#ليس_ذنبي
بقلم أشجان الجعلي
By : ashgan ALjaaly ~
-٥-
دخلت البيت متوتره أمي قالت لي شجن عبد الله جاك في الشغل 😢 قلت ليها لاااااا ليييه 😳 ؟؟ قالت لي طيب مالك شكلك ما طبيعي قلت ليها مافي حاجه 😓 الساعه 9 كـ العاده حسام إتصل بس رفضت أرد اول ما دخلت الواتس جاتني رساله يا بنت ردي علي التلفون وأنسي القلتو ليك لأني كنت بهظر معاك بس إنتي صدقتي أفتحي التلفون عشان أثبت ليك 😒 كلامو طمني شويه واول ما إتصل قلت ليهو تاني ما تهظر معاي كده 😠 قال لي ما كنت فاكرك هبله وبتصدقي بسرعه 😒 " صداقتنا رجعت زي الأول وعن طريق حسام عرفت معنى الصداقه 😍 بعد يومين حسام قال لـ صاحبو ( إسمو ياسر ) رأيك شنو في شجن 😍 رد ليهو شجن منو 😳 ؟؟ حسام قال ليهو اللقيناها جنب مول الواحه رد ليهو قصدك البنت المجنونه ياااخ دي لئيمه ولسانها أطول منها 😓 حسام ضحك وقال ليهو حرام عليك وبعدين ما تسيئ ليها إحتمال تبقى مرتي رد ليهو بخلعه شنوووووو حسام انت أكيد بتهظر صح 😱 حسام قال ليهو لااا والله بس ما عارف اتعلقت بيها كيف 😍 ؟؟ بس المتأكد منو اني عايزها على سنة الله تفتكر لو اتقدمت ليها ح توافق 😓 رد ليهو اكييييد ح توافق وكمان ح يغمى عليها من الفرح حسام قال ليهو طيب رأيك شنو لو قلت ليك إتقدمت ليها ورفضتني 😢 ؟؟ ياسر قال ليهو أحلف والله ربنا بحبك عشان رفضتك وهي ح تلقى أحسن منك وين 😒 ؟؟ حسام قال ليهو بس هي رفضتني وقالت اني بستاهل وحده أحسن منها طبعا ياسر إتفاجأ 😳 ورد ليهو يا صحبي خلاص أنساها والبنات كتار حسام قال ليهو وانا غير شجن ما عايز وعشان طريقة تفكيره دي انا مُصّر اني إتزوجها ✋ ياسر قال ليهو والله البنت دي خلال دقيقه إكتشفت انو لسانها طويييل وما عندها أتوكيت في الكلام 😓 حسام قال ليهو بالعكس والله بنت فاهمه وتفكيرها أكبر من عمرها وهسي ح أثبت ليك ✋ وفعلا وصلو محل انا شغاله حسام وقف العربيه ياسر قال ليهو دقيقه دقيقه دي شجن صح حسام انت جنيت عايز تعرس وحده بتبيع في الشارع 😳 !!! حسام قال ليهو بـ حده ياسر انا كلمتك عشان تساعدني ما عشان تسيئ ليها وشجن شغاله بالحلال 😡 ياسر قال ليهو طيب أهدأ انا بساعدك بس تفتكر امك ح توافق 😓 !! حسام رد ليهو لو شجن وافقت تتزوجني أنا بقدر أقنع إمي ياسر رفع حاجبو مستنكر 😒 وقال ليهو وبالنسبه لـ سماح ؟؟ حسام رد ليهو سماح لو آخر بنت أنا ما عايزها وهسي ح ننتظر شجن تنتهي واول ما تلم حاجاتها راجعه البيت ح نتحرك ونقابلها كأنها صدفه وأنا يومي بقابلها كده 😅 ياسر قال ليهو بالجد الحب أعمي 😓 حسام صر ليهو وشو وفعلا اتلاقينا وانا كـالعاده فاكره انها صدفه ركبت العربيه سلمت عليهم وأثناء ما بندردش حسام قال لـ ياسر تصدق انو إتقدمت لـ بنت للزواج ورفضتني 😢 وانا إتغظت من حسام كيف يفتح الموضوع ده واصلا كان هظار 😒 ياسر قال ليهو دي منو الغبيه الرفضتك ؟؟ قلت ليهو بإنفعال الغبيه قاعده وراك 😏 حسام همس لـ ياسر انا عايزك تساعدني مش تطفشها مني 😒 ياسر اتلفت قال لي العفو ما قصدي حسام بركن العربيه ونزل قال دقيقه وراجع ياسر اتلفت قال لي عليك الله حسام ده بيترفض والله لو عندي اخت كان عرستها ليهو 😍 قلت ليهو ما مشكله فتش بنات اهلك بتلقى وحده 😊 قال لي بس قلبو شلتي إنتي 😓 قلت ليهو أقنعو ينساني وانا أصلآ ما عايزه أعرس قال لي السبب شنو ؟؟ قلت ليهو كده مبسوطه وبقلبي قلت لو حسام عرف حقيقتي هو الـ ح يرفضني 😢 حسام جا راجع قطع كلامنا وانا من شوفتو صريت وشي ونزلت من العربيه حسام قال لي شجن انتظري أوصلك 😢 قلت ليهو شكرآ بعرف الطريق المساء إتصلت علي حسام قبل ما هو يتصل وإنفعلت قلت ليهو انت فَهمتني إنو الموضوع هظار طيب ليييه كلمت صاحبك ولأ كنت بتغش فيني 😡 بس غلطانه انا عشان وثقت فيك وتاني ما تحاول تتصل في الرقم ده 😠 في اللحظه دي أمي جات داخله قالت لي بتتكلمي مع منو 😳 إتخلعت جدعت التلفون قالت لي ده عبد الله صح 😒 فضلت أبكي واترميت في حضنها قالت لي بسم الله في شنو وعبد الله قال ليك شنو 😳 ؟؟ قلت ليها لااا ده ما عبدالله وحكيت ليها بكل الحصل لأني ما إتعودت أخبي عنها حاجه 😓 قالت لي بصراحه حسام محترم ومافيهو كلام بس يا بتي نحن ناس علي قدر حالنا 😔 قلت ليها إطمني يا أمي انا زاتي ما عايزه قالت لي ان شاء الله ربنا يقسم ليك الأحسن 😘 الصباح كـ العاده طالعه الشغل لقيت حسام في وشي قال لي شجن لازم نقعد ونتفاهم قلت ليهو مافي حاجه بتجمعنا حتى الصداقه الـ بينا إنتهت وللأسف صادقت مره وحده في حياتي وندمت عليها ✋ قال لي شجن انا ما عملت حاجه غلط انا عايزك بالحلال وجيت بالباب عديل كونك رفضتيني ده قرارك بس ما تعامليني كـ مذنب 😓 ولازم نتكلم ونتناقش عاينت ليهو من فوق لـ تحت و واصلت للشغل وبعد خلصت وراجعه البيت إعترض طريقي بالعربيه واصّر اركب معاهو بس رفضت بنتناقش سمعت صوت محمد قال شجن طبعآ حسام إتخلع 😳 قال ليهو مريت بـ هنا وقابلت شجن صدفه محمد قال ليهو ما مشكله 😊 حسام قال لينا أركبو أوصلكم ب

#ليس_ذنبي
بقلم أشجان الجعلي
By : ashgan ALjaaly ~
-٦-
قلت ليهو طيب ما عايز تعرف ماضيني قال لي ما بيهمني يكفي إنك تعيشي معاي الحاضر والمستقبل قلت ليهو حتى لو عرفت إني مجهولة الأبوين 😔 قال لي بخلعه ما فهمتك قلت ليهو بصوت مكسور وانا منزله راسي مريم دي ما أمي الحقيقيه بس ربتني وانا ما عارفه أمي منو ؟؟ ح توافق تتزوج بنت من دار الرعايه 😔 قعد يضحك وقال لي أكيييد بتهظري شوفي كذبه غيرها عشان إقتنع 😂 قلت ليهو حتي انا بتمني تكون كذبه بس والله دي الحقيقه ✋ مريم أمي بالتبني طبعا حسام إتصدم وغلبو يرد وتعابير وشو إتغيرت كليآ 😳 قلت ليهو حسام رجعني البيت وطول الطريق كنا ساكتين وانا كده عرفت مصير علاقتنا ✋ واول ما وصلت البيت قلت لأمي حسام بعد عرف الحقيقه رفضني 😢 قالت لي ما تزعلي خيرو في غيرو 😓 والساعه 9 مساء كـ العاده ماسكه التلفون ومنتظره مكالمه من حسام بس للأسف ما إتصل وكنت حاسه إنو في حاجه ناقصاني 😔 اليوم التاني في نفس الزمن التلفون رن وفعلا لقيتو حسام بس رفضت أرد لأني متأكده عايز يقول لي لغيت فكرة الزواج قفلت التلفون خالص ونمت 😓 الصباح كنت مصدعه وما قدرت أمشي الشغل المساء الباب دق لم فتحتو لقيتو حسام إتخلعت 😳 قال لي أمك موجوده 😊 قلت ليهو الجابك شنو وموضوع العرس كان بينا مافي داعي تدخل أمي 😠 قال لي شجن سؤالي محدد أمك موجوده ولأ لا ؟؟ وكان معاهو ياسر وقبل ما أرد أمي قالت ليهو إتفضل يا ولدي إبتسم ودخل 😊 بعد سلم قال ليها يا خالتي انا بتمنى القرب منكم وعايز أطلب يد بنتك شجن 😊 أنا إتخلعته وفاتحه خشمي مترين 😳 أمي قالت ليهو طبعا شجن كلمتك بالحقيقه والله ما عشان شجن بنتي الربيتها بس شجن أدب وأخلاق قال ليها عارف والله عشان كده عايز أكمل بيها نص ديني 😍 قالت ليهو صاح يا ولدي نحن أسره بسيطه بس بنفهم في الإصول المفروض يجو معاك أهلك يطلبوها 😊 قال ليها عارف يا خالتي بس اول قلت إتأكد من رأيكم حتى أجيبهم ليك ✋ قالت ليهو نحن ما عندنا مشكله وربنا يتم ليكم علي خير حسام إتلفت قال لي شجن أعملي لي قهوه 😊 قلت ليهو ما بعرف أمي قالت ليهو بعملها انا ✋ قال ليها لا والله خلاص يا شجن أعملي لي شاي قلت ليهو وده شنو 😒 قال لي ده بـ لبن وأنا عايز شاي ساده 😊 بعد طلعت من جنبهم حسام قال لأمي عندي طلب بسيط لم أهلي يجوكم يا ريت ما يعرفو حقيقه شجن✋ أمي قالت ليهو بس يا ولدي لو الصدق ما نجاك الكذب ما بنجيك قال ليها أنا ما ح أكذب عليهم بس ح نأخر الحقيقه شويه لأنو لو أمي عرفت إنو شجن ما بتكم أكيييد ح ترفض بس بعد العرس بقنعها ✋ أمي قالت ليهو صح شجن ما من بطني بس أنا الربيتها وبخاف عليها أكتر من نفسي كلم اهلك بالحقيقه لو وافقو حبابكم عشره ولو رفضو ربنا يقسم ليك الأحسن ✋ في اللحظه دي انا جيت داخله حسام إستأذن قلت ليهو والشاي قال لي أشربي إنتي انا كنت عايز قهوه وأثناء طالعين قال لي بـ همس إتعلمي عمل القهوه عشان انا بحبها 😊 قلت ليهو انت بتحبها انا علاقتي شنو عشان إتعلمها 😒 قال لي عشان تعمليها لي بعد ما نتزوج 😊 وانا لسه ما مصدقه حاسه إنو حلم 😓 ومن لحظتها بخجل اتونس مع حسام الأ عن طريق الرسايل وبعد يومين فعلا جا مع أهلو ( أمو إسمها ليلى ' وأبو أسمو حسن ' واخو إسمو حازم بيدرس في الجامعه ) لبست عبايتي وسلمت عليهم بكل خجل طبعا أمو من تعابير وشها عرفت إنو الوضع ما عجبها وسلمت علي بطرف يدها 😓 عكس أبوهو وحازم كانو مرحين وأبو كان بيحكي انهم مرو بظروف صعبه حتي بعدها وضعهم اتحسن متواضع في ونستو أما امو تقلب في عيونها 😒 سألتني قالت لي شجن انتي أهلك ماتو كيف في حادث يعني 😓 ؟؟ طبعا إتخلعنا بس حسام رد بسرعه وقال ليها اي 😊 في اللحظه دي إكتشفنا انو حسام كذب علي اهلو وفهمهم إنو أهلي متوفيين 😓 أبو حسام قال لي ما تزعلي بدل أسره واحده بقى عندك إتنين وكلنا أهلك ✋ بعد طلعو حسام إتصل علي أمي قال ليها بعتزر إني كذبت علي أمي بخصوص أهل شجن لكن اوعدك إني أكلمها في الوقت المناسب بس إطمني أبوي عارف الحقيقه وشجعني إني أتم العرس 😍 قالت ليهو أنا بتهمني شجن وح تكون أمانه في رقبتك قال ليها ان شاء الله 😊 بس ممكن تديني اتكلم معاها امي ناولتني التلفون دخلت الغرفه قال لي رايك شنو في أهلي أكييييد عندك فيهم تعليق 😅 قلت ليهو بالعكس ظريفين بس انت ليييه كذبت علي وفهمتني انو ناس بيتكم عددهم كبير وكنت بتشتري مني الحاجات كلها بتعمل بيها شنو 😒 قعد يضحك قال لي ده بدل تقولي لي شرفتونا وبعدين يا ستي كنت بشتري منك الكسره بوزعها على المساكين يعني انا زيك كسبان بس بدل القروش بكسب حسنات 😊 عدا شهر والحمد لله العرس تم وفي اللحظه دي حسيت بروحي وحيده من غير صحبات ولا بنات أهل بس اول ما حسام جا داخل نسيت كل حاجه خاصه لم قال لي واخيرا بقيتي حلالي ودنيتي 😍 بعد يومين حسام ناولني كيس مكتوب فيهو بيرقر قال لي أعملي في الغدا ختيت الكيس ومحتاره 😓 حسام جا داخل المطبخ قال لي إنتي لسه قلت ليهو بصوت مكسور حسام وبلعت ريق

