#دكان_ودﺍﻟﺰﻳﻦ
بقلم ﻧﺴﺮﻳﻦ ﻣﺤﻤﺪﺍﺩﻡ
-٦-
ﺍﻣﻨﺔ ﻣﻦ ﻋﺮﻓﺖ ﺭﻓﻀﺖ ﺍﻟﻤﻮﺿﻮﻉ ﺑﺪﻭﻥ ﻧﻘﺎﺵ ﻣﺎ ﺳﻜﺘﺖ ﻋﺸﺎﻥ ﻳﻘﻮﻟﻮ إﻧﻬﺎ ﻣﻮﺍﻓﻘﺔ إﺗﺼﻠﺖ ﻋﻠﻲ ﻋﺒﺪﺍﻟﻘﺎﺩﺭ ..
_ ﻋﺒﺪﻭ ﺍﺯﻳﻚ ..
_اﻫﻠﻴﻦ ﺣﺒﻴﺒﺘﻲ ﻣﺎﻟﻮ ﺻﻮﺗﻚ ﺍﻟﺤﺎﺻﻞ ﻋﻠﻴﻚ ﺷﻨﻮ ﻓﻲ ﺯﻭﻝ ﺯﻋﻠﻚ ..
_ﻫﻬﻬﻬﻬﻬﻬﻬﻬﻪ ﺯﻋﻼﻧﺔ ﻻﻧﻮ ﺟﺎﻧﻲ ﻋﺮﻳﺲ ..._
ﻫﻬﻬﻬﻬﻬﻬﻬﻬﻬﻪ ﻓﻲ ﻭاﺣﺪﺓ ﺑﺠﻴﻬﺎ ﻋﺮﻳﺲ ﻭﺗﺰﻋﻞ
_ﻫﻮﻱ ﺑﻄﻠﻲ ﺣﺮﻛﺎﺕ ﺍﻟﺤﺎﺻﻞ ﺷﻨﻮﻭ عريس شنو كمان..
_وﺍﻟﻠﻪ ﺍﻣﺲ ﺑﺎﻟﻠﻴﻞ ﺟﺎﻧﻲ ﻋﺮﻳﺲ ﻭﻭﺩﺍﻟﺰﻳﻦ ﺷﻮﻓﺖ ﻛﻴﻒ ..
_اﻟﻮﺩ ﺩﺓ ﻣﺠﻨﻮﻥ ﻛﻤﺎﻥ داير ﻳﺨﻄﺒﻚ ﺷﻜﻠﻮ ﻛﺪﺓ ﻋﺎﻳﺰ ﻳﻨﺘﺤﺮ ﺍﻟﺒﻘﺮﺏ ﻟﻴﻚ ﻳﺎ ﺣﻠﻴﻠﻮ ..
_ﻫﻬﻬﻬﻬﻬﻬﻬﻬﻬﻬﻪ ﺑﺘﻘﺘﻠﻮ ﻳﻌﻨﻲ ﻭﻻ ﺷﻨﻮﻭﻭﻭ ..
_ﻫﻬﻬﻬﻬﻬﻪ ﻣﻤﻜﻦ .ﻣﺎ ﺗﺴﺘﺒﻌﺪﻱ ..
_ﺷﻜﻠﻲ ﺑﺤﺐ ﻟﻲ ﻣﺠﻨﻮﻥ ﻣﺎ ﺩﻛﺘﻮﺭ ﺍﻟﻠﻪ ﻳﺴﺘﺮ ..
_اﻛﻴﻴﻴﺪ ﺍﻧﺎ ﺑﺮﺟﻊ ﻟﻴﻚ ﻓﻲ ﻣﺮﻳﺾ ﺣﺎﻟﺘﻮ ﻣﺴﺘﻌﺠﻠﺔ ..
_طببﻓﻲ ﺍﻧﺘﻈﺎﺭﻙ ..
الموضوع ﻋﻨﺪ ﺍﻣﻨﺔ ﻭﻋﺒﺪﺍﻟﻘﺎﺩﺭ ﻭﻧﺴﺔ ﻭﺿﺤﻚ ﻣﺎ ﻣﻬﻢ ﻛﺘﻴﺮ .. ﺑﺲ ﺧﺎﻟﺪ ﻓﻘﺪ ﻋﻘﻠﻮ ﻟﻤﺎ ﺳﻤﻊ ﻭﻣﺸﻰ ﻟﻲ ﻭﺩ ﺍﻟﺰﻳﻦ ..._
ﺍﻧﺖ ﻳﺎ ﺯﻓﺖ ﺩﺓ ﻛﻼﻡ ﺷﻨﻮ ﺍﻟﺴﻤﻌﺘﻮ ﺩﺓ . .
_ﺧﺎﻟﺪ ﻣﺎﻟﻚ ..
._لا ﺧﺎﻟﺪ ﻭﻻ ﺑﻌﺮﻓﻚ ﻛﻴﻒ ﺗﻤﺸﻲ ﺗﺨﻄﺐ ﺍﻣﻨﺔ ﻭﺍﻧﺖ ﻋﺎﺭﻑ ﺍﻧﺎ ﺑﺤﺒﻬﺎ ﻗﺪﺭ ﺷﻨﻮ ..
_ياخ ﺣﺐ ﺷﻨﻮ ﻛﺪﻱ ﺍﻧﺖ ﻗﺎﺩﺭ ﺗﻐﻴﺮ ﻗﻤﻴﺼﻚ ﺍﻟﻮﺍﺣﺪ ﺩﺓ ﻋﺸﺎﻥ ﺗﻌﺮﺱ ﺍﻣﻨﺔ ﺍﻧﺖ ﻋﻨﺪﻙ ﺍﻟﺤﺐ ﻭﺍﻧﺎ ﻋﻨﺪﻱ ﻗﺮﻭﺵ ﺍﻋﺮﺱ . .
_ايوة ﺑﻘﺖ ﻛﺪﺓ ﻳﻌﻨﻲ ﻃﻴﺐ ﺍﻧﺖ ﺍﻟﺠﻨﻴﺖ ﻋﻠﻲ ﺭﻭﺣﻚ ﻭﺑﺘﺸﻮﻑ ﻭﻣﻦ ﺍﻟﻠﻴﻠﺔ ﻻ ﺻﺤﺒﻲ ﻭﻻ ﺑﻌﺮﻓﻚ ..
ﻣﻦ ﻫﻨﺎ ﺑﺪﺕ ﺍﻟﺸﺮﺍﺭﺓ ﺍﻻﻭﻟﻲ ﻟﻲ ﺍﻧﺘﻬﺎﺀ ﻋﻼﻗﺔ ﺍﻟﺼﺪﺍﻗﺔ ﺑﻴﻦ ﺍﻋﺰ ﺍﺻﺤﺎﺏ ﻣﺎ ﺑﻔﺮﻗﻬﻢ ﺷﻲ ﻏﻴﺮ ﺍﻟﻨﻮﻡ ﻣﻦ ﻭﻫﻢ ﺻﻐﺎﺭ ﺍﻻﻧﺎﻧﻴﺔ ﻭﺍﻟﺤﺐ ﻭﺍﻟﻤﺎﺩﻳﺎﺕ ﺿﻴﻌﺖ ﺍﻫﻢ ﺣﺎﺟﺔ عندهم

#نواصل..
#نسرينه...

#دكان_ودﺍﻟﺰﻳﻦ..
