#فيلـوفوبيـا
(سميتك الخوف البطمن)
#الحلقـة:الاولـ 1ـى
#بقلـ ✍️ـم:نـوودين=Πeedoo

مؤسف جدا ان نعيش الحياة بدافع الخوف ، الخوف من كل شئ حتي انفسنا 😔💔

ياعبدالرحيم انا قلت ليك زولة كبيرة وبي اولادي الحمدلله بحاول اربى فيهم شيل الموضوع دا من بالك .. انت زول ليك مكانة هنا ماتعمل لينا سمعة ف محل الشغل انا جاية استرزق بس ...

استهدي بالله ي عشة انا مابعمل في شي غلط اي عارفك بي اولادك وعلي عيني وراسي انا زاتي اولادي اكبر من اولادك عايزك علي سنة الله ورسولو شفت فيكي الزوجة المثالية ونتشارك الحياة مالو .. انتي فكري ف الموضوع وبعداك ربنا يكتب الفيهو خير

ياعبدالرحيم عليك الله ماناقصه السيرة دي تعاملك معاي خليهو ف حدود الشغل وبس انا والله م بقدر علي الكلام البتقولو دا الناس تقول شنو ولا الاولاد، شيل الفكرة دي من راسك

خير ي عشة بس لو استخرتي وفكرتي ومااشتغلتي بكلام الناس بكون احسن .. منتظر ردك

عشة طلعت وبتتلفت م يكون شافا زول وهي طالعة من مكتبو بتستغفر جواها وبتقول دي مصيبة شنو الوقعت فيها اخر الزمن دا .. بعد كبر اولادا دا زواج شنو وكلام فارغ .. قعدت تفكر ياريت لو م بقت شغالة هنا بس تاني بتتزكر انو دا مصدر رزقها الوحيد وعشان تعيش اولادا لازم تستحمل ..

…………………………………………………

غايتو ي سعاد البت دي قعدتا في البيت كدا م كويسة والله

عارفة ي فوزية بس اعمل شنو انا قدر م حاولت معاها مابتسمع كلامي ابت تمسك بيتا راجل السرور والهنا فزت منو وجاتنا راجعة وريني بس اعمل ليها شنو

انتي زاتك ماشادة حيلك بنية متين البتسوي الفي راسا وانتي قاعدة كنتي تقرعيها

هييي بري هي متين حكت لي مشاكلهم الا يوم جات وسمعتها صدفة تبكي لابوها وانتي عارفاهو مابيرضي فيها قوم الدنيا وم قعدا

شايفة ولد ابتسام جا من برة بفتش عروس وابتسام زاتو بتريدا جربي تلمحي ليها الموضوع

بري مالي بشحد ليها ابوها خربا وام ماعندها اولاد خالتا يسدو عين الشمس لو عايزا واحد فيهم يجي يسترا انا زاتي بي بتي بعدا أفكر في بتي ولا اشحد لبنات الناس

اسكتي جات .. بت على كيفك اسمك الصعب دا

هههه اهلين ي خالتو فوزية ..  كويسة وانتي!؟؟

شديدة الحمدلله وانتي كيف مع القراية !!؟

ماش الحال كيف انتو

السنة دي  م بتسافري لخالاتك تصومي معاهم !؟؟

م اظن ابوي م بيرضي اسافر براي

بت  ادخلي سوي القهوة لخالتك فوزية دي جاتنا من قبيل

حاضر ي عمتو شوية وتكون عندكم

دخلت وقلبها محروق علي السمعتو يعني هيا قعدة ف بيت ابوها ومحافظة علي نفسها ليه الناس بتتحرق! ؟
حتي عمتا اللي فاكرة انها بتحبها طلعت مضايقة من قعدتا وشايله هم، طيب ذنبها ايه لما ماقدرت تكمل مع راجل مابيفهما وقررت تنفصل عنو! ؟
ليه المجتمع م بيقدر انو احيانا الطلاق بيكون حل!؟
عملت القهوة ونزلت منها دمعة حارة مسحتا وودتا ليهم ودخلت غرفتا من الزعل نامت

………………………………………………
ياولد م تقعد تفطر الفطور جاهز .. ماعايز ي أمي قلت ليكى م جعان

طيب ورينى ماش وين ع الاقل

هنا قريب انتى أفطري ولو طالعة خلي لي المفتاح تحت الطوبة الجنب الباب انا شوية وح أجي

غايتو الله يصبرني عليك ي ولدي حالتك بقت حالة الله لاكسبا خير اللي عملت فيك كدا بنات الزمن ديل بري منهم بلعبو باولاد الناس

ياامي انا كم مرة قلت ليك الموضوع دا اقفليهو وبلاش نفس السيرة كل يوم هيا م دخلا بشي انا كدا واتعودي علي كدا 😐

…………………………………………………

الصباح بدري مشيت البقالة اجيب بسكويت لقيت جارتنا واحدة واقفة مع مرة حارسين سيد اللبن صبحت عليهم ردت لي بمساخة وم اشتغلت بيها كتير .. دخلت البقالة لقيتا زحمة اصلا مع الصباح عمر بكون مزحوم حتي م لاحظ لي لقيت بت واقفة وفي كم راجل وشفع قلت للبت اذنك داخله جوة عاينت لي من فوق لتحت شكلها جديدة ف الحي وم حصل شفتها .. دخلت غمزت لعمر حمر لي وتاني ضحك 😹

-عايزة بسكويت ولبن بدرة

=اصبري طيب

-مابقدر ياخ بشيل براي

=بقيت قاعدة معاو والناس زايدة وكل زول باتجاه بنادي ياعمر عايز رطل سكر، وانا عايز بسكويت، عايزة زلابية، لفتتني البت قالت ليهو ياعمر من قبيل مستنياك ياخ ،، بقيت اساعدو قلت ليها عايزة شنو!؟؟

-حاسبت عمر

=عاينت لعمر قال لي اديها ربع كيلو جبنة وعلبة مربى

-بقيت امشى معاهو الناس جيت اطلع عشان اديها الجبنة لانها ف التلاجة البرة بقت تعاين لي جوة عيوني. ،، هيييي دي مالا 😹🚶‍♀️ بعد طلعت جات راجعة قالت لعمر حول لي رصيد ف الرقم الامس .. ومشت

عاينت لعمر قال لي .. مالك! ؟؟

=الوهمية دي مالا..!!!

-هههههه م تشغلي بالك ..

=لا يعني مالا .. شايفا بتعاين لي كيف

-غيرانة منك بتكون

=يااااااااي ع الغيرة وتغيير مني ليه اساسا! ؟؟

-امشي يارزة اشربي الشاي وسيبك منها

=اجيب ليك ولا حتجي تشرب

-مشغول .. رسلي لي مع رامى

وانا راجعة سامعة مرت جيرانا ومع صحبتا بتكلمو هييي بري ي يمة اصن هم كدي الشي حقم دا وراثة يكون الاخوات اللتنين متلمين ف البيت حظهم نحس ، ماف راجل بقعد معاهم ، وبناتهم ك

#فيلـوفوبيـا
(سميتك الخوف البطمن )
#الحلقة:الثانيـ 2ـة
#بقلـ ✍️ـم:نوودين=Πeedoo

كل زول جواهو خوف ماقادر يواجهو ..ولاقادر يتعايش معاهو الموضوع مرهق شديد بالنسبه ليهو هو عارف كدا بس قدر مايحاول يتخلص منو مابيقدر علشان كدا بتلقاه بعاني شااديد من الحاجة دي وبس نفسو لو يتخلص منها ..!

-في مكان ما بت قاعدة براها جنب جامعة السودان  مترددة مابين تدخل او لا شايله معاها شنطتا واحلاما وكمية من الخوف الماقادرة تبررو لنفسها ..

علي بعد خطوتين في عالم جديد منتظرا .. عالم ممكن يغير حياتا 180درجة .. وقفت مسافة وفضلت تعاين بهبل للمباني، الناس، العربات،حتي الاشجار، حوطت شنطتا واتماسكت وبخطوات ثقيله اتقدمت علشان تقطع الظلط وتدخل العالم اللي مستنيها ومامعروف مخبي ليها شنو ..!!

=انتي ي مروة رزة دي مشت براها ..

-اي ياعمر ..طلعت من بدري ..

=كيف يعنى تخلوها تمش براها طب كنتى انتى او سماح واحدة فيكم تمش معاها ..!!

-عرفت الجامعة الاسبوع الفات كلو كنا بنمش معاها و..

=يااخ بالغتو والله انتى عارفاها كويس البخليكم تخلوها براها  شنو اسى لو حصل ليها شى!؟

-لمتين ياعمر  مصيرا تواجه العالم وتمش خليها انت كدا حتخرب طبعها رزان م صغيرة بقت ف الجامعة..

=ماناقص فلسفتك تمام .. انا ح الحقا شايله تلفون ولا لا!؟

-قت ليها شيلى تلفونى بس رفضت انت عارفا عنيدة كيف ..!

=خير كلمى رامى لو جا يفتح البقالة انا يمكن اتآخر ح أمش ليها..

-طيب
(اول م اتحرك اوووف من رزة وعمر يعنى لازم يفضل خايف عليها نفسى اعرف حيحصل شنو لو خلاها يوم واحد 🙂💔)

دخلت وانا بعاين كأنى أول مرة أطلع من البيت .. كنت بتجاوز الناس أى حد يجى مارى بجنبى بزح منو أو بخلى ليه الشارع لحد م وصلت البورت وعاينت لزمن المحاضرة دا أول لى يوم ف الجامعة أمى قالت لى سوقى معاك بت خالتك بس بحس إنى تقيله عليها وهيا مامجبورة على كفايه اسبوع التسجيل كلو قضتو جرجرة معاى مشيت ع القاعه وكان فاضل للزمن 10دقايق ..وقفت جنب الباب صلحت طرحتى ودخلت كانت قاعة كبيرة وفاضية .. فيها شوية ناس قعدت ف أقرب بينش لاقانى وعاينت للساعة بملل

" حتى الدقايق بتصبح ساعات لما نكون عايزينها تمر بسرعة"

5دقايق والقاعة بدت تتملى دخل الدكتور وحكى لينا عن المجال وإنو الجامعة فرق عن الثانوى وإتكلم كتير بعدها عرفنا عليه وطلع...

كان فى الجدول محاضرتين بس .. الناس ماكانت كتيرة وع الاغلب بعرفو بعض كل اتنين طلعو مشو يفطرو فضلت براى .. أو يمكن انا الحابة اكون براي جنبى بت سلمت على وقالت لى إسمها ميناس وقلت ليها أنا رزان .. طلعنا فطرنا ورجعنا لمحاضرتنا وبعدها طلعت شايفة عمر جنب البوابة مشيت عليه

=عمرررر..!!!

-رزة انتى كويسة!؟؟

=مشيت وقفت جنبو ومسكتو من يدو .. وفضلت ساكتة

-ارح طيب ..

عمر اكتر واحد عارف طبعى وحاسس بالمريت بيه علشان كدا كان دايمآ بقيف معاى مابيعرف يخلينى لحالى كل خطوة بيعملا معاى .. ركبنا خلانى جنب الشباك وركب جنبى كنت حاسة بأمان الدنيا كلو وأنا جنبو ..بعد مسافة ..

-رزة كيف كان يومك!!؟؟

=ماش حالو أخدنا محاضرتين بس

-اها وماصاحبتى ليك ناس! ؟

=امممم بت واحدة بس

-حلو ..بكرة كلهم حيحبوك ويصاحبوك بس ماتنسينى اوعاك!

=سمح (كنت عارفة إنو عمر بحاول يحسسنى إنى حقدر أعمل أى شى رغم إنو عارف مشكلتى وإنى مابقدر ولا ف يوم قدرت بس طول السنين دى ولا مرة حسسنى إنى فاشلة عشان كدا بطمن جدا وأنا بسمع كلامو)

نزلنا وإشترى لى تسالى وموية وفضل يونسنى طول الطريق لحد م وصلنى جنب البيت وقال لى يلا نتلاقى ودعتو ومشيت ..اول م دخلت لقيت ناس سماح ومروة

-البرلومة الخوافة ..

=أهلن 😌

-خبارك مبسوطة كدا

-يختى ماعمر مشى ليها كيفن م تمبسط

=إتلمو ي كرورات أنا نعسانة ماشة أنوم لو أمى جات جايبة لى حاجة مف جن يهبشا ..

خليتهم بضحكو ومشيت الغرفة لقيتا مبهدلة ☹️💔 قعدت ارتب وشلت لي موية مشيت ادوشت وجيت رقدت نمت ..صحتنى رزاز

-هووى ي الكسلانة قومى صلى ..

=الضهر أذن يعنى! ؟

_العصر قرب قومى

مشيت إتوضيت وصليت فتشت المطبخ  لقيت عدس وعارفينى م بحبو .. لفحت توبى ونعال رامى ومكعكة شعراتى.. وعيونى لسة بباقى نومم  مشيت البقاله..

=عمرررررري عايزة كيسين اندومي وكاتشب

-خضراء ولا صفراء!!؟

=الخدااار خداااري ينااااس 😹🚶‍♀️

-اتلمي الشارع دا مليان رجال ومش قلت ليك تبطلي فارغتك دي ولو عايزة حاجة ترسلي رامى او تمسكلي لي انا بجيبا لحد عندك م اشوفك جاية الدكان تاني...

=عمررر في حد غش عليك وقال ليك اني مرتك لاسمح الله! ؟

-انا بغير عليك في حاجة! ؟

= مشيني انا جعانة موت..

-جيبي قروشك اول!!

=ماعندي ي سجم ياخ جيت جعانة وامي م ف وعاملين عدس اديني..

-خلاص انتي حتفضحينا شيلي وامشي..

=شلت وفتحت التلاجة شلت اتنين بارد ومشيت خليتو بنبز فيني ساي ولا اشتغلت بيه..

اعرفكم: -
إسمي رزان محمد مرغني ،عمري 19بدرس IT في جامعة  السودان برلومة ،احنا تلاتة انا اكبر اخواني وفي رزاز عمره

#فيلـوفوبيـا
(سميتك الخوف البطمن)
#الحلقة_الثالثـ3ـة
#بقلـ ✍️ـم:نووديـن=Πeedoo

"كقطعةِ فحمٍ صغيرة تُجيد الإحتراق ببراعة لكن لا يُمكنها أن تُضيء"

كنت بجاهد نفسى شديد شااديد على شنو أنا زاتى ماعارفة ..كونك تحارب نفسك دا أصعب إحساس ممكن يعيشو الواحد ..

أنا ماناكرة خوفى من الناس حوالى بالعكس دى حاجة متصالحة معاها ومتعايشة جدآ مع الواقع دا ..واصلة درجة أولاد أهلي م عندي ليهم شى ..

عمر الوحيد الحاسة علاقتى بيه أمان غير كدا بحس إنى خايفة ..خايفة شديد

عدت الايام الاولى وعمر كان كل يوم بمش معاى بعدها حسيت إنى متقله عليه وماف داعى ..اتعودت على جو الجامعة وصاحبت لى بنات إتنين ظريفات شديد اليوم كلو بنعدى مع بعض..

فى يوم بالصباح جيت لقيت ميناس واقفة مع ولد لما شافتنى نادتنى

-رزة أنا هنا تعالى

=مشيت وأنا ساكتة

-البت دى بتقرا معانا! !؟

=أي دى صحبتى وإسمها رزان ..رزة دا إبراهيم بقرا معانا ..

-مد لى يدو فى اللحظة دي انا كأنى ف معركة وبواجه خوفى الحقيقى .. كانت لحظات بسيطة بس رجعتنى لسنين طويله .. نفس اللحظة اللى شفت أبوى بعلى صوتو على أمى .. وقفتو جنبها وهما بتناقشو مكنت قادرة أسمع كلام واضح بس قادرة أحس قدر شنو في وحشية في الكلام .. للحظات مشيت عالم تانى خالص غير اللى كنا فيه هزتنى ميناس ..

