#حنيني_يعود
بقلم سمر مختار
-١-
امي: يا بتي قومي كفاك نوم صحباتك هسا بجوك
انا : يا امي خليني شوية بس ٥ دقايق😴😴😴
"جوني صحباتي ياسمين وآية وجدية لقوني نايمة"
امي: بركة الجيتو من قبيل بصحي فيها أبت لي صحوها براكم "طلعت "
ياسمين: قومي نايمة ليها شنو بنتاخر ياخ " بقوا بجرجرو مني الغطى وواحدة طالعة في راسي عاد جنس بشتنة "
انا: ياخ قمت ما تمعطوني اصلو الزول ما يرتاح معاكم😪😪 "لبست سريع جهزت نفسي وطلعنا طوالي 😊 يلا اعرفكم بي نفسي انا سمر مختار ساكنة في مدني مع أسرتي الحبيبة مكونة من انا وامي وابوي يعني انا وحيدة عمري ١٧ امتحنت الشهادة وكانت النتائج الاسبوع الفات جبت ٨٨ % وحابة اقرأ هندسة معمارية جوني صحباتي عشان نمشي الجامعة نقدم ودا سبب الحوار الفوق داك👆👆 وانا عيبي واحد بس بحب النوم وباردة لدرجة وصحباتي بكرهوا فيني العادة دي 😊 اي هم ٣ صحبات م غيرهم ياسمين وآية وجدية " نرجع لقصتنا........
"وصلنا الجامعة وقالوا لينا التقديم ببدا بعد أسبوعين ع طول طلعنا مشينا مطعم قريب فطرنا لينا حكاية بتاعت ساعتين عديل بعدها مشينا استوديو بنحبوا شديد كل يومين تلاتة ماشين ليو التقول حق ابونا😅😅 اتصورنا واثناء ما منتظرين ينزلوا لينا الصور ف الجهاز بقينا نتناقش نمش شارع النيل ولا لا المهم ف النهاية قلنا ما نمش لانو الزمن أتأخر قمنا طالعين من الاستديو كدا طقشت لي شاب كان ماسك تلفونو في يدو وقع في الأرض وشاشتو انكسرت 😨😨😧"
انا:اااااسفة يا أخ وربي ما قاصدة 😥 انا بتحمل تكلفة تلفونك "دموعي في عيوني بس ابيت انزلها🥺🥺"
"الشاب ساكت ساي بس بعاين لي تاني كررت ليو "
انا:قلت ليك اسفة ي اخ😥 " حلف كان يفتح خشمو رفع تلفونو ودخل الاستديو خلاني واقفة 😐 بالجد استغربت من تصرفو صحباتي يضحكوا فيني ساي الجزم 😒 اتحركنا من الاستديو ماشين ف الشارع وبنتكلم "
ياسمين: الولد بكون شماك شمة غايتو😂😂😂
اية: والعجب منظرك 😂😂😂
جدية: استغربت من تصرفوا كان بارد شديد لكن صراحة من حقو عامل وشو السمح دا😊😊
اية:صراحة الولد سمح السكسوكة والهيبة واللبسة والعجب الريحة فظيعةة🤤🤤
ياسمين: خليكم من دا كلو انتو شفتو التلفون الاتكسر 😁 يا يمة كان اتكسر انا ولا التلفون😁😁😁
انا: غياظ لكن وربي بارد شفتو الطريقة الكان بعاين لي بيها 😐😐😐
جدية:كفاية ياخ الليلة الولد دا بنقرض بعد الكلام دا 🤭

يتبع......

#حنيني_يعود
بقلم سمر مختار
-٢-
"رجعنا بيوتنا بعد العصر لقيت ابوي قاعد وامي ف المطبخ طبعا علاقتهم مع بعض حلوة شديد حتى وهم في السن دا بحسسوك انهم شباب وما مقصرين معاي حياتنا حلوة شديد خالية من أي توترات ومشاكل"
انا:ابووووي كيفك ي كنز الحنان؟😊😊
ابوي: بنتي الحلوة كيف كان يومك؟؟؟
انا: عادي بس لم شفتك بقى مميز 😊
امي:الاكل وصل في زول جعان؟؟
انا: تسلم يدك يا نبع الحنان ❤😊
"اتغديت معاهم مع اني م كنت جعانة بس عشان م يزعلوا مني ؛ طلعت اوضتي استحميت وصليت ورقدت بقيت بفكر في الشاب القبيل ونظراتو وتصرفاتو بالجد كانت بتحيّر وملامحو حلوة شديد ياخ التقول نازل من كوكب المريخ ؛ اكيد عمرو م بفوت 27_28 سنة بقيت بفكر لحدي م استسلمت للنوم ؛ صحيت بعد العشاء وانا مخلوعة 😳الليلة وووب المغرب فاتني😱😱 قمت سريع اخدت حمام خفيف وصليت المغرب والعشاء فتحت تلفوني بقيت بتصفح حوالي الساعة12 نمت"
تاني يوم الصباح من جانب تاني........
آية: احسن ليك يا ايمن الزم حدودك 😒
ايمن: انا هسا قلت ليك شنو بس عشان قلت داير سمر
آية: سمر شنو الانت دايرها ناسي نفسك انت شنو ؟
انت واحد واطي وسكرجي ما نافع وتاني سيرة سمر دي م تجيبها على لسانك عشان اسمها انضف من شرفك 😒
أيمن: برضو م بخليها وغيرها م بعرس.....
" ايمن دا ود عم اية قال دايرني وانا م دايراو عمرو في نهاية العشرينات قاري ومتخرج وشغال إدارة أعمال واي شي بس سكرجي......😪"
نرجع لقصتنا......
"قمت شربت الشاي لقيت ابوي طالع ؛ طبعا ابوي محامي وامي زاتها قارية قانون بس م شغالة قاعدة في البيت لكن مرات بتساعد ابوي في القضايا الصعبة"
" المسا كدا قاعدة في اوضتي وزهجانة لانو اصلا ماف موضوع اكل ونوم وصلاة بس دا يومي اتصلوا علي صحباتي عاملين مكالمة جماعية "
آية:طبعا يا سمر أيمن تاني سألني منك 😁😁
انا: ياخ ود عمك دا م بتعب نهائي وبعدين انا م دايراو!
ياسمين : حرام عليكم الولد بحبك ي سمر اعذريو 😁
اية: تحب ليو شنو السكرجي دا😒😒
جدية: ما علينا طبعا لقيت صفحة الولد الامس وانا بتصفح قبيل في الفيس جاني في أصدقاء قد تعرفهم المهم طلع اسمو فؤاد اتصفحت في صفحتو شكلو مهندس معماري.....😊😊😊
ياسمين: وجععععع😇😇😇
اية: لكن لقيتك يا البحث السريع .....
"اتونسنا مسافة طويلة بعدها رقدت بفكر فيو"

يتبع......

#حنيني_يعود
بقلم سمر مختار
-٣-
"بعد أسبوعين جا يوم التقديم مشينا الجامعة وفعلا عملنا كل إجراءات التقديم انا وياسمين هندسة معمارية آية وجدية صيدلة ونتائج القبول بعد اسبوع طلعنا من الجامعة من بعيد شفنا الشاب داك .... اي الكسرت ليو تلفونو وهو نازل من عربية سوداء ولابس طاقية صفراء حقت المعماريين ديك وشغال يخطط ويأشر بي يدو عاينت لي صحباتي لقيتهم كلهم مركزين معاي😊"
ياسمين:تتجازي يا جدية الولد طلع مهندس معماري صحي😱😱😱
جدية :اصلا انا ما بجيب خبر ما صحي😌✋
آية: انتي عاد الله يخليك لي جنس دا 😒😒
انا: عادي ي جماعة كلنا مهندسين؛ ارحكم نمش عشان انا عندي مواضيع أهم في البيت😇
اية : عندك شنو الليلة كمان؟
انا: مثلا ماشة ارتب اوضتي العاملة زي حقت المجانين وعندي مزاج طبيخ وحجات زي دي 😇
جدية: ارح نتخارج طيب...
"قطعنا بالشارع التاني ماشين ونتونس جو مارين بي جمبنا 4اولاد شكلهم ماشين يقدموا واحد منهم هبش ياسمين وقفت مصدومة والاولاد بقو يضحكوا بصوت عالي "
انا: مالك يا بت عملوا ليك شنو الوطيين ديل؟؟؟؟
ياسمين: هبشني😖 الولد داك اللابس قميص اسود
انا: الحيوان المتخلف اصبري بس بوري ليو جدية خليك معاها وآية تعالي معاي...😡
" مشيت مع اية للاولاد لكزتو من كتفو وضربتو كف"
انا: المرة الجاية اعمل حسابك واعرف نفسك بتلعب مع منو وكل م تحاول تعمل الحركة دي مع بنت أتذكر الكف دا واتذكر انو عندك اخوات 😒😒😒
"واحد فيهم رد لي "
أولا نحن م سألناك انتي وبعدين قايلة نفسك شنو عشان تضربي من طرف اوع تفتكري انو حنعدي الموضوع دا
"قاطعتو آية "
اية: انت الما تفتكر انو حنعدي الموضوع دا على خير حنفتح فيكم بلاغ بتهمة التحرش وبعدين نحن م ناقصين خيابتكم دي 😒😒
"جرتني من يدي ومشينا لقينا جدية بتهدي في ياسمين تحت شجرة كدا قاعدين في كراسي قعدنا هديناها شوية كدا شفنا المهندس جاي علينا"
المهندس: سلام عليكم بنات 😇✋
"كلهم ردوا ليو الا انا "
المهندس: عندكم مشكلة ولا حاجة محتاجين مساعده؟
انا: شكرا لا كل شي تمام بنعرف نحل مشاكلنا برانا 😇
" صحباتي بعاينوا لي باستغراب وهو زاتو مستغرب؛ رفع حاجب وعاين لي تاني نزلو وابتسم🙃"
المهندس: على العموم بس حبيت أساعدكم 😇
انا : شكرا بنعرف نحل مشاكلنا برانا وبعدين اتاخرنا نحن
قوموا ارح " قمت على حيلي وهم قاعدين بعاينوا لي"
المهندس: شكلك مشكلجية وعنيدة عشان كدا بتكسري تلفونات الناس "ابتسم وفات خلاني واقفة بعاين ليو وانا مغيوظة😡😡😡"
انا: زفاتي قوموا ارح لو ماشين ولو ما ماشين مع السلامة " اتحركت كلهم قاموا بوراي"
جدية : عرف ليك لكن الولد " ضحكت وكلهم ضحكوا بوراها"
ياسمين: الولد خايف علينا حرام م كان تردي ليو كدا
انا: يستاهل اكتر من كدا الغياظ 😡😡😡

يتبع......