#ليس_ذنبي
بقلم أشجان الجعلي
By : ashgan ALjaaly ~
-٧-
بعد رجعنا الشقه قلت ليهو بصوت مكسور حسام انا عايزه إشتغل زي الأول 😢 رفع راسي من صدرو وقال لي بخلعه الناقصك شنو 😳 قلت ليهو ما لي أنا عايزه إشتغل عشان أهلي 😔 أمي طول عمرها كانت بتصرف علي بس هسي ما قادره تشتغل وأنا كنت بشتغل بدلها وللأسف بكل بساطه خليتهم وعرست 😭 حسام مسح دموعي وقال حبيبي بس دي سنة الحياة اي بنت مصيرها تعرس وتترك أهلها قلت ليهو بس أهلي محتاجين لي 😢 قال لي أوعدك إني اساعدهم بأي طريقه بس إنتي شيلي فكره الشغل من راسك لأنو من سابع المستحيلات أسمح ليك ترجعي تشتغلي 😓✋ مسح خدي وقال لي بعد ده فكي التكشيره دي بصراحه لو شوفت شكلك وانتي زعلانه ما كان إتزوجتك 😂 ضربتو في كتفو ضحك وقال لي وكمان شرسه مسح شعري وقال لي حبيبي إطمني امك زاتها ح أعمل ليها شغل إستثماري يكون في البيت ما ح تحتاج تطلع تشتغل قلت ليهو بجد 😍 قال لي وغلاوتك عندي 😘 يا سلااام واخيرا شوفت الإبتسامه 😍 " قضينا شهر في الشقه وإنتهى عقد الإيجار ورجعنا البيت عم حسن قال لي نورتي بيتك التاني وحازم قال لي أخيرا أصبح عندي أخت 😍 اما أمو سلمت علي عادي وبعد دخلنا الغرفه حسام قال لي حبيبي صاح دي غرفتنا بس إعتبري البيت كلو بيتك تمام هزيت راسي مع إني كنت منكمشه 😓 واليوم التاني صحيت بدري بس ما قدرت أطلع من الغرفه قبل ما حسام يصحى بعد صحى قال لي صبحتي على امي هزيت راسي لااا إستغرب قال لي ليييه ما طلعتي من الغرفه 😳 رديت ليهو بصوت مكسور خايفه 😢 ضحك وقال لي قصدك خجلانه حبيبي إتعودي ده بيتك طيب تعالي مسك يدي وطلعنا وانا بالجد كنت خايفه صادفنا أمو قاعده في الهول حسام قال ليها صباح الخير يا حجه ردت ليهو يسعد صباحك وعاينت لـ يدينا ولوت خشمها 😏 انا براحه فكيت يدي من حسام وكنت كل ما أحاول إشتغل معاها في المطبخ بتقول لي إنتي عروس إرتاحي 😓 بعد يومين حسام نزل الشغل قلت ليهو حسام سوقني بيتنا ولم تجي من الشغل بجي راجعه معاك قال لي حبيبي ده اول يوم أنا أنزل الشغل وما ظريفه تطلعي من أمي وحاولي إنك تتقربي منها تمام 😊 هزيت ليهو راسي وقلت ليهو طيب ما تتأخر قال لي حاااضر ولو إحتجتي لي في اي لحظه إتصلي علي باسني في خدي وطلع 😘 وده كان أصعب يوم عشان أول يوم نكون قاعدين انا وخالتي ليلى برانا دخلت المطبخ أحضر معاها الفطور بس رفضت وقالت لي ما محتاجه مساعده بعملو انا ✋ طلعت منها قعدت في الهول شويه واصلا ما كان في موضوع رجعت الغرفه نادتني للفطور بنفطر ونحن ساكتين كأنو قاعدين في مدرسه 😓 وعشان أكسر الصمت قلت ليها الدمعه لذيذه 😊 قالت لي شكرآ وسكتت بعد خلصنا دخلت الصينيه المطبخ وعايزه أغسلها منعتني قالت لي بحب أغسل عدتي براااي ✋ قلت ليها طيب أعمل ليك شنو ؟؟ قالت لي ولأ حاجه وحسستني كأني ضيفه 😓 حسام جا راجع من الشغل وأول ما سلم على امو قالت ليهو إنت مرتك دي فهمها شنو ؟؟ قال ليها بخلعه في شنو 😳 ؟؟ قالت ليهو 24 ساعه قافله نفسها في الغرفه لا بتتونس معاي لا بتشتغل 😒 حسام قال ليها طيب هسي بحل الموضوع ده ✋ وجا داخل الغرفه صّاري وشو واول ما قابلني قال لي شجن إنتي قاعده في الغرفه هنا من متين 😒 قلت ليهو من الصباح 😢 قال لي العمل الفطور منو ؟؟ قلت ليهو خالتي ليلى قال لي يعني يا شجن لو دي أمك الـ شغاله في المطبخ معقول ما بتساعديها 😒 حتى لو ما بتعرفي تطبخي علي الأقل أقعدي معاها حسسيها إنك جنبها قطعت كلامو قلت ليهو لو قصدك أمك والله اليوم كلو بحاول أساعدها بس أمك بترفض 😔 عشان كده برجع الغرفه حتى أسألها باسني في خدي وقال لي أوك وبعتزر على النرفزه بس ما عايز تكون في فجوه بينك وبين امي 😘 بعدها طلعنا الهول حسام قال لأمو الغدا بـ شنو قالت ليهو كُفته هسي ح أعملها وعايزه تقوم حسام قال ليها لاااا انتي إرتاحي ح تعملها شجن وغمز لي 😉 طبعا انا إتفاجأت أعملها كيف وما حصل عملتها 😱 حسام من تعابير وشي فهم إني ما بعرف قال لأمو أصلا طريقة عملها ساهله زي تحمير السجوك 😊 كده حسام فهمني بطريقه غير مباشره طريقة العمل لأنو في الشقه علمني السجوك 😂 المهم دخلت المطبخ وانا مرتبكه ودي أول مره إشتغل عندهم 😓 ختيت الطوه في النار حسام قال لي شجن حاسبي الزيت ما يطير فيك لم رفعت راسي أشر لي بـ حواجبو علي الطوه إكتشفت اني ختيتها في النار من غير زيت 😱 وده كلو نتيجة التوتر خايفه انها ما تظبط وحسام كان مراقبني بنظراتو لحدي ما خلصت بعد حازم وعمي حسن وصلو حضرت الغداء حازم قال الله الكُفته لذيذه 😍 أمو قالت ليهو دي الكُفته الجاهزه أصلا توابلها بتكون كتيره 😒 حسام قال ليها بس صلصتها برضو لذيذه لوت خشمها وسكتت 😏 جنب حسام بتعاملني بلطف اما في غيابو بتعاملني بطريقة مختلفه خااالص 😔 المساء حسام قال لي شجن حضري حالك عشان تمشي ناس امك قلت ليهو ده أحلى خبر 😍 قال لي الـ بيشوفك فرحانه كده يقول كنت حابسك 😒 قلت ليهو ما كده بس والله إشتقت ليهم قال لي وانا ما بيشتاقو لي قلت ليهو لاا

#ليس_ذنبي
بقلم أشجان الجعلي
By : ashgan ALjaaly ~
-٨-
حسام وصلني ورجع البيت وطلب من أسرتو يجتمعو في الهول وبدأ الكلام وقال لأمو في موضوع ما عارف أفتحو معاك كيف 😔 ؟؟ قالت ليهو يا ولدي أحكي طوالي قال ليها بصراحه انا كذبت عليك في أهل شجن 😢 أمو إتخلعت قالت ليهو كيف يعني 😳 ؟؟ حسام سكت غلبو يتكلم أبوهو واصل الكلام وقال ليها شجن صح يتيمه بس من الأبناء مفقودين الأبوين ومريم إستلمتها من دار الرعايه وربتها طبعا ليلى إتصدمت قالت بـ حده حسام أرفع راسك ورد ده شنو الكلام القالو أبوك 😡 ؟؟؟؟ حسام قال ليها كلامو صح 😔 أمو إنفعلت وقالت غشوك وعرسو ليك بنت مقطوعه من شجره وهسي عرفت حقيقتها بعد شنو 😡 حسام قال ليها ما غشوني كنت عارف قبل العرس و وافقت بيها ✋ قالت ليهو يعني طلعت إنت الغاشينا أبوهو قال ليها بصراحه حسام كلمني قبل العرس قالت ليهم يعني انا الوحيده الـ ماعارفه 😒 أبوهو قال ليها لأنك كنتي ح ترفضي العرس 😓 قالت ليهو وانت كيف تسمح لولدك يتزوج بنت حرام أبوهو قال ليها بحده ليلى حسني ألفاظك 😡 قالت ليهو مش دي الحقيقه حسام عايز يطلع قالت ليهو البنت دي تطلقها حسام إتلفت قال ليها بخلعه شنو 😱 قالت ليهو زي ما سمعت تطلقها حازم قال ليها بس يا أمي هي ما عندها ذنب زيها وزي أي بنت 😢 قالت ليهو بحده انت تقفل خشمك وده كلام أكبر منك 😡 البنت دي تاني ما ح تجي داخله البيت دا ✋ حسام قال ليها انا ما شوفت منها حاجه كعبه عشان أطلقها بس زي ما عايزه ما ح تشوفينا في البيت دا ✋ وطلع حسن قال ليها أهنيك حتى ولدك خسرتي وتاني ما ح يجي راجع 😓 وليلى قاعده مصدومه وإتصلت على كل أخواتها كلمتهم بكل الحصل وكلهم أجمعو على إنو يطلقني 😓 المساء إتصل حسام قال لي حبيبي الليله ما ح أقدر أجيك نومي مع أمك بس صوتو كان حزين 😔 قلت ليهو حسام انت كويس صوتك مالو ؟؟ قال لي أنا كويس بس مضغوط في الشغل عشان كده أقعدي يومين وبعد أخلص بجيك قلت ليهو طيب 😊 وطول اليوم حسام ما رجع البيت وامو بتتصل عليهو ما بيرد 😓 لحدي ما حازم إتصل على ياسر وفعلا كان قاعد معاهو وناول حسام التلفون حازم قال ليهو تعال البيت أمي تعبانه 😔 وحسام بدون تردد رجع البيت أمو قالت ليهو يعني مستخسر إنك ترد علي إتصالي 😒 قال ليها مزاجي كان معكر وما عايز أرد عليك رد يزعلك قالت ليهو لو عايز عفوي ورضاي عليك أرجع البيت وطلق شجن 😓 حسام ما رد وعايز يطلع قالت ليهو ما عافيه ليك لو طلعت من البيت حسام رجع ودخل غرفتو حازم قال ليهو حسام ما تسمع كلام أمي وتطلقها شجن ما عندها ذنب 😢 حسام قال ليهو إطمن ما ح أطلقها حتى لو إضرينا نسافر برا السودان 😓 حازم قال ليهو لاااا ما تسافرو أكييييد في الآخر أمي ح ترضى بيها قال ليهو بتمنى ذلك ✋ خالتي ليلى حضرت العشاء ونادو حسام قال ليهم ما عندي نفس 😓 أبوهو جا داخل الغرفه وقال ليهو أي قرار تتخزو أنا معاك حتى لو قررت تواصل حياتك مع شجن وده الـ صح ✋ اليوم التاني حسام إتجهز للشغل أمو نادتو قالت ليهو الشاي جاهز قال ليها ما عايز قالت ليهو ح تفضل كده لـ متين 😒 قال ليها انا كده مرتاح ✋ وبعد رجع من الشغل كذلك رفض الغدا وامو كانت متأثره بـ زعلو المغرب قالت ليهو انا موافقه ترجع شجن هنا 😓 قال ليها بخلعه أكييبيد ما سمعت غلط قالت ليهو أهم حاجه راحتك 😓 باسها في راسها وقال ليها أوعديني إنك تتقبليها كأنها بنتك والله شجن بنت طيبه 😍 بس أمو سكتت ما ردت حسام دخل الغرفه وإتصل علي وقال لي ملاحظ إنك لقيتي أمك ونسيتي راجلك 😒 وصوتو كان فرحان قلت ليهو معاي منو ما عرفتك 😌 قال لي طيب حضري حالك نص ساعه ح أصلك وأعرفك علي نفسي 😘 وفعلا جا ورجعنا البيت وانا في الباب عايزه أدخل قال لي إنتظري نزل من العربيه ومسك يدي لم قابلنا أمو في الهول عايزه أفكها بس حسام مسكها قوي وكان قاصد أمو تشوفنا بعد سلمت عليها ودخلنا الغرفه قلت لـ حسام إنت كيف تمسك يدي جنب أمك 😡 قال لي عشان خايفك ترجعي بيت أهلك وكان فرحان طبعا انا ما عارفه الحصل وخالتي ليلى حضرت العشاء بس رفضت تقعد تتعشى معانا ولم سألتهم قالو لي مصدعه 😓 قلت ليهم بمشي أقنعها تقعد معانا حسام قال لي لا خليك بمشي ليها انا ✋ وفعلا حسام اقنعها جات بس ظاهر عليها قاعده مجبوره بعد دخلنا الغرفه سألت حسام قلت ليهو خالتي ليلى مالها 😢 ؟؟ ضماني عليهو وقال لي ما عندها حاجه وإنتي ركزي بس في راجلك 😊 غير الموضوع وقال لي ما ناسي لم قلتي في التلفون ما عرفتيني بس حسابك معاي الصباح باسني في راسي ونام 😓 بالرغم انو حسام ما رد على سؤالي بس لاحظت لتغير معاملة خالتي ليلى معاي والصباح حسام قبل يطلع الشغل قال لي لو حصلت اي حاجه إتصلي علي 😘 كلامو خوفني مع إنو ما فاهمه حاجه بس إتشجعت وطلعت لـ خالتي ليلى وأثناء بتدردش معاي قالت لي انا كنت فاكره مريم خالتك بس إكتشفت إنها مربياك طبعا حسيت انها بتلمح بالكلام 😔 رديت ليها مريم امي وخالتي وكل حاجه بالنسبه لي 😍 قالت انا ما عارفه الام نفسها بتسمح ليها كيف ترمي

#ليس_ذنبي
بقلم أشجان الجعلي
By : ashgan ALjaaly ~
-٩-
حسام إنفعل وقال لأمو كيف تبعدي شجن من أهلها بترضي إني أبعد منك 😠 أمو إتخلعت قالت ليهو دي شجن القالت كده صح 😳 ؟؟ قال ليها والله شجن ما عندها علاقه انتي قلتي موافقه شجن تعيش معانا وكنت متأكد انك لسه ما إتقبلتيها بس ما إتوقعتك تعملي كده 😒 شجن من أمس بتبكي وقبلها مقطوع علي أمها هسي لو عرفت انتي السبب موقفي انا ح يكون شنو معاها ؟؟ لييييه يا أمي تعملي كده 😔 كيف تطلبي من مريم إنو يقطعو علاقتهم بـ شجن عشان زواجنا يستمر 😓 قالت ليهو اصلا هم ما أهلها وأنا عايزاها تقطع علاقتها بيهم ونكون نحن بس اهلها ✋ قال ليها كيف تفكري بالطريقه دي وغلطانه مريم امها ربتها من هي صغيره معقول شجن تبدلهم بالسهوله دي 😒 وبالنسبه لي بعتبر مريم ومحمد دي أسرة شجن الوحيده ✋ قالت ليهو انا عملت كده عشان شجن تعتبرني امها وتحبني زي ما بتحب مريم 😒 حسام قطع كلامها وقال ليها شجن بتحبك بس انتي الـ ما متقبلاها 😒 قالت ليهو بتحبني بأمارة انها 24 ساعه قافله نفسها في الغرفه وما بتطلع منها الأ بعد انت تجي من الشغل وربنا ما رزقني بنت وكنت عايزاها تكون بنتي 😒 طبعا حسام إتأثر قال ليها هسي ح أصلح العملتي بين شجن وأهلها وبتمنى تاني ما يحصل وبخصوص شجن ح إتكلم معاها ✋ حسام دخل الغرفه وإتصل على حازم قال ليهو خلاص تعالو راجعين ونحن في الطريق قلت لـ حازم من قبيل لافين بالعربيه وين صاحبك الـ عايز تقابلو 😒 قال لي بصراحه ما عايز أقابل زول بس كنت عايز أسوق العربيه ولو حسام سألك قولي ليهو قابل صاحبو ✋ قلت ليهو يعني أكذب علي راجلي قال لي دي كذبه بيضا 😅 وصلنا البيت دخلت الغرفه لقيت حسام قاعد محتار
قلت ليهو في شنو قال لي مافي حاجه 😓 قلت ليهو بس تعابير وشك بتقول في حاجه 😢 قال لي بإنفعال وانا قلت مافي حاجه وطلع من الغرفه 😒 في اللحظه دي العبره خنقتني يعني أنا ألقاها من أهلي ولأ من نسيبتي ولأ من راجلي وحسيت أبواب الدنيا كلها مقفله في وشي 😢 رقدت في السرير واتجهته على الحيطه واتمنيت إني أموت " عدم السند حار 😭 بعد مسافه حسام جا داخل قال لي مشيتو بالعربيه وين قلت ليهو ما عارفه أسأل حازم 😒 قال لي بس أمنتك العربيه إنتي وباسني من ورا في راسي شجن بعتزر بس كنت مشوش 😘 ما رديت عليهو قال لي طيب لو قلت ليك بكره ح نمشي بيت أهلك إتلفت قلت ليهو بالجد في اللحظه دي اتزكرته كلام امي قلت ليهو بس مسح خدي بيدو وقال لي اطمني إتكلمت مع امك وحليت الخلاف وقالت بكره عايزه تشوفك 😊 بس عندي شرط انو ما تسأليها من سبب الطرد 😓 قلت ليهو بس انا عايزه أعرف غلطتي شنو عشان تتصرف معاي كده 😔 قال لي حبيبي انتي ما غلطانه في حاجه بس يوم أمك طردتك كانت زهجانه وما حابه تستقبل زول عشان كده بكره تبدئي معاها صفحه جديده من غير أسئله ✋ قلت ليهو حسام بالجد ما عارفه أشكرك كيف 😍 قال لي تشكريني بطريقه واحده زي ما أنا صلحت علاقتك مع أهلك عايزك تصلحي علاقتك مع أمي وتحبيها ✋ قلت ليهو والله بحبها قال لي عايز أشوف بيان بالعمل تكون العلاقه بينكم حلوه زيك كده ومسكني من حنكي 😍

واليوم التاني فعلا حسام وصلني بيتنا وقبل ما نطلع أمو قالت ليهو شجن الليله ما تمشي لـ أهلها لأني محتاجه ليها 😏 حسام همس ليها ماشين نصلح غلطتك 😓 وهي اصلا ما محتاجه لي في حاجه بس عايزه تتسيطر وتتحكم فيني 😒 وفعلا وصلنا البيت وامي إستقبلني أحلى إستقبال 😍 وقضيت معاها أجمل يوم والمساء رجعت البيت اليوم التاني حسام صحاني بدري قال لي حبيبي عايز أشرب الشاي من يدك 😘 دخلت المطبخ أعمل الشاي عمي حسن طلع من الغرفه وصبح علينا عملت 3 كبابي ( أنا وحسام وعمي حسن ) واثناء ما بنشرب جات خالتي ليلى طالعه من الغرفه قالت كبايتي وين 😓 ؟؟ قلت ليها انتي كنتي نايمه بس هسي ح أعملها ليك 😊 قالت لي لااا شكرآ بعملو براي لو عايزه تعملي لي كان عملتي من الأول 😏 وحسام ساكت صّر لي وطلع الشغل وإفتكر إني قاصده ما أعمل ليها 😒 وأمو كل يوم بتخلق معاي اي صغره عشان اول ما حسام يجي تشتكيني ليهو وطبعا حسام من موقف الشاي بقى يصدقها وكل يوم كنا بنتناقش بسبب أمو وحسام بقى يتأخر في الشغل بسبب النقاشات اليوميه 😓✋ وحتى انا وجود حسام بقى ما بيفرحني زي زمان 😓 بسبب كترة المشاكل واليوم بيكون عباره عن الصباح بسمع مطاعنة أمو واني بنت حرام وما عندي أهل بس كنت بكتم في دواخلي وما عندي حق أدافع عن نفسي وخاصه إنو كلامها صح 😔 وبعد حسام يجي بتبدأ المشاكل بينا بعد يسمع تحريش أمو وانا كنت مستحمله وساكته بس بستغفر وبتحصبن حتى روحي ما كنت بدافع عنها لأنو أمي علمتني إني أفوض أمري لـ الله ✋ يوم اول ما حسام جا راجع من الشغل كـ العاده أمو نادتو في غرفتها وبدأت تشتكي قالت ليهو شجن ونستها كلها مع الرجال حسام إتخلع قال ليها رجاااال 😱 قالت ليهو اي تتونس وتضحك مع حازم وأبوك واول ما أنا أجي تسكت وبتقعد في غرفتها لحدي ما أناديها للفطور حاجه ما بتعملها 😒 حسام قال ليها ان

