يييه ما دخلتني ولأ ما عندك الرغبه تقرئي 😓 قلت ليهو لااا بحب أقرأ وفي التجريبي أحرزت 96 % حسام إتفاجأ قال لي طيب ليييه ما واصلتي تعليمك ؟؟ قلت ليهو عشان الجامعه كعبه وفيها مخدرات 😓 قال لي القال ليك كده منو 😳 ؟؟ قلت ليهو محمد قال لي ما كل الجامعات كده وده حسب تربيتك طيب رأيك شنو أساعدك تدخلي جامعه كويسه قلت ليهو لااا انا كده مرتاااحه بالشغل ✋ قال لي طيب ممكن نكون اصدقاء قلت ليهو انا اصدقاء بنات ما عندي وهسي اصاحب ولد 😏 قعد يضحك قال لي ما فيها حاجه واثناء ما بندردش قال لي طيب لو قلت ليك عايز رقم تلفونك 😊 !! قلت ليهو طبعآ لااا قال لي احتمال احتاج ليك في خدمه وعشان تردي لي جميل محمد اخوك 😊 قلت ليهو اول ما عندي تلفون وتاني يعني ح تزلني بالعملتو لي 😏 قال لي العفو ما قصدي بس كيف ما عندك تلفون ؟؟ طيب من باب الخوه عندي تلفون مستعمل ممكن تشيلي وتشتري شريحه قلت ليهو لااا شكرا تلفون امي كفايه ✋ قال لي بس ده ما بينزل الواتس وانا عايز اتواصل معاك
رايك شنو نبدل التلفون وتقولي لأمك في واحد كسر تلفوني وعوضني بدلو 😊 قلت ليهو بس انا ما اتعودت اكذب علي امي 😒 قال لي دي كذبه بسيطه وفعلا أقنعني بدل التلفون وعمل لي تسجيل في الواتس وكتب رقمو قال لي كده ممكن الواحد يتواصل معاك 😍 قلت ليهو رسل لي بعد الساعه 9 مساء عشان التلفون الصباح مع امي قال لي تمام ✋ وفعلا وصلت البيت وحكيت لأمي الكذبه وبعد ده كلو شاكلتني قالت لي ما كان تشيلي تلفونو ونحن ربنا بيعوضنا 😓 ومن الساعه 8 وانا ماسكه التلفون ومنتظره حسام وفعلا الساعه 9 رسل ودردشنا مع بعض وكنت بحاول إشتغل وأعمل أكبر ربح عشان أوفر قروش التنشيط 😊 يوم اثناء ما بندردش بالرسايل حسام رسل لي ( شجن والله يدي وجعتي من الكتابه وبرسل ليك رساله بترديها بعد ساعه 😅 عشان كده ح إتصل عليك مكالمه ) قلت ليهو صح يدي تقيله في الكتابه بس ما للدرجه دي 😒 طيب اتصل بعد ربع ساعه قال لي تمام 😍 في اللحظه دي صحيت امي قلت ليها ماشه انوم جوا هنا الباعوض 😓 قالت لي مافي باعوض قلت ليها هسي قرصني وفعلا دخلت وحسام اتصل وانا متردده بين أرد ولأ لا كأني اول مره اتكلم معاه وفعلا رديت 😍 وكل يوم كنا بندردش مع بعض يوم كنت كـ العاده منتظره بس اليوم كلو ما اتصل واليوم التاني كذلك ماسكه التلفون في يدي من الساعه 7 بس اتصل الساعه 10 مساء اول ما فتحت الخط قبل السلام قلت ليهو انت كويس 😢 قال لي تمام الحمدلله قلت ليهو طيب ليه امس ما اتصلت 😢 قال لي فقدتيني قلت ليهو لااا 😏 ضحك وقال لي كنت مشغول ما قدرت إتصل سكت وقال لي شجن بكره بتخلصي الشغل الساعه كم 😓 ؟؟ قلت ليهو حسب البيع قال لي تمام عشان عايزك في موضوع ✋ قلت ليهو كلمني هسي قال لي ما بيتحكي في التلفون 😊 وفعلا اليوم التاني إنتظرني بعد خلصت وركبت معاهو العربيه قلت ليهو احكي سامعاك قال لي أصبري لم قربنا علي البيت قال لي لسه مصره ما تكملي دراستك قلت ليهو لاااا ما عايزه قال لي طيب بالنسبه للعرس برضو ما عايزه 😊 قلت ليهو شنو لااا لااا لاااا قعد يضحك قال لي 3 لااا دي للتأكيد قلت ليهو آي وما بحب السيره دي 😒 قال لي ترفضي من غير ما تعرفي العريس قلت ليهو حسام يا تتونس عديل يا تسكت 😠 قال لي شجن من الآخر انا عايزك بالحلال طبعا صدمني نزلت منو بسرعه ودخلت البيت ""

#يتبــــع ⏪⏪⏪⏪

س انا كنت مُصّره أرفض بعد حسام إتحرك قلت لـ محمد جيت عايز شنو 😓 ؟؟ قال لي خلصت من الشغل بدري وقلت نرجع مع بعض 😊 وبعد وصلنا البيت محمد قال لي شجن حسام عايزك لـ شنو لأنو ما إقتنعت بكلامو 😒 امي قالت ليهو حسام عايز يعرس شجن محمد إتفاجأ 😱 وقال لي طيب المفروض يطلبك مننا بدل تقيفي معاهو في الشارع 😒 قلت ليهو انا اصلا رفضتو قال لي انتي غبيه ده عريس بيترفض 😠 امي قالت لي يا شجن اذا مُصّر يتزوجك وافقي بس يا بتي وسكتت 😔 قلت ليها واصلي يا أمي عايزه تقولي شنو ؟؟ قالت لي حسام لااازم يعرف إني امك المربياك 😔 محمد قال ليها لااااا لأنو لو عرف الحقيقه ح يلغي العرس ✋ قالت ليهو بس أفضل يلغي من هسي بدل يطلقها بعد العرس وعبدالله أكيد لم يعرف العرس ح يكلم حسام بالحقيقه عشان كده أحسن تكلمو شجن والفيهو الخير ربنا يقدمو ✋ اليوم التاني كذلك حسام بعد الشغل مُصّر ينتظرني قلت ليهو طيب موافقه اتناقش معاك ركبت العربيه وحسام الفرحه ظهرت في وشو 😍 قلت ليهو يعني انت مُصّر تتزوجني بالرغم من إننا فقراء 😓 قال لي انا عايز أعرس وحده تحبني وتصوني ما تصرف علي يعني الوضع المادي ما بيهمني ✋ قلت ليهو طيب ما عايز تعرف ماضيني قال لي برضو ما بيهمني يكفي إنك تعيشي معاي الحاضر والمستقبل قلت ليهو حتى لو عرفت إني بنت مجهولة الأبوين 😔 ""

#يتبــــع ⏪⏪⏪⏪

ي بصراحه ما بعرف أعملو لانو ما حصل أمي جابتو لينا 😢 باسني في خدي وقال لي الموضوع بسيط هسي ح تتعلمي بس إتبعي خطوات الشيف حسام 😅 وكفكف أكمام القميص وقال لي تعالي وقف في البوتوجاز حمرو قال لي شوفتي ساهل كيف 😊 في النهايه فضل قطعتين قال لي تعالي أعمليهم كنت متردده قال لي ما تخافي انا واقف جنبك والزيت حار ختيت وحده الزيت طار جدعت التانيه وعايزه أجري حسام مسكني من يدي ويضحك قال لي عايزه تمسكي بيت كيف وانتي بتجري من الزيت 😂 قلت ليهو أتحرق يعني 😒 باسني في خدي وقال لي تسلمي من الحريق 😘 فعلا عملتهم وظبطو وكل مره حسام بيشتري حاجه ويعلمني طريقه عملها قال لي عايز لم نرجع البيت تكوني اتعلمتي كل حاجه قلت ليهو وانت اتعلمت وين 😓 قال لي كنت بدرس في مصر وقاعد عزابي 😅 اليوم التاني قال لي شجن أعملي الغداء قلت ليهو تعبانه أعملو انت قال لي بحده شجن انا كنت بعملو عشان إنتي تتعملي ما عشان إشتغل أنا في المطبخ في ثانيه لقيت روحي واقفه في المطبخ 😅 بعد الغداء قاعده كئيه حسام قال لي زعلانه عشان عملتي الغدا هزيت راسي لاااا 😓 قال لي طيب مالك ؟؟ قلت ليهو إشتقت لأمي قال لي إسبوعين بس وإشتقتي ليهم طيب يا ستي بكره ح تمشي ليهم وفعلا ما صدقت اني زرتهم واترميت في حضن أمي 😍 حسام إستأذن قال عندو مشوار حصلتو في الباب قلت ليهو بصوت حنين حسام عايزه أنوم الليله هنا صر لي وشو وقال لي بزعل بس ده ما كان إتفاقنا 😒 قلت ليهو طيب تعال المساء إبتسم ومشى وانا فضلت اتونس مع أمي ومحمد 😍 والمساء بعد رجعنا الشقه قلت ليهو بصوت مكسور حسام انا عايزه إشتغل زي الأول 😢 رفع راسي من صدرو وقال لي بخلعه الناقصك شنو 😳 قلت ليهو ما لي أنا عايزه إشتغل عشان أهلي 😔 ""

#يتبــــع ⏪⏪⏪⏪

ااا 😌 قرب مني وقال لي شنووووو ما بتشتاقي لي هزيت راسي لاااا قرب مني زياده ختيت يدي في وشي نزلها وقال لي اهااا قلتي شنو 😊 ؟؟؟ هزيت راسي اي باسني في راسي وقال لي الأ كده 😅 يلااا حضري حالك بسرعه قبل ما أغير رأيي وفعلا وصلني ورجع البيت وقرر يكلم أمو بحقيقتي وبعد كلمها طلبت منو وأصّرت عليهو يطلقني 😔 ""

