يناس قالت لي متزكرة ابراهيم
-مالو
=طلع ساكن جنبنا .. و
-عشان كدا مفرداهو الايام دي مش
=هههههه م كدا بس ظريف وبرافقني ياخ
-كويس
=انتى ليه احرجتيهو اليوم داك
-مااحرجتو ولا شي انتي عارفاني. م بصافح
=م علينا اسى هو جاى ماتعملى حركاتك الماظريفة دي
-سكت مااشتغلت بيها جا سلم علي من بعيد وقعد يتونس برد علي قدر السؤال نهاية اليوم مشينا للموقف مع بعض وبعضها اي زول مشي علي مواصلاتهم ..
حركة بكرها في المواصلات م بحب اقعد الا ف المقعد الواحد انا ممكن انتظر اطول فترة لو م لقيت مقعد براي الا لو معاي زول 😔💔 بكون متوترة شديد ف المواصلات مابصدق انزل منها ..
لما دان تمت تلاته يوم م جات قلت لامى انا بكرة ماشة لصحبتي عيانة وليها كم يوم م جات في البداية رفضت بس تاتي قالت لي خلاص امشى كان عندي محاضرة واحدة خلصت منها واتصلت ليها وصفت لي البيت مشيت قعدت معاها حكاية ساعتين كدا ورجعت كانت عيانة الاسبوع كلو م جات في الايام دي اتعودت لابراهيم وميناس وبقيت بقعد معاهم اليوم كلو ونهاية اليوم بنمش للموقف سوا، ابراهيم طلع ود ظريف بحجز لي ف المواصلات بعد يطمن اني ركبت حتي بيمشو كنت خايفه من يوم البرزنتيشن لانو دان م ف. وكمان دي اول مرة اطلع اقدم انا جهزتو وعمر جا طمني وكان مساهر معاي كتب معاي وادربت قدامو وقال لي م تخافي الموضوع بسيط،، الصباح لاقيت الولد الاسمو سامر وقفني بتكلم معاي وانا م طايقاهو خالص قلت ليو
-جهزتو بس دان م جات
=نقدمو انا وانتي وين المشكله
- سكت م رديت
=المهم انا قريت الجزئية الاولي انتي قدمي الاخيرة ودان لما تجي الدكتور يعالج ليها مشكلتا يلا نتلاقي بعدين رفع حاجبو ومشي
جاني ابراهيم
-مالو معاك! ؟؟
=مف شي كان بتكلم معاي بس
_لو ضايقك بشي وريني
=نوسة وين!؟؟
_في الاستراحة كالعادة بتتمكيج 😹
=😹😹 اكلما ليك
-بطلي فتنة ارح نلحق المحاضرة
دخلنا وانا قعدت وحجزت لميناس جنبي الناس بدت تقدم لما جا دورنا كنت متوترة شديد .. سامر بدا يقدم وبعدها ناداني، ،غايتو م فهمت شي من الكلام القلتو وكنت متوترة شديد 😭قلت ياريت لو كانت دان معاي 💔
المهم الموضوع عدا علي خير ..
اما طلعت من المحاضرة عمر اتصل لي عشان كان شايل همي قلت ليو م تخاف ماحصل شي وناس ابراهيم ساعدوني قال لي تمام حسيتو زعلان ليهو كم يوم تصرفاتو م علي بعضها قلت بعدين بفهم منو مالو .. طلعنا ابراهيم قال لينا ارح توتي الجو حلو
كنت مترددة بس ميناس قالت لي انا زااتي الليله ماشة ناس خالتي ح اركب معاك مواصلاتكم م كنت مطمنة بس قلت كلها ساعة وهيا جنب الجامعة يعني لو مشيت مافيها شي ااتصلت لعمر اكلمو م رد مشينا وانا راجعة البيت لقيت عمر مستنيني ف المحطة ...
(" الحياة مُريعة ..
أحاول رتق بشاعتِها ببعض الاصدقاء ")💛🌻
#يتبع
#نهاية_الحلقة_الرابعـ4ـة
#بقلـ ✍️ـم:نوودين بت من حـب
-مالو
=طلع ساكن جنبنا .. و
-عشان كدا مفرداهو الايام دي مش
=هههههه م كدا بس ظريف وبرافقني ياخ
-كويس
=انتى ليه احرجتيهو اليوم داك
-مااحرجتو ولا شي انتي عارفاني. م بصافح
=م علينا اسى هو جاى ماتعملى حركاتك الماظريفة دي
-سكت مااشتغلت بيها جا سلم علي من بعيد وقعد يتونس برد علي قدر السؤال نهاية اليوم مشينا للموقف مع بعض وبعضها اي زول مشي علي مواصلاتهم ..
