ناس تحنس و ترفض✨ وافقته طوالي حسيت ربنا عالم بحالي و رسل لي صحبتي دي تعزمني في الوقت ده بالذات✨💓.... لمن وصلنا هناك من بعيد شوفته محمد ايوة محمد اخوي زاتو نفس اللبسه الحضرتها ليهو💔✨ لقيتو قاعد مع حبيبتو مشتري ليها ايسكريم الحجم الكبير بيونس فيها و هي بتضحك .... ما اكذب غرته منها شديد منو القال الغيرة بين البحبو بعض بس !.. لااا غيرة الإخوان اكعب وأصعب و حااااره علي القلب ✨💔.... في نظرتي ليهم لقيتو جايب ليها كيس هديه !! ... انا اذا شحتو ساي ما بيجيب لي ! ليه يا محمد ليه !! انا ما عدوتك انا اختك الوحيده !!✨ انا الكان نفسي اقعد معاك القعدة دي أن شاء الله ربع ساعه ... مشيت عليه طوالي وانا من دموعي ما شايفه حاجه 😢💔 لمن وقفته قصادهم هو اتخلع قال لي اجابك هنا شنو ! جيتي مع منو في الوقت ده !.... ضحكته باستهتار قلته ليه الجابني شنو !! جابني القدر عشان اشوف شغلك! جابني عشان اشوف بتدلع في بنات الناس وناسي اختك💔...انا اختك الوحيده جادعها ولا شغال بيها ولا بتسال الحاصل معاه شنو! ولا بتفقدني ...💔..واصلت وسط شهقات بكاها! انته عارف كان نفسي مرة واحد تجي تتونس معاي ساي .. نفسي انته ماتخذلني ما تنساني لمن اقول ليك جيب لي معاك حاجه ! ... انته عارف انا كنته بفرح لمن تقول لي اكوي ...💔 .. بفرح لمن تجي تتونس تضحك تتعاور معاي بس انته كنته حارمني من الكلام ده كلو💔✨ عاينته لي امل ...و قلته ليها ربنا كريم معاك اداك إخوان و تومه معاك طوالي وأداك محمد 💔.... عاينته لي محمد خلي أمل تبقى ليك الاخت و الحبيبه و كلو بس من الليله انا ميته عندك😔💔.....و جريت
واااااصل محمد وقال :-
ما كنته مصدق دي اختي البتتكلم ده كلو كاتماهو!! ....اذكرته نظراتها لي لمن اقول ليها نسيتك! لمن شاكلتها في النوتيلا .. ونزلت لي رأسها 💔✨ قلبي وجعني شديد اتخيلته شعورها وانا بقول ليها مافي أهم من أمل معقوله انا كنته ظالمها كده ... انا كنته بي البرود ده معاها هي عملت لي شنو ! عشان اعاملها كده زنبها انو ربنا ما ابتلاه بي غيري ! زنبها شنو تتعذب بى سببي كده ! بدل أكون ليها الاخو والسند بقيت ليها هم وحزن وتعاسه ده كل انا عملتو💔✨ احتقرته نفسي شديد وكرهتها !! ....لمن جرت غلبني اجري وراه اجري اقول ليها شنو بى ياتو حق ح أتكلم ... .. " لمن يبدا زول يتكلم عن الكاتمو ليك كل ...ساعتها حتى السكوت بيحرقك بتلقى نفسك صغير قدام الزول ده "
....رجعته البيت بالهفة و خوف.. ولقيتها ماف !!! كيف مافي وانا شوفتها طالعه ! ....قلبي اتقبض خفته يكون حصلت ليها حاجه !!! ياااارب دي اختي الوحيده !!💔! .. مشيت لي امي سألتها مشت مع منو ! قالت لي مع صحبتها ..قلت بتكون عندها جريت عشان اشوفها وقفني صوت امي وهي بتقول لي لو اختك دي حصل ليها حاجه ذنبها في رقبتك !! انته ما بتخاف ربك هسي لو ماتت !!!💔
عاينته لي امي و جريت جري زول مجنون ........بالجد انا كنته اناني معاها لا بطلعها لا بخليها تطلع! كنته بعرف ليها بس في الطلعات .... معقوله كنتا معمي منها لدرجه دي!💔✨.... لمن وصلت بيت صحبتها اتصلته عليها حلفت كان ترد علي ! ولا كضبته دقيت الباب ليهم جاني أخوه قلت ليهو نادي لي اختي .... لمن جاتني وشوفته وشه واقع من البكى .. حضنته طوالي ..قلت ليها انا اخوك حسيتها زي البتقول لي اخوي هسي ! 💔✨.....
..
من الموقف داك في حاجه انكسرت جواها بقت ما زي زمان ... لمن اجي و أقول ليها اكوي لي بتكوي لي طوالي من دون كلام من دون مصلحه 💔✨ حتي لمن أجيب ليها نوتيلا البتحبها كلمة شكرا حاسيها بتقولها بالعافيه .... فوق ده كلو بجي راجع و بلقا النوتيلا في التلاجه زي ما هي. .. لمن اجي اسوقها لي الجامعه ولا كأنها معاي برود وسكوت كده زي البقت ما فارقه معاها..... امي كانت بتقول لي اصبر زي ما هي صبرت عليك 💔✨
آمنته يادوب انو البت لمن تبدأ تضيع من يدك بضيع معاها حاجات كتيره سمحه ما بنقدرها من البداية فبتجي تقدرنا ندمينا كده في النهايه"
.....حاولته كتير ارجعها زي زمان كنته عارف انها طيبه بس كيف ترجع !!!💜✨ لحدي ما جاء يوم عيد ميلادها بتذكر وقتها ساهرته الليل كلو وانا بحضر ليها لحدي ما اتوفقته و الحمد لله رضت عني 💜✨ بذكر زعلت لمن قلت ليها خليت أمل سالتني قالت لي ما يكون بي سببي💔✨ قلته ليها لاااا لكن طلعت ماديه شديد وبعدين اذا هي ح تحرمني منك انا فحراام علي أحبها ✨ شوفته الفرح في عيونها 💜✨ و قلته ليها و ازيدك كمان انا داير صحبتك شوفيها لي😹😹😹❤ قالت لي يا كلب بالسرعه دي😒😹💦 قلت ليها شوفيها لي يااااخ🐸💦......
و رجعنا زي زمان ❤✨