بقلم ﻧﺴﺮﻳﻦ ﻣﺤﻤﺪﺍﺩﻡ
-٨-
ﺩﻳﻞ ﺧﻼﺹ ﻳﺄﺳﻮ ﻣﻦ ﺍﻧﺘﻈﺎﺭ ﺧﺎﻟﺪ ﻗﺎﻟﻮ ﺧﻼﺹ ﺷﻜﻠﻮ ﻃﻔﺶ ﻣﻦ ﺍﻟﺤﻠﺔ ﺑﻌﺪ ﺻﻼﺓ ﺍﻟﻌﺸﺎﺀ ﺍﻣﻮ ﺧﺎﻓﺖ ﻭﻋﺮﻓﺖ ﻓﻲ ﺣﺎﺟﺔ ﺣﺎﺻﻠﺔ ﻣﺸﺖ ﻟﻲ ﺍﺻﺤﺎﺑﻮا ﻓﻲ ﺍﻟﺒﺪﺍﻳﺔ ﺭﻓﻀﻮ ﻳﺤﻜﻮ ﻟﻴﻬﺎ ﺑﻌﺪﻫﺎ ﻗﺎﻟﻮ ﻟﻴﻬﺎ ﻛﻞ ﺍﻟﺤﺼﻞ ..
ﻭﻫﻲ ﻣﺎﺷﺔ ﻣﻨﻬﻢ ﺳﻤﻌﻮ ﺍﻟﻜﻮﺍﺭﻳﻚ..
‏( ﺣﺮﻳﻘﺔ ﺣﺮﻳﻘﺔ ‏)
ﺻﻮﺕ ﻣﻦ ﺑﻌﻴﺪ ﺍﻟﺼﺎﺩﻕ ﻭﻣﻨﺘﺼﺮ بقوا ﻳﺮﺟﻔﻮ ﺳﺄﻟﺘﻬﻢ ﺍﻡ ﺧﺎﻟﺪ :
_دﺓ ﺻﻮﺕ ﺷﻨﻮ ﻳﺎ ﺍﻭﻻﺩ ..
ﺭﺩﺍ ﻋﻠﻴﻬﺎ ﺍﻟﺼﺎﺩﻕ
_ﻭﺍﻟﻠﻪ ﻛﺎﻥ ﻣﺎ ﺧﻮﻓﺖ ﺍﻟﻜﺬﺏ ﻓﻲ ﺣﺮﻳﻘﺔ ..
ﺑﻌﺪ ﺷﻮﻳﺔ ﺍﻻﺻﻮﺍﺕ ﺯﺍﺩﺕ ﻭﺍﻟﺤﻠﺔ ﻛﻠﻬﺎ ﺗﻜﻮﺭﻳﻚ ..
‏( ﺩﻛﺎﻥ ﻭﺩﺍﻟﺰﻳﻦ ‏) ,,, ‏( ﻳﺎﻧﺎﺱ ﺍﻟﺤﻘﻮﻭ ﻃﻔﻮ ﺍﻟﻨﺎﺭ ﺩﻱ ‏) ‏( ﺣﺮﻳﻖ ﺣﺮﻳﻘﺔ ‏) ,,,
ﻗﺎﻣﻮا ﺟﺎﺭﻳﻦ ﻋﻠﻲ ﺍﻟﺪﻛﺎﻥ ﻭﺍﻟﻨﺎﺱ ﻛﻠﻬﻢ إﺗﻠﻤﻮ ﻫﻨﺎﻙ ﻭﻳﺴﺄﻟﻮ ﺍﻟﺴﺒﺐ ﺷﻨﻮ ﺑﻌﺪ ﻃﻔﻮ ﺍﻟﻨﺎﺭ ﻭﺩﻟﺰﻳﻦ ﺩﻣﻮﻋﻮ ﺟﺎﺭﻳﺔ ﻋﺸﺮﺓ ﻛﻞ ﺷﻘﺎﻫﻮ ﺍﻧﺘﻬﻲ ﻭﺧﺎﻟﺪ ﻭﺍﻗﻒ ﻣﻦ ﺑﻌﻴﺪ ﻳﻀﺤﻚ ﻭﻳﻘﻮﻝ:_
‏( ﻣﺶ ﺣﺮﻗﺖ ﻗﻠﺒﻲ ﻋﺎﻳﺰ ﺗﻌﺮﺱ ﺍﻣﻨﺔ ﻃﻴﺐ ﺍﻟﻘﻲ ﻟﻴﻚ ﻗﺮﻭﺵ ﻋﺮﺱ ﺑﻴﻬﺎ ﻳﺎﻓﻘﺮﻱ ‏)
ﻭﺩﺍﻟﺰﻳﻦ ﺭﺍﺟﻊ ﻟﻲ ﻛﻼﻡ ﺻﺤﺒﻮ ﺧﺎﻟﺪ ﻗﺒﻞ ﻳﻮﻣﻴﻦ ﻗﺎﻝ ﺑﺄﻋﻠﻲ ﺻﻮﺕ ﻟﻴﻬﻮ . ..
_ماﻓﻲ ﺯﻭﻝ ﺣﺮﻕ ﺩﻛﺎﻧﻲ ﺩﺓ ﺍﻻ ﺧﺎﻟﺪ ... ﺍﻟﻨﺎﺱ ﻛﻠﻬﻢ ﺟﺎﻃﻮ ﻓﻴﻬﻮ
‏( ﻛﻴﻔﻴﻦ ﻳﺎﺯﻭﻝ ﻛﺪﻱ ﺍﺳﺘﻬﺪﻱ ﺑﺎﻟﻠﻪ ﺩﺓ ﺻﺪﻳﻖ ﻋﻤﺮﻙ ﻛﻠﻮ ﻳﺤﺮﻕ ﻗﻠﺒﻚ ﻋﻠﻲ ﻣﺎﻟﻚ ﻛﺪﺓ ‏)
_ﺍﻧﺎ ﻣﺘﺄﻛﺪ ﺩﻩ ﻫﻮ ﻭﺍﻟﻠﻪ ﻣﺎ ﺍﺧﻠﻴﻬﻮ .. ﻭﺩ ﺍﻟﺰﻳﻦ ﻣﺸﻲ ﻋﻠﻲ ﺍﻟﺸﺮﻃﺔ ﻳﻔﺘﺢ ﺑﻼﻍ ﻓﻲ ﺧﺎﻟﺪ ﻭﻣﺎ ﻣﻌﺮﻭﻑ ﺍﻟﺒﺤﺼﻞ ﻟﻲ ﺧﺎﻟﺪ ﺷﻨﻮ ﻭﺍﻣﻨﺔ ﺍﺻﻼ ﻣﺎ ﺷﺎﻏﻠﺔ ﺑﻴﻬﻢ ﺍﻻﺗﻨﻴﻦ ..

#نواصل..
#نسرينه..

#دكان_ودﺍﻟﺰﻳﻦ...
ﺑﻘﻠﻢ ﻧﺴﺮﻳﻦ ﻣﺤﻤﺪﺍﺩﻡ ..
-٩-
أﺻﺪﻗﺎﺀ سنين ﻓﻲ أﻳﺎﻡ ﺑﻘﻮ أﻋﺪﺍﺀ ﻛﻞ ﺯﻭﻝ ﻓﻴﻬﻢ ﺑﺸﻮﻑ ﻧﻔﺴﻮ ﻫﻮ ﺍﻟﺼﺢ ﺑﺪﻭﻥ ﻣﺎ ﻳﻔﻜﺮﻭ ﻓﻲ ﺍﻟﻌﻮﺍﻗﺐ ﺑﺘﻜﻮﻥ ﺷﻨﻮ ....
ﻭﺩﺍﻟﺰﻳﻦ ﻛﺎﻥ ﻓﻲ أﺷﺪ ﻏﻀﺒﻮ ﻭﺭﻓﺾ ﻛﻼﻡ ﻛﺒﺎﺭ ﺍﻟﺤﻠﺔ ﻋﺸﺎﻥ ﻳﺘﻨﺎﺯﻝ ﻋﻦ ﺍﻟﺒﻼﻍ ﺑﺲ ﺭﻓﺾ ...