#حنيني_يعود
بقلم سمر مختار
-٤-
" رجعت البيت وانا مغيوظة لمن ما شايفة قدامي امي زاتها لاحظت لي "
امي: مالك الليلة يا بتي؟
انا: ماف شي يا امي 😇😇😇😇
امي: قولي الكلام دا لي زول غيري 😒
" حكيت ليها الحاصل كلو من ساعة شفتو وكسرت ليو تلفونو لحدي الموقف القبيل ضحكت فيني لمن دمعت"
انا: ناقصاني انتي كمان كفاية الجزم الضحكوا علي قبيل
امي : كلام صحباتك صاح ما كان تستهوني بيو كان تخليو يساعدكم لانو الاولاد ديل شكلهم ما مأدبين ولازم تعملوا حسابكم وبالاخص انتي لأنك ضربتي منهم😊
انا : طيب اعمل شنو اي بنت في مكاني كانت م حتسكت
امي : برضو ما كان تردي ليو كدا دي م تربيتي لو لاقيتيو تاني اعتذري منو طيب
انا: بس يا ماما اعتذرت منو قبل كدا في التلفون سكت خلاني🙁☹
امي: اعتذري تاني م حتخسري حاجة وبعداك بطريقتو
انا : طيب 😊😊😊
" دخلت اوضتي وبقيت بفكر في الموقف القبيل وكلام امي وفي حجات كتيرة دارت في بالي وتصرفاتي كانت غلط ولازم تتصحح المهم قضيت باقي اليوم نوووم بس صحيت تاني يوم على صوت ونسة ابوي وعمو حامد صاحبو ومحامي زيو؛ استحميت وصليت ولبست توب وطلعت قعدت اتونس معاهم وقال لينا عرس ولدو اخر جمعة في الشهر وطلعوا فاتوا هو وابوي؛ بعد اسبوع نتائج القبول طلعت وعلى طول بدينا تجهيزات الجامعة من سوق لي سوق اشترينا كل مستلزماتنا ونزلنا الجامعة اول يوم لينا يوم الاحد نزلت بي عباية وطرحة وشنطة وجزمةباللون الجوافي وباقي الطقم كلو جوافي وآية بالكبدي وباقي الشلة بالأسود وطبعا كلنا بنعمل روج وكحل بس لا غير ؛ اليوم من بدايتو كان حلو شديد انا وياسمين محاضراتنا بتنتهي قبل اية وجدية بعد خلصنا محاضرات مشينا كفتيريا الجامعة ننتظرهم ومنها نشرب عصير ياسمين قعدت في البينش وانا واقفة فى الكاشير جو داخلين الأربعة اولاد ديلك تلاتة قعدوا قصاد ياسمين وواحد جا وقف جمبي اشترى عصير وطقشني كشحو فيني "
الولد: اوووبس😱 معليش 😒😒😒😒
" قالها لي باستفزاز ومشى قعد مع باقي شلتو وبقو يضحكوا بصوت عالي والكفتيريا كلها سكتت جا واحد كدا شكلو طيوب اداني مناديل شكرتو واخدت كبايتين عصير ومشيت وقفت قدامهم وزي ما هم كبيتهم في رأس الولد "
انا: اوووبس 😱معليش😒😒😒😒
" أتلفت شلت شنطتي ومسكت يد ياسمين طالعين كدا تاني الولد جا مسك يدي فكيتها منو وتاني ضربتو كف "
انا: الزم حدودك واوع تتجرأ وتعيدها والا وأقسم بالله بكسرها ليك 😏😏😏😏
" الكفتيريا كلها وقفت وبقت تعاين لينا "
الولد : انتي قايلة نفسك منو عشان تكشحي فيني العصير وتضربيني 😡😡😡😡
انا : مجرد بنت ودافعت عن حقها 😌✋
" طلعنا انا وياسمين من الكفتيريا لقينا اية وجدية طلعوا من المحاضرة "
اية : مالكم عاملين كدا ولي هدومك وسخانة 😐
جدية: ما يكون الفي بالي صاح والاولاد ديلك هم السبب
ياسمين : اي ياهم وحصل جوا اكشن رهيييييب تاني ضربت الولد نفسو وكمان كشحت فيو العصير 😐😐
آية: انتو عارفين الكلام دا مستحيل يعدي على خير ومستحيل يسكتو لانهم اتعرضو للاهانة قدام الجامعة كلها عشان كدا احسن تكلمي ابوك ي سمر وما تستهوني
" في وقفتنا دي جو طالعين الاولاد ووقفوا قدامنا والولد الضربتو قال لي : احذري من الشي الحيحصل ليك واوع تفتكري اني حأسكت ليك على عملتك دي الموضوع كان معاكم كلكم بس هسا بقى شخصي معاك انتي بس لأنك زودتيها "
انا : انتو اعملوا الدايرنو وانا كل مرة حأوقفكم في حدكم 😌✋
رد لي : طيب بس بعدين ما تبقى طولة لسان ساي
" طلعوا من الجامعة والولد الاداني مناديل جوا الكفتيريا جا لاحقني برا "
الولد: يا اخت انا حابي احذرك شكلك برلومة وما عارفة شي عن الاولاد ديل ؛ طبعا هم أتفه خلق الله وعاملين مشاكل كتييرة هم سناير والولد الضربتيو دا ولد العميد عشان كدا بعملوا الشي الدايرنو بس وعاملين مشاكل كتييرة مع بنات واي بت وقفت في وشهم بغتصبوها وعشان هم أصحاب نفوذ بطلعوا منها صراحة حبيت شجاعتك بس خلي بالك من نفسك واعملي حسابك 😊
انا : مشكور يا أخ......... 😊😊😊
الولد : رامي ......اسمي رامي
انا : مشكور يا رامي وانا سمر وديل صحباتي 😊😊😊
" طلعنا من الجامعة ماشين في الشارع وبنتكلم "
ياسمين : بالجد ما تستهوني بالموضوع كلمي ابوك 🙁
انا : م بحتاج ي جماعة انا بادبهم براي بس انتو ساعدوني وبنتجاوز الحكاية😊😊😊
" ماشين ونتونس وصلنا المكان الكان ببني فيو فؤاد المرة الفاتت "
جدية : المبنى فاضي ارح ندخل م بنخسر حاجة
اية: لكن عربية الولد قاعدة هدي بكون قريب
جدية: م اظن بكون فات يفطر ولا حاجة بكون بعيد ياخ هسا كان طلعنا ارح سريييع😇😇😇😇
انا: طيب ارح سريع
" دخلنا المبنى بالجد تصميمو كان مبالغ فيو شكلها شركة طلعنا الطابق الثاني "
انا: كفاية لحدي هنا ارح نرجع 😪😪
جدية: م حتخسري حاجة ارح نكمل هم كلهم ٥ طوابق
انا : تعبت انا والله انتو كملو وانا بنتظركم هنا 😪😪
" فاتو خلوني في الطابق الثاني بقيت بتلفت وبعاين بالبلكونة ومنظر الجامعة من بعيد حلو شديد اتذكرت الموقف

#حنيني_يعود
بقلم سمر مختار
-٥-
" أتلفت لقيتو دا المهندس مع العمال وقفت زي المصمغة هو زاتو احتار بقى بعاين لي العمال طلعوا فوق وهو جا علي "
المهندس: هلا ؛ ضايعة منك حاجة ولا بتتفرجي ساي ؟
انا : انااااامممممماااااناااا
" بقيت بتمتم 😅😅 صراحة شكلو من قريب بجنن والعجب نظراتو بتلخبط الزول ؛ المهندس بقى بضحك "
المهندس: معناها جاية تشوفيني 😁😁
" عاينت ليو باستغراب "
انا: أسمع انا ما جيت براي واصلا ما كنت جاية لو ما صحباتي
" ما تميت كلامي صحباتي جو نازلين وبتونسو وبضاحكو زحيت من المهندس ومشيت ليهم "
انا: مالكم اتاخرتو كدا ؟؟؟
" شافو المهندس كلهم اتخلعوا ووقفوا بعاينو ليهو"
انا : انا ما بتكلم معاكم 😤
آية: الجو ظريف ياخ وما كنا نازلين بس ازعجنا العمال عشان كدا😁😁
ياسمين : معليش يا أخ بنعتذر دخلنا المبنى من دون إذن بس حبينا نشوفو عشان نتعلم😁😁
المهندس: لا عادي😁 انتو مهندسين يعني😅
ياسمين: ما كلنا بس انا وسمر 😁😁
اية : على العموم بس بنعتذر مرة تانية يلا يا بنات عشان ما نعطلو
المهندس: لا عادي ولو ما عندكم شي ارح معاي اوريكم المبنى عبارة عن شنو 😁
"كلهم وافقو الا انا قلت ليهم بتاخر راجعة البيت "
جدية: ارح ياخ عارفة امورك دي هسا بتصل لي خالتو واقول ليها انتي معاي
ياسمين: بطلي حركات ياخ ارح 😥
انا : طيب
" طلعنا طابق ورا طابق وهو شغال ويأشر وانا ما فاهمة حاجة ماشة بي وراهم بس الشي الفهمتو انها شركة وحقتو هو ؛ كمل المبنى كلو وانا خلاص حيلي مات ونحن في الطابق الخامس تلفونو اتصل فات يتكلم بعيد وانا مراقبة كل حركة وتعابير وشو كمل تلفونو ورجع وانا لسة معلقة وسرحانة فيو "
المهندس: طيب بنات انا لازم امش جاني اتصال ضروري
آية: طيب نحن كمان بعدا اتاخرنا
المهندس: اوصلكم في طريقي 😁
انا : لا شكراً بنعرف نمش برانا 😅😅
" ضحك وطلع كرت من جيبو اداو لي ياسمين "
المهندس : دا كرتي فيو رقمي لو وقفت ليكم اي حاجة في الهندسة بساعدكم 😁 وووصحي انا فؤاد محمد اتخرجت قبل سنتين ماجستير هندسة معمارية 27 سنة 😁😁
" اتعرفوا بي بعض وانا ساكتة خشمي ما فتحتو ؛ رجعنا البيت وانا بفكر في الموقف القبيل بتقلب الليل كلو غلبني النوم بتذكر ضحكتو حركاتو كلامو ياخ ريحتو زاتها مختلفة ما عارفة نمت متين زاتو وانا بفكر فيو
تاني يوم الصباح كان الاتنين قمت وجهزت نفسي وانا طالعة امي زكرتني بعرس ود عمو حامد يوم الجمعة طلعت وصلت الجامعة اول واحدة بعدي جات اية قعدنا نتونس ولاحظنا انو الأربعة اولاد ديلك ما جو الجامعة شوية كدا جا رامي قعد اتونس معانا طلع ظريف خلاص طبعا هو سنير "
رامي: هوي انا محاضرتي حتبدا ماشي خلاص
اية : انا زاتي محاضرتي قربت يا سمر
رامي: انتو ما بتقرو سوا يعني 😅😅
اية : لا انا صيدلة وهي هندسة معمارية
رامي : سبحان الخالق طيب لميتو في بعض كيف ؟؟
اية: دي قصة طويلة الزمن ما بكفي يلا سلام
" فاتو خلوني براي شوية كدا ياسمين جات "
ياسمين: ووووووووواي يا سمر عندي ليك جنس كلام😱😱😱
انا: انجزي مالك في شنو سريع😨😨😨
ياسمين: شوفي انا حاحكي ليك بس اوع تقولي لي كدا ولا كدا سامعة
انا: اوك ياخ انجزي قولي 😒😒
ياسمين: صاح امس فؤاد اداني الكرت حقو يلا دخلت ليو في الواتس بالأول ما عرفني بس تاني عرفني اتونسنا كدا وقال لي فاضية اتصل ليك قلت ليو اي عادي اتصل لي وووووووواي انا من صوتو في التلفون 😇😇 المهم مما بدينا الونسة فتح لي سيرتك طبعا بقول لي صحبتك المشكلجية العنيدة 😅😅 وقال لي من الاخر كدا انا دايرها في حياتي ما عارف حبيتها كيف ومتين بس المهم حبيتها وحابب انها تكون جزء من حياتي بس دايرك تساعديني وتقنعيها لي انا عارفها عنيدة وراسها يابس وجنها مشاكل وما اظن حتحبني بس مستحيل ايأس المهم ف النهاية قال لي اديو رقمك لكن بارادتك انتي يعني بعد أسألك 😁😁
انا: اها والمطلوب مني شنو انا😒😒
ياسمين: انتي بايخة جدا ع فكرة😒 انا بقول ليك الولد بحبك عارفة يعني شنو بحبك ؟؟؟؟؟
انا: عارفة وبعدين المحاضرة قربت باقي ١٠ دقايق يلا قومي ارح
" عملت لي كدا😒😒😒"
ياسمين: اقسم بالله مشاعرك تلج بس ارح اتسلي😒😒
" مشينا القاعة بعد المحاضرة انتهت طلعنا مشينا مكاننا المعتاد لقينا اية وجدية ماف اتصلت عليهم ما بردوا خفت عليهم طوالي جا في بالي انو الأربعة اولاد ديلك عملوا ليهم حاجة اشيل واتصل ماف رد"
ياسمين: نمشي للعميد؟؟؟
انا : عميد شنو اكيد ما حنلقى منو حاجة هو اكتر زول مأيدهم على الغلط احسن نعمل كل شي برانا
ياسمين: طيب خلي رامي يساعدنا
انا : خلينا نحل مشاكلنا برانا
ياسمين: طيب نعمل شنو؟
" فجأة اتصلت على اية رديت بسرعة "
انا: الوووووو😱😱😱 وين انتي وجدية معاك والحاصل عليكم شنو 😨😨😨

يتبع........