#النهايه
...#خربشه
انا ما بقول ليكم ما تحبو حبو بكل تفصيل الحب ❤✨ بس ما تكرسو حياتكم كلها ليهو ! ما تخليكم اتجاه واحد.... شوف أمك وأبوك و اخوانكم اصحابكم💜✨ لانو صدقوني في الوقت الح تفتحو عيونكم ح تلقوهم مافي أو باردين معاكم و تجو تنفسنو تقولو اتخلو عننا✨💜 "الوصية بي المه

#عاشقة_العناد
بقلم noor.
٦-
دخلنا عليها لقيتها مرميه علي الارض جريت عليها لقيت في دم مارق من خشمها بقيت مخلوعه وساكته جو النسوان غطوها وفي راجل كده شالها اما انا فهبطه وسكري انخفض ودخته صحيت لقيت نفسي في غرفه ومركبين لي درب سمعت بكى من بره فكيت الدرب ونزلته وجريت بره لقيت ناس بتبكى ومن بينهم كان واقف ياسر جريت عليهو وانا حفيانه مسكتو ولفتو علي
ريله:وين شهد😨؟!
ياسر:شهد😢
ريله:انقط وينها😠
ضماني عليهو وبكى بي قوه كده
ياسر:شهد مشت وخلتني بعد ما وعدتني انو حتنسي اي حاجه خلتني ومشت 😭😭💔
حرفيا كان بيبكي زي الشافع 😢💔😭
اما انا فدخلت في حاله تانيه ممكن تقولو انا من وفاه امي شهد بقت من اول اولوياتي كانت كل حياتي متمحوره حولها هي وبس وهسي مشت فدخلته في حاله كده ماف زول قدر يطلعني منها كنت دائما ساكته وبحب الهدوء من اقل حاجه ممكن السكري ينخفض بقيت ما مستحملها ولا شي في حياتي😔بس بمشي الجامعه وبجي منها كلهم تقريبا ياسو من حالي الا اخواني الكانو كل مره معاي وياسر وآسر ومعاهم زول ماكنت متوقعاهو ابدا خالد😍
لو بتتذكرو انا مش حكيت ليكم انو عندي صديقين بس في حياتي يلا خالد دا هو كان الشخص التاني كان البيست حقي ومعاملاتنا مع بعض اخوان واحلا Twin مع بعض من كترت رفقتنا ممكن تقولو بقينا بنتشابه زي مابيقولو😂 مره الزمن بس برضو الحال في حالو......💔
.
.
.
الرساله الاول
من مجهول:-
وكنتي شي جميل لا استطيع وصفه انتي ذالك القمر الذي رائته اول مره ولاكنك كنتي مختلفه عن كل منره كنتي دائما ماتظهرين لي ليلا في السماء بثوب ابيض ولاكن الان انتي امام بالنهار وفي المطار بلون اسود
اريد ان اقول لك الاسود يليق بك جدا 🖤
من مجنونك💙🌸