#يتبــــع ⏪⏪⏪⏪

طفلها 😒 كلامها لمسني في الوتر الحساس دخلت الغرفه كملت الدموع 😭 في اللحظه دي تلفوني رن وكان حسام غلبني أرد وبعدها إتصل علي أمو سامعه قالت ليهو شجن هسي كانت معاي بس دخلت الحمام 😊 طيب بكلمها ترجع ليك بإتصال بعد قفلت الخط جاتني في الغرفه قالت لي انتي بتبكي هسي كلامي ده فيهو شنو 😒 ولأ بس عشان تشتكي لـ حسام وحسام يزعل مني 😏 قلت ليها انا ما ببكي بس في حاجه في عيني قالت لي انا قلت لـ حسام انك في الحمام أرجعي إتصلي عليهو وبتتكلم معاي بـ إستفزاز 😔 دخلت الغرفه وبحاول أهدأ عشان أقدر إتصل علي حسام الباب فتح وسمعت صوت قال دنيتي 😍 لقيتو حسام من غير ما أشعر حضنتو رفع راسي بيدو قال لي في شنو 😳 حبست دموعي وقلت ليهو بس ما مصدقه انك جيت بدري قال لي متأكده بس كده هزيت راسي قال لي وعيونك كنتي باكيه صح ؟؟ قلت ليهو لااا بس مصدعه وغلبني أحكي ليهو بكلام أمو الـ زي السم 😔 غيرت الموضوع وقلت ليهو لييه رجعت بدري ؟؟ قال لي عشان ما إتصلتي قلت اجي انا " إنتي متأكده انك بس مصدعه هزيت راسي اي 😓 قال لي طيب 😘 وطبعا أمو كل ما تلقى فرصه كانت بتطاعني بالكلام بس كنت بسكت عشان خاطر حسام 😔 بعد إسبوع طلبت من حسام يوصلني بيتنا وفعلا مشيت واول ما دخلت سلمت على امي ومحمد وفجأه أمي إنفعلت فيني قالت لي جيتي ليييه ؟؟ وعايزه شنو مش خلاص عرسنا ليك 😠 طبعا انا بسمع فيها ومخلوعه ومحمد ساكت 😔 قلت ليها ما عايزه حاجه بس إشتقت ليكم 😢 قالت لي تاني ما تجينا انا عرست ليك عشان إتفكا منك قلت ليها أنا عملت شنو 😭 ؟؟ قالت لي من غير نقاش تاني ما عايزه أشوف وشك هنا وهسي أطلعي من بيتي ✋ قلت ليها يا امي عليك الله ما تقولي كده طلعت وانا ببكي محمد وصلني البيت وانا ما واعيه دخلت الغرفه وإترميت في السرير أبكي 😭 حازم كان قاعد في البيت إتصل على حسام قال ليهو شجن جات داخله من برا بتبكي وسألتها بس ما ردت علي 😢 حسام جا راجع من الشغل اول ما شافني اتخلع قال لي حبيبي في شنو 😳 ؟؟ قلت ليهو طردتني وقالت ما عايزه تشوف وشي تاني 😭 قال لي امي الطردتك وقفي بكا ولا يهمك هسي ح نطلع من هنا قلت ليهو لااا أمي انا الطردتني بس والله بحبها ومستعده أموت عشانها بس ما تبعدني منها 😭 قال لي أشششششش الله يرضى عليك أهدي وأحكي لي عشان أقدر أفهم وفضل يطبطب علي لحدي ما حكيت ليهو كل الحصل قال لي أوعدك بكره أعرف السبب شنو لأنو أكيد امك عندها مبرر 😓 قلت ليهو لو عايزه تقتلني انا موافقه بس ما تمنعني أشوفها 😭 ضماني عليهو وقال لي ما تقولي كده كل حاجه ح تتصلح بس إنتي أهدي 😓 اليوم التاني صاحيه ومصدعه بس ما قمت من السرير حسام قال لي حبيبي الكسول قومي نشرب الشاي مع امي قلت ليهو ما عندي نفس للشاي 😔 حسام طلع امو قالت ليهو وين شجن ولأ ما عاجبها تقعد معانا 😏 حسام قال ليها ما كده بس تعبانه شويه ردت مششششم 😏 حسام طلع الشغل وانا ما طلعت من الغرفه وسمعت خالتي ليلى قالت بأعلى صوت رضينا بالهم والهم ما راضي بينا 😏 بقلبي قلت والله لو عارفه العرس بيخرب علاقتي مع أهلي ما كان وافقت 😭 حسام مشى لـ محمد أخوي في الشغل وسألو من السبب ومحمد رد ليهو ما عارف بس بتمنى تهتم بشجن ✋ حسام قال ليهو محمد نحن رجال زي بعض والمفروض نحل المشكله وفضل يضغط عليهو لحدي ما حكى ليهو الحقيقه 😓 حسام جا راجع البيت متنرفز وقال لـ حازم لازم تقنع شجن تطلع معاك عشان عندي كلمتين مع أمي وما عايز شجن تسمع ✋ حازم قال ليهو الحصل شنو 😳 ؟؟ قال ليهو بحكي ليك بعدين بس اول طلع شجن من البيت قال ليهو تمام ✋ حازم جا دق باب الغرفه بعد فتحتو قال لي ألبسي أقرب عبايه واطلعي معاي إستغربت قلت ليهو على وين 😳 ؟؟قال لي ماشي أقابل صاحبي وحسام قال ما ح يسلمني مفتاح العربيه الأ إنتي تكوني معاي 😓 قلت ليهو حسام مجنون كيف أمشي معاك لصاحبك 😳 قال لي ح نقابلو في الشارع عليك الله وافقي اول مره أطلب منك طلب 😓 قلت ليهو والله ما عندي مزاج بس ح أقنع حسام يسلمك المفتاح ✋ وناديت حسام في الغرفه وطلبت منو المفتاح قال لي لو إنتي ما مشيتي ما ح أسلمو العربيه لأنو ما عندو رخصه وما بثق فيهو بس لم تكوني إنتي معاه ما بيلف بالعربيه ح يقابل صاحبو وبيرجع بسرعه وخلاف كده مافي مفتاح 😓 قلت ليهو طيب وفعلا طلعنا خالتي ليلى قالت عشنا وشوفنا حسام عاين ليها وسكت 😒 وبعد إتحركنا حسام إنفعل في أمو ""

#يتبــــع ⏪⏪⏪⏪

ا ح احسم الموضوع ده ✋ جا داخل الغرفه متنرفز وقال لي شجن إنتي عايزه تصلي لـ شنو نفسي يوم أجي من الشغل وما أسمع عنك شكيه كل مره امي تسمعني كلام بسببك 😒 قلت ليهو وفي نظرك الغلطان منو ؟؟ قال لي عايز أسمع تبريرك عشان أقدر أحكم قلت ليهو انا ما عندي مبرر غير أقول ليك أنا ما غلطته عليها قال أووووووووف 😒 وفضلنا ساكتين من بعض لحدي اليوم التاني الصباح قلت ليهو حسام ماشه بيتنا 😓 قال لي لااا ما ح تمشي إنتظريني المساء نمشي سوا ✋ بعد حسام طلع إتصلت على محمد وقال لي أمي تعبانه وكانت في الدكتور 😢 وبدون تفكير لبست عبايتي وانا طالعه صادفت خالتي ليلى في الهول قالت لي ماشه وين 😒 ؟؟ قلت ليها لـ أمي قالت لي تقريبا سمعت راجلك قال ليك ما تطلعي صح 😒 ؟؟ قلت ليها بس مضطره وبعدين انا وحسام كنا بنتناقش في الغرفه إنتي سمعتينا كيف 😏 ؟؟ عشان ما ترد إنفعلت وقالت لي قصدك شنو انا بتسنط عليكم إنتي وحده قليلة أدب وإنتي ما مربيه 😡 بس وحده عديمة أصلك زيك إتوقع منها شنو 😏 ما ناقشتها وطلعت من البيت بعد وصلت بيتنا وإطمنت علي أمي المساء إتصل حسام وبحده قال لي شجن انتي وين 😡 ؟؟ قلت ليهو مع امي حسام قفل الخط وبعد ساعه جا البيت بعد سلم علي أمي ومحمد حسام قال لي شجن نرجع البيت 😊 قلت ليهو بس انا قاعده " أمي قالت لي يا شجن أرجعي بيتك قلت ليها لاااا حسام طلع واول ما طلعت معاهو قال لي أنا قلت ليك ما تطلعي من البيت صح يعني ما بتسمعي الكلام وبعدين كيف تتجرئي وتقولي لأمي كده 😡 قلت ليهو بخلعه قلت ليها شنو 😳 ؟؟؟ قال لي إنها بتتجسس علينا ودي اهانه بالنسبه ليها 😠 هسي ترجعي معاي تعتزري ليها وبكره برجعك هنا قلت ليهو اولا انا ما غلطت علي امك عشان إعتزر ✋ وبعدين انا لو ما بحترمها كنت رديت ليها علي كل الكلام السمعتني ليهو 😓 وإستحاله أترك أمي في الحاله دي عشان خاطر أمك وامك بكامل صحتها ممكن تنتظرني بس أمي تعبانه ما بطمن الأ أكون جنبها ✋ قال لي من الآخر كده ما ح ترجعي معاي تعتزري ليها قلت ليهو حتى لو عايزه إعتزر ده ما وقتو زي ما بتراعي لأمك انا أمي عندي بالدنيا صح ما ولدتني بس هي الربيتني وده الوقت المحتاجه لي فيهو 😓 حسام زعل وفتح الباب طلع محمد قال لي شجن أرجعي مع راجل ما تخربي بيتك بـ سببنا وانا بهتم بـ أمي 😔 قلت ليهو راجل ما يراعي لظروفي ويقدر أسرتي حرمان علي ✋ حسام رجع البيت وامو كانت منتظره في الهول وإول ما دخل قالت ليهو شجن ما جات معاك صح انا عارفه إنك بتخاف منها عشان كده ما بتكسر كلامها 😒 قال ليها يا أمي شجن أمها تعبانه قالت ليهو هي امها الولدتها إتخلت عنها غالبها تخلي المرا دي لـ ولدها وتجي راجعه معاك بس اصلا شجن ما عامله ليك إعتبار هسي لو سمعت كلامي وعرست سماح بنت أخوي ما كان ده حصل 😏 وفضلت تزن عليهو ومن لحظتها إتقطع الإتصال بينا أنا وحسام 😢 يوم المساء جانا زياره وكان ما طبيعي وسرحان زي الفي كلام عايز يوصلو بس كان ساكت لحدي ما طلع 😓 وبعد يومين جانا حازم ورفض يدخل البيت وقفت معاهو جنب الباب وكان زعلان شديييد قال لي شجن أنا ما عارف الخلاف الـ بينك إنتي و حسام شنو بس ليييه تصلو للمرحله دي 😢 !! عليك الله أرجعي البيت قلت ليهو ما بقدر أرجع قبل ما إطمن علي أمي بس قصدك ياتو مرحله 😳 ؟؟ حازم حكى لي كل حاجه وفي اللحظه دي حسيت براسي لف بس إتمالكت روحي وإكتفيت إني أرد ليهو بكل شي مقدر ومكتوب وأختصرتو في الكلام لأنو العبره خنقتني ودخلت البيت وانهرت بالبكا 😭 دي آخر حاجه كنت إتوقعها من حسام ""