ﻋﻤﻮ ﻋﻠﻲ ﺑﺘﻜﻠﻢ ﻣﻌﺎﻫﻮ :
_ﻳﺎ ﻭﻟﺪﻱ ﻣﻤﻜﻦ ﺗﺴﻤﻊ ﻛﻼﻣﻨﺎ ﺗﻨﺴﻲ ﻣﻮﺿﻮﻉ ﺍﻟﺸﺮﻃﺔ ﻭﺗﺨﻠﻴﻨﺎ ﻧﺤﻨﺎ ﻧﺤﻞ ﺍﻟﻤﻮﺿﻮﻉ ﺩﺓ ﻭﻧﻌﺮﻑ ﺍﻟﻌﻤﻞ ﻛﺪﺓ ﻣﻨﻮ ﻫﺲ ﺍﻧﺖ ﺑﺘﻘﻮﻝ ﺧﺎﻟﺪ ﻫﻮ ﺍﻟﺤﺮﻕ ﺍﻟﺪﻛﺎﻥ ﻃﻴﺐ ﺩﻟﻴﻠﻚ ﺷﻨﻮ ..
_لا ﻳﺎ ﻋﻤﻲ ﺍﻧﺘﻮ ﻣﺎ ﺑﺘﺤﻠﻮ ﺷﻲ ﺍﻧﺎ ﻻﺯﻡ ﺍﺷﻴﻞ ﺣﻘﻲ ﻣﻨﻮ ﺍﻧﻮ ﻳﺘﺴﺠﻦ ﻭﻳﺪﻓﻊ ﻟﻲ ﺛﻤﻦ ﺍﻟﺒﻀﺎﻋﺔ ﺩﻱ ﻏﺼﺐ ﻋﻨﻮ ..
_اﺳﺘﻬﺪﻱ ﺑﺎﻟﻠﻪ ﻳﺎ ﻭﻟﺪﻱ ﻟﻮ ﺍﺗﺄﻛﺪﻧﺎ ﺍﻧﻮ ﻫﻮ ﺍﻟﻌﻤﻞ ﻛﺪﺓ ﻋﻠﻲ ﺑﺎﻟﻄﻼﻕ ﺣﻘﻚ ﻳﺼﻠﻚ ﻛﺎﻣﻞ ﻭﻳﺘﻌﺎﻗﺐ ﻋﻠﻲ ﺍﻟﻌﻤﻠﻮ ﺑﺲ ﺍﻧﺖ ﺍﻣﺸﻲ ﺍﺗﻨﺎﺯﻝ ﻋﻦ ﺍﻟﺒﻼﻍ ..
ﻭﻫﻢ ﻓﻲ ﻣﺠﻠﺲ ﺍﻟﺤﻠﺔ ﺑﺤﺎﻟﻮ ﻳﻘﻨﻌﻮ ﻭﺩﺍﻟﺰﻳﻦ ﻳﺘﻨﺎﺯﻝ ﻫﻮ ﺭﺍﻓﺾ ﻳﺴﻤﻊ ﻛﻼﻣﻬﻢ ..
ﺧﺎﻟﺪ ﺑﻬﻨﺎﻙ ﻳﺘﻀﺤﻚ ﺍﻟﺼﺎﺩﻕ ﻭﻣﻨﺘﺼﺮ ﺑﺸﺎﻛﻠﻮ ﻓﻴﻬﻮ ﺭﺩﺍ ﻋﻠﻴﻬﻢ ..
_ﻋﻨﺪﻛﻢ ﺳﻴﺮﺓ ﺗﺎﻧﻴﺔ ﻏﻴﺮ ﺍﻟﺤﺮﻳﻖ ﺩﺓ ﻗﻮﻟﻮﻫﺎ ﻣﺎ ﻋﻨﺪﻛﻢ ﺧﻠﻮﻧﻲ ﺍﻛﻤﻞ ﺍﻟﺴﻴﺠﺎﺭﺓ ﺩﻱ ﺑﻤﺰﺍﺝ ﻭﺍﻧﻮﻡ ﺑﻜﺮﺓ ﻧﺘﻼﻗﺔ .. ﻣﻨﺘﺼﺮقال ..
_ ﻳﺎﺥ ﺍﻧﺖ ﺩﻣﻚ ﺑﺎﺭﺩ ﻛﺪﺓ ﻣﺎﻟﻚ ﺍﻧﺎ ﻣﺘﺄﻛﺪ ﺍﻟﺤﺼﻞ ﺩﺓ ﻣﺎﻓﻲ ﺯﻭﻝ ﺑﻌﻤﻠﻮ ﻏﻴﺮﻙ ..
_عليك ﺍﻟﻠﻪ أﻣﺸﻲ ﻛﻠﻢ ﺍﻟﺸﺮﻃﺔ ﺧﻠﻴﻬﻢ ﻳﺠﻮ ﻳﺴﻮﻗﻮﻧﻲ ﻋﺸﺎﻥ ﺗﻨﺒﺴﻂ ﺍﻱ ﺍﻧﺎ ﺍﻟﺤﺮﻗﺖ ﺍﻟﺪﻛﺎﻥ ﻭﺣﺪﺓ ﺑﻮﺣﺪﺓ ...
_ﺳﺠﻤﻲ ﺳﺠﻤﻲ ﺧﺎﻟﺪ ﺍﻧﺖ ﺍﻟﻌﻤﻠﺘﻬﺎ ...
ﺩﻱ ﺍﻡ ﺧﺎﻟﺪ ﺟﺎﺕ ﻣﺎﺭه ﺳﻤﻌﺖ ﻛﻼﻣﻬﻢ ﺻﺮﺧﺖ ﺑﺎﻋﻠﻲ ﺻﻮﺕ ﻟﻴﻬﺎ ﺧﺎﻟﺪ ﻗﺎﻡ ﺑﺨﻮﻑ ﺷﺪﻳﺪ ..
_ﺍﻣﻲ ﺩﺓ ﻛﻼﻡ ﺳﺎﻱ ﻣﺎﺗﺼﺪﻗﻲ ﻛﻼﻣﻲ ..
_خسارة ﺗﺮﺑﻴﺘﻲ ﻓﻴﻚ ﻛﻼﻡ ﺳﺎﻱ ﺍﻧﺎ ﻳﺪﻭﺏ ﻓﻬﻤﺖ ﻛﻨﺖ ﻣﺨﺘﻔﻲ ﺍﻟﻴﻮﻡ ﻛﻠﻮ ﻟﻴﻪ ﺗﻌﻤﻞ ﻛﺪﺓ ﻓﻲ ﺻﺤﺒﻚ ﻋﺸﺎﻥ ﺑﺖ ..
_أﻣﻲ ﺍﻟﻘﺎﻝ ﻣﻨﻮ ﻋﺸﺎﻥ ﺑﺖ ..
_أﺳﻜﺖ ﺩﺍﻳﺮ ﺗﻨﻜﺮ
أﻧﺎ ﻋﺮﻓﺖ ﻭﺩﺍﻟﺰﻳﻦ ﺧﻄﺐ أﻣﻨﺔ ﻭﺩﺓ ﺍﻟﺴﺒﺐ ﺍﻟﺨﻼﻙ ﺗﻌﻤﻞ ﻛﺪﺓ ..
ﻣﻨﺘﺼﺮ ﻭﺍﻟﺼﺎﺩﻕ ﻗﺎﻣﻮا ﺑﺪﻭﻥ ﻣﺎ ﻳﺘﺪﺧﻠﻮ ﻓﻲ ﺍﻟﻨﻘﺎﺵ ﻃﻠﻌﻮ ﺑﺴﺮﻋﺔ ﻣﻦ ﺍﻟﺒﻴﺖ ﻭﻫﻢ ﺑﻔﻜﺮﻭ ﻓﻲ ﺣﻞ ﻳﻘﺪﺭ ﺧﺎﻟﺪ ﻳﻄﻠﻊ ﻣﻦ ﺍﻟﻤﻮﺿﻮﻉ ﻗﺒﻞ ﻣﺎ ﺗﺼﺒﺢ ﻭﺗﺠﻲ ﺍﻟﺸﺮﻃﺔ ﺗﻘﺒﺾ ﻋﻠﻴﻬﻮ ﻟﻮ ﻛﺒﺎﺭ ﺍﻟﺤﻠﺔ ﻣﺎ ﻗﺪﺭﻭ ﻳﻘﻨﻌﻮ ﻭﺩﺍﻟﺰﻳﻦ ﻳﺘﻨﺎﺯﻝ ..

