#خالدي_الهواى 💛
الكاتبة:هديل (هدو❤️)
الجزء: 1
كان يا مكان في قديم الزمان في مكان راقي وحلو تعيش الأميرة حنان راقدة في السرير وما جايبة خبر لي شي فجأه تجيها موية باردة في وشة السمح دا تقوم من النوم منخلعة
حنان: واااي في شنو
مريم: قومي يا بت انا لي ساعة بصحي فيك قومي الامتحان
حنان:يا أمي خليني انوووم😭
مريم:بلا يخمك يلا قومي الامتحان
حنان:واي واي واي الامتحان
وقامت جارية لي الحمام. مسافت تطلع نعرفكم على المجنونة دي😂😂
حنان أو حنو أو جنو بت مجنونة شديد وبتاعت لعب وهظار وضحك عايشة مع امها وابوها ما عندها اخوان امها اسمها مريم وابوها اسمو حاتم طبعا صفاتا دي وراثة من ابوها 😂😂😂عايشين في الخرطوم 3 في حي راقي وطبعا ناس عز😂بتقرا  لغة فرنسية والليلة عندها آخر امتحان في السمستر الأول يلا نشوفا بتكون طلعت😂😂
حنان: واي الساعة كم واي فضل ساعة لي الامتحان
نزلت شربت الشاي وطلعت سرع على المواصلات(اي مواصلات مالكم😂) وصلت الجامعة مشت القاعة امتحنت وجاهم الامتحان ساهل بعد انتهو نزلو هي وصحباتا عشان يفطرو ويتونسو لانو آخر يوم
حنان:حتكون الاجازة طويل اكتر من شهر حنعمل شنو اسع
عندها وحدي صحبتا اسمها روان لاكن ما صحبتا شديد
روان:انا نفسي في الاجازة دي ننزل معهد فرنسي الداير يدخل معاي منو
حنان:انا زاتي كنت بفكر كدا في واحد ظابط اسمو المركز الثقافي الفرنسي استنى افتح الفيس صفحتم  عايني هندي الصفح ارح نتصل عليهم نستفسر
المهم ضربو ليهم وشالو التفاصيل واتفقوا انو يسجلو في يوم واحد
حنان:واي بنات حشتاق ليكم. كملو باقي ونستم وودعو بعد ومشو بيوتم. المهم بعد يومين كان التسجيل مشو سجلو وعملو الاجرات ورجعو بيوتم كان يوم خميس وحنزلو الأحد ومن هنا حتبدا الدرامات 😂😂نشوف حتتغير حيات حنان كيف😂😂
(هااااااااااااااي شباب طولتا من الكتابة شديد قريب لي السنة ياخ الليلة جيتكم بي رواية جديدة تابعوها حتكون فيها درامات والرواية دي بذات حقيقية لاكن فيها شوية خيال تابعونا ما تنسو😂)
#هديل (هدو ❤️)

#خالدي_الهواى 💛
الكاتبة:هديل (هدو ❤️)
الجزء: 2
قضت الجمعة والسبت مع أهلها بين ضحك وونسة وهظار وطبعا ورتم بي المعهد ووافقو ليها تسريع الأحداث لي يوم الأحد. صحت بدري خشت الحمام ولبست واتجهزت ضربت لي صحبتا روان قالت ليها انها قربت على المعهد ضربت لي صحبتا تانية كانت معاهم في الجامعة برضو سجلت معاهم اسمها رزان
المهم وصلو المعهد بدأ زمن المحاضرة خشو الكلاس قعدو فيهو كان كل دقيقة يدخل زول لحدي ما اكتمل العدد حوالي 13 شخص بعد مسافة جاء داخل فارس احلام حنان😂😂😂😂
خالد:Bonjour (طبعا حكتب ليكم بالعربي لأنكم ما حتفهمو😂😂😂😂) انا اسمي خالد
الكلاس:(Bonjour) صباح الخير
الدكتور عرف على نفسو وبي نفس الطريقة قال ليهم عرفو على نفسكم
يلا تعالو نوريكم ناس الكلاس
اول واحد اسمو صالح بعديهو في شذى طبعا ديل أصحاب امتحنو الشهادة والنتيجة لسع بعدين في حنان كانت بتعاين لي خالد ساي😂بعديهو في رزان بعديهو في روان وبعدها في وحدي اسمها اماني دي اتخرجت. كدا دا صف قاعدين بي الجهة  اما الجهة التانية في واحد اسمو كامل برضو قال انو ممتحن الشهادة ومنتظر النتيجة وبعديهو في وحدي كبير علينا يعني في بداية ال30 اسمها مروة وفي وحدي اسمها أسماء شكلها برضو بتقرة فرنسي وفي بتين كدا يعني بكونو أكبر مننا بي شوية وحدي صفاء وحدي حليمة ديل رجالم مستقرين في فرنسا ماشين ليهم وفي وحدي اسمها الاء في ولدين جو متأخرين هم شكلهم أصحاب واحد اسمو عامر والتاني اسمو كريستين دا حبشي النوع الراقي دا وبحب التعليم دي الاتنين ماشاء الله متخرجين وبعملو في المشروع