#يتبــــع ⏪⏪⏪⏪

ما عندها كرامه 😒 وأنا بسمع فيهم وبتحصبن وبسكت ودي غلطة امي الوحيده انها ربتنا تربيه صح وما علمتني أرد على الأساءه وده إسلوب التربيه الصاح بس في نظري كان غلط 😔 وإكتشفت إنو راحة البال أهم حاجه في بيتنا باكل كسره بمويه ومبسوطه أما هنا الحياة كلها نكد وهم ومطاعنه 😓 طبعآ حسام بقى أغلب قعادو في الصالون وكل ما يخت قروش بيلقاها ناقصه وما بيعرف الشالها منو ؟؟ لحدي ما يوم كـالعاده خت القروش في الصالون وطلع الشغل لم رجع لقاها ناقصه 5 الف 😱 ""

#يتبــــع ⏪⏪⏪⏪

#ليس_ذنبي
بقلم أشجان الجعلي
By : ashgan ALjaaly ~
-١١-
حسام أغلب قعادو في الصالون وكل ما يخُت قروش بيلقاها ناقصه وما بيعرف الشالها منو ؟؟ لحدي ما يوم خت القروش في الصالون وطلع الشغل لم رجع لقاها ناقصه 5 الف 😱 لم سأل سماح إنفعلت وقالت ليهو كيف تتهمني اني شلت القروش في مليون واحد في البيت ده وانا ما حراميه 😠 قال ليها انا سألتك ما إتهمتك قالت ليهو أسأل شجن أكيييد شالتها تساعد بيها أهلها بس انا ما محتاجه لقروشك وبعدين انا أهلي ربوني أحسن تربيه ✋ وفعلا حسام سألني من القروش وقلت ليهو انا اصلا ما دخلت الصالون 😓 وبعدها دخلت المطبخ أحضر الغدا وبعد رجعت الغرفه حسام كان متنرفز وقال لي شجن أنا حصل بخلت عليك طلبتي مني قروش ورفضت 😒 قلت ليهو لااا في شنو 😳 ؟؟ قال لي طيب ليييه بتشيلي قروش من غير ما تكلميني 😓 ولم سألتك منها بتقولي ما شوفتيها قلت ليهو متين ما حصل 😳 قال لي مافي داعي للكذب لقيت كيس القروش ده تحت سريرك ولسه ناقصه 2 الف طبعا إتصدمت وفضلت أحلف أنو ما عارفه القروش دي جات من وين وجات هنا كيف 😢 ؟؟ قال لي بإستهتار إحتمال يكون في جن معانا في الغرفه وانا شغاله بحلف إني ما شلتها بس تعابير وشو ما كان مصدقني 😢 وأثناء النقاش إشتد طلبت منو يطلقني ولحظة غضب حسام إنفعل وطلقني بس في لحظتها رجعني لـ عصمتو وشال كيس القروش وطلع بقلبي قلت كفايه إهانه ح أرجع بيتنا وأقنع امي بـاي عزر اني ح أقعد معاها بصفه مستديمه من غير ما أزيد همها ✋ وانا طالعه سمعت سماح قالت كمان بتسرق بس صح الـ مابتشوفو في بيت ابوك بيخلعك 😏 خالتي ليلى قالت ليها بعد ده كلو ياريت لو عندها بيت أبو 😒 قلت ليهم حسبي الله ونعم الوكيل فيكم 😔✋ ورجعت بيتنا حسام بعد عرف جا محصلني قال لي كيف تطلعي بدون إذني 😓 قلت ليهو لأنو إستحملت كتير من إهاناتكم وبفضل ساكته بس إستحاله أسكت علي إتهامكم لي بالسرقه لأنو دي إهانه لـ تربية أمي 😓 قال لي بس أنا ما إتهمتك قلت ليهو إتهمتني ولأ شكيت فيني المعنى واحد وتاني مافي حاجه بتجمعنا ببعض ✋ وأنا ما لعبه عشان تطلقني وترجعني على كيفك وبالمناسبه من اللحظه دي أمسك قروشك عليك نحن ما محتاجين ليها قال لي بس انا القروش برسلها لعلاج خالتي مريم ما تدخليها في الخلاف البينا قلت ليهو مشكور أُمنا بنقدر نعالجها أحسن من تعالجها انت وتزلنا بيها قال لي والله ما قصدي كده كنت منفعل 😢 قلت ليهو لو لسه عندك ذرة دم ما تجي هنا ولا تفكر تقابل أمي لانو ح أفهمها انا قاعده معاها عشان إنت مسافر ما عايزاها تعرف الحقيقه عشان ما تتصدم ويزيد مرضها وإتفضل أطلع مواعيد الزياره انتهت ( أحزرو الحليم إذا غضب ) ✋ ومرتك بتكون منتظراك بعد طلع قلت لـ محمد في واحد كان بناولك قروش كل شهر صح 😓 قال لي اي وبقول انها من فاعل خير قلت ليهو بصراحه القروش دي من حسام وفاعل الخير دي كذبه إخترعناها انا وحسام عشان توافقو تستلموها 😓 بس من اللحظه دي ما في حاجه بتربطنا بـ حسام حتى قروشو ما تستلمها وانا بكره ح أنزل إشتغل مكان أمي وبقروشي وقروشك ح نوفر ليها العلاج 😔 قال لي إنتي ما ح تشتغلي ح تقعدي مع أمي في البيت وانا الـ ح إشتغل وفعلا محمد طول اليوم بيكون في الشغل ويرجع الساعه 11 مساء 😢 بعد يومين أمي تعبت شدييييييد أسعفناها للمستشفى بس للأسف سمعنا من الدكتور خبر الشؤوم إنو أمي إتوفت 😭 أمي ماتت وااااي من فجعت الأم وفقدان الأم ومرارة الأم 😭 طبعاً الجيران ما قصرو قامو بواجب العزاء اصلا ما عندنا أقارب في الخرطوم وانا بعد الجثمان ما كنت واعيه بـ حاجه راقده في سرير أمي وحاضنه توبها وببكي 😭 حسام جا داخل الغرفه ""

#يتبــــع ⏪⏪⏪⏪

ل معاي ويومي بيجي يطمن علي 😔 بس فجأه وقف زيارتو لينا وفضلنا انا ومحمد على نفس الحال لحدي ما يوم باب الشارع دقه ولم فتحتو لقيتها خالتي ليلى ومن شافتني دموعها نزلت بـ غزاره 😭 إتخلعت وقلت ليها ""