دا منو هسي 😑انا ناقصه جليت حنك الرساله ومشيت لبسته عشان ماشه علي الجامعه لبست عبايه بلون الرمادي مع طرحه بيضاء واسبورت ابيض طلعته لقيت التؤام مستنني كالعاده ومشينا الجامعه 😐

#خربشه🌸:-
ومره على فراقك شهران ياعزيزتي الا تريدين المجيء الا يكفى كل هذا الجفاء والبعد💔.


كنت قاعده في بنش تحت الشجره وماسكه جوالي وبقلب فيهو جاني اشعار لرساله فتحتها
الرساله الثانيه
من مجهول:-
في المره السابقه قلت الاسود يليق بك ولاكن الان اقول جميع الالوان تليق بك كم اتمني ان تكوني من نصيبي لاحتفظ بك بعيدا عن اعين الناس 👀❤انتي جميله وساكون #وحش. لتكوني لي للابد
من مجنونك💙🌸

خليت الرساله بعد قريتها قفلت الفون ومشيت القاعه كان عندنا Test الحمد لله خلصته وجيت مارقه لقاني ايهم
ايهم:ربله امتحنتي كيف😊
ريله:زفت😒
ايهم:😂كل مره بتقولي كده لي شهد الله يرحمها وبتجي الاول او التانيه 😂
انا لعد شهد الله يرحمها ماسمعت حاجه يعني بجد تانر لازم اقول كده 😢لازم خلاص ادعي ليها بالرحمه اخخخخخ يشهد ااااخ 🚶🏻‍♀️🚶🏻‍♀️💔

رجعت البيت مع التؤام وبقيت حرفيا كل يوم صباح ومساء بتجيني رساله من المجهول بس للان مااكتشفت هويتو او انا ماحابن اكتشفها اصلا بس في يوم
صحيت زي العصر كده والكهرباء قاطعه والبابور ماشغال وانا خلاص دايره اموت من الحر بدون سبب شغلت اغاني ةبقيت ارقص زومبا 😂حتيتو كلو فجاء الاغنيه وقفت عاينته كان في اتصال من خالد رديت عليهو وعرفت انو حبيبتو شبه بتخونو ودايرني اتاكد وكده مشيت اتحممته وجيت طالعه حبوبه مسكتني وقالت الا انزل معها تحت جرتني معها ونزلنا بيقنا نتونس وكده بعدها قلت ليها تسرحني بوب 😂وقعدت ليها بالفعل سىحتني وكانو صغاار وعملها بي طريقه حلوه يااخ اخد زمنا لقيت المغرب بياذن رجيت صليت وشلت الابتوب ونزلته تحت قعدته في كنبه وبقيت شغاله لخالد في موضوعو وكده وطلعت لجد تافهه وشديد عملته صورته ورسلته ليهو بعد هاااج واتجنن قرر انو يهداء وكده ومشي اتشكل معها😂😂الحاله هدا لقيت نفسي فاضيه شلت رقم المجهول واخترقتها وكده بس كانت مافيها اي معلومات ولا اي شي بالغلط 😑💔طلعته وقفلت الابتوب ونمت مكاني صحيت لقيت نفسي في غرفتي عاينته للساعه كانت 11 ظهر نطيت فوق وكنت حبتدي جنون بس اتذكرت انو الليله الجمعه نمت تاني😂😂صحيت بي حاجه بارده فظهري قمت مخلوعه لقيت نفسي بنقط مويه عاينته لقيتها وعد وكانت ماسكه جردل قبل انطق بحرف
وعد:كان تحدي وانا نفذتو 😂
انا بجد اتعزت منها كيف تعمل كده الحيوانه بكرههها 😠💔
قمت وبدلت ملابسي ونزلته ماف زول يقول صلاه ok عارفه انا ومانسيتها بث ظروف خاسه وكده😋😂
نزلته وفطرته واتونسنا والوقت ماشي عادي بس الليله غير العادي المجهول مارسل 😂ومره اسبوع ولسه ورسل لي عادي تاني وقال ظروف 😂
بس معاملته ايهم كانت متغيره وما انا الاحظته كده وبس تقريبا الجامعه كلها لاحظت كان بجي مع زمن المحاضره ويطلع مع نهايتها 😕😐
مره شهر وهو كده وامتحاناتهم قربت وسمعت انو مستواهو متدني مابعرف الحصل لي شنو بس اول ما مشيت البيت لقيت نفسي تلقائيا بكتب رساله للمجهول 😂

