#المجنونة_والعصبي
بقلم: ملاذ سند احمد ادريس📝
-١-
القصه دي حتكون مختلفه شويه حيكون فيها حب وصداقه وعفويه وجنون وعصبيه القصه واقعيه تابعو وقراءه ممتعه ي رب❤
(صحيت من النوم ومشيت طلعت بره غرفتي مشيت لقيت امي بره في الحوش)
انا: ماما يا وين ي مزه صباح الخير
امي: ي بت انا مش قلت ليك م تقولي لي مزه تاني 😡الكلمه دي حقت النسوان القليلات ادب😒
انا: خلاص معليش ي السمحه اها اصبحتي كيف
امي: تمام يلا امشي استحمي وغيري هدومك دي وامشي شوفي الشاي داك اشربيهو صاحيه لي علي كيفك
انا: امي الدنيا اجازه يعني اصحى ليكم 9🐸صلاتي وبصحى بصليها وبرجع بنوم
امي: النوم بميت القلب ما وروك
انا: والله ي امي اصلي قلبي ميت😂+اول مره اعرف انو بميت القلب سمعنا بالضحك يميت القلب لكن النوم ده الا كان اخترعتي انتي🤣
(وبقيت اكاوي وفيها وامي جنها وجن المكاوى😂 )
امي: م جنبي مفراكه كان فنيتك بيها 😡
انا: خلاص معليش ي الحجه
امي: تحجي بي قرعه قال حجه قال حججتيني انتي؟؟!
[v] #باااك اعرفكم عن البطله حقتنا
(اسمها امل عمرها 17 ماشه تانيه جامعه ساكنه الخرطوم
و بتحب الدراسه وشاطره شديد المهم هي سمحه كدا وشها مدور لونها مايل للون الفاتح عندها غمازه وانيقه وسمحه وعيونها كبار وخشمها صغير شعرها طويل شديد بتقصو طوالي وم بتعرف تسرحو لانو بعذبها بتعمل كعكه بس المهم يعني هي سمحه من اي ناحيه يلا بس يخوانه مجنونه شديد😂
شبه ح تفقد عقلها ولا يمكن تكون فقدتو وهي م عارفه😂 بس طيبه شديد وحساسه كمان جنها بكي وضحك بتبكي من اقل شي وبتضحك كمان ضحكتها حلوه شديد وعفويه وبتحب تساعد الناس
دايما بتتصرف بعقل طفولي وما بتخت بالها للحاجه البتعملها يعني البجيها في راسها داك بتسويهو لو طلع صاح خلاص ولو م طلع صاح بتجيب ليهو مبرر😂
وعنيده شديد يعني الفي راسها داك بتسويهو لو انقلب الحكم تاني😂🙈
اي ي جماعه هي بتضحك واي حاجه ومجنونه والبشوفها بقول انها سعيده وحياتها حلوه وم حصل بكت ولا حزنت بس ي جماعه م بتنوم الا وفي عيونها دموع عندها مآسي في حياتها بس رغم كدا بتضحك وبتدوس علي همها بي ضحكتها اها همومها دي منها انو ابوها متزوج وحده تانيه وانو هي وامها قاعدين مع عمها..
وابوها قاعد مع المره التانيه ديك في السعوديه وبجي بس اجازات هي هسي ليها 3 سنين م شافت وش ابوها الا بتتكلم معاهو مكالمات والاكعب من كدا انو ساق اخوها معاهو السعوديه اخوها اسمو خالد عمرو 23 سنه شغال في السعوديه مع ابوها وهي وامها قاعدين هنا براهم مع عمها يس يلا ابوها هسي بقى معقد شديد م عارفنا الحكايه شنو نواصل وبتعرفو…
يلا مرت ابوها التانيه دي اسمها ناهد وعندها تلاته اولاد من ابوها اسمهم :-
محمد ده الكبير عمرو 19 وعندها تاني اصغر منو اسمو وهاج عمرو 16 يلا ده صاحبها شديد هي بعتبرهم زي اخوانها حتى مرتو التانيه ناهد دي امل مرات بتقول ليها امي
يلا عندها ولد تاني اسمو مصطفى عمرو 7 وده الصغير برضو ظريف وعسل شديد… يلا هم وضعهم كويس الحمدلله وعايشين في امانه الله يلا الزمن داك هي م كان عندي تلفون وكانت في الاجازه الكبيره حقت تانيه وفضل اسبوعين وتخش الكورس حق تانيه جامعه)
نتابع الروايه من محل م وقفنا😍
شلت هدومي ومشيت استحميت واتسوكت شربت الشاي حقي ومشيت سلمت علي عمي ومرتو وصبحت عليهم وبقيت مارقه لي للحجه صحي م عرفتكم عليهو
يلا عمي ده اسمو يس عمي ده عسل شديد والله بحبو حب نهااااائي م بقصر معانا وبحبنا شديد مرات بحسو بحبنا اكتر من ابوي💔يلا مرتو اسمها رانيا برضو ظريفه شديد وعسل وكمان بتحبنا بس للاسف م عندو لا اولاد ولا بنات ربنا لسه م رزقو رغم انو بحب الاطفال شديد بس ربنا يديهو ❤❤ عمي ده م كبير عمرو 30 سنه كدا ومرتو عمرها 25 يلا هم اصحابي عديل🤣بنطق الونسه سوا وبنفضفض لي بعض بحسهم اصحابي انا م عندي صحبات شديد كدا لان زي م كلمتكم ابوي بقى معقد ويعني بطلع من البيت بعد تعب لو هو عرف بس امي بتخليني امشي لي صحباتي وكدا بس طبعا م بطلع كتير عشان كدا يعني مايله لي عمي ومرتو اكتر كنا اصحاب شديد وكدا… نرجع للروايه
انا: مامتي ي السمحه
امي: اطلبي بدون مقدمات اصلا الكلام السماحه ده الا بي فايده
انا: والله ي حجه انتي مفتحه خلاص😂
امي: اها يلا سريع عشان عندي شغل وانتي بعد تنتهي قشي الحوش ده وجهزي للفطور
انا : امي اي شي بسويهو ليك بس اول اسمعيني
امي: اها في شنو قولي
انا : ي قلبي انا كدي اقعدي لي هنا عشان نتناقش بي مزاج
امي: الموضوع شكلو خطير يلا اها قعدت
انا: ههههه م خطير ي حجه اقصد ي السمحه
امي:😂 م اظن اها قولي
انا: امي يخ انا بقيت بت كبيره وواعيه ي امي وعايزه اكون زي وزي البنات وصحباتي
امي: اسي انا مقصره معاك😪
انا: لالا ي امي حاشاك والله م مقصره بس يا امي انا عايزه تلفون والله مليت من قعاد البيت والزهج عايزه تلفون افرق بيهو
امي: ي بتي انتي ابوك جديد عليك؟؟ي بت ابوك لو عرف انو جبت ليك تلفون بقتلنا وبكسر التلفون
انا: لي لكن ي امي انا عايزه اتونس بيهو مع ص

#المجنونة_والعصبي
بقلم : ملاذ سند احمد ادريس📝
-٢-
انا: لالا ي زوله هوي انتي عويره ولا شنو😂👊من هنا م ماشه معاك ولا حته انتي ابوك ده م بتعرفيهو صعب كيف؟😱
ياسمين: بعرفو ي انتي مخير الله خلاص اقعدي اصلو تاني م بعزمك حاجه ي حيوانه
انا: اتعزم بي جاي وادق بي جاي هوي ي اصليه نحنا هنا كويسين
ياسمين: سمح اقعدي
انا: شايفاني واقفه ؟؟انا قاعده اصلا😆
ياسمين: مخك المعولق ده
انا: معولقه براك ي حيوانه اسي انتي لاقيه زي مخي ده😌
ياسمين: اي اي خلاص ي عقل نيوتن م شاء الله عليهو
انا: الله م ضراك يخ قل هو الله احد من عين الحساد😆
ياسمين: حساد! يحسدك مجنون لا صلاه لا عبد الله ي حيوانه ي جزمه
انا : امين للداعيين
ياسمين: شافعه دي م عارفه امك دي مستحملاك كيف غايتو الله يصبرها غايتو الح يعرسك ده الله يصبرو + احمد الله رحمو منك😆😂
(طبعا احمد ده حبيبها القديم واحد تافهه كدا وقليل ادب هي م كانت عارفه نواياهو وكدا بس لما شافت منو موقف كدا ادتو كف وخلتو😂واسي ياسمين بتطاعن فيها😂+ حبها وعلاقتها معاهو كانت لمده ايام بس واكتشفت تفاهتو)

انا: احمد!! احمد ده زول هو 😱ده م تامي نص راجل زاتو هو والرجوله م بتقابلو يخ ده واحد تافهه وحيوان ده جزمه يخ اسي مالك خربتي مزاجي اصلا هو لو م جرى وراي قدر ده م كنت عاينت ليهو زاتو😌
ياسمين: خلاص ي كاترينا كيف
انا: ي بت كاترينا كيف زاتها بتخجل مني 😆
ياسمين: اي اي صاح انا عشان نسيت م مشكله
(يلا ي زول طقينا ليك الونسه دي ولما عاينت لي الساعه لقيتها 1 ونص واتزكرت امي قالت اجيها وحده بالضبط ي زول شلت ليك سفنجاتي واتخارجت سريع سريع وصلت الساعه 2 الا عشره دقايق شلت سفنجاتي في يديني وبقيت خاشه براحه براحه قلت عسى ولعلى تكون نايمه لكن وااااحسرتها لقيتها في وشي ومفقعه لي عيونها قدر الليمونه ي زول قلبي وقف😂قلت الليله باخد لي علقه اكيد)
انا: ي امي ياسمين مسكتني وظعطتني ونسه(قاطعتني)
امي: انا قلت شنو مش قلت الساعه 1 القاك في وشي؟😠
انا: خلاص معليش ي حجه العفو يخ م بتتكرر
امي: تاني تعالي قولي لي ماشه لي صحبتي عشان اوريك الشارع بي وين
انا: انا عارفه الشارع بي وين لكن😆😂
امي: امشي من وشي عشان م اخبطك بي مصيبه
(قمت جاريه فتحت التلفزيون فتحت لي قناه كدا بتاعت زومبا طبعا انا بحب الرقص شديد ممكن تقولو دي موهبتي يلا عندي لبس مخصص ليها وكان عندي مزاج ارقص مشيت شلت ليك الهدوم حقتي استحميت سريع سريع ولبستهم وجيت رقصصصت لمن فترت وبعداك صليت ومشيت رقدت نمت…
يلا مرت الايام سريع سريع ومرت الاسبوعين وح انزل الكورس يلا لبست واتجهزت طبعا جابو لي تلفوون ظابط كيف و كان اول يوم للجامعه كويت شعري واتظبطت ي زول سلمت علي امي وشربت الشاي وطلعت )
مشينا الجامعه وقعدت مع بنات كدا لقيتهم وصاحبتهم بقينا نتونس كدا يلا تعالو اعرفكم عليهم
*نسمه دي عمرها 16 في اولى برلومه ظريفه كدا طويله لونها قمحي بتقرا طب اسنان وعسل ظريفه زوله بايره والشين والسمح بعجبها
*نيرمين دي عمرها 17 في تانيه زي قصيرونه سنفوره😂 بتقرا هندسه بترول ظاهر عليها زوله حنكوشه وبتتمايع في الكلام شكلها بت عز كدا ( *بت ميكي* 😂)غايتو من كلامها عرفت انو هي تيكن م سنجل
*عبير عمرها 17 برضو في تانيه طوله متوسط بتقرا طب بشري غايتو دي عفويه شديد جنها ضحك بتضحك زي الارقوز😆😂م ظنيتها تيكن بتكون سنجل😂💔
،لقيتهم بتونسو كدا وجيت خشيت معاهم طوالي ظووط حبوني 😂يلا بقينا اصحاب وبقو شلتي
#طبعا انا بقرا هندسه بترول ...نرجع للروايه
خشينا المحاضره معاي نيرمين طبعا..
استنينا عشره دقايق وم جاء الدكتور شويه كدا وجاء ولد كدا عمرو حوالي 20 سنه سامعه الناس بقولو ده اول الدفعه حقت رابع تعالو النووصفو ليكم واي طبعا انبراشااات مبالغه
شعرو غزيير واسود لونو اسمر ذو لحيه خفيفه🤤معضل شويه كدا عيونو وسط انفو عموديه حواجبو مقرونه خفيف كدا عندو غمازه وووب منها لو اتكلم ساي بتظهر🤤صحتو حلوه مايله للضعيف بس م ضعيف وطوييل🤤طبعا قررض شدييد
هو: السلام عليكم
قاعه المحاضره : وعليكم السلام
هو : اسمي يوسف يمكن في ناس بعرفوني هنا وفي ناس لا المهم اسمي يوسف وبقرا في رابع هندسه بترول اليوم الدكتور حقكم م جاء ونحنا محاضرتنا لسه ف كلمني الدكتور محمد اني اديكم المحاضره دي وانا لي الشرف في ذلك ونبدا بسم الله
نيرمين(بي صوت منخفض كدا ): اسكيوز مي😪اسي نحنا ي امل نركز مع الجمال ده ولا مع المحاضره
امل : اسكتي ي بت عييب بسمعك اسي😂🙆+ اسي سماحتو وينا🐸
(شويه كدا وعيونو وقعت فيني حسيت بيهو زي الارتبك ولا شنو م عارفه وانا خفت قلت يمكن زعل عشان اتكلمت مع نيرمين في المحاضره واتحرجت وهو يقدم شويه كدا في المحاضره ويعاين لي وانا من شدة الاحراج قربت اطلع من المحاضره تاني لي نهايه المحاضره م فتحت خشمي 😂 بعد شويه عاين لي وقعد يبتسم خلاص انا فهمت انو راسو قبل شمال وم عشان اتكلمت في الحصه قمت صريت ليهو وشي وقبلت منو ،،،يلا بعد انتهت المحاضره طلعت وكن

