنا البيت يدي كانت واجعانِي بقيت ادعك فيها كدا عاين لي لقاني ماسكة يدي قال لي مالك قلت ليهو واجعاني مسك يدي بقى يدعك لي فيها خفيف كدا قال ليه يا يديها توجعيها؟قعدت اضحك قلت ليهو أنا م شافعة علي فكرة جراني عليهو قال لي منو قال ليك؟انتي ح تبقى شافعتي حتى لو خرفتي وضفرتي الأبيض بالاسود يا قلبي♥️..
حسام كان بفور لي دمي مع الحمل...مرة كان قاعد مغمض كدا وانا بعاين ليهو فجأة بطني فارت قمت طوالي عضيتو لمن اتخلع قال لي يا زولة سعرتي ولا شنو قلت ليهو بتفور لي دمي بقى يعمل بوشو حركات زي الشفع وانا خلاص بطني فارت شديد عضيتو تاني وبقيت بنكش ليهو في شعرو قال لي قايلة براك بتعضي ح اعضيك قرب مني غمضت طوالي قرب شديد لمن باسني في خدي فصلني فصلني😆💅🏻
يوم كدا رويدة قالت لي سريع سريييعع افتحي mbc سرعة جريت فتحت القناة كان فاصل شوية كدا البرنامج بدا...

#منفايا_وموطني
بقلم بطبعي هادئة
الجزء الثاني
-١٠-
فتحت كان صباح الخير يا عرب جابو المذيع بتكلم قال شابة سودانية انطلقت مؤخرا لكنها أصبحت في المقدمة ام الفاشون متل م بقولو او رويدة..انا لمن شفت رويدة وكيف بقت سمحة ونايرة وكمان جايبنها في صباح الخير يا عرب دموعي جرو ...بدو الحوار قال ليها ايش اكتر شي خلاك تنطلقي هذي الانطلاقة القوية قالت ليهو الخزللان واالانكسار انا رويدة انطلقت بعد م انكسرت الكسرة دي كانت بمثابة الزول النايم وجو صحوهو الانكسار دا كان الحاجة الصحتني.."لسه مواصلين في اللقاء" قال ليها شخص ليهو أثر في حياتك ؟قالت لي دعاء صحبتي دعاء صحبتي هي الورا رويدة ال هسي انتو شايفنها دي هي السندتني وكانت بتتكلم معاي من بدري وانا م سمعت ليها واانا مبسوطة لاني متأكدة انها فخورة بي... وهسي هي شايفانِي بحب اقول ليها الله يخليك ويسعدك ويرفعك في الجنه مقاما زي م رفعتيني..."تاني واصلو" قال ليها آخر شي حابة تضيفي حاجة؟قالت ليهو الطلاق ابدا م كان نهاية عمر بالعكس انتي بيدك تحددي مستقبلك عايزة الطلاق يدمرك بتدمري... عايزة تنطلقي بتنطلقي... بعدين انتي تدمري روحك عشان زول م خاتيك في عيونو ولا شاريك ليه ؟ دي معركتك انتي وانتي بنفسك تقرري النهاية..رويدة كلامها كلام موزون شديد اتبسطت لمن بكيت حسام جا لقاني ببكي وبتعاور حكيت ليهو قصة رويدة الرهيبة♥️🍂

خلصت جامعة ولدت ولد سميتو علي عمي...خالتي سمية كانت بتحبو حب بتشوف فيهو عمي علي قولا كل جمعة بتجي تقعد معانا...رويدة جات السودان ياخي رهابة لمن م في طريقة وجابت لي كترة حاجات وبالصدفة طليقها لاقاها وبقى يحاول يرجعها وهي رفضت..أمل وامنيه معرسين بي بيوتهم...انا فتحت معملي تحت وسافرت مع حسام ولدنا جبنا اجهزة للمعمل م كان معروف إلا بعد عملت يومين في الاسبوع الفحص مجان صدقة لي عمي بقى مشهور شوية كدا...
رويدة رجعت تاني..حسام وانا زي العسل بعد سنتين ربنا اكرمني بي تؤام سميتهم علي أمي وأبوي ومعانا أحلى أطفال ونحنا أحلى اسرة وحسام داك هو قاعد يلعب التؤام وياسين واقف معاي متعلق بي شديد وعايشين في سعادة💜

#النهاية
الرواية دي في البداية كنت متحمسة وكتبت بمزاج تاني لقيت التفاصيل كتيرة ف بقيت اختصر😆💜
الحب م ليهو علاقة بالعمر القلب بميل براهو "زي م حصل لي عم ياسين"
القلب يميل براهو برضو سوا كان الزول البتحبو دا ناافع معاك ولا لا. كويس ولا لا قلبك بحبو "زي م حصل لي دعاء وجميل"
اللطلاق عمرو م دمر إلا العايز يدمر براهو وال عندو عزيمة بصل بصل لو بعد حين"زي م حصل لي رويدة"
الحب الحقيقي ثابت م بتغير م بأثر عليهو "زي م كان حب حسام"
التسويهو بتلقاهو "زي م حصل لي سهير"
الطيبين بموتو سرعة ربنا بختارهم اختيار" زي م عم ياسين مات ساجد". الكعبين بتقوم عليهم القيامة_اشرار الخلق_ .
الصحبات الحقيقات سند ودعم وحنان واحتواء "زي م كانو دعاء وريدة
♥️🍂
سؤال الرواية "اذكر اكتر كلمة ذكرت في الرواية😆؟"
رمضان كريم عليكم وينعاد علينا ي رب♥️

#ختاما شكرا علي المتابعة ومعليش علي الاغلاط الاملائيه والكلفتة ال في الاخير واتقبل اي انتقاد♥️⁩⁦🚶🏽‍♂️⁩

دعواتك لي بالله 🙏🙏🖤

3_4_2021
#سلام
#بطبعي_هادئة