ما تسألوني كيف عرفنا لانو هم كل واحد عرف نفسو انا ترجمتها ليكم بس😂
المهم بعد التعارف البسيط دا كملو محاضرتم كلها تعارف بي الفرنسي كيف وكدا
انتهت المحاضرة طلعو حنان وصحباتا
حنان: واي شفتو الدكتور دا سمح كيف والعجب الرقي
رزان وروان:😂😂😂😂😂
المهم هم ونازلين لقو دكتورم في الجامعة بقرى هنا😂😂
حنان:لا إله إلا الله انت الجابك هنا شنو
محمد:حنان مشاكل😂😂😂 (طبعا الدكتور دا مكرش في حنان وهي ماجايبة خبرو بتتعامل معاهو بي عفوية وهو فاهم حاجة تانية المشكلة قريب دا عقد😂😂😂😂😂)
سلم عليهم واتونس معاهم بعدين طلعو بر في قعدة جبنة حلوة طلبو من حجة حواء طبعا دي خالتو ظريفة والله. واكتشفنا انو ماشاءالله في دكتور كدا صاحب دكتور محمد اسمو أزهري  معلما الشاي والقهوة والسكر والحاجة دي بي الفرنسي وكدا المهم قهوتاسمح خلاص بعد ونستنا دي كل زول مشا على بيتو
(هاااااااااااي شباب طبعا الرواية حنكون مركزين على ناس المعهد وإنشاء الله الرواية تعجبكم طبعا في ناس كدا حفهمو الرواية عن منو اصلا😂😂😂😂😂😂💛)
هديل (هدو❤️)

#خالدي_الهواى 💛
الكاتبة:هديل (هدو ❤️)
الجزء:3
(تاني حتكلم ليكم بي لسان البطلة عشان يكون ساهل)
صحيت الصباح دخلتا الحمام صليت ولبست واتجهزتا فكيت التلفون من الشاحن ونزلتا تحت اتونستا مع ناس امي وابوي بعدين طلعت على المواصلات كانت زحمة استنيت مسافة حتين لقيت ركبتا ووصلنا على المعهد كان لسع فضل ساعة على المحاضرة جاء كامل المعانا في الكلاس
انا:Bonjour
كامل:Bonjour
انا:انا اسمي حنان انت كامل مش
كامل:اي كامل اتشرفنا
المهم جرينا الونسا طلع زول ظريف بعد شوية جو روان ورزان تمينا باقي الونسا. دخلنا الكلاس حقنا لقينا في ناس قاعدين مشينا سلمنا عليهم. لقيت الكراسي نفس رصة امبارح قاعدين صالح وبعديهو شذى وبعديها اماني وبعديها قعدت رزان وبعديها روان وبعديها انا يلا فضل كرسين فاضين جنبي اما بي الجهة التانية في نفس ناس امبارح المهم دخل الدكتور وبدأ يعلمنا الأحرف ونطقها والأرقام وكدا
انا:بي همس:روان عايني البيتين القصادنا لابسين ضيق كيف والعجب دي الاسكيرت قصير وكمان لمن تقعد واصل لي قريب لي ركبتا وكمان لابسة طرحة واي منها
روان؛:بي همس:واي منهم خليهم ساي عايني الدكتور بعاين لينا
بعد القطيعة دي انتبهو في المحاضر 😂😂
بعد شوية جو داخلين عمار وكرستين المهم كرستين دا قعد جنبي بعديهو عمار المهم الدكتور عشان جو اسع راجع ليهم الكلام القالو عاينت لي كرستين لقيت يترجم الحروف الفرنسية ما بالعربي بي لغة غريبة كدا فشكيت انو ما سوداني المهم بعد دا آخر حاجة قال كل زول يعرف بي الفرنسي اسمو وجنسيتو وكدا. كلهم عرفو لمن جا الدور على كرستين اتأكد انو حبشي بعد انتهت المحاضرة قلت لي روان ورزان ارح نعزم عمار وكرستين قهوة وتعرف عليهم ونقول لي كرستين علمنا لغتم دي انا نفسي اتعلما مشينا ليهم وقلنا ليهم قالو لينا طيب المهم طلعنا برا وانتظرناهم بعد جو عرفنا على نفسهم انهم أصحاب وقرو مع بعد ودايرين يتخرجو بس شغالين في مشروع طلعو عباقر😂
انا:ماشاءالله عاين علمنا شوية كلمات من لغتكم دي انتو قارين كم لغة
كرستين:انا اصلا من زمان امي وابوي جو السودان يعني من ما ولدوني طبعا المدرسة القرين فيها بي الانغليزي قرينا كورسات انغليزي واصلا العربي انا بعرفو و بعرف شوية اسباني بادي فيهو وبقرأ اسع فرنسي. نحنا لغاتنا كتيرة في الحبشة لاكن اكتر شي بنتكلم بيهو التقرنجا (انشاء الله اكون كتبتها صاح😂😂😂) المهم علمنا شوية كلمات وطلعت ما صعبة والله بعديها اتونسنا وطلعو ناس ظراف شديد وصاحبناهم بعد انتهينا ودعناهم ومشين بيوتنا.
