لقيت كم رساله من هيسوكا ..اول مرسل : انا فاعل الخير بتاع الأرض

تاني مرسل : مبرووك المولوده تتربي في عزك..

تاني مرسل : بتمني ليك كل السعاده انتي و وليد..وحفيدتي تتربي ف عزكم 😱😱😱 عااي حفيدتي !!

وقت وريت وليد الرسايل شال التلفون ورسل ليهو يا يا زول انت منو ؟؟

بعد شويه ادانا مستخدم فيس بوك..

اششششي !! حظرنا فاعل الخير !!

وليد دخل بي حسابو العملو وقتيآ بي اسم ابو حلا ..وقت عمل نتائج البحث ما لقاهو..شكلو حظرنا وعطل الحساب 💔

..

وليد اتصل لي عم اسماعيل وهو أكد ليهو انو ابوهو مييت وكده..
سافر السويد بعد يومين لي حببوتو بس مااف..ميييت ميييت...

ولي الآن م عرفته منو هيسوكا..وللآن ما عرفنا الأتبرع لينا بالأرض منو لانو في الورق كانت مسجله بي اسم المندوب.والمندوب سجلها لينا كنذر وكده..فتشناهو بس فص ملح وداب ...
..م معروف..

❤❤❤

امي وماما مريم وابوي عاشو سوا..وابوي بقي يعاملها ع اساس مرتو وكده 🙈🙈🙈

وداد جابت ولد ❤ سموهو مدثر ..وعايشه مع طارق احلا عيشه هي وبناتهم ..

شلتي المجانين بقو سناير 
وخلوني 💔

انا نزلته من البدايه مع البرالمه بس كل زمني بقضي معاهم..
كنت بودي حلا لي ناس امي وبمش الجامعه..

المدرسه ماشه تمام...وكل فترة بنستقبل طلبة..
صح كم مرة واجهتنا متعثرات و وقعنا..بس تاني بنقوم وبننهض نهضه قويه..

❤❤❤

بعد سنتيييين..

شوفتو وليد م ضربني إلا مرة واااحده بسس
السبب انو 
حلا بقت جواطه وصحت لي نص الليل قعدت تبكيي

ابوها الحقار غطي وشو بالمخده و ولا عاين اتجاهنا زاتو .

غايتو حنستها وشربتها اللبن و نامت لي آذان الصبح.
..

الساعه 7:34صباحآ صحيت ع صوت وليد : قووومي يا هانم قووومي

)ههههه تتذكرو وقت صحاني بنفس الطريقه وجرآني من شعري داك ؟؟ هههه زمممممن!! )

فتحت عيوني وانا كنت نعسسانه
قال لي بتك وسسخت قومي الحقيها طلعت ليك برة...

بس ما رديت ليهو

. وليد : حنيين قومي ياخ..

ولااا رديت ..كنت بعاين عليهو و ولا برمش تمامآ كالشخص الميت

بدا يهز فيني ويقول حنين بطلي عبط !! 
بس ولاا في تجاوب

عمكم بدا يبكي..
حنيييين قوومي !! قوومي يا حبيبتي قومي

حنيييين !!!

خلاص قلبو عزاء..
قومته غمضته عيوني وقومته ضحكته..
ادآني كف صبج!! 

انا لمن اضاني صنت..بعدها حضني وكان ببكي ...قال لي : لو عملتي كدا تاني ما عافي ليك..
قعدنا بكيينا كداأ لمن حلا جات وركبت ف السرير وسخت لينا الفرش ونحن ما جايبين خببببر...
💙💙💙

بعدها طلعنا من وقت الفطور.. اصلآ كان يوم جمعه 

كان يوم حلو خلاص..
زورنا ناس امي 
وبعدها لفينا الخرطوم دي كوولها !!
ما خلينا مول عفراء
ولا الساحه الخضراء
وشارع النيل م سلم مننا 

وختمناها في حدائق مجك لاند..

ونحن في الطريق قال لي ارحكم نتصورو..
رحبته بالفكرة ومشينا الأستديو..

واخد لينا المصور أحلي لقطة..
احلي لحظة
احلي صورة
فيها انا وحلا بتي الشايله مصاصه ..
وراجلي حبيبي وليد و #رصاصه

#تمممممت


بقلم :

#fulla_Ali

من يوم 15/6/2017

الي يوم 5/9/2017 

#the_End