#يتبــــع ⏪⏪⏪⏪

#ليس_ذنبي
بقلم أشجان الجعلي
By : ashgan ALjaaly ~
-١٣-
الباب دقه ولم فتحت لقيتها خالتي ليلى ومن شافتني دموعها نزلت بـ غزاره 😭 إتفاجأت وقلت ليها إتفضلي يا خالتي واتزكرت إنها ما بترضى لم أناديها بـ خالتي قلت ليها آسفه قصدي يا حاجه ليلى 😊 حضنتي عليها وقالت لي سامحيني يا بتي إتخلعت وقلت ليها خير في شنو 😳 ؟؟ قالت لي والله جيتك وعشمانه فيك تساعديني قلت ليها خير قالت لي حسام عمل حادث إتخلعت قلت ليها شنوووو 😱 ؟؟؟ قالت لي والله عمل حادث قبل شهر وحالتو متدهوره ورافض الأكل وكل يوم يسأل منك " وانتي الوحيده الـ ممكن تأثري عليهو وتساعدي 😔 في اللحظه إتزكرت كل العملتو معاي خالتي ليلى وقلت ليها وين بنت أختك بنت الحسب والنسب زي ما بتقولي 😏 و إنتي لم أمي إتوفت ما كلفتي نفسك تجي تواسيني في وجعي وهسي عايزاني بكل بساطه أرجع معاك البيت عشان خاطر ولدك 😏 قالت لي صاح أنا غلطانه وبعتزر حقك علي واي حاجه تطلبيها والله مستعده أنفذها ليك بس توافقي تساعدي حسام 😔 قلت ليها بعتزر انا ما ببيع روحي حتى لو بـ كنوز الدنيا ومستحيل أمشي معاك ✋ قالت لي عشان خاطر حسام 😔 قلت ليها حسام بالنسبه لي إنتهى من عقد على بنت أخوك ✋ خالتي ليلى رجعت بيتها بخيبة أمل بالرغم من إنو قلبي كان بيتقطع علي حسام وكان نفسي بالجد اشوفو 😢 بس ضغطت على قلبي وطول الليل كنت بفكر في حسام وبحاول أطمن في روحي إنو بخير وأكيييد الحادث بسيط عشان أقدر أنوم 😓 بس أول ما غمضت عيوني جاني صوت أمي وهي بتقول لي ليييه يا شجن تعملي كده ؟؟ انا ما ربيتك علي الأنانيه 😒 علي الأقل كان تمشي عشان خاطر حسام ما تنسي في يوم وقف معانا وجات فرصه نرد ليهو جزو من المعروف 😓 صحيت من النوم مفزوعه 😳 وفضلت مساهره لحدي الصباح وحكيت لـ محمد بالحلم قال لي إحتمال ده دليل علي إنو أمي لو حيه كانت طلبت منك تساعدي حسام 😔 قلت ليهو إنت نسيت إنو حسام غدر بي وعرس من غير ما يكلمني 😒 قال لي وما قصر منك بس إنتي الـ كنتي رافضه تستلمي منو قروش 😊 وفعلآ محمد أقنعني أوافق على طلب خالتي ليلى قال لي أمشي ليهم ولو حسيتي بـ أقل إساءه منهم تعالي راجعه ✋ وفعلا اليوم التاني الصباح مشيت بيت حسام وكنت واقفه جنب الباب متردده أرجع ولأ وفجأه الباب فتح وكان حازم طالع وإتفاجأ إني واقفه قال لي إتفضلي 😍 قلت ليهو لااا شكرا وعايزه أرجع قال لي شجن ممكن إتكلم معاك دقيقه ✋ قلت ليهو أكييييد قال لي والله يا شجن انا عايز أطلب منك طلب بس خجلان لأنو عارف ما من حقي بس والله حسام بالجد محتاج ليك ✋ ومن يوم اختلفتو مع بعض وهو تعبان نفسيآ قطعت كلامو وقلت ليهو بس أخوك بكل بساطه بدلني بوحده 😒 قال لي والله حسام إتزوج نتيجة ضغط " أمي ضغطت عليهو لدرجه وصلتو لمرحلة عدم عفوها لو ما إتزوج سماح عشان كده إتزوجها مضطر 😔 وبسبب العرس أنا تركت البيت لحدي ما أبوي أصّر علي الأ أرجع 😔 وإنقطعت من زيارتك شهر لأني كنت مشغول مع مرض حسام قلت ليهو طيب ليييه ما إتصلت كلمتني بالحادث 😒 ؟؟ قال لي بصراحه لم حسام رفض ياخد العلاج وكان بيعاقب في نفسو بعدم الأكل بعدها أمي طلبت مني أكلمك بالحادث وأقنعك تجي راجعه البيت 😔 بس أنا رفضت طلبها لأنو أستحملتي مننا كتير بسبب إساءة أمي وما مجبوره تساعدينا بس والله حسام محتاج ليك وما عندو ذنب في الحصل وحاليآ ليك حرية الإختيار ✋ قلت ليهو طيب أحكي لي من الأول عشان أقدر أساعدو 😓 قال لي يعني ح ترجعي البيت هزيت راسي اي 😊 قال لي والله ده أحلي خبر 😍 طيب الحصل إنو حسام وسماح دايما كان بيتناقشو بصوت عالي ومره سمعتهم كان سبب النقاش إنو حسام خت قروش في الدولاب ولقاها ناقصه وإكتشف إنو سماح الـ شالت القروش 😓 بس المره دي نقاشهم كان أقوي وما عارف السبب شنو وبعدها حسام طلع متنرفز وبعد ساعه جانا إتصال إنو حسام عمل حادث وأسعفو للمستشفى 😔 وحالتو كانت حرجه وبعد يومين الدكتور فاجأنا إنو حسام عاجز عن المشي ومحتاج لـ علاج طبيعي وإحتمال يقدر يمشي وإحتمال ... حازم سكت وغلبو يواصل 😔 قلت ليهو بخلعه واصل إحتمال شنو 😳 ؟؟ لااا ما تقول كده إستحاااله حازم هز راسو بـ حسره وقال لي بس دي الحقيقه 😔 قلت ليهو لااا أكيييد ح يمشي مسحت دموعي وقلت ليهو طيب سماح وين 😓 ؟؟ قال لي بعد خرجونا البيت وسماح عرفت حالة حسام شالت شنطتها وقالت ما بتقدر تعيش في الوضع ده وعايزه تطلب الطلاق والمشكله ما قادرين نكلم حسام لأنو وضعو ما بيسمح وحالتو النفسيه منهاره تماما 😔✋ طبعآ بعد عرفت كل الحصل قلت لـ حازم ممكن تدخل معاي قال لي أكييييد 😍 وفعلا دخلنا البيت وصادفت خالتي ليلى في الهول و اول مره تكون مبسوطه بوجودي قلت ليها ممكن أقابل حسام 😊 ردت لي بكل ذوق إتفضلي يا بتي دخلت غرفة حسام و اول ما شافني دموعو نزلت 😭 قلت ليهو حمد لله علي السلامه هز راسو ودموعو نازله قلت ليهو مستكتر تتكلم معاي ما عايز ترد لي بـ لسانك 😓 إتلفت مني بالإتجاة التاني بس رد لي حازم قال لي نسيت أقول ليك إنو ""

#يتبــــع

م أشر لي عشان أصلح ليهو المخده وفعلا قربت منو أصلح المخده همس لي في أضاني عشقي إنتي 😍 لو ما كان ماسكني من خصري كان فتحت الباب وطلعت جاريه 😅 طبعا إتخلعت قلت ليهو حسام وغلبني أعبر دموعي جرت 😭 مسحها بيدو وقال لي دي دموع الفرح ولأ زعلانه عشان تاني ح تسمعي صوتي وح أقدر إتناقش معاك وباسني في خدي 😘 وفضل يهدي فيني قلت ليهو دقيقه أكلم عمي حسن مسكني من يدي ومنعني قال لي حتى هم عايز أفاجئهم بكره 😍 قلت ليهو طيب ليييه ما فاجأتنا كلنا وإتكلمت جنب الدكتور قال لي عشان عايز إنطق إسمك أول حاجه وما ح أقدر أنطقو جنب الدكتور 😍 طبعا من الفرحه هو بتكلم وانا بس بعاين فيهو قال لي بتعاين لي كده ح تسحري صوتي الرنان قولي اي حاجه 😘 قلت ليهو حسام وسكته طبعا ما قادره أستوعب واعبر عن فرحتي وكان زي الحلم ضماني عليهو وهو يضحك من حالتي 😅 قال لي فضل بكره أشوف ردة فعل أهلي ح تكون كيف وفعلا اليوم التاني أثناء الشاي حسام قال ليهم ما إشتقتو لـ صوتي طبعا كلهم إتخلعو وحازم عايز يتناول الكبايه يشرب بالخلعه دفقها في جسمو 😱 وكلهم بعد إستوعبو إجتمعو حول حسام وامو شغاله تبوس فيهو ودموعها جاريه 😭 وكانت أحلى مفاجأه وبالنسبه لمشكلة المشي حسام مواصل في العلاج الطبيعي مع دكتور وفي البيت بيحاول يتمشي وكنت بتابع تمارين الدكتور وبعملها ليهو بصوره مستمره ✋ وفي يوم وأثناء ما بنتمشى في الغرفه الباب فتح ودخلت علينا من غير ما تستأذن 😱 ""