(هااااي كيفكم شباب بتمنا البارت دا يكون عجبكم. ودايرة اتكلم في نقاط معين يعني شنو لو صاحبتا ليك حبشي الناس كلهم فهمم انو الحبش ديل بجو السودان بس عشان يشتغلو بزات البنات لي نحنا بنعاملم على أنهم خدم لي هم ما خدم بس مستواهم أقل مننا عشان كدا بشتغلو في المطاعم وكدا يعني هم برضم ناس زينا فتعاملو معاهم باحترام وبرضو لو ما مسلمين يعني شنو كل زول بي دينو ولو دايرين تغيرو دينهم عليكم الله بالعقل والتفكير ما تغالطوهم طوالي كدا بفهمو عن الإسلام حاجة تانية. المهم يا شباب الله يهدي الجميع انشاء الله واسف على الكلام الكتير😂)
#هديل( هدو❤️)

#خالدي_الهواى 💛
الكاتبة:هديل (هدو ❤️)
الجزء:4
مرت الايام لي يوم الخميس. قمت من الصباح دخلتا الحمام ولبستا وصليت نزلتا تحت كالعادة انا وابوي بنغيظ في امي😂😂شربنا الشاي وبعدين طلعتا على المواصلات وصلت المعهد كان لسع فاضل ساعة ونص لقيت رزان وصلت قعدت معاها وشغالين نقطع في دكتور محمد المعانا في الجامعة داك وما عارفين المصيبة البي ورانا صحبو داك ازهري😂😂 امشي يا أزهري العامل زي الشافع كلم صحبك😂😂😂😂. المهم بعد شوية جات روان وقاعدين نتونس جانا دكتور محمد سلم علينا
محمد:كنتو بتقطعو فيني يا حنان
انا:بري منو القال كدا🐸
محمد: قال لي أزهري اسع كنتو بتقطعو فيني
انا:هي دا منو كمان بكضب هوي يا قوال انت
ازهري:انا قاعد وراكم وسمعتكم😂
انا:هوي حجة قوالات انت. عشان قوالتك دي تاني بسميك حجة قوالات
الكل:😂😂😂😂😂😂
انا: هوي انتو ارح المحاضرة
محمد:انتي بس قولي عايزة تهربي
المهم جرينا التلات وشغالين نضحك ساي دخلنا الكلاس جاء الدكتور وادانا المحاضرة. اخر المحاضرة كان رافع يدو اليمين وبمسح في السبورة عاينتا في يدو لقيتو لابس دبلة 😭😭😭
لمن طلعنا
انا:عاينو لابس دبلة😭😭
روان ورزان:ومالك زعلانة😂😂
انا:انا مكرشة فيهو وبرضو ما بخليهو ليها
روان ورزان :😂😂😂😂
انا:ماتضحكو فيني يا كلبات بوريكم بعمل شنو
رزان:هي عاينو انا عيد ميلادي يوم الأحد ما دايرة هدية بس جيبو لي اكل وكيك وكدا😂😂
المهم اتفقنا نجيب حاجة وكدا
طلعنا برا جنب خالتو حواء اتونسنا معاها وشربنا قهوة بعدين مشينا لي المواصلات ما لقينا مشينا بي رجولنا بعدين ركبنا😂😂😂
(هااااي شباب كيفكم بتمنا يكون البارت عجبكم الليلة 💛💛)
#هديل (هدو ❤️)

#خالدي_الهواى 💛
الكاتبة:هديل (هدو ❤️)
الجزء 5
مرت الايام لي يوم الأحد وطبعا كالعادة نسيت يوم الخميس اتفقنا على شنو😂لحدي ما وصلتا حتين اتزكرتا طبعا نحنا اتفقنا على اني اعمل كيكة وانا نسيت🙊😂الليلة رزان بتقتلني بعد شوية جات روان سلمت على وقعدنا
روان:اها جبتي الكيكة
انا:والله اتذكرتا اسع😂😂انتي جبتي شنو
روان:الليلة رزان بتقتلك لانو ذكرتك امبارح😂انا جبتا دونت
انا:خلاص اسكتي ما تذكريها هندي جات
جات رزان سلمت علينا وقعدت قبلي ما تقول شي
انا:هي المحاضرة فضل ليها 5 دقايق يلا
روان🐸😂😂
المهم مشين المحاضرة جانا الدكتور وادانا المحاضرة ومرق
رزان:اها جبتو شنو ارح نقعد برا جنب حجة حواء
انا:انا والله نسيت😂
رزان:كيف يعني نسيتي شفتي الليلة ما تتكلمي معاي وانتي يا روان جبتي
روان:اي ما تخافي جبتا دونت😂😂
رزان:شفتي يا حنان الليلة ما بديك معاي كان موتي
المهم طلعنا برا وطلبنا من خالتو قهوة روان طلعت الدونت جابتو كتير عاينت ليهو كدا طوالي شالتو رزان قالت لي ولا تفكري ما بديك معاي المهم قاعدين نتشاكل فيهو وهي تاكل في النهاية حنت علينا بعد أكلت 5قطع😂😂😂
كان معانا كريستين أدت روان وادتني بعد شكل😂أدت كريستين قال لينا فيها روح قلنا ليهو كيف يعني قال لينا انا صايمة وكدا روان قالت ليهو فيهو لبن وبيضة قال لا انا صايم ما باكلو انا شغال اقنع فيهو ضوقو عليك الله في النهاية ما اكلو😂المهم خليناهو. قدامنا كانو في دكاترة ناس حجة قوالات😂واصاحبو رزان مشت قدمت ليهم شالو كلهم بعد اكلوها واحد منهم قال عليكم الله السواها منو سمحة والله
