شكلك..قالت:-أبداً والله يا بابا ما تظلمني..المهم سلم على عمو مجدي وعمو مقداد وللتأكيد ح نستناااك للعشاء ها..ضحكت وقولته ليها:-طيب طيب..عاوزة حاجه يا حبيبة ابوك!!..قالت:-كالعادة يعني أنا وباقي بناتك وماما عاوزين سلامتك ورجعتك السريعة..أعمل حساب ما ف زول كده ولا كده يشاغلك😆..قولته ليها:-أحم أحم..هي أمك مخليه ليهم مجال💙..لين قالت:-يا شييييخ...طيب امشي امشي بدل تتأخر...غمزت لفاطمة "13 عام" وطلعتا💙...لاقيت مقداد ومجتبى في كافيه في شارع النيل..نفس الحته الكنا بنقعد فيها زمان قلبوها كافيه...نحنا كل ما نتلاقى الونسة بتجر وبنسرح عديل وبنحن للماضي وأيام الشباب الاولى💙...مقداد قال لي:-تتذكر يوم لقبناك طرحه وقعد يضحك هو ومجدي...قولته ليهم:-يا الله...كانت ايام ياخ😂😂...الكلام ده بحسو قريب عديل رغم إنو مرت عليه سنيييين طويلة شديد...مقداد قال لي:-كنت تافه تفاهه😂😂...مجدي قال:-ولا العجب لما إتشاكل مع المدام اول مره حسسنا انها نهاية الحياة..بالمناسبة انت للان ما وريتنا صالحتها كيف..قولته ليهم:-خلوها سر😆💙..خلونا من الكلام ده..بكرة بالله عاوزين اليوم يكون ظاابط..مقداد قال:-إفتتاح الفرع الجديد للشركة💙..إيناس خططت لكل حاجه وإن شاء الله ح يكون يوم ممتاز والفرع ده يكون فاتحه خير علينا...مجدي كان ساكت وسرحان..قولته ليهو:-ربنا يرحمها ويغفر ليها..قال لي:-عرفت كيف اني بفكر فيها...قولته ليهو:-حسيت...السنين الفاتت اخدت مننا اعز ناس علينا..الحياة ماشة..بس ده ما بيعني إننا نسيناهم💙وخالة فاطمة ما كانت امك براك..لحظات كتيرة وقفت جنبنا وكانت أم عظيمة...وهي أول واحدة فرحت لما عرفت اننا بنخطط نعمل فرع تاني ونوسع شغلنا..صدقني هي وأمك في مكان أحسن من هنا بكتيير..الحمد لله أنها لحقت تحقق حلم الامومة بيك وأنت كمان عشت معاها الكان نفسك تعيشوا مع أمك الله يرحمها...قال لي:-فعلاً..مع إني اكتشفت الحاجه دي متأخر بس الحمد لله💙..مقداد قال لينا:-تعالوا ناخد سيلفي..مجدي قال:-بدون ليالي و إيناس عشان يرهقونا بجملة "بقيتوا تحبوا تطلعوا براكم"..ضحكت وقولته:-أيوة أيوة..حافظنهم😆😂..مقداد رفع التلفون وقال:-إبتسامات عريضة بالله نختم بيها اليوم ده...مجدي قال:-أبتسم بوين ومجتبى يدوب سافر..ح ارجع ألقى أمه عاملة منااحة ولو حاولت أهديها ح تقول قلبي حجر وما بحس..مقداد قال:-يا شيخ ابتسم ياااخ..كده كده النكد جاايك...أبتسمنا وكانت صورة جميلة ومميزة...فيها حاجه حلوة ومُبهجه...صورة بتبين قدر شنو كِبرنا...بس ما كبرنا ساي..كبرنا ونحنا على العهد💙✔ ..
وكما كتب الحبيب مجدي على "صورتنا"بروفايله على صفحته الشخصية في الفيسبوك :-
"ثمة قصص لا نهاية لها..ممتدة الأثر..عميقة الوصل..ثمة علاقات لا تنقطع وإن حاولوا بترها..أشخاصٌ لا يمكن نسيانهم 💙"
وحكينا القصة دي ليه..!؟
أنتو الح تجاوبونا..💙
#النهاية...!
وبكده نكون وصلنا لختام سلسلتنا اللي احتوت على أربعة قصص
الاولى وخز الدبابيس هو ثباتي
الثانية وخز الدبابيس لأنك تعنيني
الثالثة وخز الدبابيس إحتضار
والرابعة تكملة للثالثة إحتضار والراء نون
💙💙
بعتذر عن الشحتفة والإنقطاع البحصل كل مرة سوا كان بأسباب أو بلا أسباب...
شكراً لأنكم أستحملتوا وعذرتوني..
العفو والعافية يا شباب
شكراً ليكم على حسن المتابعة و معليش اذا كنتوا متوقعين حلقات اكتر...أو تفاصيل أدق
شكراً لكل رفيقة حاولت تساعدني على إستعادة الشغف اللي فقدتو في نص القصة...💙
#أبقوا_عافية
وكما كتب الحبيب مجدي على "صورتنا"بروفايله على صفحته الشخصية في الفيسبوك :-
"ثمة قصص لا نهاية لها..ممتدة الأثر..عميقة الوصل..ثمة علاقات لا تنقطع وإن حاولوا بترها..أشخاصٌ لا يمكن نسيانهم 💙"
وحكينا القصة دي ليه..!؟
أنتو الح تجاوبونا..💙
#النهاية...!
وبكده نكون وصلنا لختام سلسلتنا اللي احتوت على أربعة قصص
الاولى وخز الدبابيس هو ثباتي
الثانية وخز الدبابيس لأنك تعنيني
الثالثة وخز الدبابيس إحتضار
والرابعة تكملة للثالثة إحتضار والراء نون
💙💙
بعتذر عن الشحتفة والإنقطاع البحصل كل مرة سوا كان بأسباب أو بلا أسباب...
شكراً لأنكم أستحملتوا وعذرتوني..
العفو والعافية يا شباب
شكراً ليكم على حسن المتابعة و معليش اذا كنتوا متوقعين حلقات اكتر...أو تفاصيل أدق
شكراً لكل رفيقة حاولت تساعدني على إستعادة الشغف اللي فقدتو في نص القصة...💙
#أبقوا_عافية
👍7❤3🔥1