#المجنونة_والعصبي
بقلم : ملاذ سند احمد ادريس📝
-٣-
انا شفت يوسف ماشي بي ورانا بس عملت روحي رايحه بقينا ماشين وهو ورانا
انا : (بي صوت منخفض كدا عشان يوسف م يسمعنا) ي بنات شوفو يوسف ده ورانا وانا كلمتكم اني كان لقيتو م بريحو🙂
نسمه : غايتو بس عايزه معاهو مشاكل بي اي طريقه ي بت هو ماشي لي صحبو الاسمو جمال ده م سمعتي المكالمه
انا: ههه اكيد حركه عشان يمشي معانا زيو وزي باقي الاولاد
نسمه : لا تسيء الظن
انا : طيب قولي بالفعل ماشي لي صحبو جمال ولا جميله ده لي طيب ماشي بي ورانا كان يلف يعني مستحيل يكون جمال ده راجيهو في نفس المكان الماشين ليهو نحن الا كان ده سحر ده بقت م صدفه دي🐸💔
نسمه : ي بت هو شنو هو انتي قايله يوسف ده زي باقي الاولاد ي بت مستحيل بعد سماحتو وشطارتو دي يجري ورا بت ووقت يجري يجري ورانا نحنا؟؟😹💔اختشو عليك الله من سماحتنا يعني لما يجري ورانا ولد وكمان يكون يوسف🐸💔
انا : هيي ولي م يجري ورانا طبعا الف من يتمنانا هو واحسن منو اصلا ده شنو الطيره ده اصلا م بخش راسي
(يوسف سمع كلام امل الاخيير ده.. يوسف ابتسم ابتسامه خيفيه بالجنبه كدا😏 وقال بينو وبين نفسو وطلعت زي م انا عايز وواصل مشي ،يلا وهو ماشي كدا لقى جمال من بعيد واشر ليهو بس امل وصحباتها م لاحظو وطبعا يوسف لسه ماشي بي وراهم وجمال متجهه علي يوسف وديل لسه مفكرين انو يوسف ماشي وراهم شويه كدا وامل خلاص قفلت معاها واتلفتت لي يوسف وبي غضب شديد قالت)
انا: انت لي متابعنا من قبيل😠
(يوسف طنشها وسلم طوالي لي صحبو جمال ومشى معاهو وخلا امل نظام سفهها وكدا 😹😹💔طبعا امل خشت في ضفورها وزاد كرهها لي يووسف شديد🐸 وهو م جايب خبرها… )
نسمه : السفهو منو ي ناس السفهو منو سيد المشاكل خلو وسفهو ي يمه سفهو😹😹👋
انا: اسفهك واحد مجنون ي حيوانه يخلي ريحتك طير طير بركه الله😣حيوانه جزمه
نسمه : الحرقو منو ي ناس الحرقو منو 😝
نيرمين: ي بت خلاص البت ملت شديد وزهجت من الموضوع البايخ ده م تزيدي عليها
عبير: تستاهلي زاتك ي امل مالك ومالو اسي في داعي للخفه واللفه مالك ومالو يمشي ورانا ولا يتبسم ولا بتاع هو لسه م فتح خشمو معانا ولا سألنا لو عمل حاجه من ديل كنا ادبناهو وم ريحناهو بس هو لسه م قال شي ولا عمل وهسي اثبت ليك انو بالفعل كان جاي لي صحبو جمال يعني لا ماشي معانا لا شي عشان تاني م تتسرعي وتصبري اسي احرجك وسفهك ساي
انا: خلاص سمح م تمسكوها لي زله ود اللذين غازني ياخ😹💔
نسمه : اسي الا تاكليها في حنانك😂
انا : يخوانا شبعت من كتره م باكلها في حناني😂😭
عبير : كر علي حالتك بالبلاء
*مشينا عبير ونسمه م كان عندهم محاضره بس انا ونيرمين كنا شغالين محاضره مشينا حضرناها كانت مع الدكتور هيثم كان ظريف شديد ضحكنا شويه في المحاضره وواصل لينا وقال لينا انو اهم شي التركيز والخ… ركزت شديد في المحاضره ولخصت وسجلت في دفتري دخلتو الشنطه وانتهت المحاضره طلعنا انا ونيرمين ولقينا نسمه وعبير طقو الونسه بره لمن بياكلو في اندومي باعونا المعفنات طبعا عندنا خالتو نفيسه دي بتعمل شاي عجييب مرات م بشرب شاي الصباح في البيت بجي بشربو معاها هي ظريفه كدا ونحنا صاحبناها بقينا نجيب ليها الاندومي تعملها لينا في الجامعه وناكلها😹*
نيرمين: واااو بتاكلو في اندومي عيب عليكم لي م عزمتونا😣💔
عبير : كر علي م تستاهلو😹💔
انا: بعتونا ي سجم اصبرو ليكم يوم
نسمه : يوم ولا يومين😆
انا: عشره😏
نسمه : لالا يخ كترتيها عشره عديل م مشكله نعزمكم اسي
انا: لالا حردنا زاتو مش كدا ي نيرمين
نيرمين: ايوون زعلنا وم عايزين😣
عبير :برلله نجيبها ليكم في المحاضره يعني🧐خلاص كمان بنحنك ليكم خالتو نفيسه ونجيبها ليكم كلو علينا اكلو بس برضو كدا م عايزين؟
انا : اااي م عايزين
نسمه : هوي عنكم في ستين احسن زاتو ي بت نلم قروشنا علينا عان بدلعو فينا كيف عشان م لاقين ليكم كراش تدلعو فيهو قلبتو علينا
عبير: شكلو كدي ي انتي لكن ي بنات امي نحنا قريشاتنا ديل بعد سل روح بنلمهم اسي كون انو عزمناكم اندومي من يد حجه نفيسه نحنا كدا م قصرنا تب والله🐸💔اسي عايزين ارح م عايزين داهيه تاخدكم انتو والاندومي حقتكم😹👋
انا: هووي اي شي ولا نونو اي تاخدنا نحنا بس نونو دي حبيبتنا م بنقدر نتخلا عندنا ابدا ابدا😱😣
عبير: كدي ثواني بس نونو دي منو🌝
انا: ي بت نونو دي حبيبتي براي دي الاندومي يخ😘
عبير: كر علي لمن دلعتوها 😂😭👋حال الهناء عاد انا يوم كدي بس م دلعوني دنيا جاااسيه
انا: انتي اسمك اندومي
عبير : اكيد لا 😏
انا: اذا بطلي هباله الدلع لي حبيبتي نونو وبس😌
عبير: الننا الما تلقيها + اسي الدخل نونو في الاندومي شنو الشكيه لي الله غايتو تخلف بس
انا: عجبني وسميتو ليها + حقتي وانا حره اتخلف معاها ولا اجن ولا اعقل حقتي وبسوي العاييزاهو🐸
#بقينا بنتونس كدا مشينا اكلنا الاندومي هوي اي شي ولا عزومه الاندومي دي فرصه لا تعوض😂 وبعدها كدا حضرنا اخر محاضره وقلنا نكبرها بعد ده..طلعت براي طب

#المجنونة_والعصبي
بقلم : ملاذ سند احمد ادريس📝
-٤-
#صحيت بي صوت امي بتدق في باب غرفتي
امي: امل ي بت قومي الجامعه سجم خشمك الساعه 8 ومحاضرتك قلتي 8 ونص عندك نص ساعه بس قومي
انا: 😱😱الساعه 8 ؟؟امي انا مش قلت ليك صحيني بدري اخخخ يخ انا بتشيلني النومه
(وضربت يدي براسي)
امي: اسي م تتأخخي قومي سريع ي بت عشان تلحقي
انا: اي صح طيب
(قمت سريع سريع استحميت واتسوكت واتوضيت صليت ولبست غايتو لبس كلفته ساي 😹💔طلعت ي زول مشيت علي الموقف ولقيت يوسف كيف م عارفه عاينت ليهو كدااا وركبت الحافله كان في حافلات بس هو كان واقف وبتلفت كأنو راجي زول بعد ركبت ركب وراي م اشتغلت بيهو وقعدت كالعاده في الكرسي الفردي وهو قعد جنبي في كرسي النص شويه كدا واشوف ليك الولد بضحك لما دمع 😂😭حيرني طبعا وكل شويه يعاين لي ويموت من الضحك😂💔 بالله شككني في روحي بقيت بعاين لي روحي كدا طلعت تلفوني وشغلت الكميرا الاماميه شفت وشي م فيهو اي شي يعني اصلا انا بعمل ميك اب خفيف م بكون ظاهر زاتو يعني وشي زاتو ماف شي فيهو جديد ولا مضحك دخلت التلفون والود لسه بضحك قلت ليهو : في شي؟؟
يوسف :(وهو بضحك) جزماتك حلوه
انا : شكرا بس البضحك شنو
يوسف :شوفيهم
*عاينت لي جزمتي لقيت اي وحده من بلد😂😭 يعني فردتين مختلفات بالله في اللحظه ديك من شده الاحراج اتمنيت الارض تتشق وتبلعني م عرفت اعمل شنو ولا اتصرف كيف الكويس انو الحافله لسه م اتحركت قمت نزلت بدون م اقول ولا كلمه مشيت سريع للبيت*
امي: ها السمحه مالك رجعتي
انا: اسكتي ساي من العلي ي السمحه انتي😂😭غايتو الحمدلله المصايب كلها بتجي دفعه وحده اول حاجه اوأخرت وتاني حاجه م لقييت عمي عشان يوصلني بالعربيه ثالثا جزماتي ديل😭
امي: اجي مالك ي بت
انا: لبست الجزمه حقتي اي فرده من بلد
امي: عاد بالغتي ده كلو من صحيانك المتأخر ده اسي لو بتصحي من بعد تصلي وتاني م بتنومي كان اخير
انا : اي عاد غلطه م بتتكر انا ماشه يلا لبست اكلي فطورك انا جهزتو ليك الصباح بس دفيهو ولو مشيتي اكلتي مع عمي يس ورانيا احسن
امي: لالا باكل هنا
انا: طيب انا ماشه مع السلامه
امي: مع السلامه
(لبست جزمتي وجرييت جري للموقف لقيت يوسف قاعد منتظرني😂😭واي طبعا حسيت روحي شخصيه وزوله مهمه لمن بستنوني في موقف المواصلات😂😭🙈)
يوسف: اي كدا عسل
انا : بتتكلم معاي ؟؟
يوسف: لالا اسي انتي والعسل بتتشابهو؟😣
انا : بالله عليك لا خلاص ي شاروخان من حلاتك وسماحتك يعني
يوسف : م تكوركي في الشارع وم تتكلمي كدا امشي ادخلي😠
انا: لا بالله خلاص عامل فيها ال my love بتاعي
يوسف : ممكن تقولي كدا 🌚✋
بقيت بتكلم مع روحي بي صوت نفرزه كدا بقول: ده شنو العوير ده اهبل خلاص حيوان يخ عمري م لقيت زول زي ده ولا كمان حلات بتحكم فيني وشابكني م تتكلمي كدا وم تكوركي واركبي لا دقيقه هو ده من هو بصفتو شنو بقول كدا شويه كدا
والحافله كلها مركزه معاي ومع نفرزتي وكلامي المع نفسي وصرت وشي ويوسف بي وراي عاينت كدا لقيت ناس الحافله عيونهم بقت قدر الليمونه ومركزين شديد😹وبعاينو لي بي عصبيتي ديك قلت ليهم في شي؟؟😒 بعد شويه اي زول قبل مني واي شكلهم خافو😂😭 المهم ركبت واخونا يوسف ده قعد بعيد مني طلعت تلفوني دقيت لي نيرمين م ردت لي بعد شويه وصلتني منها رساله
نيرمين : ي بت المحاضره بدت ليها عشره دقايق وين انتي اسي م بقدر ارد عارفه دكتور محمد ده صعب كيف
انا: طيب طيب اسي انا في الشارع شويه واصل
*بعد وصلت طبعا يوسف نزل معاي م اهتميت ليهو وخشيت سريع قربت اجري😂دقيت الباب*
دكتور محمد: اتأخرتي لي
(هسي تقول ليهو شنو طبعا م ح تقدر تقول ليهو شالتني نومه😂😆💔)
انا: المواصلات ي دكتور
دكتور محمد: ده م عزر ليك نص الناس دي جايه بي مواصلات اطلعي بره م تخشي
انا م رديت ليهو بس في وحده في القاعه م عرفتها بس قالت ليهو ي دكتور البت دي تبعي دخلها اتأفأف كدا وقال لي ادخلي طبعا اتفاجأته البت دي منو ولي ساعدتني ولي الدكتور سمع منها احترت كدا مشيت قعدت وتمينا المحاضره وطلعنا قلت لي نيرمين البت دي منو قالت لي اسمها انفال بس م عرفت قصتها شنو ارح اشكريها
انا: بالجد والله ارح
نيرمين: ثواني اشيل دفتري خليتو جوه القاعه
انا: سمح راجياك
نيرمين: اوك
*نيرمين فاتت تجيب الدفتر ولما كنت راجياها بره القاعه جاء يوسف ماري وشايل ليهو شيت قعد يقرأ وهو ماشي وانا اشيل واعاين ليهو بي غضب كدا بشيل واحمر ليهو
فجأه اتلفت علي قمت دنقرت منو نظام م كنت بعاين ليهو عاين لي كدا وضحك بالجنبه وفات جات نيرمين ولقتني بتكلم مع نفسي بقول اسي لزوم الضحكه دي شنو يعني استهزاء ولا سخريه ولا الفهم شنو😡*
نيرمين: اموله مالك معصبه
انا: يخ كلو من يوسف الغياز ده
نيرمين: مالو؟؟!
انا: اول شي متابعني وبقيف في الموقف يستناني وبضحك فيني ده شنو العوير ده ياخ كرهتو انا
نيرمين: وانما يوجد حب بعد كراهيه😴💜
انا : حب؟؟!!احبك كديس 🌚💔قال حب قال احبو ليهو شنو ده اسي في زول بحب ليهو زول احرجو؟ ولا بحب ل

#المجنونة_والعصبي
بقلم: ملاذ سند احمد ادريس📝
-٥-
عدت الايام وبقينا شله انحنا ناس نيرمين وعبير ونسمه وشله انفال تعالو اعرفكم عليهم طبعا ظريفين شديد نبدا ليكم بالاولاد اول😂💜ف الرجال قوامون علي النساء😎 في واحد اسمو علي ود قيافه وسمح سماحه عسل بس قدرنا طبعا زول تقييل شديد ماف بت جزبتو لي يوم الليله😂✋تاني في واحد اسمو معاذ ده ظريف خلاص دمو خفيف من اول م شفتهم واتكلمت معاهم شويه كدا حسيت انو زول بتاع ضحك رغم اني م قعدت معاهم كتير بس وجييه لكن شكلو زول بتاع بنات كدا م علينا يلا اوريكم البنات وحده كدا اسمها دانيه عاد سمحه سماحه قاطعه وفي دعاء وساجده وتهجد ديل علي ما بقولو بنات منبرشات في الغاشي والماشي وبعد ده بايرات😂…
في صباح اليوم التاني🌞،،
صحيت بدري الليله غير العاده صليت واستحميت لبست وسلمت علي امي وبقيت ماشه وصلت الموقف كدا والشي الغريب الليله غير العاده م لقيت يوسف طبعا كان يومي بجي وينتظرني 😂بالله زي الكلب البوليسي والليله م جاء طبعا حيرني لانو صراحه اتعودت اني يومي اشوفو من الصباح في وشي المهم اتلفت يمين شمال م لقيتو قمت ركبت المواصلات المهم وصلت الجامعه وكان عندنا اول ورابع محاضره في الجدول خشيت القاعه لقيت شلتنا كلها عدا انفال استغربت لانو هي م قعد تغيب سألت نيرمين قلت ليها وين انفال الليله
نيرمين:ساجده قالت انو دقت ليها وانو انفال قالت هي عيانه عشان كدا م ح تجي
انا: اوووو سلامتها ي رب
نيرمين: اميين
(تلفوني كان مقفول المهم فتحتو قلت اطمن عليها لقيت انو كانت داقه لي اكتر من 10 مكالمات لما كنت قافلاهو ومرسله لي كاتبه : ي بت مالك قافله تلفونك دقيت عشان اقول ليك الليله م بقدر اجي الجامعه عيانه والله بس بلييز سجلي لي المحاضره واي ملاحظات كتبتيها اكتبي لي معاك لحدي اجي بكره)
شويه كدا وجاء المحاضر قمت قلت خلاص اضرب ليها بعد المحاضر اصلا ح نقعد تاني فتره حتي نخش المحاضره الرابعه عملت تلفوني صامت ودخلتو الشنطه حضرنا المحاضره وسجلت ليها وكتبت ملاحظات لي وليها💗
طبعا كان الجوو خريف 😍😍😍
شويه كدا وصبت المطره وطبعا نحنا م كان عندنا محاضره وانا بحببب المطططر شديييد ولما تصب بحب امشي حفيانه تتخيلو😂بحب الطين والخمج😆😂💔المهم م علينا طلعت جزمتي وبقيت حايمه ساي في المطره وطبعا فرحانه كيف بعجبني جو الخرييف ده شديد بقيت قاعده في البنش وفي المطره وسرحت كدا بعيييد بس شويه كدا اتزكرت ابوي💔صراحه اشتقت ليهو والله لي زمنننن منوو😭شويه كدا وقمت تاني بقيت ماشه في المطره برجولي حافيه طبعا الناس مستغربين فيني وكلهم خشو من المطططره عدا انا😂😂😂بقيت ماشه وماشه وبغني شويه كدا لقيت لي ولد قاعد كدا في نص المطره وخاتي يدينو فوق راسو وشكلو زي الببكي💔شفتو انا اشوف اي شي ولا اشوف دموع زول ما عارفه بس لما اشوف زول ببكي تلقائيا ببكي معاهو بدون اعرف السبب قعدت جنبو وقلت ليهو السلام عليكم
رفع راسو عاين لي بأستغراب كدا ورجع دنقر تاني قال شي كدا بس م سمعتو شكلو رد السلام😂
شويه كدا وقام قعد في البنش التاني بس عارفني عنيده كيف مشيت ليهو وبرضو قعدت جنبو
قال لي: مالك ياخ عايزه شنو (بي عصبيه كدا)
شويه كدا وقعدت ابكي معاهو
عاين لي كدا زي دي ماله عويره ولا شنو😂😭
قال لي: مالك ي بت(بي صوت مكسور كدا وبحاول يخفي دموعو طبعا عارفين الرجال دمعتهم حاره كيف)
وانا لسه مواصله بكي طبعا الولد ما عرف يهديني ولا يكمل بكاهو😂💔
هو: مالك اسي انتي 😒😠
انا: (وببكي زي الشفع😂💔) بتبكي لي انت؟
هو: انتي دخلك شنو ؟؟بتعرفيني من وين؟؟
انا: يخ انا م بعرف اشوف زول ببكي واخليهو + م بعرفك بس حابه انو تفضفض لي
هو: يعني اسي انتي بتبكي لي مثلا
انا: احكي لي مشكلتك وبحكي ليك مشكلتي
هو: انا م عندي اي مشكله وشكرا ليك
(قام مشى بس انا اعند منو ومشيت تاني معاهو بقي ماشي وماشه معاهو)
هو: انتي دايره مني شنو ي بت الحلال
انا: عليك الله احكي لي مالك لو م حكيت لي م برتاح
هو: ي بت الناس انا م عندي مشكله ولا مشكلتين انا عندي مشاكل ومشاكل عديده وصراحه تعبت من مشاكل حياتي وبكيت عشان ارتاح بس م اكتر
انا: معليش لو ازعجتك بس انا زوله فضوليه ولو م كنت وريتني م كنت ح اقدر اني انوم الليله واهم شي النوم ي عمك😂
هو (ضحك لي ضحكت زول مكسور)
انا: اسمك منو انت
هو: اسمي أيهم وانتي
انا: اسمي امل
أيهم: نسيت اسألك مشكلتك شنو قلتي ح توريني
انا: انا بس بفتقد لي ابوي لانو في السعوديه وليهو تلاته سنين وم بتزكرنا مرات في السنه بتكلم معانا مره وانا اشتقت ليهو شديد😭
أيهم: خلاص بطلي بكى خليك قويه الدنيا دي لابد انها تعاكس الزول وتحاول تكسرو بس م تديها فرصه انها تكسرك
(كلامو ده شجعني شديد من جواتي وقواني صراحه كدا ارتحت ليهو💜)
انا: ان شاءالله هسي انا حكيت ليك السبب والمشكله بس انت م حكيت لي مشكلتك بالظبط لو ممكن تحكيها لي هسي ولا وقت م تحتاج تحكي لي انا جاهزه اسمعك💜
أيهم: اسي زهجان وقافله معاي نتلاقى بكره الصباح في