#نواصل...
#نسرينه.....

#دكان_ودﺍﻟﺰﻳﻦ..
بقلم ﻧﺴﺮﻳﻦ ﻣﺤﻤﺪﺍﺩﻡ..
-١٠-
الصادق قال لمنتصر..
#أﻧﺖ ﻋﺎﺭﻑ ﻣﺎﻓﻲ ﺣﻞ ﻏﻴﺮ ﺍﻧﻮ ﺧﺎﻟﺪ ﻳﻄﻠﻊ ﻣﻦ ﺍﻟﺤﻠﺔ ..
_ﻣﻨﻮ ﻭﺍﻟﻠﻪ ﺩﺓ ﻳﻌﻤﻞ ﻟﻴﻚ ﻓﻴﻬﺎ ﺭﺍﺟﻞ ﻭﻣﺎ ﺑﺨﺎﻑ ﻭﺍﺻﻼ ﺍﻧﺖ ﻋﺎﺭﻓﻮ ﻗﻠﺒﻮ ﻣﻴﺖ ﻭﻻ ﺑﺘﻔﺮﻕ ﻣﻌﺎﻫﻮ ..
_طيب ﺍﻟﺤﻞ ﺷﻨﻮ ..
_وﻻ ﺷﻲ ﻏﻴﺮ ﺍﻧﻨﺎ ﻧﺴﺘﻨﺎ ﺑﻜﺮﺓ ﻭﻧﺸﻮﻑ ﺍﻟﺒﺤﺼﻞ ..
ﻛﻠﻬﻢ ﻣﻨﺘﻈﺮﻳﻦ ﺍﻟﺼﺒﺎﺡ ﻣﺘﺄﻣﻠﻴﻦ ﻳﺤﺼﻞ ﻓﻴﻬﻮ ﺧﻴﺮ ﻭﺧﺎﻟﺪ ﺑﻌﺪ ﻛﻼﻡ ﺍﻣﻮ ﻭﻛﻞ ﺷﻲ ﺑﺲ ﻟﺴﺔ ﻓﻲ ﻣﻮﻗﻔﻮ ﻭﻛﺎﻧﻮ ﻣﺎ ﻋﻤﻞ ﺷﻲ .
ﺍﻟﺼﺒﺎﺡ ﺑﺪﺭﻱ..
ﻃﻖ ﻃﻖ ﻃﻖ ﻣﺸﻲ أﺑﻮ ﺧﺎﻟﺪ ﻳﺸﻮﻑ ﻣﻨﻮ ﻟﻘﻲ ﺭﺟﺎﻝ ﺍﻟﺸﺮﻃﺔ ﻭﻫﻮ ﻣﺎﻋﺎﺭﻑ ﺍﻧﻮ ﻭﺩﺍﻟﺰﻳﻦ ﻓﺘﺢ ﺑﻼﻍ ﻓﻲ ﻭﻟﺪﻭ ﻗﺎﻝ ﻟﻴﻬﻢ ﺧﻴﺮ _إن ﺷﺎﺀ ﺍﻟﻠﻪ ﺷﻜﻠﻜﻢ ﻏﻠﻄﺎﻧﻴﻦ ﻳﺎ ﺭﺟﺎﻝ ...
_كيفﻳﺎ ﺣﺎﺝ ﺩﺓ ﻣﺶ ﺑﻴﺖ ﺍﻟﺸﺎﺏ ﺧﺎﻟﺪ ..
_اﻛﻴﺪ ﻭﺍﻧﺎ ﺍﺑﻮﻫﻮ ..
_نحناﻋﻨﺪﻧﺎ ﺍﻣﺮ ﺑﺎﻟﻘﺒﺾ ﻋﻠﻴﻬﻮ ..
ﺧﺎﻟﺪ ﺳﻤﻊ ﻛﻼﻣﻬﻢ ﻛﻠﻮ ﻭﻫﻢ ﺩﺍﺧﻠﻴﻦ ﺍﻟﺒﻴﺖ ﻭﻫﻮ ﻃﻠﻊ ﻣﻦ ﺍﻟﺒﺎﺏ ﺍﻟﺨﻠﻔﻲ ﻋﻠﻲ ﺍﻟﺠﻴﺮﺍﻥ ﺑﻤﺴﺎﻋﺪﺓ ﺍﻣﻮ ﻻﻧﻬﺎ ﻛﺎﻧﺖ ﺧﺎﻳﻔﺔ ﻋﻠﻴﻬﻮ ..
ﻭﺩﺍﻟﺰﻳﻦ ﻭﺻﻠﻮ ﺧﺒﺮ ﺍﻧﻮ ﺍﻣﻨﺔ ﺭﻓﻀﺘﻮ ﺑﻘﻦ ﻋﻠﻴﻬﻮ ﺍﺗﻨﻴﻦ

#نواصل..
#نسرينه...

#دكان_ودﺍﻟﺰﻳﻦ..
بقلم ﻧﺴﺮﻳﻦ ﻣﺤﻤﺪﺍﺩﻡ..
-١١-
_ﻳﺎﺣﺎﺝ ﻭﻳﻦ ﻭﻟﺪﻙ ﺩﺓ ..
_ﺑﻌﺮﻑ ﺩﺓ ﺍﻟﺒﻴﺖ ﻗﺪﺍﻣﻚ ﻓﺘﺸﻮ ...
_اﻓﺘﺶ ﺷﻨﻮ ﺍﻛﻴﺪ ﻫﺮﺑﺘﻮ ﻫﺲ ﺍﻧﺎ ﺑﻌﺮﻑ ﺍﺟﻴﺒﻮ ﻛﻴﻒ . .
ﺍﻡ ﺧﺎﻟﺪ ﺗﺮﺟﻒ . .
ﺯﻭﺟﻬﺎ ﺍﺗﺄﻛﺪ ﺍﻧﻬﺎ ﻫﻲ ﻋﺎﺭﻓﺔ ﺧﺎﻟﺪ ﻣﺸﻲ ﻭﻳﻦ ..
_ﻳﺎﻭﻟﻴﺔ ﻋﻤﻠﺘﻲ ﺷﻨﻮ ﻭﻟﺪﻙ ﻟﻮ ﻏﻠﻂ ﻻﺯﻡ ﻳﺘﻌﺎﻗﺐ ﻭﻃﻠﻌﺘﻮ ﻣﻦ ﺍﻟﺒﻴﺖ ﺑﺎﻟﻄﺮﻳﻘﺔ ﺩﻱ ﺑﺘﺄﻛﺪ ﺍﻧﻮ ﻋﻤﻞ ﻣﺼﻴﺒﺔ ﻭﺍنتي ﻛﻨﺘﻲ ﻋﺎﺭﻓﺔ ﻭﻣﺎ ﻗﻮﻟﺘﻲ ﻟﻲ ...
_اناﺧﺎﻳﻔﺔ ﻋﻠﻲ ﻭﻟﺪﻱ ﺍﻟﻮﺣﻴﺪ ﻭﺍﻟﻠﻪ ﻣﺎ ﺑﺨﻠﻲ ﻳﻘﻀﻲ ﻳﻮﻡ ﻓﻲ ﺍﻟﺴﺠﻦ ..
_ﻫﺲ ﻛﺪﺓ ﺍﻧﺘﻲ ﺳﺎﻋﺪﻳﺘﻬﻮ ﻳﻌﻨﻲ ﻫﻮ ﻟﻮ ﻭﺍﺛﻖ ﻣﻦ ﻧﻔﺴﻮ ﻣﺎ ﺑﻬﺮﺏ ..