انا وروان في نفس الوقت:انااااا
روان:هي سويتا انا
المهم اتشاكلنا برضو فنهاية اعترفتا انو سوتا روان😂😂
قضينا يوم حلو وادينا معانا حجة حواء وبعدين مشينا نشوف مواصلاتنا ركبنا ومشينا بيوتنا
(هااااي شباب كيفكم أن شاءالله البارت يكون عجبكم الليلة. بجد البارت دا مكتوب حرف حرف صاح. يعني اليوم دا كلو حقيقة مافيهو خيال بجد ان شاء الله يكون عجبكم💛)
#هديل (هدو ❤️)

#خالدي_الهواى 💛
الكاتبة:هديل (هدو ❤️)
الجزء:6
يوم جديد وصباح جديد قمت من الصباح عملتا حاجاتي ومرقت على المعهد وصلتا قعتا كان الوقت لسع بدري جاء كامل قعد اتونس معاي بعدين قال لي ارح نقرا بتاع امبارح المهم بدينا نراجع في حاجة غلبتنا ما عرفنا نعمل شنو لقيت ولد جنبي قلنا نسالو
انا:لو سمحتوا انت في المستوى الكم
الولد:الأول
طلع الولد معانا في نفس المستوى لاكن نزلو قبلينا بي اسبوعين مقدمين مننا سالناهو من الدرس وشرح لينا بعد شوية قعد اتونس معانا طلع ظريف وصاحبتو انا😂هو أصغر مننا برضو امتحن شهادة سميتو الشافع😂😂(غايتو حنان دي اي زول بتسميهو 😂😂حنان كيف تمام😂😂😂😂) بعدين اتونسنا لحدي ما جو روان ورزان وعرفتهم عليهو وقلت ليهم دا صاحبي اسمو عبد الله سلمو عليهو شغالين نتونس لحدي زمن المحاضرة دخلنا واخدنا المحاضرة وبعدين طلعنا قعدنا مع حجة حواء وشغالين نتونس معاها جا عبد الله قلتا ليهو تعال اقعد معانا جاء وقعد قلت ليهو الليلة عازماك داير شنو قال داير قهوة قلت لي خالتو حواء دايرين قهوة فيها شطة كتيرا 😂(طبعا قصدها الجنزبيل) شغالين نتونس ونشاغل في بعض ونتشاكل بعدين طلعنا على المواصلات طلع ساكن جنبنا😂😂بعدين مشا كل زول بيتو
(هااااي شباب كيفكم تمام 😂المهم انشاء الله البارت يكون عجبكم كدا بتكون الشخصيات اكتملت بعد دا نبدأ في الهدف😂😂😂🙊يلا معسلامة)
#هديل( هدو❤️)

#خالدي_الهواى 💛
الكاتبة:هديل (هدو ❤️)
الجزء: 7
مرت الايام زي ما هي مافي شي جديد غير علاقتي بي ناس الكلاس بتتطور و عبدالله بقا صحبي شديد كان اجزو لينا فترة كدا بعدها قررو لينا ننزل لي يوم أربعاء طبعا ديل نتيجتم طلعت وكلهم جابو نسب حلوة شديدة
صحيت من الصباح متحمسة انو حلاقي صحباني بعد فترة عملتا شغلتي وطلعتا وصلت المعهد طبعا الوقت لسع بدري الليلة طبعا عبدالله ما حجي انتظرنا البنات وطبعا نص الكلاس شكلو ما حجي ورزان زاتا مسافرة جات روان سلمتا  عليها وقاعدين نتونس بعد شوية جات وحدي معانا في الكلاس اتونسنا وكدا الزمن جاء دخلنا الكلاس لقينا روحنا برانا😂التلات الدكتور زاتو لمن اتخلع المهم ما عمل لينا حاجة غير راجع لينا الفات وبعدين كان يوم ممل لانو كنا برانا طلعنا وكل زول مشا بيتو😂😂المهم بي بليل بتونس مع روان
انا:واي شفتي خالد سمح كيف ياخ انا عاجبني ومكرشة فيهو لاكن المشكلة خاطب 😂😂المهم الليلة كلو نتكلم عنو وكدا اليوم التاني صحيت وعملتا شغلتي وطلعت وصلتا لقيت روان وعبدالله جو قبيل وبتونسو سلمنا عليهم وشغالين نتونس لقيت حجة قوالات مشيت سلمت عليهو واتونستا معاهو حبة قال لي محمد كل مرة بسأل منك
انا:بلاي وقال ليك شنو
ازهري:والله قال لي لو ما كنتا عاقد قريب كنتا عرستا حنان دي
طبعا انا اتخلعتا خلعة قلتا ليهو كضاب قالي والله لاكن قال لي ما تكلم زول انا اتخلعتا ومشيت لي روان وكلمتا
انا:انا البخليني اتونس معاهو شنو وكمان اتظارف واي اسع اعمل شنو شفتي انا حخلي جامعة والله ما بقعد فيها ولا حاجة
روان:اسع علاقة الجامعة شنو انا قلتا ليك ما تتظارفي معاهو اسع فهمك  غلط  عايني يا زولة انسى وما تقابليهو بس
اتناقشنا في الموضوع دا كتير اصلا انا كنت مقررة أقدم منحا برا وبعمل  في الإجراءات واجمد الجامعة وكدا
