وبقيت منتظرة برة وهو رجع لأمو ❤

#بعد دقايق بس
- السلااااام عليكم 😊
انا: خالد 😍 الحمدلله انك وصلت
اسمعني وحكيت ليهو الحاصل انو وائل ده ما عندهم اهل هنا وامو ما بقت كويسه شديد وهو قال بتصرف 💔
خالد: امو كيف اسي هو؟
انا: غايتو اتحسنت وفتحت عيونا 😊
خالد: ممكن ادخل ليها عادي؟؟
انا: اي تعال
ودقيت الباب ودخلنا ليهم
خالد: السلام عليكم حبيبنا كيفك 😊 يا ولي 😉
وائل: وعليكم السلام خالد كيفك 😊 ؟
خالد: الف حمدلله على سلامة الوالده ياخ❤
وائل : الله يسلمك ان شاء الله ❤ ومخلوع من تصرف خالد وتعاملو 😳
#خالد بقى مركز مع وائل وكأنو بقول انت شفتو وين قبل كده؟😅😅
خالد مشى اتجاه ام وائل وقال ليها: امي كيفك وحمدلله على سلامتك❤
خالتو سعاد: الحمددلله الله يحفظكم يا ولدي انت واختك والله ما قصرتو
خاالد: معقووولة يا امي وائل ده ما حكى ليك عننا وخوتنا ول شنو ❤
كدي جيبي يدك وقوم خالتو سعاد براحه وقال ل وائل : انت حا تعاين لي كده😂👋🏻 تعال معاي بي هنا
وثبت امي دي بهناك
وجون ششيلي الحاجات دي
#صراحه انا عجبني تصرف خالد اخوي شديد بالرغم من اني ما عارفاه ناويي على شنو😅
وطلعنا من المستشفى لقيت خالد ووائل ركبو عربية خالد
اول ما انا جيت خالد قال لي : وجون اركبي جمب امي سعاد لحظة بس وبجي
ومشى ......
لحظات وجا راجع ركب قدام ووائل معاه قدام وانا وخالتو سعاد راكبين ورا
#العربية وقفت قدام بيتنا 🙂 خالد نزل وفتح الباب بالمفتاح 😊 وجا راجع قال ل وائل انزل يا فردة
وائل جا مسك امو ونزلا براحه
ابوي جا برة سلم على وائل وسلم على امو 😊 وقال ليهم اتفضلو اتفضلو
ودخلنا كده امي كانت واقفة بي جوة سلمت على خالتو سعاد وعرفتها بيها ودخلنا رقدناها في غرفة فاضية تحت اصلا للضيوف 💕
يتبع......