#1خلقني_اسود
بقلم :fulla_Ali
-١٠-
يابن ادم خالفني واختلف عني يهوديا مسيحيا او مسلما كنت شيعيا ام سني فقط كن انت ولاتكنهم يابن ادم خلقك الله مختلف فبربك باختلافك اعترف كن خليفة الله على الارض باختلافك ولا تتبع ذاك القطيع عش حراً يابن ادم فهذه الارض للجميع ..
#أنيس_شوشان

*

طبعآ امي تفكيرها مشى بعيد خالص...هي افتكرت سرحاني ده انو في زول اعتدى علي ويمكن مهددني عشان كده...

قلت ليها لالالالا ي امي ما تخافي انا سليمه مافيني شي ¡

قامت وقالت انا بتكلم مع ابوك يفهمني انتي مالك اتغيرتي كده...

جريت وقفت في الباب نظام احميها تطلع ....جات جرتني وزحتني من جمب الباب...قبل تطلع قلت ليها وانا مغمضه عيوني : ابوي عاوز يعرس !

طبعآ حصلت لحظة صممت...فتحت عيوني #ببطء عاينت لقيتها واقفه وهي ماسكه مقبض الباب...كانت ماسكاهو بقوة ....

بعد 34ثانيه رجعت قعدت في السرير

جيت قعدت جمبها ومسكت يدها بوستها ...عاينت في وشها وكان خالي من التعابير...نهائي ما قدرت اعرف ردة فعلها شنو ..

قلت ليها امي انا أسفه..

ابتسمت وعاينت لي وقالت :

ولا يهمك..وابوك انا ما حأسلو ما تخافي...يلا نومي لانو بكرا اول يوم في المدرسة

قامت رقدتني وغطتني ..باستني ومسحت على شعري وطلعت..

مرت الايام عاديه..وكنت مبسوطه لانو ابوي زي الساب الفكرة..وامي تعاملها معاهو كان عادي جدآ .
ما كنت عارفه الجاي ورا شنوو...لغاية يوم جيت راجعه من المدرسة وسمعت اصواتهم عاليه...

دخلنا انا وصابرينا لقينا صابر جمب الباب ببكي..

ما قدرت ادخل ..بس بقيت واقفه...
سمعت ابوي قال : العاوزه تعملي اعمليهو وانا طلاق مااا بطلقك يا فاديه !!!

بعدها جا طالع..كان غضبان وزهجان ...عاين لينا وطلع

بعد شويه امي جات طالعه و عيونها كلهم دموع...قالت لي لبسي اخوانك يا صبا ...حنسافر ..

***

ورجعنا تاني للنكد ...تاني رجعنا لحضن حبوبة علويه !!!!

ااخ لو شوفتو نظرة الشماته في عيونها ااخ !!!

بس نعمل شنو غير نصبر ...

لاقينا مرت خالو صالح ..كانت طيبه شديد وتعاملها معانا حلو..

وكمان جاتنا مره طيبه كده اسمها حنان ...قالت لينا كانت صحبة امي زمان...عندها بنوتة عمر 4سنه كده اسمها على اسم امي #فاديه ..

#صلو_علي_محمد

#To_be_Continued

#خلقني_اسود
بقلم:fulla_Ali
-١١-
يابن ادم خالفني واختلف عني يهوديا مسيحيا او مسلما كنت شيعيا ام سني فقط كن انت ولاتكنهم يابن ادم خلقك الله مختلف فبربك باختلافك اعترف كن خليفة الله على الارض باختلافك ولا تتبع ذاك القطيع عش حراً يابن ادم فهذه الارض للجميع ..
#أنيس_شوشان

****
تمينه كم يوم في بيت ناس حبوبة لغاية يوم خالي صالح جا اتكلم مع امي في غرفتها..وانتو عارفين الرجال جنهم وجن واحده تخلي بيتها....
قال ليها تنسى المشاكل وترجع لي بيتها وراجلها ..وانو ابوي لو.اتزوج حينشغل بالمرا الجديده وحينسي اولادو...و و و كلام كتييير

امي بعد تعب حتي رضت نرجع البيت ..لكن رجعت معانا حبوبة ...نظام تقدم بتها وكده..

لقينا ابوي عقد...الشي البغيظ انو العقد عليها ست شاي ¡¡¡¡ اكيد حتقولو مالهم ستات الشاي ما ناس !!

لكن انا حأجاوب ليكم
عندنا جاراتنا كده من الحي .جات تحمدل لينا السلامه...قالت لي امي انو المرا العقد عليها ابوي دي كاتباهو عند شيخ...لانو راجلها قال ليها انو سمعها قالت ( خالد ده بعرسو بعرسو...كن بي رضاهو بعرسو...وكن بالشيخ بعرسو )

امي قالت ليها والله يسطفل بعد ده...انا رجعت عشان اولادي ما يتربو بدون أب..

طبعآ بعد حبوبة عرفت الكلام ده بقت تسئ لي ابوي على الطلعه والنزله..وانو اتورط مع ست الشاي عشان كده عرسها ...اما امي دي ما خلت ليها صفحه...غايتو امي عانت ياخ

لغاية يوم من الصباح شكت من ضهرها وما كان قادرة تتحرك..ابوي وداها المستشفي وقالو رطوبه بس وكده وصرف ليها علاجات ومراهم عاديه شاكلة #موف

فضلنا على الحال ده فترة...امي في مرضها الحيرنا ده ونحن تحت غطرسة حبوبة..غايتو بس الحمد لله ..
دخلت الثانوي ..في المدرسة كنت بشوف البنات #لمن يجو يسلمو على بعض بسلمو سلام الحمام داك..طبعآ اول مره اشوفو..

و#لمن يتكلمو.مع المعلمين ويتعابطو معاهم...
وكان بمسحو في وشوشهم فير ديل البنات الهاي كلاس..اما البنات الحالتهم الاقتصاديه ما دون الوسط كانو بمسحو طباشير
لونهم كان ببقي اغبشش لكن سمح ...

طوالي انا لمن ارجع البيت بحكي لي أمي بالحاصل ده ..
حبوبتي مره سمعتني جات هايجه...وكانت بتشاكل ..قالت انا قليلة أدب و و و .الفاظ كتيرة ما حلوة .

امي كانت بتسكت يا حليلا ...في النهايه هي امها وما بتقدر ترد عليها..

****

ده كلو ما هماني وما غاظني..الا لمن في يوم من الايام جيت من المدرسة ومشيت احضن امي...قامت زحت مني !!!!

استغربت من تصرفها قامت قالت لي حبوبتك لمن تحضنوني بتقول فيكم كلام ما كويس !!

يعني سبحان الله !!!حصل مره لاقتكم مرا بالمواصفات دي !!!!

حسبي الله ونعم الوكيل !!!
*
مرت الايام ...امتحنت شهاده سودانيه من المثاق الأدبي ..
حياتنا كانت مستقرة إلا لمن حبوبة تجينا بتكركب..

في يوم وزي حوالي الساعه 9:34...ابوي كان مسافر ..

امي تعبت شدييد ولحسن الحظ كان خالي معانا...وديناها المستشفى ..

وقت النتيجه طلعت الدكتور اتكلم مع خالي مسسسافه

و وقت جا قال لينا النتيجه نضيفه بس الرطوبه مؤثرة معاها ...

تاني يوم للكلام ده كان نتيجتنا حقت الشهاده طلعت ..
عملت 71 ومنها بي اسبوعين قدمت للجامعه..

امي ما لقت عافيه تاني..و لمن ابوي جا كلمناهو بي مرضها. وقت شاف النتيجه حاول يترجمها
في نتيجة الفحص في كلمة #damags
وقت ترجمها ظهرت ليهو كلمة #آفة....ما اقتنع وشال النتيجة و
طلع...

#صلو_علي_محمد

#To_be_Continued

#خلقني_اسود
بقلم fulla_Ali
-١٢-
يابن ادم خالفني واختلف عني يهوديا مسيحيا او مسلما كنت شيعيا ام سني فقط كن انت ولاتكنهم يابن ادم خلقك الله مختلف فبربك باختلافك اعترف كن خليفة الله على الارض باختلافك ولا تتبع ذاك القطيع عش حراً يابن ادم فهذه الارض للجميع ..

#أنيس_شوشان

*
المساء ابوي جا وكان وشو مقلوب...دخل الصالون طوالي
وبما انو امي طريحة الفراش و حبوبتي من سابع المستحيلات تمش تقدم ليهو حاجه انا المشيت اشوفو مالو...
شلت معاي جك مويه وكبايه ومشيت ليهو...

لقيتو قاعد و وشو على الأرض ....كبيت ليهو مويه ومديت ليهو الكبايه...

شربها كلها وتاني كبيت ليهو

يعني شرب قريب الاربعة كبابي ...قلت ليهو في شنو يا ابوي !!!؟؟

عاين لي مسسسسافه ...وفجأة دموعو بدو ينزلو...
دي اول مره اشوف دموعو ..بركت في الأرض وقلت ليهو في شنو يا ابوي !!!!