_اناﺣﻠﻔﺘﻮ ﻳﻤﺸﻲ ﻭﺍﻟﻠﻪ ﻭﺍﻟﻠﻪ ﻭﻟﺪﻱ ﺭﺍﺟﻞ ﻣﺎ ﺑﺨﺎﻑ ﺑﺲ ﺳﻤﻊ ﻛﻼﻣﻲ ..
_ﻧﺸﻮﻑ ﺍﺧﺮﺗﺎ ﻣﻌﺎﻙ ﺍﻧﺘﻲ ﻭﻭﻟﺪﻙ ﺍﻟﻤﺪﻟﻊ ﺍﻛﺘﺮ ﻣﻦ ﺍﺧﻮﺍﺗﻮ ﺩﺓ ﺍﻛﻴﺪ ﺑﺪﺧﻠﻨﺎ ﻓﻲ ﻣﺸﺎﻛﻞ ﻣﺎ ﻟﻴﻬﺎ ﺍﻭﻝ ﻭﻻ ﺍﺧﺮ ﺍﻧﺎ ﻃﺎﻟﻊ ﺍﺷﻮﻑ ﺍﺗﺼﺮﻑ ﻛﻴﻒ ﻓﻲ ﺍﻟﻤﺼﻴﺒﺔ ﺩﻱ ..
ﻣﻨﺘﺼﺮ ﻣﺸﻲ ﻟﻮﺩ ﺍﻟﺰﻳﻦ ﻭﺿﻌﻮ ﻳﻐﻨﻲ ﻋﻦ ﺍﻟﺴﺆﺍﻝ ﻣﺤﻄﻢ ﻟﻼﺧﺮ ..
_ياﺻﺤﺒﻲ ﻳﺎﺥ ﻛﻔﺎﻳﺔ ﻛﺪﺓ ﻋﻠﻴﻚ ﺍﻟﻠﻪ ﺭﺩ ﻋﻠﻴﻨﺎ ﺍﻟﺪﻛﺎﻥ ﻓﺪﺍﻙ ﺍﻧﺖ ﻃﻠﻌﺖ ﺭﻭﺣﻚ ﻭﺑﻌﺪﻳﻦ ﺍﻧﺖ ﻭﺧﺎﻟﺪ ﺍﺻﺤﺎﺏ ﻣﻬﻤﺎ ﺣﺼﻞ ﺑﻴﻨﻜﻢ ..
_لاﻳﺎ منتصر ﺩﺓ ﻣﺎ ﺧﺎﻟﺪ ﺍﻟﺒﻌﺮﻓﻮ ﻳﺎﺥ ﻭﺍﻟﻠﻪ ﻟﻮ ﻛﻨﺖ ﻋﺎﺭﻑ ﻣﻤﻜﻦ ﻳﺤﻘﺪ ﻋﻠﻲ ﻛﺪﺓ ﻣﺎ ﻛﺎﻥ ﻣﺸﻴﺖ ﻗﻮﻟﺖ ﺍﺧﻄﺐ ﺍﻟﺒﺖ ﺩﻱ ﺍﻫﻮ ﺍﺻﻼ ﻟﻮ ﺍﻧﺘﻈﺮ ﺳﺎﻋﺎﺕ ﻛﺎﻥ ﻋﺮﻑ ﺭﺩﻫﺎ ﺷﻨﻮ ..
_ﻛﺪﻱ ﺍﻧﺖ ﻗﻮﻝ ﺧﻴﺮ ﻭﺍﻣﺸﻲ ﺍﺗﻨﺎﺯﻝ ﻋﻦ ﺍﻟﺒﻼﻍ ﻭﺑﻌﺪﻫﺎ ﻧﺸﻮﻑ ﺍﻟﺒﺤﺼﻞ ...
_انا ﻛﺎﻥ ﺍﺗﻨﺎﺯﻟﺖ ﺑﺎﺧﺪ ﺣﻘﻲ ﺑﻴﺪﻱ ﻭﻣﻤﻜﻦ ﺍﻗﺘﻠﻮ ..
_ياخ ﺍﻧﺘﻮ ﺍﻻﺗﻨﻴﻦ ﺷﻔﻊ ﺑﺴﺒﺐ ﺑﺖ ﺗﻮﺻﻠﻮ ﻟﻲ ﻛﺪﺓ ﻭﺑﻌﺪﻳﻦ ﺍﻧﺖ ﻏﻠﻄﺔ ﻻﻧﻚ ﻋﺎﺭﻑ ﺍﻟﺒﺖ ﺩﻱ ﺑﺤﺒﻬﺎ ﻗﺪﺭ ﺷﻨﻮ ..
_هوي ﻋﻨﺪﻙ ﻛﻼﻡ ﺩﺍﻳﺮ ﺗﻘﻮﻟﻮ ﻗﻮﻝ ﻣﺎ ﻋﻨﺪﻙ ﻗﻮﻡ ﺍﻣﺸﻲ ﺷﻮﻑ ﺻﺤﺒﻚ ﺧﻠﻲ ﻳﻈﻬﺮ ﻻﻧﻮ ﻟﻮ ﻭﻗﻊ ﻓﻲ ﻳﺪﻱ ﻣﺎ ﻣﻌﺮﻭﻑ ﺍﻟﺒﺤﺼﻞ ..
ﺟﺎ ﺧﺎﻟﺪ ﺩﺍﺧﻞ ﻋﻠﻴﻬﻢ ﻗﺒﻞ ﻣﺎ ﻳﻘﻮﻡ ﻣﻨﺘﺼﺮ ..

#نواصل...
#نسرينه..

#دكان_ودﺍﻟﺰﻳﻦ
بقلم ﻧﺴﺮﻳﻦ ﻣﺤﻤﺪﺍﺩﻡ...
-١٢-
#ﺍﻫﺎ ﺩﺍﻳﺮ ﺗﻌﻤﻞ ﺷﻨﻮ ﺍﻧﺎ ﻗﺪﺍﻣﻚ ﺭﺍﺟﻞ ﻟﺮﺍﺟﻞ ..
ﻣﻨﺘﺼﺮ قال ليوو
_ﻳﺎﺯﻓﺖ ﺍﻧﺖ ﺍﻟﺠﺎﺑﻚ ﻫﻨﺎ ﺷﻨﻮ ..
_انت ﺍﻃﻠﻊ ﻣﻨﻬﺎ ﺍﻟﺤﺴﺎﺏ ﺑﻴﻨﻲ ﻭﺑﻴﻨﻮ ﺍﻧﺖ ﺍﻣﺸﻲ ﻣﻦ ﻫﻨﺎ ..
ﻭﺩﺍﻟﺰﻳﻦ ﻗﺎﻡ ﻣﻦ ﺳﺮﻳﺮﻭ ﻣﺴﻚ ﻓﻲ ﺧﺎﻟﺪ ﺍﻛﺘﺮ ﻣﻦ ﻋﺸﺮﺓ ﺩﻗﺎﻳﻖ بضاربوا ..