#يتبــــع ⏪⏪⏪⏪

لم جيت هنا عشان أساعدك تتعالج ما عشان أرجع علاقتنا ✋ ولم قلبك لسه متعلق بـ سماح وبترسل ليها في الهدايا كلمها تفضل جنبك لإني راجعه بيتنا ✋ قال لي عارفه الهديه الـ رسلتها شنو عشان تقولي كده رسلت ليها ورقة طلاقها 😓 بالرغم من إني فرحت بـ طلاق سماح من حسام بس أصريت علي موقفي وقلت ليهو حتى انا عايزه هديتني بأقرب وقت 😊 وكنت قاصده ورقة طلاقي قال لي فعلا كنت عايزه أحضر ليك هديه شجن إنتي عارفه انا هسي طالع مع ياسر وين ؟؟ طالع أفتش بيت نرحل فيهو انا وانتي ونبدأ حياة جديده من غير ما واحد يدخل بينا 😓 قطعت كلامو وقلت ليهو للأسف طولت شدييييد جيت في الزمن الضايع قرارك ده المفروض تتخذو قبل ما تعرس فيني 😏 حسام قعد في الكرسي وفضل يدلك في راسو كأنو مصدع وفي الآخر غلبو يتنفس وبـ يدو التانيه بيحاول يفك في زرار القميص قلت ليهو حسام في شنو 😱 ؟؟ بس ما بيرد في اللحظه دي ياسر وصل وأسعفو للمستشفى والدكتور قال الحصل ده نتيجة صدمه وحاليا فقد جزو من الزاكره 😓 إتصدمنا وقلنا ليهو بصوت واحد كيف يعني 😱 ؟؟ قال لينا حسام حاليا متزكر أحداث معينه وناسي باقي الأحداث وانتو ما عليكم الأ تعيشو معاهو علي الأساس ده وما تحاولو تضغطو عليهو عشان يتزكر وأكيييد بالتدريج ومرور الزمن براهو ح يتزكر أصلا الحادث أثر علي الراس بقى ما بيتحمل ضغط تفكير ✋ طبعا انا كنت متأثره شديييد وحاسه بالذنب 😢 رجعنا البيت وحسام فعلا ناسي تفاصيل نقاشنا الآخير وقال لي الحصل شنو 😢 ؟؟ قلت ليهو ولا حاجه بس تعبت شويه و ياسر أسعفك 😊 سكته مسافه وقلت ليهو حسام انت آخر حاجه متزكرها شنو 😓 ؟؟ قال لي كنت منتظر ياسر دي آخر حاجه متزكرها 😔 قلت ليهو متأكد قال لي اي بس ليييه في شنو 😓 ؟؟ قلت ليهو مافي حاجه مجرد سؤال وطلعت إتناول مويه صادفت خالتي ليلى قالت لي يا شجن في الآخر انا أم وقلبي علي ولدي وحسام مصر انو يرحل وانا ما بقدر أبعد عنو وهو في الحاله دي 😢 حاولي أقنعي انكم تعيشو هنا والله وليك أمان الله ما نغلط عليك ولا بكلمه 😢 قلت ليها إطمني انا زاتي ما عايزه الرحول لأنو علاقتنا كلها تمثيل ومافي داعي نخسر فيها قروش ✋ دخلت الغرفه حسام قال لي وآخيرا إتصل سمسار ولقينا البيت قطعت كلامو قلت ليهو حسام مافي داعي للرحول هنا مرتاحين 😓 قال لي بس أنا ما مرتاح قلت ليهو ح نرحل في بيت من غير عفش قال لي أجرتو مفروش يعني بس تحضري شنطتك 😊 قلت ليهو ما في داعي لخسارة القروش وهنا عندنا غرفه جاهزه 😓 قال لي انا موافق إني أخسر قروشي في راحتي قلت ليهو اها صح نسيت القروش قروشك وانت حر 😓 قال لي شجن انا فاهم انتي قاصده شنو بموضوع القروش بس ده ما وقتو 😒 قلت ليهو الحمدلله لسه متزكر الحصل وقبل اتم كلامي مسك راسو وقال اااي إتخلعت قلت ليهو حسام 😱 وفضلت أدلك ليهو في صدرو وعايزه أكلم خالتي ليلى بس منعني وقال لي أنا كويس بس جهزي الشنط 😊 قلت ليهو حسام ما ح نرحل وانت بالحاله دي قال لي وانا هنا ما ح إتحسن 😊 في الآخر طلعت وقلت لـ خالتي ليلى حاولت مع ولدك بكل الطرق بس زي ما شايفه مصر على الرحول والحل الوحيد انك ترحلي معانا لأنو حتى انا ما حابه اقعد مع حسام في بيت برانا 😓 قالت يا بنتي هو راحل من هنا عشان تستقلو براكم عشان كده انا ما بقدر أمشي معاكم بس مجبورين نستحمل الوضع ده عشان صحة حسام 😔 وفعلا رحلنا البيت الجديد بس كنت واقعه بين نارين وما عارفه أعمل شنو إتبع قلبي وإنسى الفات وأعيش مع حسام زي الأول 😓 ولأ إتبع عقلي وأحافظ على باقي كرامتي وبعد حسام يتعافى وزاكرتو ترجع أرجع بيتنا وما عندي أخت او صديقه عشان إستشيره 😢 يا ربي لو نشأت وسط امي وأبوي الحقيقين كان وضعي ح يكون كده لااااا لااااا أكييييد كان ح يكون أحسن 😔 حسام قطع تفكيري ""

#يتبــــع ⏪⏪⏪⏪

لإني في الحقيقه حتي انا بعد نسيت حسام وقررت أعيش من غيرو خلال الشهور دي إتعلقت بيهو شدييييد 😍 حسام قال لي شجن قرارك شنو ؟؟ وانا ما قادره أرد محتاره أوافق ولأ أرفض 😓 تلفون حسام رن رد بإنفعال عايز شنو يا حازم 😠 ؟؟ لااا ما تجي خليها مره تانيه بعد قفل الخط حازم إتصل في رقمي رديت أهلييين قال لي شجن حسام مالو معصب 😳 ؟؟ قلت ليهو كويس ما عندو حاجه 😊 قال لي كنت عايز أجي إتغدا معاكم بس حسام قطعت كلامو وقلت ليهو ما تشتغل بكلام حسام تعال تشرف وما تنسى تجيب معاك حاجه يعني ما تجينا يدك فاضيه 😅 طبعا حسام بيعاين لي ومستغرب 😳 وفضلنا ساكتين لحدي ما وصل حازم وشايل بروست قلت ليهو بصراحه عندنا طبيخ وما في واحد ح ياكلو مع البروست عشان كده ح نعمل بس البروست 😊 حازم قال لي تمام بس حضري المقبلات قلت ليهو زي ما عارف أنا نشأت في أسرة بسيطه أمي ما علمتني طريقة عملها 😔 قال لي ما مشكله أصلا أنا ما ضيف حازم أشر علي حسام وقال لي بـ همس مالو ساكت ؟؟ قلت ليهو ما عارفه 😊 وأثناء الغداء قلت لـ حازم الواحد لو عايز يرفع دعوة طلاق يمشي وين 😊 ؟؟ طبعا الإتنين إتخلعو 😱 حازم قال لي شنووو وقبل حسام يرفع عينو يعاين لي غمزت لـ حازم 😉 وآخيرا فهمني وبدأ يتحاور معاي ورد لي في المحكمه 😊 حسام صر لينا وقام من الأكل حازم قال ليهو أقعد رد ليهو الحمدلله ✋ حازم قال لي شجن حسام بالجد زعل ما كنت فاكر انو ح يقوم من الأكل 😓 قلت ليهو أحسن وأصلا الأكل بسيط وما كنت فاكره إنك بخيل جايبو بسيط كده نحن شاحدنك 😏 قال لي انت عارفه ده بكم ولأ تكوني فاكره روحك دافعه حقو 😒 طبعا انا و حازم زي الأخوان الحقيقين وأكتر واحد وقف معاي ✋ بعد إنتهينا من الغدا عملت الشاي وأول ما حسام مسك الكبايه قلت لـ حازم والمحكمه بتنفذ قرار الطلاق طوالي ولأ بعد زمن 😊 حسام قال اووووف وشال الكبايه وطلع الحوش حازم قال لي شجن انتي كترتيها لو حصلت ليك حاجه انا ما مسؤول 😅 بعد حازم رجع البيت حسام قال لي مافي داعي نوصل للمحاكم 😒 واليوم التاني حسام طلع الشغل زعلان فاكرني بالجد ح أطلب الطلاق بس فكرت أخلي يتعذب شويه 😌 وقبل ما حسام يرجع من الشغل إتصلت علي حازم وقلت ليهو لو عايزه أفاجأ أخوك عشان زعلان تقترح علي أعمل شنو 😊 ؟؟ قال لي حسام بحب الكوره أنقلي ليهو مباراة في التلفزيون 😅 قلت ليهو ما بهظر بس غلطانه انا البستشيرك 😒 قال لي خلاااص خلاااص الموضوع ساهل أعملي ليهو عشاء رومانسي 😍 بقلبي قلت الغبي ده لو بعرف الرومانسيه بتصل عليك 😏 قلت ليهو كيف يعني ؟؟ قال لي جاااده إنتي 😳 قلت ليهو لااا بهظر وقفلت منو الخط إتصل علي مرتين حتى رديت على التلفون قال لي ياااخ ما تكونى حمقاء 😅 طيب بـ بساطه أعملي ليهو عشاء ظابط وانتي إتظبطي ليهو كأنك طالعه عندك عشاء ولأ أجي أناولك ✋ ؟؟ قلت ليهو مشكور أخوك ما مقصر التلاجه مليانه بس ح أعمل غداء بدل عشاء 😊 قال لي يلااا ما تضيعي الزمن ✋ وفعلا قفلت التلفون ودخلت المطبخ ظبطت الأكل وقريب لـ مواعيد حسام إتظبته وكنت في إنتظارو بس تلفوني رن يا الله ده حسام رديت ليهو عادي قال لي شجن ما تنتظريني بالأكل انا ماشي البيت الكبير 😊 قلت ليهو اوك قال لي ما ح تزعلي صح ✋ قلت ليهو لااا عادي قفلت الخط والعبره خنقتني 😔 دخلت المطبخ رجعت الأكل التلاجه وبدلت ملابسي بـ بجامه بعد ما كنت لابسه فستان ورقدت في السرير وبحاول أحبس دموعي 😢 بعد ساعه حسام جا راجع وقال لي شجن انا جيعان 😢 قلت ليهو الأكل في التلاجه قال لي وإنتي قلت ليهو ما عايزه 😒 قال لي علي الاقل أرفعي راسك وإتكلمي معاي إنتي زعلانه صح طيب انا ذنبي شنو وأعرف من وين إنك منتظراني 😢 طيب لم إتصلت لييه ما قلتي لي تعال راجع قلت ليهو عشان انت قلت ماشي لـ أمك وانا استحاله اقول ليك لااا تعال 😓 قال لي ممكن أمشي لامي في اي وقت بس اللحظه دي ما بضيعها وهسي عشان أختصر النقاش ده في 3 نقاط ح أوضحها ليك اول بحبك وبموت فيك ودي أهم نقطه 😘 ثانيا اي شروط تطلبيها عشان نرجع علاقتنا انا موافق عليها ✋ وثالث حاجه انا جيعااان وما ح أقدر إتفاهم معاك اكتر من كده الأ بعد الأكل 😓✋ ""