دخلنا الكلاس برضو بقينا أربعة بس نسيت زاتو الموضوع بي شوفت خالد😂😂😂المهم ادانا درس كدا عن بتين وحدي فيهم بتوريها صحبا في الفيس بوك قالت ليها طبعا بي الفرنسي الولد دا حلوة وعاجبني لاكن فيهو حاجة طبعا الدكتور قال لينا اها معرفتو معنا الكلمة دي شنو قلنا ليهو لا قال لينا مرتبط😂😂😂😂😂
بي لسان روان:طبعا انا قعدة اعاين لي حنان بس ما احس ليك الا زول بلز فيني لقينا حنان شغال لي دا كلام امبارح وتلز فيني والمشكلة الدكتور بعاين لينا شكلو فهمنا😂😂
بي لسان حنان:لمن سمعنا الكلام شغالة الز في روان واقول ليها دا  كلام امبارح البنتكلم فيهو وهي بتقول لي اي خلاص يا حنان عايني بعاين لينا 😂😂
تمينا بقي  الدرس وكدا لمن طلعنا شغالين نضحك في روحنا ساي😂😂جانا عبدالله حكينا ليهو ونضحك ساي المهم تمينا باقي يومنا بعدين مشينا على المواصلات ما لقينا ها مشينا بي رجولنا ونتونس ونضحك بعدين كل زول مشا بيتو
(هااااي شباب كيفكم ملاحظين انو كتبتا ليكم يومين في بارت😂😂المهم أن شاء الله يكون عجبكم البارت وبرضو اليومين ديل من الايام الحقيقية ما خيال يلا معسلامة)
#هديل (هدو ❤️)

#خالدي_الهواى 💛
الكاتبة:هديل (هدو ❤️)
الجزء: 8
مرت الجمعة والسبت بين ضحك وهظار مع اهلي
جاء يوم الأحد آخر يوم في المستوى الأول لبست واتجهزتة مشيت المعهد لقيت روان وعبدالله قعدنا اتونسنا وشربنا شاي الصباح تاني😂المهم دخلنا قبلي زمن المحاضرة بي شوية قعدنا نتصور انا وروان ونتهابلة وطلعتا فوق التربيزة بتاعت الدكتور واتصور فجاء من حيث لا يحتسب جاء داخل خالد وصنت الناس كلها هو بس قاعد يعين لي الهبلة المتخلفة الطالعة في التربيزة دي😂😂😂 انا من الخلعة لمن وقعتا بس هو فك ليك الضحك
خالد:دا شنو يا بت
انا طوالي قمت جارية قعدة في الكرسي وشغالة لي روان واي واي شافني😭😭😭😂
بعد شوية جات مروة بدينا الدرس قال لينا حليتو الكلام الاديتو ليكم المرة الفاتت انا و روان نسينا. شغالين نتلفت ساي
خالد:في ناس كدا بتلفتو وخاتين يدينم في رؤوسم معناتو ما اشتغلو
قاعدين نعاين ليهو ساي ونضحك المهم اشتغلنا بعد شوية جاء كريستين ادانا تاني حاجة نحلها وانا ما عندي قلم قلت ليهو اديني قلمك عاين لي كدا وضحك بعدين اداني اشتغلنا تاني جو صالح وشذي وراهم الدروس الفات بعد انتهينا من المحاضرة قال لينا خلاص تاني ما حقريهم تاني قلنا ليهو لي قال لينا حقري ناس تانين وكدا انا زعلنا زعل. قلت لي كريستين ارح قول ليهو نتصور صور جماعية قال لي لا ما بقول ليهو😂😂اتشاكلتا معاهو تاني سكتا منو لمن جينا طالعين قال لينا الدكتور يلا العفو والعافية. طلعنا برا شاكلتا كريستين تاني😂😂قال لي والله مرة كنا بنتصور انا وصحبي قلنا ليهو تعال أتصور معانا قال لينا والله انا ما بحب الصور وكدا😂😭المهم كسرنا الحنك وشغالين نتونس وكدا وشفنا الداير يسجل معانا تاني منو بس طلعنا انا وروان ورزان ومروة وكرستين بس ودعنا بعض بعدين مشينا بيوتنا
(هااااي كيفكم تمام ان شاء الله البارت يكون عجبكم الليلة ❤️)
#هديل (هدو ❤️)

#خالدي_الهواى 💛
الكاتبة:هديل (هدو ❤️)
الجزء:9
مرت الايام اتفقنا انو نتقابل يوم الخميس عشان نسجل كلنا مع بعض سجلنا ومرقنا. مرت الجمعة والسبت وجاء يوم الحننزل فيهو صحيت من الصباح عملتا حاجاتي وشربتا الشاي ومشيت المواصلات بعدين وصلتا المعهد قعدتا بعد مسافة ديل جو بقينا نتونس بعدين طلعنا الكلاس طبعا نفس حق المرة الفاتت لقينا فيهو ناس لسع ما طلعو انتظرناهم في المقاعد بعدين طلع خالد طلع انو بدرس ناس تاني انا اتمغستا لي بدرس ديل ونحنا لا قلت لي ناس روان ورزان :لي ما يدرسنا نحنا خلاص شاف ناس اسمح مننا وقال نحنا شينين
روان و رزان :😂😭😂😂😂
بعد شوية دخلنا الكلاس لقينا معانا ناس جداد قعدنا بعد شوية جا داخل خالد😂😂😂😂😂
خالد:لااااااااا دا شنو انتو برضو معاي هنا😂😂
حنان :انت ما عايزنا يعني ولا شنو😂
خالد:ما قصدي كدا بس اتخلعتا انكم معاي😂😂