حركة بكرها في المواصلات م بحب اقعد الا ف المقعد الواحد انا ممكن انتظر اطول فترة لو م لقيت مقعد براي الا لو معاي زول 😔💔 بكون متوترة شديد ف المواصلات مابصدق انزل منها ..
لما دان تمت تلاته يوم م جات قلت لامى انا بكرة ماشة لصحبتي عيانة وليها كم يوم م جات في البداية رفضت بس تاتي قالت لي خلاص امشى كان عندي محاضرة واحدة خلصت منها واتصلت ليها وصفت لي البيت مشيت قعدت معاها حكاية ساعتين كدا ورجعت كانت عيانة الاسبوع كلو م جات في الايام دي اتعودت لابراهيم وميناس وبقيت بقعد معاهم اليوم كلو ونهاية اليوم بنمش للموقف سوا، ابراهيم طلع ود ظريف بحجز لي ف المواصلات بعد يطمن اني ركبت حتي بيمشو كنت خايفه من يوم البرزنتيشن لانو دان م ف. وكمان دي اول مرة اطلع اقدم انا جهزتو وعمر جا طمني وكان مساهر معاي كتب معاي وادربت قدامو وقال لي م تخافي الموضوع بسيط،، الصباح لاقيت الولد الاسمو سامر وقفني بتكلم معاي وانا م طايقاهو خالص قلت ليو
-جهزتو بس دان م جات
=نقدمو انا وانتي وين المشكله
- سكت م رديت
=المهم انا قريت الجزئية الاولي انتي قدمي الاخيرة ودان لما تجي الدكتور يعالج ليها مشكلتا يلا نتلاقي بعدين رفع حاجبو ومشي
جاني ابراهيم
-مالو معاك! ؟؟
=مف شي كان بتكلم معاي بس
_لو ضايقك بشي وريني
=نوسة وين!؟؟
_في الاستراحة كالعادة بتتمكيج 😹
=😹😹 اكلما ليك
-بطلي فتنة ارح نلحق المحاضرة
دخلنا وانا قعدت وحجزت لميناس جنبي الناس بدت تقدم لما جا دورنا كنت متوترة شديد .. سامر بدا يقدم وبعدها ناداني، ،غايتو م فهمت شي من الكلام القلتو وكنت متوترة شديد 😭قلت ياريت لو كانت دان معاي 💔
المهم الموضوع عدا علي خير ..
اما طلعت من المحاضرة عمر اتصل لي عشان كان شايل همي قلت ليو م تخاف ماحصل شي وناس ابراهيم ساعدوني قال لي تمام حسيتو زعلان ليهو كم يوم تصرفاتو م علي بعضها قلت بعدين بفهم منو مالو .. طلعنا ابراهيم قال لينا ارح توتي الجو حلو
كنت مترددة بس ميناس قالت لي انا زااتي الليله ماشة ناس خالتي ح اركب معاك مواصلاتكم م كنت مطمنة بس قلت كلها ساعة وهيا جنب الجامعة يعني لو مشيت مافيها شي ااتصلت لعمر اكلمو م رد مشينا وانا راجعة البيت لقيت عمر مستنيني ف المحطة ...
(" الحياة مُريعة ..
أحاول رتق بشاعتِها ببعض الاصدقاء ")💛🌻
#يتبع
#نهاية_الحلقة_الرابعـ4ـة
#بقلـ ✍️ـم:نوودين بت من حـب
👍18❤2
#فيلـوفوبيـا
(سميتك الخوف البطمن)
#الحلقة:الخامسـ5ـة
#بقلـ ✍️ـم:نوودين=Πeedoo
كان كل شيء جاهزاً، الجواب والإعتراف والتشبيهات ونبرة الصوت، ومواضع السكوت، وإيماءات اليد، وإختلاق التفكير، كان عليك فقط أن تنتبهي.....!!
عمر كان مقلق علي شديد هو اتعود انو ينتظرني في الوقت تماما .. اول ماجيت جا علي
-رزة وين انتي ..!! ليه اتاخرتي كدا!!؟؟
=مااتاخرت شديد ياعمر ..واتصلت عليك مارديت
-مارديت شنو انا رجعت ليكى سبعة مكالمات انتى المابتردي .. عارفة خوفتينى عليك قدر شنو!؟
=خلاص ياعمر اهو انا كويسة ..
-اتاخرتي وين!؟
=مع اصحابي طلعنا ..