#يتبــــع ⏪⏪⏪⏪

ح يجي اليوم الـ ح تحتاجي ليها قلت ليهو إستحاااله هز لي راسو مع إبتسامه كأنو بيتحداني 😊 وفعلا اليوم التاني إتصل حسام من الشغل قال لي شجن جهزي الفطور انا جايي ومعاي صاحبي 😊 قلت ليهو طيب ما تنسى تجيب معاك قطع كلامي قال لي صاحبي جايي معاي في العربيه وما ظريفه أقيف إشتري حاجات بس إنتي عندك القروش في الدولاب والبقاله جنبك ✋ وفعلا إشتريت الحاجات وظبطت الفطور الساعه 10ص حسام إتصل قال لي قربنا على البيت حضري الفطور في الصينيه 😊 وفعلا رصيت الصينيه وبعد ربع ساعه رجع إتصل قال لي الفطور جاهز قلت ليهو اي قال لي ختي في التربيزه أفطري وبالهنا ليك 😘 قلت ليهو شنووووو 😳 ؟؟؟ قال لي إضطرينا نرجع الشغل قلت ليهو بعد تعبت وعملتو 😒 قال لي لم تاكلي إنتي يبقى مافي تعب 😘 وقفل الخط وأنا فطرته بمزاااج وبعد حسام رجع من الشغل عامله روحي زعلانه قال لي في شنو 😳 ؟؟ قلت ليهو اليوم كلو تعبانه في عمل الفطور وفي الآخر تقول ما جايي 😒 ضحك وقال لي إفتكرت الموضوع أكبر من كده لأنو بقيت أخاف من زعلك 😘 وبالمناسبه أصلا ما كنت جايي كذبت عليك عشان تسحبي قروش من الدولاب وتعزي نفسك تعويض عن فطور أمس قلت ليهو حرام عليك 😓 مسكني من خصري وقال لي من اللحظه دي ح تتصرفي من القروش ولأ إضطره أكذب عليك كل يوم 😊 وبالمناسبه بكره حضري حالك ح أوصلك عند محمد عشان ماشي لأمي قلت ليهو محمد حتى يوم الجمعه شغال عشان كده ح إنتظرك هنا 😊 قال لي لااا ما ح تقعدي براك حبيبتي العاقله الواعيه المسامحه وكتل لي عيونو قلت ليهو حسام ح إنتظرك هنا 😒 قال لي وكمان ذكيه فهمتي إنو عايز أطلب منك تمشي معاي في اللحظه دي إسترجعت كل فعائل أمو معاي عايزه أطلع من الغرفه مسك يدي وقال لي ما تكشري وشك وأنسي الفكره ده مجرد إقتراح 😊 أصبحنا اليوم التاني حسام قال لي شجن عامله الفطور شنو قلت ليهو طعميه 😊 قال لي بحده شنوووو ؟؟ كيف يعني فطور الجمعه طعميه 😠 قلت ليهو زعلان ليييه إنت ح تفطر مع أمك وأنا موافقه أفطر سندويتش طعميه مافي داعي تنفعل كده 😏 قال لي بس انا لغيت زيارة ناس أمي قلت ليهو ليييه 😳 ؟؟ قال لي لأنو إستحاله أنا أمشي وإنتي تكوني قاعده براك 😊 قلت ليهو عااادي إعتبر روحك في الشغل قال لي لاااا يوم الجمعه بيختلف يا نطلع من البيت مع بعض أو نقعد مع بعض ✋ وفي اللحظه دي حسيت بالذنب إنو فرقت حسام من أمو وأثناء ما شغاله بحضر في الفطور فكرت وقلت ليهو حسام قال لي حياتو لـ حسام 😍 قلت ليهو عندي فكره عايزه أقولها ليها بس خايفه تفهموني غلط وتفهمو إني طمعانه في بيتكم 😓 حسام كان بيحضر قفل التلفزيون وحصلني في المطبخ طفى البوتوجاز ولفتني عليهو قال لي إنتي لسه مصره على الأفكار دي طيب إعتبري فكرتك إتنفذت حتى قبل ما أعرفها 😒 ""

#يتبــــع ⏪⏪⏪⏪

تى تفكر تعرس وهسي خلص بسرعه عشان نحصل الصلاة ✋ طلعو مع بعض للصلاة ما شاء الله ما يسحروهم 😍 بعد نضفت البيت وبخرتو لبست توبي ومشيت لـ خالتي ليلى باركت ليها العيد وطلبت مني العفو وقالت لي تسلمي على التوب الراقي ما قصرتي 😍 قلت ليها ياتو توب 😳 ؟؟ قالت لي الإشتريتي ورسلتي لي مع حسام 😊 قلت ليها لا شكر علي واجب وبعدها رجعت بيتي ودي أول مره الجيران يسجلو لي زياره وكلهم ظريفين 😍 بعد الصلاه حسام جا راجع البيت قال لي كل سنه وانتي عيدي قلت ليهو وبيك يتم سعدي وحنيني 😍 قال لي يا الله وباسني في راسي 😘 قلت ليهو حسام رايك شنو في التوب الإهديتو لـ خالتي ليلى 😊 قال لي بخلعه ياتو توب 😳 قلت ليهو الرسلتو ليها معاك 😊 حسام جراني من خصري وهو بيضحك قال لي عرفتي كيف 😅 ؟؟ قلت ليهو كلمتني امك قال لي دقيقه دقيقه إنتي مشيتي ليها 😍 قلت ليهو بالمناسبه أنا ما كافره وبفهم إصول الدين مشيت ليها عشان العيد ضماني عليهو وقال لي والله وجودك جنبي أحلى عيد ربنا يشهد 😍 ضربتو في كتفو قلت ليهو أحلي عيد عشان مشيت لأمك صح 😏 قال لي لا والله بس ممكن تقولي فرحتي زادت طبعا حتى انا حسام إشترى لي توب مع أمو 😍 في اللحظه دي الباب دقه حسام فتحو وسمعتو قال حازم ما تكون فاكر إنو ده بالجد بيتك عشان كده جيت راجع هنا لااا يا باشا بابكم التاني قلت ليهو حازم إتفضل ما تشتغل بكلام حسام 😓 حازم رد لي أصلا ما بهتم بكلامو بس مستعجل أمي قالت ليكم تعالو أفطرو معانا حسام قال ليهو يا سلااام 😍 حازم قال لي شجن حضري فطور راجلك وتعالي لينا براك ✋ حسام ضحك وقال ليهو بالمناسبه انا لي حق أطردك من هنا لأنو بيتي بس انت ما بتقدر تطردني من بيت أبوي 😅 وانا شغاله أضحك ياااخ أحلى خوه كان نفسي انا ومحمد نكون كده بس دايما محمد كان عامل بينا حاجز 😔 بعد حسام قفل الباب قال لي ربنا ريحك من عمل الفطور 😊 قلت ليهو بس انا ح أفطر هنا حسام إتفاجأ قال لي شجن هسي قلتي العيد قطعت كلامو وقلت ليهو بس العيد إنتهى من الصباح ✋ قال لي بس انا ما ح أقدر أقول ليها لاااا قلت ليهو وانا ما طلبت منك ترفض إنت أمشي 😒 وهو طالع باسني في خدي وقال لي إنتظريني ما تفطري ح آكل معاهم بسيط وأحصلك قلت ليهو لا أخد راحتك 😊 بس بصراحه كنت مغيوووظه 😏 كان نفسي أعيش زيهم ويكون عندي أسره مكتمله ونفسي أنطق كلمة أبوي بس قدري كان ضدي 😔 بعد إجازة العيد إنتهت حسام نزل الشغل ويوم الخميس إتصل قال لي متأخر في الشغل ✋ إنتهزته الفرصه وطلبت من حازم يمشي معاي مشوار قال لي نمشي وين 😳 ؟؟ قلت ليهو لم نصل بتعرف بس بـ شرط من غير حسام يعرفنا وإطمن ما ح نتأخر ح نرجع قبل حسام 😊 وفعلا طلعنا وأول ما وصلنا المكان حازم إتصدم 😳 ""