قال لي وهو ببكي : امك عيانه شديد يا صبا...عيانه شديد !!

قفلت خشمي وقلبي كان بضرب بقوة...خوفت خوف شديد من الحكايه دي

ابوي طلع الورقه وقال : عندي معارفي شغال في المجال الطبي. .اديتو نتيجة الفحص وقال انو .....

بعدها قعد يبكي ..انا زحفت منو واتكيت في الحيطه ودموعي عشرة عشرة

امك عندها كانسر في الرئة يا صبا !!!! ومراحله متأخرة شديد يا صبا "!!!!!

قعدت ابكي واضرب راسي في الحيطه ...كنت بقول : لالالا يا ابوي ما تقول كده لااا

ابوي كان ببكي بحرقه قال لي : من زمان وهي بتشكي من ضهرها !!" الكلاب شغالين يقولو لينا رطوبة رطوبة !!! لو من بدري شخصو المرض صاح كان اسي قدرنا نتحكم فيهو !!! بس بعد شنو !!! اسي كلو انتشر في جسمها "!!!!

قلت ليهو يا ابوي امي حتتعالج ان شاء الله..ما تشيل أي هم..بس ما لازم نكلمها أسي عشان صحتها ما تتدهور

قال لي اسي حنواصل مقابلتها مع الدكتور وحنواصل في العلاج ..(لاحظو لي نواصل..يعني سوا هو وهي )
..وقريب #حنبدا جلسات الكيماوي ..ربنا يديني القوة أكلمها بالحاصل...بعد رقد وقبل على الحيطة...طفيت ليهو النور و
طلعت منو وانا قلبي مقبوض و واجعني شديد...ااخ من وجع القلب ااخ!! الله لا ضوقكم ليهو
كلمت حبوبتي وبكت شديييد...يمكن يا داب عرفت انو حبوبتي بتحب أمي كده...بس للأسف كنت مخطأة...

زي الضهر كده طلعت الدكان اجيب لينا سكر...وحظي الكعب لقيتو قافل..

قعدت انتظرت لغاية جا من الصلاة واداني ...وانا طالعه صبا جاتني تلهث

قالت لي الحقي يا صبا ..الحقي امي !

اديتها السكر وجريت على البيت...سمعت صوت حبوبه بتشاكل ..كانت بتقول : اها اسي جاك عقابك ..ربنا بمهل وولا يهمل !!! عصيتي كلامي وعرستيهو هدا جاك المرض الكعب !!!

امي واقفه ومصدومة وماسكه صدرها بي يدها ..

وحبوبتي مواصله فيها زله وإهانه!!!
ياخ دي ما انسانه ياخ !!!!

صاح مصيرنا كان نكلم امي بمرضها..لكن ما بالطريقه القاسيه دي !!

مسكت حبوبتي من يدها ودفرتها بره وقفلت الباب ..سامعاها بتقول أصلآ من جيتي من عماتك بقيتي قليلة.أدب..و و و ...كلام كتييييير ما بتقال وكعب ...غايتو ربنا يصلح حالها...

قعدت جمب امي وبست يدها...عاينت ليها لقيت وشها خالي من التعابير ...قلت ليها : امي..مش انتي دايمآ بتقولي لينا المصائب البتحصل لينا دي امتحان من ربنا ؟؟؟

عاينت لي ودموعها بنقطو...مسحتهم ليها وقلت ليها يلا ده امتحان ليك...ربنا بتمحنك عشان يشوف مدى صبرك وإيمانك قدر شنو ..

والفوز ما انك تتعالجي لالا..الفوز انك نهائي ما تشكي الا لي ربنا وتصبري لغاية تشوفي النتيجه في النهايه شنو..

ابتسمت وما ردت لي..بس فهمت انها مبسوطه لأنها ربتنا على المبادئ دي..

ابوي وقت جا المساء وعرف..مشى شاكل حبوبتي وكالعاده ..تاني يوم سافرت رجعت بيتها وخلت لينا البيت...
***
ظهرت نتيجه القبول..شالوني كلية القانون جامعة الخرطوم.

كنت مبسوطه لأنو دي رغبتي..لكن كل ما كنت افرح بتذكر مرض أمي..

امي يااا عالم بقت لا بتجر رجل لا كراع !! ..ماا بتفارق السرير إلا في الضرورة !

ضعفت وانتهت ...حتى شعرها بدى يتحت..

بدينا ليها جلسات الكيماوي...العذاب الكانت بتتعذبو في الكيماوي ولا عذاب المرض زاتو..وما تشوفو شر في عزيز يارب

#صلو_علي_محمد

#TO_be_Continued

#خلقني_أسود

بقلم:fulla_Ali
-١٣-
قالَ رسولُ اللهِ"صـلى اللهُ عليهِ و سلـم " : ) لا فرق بين عربي و لا أعجمي و لا أبيض ولا أسود إلا بالتقوى (
***
جامعتنا فتحت..مشينا انا وابوي سجلنا ومنها عرفني علي الكلية..مداخلها ومخارجها ..

حتى الحمامات عفاكم الله وراني ليها..كان خايف علي من البرلمه وكده..

آخر خطوة وصلني القاعه حقتنا..اداني مية وصية كلها من نفس الاستايل : ما تتكلمي مع اولاد..ما تتعاملي مع اولاد..ما تخلي ولد يغشك..و و ..
المهم نفس الكلام..

بعد مشى قعدت في واحد من البينشات وبقيت أقلب في الصور في تلفوني
كانت الصور حقت امي واخواني..بالجد امي اتغيرت شديد من زمان..قلبي لغاية وجعني لمن شفت صورها ...وكل صورة كانت مبتسمه ابتسامه جميييييله...ربنا يشفيها ويقويها

في اللحظة دي سمعت لي جوطه بره..رفعت راسي لقيت في جزء من الطلبه ماشين يشوفو في شنو..فجأة جو كلهم راجعين جوه والبنات صرخو..

في المدخل جو داخلين تلاته اولاد ...ولدين كانو بضربو في ولد !!! ما دا الغاظني
الغاظني انو الولدين صفر ..والبضربوهو اخدراني كده...

انا اول شي جا في بالي انو.دي عنصريه بالواضح كده !!!

واحد منهم طلع سكين !!! يلا بدون ما احس لقيت نفسي في نصهم "!
ما بحب الأضهاد فما بالكم لما يحصل قدامي !!

الولد شغال يقول : يا بت ما تتدخلي ده ما محلك !!

قلت ليهو ارمي السكين والا حأبلغ البوليس !

البنات طوالي صرخو ... ولحسن الحظ جا الحرس الجامعي وكلنا ودونا مكتب العميد ...

دي عمايل طلبه جامعييين !!!!

انتو عارفين انو الزمن زمن تكنولوجي ...يعني حاليآ ممكن الخير يكون انتشر في كل وسائل التواصل الأجتماعي !!! وانتو عارفين وما محتاجين اكلمكم الشعب السوداني بهول الموضوع كيف !!!!

قال الكلمات دي عميد الكليه وهو خاتينا قدامو انا والتلاته شباب...

قلت ليهو : يا برو....

قاطعني : اسكتي !!!! انتي آخر واحده تتكلم !!! كمان بتكابسي في نص الاولاد !!!!

طوالي انفجرت بالبكاء...طول عمري ما بحب حد يكورك في وشي !!! اضبحوني بي سكينه مييييته لكن نهائي مااا تكوركو في وشي وتنهروني !!!

قال لي انتي اسي بتبكي مالك !!! في زول دقاك !

ما رديت وكنت ببكي زي الشفع الصغار ...لغاية حن على حالي وشال منديل مداهو لي

الدكتور القاعد معاهو كان ابيضاني كده...قام على حيلو وقال : اعذرني يا بروف عبدالله..بس خليهم يدافعو عن نفسهم...في النهايه هم محمايين المستقبل
..و واصل : اتكلم يا ايمن ...
واحد من الطلبه اتكلم وبالتالي عرفت انو ده ايمن : ي دكتور معاذ ..البرلم حقين السنه دي جو مفتحين..وقدر ما حاولنا نبرلمهم ما عرفنا..فقلنا نخترع فكرة جديده ونمثل اننا بنتشاكل وندخل قاعتهم...وخططتنا قربت تنجح لو ما الاستاذه اتدخلت ..

معاذ : وتقومو تمثلو بي سكين.!!! سكين يا ايمن !!!

ايمن : نحن بنقدم اعتذارنا دكتور..ما حتتكرر

عاين لي وقال : وانتي ما عاوزه تقولي اتدخلتي ليشنو ؟؟؟

م رديت وبس كنت بشهق ودموعي جاريات ...

لغاية سمعنا كلنا الصوت : طيبة قلبها هي الخلتها تتدخل !