#حنيني_يعود
بقلم سمر مختار
-٦-
اية: اهدئ كويسين نحن نسيت ما اتصلت عليكم وتلفوني كان صامت من المحاضرة نسيتو طلعت مع محمد وجدية مشوار امشو البيت ما تنتظرونا😇
" محمد دا خطيب اية وعندو اخوهو اسمو عمر داير جدية بس هي عاملة تقيلة😅"
انا : طيب خوفتوني عليكم فكرت الاولاد ديلك عملوا ليكم حاجة
اية: اهدئ لالا نحن كويسين الحمد لله 😁
انا: طيب يلا سلام 😊
ياسمين : اها يا زفتة اقول ليو شنو😒
انا: منو؟
ياسمين: ما تتغابي لي عارفاني قاصدة منو😒😒
انا: وريتك قبيل ما تديو اي رقم
" حدرت لي 😒😒 وطلعنا طوالي ؛ وصلت البيت بقيت بفكر في كلام ياسمين معقولة حباني بالسرعة دي معقولة؛ وانا كمان زي المجنونة من اول يوم لاقيتو وانا بفكر فيو للحظة دي معقولة انا كمان حبيتو؟؟؟؟لالا يا سمر انتي بتتوهمي بس بقيت بفكر وبفكر امي جاتني في الأوضة لقتني محتارة "
امي: مالك يا بت الغدا برد انا من قبيل بناديك سرحانة وين ؟
انا: ما سمعتك جاية هسا 😊
امي: مالك عندك مشكلة أو تاني الاولاد سألوكم اكلم ابوك بالموضوع دا؟؟؟
انا : ماف شي يا امي😁😁
امي: في شي احسن توريني معقولة بكورك ليك من قبيل زي الطرشانة 😒😒
انا: طيب اقعدي اوريك 😅
" حكيت ليها الحاصل كلو "
امي: وانتي شايفة شنو؟؟؟؟
انا : انا ما عارفة يا امي قلبي بقول كلام وعقلي برفض 🤦‍♀️🤦‍♀️💔
امي: انا غايتو ما بقول ليك غير انو اسمعي لي قلبك ومحتخسري وراجعي نفسك حتصلي لي حل 😁
" طلعت خلتني بفكر في كلامها عدت باقي الايام بسرعة وجا يوم الجمعة اللي هو يوم عرس ود عمو حامد امي فاتت العصر لاني قلت ليها بجي بعدين في الصالة بس وفعلا بعد العشاء بديت أجهز للحفلة لبست فستان سندريلا كبدي وسط يعني لا طويل ولا قصير وكعب عالي كبدي وروح كبدي وحجبت طرحتي الكبدية وباقي الطقم كلو باللون الكبدي انا اصلا بحب البس كدا يعني لبسي كلو كدا زيادة على انو لوني اسمر وطولي وسط بس انا اطول واحدة بالنسبة لصحباتي 😊😁 طلعت وصلت الصالة لقيت الحفلة بدت بس لسة العرسان ما جو قعدت مع امي و معاها كم مرة كدا المهم الحفلة شغالة والجو ظابط شوية كدا العرسان جو زفوهم ورقصوا اسلو ووواي انا منهم حلوين مع بعض ❤ بعاين في الشاشة لمحت فؤاد خلاص اعصابي باظت وقلبي زي الدلوكة بقيت ما فاهمة اي شي للحفلة بقيت اتكلم براي فؤاد الجابو هنا شنو😱 ان شاء الله م يشوفني امي لاحظت لي ما طبيعية قالت لي كويسة انتي هزيت ليها راسي بمعنى اي "
امي : طيب قومي ارح نرقص قاعدين كدا زي الصنم
انا : لالا يا امي ماشة البيت انا 😨😨
امي: شنو😨 هو متين جيتي خليك قاعدة ما ترقصي برقص وبجيك
" فاتت مع النسوان خلوني براي بقيت بتلفت زي الرايحة لي حاجة وما قادرة ازح عيوني منو صراحة هو زاتو لابس لبس التقول متفق معاي قميص كبدي وبنطلون اسود والهيبة واااي اللهم الثبات🤤🤤🤤 والرقيص والضحكة يخلوهم ليو رقص كدا وقعد وما قعد الا قصادي هسا دا مكان ليو الله يجازيو 😨😨 شافني من بعيد بعاين لي ساي حلف كان يزح عيونو وانا كل ما أتلفت القاو بعاين لي بتجهجه بقيت بتكلم في نفسي انا لازم ارجع البيت ما بستحمل اكتر من كدا رسلت لي امي رسالة اني مصدعة ونعسانة ماشة البيت طلعت برا الصالة جا لاحقني طبعا عرفتو من ريحة عطرو😅 "
فؤاد: سلام عليكم
" حلفت كان أتلفت جراني من يدي وقبلني عليو "
فؤاد: ما سامعاني يعني 😒
انا: أولا فك لي يدي وتانيا اياك ثم اياك ان تعيد الحركة دي والا .......
" قاطعني " والا شنو
" تاني مسك يدي جراني من نص الشارع وببتسم ؛ عيوني رقرقو وقلبي بي جوا داير يطير بس ابيت أضعف عملت نفسي قوية "
انا: قايل نفسك منو عشان تتجرأ ولو سمحت كفاية لحدي هنا
" دايرة امش تاني جراني من يدي غياظ خلاص😒"
فؤاد: كدي اقيفي واسمعيني صراحة يا سمر انا معجب بيك😅 مش معجب بس بحبك عديل😊❤
" يلا هنا قلبي طار😅😅😅"
وبالجد انا حابي اكمل باقي حياتي معاك انتي بس انا حبيتك من اول مرة شفتك فيها ❤انا حبيت اللحظة الاتكسر فيها تلفوني عشان كان مقابلها انتي ❤ انا حابي اكمل بيك نص ديني بس انتي قولي خير وانا بكرة بجي لي ابوك ❤انا حبيت عنادك حبيت مشاكلك حبيت كل شي بخصك ❤ردك شنو؟
" سكت ساي لساني اتبلع بقيت بتكلم في نفسي يلعن ابو اللحظة الخلتني امشي الأستوديو 💔"
فؤاد: انا بتكلم على فكرة وعادي اخدي راحتك انا بنتظر ومستحيل ايأس بس لمن توافقي كلمي ياسمين تديني رقمك 😁😁
"جات واحدة كدة وقفت معانا "
البت : فؤادي وينك بفتش ليك من قبيل ودي منو البت الواقف معاها دي😊
" نايصة نياصة عاد وكابة شعرها كبة والعجب الفستان الابساو التقول مخيطنو في جسمها😒😒"
فؤاد: دي مرتي المستقبلية😊 كنت حابي افاجئكم لكن خلاص طالما شفتيها اعرفكم بي بعض دي مرتي سمر ويا سمر دي يسرا بت خالتي اخت العروس
" البنت ملامحها اتغيرت وقالت ليو بعد تكمل تعال جوا انا دايراك وفاتت؛ فؤاد بقى ببتسم ساي وانا الغيظ كاتلني "
انا : عفوا منو القال ليك انا موافقة 😒😒
فؤاد : عارفك ما موافقة

#حنيني_يعود
بقلم سمر مختار
-٧-
"وصلت البيت مهبطة وما فاهمة حاجة على طول رقدت بس النوم غلبني للصباح صاحية بفكر في الموقف الحصل وكلامو قمت اتجهزت ومشيت الجامعة عيوني مورمات استقبلوني اية ورامي قعدت معاهم شوية وقاموا فاتو محاضراتهم خلوني براي منتظرة ياسمين "
من جانب تاني........
فؤاد: يا امي انا مية مرة قلت ليك بعرس البنت الدايرها انا وبعدين يسرا دي م بتنفع معاي 😪✋
ام فؤاد: مالها بت اختي عيبها لي والله احسن من أي بنت وبعدين انت من متين بتقيف مع بنات الناس في الشوارع لو هي اصلا بت ناس ما كان وقفت الشارع ي ولدي أسمع كلمتي احسن تعرس بت خالتك القريبة ولا تعرس الغريبة منك الله يرضى عليك 😥
فؤاد: انا ما بغيّر كلامي شفتي يسرا دي لو بقت اخر بت ما بعرسها احسن لي الغريبة المحترمة منها مع السلامة لاني اتأخرت من الشغل 😪
" طلع فات وامو طوالي رفعت التلفون واتصلت على اختها"
أم فؤاد: كيفك يا رجاء اصبحتو كيف ؟؟؟
رجاء: كويسين والله يا هناء وانتو كيف؟؟؟؟
هناء: والله انا الولد دا زهجني زهج من الصباح دا تاني فتحت ليو الموضوع حلف كان يتراجع 😐😐 لكن انا لو حية في الدنيا دي مستحيل يعرس غير يسرا
رجاء : اي عليك الله حاولي معاو كل يوم بس المهم يعرسها😁😁😁
" جا داخل ولدها التاني فهد الأكبر من فؤاد بسنتين و معاهو فادية اختهم ممتحنة الشهادة "
فهد : يا امي انا طالع دايرة حاجة ؟؟؟
هناء: لالا بس سلامتك اتكلم لي مع اخوك في موضوع يسرا احتمال يسمع منك
فهد : خلوهو بي راحتو ياخ وانا ما عندي وقت للفارغة دي مع السلامة
يلا ما نسرح نرجع لقصتنا.....😊
" ياسمين جات متأخرة لقت المحاضرة بدت والدكتور فقر ما بدخل زول بعدو "
ياسمين: يا بت مالك الليلة عيونك مورمات كدا شكلك ما نايمة كويس
انا : ما نمت اصلا الليل كلو كنت بفكر ومحتارة😥
ياسمين: احكي ساي لأنو المحاضرة بدت والدكتور محيدخلنا 😊😊😊
" حكيت ليها الحاصل كلو "
ياسمين: وافقي عليك الله الولد متيم بيك عديل 🥺
انا : المشكلة انا محتارة وما عارفة اعمل شنو قلبي بقول كلام وعقلي برفض
ياسمين: والله ما عارفة اقول ليك شنو بس استخيري
" قعدنا نتونس ساعتين في الموضوع لحدي ما طلعوا من المحاضرة جو قعدوا معانا آية وجدية ورامي ومعاهم كم ولد من شلتو بنتونس ونضحك المهم عديت الاسبوع كلو تفكير و صراع بين عقلي وقلبي في النهاية قررت امشي البحر افرق عن نفسي شوية مشيت والبحر كان فاضي قعدت مع الجو الخرافي والمنظر الحلو وريحة الدعاش تفتح النفس للحظة نسيت كل الهموم وبقيت في سلام داخلي بس في لحظة سمعت صوت اولاد بوراي أتلفت لقيتهم هم 😱😱😱😱😱اي الأربعة اولاد ديلك قلبي طار وملكني الخوف واتذكرت كلام رامي قمت على حيلي سريع بس هم جو حاوطوني 😨😨😨"
انا: خير مالكم في شنو
" رد لي الولد الضربتو اي ولد العميد "
الولد : ماف شي بس بيناتنا حسابات لازم نصفيها 😪
انا: ما عندي ليكم اي وقت أتلفت ماشة جراني من يدي رفعت يدي التانية اضربو مسكها لي "
الولد: لا ما حذرتي مستحيل تعيديها تاني والليلة حتدفعي تمن الكفين الضربتيني ليهم والإهانة القدام الجامعة وماف زول حينقذك مننا 😏😏ولسانك الطويل الليلة حيتقص
انا: قايلين نفسكم رجال لمن تتقاوو على بنت احذروا البحاول أو البفكر مجرد تفكير يقرب مني حيندم
الولد: الليلة ماف زول حيندم غيرك
" ضربني كف وقعت في الأرض بقى يضربني بي رجولو في بطني لمن استفرغت دم وواحد تاني جرّ مني طرحتي خلاص حيلي مات وبقيت ما قادرة اتحرك بس بكوورك لمن حسي اتقطع وشي اتشوه بقى عبارة عن دم بس حاولوا يفكو لي عبايتي بس ابيت اخليهم قاومتهم لمن يديني اتجرحو "
انا : فكووووني زحو مني يعني حتستفيدوا شنو من تعذيبي؟؟؟ حتستفيدوا شنو 😭😭😭😭😭
" في اللحظة دي جات عربية وقفت كلهم هربوا وانا بقيت في الأرض واغمى علي نزل منها شاب رفعني عربيتو وجرى بي المستشفى الشاب قعد في الاستقبال جاهو اتصال "
الشاب : الو اهلين يا فؤاد؟
فؤاد: وينك يا فهد انا رجعت البيت وانت لي هسا ما جيت؟؟؟؟
" الشاب طلع فهد اخو فؤاد "
فهد: والله كنت راجع البيت بس شفت لي بنت في الطريق جنب البحر و..........."حكى ليو" وحأقعد عشان اعرف عنها حاجة لانو شكلها كان شنييع شديد شكلها اتعذبت
فؤاد: طيب بجيك هسا في ياتو مستشفى؟؟؟ طيب
" بعد ساعة فؤاد جا المستشفى ولقى فؤاد واقف مع الدكتورة"
فؤاد: خير يا جماعة طمنونا؟؟؟
الدكتورة: انتو اهلها ؟؟
فهد : لالا نحن لقيناها في الشارع ؟؟؟
الدكتورة: كنت ما حأمسكها لانو حالتها خطيرة الا بالشرطة لكن خفت انها تروح مننا المهم البنت اتعرضت لتعذيب عنيف ومحاولة اغتصاب وجسمها كلو مشوه بلّغوا اهلها عشان الا يفتحوا قضية 😪

يتبع........