#المجنونة_والعصبي
بقلم: ملاذ سند احمد ادريس📝
-٦-
في الصباح،،،مشيت كلعاده صبحت علي امي وشربت الشاي لبست م عارفه بس الليله قشررت لبست احسن لبسه وعلي غير عادتي الليله عملت ميك اب رغم اني يعني حتي لو عملت بعمل بدره وفير وكدا بس م بكتر بس الليله عملت بدره وروج🙈صراحه كنت مزه😂🙊م عارفه حصل لي شنو بس عملت كدا وجيت اشيل تلفوني،،،
انا: ي الله ي امي تلفوني عامل 30 ده م ح يقعد لي بعد اجي من الجامعه
امي: 30 دي شنو درجه الحراره؟😂
انا: 😂😂ي امي درجه حراره شنو ده الشحن عامل 30 ف الميه
امي: اها وانا بفهم ليهو شنو 😂😂كان تختيهو في الشاحن قبل م تنومي
انا: نسيتو والله يخ خلاص ي حجه م حنك يلا انا بطلع بعد ده
امي: الله معاك ،،ح تتأخري الليله
انا : تقريبا عندي 3 محاضرات الليله امكن اتأخر شويه
امي: الله يوفقك
انا: اميين💜
مشيت الموقف طبعا الليله لقيت يوسف عاينت ليهو بي طرف عيني ومشيت ركبت المواصلات قعدت في الكرسي الجنب الشباك وهو شكلو ركب ورا السواق بعد شويه كدا حسيت في حاجه بتقرص فيني اتلبت وراي لقيت ولد كدا عمر 19 سنه لكن بعاين بالشباك قلت يمكن يكون م قاصد اتلفت تاني قرصني قمت طنشتو شويه كدا وتاني قرصني قمت علي حيلي خبتو كف عاد امانه م كف عجيب بالله حسيت وشو اتقلب وانا يدي لمن حمرت😂😭قلت ليهو ي تافهه ي حقير تلمسني انا عليك الله م بتخجل تشاغل ليك بت زي اختك عاين ده عليك الله بالله شفت ليك يوسف بقي بعاين لي بي استغراب ومنطط عيونو قدر الليمونه😂وطقطقت لي بتاع الحافله وجيت نازله سمعت ليك الناس دي تكورك كلها فيهو قلت ليهو يستاهل كنت قربت للجامعه مشيت بي كرعيني لحدي الجامعه وصلت كدا لقيت لسه المحاضره فضل ليها 15 دقيقه قلت اشوف أيهم وبعداك احضرها طبعا اول م خشيت طوالي مشيت البنش😂لقيتو قاعد منتظرني شكلو تعالو اوصف قعدتو
(يلا قاعد وخالف كراعو زي خلفت الرجال ديك وبهز في رجلو شكلو زهج من الانتظار وشايل تلفونو ومركب سماعتو وخاتي يدو في راسو وسرحان بعيييد ونفس الكشيره طبعا نهااااائي وشو اظنو م بتفرد😂💔 في كرسي كدا جنبو بس م شديد م قعدت قصادو وقلت ليهو السلام عليكم بس شكلو م سمعني دقيت ليهو الطربيزه وطقطقت ليهو اصابعي قدام وشو طلع السماعه )
انا: اسكيوز مي انت سامعني؟؟
أيهم: م شايفاني يعني مركب السماعات؟؟🐸ح اسمعك كيف
انا: عادي انا بكون مركبه تلاته سماعات وبحس لو في زول جاء بي جنبي
أيهم: اصلا ماف تلاته سماعات بركبوهم سوا انا م عوير + انا م بحس انا الاحسااس مات فيني🙂💔
انا:ماف داعي يلا اتحرجت💔 خلاص يلا احكي لي الحاصل معاك شنو بالتفصيل ومن طق طق للسلام عليكم
أيهم: ممكن سؤال؟؟
انا: اتفضل!
أيهم: اسي قولي حكيت ليك ووريتك ح تستفيدي شنو
انا: ح اساعدك
أيهم: قولي ساعدتيني رغم انو مستحيل بس اها قولي ساعدتيني مصلحتك شنو من مساعدتي ؟؟
انا: عاين انا م عارفه اوصف ليك كيف وممكن م تصدقني بس ح اوريك انا زول كدا من الله خلقني م بحب اشوف زول محتاج لي وم اقيف معاهو واساعدو وم بالضروري يكون عندي معاهو مصلحه م ضروري المصالح وثانيا م اي زوز بساعدك معناها عندو مصلحه معاك
أيهم: اممم م علينا المهم ح احكي ليك بس ي ريت الكلام يكون بيني وبينك م عارف بس وثقت فيك وياريت م تخزليني💔
انا: اكيد بحلف ليك بي الله ووعد مني انو م ح اكلم ولا زول
أيهم:… انا اسمي زي م عارفه أيهم انا ابوي اتوفى من وانا عمري 11 سنه م عندي لا اخوان لا اخوات وحيد صراحه ابوي كان قريب لي شديد حتي اكتر من امي لان امي كانت طلقتو وعرست واحد تاني وللاسف خلتني لي ابوي واتخلت عني💔ودي المرحلع التانيه من مأساتي ولما اتوفى ابوي دي كانت بدايه حياتي المأساويه اتكسرت شديد لما ابوي مات بس صبرت وحبيت احسن حياتي واكمل كان حلمي اشتغل مهندس كبير وانجح في حياتي ولما ابوي اتوفى فقدت اكبر سند لي فقدت الزول الكان بقول لي ي أيهم انت ح تكون اكبر مهندس💔بس قلت برضو ح اكمل طبعا انا ابوي ده كان شغال مدير اعمال وعندنا ثروات كتيره شديد والحمدلله بس بعد ابوي مات عمي اتخابث معاي وانا لما كنت صغير لعب لي بي عقلي وخلاني اسلمو كل الاملاك حقت ابوي ودي كانت المرحله التالته من مأساتي رباني عمي وخلاني اكمل قرايتي في اكعب المدارس الحكوميه رغم اني كنت بقرأ في احسن المدارس الخاصه برضو م اكتفى وحاول يلعب لي في عقلي عشان اخلي القرايه بس ضليت متمسك في امالي وقلت لازم احقق حلمي بقيت بقرأ وبقرأ لحدي م نجحت وجبت 256 في تامن وفرحت شديد قريت ثانوي وجبت 81% رغم قله النوم والتعب المريت بيهو بس الحمدلله دخلت الجامعه العايزها وكنت بحب لي بت من اوله ثانوي وفي النهايه خطبوها امبارح💔لاني م اعترفت ليها
(انا قلت في جواتي واي يخ الزول ده مأساتو شديده عديل واي يحليلو حنني وقلت الا اساعدو واقيف معاهو لحدي اخر نقطه)
انا: ممكن سؤال؟؟؟
أيهم: اتفضلي!
انا: انت عندك اصحاب؟؟ولي م اعترفت ليها
أيهم: للاسف كان واحد وخسرتو😔
انا: السبب شنو؟؟
أيهم: عايني انا زول عصبي شديد

#المجنونة_والعصبي
بقلم : ملاذ سند احمد ادريس📝
-٧-
مشيت علي ايهم لقيتو مكشر وقاعد ماسك تلفونو وطبعا م عندو شغله بالحولينو،،،
انا: هلا كيفك ؟؟
أيهم: تمام
انا: ارح يلا ارح
(وانا واقفه م قعدت)
أيهم: علي ويين؟؟
انا: من دون اسئله وكلام كتير ارح يخ،،
#أيهم مشى معاي مشينا الوضايات طبعا في حقت نسوان وحقت رجال والمسجد في الجامعه،،
أنا: يلا ي أيهم م ح اقدر اخش معاك نحنا بي جاي اتوضى في الوضايه هناك وامشي صلي المسجد بهناك واشرت ليهو وقلت ليهو لما يطلع يرجاني بره ولو طلعت قبليهو انا برجاهو بره م اتكلم ولا بي كلمه وخش دخول زول غريب عليهو المكان شكلو م صلى في الجامعه قبل كدا المهم دخل هو وانا دخلت اتوضيت وصليت طبعا انا اي شي ولا صلاتي والحمدلله محافظه عليها 💗💗طلعت ولقيتو لسه م طلع استنيتو لحدي م طلع وشكلو بالله اتغير طوالي سبحان الله ي جماعه اي شي ولا الصلاه نصيحه مني ليكم المهم الزول طلع وشو لمن نور قلت ليهو اسي احسن؟؟
أيهم: الحمدلله
انا: صلييت؟؟
أيهم: لا ح اكون استحميت؟😂(وابتسم ابتسامه خفيفه كدا اتخيلو أيهم بي حالو ابتسم تتصورو بس وربي م صدقت ي جماعه الزول ده صبيعي مكشر وشو عمري م شفتو بضحك والليله ابتسم لي والعجب كان شفتو الوجنه الظهرت احييي انا ادردقت بالله عاينت ليهو كدا لمن سحت بالله نسيت الاحراج الاحرجني ليهو😂💔ابتسمت ليهو وكملنا مشي ،،،)
مرت الايام وبقيت يومي اجيب أيهم ونمشي نصلي سوا والحلو انو م بعارضني وبمشي معاي طوالي أيهم ي جماعه م كافر ولا زول م زول الله أيهم داير الزول اليوجهو للصح ويحزرو من الغلط مرت الايام لحدي جاء يوم كدا كنت مشغوله شديد وكان عندي امتحان وكان صعبه شديد الماده حقتي وكنت بقرأ وبقرأ لدرجه انو نسيت الصلاه لي اول مرت في حياتي😭💔بقيت شغاله اقرأ واقرأ لحدي حسيت في زول جاء جنبي بس م رفعت راسي شفتو منو لاني كنت مندمجه شديد مع القرايه وم كنت خلصت قرايتي في البيت لوح لي بي يدو قدام وشي رفعت راسي لقيتو أيهم
أيهم: مالك الليله م جيتيني ؟؟
انا: لشنو؟؟
أيهم: نسيتي الصلاه
انا: واااي يخ م صليت😭هو اذن صح؟؟
أيهم: اي ارح نصلي الزمن م اتأخر
انا: واي ي رب امرق منها الليله دي قرايتي م خلصتها وامتحاني بعد الصلاه طوالي
أيهم: ارح صلي اسي والقرايه ربنا بوفقك فيها ان شاء الله ويجيبو ليك القريتيهو
انا: ان شاء الله ي أيهم ادعي لي
أيهم: ان شاءالله يلا ارح عشان م نتأخر
انا : ارح
مشينا صلينا بالله وكنت مبسوووطه شديد انو خلاص أيهم اتعود علي الصلاه وقدرت ارجعو لي ربنا وحاولت اصلح كل جروحو واقيف معاهو بقدر البقدر عليهو
المهم دعيت كتيير انو ربنا يوفقني وانجح في الامتحان ده😭ويجيبو لي القريتو علي قول أيهم واتوكلت علي الله وطلعت لقيت أيهم راجيني
أيهم: ربنا يوفقك شكلو لسه فضل زي 5 دقايق تعال اراجع عليك يمكن اكون عارف وعندي خبره في امتحاناتكم دي لاني مريت بيها
انا: حاضر هاك
واديتو الشيت والدفتر بتاعي وبقى يشرح لي سريع سريع كدا ومراجعه خفيفه كدا وانا بقيت واقفه جنبو وهو متكل علي الحيطه وخاتي رجل وحده فوق كدا وخاتي فيها الشيت وبشخط بالقلم المهم فهمت منو والله😂بس ركزت الليله وم حاولت اعاين في وشو عشان م اسرح في ملامحو🤤لكن طلع شاطر بالجد وربي♥♥
أيهم: انتي مش قلتي م خلصتي قرايه؟؟
انا: اي وربي اسي الله ينجحني بس
أيهم: ي بت انتي قاريه فل امشي ي بت انتي مجنونه انتي مخلصه علي اي شي اسي شنو الما قريتيهو كلو حافظاهو وفاهماهو
انا: احيي انا تفتح النفس للنجاح تسلم ياخ
أيهم: انا جادي بالمناسبه م حنك
انا:😂😂شكرا يخ
أيهم: العفو خليك واثقه من روحك عشان تتشجعي وم تضعفي روحك وتقولي م قريتي وم ح تقدري تشتغلي لا ح تقدري ان شاء الله
انا: ان شاءالله💜💜
المهم مشيت الامتحان وانا واثقه من روحي رغم قله قرايتي😂💔بس حسيت اني قرييت فلل علي قولو ومشيت امتحنت فل الفل وجيت طالعه لقيتو قاعد قدام شويه كدا من قاعتي بره وكالعاده قاعد وخاتي يدو في راسو ومدنقر زي قعده اول يوم شفتو مشيت عليهو
انا: معقوووله بس مستنيني
عاين لي كدا قال لي انتي معاي؟؟
انا اتلفت كدا وقلت ليهو معقوله يكون في جني هنا غيرك وانا بتكلم معاهو؟🐸
أيهم: هوي انا ولا راجيك ولا شي م تتوهمي فينا بحضر لي في محاضره م تشغليني🌚✋
لبعتو في ضهرو لبعه لمن يدي حرقتني😂😭
أيهم: (حمر لي كدااااا وقال لي)مالك اسي
بالله جسمي كلو كش لكن لساني م طويل عاد😭😂،،بي جواتي قلت ليهو م تعاين لي كدا عامل لي عيونك السمحات ديل🙈
انا: اياك وتحرجني تاني ولي م تستناني م صحبتك انا😒سجم م تستاهل يكون عندك وحده زي زاتو😌
أيهم: لي انتي منو😂💔كاترينا ولا كارينا قومي لفي بالله اها اشتغلتي كيف م جا صعب مش
انا: مالك ومالو مش قلت م راجيني😒
أيهم: عقلك م بعمل عقل طفل ولدو يادوب عقلك طفولي اسي في داعي لي حركات الشفع دي
انا: انت مالك ومالي انا كدا وهو بعد عقلي ده مكسرين في الاولاد بي الكوم
(بس ي زول اشوفو ليك عيونو الاتنين مشو شمال 😂😭?