#ليس_ذنبي
بقلم أشجان الجعلي
By : ashgan ALjaaly ~
-١٠-
دخلت البيت وانهرت بالبكا دي آخر حاجه كنت إتوقعها من حسام 😭 محمد قال لي شجن في شنو 😳 ؟؟ حكيت ليهو بكل الحصل قال لي ما تشيلي هم ح ترجعي تعيشي معانا زي الأول الأ اذا إنتي إتعودتي علي حياتك الجديده ورفضتينا قلت ليهو ما عندي سند غيركم 😭 مسحت دموعي ودخلت لـ أمي قالت لي يا بنتي مالك ما مشيتي مع أخو راجلك قلت ليها بمشي مع راجلي لم يجي وكتمت العبره 😔 وبعد عرفت الحصل كل ما حسام يجي يطمن علي أمي انا بكون قاعده في المطبخ لحدي ما يطلع عشان ما أقابلو ✋ يوم كالعاده انا في المطبخ وحسام قاعد مع امي محمد قال لي شجن امي عايزاك قلت ليهو طيب وكنت بأخر في الزمن لحدي ما حسام يطلع بس امي نادتني للمره التانيه 😓 فـ إضطريت أمشي ليها ولم دخلت عليهم قالت لي يا بتي بعد ده كفايه ارجعي مع راجلك قلت ليها استحااااااله أتركك في الحاله دي 😢 حسام قال ليها يا خالتي خليها قاعده 😊 قالت ليهو ما قصرت يا ولدي بس سوق مرتك معاك و وصيتي ليك خلي بالك منها ✋ وطبعا حسام ما قادر يرفع عينو يعاين لي في وشي 😓 وأمي أصّرت إني أرجع مع حسام ودعتها ودموعي نازله عشره عشره 😭 قالت لي يا بتي اطمني انا كويسه والله ✋ بقلبي قلت ليها بس انا ما كويسه وما عارفه انا ببكي عشان مفارقاك ولأ عشان حياتي الجديده ح تكون كيف في بيت حسام 😭 اتحركنا والإتنين ساكتين وتعابير حسام كانت بتدل على انو مهموم 😓 وفي نص الطريق وقف العربيه وساكت في الآخر قال لي شجن في موضوع لااازم تعرفي قبل ما نصل البيت 😔 " سكت ونزل راسو غلبو يتم الكلام قلت ليهو أسهل عليك الموضوع وأبدأ انا مبروووك عليك العرس 😊 حسام اتخلع قال لي يعني انتي عارفه 😱 قلت ليهو اي وإطمن ما فارق معاي وبعدين ما تخجل الراجل محللين ليهو 4 وخانتي زاتها اعتبرها فاضيه يعني لسه فضل ليك 3 ✋ قال لي شجن والله عملت كده نتيجة ضغط 😔 قلت ليهو بس انا ما طلبت منك تبرر لي وممكن نتحرك لأنو مافي داعي نقيف في الشارع ✋ قال لي شجن قطعت كلامو وقلت ليهو ممكن نأجل النقاش لحدي ما نصل وفعلا وصلنا البيت واول ما دخلنا سمعت صوت رنان قال حسام انت جيت 😊 وده كان صوت العروس الجديده بنت خالو سماح امو قالت ليهو خلاص جبتها راجعه اها عايز تقعدها وين 😏 ؟؟ قال ليها يا امي انا من الأول شرطي معاك انك ما تدخلي بينا نحن الـ 3 صح 😒 ولو مصره تدخلي ح أعمل زي حازم واطلع من البيت ✋ امو لوت خشمها طبعا ده كلو وانا واقفه وسامعه نقاشهم اتخيلو كميه الوجع الـ حسيت بيهو نطت سماح عامله فيها واعيه وبتقدم التضحيه 😏 قالت ليها خلاص يا عمتو انا ما عندي مشكله شجن تقعد معانا اهم حاجه راحة حسام 😊 كلامها كان بقطعني من جوا الضر حاااار النصيحه 😭 امو ردت ليها من يومك فاهمه يا بتي ده كلو وانا واقفه بس قوة التحمل عندي كانت كبيره 😔 حسام قال لي شجن تعالي ودخلني غرفة حازم ودي كانت صدمه بالنسبه لي حتي غرفتي بقت حقتها 😓 حسام قطع تفكيري قال لي شجن ح تقعدي هنا لفتره محدده واصلا حازم طلع من البيت كان نفسي أسالو من سبب حازم لأنو أكتر واحد وقف معاي بس للأسف ما بيحق لي 😓 حسام طلع من الغرفه وجا راجع بعد ما إتحمم عايز يرقد في السرير قلت ليهو دقيقه دقيقه عايز تعمل شنو 😒 ؟؟ قال لي عايز أنوم قلت ليهو بس إنت غلطان في العنوان أمشي لـ مرتك 😊 قال لي وتقريبا انتي برضو حلالي قلت ليهو لااا كنت حلالك بس حاليآ الوضع إختلف 😓 وانت عارف انا جيت راجعه هنا بس عشان خاطر امي ما عايزه أزيد همها وكلها يومين وح ارجع بيتنا والعلاقه الـ بينا خلاااص انتهت 😊 وحاليا يا تطلع انت من الغرفه يا أطلع انا ✋ وفعلا حسام طلع متنرفز وأنا فضلت اندب علي حظي المائل وبقول بتمنى لو كان أمي قتلتني اول ما ولدتني قبل ما تجدعني في دار الأيتام كان أرحم من العذاب ده 😢 وأمنيتي الوحيده أنو أمي الحقيقيه تعرف المعاناة الأنا عشتها بسببها بس الله يسامحها 😔 اليوم التاني الصباح حسام جا داخل الغرفه قال لي أعملي لينا الشاي وجيبي الغرفه هنا 😊 قلت ليهو أنا ما عايزه وإنت تقريبا عندك مرا تانيه ممكن تعملو ليك قال لي بس انتي برضو مرتي قلت ليهو اهااااا صح نسيت انا مرتك الخدامه وسماح مرتك بنت الحسب والنسب 😊 قال لي بحده والله ما بفكر كده بالعكس ما قادر اتأقلم معاها واتقبل انها مرتي عشان كده بطلب منك انتي ولو خِدمتي بتتعبك من اللحظة دي ما ح اطلب منك حاجه ✋ قلت ليهو طيب انت قلت ما قادر تتأقلم معاها طيب الإسبوعين قبل ما انا أجي كنت عايش معاها كيف 😊 ؟؟ مافي داعي نكذب علي بعض ✋ حسام ما ناقشي وطلع زعلان سامعه سماح نادتو بكل مياصه حسام إنتظر عايزاك دقيقه 😊 بس طلع من غير ما يتكلم معاها " قالت ماما ليلى شوفتي شجن حرشت حسام علي 😔 خالتي ليلى بصوت عالي قالت ليها ما تزعلي يا بتي إنتي فاكره إنو حسام عرس شجن عشان بحبها ولأ عشان حباب عيونها أكيييد لااا بس عرسها كـ فعل خير عشان يساعدهم ماديا 😓 سماح قالت ليها والجابها راجعه شنو

#ليس_ذنبي
بقلم أشجان الجعلي
By : ashgan ALjaaly ~
-١١-
حسام أغلب قعادو في الصالون وكل ما يخُت قروش بيلقاها ناقصه وما بيعرف الشالها منو ؟؟ لحدي ما يوم خت القروش في الصالون وطلع الشغل لم رجع لقاها ناقصه 5 الف 😱 لم سأل سماح إنفعلت وقالت ليهو كيف تتهمني اني شلت القروش في مليون واحد في البيت ده وانا ما حراميه 😠 قال ليها انا سألتك ما إتهمتك قالت ليهو أسأل شجن أكيييد شالتها تساعد بيها أهلها بس انا ما محتاجه لقروشك وبعدين انا أهلي ربوني أحسن تربيه ✋ وفعلا حسام سألني من القروش وقلت ليهو انا اصلا ما دخلت الصالون 😓 وبعدها دخلت المطبخ أحضر الغدا وبعد رجعت الغرفه حسام كان متنرفز وقال لي شجن أنا حصل بخلت عليك طلبتي مني قروش ورفضت 😒 قلت ليهو لااا في شنو 😳 ؟؟ قال لي طيب ليييه بتشيلي قروش من غير ما تكلميني 😓 ولم سألتك منها بتقولي ما شوفتيها قلت ليهو متين ما حصل 😳 قال لي مافي داعي للكذب لقيت كيس القروش ده تحت سريرك ولسه ناقصه 2 الف طبعا إتصدمت وفضلت أحلف أنو ما عارفه القروش دي جات من وين وجات هنا كيف 😢 ؟؟ قال لي بإستهتار إحتمال يكون في جن معانا في الغرفه وانا شغاله بحلف إني ما شلتها بس تعابير وشو ما كان مصدقني 😢 وأثناء النقاش إشتد طلبت منو يطلقني ولحظة غضب حسام إنفعل وطلقني بس في لحظتها رجعني لـ عصمتو وشال كيس القروش وطلع بقلبي قلت كفايه إهانه ح أرجع بيتنا وأقنع امي بـاي عزر اني ح أقعد معاها بصفه مستديمه من غير ما أزيد همها ✋ وانا طالعه سمعت سماح قالت كمان بتسرق بس صح الـ مابتشوفو في بيت ابوك بيخلعك 😏 خالتي ليلى قالت ليها بعد ده كلو ياريت لو عندها بيت أبو 😒 قلت ليهم حسبي الله ونعم الوكيل فيكم 😔✋ ورجعت بيتنا حسام بعد عرف جا محصلني قال لي كيف تطلعي بدون إذني 😓 قلت ليهو لأنو إستحملت كتير من إهاناتكم وبفضل ساكته بس إستحاله أسكت علي إتهامكم لي بالسرقه لأنو دي إهانه لـ تربية أمي 😓 قال لي بس أنا ما إتهمتك قلت ليهو إتهمتني ولأ شكيت فيني المعنى واحد وتاني مافي حاجه بتجمعنا ببعض ✋ وأنا ما لعبه عشان تطلقني وترجعني على كيفك وبالمناسبه من اللحظه دي أمسك قروشك عليك نحن ما محتاجين ليها قال لي بس انا القروش برسلها لعلاج خالتي مريم ما تدخليها في الخلاف البينا قلت ليهو مشكور أُمنا بنقدر نعالجها أحسن من تعالجها انت وتزلنا بيها قال لي والله ما قصدي كده كنت منفعل 😢 قلت ليهو لو لسه عندك ذرة دم ما تجي هنا ولا تفكر تقابل أمي لانو ح أفهمها انا قاعده معاها عشان إنت مسافر ما عايزاها تعرف الحقيقه عشان ما تتصدم ويزيد مرضها وإتفضل أطلع مواعيد الزياره انتهت ( أحزرو الحليم إذا غضب ) ✋ ومرتك بتكون منتظراك بعد طلع قلت لـ محمد في واحد كان بناولك قروش كل شهر صح 😓 قال لي اي وبقول انها من فاعل خير قلت ليهو بصراحه القروش دي من حسام وفاعل الخير دي كذبه إخترعناها انا وحسام عشان توافقو تستلموها 😓 بس من اللحظه دي ما في حاجه بتربطنا بـ حسام حتى قروشو ما تستلمها وانا بكره ح أنزل إشتغل مكان أمي وبقروشي وقروشك ح نوفر ليها العلاج 😔 قال لي إنتي ما ح تشتغلي ح تقعدي مع أمي في البيت وانا الـ ح إشتغل وفعلا محمد طول اليوم بيكون في الشغل ويرجع الساعه 11 مساء 😢 بعد يومين أمي تعبت شدييييييد أسعفناها للمستشفى بس للأسف سمعنا من الدكتور خبر الشؤوم إنو أمي إتوفت 😭 أمي ماتت وااااي من فجعت الأم وفقدان الأم ومرارة الأم 😭 طبعاً الجيران ما قصرو قامو بواجب العزاء اصلا ما عندنا أقارب في الخرطوم وانا بعد الجثمان ما كنت واعيه بـ حاجه راقده في سرير أمي وحاضنه توبها وببكي 😭 حسام جا داخل الغرفه ""

#يتبــــع ⏪⏪⏪⏪

#ليس_ذنبي
بقلم أشجان الجعلي
By : ashgan ALjaaly ~
-١٢-
بعد الجثمان ما كنت واعيه بـ حاجه بس راقده في سرير أمي حاضنه توبها وببكي 😭 حسام جا داخل الغرفه قال لي شجن إستغفري ربك وعايز يشيل مني التوب بس مسكتو بقوه وانا ببكي قلت ليهو حسام لااا ما تشيلو دي الحاجه الوحيده الفضلت من ريحة امي 😭 قال لي لكن انتي كده بتعزبيها قلت ليهو بس تاني ألقى امي وين أمي خلاص مشت خلتني 😭 ضماني عليهو شدييييد وقال لي في اللحظه دي أمك محتاجه لـ دعواتك بدل دموعك ربنا يرحمها ويسكنها فسيح الجنات ونحن كلنا جنبك 😔 وفضل ضاميني ويطبطب علي وبسبب وجع أمي نسيت الخلاف الـ بينا ✋ عايزه أطلع من الغرفه مسكني قال لي ماشه وين 😳 ؟؟ قلت ليهو عايزه أقابل محمد 😭 قال لي محمد معاهو أصحابو إنتظريهم يطلعو وفضل يصبر فيني ✋ بعد شويه محمد جا داخل الغرفه ولم شافنا أنا وحسام مع بعض عايز يرجع بس انا فكيت حسام وجريت حضنتو قلت ليهو أمنا خلاص فارقتنا ح نعمل شنو تاني بعدها 😭 وحسام يصبر فينا قال لي شجن هسي كنا بنتكلم في شنو وفي الآخر قال لينا إرتاحو وأنا برجع البيت وبجي الصباح وانا ومحمد الليل كلو نتزكر في أمي ونبكي 😭 اليوم التاني فعلآ حسام جا راجع بس رفضت أقابلو وجبرت محمد يفهمو إني نايمه وبعد طلع دخلت المطبخ لقيت شوال سكر وكرتونة شاي ولبن بدره وعدس ... الخ قلت لـ محمد الحاجات دي الإشتراها منو 😳 ؟؟ قال لي حسام قلت ليهو بس نحن إتفقنا ما نقبل منو حاجه كيف إنت تمسكها 😒 ؟؟ قال لي أمس لم شوفتكم مع بعض أفتكرتكم رجعتو زي الأول ✋ قطعت كلامو قلت ليهو لااا ما رجعنا امس ما كنت متزكره حاجه وكنت محتاجه لشخص يواسيني وحسام إستغل النقطه دي وإتقرب مني 😓 وهسي الحاجات دي ترجع ما عايزنها محمد قال لي خلاص ح أستلف عربيه من الورشه ونرجعها ✋ واليوم التاني محمد نزل الشغل وانا رجعت إشتغل بس المره دي ببيع جنب الباب (إسكريم وشطه ودكوه ) عشان نوفر مستلزمات البيت 😓 وفعلا محمد رجع الحاجات وبعد ساعه حسام وقف العربيه جنب الباب وإتفاجأ إني رجعت أبيع 😳 مسكني من معصم يدي بقوه ودخلني البيت وقال لي بعصبيه ده شنو الـ بتعملي فيهو ده رجعتي الحاجات الإشتريتها ليكم عشان تبيعي إنتي في الشارع 😡 ؟؟ قلت ليهو ما عندك علاقه أبيع في الشارع أبيع في غيرو ما إختصاصك وبرجع الحاجات عشان ما تفكر في يوم إنك تزلني بيها وتقول بتصرف علينا ونحن ما بنسرق بنشتغل بـيدنا 😓 قال لي إنتي عارفه ما كان قصدي أزلك ولو قاصده موضوع القروش لقيتها تحت سريرك عايزاني أفكر كيف ؟؟ وما إتوقعت يكون في واحد ختاها ليك 😓 !! قلت ليهو لو بتثق فيني حتى لو لقيتها في يدي كان صدقتني لم قلت ليك ما شلتها بس لحظه لحظه تقصد شنو بـ في واحد ختاها لي 😳 ؟؟ قال لي ما في داعي نفتح موضوع إنتهى وحاليآ نقاشي معاك من الآخر كده ما عايزك تبيعي في الشارع 😠 قلت ليهو الموضوع ما إنتهى بس ان شاء الله الشالها يكون رجع ليك الـ 2 الف الناقصه عشان ما تقول صرفتها أنا وبعدين ما عندك حق تتحكم فيني عشان تمنعني أبيع كفايه لحدي هنا ✋ وكنت مستحمله إهاناتكم عشان خاطر أمي ربنا يرحمها ما عايزه أزيد همها بـ إنفصالي بس حاليآ مافي حاجه أخاف منها ✋ مسكني من معصم يدي وبحده قال لي عايزاني اطلقك ده بعدك 😠 في اللحظه دي محمد جا داخل قال في شنو 😳 حسام قال ليهو بنحل في مشاكلنا الشخصيه وبتمنى ما تدخل بينا ✋ قلت ليهو محمد من حقو يتدخل لأنو أخوي ولأ اهاااااا صح نسيت إنتو بتعتبروني مقطوعه من شجره وبتقولو أنا بنت حرام محمد قال لي شنووووو 😱 ؟؟ ومسك حسام من قميصو كيف تقولو ليها كده 😡 حسام فك يد محمد وقال ليهو بـإنفعال شجن كذابه ما في واحد بيقول ليها كده 😠 محمد قال ليهو بس شجن ما بتكذب وبدأت أصواتهم ترتفع 😔 قلت ليهم كفاااايه خلاااص كفاااتيه وإنهرت بالبكا حسام قال لي شجن لو صادقه إتكلمي البقول ليك كده منو 😓 ؟؟ قلت ليهو أمشي أسأل أمك 😭 حسام إتصدم وقال لي أمي إستحاله تقول كده وح أجيبها لحدي عندك تتواجهو ✋ محمد قال ليهو حسام أطلع برا ما عايز أشوفك هنا ومن اللحظه دي أختي انا الـ مسؤول منها ✋ وفعلا حسام طلع متنرفز اليوم التاني المسا جا ياسر قال لي والله ما كنت عارف أمك إتوفت 😢 لحدي ما إتصل حسام كلمني بس كنت مسافر قلت ليهو ما بتقصر 😊 قال لي بس بتصل علي حسام وما بيرد قلت ليهو ما عندي عنو فكره 😓 ولو عايز تفتح معاي سيره حسام بعتزر لأنو الموضوع ده منتهي بالنسبه لي ✋ قال لي أبدا والله أنا جيت أقوم بواجب العزاء وحاليا جيتكم بصفتي صديق ليكم ما صديق حسام ✋ قلت ليهو مشكور قال لي ولو إحتجتو لأي حاجه قطعت كلامو قلت ليهو الحمدلله عايشين مبسوطين 😊 قال لي ما تفهميني غلط قصدي لو محتاجه لدعم معنوي ولأ أي خدمه بقدر عليها أنا موجود والقروش دي كلنا ما عندنا 😅 ( كذاب يا إنت ساكن في عماره بس قصدو يواسيني ) "