المهم جاي عرف على نفسو والباقين برضو عرفو عن نفسك ادانا درس في واحد قال ليهو راجع لينا الدروس الفاتت المهم راجع لينا ادانا حاجة نشتغلة طبعا كالعادة انا ما عندي قلم😂😂قال لي انتي ما عندك قلم قلت ليهو اي اديني حقك قعد يضحك بعدين اداني ليهو اشتغلنا بعدين انتهت المحاضرة طلعنا لقينا بتونس برة مشينا نتونس معاهو طلع ظريف والله😂😂
طلعنا برة لقينا حجة حواء ماف😭😭قالو غيرت زمنا وكدا المهم قعدنا حبة بعدين مشينا بيوتنا
(هااااي كيفكم تمام ان شاء الله يكون عجبكم البارت الليلة❤️)
هديل(هدو ❤️)

#خالدي_الهواى 💛
الكاتبة:هديل (هدو ❤️)
الجزء:10
مرت الايام والاسابيع كنت ماشا في المعهد كويس لحدي ما طلعت لي الفيزا وخلاص قررتا حسافر فرنسا اكمل فيها دراستي هناك اهلي في الأول رفضو يخلوني برأي لاكن في النهاية خلوني امشي عشان اعتمد على نفس كان آخر لي يوم في المعهد وكنتا اليوم التاني مسافرة كنتا زعلانا شديد اني حخلي صحباتي فقررو بعد المحاضرة نمشي البحر وكدا المهم أخذنا المحاضرة و المحاضرة كلها كنتا سرحانة بعد ما انتهت الناس كلها مرقو الا انا وكان في الدكتور بلم في حاجاتو وفي نص سرحتي بكيت ايو بكيت لاني حخلي اهلي وصحباني مسحتا دموعي ولميت حاجاتي عاوزة اطلع
خالد:مالك بتبكي
انا:ااااا
خالد:شايفك من قبيل سرحانا واسع كنتي بتبكي
انا:لا لا ولا شي بس عشان مسافرة
خالد:اممم كويس مسافرة وين و لي
انا:مسافرة فرنسا اكمل باقي قرايتي هنا
خالد:أمم كويس بالتوفيق
وطوالي مرق انا استغربت في البرود دا قعتا ابكي زيادا بعد شوية جوني روان ورزان قالو لي مالك قعتا احكي ليهم وابكي
روان:حنان خلاص ما تبكي ياخ
قعدو يتكلمو معاي مسافة ويحنسو فيني في النهاية رضيت ومرقنا مشينا البحر فرقو على كتير والله ولمن جا وقت الوداع بكو معاي جنس بكا بعدين كل زول مشا بيتو اليوم التاني طيارتي كانت الصباح جهزتا شنطي ومشينا المطار ودعتا اهلي ولقيت صحباتي برضو جو تاني ودعوني بعدين ركبت الطيارة
(هااااي كيفكم تمام الليلة البارت محزن مش😂😂😂😂دراما بس😂😂😂😂أن شاء الله يكون عجبكم ❤️)
#هديل (هدو ❤️)

#خالدي_الهواى 💛
الكاتبة:هديل (هدو ❤️)
الجزء:11
مرت سنةوفيها اتاقلمتا مع الوضع بمشي من الجامعة لي السكن ما اتعرفت على زول خالص كنت كل يوم بضرب لي أهلي وصحباتي ما قصرو معاي كل مرة بضربو لي يوم بعد مشيت الجامعة جيت راجعة قلتا الف شوية في الشوارع لمن كنتا راجعة شفتا مرة كبيرة دايرة تضربا عربية انا قمت جارية وزحيتا من العربية لاكن العربية ضربتني في يدي الشمال كانت واجعلني شديد وكنتا قاعدة ابكي المرة طبعا شكلها سودانية ودتني المستشفى طلع فيها كسر جبصوها لي والمرة كانت قاعدة معاي لسع واتعرفت على طلعت ظريف والله وقعدت تونسني قلت ليها يا خالتو خلاص امشي بيتك اتاخرتي والزمن بليل قالت لي ما بمشي والله الا يطلعوك من المستشفى المهم بعد تحانيس برضو ما رضت خليتا في النهاية ضربت لي ولد وكلمتو قال ليها خلاص بجيك الصباح المهم نمنا صحيت الصباح شربنا الشاي وكن بنتونس حكيت ليها عني وهي زاتا حقت لي عنها طبعا اسمها إلهام هي ما كبيرة شديد جو فرنسا قريب عشان شغل ولد وطبعا راجلا ميت من زمان بس عندها ولد واحد وحكت لي عن ولدا كان زمان خاطب لاكن فسخت الخطوبة البت لأسباب تافها المهم تمينا باقي ونستنا. ولدا طلع ليهو شغل مهم ما قدر يجيها رسل ليها السواق رجعتني الداخلية ووصت على الناس وشالت رقمي وكدا طبعا طلعت ساكنا جنب الداخلية قالت لي تعالي زوريني وكدا المهم مشت مرت الايام وهي متواصلة معاي ويدي اتحسنت قالت لي عازماك عشاء المهم بعد تحانيس مشيت ليها استقبلتني وقعدتا نتونس بعدين رصينا الصفرة استنينا لمن جا ولدا لمن جا هنا كانت الصدمة
(هااااي كيفكم تمام طبعا الليلة الرواية مختلفة شوية 😂أن شاء الله يكون عجبكم البارت يلا اتوقعو حكون منو الولد😂😂❤️)
#هديل (هدو ❤️)

#خالدي_الهواى 💛
الكاتبة:هديل (هدو ❤️)
الجزء:12