#حنيني_يعود
بقلم سمر مختار
-٨-
"فهد وفؤاد قعدوا محتارين هسا نعرف اهلها من وين وديل منو الاولاد الحاولوا يغتصبوها "
فؤاد: انت امشي شوفها يمكن توريك حاجة وانا بدفع الفاتورة وبلحقك
" فهد دخل لقاني ببكي ومركبين لي درب جلكوز وحالتي تحنن جسمي كلو مشوه ما قادرة اتحرك "
فهد: اهدئ اول شي انتي كويسة وما حصلت ليك حاجة اسمك منو واهلك وين؟؟؟؟
" زدت البكى زيادة😭😭😭😭😭 "
فهد: خلاص ما عايز اعرف اي شي بس اهدي !
" فؤاد جا داخل لما شافني اتفاجأ والعجب لما شفتو انا"
فؤاد: سمر 😨 دي انتي😱😱😱الحاصل شنو
" قرب مني قعد جمب راسي بالجد حسيت بالأمان فؤاد خايف علي من ملامحو حسيت بي حبو حقيقي بقى بمسح على راسي ويهدي فيني شويتين نمت ؛ طلع برا هو وفهد "
فهد: بس م تقول لي دي سمر الحكيت لي عنها ؟؟؟
فؤاد: اي ياها لازم اعرف الموضوع دا عشان احلو ما بقدر اشوفها بتتعذب اكتر 🥺🥺🥺
فهد: طيب اتصل على اهلها برضو عشان يجو!
فؤاد: ما عندي رقم اهلها بس عندي رقم صحبتها بس ثواني
" طلع تلفونو اتصل على ياسمين كلمها وياسمين اتصلت على امي شوية كدا ياسمين جات سلمت عليهم وواقفة معاهم "
ياسمين: الحاصل شنو يا فؤاد؟؟؟
فؤاد: انا البسألك من الحاصل ديل منو الاولاد الحاولوا يغتصبوها اكيد بتعرفي؟؟؟؟
ياسمين: صراحة يا فؤاد ما عارفة اذا سمر حتزعل اذا كلمتك بس حأوريك لانو الموضوع كبر شديد
" حكت ليو بالحاصل كلو من اول مشكلة وكانت بسببها هي فؤاد اتأثر شديد وعيونو دمعوا لمن أتذكر حالتي كيف ودا كلو عشان ادافع عن صحبتي؛ شوية كدا امي و ابوي جو داخلين سلمو عليهم "
امي: انتو الساعدتو بنتي ربنا يجعل فيكم البركة 😭
ابوي: هو الموضوع شنو ولي انا ما عارف شي
امي: صراحة سمر القالت ما يكلموك 😖
ابوي: البنت دي طول عمرها عنيدة بس على نياتها هسا كان حصلت ليها حاجة نقول شنو ؟؟
فؤاد: ربنا جاب العواقب سليمة الحمد لله بس تاني اعملوا ليها الف حساب 😁
فهد: لالا هو الموضوع دا ما بيتسكت عليو
ابوي: صحي يا ياسمين قصة الاولاد دي شنو وبتعرفوهم
ياسمين: بنعرف واحد وهو ود العميد على رأسهم
فؤاد: ود العميد كمان والله الزمن بقى صعب !
ابوي: اي والله يا ولدي لكن طالما في ناس زيكم كدا اكيد الدنيا حتمشي تمام ما قصرتو والله ما عارف اشكركم كيف 😅😅
فهد: ما في داعي يا حاج في النهاية هي زي اختنا
فؤاد: بس كتروا من الدعوات 😁😁
" فؤاد وفهد فاتو وياسمين وأمي وأبوي جوني داخلين من شفتهم بقيت ببكي ياسمين حضنتني وبتبكي معاي "
ياسمين: دا كلو بي سببي انا 😣
انا: دا ما سببك ولا سببي ولا سبب زول دا سبب الاولاد ولازم يتعاقبوا
امي: الله لا جاب باقيهم ربنا ينتقم منهم م حنسكت على الموضوع دا
ابوي : اعتبروا الموضوع منتهي وبكرة بكونوا في المحكمة ✋
" اليوم عدى بسرعة بس كان بالنسبة لي شبيه بالنهاية لاني كنت حأنتهي في اليوم دا 💔 تاني يوم جوني باقي صحباتي والشلة كلها قعدوا معاي شوية وفاتو بس كنت ما فاهمة اي شي قضيتو سرحان بس ؛ عديت اسبوع في المستشفى ونفسياتي بدت تتحسن لانو كل يوم صحباتي بجوني والعجب ياسمين كل يوم بتقول لي فؤاد اتصل لي بسأل منك بقيتي كيف ما شفتي حالتو كيف ؛ الاولاد اتعاقبوا اول شي فصلوهم من الجامعة وتاني شي حاكموهم ١٠ سنين على جرائمهم العملوها والعميد نزلوهو وختو بدلو واحد تاني؛ طلعت من المستشفى وعديت أسبوع في البيت راقدة برضو لكن اتحسنت بس باقي شوية آثار جروح بعد فترة في يوم قمت نضفت البيت من الصباح من دون عوايدي وجهزت الفطور ودا كلو امي و ابوي نايمين استحميت ورقدت في اوضتي شلت تلفوني وبقيت بتصفح في الواتس لقيت ياسمين أون لاين قالت لي اديت رقمك لي فؤاد عشان كرهني عيشتي كل يوم بسألني منك بقيتي كيف لكن قال لي محأتصل ليها يمكن تتزاعلوا بسببي 😁
اتشاكلت معاها كدا وطلعت لقيت ابوي وامي صحو ختيت الفطور وقاعدين نفطر مع بعض "
امي: الليلة مالك صاحية بدري عيانة ولا شنو
انا : 😂😂😂 لالا ساي بس مزاج
امي : ولا يكون ناوية تعرسي وبتتدربي من هسا؟؟
ابوي : على سيرة العرس يا سمر عندي ليك عريس والله ولد محترم شديد وكل يوم بسألني منك لمن كنتي عيانة حسيت بيو بحبك بس ما قادر يعترف لي والله من لهفتو وانا متأكد حيهتم بيك 😊😊
انا: لالا يا ابوي انا ما دايرة اعرس هسا 😁😁
" المهم اتونسنا كدا وعرفت انو الولد فؤاد الليلة نهائي ما بخليو يصبر لي ؛ بعد يومين نزلت الجامعه وبعد الدوام شفت بنت خالة فؤاد يسرا جات مارة بي جمبي حدرت لي😒😒"
اية: اجي دي مالها 😐😐😐
انا : دي بت خالة فؤاد الحكيت ليكم عنها
اية: ومالها بتتراشق كدا متخلفة وهمانة مريضة 😒😒
" عدت الايام وجا يوم الاربع بعد الدوام لاقيت فؤاد عملت فيها ما شايفاو لكن هو جا وقف لي في وشي 😐"

يتبع.......

#حنيني_يعود
بقلم سمر مختار
-٩-
فؤاد: كيفك يا سمر بقيتي كيف سألت منك كتيير ؟
انا: عارفة🙃 اي وصلني سؤالك عني حتى ابوي سألتو ما قصرت وشكرا تاني ما تسأل عني 😁 وانا حابة اشكر اخوك يا ريت لو توريو نيابة عني😇
فؤاد: جدا يوصل دا اقل شي ممكن يعملوا لي مرت اخوهو😄😄😄
" حدرت ليو "
انا : فؤاد انت قصدك شنو يعني ما ناوي تقتنع انتي ما موافقة بيك 😣
فؤاد: سمر ما تخليك عنيدة انا بالجد بحبك ودايرك لي قدام في حياتي حاولي افهميني انا بقيت ما بعرف افكر الا فيك والحصل معاك ما هيّن انتي عانيتي بس انا اكتر منك عانيت لما شفتك بتعاني انا النوم بجفاني بس عشان افكر متين حتوافقي انا بالجد بحبك الله يرضى عليك ما تكسريني🥺💔
" بقيت واقفة ساي بعاين ليو بالجد كلامو هزّاني وحسيت بمشاعرو حقيقة خنقتني عبرة "
انا: بس يا فؤاد .....
" قاطعني"
فؤاد: عارفك حتقولي لي لا على العموم انا ما حأضغط عليك اكتر لانو راحتك أهم شي عندي بس دايرك تعرفي شي واحد اني مستحيل ايأس وحأنتظرك 😇
" طلع تلفونو اتصل على "
فؤاد: ودا رقمي بقى عندك لما تتراجعي عن قرارك انا في انتظارك 😇
" فات ؛ رجعت البيت وانا بفكر في كلامو بالجد كان صادق من نظراتو فؤاد الأنا شفتو مستحيل يخون ثقتي فيو مستحيل يحب واحدة غيري بالطريقة دي في اللحظة دي اتذكرت كلام كان قالتو لي امي حبي البحبك لانو حيحترمك واكيد حتحبيو مع مرور الزمن لكن ما تحبي البتحبيو لانو حيرخصك ويشوفك شي ثانوي في حياتو؛ غمضت عيوني وفكرت في الكلام كويس اخدت نفس ورفعت التلفون واتصلت عليو ما رد قلت تاني محأتصل ختيت التلفون كدا رجع لي ؛ قلبي داير يطير من مكانو ويدي بترجف فتحت الخط "
فؤاد: الو " اللهم الثبات من صوتو في التلفون "
انا : الو 😇 😇😇😇😇
فؤاد : اقتنعتي بي كلامي ولا متصلة غلط 😁
انا : متصلة غلط مع السلامة 😒😒 " غياظ خلاص"
فؤاد: لالا اقيفي وربي بهظر معاك 😂😂😂
انا : عارف نفسك غياظ 😒😒😒😒
فؤاد : عارفة اني بحب اشوفك مغيوظة مني لانو ملامحك بتكون حلوة شديد وعارفة اني بعشقك بكل تفاصيلك ❤😇
" سكت ساي وقلبي زاد "
فؤاد: الوووو
انا : اي معاك 😇😇😇😇
فؤاد: وين ما شايفك 😊😊
انا: فؤاد بطل غلاظة 😒😒😒😒
فؤاد: اسمي دا حلو ولا منك انتي حلو😊
انا: فؤاد مع السلامة!!!!
فؤاد: لا وربي خلاص ها احكي
انا : عارف انا متصلة ليك لشنو هسا ؟
فؤاد: اكيد عشان بتحبيني ❤😇
انا : طيب بتتغالط مالك ؟!
فؤاد : يعني بتحبيني ؟؟؟ كدي قوليها لي ما صعبة قوليها 😊❤
انا: ابيت 😅😅😅
فؤاد: طيب خليتك هسا لكن أكيد حتقوليها يوم
" المهم اتونسنا كدا وحكى لي قصة حياتو وكان صريح معاي شديد وحتى قصة يسرا حكاها لي وقفلنا على كدا؛ تاني يوم الصباح كان الخميس لقيت منو رسالة بقيت ببتسم ساي جهزت نفسي سريع وطلعت الجامعة حكيت لي صحباتي بعد الدوام رجعت البيت وحكيت لامي بعد العشاء كدا جاتني في الأوضة وقالت لي ابوك بناديك مشيت ليو لقيت معاو فؤاد وفهد وابوهم 😱😱
قلبي عمل شححححح سألني موافقة قلت ليو البتشوفو انت قال لي محأعرسو انا موافقة؟؟؟ هزيت ليو راسي بمعنى اي طوالي قالوا بكرة الجمعة حيعملوا الخطوبة رجعت الأوضة لقيتو بتصل لي من فتحت الخط "
فؤاد: بكرة خطيبتي وبعدو حلالي❤
انا : انت ما جادي طبعا ما مصدقة انك اتقدمت لي😱
فؤاد: انا قلت ليك قبل كدا انتي وافقي وانا بكرة بجي لي ابوك 😊وبكرة حنعمل خطوبة بسيطة انا وانتي عنوانها❤
" بالجد احترامي ليهو زاد ؛ اتونسنا شوية وقفلنا على كدا اتصلت لي صحباتي وكلمتهم تاني يوم جوني وبدينا نجهز "
من جانب تاني....
هناء: يعني يا فؤاد حتكسر كلمتي وتعرس الغريبة؟
فؤاد: دي م غريبة يا امي دي حتكون مرة ولدك ...
محمد : انتي مالك يا هناء مع الولد خليو يعرس البنت الدايرها ....
فهد: اي ياخ ما تجبروهو.....
هناء : طيب طالما راسكم مع رأس ابوكم بس انا مستحيل أقبل بيها تجي تسكن في البيت دا
فؤاد: اصلا ما حنسكن هنا بيتنا برانا عجبك تعالي زورينا ما عجبك خليك بس نحن محنقيف منكم 😊
ما ننشرح يلا نرجع لقصتنا
" جهزنا كل شي تقريبا شويتين كدا ناس فؤاد جونا استقبلوهم في الهول شوية كدا انا طلعت ليهم برا قعدت جمب فؤاد ولبسنا الدبل لي بعض وما شاء الله صحباتي ما قصروا صورونا صور شوية كدا فاتو وانا من التعب رقدت نمت على طول 😊