طبعا عدا شهر وحسام إختفى من يوم إتناقشنا ومافي أي تواصل بينا حتى حازم أخبارو إتقطعت " بالرغم من إنو حازم كان متواص

#ليس_ذنبي
بقلم أشجان الجعلي
By : ashgan ALjaaly ~
-١٣-
الباب دقه ولم فتحت لقيتها خالتي ليلى ومن شافتني دموعها نزلت بـ غزاره 😭 إتفاجأت وقلت ليها إتفضلي يا خالتي واتزكرت إنها ما بترضى لم أناديها بـ خالتي قلت ليها آسفه قصدي يا حاجه ليلى 😊 حضنتي عليها وقالت لي سامحيني يا بتي إتخلعت وقلت ليها خير في شنو 😳 ؟؟ قالت لي والله جيتك وعشمانه فيك تساعديني قلت ليها خير قالت لي حسام عمل حادث إتخلعت قلت ليها شنوووو 😱 ؟؟؟ قالت لي والله عمل حادث قبل شهر وحالتو متدهوره ورافض الأكل وكل يوم يسأل منك " وانتي الوحيده الـ ممكن تأثري عليهو وتساعدي 😔 في اللحظه إتزكرت كل العملتو معاي خالتي ليلى وقلت ليها وين بنت أختك بنت الحسب والنسب زي ما بتقولي 😏 و إنتي لم أمي إتوفت ما كلفتي نفسك تجي تواسيني في وجعي وهسي عايزاني بكل بساطه أرجع معاك البيت عشان خاطر ولدك 😏 قالت لي صاح أنا غلطانه وبعتزر حقك علي واي حاجه تطلبيها والله مستعده أنفذها ليك بس توافقي تساعدي حسام 😔 قلت ليها بعتزر انا ما ببيع روحي حتى لو بـ كنوز الدنيا ومستحيل أمشي معاك ✋ قالت لي عشان خاطر حسام 😔 قلت ليها حسام بالنسبه لي إنتهى من عقد على بنت أخوك ✋ خالتي ليلى رجعت بيتها بخيبة أمل بالرغم من إنو قلبي كان بيتقطع علي حسام وكان نفسي بالجد اشوفو 😢 بس ضغطت على قلبي وطول الليل كنت بفكر في حسام وبحاول أطمن في روحي إنو بخير وأكيييد الحادث بسيط عشان أقدر أنوم 😓 بس أول ما غمضت عيوني جاني صوت أمي وهي بتقول لي ليييه يا شجن تعملي كده ؟؟ انا ما ربيتك علي الأنانيه 😒 علي الأقل كان تمشي عشان خاطر حسام ما تنسي في يوم وقف معانا وجات فرصه نرد ليهو جزو من المعروف 😓 صحيت من النوم مفزوعه 😳 وفضلت مساهره لحدي الصباح وحكيت لـ محمد بالحلم قال لي إحتمال ده دليل علي إنو أمي لو حيه كانت طلبت منك تساعدي حسام 😔 قلت ليهو إنت نسيت إنو حسام غدر بي وعرس من غير ما يكلمني 😒 قال لي وما قصر منك بس إنتي الـ كنتي رافضه تستلمي منو قروش 😊 وفعلآ محمد أقنعني أوافق على طلب خالتي ليلى قال لي أمشي ليهم ولو حسيتي بـ أقل إساءه منهم تعالي راجعه ✋ وفعلا اليوم التاني الصباح مشيت بيت حسام وكنت واقفه جنب الباب متردده أرجع ولأ وفجأه الباب فتح وكان حازم طالع وإتفاجأ إني واقفه قال لي إتفضلي 😍 قلت ليهو لااا شكرا وعايزه أرجع قال لي شجن ممكن إتكلم معاك دقيقه ✋ قلت ليهو أكييييد قال لي والله يا شجن انا عايز أطلب منك طلب بس خجلان لأنو عارف ما من حقي بس والله حسام بالجد محتاج ليك ✋ ومن يوم اختلفتو مع بعض وهو تعبان نفسيآ قطعت كلامو وقلت ليهو بس أخوك بكل بساطه بدلني بوحده 😒 قال لي والله حسام إتزوج نتيجة ضغط " أمي ضغطت عليهو لدرجه وصلتو لمرحلة عدم عفوها لو ما إتزوج سماح عشان كده إتزوجها مضطر 😔 وبسبب العرس أنا تركت البيت لحدي ما أبوي أصّر علي الأ أرجع 😔 وإنقطعت من زيارتك شهر لأني كنت مشغول مع مرض حسام قلت ليهو طيب ليييه ما إتصلت كلمتني بالحادث 😒 ؟؟ قال لي بصراحه لم حسام رفض ياخد العلاج وكان بيعاقب في نفسو بعدم الأكل بعدها أمي طلبت مني أكلمك بالحادث وأقنعك تجي راجعه البيت 😔 بس أنا رفضت طلبها لأنو أستحملتي مننا كتير بسبب إساءة أمي وما مجبوره تساعدينا بس والله حسام محتاج ليك وما عندو ذنب في الحصل وحاليآ ليك حرية الإختيار ✋ قلت ليهو طيب أحكي لي من الأول عشان أقدر أساعدو 😓 قال لي يعني ح ترجعي البيت هزيت راسي اي 😊 قال لي والله ده أحلي خبر 😍 طيب الحصل إنو حسام وسماح دايما كان بيتناقشو بصوت عالي ومره سمعتهم كان سبب النقاش إنو حسام خت قروش في الدولاب ولقاها ناقصه وإكتشف إنو سماح الـ شالت القروش 😓 بس المره دي نقاشهم كان أقوي وما عارف السبب شنو وبعدها حسام طلع متنرفز وبعد ساعه جانا إتصال إنو حسام عمل حادث وأسعفو للمستشفى 😔 وحالتو كانت حرجه وبعد يومين الدكتور فاجأنا إنو حسام عاجز عن المشي ومحتاج لـ علاج طبيعي وإحتمال يقدر يمشي وإحتمال ... حازم سكت وغلبو يواصل 😔 قلت ليهو بخلعه واصل إحتمال شنو 😳 ؟؟ لااا ما تقول كده إستحاااله حازم هز راسو بـ حسره وقال لي بس دي الحقيقه 😔 قلت ليهو لااا أكيييد ح يمشي مسحت دموعي وقلت ليهو طيب سماح وين 😓 ؟؟ قال لي بعد خرجونا البيت وسماح عرفت حالة حسام شالت شنطتها وقالت ما بتقدر تعيش في الوضع ده وعايزه تطلب الطلاق والمشكله ما قادرين نكلم حسام لأنو وضعو ما بيسمح وحالتو النفسيه منهاره تماما 😔✋ طبعآ بعد عرفت كل الحصل قلت لـ حازم ممكن تدخل معاي قال لي أكييييد 😍 وفعلا دخلنا البيت وصادفت خالتي ليلى في الهول و اول مره تكون مبسوطه بوجودي قلت ليها ممكن أقابل حسام 😊 ردت لي بكل ذوق إتفضلي يا بتي دخلت غرفة حسام و اول ما شافني دموعو نزلت 😭 قلت ليهو حمد لله علي السلامه هز راسو ودموعو نازله قلت ليهو مستكتر تتكلم معاي ما عايز ترد لي بـ لسانك 😓 إتلفت مني بالإتجاة التاني بس رد لي حازم قال لي نسيت أقول ليك إنو ""

#يتبــــع

#ليس_ذنبي
بقلم أشجان الجعلي
By : ashgan ALjaaly ~
-١٤-

قلت لـ حسام حمد لله علي السلامه هز راسو ودموعو نازله قلت ليهو مستكتر تتكلم معاي ما عايز ترد لي بـ لسانك 😓 إتلفت مني بالإتجاة التاني بس رد لي حازم قال لي نسيت أقول ليك إنو عاملين ليهو عمليه في لسانو وحاليا ما بيقدر يتكلم 😔 طبعا بعدها انهرت تماما بس حبست دموعي معقول ده حسام في لحظه يكون في الوضع ده وقلت لييهو آسفه ما كنت عارفه 😢 حازم قال عن إذنكم أخدو راحتكم ✋ وطلع من الغرفه أنا قربت من حسام وقلت ليهو ممكن أطلع مع حازم لو وجودي مضايق 😊 إتلفت وهز راسو لاااا أشر لي بيدو عشان أقعد جنبو في السرير طلع التلفون وكتب انا آآآسف كنت فاكر إنو ح نرجع زي الأول وعلاقتنا ح تتصلح عشان كده رفضت أطلقك بس ما كنت متوقع يحصل معاي كده و حاليا من حقك أنفذ طلبك 😔 بعد قريت الكلام مسحت دموعو بيدي وقلت ليهو زهجت مني بالسرعه دي ياااخ على الأقل خليني أتم معاك 24 ساعه حتى تذكر لي سيرة الطلاق 😒 وبعد ده كلو انا ح أرفض أطلع من البيت ولو طردتي من غرفتك ح أقعد في الهول 😊✋ وآخير لاحظت للإبتسامه في وش حسام ومسك يدي بس في الحقيقه انا ما كنت مبسوطه وكنت قاعده معاهو من باب الشفقه لا غير 😓 فكيت يدي عايزه أطلع مسكني عشان ما أمشي 😢 ؟؟ قلت ليهو عايزه أدردش مع خالتي ليلى حسام هز لي راسو لااا 😓 قلت ليهو ما ظريفه والله بقعد معاها بسيط وأجي راجعه 😊 طلعت لـ خالتي ليلى في الهول وقلت ليها عايزه أوضح ليك معلومه أنا جيت راجعه هنا من باب الإنسانيه يعني إطمني ما عايزه أرجع علاقتي بـ حسام 😊 وبالنسبه لمشاعري ناحيتو ماتت زماااان من يوم عرس فيني وإتهمني بالسرقه قطعت كلامي وقالت لي والله ما عارفه أشكرك كيف 😍 ؟؟ قلت ليها تشكريني بطريقه بسيطه اول ما حسام يتعافى تقنعي يسلمني ورقتي ✋ قالت لي يا بنتي إنتي لسه ما سامحتينا 😢 قلت ليها إعتبري ده شرطي الأساسي ✋ ورجعت الغرقه وحسام كل ما يشوفني يتبسم 😊 وفضلت جنبو وبعد نام فكرت أعمل ليهو مديدة دُخن إتزكرت أمي كانت بتعملها وبتقول لينا مغذيه دخلت المطبخ خالتى ليلى قالت لي عايزه حاجه 😊 قلت ليها انا لو عايزه حاجه لروحي كان رجعت عملتها في بيتنا بس عايزه أعمل لـ حسام مديده ✋ قالت لي الله يبارك فيك واثناء ما بجهز فيها سمعنا صوت حاجه إتكسرت في غرفة حسام جرينا بسرعه ناحية الغرفه لقينا كباية قزاز مدشدشه في البلاط وحسام منفعل وصّاري وشو خالتي ليلى قالت ليهو في شنو يا ولدي 😳 ؟؟ إتلفت علي وبـ نرفزه أشر لي بيدو بس ما فهمتو قلت ليهو كيف أنا منو 😒 !! أمو قالت لي لااا قصدو مشيتي وين ؟؟ رديت قلت ليهو أهااا كنت في المطبخ أمو قالت لي خلاص يا بتي خليك جنبو وانا بتمها ✋ بعد أمو طلعت قلت ليهو عايز مويه هز لي راسو لااا قلت ليهو طيب ليييه كاسر الكبايه 😓 كتب لي في التلفون كسرتها مخصوص عشان تسمعو الصوت وتجو لأنو ما بقدر أناديكم 😔 كلامو أثرني قلت ليهو طيب ليييه كنت منفعل ؟؟ كتب لي عشان كنت فاكرك تركتي البيت للمره التانيه وإتخليتي عني 😢 قلت ليهو إطمن أنا قااااعده بس أكيييد ما ح أقعد أحرسك في الغرفه زي الطفل حسام تعابير وشو إتغيرت لـحزن 😢 وأنا حسيت بتأنيب الضمير بس والله ما كنت قاصده بس حاولت أصلح كلامي وقلت ليهو كنت بعمل ليك في مديده عشان تتغذى وتقدر تقيف علي رجلك 😊 ولسه تعابير وشو حزينه خلخلت شعرو بـ يدي وقلت ليهو ولأ حابي انو نقضي باقي حياتنا كده طيب الـ ح ينفذ لي طلباتي منو ؟؟ وآخيرا إبتسم 😍

المساء زارنا ياسر وقال لـ حسام ما شاء الله ما شاء الله خلال يوم واحد وشك نور لو عرفنا السحر الإستخدمتو ليك شجن كان عملنا ليك من أول يوم 😂 حسام إبتسم ياسر إتلفت قال لي شهر كامل وانا بحاول معاهو بكل الطرق عشان أظهر الإبتسامه دي على وشو بس دايما كان بيطردني من الغرفه وبيحب يقعد لـ وحدو 😏 حازم قال ليهو ده سحر ما بنقدر عليهو إسمو سحر الحب 😍 وطبعآ انا دوووبت من الخجل حازم قال ليهو وحتى الحبوب من يد شجن بياخدها من غير نقاش 😅 انا بسبب كلامهم طلعت من الغرفه وبعد خلصو دردشه وياسر خلاص طالع بيتهم ودعنا قال لي بهمس شجن عايزك دقيقه 😊 بعد إنفردنا قال لي انا متأكد انك ما مرتاحه هنا بس انا عند وعدي ليك لو إحتجتي لأي حاجه انا في الخدمه حتى لو دعم مادي والمره دي عشان خاطر حسام تمام ✋ هزيت راسي حاضر بعد شهر مشينا المقابله الدكتور قال لـ حسام حاول إتكلم بس حسام بيحرك شفاهو من غير صوت وهز راسو ما بقدر 😢 الدكتور كشف عليهو وقال ليهو حاول بس هز راسو للمره التانيه ودي كانت صدمه بالنسبه لينا والدكتور كتب ليهو يعمل صوره ورجعنا البيت بـ خيبة أمل 😔 وطول الطريق كل الأسره كانت بتصبر في حسام وإنو أكيييد ح يتكلم 😓 وصلنا البيت وبعد دخلنا الغرفه سمعت صوت قال شجن إتلفت على حسام بس كـ العاده ساكت 😳 وتاني سمعت صوت خافض قال حياتي قلت ليهو حسام انت سمعت ليك صوت 😢 هز لي راسو لاااا قلت أكييييد يا الغرفه مسكونه يا أضاني مسكونه 😳 حسا