-كان بامكانك تكلمينى قبل تطلعى بدل م أنا قاعد زي المجنون أفكر فيك
=عمر انا اتصلت ليك اكلمك بس ..
-خلاص خلاص امش البيت وقولى لامي انا ح اتآخر شوية
=اتحرك خلاني براي والمغرب قرب يآذن .. هو بيعرف كويس إنى مابعمل شى غلط .. طب ليه زعل منى!؟ومابس كدا مشى خلانى .. عمر تصرفاتو معاى بقت غريبة شديد ماقادرة افهم هو مالو وقفت بعاين ليهو بس حتى م اتلفت مشى خلانى فى مكانى .. زعلت شديد مشيت البيت زهجانه نسيت اكلم أمو لحد الساعة 10كدا حاولت تلفونو لقتو قافل بقت مقلقة حتى اتزكرت كلمتها فضلنا منتظرينو يجى حسيت انى زعلتو وراجعت تصرفاتى ..
طبيعى يزعل هو كان محور حياتى فجأة بقا يعرف بمواضيعى المهمة آخر زول ،، لاحظت إنو بضايق من سيرة أصحابى ،، انا الكنت برفض إتعرف على زول فجأة بقا عندى أصحاب وبطلع معاهم ،،، يمكن حسه إنى بقيت مستغنية عنو علشان كدا زعل ،، قررت إنى إعتذر منو لما يرجع فتح تلفونو اتصل لامو وقال ليها جاي أول م سمعتها بتتكلم معاه قلت ليها ياخالتو أدينى عايزاه ،قالت لي قفل مشيت اتصلت عليه من تلفونى م رد
رسلت ليهو "عمر م تتآخر أنا مستنياك 💛"
قرا الرسالة وبعد نص ساعة رد لي
"ماتنتظرينى نومى"
عرفتو زعل مني بس فضلت مستنياه بعد ساعة الباب دق طوالي مشيت فتحت لقيتو دا هو كان باين انو زعلان شديدد قال لي
-زحى من الطريق ي رزة
=عمر مالك!؟؟
-مالى!؟؟
=مشيت محل الشيشة صاح!؟؟
-انا قاعد اسألك محل بتمشى!؟؟
=أدخل ياعمر م ح اتناقش معاك
-دخل ومشى علي غرفتهم طوالى ،، لحظة اقفل الباب والحقو دخل غرفتهم وقفل الباب
فضلت واقفة بدق ليهو م عايز يفتح وانا حلفت م بخليهو ندهت عليه ،، ياعمر افتح الباب م ح اتكلم معاك طيب
-امش يارزة نتكلم الصباح ،، لاع م ح امش اطلع ورينى انت مالك
=اها يارزة في شنو ،، انا كويس ومافينى شى ،، ماهبشت الشيشة أصلا كنت قاعد مع أصحابى بس كدا مرتاحة!؟؟
-نبرة صوتو وهو بتكلم معاى كانت حادة بحياتو م إتكلم معاى كدا 😭 فضلت واقفة بعاين ليهو ،، سكت مسافه وهو بعاين لي اما م اتكلمت معاه قال لى معليش ..!!
ح اخت ليك تتعشى م تقفل ..
مشيت جبت ليهو اكل وجيت لقيتو واقف في مكانو قلت ليهو زح .. دخلت ختيت الاكل وطلعت مسكنى من يدي وقرب علي شديد
-رزة !!
=عمرر زح مني ي عمر
-وقف قصادي وانفاسو بقت مع انفاسي فضل ساكت مسافه وقال لي ليه بتعملي فيني كدا يارزة
انا بقيت خايفة ماعارفة بس غمضت عيوني شديد .. دي اول مرة م احس بالامان وانا جنب عمر … عمر اللى طول عمري كان كل الامان بالنسبة لي فجأة بقيت شايفاه زيو وزي كل الناس … كنت متمنية لو أفتح والقي دا م حقيقة … عمر م بيعمل كدا معاي هو اكتر واحد عارفني بخاف شديد زول يقرب مني للدرجة دي ليه عمل كدا!؟
انا بحاول اتجاوز خوفي ليه بتصرف معاي كدا! ؟
ليه خلاني احس بالخوف بعد ماكنت م بطمن الا وانا جنبو! ؟
قال لي انا اسف وزح مني! .. بدون م اتلفت مشيت علي غرفتنا كنت خايفة وللحظات حسيت نفسي حيكتم رقدت وانا برجف كمية خوف دخلتني لدرجة حسيت جسمي اقشعر وبعرق وفي نفس الوقت بردانة شديد اتغطيت ونمت من خوفي ..