يتبع........

#حنيني_يعود
بقلم سمر مختار
-١٠-
" تاني يوم الصباح مشيت الجامعة الشلة كلها باركت لي وبعد الدوام جاتني يسرا "
يسرا : ما تفتكري انك خلاص بقيتي لي فؤاد 😒 لانو محيعرس غيري ومستحيل اخليكم تتهنو مع بعض
انا: لو انتي مالية عينو ما كان مشى بعيد
وبعدين انتي ما بتحددي اذا كان هو دايرني أو لا طالما نحن مع بعض محتقدي تفرقينا 😌✋ ولو سمحتي انا ما عندي وقت للفارغة دي مع السلامة
" مشيت منها بقت تتكلم براها فوق ما شالت مني فؤاد كمان جابت ليها وقاحة طيب انا بوريك "
من جانب تاني.....
" اية رفعت صور الخطوبة وأيمن شافهم إتصل ليها على طول "
أيمن: سمر اتخطبت😱😱 برضو مستحيل اخليها
اية: انت قصدك شنو يا ايمن خلي بنت الناس في حالها هي ما دايراك✋
أيمن: بس انا دايرها ومستحيل أتخلى عنها وتاني محأتصل ليك بعدا حأتصرف براي 🙃🙃
نرجع لقصتنا
" تاني يوم بعد الدوام ايمن جاني في الجامعة وبقى يعاكسني"
ايمن : لي انتي اخترتي غيري بالطريقة دي انا دايرك احسن توافقي عشان ما تندمي بعدين 😒
انا : كمان جابت ليها وقاحة وتهديد طيب يا سيد اعمل الدايرو وانا منك ما خايفة ✋
" مشيت خليتو ويسرا شافتني من بعيد بعد مشيت جات وقفت معاو"
يسرا: لو سمحت😇😇😇😇😇
ايمن: اهلا🙃🙃🙃🙃
يسرا: بتعرف سمر من وين انت؟؟؟
أيمن: انتي منو!
يسرا : ما مهم شكلك كنت بتحبها وجرحتك؟
أيمن: ولي هسا بحبها ومستحيل اخليها تعرس الولد داك
" يسرا ابتسمت ابتسامة خبيثة "
يسرا: وانا كمان بحب فؤاد وما دايراو يعرسها رايك شنو نتفق مع بعض ونمنع عرسهم 😇
ايمن: طيب بس بعدين لا بعرفك لا بتعرفيني
" اتفقوا مع بعض وشالو أرقام بعض؛ انا رجعت البيت وبقيت بفكر في كلامهم ويمكن بسببهم حياتي مع فؤاد تكون كلها مشاكل فجأة فؤاد اتصل علي"
انا: الو
فؤاد: كيفؤؤؤؤ؟؟
انا: الحمد لله وانت كيفك؟
فؤاد: بخير دامك بخير صوتك مالو متغير كدا؟
انا : ماف شي بس تعبانة شوية 😇😇
فؤاد: سمر انا بعرفك اكتر من نفسي الحاصل شنو ؟؟
انا : بالجد ماف شي 😇😇
فؤاد: طيب ثواني وبرجع ليك ؟
" رجع لي بعد نص ساعه " فؤاد: انا برا البيت تعالي طالعة 😇😇
انا : فؤاد الجابك شنو جنيت اطلع كيف وابوي......
"قاطعني "
فؤاد: اتصلت عليو اول واخدت إذن مسبق اطلعي
انا: طيب😊
" غسلت وشي ولبست توب وطلعت ليو لقيتو متكل في باب العربية ومربع يدو فتح لي باب العربية "
فؤاد : اطلعي ماشين مشوار
انا: 😱 اطلع كيف بي التوب دا انت ما جادي طبعا
فؤاد : على فكرة التوب حلو فيك اطلعي كدا
" طلعت واتحركنا بعد 10 دقايق وصلنا شارع النيل نزلنا قعدنا في كراسي "
فؤاد: يلا احكي لي في شنو وما تقولي لي ماف شي لانو انا بعرفك اكتر من نفسي صوتك وملامحك ما ياهم 🙁
انا: طيب يا فؤاد انا حاسة اني حأسبب ليك مشاكل في حياتك اهلك ما راضيين بي ؟ ويسرا دي حتكون سبب مشاكل في حياتنا !
فؤاد: دا الموضوع المزعلك ومشيلك هم قدر دا طول ما انا معاك يا سمر ماف شي بفرقنا وخليك واثقة اني مستعد اخسر العالم كلو عشانك❤ ومشاكلنا حنحلها برواق مع بعض وبتعرفي انا طالما في الدنيا دي ما عندي غير ما اعشقك ❤❤❤
انا: بالجد انا محظوظة اني لقيت انسان زيك يا فؤاد بس كمان ما دايرة اسبب ليك مشاكل مع اهلك قلبي ما بسمح لي ويسرا .....
" قاطعني "
فؤاد: طيب رايك شنو نقطع ليها رأسها ونتزوج😊
انا :😨 زواج هسا انا ما بفكر في موضوع زي دا
فؤاد: بس لو قعدنا كدا محنستفيد شي احسن نتزوج وترتاح ونريحهم كلهم 😊❤ وبعدين حياتنا حتكون حلوة وبساعدك في الدراسة وحنكون احلى أتنين
انا : طيب يا فؤاد اذا حنرتاح منها😊😊😊😊
" اتونسنا ساعة ورجعني البيت وعلى طول رقدت نمت ؛ بعد اسبوع ابوي قال لي فؤاد ناقشو في موضوع العرس قلت ليو ما عندي مشكلة بس اليوم البتحددو وفعلا حددو العرس بعد شهرين يعني بعد اكمل السنة الامتحانات جات وشديت حيلي وفؤاد ما قصر معاي شرح لي كل شي غلبني بعد الامتحانات اتحبست قبل العرس بشهر صحباتي كل يوم بجوني خلاص أسبوع العرس جا ومشيت مع فؤاد حجزنا الفستان وبدينا تجهيزات الزفاف وكل يوم احساس التوتر بزيد بس لما أتذكر فؤاد التوتر بيزول وبحمد الله على انو اداني انسان زي فؤاد يحبني ويخاف علي اكتر من نفسي ❤
يتبع......

#حنيني_يعود
بقلم سمر مختار
-١١-
"بعد طول انتظار جا اليوم المنتظر 😍 يوم عرسي انا وفؤاد ❤ اتصل على من الصباح"
فؤاد: واخيرا الليلة حيجمعا بيت واحد حتبقي حلالي وملكي براي ما مصدق بتذكر اول مرة شفتك فيها كأنها امس ❤😍
انا: وانا كمان ما مصدقة بالجد انا محظوظة اني لقيت انسان زيك يا فؤاد ربنا يحفظك لي❤
فؤاد: طيب في اللحظة الحلوة دى قوليها لي قولي لي فؤاد انا بحبك ما صعبة قوليها😍
انا: فؤاد ما توترني أكتر من كدا 😥😥
فؤاد: طيب بس اتأكدي ما بخليك الا تقوليها لي😊
" جوني صحباتي قلعوا مني التلفون وفتحو الاسبيكر "
ياسمين: أسمع يا فؤاد الليلة ما تشغل مننا سمر دي
اية: اي لو صبرت هي كلها كم ساعة وتاني حتكون معاك
جدية: وبعدين نحنا راجينا كوفير ما تعطلنا
فؤاد : 😂😂😂😂 طيب ما اشغلكم 😅
" كلهم ضحكو وقفلوا الخط مشينا الكوفير وعلى طول بدت لي بالحنة ياخ ليها 3 ساعات بتحنني لمن زهجت بس مع ونسة صحباتي الزمن فات شوية بعد نشفت غسلتها صراحة الحنة رهيييبة😍 شوية كدا ابوي اتصل على مما فتحت الخط سمعت زغاريد"
ابوي: الف مبروك وان شاء الله تتهني في بيتك الجديد😊😊😊😊
"اتفقعت بالبكاء طوالي والعجب صحباتي التقول مات لينا زول شويتين كدا فؤاد اتصل علي وبارك لي برضو بعد العصر كدا بدينا تجهيزات اللبس المسا كدا فؤاد اتصل علي "
فؤاد: خلصتو لاني جاي عليكم؟
انا: اي خلصنا😊😊
" فعلا 10 دقايق جو بي عربيتين هو وفهد في عربية ومحمد خطيب اية وعمر اخوهو بي عربية فؤاد لابس بدلة سوداء والباقي بالرمادي صراحة كلهم اللهم الثبات 🤤🤤🤤🤤🤤 جاني داخل جوا الغرفة اللبسوني فيها كان معاي ياسمين بتقفل لي في سستة الفستان سلمت عليو وطلعت جا مسكني من يدي "
فؤاد: ما قادر اصدق انك بقيتي حلالي ❤ ربنا يحفظك لي 😍
" انا طبعا ساكتة ومتوترة وما قادرة اعاين ليو وقلبي القول ساكنو ويدي زي التلج وهو شافني متوترة قرّب مني شديد "
فؤاد: قوليها لي 🙃🙃 اذا ما قلتيها محأفكك
" خلاص جاني هبوط رفعت راسي عاينت ليو "
انا : فؤاد دا ما وقتو وبعدين حيشوفنا زول فكني😥
فؤاد: خلي يشوفنا وبعدين انتي مرتي ما زول غريب
" بعاين لي بطريقة بتلخبط الزول "
انا: فؤاد ما تلخبطني فكني 🥺🥺🥺🥺
" فجأة جا داخل فهد وشافنا 🤦‍♀️"
فهد: آسف اني قطعت ليكم اللحظة دي بس لما تخلصوها اطلعوا عشان اتأخرنا 😊
" وطلع فات "
انا : عجبك 🙁 يلا زح مني 🙁🙁
فؤاد: عادي ي سمر انتي حلالي ومرتي 😊❤
" طلعنا ليهم ركبنا انا وفؤاد في عربيتو بي ورا وساقها فهد وقدام معاو ياسمين والعربية التانية اية وجدية مع محمد وعمر اتحركنا وصلنا الصالة وكانت الحفلة شغالة اتزفينا ورقصنا اسلو وصراحة الحفلة راابةةةةة حلوة شديد وطبعا يسرا الزعل ظاهر في وشها اصلا ما اشتغلت بيها كتييير وانبسطنا شديد بعد الحفلة عملنا الجرتق وطوالي سافرنا مع وصولنا في ليلنا داك دخلت اخدت حمام خفيف وطلعت لقيت فؤاد واقف منتظرني اطلع عشان يدخل 😅😅 بعد ما طلع كنت بسرح في شعري جا بي وراي غمض لي عيوني 🤭 "
انا: دا شنو يا فؤاد جنيت انت زح يدك من عيوني
فؤاد: ما بزحها الا تقوليها لي 😁
انا : فؤاد انت اكيد جنيت وحتجنني معاك 😓
فؤاد: اي انا جنيت بيك انتي عايني ما تتهربي مني ما تقولي لي ابيت ولا ما توترني أكتر من كدا ولا حيشوفنا زول لانو هنا ماف غيرنا احسن تقوليها لي 😁
" اتناقرنا كدا في النهاية زح يدو وبقى بعاين لي بطريقتو البتلخبط ديك ياخ فيو عيون ماشاءالله عليها "
انا : ما تعاين لي كدا 😊😊
فؤاد: بعاين مش حقتي❤ وبعدين انتي بتخجلي مني 🤨🤨 انتي مرتي عارفة يعني شنو يعني بيناتنا ماف خجل بيناتنا أكبر من كدا بيناتنا حب واحترام وثقة وديل أهم حجات بتقوي العلاقة يعني اذا واحد منهم أنتهى معناها العلاقة انتهت 🙂
" كلامو أثر فيني شديد عدينا أسبوعين مع بعض وطوالي رجعنا نزلنا في بيتنا الجديد وهو عبارة مطبخ وهول وتلاتة غرف زايد غرفتنا انا وهو بالجد تصميمو كان مبالغ فيو صحي بيت مهندس معماري 😊❤ "