=رزة الود مادى ليك إيدو ..

_معلش مابصافح ..إتشرفنا 🙂

مشيت منهم عارفة تصرفى بايخ بس أفضل لى اتصرف ببياخة بدل أعمل شى بيأذينى وأنا م عايزة كدا .. مشيت القاعة وقعدت ف أخر بينش مع إنها كانت فاضية وأنا متعودة أقعد قدام بس ماعارفة ليه كنت عايزة أقعد براي..

كل خوفى من كنت صغيرة حاجة إسمها رجال 🙇‍♀️ بكرهمم جدآ جدآ لابعد حد .. بكره واحد فيهم يقرب منى .. علاقاتى معاهم ف حدود محدودة شديد حدى سلام من بعيد من أنا صغيرة قبل مااعرف المصافحة ماكنت بسلم لراجل ف يدو .. بعد ماأمي وأبوي إنفصلو دخلت ف حالة نفسية سيئة من يومى بعانى من رهاب العلاقات ..

كنت صغيرة بس الحاجات الشفتها عمري م حنساها .. شفت أبوى وهو بيعلى صوتو على أمى .. شفت دموع أمى وهيا بتبكى .. شفتو وهو بيضربا 😔💔 ونحن ماقادرين نعمل شى .. يمكن رزاز ورامى صغار م بيتزكرو بس أنا م ناسية أي لحظة شفتها .. بعد كبرت حمدت الله إنو أمي إنفصلت عنو .. لانها كانت بتجي علي نفسها شديد وتستحمل عشانا ..

من وقتها وأنا بكره الرجال لدرجة ماامتحنت تامنة والسنة البعدها إتحولت مدرسة غير مدرستي .. وحتي لما عايزة أعيد تالته رفضت أقرأ ف مدرسة خاصة عشان الاساتذة رجال ..

عارفة يمكن خوفي مامبرر بس المريت بيه بشوفو ف وش أي راجل .. عمر الوحيد البطمن معاه لانو من صغار قمنا سوا .. كان واقف معاي في كل لحظة خوف ماف حد قدر يطمني غيرو .. عمر بحس إنو مسؤل مني، مسؤل يطمني،وانا مابعرف اطمن الا وانا معاه 💛🌻

يمكن احتياجي لاخت او اخ اكبر مني كان سبب كافى يخلينى احسسو بالمسؤلية دي تجاهي .. من كنا صغار وبعتبرو قدوتى لحد م كبرنا وانا للان بستشيرو فى اتفهه مشاكلى، رغم إنو أخواتو البنات قريبات لى ف العمر بس برتاح ليو أكتر .. 💙🌸

جاتنى ميناس قعدت جنبى وقالت لى رزة ممكن أفهم إنتى مالك! !؟

-مف شى أنا بس كلمتك إنو ماعندى شى للاولاد إذا إنتى عايزة تصاحبيهم الله معاك 🙂

=يابت بسم الله هو م ح.....

-بس كلمتك أنا (وقمت مشيت قدام قعدت ف البينش التالت اتلفت لقيت الولد بعاين لي اتجاهلتو وطلعت دفترى لحد م الدكتور جا وبدا المحاضرة )

خلصنا محاضرات وميناس تانى مافتحت معاي الموضوع بس حسيتا زعلت أو إتحسست .. وأنا بطبعى بفصلا من الزول وماعندى ليهو شى ..  يعنى لو م كان هيا نهاية اليوم بقت تتونس وتضحك ونست الموضوع كان عادى أنا م اتكلم معاها ولا اشتغل بيها ..

رغم إنها م غلطت ف شى بس أنا م عندى طاقه أحافظ،بيها على اى زول العايز يمش يمش طوالى مابهمنى 🙂💔

عديت الايام كدا اسبوع اسبوعين .. وانا م عندى علاقه بأي زول ولاحصل حضرت البرامج الترفيهيه بتاعت الجامعة واساسا مضغوطين من الصباح شغالين محاضرات باقي اليوم لما نطلع بدرى برجع البيت طوالي ..

كالعادة برامجى ف البيت ونسه خفيفه مع بنات خالتى .. بقعد مع أمي شويه بعد تجى وبنوم بدرى حتي التلفزيون م عندى بيه أي شغله ..

لو لقيت وقت فراغ برسم مرات علشان بحب الرسم شديد 😍💛

بعد شهرين وحاجة علاقتي مع ميناس ودان بقت حلوة .. صاح م حكيت ليهم شى كتير عن حياتى وتفاصيلى بس هما متقبلينى كدا بي غموضى دا ..

في يوم الدكتور حدد لينا برزنتيشن ومن حظي دان معاي وكان معانا ولد اسمو سامر .. بطبعو معروف بتاع بنات وم هضمتو نهائي مرتين عمل معاي caes ماظريف بس مشيتا ليهو فلما الدكتور حدد ع حسب اللستة بتاعت الحضور طلع هو معانا وحتي حدد لينا المشروع في اللاب برضو .. الحاجة البتهون علي انو دان علي طول معاي وحتى انا برتاح ليها اكتر من ميناس هيا مقربة منى شديد ..

بعد المحاضرة خلصت جا سلم ع دان وعارفنى م بصافح قال لى: الشيخ

#فيلـوفوبيـا
(سميتك الخوف البطمن)
#الحلقة:الرابعـ4ـة
#بقلـ ✍️ـم:نوودين=Πeedoo

دان حكت حاجات كتيرة،حاجات بتشبهني شديد،الحاجات اللى ماقادرة أبررا حتى لنفسي، قالت كل الاحساس اللى ماقادرة أشرحو لزول، هيا فهمتنى حتى بدون م أحكى

يعنى طفولتا البتشبه طفولتى الفرق إنها بتحب أبوها 🙂💔 وبين كل كلمة كانت قادرة تفخر بيهو وحتى بعد م اتفرض عليهو يكمل مع وحدة غير أمها كانت مكانة أمها لسة جواه، الموت أخدها منو بس مانساها ليهو، جاب وحدة غيرا بس م اخدت مكانتا، جابا علشان تهتم بي دان، كان كل همو بتو تعيش،بين أم وأب ..

بالرغم من تعامل مرة أبوها الحلو معاها الا إنها كانت فاقدة أمها، كان نفسها تكون جنبها الظروف جبرتا تتزوج واحد م عرف يقدرا، للاسف مرة الاب عمرها م اجادت دور الام رغم العلاقه الحلوة البينهم، الا انها كانت شايله هم كيف بت واحدة غيرا تعيش،مع اولادا وتنافسهم ف حب ابوهم، بطريقة ما دبرت ليها زواج قدر يسلب دان أمانا الكانت حاسة بيه تجاه ابوها ،لما كانت ف عمر صغير مابتفرز بين الصاح والاصح أبوها إختار راي مرتو لأول مرة وزوجا لواحد اكبر منها عمرا وفهما، دان عانت شديد في حياتا معاه بس ماقدرت تعمل شي، كانت الحياه عندو بتقيف ف انو يوفر احتياجاتا المادية مراهقة م اتعدت الـ 18سنة لقت نفسها مسؤلة من راجل عمرو 32سنة كلماتو كلها اوامر ،بتكلم بلهجة الزمن والتواريخ ..

ح ارجع الساعة 9 ،جهزي لى لبستى البنية، لمى الفايل دا بكرة ح احتاج ليهو ،صحينى الساعة 5 ،اجهزى حنحضر افتتاح، بكرة عازم أصحابى غدا وريني الناقصك شنو!؟؟

كانت حياتا عبارة عن هبة ليهو كأنو قدر يشتريها بشوية دهب وعرس فخم م حصل زيو .. أجمل اللحظات اللى عاشتهم وياه لما يفتح ليها باب العربية، او يمسك يدها قدام الناس .. للاسف دان بقا عندها فوبيا من حاجة إسمها زواج، فوبيا من العلاقات، من الناس عموما حتي الاقربين ليها، بعد معاناة، قدرت تتخلص من قيد مكبل حياتا كلها ،طلبت الطلاق بس عمرو الاتكسر م بتصلح 🙂💔 حياتا أبدآ م رجعت ولا حترجع زي اول، لما رجعت بيت أهلا نظرة المجتمع ليها اتغيرت حتي أبوها ومرتو تعاملهم معاها اختلف، حست انها حمل ثقيل عليهم ،الحاجة الوحيدة القادرة تعملا تهرب من البيت للجامعة، يداب عرفت ليه كانت م بترجع البيت بدري، ليه بتجي ايام القاب.

ماعرفت اعمل ليها شنو .. لقيت نفسي ببكي بدون م احس .. فضلت تسكت فيني وقالت لي
-يابت ناس بيتكم يقولو شنو اهدي الموضوع دا انا اتجاوزتو خلاص

=بقيت ببكي ولأول مرة حسيت نفسي عايزة احضن لي زول ويطبطب علي، زول اوريهو انو مانفسي اخاف كدا، انا عايزة يبقي عندي اصحاب، عايزة اطمن، عايزة احب، عندي احلام كتيرة نفسي احققا بس بخاف اتخذل، بخاف يحصل معاي نفس اللى حصل مع أمي

=عاينت للساعه قالت لي هيي انا اتاخرت

-معليش حقك علي كلو ...

=م مشكله ارح قدميني ان شاءالله القي مواصلات بس

_لبست توبي وشلت تلفوني واتصلت لعمر لاقاني جنب الباب .. وقف بعيد سلم علي دان وقدمناها الموقف ركبناها ركشة وقلت ليها بس تصلي طمنيني ..

طول الطريق عمر كان ساكت غريبة م سألني وانا اصلا باين في ملامحي إني زعلانه لما قربنا للبقالة قال لي

-رزة

=ها

-ماتنومي انتظريني لما اخلص واجي اوك

-طيب

دخلت صليت المغرب ولقيت امي جات طبعا الشمارات ديل حكو ليها انو انا جيت مع صحبتي 😹 استلموني موضوع الحلقة وانا نعست مشيت عشان انوم اتزكرت انو مفروض ابحث عن البرزنتيشن بتاعنا اكيد دان حترجع تعبانه م حتقدر دخلت النت ولقيتو وبقيت اقرا لحد م دان اتصلت لي قالت لي وصلت قريت شوية وطلعت صليت العشا وقعدت مع امي .. ناس مروة قاعدين ف التلفزيون اتونست مع امي وحكيت ليها عن الجامعة ودان وميناس قالت لي اها وتاني 😹

-يمة والله ديل بس صحباتي

=ماتحلفي خلاص صدقتك

-عمر جا داخل .. سلم علي امي وقعد جنبي بقا يتونس معاها جات امو سلمت عليهو مشيت جهزت ليهو اكل جا رامى عشان ياكلو قلت ليهم ارح ناكل مع جدو وحبوبة

مشينا سلمنا عليهم وقالو م جيعانين انا طبعا عبيطة ولايوقه حلفت ليهم الا ياكلو 😹

بعد خلصنا اكل قعدنا نتونس معاهم رامى قال نعسان مشي ينوم وانا كمان بكرة عندي محاضرة بدرى قلت لعمر ح امش انوم قال لي خلاص للصباح .. حسيتو عايز يقول شي بس اتراجع مشيت نمت وبعدها الصباح صحيت بدري طبعا محاضراتنا بدري شديد بصحي اول زول ولازم عمر يقدمني لانو الوقت بكون ضلام شويه والمحطة بعيدة مننا كالعادة بلقاهو صاحي بعمل ليهو شاي وبطلع بخلي ناس البيت يداب صاحين مشينا وكان بيتكلم معاي عن الجامعة وحكيت ليهو عن الولد الاسمو سامر قال لي م تشتغلي بيهو كتير

مشيت الجامعة لقيت ميناس جات بس دان م. جات اتصلت عليها قالت لي عيانة شويه م حتقدر تجي دخلنا حضرنا محاضراتنا عادي اليوم ممل ومسيخ بدون دان 💔 مابعرف اكون مرتاحة مع ميناس هيا اصحابا كتار ومحل م مشينا بتلاقي زول تقيف علشان تسلم ليه عدا اليوم وتاني يوم برضو دان م جات لقيت نفسي مضطرة اكون مع م

#فيلـوفوبيـا
(سميتك الخوف البطمن)
#الحلقة:الخامسـ5ـة
#بقلـ ✍️ـم:نوودين=Πeedoo

كان كل شيء جاهزاً، الجواب والإعتراف والتشبيهات ونبرة الصوت، ومواضع السكوت، وإيماءات اليد، وإختلاق التفكير، كان عليك فقط أن تنتبهي.....!!

عمر كان مقلق علي شديد هو اتعود انو ينتظرني في الوقت تماما .. اول ماجيت جا علي

-رزة وين انتي ..!! ليه اتاخرتي كدا!!؟؟

=مااتاخرت شديد ياعمر ..واتصلت عليك مارديت

-مارديت شنو انا رجعت ليكى سبعة مكالمات انتى المابتردي .. عارفة خوفتينى عليك قدر شنو!؟

=خلاص ياعمر اهو انا كويسة ..

-اتاخرتي وين!؟

=مع اصحابي طلعنا ..

-كان بامكانك تكلمينى قبل تطلعى بدل م أنا قاعد زي المجنون أفكر فيك

=عمر انا اتصلت ليك اكلمك بس ..

-خلاص خلاص امش البيت وقولى لامي انا ح اتآخر شوية

=اتحرك خلاني براي والمغرب قرب يآذن .. هو بيعرف كويس إنى مابعمل شى غلط .. طب ليه زعل منى!؟ومابس كدا مشى خلانى .. عمر تصرفاتو معاى بقت غريبة شديد ماقادرة افهم هو مالو وقفت بعاين ليهو بس حتى م اتلفت مشى خلانى فى مكانى .. زعلت شديد مشيت البيت زهجانه نسيت اكلم أمو لحد الساعة 10كدا حاولت تلفونو لقتو قافل بقت مقلقة حتى اتزكرت كلمتها فضلنا منتظرينو يجى حسيت انى زعلتو وراجعت تصرفاتى ..

طبيعى يزعل هو كان محور حياتى فجأة بقا يعرف بمواضيعى المهمة آخر زول ،، لاحظت إنو بضايق من سيرة أصحابى ،، انا الكنت برفض إتعرف على زول فجأة بقا عندى أصحاب وبطلع معاهم ،،، يمكن حسه إنى بقيت مستغنية عنو علشان كدا زعل ،، قررت إنى إعتذر منو لما يرجع فتح تلفونو اتصل لامو وقال ليها جاي أول م سمعتها بتتكلم معاه قلت ليها ياخالتو أدينى عايزاه ،قالت لي قفل مشيت اتصلت عليه من تلفونى م رد

رسلت ليهو "عمر م تتآخر أنا مستنياك 💛"

قرا الرسالة وبعد نص ساعة رد لي
"ماتنتظرينى نومى"

عرفتو زعل مني بس فضلت مستنياه بعد ساعة  الباب دق طوالي مشيت فتحت لقيتو دا هو كان باين انو زعلان شديدد قال لي

-زحى من الطريق ي رزة

=عمر مالك!؟؟

-مالى!؟؟

=مشيت محل الشيشة صاح!؟؟

-انا قاعد اسألك محل بتمشى!؟؟

=أدخل ياعمر م ح اتناقش معاك

-دخل ومشى علي غرفتهم طوالى ،، لحظة اقفل الباب والحقو دخل غرفتهم وقفل الباب

فضلت واقفة بدق ليهو م عايز يفتح وانا حلفت م بخليهو ندهت عليه ،، ياعمر افتح الباب م ح اتكلم معاك طيب

-امش يارزة نتكلم الصباح ،، لاع م ح امش اطلع ورينى انت مالك

=اها يارزة في شنو ،، انا كويس ومافينى شى ،، ماهبشت الشيشة أصلا كنت قاعد مع أصحابى بس كدا مرتاحة!؟؟

-نبرة صوتو وهو بتكلم معاى كانت حادة بحياتو م إتكلم معاى كدا 😭 فضلت واقفة بعاين ليهو ،، سكت مسافه وهو بعاين لي اما م اتكلمت معاه قال لى معليش ..!!

