شاهندا ورا ، محمد سايق ومعاو اكرم قدام ، طول الطريق كل ما ارفع عيني الاقي محمد بعاين لي بالمرايا وعيوني فيها لمعة رهيبة كده عشان الشمس عاكسه وعيونو عسلية هو ، وصلنا الصالة وقبل ندخل حسيت ماشي معاي ، قاال لي( دائما طالعة جميلة ، ماشاء الله تبارك الرحمن ربنا يحفظك) ، حيلي برد هنا 😂😂 ، قلت ليهو الله م ضراك تسلم يارب ، فجأة وقف قدامي ودخل يديهو في جيوبو وقال لي ( مشتاق ليك جدا والله فقدتك ولين الان فاقدك ، طول السنتين وكم شهر ديل ما طلعتي من بالي ابدا وامي وأخواتي ومجدي وناس اكرم كلهم يشهدو على الحاجة دي ، متمسك بيك جدا انا ولسا جواي امل وصوت بقول لي اننا ف يوم من الايام حنكون لبعض بحلال ربنا وشرعو ، ورحمة ابوي يا عهد اني لسا رايدك وعايزك ، قد يكون تصرف جنوني اني اقول ليك الكلام ده بالطريقة دي ، بس وربي ما بقى عندي حيل لبعادك مني ، اسف للمرة الثانية والألف وللابد حافضل اقول اني اسف على اي حاجة حصلت مني ، ما حاضغط عليك ولا اجبرك علي بس خليك عارفه اني منتظرك مهما طالت المُدة وما حأمل نهائي رغم اني م قادر اصبر على انك بعيدة مني بس حبابو الصبر البكون قصادك وحباب الانتظار علشانك ، تقبلي بي زوج ليك على سنة الله ورسوله يا عهد ؟ اخدي راحتك و وقتك وفكري زي ما تحبي ومهما كان جوابك على العين والراس اهم شي تاخد القرار انتي من غير اي ضغط مني ، اتفضلي لاني طولت عليك شديد ، اعفي لي بالله)
اتحركت من جنبو وانا م سامعة ولا شايفة شي ، بسال في نفسي كنا وين وحاليا وصلنا لوين ؟
بعد طول المدة دي تاني نرجع لبعض؟
طلب مني الزواج عديل ؟
محمد من متين بقى مسؤول كده؟
كمية من التساؤلات جات ع بالي ، ف النهاية قررت استخير والكاتبو ربنا يبقى وبس .
رجعنا البيت حكيت لتهجد بالحصل كلو ، قالت لي لاحظي لأنك مبسوطة وطايرة من الفرحة يا عهد ، اللهفة والحب باينات ف عيونك والله ، حرفيا محمد اتغير توتلي يا عهد والله ما ياهو محمد الزمان نهائي ، غايتو استخيري اول شي.
فعليا استخرت وحسيت الموضوع اتسهل شديد كانو إشارة لانو اوافق ، تاني م سألنا من الموضوع لأننا م كنا متواصلين لساا ، يوم نمت بالنهار كده حلمت بأننا قاعدين ف كافيه وبنتونس وبضحك وكنا مبسوطين شديد ، اول ما صحيت من النوم وانا بتبسم بسبب الحلم ، شلت تلفوني قلت اتصل على تهجد احكي ليها ، مسكت التلفون لقيت مكالمتين لم يرد عليهم من رقم مفتاحو م مفتاح السودان ، استغربت ياربي منو متصل علي من برا ، في مسكتي للتلفون ديك الرقم تاني اتصل، رديت اول ما الخط فتح قال (الو) عرفتو محمد من بحة صوتو ، قلت ليهو (اهلين يا محمد ) قال لي (عرفت كيف محمد ) قلت ليهو (من صوتك عرفتك) قال لي ( كويس انك متذكرة صوتي ، ومعليش م اكون اتصلت ف وقت م مناسب) قلت ليهو (لا والله م عندي اي شي م رديت أول لاني كنت نايمة) قال لي )نوم العوافي يارب ) قلت ليهو (الله يعافيك يارب ) بعدها سكتنا لمدة دقايق كده تاني قال (الو) قلت ليهو (معاك) قال لي (صراحة متصل عليك علشان اشوفك قررتي شنو وكده ف موضوع الزواج)
سكت فترة كده قلت ليهو (موافقة يا محمد ) قال لي بلهفة كده (شنو) قلت ليهو (موافقة ، مالك بقيت ما بتسمع ولا شنو ) قال لي ( ياربي يا لطيف ، لي حق لو م سمعت والله ، م تتخيلي قدر شنو انا مبسوط حاليا وما عارف اعبر والله ، حاكلم امي تتصل على امك علشان يحددوا موعد للخطوبة) قلت ليهو (مالك مستعجل كده) قال لي (كفاية منتظرة سنتين وستة شهور وقبلها سنة ونص ارتباط ، ألسنا أحق بأن نجتمع ، أما آن أن نبدأ عمراً جديد ) قلت ليهو (هاك العربي الفصيح ده😂😂😂😂) قال لي ( والله اشتقت لتفاهتك يا تافهة انتي 😂😂).