يتبع......

#حنيني_يعود
بقلم سمر مختار
-١٢-
" بعد يومين اتصلت على اية وقالت لي المعدلات بكرة خلاص قلقت شديد وكنت خايفة ومتوترة قلت لفؤاد محأمش اجيب معدلي 😣 قال لي حيمشي هو وفعلا تاني يوم من الصباح فات الجامعة وجا راجع بعد ساعة شايل كيس "
انا : معدلي كم رسبت صاح 😣😣😣
فؤاد: احم احم احم معدلك ي ستي A 😊 ودي هديتك
" صرخت وحضنتو 😊😊"
انا: ما جادي 😇😇 انا بحبك ❤
فؤاد: شنو؟ ما سامع ؟؟؟؟
انا : بحبك يا فؤاد انا❤❤
فؤاد: يا ريت لو المعدلات بتطلع كل يوم 😇 وانا بموت فيك ❤
" تاني يوم اتصلت على ياسمين وقالت لي جايينك بكرة وفؤاد برضو قال لي اصحابو جايين بكرة يعني حتكون لمة حلوة بقيت بجهز من الصباح نضفت البيت ودخلت المطبخ فؤاد ساعدني في الطبيخ🤭 بعد الظهر اول جو اصحابو لبست لي فستان وحجبت طرحتي وطلعت سلمت عليهم وضيفتهم شوية كدا صحباتي جو داخلين وشويتين جا فهد ومعاو محمد وعمر المهم كانت لمة حلوة شديد لاحظت لي فهد كل شوية بعاين لي ياسمين بعد فترة كلهم طلعوا الا فهد لانو كان عندو موضوع مع فؤاد "
فؤاد: خير يا فهد موضوعك شنو؟؟؟
فهد: عرس😊😊😊
فؤاد: واخيرا فكرت في العرس ؟؟؟ وداير منو
فهد : ياسمين صحبتك 😇😇
انا: عشان كدا كل شوية بتعاين ليها😂😂😂
فؤاد: الموضوع كدا يعني طيب 😂😊
من جانب تاني..........
ايمن: ما استفدنا حاجة في النهاية عرسوو🙁🙁🙁😣
يسرا: ولا تشيل هم محنستسلم وحنعمل اي شي بس عشان نخليهم ينفصلو بس انت اعمل الشي البقولو ليك
ايمن: طيب نشوف
نرجع لقصتنا
" يوم طلعت من الحمام لقيت فؤاد بتكلم مع امو بالتلفون وبيتزهج وبيشاكل فيها صراحة اول مرة اشوفو بالحالة دي في النهاية فصل الخط فيها"
انا: دا شنو يا فؤاد في زول بيصرخ في امو كدا؟؟ 🙁
فؤاد: اعمل شنو طيب ياخ مكرهني حياتي لي مقيدني بي يسرا دي انا بالذات لي بس 😣 يعني مثلا ارتكبت ذنب لمن عرست البحبها 😣💔
انا : صاح هم غلطانين لكن برضو دا ما اسلوب ليك مع امك في النهاية بتكون شايفة مصلحتك ما اكتر وكان ممكن تتكلم معاها بأسلوب احسن من كدا 🙁
فؤاد: عارفة انا اخترتك صاح بالجد كل يوم بتكبري في عيني وحبي ليك بزيد بعد الشي الحصل كلو بتحبي امي زي امك وللاسف هي ما شايفة دا كلو في النهاية تقول لي مرتك خلاص مسكتك من امك😣💔
انا: كلامها صاح لازم تمشي ليها كل يومين تلاتة عشان ما تتحسس وتحصل مشاكل بينكم
فؤاد: طيب نمشي ليها مع بعض كل جمعة 😊
انا: طيب 😊😊😊😊
" وفعلا بقينا نمشي ليها كل جمعة فؤاد نزل الشغل وانا نزلت الجامعه وعدت السنة على خير كالعادة فؤاد ما قصر معاي شرح لي كل شي غلبني الشركة حقتو بقت جاهزة وقريبة من الجامعة يوصلني وبجيبني معاو 😊
اخر يوم في الامتحانات ياسمين جاتني مخلوعة وبترجف قالت لي فهد امس قال ليها بحبها والليلة حيجيها في الجامعة قبل ما تتم كلامها شفناهو جاي من بعيد "
ياسمين: واي يا سمر قولي طالعة معاي متخليني معاو براي 😣😣
انا: تستاهلي يا جزمة تتذكري ايام فؤاد كنتي بتعملي لي شنو يلا مع السلامة هداك فؤاد جاني 🤭
" مشيت خليتها بتحدر لي 😂😂 فهد جاها ووقف اقنعها انهم يمشوا كافي قريب فاتو وقعدوا "
فهد: بتمنى تسمعيني انا بالجد حبيتك من اول مرة شفتك فيها في المستشفى مع سمر حبيت ضحكتك حبيت صوتك بس ما كان عندي شجاعة اواجهك بس هسا مقتنع تماما بانك ما حترفضي
" بعد كلام كتير وتحانيس وافقت وطوالي عملوا عرسهم بالجد كان احلى من حقي لانو اهل فهد كانوا راضييين بيها والعجب خالتو هناء طايرة من الفرح الا يسرا عشان هي صحبتي مضادياها برضو بعد 3 شهور من عرسهم عملوا عرس جدية وآية في نفس اليوم لانو محمد وعمر اخوان والحمد لله عرسنا كلنا وكملنا الدراسة وحتي كل يوم يومين بنتلمى في مكان 😊❤"

يتبع.........

#حنيني_يعود
بقلم سمر مختار
-١٣-
" انا وفؤاد كل يوم بنتفاهم اكتر واكتر وحبنا بزيد اما يسرا وأيمن كل يوم بخطة جديدة عشان يفرقونا من بعض لما كل الطرق أقفلت في وشهم يسرا لجأت للسحر عشان تفرقنا🙁🙁 اي مشت كتبت فؤاد وحياتنا فجأة انقلبت في اللحظات الأخيرة بقينا نتناقش ونتزاعل في اتفه الأسباب فؤاد بقى ما زي زمان ما فؤاد الأنا بعرفو 💔 يوم اتصل على وقال انو حيتأخر في الشغل ويمكن يجي الصباح عشان كدا حتجي يسرا تبيت معاي قبل ما ارد ليو فصل فيني الخط 💔 بالجد زعلت من تصرفوا كيف يرسل لي يسرا وعارفني ما بتفق معاها فادية اختو مالها 🙁🙁🙁💔 المهم يسرا استغلت الفرصة واتصلت على أيمن انا براي يجي عشان ينفذوا خطتهم شوية كدا سمعت صوت الجرس مشيت افتح على أساس أنها يسرا بس اتفاجأت بي ايمن 😱"
انا: ايمن😱😱😱 الجابك هنا شنو لو سمحت اتفضل ارجع مكان ما جيت
" دايرة اقفل الباب بس لزاهو لمن رماني في الأرض "
ايمن: انا ما جيت عشان ارجع ومستحيل ارجع الا أثبت الغاية الجيت عشانها 😌✋
" بي هناك يسرا اتصلت على فؤاد "
يسرا: من قبيل واقفة وبضرب في الجرس ما بتفتح لي
فؤاد: كيف يعني ؟؟ هي ما بتسمع كلمتي لي ؟؟؟ طيب خليك مكانك انا هسا جاي 😠😠
" يسرا اتحركت ووصلت قبل فؤاد وقفت جمب الباب وبي هنا ايمن بقاووي فيني زحيت منو وجريت المطبخ رفعت ليو سكين "
انا: والله تقرب مني بقتلك وبقتل نفسي😥
أيمن: على الأقل نموت سوا وبعدين انا مستحيل اذيك لاني بحبك بس جيت عشان أثبت حاجة بس
" قاواني وجدع مني السكين ومسك لي يدي بقوة بس في اللحظة دي فؤاد فتح الباب وجا داخل مع يسرا وشاف الموقف دا اتفكيت من ايمن وجريت على فؤاد "
انا: بركة الجيت من قبيل .......😣
" لزاني منو اتخيلو بس ولا تميت كلامي 💔"
فؤاد: بتعمل شنو في بيتي يا واطي😠😠
" مسكو اداهو بوكس وبقى بضرب فيو بس يسرا فكتو منو "
يسرا: فكو يا فؤاد الغلط ما منو الغلط من الزول الدخلو البيت 😏😏
" أيمن طلع على طول من البيت فؤاد بقى بعاين لي وعيونو محمرة جا قرب مني مسك يدي شديد"
فؤاد: بتخونيني انا يا سمر 😥😥😥😥
انا : اخونك😨😨😨😨😨
فؤاد: آخر ما اتوقعتو منك وانا اقول الفترة الأخيرة اتغيرتي مني لي عشانو هو يا سمر تخونيني 😫😫 انا وقفت ضد العالم كلو عشانك في النهاية تخونيني 😣انا عملت ليك شنو عشان تجازيني كدا ؟؟
" انا بقيت واقفة ساي بعاين ليو مصدومة من كلامو💔 وهو ماسك لي يدي بقوة لمن جرحني الخاتم الفي يدو"
انا: فؤاد اول فك لي يدي 😥😥😥
فؤاد: واجعاك 😥 طيب بالنسبة لي وجعي 💔 بكرة وجعك بروح بس انا وجعي البروحو شنو ؟؟
" فك لي يدي وقعد في الكرسي مسك راسو يسرا قعدت جمبو بتهدي فيو حاولت امسك يدو لز لي يدي "
فؤاد: اياك ما تفكري تهبشيني ما قادر اتخيل كمية الوقاحة الوصلتي ليها مستحيل تكوني دي انتي 😣
انا : قادر تصدق اني بخونك معقولة افكارك وصلت للدرجة دي 💔 اتعميت خلاص 💔 معقولة اخون الزول البحبو 😣💔
فؤاد: ما تجيبي سيرة الحب عمرك ما حبيتي عمرك ما عرفتي تحبي لأنك لو حبيتي ما كان خنتي 💔
" وقف على حيلو "
فؤاد: انا مستحيل اقدر اعيش مع خاينة زيك 😣
انا: طيب يا فؤاد طالما انت ما شايف قدامك ومصدق الكلام دا طيب 💔 انت قلت الكلام دا بي ذاتك الحب والاحترام والثقة أساس العلاقة وإذا فقدت واحد منهم معناها العلاقة انتهت 💔 وانت فقدتهم التلاتة فمعناها ماف داعي للعلاقة اصلا ؛ فؤاد طلقني وانا بطلع من بيتك وحياتك وخليك عايش مع اوهامك 💔
فؤاد: أصلا يا سمر انا وانتي مستحيل نكمل مع بعض انتي طلقانة وبكرة ورقتك حتصلك في بيتكم 💔
" طلع من البيت يسرا عاينت لي باستفزاز "
يسرا: قلت ليك قبل كدا انتي وفؤاد مستحيل اخليكم تتهنو مع بعض وبوعدك فؤاد محيعرس غيري 😏
انا: نواياك حتلقاك قدام يا يسرا ربنا يمهل ولا يهمل 😣
" طلعت من البيت وانا بقيت ببكي بالجد اتصدمت في فؤاد معقولة دا فؤاد الأنا بحبو طلع ما بثق فيني 💔 لكن كدا احسن طالما ما بثق فيني معناها ماف داعي لعلاقتنا 💔 طلعت في باقي الليل داك مشيت لي ياسمين فهد كان ماف"

يتبع........