التفتنا كلنا لمصدر الصوت وهالني ما رأيييت
....

#صلو_على_محمد

#TO_be_Continued

#خلقني_اسود
بقلم:fulla_Ali
-١٥-
قالَ رسولُ اللهِ"صـلى اللهُ عليهِ و سلـم " : ) لا فرق بين عربي و لا أعجمي و لا أبيض ولا أسود إلا بالتقوى (

المساء وقت ابوي جا ختيت ليهو الغدا...قال لي خالتك غاليه ولدت..جابت ولد سوقي اخوانك وامشو باركو ليها

قلت ليهو مبروك
وتاني ما اتكلمت ...

قال لي اها امك صحتها ماشه كيف !!؟؟

اتذكرت الفكرة الجاتني قلت ليهو : يا ابوي صابرين ما مقصرة من شغل البيت ..وبتعتني بي امي..لكن بالمقابل اهملت دراستها..حتى المدرسه بقت تدك الحصص
واصلت كلامي : رائيك شنو حبوبة تجينا ؟؟؟

قال لي بعد تفكير عميق...ما عندي اي مشكله...بس انا خايف عليكم من عمايلها

قلت ليهو ما مشكله كلو يهون..نحن اسي محتاجين ليها
قال لي خلاص اتصلي عليها كلميها وانا برسل ليها تجي..

فرحت كتير وقلت ليهو حاضر

****

مرت الايام وفعلآ حبوبة جاتنا ...ما اتغيرت نهائي ..صحي الخلا عادتو قلت سعادتو
لكن الشي البغيظني انو تعاملها مع امي غييير...

كانت بتعاف منها اتخيلو بس !!!

زي ما قلت ليكم امي بقت لا بتجر رجل لا كراع..والحمام عفاكم الله الا نحن بنوديها ...يلا حبوبة بتقرف من الحكايه دي
والموضوع ده أثر مع امي شديييد..
يعني حاجه حارة كونو امك تعاف منك !!
انا قلت ليها بس كفايه تكوني معاها ف البيت وانا بقوم بأي خدمه تانيه..عشان صابرينا ما تفوت حصصها
بمش الجامعه كشكل ..لكن تفكيري كلو ف البيت وفي امي..وهل يا ترى هي مرتاحه وله حبوبة بتمارس عليها سلطتها !!!
استاذه صبا ؟؟؟ منتبهة معاي انتي ؟؟

عاينت لقيتو دكتور عماد..ايوا صح بقى يدرسنا مادة اسمها قانون جنائي...

قلت ليهو منتبهة ايوا...
ابتسم وقال لي انتبهي..
المعني انو عارفني اني ما منتبهة..قلت في نفسي استاذه صبا !! ما عامل فيها متغابي فيني العرفه
غايتو بس

اليوم انتهي بخير..وخلاص علقو لينا جدول امتحانات سمستر 1

وانا ما ناقشه حنان قلبي..رجعت البيت ومع دخلتي الباب سمعت حبوبتي جايطه فيها : انا فترت من قرفك ده !!! م ممكن واحده في عمرك ده تعملها ...ده شنو ده ياخ !!

جريت الغرفه ولقيت امي بتبكي وما قادرة تتحرك ..وحبوبتي واقفه في راسها وتنهر فيها

)اللهم لا تسلط علينا من لا يرحمنا ولا يخافك )

جيت قلت ليها حبوبة !!! قبل كده كلمتك اي شي بخص امي نحن بنقوم بيهو انتي ما متضطرة !!! بس كفاية انك تكوني شايفاها عشان لو تعبت تكلمينا

حمرت لي وطلعت...جيت ساعدت امي قومتها وغيرت ليها وفرشت ليها السرير..

هي تبكي وانا ابكي ...

بعد تميت قعدت جمبها ومسكت يدينها..قالت لي اعفو لي ..شيلتكم فوق طاقتكم

قلت ليها امي علييييك الله ما تقولي كده !! ربنا يقومك لينا بالسلامه ..كفاية شوفت وشك ده براهو بالدنيا كلها

غطيتها وطلعت المطبخ..كتر خيرها لقيتها طبخت الغدا..

رجعت لأمي سألتها لو فطرت..قالت لي حبوبة فطرتها..

مشيت خلطت ليها برتقال وشربتو ليها بالعافيه..
وياهو جيت نمت معاها..

المساء ابوي جانا..دخل سلم على امي ومشى الصالون..
طبعآ الفترة دي يومي ببيت معانا لزوم مرتو نفساء وكده..

م اشتغلت بالموضوع كتير ..مشيت قرييت لانو ما ناقشه شي والله والامتحانات كبست..

بقى برنامجي بمش الجامعه اشيل حضور واتخارج سريع سريع...احيانآ ندى بترجع معاي واحيانآ بخليها مع باقي الشله ..

في الفترة دي الجامعه كانت مكهربببببه...موضوع اللونية ده بقى الشغل الشاغل ...

بقو جنهم نقاشات و مطاعانات واحيانآ بشتبكو بالأيادي

ما كنت شغاله بالموضوع كل همي كان امي...

الامتحانات جات والحمد لله الاوضاع هدأت في الكليه..بخش الامتحان وكنت بشوف الكلام غرييب جدآ ...بشتغل نص الاسئله ومن المراقب يقول : مضي نصف
..كلمة الوقت ما بكون قالها بلقى كراس الاجابات في يدو وبطلع طوالي وجرى للبيت

#صلو_على_محمد

#To_be_Continued

#خلقني_اسود

بقلم:fulla_Ali
-١٦-
يللا يا اولاد المدارس في ربي السودان وسهله
يللا شخبطوا في الكراريس اكتبوا الواجب وحله
دينق .. محمد احمد فاس وطوريه وزراعه
فاطمه .. ميري يبقي غنوه نيليه بشراعا
وردتين على يامبيو وورده ثالته على رفاعه
ييي بلادنا وكلنا اخوان سوداني بلادنا يايي
حرب .. بندقيه يخطفوا اللقمه الهنيه من اصابع طفل جائع امه حزنانة وشقيه

****
مره سلمت الوررقه كالعاده وطلعت جرى.
استاذ عماد ناداني قال لي عاوزك في مكتبي حالآ ¡¡

اضطريت مشيت وراهو ..ولمن دخلت قال لي اقفلي الباب واقعدي

قفلتو وقعدت وكنت بحرك رجولي لزوم مستعجله وكده..قال لي انتي جاريه كده لاحقه شنو ¡¡¿¡¿

قلت ليهو أسفه بس دي ما خصوصياتك ...

عاين فيني مسسسسافه وقال لي انا الأسف...اتفضلي

ولا انتظرت ولا دقيقه طلعت طوالي

كنت زهجانه زهج مبالغه..ندى نادتني من بعيد ..وقفت انتظرتها جاتني جاريه..قالت لي دقيقه نمشو سوا
قلت ليها ارح طيب

قالت لي بس عندي شغله في المكتبه..عاوزه أصور امتحانات

قلت ليها م بقدر انتظر انا

ومشيت خليتها واقفه زعلانه..بالجد ي جماعه ما بقدر انتظر ولا ثانيه..وصلت وجري على غرفة امي ...من دخلت فتحت عيونها وقالت لي : بركة الجيتي ..عاوزه مويه أشرب

طلعت بره وقفلت الباب بسرعه ...
واااي انا واي !!! اتخيلو شفايفها متششقه من العطش !!!

قلت حريقه في الجامعه وحريقه في الامتحانات ياخ !!!

جريت المطبخ والله ستر حبوبة كانت مافي كنت ارتكبت فيها جريمة !..اظن طلعت ولا حاجه.. جبت ليها مويه ..اول بللت ليها شفايفها بقطنه وانا ماسكه نفسي بالعافيه ما ابكي..حاولت اونسها واضحكها .. قلت ليها جابو لينا الامتحان صعععععب صعوبية الجن..قربت أزغرد هههههه

قالت لي ربنا شايف يا بتي وبأذن الله حتنجحي..
ما اديتها مويه بس بللت ليها شفايفها..ومشيت عملت ليها نشا جيت شربتها بالمعلقه ..واديتها حبة مويه..

بعدها نامت..عاينت في وشها مسسسافه...بالجد امي كانت آية من الجمال واظن كلكم بتعرفو كده...حاليآ عمرها كم وتلتين وشكلها شكل مرا في ال80من عمرها !!!

صحي المرض سلطان!!

***
وقت حبوبتي رجعت ربيتها معاها طبعآ
الا حجزتني منها صابرينا ...

تاني يوم ولا قريت ولا شي..ودي كانت مادة استاذ عماد...يوم الامتحان قدر ما صابرين حاولت معاي قلت ما ماشه ...
من شلاقتها شالت رقم الدكتور من الشيت واتصلت عليهو ...كلمتو بي اي شي واني م ماشه عشان امي عيانه ..