#المجنونة_والعصبي
بقلم : ملاذ سند احمد ادريس📝
-٨-
(مسكني من يدي وضغطني شديد وربي قربت تتفك😂قلت ليهو فكني واي اتكسرت😭قال لي بطلي عناد وامشي شويه وجاء معاذ مسك يد أيهم وقال ليهو فك البت دي احسن ليك😒)
أيهم: م ح افكها وزح يدك دي
المهم بقو يتشاكلو فكها وم بفكها وانا قاعده زي العويره اعاين لي ده لما يتكلم واعاين لي ده لما يتكلم ويدي قاعده في النص والاتنين ماسكنها😂😭💔
انا: كدي دقيقه انتو مالكم اسي
أيهم: انتي اسكتي خالص نهااااائي م تفتحي خشمك ده (وكان معصب شديد بالله خفت خوف وياها السكته الوحده جراني من يدي شديد ووقفني ورا ضهرو )
وقال لي اوع تتحركي من هنا بس دقيقه اتفاهم مع الزول ده
انا: بس ي أيهم خليهو م تشاكلو
أيهم انتي م عليك خالص بس اسكتي واقيفي هنا
طبعا بقيت بعاين بعيوني بس خفت والله😂😭
اتكلم معاهو وحمر ليهو كدا وطبعا انا م سامعه ولا شي بس اخر شي سمعت صوت معاذ قال ليهو ظااابط بس م بنساها ليك وكبرها
أيهم: سمعتي حاجه؟؟
انا: لا م سمعت شي بس عايزه اسمع
أيهم: احسن ،،لا م ح اوريك
انا: في شنو ي أيهم
أيهم: انتي مالك حشريه كدا
(بس وقفت في حتاتي وانبرشت ليهو في الارض😂😭وقلت ليهو م قايمه من حتاتي دي الا تقول لي قلت ليهو شنوو)
أيهم: احسن ليك تقومي (بغضبب)
انا: (والله خفت بس راسي قوي انا) ما قاااايمه
أيهم: وقسما م تقومي اشيلك وادخلك العربيه
انا: اعمل البريحك بس انا من هنا م قايمه
(قلت بيني وبين نفسي اكيد م حيعملها ويشيلني)
بس ي زول ولا كذب نزل تحت عايز يشيلني قلت ليهو لا خليني ي ولد م تشيلني بقيت بكورك م تشيلني اسي كان شلتني تاني البعرسني منو داير تبورني😂😭 وحاتكم ولا عبرني وشالني وطلع والناس كلها بقت تعاين لينا شويه وشفت الشله الكريمه بتاعتي جايه علينا 😂😭الشباك كان فاتح بس شفت ليك انفال بقيت انطط زي العويره واكورك ي انفال😍😍 بعد شويه جاتني خطه خنفشاريه عشان اخلي عمك غضبان ده تاني م يعاملني كدا😒
انفال: (وهي جايه جاريه علي) ي بت ماشه وين وده واديك وين
انا: ده مجرم عايز يخطفني الحقووني😭
وبقيت اكورك قفل الشباك من عندو وقال لي بطلعي حركات الشفع البتعملي فيها دي وحمر لي ودور العربيه شديد شويه وقعدت ابكي😂😭طبعا ي جماعه انا علي الهبشه خوافه شديد وم بحب زول يعصب فيني
أيهم: ي بت مجنونه انتي اسي الببكيك شنو
(وانا اشيل واقش في دموعي وهي جاريه عشره عشره😂😭💔وقف العربيه ومسح لي دموعي وقال لي م تبكي💔م بحب دموعك واتفجرت فيهو بكى طبعا ي جماعه البت لما يدلعوها بتخرب😂😭حنكني كدا بطلت بكا وقش لي دموعي قال لي يلا اضحكي ولسه صاره وشي قال لي قلت ليك اضحكي😠ابتسمت لي ابتسامه كدا عديم وشك قال لي اعرض شويه 🌚♥تاني زدتها شويه قال لي كدا عسسل 🙈 بقيت اتخجل قال لي خلاص م تصدقي 😂💔
يخ وربي حبيتو عديل بعد ده😂😭اول مره يعجبني ولد)
أيهم: عارفاني جبتك معاي لي؟؟
انا: لا وعايزه اعررف
أيهم: عايز اشكرك ي امل
انا: علي شنو ؟؟
أيهم: امل انتي رتبتي حياتي مش رتبتيها انتي رجعتي حياتي الكانت مافي زرعتي فيني الامل بجد اسم علي مسمى انا بشكرك شديد ي امل انك رجعتي صلتي بي ربنا وانك وقفتي معاي وشجعتيني رغم تصرفاتك الطفوليه وجنك ده مرات بحسك زوله عاقله ومرات بحسك شافععه عمر 3 سنه😂لكن انتي عسل ياخ انا سعيد انك دخلتي حياتي
انا: احم احم اشي عليك ي امل🙊🙈عفوا عفوا لا داعي للشكر عزيزي انا اميره والاميره تفعل م عليها نحو شعبها والمكسرين فيها😂💔👋
أيهم:(ضحك ضحكه واااي انا كسرت حبوبتي زاتها اتمنيت لو انو فيديو اقدر اعيد الضحكه تاني😍😍♥♥) انتي مجنونه ي امل اكيد م كويسه الا يوم اوديك تجاني الماحي اشوف راسك ده كويس ولا لا
انا: خلاص ظابط زاتو منها اطمن انو لسه مجنونه وم عقلت👋😂
أيهم: عارفه يعني؟؟😂
انا: هي ده كلامك اكيد عارفه😂
أيهم: الله يعيني غايتو
انا: لي مالك جنيت انت برضو😂تجاني الماحي ملان مجانين م براك م تخاف
أيهم: جنيت في عينك😒 انا م بجن😌
انا: انا ياما اجننك لمن تقول بس
أيهم: الله يستر
#المهم لفينا بالعربيه كدا ورجعني البيت بس وقفني بعيد شويه كدا عشان م ياكلو سيرتنا ناس الحله ويجيبو لي مشاكل ،،وانا طالعه قلت ليهو :هسي قايلاك ح تعزمني شوكلاته لكن طلعت م عندك زوق نهااااائي😂😭💔غير كسرت لي يدي م سويت لي شي🐸
أيهم: الزوق عندك انتي ي السمحه امشي شوفي بيتكم بي وين شوكلاته وحده م بجيبها ليك😂💔ويدينك التتكسر تاني كان عاندتيني بس بكسرها ليك المره الجايه جد جد
انا : بعاااند اصلا عنيده (مديت ليهو لساني نظام مكاوى ومشيت😂 مشيت البيت مبسووطه شديد م عارفه السبب بس شكلي حبيتو وم عايزه اقتنع بي انو انا بحبو نهااااائي وزي م شفتو اسي هو زول عصبي شديد وراسو قوي😭😂المهم رجعت ولقيت مامتي حبيبتي قااعده تتونس مع عمي ومرتو )
انا: انا جيت ونورت البيت اي ادري ادري
امي: ها السجمانه تعالي جاي
انا: انا سجمانه ي امي☹انا بتكم السمحه😏
امي: الليله مالك اتأخرتي ي السمحه😂
انا: اممم الم

#المجنونة_والعصبي
بقلم : ملاذ سند احمد ادريس📝
-٩-
في الصباح..💜
مشيت الجامعه ونفسي قافله من اي شي لبست وطلعت كمان الليله من شده زهجي ولا مكياج م عملتو ولا شي بس غسلت وشي وطلعت😂😭
طلعت ومشيت الموقف الليله لقيت كمان يوسف تتزكروهو😂💔الولد الزمان الكان بستناني في الموقف المهم الليله لقيتو عاينت ليهو كدا وركبت م اديتو اي اهميه السلام عليكم م قلتها كان راسي جايط شديد المهم اول م وصلت لقيت أيهم في وشي وكان يوسف وراي طوالي
أيهم: ي بت كيفك صباح الخير
انا: صباح النور بخير الحمدلله وانت؟
أيهم: انا تمام تعالي عايزك ففي موضوع
انا : ارح
#مشيت معاهو وكالعاده مشينا البنش بدون م الاحظ كان يوسف ماشي بي ورانا
مشينا قعدنا في البنش بس غير العاده أيهم كان بقعد قصادي الليله قعد جنبي💗
أيهم: كيفك كويسه؟
انا: اي كويسه
أيهم: الليله حصل معاك شنو وانتي جايه
انا: م حصل شي بس لاقيت يوسف في الموقف يعني ماف شي جديد
أيهم: يوسف؟؟يوسف ده منو
انا: يوسف ده واحد كدا شبه جاري وراي 😂😭م عرفتو مالو معاي بس م حبيتو نهااااائي
( ويوسف كان سامع اي شي💔😪بعد يوسف سمع الكلام دا طووالي طلع،،،)
أيهم: امم (ظهرت علامه غضب في وشو بس حاول انو م يوريني،،)
انا: اها دايرني في موضوع شنو
أيهم: معاذ اتكلم معاك
#بيني وبين نفسي قلت ي ربي اوريهو ولا لا،،
انا: اي
أيهم: قال ليك شنو
انا: قال لي كلام كتييييير انت عايز تعرفو لي؟؟
أيهم: احكي بدون لف ودوران
انا: طيب قال لي اولا انو انت زول كعب وانو انت زول بتاع بنات وبتخرب سمعتهم وكدا،،💔
أيهم: اممم طيب لي م بعدتي مني
انا: استخرت والله م بعدني منك ماناها القالو كذب
أيهم: وتاني قال شنو
انا: قال انو بحبني💔
أيهم: وقلتي ليهو شنو؟؟
انا: قلت ليهو اني م بحبو واعتزرت منو
(أيهم قبل علي كدا وعاين لي جوه عيوني قلبي بقى شغال زي دلوكه انصاف😂😭)
أيهم: امل
انا: نعم
أيهم: عايني ي امل شفتي الولد الاسمو معاذ ده انا عندي معاهو مشاكل من زمان كنت اديتو كف لا اراديا وهو من اليوم داك كرهني وبقى داير ينتقم مني بس م عرفت شكلو الكف اثر معاهو شديد كان هو صحبي زمان وخلاني وهسي لما لقى انو عندي زول في حياتي عايز يطلعك من حياتي عشان كدا قال ليك بحبك هو زول كذاب اصلا بلعب بي البنات بس يعني م بعمل لي وحده شي غلط ولا بخرب سمعتهم بس زي م عرفتي انو زول مستهتر وبتاع ضحك وونسه م عندو شي للحب + انا ي امل انتي اول بت اداخل معاها في اموري الشخصيه واول بت اتكلم معاها فتره قدر دي اصلا يعني حتى لو اتكلمت مع وحده الموضوع بكون رسمي وبخص شي معين من الله خلقني م بحب البنات بس م عارف حبيت انو انتي تكوني صحبتي كدا لانو ارتحت ليك حسيت بالجد انو انتي الصحبه الصاح انو انتي البت الممكن بي سبب صداقتنا تشفعي لي بعدين
انا: اممم طيب فهمت + انا كمان اول مره اتكلم مع ولد واعدي معاهو فتره زي القضيتها معاك
أيهم: تاني م تقعدي مع معاذ ده ولا تتكلمي معاهو
انا: لي 😂
أيهم: بدون كلام ونقه كتيره كلامي ده واضح؟؟😠
انا: اي واضح
أيهم: يلا امشي المحاضره م تفوتك بعدين م تنسي الصلاه صليتي الصبح الليله ؟
انا: اي صليتو💗
(مشيت محاضرتي ولاقيت انفال قعدت جنبها تشيل وتقرص فيني في المحاضره وتوسوس لي بي تحت ي كلبه ي عفنه تغشينا نحنا ي بت اللذين الليله اصبري بس عاملين ليك شرك عديل😂💔😭انا خشمي م فتحتو عارفه روحي غلطانه😂😭 طلعنا من المحاضره بالله جو ليك فيني البنات ديل زي المطر لب لب لب في ضهري حسيتو اتكسر شويه وحسيت زول مسك يدي وجراني عليهو وطلعني منهم لقيتو ده أيهم🙈)
أيهم: مالكم مع بت الناس ي جماعه😂💔
انفال: انت اسسكت ساي واطلع منها امبارح لي شلتها كيف يعني تشيلها قدام الناس م بتخجل انت
(مسكت ايهم من يدو عشان م يحكي حاجه ويخرب لي كذبتي الكذبتها😂💔)
انا: انا م قلت ليك رجلي اتلوت وم قدرت امشي عشان كدا شالني وقعد يكاويني عشان كدا قلت ليكم خطفني😂😭
انفال: انتي اطلعي منها ،،صحي الكلام ده ي اخ؟؟(بتتكلم مع أيهم،،مسكت ايهم تاني من يدو 😂😭لو قال لا بأدبوني الليله)
أيهم: اي اي صاح
انا: اها م قلت ليك غايتو نهااااائي م بتثقو فيني😭💔
انفال: نتلاقا بعد شويه ي عفنه
أيهم: ارح الصلاه غايتو هسي انقذتك بس بعدين بفنشوك😂😭
مشيت معاهو مشينا صلينا وبعد شويه مسكت تلفوني لقيت كم مكالمه من رقم غريب م اشتغلت بيهو م برد علي ارقام غريبه بعد شويه فتحت الواتس لقيت واحد مرسل لي وكاتب (انا بحبك ي امل والله بحبك وعايزك حلالي )
قريت الرساله وشغاله اتلفت يمين وشمال وكان أيهم جنبي
أيهم: مالك ي بت
انا: عاين (ووريتو الرساله )
أيهم: ده منو التافهه ده وبعرف اسمك من وين😒
انا: والله م عارفاهو ده منو
أيهم: دقيقه اشوف ده رقم معاذ لو طلع معاذ م بريحو انا وريتك
يتبع…♥
كسره بسيطه:-
حبوبه قالت:الما بدورك اوعك تفتش دربو كترت الموية بتقتل النبات وتخربو🥀💜🚶🏼‍♀
#Loooza💕

#المجنونة_والعصبي
بقلم: ملاذ سند احمد ادريس📝
-١٠-
ايهم دخل الرقم في تلفونو وطلع ده م معاذ
أيهم: انتي متأكده م بتعرفي الزول ده
انا: اي والله م بعرفو
أيهم: طيب بعرف اسمك وبحبك كيف؟؟
انا: الله اعلم
(شويه وجاتني رساله تاني )
أيهم:شوفي الرساله من نفس الرقم ؟
شفتها وطلعت من نفس الرقم وكان مضمون الرساله م تتكلمي مع أيهم تاني لاني بغير منو
انا: اي من نفس الرقم
أيهم: كتب شنو
انا: قال ابعد عشان هو بغير😂😭
أيهم: وانتي عاجبك الموضوع ي رمه😒
انا: لالا بس شي غريب الناس كلها بقت تحبني فجأه😂😭
أيهم: بطلي هبل كدي نشوف رقمو في النمر بوك
انا : اووكي
(شاف الرقم وظهر ليهو الاسم يوسف عبدالله😱)
أيهم: اسمو يوسف عبدالله بتعرفي زول بالاسم ده؟؟
انا: بعرف واحد اسمو يوسف لاكن م عارفه اسم ابوهو منو
أيهم: ده يوسف القلتي لي عنو ده
انا: اي ياهو لكن م معروف ده هو ولا لا
أيهم: تمام انا بتصرف عارفاهو بقرأ في كم؟؟
انا: في رابع
أيهم: تمام يلا امشي نتلاقا بعدين
انا: اووكي
(مشيت منو وانا م مطمنه عارفه أيهم زول عصبي وكعب شديد بس الشي المحيرني لي مهتمي لي امري كدا وكمان بعصب لما تجيني رسائل زي دي وبحاول احل لي مشاكلي وقال لي ابعد عن معاذ ي ربي حاصل شنو لي بتصرف كدا قلت تاني يمكن بعتبرني زي اختو عشان كدا ومريت علي الموضوع عاادي،،لقيت انفال جرتني من يدي ومشت بي بعيد وقعدنا تحت الشجره😍 )
انفال: ي بت مشتاقين عديل بقيتي الوقت كلو مع زفت الولد داك😒لكن يهنايه مزززه عديل هو قاااطع ده جبتيهو كيف ي بت اللذين😉
انا: بالاكتتتر وربي بس عندي معاهو موضوع عشان كدا،،اي سمح🙈
انفال: طيب بس هو مالو طوالي معاك وبدافع ليك كدا حسيتو حبيبك🐸
انا: والله انا زاتي م عارفه لي حيرني بس هو م حبيبي
انفال: كدي احكي لي حاصل شنو
انا: بقول ليك بس بيني وبينك جن احمر م يعرف
انفال: ظابط
انا: يلا شفتي معاذ قال بحبني تمام وقال لي ابعد من أيهم عشان هو زول تافهه وبتاع بنات وبلعب بيهم وكدا،،
انفال:معاذ المعانا ده قال بحبك؟😱و أيهم ده منو؟؟
انا: اي معاذ الواااحد ده ،،وأيهم ده الولد الهسي ده
انفال: واااي لكن معقوله يكون بحبك ي بت معاذ ده زول ضحك بس م زول جادي
انا: اي أيهم برضو قال لي كدا
انفال: لكن معقوله يكون أيهم زول تافهه وبتاع بنات
انا: والله م عارفه بس م اظن قال انو انا اول بت تتكلم معاهو كتير كدا
انفال: طيب انا بحاول احنك معاهو بعداك نشوف لو بتاع بنات ولا لا
انا: لالا يخ هو بعرفك
انفال: م حنك بعرف اتصرف
انا: طيب وشوفي المصيبه التانيه جاتني رساله من واحد قال لي بحبك وعايزك حلالي وكنت جنب أيهم ووريتو
انفال: وتعابير وشو كانت كيف أيهم لما وريتيهو
انا: غضب شديد 😂😭
انفال: وطلع منو الزول ده
انا: عملنا ليهو بحث في النمر بوك طلع اسمو يوسف عبدالله
انفال: واااي ده ولد رابع😍😍عاد لكن ي امل شفاااتيه لقطي الاولاد المزز بس كلهم اسي تاني خليتي لينا منو😂😭
انا: هسي عليك الله انا ناقصه ؟؟
انفال: ي بت الله اداك المهم اسي من طريقه كلامك ده انا اكتشفت انو أيهم ده بحبك بالجد وم زي الطير ديل بس هو شكلو زول تقيل ولا كتوم م عارفه وم عايز يكلمك بي مشاعرو
انا: ي ريت ي بت بس م اظن😂😭يحب لي شنو عليك الله🐸💔
انفال: شكلك مكسره فيهو ي بت اللذين😉
انا: احم🙈
انفال: طيب اعترفي ليهو هو شكلو م ح يعترف
انا: مستحيل طبعا الخفه م تبعنا
انفال: ي بت م خفه ولا شي لو هو بالجد بحبك م بعتبرها خفه منك
انا: لالا يعترف هو اول بس ولو م عايزني بي وشو
انفال: خلاص اقعدي ي العويره لمن يتشلب منك
انا: بي وشوو
(اي بقول ليها كدا لكن من جواتي خايفه بالجد انو يتشلب💔قلت اي انا عارفاهو زول كتوم بس زي اعترف لي بي قصه حياتو لو بحبني يعترف بحبو المهم قعدنا كدا ومشيت حضرت المحاضره وجيت طالعه مشيت لي أيهم في البنش حقنا😋💕لقيتو لسه م جاء قلت الليله الا اعمل زي حركاتو قعدت في الكرسي وركبت سماعاتي وشغلت اغاني بأعلى صوت وصاره وشي وشغاله بالتلفون وبهز بي رجلي طبعا اندمجت شديد لقيت الحاجه ممتعه😂💗قريب نص ساعه او اكتر بشويه بعد شويه اشوف ليك أيهم قدامي وكان بعاين لي بي طريقه غريبه لمن سرح😂𑸹ملت روحي شفتو طوالي)
قلت ليهو: شفت انا الزول لو جاء بي جنبي ومربكه سماعه بشوفو🌚
أيهم: انا قاعد هنا لي ربع ساعه😂💔قال شافتني اول م جات قال😂💔
(طبعا احرجني اكتفيت اني ارد ليهو بي ابتسامه بارده😭😂)
انا: (قعدت كويس وعاينت ليهو جوه عيونو) أيهم انا عايزه اتكلم معاك في موضوع مهم
أيهم: بخصني ولا بخصك
أنا: بخصك
أيهم: طيب دقيقه نكمل البخصك اول
انا: طيب احكي
أيهم: الولد الاسمو يوسف ده ياهو طلع يوسف الفي الجامعه
انا: اممم م تشتغل بيهو
أيهم: ح ادقو بعدين م تشيلي همو المهم بس حبيت اوريك اها انتي عايزه تقولي شنو
انا: تدقو؟؟😱
أيهم: اي
انا: لي تدقو
أيهم: عشان م يقل ادبو معاك تاني
انا: انا منو ؟؟م فيها شي عادي انا كتير مريت بالحاجات دي وبطنشها بس + ح يفصلوك لو دقيتو
أيهم: انتي

