#بين_اتنين10 والاخيرة
ضحك وقال لي انت عايزة ضرة يعني اتغظت من برودة اعصابو قلتا ليهو يعني الكلام صاح يعني اهلك طلعو جادين وبقيت ابكي لما شافني ببكي قال لي لا ما كدا كل الحكاية انها كانت مجرد فكرة وروني ليها وانا رفضت ، قرب مني قال لي انا مكتفي بيك انتي فمستحيل أعرس وحدة تانية، طبعا كلامو كيفني شديد وبقيت اتبسم ، واصل كلامو وقال لي بهزار إلا لو انتي اصريتي علي طبعا وقش لي الصابون ف خدي ، شلتا السكينة رفعتها ف وشو وقلتا ليهو جرب يا ياسر وشوف لو ما ارتكبت فيكم جريمة انتو الاتنين، ضحك وقال لي أووو دلال بقيتي عنيفة شديد ، قلتا ليهو انا كدا ما بحب زول يشاركني ف حاجاتي 😊، بعديها مشينا طلعنا اتغدينا برا ورجعنا البيت بالليل ، كنت قاعدة ف السرير ، جا قعد جمبي وبدأ يلعب لي ف شعري ، قلت ليهو انا بكرة عايزة امشي لي اخصائي ، غمض عيونو زحا مني وقال لي بزهج تاااني يا دلال بدينا تاااني ، قلتا ليهو طيب أنا آسفة وتاني ما ح افتح الموضوع دا ما دام بضايقك ، رقدتا ف السرير واديتو ظهري ودموعي جات سايلة ع خدي ، لمسني ف كتفي زحيت يدو مني قال لي دلال انتي زعلتي غمضت عيوني وعملت نفسي نايمة ، قلبني عليهو قش لي دموعي وقال لي معناها انا بكرة ح اضطرا اخد إجازة تاني ، فتحت عيوني وقلتا ليهو بالجد ،قال لي طبعا حصل قبل كدا أنا كذبت عليك ،هزيت ليهو راسي وحضنتو كنت مبسوطة حاسة اني عايزة اطير من الفرح ، وفعلا اليوم التاني مشينا قابلانا اخصائي عملنا مجموعة من الفحوصات ،وظهرت نتائج التحاليل كان عندي تكيس ف المبايض ،وبدينا رحلة العلاجات لحدي ما اتعافيت ، بعد فترة ظهر لي حمل ويا الله دا كان احلي يوم في حياتي احساس كان حلو شديد ، احساس انو انتي واخير ح تبقي أم لبيبي من الراجل الانتي بتحبيهو ، غايتو الله لايحرم زول من اللحظات دي ، فترة الوحم كانت صبعة علي اتدلعت جنس دلع في ياسر وطلعت عينو ، بعد خمسة شهور وانا راقدة ف حضن ياسر كان بتحسس ف بطني وبتكلم مع البيبي ، قلتا ليهو ياسر انت عارف انو انا بحبك شديد ، باسني وقال لي انتي عارفة اني انا بموت فيك ، مع انك ف البداية تعبتيني وطلعتي عيني ، ضحكت وقلت ليهو انا طلعت عينك يا كذاب ، قال لي يا سلام نسيتي انتي عملتي فيني شنو ، وبدينا نتذكر ف ايامنا الاولي مع بعض قلتا ليهو ياسر انا في سؤال محيرني ليوم الليلة ممكن تجاوبني عليهو بصراحة هزا لي راسو قلتا ليهو انت البت الكنت مسجلا بقلب ♥ ديك منو وعلاقتك بيها شنو ، ضحك وقال لي انتي للان متذاكرها قلت ليهو وهو دا موقف بتنسي قال لي اعتبرها دي غيرة ولا شنو 🔥 ، قلت ليهو بصوت عالي غيررررة ، انا اغير منها لشنو؟ وأنا اصلا بعرفا من وين؟ بس غاظتني لمن سمعتها بتتكلم كانت بتتمايع وتتشكشك قلدت صوتها وقلت ليهو "ﻳﺴﻮﺭﻱ ﻉ ﻓﻜﺮﺓ ﺍﻧﺎ ﻣﻦ ﻗﺒﻴﻞ ﻗﺎﻋﺪﺓ ﻣﻨﺘﻈﺮﺍﻙ" يعععع يسوري قال 😵 ، ضحك فيني وقال لي واضح واضح انك ما بتغيري 😂 ، قلتا ليهو ما تغير الموضوع برضو ما عرفتها تتطلع منو🔪 🔥 ، قال لي دي وحدة كانت زميلتي ف الشغل ، قلتا ليهو زميلتك بتدلعك وتقول ليك يسوري 😏 قال لي زميلتي والله ،طبعا كانت بتحاول تتقرب لي بس انا وقفتها ف حدها وحسمت الموضوع، طبعا ياسر كان راقد ف السرير طوالي طلعت ف صدرو وجريتو بيديني من ياقة قميصو قلت ليهو مدام انت بتقول زميلتك كنت مسجلا بقلب ليييي 😤قال لي عشان اخليك تغيري 🔥 وتحسي بي شوية ، انت يا دلال ما كنتي عارفة انا بتعذب قدر شنو انتي كنتي عاملة حاجز بيني وبينك كنتي ما عايزة تديني فرصة نهائي عشان تعرفي انا بحبك قدر كيف ، والموضوع دا كان ح يجنني ،المهم فضلنا نتكلم ونتونس لغاية ما نمنا ، بعد تلاتة شهور ولدت الحمد لله وجبت ليهو بنوتة ذي ما هو كان متمني ، سماها علي اسم والدتو الله يرحمها... وعدت الايام وكل يوم حبنا لبعض بيزيد ..