#ليس_ذنبي
بقلم أشجان الجعلي
By : ashgan ALjaaly ~
-١٥-
وأثناء ما بنتمشى انا وحسام في الغرفه الباب فتح ودخلت علينا سماح من غير ما تستأذن 😳 وبكل دلع قالت حسااام حمدلله علي السلامه 😍 طبعا انا وحسام الاتنين واقفين مخلوعين 😳 حسام قال ليها بـحده السمح ليك تدخلي هنا منو 😠 ؟؟ قالت ليهو نسيت انك زوجي ودي غرفتي ومن حقي أدخل من غير إستئذان 😊 قال ليها بإستهتار زوجك طيب كنتي وين خلال الـ 3 شهور ؟؟ ولأ كنتي في غيبوبه وفجأه صحيتي وإتزكرتي انك متزوجه وقلتي دي غرفتك كان إشتراها ليك أبوك 😒 !! الغرفه دي غرفة شجن وعفشك ذوق مني رجعتو ليك ✋ ( فعلا حسام بدل لي كل أساس الغرفه ) سماح قطعت كلامو قالت ليهو طيب بالنسبه لـ شجن كان مشتريها ليها ابوها 😏 اهااا نسيت شجن أصلآ ما عندها أبو لاااا لااا قصدي أهل 😊 حسام حاول يمشي ليها بس غلبو وانا إنهرت وقعدت في السرير 😭 حسام قال ليها بـحده سماح أطلعي من هنا لأنو لو وصلتك ما ح تطلعي سليمه 😡 وما تنسي شجن دي مرتي وبعدين والله متربيه أحسن منك وفايدة الأهل شنو لم تكون بتهم قليلة أدب ✋ وبالمناسبه أمس رسلت ليك هديه مع أخوك بس تقريبآ ما سلمك ليها 😊 قالت ليهو يا سلام هديه لي انا 😍 قال ليها ولم تشوفيها ح تتفاجئي اكتر ✋ وخبر الهديه كان صدمه بالنسبه لي في اللحظه دي جات خالتي ليلى داخله قالت الحاصل شنو 😳 ؟؟ وإتفاجأت بوجود سماح قالت ليها الجابك شنو 😡 ؟؟ قالت ليها جيت إطمن عليكم يا عمتي وبسبب شجن حسام طردني من البيت 😒 خالتي ليلى قالت ليها وانا هسي ح أصلح أكبر غلطة عملتها وح أنفذ كلام حسام ومسكت سماح من يدها وقالت ليها برا 😠 سماح قالت ليها حتى إنتي يا عمتو 😒 قالت ليها ولو كنت موجوده ما كان سمحت ليك تدخلي من الباب ✋ بعد سماح طلعت حسام مسح دموعي وقال لي بتبكي عشان كلام وحده ما عندها قيمه 😓 قلت ليهو كان نفسي إنفعل فيها وأرفع صوتي عليها بس للأسف كلامها صح مسك يدي قال لي كيف يعني كلامها صح 😒 ؟؟ إنتي ما عندك أهل طيب مريم ومحمد بالنسبه ليك شنو ؟؟ طيب أنا بالنسبه ليك شنو ؟؟ ما أسمعك تقولي كده 😒 خالتي ليلى جات داخله قالت لي والله يا بنتي انا كنت عند الجيران ولو عارفه انها ح تجي من باب الشارع ما كان سمحت ليها تدخل 😢 وانا ساكته حسام قال لي حبيبي قولي أي حاجه بس ما تسكتي كده 😢 قلت ليهو حسام عايزه أمشي لـ محمد ( بقلبي قلت لأنو الوحيد الممكن يواسيني 😢 ) حسام أشر لأمو تطلع من الغرفه وقال لي تسمحي لي أمشي معاك 😊 ؟؟ قلت ليهو أكيييد لااا لأنو بيتنا ما مهيأ ليك وانت في الوضع ده 😓 ضماني عليهو وقال لي إذا تنتظري حالتي تتحسن ونسجل لـ محمد زياره مع بعض 😘 وفي الحقيقه انا قصدي أرجع بيتنا نهائي بس حسام فهم إنها زياره 😓 وكل ما أحاول أسألو من هدية سماح بتراجع وأقول دي حياتو الشخصيه ما لي حق فيها وأصلا ح ننفصل 😔 وطول الفتره دي كنت بحاول أبعد من حسام بقدر الإمكان عشان ما إتعلق بيهو للمره التانيه 😢 وكان هدفي الوحيد انو يتعالج وفعلا مع مرور الأيام حسام بدأ يتحسن ويقدر يمشي من غير ما يتسند علي واحد 😍 وكل ما أقول خلاص أرجع البيت بس بغير رأيي وأقول إنتظر لحدي بكره وكان صعب علي إني إفترق من حسام 😔 يوم حسام إتجهز وقال عندو مشوار قلت ليهو ح تطلع كيف والدكتور مانعك تسوق العربيه الأ بعد فتره 😓 قال لي طالع مع ياسر بـ عربيتو باسني في خدي وقال لي خليك دايما بتخافي علي كده 😘 بعد طلع من البيت قررت إني أرجع بيتنا قبل ما إتعلق بيهو أكتر 😢 وفعلآ طلعت الهول لـ خالتي ليلى قلت ليها الحمدلله حسام إتعافى ورجع زي الأول قالت لي الحمدلله والله ما عارفه أشكرك كيف 😘 قلت ليها تشكريني بأنك تنفذي لي طلبي زي ما انا أوفيت وعدي 😊 وسلميني ورقتي من حسام مهمتي لحدي هنا انتهت ✋ قالت لي يا بتي والله انا صح كنت غلطانه وإعتزرت منك وبتمنى ننسى الفات ونبدأ حياة جديده 😔 قطعت كلامها قلت ليها إنتي ممكن تنسي بس أنا جروحي لسه بتنزف واصلا دي كانت أمنيتك من زمان إننا ننفصل صح 😊 إتفاجأت بـ حسام جا داخل وقال لي بإستغراب في شنو يا شجن 😳 ؟؟ أمو ردت ليهو مافي حاجه 😊 قلت ليهو الحاصل تفهمو ليك أمك ✋ قال لي انا إتفقت معاك إني أسمع منك قبل ما أسمع عنك صح أحكي إنتي في شنو 😓 ؟؟ بديت إسترجع في الزكريات السيئه في علاقتي مع حسام عشان ما أضعف جنبو 😓 وقلت ليهو عايز تسمع مني اوك المختصر المفيد إنو علاقتنا لحدي هنا خلاااص إنتهت قرب مني قال لي بإستغراب شنووووو كيف يعني إنتهت السبب شنو 😳 ؟؟ وإتلفت علي أمو قال ليها الحصل شنو رجعنا تاني للمحور القديم 😓 امو قالت ليهو والله ما سألتها 😢 قلت ليهو بالمناسبه انا المحور القديم لسه ما نسيتو انا نفس شجن الـ ما عندها أهل 😔 انا نفس شجن الجات في الدنيا بطريقه غير شرعيه 😔 انا نفس شجن الحراميه طبعا كنت بتكلم كده والعبره خانقاني 😔 حسام قال لي بصوت مكسور شجن خلاااص وعايز يقرب مني رجعت منو خطوتين ورا قلت ليهو لسه ما خلصت كلامي خليك عارف انا

#ليس_ذنبي
بقلم أشجان الجعلي
By : ashgan ALjaaly ~
-١٦-
حسام قطع تفكيري وقال لي ما عايزه تتفرجي في باقي البيت قلت ليهو ما شرطي 😊 قال لي عندك حق اصلا البيت ما كبير 😓 دخلت الغرفه وبديت أرتب الملابس في الدولاب حسام إعترض طريقي و وقف بين الشنطه والدولاب قلت ليهو تحب أطلع ليك عشان ترتبها انت جراني من خصري وقال لي فايدة ترتيب الملابس شنو إذا كانت حياتنا ما مرتبه 😢 حبيبي أجرت البيت ده عشان نبدأ حياتنا من الصفر وحياة خاليه من المشاكل وحاليآ لو عندك أي حاجه سيئه في قلبك ناحيتي أحكي لي عشان نحلها 😊 بعد عايزه إنفعل فيهو وأذكرو بس إتراجعت وخوفت تحصل ليهو الحاله ونحن قاعدين برانا ومافي واحد يسعفو عشان كده كنت حزره في التعامل معاهو ✋ ورديت ليهو بكل هدوء ما في حاجه 😊 وحياتنا كانت شبهه مستقره كنت بدعي لأهلو إنها تمثيل بس بصراحه كنت مستمتعه بوجودي جنب حسام وإتمنيت إنو يفضل فاقد الزاكره طول حياتو عشان حياتنا تستمر بنفس الطريقه 😍 وكل مره كنت بسألو لو إتزكر حاجه وبكون مبسوطه لم يقول لي لااا على الأقل بلقى مبرر لوجودي جنبو ✋ لحدي ما يوم تلفون حسام رن شال التلفون وطلع الصاله يتكلم اهلييين يا حجه انا بخير الحمد لله والله شجن تماااام 😍 قالت ليهو كده كفايه بعد ده تعالو راجعين بيتكم 😔 قال ليها كلها إسبوعين ولحقتو تشتاقو لينا 😅 قالت ليهو لييه تأجرو بيت وبيتنا كبييير وبيكفي قال ليها يا أمي انا هنا والله مرتاح أكتر من الأول " فتحت باب الغرفه عايزه أطلع سمعتو يتكلم وقفت ورا الباب إتصنت قلت أكيييد أمو بتحرشو علي 😏 حسام قال ليها يا أمي والله إطمني أنا كويس شديييد وأقول ليك الحقيقه عشان تطمني أكتر انا ما فاقد الزاكره متزكر اي حاجه ✋ وصاح لم إتناقشنا كنت تعبت بس إتحسنت في لحظتها وانا الطلبت من الدكتور يقول ليكم فاقد الذاكره عشان عايز أرجع علاقتي مع مرتي 😍 امو اتخلعت قالت ليهو بالجد حرام عليك يا ولدي قطعت قلوبنا عليك طيب ح تمثل كده لمتين 😓 قال ليها لحدي ما أرجع ثقة شجن فيني وترجع علاقتنا زي الأول ✋ حتى أكلمها بالحقيقه بس إنتي إطمني والله أنا مبسوووط مع شجن ومع حياتي الجديده ومستعد أمثل عليها طول حياتي بس المهم تفضل جنبي 😍 بعد سمعت المكالمه كانت صدمه بالنسبه لي براحه رجعت السرير وعملت روحي نايمه حسام جا راجع رقد ورفع راسي في صدرو وضماني عليهو وراح في نوم عميق 😓 وكان نفسي إنفعل فيهو و أواجهو بس ما قادره أحدد أحساسي بالظبط شنو ؟؟ ما عارفه أفرح عشان إكتشفت إنو لسه متمسك بي ولأ أزعل عشان إكتشفت كذبو علي 😓 وفضلت أفكر لحدي ما نمت 😓 اليوم التاني صحيت عادي كأنو مافي حاجه وحسام إتجهز للشغل وكان أول يوم ينزل فيهو الشغل " قال لي شجن الليله ح إتأخر شويه ح أمشي البيت الكبير لو ما عندك مشكله 😊 !! قلت ليهو خير عندهم شنو ؟؟ قال لي طولت منهم قلت ليهو لاااا أول تعال هنا عايزاك في موضوع 😒 قال لي بإستغراب موضوع شنو 😳 ؟؟ قلت ليهو هسي أمشي الشغل عشان ما تتأخر وبعد ترجع بنتناقش قال لي أوك قرب مني عشان يبوسني رجعت خطوه ورا قال لي شجن أحكي هسي في شنو أنا كده ما ح أقدر إشتغل 😒 قلت ليهو ما موضوع مهم خلي لـ بعدين 😊 قال لي تمام وطلع الشغل وفي الحقيقه ما عايزه أفتح الموضوع عشان ما يطلع متنرفز ويزيد سرعة العربيه ودي أكتر صفه سيئه فيهو بينفس غضبو عن طريق السرعه 😓 وشغاله إتكلم مع روحي طيب ليييه بعد عرفت الحقيقه ما رجعت بيتنا ؟؟ وليييه عايزه إتناقش مع حسام في علاقتنا مع إنو بالنسبه لي منتهيه ✋ معقول لسه بحب حسام استحاااله 😱 والضهر إتفاجأت بـ حسام جا راجع بدري قبل نهاية الدوام واول ما دخل الغرفه حتى قبل ما يسلم قال لي شجن أحكي في شنو 😓 " أمي قالت ليك حاجه ؟؟؟ قلت ليهو لااا اول أدخل اتحمم 😊 قاطعني قال لي شجن في شنو انا كده مرتاح واصلا من الصباح متوتر عشان كده أحكي 😒 قلت ليهو حسام إنت كذبت علي لم قلت ما متزكر حاجه صح 😒 ؟؟ قال لي لااا ما كذبت بس بحاول إتزكر 😊 قلت ليهو اوك طيب مكالمتك أمس المساء مع أمك لما حكيت ليها الحقيقه متزكرها ولأ نسيتها ✋ حسام إتخلع وسكت قلت ليهو رد علي سؤالي ولأ إعتبر سكوتك رد ليييه تكذب علي 😒 ؟؟ قطع كلامي وقال لي كذبت عشان خاطر علاقتنا 😓 قلت ليهو بس انت ما عارف انا كنت ضاغطه علي روحي كيف كوني أعيش معاك عشان إنت تتعالج " وعلاقتنا إنتهت من يوم طلقتني المره الأولى وبدل كل مره تجزأ لي الطلاق سلمني ورقتي ✋ قال لي شجن طلاقي ليك ده كان أكبر غلطة ارتكبتها ودفعت تمنها وحاليا بصلح فيها 😔 وانتي زعلانه عشان كذبت عليك إسبوعين طيب إنتي كذبتي علي 3 شهور وعشتي معاي ومهتمه بي أساس إنك لسه بتحبيني وهسي بكل بساطه عايزه تنسحبي بعد ما حياتنا إستقرت 😒 قلت ليهو كذبت عليك لأنو للضروره أحكام قال لي يعني كذبتك لقيتي ليها مبرر وأنا كذبتي إعتبرتيها ذنب اوك 😒 بس عايز منك طلب إنو تديني فرصه وإعتبريها آخر فرصه وانا معترف بغلطتي ويا ستي المسامح كريم ✋ طبعا كلامو فرحني