ح اخت ليك تتعشى م تقفل ..

مشيت جبت ليهو اكل وجيت لقيتو واقف في مكانو قلت ليهو زح .. دخلت ختيت الاكل وطلعت مسكنى من يدي وقرب علي شديد

-رزة !!

=عمرر زح مني ي عمر

-وقف قصادي وانفاسو بقت مع انفاسي فضل ساكت مسافه وقال لي ليه بتعملي فيني كدا يارزة

انا بقيت خايفة ماعارفة بس غمضت عيوني شديد .. دي اول مرة م احس بالامان وانا جنب عمر … عمر اللى طول عمري كان كل الامان بالنسبة لي فجأة بقيت شايفاه زيو وزي كل الناس … كنت متمنية لو أفتح والقي دا م حقيقة … عمر م بيعمل كدا معاي هو اكتر واحد عارفني بخاف شديد زول يقرب مني للدرجة دي ليه عمل كدا!؟
انا بحاول اتجاوز خوفي ليه بتصرف معاي كدا! ؟
ليه خلاني احس بالخوف بعد ماكنت م بطمن الا وانا جنبو! ؟

قال لي انا اسف وزح مني! .. بدون م اتلفت مشيت علي غرفتنا كنت خايفة وللحظات حسيت نفسي حيكتم رقدت وانا برجف كمية خوف دخلتني لدرجة حسيت جسمي اقشعر وبعرق وفي نفس الوقت بردانة شديد اتغطيت ونمت من خوفي ..

الصباح صليت وفتحت مصحفي قريت شوية وقمت نضفت كلهم طلعو أمي وخالتو مشو  علي شغلهم وسماح ومروة علي جامعتهم ورامى ورزاز علي مدرستهم عمر مشي البقالة قعدت مع جدو وحبوبة شوية وقلت عايزة لي نسكافي مشيت البقالة اول م دخلت قال لي رزة انتي كويسة!؟؟

=اي

-انا. …

قاطعتو وقلت ليهو عايزة نسكافي سريع مصدعة

ماحب يتكلم معاي بس عيونو قالت كتير فضل يعاين لي نظرة ندم واسف اتجاهلتو شلت النسكافي وجيت عملتو اتزكرت عندي آسايمند مفروض أسلمو قعدت أشتغل فيهو كتير غلبني ..

فتحت دفتري وبقيت ارسم ملامح انسان طولت م رسمت حاجة بتخصني  برسم طلبات  وكدا ومع الدراسة بطلت،  فجأة نفسنت وقفلت الدفتر ..

مشيت لعمر شلت منو المفتاح جبت اللابتوب بتاعو لقيتو مغير الباسويرد اتصلت ليهو: -

=ياسجم الباسويرد شنو!؟

-ختى لما اجى

=ياخ عايزة انقل حاجات مهمة عايزة اقرا م ناقصاك م تتعاور ورينى

-"بصوت جادي" قال لي مسافة السكة بكون عندك ماتفتحى

=حبيت من وراي وعاملو اسم حبيبتك وم عايز تكلمني مش! ؟

-رزة سيبي عناد اهو جاي انا ح افتحو ليك

=قفلت منو ومشيت المطبخ جهزت الفطور قلت بما انو جا نقعد نفطر بالمرة

دخل لي ف المطبخ طوالي رفعت ال

#فيلـوفوبيـا
(سميتك الخوف البطمن)
#الحلقة:السادسـ 6ـة
#بقلـ ✍️ـم:نوودين=Πeedoo

ع الأقل كُنت سَتطمئن لو وُجِد شَخص واحِد فَقط، يُمسِك بيدك ويخبرك أن كُل شئ بَخير.. 💔!

مشيت الجامعة اتلاقيت مع دان .. ملامحا م كانت عاجباني خالص حاولت اتكلم معاها بس بي طبعي مابعرف أواسي لي زول أو بالاحري بحس أني م مفروض أدخل في خصوصيات الزول لما اشوف حد زعلان بحب أخليه ع راحتو إذا حكى أهلا وسهلا م حب يحكى ع راحتو.

بعامل الناس ف حدود علشان بعدين م يكون في تعامل متبادل بيني وبينهم ع قدر ماتكون قريب لي انا م ح احكي ليك مقتنعة جدا انو الفضفضه دي أحسن منها الكتمان .. ماعدم ثقة ف الحوالي بس مابعرف ف شعور جواي بمنعني للأسف.

قعدنا في الكافتريا كنا مستنين ميناس تجي قالت لي

-رزان !!

=هااا

-عايزة استشيرك ف حاجة بس جاوبيني بصراحة ممكن!؟

=اهااا

- ختي نفسك مكاني .. اعتبري انك عايشه مع مرت ابوك وهيا مابتظهر ليك تعامل سئ قدامك بس من وراك بتحس انك ثقيله عليها ومشاركاها ف حق اولادا وبتحكي مع الناس عنك بالسؤ .. قادرة تفهميني، ،يعني قدامك هي حلوة معاك واي شي بس انتي عارفه نواياها وفاهمة تصرفاتا بتوحي لشنو حتتصرفي معاها كيف!؟

=للحظة سرحت واتخيلت نفسي مكان دان يعني م ف اصعب من انك تعرف انو الشخص بكرهك بس انت مضطر تبتسم معاه .. النفاق دا حاجة سيئة جدا وكونو شخص يتعامل معاك بنفاق خاصة لما تكون عارفو حيطلع من نفسك ومستحيل تقنع عقلك انو يتقبل تعاملو الحلو .. قلت ليها كلمة طلعت مني سهوا م عارفة ليه جات كدا (طب يادان م تريحي نفسك منها)

اتخلعت ونططت عيونا قالت لي كيف!؟؟

=انا اصلا م عارفة ولافكرت ف الموضوع بس فجأة الكلمة جات ف بالي يمكن لاني اتعودت وقمت كدا ف المحيط الحوالي علموني اخلص من الحاجة البضايقني واريح نفسي منها كلمة (ريحي نفسك دي في بيتنا عادية شديد) وانا عمري 13سنة سمعتها وامنت بيها لما حبوبة وخالتو بتكلمو مع امي وقالو ليها (ريحي نفسك منو)  بعدها عرفت انو الطلاق كان راحة امي من ابوي حتي بدون م يفكرو ف راحتنا … سمعتها مرة تانية لما كنت عايزة اعيد ف مدرسة خاصه علشان اجيب نسبه تدخلني جامعة كويسه كنت خايفة ومتوترة من فكرة ادرس ف مدرسة اساتذاها رجال  سمعتها من كل ناس البيت (طيب ماتريحي نفسك من الفكرة واقري ف مدرستك دي) … سمعتها مرة تالتة. لما جيت اقدم للجامعة وكنت خايفة من فكرة اختلط مع اولاد وقتها قالو لي (قدمي ف جامعة م مختلطة وريحي نفسك)  … انا من قمت عرفت انو الواحد مفروض يريح نفسو ويسيب الحاجة البتآذي حتي بدون م يفكر اذا الراحة دي مؤقتة ولا دايمة … قلت ليها م عارفة ي دان بس لو انا مكانك كنت عملت اي شي يريحني من كلاما وتصرفاتا دي. 

دان سرحت وفكرت كيف ترتاح منها وهي م عندها مكان غير اللى هيا قاعدة فيه معاها !؟؟

______________________________________

=خالتو عشه صباح الخير

-صباح النور ي بتي كيف اصبحتي!؟

=كويسة الحمدلله .. عم عبدالرحيم عايزك ف المكتب

-خير ان شاءالله (واتحركت علشان تمش )

انتي ي سامية عشة  الايام دي كترت مشياتا لمكتب عبدالرحيم ليه!؟

هيي بري علمي علمك انا كمان لاحظت وقبل كم يوم شايفاهم طلعو سوا

ماباين عليها كدي!!

الدنيا دي كمان بيضمنو فيها زول!؟ بعدين ليه بتتكمم كدي التقول عاملالا جريمة!؟

هي مش مطلقة! ؟

من زمان شديد!!

واولادا وين! ؟

معاها!!

اسكتو كدي النسألا هدي جاية علينا

ياعشة المدير م طلع المرتبات!؟

(اتوترت وحست انو هم شافوها طلعت من مكتب المدير بلعت ريقا وقالت ليهم بري م عارفة)

اها قلنا بما انك جاية من مكتبو يكون كلمك

ابدا والله

______________________________________

يأحمد أمي قالت ليك أنزل الفطور

ماعايز ي أروى خليني عندي شغل كتير

في اللحظة دي جات أمو قوم ي ولد م كفاك يعنى من أمس م اكلت شى بعدين نحن اخر مرة قعدنا سوا متين!؟

خلاص ي أمي بعدين نتغدا سوا اسي والله مشغول

وهي نازلة وقلبها مكسور علي ولدا البضيع عمرو كلو شغل وماقادر يحافظ علي علاقاتو حتي مع ناس البيت .. بعيدا عن الناس التانية

أروى تفتكري أخوك دا حيعيش حياتو متين تعبني والله انا نفسي اشوف اولادو، نفسي اطمن عليه وهو ف بيتو ومستقر، حياتو كلها شغل شغل لمتين كدا

ياأمي براهو خسرا أحمد م زول يتعاش معاه ماحتلقو بت تستحمل فظاظتو دي حدي لقا بت كويسة بس مشت خلتو بسبب عمايلو، شكلو حلمك دا م حيتحقق ..

ماتقولي كدا الله دا م كريم بت الحلال الح تصونو وتغيرو موجودة الله يجمعا بيهو عاجلا ام آجلآ يارب

______________________________________
الووو

اهلا اهلا ي سعاد

كيفك ي أم أحمد

بخير الحمدلله وانتو كيفكم

كلنا بخير نحمدالله

البنية كيفا

قصدك دان!؟

اي .. عساها كويسة!؟

كويسة م عندها اي عوجة الا مع القراية

والله ي سعاد العملو ولدي معاكم م بتسامح بس لو تدوني فرصة تانية و

ماعندك مشكله الاولاد بفضلو اولاد ومصيرهم يغلطو ونحن م علينا الا نسامحهم

الله

#فيلـوفوبيـا
(سميتك الخوف البطمن)
#الحلقة:الـسابـعـ7ـة
#بقلـ ✍️ـم:نوودين=Πeedoo

هُناكَ دائمًا شخصٌ مُختلف، يمكنُه أن يسرقَ ثقلَ هذا العالمِ عن كتفيكَ دونَ أن تشعُر ✨❤️

أحمد رفع تلفونو وإتصل لـ دان في البداية م ردت بس لما كتر المكالمات ردت

=السلام عليكم

-وعليكم السلام

=كيفك ي دان

-بخير

=عرفتيني

-عايز مني شنو!؟

=اعتذر ليك

-علي شنو!؟

=ماعارف بس ياريت لو تديني فرصة اخيرة خلينا نتلاقي ونحكي

-معليش يااحمد انت اخدت كل الفرص والموضوع دا بالنسبة لي منتهي ماعايزة فيهو نقاش ممكن تاني م تجيب لي سيرتو

=دان عارف نفسي غلطة عليك كتير بس ندمان والله حياتي بدونك م تمام اديني فرصة اخيرة انا والله...

-عرفت متآخر جدا للاسف وانا م بقدر اتخيل نفسي معاك بعد كل الحصل ياريت تاني م تتصل لي

احمد طليق دان هما صاح م اطلقو رسمي بس هيا رافضة ترجع ليهو، بقت تخاف من حاجة اسمها علاقات م نفسها تعيش نفس المآسأة من اول وجديد كتير مرات بتفكر حيحصل ايه ف حياتا الجاية لسه عمرها ماتم 20 وهي خسرت نص حياتا بي سبب زواج مدبر حست نفسها ضحية، علاقة مقرفة سلبت منها كل احلاما عن الزواج، علاقة كانت عبارة عن كابوس مرعب بالنسبه ليها لسة كل يوم وهيا نايمة بتهلوس بالزكريات كمية وجع اتراكم جواها، ممكن تبين انها قوية ومافارق معاها بس بتتألم في كل لحظة تشوف عروس مبسوطة، واحدة مخطوبة ومبسوطة في حياتا مع خطيبا،صحباتا ف الجامعة وهما مبسوطين بعلاقات الحب،بتتوجع لما جاراتهم ينظرو ليها نظرة شفقة، لما عمتا تعاملا بضيق وكأنها عالة عليها،لما المجتمع كلو بنظر ليها بنظرة مطلقة كأنها عار، كأنها إختارات يحصل معاها كدا 😔💔

أحمد جدع التلفون وقعد في طرف السرير ومسك راسو وبقا ضاغط عليه شديد .. اتزكر زواجو الاول من ريم .. البت اللي حباها طول عمرو وقرر يتزوجا وبعد الزواج قلبت حياتو لجحيم .. عرف انو بالحب براهو م ممكن نبنى بيت .. الحب م بكفي إنو يأسس حياة متكاملة .. الحياه بتطلب حاجات تانية أكبر من الحب زي .. التفاهم .. الثقة .. واهم شي .. الأمان .. إحنا محتاجين نطمن ونرتاح للعلاقة قبل كل شى .. العلاقات بكل مسمياتا لو مافيها أمان م حتنجح  .. أحمد وريم رغم الحب البينهم كان ناقصهم آمان في كل لحظاتهم .. البيت، الاسرة،المال ماكان كافي علشان العلاقة ديا تنجح ،، للآسف أحمد كان عندو نقص جواهو ريم ماقدرت تتقبلو براحبة صدر .. أحمد كان بعانى من ضعف جنسى وقتها ريم سمعتو كلام هز كل ثقتو في نفسو وفي الزواج بصورة عامة، لحظة غضب، كلمة جارحة قدرت تكسر كل مجاديفو، نهت كل الحب الكان بينهم، طلبت الطلاق وسابت وراها شخص خايف، مجروح،مكسور،محطم،ماليهو نفس ف الحياة، كيف يقدر يشرح للحواليهو قدر شنو هو عانى من العلاقة دي، أختو وأمو اللى بفضلو يزنو ف راسو، بإنو لازم يكمل حياتو ويواصل بدونا خاصة إنو قال سبب وهمي جدا لانفصالهم، خلي الحقيقه بينو وبينها، بعد سنتين إضطر يستسلم لاهلو ورغبتهم في إنو يتزوج أمو إختارات ليه دان لما شافتا مرة في مناسبة من وقتها دان وقعت ضحية علاقه فاشله، علاقه أخدت منها أكتر مما أدتا، علاقة دمرت رغبتا في الحياة الزوجية، علاقة كانت مرهقة ومؤذية بالنسبة ليها هيا وأحمد ..هو م حكى ليها وهي ماقادرة تبرر تصرفاتو معاها، علشان تخت ليهو عذر حاولو ينفصلو بس أهلهم بفضلو يزنو ف راسهم من جهة أم أحمد اللي نفسها ولدا يستقر في حياتو وتفرح بيه وتشوف أولادو، من جهة سعاد اللى نفسها تتتخلص من مسؤلية دان وتشوف تربية أولادا بعيدا عن بت أبوهم المدللة زي مابتحب تسميها وفي النهاية الخسران منو دان وأحمد 💔

_______________________________
عمر كان بعدي اليوم كلو وهو مقلق ع رزان من لما كانو صغار كان متعود يعدي وقتو معاها .. بيحكي ليها تفاصيلو .. بتشاركو كل شي فجأة ف شى اتغير بقو بعيدين كل البعد عن بعض .. يمكن هو السبب ف الحاجز الاتبني بينهم بس زهج، خلاص فاض بيه، ماقادر يخفي مشاعرو أكتر من كدا، هو بحبها، ومتعلق بيها جدا، لمتين حيكون متخفي بقناع الاخ، كيف يشرح ليها انو بحبها ك حبيبه م اخت، انو نفسو تكون معاه ،ماعايزة تشوفو كأنو الحارس بتاعا، تجيهو لحظات خوفا،ماعايزا تطمن مع غيرو ..