#المجنونة_والعصبي
بقلم : ملاذ سند احمد ادريس📝
-١١-
(مشيت منو وانا بفكر اساعدو كيف لحدي م جاتني فكره خنفشاااارييه😍😍♥♥
قلت امشي اول حاجه اكلم امي بي الموضوع من بدايتو لحدي نهايتو واشوف بتقول لي شنو م تستغربو انا بحب اكلم امي بي تفاصيل يومي 💗المهم في اثناء م انا طالعه من الجامعه سمعت زول بقول ي امل ي امل قمت اتلفت لقيتو أيهم )
انا: مالك وقفتني😂
أيهم: اصلا طريقك في طريقي ارح بوصلك
انا: لي اصلو شافعه انا ولا م بعرف امشي
أيهم: شافعه وم بتعرفي تمشي واتحركي ومن سكوت😠
انا: حاضر ي شوفيري يلا اقيف لي هناك لانو الطين بوسخني لو مشيت هناك🌝🙈
(حبيت اتهابل معاهو واتعاور عارفني اصلا عويره كيف😂😭)
أيهم: ح تمشي ولا عايزاني اشيلك زي يوم داك الليله رجلك اتلوت برضو😁
انا: لالا خلاص بمشي م تشيلني😂
أيهم: يوم داك قصيتي لي ضهري ي تقيله وزنك كم و80 صاح😂💔
انا: كم و 80 في عينك😒 تقيل براك هو انت كنت شايلني زي كيس النايلون ولا حسيت بي ي كضاب🙊🙈
أيهم: كيس نايلون 😂😂😂وااااا قال كيس نايلون😂😂
(وقعد يضحك وكالعاده انا ادردقت فيهو🤤🤤والكلام طار لي ونسيت احراجو لي☹💛)
انا: ارح ارح اتأخرنا
(ركبنا العربيه ربط حزام الامان بتاعو وقال لي اعملي حقك قلت ليهو م عايزه م ضروري
أيهم: اربطيهو انتي مالك معاطه كدا
سكت ساي وبقيت بجر فيهو وانا م بعرف اعملو زاتو قوي حقو😂😭 بقى يعاين لي ويضحك قال لي دقيقه اعملو ليك وقرب مني وقرب شديد🙈حسيت بصدرو في وشي🙈واي من ريحتو🙊انا قلبي بقى يعمل شححح،،، ربطو لي وزح سكتنا مسااافه)
أيهم: امل
انا :نعمين
أيهم: انتي لي عايزه تساعديني
انا: عشان انت تسأل🐸
(طوالي عمل فرامل لمن خفت😭💔 وعاين لي بي عين حمره وقال)
أيهم: امل😠😠
انا: خلاص م تحدر لي كدا يعني ح يكون لي م عشان انت زول محتاج مساعدتي وانا م بخلي زول يكون محتاج لي وم اساعدو
أيهم: انا طلبت منك مساعده ؟؟
انا: لا بس انا حسيت فيك☹
أيهم: اممم تمام
انا: عملت شنو لي يوسف
(أيهم كان فات لي يوسف واتفاهم معاهو وهو غصبان بس شكلو يوسف م عايز مشاكل معاهو عشان كدا أيهم م ضربو وبس قال ليهو ابعد من البت دي وانا لو لقيتك حاولت تاني تتكلم معاها م بحصل خير وفات بس شكلو م عايز يحكي لي،،)
أيهم: م عملت شي
انا: دقيتو؟؟
أيهم: لا
انا: ولا اتكلمت معاهو؟؟
أيهم: انتي عايزه تعرفي لي ؟؟
انا: انا عايزه اعرف انت لي بتعمل كدا بتشاكل لي الاولاد وبتقيف معاي وبتوصلني انا عايزه اعرف دع ليي؟؟
أيهم: وانتي لي بتساعديني
انا: اول جاوب بعد داك بجاوب عليك
أيهم : يعني ح يكون لي عشان زوله عزيزه علي بس
انا: تمام وانت كمان عزيز علي
(من اللحظه دي اتأكدت و عرفت انو أيهم م من النوع البعترف سريع وعلي قولو زول كتوم،،بس قلت ح اعمل لي حاجه اخليهو يعترف بكل سهوله😉)
فضلنا ساكتين تاني لحدي م وصلني نفس مكان المره الفاتت بعيد من البيت بشويه يلا عايزه انزل بقيت بجر في الحزام حلف كان يتجر لي
أيهم: م عايزه تنزلي ولا شنو😂😭
انا:فك لي الشغل ده شكلك قاصد تخليني اعملو عشان م انزل سريع😒
أيهم: عان دي عليك الله😂
(فكاهو لي وعايزه اطلع قال لي م بتقولي ي كافي البلاء لا شكرا ولا مع السلامه )
انا: اي م بقول
أيهم: م اندك زوق بس🌚
انا: الزوق عندك ي السمح😏✋
أيهم: انا سيدو😌
جيت طالعه وعملت للباب كوووو😂😭اي حساده بس شفتو ضحك وفات🙈
واصلت مشي برجليني مشيت لقيت امي بتعمل في الغداء قلت ليها امشي ارتاحي بواصل انا ده الحنك ي جماعه😉😂قالت لي ياداب جايه من الجامعه وم بتقدري وبتاع قلت ليها لا لا بقدر وبقيت بعمل فيهو ظبتو تمام ومشيت عليها احكي ليها بقصه أيهم
انا: امي عايزاك في موضوع تعالي اقعدي لي هنا
امي: اها جيتك
(قعدت في السرير وانا قعدت جنبها)
انا: امي شفتي معانا ولد اسمو أيهم ي امي امو طلقت ابوهو من زمن وفاتت خلتو وابوهو مات لما كان عمرو 11 سنه وكان عايش مع عمو وعمو ده اكل قروشو كلها ابوهو كان زول مرطب عندو قروش جد واسي عمو شال القروش كلها حولها بي اسمو واسي ي امي انا عايزه اساعدو م بتعرفي ليك محامي ممكن يساعدنا؟؟
امي: انتي عرفتي من وين
انا: من الجامعه
امي: وهو قال ليك كدا؟؟
انا: اي
امي: بس يمكن يكون بكذب عليك م معروف
انا: لالا ي امي م بكذب هو زول كويس والله
امي: طيب انا زي يوم يومين كدا وبشوف ليهو محامي كويس
(امي صحبتها محامميه شاطره شديد عشان كدا كلمتها وعرفت انها ح تساعدني)
امي: اخلاص ممكن تحلها ليهو صاح؟؟(اخلاص دي صحبتها المحاميه)
انا: اي ممكن اسأليها وكلميها بالموضوع
امي: طيب
يتبع… ♥
كسره بسيطه:-
لمن تضيق بيك الدروب حاول تشوف زولا حنينا يكون عطوف💜
#Loooza💕

#المجنونة_والعصبي
بقلم : ملاذ سند احمد ادريس📝
-١٢-
قعدنا كدا واذن العصر مشيت صليت وجيت للحجه يلا
انا: اها ي امي م دقيتي ليها
امي: دقيت ليها قبل شويه م ردت بتكون مشغوله
انا: جيبي النجرب انا يدي فيها البركه🙈
امي: بركه السجم والرماد هاك غايتو عسى ولعلى ترد
(شلتو دقيت ليها بعد جرسين ردت اديتو لي امي سريع وقلت ليها ردت قلت ليها اها م قلت ليك انا يدي فيها البركه😌 حمررت لي كدااا وردت ليها ،،،
المهم ردت ليها وقالت ليها انو عندها ولد بتعرفو سرق عمو قروشو عن طريق الخداع وكدا وغشاهو يعني قامت قالت ليها يعني هو وقع بالغصب ولا بي ارادتو
سألتني وانا الصراحه م كنت عارفه قلت ليها والله م عارفه قامت قالت ليها خليها تشيل رقمي وتسألو بي التفصيل وترجع توريني قالت ليها امي تمام شلت الرقم من امي وكنت مستنيه بي فارغ الصبر متتتييين يوم بكره ده يجي
في النهايه واخيرا جاء المساء مشيت قلت اعمل لي شي لي وشي عشان يصبح منور وكده😉 فتحت التلاجه سجم الرماد م لقيتو فيها لفحت توبي وطلعت اجيب لي زبادي واجي كلمت امي قالت لي م تتأخري الوقت اتأخر قلت ليها سمح وطلعت وانا في الشارع لاقاني واحد ومن بعيد حسيت عليهو زي الساطل م كان طبيعي😂💔جاء بي جنبي وانا بزح منو قال لي انتي عذبتيني ياخ الله ينتقم منك جننتيني 😭وحسيت دموعو نزلت وفات بقيت متحيره اجي ي جماعه ده مالو معقوله يكون شبهني بي حبيبتو الوجعت قلبو وقال دي انا م اهتميت كتير للموضوع ومشيت جبت الزبادي بتاعي ورجعت شويه كدا والمطره صبت جررري طلعت بره وبقيت قاعده في نص الحوش والمطره صابه فيني يااي يخ شعووور حلووو بعد شويه دعييت مسااافه ودخلت جوه عملت زبادي بي خميره في وشي خليتو ينشف ونمت صحيت الصباح نشييطه ومتفائله بي يوم الليله ده صراحه بحب اني اساعد اي زول بحس بي راحه لما اساعد زول في كربتو المهم،، لبست لي الليله اسكيرتي اسود كده ظاابط مع بلوزه بيضه قصيره كدا مع هاف جيكت كبدي وطرحه كبديه بي ابيض عملت ميك اب وروج كبديي💗 المهم قشرت تمااام وجيت طالعه )
امي: البشوفك الليله بقول عقدو عليك
انا: بخجل بخجل🙈🙈
امي: قال بخجل قال قومي شوفي جامعتك بي وين
انا: سمح سمح
امي: اتحصني م تطلعي ساي
انا: حاضر🙈🙈خجلت يخوانا معقوله اكون سمحه قدر ده😉🙊
امي: ي بت انتي عويره ولا شنو هي حالت رحاب المجنونه قعد يحصنوها قالو ليك الا بالسماحه💔😂
(م يفوتكمم خالت رحاب المجنونه دي وحده في الحله مهترشه كدا😂😭)
#المهم طلعت علي جامعتي مبسوووطه شديد بس طلعت كدا في نفس المكان النزلني فيهو أيهم لقيتو واقف راجيني بالعربيه بس م انتبهت ليهو😂 بقيت ماشه جاء بي العربيه قدام طبعا عربيتو لاندكروزر😭😭🤤🤤دمااار بس ومظلله نزل القزاز وقال لي يمزه ممكن تركبي😉
عاينت ليهو كدااا وقلت ليهو انت كويس؟؟مزه حبوبتك😏
أيهم: م عرفتينا ي السمحه
انا: أيهم بطل هبل
(عامل فيها م عارفني طبعا،،😏)
أيهم: عارفه اسمي كيف😱
انا: ي زفت اقنعني انو م عرفتني يعني
أيهم: لا م عرفتك انتي منو
انا: انا جنك الاحمر
أيهم: خشي خشي قاعد مستنيك ساعه وانتي م خليتي شي م جلبطتيهو في وشك ده عامله لي زي البطه كدا😂😭
انا: بطه في عينك اسه م بركب معاك😏
أيهم: والله اشيلك واركب واصلا عارفاني بعملها
انا: لالا نحنا في الحله اوع تعمل كدا
أيهم: طيب يلا انجزي واركبي
(طبعا عارفاهو بعملها طوالي شلت كرعيني براااحه وجيت راكبه هي اي شي ولا الفضيحه اصلا كراعي م بتتلوي كل يوم😂😭)
ركبت وفضلنا ساكتين كدا شويه وقال لي
أيهم: الليله مالك سمحه كدا حسيتك بت بت🙊
أنا: يعني كنت ولد مثلا😏
أيهم: شبه كدا
(بقيت بحمر ليهو😒😒😒)
أيهم: وحلاتيي
انا: واااااي عاين الولد ده مزززه كييف😍😍
أيهم: ياتو ولد ده😒
انا: هداك ليهو عاين ليهو(وبقيت بأشر عليهو اصلا قاصده عشان اغيزو 😭😂)دقيقه اسلم عليهو عشان تشوفو
(طوالي قفل الشباك وبقى سايق سريع وحسيتو ح يكفتني🐸)
انا: أيهم مالك؟؟؟
أيهم: عاجبك الولد داك؟؟؟انزلك ليهو ؟؟عايزاهو؟؟؟
(فضلت ساكته مسااافه ،،)
انا: هسي مالك انت الغايزك شنو
أيهم: ياخ انتي عايزه تصلي لي شنو عايزاني اقول ليك بحبك يعني ياخ اي بحبك (بغضب شديد حسيت الشراره مولعه في عيونو🙈🙈)
ياخ واخيرا قال بحبك م بتتخيلو كميه الفرح الدخلت فيني😍😍😍🙊♥♥♥♥أيهم لكن بعد قال الكلمه دي تاني سكت سكته وحده وخشمو م فتحو ولا انا م اتكلمت ووصلني ونزلنا تاني قال لي مع السلامه عندي الليله المحاضره الاوله
انا: طيب
وفات وانا مشيت والوقت كلو بتزكر في لحظه لما قال لي بحبك يااخ كان احلا يوم في حياتي😍♥♥

يتبع…♥
كسره بسيطه:-
في لحظات كدا الزول م بنساها مثلا زي اول يوم قال ليك فيهو بحبك زي اول نظره زي اول ابتسامه زي اول لقاء ولنا في ذلك زكريات لا تنسى… 🖤
#Loooza💕