ﻣﻨﺘﺼﺮ ﻣﺎ ﻗﺪﺭ ﻋﻠﻴﻬﻢ ﺍﻻﺗﻨﻴﻦ ﻭﻗﻌﻮﻩ ﻓﻲ ﺍﻻﺭﺽ ﻭﺑﺼﻮﺕ ﻋﺎﻟﻲ ﻳﻜﻮﺭﻙ :
_ﻳﺎﺍﺍﺍﺍﺍﺍﺍﺍﺍﺍﺍ ﻭﺩﺍﻟﺰﻳﻦ ﺍألعن ﺍﻟﺸﻴﻄﺎﻥ ﺭﺟﻊ ﺍﻟﺴﻜﻴﻦ .. ودالزين
ﻭﻗﺘﻬﺎ ﻻ ﺑﺸﻮﻑ ﻭﻻ ﺑﺴﻤﻊ ﻃﻌﻦ ﺧﺎﻟﺪ ﺑﺪﻭﻥ ﻣﺎ ﻳﺸﻌﺮ ﻗﻌﺪ ﻓﻲ ﺍﻟﻮﺍﻃﺔ ﻳﺒﻜﻲ ﺑﺎﻋﻠﻲ ﺻﻮﺕ ﻟﻴﻬﻮ
‏( ﻗﺘﻠﺘﻮﻭﻭ ‏) ‏( ﺍﺧﺪﺗﺎ ﺣﻘﻲ ﻣﻨﻮ ‏) ﻭﻣﻨﺘﺼﺮ ﻓﻘﺪ ﻋﻘﻠﻮ ﻭﺑﻘﻰ ﻭﺍﻗﻒ ﻓﻲ ﻣﻜﺎﻧﻮ ﻣﺎ ﻗﺎﺩﺭ ﻳﺘﺤﺮﻙ ﻣﻦ ﻟﻤﺎ ﺍﻟﺪﻳﻮﺍﻥ ﺍﺗﻤﻼ ﻧﺎﺱ الحله و ﺍﻟﺸﺮﻃﺔ ﻟﻘﻮ خالد ﻏﺮﻗﺎﻥ ﻓﻲ ﺩﻣﻮ ﻗﺒﻀﻮ ﻋﻠﻲ ﻭﺩﺍﻟﺰﻳﻦ ﻭﺍﻟﻜﻮﺍﺭﻳﻚ ﻣﻠﺖ ﺍﻟﺤﻠﺔ ..
ﺍﻣﻨﺔ ﻣﺎ ﺟﺎﻳﺒﺔ ﺧﺒﺮ ﺍﻟﺒﺤﺼﻞ .. ﺑﺘﺘﻮﻧﺲ ﻣﻊ ﻋﺒﺪﺍﻟﻘﺎﺩﺭ ..
_ماﺣﻜﻴﺖ ﻟﻴﻚ ﺍﻟﺤﺼﻞ ﻭﺩ ﺍﻟﺰﻳﻦ ﺍﻣﺲ ﺧﺎﻟﺪ ﺣﺮﻕ ﻟﻴﻬﻮ ﺍﻟﺪﻛﺎﻥ ﺑﺴﺒﺐ ﺍﻟﺨﻄﻮﺑﺔ ﻫﻬﻬﻬﻬﻬﻬﻬﻬﻪ ..
* ﻫﻬﻬﻬﻬﻬﻬﻬﻪ ﺗﻀﺤﻜﻲ ﺍﻧﺘﻲ ﺍﻟﺴﺒﺐ ﻳﺎﺥ ﺩﻳﻞ ﻣﺠﺎﻧﻴﻦ ﻗﺒﻞ ﻣﺎ ﻳﺘﺸﺎﻛﻠﻮا ﻛﺎﻥ ﻳﻌﺮﻓﻮ ﺭﺍﻳﻚ ﺍﻭﻻ ..
_ﺍﻟﻤﻬﻢ ﺍﻧﺖ ﻛﻴﻒ ﻭﺍﻟﺠﺪﻳﺪ ..
ﺍﻧﺎ ﺗﻤﺎﻡ ﻭﺍﻟﺠﺪﻳﺪ ﺍﻧﻲ ﺟﺎﻱ ﺍﻟﺤﻠﺔ ﺑﻌﺪ ﺑﻜﺮﺓ ..
_ﺍﺣﻠﻲ ﺧﺒﺮ ..
ﻗﺒﻞ ﻣﺎ تتم كلاما ﺟﺎﺕ ﺍﺧﺘﻬﺎ ﺍﻟﺼﻐﻴﺮﺓ ..ﺍﻣﻞ ..
_اﻣﻮﻧﺔ ﺍالحقي ﻭﺩﺍﻟﺰﻳﻦ ﻗﺘﻞ ﺧﺎﻟﺪ ..
_سجمي ﺷﻨﻮ ﺷﻨﻮ , ﻋﺒﺪﻭ ﺑﺮﺟﻊ ﻟﻴﻚ ..
ﺷﺎﻟﺖ ﻋﺒﺎﻳﺘﺎ ﺟﺮﻱ ﻋﻠﻲ ﺑﻴﺖ ﻧﺎﺱ ﺧﺎﻟﺪ ﻣﺎ ﺑﻴﻌﻴﺪ ﻣﻨﻬﻢ ﺷﺪﻳﺪ ﻋﺸﺎﻥ ﺗﻌﺮﻑ ﺍﺻﻞ ﺍﻟﺨﺒﺮ ﺻﺢ ﻭﻻ ﻻ ...
#نواصل...
#نسرينه...

#دكان_ودﺍﻟﺰﻳﻦ
بقلم ﻧﺴﺮﻳﻦ ﻣﺤﻤﺪﺍﺩﻡ ...
-١٣-
ﻋﺸﺮ ﺩﻗﺎﻳﻖ ﻭﺻﻠﺖ ﺍﻣﻨﺔ ﻟﻘﺖ ﺍﻟﺪﻧﻴﺎ ﻗﺎﻳﻤﺔ ﻫﻨﺎﻙ ﺻﻮﺕ ﺍﻟﻨﺴﻮﺍﻥ ﻣﻦ ﺑﻌﻴﺪ ﻳﻜﻮﺭﻛﻦ ‏( ﻳﺄﺣﻠﻴﻠﻮ ﺷﺎﺏ ﻣﺎ ﻳﺴﺘﺎﻫﻞ ‏) ..
‏( ﻭﺏ ﻋﻠﻴﻨﺎ ﺍﻟﻠﻴﻠﺔ ﻭﻭﻭﻭﺏ ‏) .. ‏( ﻭﺩﺍﻟﺰﻳﻦ ﺿﻴﻊ ﻧﻔﺴﻮ ‏) ..
ﻛﺎﻧﻮ ﻣﺎﺕ ﺧﺎﻟﺪ ﻭﺍﺗﻌﺪﻡ ﻭﺩﺍﻟﺰﻳﻦ ﺍﻟﺒﺴﻤﻊ ﺻﺮﻳﺦ ﻣﻦ ﺑﺮﺍ بقول كده..
ﺣﺎﺝ ﻣﻀﻮﻱ جا داخل :
_يا ﻧﺴﻮﺍﻥ ﺍﺳﻜﺘﻦ ﻛﻞ ﻭﺣﺪﺓ فيكن ﺗﻤﺸﻲ ﻋﻠﻲ ﺑﻴﺘﺎ ﻳﻼ ﺍﺳﻜﺘﻮ ﻣﺎ ﺟﺎﻳﺒﺎﺕ ﺍﻟﺒﻼﻭﻱ ﺍﻻ ﺍﻧﺘﻦ ...
ﺍﻣﻨﺔ ﻟﺴﺔ ﻭﺍﻗﻔﺔ ﻓﻲ ﻣﻜﺎﻧﺎ ﻣﺎ ﻗﺎﺩﺭﺓ ﺗﺘﺤﺮﻙ ﻛﺎﻧﺖ ﻣﺼﺪﻭﻣﺔ ﻭ ﺗﺘﻜﻠﻢ ﺑﺮﺍﻫﺎ ‏( ﺩﺓ ﻛﻠﻮ ﺣﺼﻞ ﺑﺴﺒﺒﻲ ﻳﺎﺍﺍﺍﺭﺏ ‏) ..
و
ﺧﺎﻟﺪ ﻟﺴﺔ ﻓﻲ ﺍﻟﻌﻤﻠﻴﺔ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ ﻭﺍﻟﻨﺴﻮﺍﻥ ﺗﺎﻧﻲ ﻫﻨﺎﻙ ﻗﻠﺒﻦ ﺍﻟﻤﺴﺘﺸﻔﻲ ﺑﻴﺖ ﺑﻜﺎ ﻟﻤﺎ ﻃﻠﻌﻮﻫﻢ ﻛﻠﻬﻢ ﻏﻴﺮ ﺍﻣﻮ ﻭﺧﺎﻟﺘﻮ ..