#ليس_ذنبي
بقلم أشجان الجعلي
By : ashgan ALjaaly ~
-١٧-

وفعلا حسام جبرني إني أقوم للأكل بس المره دي هو الـ حضر الصينيه قال لي لو من الأول كلمتيني ما كنت تعبت كده كان لقيت الأكل جاهز 😒 قلت ليهو هسي تعبت عشان سخنتو من التلاجه 😏 قال لي ورصيتو في الصينيه 😊 قلت ليهو بالمناسبه أنا كنت قاشره بـ فستان باسني في راسي قال لي المتيم بيك ما بيهمو مظهرك 😍 بنتناقش كده الباب دقه حسام فتحو وسمعت صوت محمد أخوي 😍 حسام قال ليهو إتفضل شكلو نسيبتك بتحبك الغداء جاهز قلت ليهو ان شاء الله تطلع بتحبك بالجد ما يكون حظك زيي 😊 حسام صر لي وسكت بعد الغدا حسام قال لينا أخدو راحتكم في الكلام ودخل الغرفه 😊 محمد قال لي عامله كيف ؟؟ قلت ليهو الحمدلله قال لي حسام لسه فاقد الزاكره ولأ قطعت كلامو قلت ليهو الحمد لله زاكرتو رجعت ومتزكر كل حاجه وما قدرت أقول ليهو حسام كان بيمثل علينا 😓 محمد قال لي تمام يعني مهمتك إنتهت وح ترجعي معاي 😍 سكت ما قدرت أقول ليهو إني قررت أعيش مع حسام محمد قال لي خلاص ح إنتظرك تحضري شنطتك 😊 في اللحظه دي حسام جا قعد جنبي قال ليهو ليييه تمشي معاك وتترك بيتها ؟؟ بدل تهديها تمسك بيتها عايز تسوقها 😓 !! محمد قال ليهو حسام في حاجات انت ما عارفها 😓 حسام رد ليهو لااا انا عارف اي حاجه وعارف شجن كانت قاعده معاي مجبوره ومضطره بس هسي صدقني قاعده بكامل رضاها صح يا شجن ومسك يدي 😊 وانا ساكته غالبني أرد محمد قال لي شجن بالجد عايزه تقعدي هزيت راسي قال لي كيف توافقي نسيتي الـ عملو فيك 😒 ؟؟ حسام رد ليهو محمد أنا وشجن إتناقشنا وقررنا نبدأ حياه جديده ✋ وطبعآ أنا ساكته 😔 محمد إتلفت وقال لي أوك ولو في اي لحظه حسيتي انك عايزه ترجعي بيتك مفتوح ليك صاح أمي ماتت بس أنا قاعد ✋ كلامو أثرني ودموعي نزلت حسام ناولني منديل وقال لـ محمد أكييييد بيتك مفتوح لـ شجن بس ح تجيك زياره ما تقعد بصفه مستديمه 😊 بعد محمد طلع قلت لـ حسام انت قلت لينا أخدو راحتكم في الكلام بس كنت بتتسنط على كلامنا صح 😒 ؟؟ قال لي صح عشان كنت متأكد إنو محمد ح يفتح معاك الموضوع وخفت تتأثري بكلامو وترجعي في قرارك 😔 وبعدين ما تنسي حتى إنتي إتسنطي لمكالمتي مع أمي صح يعني وحده بوحده وباسني في خدي لويت خشمي 😏 قال لي وإنتي صاره برضو تجنني 😘 طبعآ حسام بيوفر لي متطلبات البيت حتي يطلع الشغل يوم قال لي شجن انتي ليييه ما بتشيلي قروش من الدولاب 😓 قلت ليهو لأني ما محتاجه ليها اصلا الـ بيفضل من العشاء بفطر بيهو يعني ما محتاجه للقروش هز راسو وقال لي أوك 😊 بالمناسبه الليله ما تعملي حاجه ح إتناول العشاء جاهز 😍 وفعلا إتعشينا واليوم التاني قلت لـ حسام مافي أكل في البيت ناولني الحاجات من الدكان قبل تمشي الشغل 😓 قال لي الزمن إتأخر والقروش عندك في الدولاب إتصرفي منها 😊 وطلع الشغل وفعلآ الساعه 10ص فتحت الدولاب عايزه إتناول القروش إتزكرت لم حسام اتهمني بالسرقه العبره خنقتني 😔 قفلت الدولاب ودخلت المطبخ ما لقيت حاجه غير نص عيشه أكلتها وعملت معاها شاي ساده والساعه 12 حسام إتصل قالت لي فطرتي فرحت وبقلبي قلت أكيييد عايز يتناول معاهو فطور 😍 قلت ليهو لااا لسه 😢 قال لي بإنفعال ليييه ما فطرتي لحدي هسي 😠 ؟؟ قلت ليهو أهدأ بهظر معاك فطرت 😊 قال لي فطرتي بـشنو ؟؟ قلت ليهو بالقروش بس ما تخاف ما شلت منها كتير ✋ قال لي انا سألتك فطرتي بشنو ما بكم ؟؟ البيهمني انك أكلتي بالهنا ليك وقفل الخط 😓 بعد حسام رجع من الشغل فتح الدولاب وانا كنت في المطبخ بحضر في الغداء سمعتو بينادى بأعلى صوت شجن يا شجن جيت جاريه قلت ليهو في شنو 😳 ؟؟ قفل الدولاب بقوه وقال لي فطرتي بشنو ؟؟ قلت ليهو هسي ناديتني بالطريقه دي عشان تسألني 😒 قال لي شجن ردي علي فطرتي بشنو 😠 ؟؟ قلت ليهو المهم فطرت قال لي كيف فطرتي والقروش في مكانها 😓 سكته قال لي ما فطرتي صح ليييه ما شلتي قروش وانا منزله راسي وساكته عشان ما قادره أصارحو بالإجابه قال لي اوووووووووف منك وطلع من البيت 😠 بعد شويه جا راجع قال لي حضري الغداء ولأ عايزه تتمي اليوم كامل بدون أكل 😒 وفعلا عملت الغداء وبصراحه كنت جعانه بعد إنتهينا من الأكل وأثناء بغسل في العده حسام قرب مني وضماني عليهو قال لي شجن عشان نعيش مبسوطين لااازم ننسي الماضي ونبدأ صفحه جديده 😊 وفي يدي مافي حاجه غير إني إعتزر عن الحصل وبتمنى لو الزمن يرجع 😔 والله لم سألتك من القروش كان نتيجة ضغط من سماح لأنها قالت شافتك لم شلتي القروش ولم فتشت غرفتك فعلا لقيتها بس انا ما بعلم الغيب عشان أعرف إنو سماح الـ ختتها ليك 😔 فكيت يدو مني وقلت ليهو بصوت مبحوح عشان من الأول ما كنت واثق فيني 😏 قال لي والله الزعلني إنو القروش ما حقتني كانت أمانه عشان كده كنت بتصرف بعصبيه ومن غير ما أحكم بعقلي 😓 وحاليآ القروش الـ في الدولاب دي كلها حقتك إعتبريها غرامه عشان ظلمتك وكده أكون إرتحت من تأنيب الضمير وقعد يضحك 😅 قلت ليهو بس انا ما عايزاها 😓 قال لي

#ليس_ذنبي
بقلم أشجان الجعلي
By : ashgan ALjaaly ~
-١٨-

حسام كان بيحضر قفل التلفزيون وحصلني في المطبخ طفى البوتوجاز ولفتني عليهو قال لي إنتي لسه مصره على الأفكار دي طيب إعتبري فكرتك إتنفذت حتى قبل ما أعرفها 😒 عشان تتأكدي من ثقتي فيك ومسك يدي قال لي تعالي أحكي قلت ليهو دقيقه أول أتم الأكل قال لي ما شرطي ناكل ✋ وفعلا قعدنا في الكنبه قال لي سامعك الفكره شنو ؟؟ قلت ليهو حسام عشان تكون جنب أهلك أنا مستعده أرجع أعيش في البيت الكبير 😔 قال لي بدهشه شنووووو ؟؟ لااا طبعا انا هنا مرتاح ما عايز أرجع تاني لوجع الرأس بالشكيه والمشاكل وما صدقتنا إنو حياتنا إستقرت ✋ قلت ليهو اولآ أنا ما حصل إشتكيت ليك 😏 قال لي دي المشكله زاتها إنو كل يوم بسمع عنك شكيه ولم أواجهك ما كنتي بتدافعي عن روحك وعشان كده ما كنت بقدر أحدد الغلطان منو 😓 وما عارف ليييه بتسكتي قلت ليهو كنت بسكت عشان بفوض أمري لله 😓 قطع كلامي وقال لي ونعم بالله يعني إعتبر الحادث الحصل معاي ده إنو ربنا إنتقم ليك مني 😅 قلت ليهو بصوت مكسور أكييييد لااا وبعدين نرجع لموضوع الرحول صح نحن ح نرحل البيت الكبير بس ما ح نسكن فيهو ح نكون جيرانهم 😊 قال لي بدهشه دي فزوره كيف يعني 😳 ؟؟ قلت ليهو انتو عندهم حوش كبير وفاضي ما مستخدم صح ممكن تبني فيهو غرفه ومطبخ ونرحل فيهو بس بشرط يكون مفصول خالص من بيت أهلك حتى باب الشارع يكون منفصل وكده ح نكون مستقلين برانا وح تكون جنب أهلك 😊 وحسام كان بيسمع فيني ومندهش وفي الآخر قال لي والله المفروض تكوني مهندس معماري باسني في خدي وقال لي أحلى فكره ومن بكره ح أنزل مواد البناء 😍 قلت ليهو اول كلم أمك وإستشيرها إحتمال ترفض 😊 قال لي شجن أنا ما ح أدافع عن أمي وأقول ليك بالجد إتغيرت عشان الزمن ح يثبت ليك ✋ ومرر أصبع يدو في خدي وقال لي بس إنتي كيف تنسي الحصل وتسامحيها 😊 بقلبي قلت إتغيرت ولأ بتمثل عليك إنها إتغيرت 😏 حسام قطع تفكيري قال لي ما ملاحظه إنو الفطور إتأخر قلت ليهو نسيت إنك طلعتني من المطبخ وقلت ما شرطي تاكل 😒 ضحك وقال لي صح بس هسي إقتراحك ده فتح نفسي للأكل 😅 دخلت المطبخ وحسام إتصل على أمو كلمها بقلبي قلت هسي تقول ليهو بنت الحرام دي ما تبني في بيتي 😏 بعد حسام قفل الخط جا ضماني من ورا وقال لي زي ما إتوقعت أمي فرحت وحتى عرضت علينا نرجع نسكن معاها لحدي ما ننتهي من بناء البيت 😍 حسام كان خاتي راسو في كتفي إتلفت أديتو نظره بطرف عيني 😒 ضحك وقال لي وفري نظرتك دي لأني رفضت أرجع وإطمني ما ح تطلعي من هنا الأ في بيتك تمام 😊 يلااا سريع حضري الفطور لأنو لو جوعت أكتر من كده ممكن إتحول لآكل لحوم البشر 😅✋

وفعلا حسام بدأ يبني في البيت وقبل رمضان بـ إسبوعين رحلنا وخالتي ليلى جاتني مره واحده ✋ بس حسام قبل ما يمشي الشغل كان بيمشي يصبح عليها وكذلك المغرب بيمسي عليها ✋ والبيت فعلا إتفصل خالص حتى باب الشارع منفصل 😓 اول يوم في رمضان حسام قال لي شجن الجو مسخن ونحن ما عندنا مكيف عادي ممكن تمشي تقعدي مع امي بهناك وقريب لصلاة المغرب تجي راجعه 😊 قلت ليهو لااا الجو بارد ما محتاج لمكيف واصلا أنا ما متعوده علي هواء التكييف 😊 وحسام كل يوم كان بيزن علي أمشي بس انا برفض وعندنا شجره كبيره في البيت كنت برشها بالمويه وبرقد تحتها ✋ يوم حازم إنقعل في حسام قال ليهو معقول يكون دمك بارد للدرجه دي مرتك قاعده في السخانه وصايمه وانت نايم هنا في المكيف 😠 طبعا حسام بيسمع فيهو وهو مبتسم قال ليهو حسام انا بتكلم معاك 😓 حسام رد ليهو معقول إسبوع انا ساكت وموافق علي الوضع ده من غير هدف حازم بإستغراب قال ليهو هدفك شنو 😳 ؟؟ حسام قال ليهو انا مخصوص عملت كده عشان شجن تزهج من السخانه وتضطره انها تجي هنا وتقعد مع امي يعني هدفي أكسر الحاجز بينهم 😓 حازم قال ليهو ما تضغط علي شجن وتجبرها على حاجه هي ما موافقه عليها كفايه جبرناها كتير 😔 رد ليهو والله ما عايز اجبرها بس كنت عايز اساعدها تنسى الحصل بس شكلها ما ح تتنازل بسهوله ومصره علي موقفها وعلي العموم انا شتريت المكيف وإتصلت على الشركه بكره تركبو ✋ ومشكور على النصيحه بس اكيييد ما بتخاف علي مرتي أكتر مني 😊 وفعلا اليوم التاني ركبو المكيف وعدا شهر رمضان ويوم العيد الصباح إتصل حازم وطلب مني أكوي ليهو الجلابيه قلت ليهو تعال ما عندك مشكله ✋ وفعلا ناولني ليها وبعد انتهيت من جلابية حسام بديت أكوي لـ حازم حسام قال ليهو تقريبآ في قسيمة الزواج مكتوب إسم العريس حسام ما حازم قلت ليهو بحده حسام 😒 واتلفت على حازم قلت ليهو ما تزعل من حسام 😊 بس حسام ضحك وقال لي والله إنتي مسكينه حازم ده آخر واحد يزعل 😅 حازم رد لي لا يااااخ أزعل شنو بس إنتو اتأكدو من القسيمه ح تلقو مكتوب فيها إسم العريس حسام وأحصل على حازم مجان 😅 ضحكت وناولتو الجلابيه حسام قال ليهو بس ما تتعود رد ليهو لااا لااا إطمن العيد الجايي ح تكويها لي مرتي 😍 قلت ليهو ان شاء الله حسام قال ليهو أول إشتغل ح

#ليس_ذنبي
بقلم أشجان الجعلي
By : ashgan ALjaaly ~
-١٩-

أول ما وصلنا المكان دار الأيتام ( المايقوما ) حازم إتصدم و بخلعه قال لي شجن جينا هنا لـ شنو 😳 ؟؟ قلت ليهو إنت إنتظرني هنا وأنا ح أدخل 😊 مسكني من يدي قال لي شجن لاااا ما ح تدخلي حسام لو عرف ما ح يرضى وانتي أصلا عايزه شنو 😒 ؟؟ قلت ليهو إطمن حسام ما ح يعرف وفعلا دخلت واول ما شوفت الأطفال العبره خنقتني ودموعي نزلت 😭 مسحتها ودخلت المكتب قابلت مشرفه وعرفتها بـ روحي وبديت أدردش معاها قلت ليها الأطفال بتجيبوهم هنا كيف 😓 ؟؟ قالت لي اي طفل بيجي بطريقه مختلفه وبنستلمو عن طريق الشرطه قلت ليها والإجراءات البتعملوها إنتو شنو 😊 ؟؟ قالت لي بنعمل ليهو فايل وبنسجل كل بياناتو وبنعرض الطفل على الدكتور نتأكد من حالتو الصحيه وبنكتب المعلومات في الفايل ✋ قلت ليها طيب أنا عايزه الفايل حقي قالت لي بس ليلى لم إتبنتك أكييييد ح تكون شالتو فتشي بيتكم ح تلقي بس إنتي عايزه لـ شنو 😓 ؟؟ بلعت ريقي وقلت ليها بصوت مكسور عايزه أعرف جيت هنا كيف ولقوني وين 😢 ؟؟ قالت لي ليييه عايزه تفتشي في الماضي وبعدين المعلومات الـ عايزاها إنتي ما بتكون مسجله في الفايل 😓 أسئلتك دي ما في واحد ح يقدر يجاوبك عليها الأ يكون حاضر تسليمك وللأسف أنا إشتغلت جديده هنا ✋ قلت ليها طيب دليني على وحده تساعدني 😭 قالت لي أدخلي للمديره وفعلا دخلت ليها وسألتها وفي الأول رفضت تحكي لي وإضطريت أكذب وقلت ليها حياتي كلها عباره عن مآساة بعد أمي إتوفت حتى زوجي إتخلى عني وطلقني عايزه أعرف قصتي عشان تكون دي الزكرى الحقيقه الوحيده من طفولتي 😔 المديره إتأثرت قالت لي لم إستلمناك هنا كان عمرك إسبوع تقريبآ و وصلتي لينا عن طريق المباحث في اللحظه دي حازم إتصل علي قفلت فيهو الخط 😓 قلت ليها واصلي وكنت منتبهه معاها بكل حواسي قالت لي القصه كالآتي مستشفى الدايات فتحت بلاغ إنو في طفل أمو إختفت من لحظه الولاده و3 يوم بيحثو عن الأم بس ما لقوها عشان كده فتحو بلاغ وحققو مع الدكتور التابع الولاده وقال انها كانت بنت تقريبا في عمر الجامعه وكانت معاها مرا كبيره والمرا فهمت الدكتور إنو زوجها (ابو الطفل ) مسافر 😓 قلت ليها طيب لو مشيت المستشفى بتحصل على معلومات توصلني لـ أمي 😔 قالت لي للأسف ما عندهم معلومات لأنو كانت حاله ولاده مستعجله ما كتبو الإستماره والمعلومات القالوها كلها طلعت كذب 😔 في اللحظه دي الباب دق دخل عسكري ومعاهو مشرفه شايله طفل بس رجلو كلها ملفوفه بـ شاش طبي المديره قالت ليهم رجل الطفل مالها 😳 ؟؟ العسكري قال ليها الطفل ده لقينا في كرتونه وسط الوسخ وفي كلب كان بيحاول يطلعو من الكرتونه وكان بينهش في رجلو وأسعفنا للمستشفى ✋ طبعا في اللحظه دي إنهرت بالبكا بسبب الطفل وكل الموجودين فضلو يهدو فيني 😭 وطلعوني برا وحازم اول ما شافني قال لي بخلعه شجن الحصل شنو 😱 ؟؟ المشرفه قالت ليهو ما في حاجه بس إتأثرت بطفل رجعها البيت بتهدأ ✋ حازم وقف أمجاد وقال لي ما ح نرجع بالمواصلات وإنتي بالحاله دي 😔 سيد الأمجاد قال لينا البركه فيكم فاكر عندنا خبر بكا 😅 وصلنا البيت وحازم شغال يسكت فيني وانا منظر الطفل مثبت في عيوني اول ما دخلت البيت رقدت في السرير وببكي وحازم ما قادر يهديني في الآخر إتصل على حسام وطلب منو يجي راجع البيت حسام قال ليهو أمي الحصل ليها شنو 😳 ؟؟ حازم رد ليهو ما أمي شجن حسام قال ليهو بخلعه شجن مالها 😳 ؟؟ حازم قال ليهو ما عندها حاجه بس بتبكي وبعد تجي بتعرف ✋ وفعلا خلال ساعه حسام وصل قال لي شجن حبيبي في شنو ؟؟ وانا من سمعت صوتو زدت في البكا قلت ليهو وأنا بتنهد حسام الكلب أكل رجلو 😭 قال لي بخلعه رجل منو 😳 ؟؟ قلت ليهو رجل الطفل قال لي طيب أهدي وطلع لـ حازم في الحوش قال ليهو ده شنو الكلام البتقول فيهو شجن ؟؟ وكلب شنو وطفل منو 😳 ؟؟ حازم قال ليهو انا ما عارف الحصل شنو بس شجن ساقتني معاها وسكت 😓 حسام قال ليهو واصل مشيتو وين 😒 ؟؟ قال ليهو دار المايقوما حساااام بحده قال ليهو شنووووو 😠 وضرب التربيزه كيف توافق تمشي معاها للمكان ده وليييه ما ضربت كلمتني 😠 حازم قال ليهو والله أنا ما كنت عارف وإتفاجأت بعد وصلنا ✋ حسام قال ليهو بعد عرفت كان تتصل علي عارف شجن ما كلمتني لييييه لأنها متأكده إني ح أمنعها طيب الحصل شنو هناك 😒 حازم قال ليهو والله انا ما عارف حاجه وكنت منتظرها برا ✋ حسام قال اااااااااااخ منك يا شجن وجا داخل الغرفه قعد جنبي قال لي حبيبي خلاص 😢 قلت ليهو كيف في ام ضميرها يسمح ليها تجدع طفلها لم هم ما عايزننا ليييه بجيبونا ليييه ما إتخلصو مننا ونحن في بطنهم 😭 كان أحسن من ترميني في المستشفى ويرمو الطفل مع القمامه 😭 حسام رفع راسي في صدرو وشغال يطبطب علي قال لي ما تقولي كده ربنا بحبكم عشان كده كتب ليكم الحياة بس إنتي بتحبي تنكدي على روحك المفروض تحمدي ربك انك نشأتي في أسره وكونتي أسره ليييه بتبحثي عن ماضي مافي منو أمل 😓 قلت ليهو كنت عايزه أعرف