كنت بكنس الحوش سمعت جرس الباب..مشيت فتحت ولا لابسه طرحه زاتو وكنت زهجانه زهج الجن...

عاينت لقيتو ده هو...طوالي قفلت الباب وقعدت استغفر..

قلت اكيد عشان الليله مادتو اتهيئ لي...

تاني الجرس دقه...لقيت توب حبوبه مشرور شلتو لبستو وفتحت لقيتو هو زاتو

قال لي البسي سريع لانو زمن الامتحان جا

قلت ليهو ما قاريه شي و ما ماشه

قال لي عارف..برضو البسي احسن من تفوتي الامتحان ...وانتي زاتك ما قدمتي اي عذر للمسجل كيف تغيبي !

قلت ليهو الزمن فات بعد ده ما بلحق...

قال لي بتلحقي...يلا سريع

غايتو خشيت لي في عبايه وطرحه وشلت بطاقتي وقلمي وبس...طلعت لقيت عربيتو... مشيت ركبت معاهو واتحركنا

في الطريق ما اتكلمنا ولا حرف..لغاية وصلنا الجامعه واصلى الحرم الجامعي كان فاضي

دخلت الامتحان بعد 10دقايق من الزمن

حاولت لقطت شوية افكار واستخدمت مهارتي والحمد لله الاسئله معظمها حقت فهم..غايتو جاوبت 4من اصل 10

وجمعت الكراس وطلعت وجرى على البيت ...

مره كنا قاعدين امي قالت دايرة مويه...صابرين قامت تجيبها حبوبة قالت ليها في كرستاله خاتها تحت جيبيها اديها بيها ما تجيبي في كبايه..الكبابي كلهن خمجتوهن

هنا زاتو هجت فيها ..قلت ليها مشترياهم انتي الكبابي !!! اخديتهم انتي !!! امي تشرب بالشي العاوزه تشرب منو ما ليكي دخل انتي !!

امي نادتني وهمست لي اسكت عشان خاطرهااا ...طوالي سكت ودخلت الغرفه...

الاوضاع يومي ماشه من سئ لي أسوء...ياخ لمن تجي تصحيها كانت بتضربها في خدودها كأنو بتكفتها
امي كان بتصحى مخلوعه وبتبكي وبتقول ليها حرام عليك انا بي الله الله نمت !!

او احيانآ بتخت ليها الكرستاله وهي بارده...برضو بتصحى مخلوعه !

وانا شايفه وكنت بسكت ...قلت ما اتدخل بين ام وبتها..
يوم آخر امتحان مشيت لي ندى اعتذرت منها وفهمتها بحكاية مرض امي وكده...لغاية بكت وقالت لي مفترض كان اكلمها و ...و...

المهم راضيتها ..
الاجازه جات الحمد لله

قلت كده بقدر اتفرغ لأمي..

#صلو_علي_محمد

#To_be_Continued

لأكبر منك..كده ما صاح يا صبا

صابرينا جاتنا في الغرفه وقالت لي امي بتناديك

قشيت دموعي ومشيت ليها..قالت لي امشي اعتذري لحبوبتك

طبعآ كلامها صدمني وبس قعدت اعاين ليها

واصلت كلامها :عارفه امي غلطت معاي..وغلطت معاك ..بس يا بتي انا ما ربيتكم كده...
انتي اسي ما حتفهمي كلامي الا لمن تجيبي اطفال..لو اطفالك غلطو في حقي ده حيكون موقفك..

دموعي جو نازلات وغمضت عيوني شديييد..مسكت يدي بيدها وقالت لي: امشي الله يرضى عليك اعتذري منها وريحيني..

مشيت ليها غرفتها لقيتها قاعده وكافته وشها ...قالت لي ماشششه..راجيه خالك يجي يسوقني

قلت ليها حبوبة انا اسفه ما قصدي

نفضت لي يدي طوالي طلعت خليت ليها الغرفه..

#صلو_علي_محمد

#To_be_Continued

#خلقني_اسود

بقلم :fulla_Ali
-١٨-
يللا يا اولاد المدارس في ربي السودان وسهله
يللا شخبطوا في الكراريس اكتبوا الواجب وحله
دينق .. محمد احمد فاس وطوريه وزراعه
فاطمه .. ميري يبقي غنوه نيليه بشراعا
وردتين على يامبيو وورده ثالته على رفاعه
ييي بلادنا وكلنا اخوان سوداني بلادنا يايي
حرب .. بندقيه يخطفوا اللقمه الهنيه من اصابع طفل جائع امه حزنانة وشقية
****
عيالك قليلين ادب..ما عرفتي تربيهم يافاديه !! ما بقدمو الاحترام للأكبر منهم !! اسي في داعي بتك تطرد امي !!! وبعد ده ترفض تعتذر !!

ده خالي قال الكلام ده لي أمي بعد ما حبوبة اتصلت كلمتو بالمشكله الحصلت ...اتحرك جا الخرطوم وجات معاهو مرتو...كنت سامعاهو بشاكل سكت ساي ولا قلت ليهو عينك في راسك..

امي قالت ليهو يا صالح بتي جات اعتذرت ليها حتى اسألها

صالح : لا ما ينفع الكلام ده ..اسي تجي تعتذر قدامي وقدام فاطمه (زوجتو)
امي : لا ..صبا امس اعتذرت تاني ما بتعتذر
صالح : اصلآ انتي مدلعاهم ..عيالك ما محترمين ..و ..و..

وقت سمعت محاججتهم دي اضطريت امش اعتذر ليها تاني..وكالعاده نفضت لي يدى..
قلت لي خالي انا عملت العلي..امس اعتذرت ليها واسي قدامكم اعتذرت ليها وزي ما شايف عملت شنو

تاني إن جا الجيش ما بعتذر ...طوالي لبست و طلعت وركبت لي اقرب ركشه مشيت لي ندى ...

غايتو غيرت جو شويه وانا راجعه حصل موقف غاظني شدييييد !!!

الحافله الكنت راكبه فيها الكمساري كان من عيال الجنوبين ديل..ولد صغير كده عمر 10 ..13 ..واحد من ديل

في راجل طق طق عاوز ينزل..و وقت الهايس وقف الولد م فتح ليهو الباب...

طوالي السواق التفت وبدا ينبذ فيهو !!!

ما خلى ليهو صفحه ياخ !! جنس إهانة !!
شفت دمعة الولد واقفه في عيونو...بس حرم عليها النزول

نزل فتح للراجل الباب والراجل شغال يقول : براكم عملتوهم ناس وشغلتوهم معاكم ..الواحد ما يسوي قرش وبعد ده داير يقل أدبو...

انا من الغبينه نزلت طوالي ودموعي ديل عشرة عشرة..الولد عاين لي مسسافه وركب قفل الباب..

آخ من الدنيا آخ..آآخ يا قلبي
لييي !!! في شنو هو !!! ليي الناس دي بتعمل كده !! ليي التخلف والعنصريه دي لييي !!!! ياارب الرحمممممه !!

ما عارفه المسافه المشيتها كم وما عارفه متيين وصلت البيت...دخلت وانجدعت في سريري وقفلت وشي بالمخده ونمت ...نمت عسى ولعل ارتاح !!
*

مرت الايام والنتيجه طلعت..الحمد لله نجحت بالرغم من المعدل البسيط..الحمد لله

بعد النتيجه باسبوع الجامعه فتحت...نزلت وكنت مبسوطه ..امي شويه شويه بقت تتعافي وده فرحني شديد

وتاني في حاجه باسطاني...نزلت الجامعه وكان عندي هدف...هدفي كان انتزع الجهل من قلب كل مواطن سوداني . .اضحكو اي اضحكو

بعرف انو ده مستحيل...ولانو هو مستحيل انا حأعملو...لأني بأمن بعبارة بتقول : لا مستحيل تحت الشمس...

سمستر 2 مسكنا دكتور معاذ.. ياخ الدكتور ده !!!! اقول ليكم شنو وله شنو ياخ !

خليكم معاي
****

قانون سنة 1991..او بالأصح قانون العقوبات لسنة 1983م...فيهو. 192مادة

حندرس ال49الاولي وديل اسمهم القانون الجنائي العام..والبقيه القانون الجنائي الخاص

في العام عندنا مادة اسمها اسم القانون...حنبدا بيها ان شاء الله

انا معاذ فتح الله..خريج جامعة النيلين ..وبتمني انو نتعاون عشان انا استفيد منكم وانتو تستفيدو مني ..

شويه كده الباب دقه..شفنا هيلين واقفه وهيلين دي جنوبيه...استاذ معاذ رفع اصبعو وحركو مرتين بطريقه كلاسيكيه..
هيلين طوالي رجعت..

بعد كم دقيقه الباب دقه وكانت واقفه درة..درة دي طبعآ من ذوي البشرة الفاتحه...طوالي قال ليها ادخلي بعد ما زلاها عشان اتأخرت

انا هنا طوالي طقطقت ليهو يدي...ندى شغاله تقول لي بهمس : صبا لا..لا ما تجوطيها !!