ونحنا قاعدين نتونس دخلتا المطبخ عشان اشرب موية سمعت خالتو بتتكلم مع زول شكلو ولدا جاء. قالت لي جيبي لي معاك موية المهم شلتا الكباية وطالعة ليها برة لقيت ولد واقف عكسي الساعة الاتلفت انا اتخلعتا ومن الخلعة و الكباية وقعت مني فجأة الحتي صنت
خالتو:بسم الله مالك يا بت
انا:اااها لا لا ولا شي معليش وقعت من بالغلط. جيت دايرة اشيل القزاز وانا بعاين ليهو فجأة بدون ما احس دخلت فيني قزازا كبيرة في يدي كبت دم كتير انا من الخلعة بقيت خايفة ذيادة لاني بخاف من الدم بعد شوية جيت واقعة
صحيت لقيت روحي في غرفة لقيت جنبي خالتو وخالد (اي خالد مالكم😂😂😂)
خالتو:انتي كويسة
انا:اي الساعة كم
خالد:10 مالك خوافة كدا 😂😂
طنشتو وقمت قلت لي خالتو الواطة اتاخرت انا ماشا
المهم حلفت ما تخليني امرق الا اتعشا في النهاية مشيت معاهم الصفرة. بقت خالتو تاكل فيني زي الشافعة😂
خالد:دا شنو يا أمي هي ما شافعة
انا:انت مالك😏
خالد: مالك شنو دي امي😑
انا:وبرضو امي مش كدا يا خالتو
خالتو:اكييد😂😂بعدين تعالو مالكم بتحمرو لي بعض كدا بتعرف بعض
انا:بري بعرفو من وين😂
خالد:متخلفة😂😂امي دي حنان الحكيت ليك عنها كانت معاي في المعهد
انا:😱😱مع نفسي(لا كيف يعني حكة  ليها عني معقولة يكون مركز معاي كان)
خالتو:كضاب😂😂😂واي شوف الصدفة خلاص نعرس ليكم بعض
انا وخالد:لاااااااااااااااااااااا
خالتو:اجي مالكم😂😂😂
انا: خالتو انا شبعتا خلاص انا ماشا الوقت اتأخر
خالتو:استنى يوصلك خالد
انا:لا خليهو الحتة قريبة
المهم أصرت الا يوصلني في النهاية رضيت
ونحنا ومارقين
انا:عاين ما تمشي معاي اقيف هنا انا ماشا برأي المهم مشيت وخليتو بعد مشيت مسافة كدا لقيت لي كلب كبير كدا قلت ما بعمل لي حاجة لمن قرب مني خفتا وقمنا جارية وهو ما صدق جرا وراي وانا اكورك لقيت زول قدامي حضنتو وانا ببكي المهم الزول زحاهو مني وانا ببكي وهو بهدي فيني رفعت راسي لقيتو خالد😱😱😱😱😱😱😱😱😂
(هااااي كيفكم تمام معليش على التأخير البارت أن شاء الله يعجبكم البارت ❤️❤️❤️)
#هديل (هدو ❤️)

#خالدي_الهواى 💛
الكاتبة:هديل (هدو❤️)
الجزء:13
لمن زحيت منو لقيتو خالد وبضحك كمان
أنا:زح مني😭متخلف دا
خالد:ما شوفتي منظرك كان كيف😂😂😂😂😂
انا:زح مني ياخ😭😭
خالد:خلاص مع السلامه
انا:تعال ماشي وين الكلب بجي تاني وصلني
خالد:لا شكرا مع السلامة
انا:خالد ياخ😭😭
خالد:😂😂😂خوافة دي ارح
كنا ماشين وهو قدامي بي شوية بس سمعتا لي صوت كلاب طوالي جريت مسكنا يدو وانا خايف لمن وصلنا
انا:خلاص امشي شكرا
خالد:وحتشيلي يدي معاك😂😂😂
طوالي فكيت يدو وجريت الداخلية دخلتا الغرفة ونفسي قايم واتذكر الحصل كلو بعد مسافة قدرتا انوم
مرت الايام ولسع متواصلة مع خالتو إلهام بحسها امي والله وكل مرة بنتقابل وعلاقتي بي خالد اتصلحت😂وبقا صحبي كلو مرة بمشي ليهم.
ومرت السنين وخلاص قربتا اتخرج وكنتا مشغولة مع التخريج وكدا كلمتا اهلي يحضرو التخريج قالو ما بقدر انا زعلتا زعل وقفلتا منهم جاء يوم التخريج طبعا عزمتا ناس خالتو إلهام وخالد جو التخريج لمن جاء دوري طلعت المسرح كنت زعلانة لاني كنتا برأي فجأة اشوف امي وابوي وصحباتي فرحتا فرح وشغالة ابكي شلتا الشهادة وقبلي ما أنزل
خالد:عجبتك المفاجأة (طبعا بالفرنسي😂)عندي ليك مفاجأة تانية جا جنبي وانا منخلعة قعد في الواطة وطلع دبلة الناس كلها قعدت تكورك وتصفر انا بس بعاين ليهو وما مصدقة. ولا فكر مسك يدي ولبسني الخاتم
(هااااي كيفكم تمام سبرايز صاح 😂😂تابعو الحلقة الأخيرة ونشوف المفاجآت إلفيها يلا مع السلامه أن شاء الله يكون عجبكم البارت ❤️❤️❤️❤️❤️)
#هديل (هدو ❤️)

#خالدي_الهواى 💛
الكاتبة:هديل (هدو ❤️)
الجزء:14 والاخير
وقفتا مسافة استوعب في الحصل في النهاية شال يدي ولبسني الخاتم والناس لسع تكورك وتصرخ
بعد ما هدو مننا الناس قلت ليهو تعال دايراك
انا:دا شنو دا
خالد:شنو
انا:ما بهظر معاك انا دا شنو السويتو دا.
