ان يوصلو بيوتهم وكدا وفعلا طلعونا وفي واحد وصلنا عربيته كانت جيب وصلنا بيت ام محمد خالة مريم دخلنا وجابو لينا الموية والافطار وكدا وانا قلبي ماكلني علي شادن بالذات انها عيانة💔💔💔
#صفاء
.
.
.
.
.
بعد زي ساعة بقيت ابكي في بت قالت لي لو عندك زول اضربي ليه وكذا ادتني جوالها دقيت لكنان قال انه جاي علي وفعلا جا زي بعد ريع ساعة ودق الباب والولد القافل المكتبة رفض يفتح الباب مفتكرينه مع جنجويد وكدا وقلت ليه دا اخوي بعد محاولات والبت اتكلمت معاه حتى فتح لي الباب وطلعت، مشيت معاه وكان معانا يزن،طبعا بعد موت مجاهد كنان ويزن حقدهم كبر شديد ضد الحكومة،هم ماكانو مهتمين بالثورة وكدا عكس مجاهد اللي بطل يسكر من يوم الاعتصام وبقا اوعى واحد فيهم،المهم مشينا بعدها لقونا كمية بتاعت جنجويد انا قلبي وقع في رجولي بالخوف كنان وقف قدامي ومسكت فيه قوي من ورا جو اثنين وبقو يضربو يزن وكنان وانا خلاص هبطت لما شفت اثنين جايين علي: شوف قلة الادب دي اسي بنات البطلعهم شنو ..مسخرة وقلة ادب وتربية منهم بس ،،وكانو بينبذو فيني ولما واحد رماني في الارض وقرب مني انا صرخت ب:"'كناااااااااااان""بعدها ماوعيت على شئ💔







#يتبع!..


دا البارت القبل الاخير،يارب يعجبكم وبعتذر لو الحروف ماف بينهم فواصل وكذا ،و ياريت تدعو لشهداءنا💔💔❤️✌🏻!!..


#ابقو-عافية'ة🇸🇩♥️✌🏻