#يتبــــع ⏪⏪⏪⏪

أمي منو حتى لو بس أشوفها في صوره 😭 قال لي حصل مريم قصرت في واجبها ناحيتك گـ ام هزيت راسي لااا 😔 قال لي طيب ليييه تعاقبيها بإنك تبحثي عن أمك عشان تنسيك مريم الإحتوتك وربتك 😓 قلت ليهو عمري ما ح أنسى فضل أمي مريم مسح دموعي وقال لي عيشي حياتك وأبني مستقبلك لأنو لو رجعتي ورا الماضي ح يدمرك وباسني في خدي وفضل يخلخل لي في شعري لحدي ما نومت 😓 الصباح قمت من جنبو براحه من غير ما يصحي وأثناء ما بحضر في الشاي حسام جا المطبخ قال لي أصبحتي كيف 😘 ؟؟ قلت ليهو تمام الحمد لله قال لي الحمدلله خلاص أعملي الشاي بسرعه لأني مصدع ما عارف كنتي بتبكي إنتي ولأ أنا عشان أصدع 😅 وأثناء ما بنشرب في الشاي وانا لسه بفكر في الطفل قلت ليهو حسام قال لي نن عيوني 😍 قلت ليهو عايزه أمشي إطمن على الطفل قال لي بإستغراب ياتو طفل 😳 قلت ليهو في دار المايقوما خت الشاي بعصبيه في التربيزه وقال لي لاااا 😡 قلت ليهو عليك الله قال لي لااا كفايه أمس مشيتي بدون علمي وتاني ما عايزك تمشي المكان ده كلامي واضح ✋ قلت ليهو ما تنسى انا بنتمى للمكان ده صح جينا في الدنيا بالغلط بس ما عندنا ذنب 😔 قال لي شجن ما عايز نقاش من الصباح ومشي لااا وأحسن نقفل الموضوع ده ومسك كباية الشاي قلت ليهو راحتك 😔 ودخلت الغرفه حسام جا محصلني قال لي كل ما أحاول أطلعك من الوسط ده بس إنتي مصره ترجعي ليهو 😓 قلت ليهو لأنو أنا وحده منهم وعشت مآساتهم سكته وقلت ليهو حسام إنت ندمان انك إتزوجتني 😔 جا قعد جنبي وقال لي أبدا والله بالعكس وما تنسي انا عرفت حقيقتك قبل ما إتزوجك يعني لو ما كنت عايزك ما كان واصلت في العرس وباسني في راسي 😘 واصل كلامو انتي صح وحده منهم بس ما عشتي مآساتهم ولأ ح أسمح ليك تعيشيها ✋ وانا منعتك تمشي ما قصدي المكان مشبوهه أبدآ بس أمس شوفتي الحاله الوصلتي ليها صح يلااا انا ما عايز الموقف ده يتكرر تاني كفايه عيونك بقت تشبهه الصينيين من كترة البكا 😅 طبعا عيوني اتورمت قلت ليهو والله ما ح أبكي بس أشوفو وإطمن عليهو وحسام فضل ساكت ومنزل راسو وانا كل مره أزن عليهو وأقول ليهو حسام عليك الله بس أشوفو حتى لو مره واحده ✋ وآخيرآ رد علي شجن بس مره واحده وتاني ما أسمعك تقولي ماشه 😓 وبشرط ولأ دمعه ما أشوفها نزلت منك تمام إترميت في كتفو يااااخ والله إنت مافي واحد زيك 😍 قال لي أعملي لي شاي لأنو الأول شربتو بارد بسببك قلت ليهو من عيوني قال لي وانا زاتي ح أمشي معاك عشان أشوف الطفل البكا لي حبيبتي ده منو 😘 ؟؟ قلت ليهو بصوت حنين والله ده طفل حلااااتو بس الكلب ودموعي نزلت لأني إتزكرت منظرو 😭 حسام قال لي نحن قلنا شنو كفايه أمس عزبتيني معاك أسكتك من موضوع الطفل تفتحي لي موضوع أمك وهسي تاني عايزه تبكي 😓 مسحت دموعي وعملت ليهو الشاي واول ما ناولتو الكبايه قلت ليهو حسومي إتخلع نطط عيونو قلت ليهو ح نمشي متين 😊 ؟؟ قال لي انا قلت الدلع ده وراه حاجه طيب يا ستي ح نمشي العصر وما عايز اي نقاش تاني خليني أشرب الشاي ده بمزاج 😓 وكنت فرحانه بزياره دار المايقوما بعد صلاة الجمعه سمعت الباب دقه وحسام كان في الصلاه ""

#يتبــــع ⏪⏪⏪⏪

#ليس_ذنبي
بقلم أشجان الجعلي
By : ashgan ALjaaly ~
-٢٠-
سمعت صوت الباب دقه وحسام كان في الصلاة أضطريت أفتحو لقيتو حازم قال لي جيت إطمن عليك من حالة أمس قلت ليهو تمام الحمدلله 😊 إتفضل أشرب معاي الجبنه بعمل فيها قال لي يا سلااام بس ما يكون فيها إزعاج 😊 قلت ليهو أكييييد لااا أصلا حسام من الصلاه ح يمشي بيتكم ✋ قال لي اهااا تمام وفعلا دخل وبعد عملت الجبنه حازم قال لي شجن انا بعتزر عشان أمس كلمت حسام بس بعد شوفتك بالحاله دي غلبني إتصرف ما لقيت حل غير إتصل على حسام 😔 قلت ليهو ولا يهمك حصل خير وأصلا الليله العصر راجعه 😊 قال لي بخلعه راجعه وين دار المايقوما 😳 هزيت ليهو راسي اي حازم خت كبايه الجبنه في التربيزه وقال لي والله ما أمشي معاك وجبنتك دي زاتها ما عايزها ✋ ولا تفكري تقنعيني كفايه أمس حسام بعد عرف ما ناقص الأ يتناول السكين من المطبخ ويطعني عشان كده إستحاله أمشي معاك 😓✋ وانا بسمع فيهو ومستغربه في الآخر قلت ليهو أهدأ أصلا أنا ما طلبت منك تمشي معاي لأنو ح يمشي معاي حسام شخصيا 😌✋ قال لي شنوووو 😳 ؟؟ قلت ليهو ما تستغرب طلبت منو يسوقني و وافق 😍 قال لي أكييييد إستخدمتي معاهو سحر الحوووب قلت ليهو بالظبط كده 😅 حازم رجع بيتهم واول ما حسام وصل قلت ليهو أحضر ليك الغدا قال لي عايزه تخلصي من موضوع الغداء عشان نمشي صح 😊 أنا ما عايز غدا طيب حضري حالك للمشي وفعلا طلعنا وأول ما وصلنا دار الرعايه وقبل ما ننزل حسام قال لي متزكره إتفاقنا صح هزيت راسي 😔 بعد دخلنا على المديره وعرفتها على حسام قالت لي إنتي أمس قلتي إنك منفصله من زوجك صح 😳 !! حسام رفع راسو صر لي 😒 وانا إتخلعت لأني نسيت إني كذبت عليها بس رديت ليها بصراحه كذبت عليكم عشان أعرف معلومات عن أمي 😔 وطلبت منها إني أشوف الطفل قالت لي في المستشفى عندو حقنه بسبب عضة الكلب وفعلا إنتظرتو لحدي ما وصل شلتو من المشرفه وكان نايم زي الملاك 😍 بوستو في خدو وقلت لـ حسام تعال شوف وشو برئ كيف قال لي ربنا يحفظو طلبت من المديره إني أسوق الطفل معاي البيت وبرجعو بكره حسام إتفاجأ 😳 بس المديره رفضت وقالت لي لااااا ممنوع الإ تسوقي بصفه رسميه إما تبني او شغل براتب 😓 حسام قال ليها خلاص تمام خلي هنا ونحن كل فتره بنجي نطمن عليهو ✋ حاولت أقنعها بس رفضت 😔 رجعنا البيت بس طول الطريق انا ساكته بعد دخلنا الغرفه حسام قرب مني وقال لي ما عايزك تمشي الميتم عشان ما أشوف الكآبه دي في وشك 😒 قلت ليهو انا هسي بكيت 😓 ؟؟ رفع راسي بيدو وقال لي لأنك حابسه دموعك صح " حبيبي ده لا أول طفل ولأ آخر طفل يدخل المكان ده وما تنسي ربنا معاهم قلت ليهو ونعم بالله بس كان نفسي إنو الطفل يجي معاي 😔 قال لي بصراحه يا شجن صدمتيني بطلبك بس حتى لو المديره وافقت انا ما كنت ح أوافق ✋ صريت وشي قربني منو وقال لي قدري موقفي أنا ما بسمح لطفل غريب يعيش وسطنا مهما كان 😓 وصح انا ما غني بس أوعدك كل بدايه شهر بعد إستلم الراتب ح إشتري حاجات بسيطه من مستلزمات الأطفال ونمشي نسجل ليهو زياره تمام قلت ليهو حسام بالجد 😍 قال لي وأخيرآ إبتسمتي وحياة ربي السكنك قلبي جد 😘 وعدا إسبوع ويوم الجمعه حسام قال لی شجن انا من الصلاة ح أمشي لأمي رأيك شنو تمشي معاي 😊 سكت ما رديت قال لي تمام فهمني رافضه الفكره وفعلا بعد الصلاة كنت قاعده في الحوش وسمعت صوتو في الشارع بس ما جا داخل البيت عرفتو مشى لأمو 😏 بعد شويه الباب دقه لفحت توبي ومشيت فتحتو لقيتو ده حازم إستغربت قلت ليهو حسام قاعد عندكم بهناك 😊 قال لي اي عارف بس جيت أشرب معاك الجبنه ولو شربتيها خلاااص 😓 قلت ليهو طوالي إتفضل وانا لاقيه قال لي بس معاي ضيف بيجي بعد شويه إتخلعت قلت ليهو منو 😳 ؟؟ قال لي بعد يصل ح تعرفي 😊 وأثناء ما بندردش قال لي والله يا شجن صح عندي بنات الخالات والعمات بس ما حصل شعرت بإنهم أخواتي ولا إرتحت ليهم زيك ✋ قلت ليهو يشهد الله حتي انت مكانتك عندي في مقام محمد أخوي 😍 قال لي يا سلااام يااااخ ده ما يسعدني ولو إحتجتي لأي حاجه انا في الخدمه ✋ في اللحظه دي الباب دقه حازم قال لي بفتحو انا ح يكون ده الضيف وفعلا حازم فتح الباب وقال اتفضل وانا متشوقه أعرف ده منو 😳 ؟؟ وإتفاجأت لم عرفت الضيف كان عمي حسن قال لي بس ما أكون أزعجتك قلت ليهو لاا والله تشرف في أي وقت 😊 قال لي والله الجمعه الفاتت شميت ريحه الجبنه في بيتنا وإتكيفت وبعد عرفت من حازم الليله جايي يشربها معاك قررت أنا زاتبي أشرب معاكم لو مافيها تعب ليك 😊 قلت ليهو بالعكس تشرف وعملت الجبنه واثناء ما بنتونس حسام جا داخل قال قاعدين في بيتي وتشربو في الجبنه بمزاج من غير ما تنادوني 😒 أبوهو قال ليهو بس ده ما بيتك حسام ضحك قال ليهو اووو يا حاج صاح نسيت ده بيتك انت بس الجبنه حقتي 😅 ابوهو قال ليهو ده لااا بيتي لااا بيتك ده بيت شجن ✋ في اللحظه دي سمعت صوت قال اي ابوك كلامو صح ده بيت شجن رفعت راسي 😳 ""