جاتو بت ف الدكان كان سرحان وبفكر شكلها ندهت عليه مرتين بس م سمع في المرة الاخيرة

-اااا .. معليش يا..

=الشاغلة بالك تتهني بيهو

-ماكدا بس سرقني التفكير و..

=م يهمك .. فاهمة عليك المهم كيفك!؟

-بخير .. الحمدلله اتفضلي!

=ليه مستعجل كدا ولاانت أصلا طبعك بتختصر الناس كدا

-العفو ياخ معليش ماقصدي

جات رزة بي كل حماس بعد م قررت تسامح عمر علي اللى عملو ف لحظة غضب وم كان واعي راجعت زكرياتهم وقالت إنو البينهم اكبر من انها تخسرو للسبب التافهه دا بعدين هو زول اخوها شديد وحياتا بدونو م حلوة خالص جات مبسوطة علشان تقول ليه انها سامحتو ونفسها يرجعو زي اول مجرد م دخلت

-عووووووومررررري

=رزة!

_معاك ضيوف ماشاءالله .. هييي كيفك

=البت عاينت

#فيلـوفوبيـا
(سميتك الخوف البطمن)
#الحلقة:الثامنـ8ـة
#بقلـ ✍️ـم:نوودين=Πeedoo

الخوف عمرو م دافع علشان نعمل الغلط، لان البيخاف م بتجرأ يغلط، الغلط بطلب مننا شجاعة!  🙂💔

-اها ي عشة وصلتي كيف

=الحمدلله سيد الامجاد وصلني للبيت

-اذا نقصك شي كلميني

=الله يديك العافية يارب

جيت داخله لقيت امي بتتكلم بالتلفون قفلت بسرعة وقالت لي انتي مش قلتي عايزة رسوم  امتحانات! ؟

-اي حقات السمستر التاتي

-اها كويس ..هاك دي
وطلعت مليون ادتني مع اني محتاجة 600بس

-يمة بما انك صرفتي ادي رزاز قروش قالت عايزة تقص ليها فستان لعرس مزن

=اي زكرتيني … فتحت مطبقتا كان عندها قروش كتيرة واثناء م هي بطلع فيهم وقع منها كرت شكلو حق عيادة وكدا رفعتو جرتو مني بسرعة طلعت مليون ونص ادتني قالت لي امشو سوا ماتخليها تبزر القروش ساي وقبل ارد ليها دخلت

ليه امي بتتصرف معاي بغرابة كدا بقيت محتارة ماعارفة اعمل شنو!؟

مشيت الموضوع ع كدا لما كلمت رزاز فرحت شديد صراحة انا م متحمسة للعرس دا خالص وم عايزة احضرو بس مزن بت عمتي ظريفة معانا وهيا اكتر واحدة بتسأل عننا وبتجينا لو م مشيت حتزعل …

______________________________________
يابت يادان اصحي كفاك

-حاضر ي عمتو صحيت اهو

=تعالي امسحي الحوش دا كلو الليله جايننا ضيوف

-حاضر

مشت نضفت الحوش كلو ومسحت ودخلت الهول وفرشت وبخرت .. دان بي طبعها م فضوليه ولا بتحب تتكلم كتير الحاجة البتتطلب منها بتعملا بدون اي ترردد من يوم جات عمتا وعاشت معاهم ماسمعت منها غير كلمة حاضر .. فطرو ودخلت المطبخ مع عمتا موضوع غداء وفطاير وتحليه وعصاير كأنو عرس دان إستغربت قالت ليها

-ياعمتو مين اللي جاي..!!

=قرايبي كدا .. انتي اخلطي،العصير دخلي التلاجة وامش اخدي دش واعملي ليك شوية مك اب

_ههههههه مك اب قولي ي عمتو انتي جايبة لي عريس وانا م عارفة ولا شنو..!!؟

=بري عريس شنو مش عريسك قاعد! ؟

_دان غيرت ملامح وشها .. وسكتت نفسها تعرف ليه عمتا مصرة علي علاقتا مع احمد رغم كل الحصل يمكن دان م قدرت تحكي ليها انها عانت معاهو والاسباب الاساسيه الخلتا تكره العلاقة دي بس برضو ورتا قدر شنو احمد سيئ وبعاملا باسؤ اسلوب ليه ماعايزة تفهما ولا علشان هيا م امها حتي ولو ف النهاية هي ام مفروض تحس لو بتها اتختت في مكان دان كان حيرضيها تعيش كدا ..

اول م خلصت العصاير دخلت ادوشت وفعلا عاينت لنفسها ف المراية هيا ليه دافنة نفسها بالحياه كدا .. هيا حلوة وتستاهل تبقي احلي فتحت صندوق المك اب وعملت شوية .. طلعت عمتا شاغلتا ايوة كدا بقيتي تشبهي العروسات

______________________________
في بيت ناس الهام: -

أحمد الله يرضي عليك ياولدي م تخذلني ارح انا كلمت الجماعة وهما رضو نجي نتكلم معاهم

=ياأمي عليك الله اعفيني من الرسميات دي دان م حترضي حتي لو اهلا رضو

ياولد انت م تباصرا مرة واحدة وقول خير انا تعبت والله خايفة امووت ..

=الف بعد الشر عليكي ماتقولي كدا

طيب قوم غير ملابسك دي،الجماعة راجيننا أنا و خالك بنتكلم انت خليك ساكت

احمد من جواهو بتمني لو زول يصلح الهو ماقادر يعملو .. نفسو دان ترجع تكون جنبو يتصبح بصوتا .. يشوفا قدامو .. تهتم بادق تفاصيلو .. يمكن دان مختلفه عن ريم .. دان كانت بتدي،بلا م تاخد منو اي مقابل .. عكس ريم اللي اخدت كل شي الحب، الدلال،المال،وفي النهاية ادتو شنو غير الخوف، زرعت جواه خوف بي سببو خسر دان ..

احمد لاول مرة يستسلم ومايعند سمع كلام امو دخل غرفتهم فتح دولابهم شال جلابيه اتزكر مرة وهيا واقفه بتكوي ليهو ف جلابية الجمعة فضل واقف بعيد متمني لو يقرب منها يحكي ليها قدر شنو هو نفسو البينهم يبقا اقوي بس ف خوف بمنعو بعد م خلصت مشت .. مشت وهو م قدر يحكي الفي قلبو شال نفس الجلابيه ولبسا اتعطر من العطر اللي هدتو ليه دان .. وطلعو

_______________________________
لما وصلو فتح ليهم مؤتمن، مؤتمن اخو دان عمرو 9سنة وأختو منة 7سنة

فضلهم ودخلو أحمد كان باين عليه متوتر شديد وحتي ناس أمو .. طلعت ليهم سعاد سلمت عليهم وندهت ع دان تجيب المويه،

-التمن الضيوف الجو منو!؟؟

=راجلك وأمو وأختو ..

-كذااااب..!!

=خلاص م تصدقيني اسألي منونة كمان

-منة براحة اطلعي شوفي الجو ناس منو

منة جري طلعت ومن مكانا كوركت دندون والله التمن كلامو ثاح راجلك جا 😹😹

ووووب من الفضيحة 🙂💔💔💔💔💔

وقتها دان أمورا جاطت وبقت م فاهمة شي وبهناك سعاد بتحاول تصلح الموقف الختتو فيهم بتها بصوتا العالي دا .. أحمد الوحيد الكان مبسوط رسم إبتسامة مقوسة علي وشو كان عارف دان طفوليه وتصرفاتا حمقاء رغم انو اكبر منها ومرتب شديد ومابجامل في التصرفات دي بس بلقي نفسو عايز يشوفا وهي بتتصرف بحماقة .. ولا مرة لمح ليها انو م بحب الحركات الطفوليه دي بالعكس كان بستمتع ..

دان لما تخاف يدها بترجف بقت متوترة اصلا م توقعت يكونو هم .. اي نعم مشكلتا مع أحمد بس أمو وأختو ظريفين معاها وهيا م حتقدر تطلع مكشرة وشه

#فيلـوفوبيـا
(سميتك الخوف البطمن)
#الحلقة:الـتاسعـ9ـة
#بقلـ ✍️ـم:نوودين=Πeedoo

ح يفضل الليل قاسي على ناس مُش كويسه من جواها بس بتضحك دايماً 🙂💔

في غرفة مظلمة كانت بتبكي بصوت واطي حتي لو تبكي للصباح وباعلي صوت م ف حد حيسمعا لا اخت، لا ام 😔💔 هيا عاشت كدا طول عمرها كان مناها يكون عندها كتف م بميل تتكئ عليه، تبكي وتبكي وتطلع كل الجواها، في اللحظة دي بتفكر لو كانت امها عايشه دا كلو م حصل، امها اللي م متزكرة تفاصيلا حست انها محتاجة تشوف ضحكتا علشان تطمن، صوتا اللي مابتعرف نبرتو حاليا عارفة انو لو سمعتو حيطمنا، فيها شنو لو كان عندها اخت تسمع حكاويها، اخت تشكي ليها، طب م ضروري تشكي المهم اخت تكون جنبها  ،بتكره الليل شديد لانو بيوجعا، نفس الليل اللي اخد منها كل شي حلو ف حياتا، دان بالنهار مختلفه تماما عن دان بالليل، بتعمل نفسها قوية وحتتجاوز بس الليل برجعا لنقطة الصفر بقت محتارة ليه بيحصل ليها كدا هيا م عملت شي تتعاقب عليه كدا من ناحية حياتا الفقدت معني الحياة خوفا من انو م تحقق ولا حلم واحد في حياتا، خوفا الشديد من انها م تقدر تكمل حياتا طبيعي، خوفا من انو بكرة مايفضل ليها سند حيحصل ايه لو ابوها بقا م ف ف الحياة القاسية دي!؟
حتمش وين اذا كبرت ف العمر وهيا لسة في نفس النقطة قبل سنين م قادرة تتجاوزا! ؟
تعمل ايه اذا فضلت براها لاام، لااب،لااخ،لاسند!؟
حاجات كتيرة شاغلة تفكيرا ومالاقية اجابة، ساعات بتحس انو كل الظروف بتثبت ليها انو الزواج هو الحل الوحيد عشان تواجه بيه الحياه، يمكن م الحل الامثل بس الوحيد، بي كل السؤ اللي خاتاه عنو هو الحل، احمد الراجل الوحيد في حياتا ومسخ عليها بقيه الرجال .. هو كيف قدر يسلب منها حبها للحياه، كيف حطم احلاما لمجرد انو كان من حقو يستمتع بحياتو حتي لو علي حسابا!؟
طيب والقصص الحلوة المفروض تعيشا! ؟

بتنوم وجواها الف سؤال ماليه اجابة بس المرة دي قررت تلقي اجابة الساعه كانت 3ص رسلت لأحمد مسج كالاتي:-

(انا بكرهك شديد، بكره كل لحظة جمعتني بيك ي احمد،بكره كل لمسة، كل مرة قربت فيها مني، انت كنت اناني معاي شديد، غرورك وكبرياءك ديل ماتفتكر بقدرو يشترو ليك لحظات سعيدة، عمرها السعادة م كان ليها تمن،انت فاكر اهلي مامصدقين انك واو وزول رهيب وخلاص الدنيا واقفة عليك علشان كدا ،اوعك تفتكر انو ف بت بتهون علي اهلا، حتي لو م عندها اهل هي فعليا م بتحس انها هانت عليهم، انا صاح م كنت بكرهك لما عرستك وسلمت بالامر الواقع ورضيت اكمل حياتي معاك، نفذت كل الوصايا م قصرت معاك بس انت م عندك احساس، انت بتحب نفسك، ورغباتك فوق كل شي، انت م بتعرف قدر شنو انا قرفانة منك ومن نفسي ومن كل لحظة قربت علي فيها، بكرهك وبكره الليل علشان بزكرني بيك، بزكرني قدر شنو انا جنيت علي نفسي وضيعت نص عمري وانا بتحمل بشاعة تصرفاتك، ماحصل قلتها ليك بس ندمانة علشان بجي علي نفسي ومابعبر، ماغلطك دا غلطي كنت اقولا ليك من اول مرة ،بكرهك وماتحاول ترجع لي لاني مابطيقك ولا ح اقدر اتخيلك جنبي باي شكل من الاشكال، شكرا لانك عملت فيني كدا وقرفتني حياتي الاصلا م بقت تتسمي حياة )

قفلت تلفونا بدون م تشوف الرد كانت مغبونة وحست انو نفسها تفرغ كل الجواها 🙂💔

……………………………………………

الصبح اذن قليل من الناس البتصحي تصلي حاضر والاغلب بكون نفسهم يطلبو شي من ربنا تلقائيا بلقو روحهم صحو وكأنها مواعيد بينهم وبين الرب في كل مصلاية كانت بتطلع دعوات زي:-

يارب قلبو اربط عليه ولدي ماكان كدا رجعو لي زي اول اديهو بت الحلال المابتهون عليه 💙🌸

ودعوة تانية:-
يارب بتي انا ممكن في لحظة غفلة جنيت في حقها حتي لو تاخد حقها مني بس خليها مبسوطة ف حياتا انا عمري تاني م ح اعمل شي يأذيها انت سخر ليها الخير وين ماكان 💙🌸

ووحدة بتقول: -
يارب انا ماعارفة اعمل شنو محتارة شديد ف حياتي انت قادر وانا وكلت امري كلو ليك سهل لي الفيهو خير لي ولاولادي، وابعد عني الشر واتقيني من كلام الناس يارب الناس 💙🌸
______________________________________

أحمد صحي ولقي رسالة دان مع كل حرف كان بيقراه  قلبو بوجعو .. هيا قست كدا ليه ماكانت كدا .. قفلت عليه كل الطرق م خلت شى غير انو يبرر ليها تصرفاتو مشي ع تربيزة المكتب وطلع ورقة وقلم وبدا ليها رساله طويله حكي ليها كل الجواهو .. فضل يقرا فيها مرتين وتلاتة لحد م اقتنع انو فعلا عايز يعمل كدا يبرر ليها ويريح ضميرو ..

نزل بسرعة حتي م مشي يصبح لامو دور عربيتو وطلع .. وصل الشركة بدري شديد دخل مكتبو وظرف الرساله وخت معاها الدبلة ..

في مكان تاني: -
مرة واقفة جنب الظلط وباين عليها الخوف كانت بتتلفت وكأنها مراقبة .. جو مارين بجنبها نسوان سلمو عليها من بعيد وواصلو مشوارهم واحدة فيهم قالت للتانية ..

- أسي لو م القسمة البطلعا من صباح الله تكابس ف المواصلات والشغل شنو!؟

-بري والله الناس ديل قسمتم كعبة دا حالهم كدا..!

=هن م عندن راجل في بيتهن يقيف قصادن..!