#ليس_ذنبي
بقلم أشجان الجعلي
By : ashgan ALjaaly ~
-٢٠-
سمعت صوت الباب دقه وحسام كان في الصلاة أضطريت أفتحو لقيتو حازم قال لي جيت إطمن عليك من حالة أمس قلت ليهو تمام الحمدلله 😊 إتفضل أشرب معاي الجبنه بعمل فيها قال لي يا سلااام بس ما يكون فيها إزعاج 😊 قلت ليهو أكييييد لااا أصلا حسام من الصلاه ح يمشي بيتكم ✋ قال لي اهااا تمام وفعلا دخل وبعد عملت الجبنه حازم قال لي شجن انا بعتزر عشان أمس كلمت حسام بس بعد شوفتك بالحاله دي غلبني إتصرف ما لقيت حل غير إتصل على حسام 😔 قلت ليهو ولا يهمك حصل خير وأصلا الليله العصر راجعه 😊 قال لي بخلعه راجعه وين دار المايقوما 😳 هزيت ليهو راسي اي حازم خت كبايه الجبنه في التربيزه وقال لي والله ما أمشي معاك وجبنتك دي زاتها ما عايزها ✋ ولا تفكري تقنعيني كفايه أمس حسام بعد عرف ما ناقص الأ يتناول السكين من المطبخ ويطعني عشان كده إستحاله أمشي معاك 😓✋ وانا بسمع فيهو ومستغربه في الآخر قلت ليهو أهدأ أصلا أنا ما طلبت منك تمشي معاي لأنو ح يمشي معاي حسام شخصيا 😌✋ قال لي شنوووو 😳 ؟؟ قلت ليهو ما تستغرب طلبت منو يسوقني و وافق 😍 قال لي أكييييد إستخدمتي معاهو سحر الحوووب قلت ليهو بالظبط كده 😅 حازم رجع بيتهم واول ما حسام وصل قلت ليهو أحضر ليك الغدا قال لي عايزه تخلصي من موضوع الغداء عشان نمشي صح 😊 أنا ما عايز غدا طيب حضري حالك للمشي وفعلا طلعنا وأول ما وصلنا دار الرعايه وقبل ما ننزل حسام قال لي متزكره إتفاقنا صح هزيت راسي 😔 بعد دخلنا على المديره وعرفتها على حسام قالت لي إنتي أمس قلتي إنك منفصله من زوجك صح 😳 !! حسام رفع راسو صر لي 😒 وانا إتخلعت لأني نسيت إني كذبت عليها بس رديت ليها بصراحه كذبت عليكم عشان أعرف معلومات عن أمي 😔 وطلبت منها إني أشوف الطفل قالت لي في المستشفى عندو حقنه بسبب عضة الكلب وفعلا إنتظرتو لحدي ما وصل شلتو من المشرفه وكان نايم زي الملاك 😍 بوستو في خدو وقلت لـ حسام تعال شوف وشو برئ كيف قال لي ربنا يحفظو طلبت من المديره إني أسوق الطفل معاي البيت وبرجعو بكره حسام إتفاجأ 😳 بس المديره رفضت وقالت لي لااااا ممنوع الإ تسوقي بصفه رسميه إما تبني او شغل براتب 😓 حسام قال ليها خلاص تمام خلي هنا ونحن كل فتره بنجي نطمن عليهو ✋ حاولت أقنعها بس رفضت 😔 رجعنا البيت بس طول الطريق انا ساكته بعد دخلنا الغرفه حسام قرب مني وقال لي ما عايزك تمشي الميتم عشان ما أشوف الكآبه دي في وشك 😒 قلت ليهو انا هسي بكيت 😓 ؟؟ رفع راسي بيدو وقال لي لأنك حابسه دموعك صح " حبيبي ده لا أول طفل ولأ آخر طفل يدخل المكان ده وما تنسي ربنا معاهم قلت ليهو ونعم بالله بس كان نفسي إنو الطفل يجي معاي 😔 قال لي بصراحه يا شجن صدمتيني بطلبك بس حتى لو المديره وافقت انا ما كنت ح أوافق ✋ صريت وشي قربني منو وقال لي قدري موقفي أنا ما بسمح لطفل غريب يعيش وسطنا مهما كان 😓 وصح انا ما غني بس أوعدك كل بدايه شهر بعد إستلم الراتب ح إشتري حاجات بسيطه من مستلزمات الأطفال ونمشي نسجل ليهو زياره تمام قلت ليهو حسام بالجد 😍 قال لي وأخيرآ إبتسمتي وحياة ربي السكنك قلبي جد 😘 وعدا إسبوع ويوم الجمعه حسام قال لی شجن انا من الصلاة ح أمشي لأمي رأيك شنو تمشي معاي 😊 سكت ما رديت قال لي تمام فهمني رافضه الفكره وفعلا بعد الصلاة كنت قاعده في الحوش وسمعت صوتو في الشارع بس ما جا داخل البيت عرفتو مشى لأمو 😏 بعد شويه الباب دقه لفحت توبي ومشيت فتحتو لقيتو ده حازم إستغربت قلت ليهو حسام قاعد عندكم بهناك 😊 قال لي اي عارف بس جيت أشرب معاك الجبنه ولو شربتيها خلاااص 😓 قلت ليهو طوالي إتفضل وانا لاقيه قال لي بس معاي ضيف بيجي بعد شويه إتخلعت قلت ليهو منو 😳 ؟؟ قال لي بعد يصل ح تعرفي 😊 وأثناء ما بندردش قال لي والله يا شجن صح عندي بنات الخالات والعمات بس ما حصل شعرت بإنهم أخواتي ولا إرتحت ليهم زيك ✋ قلت ليهو يشهد الله حتي انت مكانتك عندي في مقام محمد أخوي 😍 قال لي يا سلااام يااااخ ده ما يسعدني ولو إحتجتي لأي حاجه انا في الخدمه ✋ في اللحظه دي الباب دقه حازم قال لي بفتحو انا ح يكون ده الضيف وفعلا حازم فتح الباب وقال اتفضل وانا متشوقه أعرف ده منو 😳 ؟؟ وإتفاجأت لم عرفت الضيف كان عمي حسن قال لي بس ما أكون أزعجتك قلت ليهو لاا والله تشرف في أي وقت 😊 قال لي والله الجمعه الفاتت شميت ريحه الجبنه في بيتنا وإتكيفت وبعد عرفت من حازم الليله جايي يشربها معاك قررت أنا زاتبي أشرب معاكم لو مافيها تعب ليك 😊 قلت ليهو بالعكس تشرف وعملت الجبنه واثناء ما بنتونس حسام جا داخل قال قاعدين في بيتي وتشربو في الجبنه بمزاج من غير ما تنادوني 😒 أبوهو قال ليهو بس ده ما بيتك حسام ضحك قال ليهو اووو يا حاج صاح نسيت ده بيتك انت بس الجبنه حقتي 😅 ابوهو قال ليهو ده لااا بيتي لااا بيتك ده بيت شجن ✋ في اللحظه دي سمعت صوت قال اي ابوك كلامو صح ده بيت شجن رفعت راسي 😳 ""

#يتبــــع ⏪⏪⏪⏪

#ليس_ذنبي
بقلم أشجان الجعلي
By : ashgan ALjaaly ~
-٢١-

في اللحظه دي سمعت صوت قال اي ابوك كلامو صح ده بيت شجن رفعت راسي لقيتها خالتي ليلى جات مع حسام 😳 بعد سلمت عليها دخلت المطبخ أتناول زياده كبابي إتلفت عايزه اطلع من المطبخ لقيت حسام في وشي إتخلعت قلت ليهو حسام خلعتني عايز شنو 😳 ؟؟ قال لي عايز أقرأ تعابير وشك صريت وشي وقلت ليهو كده قريتها 😒 قال لي اي قريتها وتعابير وشك بتقول انتي زعلانه عشان امي جات معاي صح 😊 قلت ليهو ابدا والله ما زعلانه وهسي صريت ليك انت ما عشان امك ✋ قال لي حبيبي والله انا الـ طلبت منها تجي معاي لأنو ابوي و حازم قاعدين معاك هنا وهي الوحيده القاعده براها 😔 قلت ليهو حسام في الآخر ده بيتها وتشرف في اي وقت وهسي اتحرك من الباب لأنو منتظرننا 😓 قال لي لااا زي ما سمعتي ده بيتك إنتي قلت ليهو طيب بيتي وانا موافقه إنها تجي ممكن تتحرك من الطريق 😒 قال لي بإندهاش طيب شوفي ده شنو 😱 وأشر لي على الحيطه واول ما إتلفت باسني في خدي وطلع 😘 بقلبي قلت يعني حسام الأقنعها تجيني 😏 وفعلآ حضرت الجبنه واثناء ما بنتونس عمي حسن قال لي عارفه الكبايه دي بره بـ 25 جنيه حازم قال والله شغل مربح رايك شنو يا شجن نمشي نشتغل نبيعها وانا أمسك ليك الحسابات 😅 قلت ليهو انا ما عندي مشكله متعوده ابيع في الشارع 😊 طبعا حسام ساكت وصاري وشو الكلام ما عاجبو 😒 عمي حسن قال لي الشغل الشريف عمرو ما كان عيب حازم قال لي عايز كباية جبنه تاني نطت امو قالت ليهو لااااا كفايه البنت دي تعبتوها 😒 قلت ليها ما مشكله وبقلبي قلت ليها نسيتي لم كنتي بتشغليني خدامه في المطبخ وبنت أخوك تتعامليها زي الملكه 😏 ناولت حازم الجبنه قال يا سلاااام يااااخ كلك ذوق 😍 وده بالجد أحلى يوم طولنا ما إتلمينا كده 😔 أمو قالت ليهو صح بس من اللحظه دي أن شاء الله دايما ح نكون ملمومين كده والله لا فرقنا من بعض ✋ كلهم قالو ان شاء الله وحسام رفع راسو يعاين لتعابير وشي بس انا ساكته 😓 وطبعا بعد انتهينا من الجبنه خالتي ليلى رجعت بيتها جابت الغدا وأصبح ده كان الروتين حق كل جمعه بنجتمع بعد صلاة الجمعه نشرب الجبنه ونتغدا مع بعض ✋ يوم السبت قبل ما حسام يطلع الشغل قال لي شجن انتي بتثقي في حازم أكتر مني قلت ليهو كيف يعني ؟؟ أكييييد لااااا وكيف تفكر كده 😳 قربني منو وقال لي أهدي الموضوع بسيط طيب يوم ماشه دار المايقوما ليييه إتصلتي على حازم وما كلمتيني 😓 قلت ليهو الموضوع ده مر عليهو إسبوع وعايز تفتحو تاني قال لي ردي علي سؤالي عشان عايز أوضح ليك معلومه ✋ ليييه ما إتصلتي كلمتيني ؟؟ بلعت ريقي وقلت ليهو لأنك كنت ح ترفض إني أمشي 😔 رفع راسي بيدو وقال لي يعني كنتي عارفه إني ح أمنعك ومع ذلك مشيتي 😒 قلت ليهو كنت عايزه أعرف أمي منو 😔 ؟؟ قال لي اهاااا مشيتي عرفتيها منو 😓 دموعي نزلت وهزيت راسي لااااا 😭 مسح دموعي وضماني عليهو قال لي خلاااااص ما فتحت معاك الموضوع عشان تبكي ورفع راسي من كتفو قال لي شجن انا لم أمنعك الحاجه إتأكدي تماما إنها لمصلحتك يعني ما تفتكري اني واقف ضدك بالعكس وخليك متأكده إنو حازم ما بيخاف عليك أكتر مني ومشكلتو ما بيقدر يقول ليك لاااا عشان كده لو عندك اي طلب حتى لو مستحيل او غلط بتمنى تلجئي لي انا واوعدك يا أقنعتك انو غلط او نفذتو ليك لو ما إقتنعتي تمام ✋ وصوتي كان راح هزيت راسي قال لي روحي انتي اهااا هسي عندك مشوار ولأ أمشي الشغل وإنتظر تلفون من حازم يقول لي تعال حصل مرتك 😅 في اللحظه دي تلفونو رن رد أهليييين يا حجه هسي كان جايي عليك " عايزه شجن شغاله في المطبخ " اهاااا لا خلاص تمام هسي بكلمها " بعد قفل الخط قال لي ما ناولتك التلفون عشان صوتك ح يكون متغير ومن نبرة صوتك أمي ح تعرف إنو في حاجه وأصلا عايزه تقول ليك إنو الليله جايين خالاتي 😊 قلت ليهو يشرفو قال لي بس هم ما ""

#يتبــــع ⏪⏪⏪⏪

#ليس_ذنبي
بقلم أشجان الجعلي
By : ashgan ALjaaly ~
-٢٢-

حسام قال لي شجن أصلا أمي عايزه تقول ليك إنو الليله جايين خالاتي 😊 قلت ليهو يشرفو قال لي بس هم ما جايين عندنا هنا جايين لـ أمي أصلا عندهم جمعية الأهل كل مره في بيت وحده من خالاتي والليله عند امي ✋ قلت ليها اهااا تمام 😊 قال لي يعني ح تمشي تسلمي عليهم قلت ليهو إحتمال أمك عزمتني كـ أداء واجب لأنو ما كان بتحب إني أقابلهم وحتى خالاتك ما بتشرفو بي قطع كلامي وقال لي شجن ده كان زمان وإنتهى 😒 هسي لو حبيتي تمشي تسلمي عليهم خير ما فعلتي ولو ما حبيتي انا ما ح أجبرك ✋ قلت ليهو بحاول أمشي ليهم ان شاء الله قال لي ان شاء الله بلغة السودانين معناها لاااا اوك راحتك هز راسو وطلع الشغل 😊 الضهر سمعتهم يضحكو وانا قاعده تحت الشجره بعدها جاتني خالتي ليلى قالت لي شجن اخواتي وصلو تعالي سلمي عليهم رديت ليها نفس رد حسام ان شاء الله 😊 وكنت متردده في إني أمشي ليهم لأنو عندي فوبيا من اللمه وقلت لو مشيت أكيييد أخواتها ح يطاعنوني بحقيقتي وانا ما ح أقدر أرد عليهم عشان كده أبعد عن الشر وغنيلو وفضلت قاعده تحت شجرتي 😓 بعد شويه خالتي ليلى نادتني قالت لي منتظرنك بالجبنه إتشجعت ومشيت سلمت عليهم ولقيت خالتي ليلى في المطبخ بتعمل في الشاي قلت ليها إرتاحي بعملو أنا 😊 قالت لي والله انا ناديتك عشان تتونسي معاهم ما عشان تشتغلي 😓 قلت ليها ما مشكله وفعلا عملت الشاي والجبنه وقعدت إتونس معاهم " العصر إتصل حسام قال لي شجن انتي وين 😒 ؟؟ قلت ليهو ح أكون وين أكيييد في البيت قال لي بس انا هسي في البيت وما لقيتك 😓 قلت ليهو تعال ناس امك إتخلع قال لي وووين 😳 وفعلا بعد جا لقاني شغاله في المطبخ بحضر في الغداء قال لي ما إتوقعتك تجي 😍 قلت ليهو جاتني خالتي ليلى وما حبيت أحرجها باسني في خدي بطريقه سريعه وقال لي عمرك ما خيبتي ظني فيك 😘 إتخلعت قلت ليهو حسام أطلع من المطبخ عشان أقدر إشتغل 😡 وبعد طلع حضرت الغداء وانا شايله الصينيه سمعت خالة حسام قالت والله يا حسام مرتك مرت السرور انا ما عارفه عرست فيها سماح كيف 😏 ( خالتو دي كانت في قطر ما حاضره عرس سماح ) حسام رد ليها والله عرستها غلطه بس عشان أرضي أمي خالتو إتلفتت علي أختها قالت ليها يعني من الاول ما كنتي عارفه سماح زي أمها وعندك مرت ولد زي شجن كيف تفرطي فيها وكنتي مفهمانا طبع شجن غلط وظلمناها معانا 😒 حسام لاحظ لي واقفه قال خلاص يا جماعه ممكن نقفل الموضوع ده 😓 نطيت انا قلت ليهم كل حاجه قسمه ونصيب وسماح كان ليها نصيب وأخدتو وختيت الصينيه وطلعت ✋ خالة حسام قالت بالجد بنت الإصول بالتربيه ما بالأهل ✋ حسام حصلني في المطبخ وقال لي شجن زعلتي عشان سيره سماح 😢 قلت ليهو مافي سبب يزعلني قال لي أعرفي انو سماح ماضي وانتهى ✋ قلت ليهو صح وعايزه أمشي حبسني بيدو قال لي لو الهنا وأشر بأصبعو في قلبي بتظهري في تعابير وشك كان ريحتيني بس مشكلتك كتومه 😓 قلت ليهو والله ما زعلانه جات أمو داخله إضطره فكاني 😅 وبعد الغداء حضرت التحليه والشاي وخالاتو يشكرو فيني وإعتزرو مني على الخلاف الـ كان بينا ✋ وبعد الضيوف طلعو غسلت العده ونظمتها في مكانها خالتي ليلى قالت لي شكرآ ليك والله ما قصرتي 😘 قلت ليها لا شكر على واجب 😊 ورجعت بيتي لقيت حسام مجهز السراير والحفاظه مليانه مويه بارده إستغربته قلت ليهو حاسي بشنو 😳 ؟؟ قال لي مبسوووووط ما أكتر لم مرتي تساعد أمي وتريحها من حقها لم تجي راجعه بيتها ترتاح صح 😘