اول مره اكتب لك ولاكن اريد اخبارك بانه تغير واخاف عليهم من هذا التغير فما العمل ؟!
بعد ر

الم الانا كنت حاسه بيهو كانت حاسه حموت خلاص بس الحمد لله جبت احلا تؤام همام وهزاع 💛💋
النهايه....💛

#خربشه🙇💛
مهما قفلت الدنيا في وشك وحسيت نفسك مامستحمل العيشه مامفروض تنهي حياتك (ان مع العسر يسر)فاكيد كل شي بيحصل في حياتنا دي لحكمه وكل شي امتحان وانحنا لازم نصبر عشان ننجح في الامتحان دا
😴💜
#noor.

#مقتطفات
#خربشه
قالت:
صحيت من النوم عاينت للساعه لقيتها سبعه وربع اتخلعت قمت سريع سريع اقرب عبايه وطرحه لفحتهم لبستهم وجري على الشارع الليله خلاص الامتحان ح يفوتني وعلي التأخير العلي ازمه المواصلات تمت الناقصه وصلت الظلط لقيت الناس دي كلها واقفه منتظره .لالا دا كدا انا اتاكدت الامتحان دا ح يفوتني بقيت واقفه ومتوتره القريتو كلو طار ودي اهم ماده في السنه كلها يعني لو شلتها انا موضوعي انتهى خلاص عاينت للساعه لقيتها سبعه ونص ولسه ماف اثر لي ااي عربيه انا عيوني رغرغن وشويه كدا ح ابكي بقيت ادعي يارب تسهلها بعد مسافه كدا جات عربيه اكسنت تسوي كدي وقفت قدامي نزل القزاز وقال لي تحبي اوصلك يا اخوانا قبل ما يكمل جملتو لقاني حتى ركبت ورزعت الباب وراي هو زاتو لمن اتخلع قلت لي سريع عليك الله عندي امتحان والزمن جاء قال لي بقولو السلام عليكم اول قلت لي معليش بس والله متوتره اها السلام عليكم رد لي وعليكم السلام واتحرك انا طلعت مرجعي وبقيت احاول اللقط في المعلومات الطارت دي . بعد ربع ساعه وصلنا الكليه فتحت باب العربيه دايره انزل قال لي استني مدا لي شوكلاته قال لي ح تخفف ليك التوتر شويه قلت لي شكرا ونزلت جري وصلت باب الكليه وقفتني المرا الفي الباب قالت لي البطاقه بقيت افتش في شنطتي ما لقيتها الليله ووب علي دي مصيبه شنو نسيت البطاقه في البيت قلت ليها عليك الله خليني اخش نسيت البطاقه والله عندي امتحان والناس دخلو ليهم اكتر من ربع ساعه قالت لي ما جبتي البطاقه يبقى ماف دخول ويلا من هنا بقيت ابكي واحنس فيها تدخلني وهي رافضه كلو كلو المرا التقول من داعش بعد مسافه احس بزول واقف جنبي عاينت لي طلع دا سيد الاكسنت زاتو ماشاء الله ي جماعه طلع طويل طويل شديد هوي لالا استغفر الله انا القصيره شديد طلعت (شكلو شافني وانا ببكي وبترجاها عشان تدخلني) قال ليها من فضلك ي خالتي ممكن تخليها تدخل عاينت لي وقالت لي خلاص ادخلي وتاني ما تكرريها (اجي ي اخوانا المرا دي واقفه قدامه تلاته ساعات بنبح عشان تدخلني ابت يجي هو بجمله واحده توافق ليه يلا ما علينا ) شلت شنطتي وجري على قاعه الامتحان . بعد الامتحان ي داب حتى انتبهت لنفسي لابسه عبايه رماديه وطرحه بيضاء وشعري مسرحا اتنين بت ثانوي بس اخخخخخخ .