#حنيني_يعود
بقلم سمر مختار
-١٤-
" ياسمين فتحت لي الباب وشافت حالتي ببكي ساي "
ياسمين: مالك يا بت خير ادخلي جوا خوفتيني ردي مالك 😥😥😥😥
انا: طللللقققققني يا ياسمين😫😭😭😭😭😭فؤاد طلقني وبيتي اتخرب 😭😭😭
ياسمين: كدي اهدي اول شي براحة طلاق شنو؟؟
انا: فؤاد طلقني 😭😭😭😫
ياسمين: طلقك😱😱 فؤاد الأنا بعرفو زاتو طلتك
انا: فؤاد اتغير يا ياسمين فؤاد ما هو البتعرفي انتي ولا انا فؤاد بقى ما هو لدرجة انو بقى ما بثق فيني 😫😫💔 فؤاد الكان ما بخلي لحظة عشان يضحكني فيها هسا بقى بزعلني كل يوم 💔
" حكيت ليها الحاصل كلو بقت تبكي معاي هدتني شوية كدا فهد جا داخل "
فهد: مالكم خير في شنو ؟؟؟
ياسمين: فؤاد وسمر اتطلقوا؟؟؟💔
فهد: اتطلقوا؟؟😱 ولي السبب شنو؟
انا: السبب عدم ثقة للاسف اخوك طلع ما بثق في مرتو 💔
" اتكلمنا كدا وقمت دايرة امش مسكوني"
فهد: ماشة وين اقعدي اتصل ليو يجي نتفاهم !
انا: بعدا ماف تفاهم ماشة المكان الجابني منو؟؟
فهد: طيب ما تمشي براك ياسمين قومي ارح نمشي معاها واقعدي معاها كم يوم م تخليها😥
" فعلا فاتو معاي بيتنا انا على طول طلعت غرفتي ياسمين وفهد قعدوا مع امي و ابوي اتكلموا كدا شوية كدا ياسمين جاتني في الأوضة مع امي وانا كنت راقدة ببكي💔"
انا: مش قلتي لي يا امي عرسي البحبك وحتحبيو مع مرور الزمن طيب لي البحبو جرحني مع مرور الزمن 💔
امي : دا حال الدنيا يا بتي لا دايم فيها فرح ولا دايم فيها حزن واكيد دا امتحان من ربنا وربنا كريم 😔
" وطلعت خلتنا؛ ياسمين ما قصرت معاي قعدت اسبوع وصحباتي كل يوم بقيلو معاي وانا اصلا عاملة زي الصنم الدنيا مسخت في عيني وحالتي اتدهورت اكتر كل يوم حمة واستفراغ ياسمين اتصلت على اية وقالت ليها تجيب أدوات فحص وفعلا اية جات وفحصت لي وقالت بكرة حتجيب النتيجة "
من جانب تاني .......
يسرا: يا فؤادي ما تعمل في نفسك كدا هي من الاول ما بتستاهلك بس القسمة رمتك فيها عيش حياتك وانساها
فؤاد: انساها كيف يا يسرا كيف انساها وانسى الوجع السببتو لي 💔 كيف انسى كل لحظة قضيتها معاها كيف 😔💔
يسرا:طيب يا فؤادي انا بساعدك بكون معاك لحدي ما تنساها وتتخطى المرحلة دي😊
نرجع لقصتنا
" تاني يوم الصباح محمد وصل اية وطلع الشغل "
ياسمين: اها النتيجة كيف؟؟؟؟
اية: النتيجة خط أحمر ✋ سمر انتي حامل وبتهملي اكلك وصحتك عشان كدا أثر فيك شديد 😊
انا: حامل😱 يحليلك يا فؤاد الكنت بتتمنى اللحظة دي ونحن مع بعض 😭😭😭😭😭😭
ياسمين: سمر ياخ ما كل شوية تبكي ! فؤاد دا انسيو عيشي حياتك الحياة ما وقفت عليو طالما هو ما وثق فيك وما خلاك دافعتي عن نفسك يبقى هو الغلطان ويستاهل كل شي بحصل معاو ✋
آية: كلامها صاح وبعدين ولدك او بتك حيعوضوك بكل حاجة ما تشيلي هم اي شي غير انك تجيبي الفي بطنك وتربيو وما بستاهل يعرف خليو كدا ✋
انا : كلامك صاح ما لازم يعرف ولا زول بيناتنا بس الكلام دا ومعانا امي 😊
" نهاية اليوم فاتو بيوتهم بقيت مع امي و ابوي بس حياتي رجعت زي اول اتمنيت اني ما اتعرفت على فؤاد واتمنيت اني ما مشيت الأستوديو اليوم داك معقولة زواجي يتم سنتين بس وينتهي مرت ايام كتيرة وابوي شاف حالتي وقال لي جاهو طلب من قطر دايرين مهندس معماري وقال لي اسافر بس انا رفضت ؛ بعد يومين راجعت نفسي وقلت لازم اغير حياتي عشان البيبي الجاي وكلام ابوي صاح لازم اطلع برا السودان عشان بعدين ألقى الاجابة لي سؤال البيبي لمن يقول لي بابا وين قلت لازم امشي لي ابوي واقول ليو موافقة وانا نازلة في السلم اتزلقت وقعت واجهضت الولد 💔 بالجد زعلت وانكسرت 💔 اخر أمل لي في حياتي خسرتو 💔 بطلت السفر وقلت اقعد اتم باقي أيامي مع امي و ابوي 💔"
بعد شهر من جانب تاني........
هناء: قلت ليك قبل كدا يا فؤاد احسن ليك القريبة من الغريبة لو كنت سمعت كلامي من اول ما كان حصل كدا وبعدين شوف يسرا ما قصرت معاك وساعدتك تتخطي اللحظة دي....
فؤاد: طيب يا امي انا جاهز اعرسها في اي وقت 😔💔
" وبالفعل حددوا عرسهم ولم سمعت بالخبر اتراجعت عن قراري وقلت حأسافر واخلي السودان وبالضبط دا الحصل يوم عرسهم كانت طيارتي لي قطر وانا في المطار ودعت امي و ابوي وجدية وآية بس ياسمين ما جات ماشة على صالة المغادرة كوركت لي ياسمين أتلفت شفتها بالجد فرحت لاني ما كنت متوقعة انها تجي عشان العرس وكمان فهد جا معاها رجعت ليهم وودعتهم وكانت آخر كلماتي لي فهد ما تحاول تفقد الثقة في مرتك نهائي عشان احساس الأنكسار مؤلم💔 "

يتبع.......

#حنيني_يعود
بقلم سمر مختار
-١٥-
" لم ركبت الطيارة جدعت كل الماضي والحب بوراي وقررت ابدا حياة جديدة حياة مختلفة ما فيها فؤاد ولا حاجة بتخصو وقررت أسند نفسي بنفسي؛ بهناك عرسهم تم وعلاقتهم كانت عبارة عن صفقة بس م اكتر وأيمن ما وقف اتصالاتو من يسرا وبقى بهدد فيها ب انو حيفضحها اذا ما اتحصل علي لانو من ورا تعبهم كلو هي الفازت وحصلت على فؤاد اما هو ف لا ؛ مرت سنة كاملة وانا اتغيرت تماما وبقيت اقوى من اول ومتواصلة مع صحباتي ياسمين وفهد جابو بنت سموها ملاك وآية ومحمد جابو بنت سموها غرام وجدية وعمر جابو ولد سموهو محمد على اخوهو ؛ بعد كم شهر ايمن حس بالذنب وقرر يفضح يسرا ويكلم فؤاد بالحقيقة لانو شاف انو انا وفؤاد بالجد كنا بنستاهل بعض وهو كان اناني اتصل على فؤاد "
فؤاد: ألو منو معاي؟؟؟؟
أيمن: فؤاد صاح؟؟ انا داير اشوفك ضروري في......
" فؤاد اتحرك طوالي ومشى المكان لما وصل وشاف ايمن ملامحو اتغيرت "
فؤاد: انت😨 انت عارف لو ما يسرا كان مت على يدي اليوم داك !
ايمن: اقعد اسمعني يا فؤاد عارف نفسي غلطان بس حابي أوضح ليك حقيقة اليوم داك
فؤاد: توضح لي شنو بعد شلت مني مرتي وخربت بيتي
أيمن: انا ندمان على الشي العملتو 😣 بالجد يا فؤاد سمر ما ليها علاقة بالموضوع انا كنت اناني وما شايف قدامي غير مصلحتي انت وسمر كنتو احلى أتنين بس يسرا سبب كل الحصل معاكم 😣💔
فؤاد: يسرا 😨😨😨 يسرا كمان الدخلها شنو
ايمن: انا ما كنت عارف حاجة يا فؤاد انا كنت بعمل الشي البتقولو لي يسرا بس 😣
" حكى ليو من ساعة شاف يسرا اول مرة في الجامعة لحدي الموقف البسببو علاقتنا انتهت وقال ليو يسرا كانت كاتباهو وقال ليو كانت حامل وما ورتك في اوراق في بيتكم امشي شوفو وحتعرف الحقيقة؛ فؤاد رجع البيت وفتش الأوضة قلبها قليب عشان يلقى الأوراق والمفاجأة لقاهم وكانت أوراق طبية انو يسرا اجهضت بعملية فؤاد بقى ما شايف قدامو اتصل عليها وقال ليها انتي وين قالت ليهو في بيتنا اتحرك طوالي فات بيتهم ولقى امو قاعدة معاهم مما وصل جدع لي يسرا الورق في وشها "
فؤاد: دا شنو يا يسرا اخر ما اتوصلتي ليو تجهضي ولدي بعملية 😠😠
" يسرا اتخلعت وقامت وقفت قدامو بتبكي "
يسرا: 😭😭😭 عشان بحبك يا فؤاد لو كان ولدت الولد حتحبو اكتر مني 😭😭😭
فؤاد: تصدقي انك انسانة وسخة جدا ؛ طيب موضوع سمر بتكرهيها لي للدرجة دي عملت ليك شنو عشان تعملي فيها كدا؟؟؟
هناء: مالها سمر كمان يسرا عملت شنو؟؟؟
فؤاد: طيب حأحكي ليكم حقيقة تربيتكم الليكم مية سنة بتقولوا لي عرسها ؛ يسرا كتبتني عشان انانيتها
" حكى ليهم الشي القالو ليو ايمن كلو ويسرا تبكي ومشت مسكت رجولو نفضها "
يسرا: فؤاد سامحني 😭😭😭😭😭
فؤاد: اسامحك! على شنو؟! على انك شوهتي صورة مرتي قدامي ولا على انك فرقتيني عنها سنة ونص ولا على انك بقيتي لي سبب في اني اجرحها اسامحك على شنو قولي لي 💔😣
يسرا: فؤاد تاني م بكررها 😭😭😭😭
فؤاد: فؤاد ولا بطيخ لا تاني ولا تالت خلقتك دي ما داير اشوفها تاني وانتي طلقانة ماف حاجة تربطني بيك تاني
" طلع فات ويسرا وقعت في الأرض بتبكي "
هناء : ما اتوقعتك تكوني بالوساخة دي يا يسرا انا ختيتك في مكانة بتي وعرست ليك ولدي تجي في النهاية تعملي كدا💔
رجاء: ماف حب بخليك تعملي كدا يا يسرا اتحملي العواقب
يسرا: حتى انتي يا امي معاهم😭😭😭
رجاء: انا مع الحق بس ✋
" فاتو خلوها بتبكي بقت تتكلم براها كويس يا فؤاد مستحيل اخليك حتى لو اضطريت اقتلك واقتل نفسي لأنو لو ما كنت لي محتكون لغيري 💔"

يتبع.......