وعدا شهر والمره دي الجمعيه عند خالتو لـ حسام قلت لـ حسام اتجهز عشان توصل امك ما تتأخر عليها 😊 قال لي بس أمي قالت ما ماشه قلت ليهو ليييه 😳 ؟؟ قال لي ما عارف قلت ليهو خلاص انت أجهز وانا بقنعها مشيت لـ خالتي ليلى وقلت ليها لو عشان عمي وحازم إمشي وإطمني بعمل ليهم الغداء 😊 قطعت كلامي وقالت لي أنا لغيت المشي ما عشان عمك عشانك انتي 😓 قلت ليها كيف يعني أنا السبب 😳 !! قالت لي مكان ما فيهو انتي حرمان علي 😓✋ وحاولت أقنعها بس رفضت في الآخر قلت ليها طيب أجهزي انا ح أمشي معاك 😊 ورجعت البيت لقيت حسام راقد قلت ليهو انت لسه ما إتجهزته وخالتي غيرت رأيها ماشه قال لي أقنعتيها بشنو 😳 ؟؟ قلت ليهو ده سر وبدأت إتجهز حسام بخلعه قال لي إنتي برضو ماشه 😳 قلت ليهو عندك إعتراض 😒 قال لي بالعكس بتمنى نعيش حياتنا بصوره طبيعيه وتتعرفي علي كل أهلي 😍 وكنت بتجهز بآخر نفس لاني مجبوره على المشي 😓 عايزه ألبس التوب لقيتو شابك إتلفت لقيت حسام ماسك التوب قلت ليهو بحده حسام ده ما وقت هظارك 😠 قال لي شجن ما تمشي ولو عشان أمي ح أقول ليها انا الـ منعتها 😓 قلت ليهو ليييه ما أمشي 😒 ؟؟ وبعدين قلت ليك ما تدخل في علاقتي مع أمك 😓 جراني من التوب وقربني منو قال لي بس في الحاله دي ما بقدر أسكت لأنو ما ممكن تمشي وانتي صاره في وش أمي كده وفي نفس اللحظه ما عايزك تعملي حاجه وانتي مجبوره 😓✋ قلت ليهو إطمن أولآ ما صاره لأمك وثانيآ ما مجبوره م

#ليس_ذنبي
بقلم أشجان الجعلي
By : ashgan ALjaaly ~
-٢٣-

حسام قال لي اي عندك فيها دخل سكت مسافه وقال لي شجن ح ترجعي معاي البيت 😓✋ امو قالت ليهو لو شجن رجعت انا زاتي ح أرجع ✋ خالتو قالت ليهو ده بيتي انا وشجن ح تقعد معززه مكرمه وفي حمايتي والما عاجبو يطلع اصلا مافي زول عزمها 😒 طبعا انا بسمع في نقاشهم محتاره وما فاهمه حاجه 😳 حسام قال لي شجن ح تسمعي الكلام وترجعي معاي ولأ لا 😒 بس امو وخالاتو قالو لي الأ تقعدي ✋ فضلت محتاره بين الأمرين في الآخر قلت لـ حسام برجع معاك وأقنعت خالتو ليلى تقعد 😓 وفعلا طلعنا بعد ركبت العربيه قلت ليهو حسام دقيقه ما تتحرك اول حاجه أشرح لي في شنو 😓 ؟؟ قال لي ح أشرح ليك بعد نصل البيت فتحت باب العربيه عشان ما يتحرك قلت ليهو انا ما طفله عشان تحركوني زي ما انتو عايزين مره تعالي ومره أرجعي 😒 قطع كلامي وقال لي شجن المرا الجات دي مرت خالي ام سماح قلت ليهو شنوووو 😳 ؟؟ سكته ربع ساعه وبحاول إستوعب حسام دور العربيه قلت ليهو حسام انا ما راجعه 😊✋ !! قال لي بحده شنووووو 😠 ؟؟؟؟ قلت ليهو انا اصلا طلعت معاك عشان ما أكسر كلامك جنب أهلك وعشان ما تطلع زعلان وتسوق العربيه بسرعه شديده بس انا عايزه أقعد ✋ وبعد خالاتك وامك إعتبروني جزو من العائله مافي حاجه بتكسرني وثانيا بما انو ح أمشي مناسباتكم فـأكيد ح أقابل سماح وأمها وانا ما غلطانه عشان أهرب منهم 😓 حسام إتلفت قال لي حبيبي انتي ما غلطانه بس سماح وامها كلامهم مستفذ وجارح وانا ما عايزك تتصدمي مره تانيه وإحتمال سماح تجي هنا عشان كده أبعدي عن الشر و أرجعي معاي ✋ قلت ليهو زمان كنت بسكت ليهم عشان في عامل مشترك بينا وهو انت بس هسي مافي حاجه بتربطني بيهم عشان كده ح آخد حقي ✋ قال لي متأكده " يعني ما ح تجي راجعه تشتكي منها قلت ليهو أبدا بعد ده ممكن أدخل البيت 😓 حسام سكت مسافه وقال لي أدخلي بس لو جيتي معاي كان أحسن ✋ قلت ليهو لااا بس أوعدني إنك تسوق العربيه براحه سكت ما رد قلت ليهو يعني ح تسوق بسرعه طيب ح أرجع معاك 😔 إبتسم وقال لي إطمني ح أسوق براحه والله 😊 عايزه أنزل من العربيه مسك يدي قال لي دقيقه إتلفت عليهو قال لي شجن خليك عارفه انا ما عندي دخل في الـ ح يحصل هنا قلت ليهو أكيييد باسني في يدي عشقي إنتي دخلت البيت سمعت نفيسه ( ام سماح ) قالت ليهم شجن مشت ولأ شنو 😏 رد ليها خالتي ليلى قالت ليها اي مشت مع راجلها جيت انا داخله قلت ليها معقول أخلي اللمه الحلوه دي وامشي 😊 كلهم إتفاجؤوا نفيسه قالت لي كنت فاكره وجودي ضايقك زي الباقين 😏 قلت ليها بالعكس عادي طبعا كنت برد ليها بكل برود خالات حسام قالو لي بركه الـ جيتي راجعه 😍 تلفوني رن فتحت الخط رديت جنبها أهلييين يا حسام وطلعت بالتلفون برا قال لي اهااا الوضع كيف 😓 ؟؟ قلت ليهو تمام بس انت متين فارقتني عشان تسألني من الوضع اصلا ما لحقت ادردش 😅 قال لي والله بالي مشغول عليك وما ح ارتاح طال ما نفيسه معاكم رايك شنو أجي راجع أسوقك ✋ قلت ليهو لاااا حسام انا ما ح أرجع الأ المساء مع خالتي ليلى واطمن والله ما ح يحصل حاجه 😊 قال لي خلاص اول ما تحسي انو الونسه ما نفعت معاك إتصلي علي اوك قلت ليهو حاضر 😓 بعد قفلت الخط ورجعت ليهم نفيسه قالت لي شجن الزمن ده كلو ومعقول ما لقيتي امك 😊 قلت ليها كيف ما لقيت امي 😳 " أمي ربنا يرحمها متوفيه 😔 قالت لي قصدي امك الحقيقيه ما الربتك طبعا القاعدين كلهم إتخلعو من كلامها 😱 خالة حسام قالت ليها نفيسه ما عندك دخل في الموضوع ده 😡 خالتي ليلى قالت ليها انا امها ✋ خالات حسام قالو ليها كلنا امها طبعا سؤالها صاح صدمني بس إستجمعت قوتي وقلت ليهم أهدو يا جماعه تسلمو ما قصرتو بس هي سألتني انا وح أرد عليها طيب يا خالتي طبعا قلت ليك خالتي إحتراما لفرق العمر البينا ✋ صاح امي الحقيقيه ما لقيتها وحتى لو ظهرت هسي قدامي انا الـ ما ح إعترف فيها لأنو الأم الحقيقيه هي البتربي ما البتوضع وأمي مريم ربنا يرحمها ربتني أحسن تربيه وبعتبرها أمي الحقيقيه 😍 بس نسيت أسألك انتي سماح عالجتيها ولأ لسه 😊 قالت لي بحده أعالجها من شنو 😒 ؟؟ قلت ليها من مرض السرقه ولأ تكون السرقه عندكم عاده وانتي الـ علمتيها وربيتيها علي كده 😊 قالت لي بحده اسمعي يا بنت هنا انا ما عايزه معاك قلة أدب 😒 خالة حسام قالت ليها أسمعي إنتي يا نفيسه من قبيل انا ساكته ليك عشان في بيتي بس ما بسمح ليك تهيني شجن وشجن دي بقت بتنا والبهينها بهينا نحن ✋ نفيسه قالت ليها انا أصلا عارفاكم من الأول ما عايزني وغلطانه انا الجيتكم وطلعت زعلانه 😒 وخالتي ليلى وأخواتها كلهم إتلمو حولي وبدو يهدو فيني قلت ليهم والله انا كويسه ✋ وشغالين يعتزرو بالنيابه عنها تلفوني رن لقيتو حسام قال لي حبيبي انتي كيف 😊 قلت ليهو كويسه بس بدل كل مره تتصل وتزعج القاعدين وتقطع لي ونستي كنت أرجع معاك 😒 ضحك وقال لي غلطان انا الـ عايز إطمن عليك في اللحظه دي جات خالتو شالت التلفون قالت ليهو حسام إطمن ن

#ليس_ذنبي
بقلم أشجان الجعلي
By : ashgan ALjaaly ~
-٢٤-

في اللحظه دي حسام جا قال في شنو 😳 ؟؟ المشرفه قالت ليهو بكل براءه مافي حاجه بس مرتك عايزه تشتكينا للمديره عشان تطردنا من الشغل 😔 قال ليها كيف يعني 😳 ؟؟ قالت ليهو انا والمشرفه دي كنا بنهظر مع بعض وهي سمعتنا وفهمتنا غلط وقالت الأ تشتكينا إنفعلت وقلت ليها كذااابه قولي الحقيقه وأأي ح أكلم المديره تطردك ✋ حسام قطع كلامي وقال لي شجن أطلعي العربيه 😓 قلت ليهو لااازم أقابل المديره حتى أطلع وحسام من غير يفهم الحاصل إعتزر ليهم ومسكني من معصم يدي ركبني العربيه بالقوه إنفعلت وقلت ليهو كيف تعتزر منهم من غير ما تفهم الحاصل قال لي بحده شجن ما عايز نقاش ودي آخر مره تجي هنا 😓✋ قلت ليهو بس انا ما غلطانه قال لي عندك خيارين إختاري واحد منهم يا تجي إنتي ولأ إشتري الحاجات وأرسلها ليهم ✋ لو في نظرك انو زيارتك أهم من الحاجات أوك ح أترك الحاجات وأجيبك انتي 😓 قلت ليهو بس انا ما غلطانه قال لي كلمتي واحده والخيار يرجع ليك يا الحاجات يا إنتي قلت ليهو حسام خفف السرعه 😢 حسام بركن العربيه وقفنا ربع ساعه عشان يهدأ ويقدر يسوق براحه بعد وصلنا البيت عملت العشاء ختيتو في التربيزه ورجعت السرير حسام جا محصلني إتلفت منو بالإتجاه الحيطه قال لي ما عايزه تشوفي وشي اوك بس أكيييد بتسمعي صوتي صح قومي العشاء 😊 قلت ليهو ما عايزه قال لي من متين انا بتعشى براي ؟؟ عرفتي ليييه انا رافض انك تمشي دار الرعايه عشان بعد ترجعي البيت حياتنا كلها بتتلخبط وفضل يمسح في شعري قلت ليهو بس انا ما غلطانه المشرفه بتخلط دواء منوم مع اللبن للأطفال عايزني أعمل شنو غير إنفعل معاها 😒 حسام إتصدم وقال لي بخلعه شنووو 😳 وليييه ما إتكلمتي من الأول قلت ليهو بس انت ما أديتني فرصه وجبرتني أركب العربيه 😏 قال لي يعني في الآخر طلعت انا الغلطان طيب يا ستي أوعدك إني بكره أكلم المديره كده تمام إتلفت وقلت ليهو يعني ح تخليني أمشي معاك قال لي لااا انا الـ ح أكلمها ولو ما إتعشيتي معاي لا ح أكلم المديره ولأ ح إشتري الحاجات 😊 ومسكني من يدي وجبرني أقوم قعدت في الصينيه بس بالجد ما كان عندي نفس للأكل حسام قال لي انا قلت ليك تاكلي معاي ما تتفرجي علي وانا باكل ولأ عايزاني أأكلك أنا 😊 قلت ليهو حسام بالجد ح تكلم المديره ولأ بتغش علي قال لي والله ح أكلمها بس من غير ما أوضح ليها إسم المشرفه عشان ما نتسبب في طردها من الشغل واكيييد المديره بعد تعرف الحقيقه ح تراقب كل المشرفات ✋ بس إنتي ما جاوبتيني ح تاكلي ولأ مسكت العيشه وبديت أكل حسام ضحك وقال لي الأ كده 😅

مر إسبوع في يوم حسام كان بعاين لي وأول ما إنتبهه وأبادلو النظرات بغير إتجاه عينو 😓 قلت ليهو حسام في حاجه قال لي أبدا 😊 وطلع الشارع بعد 5 دقايق جا راجع قال لي شجن تعالي أقعدي عايزك في موضوع ✋ قلت ليهو من الأول كنت عارفه إنو نظراتك وراها كلام أحكي 😊 قال لي ما نفسك يكون عندنا بيبي وتسمعي يناديك بـ ماما 😍 قلت ليهو أكيييييد نفسي وحتى انا كنت عايزه أفتح معاك الموضوع ده بس كنت متردد وخايفه إنك ترفض 😢 حسام الفرحه ظهرت في تعابير وشو وقال لي كيف يعني أرفض بالعكس ده أحلى خبر قلت ليهو طيب رأيك شنو نتبنى أحمد 😍 حسام إتخلع وقال لي بدهشه أحمد منو 😳 ؟؟ قلت ليهو الـ عضتو الكلبه قال لي بـإنفعال شجن إنتي أكييييد بتهظري أنا قصدي طفلنا أنا وإنتي تقولي لي نتبنى 😠 قلت ليهو أنا ما عايزه طفل مني وقمت من جنبو مسك يدي قال لي السبب شنو 😳 ؟؟ إنفعلت وقلت ليهو بس لااا من غير سبب ودخلت الغرفه جا محصلني قلت ليهو حسام إنت عايز طفل أنا موافقه إنك تعرس والمره دي بكامل رضاي ✋ وعايزه أطلع من الغرفه حسام مسك يدي حاولت أفكها بس كان ماسكها قوي وقال لي انا ما بيهمني الطفل بس عايز أعرف سبب رفضك إنتي شنو ؟؟ وما ح تطلعي من هنا لو ما حكيتي السبب 😓 وملاحظ ليك كل ما نفتح سيره الأطفال انتي بتهربي من الموضوع رفع راسي من حنكي وقال لي سامعك أحكي 😓 نزلت يدو بقوه وإنفعلت حسام أفهم انا ما عايزه أجيب طفل عشان يعاني طول حياتو زيي 😢 قال لي بإستغراب كيف يعني يعاني زيك انتي فاكره انو بعد يتولد ح أجدعو ولأ انتي ح تتخلي عنو كنت فاكر عندك سبب مقنع أكتر من كده 😒 قلت ليهو ما قصدي كده بس لم يعرف حقيقتي بعد يكبر وإنو أمو من دار الرعايه ح يستعير ويبعد عني 😔 قال لي أكييييد ما ح يحصل كده وبعدين مافي واحد ح يكلمو ✋ قلت ليهو لااا أكيييد ح تكلمو سماح عشان تنتقم مني زي ما عمل معاي عبدالله وما عايزه يعيش وحيد في طفولتو زي ما انا كنت عايشه 😢 قال لي كيف عشتي وحيده ومعاك محمد 😳 قلت ليهو لم كنت طفله محمد كان بينفر مني 😔 ولم أسمع صوت الشفع في الشارع كنت حابه ألعب معاهم بس كانت اي مرا تلقى بنتها بتلعب معاي بتمنعها وتقول ليها انا حزرتك ما تلعبي مع البنت دي 😡 وبتدخلها البيت يعني حتى في الشارع كنت وحيده عشان كده ما عايزه أنجب طفل يعيش نفس معاناتي ويدفع تمن غلطه ما