-راجل منين واحدة

#فيلـوفوبيـا
(سميتك الخوف البطمن)
#الحلقة:الـعاشـ10ـرة
#بقلـ ✍️ـم:نوودين=Πeedoo

‏كُل شيء قابل للثبات إلا مزاجي😴✨

يابت مالك وشك مخطوف كدا ..!؟

مممف شي ياروز .. ارح نلحق اللاب

اوك بس إذا في شي حابة تحكي ماتترددي

طيب لبعدين كدا

طول اللاب دان كانت سرحانه وم مركزة خالص فتحت تلفونا قرت المسج اكتر من مرة .. اتخيلت شعور احمد حيكون شنو وهو بقرا الكلام الجارح القالتو دا .. دان شخصية حساسة جدا ممكن يأذوها بس أبدآ م بتأذي أول م طلعنا من اللاب شايفاها بتحاول تتصل وظاهر انها متوترة ..

-دان مالك ي بت في حاجة!؟

=روز انا رسلت لأحمد أمس

-رسلتي ليهو ليه! ؟

=ارح نقعد الموضوع طويل ح أحكي ليك

فعلا دخلنا الكافتريا وحكت لي من لما جوهم ف البيت وشوفتني الرسالة .. صراحة بقيت محتارة م عارفة أقول ليها شنو أنا أفشل واحدة ممكن تفهم في العلاقات 💔

أثناء قعدتنا تلفونا إتصل رقم غريب سامعاها بتتكلم مع بت وبتوصف ليها بعد 5دقايق جاتنا بت سلمت علينا مدت ظرف لدان ومشت

-دي منو ي دان

=سكرتيرة أحمد .. أرح الاستراحة أشوف دا شنو

دخلنا وفتحتو لقت رسالة والدبلة بتاعتا فتحتا وكان مكتوب فيها: -

"‏بعض الأحيان يجب أن تبني من حولك جدار للعزلة، لا لتُبعد الناس عنك، بل لترى من سيهدم الجدار لكي يراك "
دان انا عارف اني آذيتك كتير .. كتير زاتا بسيطة علي الاتحملتيهو مني بس يشهد الله ماكان بييدي انتي كنتي الحاجة الناقصه ف حياتي .. الوحيدة الخلتني اقدر اعيد شوية من ثقتي ف نفسي .. ماكنتي اختياري بس الخيار الوحيد الانا قادر اتعايش معاه .. معليش،ع كل الحصل .. عارف معليش م بتجبر الاتكسر بس انا مجبور .. مجبور ي دان كنت بكمل نقصي بيك .. سألتي نفسك مرة أنا ليه ببعد منك!!؟؟
ليه مانعك أبسط حقوقك!؟
ليه ماعايزك .. وفي نفس اللحظة ماعايز أسيبك!؟
هي م أنانية زيما انتي افتكرتي أبدا والله .. أنا بس كنت محتاجك عارفة يعني شنو زول يحتاجك .. يحتاج يحس إنو حياتو ماشة طبيعي .. محتاج يرجع شويه من ثقتو الاتهدت .. محتاج يحس إنو ليهو مكانة .. والاهم محتاج يحس بعظمة نفسو كونو انسان يتقال عليه راجل .. ماكنت قادر أحس بالاحساس دا الا معاك علشان كدا إتعاملت معاك وكأنك صفقة العمر .. ماكنت حابب أخسرك .. كنتي كل آملي .. م أظهرت ليك الحاجة دي يوم .. ولالحد غيرك .. بس الليله بعدما خسرتك وخسرت صفقة عمري حابب أقول ليك إني ناقص بدونك .. أحمد ولا أي شئ بدون دان .. دان اللى قدرت تدي وهو المامتعود يأخد .. دان اللى هدتو إحساس هو بالمقابل أخد منها .. تعرفي كم مرة نمتي وأنا فضلت سهران بعاين فيك .. ولامرة حسيتى قدر شنو بكون مبسوط،وإنتي بتقولي انك مرتي ‏.. دان أنا حتي لو قلت ليك الحصل بالتفصيل اللى ماحد عارفو غيري إنتي م حتصدقي .. بس حابب اقول ليك إني ماكنت عايز أفرط فيك بس للاسف مااتمسكت بيك أنا خسرتك وخسرت نفسى .. عارف قلت الكلام دا متآخر بس أقلاها يبقي،عندك سبب منطقي تكرهيني بيه .. يكون ضميري مرتاح إني قلت ليك الحقيقة .. الحقيقة البخاف أواجها وإنو بي سببا حياتي م إستقرت مع ريم .. اللى عارفاه عن علاقتي مع ريم كان بعيد كل البعد عن الحقيقة .. أنا وريم م إنفصلنا علشان ماإتفقنا .. الحقيقة إنفصلنا علشان هي كان عايزة أحمد غير اللي أنتي إتقبلتي بكل سؤؤ وبرودو وفظاظة إسلوبو معاك .. ريم اللي حبنا كان أكبر من علاقاتي بكل البشر خلتني أحس إني ولاشى بالنسبه ليها كل الحكايه إنو الحب م كفايه علشان نكمل بيه حياتنا .. والخوف منو كمان سبب بدمر كل حياتنا الجاية علي قدر م هو م مهم شديد بس ضروري .. أنا وانتي علاقتنا م نشأت عن طريق الحب بس علشان كان لابد منو ف كل علاقة مانجحت .. للمرة الاخيرة وقبل الوداع إكتشفت إني بحبك قبل م أكون محتاجك .. إكتشفت إنك بتكمليني لاني لازم أكون ناقص ..تتقبليني زيما أنا ..معليش لاي لحظة ماعبرت ليك فيها .. ماغلطك إنتي تستاهلي تتحبي وحد يربحك ويخسر العالم عشانك .. لما تصلك الرساله م عايز منك تتراجعي عن كرهك لي .. ماعايزك تلومي نفسك بعرفك حساسة شديد .. وطلب اناني لاخر مرة م عايز حد يعرف السبب في نهاية علاقتنا خلي أمي عايشة علي أمل إنو ولدا ممكن يكمل حياتو ويستقر في يوم من الايام
                               مع خالص حبي 💛

اول م خلصت قرايه بقت تبكي ماعرفت اهديها شلت الرساله منها قريتا بس الصراحة م حسيت بشي 😹 لكن قلت اسكت بت الناس دي لانو الاستراحة كلها بقت مركزة معانا .. بعد تعب قدرت تتفاهم معاي غسلت وشها وقالت لي انا ماشه .. لازم امش الشركة ضروري شديد وطلعت بدون م تفهمني..

-
البعض يأتيكَ بمثابة اعتذار من الحياة، وكأنّها تطبعه قُبلةً على جبينك . ♥️

محاضرتي التانية كانت فاضية .. وميناس م جات وابراهيم كمان م ف حسيت بالوحدة طلعت من الجامعه بفتش علي مكتبه عايزة الوان  فجأة وانا ماشة من غير انتبه لقيت نفسي جنب المكتبة حقت المرة الفاتت ..
ساقتني خطاي للمكتبة لقيت نفس الولد بس الليلة مرتب علي شوية

#فيلـوفوبيـا
(سميتك الخوف البطمن)
#الحلقـة:الحادية_عشـ11ـر

فقط عانق من يتقبل عالمك الاسود ♥🖇

أحمد خت الملف وبقا مستغرب دان الجابا شنو!؟ وليه ملامحا م بتبين أي ردة فعل!؟ قطع حبل تفكيرو صوت خطواتا وهيا ماشة تجاهو .. كانت عيونا مليانة عتاب .. كأنها بتلومو ع كل لحظة خلتا تسؤ فهما تجاهو وهو كان السبب فيها .. هو كان مرتبك ومافاهم شي اول م شافا في شعور جواهو إتحرك ..

لما قربت منو شديد بدون ماتقول ولا شى إرتمت في حضنو وبقت تبكي .. وقف مصدوم ماعرف يعمل شنو اخد مسافة وبعدها ضماها عليهو وفضلو ساكتين ..

دان غمضت عيونا شديد وكأنها بتحاول تنسي كل الفات وبس لو تبدا صفحة جديدة .. أحمد كان حاسس بحمل تقيل إنزاح عنو في إحساس حلو شديد من زمان م حس بيه .. إنتبه لصوت بكاها بيعلى بقا يحنس فيها .. دان حبيبي كفاية .. انا جد أسف ..

بقا يمسح دموعا ويسكت فيها .. وهي كل مرة تزيد ف البكا طلعت كل الجواها بعد مسافة قعدا وأداها موية هدت شوية وإعتذر منها ..

كان مكسور شديد وهو بيحكي ليها المر بيه في حياتو .. كل الاسباب البقت سبب في انو علاقتهم تصل المراحل دي .. كان عارف إنو دان م ليها ذنب .. هي أحسن واحدة قدرت تتعايش معاه وإحتوتو .. بس هو الكان بصدها بتعاملو الجاف 💔 حكو كتير وإتصافو 🐥💛

طيب أخدي راحتك شوية وح أجيك

أوكيه .. أتزكرت إنو مفروض تطمن رزان طلعت تلفونا إتصلت ليها طمنتا .. أحمد جا داخل جاب ليها موية وفطور قعدو مع بعض فطرو وكل واحد بعاين للتاني بكل حب فجأة دان ضحكت 😹 وهو بقا يضحك بدون م يعرف هيا اصلا ضحكت علي شنو بعد مسافة قالت ليه إنت بتضحك ساي عارفني أنا ضحكت علي شنو!؟

ماعارف بس كدا مبسوط 💛

إكتفت بإبتسامة .. عاين للساعة وقال ليها لو م كان جيتي كنت ح أسافر

ماش وين!؟

أي مكان بعيد عنك

للدرجة دي 🙂💔

خلاص لغيت الرحلة وتاني م ف حاجة بتبعدني عنك

للابد 😢💛

بإذن الله .. يلا خلصي فطورك علشان تقومي تغسلي وشك وأرجعك البيت

بيتنا 🙈

لا بعد أجي أخدك من بيتكم وحننزل في شقة بالاول

ليه ليه كل البروتوكولات دي .. خلينا نمش بيتنا ونعملا سبرايز لاهلي وأهلك

😹😹مجنونة دي حركات شفع أنا لازم أمش إعتذر لابوك وأشكرو وأخدك من يدك قدامو كدا

طب ماشي ي أستاذ أبقي قابلني في بيت أبوي 😌 وقامت علي حيلا عايزة تمش

جراها عليهو وقال ليها إنتي لسة مرتي ع فكرة 😉

أنا م ناسية 🙈

طلعو وكل الناس بتعاين لاحمد .. أحمد مختلف خالص غير اللي كان معاهم مبسوط، وعيونو بتلمع،وبضحك كان ماسك دان من يدها وطلعو فتح ليها باب العربية ورجعا بيتهم ..

________________________________

عدي اليوم عادي رجعت البيت ودان اتصلت لي قعدنا نحكي قريب ساعة لما ناس سماح استغربو من ايمتا وانا بكون عندي صحبات، وبحكي معاهم مكالمات ولما يجوني ف البيت ..

كنت مستكينة ف حوش ناس عمر وبتكلم بعيد عن المزعجين ماعارفة بس حسيت نفسي مبسووطة شديد لدان 💛هيا تستاهل كل شي حلو كانت طايرة من الفرح وهي بتحكي 💛بعد خلصنا رجعت حوشنا وسرحت شعري وجهزت لبستي حقت بكرة رزاز جاتني

رزة !

ها..!!

بكرة عندك كم محاضرة!؟

اتنين .. ليه السؤال!؟

عايزاك تمش معاي السوق

عارفاني م بحب الزحمة والحاجات دي سوقي سماح ولا مروة يمشو معاك

خلاص غلطانة انا اصلا ولامرة عملتي لي شي كل م اطلب منك حاجة بتتحججي

طلعت مشت خلتني ماعارفة للحظة كنت مبسوطة وافتكرت اني بديت اتقبل حياتي عادي بس كل مرة يحصل شي بزكرني انو انا لايمكن اتجاوز حتتة اني ماح اقدر اتعايش مع خوفي من الزحمة ولمة الناس، والعلاقات 😢💔

رزاز اختي الصغيرة ومن حقها تطلب مني العايزاه وانا انفذو بس بيحصل العكس هي بتلجأ لي ك اخر شخص بعد م تقنع انو م ف حد حيساعدا بتجيني ك خيار بديل وبعدا ولامرة لقت مني المساعدة لانها دايما بتطلب حاجات فوق طاقتي، حاجات بترهقني لو قلت اعملا زي مثلا امش معاها لصحباتا 💔 او بيت عماتي 💔زي مشي السوق كلها حاجات بكرها و نفسيتي بتتأذم لو قلت اعملا .. انا بحاول اعمل البطلع بيدي بس بلقاني عاجزة وماطالع بيدي شي قفلت معاي انا عارفة حتكون ختت ف بالا اني اخت سيئة وهيا م محظوظة بأختها الكبيرة 😢💔

طلعت دفتري وبقيت الون رسوماتي من ضمنهم رسمة عمار وقفت عندها انا رسمتو ليه!؟ ولا رجعت المكتبة اساسا ليه!؟ليه بتكلم معاهو بدون خوف!؟انا ليه ماحاسة تجاهو نفس احساس الخوف تجاه كل الاولاد!؟هو كيف قادر يمحي كل الخوف من جواي!؟ملامحو ليه مريحة بالنسبة لي!؟اسئلة كتيرة م ليها اجابة ..

لونت الرسمة تبعو بلون ازرق وكتبت تحتها

(أرحم فؤادي يا فتى إني وربي متعبة..)

وقتها م عارفة كنت وين دا شنو البكتبو دا، لا اكيد انا م طبيعيه ..

قفلت الدفتر وطلعت لقيت رزاز وسماح بتونسو شكلهم اتفقو يمشو السوق مع بعض لما جيت طوالي رزاز قامت قلت ليها خليكي انا الح امش ..

جات امي داخلة غريبة الليلة جات بدري مشيت مسكت منها الحاجات وسلمت عليها ..

مالك في زول زعلك

لا م ف شي .. انتي اقعدي

#فيلـوفوبيـا
(سميتك الخوف البطمن)
#الحلقـة_الثانيـة_عشـ12ـر
#بقلـ ✍️ـم:نـوودين=Πeedoo

_"هَل انتَ مثلي؟يرتَبك نبضُك ٳن حادَثتني..؟!❤️"

عمار طلع السوق مخصوص علشان يجيب كانسون والوان لرزان .. رغم انو م حابي الشغل ف المكتبة  بس في فترة من حياتو لقي نفسو م عايز يعمل شي ..
علشان يشغل نفسو ويطلع من الحزن والكئابة بقا فاتح المكتبه ..

بعد مشي واشتري حاجات كتيرة حس نفسو اخيرا بقا يعمل شي غير التفكير والزعل، شاف انو كونك تعمل شي علشان زول م بالسؤ الهو فاكرو .. طول الطريق كان بفكر حتجي!؟ هي اكيد م حتشتري كل الكمية دي هو ليه اتحمس للفكرة وجايب حاجات كتيرة كدا!؟اساسا نادرا م يجو زباين والمكتبه مكانا م واضح هو ليه فجأة بقا شاغل تفكيرو بالمكتبة لمجرد انو هي بقت تجي تشتري منها .. حاجات كتيرة شاغلة تفكيرو رجع البيت ودخل رص الحاجات بطريقه حلوة وفضل مستنيها علشان تجي جات امو نادتو للفطور بس اتحجج انو مشغول وشويه ح يجي..

الساعة كانت ماشه لـ12 ورزان م جات حس باليأس وبطل ينتظر ..!!

________________________________
الصباح وانا طالعة لقيت امي واقفة غريبة هي طلعت بدري للان م لقت مواصلات لما قربت منها شايفة عربية وقفت ليها وركبت .. اتصلت ليها: -

-يمة..!!