الصباح صليت وفتحت مصحفي قريت شوية وقمت نضفت كلهم طلعو أمي وخالتو مشو علي شغلهم وسماح ومروة علي جامعتهم ورامى ورزاز علي مدرستهم عمر مشي البقالة قعدت مع جدو وحبوبة شوية وقلت عايزة لي نسكافي مشيت البقالة اول م دخلت قال لي رزة انتي كويسة!؟؟
=اي
-انا. …
قاطعتو وقلت ليهو عايزة نسكافي سريع مصدعة
ماحب يتكلم معاي بس عيونو قالت كتير فضل يعاين لي نظرة ندم واسف اتجاهلتو شلت النسكافي وجيت عملتو اتزكرت عندي آسايمند مفروض أسلمو قعدت أشتغل فيهو كتير غلبني ..
فتحت دفتري وبقيت ارسم ملامح انسان طولت م رسمت حاجة بتخصني برسم طلبات وكدا ومع الدراسة بطلت، فجأة نفسنت وقفلت الدفتر ..
مشيت لعمر شلت منو المفتاح جبت اللابتوب بتاعو لقيتو مغير الباسويرد اتصلت ليهو: -
=ياسجم الباسويرد شنو!؟
-ختى لما اجى
=ياخ عايزة انقل حاجات مهمة عايزة اقرا م ناقصاك م تتعاور ورينى
-"بصوت جادي" قال لي مسافة السكة بكون عندك ماتفتحى
=حبيت من وراي وعاملو اسم حبيبتك وم عايز تكلمني مش! ؟
-رزة سيبي عناد اهو جاي انا ح افتحو ليك
=قفلت منو ومشيت المطبخ جهزت الفطور قلت بما انو جا نقعد نفطر بالمرة
دخل لي ف المطبخ طوالي رفعت ال
(سميتك الخوف البطمن)
#الحلقة:الخامسـ5ـة
#بقلـ ✍️ـم:نوودين=Πeedoo
كان كل شيء جاهزاً، الجواب والإعتراف والتشبيهات ونبرة الصوت، ومواضع السكوت، وإيماءات اليد، وإختلاق التفكير، كان عليك فقط أن تنتبهي.....!!
عمر كان مقلق علي شديد هو اتعود انو ينتظرني في الوقت تماما .. اول ماجيت جا علي
-رزة وين انتي ..!! ليه اتاخرتي كدا!!؟؟
=مااتاخرت شديد ياعمر ..واتصلت عليك مارديت
-مارديت شنو انا رجعت ليكى سبعة مكالمات انتى المابتردي .. عارفة خوفتينى عليك قدر شنو!؟
=خلاص ياعمر اهو انا كويسة ..
-اتاخرتي وين!؟
=مع اصحابي طلعنا ..
-كان بامكانك تكلمينى قبل تطلعى بدل م أنا قاعد زي المجنون أفكر فيك
=عمر انا اتصلت ليك اكلمك بس ..
-خلاص خلاص امش البيت وقولى لامي انا ح اتآخر شوية
=اتحرك خلاني براي والمغرب قرب يآذن .. هو بيعرف كويس إنى مابعمل شى غلط .. طب ليه زعل منى!؟ومابس كدا مشى خلانى .. عمر تصرفاتو معاى بقت غريبة شديد ماقادرة افهم هو مالو وقفت بعاين ليهو بس حتى م اتلفت مشى خلانى فى مكانى .. زعلت شديد مشيت البيت زهجانه نسيت اكلم أمو لحد الساعة 10كدا حاولت تلفونو لقتو قافل بقت مقلقة حتى اتزكرت كلمتها فضلنا منتظرينو يجى حسيت انى زعلتو وراجعت تصرفاتى ..