لملمت حاجاتي سريع سريع ومشيت البيت . بعد كم يوم كان عندي تدريب في المستشفى كنت قاعده في بنش منتظره الدكتور ومجموعتي يجو ماسكه تلفوني بفسبك بعد شويه جاء زول وقف قدامي عاينت لي طلع سيد الاكسنت زاتو قال لي السلام عليكم قلت لي وعليكم السلام (والله ي جماعه الزول دا عندو هيبه كدا ما شاء الله وعندو لحيه وبعلي بس ولا العضلات احسن اسكت انا) وانا متنحه فيه كدا قال لي ممكن اقعد جنبك قلت لي اتفضل قعد وبقى يحاول يفتح مواضيع سألتو قلت لي الجابك شنو المستشفى قال لي امي عيانه شويه قلت لي سلامتها قال لي الله يسلمك بعد شويه قال لي تعالي نشرب قهوه مشيت معاه (ما عارفه لي بسمع كلامو وما بقول لي لا) قعدنا عند ست ساي وطلب لينا قهوه قال لي للان ما عارف اسمك قلت لي ريان قال لي وانا احمد بعدها اي زول بقى ساكت وماسك قهوتو عاينت للساعه لقيت الزمن فات قلت لي يلا عن ازنك الدكتور بكون جاء قال لي دقيقه مدا لي تلفونو قلت لي شنو قال لي هاك سجلي لي رقمك مسكت التلفون سجلت لي الرقم ومشيت (مش قلت ليكم ما بقدر اقول لا )
مره شهر واتنين وتلاته وهو ما اتصل ولا رسل رساله حتى وانا نسيت موضوعو خاصه اني بقيت على مشارف تخرج وعندي مشروع بحث وكاتمه فيني من كل النواحي . في يوم كنت قاعده وبقلب في التايم لاين لاقتني صوره عرسان بملابس الجرتق عجبتني شديد طوالي رفعتها استوري في الواتس وكتبت تحتها اللهم حلالا يشبه امانينا بعدها قفلت الداتا ورقدت صحيت الصباح فتحت البيانات لقيت رساله من رقم غريب رادي لي على الحاله ب اللهم امييين دخلت برفايلو لقيتو م مسجل اسمو الحقيقي كاتب معماري وخاتي صوره سودا في بروفايلو ما اشتغلت بالموضوع كتير رسلت لي اميين وقفلت الداتا تاني ما قدرت ادخل لاني انشغلت بموضوع البحث والتخريج . مر يوم ورا يوم لحدي ما جاء يوم التخريج واخيرا ياخ ارتحت من حاجه اسمها جامعه . في المساء رفعت حاله فيها صوره لي وانا لابسه روب التخريج وحاضنه امي بعد شويه جاتني رساله من نفس الرقم حق المره الفاتت كاتب فيها بت الثانوي مبروك التخريج ♥ فتحت الرساله ورسلت لي الله يبارك فيك عاينت في البروفايل لقيتو خاتي صوره المره دي دخلت فيها طلع دا احمد رسلت لي احمد كيفك رد لي تمام كيف انتي قلت لي بخير الحمد لله بعدها طلعت من الدردشة مشيت شفت الحلات لقيتو رافع حاله ليهو هو ومعاهو بت صغيرونه كدا رديت لي ما شاء الله بتك حلاته ربنا يحفظها قال لي اميين تاني بعد شويه خشيت في الحالات لقيتو تاني رافع صوره ليهو هو ونفس البت الصغيره بس المره دي معاهو مرا تاني رديت ليه على الحاله ب دي مرتك ؟ قال لي ااي قلت لي ربنا يخليكم لبعض قال لي تحبي تكوني التانيه رد