#النهاية
ضحك وقال لي انت عايزة ضرة يعني اتغظت من برودة اعصابو قلتا ليهو يعني الكلام صاح يعني اهلك طلعو جادين وبقيت ابكي لما شافني ببكي قال لي لا ما كدا كل الحكاية انها كانت مجرد فكرة وروني ليها وانا رفضت ، قرب مني قال لي انا مكتفي بيك انتي فمستحيل أعرس وحدة تانية، طبعا كلامو كيفني شديد وبقيت اتبسم ، واصل كلامو وقال لي بهزار إلا لو انتي اصريتي علي طبعا وقش لي الصابون ف خدي ، شلتا السكينة رفعتها ف وشو وقلتا ليهو جرب يا ياسر وشوف لو ما ارتكبت فيكم جريمة انتو الاتنين، ضحك وقال لي أووو دلال بقيتي عنيفة شديد ، قلتا ليهو انا كدا ما بحب زول يشاركني ف حاجاتي 😊، بعديها مشينا طلعنا اتغدينا برا ورجعنا البيت بالليل ، كنت قاعدة ف السرير ، جا قعد جمبي وبدأ يلعب لي ف شعري ، قلت ليهو انا بكرة عايزة امشي لي اخصائي ، غمض عيونو زحا مني وقال لي بزهج تاااني يا دلال بدينا تاااني ، قلتا ليهو طيب أنا آسفة وتاني ما ح افتح الموضوع دا ما دام بضايقك ، رقدتا ف السرير واديتو ظهري ودموعي جات سايلة ع خدي ، لمسني ف كتفي زحيت يدو مني قال لي دلال انتي زعلتي غمضت عيوني وعملت نفسي نايمة ، قلبني عليهو قش لي دموعي وقال لي معناها انا بكرة ح اضطرا اخد إجازة تاني ، فتحت عيوني وقلتا ليهو بالجد ،قال لي طبعا حصل قبل كدا أنا كذبت عليك ،هزيت ليهو راسي وحضنتو كنت مبسوطة حاسة اني عايزة اطير من الفرح ، وفعلا اليوم التاني مشينا قابلانا اخصائي عملنا مجموعة من الفحوصات ،وظهرت نتائج التحاليل كان عندي تكيس ف المبايض ،وبدينا رحلة العلاجات لحدي ما اتعافيت ، بعد فترة ظهر لي حمل ويا الله دا كان احلي يوم في حياتي احساس كان حلو شديد ، احساس انو انتي واخير ح تبقي أم لبيبي من الراجل الانتي بتحبيهو ، غايتو الله لايحرم زول من اللحظات دي ، فترة الوحم كانت صبعة علي اتدلعت جنس دلع في ياسر وطلعت عينو ، بعد خمسة شهور وانا راقدة ف حضن ياسر كان بتحسس ف بطني وبتكلم مع البيبي ، قلتا ليهو ياسر انت عارف انو انا بحبك شديد ، باسني وقال لي انتي عارفة اني انا بموت فيك ، مع انك ف البداية تعبتيني وطلعتي عيني ، ضحكت وقلت ليهو انا طلعت عينك يا كذاب ، قال لي يا سلام نسيتي انتي عملتي فيني شنو ، وبدينا نتذكر ف ايامنا الاولي مع بعض قلتا ليهو ياسر انا في سؤال محيرني ليوم الليلة ممكن تجاوبني عليهو بصراحة هزا لي راسو قلتا ليهو انت البت الكنت مسجلا بقلب ♥ ديك منو وعلاقتك بيها شنو ، ضحك وقال لي انتي للان متذاكرها قلت ليهو وهو دا موقف بتنسي قال لي اعتبرها دي غيرة ولا شنو 🔥 ، قلت ليهو بصوت عالي غيررررة ، انا اغير منها لشنو؟ وأنا اصلا بعرفا من وين؟ بس غاظتني لمن سمعتها بتتكلم كانت بتتمايع وتتشكشك قلدت صوتها وقلت ليهو "ﻳﺴﻮﺭﻱ ﻉ ﻓﻜﺮﺓ ﺍﻧﺎ ﻣﻦ ﻗﺒﻴﻞ ﻗﺎﻋﺪﺓ ﻣﻨﺘﻈﺮﺍﻙ" يعععع يسوري قال 😵 ، ضحك فيني وقال لي واضح واضح انك ما بتغيري 😂 ، قلتا ليهو ما تغير الموضوع برضو ما عرفتها تتطلع منو🔪 🔥 ، قال لي دي وحدة كانت زميلتي ف الشغل ، قلتا ليهو زميلتك بتدلعك وتقول ليك يسوري 😏 قال لي زميلتي والله ،طبعا كانت بتحاول تتقرب لي بس انا وقفتها ف حدها وحسمت الموضوع، طبعا ياسر كان راقد ف السرير طوالي طلعت ف صدرو وجريتو بيديني من ياقة قميصو قلت ليهو مدام انت بتقول زميلتك كنت مسجلا بقلب ليييي 😤قال لي عشان اخليك تغيري 🔥 وتحسي بي شوية ، انت يا دلال ما كنتي عارفة انا بتعذب قدر شنو انتي كنتي عاملة حاجز بيني وبينك كنتي ما عايزة تديني فرصة نهائي عشان تعرفي انا بحبك قدر كيف ، والموضوع دا كان ح يجنني ،المهم فضلنا نتكلم ونتونس لغاية ما نمنا ، بعد تلاتة شهور ولدت الحمد لله وجبت ليهو بنوتة ذي ما هو كان متمني ، سماها علي اسم والدتو الله يرحمها... وعدت الايام وكل يوم حبنا لبعض بيزيد ..
#النهاية
👍7❤1