=اها ي رزة في شنو!؟

-مف شي كنت شايفاك واقفة للزمن دا و

=انتي وين!؟

-جنب الظلط يداب طلعت علشان اركب

=تعالي انا معاي دكتور عبدالرحيم نوصلك

-لالا ماعايزة

=يابت سيبي العوارة م حتلقي مواصلات بسرعة تعالي اهو نحن راجعين ليكي

-امشو انتو انا بركب اسي

=بت يارزان اسمعي الكلام

-طيب

بعد شويه جوني راجعين فتحت الباب ركبت وسلم علي .. رديت ع قدر السلام وسكتا أمي أبدا م قالت شي هو فضل يسألني
-عمرك كم!؟
-بتدرسي وين!؟
-تخصصك شنو!؟
-ناوية تعملي شنو بعد تتخرجي!؟
-انتي ليه سكوتة كدا!؟

فضل يتكلم معاي كتير وانا بطبعي مابحب زول يدخل في خصوصياتي ويسألني كتير كدا 😒 بعاين لأمي تنقذني منو وهي ولامركزة معاي 🤦‍♀️ زهجت زهج قلت دا شنو دا خرب لي مودي من الصباح هو مالو سئال كدا .. لا وهو اصلا ماش امدرمان وانا العربي حلف يوصلني قدر م قلت ليه نزلني هنا ح اواصل رفض طلعت تلفوني وبقيت مشغولة بيه وهو يسكت 5دقايق تاني يتزكر ليهو سؤال يسألني لما وصلت بحري قلت ليهو نزلني هنا ح اتلاقي مع صحبتي .. اخيرا نزلت ولاقلت لأمي أنا ماشة زاتو قفلتي للباب مشيت ولا كأني كنت معاهم .. ركبت وصلت الجامعة مشيت ع محاضراتي ..

____________________________
=لاحول ولاقوة الا بالله جادة دي بتك

-مش كلمتك صعبة صعبة لدرجة بعيدة

=انتي حاولتي تفاتحيها ف الموضوع!؟

-افاتحا باي وش ياعبدالرحيم براك شايفا .. امس قلت اشوف ردة فعلها لقيتا متشاكلة مع اختها وزعلانه م  حبيت اتكلم معاها

=جربي تتكلمي معاها ..!!

-الله يهون

_______________________________
-رزة .. رزة

=ها يابت مالك..؟!

-مبسوووطة انا 🙈

=ظاهر يامدام 😹

-انا بحبو يارزة

=امممممم .. وحترجعو صححح؟!

-اي اي ماشايفة الرسم دا .. 🙈

=لما شكلك بقا كيوت الليله وشك منور

-دا الحب يابت 😌

=نحب ولا ايه 🙈

-اي ياخ حبي عموري دا انتي مالك الود ظاهر انو بحبك 😭عايني بعاملك بحنيه كيف؟!

=هووي ي بت اختيني .. عمر دا زي اخوي

-مصيرك تقعي ف الحب وتقولي دان قالت 😉

=ياااع ☹️☹️

-ارح ارح نفطر انا راجعة البيت م عايزة احضر اللاب ماشه اجهز شنطتي احمد حيجي الليلة

=طيب م مشكلة اصلا لاب مامهم

بعد خلص اللاب اتزكرت اني مفروض امش المكتبه عشان قال حيجيب لي الورق دخلت إتوضيت وصليت طلعت الشمس كانت حارة ياخ .. كويس انو المكتبة قريبة لشارع المواصلات اول م وصلت شايفة عمار بقفل خليتو قفل واتجه علي

-رزان؟!

=اسفة اتاخرت عليك؟!!

-انا افتكرتك م ح تجي

=كنت مضغوطة و

-م مشكله ح افتح جبت ليك طلبك

=فعلا فتح المكتبة ودخلت قال لي اتفضلي وجاب لي موية باردة وطلع لي الورق حتي لقيتو جاب الالوان والاستيك نوت الملونة وجاب دبابيس وورد ومغلفات جرايد بقيت اتفرج ع الحاجات قال لي ها رايك

=حلوين بالعادة مابتلقو الا ف سوق امدرمان وبكسل امش اجيبهم .. ح اجي اخد منك

-شيلي اسي وجيبي القروش ع راحتك

=لا م ..

-بقيتي زبونة عادي مااهو المكان ماراحلين نحن .. عايزة شنو ؟!!

=فتحت الميموري وشفت الحاجات العايزاهم كلمتو جهزهم لي وشكرتو طالعة قال لي ساكنة وين؟!

-بحري

=نترافق؟!!

-فضلت ساكتة ماقدرت اقول ليه لا اساسا ماف سبب بخليني ارفض وغير كدا هو اساسا كان جاهز وشكلو طالع .. قاطعني صوتو

=م ح ازعجك 😹 بسكت ساي

-طيب

=قفل وقال لي نمشي؟!

-ارح .. فضلنا ساكتين هو مشغول بتلفونو بعد وصلنا الموقف وصدفة لقينا مواصلات ركبنا وطول الطريق كان بونسني 😹 م سكت ولا ثانية قربت اقول ليهو دا وعدك لي انك حتسكت بس الغريبة اندمجت معاه ف الونسة وم حسيت ع الوقت لحد م وصلنا بحري نزلنا حيت ادفع قال لي بدفع ليك انا وماتعملي لي فيها متحسسة والكلام الماياهو

#فيلـوفوبيـا
(سميتك الخوف البطمن)
#الحلقـة_الرابعـة_عشـ14ـر
#بقلـ ✍️ـم:نـوودين=Πeedoo

-"ماذا لو تعانقّنا وأزلنا كل سُوء يحِيط بنا؟"😔💛

وانا ببكي وزعلانه عمر مسك يدي .. ماكان فيني طاقه اقول ليهو فكني حتي .. جا وقف قدامي وفضل يعاين لي كنت بجر النفس جر حاسة نفسي مخنوقة .. في غصة في حلقي ..في حاجة واقفة لي في قلبي .. نفسي اغمض شديد وم افتح الا وكل الشعور السيئ دا راح مني ..

عمر قرب مني وقش لي دموعي .. لما خته يدو في خدي حسيت جسمي كلو ارتعش نفس الخوف للمرة الالف رجع لي .. انا متعودة اكون اقرب مايكون من عمر ليه لما يقرب علي بخاف .. ليه بحس بنفس الشعور البحسو من الناس الغرباء .. قبل أقول أي شي قال لي

رزة فاكرة إنو نحن أو خليني أقول أنا ماحاسس بيك؟!

خلاص ياعمر حينفع شنو انت عايز تقول لي زي كل مرة انك هنا ومعاي وم حتخليني و...

قاطعني بانو جراني عليهو شديد بكل حيلي لقيت نفسي ف حضنو همس لي رزة ماتخافي انتي بطلي تخافي وكلو حيظبط  .. كنت قادرة اسمعو بوضوح رغم الخوف والرجفة البتهز كل جسمي ..

عمر كيف يعمل فيني  كدا هو من وين جاب الجراءة دي؟!! .. كان ضاميني عليهو شديد لزيتو لما قرب يقع ومشيت بدون م اعاين وراي ..

دي المرة التانية عمر يغلط معاي نفس الغلطة .. مرتين دخل جواي نفس الخوف .. عمر مالو يعني ليه بقا يتصرف معاي كدا .. حتي هو .. انا م ح اقدر اواجه الحياة دي اذا الطعنة بتجيني من الحتة الامنت فيها .. اذا عمر بتعامل معاي كدا انا اقول يامنو ..

كنت ماشة بسرعة وانا مشمئزة من نفسي لقيت مروة جنب الباب مارفعت راسي عاينت ليها حتي بس متأكدة إنها شافتنا .. حوشنا كان صاني وامي قاعدة متحسرة فاكرة انو عمر لما يتكلم معاي حيقنعني اول م جيت قالت لي رزان؟!

داخلة انوم وان شاءالله مااصحي زاتو 🙂💔

ماانتظرت رد منهم دخلت الغرفه واتمنيت لو اقفلا علي وم افتحا بس حتي الحق دا م عندي ليهو مابراي ف الغرفه دي ..

طلعت توبي وعطر عمر عالق في كل جسمي حسيت اني بكرهو شديد فضلت واقفة في مكاني مسافه .. مشيت دلفتي طلعت البوم الصور قعدت اشوف صورنا هنا انا في حضن ابوي ..انا عشت زكريات طفوله حلوة مع ابوي وباين من الصور كان بدلعني انا ليه ناسية الحاجات دي .. كل صوري معاه كان رافعني او حاضني وكل صورة كانت فيها لعبه او حتي حاجة بياكلوها كنت مبسوطة وانا جنبو .. باين انها صور عفويه التقطوها لينا في اماكن مختلفه .. صورة بملابس البيت هو واقف وراي وانا بلعب بالطين .. صورة وانا نايمة في حضنو .. صورة وانا منكوشة وهو بسرح لي شعري .. صورة بملابس الروضة مكتوب عليها اول يوم ف الروضة .. صور كتيرة انا وابوي برانا حتي الصور الفيها ناس امي ورزاز كنت انا بكون جنبو او ف حضنو .. في صورة واحدة ماسكنا انا ورزاز مع بعض وكان بعاين لي .. انا من وين جايبة القساوة دي تجاه ابوي .. كيف ووين ومتين اللحظات الحلوة دي كلها اتحولت لجحيم .. ليه م قادرة اتزكر اللحظات دي وعالقة ف زاكرتي اللحظات السيئة؟!!

بقيت ببكي وانا بعاين للصور .. اتزكرت كل مرة كان يتكلم مع ناس رزاز فيديو كول واكون جنبهم وبقول ليهم ماعايزاه قولو ليه انا م ف 😢💔

اتزكرت لما تعب وعملو ليه عملية زايدة كل البيت كان مقلق عليه حتي امي .. امي اكتر واحدة عانت ف الحكاية دي قدرت تتجاوزو وتسامحو وماشايلة ف قلبها تجاهو وبتدعي ليه وبتخاف عليه .. الا انا 💔

انا كنت فاكراه بكرهني 😔 مع انو انا الختيت الحاجز دا بينا انا الاخترعت الشعور دا وصدقتو 💔 اتزكرت كل مرة بسمعو بقول لناس رزاز اعفو لي وخلوها تعفي لي 💔

كنت بهرب من كل شعور بحسو باني ابكي .. البكي هو الحل البواجه بيه مشاكلي
ببكي لما اخاف .. لما اشتاق .. لما احن .. ببكي في كل مرة وزي اسي بعمل اهو ببكي لاني م عارفه اعمل شنو 💔

________________________________________
في يوم حلو شديد كان مزاجو رايق عبر ليها عن حبو ومن بعدها عاشو احلي ايام ،، بني معاها كل آمالو ،، البت الوحيدة القدرت تخطف قلبو ،، عافر شديد علشان يصل ليها ،، كان بتعب ليل ونهار علشان عارف أهلا لايمكن يرضو لبتهم الوحيدة بحاجة بسيطة ،، في كل مرة بقول ليها انا اعمل شنو لاهلك ديل ،، من وين اجيب ليهم كل الطلبات دي ،، ايمتا حتخلو عاداتكم وتقاليدكم دي ،،كان كل م يشتغل ويزيد قروشو بفرح ويجي يقول ليها فضل بسيط ،، في اخر لحظة اتخلت عنو ،،هيا مادافعت عن حبها ليهو ،، ماقدرت تقول ليهم انو هيا بتحبو وهو نفسو يكمل معاها وكان بتعب علشانا ،،، الزعلو اكتر كانت عارفة انها مصيرا تكون لولد عمها اللى. أساسا خاطبا من هيا صغيرة. ،، بس كملت معاه كانت بتحب حبو ليها. ،، اهتمامو ،، خوفو عليها. ،، خلتو ف نص الطريق من وقتها وهو ماقادر يثق في زول ،، ماقادر يكمل طبيعي ،، كل م يتناسى وجعو بيصتدم بالواقع. ،، عندو فكرة إنو كل البنات زي بعض ،، فقد الثقة في العلاقات ،، حتي في نفسو 😔💔وبقا عمار مختلف خالص عن اللي كان زمان

_____________________

#فيلـوفوبيـا
(سميتك الخوف البطمن)
#الحلقـة_الـسادسة_عشــ16ـر
#بقلـ ✍️ـم:نـوودين=Πeedoo

"‏الوقت بدون شخصك المفضل كئيب جداً 🖤🖇 "

كنت حاسة براحة.. إحساس خففت عن الكتمان الجواي هو يمكن ماقلت الحاسة بيه بالضبط بس كونو ف شخص لأول مرة يحسسك إنو هو عارف الإحساس صعب وإنك بتحاول بس حتتخطاه ويثق في قدرتك دي حاجة كنت فاقداها .. م بنكر إنو ناس البيت كلهم بحاولو معاي بس ماأدوني وقت أنا أحاول م فيهم زول قال لي الحاجة دي صعبة كانو بحسسوني إنو هما معاي .. ماشفت زول بتألم علشان أقارن ألمي بي ألمو .. أنافاقدة أبوي من سنين بس عمار فاقدو للابد ومن سنين أطول من سنيني .. أنا بتوجع لاني ماقادرة اتجاوز حاجات تافهة زي الخوف، عدم الثقة بس عمار ماقادر يتجاوز حاجات أكبر .. م حكي لي بالتفصيل بس الفهمتو مشاكلو مقارنة بي مشاكلي ولا أي حاجة 💔

كنت محتاجة أشوف قصص غير قصتي وأحس بيها .. كنت محتاجة للصفعة بتاعت ميناس لما وصفت شكلي بالمطلقة يمكن لو م كلاما م كان حسيت بشعور أمي .. كنت محتاجة أصافح زول علشان أعرف إنو المصافحة م بالسؤ الكنت متخيلاه هي بسيطة زول بمد يدو وأنا بمد يدي .. ليه كنت متخيلة حاجة أشبه بالجحيم وياما زرعت خوف زيادة جواي لسبب تافه .. كان لازم أعرف إنو م براي البعيش قصص حزينة في ناس عندهم قصص أحزن من قصتي .. كنت محتاجة أتكلم مع زول ويقنعني .. أول مرة أعرف نفسي بقدر أواسي زول .. بعرف أطمن رغم خوفي .. م حسيت بالاحساس دا لانو كنت طبيعي محتاجاه .. عمر وكل البعرفهم بحسسوني إنو أنا المحتاجة دعم وماينفع أدعم زول إذا أنا نفسي م قادرة أدعما 🙂💔 للاسف أكتشفت إني مضخمة الموضوع في حال إنو بستاهل بس،م قدر القيمة الخاتاها ليه 😪 ضيعت كتير م حيتعوض ..

_________________________________
عمر كان قاعد وبفكر في رزان .. تصرفاتو معاها أن دلت علي شي إنو هو واصل أقصي درجات الحب معاها .. بس آي حب دا .. حب من طرف واحد .. حب مغشوش .. حب مغلف بقناع الخوة .. هو عارف كويس وسمعا عدة مرات رزان ذات نفسها بتقول عنو أخوها لما تتسئل عنو .. لما تكون عايزة تعرف زول عنو .. لما يتجاب سيرة الاخوان كانت بتقول عليه أخوي الكبير .. للاسف هي م شايفاه أكتر من أخ وهو م قادر يشوفا ك أخت .. طول عمرو بعاني من الحب المهلك دا .. حتي هو بخاف من العلاقة دي .. بخاف يخسرا .. بخاف يجي يوم وتروح من يدو .. بخاف مايقدر يكمل بدونا .. خوفو من إنو هي تكون بتخاف حتي منو خلاهو م يظهر الحب دا واكتفي بإنو يكون ك أخ أحسن ليهو بألف مرة من إنو يخسرا .. بس للاسف م بنقدر نتحكم في مشاعرنا 🙂💔

عمر م بيعرف يقعد بدون م يطمن عليها .. م بيعرف ينوم وهي زعلانه حتي لو م منو .. بشيل همها .. بخاف عليها .. بشتاق ليها وبفقدا .. وقتو بدونا كئيب جدا .. عارف نفسو غلط،لما اتصرف معاها كدا بس كمان م إتوقع إنو ردة فعلها تكون كدا .. كيف رزان قدرت تكون قاسية معاهو للدرجة دي 💔
كيف قدرت تشوفو الصباح بدون م تتكلم معاه .. كيف بس؟؟!!