#يتبــــع ⏪⏪⏪⏪

#ليس_ذنبي
بقلم أشجان الجعلي
By : ashgan ALjaaly ~
-٢١-

في اللحظه دي سمعت صوت قال اي ابوك كلامو صح ده بيت شجن رفعت راسي لقيتها خالتي ليلى جات مع حسام 😳 بعد سلمت عليها دخلت المطبخ أتناول زياده كبابي إتلفت عايزه اطلع من المطبخ لقيت حسام في وشي إتخلعت قلت ليهو حسام خلعتني عايز شنو 😳 ؟؟ قال لي عايز أقرأ تعابير وشك صريت وشي وقلت ليهو كده قريتها 😒 قال لي اي قريتها وتعابير وشك بتقول انتي زعلانه عشان امي جات معاي صح 😊 قلت ليهو ابدا والله ما زعلانه وهسي صريت ليك انت ما عشان امك ✋ قال لي حبيبي والله انا الـ طلبت منها تجي معاي لأنو ابوي و حازم قاعدين معاك هنا وهي الوحيده القاعده براها 😔 قلت ليهو حسام في الآخر ده بيتها وتشرف في اي وقت وهسي اتحرك من الباب لأنو منتظرننا 😓 قال لي لااا زي ما سمعتي ده بيتك إنتي قلت ليهو طيب بيتي وانا موافقه إنها تجي ممكن تتحرك من الطريق 😒 قال لي بإندهاش طيب شوفي ده شنو 😱 وأشر لي على الحيطه واول ما إتلفت باسني في خدي وطلع 😘 بقلبي قلت يعني حسام الأقنعها تجيني 😏 وفعلآ حضرت الجبنه واثناء ما بنتونس عمي حسن قال لي عارفه الكبايه دي بره بـ 25 جنيه حازم قال والله شغل مربح رايك شنو يا شجن نمشي نشتغل نبيعها وانا أمسك ليك الحسابات 😅 قلت ليهو انا ما عندي مشكله متعوده ابيع في الشارع 😊 طبعا حسام ساكت وصاري وشو الكلام ما عاجبو 😒 عمي حسن قال لي الشغل الشريف عمرو ما كان عيب حازم قال لي عايز كباية جبنه تاني نطت امو قالت ليهو لااااا كفايه البنت دي تعبتوها 😒 قلت ليها ما مشكله وبقلبي قلت ليها نسيتي لم كنتي بتشغليني خدامه في المطبخ وبنت أخوك تتعامليها زي الملكه 😏 ناولت حازم الجبنه قال يا سلاااام يااااخ كلك ذوق 😍 وده بالجد أحلى يوم طولنا ما إتلمينا كده 😔 أمو قالت ليهو صح بس من اللحظه دي أن شاء الله دايما ح نكون ملمومين كده والله لا فرقنا من بعض ✋ كلهم قالو ان شاء الله وحسام رفع راسو يعاين لتعابير وشي بس انا ساكته 😓 وطبعا بعد انتهينا من الجبنه خالتي ليلى رجعت بيتها جابت الغدا وأصبح ده كان الروتين حق كل جمعه بنجتمع بعد صلاة الجمعه نشرب الجبنه ونتغدا مع بعض ✋ يوم السبت قبل ما حسام يطلع الشغل قال لي شجن انتي بتثقي في حازم أكتر مني قلت ليهو كيف يعني ؟؟ أكييييد لااااا وكيف تفكر كده 😳 قربني منو وقال لي أهدي الموضوع بسيط طيب يوم ماشه دار المايقوما ليييه إتصلتي على حازم وما كلمتيني 😓 قلت ليهو الموضوع ده مر عليهو إسبوع وعايز تفتحو تاني قال لي ردي علي سؤالي عشان عايز أوضح ليك معلومه ✋ ليييه ما إتصلتي كلمتيني ؟؟ بلعت ريقي وقلت ليهو لأنك كنت ح ترفض إني أمشي 😔 رفع راسي بيدو وقال لي يعني كنتي عارفه إني ح أمنعك ومع ذلك مشيتي 😒 قلت ليهو كنت عايزه أعرف أمي منو 😔 ؟؟ قال لي اهاااا مشيتي عرفتيها منو 😓 دموعي نزلت وهزيت راسي لااااا 😭 مسح دموعي وضماني عليهو قال لي خلاااااص ما فتحت معاك الموضوع عشان تبكي ورفع راسي من كتفو قال لي شجن انا لم أمنعك الحاجه إتأكدي تماما إنها لمصلحتك يعني ما تفتكري اني واقف ضدك بالعكس وخليك متأكده إنو حازم ما بيخاف عليك أكتر مني ومشكلتو ما بيقدر يقول ليك لاااا عشان كده لو عندك اي طلب حتى لو مستحيل او غلط بتمنى تلجئي لي انا واوعدك يا أقنعتك انو غلط او نفذتو ليك لو ما إقتنعتي تمام ✋ وصوتي كان راح هزيت راسي قال لي روحي انتي اهااا هسي عندك مشوار ولأ أمشي الشغل وإنتظر تلفون من حازم يقول لي تعال حصل مرتك 😅 في اللحظه دي تلفونو رن رد أهليييين يا حجه هسي كان جايي عليك " عايزه شجن شغاله في المطبخ " اهاااا لا خلاص تمام هسي بكلمها " بعد قفل الخط قال لي ما ناولتك التلفون عشان صوتك ح يكون متغير ومن نبرة صوتك أمي ح تعرف إنو في حاجه وأصلا عايزه تقول ليك إنو الليله جايين خالاتي 😊 قلت ليهو يشرفو قال لي بس هم ما ""

#يتبــــع ⏪⏪⏪⏪

اشه بكل رضاي بعد ده ممكن تفك التوب 😓 قال لي بتمنى تكون دي الحقيقه 😊 بعد وصلنا البيت وقبل ما ننزل حسام قال لي شجن أفردي وشك شويه ملاحظ ليك طول الطريق صاره 😒 هسي عندك فرصة ممكن ترجعي معاي ابتسمت ونزلت من العربيه اول ما دخلنا إستقبلوني أحلى إستقبال 😍 وبعد شويه جات وحده لاحظت ليهم سلمو عليها من غير نفس وبطرف اليد 😓 وخاصه حسام إتضايق من وجودها وأول ما المرا قعدت حسام طلع برا وبعدو طلعت خالتو القاعدين في بيتها وبعدها طلعت خالتي ليلى 😳 وكلكم وقفو يتكلمو في الحوش ما كنت سامعه كلامهم بس ملاحظه لتعابير وشهم وخاصه حسام كان متنرفز شديد 😱 المرا لفتت إنتباهي قالت لي إنتي شجن صح قلت ليها اي 😊 نطت خالة حسام الـ كانت قاعده معاي في الغرفه قالت ليها دي شجن زينة البنات لـ حدهن 😍 وانا قلبي كان مشغول في الـ بيحصل برا شنو ؟؟ وليييه مجتمعين أكييد بيتكلمو عني لأنو أنا الوحيده الغريبه بينهم يعني عازمني عشان يقطعو فيني قدام عيوني 😏 إستحاله أسكت ليهم والفضول قتلني طلعت قلت ليهم بعتزر للتطفل بس حسيت انو كلامكم ده بيخصني 😊 خالة حسام قالت لي لااا دي مشكله بسيطه واتحلت وانا مثبته عيني في حسام وملاحظه كان متوتر ومدخل يدو في جيبو واليد التانيه بيمسح في شعرو قلت ليها والمشكله دي انا السبب فيها صح ✋ امو قالت لي أكييييد لااا حسام قال لي اي عندك فيها دخل سكت مسافه وقال لي شجن ح ترجعي معاي البيت 😓✋ ""

#يتبــــع ⏪⏪⏪⏪

فيسه طلعت مننا 😊 حسام شال نفس وقال ليها الحمدلله كده الواحد ممكن يتطمن بس كنت شايل هم شجن عشان وضعها حساس ونفيسه لسانها طويل 😓 قالت ليهو شجن قويه وقدرت تتغلب على نفيسه 😍 وكان يوم جميل المساء بعد رجعنا البيت دخلت الغرفه لقيت بامبرز ولبن أطفال بديل لبن الام ولبسات أطفال قلت ليهو بخلعه حسام ديل لـمنو 😳 قال لي عايز أوفي بـ وعدي ليك وبكره نمشي دار المايقوما حضنتو وقلت ليهو والله انت أحلى زول 😍 قال لي ما أحلى منك وفعلا اليوم التاني سجلنا زياره للمايقوما قلت لـ حسان انتظر في المكتب وانا ح أمشي أسلم على الأطفال وفعلا طلعتا وانا في الحوش سمعت مشرفتين يتكلمو الأولى قالت ليها اولاد الحرام ديل عذبوني عذاب ما عايزين يسكتو 😓 التانيه قالت ليها أهلهم ما غلطانين لو جدعوهم " انا لم يرفضو يسكتو بخلط ليهم جرعة دواء منوم في البزازه مع اللبن أعملي كده بترتاحي من وجع الراس 😓 بعد سمعت كلامهم غلبني أسكت إنفعلت وقلت ليهم الـ بتقولو عليهم اولاد حرام ديل فاتحين ليكم بيوتكم وبسبببهم بتاكلو عيش ما شغالين ليهم مجان 😡 طبعا إتخلعو وساكتين غلبهم يردو واصلت كلامي وقلت ليها وانتي بتعملي ليهم منوم صح طيب ما تنكري كلامك ده لمديره الميتم قالت لي انتي فاكره روحك منو عشان تحاسبينا ولأ يكون عندك طفل فيهم 😒 طبعا كلامها صدمني وغلبني أقول ليها أنا كنت زيهم في اللحظه دي .. ""

#كسـره :
بعتزر علي تكرار لفظ ( اولاد الحرام ) في القصه بس حبيت أحكي بلسان الواقع المرير 😔✋

#يتبــــع ⏪⏪⏪⏪