عاين لي مسافة بعدين فهم انو ما راضية وكدا طوالي مسك يدي وشال منها الخاتم ومش انا اتخلعتا لانو كنتا بهظر معاهو وكنتا بخوف فيهو لمن جرا انا جريت وراهو واناديهو وقف لي في نص الظلط قلتا  ليهو خالد فجأة سمعتها صوت حاجة قوية انا اتخلعتا لمن قبلتا فجأة اشوف خالد مرمى في الواطة ووشو ملان دم انا قعتا اصرخ لمن جو الناس
أنا:خالد قوم خالد قوم عليك الله والله كنت بهظر معاك. والناس شالو في الإسعاف ودوهو المستشفى انا الطريق كلو ببكي واكورك لمن دخلو الحوادث وانا اكورك لمن دختا. صحيت لقيت روحي في قرفة ومركبين لي درب قعتا اكورك وفكيت الدرب وجريت لقيت الناس كلها بتكورك وتبكي جريت ليهم
انا:في شنو في شنو خالد وينو
جريت الغرفة الفيهو لقيت في زول مغطينو بي ملاية وقفتا مسافة مشيت جنبو وانا برجف زحيت الملاية لقيتو خالد قعدتا اكورك واتجنن
انا:خالد قوم عليك الله خالد خالد قووووم ياخ ما تهظر معاي زي ما انا كنتا بهظر معاك. معليش والله ما بعيدا تاني خالد قوم خاااااااااالد.
خاااااالد بسم الله انا وين لقيت جنبي امي قالت لي قولي بسم الله خالد بقا كويس كان في غيبوبة وصحا انا بكيت بكى وحمدة الله انو دا كان حلم
مشيت غرفتو عاينت ليهو مسافة بعدين مسكتا يدو خالد قوم عليك الله والله كنتا بهظر معاك قوم ياخ قوم عشان نعرس ونجيب بنات وأولاد حلوين زينا كدا اي ما تستغرب انا بحبك والله ما من الليلة ولا من امبارح من اول يوم شفتك فيهو وقعتا احكي ليهو وابكي ختيت رأس في السرير وانا لسع ماسكا يدو فجأة حسيت بي يدو بتتحرك فرحتا وجريت لي الدكتور وطمنا انو بصحا بعد ساعة مشيت جريت صليت ودعيت الله كتير مشيت قالو صحا طوالي جريت لقيت الناس كلها معاهو وبضحكو وبتونسو معاهو لمن دخلتا عاين لي كدا وبعدين قشر لي وشو وقال لي اطلعي برا حياتي ما دايرك انا. انا اصدمتا وقعدتا اعاين ليهو مسافةبعدين قمتا جارية مشيت البيت طبعا ناس امي اجرو  ليهم شقة. قعتا ابكي لمن جات امي قلت ليها بكرا حننزل السودان جهزو حاجاتكم ولا اتناقشت معاي طوالي مشت المهم قررت انسا الفات وسافرنا السودان وكان مزاجي كعب شديد ومر الأسابيع يوم امي جاتني قالت لي الليلة جايننا ضيوف ناس مهمين لي ابوك البسي سمح قلت ليها طيب واصلا كان ما عندي مزاج ليهم المهم الضيوف وصلو وامي نادتني مشيت عشان اسلم عليهم لمن شفتهم اتخلعتا لقيتك خالتو إلهام وخالد كنتا دايرة امشي مسكني خالد:معقولة في زول بخلي #خالدي الهواي😂تعالى يا عويرا وجراني ليهو وحضني
خالد:مرتي الحلوة
انا:ولا مرتك ولا حاجة زح مني
ناس امي كانو بضحكو فينا ساي بعد شوية فكو الزقاريت
أنا اتخلعتا قلت ليهم مالكم
خالد:مالم يعني فرحانين عشان حفكوك لي😂😂😂
انا:كيف يعني
خالد:بي اختصار عقتا عليك اسع قعتا ابكي وجريت الغرفة جاني وراضاني وحكا لي عمل فيني كدا قاصد عشان يفاجئني ويتستا فيني  😂😂
المهم مرا اليوم حلو شديد ولسع ما مصدقا بقا راجلي مرت الايام وحبسوني وعملو لي العرس حاجة خرافية و سافرنا فرنسا😂😂😂قضينا فيها تلات شهور
بعد سنة جبنا  بت حلوة سميناها هديل(لازم تسميها هديل ما انا ما قصرت معاك  مش كدا يا حنو😂😂😂❤️) وعاشو حياة سعيدا وكلها سعادا وفرح وبقا ليها #خالدي الهواى 💛
(هااااي كيفكم تمام طبعا ما مصدقا انو انتهيت من الرواية أن شاء الله تعجبكم ياخ وزي ما قلنا الرواية حقيقية وفيها شوية خيال بتمنا تعجبكم يلا لمن نتلاقة أن شاء الله في رواية جديدة❤️❤️❤️❤️❤️❤️❤️❤️❤️❤️)
#هديل (هدو❤️)