عدي عليهو أطول يوم .. 12ساعة  بدون رزان .. صباح بدون صوتا .. نهار بي طولو بدون مكالمة منها حتي إنها إتآخرت اليوم

بقا مقلق عليها ماعرف يعمل شنو بأي عين حيتصل يسأل عنها .. حاول يتجاوز الوقت بدونا بس م قدر لحد م شافا جاية كان شويه حينده عليها من بعيد بس فضل متأمل هي تنتبه ليهو وتجي تسلم وتنسي الموضوع بس م حصل كدا هي حتي م اتلفتت باتجاهو وصلت البيت وإتجاهلت إنو في حد مستنيها وم كانت بتعرف تصل البيت قبل تمش ليهو بالاول .. اتجاهلت كل الطقوس الكانت بتعملا .. عمر مشتاق لي صوتا وهي بتسلم عليه .. مشتاق لهظارا .. ضحكتا .. عنادتا وهي بتشيل البارد وتشربو رغم تحذيراتو ليها .. إشتاق للتفاصيل الصغيرة دي 💔

___________________________________

=أحمد يلا حبيبي ماف شي بخوف اوكيه ..

_معارف يادان بس ماحابب المشية دي خالص

=مسكت يدو "أنا معاك بسيطة حنقابل الدكتور وبعدها كل الامور حتظبط"

-طيب نتوكل ع الله ..

* طول الطريق كان سايق وهو ساكت متوتر من فكرة يمش للدكتور بس دان أصرت عليهو وفضلت تقنع فيهو ودخلت النت عرفت تفاصيل كتيرة عن مشكلتو وطمنتو إنو ف حلول كتيرة ناجحة ووقفت جنبو لحد م أقتنع 🌏💛🖇️ *

لما وصلو بركن العربية وم نزل

=يلا ننزل علشان نخلص بسرعة وحنتعشي برة الليلة

-رغم التوتر كان شايفا مطمنة فتلقائيا هو إطمن

نزلو ودخلو ع الدكتور وطمنهم إنو الحل بسيط وكلمو يبعد عن التوتر وضغط العمل ويتعامل مع الموضوع ببساطة 💛

بعدها طلعو كان حاسس بإنو قادر يعمل أي شي طول م دان جنبو رغم فرق العمر البينهم الا إنو قدام دان بنسي حاجة إسمها عمر بتصرف معاها بنفس أسلوبا إتعشو وإشتري ليها أيس كريم وقعدو يتصورو ختت الصورة ستوري وكتبت: -

"لديّ حياة بأكملها  لأمسَح عن وجهكِ كُل
الندوب التي تركها عليكِ العالم
وأنا أعدُك 🌏💛🖇️"

شال نفس الصورة وكتب: -

".‏تشبهين إنبعاث ضوء من زاوية صغيرة
في غرفة ظلّت مُظلمة لسنين طوي

#فيلـوفوبيـا
(سميتك الخوف البطمن)
#الحلقـة_الـسابعة_عشـ17ـر
#بقلـ ✍️ـم:نـوودين=Πeedoo

"ولكنني لا أريدك أن ترحلي ، لذا رغبت بكونكِ صديقة أكثر من أي شيء آخر ، لإنني ببساطة لا أحتمل يومًا تكونين فيه ذكرى 😔💛"

عمر م كان ليهو نفس يرجع البيت قعد أطول فترة في البقالة كان من عاداتو يجي كل شوية صح م ببين إنو جاي علشان رزة بس دا البيحصل .. مابحب تطلع ف الشارع وتجي ليهو كل مرة كان بشاكلا وبقول ليها اذا عايزة حاجة إتصلي علي بس بكون مبسوط لما تجيهو ..

الحب شعور متناقض جدا .. حلو ومر ف نفس الوقت .. مريح ومتعب ف نفس الدقيقة .. بريح وبوجع في نفس اللحظة .. أعان الله قلوب المحبين 😔💛

فصلت تلفوني من الشاحن لقيت مسج من عمار

"ربما لست الشخص الذي ستسعدك معرفته، ولكن عليكِ أن تعرفِ أني لن أتسبب في تعاستكِ بأي شكل كان 🌏💛🖇️"

رديت ليهو: -

"كان ينبغي علي أن أجدك منذُ مدة في غير هذا الوقت، في غير هذا المكان، قبل أن نَهلك، قبل أن تجرفنا التجارب و تسلُبنا منا و نصبح خائفين مترددين في خُطانا، منهكين لا نملك الطاقة لتحمّل أنفسنا، يائسين من كل شيء حتى من القاء السلام 😔"

طوالي أتصل لي إترددت بين أرد أو لا لما المكالمة قربت تفصل رديت

-وصلتي كيف؟

=تمام التمام إنت لقيت مواصلات

-إتسهلت الحمدلله

=الحمدلله

*فضلنا ساكتين مسافة قلت ليهو عمارر!

-بسمع فيك

=شكرا ليك كتير

-طيب رايك شنو م نشكر بعض إنتِ ساعدتيني وأنا ساعدتك وكدا حبايب أقصد أصحاب 😹

=ضحكت قلت ليهو إتشرررفنا

-بس أوعك تمشي

_وين تمشي الخطوة عنك مش بقولو كدا 😹

=شيليني فيك وحومي بي

-شنووو؟؟

=ياخ انتي م لبيبة قصدي ليك الاغنية البتقول ياما شايلك فيني حايم

-مهو أنا لو كنت سامعه بيها قبل كدا كان عرفت بس دي،أول مرة أسمعا عندك

=بتسمعي لمنو طيب

-ولاحد

=فايتك كتير

-المغرب ح يأذن

=دسيني في دعواتك

-ههههه كويس

=جادي معاك قولي يارب عمار يكون دايما مبسوط،وفرحان زي يوم الليلة

-يااارب

=يلا نتلاقي في الواتس

-بايات

قفلت منو لقيت المكالمة 6د قايق أنا أخر مرة إتكلمت مكالمة طويله كانت مع دان لما حكت لي موضوع أما عمر بنتكلم 5دقايق لو بالغنا .. الليلة اليوم دا من أغرب الايام العدت علي في حياتي .. طلعت مع ولد غريب .. لا وككمان صافحتو .. أكلنا أيس كريم وإتونسنا ساعتين .. قدمني وأسي إتكلمنا 6د .. إتكلمت مع أبوي ساعتين .. فجأة إتزكرت عمر في نص الزحمة دي وين الليلة 🙂💔 بالبساطة دي بقا يومي م بشملو

طلعت صليت ولقيت أمي جات .. سلمت علي واكلنا واتونسنا عادي جا عمر داخل قال

السلام عليكم

أمو أول واحدة ردت عليه وكلهم ردو أنا فضلت ساكتة 😪 وكنت قاعدة جنب أمو علشان عارفة حيجي يقعد جنبها قمت رفعت كبابي الشاي ودخلت المطبخ م جيت منو سامعاهم بتونسو أمو ندهت علي أجيب ليهو أكل .. ماغلطة زول غيري أصلا أنا عودتو كدا جهزت الاكل ولبست توبي وطلعت وديتو ليهو قال لي وينك الليلة

=جيت متأخرة

-سكت علي كدا كلهم بقو يعاينو لي اتجاهلتهم ومشيت المطبخ سخنت ليهو الشاي وبديت أفكر ماف داعي لتصرفاتي دي حتكون ظاهرة ولو سألوني م عندي جواب 😪 طلعت رفعت الصينية واديتو الشاي وبقينا نتونس عن عرس مزن هو م كان بتكلم معاي بس كل م اتلفت بلقاهو مركز معاي قلت ليهم أنا ح أمش يوم الخميس وسماح ورزاز قالو ماشين من بعد بكرة حيقعدو معاها حكينا لأمي إنو بكرة ماشين السوق عمر قال ليهم

-خلو بالكم من .."وسكت"

=مروة قالت ليهو ماتجي تمش معانا وتخلي بالك منها

*إداركت الموقف وقلت ليهم أنا م شافعة بعرف أتصرف براي أسي ببطل المشية دي *

هم مشو زمن مسلسلهم جا فضلنا أنا وعمر وأمي وأمو قومي إنتي ي خالتو مني أفتحي الموضوع 😪 قلت ليهم م عندي مشكلة أمي تعرسو بس أنا م ح أمش من هنا أمي كانت عايزة تتكلم بس خالتو مني سكتتا وقالت لي خلاص كويس أقعدي معانا 💛

مشيت شلت تلفوني وقعدت ف التلفزيون معاهم وداخلة الواتس شايفة عمر خاتي حالة

"الف إقتباس محزن في هاتفي...
ولم أجد سطراً واحداً يعبر عن شعوري .... 😔"

لوهلة كنت ح أرد ليهو بس قلت م ف داعي أفتح أبواب إتقفلت أنا مشاعري تجاهو م بتاعت حب ولا ح أقدر أكمل معاهو في الدرب دا طالما عرفت إنو هو عندو مشاعر تجاهي أحسن أفصلا منو علشان بلاش يتعلق بي ف الفاضي .. إتزكرت قدر شنو أنا غبية مهو باين أي زول بشوفنا بقول لي بحبك بس م كنت مصدقة حسب انو الناس م عارفة الحاصل علي وليه بعاملني كدا .. بس إتأكدت وياريتني عرفت من بدري م هاين علي أشوفو كدا بالمرة عمري م فكرت أرد ليهو جميلو معاي وجع بالكمية دي 💔 أنا حاسة بشعورو ف اللحظة دي بس ماقادرة حتي أعتذر ليهو عن بشاعة الشعور البي سببي إتخت جواهو 💔ياريتني لو أقدر أقول ليهو م بيدي 🙂💔

ختيت ستوري:-

‏"نحن نولد وحيدون ونعيش ونموت وحيدون، وفقط من خلال الحب والصداقة نوهم أنفسنا لوهلة بأننا لسنا كذلك"

شافا عمار رد لي: -
كلام كتير محتواه إنو الواحد لما يكتب مقوله ويصدقا حتبقي جزو من

#فيلـوفوبيـا
(سميتك الخوف البطمن)
#الحلقـة_الـثامنة_عشـ18ـر
#بقلـ ✍️ـم:نـوودين=Πeedoo

" وأرجع إليك بكل هذه الثقوب في عمري ، وأتظاهر امام عينيك بأنني نآي 💛🖇️"

دان صحت لقت أحمد طالع من الحمام

_صباح الخير حبيبي .. يلا ي كسلانة قومي علشان ح أوصلك الجامعة حتي أمش الشغل

=ماقادرة ياخ
-مش قلت ليك م نسهر

=أعمل شنو حصل الحصل خليني أنوم

-وجامعتك؟

=أصلا لاب م مهم حكلم رزة تشرح لي

-لبس وإتعطر وطبع بوسة علي خدها وخت ليها مصاريفا وقال ليها طيب ح أنزل أشرب الشاي مع ناس أمي بحاول أجي بدري الليله 💛

نزل تحت لقا أروى بتجهز للجامعه صبح عليها وباين إنو رايق ومبسوط

-صباح الخير

=أهلين "لسة مصدومة أحمد مفرهد كدا ايوة عارفة إنو هو مبسوط قدر يرجع دان بس،م إتوقعت بالسرعة دي أمورهم تظبط وينسو الفات "

-طالعة الجامعة؟

=اي

-ح أوصلك طيب خليني أشرب الشاي بس

دخل المطبخ صبح علي أمو وقال عايز شاي إستغربت لأنو من فترة طويلة م شرب معاهم الشاي أمو إتبسطت جدا وجهزت ليهو شاي بي بسكويت وقعدت تتونس معاه لما خلص وقال ليها دان دي خليتا نايمة قالت م حتمش الجامعه ماتطلعي تخليها براها

-أحسن تقعد تونسني زهجت من قعدت براي دي،

يلا ي حجة فتك بعافية وطلع هو وأروى طول الطريق كان بتونس معاها وبسألا عن الجامعة وتخصصا كأنو أول مرة 😹 نزلا قدام باب الجامعة وأداها مصاريف زيادة

"الحب دا حلو شديد لما يتزرع جواك بزهر وبشمل كل الحواليك 🌏💛🖇️"

____________________________

صحيت بدري أصلا إتعودت صليت الصبح ورجعت رقدت علشان م ماشه الجامعة نسيت إنو عمر حيستني نشرب الشاي مع بعض زي كل يوم 💔

صحيت بعد الشمس جاتني دخلت جوة لقيت رزاز بتنضف

_نحن ماشين السوق لو نمتي حنمش نخليك ..

= أمشو الساعه يداب 8 ماتستنو طاردينكم
طيرت النوم من عيوني زاتو.

مشيت المطبخ لقيتهم خلصو البسكويت وم فضلو لي زعلت طوالي وشاكلتهم مروة قالت لي أمش لعمر جيبي ليك بسكويت وتعالي إشربي .. قلت ليها خلاص م عايزة إنشغلنا مع النضافة وتجهيز الفطور وغسيل العدة وموضوع حمام الساعه بقت 11ونص جهزنا كلمنا حبوبة وقفلنا البيت وطلعنا قبل نمش غشو عمر ناس مروة عايزين يشيلو منو قروش .. فضلت ساكتة

-ماشين خلاص؟

=اي

-رزة أنتي الليلة مالك م مشيتي الجامعة؟

=عندي لاب واحد بس وعايزة امش السوق

-طلع قروش أداها لمروة وقال ليها حساب رزة وروز معاكم

رزاز قالت ليهو قروشي كم؟

ضحك قال ليها مروة حتوزعهم بيناتكم بالتساوي

-سامعه ي سماح بعدين م يظلمونا قالو بالتساوي

=نهرت رزاز قلت ليها انتي سيبي الطمع مش أبوي حيرسل ليكي مالك وحق الناس

عمر عاين لي بي نظرة يداب لاحظت لردة فعلي قلت ليهو حول لي رصيد زين كنت عايزة أغير الموضوع ..

مشينا طوالي كان يوم ظابط شديد لفينا سوق أمدرمان دا لما فترنا إشترينا فساتين طقم .. أبوي رسل لي قروش أكتر من حقت رزاز 😹 ودورناها شكلة في نص السوق لما حلفنا م نرجع سوا هي وسماح صحبات وانا مروة بنتفق قلت ليهم ح أعزم مروة بيتزا ونرجع سوا إنتو أمشو .. مسافة ونسينا الموضوع من أساسو إشترينا كل شي لما إشتريت مسبحة لحبوبة وجدو .. ونعال بيت  لأمي وخالتو .. وإشتريت ساعة لعمر ورامي .. نسيت إننا متزاعلين إتعودت لما أشتري لنفسي شي أشتري ليهو معاي 🙂💔

أول م وصلنا البيت نمت من التعب .. صحيت المغرب أنتظرت أمي جات وإتونسنا لقيت مكالمتين من دان رجعت ليها إتونسنا مسافة وقالت بكرة بإذن الله حتجي وعندي محاضرة فاضية ح أشرح ليها الفات ..

إتكلمت مع أبوي وشكرتو ع القروش الرسلهم لي 😹 مع انو عادي برسل من زمان بس،كنت برفض أشيل ومجننا أمي أي حاجة عايزاها بشيلا منها ..

جا عمر سلم علينا وطلعنا حاجتنا أديتو الساعة .. عاين لي مسافة وماقال شي وأنا م حبيت أقول شي 🙂

مافتحت الميديا اليوم دا خالص .. نمت بدري علشان الصباح عندي محاضرات كتيرة عايزة أرتاح ..