#حنيني_يعود
بقلم سمر مختار
-١٦-
" فؤاد طلع زعلان و ندمان فات لي فهد ع طول "
فهد: مالك يا فؤاد شكلك لي كدا؟؟؟؟
فؤاد: طلقتها يا فهد!!! طلقت بنت خالتك لانها طلعت واحدة وسخة بي سببها انا طلقت حب حياتي وخلتني افقد الثقة فيها حولت لي الحب لي كره وحقد جرحتها وكرهت فيها الحب وخليتها تسافر من اهلها مستحيل تسامحني استاهل كل شي😭😭😭😭😭
ياسمين: يداب عرفت الحقيقة بعد الأوان فات وين كنت زمان لم حاولت تشرح ليك وين كنت لم كانت حامل ومحتاجة ليك بس عدم وجودك خلاها تفقد الولد وتنكسر وين كنت من زمان 💔😣
فؤاد: حامل😨 سمر كانت حامل وانا ما عارف💔
ياسمين: وتعرف من وين طالما هي اصلا ما كانت بتهمك وقعت واتزلقت من السلم واجهضت الولد 💔 خسرتك وخسرت اخر ذكرى منك خسرت املها الاخير عشان كدا قررت تسافر 💔
فؤاد: ما تستاهل الحصل معاها معاك حق انا السبب فى كل شي حصل معاها بس اكيد حأرجع اصحح كل شي بس ساعديني ما لي غيرك 😔
ياسمين: انا تاني مستحيل اساعدك يا فؤاد ساعدتك زمان اقنعتها ليك بكل الطرق في النهاية جرحتها وكسرتها صدقني مستحيل اعيد الغلط دا مرة تانية مستحيل 😣😣😣✋
فهد: دا ما وقتو يا فؤاد سمر بتكون نستك وكونت حياة جديدة بعد تعب ومعاناة من دون وجودك بتكون اتغيرت تماما اول راجع نفسك وصلح اغلاطك بعدها صلح غلطك معاها ✋
" بعد حوار طويل ياسمين اتصلت على وكلمتني بالحاصل ما اتأثرت كتير لانو اصلا بقيت في دنيا بعيدة من المشاعر فاضية من كلمة احساس انا اتغيرت وكتير كمان لانو الشي العملو فيني فؤاد غير حياتي 360ْ بس الشي الصدمني ايمن كيف كلم فؤاد وحيكسب شنو 💔 بعد كم شهر فؤاد حالتو اتدهورت بقى ما بفرق بين الليل والنهار طول الوقت استفراغ وهلوسة ما خلو دكتور ما خلو أخصائي كلو ما نفع الناس كلها فقدت الامل فيو والعجب خالتو هناء دي تعبت واتحطمت 💔
امي و ابوي سمعوا بالخبر وفاتو يشوفوهو حالتو فظيعة امي قالت لي خالتو هناء يودوهو لي شيخ وفعلا تاني يوم من الصباح فاتو يودوهو امي و خالتو هناء فؤاد من شاف الشيخ بقى بهلوس وبكورك الشيخ قال ليهم عاملين ليو عمل ولازم يتعالج يجيبوهو 3 مرات في الاسبوع بس حالتو ما بتسمح ليو قال ليهم خلاص بجي هو في البيت ؛امي بعد رجعت اتصلت على وقالت لي لازم ارجع وحتى ياسمين اتصلت على وكلمتني بالحاصل وحنت على حالتو وقالت لي ارجع وحتى خالتو هناء قالت لي لازم اكون معاو بعدها قلت ما ظريفة طالما اتصلو لي كلهم لازم ارجع حجزت اقرب رحلة ورجعت"

يتبع.......

#حنيني_يعود
بقلم سمر مختار
-١٧-
" رجعت ولقيت كل شي اتغير رجعت تاني واتذكرت أسوأ الايام الخلتني اسافر 💔 رجعت ولقيت الأجواء متوترة ومنهارة 💔 وملامح الفرح باهتة💔 بعد سنتين...! ضاعو سنتين من عمري وانا بحاول اصنع في الفرح المزيف وببين اني قوية 💔 حتى نفسي كنت بكذب عليها كل يوم امي بتناقشني عشان امشي ناس خالتو هناء بعد مناقشات كتيرة امي ساقتني غصب اتذكرت الايام الكنت بجي فيها كل جمعة مع فؤاد 😣 ضعفت للحظة بس اتماكست😔💔 لقيت الشيخ قاعد مع فؤاد و خالتو هناء جوا وصوت كواريك فؤاد خلتني انهار بالجد ما قدرت استحمل 💔 فادية اختو مما شافتني حضنتني وبقت تبكي "
فادية: فؤاد أنتهى يا سمر 💔 فؤاد من دونك أنتهى يسرا دمرت فؤاد يا سمر دمرت حبكم وزواجكم يسرا عملت ليو عمل 😭😭😭😭😭😭
" بقيت بهدي فيها شوية كدا الأجواء هدت والكواريك انتهت وفي لحظة صمت كدا جا طالع الشيخ ومعاو خالتو هناء وقال انو العمل فك منو وحيرجع لي سيدو ولازم يخلو بالهم من فؤاد ويشغلو ليو قرآن وما يخلوهو براهو بعدها فات جات خالتو هناء سلمت علينا "
هناء: عارفة يا بتي الشي الحصل معاك ما كان هين وعارفة اني ظلمتك وما اديتك حقوقك كاملة كنت خاتاك عدوة لي بس بتمنى انك تسامحيني 😔
انا: إذا كان ربنا الخلقنا لو غلطنا بسامحنا انا ابقى شنو عشان ما اسامح بالجد يا خالتو انا ما شايلة ليك اي شي غير الحب والنية الحلوة🙂
" اتصافينا وقالوا لي الا ادخل لي فؤاد واشوفو بس انا رفضت "
انا: بس يا خالتو هناء انا جيت عشانك انتي ما جيت لي فؤاد ومستحيل اشوفو 😔💔
هناء: انا جبتك عشان اصحح الغلط وارجع علاقتكم
انا: بس الاتكسر عمرو ما بيتصلح 💔
فادية: بس علاقتكم ما اتكسرت 😣 علاقتكم اتهدمت والاتهدم بيرجع ويتبني من جديد ❤🙂
أمي: بالجد يا سمر علاقتكم كانت ضحية للشي العملتو يسرا 💔 الذنب لا ذنبك ولا ذنب فؤاد الذنب ذنب يسرا هي الكانت عاملاهو خاتم في أصبعها 💔
هناء: وبعدين ربنا وراو الحقيقة وحاولت تسيطر عليو تاني بس الحمد لله ربنا نجاهو
" سكت مسافة بقيت بفكر في كلامهم بالجد هو صاح لكن برضو ما بقدر ارجع معاو زي اول 💔"
انا : طيب حادخل واشوفو بس م بقدر ارجع معاو زي اول محتاجة وقت 💔
" فتحت الباب ودخلت شفتو حالتو مخذية بالجد ملامحو اتغيرت تماما بقى ضعيف نايم كأنو ليو مية سنة ما نام ضعفت للحظة ودموعي نزلت بالجد ما بقدر اشوفو بالحالة دي 😭😭💔 قربت منو فتح عيونو"

يتبع........

#حنيني_يعود
بقلم سمر مختار
-١٨-
" فتح عيونو وشافني واقفة بدت في ملامحو بالاندهاش بقى بعاين لي وعيونو زاتها متغيرة تحس انو فيها حزن كبير ما قدرت استحمل اشوفو بالحالة دي أتلفت دايرة امش مسك يدي قبلت لقيتو ببكي صراحة اول مرة اشوف فؤاد ببكي 💔 ما بقدر يتكلم نسبة لانو اتعالج يداب مسحت ليو دموعو وقعت جمب راسو بقيت بمسح ليو فيو لمن نام وشو كانو طفل مولود من جديد ملامو فيها نوع من الإرهاق شلت بعضي ومشيت رجعنا البيت وانا بفكر في فؤاد بالجد شكلو عانى معاناة كبيرة لكن برضو ما بضعف تاني ما رجعت ليو نهائي ؛ عد أسبوع وفؤاد اتحسن شوية وجات أخبار انو يسرا انتحرت 💔 بالجد زعلت عليها صاح هي كانت الكابوس المخيف في حياتنا لكن برضو في النهاية هي انسان وليها مشاعر واحاسيس بس ربنا يرحمها ويغفر لها؛ بعد فترة جوني ياسمين وآية وجدية في بيتنا بالجد كانت لمة حلوة شديد اتذكرت ايام زمان والعجب ملاك وغرام ومحمد ياخ حلوين حلاة ربنا يحفظهم اتذكرت البيبي الاجهضتو هسا كان قدرهم وبلعب معاهم 💔 ؛ بعد حكاية بتاعت كم يوم قاعدة في اوضتي وبفكر اني ارجع قطر تاني امي جاتني وقالت لي فؤاد برا دايرك
حيلي مات 💔 وقلت ليها قولي ليو نايمة شوية كدا جاني داخل براهو من دون مقدمات "
انا: ما بتعرف حاجة اسمها زوق اتعلم اضرب الباب وبعدين انا ما دايرة اشوفك 💔
فؤاد: ما بحتاج انا جاي لي مرتي 😅😅😅
انا : كنت يا فؤاد 💔 كنت مرتك بس هسا طلقيتك وعمرو الطليقة ما بقت مرة!
فؤاد: بس انا بالنسبة لي لا كنتي وما زلتي وحتظلي مرتي ❤
انا: فؤاد انت بتحلم 💔 لو ما متذكر أذكرك قبل سنتين ونص بالضبط انا وانت انفصلنا وانت الاخترت كدا وانا سافرت عشان انسى حاجة اسمها فؤاد
فؤاد: بس ما قدرتي تنسي 💔 على العموم انا ما حأضغط عليك لانو القرار في النهاية برجع ليك بس دايرك تعرفي شي واحد اني لسة بحبك والله وانا ندمان على الشي الحصل كلو ووالله ما كان بيدي 💔
" بقيت ببكي "
انا : بس يا فؤاد انا كيف انسى الشي الحصل وكيف اقدر انساك 💔 صاح انا ما نسيتك ولسة بحبك بس كل ما أتذكر.........
" قاطعني "
فؤاد: انا وانتي حنتجاوز كل شي مع بعض وحننسى كل شي حصل ونبدأ من جديد حياة ما فيها يسرا ولا اي زول تاني حياة حقتنا برانا ❤ انا وانتي بس...
" بعد نقاش وعتاب طويل انا وفؤاد رجعنا لي بعض ورجعت الفرحة لي حياتنا وكل الذكريات السيئة ديك اتمسحت بقينا متفاهمين وكل شئ بنعملوا ونحن حذرين بنتجنب النقاشات والزعل ❤ بعد سنتين ربنا رزقنا بي توأم بنتين ماب ومتاب ❤؛ ايمن اتغير كتير وبطل السكر وبقى انسان مسؤول وعرس فادية ؛ خالتو هناء ما قصرت معانا انا وصحباتي كل اسبوع نتلاقى بنتلاقي ؛ ماب ومتاب وفؤاد بقوا لي كل حاجه في حياتي وكل ما تمر علينا ظروف بنتخطاها مع بعض؛ دي كانت قصتي مع فؤاد اتلاقينا في كسرة تلفون حبينا بعض واتزوجنا مرينا بتوتر وظروف صعبة وانفصلنا وفي الاخير حنيني يعود من تاني ❤"
#الخلاصة
مهما كنت بتحب انسان وحياتكم قست عليكم لانو فيها انسان حاقد ما تيأس لانو الله يمهل ولا يهمل واكيد جيجي يوم ويلقى جزاءو وانت حتلقى نصيبك على نياتك ربنا برزقك زي ما قال ربنا في كتابو
( ولا تقنطوا من رحمة الله )
صدق الله العظيم
النهاية ❤😊