#المجنونة_والعصبي
بقلم : ملاذ سند احمد ادريس📝
-١٣-
وفات وانا مشيت والوقت كلو بتزكر في لحظه لما قال لي بحبك يااخ كان احلا يوم في حياتي😍♥♥
مشيت انا كمان كان عندي المحاضره الاوله وانا في نص المحاضره سرحت في كلمه بحبك الطلعت من أيهم انفال لاحظت لي قامت قرصتني قالت لي الجميل وين سرحان😉
انا: اسكتي ساي من الحصل خلي نطلع واحكي ليك
انفال: قولي اسي ياخ م بقدر اصبر
انا: ي بت المحاضر ده صعب يقوم علينا يطردنا اسي اسكتي م عايزين مشاكل
(حضرنا المحاضره وجينا طالعين مسكتني من يدي وقالت لي م بتمشي لي أيهم الا تحكي لي حاصل شنو)
انا: قال لي بحبك ي انتي اتخيلي معاي أيهم بي زاتو قال لي بحبك
انفال: كضابه والله😍
انا : والله جد
انفال: ي بت عملتي ليهو شنو عشان يعترف الولد ده ظاهر عليهو م زول اعترافات
انا: سر المهنه(وغمزت ليها😉)
انفال: مهنه في عينك اتكلمي عشان م اوريك المهنه دي جد جد 😒
انا: حاولت اخليهو يغير بس قام اعترف
انفال: يعني عملتي شنو احكي الموضوا بالتفصيل
انا: قلت ليهو شوف الولد داكسمح كيف في البدايه حمر لي تاني قلت ليهو دقيقه اتكلم معاهو قام دور العربيه شديد وبقى يكورك فيني وقال لي انتي عايزه تصلي لشنو عايزاني اقول بحبك ياخ اي بحبك 🙊😍
انفال: احيييي انا امووت ولا انقلب انكبوت اها وانتي قلتي شنو
انا: م قلت ليهو ولا شي
انفال: لي ي حيوانه انتي عويره ولا شنو اسي تقومي تمشي تقولي ليهو قومي اتحركي سريع
انا: لالا ياخ م ظريفه كدا
انفال: ي بت انتي بت لذينه ولا شنو مش قلتي عايزاهو يعترف اول حتى تعترفي اها اعترف عايزاهو يعمل شنو تاني😒
انا: ياخ هو اول حاجه قالها لي بغضب وغيره كدا وم كان ظريفه كدا اقول ليهو انا زاتي بحبك + اسي يعني امشي اقول ليهو ي أيهم انا بحبك كدا ؟؟م بتطلع ي بت والله ياخ اصعب حاجه الاعتراف ده م بقدر يخ اقولو☹بخجل منو اسي اعاين ليهو كيف واقول ليهو بحبك م بتجي ياخ
انفال: اكتبي ليهو في رساله طيب
انا: اممم ممكن بس اول نشوف حل لي مشكلتو دي
انفال: ياتو مشكله دي كمان ان شاء الله خير
(نسيت اني م كلمتها انو هو عمو سرق قروشو وكدا،،، المهم حكيت ليها وكان أيهم جاء واقف وراء انفال اشر لي بي يدو عشان اجي عليهو قلت لي انفال بمشي ليهو وبجيك مشيت عليهو وفي اثناء م انا ماشه واحد من اولاد الجامعه قال لي الكبدي شغااال وأيهم سمعو كان ماشي عليهو كان قتلو غايتو انا مشيت مسكتو من يدو عشان يهدأ وااي ما شفتو عرقو كانت بارزه كيف من الغضب😍🤤💛 أيهم لما مسكتو حمر لي قلت ليهو م عايزين مشاكل ي أيهم ارح وسوقتو ومشيت )
أيهم: فطرتي ؟؟
انا: لا والله 😂😭
أيهم: عارفك جنك اكل اسي لو اكلتي بتقولي م اكلتي😂👊
انا: م دايره زاتو😒
أيهم: في ستينك انا ماشي اكل ارح اقعدي ساي بس
(مشيت معاهو وانا اشيل واصر ليهو في وشي اشترى سندويتشين افتكرتو ح يشيل واحد ويديني واحد وحاتكم شالهم الاتنين ختاهم قدامو مسك واحد قعد ياكل فيهو وشابكني الله ياخ سمح كيف🤤وانا الجوع قاتلني ولا اتعاورت ولا اتهابلت شلت طوالي السندويتش القدامو وفتحتو وبقيت باكل😂😂)
أيهم: اسي م قلتي م عايزه😂😂
انا: قفل خليك في حالك😏
أيهم: غايتوو الليله عامله لي بي الكبدي بتاعك ده تاني م تعملي حركاتك دي🐸
انا: حركات شنو ؟؟
أيهم: الجالطاهو في وشك ده
انا: بعملوووو😝
أيهم: بقطعو ليك😒
انا: قطعووو وبرضو بلصقو وبعملو😂👋
أيهم: اكلي اكلي تاكلي السم ي سجم😒
(قعدت اكل كملت السندويتش بتاعي وقلت ليهو عاين في كم موضوع كدا عايزاك فيهم )
أيهم: ان شاءالله خير
انا: اي خير
(مسكت تلفوني ودقيت لي المحاميه وهو قاعد جنبي بعد مسااافه حتى ردت،،،)
انا: الو السلام عليكم
اخلاص : وعليكم السلام
انا: خالتو اخلاص كيفك انا امل
اخلاص: اهلين ي بتي كيفك وكيف امك
انا: كلنا بخير الحمدلله ،،اها بخصوص الموضوع داك ممكن توريني الاسئله عشان اوريك الأجوبه
اخلاص : طيب يلا عشان م تنسيها طلعي ورقه وقلم واكتبيهم
(طلعت الورقه وكتبت كل الأسئله العايزني اسألها لي أيهم بقيت بسأل في أيهم واجاوب ليها بي لسانو ولحدي م خلصت الاسئله قفلت منها)
أيهم: دي منو؟؟
انا: دي حتكون المحاميه الح ترجع حقك بأذن الله
أيهم: 😱لمن جبتي محاميه كمان ؟؟
انا: اعي جبت محاميه
أيهم: طيب خير اها بي كم ح تحامي لينا
انا: حكايه القروش دي اطلع منها
أيهم: كيف يعني عايزه تدفعيهم انتي مثلا😂انتي كان نفضوك م بطلعو منك 500 جنيه😂 كدي قومي كدا وقولي بي كم
انا: هي صحبت امي وامي قالت ليها انو انت زي ولدها حاولنا نقول ليها بي كم وكدا زعلت وقالت لينا كيف احامي ليكم انتو بي قروش وح تحامي ليك بدون قروش عشان كدا اطلع منها
أيهم: اممم طيب😍
يتبع…♥
كسره بسيطه:-
الحب ده طبعا م بجي في يوم يومين او شهر شهرين اقل شي سنه ممكن تحب في لحظه لاكن م بتعرف انك حبيت الا بعد سنه او يمكن اكتر *ده الحب الحقيقي* عارفين لي؟؟عشان تعرف صدق مشاعرك ومشاعر البحبك البقول ليك بحبك اقل من فتره زي دي ده بصراحه كداا ممكن يكون اعج

#المجنونة_والعصبي
بقلم: ملاذ سند احمد ادريس📝
-١٤-
انا: هي صحبت امي وامي قالت ليها انو انت زي ولدها حاولنا نقول ليها بي كم وكدا زعلت وقالت لينا كيف احامي ليكم انتو بي قروش وح تحامي ليك بدون قروش عشان كدا اطلع منها
أيهم: اممم طيب😍،،امل
انا: نعم
أيهم: بالجد شكرا ي امل
انا: هوي شكرا علي شنو حسستني اني عتقت رقبه😂👋
عادي ي ولد م تتشكرني قدر ده راسي بكبر😭😂
أيهم: هو اصلا كبير😂👋
انا: رمه ده اصلو الحسنه في المنعول😏
أيهم: منعوله براك،،
(أيهم بتكلم بينو وبين نفسو *وسرح فيها* قال ياخ انا اول مره في حياتي زول يقيف معاي غير ابوي
ويشوف مصلحتي بي وين ماف غيرك ي امل وقف معاي وبدون مقابل
دايما كنت وحيد وم عندي زول بعد دخلتي حياتي م عارف عملتي شنو ياخ جوطيها لي كلها فوق تحت رتبتيها لي
وخليتيني اعرف حقي واسعى علي اني ارجعو ياخ انا متأكد انو ماف زيك ي امل وان شاء الله ح تكوني حقتي و حلالي ♥)
#طقطقت ليهو بي اصابعي قلت ليهو الجميل سرحان وين ،قال لي بدون م ينتبه سرحان في الجميل التاني🙈(خلاص يلا تعالو شوفو الخجل😂م عرفت اودي وشي بي وين 😂💔)
أيهم: هوي ها م تصدقي 😂😭
انا: انا اصلا عارفه روحي جميله😌
أيهم: اصلو م بصدق😂
انا: اثبت ليك؟؟
أيهم: اها
(ناديت الجرسون،، وأيهم يشيل ويحمر لي😂 يلا الجرسون لما جاء)
انا: زوقك سمح؟؟
الجرسون: اي مرات 😂لكن لي؟؟
انا: عاين لي كدا بصراحه انا سمحه ولا لا (وبقيت اشيل واتبسم ليهو😂،،أيهم مسك يدي ضغطها بقوه بالله قربت تتكسر😭)
الجرسون: عسل والله
انا: ط ط ط طيب شكرا (م قدرت اتكلم لانو حضرت ايهم عايز يكسر لي يدي😏الجرسون مشى ويشيل ويتبسم لي
وبجي جاي ايهم انتهى من يدي)
انا: ي ولد يدي خلاص كسرتها
أيهم: لي ناديتيهو وتتبسمي ليهو كمان 😒عايزاهو؟؟
انا: عشان اثبت ليك ي سجم
أيهم: تاني بس كدي القاك بتتبسمي لي ولد عشان اوريك تتبسمي كيف😒
انا: اجي😂لا يعني فيها شنو
أيهم: عايني ي بت اللذين انتي انا قلت ليك شنو الصباح
(عملت روحي رايحه😂🙊)
انا: قلت لي شنو🙈
(فجأه فك يدي ومسكها بي حنيه شديده🙈🙊قال لي)
أيهم: اي ي امل انا بحبك وم بحبك حب الطير البتكلمو بيهو الجو قالو ليك ناس معاذ ويوسف ديل انا بحبك وانا زول جادي انا عايزك لي عايزك حلالي انتي عايزاني؟؟
(حاولت اتزوغ من الموضوع بي كم طريقه بس دايما بقول لي يعني عايزاني ولا لا
في النهايه قلت ليهو افكر واديك خير قال لي تمام اخدي راحتك♥
قال لي شيلي رقمي وبشيل رقمك واديتو واداني قال بتصل لي قلت لي اول وريني في الواتس انك ح تتصل عشان اتفرغ ليك لو عندي موضوع
قال لي تمام
بيني وبين نفسي قلت الحمدلله الاداني الرقم علي قول انفال اعترف ليهو بي رساله
بعد شويه اذن ومشينا صلينا سوا💗💗
طلعت لقيتو راجيني بره وفجأه صبت😍😍😍وكانت ققوووويه وطبعا انا بعششق المططر طووالي مشيت اول شي طلعت جزمتي *انا م بهمني زول ولا بهمني كلام الناس وعايشه حياتي بالطول والعرض😂* وقفت في النص والمطره صابه فيني وبقيت بدعي وبدعي شويه وحسيت أيهم وقف جنبي وبقى بدعي برضو ♥ لما انتهيت قال لي يلا نخش جوه عشان م تمرضي )
انا: ي ولد انا م بمرض من المطره دي بحبها شديد🐸
أيهم: ولو مرضتي ح اعمل شنو انا💔
انا: م تععمل ولا شي ح تعمل شنو يعني😂😂ارح نقعد هناك المطره صابه اكتر
(لمن عجز انو يفهمني انو المطره ح تمرضني وتجيب لي التهاب قال لي ارح ومشينا قعدنا وانا عاجباني القعده شديد وهو يشيل ويهز في رجلو😂😂
لحدي المطره م انتهت مشينا حضرنا المحاضره وطبعا حالتي بقت بيش هدومي اتبلت بالمويه بس الكويس لقيت انفال عندها زي شال كدا شلتو لبستو وحضرت المحاضره وطلعت لقيت حبيبي راجيني🙊🙈اي اي بدينا نقول حبيبي وم حبيبي😂♥ ركبت معاهو وكل دقيقه يعاين لي ويرجع يسوق)
قلت ليهو انت عايز تعمل بينا حادث ولا شنو
قال لي جمالك جهجهني🙈
انا : احم احم خلاص م تعاين لي🙈
أيهم: م بقدر 😉
(المهم وصلت البيت مشيت مبسووطه😍😍واليوم كلو بتزكر في أيهم مشيت اخذت لي شور وختيت التلفون في الشاحن نمت وصحيت فتحت التلفون لقيت منو 75 رساله 😱💗)
يتبع… ♥
كسره بسيطه:-
بعض من الناس عندنا بعتبرو الغيره شك ومرات بحسوك زول عصبي او مرات اناني بس الغيره ي جماعه م كدا اصلا الحب ده تملك يعني بتحبني وبحبك بقيت حقي وحقتك اي م عايزه زول يشاركني عايزاك حاجه حقتي براي وده من حقي وحقك وياريت الناس تغير نظرتها في الحته دي💗💗
#Loooza💕

#المجنونة_والعصبي
بقلم: ملاذ سند احمد ادريس📝
-١٥-
(المهم وصلت البيت مشيت مبسووطه😍😍واليوم كلو بتزكر في أيهم مشيت اخذت لي شور وختيت التلفون في الشاحن نمت وصحيت فتحت التلفون لقيت منو 75 رساله 😱💗
فتحت رسايلو كلها لقيتها وصلتي م وصلتي مالك م بتردي ده كان مضمون الرسايل ال75 ديل😂💔 رديت ليهو اي وصلت قبيل كان م داخل واول م رسلت قام دخل😍)
قال لي: مالك م بتردي
انا: كنت نايمه🙊
أيهم: اصلك زي الجداده تنومي بس في اي وقت🐸
انا: زيك ي ديك 🐓
أيهم: ديك ي جداده🐸
انا: جداده في عينك😒 مالي نايمه بي عيونك😏
أيهم: اي بي عيوني مال بعيونك
(م عرفت اقول ليهو شنو طبعا 😂اجي ي النايمه بعيونو😂طنشتو وطلعت
بقيت بتكلم مع روحي واقول ي ربي اعترف ليهو واقول ليهوو اني بحبو وكدا ولالا تاني قلت خلاص ح اوريهو اول م احل مشاكلو بتاعت المحاماة دي وبعداك في المحكمه بقول ليهو اصلا قالت لي المحاميه انو الموضوع م خطير وعادي في جلستين بننتهي لانو عمو غصبو انو يوقع وكدا اجبار وممكن نرجع حقو وكمان في شاهد الهو ولد عمو كان نوعا ما هو بحبو بس أيهم م كان بحبو واسي انحنا ح نحاول نقنعو انو يجي يشهد انو أيهم اتغصب انو يوقع
رسلت لي أيهم وقلت )
انا: ي أيهم لكن ولد عمك ده م اظنو يشهد معانا
أيهم: لي؟؟
انا: يعني معقوله يشهد ضد ابوهو
أيهم: اي بعمل كدا اصلا هو زول كبير وواعي + اصلا م كان عاجبو البعمل فيتو ابوهو ده
انا: طيب ان شاء الله المهم ح يكون في جلستين الجلسه الاوله الخميس والتانيه السبت وولد عمك حاول اقنعو في اليومين ديك
أيهم: طيب❤
( كان الليله يوم الاتنين فضل يومين للجلسه الاوله وكنت بدعي كتيير انو تتحقق العداله لي أيهم☹💗🐠
المهم اتونست معاهو كدااا الساعه 5 جات زهجت قلت ليهو طالعه قال لي علي وين قلت ليهو ماشه اكل لي اسكريم زهجانه قال لي م تمشي قلت ليهو سمح ومشيييت اصلا نهااائي م بسمع الكلام وراسي قوي🐸
كلمت امي قالت لي م تتأخري وجيبي لي معاك😂
شلت تلفوني وشلت لي قروش وطلعت مشيت اكلت اسكريم وجبت لي امي واحد وكل شويه اكل منو وادخلو تاني😂😭
بعد شويه وانا راجعه جو اتنين راكبين موتر وجارين اتجاهي. وانا شلت ليك كرعيني وبقيت جاريه وكمان علي العلي لقيت كلاب وانا بخاف منهم شديد😭😭
بقيت جاريه اتجاهم وبدون م احس جو بي وراي الكلاب برضو والاولاد شغالين يقولو لي ادينا التلفون احسن عشان م اكفتك وهم عاتيين وكبار ومعضلين لو واحد بس اداني بوكس بجيب اجلي
بعد شويه م شفت ليك الا جاء زول وبقى يدق فيهم وانا كنت جاريه بس وقفت اتفرج في الزول ده دقاهم ليك دق كسرهم حته حته اتاري عضلاتهم دي منظر ساي😂 بعد شويه الولد التفت علي القاهو أيهم😱😱😱الليله وااااكتلتي قال لي م تطلعي وطلعت لا هو زاتو الجابو شنو طيب عرفني كيف انا هنا
بعد خلص من دقهم جاء علي وهو غضبان غضب وانا خلاص قربت اشيل رجليني واقوم جاريه في النهايه لما شفتو ح يخبتني قلت اخير اقوم جاريه اتلفت لقيت الشارع فاااضي والاولاد الدقاهم اتنفضو واعتزرو منو وركبو الموتر حقهم واتخارجو😂 وانا ي زوله طوالي قمت جاريه وجاء جاري وراي😭😂عليك الله زي الهبل نتساكك في الشارع في النهايه سفنجتي اتقطعت 😭😭وخلتيها وتميت جريتي قام قبضني وانا قلت خلاص الليله بدق بدق😭😭بديت ابكي😂😭😭 )
أيهم: أنتي ي بت مجنونه ولا شنو اسي الببكي شنو وقمتي جاريه لي😒لا وكمان م بتسمع الكلام اسي انا مش قلت ليك م تمشي
انا: (وببكي) انت عامل لي فيها اسبايدر مان لي 😭😭بالله لمن تغضب بتبقى زي الثور الهايج😂😭😭
أيهم: كدي اسي بطلي بكى
(قشقشت دموعي وقلت ليهو اها😏)
أيهم: انتي كويسه
انا: لالا دايره اموت اااي ح اموت اسي (بتهابل وبتماسخ😂😭)
أيهم: بطلي عواره بديك كف اسي،،خلاص خلاص م تفتحي لي بيت بكاء اسي،،، لي م بتسمعي الكلام
انا: الله خلقني كدا اسوي شنو يعني😏
أيهم: امل احسن ليك من هنا ولي هناك تاني لو م سمعتي الكلام بكون عندي معاك تصرف تاني مفهووم😠
انا: لا م مفهوم
أيهم بالله وشو بقى زي شنو اقول ليكم حسيتو حياكلني من الغضب قلت ليهو خلاص خلاص طيب;
(مسكني من يدي وقال لي يلا ارح)
انا: سفنجتي اتقطعت ☹وخليت الفرده التانيه هناك
أيهم: ارح خلاص بجيب ليك وحده تانيه
انا: لالا دايره ديك بس زكرى من ابوي😭
أيهم: طيب ارح نجيبها
انا : ارح
(مشينا بقينا نفتش في السفنجه وانا كل دقيقه اقول ليهو وااي ي رجلي وهو انا الوقت كلو في البيت حايمه حفيانه😂😭😂
وهو يعاين لي بي طرف عينو ويمشي اخر مره قلت ليهو ااااي ياخ انت لي م بتعبرني كدا قال لي عارفك كضابه امشي ساي طبعا م عرفت اودي وشي وين وفي نفس الوقت بقيت اخاف منو كيف عرفني كضابه😂😭