الصباح في المواصلات فتحت تلفوني مركزة مع أذكاري لحد م وصلت الجامعة إتلاقيت مع دان وعديناها ونسة وشوق حسيت نفسي مشتاقة ليها شديد أول مرة أفقد لي زول ويبقي جزو من يومي وإتعلق بيهو كدا .. الاحساس الادتني ليهو دان ولامرة لقيتو عند واحدة من الفاكرة إني صحبتهم .. دان علي طول بتحسسني إني أختها ..

خلصنا محاضرات وقالت لي حتنتظر أحمد .. أنا رجعت البيت طول الطريق كنت سرحانة بالشباك أفكار كتيرة جايطة مافاهمة شي وصلت البيت أخدت لي دش وصليت العصر لقيت رزاز وسماح مشو ناس عمتي فضلنا أنا ومروة بس ..

مروة لسة م جات .. طالعة من الحمام وبنفض شعري حبوبة شاكلتني 😹 التهابي كعب شديد ولو مرضت بجننهم دخلت اتسرحت وقعدت اتصور اي والله 😹معارفة حاسة بشنو انا نادرا م اتصور ..

بعد زهجت من التصوير مشيت شلت من ماسكات رزاز عملت واحد وفتحت دفاتري عندي رسمة بادياها خلصتها علشان الجمعة والسبت حكون مشغولة قلت انجز اسي شوية المغرب اذن جات مروة وأمي كمان أكلنا ورجعت للرسم بعد ساعتين خلصت لفتت إنتباهي رسمة

#فيلـوفوبيـا
(سميتك الخوف البطمن)
#الحلقـة_التاسعـة_عشـ19ـر
#بقلـ ✍️ـم:نـوودين=Πeedoo

الرسائل النصية بتزرع جوانا احساس تاني ومابتجي من اي زول 💙🌸

تاني يوم قدمني عمر من الصباح مع إنو خلاص إتعودت للجامعه وبقيت عادي أصحي بدري وأطلع براي بس علشان طولنا وكدا قدمني لحد إطمن أني ركبت حتي رجع لما وصلت الجامعة وخلصت محاضرات دان قالت لي إنتي شايلة معاك شنو الليلة؟

دي طلبيات ناس ح أوديهم لعمار

-عمار دا منو انتي لامة كل العمرات في حياتك 😹

= واااي م لاحظت للصدفة دي المهم ي ستي دا قصتو طويلة بحكيها ليك

-اقعدي احكي لي سريع

=مشينا الكافتريا شلنا بارد ورجعنا الاستراحة قعدنا حكيت ليها من البداية للنهاية ضحكت قالت لي

-دقيقة دقيقة .. ماقادرة استوعب انتي طلعتي مع ولد مشوار

=قادرة تتخيلي

-كنتي حاسة بشنو

=محسيت بي شي 🙂

-سجمنا ي رزة 😹

=انسي انتي واحمد أموركم كيف؟

-ظابطة 🙈

=ماتتخجلي لي أخرتيني أنا مفروض أمش لناس عمتي الليله الحنة بتاعت بتها يلا باي

-طيب انچوي ي بيب

=ح اتصل ليك بعد اصل

-بالسلامة 💙

طلعت إتصل لي عمار

-الروووز" ياضلنا "

=أهليييين

-الخبر والصحة واللمور

=كلو تمام التمام وانت عامل شنو

-عامل صينية بسبوسة تقطعي يدك وراها

=😹😹😹ع اساس بتعرف

-ماتستخفي بمواهبي انا شيف والله طوالي بساعد أمي في شغل المطبخ إتعلمت منها كتير

=امممم كويس والله

-اها م طالة علي

=مشغولة مابقدر ياخ " وأنا قربت لمكتبتو 😹"

- إذن حتفوتك البسبوسة

=حزينة منك

-أنا الأحزن ليه كنت متأمل إنك حتجي وخيبتي ظني

= معلش

-م حنك يازولة .. لو في العمر بقية بنتلاقي

=دا لو م سافرتا

-ماشة وين؟

=السعودية

-ماجادة ياخ

=جادة

-كيف ومتين الكلام دا؟

=ح أصوم هناك

_طيب والشغل القلنا حنبداهو

=خليهو بعد أجي راجعة

- طيب ياستي ربنا يسهل "وسكت"

= انا خلاص قربت ليهو فضلت ساكتة لما وصلت لقيتو في المكتبة لما شافني إتخلع 😹قفلت المكالمة وقلت ليهو أدخل

-حقو الزول يقول ليكي م تتفضلي

=ليه الحقد دا كلو

- عشان كذبتي علي

=إسمها سبرايز 😹

- المهم مبسوط بشوفتك

=سكتا م رديت قال لي اتفضلي عندو كنبة كدا وجنبها صبارة موية ختيت الحاجات ومشيت اشرب جا علي

-إستريحي أنا ح أضيفك

=لا م مشكلة كمل شغلتك ح أشرب

-ماعندي شغلة أصلا كنت باكل لي ف بسبوسة وسديتي نفسي لما قلتي مسافرة

=أنا؟ سديت نفسك

-أنسي هاك

مد لي قعدت وبي طبعي بمسك الكباية وبشرب بي راحتي هو فضل مستني رفعت راسي قلت ليهو ماتنتظر لما أخلص برجعا

-عشان م عندي تربيزة يعني 😹

=مفروض تجيب ليك تربيزة علشان م حتقعد تستني الناس يشربو

-ناس منو م ف زول غيرك قاعد أديهو مويه العايز يشرب براو

=لما مارديت قال لي اها كيف مع الدراسة

-ماش حالا

=خليكي هنا شوية داخل البيت

-ماتتأخر أنا مستعجلة

=هو ياتو يوم م كنتي مستعجلة 😹

طلع مشي فضلت أعاين للمكتبة شكلو غير الترتيب تاني 😹 وعلق لوحات واحدة فيها صورة راجل بشبهو شديد مشيت عليها مكتوب
"رحمة الله تغشاك تحت الثري ياغالي "

عرفت إنو دا أبوه نفس الملامح فضلت مركزة ف الصورة ، طلعت تلفوني صورتها حابة أرسما عارفة دا م تصرف لايق م إستأذنت منو بس م حيزعل 💛

رجعت مكاني طلعت الطلبات كانو 10 برطمان ولوحات حيغلفهم بأكياس هدايا وحيجو يستلمو الطلب من مكتبتو حنتقاسم الارباح 💛 زمان م برسم لاولاد علشان اتجنب حكاية ياخدو رقمي ويرسلو لي ف الواتس وكونو إتلاقا معاهم علشان أوصل ليهم الطلبية دا موضوع أنا م عايزاه وكنت بضيع طلبات كتيرة بس حاليا ح أقدر أعمل كدا بمساعدة عمار ..

جا داخل شايل صحن بسبوسة 😹 قال لي دا نصيبك ي قول أمي

=قول ليها تسلم لي 💛

-وأنا؟

=بقا فيها مقابل يعني؟

-لا خلاص هاك ضوقيها بالاول واديني رايك

=شلتها وقلت ليهو دي الطلبات تغلف تلاته منهم بي ورق جرايد والباقي  بي أكياس هدايا كاتبه ليك رقم الطلب وإسم صاحبو ورقم تلفونو لما يجو يستلمو تحاسبهم وبعدها نتحاسب .. قعد جنبي وبقا يشوف الرسومات

-بترسمي من متين

=من زمان شديد

- كلك م تامة عشرين سنة شنو من زمان 😹

=خلاص من عمري 10

-ماشاءالله عابرة شديد

=قعد يلم الحاجات وانا باكل جنبو وبجاوب ليهو ع الاسئلة عدينا نص ساعه بنتكلم ونرتب وح أوريهو بعمل كدا كيف وبحتاح لشنو قال هو حيوفر لي كل شي هنا لما خلصت لقيت الزمن فات قلت ليهو انا ماشة لحدي أمدرمان ياخ

-بتتسهل حتلقي مواصلات

=في بحري زي الزمن دا صعب القي مواصلات امدرمان

-البوديكي بحري شنو اركبي من العربي هنا مواصلات امدرمان

=لالا م بعرف

-كيف يعني م بتعرفي لازم تتعلمي

=م متعودة ولا حصل مشيت من هنا ح اتوه

-ياروز اي حاجة لابد يكون ليها اول .. يعني لازم تعمليه لاول مرة .. لازم تجربي الماحصل جربتي

=دا م وقت تتفلسف لي فيهو انا م بعرف أمش وعندي رهاب من المواصلات المسافتا طويلة 🙂💔

-معلش بس الليله ح أخليك تواجهي خوفك دا وتكسري الحواجز دي أرح بركبك من هنا مواصلات الشه

#فيلـوفوبيـا
(سميتك الخوف البطمن)
#الحلقـة:الـعشـرين
#بقلـ ✍️ـم:نـوودين=Πeedoo

"واقف براك والهم عصف" ريحآ "كسح زهرة صباك "ليلا" فتح شرفة وجع" قمرا" رحل فارق سماك جدد عذاب الارصفة ضوء المصابيح البعيد أتعب عيونك وإنطفا."

بعد الحفلة خلصت بقينا نرفع ونلم والنسوان بالجنبة شغالين خضار وونسة والبنات رجعو للدلوكة وجابو العشا واتلمو ف الفرشة شي غنا وونسة الساعه 2ص ونحن لسة م نمنا أول مرة في حياتي أساهر كدا كنا بنصور فيديوهات توثيقا للحظات م معروف تاني نتلما متين ..

كان يوم حلو والعجب الصباح،بعد خلصنا فطور مشينا الكوفير مع زونة وقضيناها ونسة مسكنا الكوفير ع حسابنا تقريبا دي أول مرة ف حياتي أعمل ميك اب كامل كدا وإتصورنا ختيت الصور إستوري دخل لي عمار

"وضاحة يافجر المشارق غابة الابنوس عيونك يابنية من خبز الفنادق 💙"

=ضحكت قلت ليهو دا غزل ولا واحدة من اغانيك البتحبهم

_يارايحة انتي دي اغنية لسيدا وطوالي رسلا لي قلت ليهو حقت المرة الفاتت علقت فيها وحفظتها قال لي مش قلت ليك ح أهديك أغانيهو كلها يلا أسمعي دي وأحفظيها 💙

فعلا بقيت مشغلاها الناس ف شنو وانا في شنو. 😹😹

بعد الغدا والحفلة طلعنا من الصالة الساعه كانت 8مساء ودعنا زونة ورجعنا البيت إتزكرت بكرة عندي محاضرة مهمة واااي لبسة م عندي 🙂💔 شلت عباية سماح ومشيت الغسالة اتصل لي عمار ونسني حكيت ليهو العرس،بحكي وانا مبسوطة قال لي هووي انتي اول مرة تحضري عرس

=بتتريق علي مش غلطانة لاني بحكي ليك

-لالا ياخ بس قصدي حماسك ووصفك للعرس حسسنا م ياها اعراسنا البكره احضرا دي 😹

=بقا هو يحكي لي عن مناسباتهم والمواقف البتحصل ونسني لحد م خلصت غسيل عاينت للساعه لقيت نفسنا متكلمين 45دقيقه معقولة انا بكره المكالمات 🙂💔 دا شنو البحصل دا حاجة م مطمنة 😹

اتهربت طوالي وقلت ليهو ح أمش أكوي وأنوم لانو بكرة عندي محاضرة بدري مشيت كويت والصباح من بدري ودعت حبوبة وناس البيت نصهم نايمين مالحقت اودعهم ناس سماح قالو لي احتمال نرجع واحتمال نقعد نضاير معاهم الحاجات البيت جايط م صدقو اندمجو مع ناس سحر وسمر واخر صحبة مستغربة كيف بتصاحب زول عرفتو في يومين 🙂💔مهو ي انا الغريبة ولا هم وفي الغالب انا 🚶‍♀️

المواصلات زحمة والشارع طويل كل شوية اعاين للساعه الدكتور صعب لو دخل مايدخل زول بعدو وصلت الجامعة والمحاضرة بدت بي دقيقتين مستحيل الدكتور يدخلني 🙂💔يعني خسارة التعب التعبتو طيب والصحية من بدري؟والغسيل والمكوي نص الليل؟
شاي الصباح الماشربتو؟
قروش المواصلات؟
اللمة الظابطة البدلتها بي محاضرة فاتتني 😭😭اقسم بالله شوية ودموعي حينزلو زعلت زعل مشيت الكافتريا قعدت وشوية ح أبكي دان اتصلت علي جرسين وفصلت المكالمة رسلت لي مسج

"رزة بس تخلصي من المحاضرة ارجعي لي "

اتصلت عليها

-مالك ي بت م ف محاضرة ولاشنو

=لالا الدكتور جا وم حيدخلني 😢

-قولي لي جاية علشان محاضرة واحدة وم دخلك

=قادرة تتخيلي 😭انا ح ابكي خليت ناس رزاز ف بيت المناسبة وحيتبسطو وانا جاية ع اساس عندي محاضرات م كنت عارفه انو التالته اتلغت وياهو الاولي فاتتني

-كررر عليكي انا لو كنت ف البيت كان تجيني بس ماشه مع عمتو السوق

=م مشكلة ح ارجع البيت اكمل نومي 😔

-طيب لبكرة نتلاقي

قفلت منها وقفلت معاي إشتريت لي سندوتش وقلت ح ارجع البيت اصلا تعبانة شديد اليومين الفاتت دي م نمت كويس ..لما قربت للبيت شايفة عمر برش موية جنب البقالة مشيت سلمت عليه وسألني وحكيت ليهو و رجعت البيت لقيت أمي وخالتو قاعدين م مشو الشغل إستغربت فيهم..!!

-رزان مالك جاية من الصباح كدا انتي كويسة ي بت؟

=اي كويسة بس مالحقت المحاضرة الدكتور دخل وم بيرضي زول يدخل وراه وكمان المحاضرة التالته كنسلوها ماعندي شي انتو مالكم الليله م مشيتو الشغل ..؟؟!!

-سكتو وعاينو لبعض خالتو قالت لي طيب تعالي اشربي ليك شاي بتكوني م شاربة شي

=يعني دا تهرب من سؤالي لا بالجد الموضوع مريب في حاجة غلط وم عاجباني .. البيت منظرو جايط وأمي وخالتو قاعدين ماسكين قروش وكراس وشكلهم بدربو ليهم ف حسابات عاينت حوالي ف التربيزة جنب التلفزيون علب حلاوة وباكيت بارد ودا شنو بقيت م فاهمة فضلت ساكتة وواقفة

-أمي عاينت لخالتو وهي قالت لي أقعدي طيب

=في شنو ياخالتو منى؟

=أمس عبدالرحيم وأهلو جو وإتكلمو مع جدك لموضوع العقد الجمعة الجاية وماحيكون ف جوطة ولا كلام كتير علشان ..

-تمام أنا ماشة أنوم نعسانة م نمت كويس من يومين

إتحركت وحاسة جسمي منمل م قادرة أمش حتي في كتمة كأنو م ف هواء ف الغرفة مخنوقة وحاسة الكلام دا زي الكذب كدا دخلت وقفلت الباب وراي طلعت جزمتي ورقدت كدا بس عايزة أغمض عيوني والقي نفسي ف عالم غير الانا عايشاه دا .. عايزة يكون عندي أم وأبو مبسوطين وعايشين مع بعض .. عايزة يكون عندنا بيت برانا حتي لو غرفة وحوش المهم بيتنا برانا .. نتلمي المسا مع بعض أبوي يمش الشغل ويجي راجع نتغدا سوا .. عايزة أمي تقيل ف البيت تطبخ لينا ..ع