اتخطبنا لبعض وبعد أربعة شهور كان العرس ، حرفيا عوضني عن كل حاجة سيئة حصلت زمان ، رجع بقى لي صاحب وراجل و اكبر اولادي ، مبسوطين مع بعض شديد شديد وشايفة اننا احلى عيلة صغيرة ف العالم ، حاليا بكتب القصة دي وانا راقدة ف حضنو اللي بحس أمان العالم كلو فيهو و محتوينا انا وشاكر ولدنا الاول ❤❤
*#خلاصة*
الخلافات والانفصال احيانا برجعوا العلاقة اقوى واحلى من اول ، اتمسكوا ببعض شديد وجاهدوا وعافروا لحدي النهاية.
*اللهم زوج المتحابين*💜
*"حِنوا على بعض ، ما تخلوا فرقة للحزن يتوهط حنايا الروح ، ابقوا للخاطر جبر " ♥*
#لينا_عبدالله💛🍂
اتحركت من جنبو وانا م سامعة ولا شايفة شي ، بسال في نفسي كنا وين وحاليا وصلنا لوين ؟
بعد طول المدة دي تاني نرجع لبعض؟
طلب مني الزواج عديل ؟
محمد من متين بقى مسؤول كده؟
كمية من التساؤلات جات ع بالي ، ف النهاية قررت استخير والكاتبو ربنا يبقى وبس .
رجعنا البيت حكيت لتهجد بالحصل كلو ، قالت لي لاحظي لأنك مبسوطة وطايرة من الفرحة يا عهد ، اللهفة والحب باينات ف عيونك والله ، حرفيا محمد اتغير توتلي يا عهد والله ما ياهو محمد الزمان نهائي ، غايتو استخيري اول شي.
فعليا استخرت وحسيت الموضوع اتسهل شديد كانو إشارة لانو اوافق ، تاني م سألنا من الموضوع لأننا م كنا متواصلين لساا ، يوم نمت بالنهار كده حلمت بأننا قاعدين ف كافيه وبنتونس وبضحك وكنا مبسوطين شديد ، اول ما صحيت من النوم وانا بتبسم بسبب الحلم ، شلت تلفوني قلت اتصل على تهجد احكي ليها ، مسكت التلفون لقيت مكالمتين لم يرد عليهم من رقم مفتاحو م مفتاح السودان ، استغربت ياربي منو متصل علي من برا ، في مسكتي للتلفون ديك الرقم تاني اتصل، رديت اول ما الخط فتح قال (الو) عرفتو محمد من بحة صوتو ، قلت ليهو (اهلين يا محمد ) قال لي (عرفت كيف محمد ) قلت ليهو (من صوتك عرفتك) قال لي ( كويس انك متذكرة صوتي ، ومعليش م اكون اتصلت ف وقت م مناسب) قلت ليهو (لا والله م عندي اي شي م رديت أول لاني كنت نايمة) قال لي )نوم العوافي يارب ) قلت ليهو (الله يعافيك يارب ) بعدها سكتنا لمدة دقايق كده تاني قال (الو) قلت ليهو (معاك) قال لي (صراحة متصل عليك علشان اشوفك قررتي شنو وكده ف موضوع الزواج)
سكت فترة كده قلت ليهو (موافقة يا محمد ) قال لي بلهفة كده (شنو) قلت ليهو (موافقة ، مالك بقيت ما بتسمع ولا شنو ) قال لي ( ياربي يا لطيف ، لي حق لو م سمعت والله ، م تتخيلي قدر شنو انا مبسوط حاليا وما عارف اعبر والله ، حاكلم امي تتصل على امك علشان يحددوا موعد للخطوبة) قلت ليهو (مالك مستعجل كده) قال لي (كفاية منتظرة سنتين وستة شهور وقبلها سنة ونص ارتباط ، ألسنا أحق بأن نجتمع ، أما آن أن نبدأ عمراً جديد ) قلت ليهو (هاك العربي الفصيح ده😂😂😂😂) قال لي ( والله اشتقت لتفاهتك يا تافهة انتي 😂😂).
اتخطبنا لبعض وبعد أربعة شهور كان العرس ، حرفيا عوضني عن كل حاجة سيئة حصلت زمان ، رجع بقى لي صاحب وراجل و اكبر اولادي ، مبسوطين مع بعض شديد شديد وشايفة اننا احلى عيلة صغيرة ف العالم ، حاليا بكتب القصة دي وانا راقدة ف حضنو اللي بحس أمان العالم كلو فيهو و محتوينا انا وشاكر ولدنا الاول ❤❤
*#خلاصة*
الخلافات والانفصال احيانا برجعوا العلاقة اقوى واحلى من اول ، اتمسكوا ببعض شديد وجاهدوا وعافروا لحدي النهاية.
*اللهم زوج المتحابين*💜
*"حِنوا على بعض ، ما تخلوا فرقة للحزن يتوهط حنايا الروح ، ابقوا للخاطر جبر " ♥*
#لينا_عبدالله💛🍂