مرت الايام وجاء يوم اول جلسه في رايكم الولد ح يجي يقول ويشهد ضد ابوهو ولا لا خلوها مفاجأه احسن نشوقكم وكدا😂😉)
يتبع…♥
كسره بسيطه:-
حبي البحس بيك والبخاف عليك الكل دقيقه بزكرك ويقول ليك خلي بالك علي نفسك في غيابي البقول ليك احكي لي تفاصيل يومك البتعاور ويتهابل والبتجنن مع

#المجنونة_والعصبي
بقلم : ملاذ سند احمد ادريس📝
-١٦-
مرت الايام وجاء يوم اول جلسه أيهم كان مبسوط شديد وانا مبسوطه اكتر منو بقينا ندعي بس انو ربنا يوفقنا ونصل للعايزنو
كنا قاعدين في الكراسي انا وأيهم قبل الجلسه،،،
أيهم: في رايك ح يحصل شنو ح اقدر ارجع حقي؟؟
انا: وربي انا م بعلم بالغيب بس واثقه تماما انو ربنا م ح يخزلنا في ثقتنا فيهو واكيد ح يقيف معانا
أيهم: ان شاء الله ي رب،،بس انا خايف ي امل💔
انا: خايف من شنو
أيهم: خايف انو عمي يكرهني بعد الح اعملو وخايف انو يخرب علاقتي مع اهل ابوي تاني انا ح اسكن مع منو م عندي اهل غيرهم واهل امي في دنقلا
(قربت اقول ليهو ح اعيش معاك انا😂🙊🙈♥♥)
انا: ربنا كريم ي أيهم م تخاف ح يقيف معاك
أيهم: ونعم بالله،،،
انا: اها ود عمك ح يجي ؟؟
أيهم: قال بجي الساعه 9 يعني مع موعد المحكمه
انا: ان شاءالله يقيف معانا بس م يقيف ضدنا ويخزلنا
أيهم: لالا ان شاء الله ح يقيف معانا
انا: ان شاءالله
( يلا دخلنا المحكمه والمحاميه اتكلمت مع أيهم كدا براهم طبعا الشمار قاتلني 😂😂
بعد رجع قلت ليهو قالت ليك شنو؟؟😁
قال لي بموضوع المحكمه بس م قالت شي كدا يقولو عليهو قلت ليهو تمام ومشينا قعدنا في المحكمه جوه ،،،)
انا: اها حاسي بشنو اسي
أيهم: والله م عارف بس متوتر
انا: يخ م تخاف الموضوع ايزي واصلا انت م عامل شي غلط جاي تشيل حقك بس عادي الموضوع م تحكو شديد🐸
أيهم: بس ي امل ديل اهلي المتواصل معاهم بس ولو ربحنا بالجد عمي وباقي اهلي اكيد ح يطردوني وم حيكون عندي زول اقعد معاهو م اقعد وين مثلا اقعد براي بدون اهل؟؟💔واهل امي اصلا م شغالين بي كان امي كان اهلها
انا: عاين الموضوع ده خليهو علي اسي خليك في موضوعك ده وفي البحلنا منو
أيهم: طيب ان شاء الله بسس،،،
انا: ان شاء الله
(اها قعدنا انتظرنا لحدي م بدت المحاكمه وانا كنت معاهو وحده بالوحده والحمدلله المحاضره بتاعتي وبتاعتو كانت الرابعه يعني ح نمشي بعد المحاكمه😍
بعد شويه المحاضره بدت وولد عمو جاء وعمو كان بشيل ويحمر ليهو نظام م تشهد معاهم وانا شايفاهو ،،،
المهم هو شهد معانا وبقينا ماشين كويس المحاميه قالت لينا بعد ده فضل اجراءت بسيطه وح تاخد كل حقك ي أيهم شكرناها شديد بس نادت أيهم اتكلمت تاني مع أيهم براهم المهم وشكرنا ولد عمو كمان وطلعنا سريع عشان نمشي المحاضره
جريت أيهم من يدو وبقيت شغاله ليهو سريع سريع عشان م نتأخر قال لي البشوفك كدا يقول قعد تجي البروف😂💔
انا: ومال بجي الطيش 😒اصلا ح اجي البروف اصبر بس ان شاء الله😌
أيهم: طيب ي السمحه ارح،،،
وركبنا واحنا في الشارع انا كرهتو شغاله ليهو امشي سريع يااخ قال لي اربطي الحزام طيب عشان اوريك السرعه بقيت بجر فيهو ولما م قدرت قلت ليهو ياخ م بعرف ليها انا امشي ساي😒
قرب مني هو عشان يربطو لي والمره دي قررب شديد م زي المره الفاتت ياخ حضني عديل🙊🙈وانا الريحه لفت راسي🐠ما عارفه هو قاصد ولا لا بس انا الحركه عجبتني😂🙈򢀊يلا بقى ماشي بي سرعه كبيره يخ وربي لمن خفت قلت ليهو م قدر ده لكن عايز تقتلني من الخوفه ساي😂🙆👊
ابتسم لي بالجنبه كدا وخلاص قلت ليهو المحاميه قبيل قالت ليك شنو
قال لي انتي حارقك لي😂
قلت ليهو عاين الموضوع م حارقني بس عايزه اعرف
قال لي قالت عايزاني اجيهم في البيت عندها بتها بتقرا في نفس مجالي عايزاني اقريها
قلت ليهو اسي ده زمن قرايه ليها ولا لي بتها اها وقلت ليها شنو
قال لي م رفضت
صريت ليهو وشي وسكتنا
يلا وصلنا الجامعه واثناء م دايرين ننزل هو نزل وم فك لي الحزام قلت بقيت بعرف افكو لكن م ح افكو الا يفكو هو😌قلت ليهو تعال فك الشغل ده)
أيهم: فكيهو براك
انا: م بعرف لو بعرف كان قلت ليك فكو لي😒
أيهم : اللهم صبرك ي روح😤
(وجاء بي بابي وفتحو فكاهو لي وقال لي انزلي قلت ليهو شكرا ي شوفيري😝🙈)
أيهم: يشفروك بي شنو اقول ليك😒
(مديت ليهو لساني وعايزه امشي جراني من يدي و🙈🙈🙈
قلت ليهو قوي المحاضره وقمت جاريه منو وقعد يضحك احيييي من الضحكه انا💗😍🙈
حضرت المحاضره وسلمت علي الشله اتكلمت مع انفال اتونسنا في موضوع أيهم وم أيهم وحكت لي قالت انها بتحب يوسف حيرتني طبعا بس قلت ليها ح اقيف معاك ان شاء الله ونشوف ليك طريقه تصلي بيها ليهو بس م عارفه الطريقه وغير كدا عارفين عصبيه أيهم وعارفين لو عملت كدا اكيد ح يقتلني 😂😭💔
ودق لي أيهم🙈
قال لي تعالي منتظرك في البنش بتاعنا قلت ليهو طيب جايه)

يتبع… ♥
كسره بسيطه:-
الحب حاجه حلوه بس لما تلقى الحب الحقيقي لانو م اي زول بقول ليك بحبك بالجد بحبك الحب افعال م كلام… 💛
#Loooza💕

#المجنونة_والعصبي
بقلم: ملاذ سند احمد ادريس📝
-١٧-
ودق لي أيهم🙈
قال لي تعالي منتظرك في البنش بتاعنا قلت ليهو طيب جايه
مشيت علي أيهم وانا في بالي محتاره ي ربي اقول ليهو عن قصه انفال ولا اتصرف براي ولو اتصرفت براي ح يعمل لي شنو ولو قلت ليهو اكيد م ح يوافق وبقيت ماشه وانا بفكر في الموضوع ده
ولما وصلت البنش شفت العصبي بتاعي🙈لقيتو قاعد ومادي رجولو وبهز فيهم وصاري صرتو عبد الواحد وخاتي السماعه في اضانو وسرحان بعيييد،،،،جيتو قلت ليهو وووووه *هجمتو😂💔* )
أيهم: بسم الله اسي مالك خالعاني جايه لي زي المرفعين كدا😏👊
انا: المرفعين ده شنو😂💔
أيهم: شبح 👻
انا: شبح براك😒
أيهم: عامله لي وشك السمح ده اقعدي كدي
انا: اصلا وشي سمح م عارف انت🐸،،،اي اي بقعد سمح
(قعدت كدا قصادو قال لي لا تعالي اقعدي جنبي🙈)
انا: لالا هنا كويس عشان افهم تعابير وشك😂عشان م يجيني كف طاير🌚
أيهم: لي عامله شي غلط؟؟
انا: لالا حمانا الله انا بغلط كمان😂😭
أيهم: لي يعني انتي م امل؟؟
انا: شايفني حوا ام ضنب؟؟🐸
أيهم: (قعد يضحك احييي بس🤤) ضنب ياكلك ي سجمانه
انا: سجمان براك🌚
أيهم: تعالي اسألك
انا: اها اسألني
أيهم: م لاقيتي معاذ ولا يوسف تاني؟؟
انا: لالا لي؟؟
أيهم: اممم يعني كذب علي لانو قال لي انو انتي لاقيتيهو هو ويوسف
انا: لالا م لاقيتهم والله
أيهم: تمام واوعى تقربي منهم لأي سبب وقع ليك؟؟
انا: بس ي أيهم
أيهم: بس شنو
انا: ح اتكلم مع يوسف بس لي سبب معين وتاني م بتكلم معاهم
أيهم: عايزه شنو منو
انا: في وحده صحبتي بتحبو وانا عايزه اوريهو وكدا لان هي م قادره تعترف ليهو(م قلت اسم انفال عشان م تتغير نظرتو ليها ولا يحس كدا ولا كدا)
أيهم: ماف غيرك انتي؟؟خليها تكلم اي بت غيرك او هي تمشي
انا: بس هي صحباتها،،،(قاطعني)
أيهم: الكلام منتهي ي امل قلنا لا يعني لا
(طوالي قمت من وبقيت بتنفرز واطن طن بي تحت تحت شغاله اقول ده مالو ده حقت ابوهو انا بتعامل معاي كدا لا بالله التقول راجلي😒هو انا كلمه بحبك م رديت عليها وبتحكم فيني كدا ده قايل روحو منو والله امشي وخلي يبقى راجل ويجي يمنعني عان ده بالله )
#لما قمت منو ولا قال لي عينك في راسك بس عاين لي كدا وبقى قاعد في مكانو ولا وقفني😂💔اتغزت منو شديد ياخ
طوالي مشيت لي انفال،،،
انفال: مالك الليله جاييه سريع كدا😉
انا: عليك الله انتي كمان انا م ناقصاك😏
انفال: مالكم اتشاكلتو ولا شنو؟
انا: اي قطعتها معاهو سته صفر عليك الله دا قايل روحو منو محسسني انو راجلي شوف ده بالله هو راجلي انا م بخليهو يتحكم فيني كدا
انفال: كدي فهميني حاصل شنو
انا: ي بت شغال لي م تمشي لا مع معاذ لا مع يوسف لي اصلو رغم اني قلت ليهو عشان عندي صحبتي بتحبو وما قادره تعترف ليهو وبرضو قعد يتهابل لي لي اصلو هو الحب ده كدا ولا ده بتفلهم علي😒
انفال: اوع تكوني قلتي ليهو انو دي انا🐸🐸👊
انا: لا م قلت
انفال: طيب الحمدلله يلا عايني اصلا الولد لما يحبك بتملكك فاهمه يعني لو انتي م اعتبرتيهو راجلك هو بعتبرك مرتو وعرضو فهمتي م عايزك تتكلمي مع ولد خلاص قولي ليهو حاضر وانتهينا م تحكيها معاهو
انا: لا بحكها وم يتحكم فيني نهااااائي هو انا في بيتنا م بتحكمو فيني لما يتحكم فيني هو
انفال: ي بت ابردي مالك شميتيهو كدا😂😭
انا: والله سميت الوضع شديد والبغيز اكتر من كدا لما زعلت وقمت منو ولا عبرني عاين لي كدا ورجع ركب سماعتو ورجع لي قعدتو كانو م حصل شي😠
انفال: ي بت خلاص م تختي في بالك وارح نضرب الهم بالطقه😂
انا: والله م عندي نفس ياا
انفال : طيب انا بشتري وبجيك
انا : طيب
(انفال فاتت جابت سندويتشين واسكريمين وجات تاكل وادتني اسكريم وسندويتش شفتو الصحبه دي بتلقوها في الطقه 😂💕
ي زول طقينا تمام وعلي قولها اضرب الهم بالطقه اكلنا تمام ومشيت حضرت اخر محاضره وجينا طالعين وكالعاده ي ساده أيهم واقف راجيني ي زول عملت ليك فيها طرشه وعميه🌚وجيت ماشه فيهو توووش ولا عبرتو طلع من العربيه ومسكني من يدي قال لي دقيقه )
انا: لا ولا دقيقه
وطوالي مشيت ولا عبرتو زي قبيل لما م عبرني😏
وحاتكم ولا اشتغل بي😂😭وانا كمان م اشتغلت بيهو مشيت بي رجليني لحدي الموقف هو اصلا م بعيد يعني بعد شويه لقيتو ماشي بي وراي بالعربيه ولا اشتغلت بيهو وكملت طريقي بعد شويه جاء بي العربيه جنبي عديل قال لي الله يرضى عليك اركبي
انا: شكرا
أيهم: ادخلي عايز افهمك حاجه
(وظهر الغضب قلت ليهو طيب وركبت ورا🌚)
وهو شغال لي اسي زعلتي يعني؟؟؟امل انتي م عارفه بس انا زول اناني شديد م بحب زول يدخل في حاجاتي انا كدا من صغير ي امل انا اعتبرتك حاجه حقتي خلاص وصراحه م بقدر اخليك تتكلمي مع ولد الحاجه دي كدا بتمغصني وم بستحملها افهميني ياخ م بحب ولد يقرب منك
(وظهر عليهو انو زعلان يخ قرب يبكي حنيت عليهو😭🙈)
انا: طيب خير ي أيهم م مشكله
أيهم: يعني اسي م زعلانه
انا: لا ،، بس ي ريت م تتحكم فيني تاني لاني م بحب الحركات دي
أيهم: امل ممكن اقول ليك حاجه بكل وضوح كد