طبيعى يزعل هو كان محور حياتى فجأة بقا يعرف بمواضيعى المهمة آخر زول ،، لاحظت إنو بضايق من سيرة أصحابى ،، انا الكنت برفض إتعرف على زول فجأة بقا عندى أصحاب وبطلع معاهم ،،، يمكن حسه إنى بقيت مستغنية عنو علشان كدا زعل ،، قررت إنى إعتذر منو لما يرجع فتح تلفونو اتصل لامو وقال ليها جاي أول م سمعتها بتتكلم معاه قلت ليها ياخالتو أدينى عايزاه ،قالت لي قفل مشيت اتصلت عليه من تلفونى م رد
رسلت ليهو "عمر م تتآخر أنا مستنياك 💛"
قرا الرسالة وبعد نص ساعة رد لي
"ماتنتظرينى نومى"
عرفتو زعل مني بس فضلت مستنياه بعد ساعة الباب دق طوالي مشيت فتحت لقيتو دا هو كان باين انو زعلان شديدد قال لي
-زحى من الطريق ي رزة
=عمر مالك!؟؟
-مالى!؟؟
=مشيت محل الشيشة صاح!؟؟
-انا قاعد اسألك محل بتمشى!؟؟
=أدخل ياعمر م ح اتناقش معاك
-دخل ومشى علي غرفتهم طوالى ،، لحظة اقفل الباب والحقو دخل غرفتهم وقفل الباب
فضلت واقفة بدق ليهو م عايز يفتح وانا حلفت م بخليهو ندهت عليه ،، ياعمر افتح الباب م ح اتكلم معاك طيب
-امش يارزة نتكلم الصباح ،، لاع م ح امش اطلع ورينى انت مالك
=اها يارزة في شنو ،، انا كويس ومافينى شى ،، ماهبشت الشيشة أصلا كنت قاعد مع أصحابى بس كدا مرتاحة!؟؟
-نبرة صوتو وهو بتكلم معاى كانت حادة بحياتو م إتكلم معاى كدا 😭 فضلت واقفة بعاين ليهو ،، سكت مسافه وهو بعاين لي اما م اتكلمت معاه قال لى معليش ..!!
ح اخت ليك تتعشى م تقفل ..
مشيت جبت ليهو اكل وجيت لقيتو واقف في مكانو قلت ليهو زح .. دخلت ختيت الاكل وطلعت مسكنى من يدي وقرب علي شديد
-رزة !!
=عمرر زح مني ي عمر
-وقف قصادي وانفاسو بقت مع انفاسي فضل ساكت مسافه وقال لي ليه بتعملي فيني كدا يارزة
انا بقيت خايفة ماعارفة بس غمضت عيوني شديد .. دي اول مرة م احس بالامان وانا جنب عمر … عمر اللى طول عمري كان كل الامان بالنسبة لي فجأة بقيت شايفاه زيو وزي كل الناس … كنت متمنية لو أفتح والقي دا م حقيقة … عمر م بيعمل كدا معاي هو اكتر واحد عارفني بخاف شديد زول يقرب مني للدرجة دي ليه عمل كدا!؟
انا بحاول اتجاوز خوفي ليه بتصرف معاي كدا! ؟
ليه خلاني احس بالخوف بعد ماكنت م بطمن الا وانا جنبو! ؟
قال لي انا اسف وزح مني! .. بدون م اتلفت مشيت علي غرفتنا كنت خايفة وللحظات حسيت نفسي حيكتم رقدت وانا برجف كمية خوف دخلتني لدرجة حسيت جسمي اقشعر وبعرق وفي نفس الوقت بردانة شديد اتغطيت ونمت من خوفي ..
الصباح صليت وفتحت مصحفي قريت شوية وقمت نضفت كلهم طلعو أمي وخالتو مشو علي شغلهم وسماح ومروة علي جامعتهم ورامى ورزاز علي مدرستهم عمر مشي البقالة قعدت مع جدو وحبوبة شوية وقلت عايزة لي نسكافي مشيت البقالة اول م دخلت قال لي رزة انتي كويسة!؟؟
=اي
-انا. …
قاطعتو وقلت ليهو عايزة نسكافي سريع مصدعة
ماحب يتكلم معاي بس عيونو قالت كتير فضل يعاين لي نظرة ندم واسف اتجاهلتو شلت النسكافي وجيت عملتو اتزكرت عندي آسايمند مفروض أسلمو قعدت أشتغل فيهو كتير غلبني ..
فتحت دفتري وبقيت ارسم ملامح انسان طولت م رسمت حاجة بتخصني برسم طلبات وكدا ومع الدراسة بطلت، فجأة نفسنت وقفلت الدفتر ..
مشيت لعمر شلت منو المفتاح جبت اللابتوب بتاعو لقيتو مغير الباسويرد اتصلت ليهو: -
=ياسجم الباسويرد شنو!؟
-ختى لما اجى
=ياخ عايزة انقل حاجات مهمة عايزة اقرا م ناقصاك م تتعاور ورينى
-"بصوت جادي" قال لي مسافة السكة بكون عندك ماتفتحى
=حبيت من وراي وعاملو اسم حبيبتك وم عايز تكلمني مش! ؟
-رزة سيبي عناد اهو جاي انا ح افتحو ليك
=قفلت منو ومشيت المطبخ جهزت الفطور قلت بما انو جا نقعد نفطر بالمرة
دخل لي ف المطبخ طوالي رفعت ال
👍22❤4