ما اشتغلت بيها وقلت ليهو هيلين اسي جات ودقت الباب قبل درة..ليي ما دخلتها ودخلت درة !!!

طلع نظارتو وقال لي نعم!!!؟

قلت ليهو اظن كلامي واضح..ليي هيلين ما دخلتها المحاضرة !!

قال لي مس صبا..اظن ده ما من اختصاصك...

قاطعتو طوالي وقلت ليهو : بما اني طالبه في الكليه دي ده بيعني انو الموضوع من اختصاصي استاذ!

قال لي بعد سكت مسسسافه : انتي علي ما اتذكر من اول يوم ليك افتعلتي مشكلة وجابوك مكتب العميد انتي ومعاك كم طالب

قاطعتو وقلت ليهو ايوا صاح..والسبب الجابني مكتب العميد كان نفس الاسلوب الاتلقاهو الطالب داك..وسبحان الله..لاحظت انو الطالب داك وهيلين ليهم نفس لون البشرة...

قال لي واستنتجتي شنو !!؟

قبل ما اتكلم قال لي استنتاجك صاح استاذه... ممكن تتفضلي بره !

ولا كضبت شلت حاجاتي وطلعت

#صلو_علي_محمد

#To_be_Continued

حبابي في الله***

انا كان بجيني الشعور ده...او ممكن أختصر الشرح أعلاه في كلمة قلبي كان مقبوض..والله يستر بس

اليوم ده أصلا شوم بالنسبه لي دفعتنا لأنو بنكون شغالين اليوم كلو 4محاضرات زي سم الفار.لا هو ريحك لا هو قتلك..بس تتغلغل كده لمن تآمن براك..

المهم..اخدنا اتنين ...وطلعنا نصلي الضهر ...المصلى حق النسوان لصق مع جامع الرجال...شفت دكتور عماد وهو متوضئ بتكلم بالتلفون وكان باين عليهو الضيق..ما عارفه ليي وقفت بعاين فيهو زي الهبله ..انتبه لي وطوالي زح من مكانو...

ندى جاتني وعملت لي الحركة ديك قدام وشي وقالت سرحانه وين؟؟؟

قلت ليها ما عارفه انا زاتي..ضحكت وجرتني من يدي مشينا صلينا..

في بت جات نادت ندى ..قالت لي دقايق وبجيك..

طلعت معاها وبعد شوية جات ترجف وكان ظاهر عليها انها بكت وقشت دموعها...قالت لي : المحاضره اتنكسلت..ارح نمش..
قلت ليها عندي بحث ما تميتو ..بتمو وبمش مره واحده عشان انا قاعده في المستشفي الفترة دي مع أمي..

ندى غمضت عيونها شديييييد كأنها هربت من آخر كلمة انا قلتها..قالت لي البحث بتمو ليك انا قومي ارح

طلعنا وانا محتارة فيها..وسبحان الله نهائي ما حسيت بحاجه ..حتى كنت بغني : ويلوه ..ويلوه واااسواد ليلوو..لو معي يلعب بديلووه ويلوووه

ندى : صوتك قبيييح حلفتك اسكتي يا صبا..

ضحكت وقلت ليها سمح
استاذ عماد كان واقف بره وقال لينا ارح أوصلكم ...ركبنا معاو وكان في لحظة صمت رهييييبه...فجأه تلفونو ضرب ردو وكلامو مع المتصل كان بتحفظ..بعد قفل غير اتجاه عربيتو وكان متوجه على بيتنا ...
قلت ليهو انا ماشه المستشفى ما بيتنا !!
ما رد لي ..ندى قالت لي خلينا نمشو نرتاح في بيتكم بعدين نمش سوا...ياهو سكت

#صلو_على_محمد

#To_be_Continued

محمد

#To_be_Continued

لي صبا انتي بتتكلمي جد !!

ابتسمت ومسكت يدو بستها...قلت ليهو بس على شرط...أقسم ليها بيتها الخاص..نهائي ما حتقعد معانا..وانا أخدت القرار ده عشانك انت ما تتجهجه بيناتنا وبينها ..
قال لي : أمك كانت الجميله المستحيله بالنسبه لي..أمك حاربت العادات والتقاليد عشان تكون معاي ونجحت...اتحملت قسوة أمها حتى وقت العرس جهزت نفسها بنفسها وصبرت واحتسبت...وانا جازيتها بأني عرست فيها..دي أكبر غلطة أنا عملتها لكن برجع وبقول دي إرادة ربنا كده..
قلت ليهو انت عارف أمي ما بتكرهك..ولا كرهتك حتى ويستحيل انها تكرهك..البحب ما بكره يا أبوي
قال لي والبحب ما بأزي البحبو يا بتي !! أنا غلطت في حق أمك !!
دفن وشو بي يدو وكان ببكي...انا كمان بكيت معاهو

أمي إتعذبت كتييير ..موضوع أمها ومرضها .. وعرس أبوي !!
عشان كده ما عارفه هل قراري ده غلط ولاصاح..وهل أمي بتكون زعلت مني ؟؟؟
لكن انا متأكده لو هي كانت في مكاني كان عملت كده كمان..ربنا يرحمها.

#صلو_على_محمد

#To_be_Continued

ا عجبها الموضوع..
قلت ليها قص....ندى أخير ليك !!

ندى : أجييي يا اخواني..انا اسي قلت اسمك ولا جبت سيرتك !!

جانا واحد أسمو علوي سلم علينا وقال وفي عيونو لمعه : في حفله

قلت ليهو شنو؟؟

قال لي D j حفله !! زنقه يا صبا زنقه !
قلت ليهو بطل تحاكي برهومي وفك البحصه

قال لينا حفله الخريجين....

ندى : وبتكلمنا لي؟؟
علوي : رائيكم شنو نقدم فقرة؟؟؟ هم جايبين عقد الجلاد وجايبين الجميله الفريده نانسي

قلت ليهو ونحن نقدم شنو قدام العمالقه ديل؟؟؟

قال لي مسرحيه
طيب وهي متين حتكون ؟؟؟

قال لي تلاته أسابيع ..يعني بعد الامتحانات ..
قلت ليهو خير طيب..ادونا الجديد ومعاكم بأذن الله

علوي مشى مبسسوط وانا واصلت إنبساطة بس فجأه خمشت ندى من ياقتها : بعد الشنو !!!!
ندى : يا بت مالك !

علوي قال الامتحانات متين !!

ندى : الأحد ده...نعلو ما شفتي الجدول !!

لالا كتمت فيني...والسنه دي ربيت لامحاله

#صلو_على_محمد

#To_be_Continued

ما حأوافق

أستغربت ليي !!

قال لي انتي كنتي اول فرحه لي...لو ما عرست لأميرتي أول ماف زول حيعرس

قلت ليهو ما تقول كده يا ابوي ..انا قسمتي لسه وما مستعجله ليها زاتو

قال لي في النهايه القرار قرارك..لو ما موافقه على الخطوبة ما حتتم..وأصلا كده كده عرس ماف لغاية تخلص جامعه

طلعت من أبوي وانا مبسسسوطة ...كده الموضوع بقى تحت سيطرتي...وحنشوف يا سي طارق

او شي عملتها مشيت غرفة صابرين...قلت ليها عاوزه اتكلم مع طلال )

استغربت بس إتصلت عليهو...انا كنت متأكده 100%انو زفت طارق موجود...
اول صابرين اتكلمت معاهو بعدين ادتني ليهو...وقت اتكلمت معاهو لقيتو زول طيب وعلى نياتو ...وهو عكس طارق تماما ...داك شرير وقاسي وكانت دي نقطة في صالحي لأنو معظم الناس الزي ديل بكون عندهم حنيه من جهة الأسرة..بس ما قدرت أفسر ليي عمل كده مع وجن لدرجة يحرما من الجامعه !!!
انا بتعرف على طلال قال : وعندي طارق اخوي الكبير العصبي ذو الأتجاه الواحد ..و وجن ودلوعتنا ولاء صحبة اختك...

سمعت صوت بقول ليهو : بتتكلم مع منو !! معقوله صابرينا ما بتعرف أسرتنا !

ضحك وقال لي : شفتي شفتي..ما قلت ليك عصبي ودقري !؟

قلت ليهو كدي اديني ليهو دقايق...

صاح انا هنا عفصت كرامتي بس أصلا ده كان هدفي و وصلت ليهو...

طلعت بره الغرفه وانا عامله نفسي نظام مشغوله وكده ....قلت ليهو طارق !! صدفه سمحه موش؟؟
قال لي منو!؟!
قلت ليهو بغض النظر عن صوتي الحلو المألوف بالنسبة ليك اظن عرفت انو انا اخت الجيتو طلبتوها
سكت وما رد ..اظن فهم انا برمي ليشنو وطوالي أستغليت الفرصه : تصدق بابا قال لي شنو؟؟؟ ضحكت وقلت :حسب شخصيتك ما حتقول لي شنو عشان كده حأواصل ...بابا حبيبي قال : انتي الاخت الكبيرة...ولو ما عرستي اول ماف زول حيعرس...وقرار الموافقه في النهايه حيكون في يدك انتي...