ﻭﺩﺍﻟﺰﻳﻦ ﻟﺴﺔ ﻓﻲ ﻣﺮﻛﺰ ﺍﻟﺸﺮﻃﺔ ﻭﻗﺪﺭ ﻣﺎ ﺣﺎﻭﻟﻮ ﻧﺎﺱ ﺍﻟﻠﺠﻨﺔ ﻳﻄﻠﻌﻮ ﺑﺲ ﺍﻟﻀﺎﺑﻂ ﺭﻓﺾ ﺍﻻ ﻟﻤﺎ ﻳﻌﺮﻓﻮ ﻧﻬﺎﻳﺔ ﺧﺎﻟﺪ ﺷﻨﻮ ..
ﻋﺪﺍ ﻋﻠﻲ ﺧﺎﻟﺪ ﻳﻮﻡ ﻛﺎﻣﻞ ﻟﺴﺔ ﻣﺎ ﻓﺘﺢ ﺑﻌﺪ ﺍﻟﻌﻤﻠﻴﺔ ..
ﺍﻣﻨﺔ ﻣﺸﺖ ﻟﺸﻴﻤﺎﺀ ﻭﻫﻲ ﺯﻋﻼﻧﺔ ﻣﻦ ﻧﻔﺴﻬﺎ ﺷﺪﻳﺪ ..
_يا بت ﻣﺎﻟﻚ ﻋﺎﻣﻠﺔ ﻛﺪﺓ ﻭﺷﻚ ﺍﻟﺘﻘﻮﻝ ﻣﺎ ﻧﻤﺘﻲ ﻟﻴﻚ ﺷﻬﺮ ..
_ياخ ﺍﻧﺎ ﺍﻟﺴﺒﺐ ﻓﻲ ﻛﻞ ﺍﻟﺤﺼﻞ ﺩﺓ ...
_ﺍﻧﺘﻲ ﺍﻟﺴﺒﺐ ﺷﻨﻮ ﻣﺸﻴﺘﻲ ﻗﻮﻟﺘﻲ ﻟﻲ ﺧﺎﻟﺪ ﺑﺤﺒﻚ ﻭﻻ ﻭﺩﺍﻟﺰﻳﻦ ﻳﺠﻲ ﻳﺨﻄﺒﻚ ﺍﻻﺗﻨﻴﻦ ﻣﺠﺎﻧﻴﻦ ﺿﻴﻌﻮﺍ ﺭﻭﺣﻬﻢ ﺑﺮﺍﻫﻢ ...
_وﺍﻟﻠﻪ ﺍﻧﺎ ﻋﺎﺭﻓﺔ ﺑﺲ ﻣﺎ ﻗﺎﺩﺭﺓ ﺍﺯﻳﺢ ﺍﻻﺣﺴﺎﺱ ﻣﻦ ﺟﻮﺍﻱ ...
_حبيبه ﻣﺎ ﺗﺨﺎﻓﻲ ﻭﺍﻟﻠﻪ ﺧﺎﻟﺪ ﺑﺒﻘﻲ ﻛﻮﻳﺲ ﻭﺩﺍﻟﺰﻳﻦ ﺭﺟﺎﻝ ﺍﻟﺤﻠﺔ ﺑﻄﻠﻌﻮا ﻣﻨﻬﺎ ﺍﺻﺒﺮﻱ ﺑﺲ ﺍﻟﻠﻪ ﻳﻌﺪﻱ ﺍﻟﻴﻮﻡ ﺩﺓ ﻋﻠﻲ ﺧﻴﺮ ...
_ﺷﻴﻤﺎﺀ ﺗﺘﺬﻛﺮﻱ ﺍﻳﺎﻡ ﺯﻣﺎﻥ ﻟﻤﺎ ﻛﻨﺎ ﺑﻨﻠﻌﺐ ﻣﻌﺎﻫﻢ ﺑﺎﻟﻄﻴﻦ ﻭﺑﺎﻟﻠﻴﻞ ﺑﺎﻟﻘﻤﺮﻱ ﻭﻭﻭﻭ ...
._ﺍﻣﻨﺔ ﺍﺳﻜﺘﻲ ﻳﺎﺥ ﻋﻠﻴﻚ ﺍﻟﻠﻪ ﻣﺎ ﺗﻮﺟﻌﻲ ﻗﻠﺒﻲ ﺍﻛﺘﺮ ﻣﺎ ﻗﺎﺩﺭﺓ ﺍﺳﺘﻮﻋﺐ ﺍﻧﻬﻢ ﻳﺼﻠﻮ ﻟﻲ ﻣﺮﺣﻠﺔ ﺯﻱ ﺩﻱ ﻭﺗﻔﻜﻴﺮﻫﻢ ﺑﻌﺪ ﻣﺎ ﻛﺒﺮﻭ ﻳﺘﻐﻴﺮ ﻛﺎﻧﻮ ﺑﺨﺎﻓﻮ ﻋﻠﻴﻨﺎ ﻭﺑﻘﻮﻟﻮ ﺑﻘﺘﻠﻮ ﺍﻱ ﻭﻟﺪ ﻣﻦ ﺍﻭﻻﺩ ﺍﻟﺤﻠﺔ ﺍﻟﻔﻮﻕ ﻟﻮ ﻏﻠﻂ ﻓﻴﻨﺎ ﻫﺲ ﺑﻘﺘﻠﻮ ﺑﻌﺾ ﻋﺸﺎﻥ ﻭﺣﺪﻩ ﻣﻨﻨﺎ ..
_انا ﻣﺎﺷﺔ ﺑﻴﺘﻨﺎ ...
_عايزة ﺗﻬﺮﺑﻲ ﻣﻨﻲ ﺗﻤﺸﻲ ﺗﺒﻜﻲ ﺑﺮﺍﻙ ﺻﺢ ..
_انتي ﻋﺎﺭﻓﺔ ﻋﺎﺩﺗﻲ ﻣﺎ ﺑﺨﻠﻴﻬﺎ ﻳﻼ ﺑﻜﺮﺓ ﻧﺘﻼﻗﺔ ﻭﺭﺑﻨﺎ ﻳﺴﻬﻞ ﺍﻻﻣﻮﺭ .

#نواصل..
#نسرينه..

#دكان_ودﺍﻟﺰﻳﻦ..