#المجنونة_والعصبي
بقلم : ملاذ سند احمد ادريس📝
-١٨-
قال لي اها قلتي شنو بالنسبه لي كلامنا داك🌚💛
(قلت اختبرو واشوف لو بالجد بحبني ولا كلام ساي زيو وزي باقي الاولاد)
انا: بس ي أيهم
أيهم: بس شنو
انا: ي أيهم انا حامل 💔
(طبعا كذبتي بشعه شديد😂💔اي عارفه بس لازم اتأكد اذا بحبني بالجد ولا مجرد كلام ،،
بعد قلت ليهو كدا أيهم حسيت تعابير وشو اتغيرت حسيتو زي الخايف علي)
أيهم: بالجد ي امل؟؟؟
انا: اي
أيهم: وانتي م متزوجه صح
انا: اي غشاني واحد بس
أيهم: كدا سمعتك ح تدمر ي امل طيب بتقبلي تتزوجيني؟؟عشان ي امل سمعتك م تتخرب انا مستعد اتزوجك بي حالتك دي
(قادرين تتخيلو معاي؟؟؟هو ممكن يتزوجني حتى وانا حامل فاهمين هو همو كلو في سمعتي ي جناعه بعد القالو ده انا حبي اتزايد اضعاف واضعاف 💗💗😭)
انا: أيهم طيب ح اعترف بي شي تاني ممكن؟؟
أيهم: اوكي اعترفي
انا: كذبت عليك انا م حامل ولا شي بس عملت كدا عشان اشوف اذا بالجد بتحبني ولا لا🙂💔معليش
(أيهم وقف علي حيلو وضرب لي الطربيزه وقال لي امل ده م موضوع يهظرو فيهو ممكن تختبريني بي اي شي تاني بس دي م طريقه ليك
وصراحه حسيتو غضب شديييييد وفات خلاني💔😭مشيت لحقتو عشان افهمو قال لي امل خليني اسي شويه براي نتلاقا بعدين قلت ليهو تمام ومشيت💔
حضرت المحاضرات وانا ولا معاهم الوقت كلو سرحانه في انو اصالح أيهم كيف😩 طلعت من المحاضره وطوالي اتجهت بي اتجاه عربيه أيهم🏃‍♀️لقيتو متكل في العربيه وراجيني اتبسط انو م فات خلاني🙃💔 كان موقف العربيه جنب ست شاي وانا جيت ماشه كان في اولاد كتار شاغلوني وهو كان واقف بس اكتفى بي انو يمسكني من يدي ويركبني العربيه ويقفل الباب شديد ،،دخل ودور العربيه شديد🐸)
أنا: أيهم انا اسفه💔
(وحاتكم ولا عبرني استنيت عشره دقايق وبرضو م رد لي،،،)
انا: أيهم وربي م قصدي شي اسي انت زعلت عشان كذبت عليك يعني؟
أيهم: عايني ي امل انا جني وجن اللف والدوران تكذبي. وتلفي وتدوري معاي تاني كان بقيتي قمر م بعاين ليك
انا: واسي عاينت لي لي🌚
أيهم: عشان تسألي😒
انا: خلاص معليش م تمسكها لي زله😏
أيهم: في رايك دي زله يعني؟؟؟اصلا م تعتزري لو كدا ماف شي جابرك
انا: هوي انت مالك غياز كدا😒خلاص قلنا معليش
أيهم: بسامحك بس بشرط
انا: اها😏😤
أيهم: توافقي انك تتزوجيني وتبقي مرتي
انا: اممممم🌚🌚🌚🌚
أيهم: اها قلتي شنو
انا: هو انا لاقيه زول يحبني كدا🙈🙈
أيهم: يعني موافقه؟؟
انا: اكييد🙊🙈
أيهم: حبيبتي يخ😍😍
(حسيتو ح يدمع بس مسك دموعو عشان م اشوف انكسارو عارفين طبعا الرجال هيبتهم كيف ،،ظهرت عليهو فرحه كدا انا عمري م شفت أيهم مبسوط بالطريقه دي😍😍
قرب يحضني بس مسك نفسو😂🙈)
أيهم: اها رايك شنو اجي البيت يوم الجمعه الجايه ونعقد بالمره؟؟
انا: ي ولد لا😂🤦‍♀️مالك مستعجل انت اولا لسه م خلصت جامعه ولا اشتغلت عشان م نعمل خطوه ونندم عليها غير كدا العرس عايز قروش ي أيهم خلي بعد نجهز روحنا تجي🙃💕
أيهم: انا مجهز كل حاجاتي وعندي القروش وغير كدا يعني املاك ابوي ح ترجع لي ودي اخر سنه في الجامعه وطوالي ح اشتغل في شركات ابوي واعمل لي شغل وبتتحلا بأذن الله
انا: طيب بس اول نشووف لان موضوع الزواج ده م حاجه ساهله ي أيهم
أيهم: طيب حبيبي
انا: يطيب خاطرك💗
(يلا وصلني وواقف قريب عشره دقايق وانا م نزلت قام قال لي الليله ماف حزام نفكو مالك م نزلتي😂😂
واي شكلو عرفني اني كنت بتغاتت عشان يفكو قصدا😂😭
قلت ليهو م نازل انا لي مطالب🌚
قال لي خير ان شاءالله مطالب شنو دي كمان
قلت ليهو م عارفه بس م نازله
قال لي طيب نتفسح ونجي(ودور العربيه)
قلت لي وين ده نتفسح كمان هوي هوي نزلني😂😂
قال لي بت المره يلا اتخارجي
عايزه اطلع كدا مسكني من يدي
قلت ليهو خير ي باشه
قال لي جيبي قدوم
قلت ليهو اجي ي البقى فيها قداديم كدي زح لي كدي😂😂👊
قال لي م زاجي انا لي مطالب جيبو حكومت الحكم القداديمي جيبو الثوري الابا يدينا
قلت ليهو هوي ها م تخرمج لينا اسي ده شنو م فهمت اي شي😂
قال لي دي شنو دي 😱
قلت ليهو شنو
قال لي سجمك حشره حشره😱
قلت ليهو وينا زحها سريع واااي
قال لي طيب دقيقه ازحها
(وقرب مني واداني بوسه في خدي🙊🙈🙈الكضاب الجزمه هجمني بعد البوسه جسمي كلو برد طوالي طلعت ومشيت منو،،🏃‍♀️مع السلامه م قلتها ليهو😂💔 رجعت البيت اخذت دوش ونمت جيت فتحت التلفون لقيت 60 مكالمه منو😱 رجعت ليهو قفل فيني ورجع لي *عشان م اخسر رصيد وكدا🙈* قلت ليهو مالك داقي قدر ده 😱قال لي عايز اقول ليك شي مهم،،،،)
يتبع…♥
كسره بسيطه:-
أزعل بس ما يطول زعلك خلي الفجوة البينا قليلـة وأرجع تاني وأقبل عذري وقول بعد نتجافى عديلة🌸

#Loooza💕

#المجنونة_والعصبي
بقلم: ملاذ سند احمد ادريس📝
-١٩-
)💔 رجعت البيت اخذت دوش ونمت جيت فتحت التلفون لقيت 60 مكالمه منو😱 رجعت ليهو قفل فيني ورجع لي *عشان م اخسر رصيد وكدا🙈* قلت ليهو مالك داقي قدر ده 😱قال لي عايز اقول ليك شي مهم،،،،)
انا: اها قول
أيهم: جايكم يوم الجمعه انا
انا: لي ان شاء الله خير😂
أيهم: جاي اخطفك🌚✋
انا: سمح راجياك
أيهم: سمح وصفي لي البيت
(انا اخذت الموضوع هظار وضحكت ليهو ووصفت البيت😂
اتونس معاي كدااا وقفل الخط
مشيت قريت شويه ورجعت واتس اتونسنا في القروب واتونست مع أيهم ومشيت نمت كان الساعه 11
كان عندي محاضره الصباح صحيت الصباح بدري اتجييهت لبست لي بنطلون جينز وتونكه طويله كدا بعد الركبه او حد الركبه ولبست طرحتي وعملت ميك اب بس خفيف
وسلمت علي امي وشربت الشاي وطلعت،،،
وكالعاده لقيت أيهم راجيني ركبت معاهو طرحتي كانت راجعه من شعري شويه ورا كان ظاهر شعري القدام قام عدل لي الطرحه 🙈
وقال لي تاني كان لقيت سبيبه برا بقطعو ليك😒
قلت ليهو سمح😂🙈 )
أيهم: كيف اصبحتي ي الجواي✨
انا: بخير نحمدو وانت؟؟
أيهم: انا بخير الحمدلله،،،شنو امبارح جريتي خليتيني
انا:(قعدت اتخجل😂) بسوي حالي م سمعت شي😂👋
أيهم:(قعد يضحك) اي اي سوي حالك طرشه وعميه😂
انا: اي اي🌚
(اتونسنا كدا ونفس الروتين بتاعنا حصل ،،،مرت الايام وجاء يوم الجمعه وانا نسيت تماما موضوع أيهم وانو قال ح يجي يوم الجمعه اصلا خاته في راسي انو مجرد هظار م اكتر😂
يلا كنت قاعده مع ناس عمي وامشي ي امل فكي الجداد بتاعو من القفص😂💔بس قله ادب مني ساي )
عمي يس: ي بت فاكه الجداد ده مالك
انا: زهجت يخ دايره اسكهم😂
(انا مجنونه م تلاحظو علي قول امي بتقول لي تجاني الماحي قريب بي جاي تقلي ادبك طوالي بلحقك ليهو😂💔)
عمي يس: الله يعقلك ي امل🐸الباب فاتح طيب امشي اقفليهو عشان م يطلعو بره تاني م بنلم فيهم
انا: طيب
(وجريت جري علي باب الشارع وكنت لابسه لي بجامه قصيره تلت اربع وعامله كعكتين وحالتي بالبلا😂😂
شويه كدا واشوف ليك أيهم جاء خاشي ومعاهو ود عمو داك وكم ولد تاني وراجل كدا كبير في السن بس م شديد عمر الستينات كدا وراجل تاني قدرو كدا😰😰
بقيت عامله كدا😱
لا عرفت رسلوني لشنو ولا عارفه امشي اسلم عادي ولا عارفه اقوم اجري فضلت واقفه
بس أيهم ححمررر لي طوالي جريت دخلت جوه وبقيت الف في الغرفه زي العويره امشي واجي وراسي جاط شديد وبتكلم مع روحي واقول علي الله اسي ده الجابو شنو معقوله يكون جادي يخ انا كنت بهظر معاهو😩
بقيت شغاله اقول اسي يقولو علي شنو واي انا واشيل وامشي في الغرفه وكنت متوتره شديد🐸 شغاله اقول اسي لو م وافقو واي يخ طيب ح اسوي شنو ح اقول كيف ح اتكلم كيف 🙆
شربت لي مويه وحاولت اهدي روحي وقعدت كدا بعد مسااافه وبعد اعصابي باظت جاتني مرت عمي قالت لي تعالي ي امل مشيت ليها قالت لي اسمعي كلامي ده كويس
انا: اها
مرت عمي: شفتي الولد الهسي جاء ده
انا: ااي
مرت عمي: قال عايزك وجاء اتقدم ليك اها انتي عايزاهو ولا لا عشان هم اسي واقفين علي قرارك الزول طلع زول ود ناس وكويس وم شاءالله عليهو وغير كدا ابوهو كان بقرا مع ابوك زمان وابوك موافق عليهو اسي عايزين قرارك بس
انا:( قعدت اخجل ) امم🙈🙈
مرت عمي : اها نفهم شنو😉عايزاهو صح
انا: اي يخ عايزاهو🙈
مرت عمي: سمح مبرووووك عليكم😍
(مشت مني وبعد شويه اسمع ليك الزغاريد
وبسأل في روحي ي ربي وافقو كيف معقوله أيهم يكون كلمهم انو م خلص جامعه
وخلاص قلبي ده بقى بدق بطريقه غريبه حسيت روحي زي الدايره اموت😂💔
شويه واشوف ليك أيهم قدامي🙈🙈
ومعاهو امي وابوي وعمي ومرتو والاولاد الجو معاهو
وامي جات حضنتني وبتبارك لي وانا م فاهمه شي بسأل في روحي ي ربي حصل شنو ديل اسي عقدو ولا خطبو ولا وافقو ولا حاصل شنو😂💔
بعد شويه مرت عمي قالت يلا نخلي الراجل ومرتو سوا لي بعد شويه كدا 😍
قربت اقول ليهم دقيقه ماشين وين وحصل شنو واي😱
ثانيتين بس والناس دي كلها اختفت بقيت انا وهو بس🙊🙈)
أيهم: مبروك لينا ي مرتي😍
(وهو بقرب علي وانا برجع لي ورا😂😭)
انا : ي ولد عملت شنو وحصل شنو ده شنو البتسو فيهو ده وروني حاصل شنو
أيهم: عقدنا خلاص 😍
انا: عقدتو كيف ومتين
أيهم: عقدنا اسي 💕وخلاص بقيتي مرتي وحقتي بعد ده
انا: جد😱😱
يتبع…♥
كسره بسيطه:-
واصبحت حلالي ي من بك كنت احلم… 🖤
#Loooza💕

#المجنونة_والعصبي 💜💜
بقلم : ملاذ سند احمد ادريس📝
-٢٠-
أيهم: عقدنا اسي 💕وخلاص بقيتي مرتي وحقتي بعد ده
انا: جد😱😱
أيهم: اااي💗💗
انا: طيب وابوي كلمتو كيف ووافق كيف
أيهم دقينا ليهو من عمك واتكلمت معاهو ووريتو اي شي عني وطلع هو وابوي كانو اصحاب زمان💜ووافق علي بعد كم سؤال كدا وعقدنا وبقيتي حقتي خلاص💜
انا: (م عرفت اقول شنو بس قعدت ابكي😭💕)
أيهم: اسي الببكي شنو م عايزاني يعني؟💔
انا: لا ياخ(وانا ببكي)
أيهم: تعالي خشي حضن طيب😩💛
انا: (وفي نص البكى طلعت ضحكه🙊🙈) هوي قوم لف ماف اي حضم😂
أيهم: ببكي ليك اسي دي😒
انا: ابكي النشوف البكى ده😂
(بس قرب مني وحضني شديييييد حسيييت كدا اني في امان عجيب🙈💛بس كممان خجلت منو شديد🐠عشره دقايق كان حاضني بعد شويه فكاني وقال لي اقعدي قعدت وبدا يتكلم𞀩
أيهم: عايزه تعملي حفله وزفه وكدا؟؟
انا: اكيد ده كلامك😌
أيهم: عرفتك ي جزمه طيب اكتبي لي في ورقه ياتو صاله + الفنان العايزاهو وبجي يوم اسوقك معاي تعزلي الفستان والشكل حق الصاله
انا: لي داير تعرسني بكره؟😂
أيهم: خليها مفاجأه😉
انا: في زول بعملو ليهو عرسو مفاجأه😏👊
أيهم: اي ارسك ح يكون مفاجأه بوريك يوم العرس😂😂
انا: غياز ده😒بتوريني امي زاتو انت م توريني😝
أيهم: هي امك زاتها م عارفه😂
انا : خلاص م دايره اعرسك زاتو😝
أيهم: يعرسك قرد 😂
انا: معناها انت قرد سجمنا😱
أيهم: هوي ي معاطه قديتينا 😂👋يلا حبيبتي بتكلم معاك في التلفون ونتلاقى بكره في المحكمه
انا: اي صح المحكمه يوم السبت
أيهم: اي يلا لي بكره
انا : طيب
أيهم: بحححببككك
انا: انا اكتر 🙈
(لصق لي بوسه وفات،،🙊خلاني عامله كدا😱)
دخلت طوالي دقيت لي انفال حكيت ليها اي شي وفرحت لينا شديييد وقالت لي ح اكون الوزيره بتاعتك💗
بعد شويه جاتني امي حضنتني شديد وقعدت تبكي💔
انا: امي مالك زعلانه الولد م عجبك؟
امي: لالا ي بتي ولد م شاء الله عليهو بس ح اشتاق ليك شديد💔
انا: لي تشتاقي لي ح اسوقك معاي م تخافي
امي : ي بت انتي مجنونه😂😂تسوقيني وين
انا: بسوقك محل م انا ماشه م بخليك وراي
امي: ماف ام بتمشي مع بتها بيت راجلها ي بتي
انا: لا ح تمشي معانا ي امي خلي الموضوع ده علي
( حضنتني كدا وقالت لي الله يرضى عليك وفااتت طوالي دقيت لي أيهم ،،المره الاوله م رد تاني رجع لي )
أيهم: جنوو مالك حبيبتي سايق انا
انا: طيب اصل وارجع لي عايزاك في موضوع
أيهم:لالا اتكلمي وقفت خلاص
انا: الموضوع طويل
أيهم: احكي
انا: ي أيهم انا عايزه نسوق امي وتقعد معانا بعد العرس
أيهم: طوالي حبيبتي اصلا كنت ح اقول ليك كدا
انا: 😍😍بحبكككك انا يخ
أيهم: وانا وانا💗
(قفلت منو وجري وريت امي بالله امي حبت ليك أيهم حب💗💗💗ويلا رجع ودق لي اتونسنا كدااا لحدي نمت وانا بتكلم معاهو بعد نمت قفل الخط،،،
بي الصباح🌞
دق لي )
أيهم: صباحو ي انا
انا: صباح الورد
أيهم: كيفك ي السجمانه
انا: كوويسه ي السجمان كيف انت
أيهم: الحمدلله امبارح بالله اول مره اعرف انك بتشخري 😂😂
انا: انا م بشخر😒
أيهم: عاد اكذب اضاني😂
انا: اااي كذبها
أيهم: سمح ،،يلا اطلعي انا راجيك بره
انا: الوقت بدري ي ولد لسه م لبست
أيهم: سريع انا راجيك
انا: طيب
(لبست سريع قشررت تمام وجيت طالعه كلمت امي وطلعت لقيتو راجيني قال لي ساعه هو ؟😂😂)
انا: اي ساعه ما قالو ليك؟
أيهم: لالا قالو لي
انا: كويس القالو ليك
أيهم: موووش
انا : ااي
(مشينا اول شي لفينا بالعربيه وطبعا كنت راكبه معاهو قدام 🙈كل شويه يمسك يدي يبوسها ويرجع يسوق🙈)
أيهم: نفسك في حاجه؟؟
انا: اااي
أيهم: دايره شنو😂💜
انا: دايره شووكوولاته😋😋
أيهم: الحمدلله بس الله اداني مره جنها اكل طقه بس وبعد ده م ظاهر فيها🌚👊
انا: ي زول الشوكولاته دي اهم منك زاتو😂
(طبعا احرجتو شديد بس نزلنا في سوبر ماركت واشترى لي شوكولاتات كتيير الشارع كلو باكل وم اديتو ولا وحده😂😂اي حساده بس عشان تاني يقول جني اكل😏
المهم مشينا المحكمه وعدت علي خير الحمدلله وبعد اجراءت كتيره الحمدلله أيهم رجع ليهو حقوو كلووو وبالفعل عمو بدا يكرهو وهو اصلا م رجع بيتهم داك تاني + عمو سجنوهو سنه أيهم كان مبسوط شديد انو رجع املاك ابوهو وبدا يستسمر فيهم وشلةغلو بقى ماشي تمام واخييييرا جاء يوم العرس😍😍وطبعا انا م وريتكم بقييت مزه شديد وصبغت شعري لون بني♥واتحبست بي حبسه نونو الفي الفيس وكانت معاي انفال والله عز الصداقه م فارقتني ولا يوم يومي كانت في وشي عملت لي وجع وش زاتو😂وأيهم كل يوم مجنني بي حبو وكلامو السمح كان دايما لما اعمل شي غلط بقول لي امل م تعملي كدا انتي عرضي وشرفي ي امل م تسوي شي غلط وانا طوالي برجع عن غلطي💛💛عصبيتو خفت شديد من اول ورغم عصبيتو الزمان ديك الا انو اكتشفت انو أيهم زول رومانسي لابعد الحدود وكان بحبني شديد وانا كمان كنت بحبو💗
مرت الايام وجاء يوم العرس من الصباح مشيت الكوفير وأيهم يشيل ويدق ويحزر فيني م عايز مكياج كتير وغطي شعرك وم تعملي شي شاذ 😂😂شابكني بسحروك لي