طارق :وانا مال أهلي بيكم !! إسطفلي انتي وابوك !

ضحكت وقلت ليهو طيب ركز معاي ....انت و وجن اخوان...وانا وصابرينا اخوان...وانت و وجن و ولاء صحبة صابرينا اخوان....وانت و وجن و ولاء وطلال العاوز اختي اخوان...واختي وانا اخوان ومعانا صابر اظن بتعرفو

قال لي بطلي لف ودوران !! انتي عاوزه تصلي ليشنو !!
قلت ليهو : انا زاتي ما بحب اللف والدوران..لكن باختصار كده اخوك واختي ما حيتزوجو مالم وجن ترجع لجامعتها

و واصلت : ومالم وجن ومهند يتزوجو

هنا قام ضحك لمن إتشرق..قال لي : والله غلط الأهل السودانين انهم بخلو الشفع يحضرو زي ألوان كتير...امشي نومي يا بتي اكيد صرفتي طاقه...وانا على حسب اننا حنبقى أسرة حأعتبر نفسي ما سمعت كلامك

قلت ليهو القال منو حنبقى أسرة ؟؟؟؟ ما عارفه ليي انت وافقت لكن هل لاحظت للون بشرتي انا وابوي ؟؟

قال لي انا شفت لون صابرينا فالبقيه ما مهمين
طبعا زعلت زعل...قلت ليهو ما دام ده ردك...يبقى خطوبة ماف ..وقفلت الخط والتلفون ودخلت لي صابرينا قلت ليها : تنسيهو فاهمه !

قالت لي منو!!!!!

قلت ليها طلال...انسيهو ..واوعاك يا صابرينا أسمع انك قابلتيهو او اتكلمتي معاهو اووعاااك !!!!!وقسما ما اتكلم معاك تاني !

طلعت خليتها بتبكي وانا ما عارفه ليي اتكلمت معاها بالقسوة دي !!!

يارب الرحمة

#صلو_على_محمد

#To_be_Continued

و تتكنسل !! لالا ما حتتكنسل..
علوي : ماف خيار
قلت ليهو في جزر خليك من خيار..
حمر لي وقرب يديني بوكس..قلت ليهو قصدي حل جزري للموضوع...واصلت كلامي : انا حجيب ليكم مادة دسمة ..الراي شنو؟؟؟

ندى : امممم من وين؟
قلت ليها من السوق

ندى : علوي أديها البوكس حلفتك !!

علوي : بديها البوكس لو ما جابت لي الماده الدسمه خلال 24 ساعه !!وإلا إعتبري نفسك مطروده !
وقت لقانا انا وندى بنعاين ليهو بإستغراب من انو إتغمص الدور حق مدير الشركة قام انسحب طوالي
عاينت ليها قالت لي : ولا كلمة ! انتي أضرب منو على فكرة..كلكم ما نصاح

قلت ليها : تفتكري أجيب ماده نوعها شنو؟؟؟

ندى : فتشي ألوان الفن يا حبه

بعد ما سرحت لي 34ثانيه قمت بوستها وانا بصرخ في أضانها...ما أظن ندى تكون شمت زول في حياتها زي ما شمتني في اللحظة دي والتوو...
لكن بوستي وصرختي كانت رد فعل لكلام ندى...ألوان الفن...
الوان...
ابيض..أسود
#Racism

الترجمه : #العنصرية

#صلو_على_محمد

#To_be_Continued

دفة حياتنا
الناس اعتبرت اللون هو اهم صفاتنا
لو كنت أسود تلاقي الزل والهوان

)في المقطع ده جات هيلين وبحركة دراميه كأنها دقت الباب والأستاذ آشر ليها بيدو تمش ..مشت وهي مدنقرة راسها)

أما أبيض ليك الأحترام ..والآمان
)في المقطع ده جات درة ودقت الباب والاستاذ آشر ليها تدخل..ودخلت مبسوطة وهي بتعاين للون يدينها بفرحه)


الاغنية :
حياتنا بقت تتحكم فيها فوبيا الألوان
ومافي خيار غير الصبر حتي يحين الآوان

الطلاب اللفي المسرح كانو واقيفن بطريقه دراميه اي زول في مكانو كأنهم أصنام..ظهر علوي والاغنية بتقول :
رساله لي آماني ولي هبه ولي حليمه
اوعه تنقادي ورا البياض سمعتي يا فهيمه؟
كريمات ولوشنات عشان تبقي بيضاء!!
ما تنسي انو السمار من ربنا عطاء
لا تغيريه وتفسخي لا تصيري حمقاء
واحمدي الله رب الأرض والسماء

ضلم المسرح إلا من الهايس

..)في المقطع ده السواق والراكب كانو بشاكلو في ود كمساري أسود بطريقة درامية صامته وهو كان قافل وشو بيدينو كأنو ببكي )
فجأه بزح يدو في مقطع :
)عبيد.خدم ...عباره تدل ع الغشم
مهما يكون الجنه لي أبليس آخر عشم )

hey you my skin true black...but my heart is white and yours is black
🖤🖤🖤

hey you my skin true black...but my heart is white and yours is black
ظهرت في آخر الأغنية : حاولت افهمكم من خلال غنيه وروايه
انو اللون الأسود من ربنا هبايه
وانو الزول ما بقيمو من شكلو أوهوايه
وانو نحن عند ربنا سوا في النهايه

وانو المؤمن لأخوهو.. لازم يكون مرايا

وانو نلسون في افريقيا للسود رفع رايه
ومارتن في امريكا للسود عمل حكايه
وانا (فله علي) كتبت ليكم روايه
(عبيد ..خدم...عباره تدل ع الغشم
ومهما يكون الجنه لي أبليس آخر عشم
عبيد..خدم ..عباره تدل ع الغشم
ومهما يكون الجنه لي أبليس آخر عشم )
hey you my skin true black...but my heart is white and yours is black...
🖤🖤🖤
hey you my skin true black...but my heart is white and

yours is black

بعدها المسرح ضلم....ونور بعد ثواني وكنا واقفين كلنا...يعني الناس كانت ساكته بس !! ماف شي بيتحرك حتى كمرات المصورين...

الصراحه خفت يكون العرض آووفر وانهم ما يكونو حبوهو بس كنت مخطأة...استاذ عماد قام وهو بصفق ومزهول...
بعدو الأستاف حق التدريس قامو والضيوف الأجانب والعرب كذالك وباقي الطلاب والخريجين...
عن كمية التصفيق والتصفير ما قادرة أوصف... وبس دموعي بقت تجري وانا شايفه زملاني بعاينو لي بفخر..
مهند كان برضو ببكي...قال لي أقول كلمة الختام...صراحه ما اتوقعت حاجه زي دي وما كنت محضرة حاجه..بس عشان ما أخذلهم وقفت...

#صلو_على_محمد

#To_be_Continued

#كسرة..
قبل ما أمش..الروايه دي اخدت زمن طويل قبل تجهز لسبب..انو كنت عاوزه الحلقة دي بالذات تطلع بإغنية...حتى اتفقت مع مغني راب يغنيها ليها عشان انزل الحلقة برابط الأغنية بس ما أتوفقت فيها..عشان كده بتمنى أكون وصلت إحساسكم بمخيلتي ....دمتم لي ❤

انا مبسوطة بالضربة الأديتها ليهو...

تم الجرتق والخطوبة ...رجعنا البيت بعد ما أصرو اننا نبيت عشان نودع العرسان بس انا اكتر واحده اعترضت .

الليله ديك ما نمت نهائي..جاتني فكرة قلت حكلم بيها أبوي الصباح

الصباح عملت الشاي البقى أساسي يتعمل في بيتنا...شاي لبن بنعناع..
لمن نشربو بنحس أنو أمي عايشه معانا ...
كلمت أبوي بما إنو.نحن مؤجزين يسمح لي امشي الأجازه لناس عمتو ...
وبالرغم من إعتراض أخواني بس أنا أصريت..وفعلا كان لي هذا..
...
*

بمجرد ما وصلت الابيض قفلت تلفوني ورميتو في ظلمات الشنطه..

ارتحت وتاني يوم مشيت لعناب...صاح ما اتواصلت معاي من وقت آخر مره وأسي مرت زي سبعه سنه كده بس ماف عتب بين الأصحاب..

اتفاجأت لمن لقيتها اتزوجت وسافرو أمريكا..
اتونست مع حبوبتها مسسسافه لغاية سمعت استئذنت مني ودخلت المطبخ

سرحت في شجرة التبلدي لغاية سمعت الصوت الما بغباني..أستاذ عماد "!!