بقلم ﻧﺴﺮﻳﻦ ﻣﺤﻤﺪﺍﺩﻡ
-١٤-
ﻟﺴﺔ ﺍﻫﻞ ﺧﺎﻟﺪ ﻓﻲ ﺍﻟﻤﺴﺘﺸﻔﻲ ﻣﻨﺘﻈﺮﻳﻦ ﻋﻠﻲ ﺍﻣﻞ ﺍﻧﻮ ﻳﻔﺘﺢ ﻭﻳﻘﺪﺭﻭا يطمئنو ﻋﻠﻴﻬﻮ ﺑﺲ ﺿﺮﺑﺔ ﺍﻟﺴﻜﻴﻨﺔ ﻛﺎﻧﺖ ﻗﺮﻳﺒﺔ ﻟﻠﻘﻠﺐ ﺑﺲ ﺍﻟﺪﻛﺘﻮﺭ ﻃﻤﻨﻬﻢ ﻋﻠﻲ ﺣﺎﻟﺘﻮ ﺳﺎﻋﺎﺕ ﻭﺑﻘﺪﺭﻭا ﻳﺘﻜﻠﻤﻮ ﻣﻌﺎﻫﻮ ﻣﻨﺘﺼﺮ ﻭﺍﻟﺼﺎﺩﻕ ﻭﺍﻳﻤﻦ ﻭﻣﺪﺛﺮ ﻛﻞ ﺯﻭﻝ ﻓﻴﻬﻢ ﺑﻌﺎﻳﻦ ﻟﻠﺘﺎﻧﻲ ﻭﻣﺎ ﻗﺎﺩﺭﻳﻦ ﻳﻌﻤﻠﻮا ﺷﻲ ﻏﻴﺮ ﺍﻧﻮ ﻛﻞ ﻭﺍﺣﺪ ﻣﻨﻬﻢ ﺑﻠﻮﻡ ﻧﻔﺴﻮ ﻟﻮ ﻛﺎﻧﻮ ﺍﺻﺪﻗﺎﺀ ﺑﺠﺪ ﻣﺎ ﻛﺎﻥ ﺣﺼﻞ ﻻﺻﺤﺎﺑﻬﻢ ﻛﺪﺓ ﻣﻦ ﺍﻟﺒﺪﺍﻳﺔ ﻋﺎﺭﻓﻴﻦ ﻧﻴﺔ ﻭﺩﺍﻟﺰﻳﻦ ﺑﺲ ﻣﺎ ﻗﺪﺭﻭ ﻳﻤﻨﻌﻮﻫﻮ بتمنيذوا ﻟﻮ ﻛﺎﻥ ﻣﻨﻌﻮﻫﻮ ..
ﺑﻌﺪ ﺻﻼﺓ ﺍﻟﺼﺒﺢ ﺑﺴﺎﻋﺔ ﺍﻟﻤﻤﺮﺿﺔ ﺟﺎﺕ ﻣﺎﺭﺍ ﻋﻠﻲ ﺧﺎﻟﺪ ﻟﻘﺘﻮ ﻓﺘﺢ ﻋﻴﻮﻧﻮ ﺑﺤﺎﻭﻝ ﻳﺘﻜﻠﻢ ﺑﺲ ﻣﺎ ﻗﺎﺩﺭ ﺑﺴﺮﻋﺔ ﻣﺸﺖ ﻧﺎﺩﺕ ﺍﻟﺪﻛﺘﻮﺭ ﺍﻟﻤﻨﺎﻭﺏ ﻗﺒﻞ ﻣﺎ ﻳﺠﻲ ﺍﻟﺪﻛﺘﻮﺭ ﺟﺮﻯ ﺍﻫﻠﻮ ﺍﻟﺠﻮ ﻋﺸﺎﻥ ﻳﻄﻤﻨﻮ ﻋﻠﻴﻪ ﺩﺧﻠﻮ ﺍﻟﻐﺮﻓﺔ ﺍﻣﻮ ﻣﺎ ﺻﺪﻗﺖ ﺍﻧﻬﺎ ﺷﺎﻓﺘﻮ ﺍﺧﻴﺮﺍ ﺑﻘﺎ ﻛﻮﻳﺲ ﺟﺎ ﺍﻟﺪﻛﺘﻮﺭ ﻗﺎﻝ ﻟﻴﻬﻢ ﺑﻌﺪ ﺳﺎﻋﺎﺕ ﻣﻤﻜﻦ ﻳﺨﺮﺟﻮﻫﻮ ﻟﻮ ﺣﺎﻟﺘﻮ ﺍﺗﺤﺴﻨﺖ ﺍﻛﺘﺮ ..
ﺍﻫﻞ ﻭﺩﺍﻟﺰﻳﻦ ﻣﺎ ﺻﺪﻗﻮ ﺧﺎﻟﺪ ﺑﻘﺎ ﻛﻮﻳﺲ ﺑﻌﺪ ﻣﺎ ﻭﺻﻠﻬﻢ ﺍﻟﺨﺒﺮ ﻟﻜﻦ ﺍﺑﻮ ﺧﺎﻟﺪ ﻣﻮﻗﻔﻮ ﻣﺨﺎﻟﻒ ﻟﺮﺟﺎﻝ ﺍﻟﺤﻠﺔ ﻭﻫﻮ ﺑﺮﺩ ﻋﻠﻲ ﻛﻼﻫﻢ ﻓﻲ ﺍﻟﺼﻠﺢ ..
_ﻋﻠﻲ ﺑﺎﻟﻄﻼﻕ ﻣﺎ ﺍﺗﻨﺎﺯﻝ ﻭﻟﺪﻱ ﺩﻣﻮ ﻟﺴﺔ ﻓﻲ ﺍﻻﺭﺽ ﻫﺪﺍﻙ ﺭﺍﻗﺪ ﻣﺎ ﻣﻌﺮﻭﻑ ﻣﺼﻴﺮﻭ ﺷﻨﻮ ..
ﺣﺎﺝ ﺣﺴﻦ :
_ﻳﺎﺍﺧﻮﻱ ﺑﺘﺼﻌﺐ ﺍﻻﻣﻮﺭ ﻟﻲ ﻧﺤﻨﺎ ﺑﻨﺤﻠﻬﺎ ﺑﻴﻨﺎ ﺑﺪﻭﻥ ﻣﺎ ﺗﺘﺪﺧﻞ ﺍﻟﺸﺮﻃﺔ ﻭﻋﺸﺎﻥ ﺍﻟﻤﺸﺎﻛﻞ ﺗﻘﻴﻒ ﻫﻨﺎ ﻭﻣﺎ ﺗﻤﺸﻲ ﻟﻘﺪﺍﻡ ﻣﺎ ﻣﻌﺮﻭﻑ ﺍﻟﻤﻮﺿﻮﻉ ﺩﺓ ﻳﻨﺘﻬﻲ ﻋﻠﻲ ﺷﻨﻮ ﺣﺮﻳﻖ ﻭﻣﺤﺎﻭﻟﺔ ﻗﺘﻞ ﺩﻩ ﺷﻲ ﻣﺎ ﻛﻨﺎ ﺑﻨﻌﺮﻓﻮ ..
ﻗﺪﺭ ﻣﺎ ﺣﺎﻭﻟﻮ ﻣﻌﺎﻫﻮ ﺭﻓﺾ ﻳﺘﻨﺎﺯﻝ ﻋﻦ ﺣﻖ ﻭﻟﺪﻭ ﺑﻌﺪ ﺛﻼﺛﺔ ﺍﻳﺎﻡ ﺍﻭﻝ ﻛﻼﻡ ﺧﺎﻟﺪ .. _يابا ﺍﻣﺸﻲ ﺍﺗﻨﺎﺯﻝ ﻭﻃﻠﻊ ﻭﺩﺍﻟﺰﻳﻦ ﻣﻦ ﺍﻟﺴﺠﻦ ..
_كيفين ﻳﺎ ﻭﻟﺪ ﺟﻨﻴﺖ ﺍﻧﺖ ﺩﻣﻚ ﺍﻟﺴﺎﺡ ﺩﻩ ﻣﻮﻳﺔ ﻭﻻ ﺷﻨﻮ ..
_يابا ﺍﻧﺎ الغلطان ﻭﺍﻟﺸﻴﻄﺎﻥ ﻗﺪﺭ ﻳﻮﻗﻌﻨﻲ ﻓﻲ ﺣﺒﺎﻟﻮ ﺍﻣﺸﻲ ﺍﺗﻨﺎﺯﻝ .. خالد ما قال كده عشان ندم لا
ﻭﻗﺘﻬﺎ كان ﺑﻔﻜﺮ ﺍﻧﻮ ﻳﺎﺧﺪ ﺣﻘﻮ ﻣﻦ ﻭﺩﺍﻟﺰﻳﻦ ﺑﻨﻔﺴﻮ ﺗﺎﻧﻲ ﻭﻳﻜﺮﺭ ﻧﻔﺲ ﺍﻟﻐﻠﻂ ﻻﺯﻡ ﻳﻄﻌﻨﻮ ﻫﻮ ﺯﺍﺗﻮ ..


#نواصل..
#نسرينه...