كان شايل نفس البت الجا بيها اليومداك ..سلم علي وقعد
قلت ليهو اسمها منو¿¿¿

قال لي جيتي متين¿¿

أبتسمت وقلت ليهو لي يوم يا داب..قلت أجي أشوف عناب بس ..

قال لي عناب همومها كتييييرة يا.. عشان كده ما تلوميها

اتغاضيت عن يا....دي وقلت ليهو هموم زي شنو¿¿
قال لي ولدها عندو ثقب في القلب...وعمرو يا داب تلاته شهور وعمليتو صعبه أسي..
قفلت يدي بخشمي ودموعي جات نازله

قال لي عشان كده ما تلوميها..الغايب عزرو معاهو يا استاذه ...

أستغربت لييي ما بقول إسمي ¡¡¡ لغاية سمعت صوت واحده بتنادي : صبا !!
قربت ألتفت بس البت الكان شايلها أستاذ عماد سبقتني..نزلت منو وجرت على مصدر الصوت !!!

ألتلفت وشفت واحده سمراء عشرينيه كده جمييييله جمال مبالغه..وقت شافتني جات سلمت علي

نهائي ما اتعرفنا على بعض بس سلمت ومشت وكان باين عليها مستعجله..

عاينت ليهو وهو قال لي : ماضينا سوا . ..وشبه العلاقة البيناتنا ...انا ما نسيتك ولا لحظة...وسميت بتي عليك وهي أول مولود لي...
مسحت دموعي وما اتكلمت...كنت عاوزه اقول ليهو السلسل الهديتو لي لبستو لمن زيتو طلع..وللأن محتفظة ببقاياه ..لكن ما مهم الكلام ده أسي..عماد كون أسرة وعندو بت زي القمر...وما بنسى انو
سماها علي ..

- بعد مشيت إسبانيا حصلت معاي قصة عجيبه...قصه حلوة انتهت بالعنصرية واظن عرفتي النهايه كيف .

بعد خلصت ماجستير نزلت الخرطوم وقابلت هاله بالصدفه...هي طبيبه ومن أميز الدكاترة في جامعة الخرطوم...وحبيتها واتزوجنا..وجبنا بت انا أخترت ليها أسم صبا

قلت ليهو وزوجتك ؟؟؟

قال لي ما عرفتكم لأنها بتعرفك ...تتذكري يوم الأحتفال؟؟؟ كانت موجوده

بعد شوية جات هاله شايله صبا الصغيرة..قعدت معانا واتونسنا كأننا أسرة واحده
لوهله حسيت انو عماد اخوي..وهاله مرت اخوي..
حتى صبا الصغيرة شعرت بالإلفة وكل ثانية خاطفه تلفوني وجارية...كان يوم حلو خالص...

توالت مقابلتنا وزيارتنا حتى انا وهاله بقينا صحبات..بس للأسف..جا اليوم السافرو فيهو ورجعو الخرطوم..وتاني الملل إتسرب في حياتي...
جامعتي كان فاضل ليها 10يوم وقررت ارجع الخرطوم...

#صلو_على_محمد

#To_be_Continued

مشيت بخطوات بطيئة...وئيدة...مرعبه...بخطوات خايفه من المجهول !!! واتسعت حدقاتي قبل ما تقفل وتروح في ثبات عميق

❤
#كسرة
مؤلم لما نعرف قيمة الحاجة وقت نفقدها..

بس الأكتر إيلام لمن تكون الحاجه دي زول عزيز على قلبك...

#صلو_على_محمد

#To_be_Continued

لحظة الحأقول فيها انا بحبك يا طارق !!!

طلال قال بعد سكات دام 15يوم :

بعد وصلناكم مشينا سهرنا مع الشباب..طارق كان مبسوط شديد وقدر ما حاولو معاهو يتكلم عن السبب بس هو كان رافض

انا كنت عارف انو بحبك وناس البيت زاتهم بس كنا عاوزنو يكسر غرورو ويعترف

ونحن راجعين البيت طارق كان سايق.. امي اتصلت عليهو تسألو لانو اتأخرنا..قال ليها جايين في الطرييق ..بعد خلص خت التلفون جمبو وكان مفتوح ..لمحت صورة بت طوالي شلت تلفونو مد يدو عشان يشيلو مني بس انا لزيتو وبحركة عبيطة مني شفت الصورة كانت ليك اظن الطقتها ليك في نفس اليوم..

كنت بقول ليهو بتحبها !! اعترف بتحبها "

وهو بقالعني وعاوز يشيل تلفونو...ما انتبهنا للشريحة الجايه علينا والضوء شوش لينا الرؤيا وآخر شي سمعتو صرخ بأسمك !!!

وقفت وانا مزهولة بالكلام السمعتو...طلال صاح اتكلم بس زي ما بقولو صمت دهرا ونطق كفرا ...

قلت ليهو يعني انا سبب الحادث!!!! انا !!!
طلال خت وشو بين يدينو وقعد يبكي...

قلت ليهو قبل 20سنه بسبب قسمة اني اتولد امي وابوي اتزوجو..وبالسبب ده امي مرضت وماتت...
اسي طارق!! ليي اي زول بحبو بتحصل ليهو حاجه !!! لييي !!!

سمعنا انا وهو صوت بكاء التفت لقيتها صابرين..

كانت ماسكة التلفون وبتبكي..قلت ليها في شنو !!! مالك يا صابرين !!!

قالت لي : دي نجاة قالت انو طارق....

#صلو_علىمحمد

#To_be_Continued

فقو )

أحساس جميل جدا لمن تلقى الحب..لكن الأكعب انك تفقدو..

حبيت مرتين ..والحب أصلا ما عيب

التانيه حكيت ليكم عنها في مقال طويل وعريض..اما الاولى ما لقيتها..او ممكن تقولو ختيتو اعجاب الطفوله ويستحيل يبقى حب بعد السنين دي...لاقيتها بعد كم سنه

ما اتغيرت نهائي..نفس الشغف ..نفس الإصرار..كانت أنثى قوية ممكن تتحدي العالم كلو عشان تثبت وجهة نظرها الأصلا هي صاح..لكي السعادة أينما كنتي

عرفت انو الكلام ده كان قاصدني بيهو..فرحت شديد وعرفت وايقنت بعد السنين دي كلها..انو كل شي قسمة ونصيب فعلا ..

والتالتة ربنا يحفظها لي أم اولادي ..الحضن الدافي لي والوطن والملجأ ...ما حأطول عليكم لكن عندي أمنية...وهي انو العنصرية تصاب بسرطان وتموت
صفقو ليهو الطلبة وجزء منهم كان بصفر ...
عملو لي مؤتمر صحفي و تكريم ولبسوني وشاح بمناسبة النجاح الحققو الكتاب والجائزه النلتها
****

طلعنا من القاعه كلنا وبالرغم من إني كنت مبسوطة لكن أستهتار ابو فادية وعدم جية طلال و وجن خلاني ازهج ..

وقفنا بره كتييير لانو كمية كبيرة منهم اتصورو معانا انا وعماد..

بعدها هرب وعربيتهم اتحركت

ابوي وزوجتو وصابر وحمودي وفادية اختي الصغيرة (ابوي كمان سمى فادية) برضو اتحركو
فضلنا انا وبتي العمرها 3سنوات
اتصورنا لمن الله غفر لينا ..ما حبيت احرج زول
حاولت افتح العربية المفتاح عصلج معاي..
فجأة سمعت زول قال : انا من أشد المعجبيين..ممكن أخد معاك سيلفي ؟؟؟

التفت لقيتو بارك علي ركبتو هو وبتو وشايلين بوكيه ورد ومغمضين عيونهم ...منظرهم كان مضححححك لدرجة..عشان كده قعدت اضحك

قام شال بتو و نفض بدلتو وقال : ربنا ما يحرمنا من ضحكتك ياخ

ابتسمت وهو واصل : الف مبروووك يا فخري وام بتي
اتذكرت انو ما جا حضر التكريم طوالي صريت وشي وقلبت خلقتي
- ااخ من القباحه
صريت وشي أكتر قام قال : بس ما أقبح مني مش؟؟

حضنتو طوالي وقلت ليهو اوعه تقول لي نفسك قبيح فاهم !! والله تقول كده تاني اموت اخليك انت وبتك!!

قال لي بعد الشر عليك..انا أسف لأني خذلتك

تاني زحيت منو وقلت ليهو متعوود اي حاجه تخصني انت تستهتر بيها !!

قال لي والله عندي عذر !

قلت ليهو اديني بتي و أختاني!
قال لي أسسسسسف حقك علي

قلت ليهو لا إله إلا الله!!

-محمد رسول الله

يلا أختاني
والغبية الاسما صابرين وراجلها برضو بديهم حقهم

#صلو_على_محمد

#To_be_Continued

ﺩﻱ ...
ﺭﺑﻨﺎ ﻳﺼﺒﺮﻧﻲ ﺑﺲ ..
ﻋﻤﻠﺘﻪ ﺍﻟﻌﺼﻴﺪﻩ ﻗﻄﻌﺖ ﻗﻠﺒﻲ ﻭﺍﻟﻠﻪ .. ﻣﺸﻴﺖ ﺭﻗﺪﺗﻪ ﺷﻮﻳﻪ ﻛﺪﻩ ﺗﻠﻔﻮﻧﻲ ﺩﻗﻪ .. ﻟﻘﻴﺘﻮ ﺭﻗﻢ ﺷﺎﻫﻴﻦ
ﻗﺎﻝ ﻟﻲ ﻡ ﺃﻛﻮﻥ ﺻﺤﻴﺘﻚ ﻣﻦ ﺍﻟﻨﻮﻡ ﻣﺲ ﺟﻮﺭﻱ؟؟
ﻗﻠﺖ ﻟﻴﻬﻮ ﻻﻻ .. ﺃﺻﻶ ﻛﻨﺖ ﺻﺎﺣﻴﻪ ..
ﻗﺎﻝ ﻟﻲ ﺻﻮﺗﻚ ﻡ ﻋﺎﺟﺒﻨﻲ .. ﻡ ﺗﻜﻮﻧﻲ ﻋﻴﺎﻧﻪ ﺑﺲ؟؟
ﻗﻠﺖ ﻟﻴﻬﻮ ﻋﻤﻠﺖ ﺍﻟﻌﺼﻴﺪﻩ ﺗﻌﺒﺘﻨﻲ ﺷﻮﻳﺔ ..
ﻗﺎﻝ ﻟﻲ ﺑﺈﺳﺘﻐﺮﺍﺏ : ﺍﻧﺘﻲ ﺑﺘﻌﺮﻓﻲ ﺗﻌﻤﻠﻲ ﻋﺼﻴﺪﻩ !!!
ﻗﻠﺖ ﻟﻴﻬﻮ ﺍﺍﺍﻱ ... ﻭﻣﺴﺘﻐﺮﺏ ﻟﻴﻲ ! ؟؟
ﻗﺎﻝ ﻟﻲ ﻻﻻﻻ ﻡ ﻣﺴﺘﻐﺮﺏ ﻭﻻ ﺣﺎﺟﻪ ..... ﻭﻭﺍﺻﻞ :
ﻃﻴﺐ ﻭﻣﺮﺓ ﺍﺧﻮﻙ ﺷﻐﺎﻟﻪ ﺷﻨﻮ ¿
ﻗﻠﺖ ﻟﻴﻬﻮ ﺍﻃﻔﺎﻟﻬﺎ ﻟﺴﻊ ﺻﻐﺎﺭ ..
ﻗﺎﻝ ﻟﻲ ﺧﻼﺹ ﺍﺭﺗﺎﺣﻲ ﺷﻮﻳﻪ ﻭﺑﻌﺪﻳﻦ ﺣﺄﺗﺼﻞ ﻋﻠﻴﻚ ... ﺯﻳﻨﺔ ﻋﺎﻭﺯﻩ ﺗﺴﻤﻊ ﺻﻮﺗﻚ ..
ﻗﻠﺖ ﻟﻴﻬﻮ ﺣﺎﺿﺮ ﻭﻗﻔﻠﻨﺎ ﻋﻠﻲ ﻛﺪﻩ ‏( ﻃﺒﻌﺂ ﻛﺄﻧﻲ ﻣﺨﺪﺭﺓ .. ﻡ ﻗﺪﺭﺕ ﺍﺭﻓﺾ ﻧﻬﺎﺋﻲ ‏)
ﻭﺍﻧﺎ ﺭﺍﻗﺪﻩ ﻗﻤﺘﻪ ﻓﺠﺂﺓ .. ﻳﺎﺭﺑﻲ ﺍﻧﺎ ﻛﻠﻤﺘﻮ ﺑﻲ ﺃﺳﺮﺗﻲ ؟؟
ﺗﺎﻧﻲ ﻗﻠﺖ ﺍﺣﺘﻤﺎﻝ ﻛﻠﻤﺘﻮ ﻳﻮﻡ ﻭﺻﻠﻨﻲ ﺍﻟﺒﻴﺖ ﺩﺍﻙ ...
ﺃﺗﺬﻛﺮﺗﺔ ﺣﻠﺔ ﺍﻟﻤﻼﺡ ﻗﻤﺘﻪ ﺳﺮﻳﻊ ﺳﺮﻳﻊ ﺣﺼﻠﺘﻬﺎ ﻋﺸﺎﻥ ﻣﺎ ﺗﻠﺤﻖ ﺍﻟﺒﻠﻴﻠﻪ
****
ﺑﻌﺪ ﺍﻷﻓﻄﺎﺭ ﻓﺘﺤﺖ ﺍﻟﻔﻴﺲ ﺍﻭﻝ ﺷﻲ ﺍﻧﺎ ﻣﺘﻌﻮﺩﻩ ﺑﻔﺘﺢ ﺍﻻﺷﻌﺎﺭﺍﺕ .. ﻟﻘﻴﺖ ﺃﺷﻌﺎﺭ ﻣﻦ ﺃﻣﻴﺮ ﻣﺪﺭﻳﺪ ﺩﺍﻙ ﺃﻧﻮ ﻗﺎﻡ ﺑﺎﻟﺮﺩ ﻋﻠﻲ ﺗﻌﻠﻴﻘﻚ ... ﻓﺘﺤﺘﻮ ﻟﻘﻴﺘﻮ ﻛﺎﺗﺐ : ﺑﺲ ﺍﻧﺎ ﺭﻳﺎﻻﺑﻲ ..
ﻡ ﺍﺷﺘﻐﻠﺘﻪ ﺑﺎﻟﺘﻌﻠﻴﻖ ﻭﺷﻮﻓﺘﻪ ﺑﺎﻗﻲ ﺍﻻﺷﻌﺎﺭﺍﺕ ﻟﻘﻴﺖ ﺃﻣﻴﺮ ﻣﺪﺭﻳﺪ ﻳﺮﻳﺪ ﺍﻟﺘﻮﺍﺻﻞ ﻣﻌﻚ ..
ﻃﺒﻌﺂ ﻋﺎﺩﻱ ﻣﻤﻜﻦ ﺗﻔﺘﺢ ﺍﻟﺮﺳﺎﻟﻪ ﻭﻡ ﻳﻌﺮﻓﻚ .. ﻓﺘﺤﺘﻬﺎ ﻭﻟﻘﻴﺘﻮ ﻣﺮﺳﻞ ﻟﻲ ﻓﻴﺪﻳﻮ .. ﻭﻗﺖ ﻓﺘﺤﺘﻮ ﻟﻘﻴﺘﻬﺎ ﺍﻟﻐﻨﻴﺔ ﺣﻘﺖ ﻫﻲ ﻱ ﺑﺒﺎ ﻱ ﻋﻠﺐ ﺍﻟﻤﺮﺑﻲ
ﻃﺒﻌﺂ ﻣﺴﻠﺴﻞ xx ﻻﺭﺝ ‏( ﻃﺒﻌﺂ ﻣﺴﻠﺴﻞ ﻓﻈﻴﻴﻴﻴﻴﻊ ... ﻣﺎ ﺑﺘﻌﺠﺒﻨﻲ ﺍﻻ ﺃﻟﻤﺎﻇﺔ ﻫﻬﻬﻬﻬﻬﻬﻊ ‏)
ﻗﺒﻞ ﻣﺎ ﺃﺭﺩ ﺳﻤﻌﺘﻪ ﺟﻤﺎﻧﻪ ﺑﺘﺒﻜﻲ ﺗﺤﺖ .. ﻗﻤﺘﻪ ﻧﺰﻟﺖ ﺳﺮﺭﻋﻪ ﻋﺸﺎﻥ ﺍﺷﻮﻑ ﺍﻟﺤﺎﺻﻞ .. ﻧﺰﻟﺘﻪ ﻭﻟﻘﻴﺖ ......
ﻳﻼ ﺍﻟﺤﺎﺻﻞ ﺷﻨﻮ !!! ﻭﻟﻘﻴﺖ ﺷﻨﻮ ﺩﺍ ﺣﻨﻌﺮﻓﻮ ..
ﺑﺲ ﺣﻠﻔﺘﻜﻢ ﻣﺎ ﺗﺘﺨﻄﻮ ﺍﻟﺼﻒ ﺣﻖ ﺍﻟﺒﻨﺰﻳﻦ ﻭﻛﻮﻧﻮ ﺳﻮﺍﻗﻴﻦ ﻣﺆﺩﺑﻴﻦ ﻳﻼ ﻳﻼ ﺃﻗﻴﻔﻮ ﻓﻲ ﺍﻟﺼﻒ ..
#ﺻﻠﻮ_ﻋﻠﻲ_ﻣﺤﻤﺪ
#To_be_Continued