#غلطة_عمر
بقلمي: رانية محمد أحمد
-٢-
.مودة اتخلعت من ردة فعل عبدالله ......جا قريب منها و مسكها من حنكها قلت ليك عملتي كدا مع منو ياخ و لزاها لي ورا .....عبدالله عليك الله ما تعاملني كدا .....اعاملك كيف عايزاني بعد الخزلان الشفتو منك ......عبدالله افهمني براحة عليك الله .......في الجامعة الزول دا ؟ لاقاك في الجامعة ؟ ....انطقي .....ايوة بس والله ......لالا ما تحلفي اسكتي بس دي اخرة قراية البنات انتو تقرو ليها شنو ......قال ليها اسمعي يا بنت الناس انتي بت عمي صاح على العين و الراس لكن ما بتلزميني ......

مودة قالت ليهو لالا ع ليك الله يا عبدالله استرني الله يستر عرضك عليك الله ما تكلم زول ......خايفة من الناس موش ما خايفة من الله ......انا تبت يا عبدالله تبت والله و استغفرت ......لي نفسك لكن انا ما بتلزميني ......طلع عبدالله بقي يفكر الطريق كلو اعمل شنو البت دي انا حبيتها بالجد و من دون البنات اخترتها و هي في الاخر بت عمي و عرضي معقول اطلقها اسي يقولو شنو يشيل و حالنا ناس البلد ......حسبي الله ونعم الوكيل ياخ .....

جا راجع برضو اخر اليوم قال لي مودة عايني انا خلاص قررت .....اها شنو قررت شنو .....تقعدي معاي و في عصمتي لكن ما عندي ليك شي و بعرس فوقك مراة تكون بت رجا......ما قدر يكمل لانو اساسا البت بتهم .......لكن يكون في علمك جامعة تاني مافي طلعة من البيت مافي تاكلي تشربي زيك زي اي حيوان في البيت ......قالت ليهو برضو ما قصرت شكرا على ستري و اعمل البتشوفو .......
#فلاش #باك
#نرجع_للحصل

واقفين مجتبى و احمد صاحبو تحت شجرة في الجامعة بضحكو و صوتهم نبه كل زول ماري و مجتبى من الضحك لمن مدنقر و ماسك بطنو و احمد عايز يتكلم و ماقادر من الضحك .....قالو ههههههه قالو هههههه قالو قريبتك يا مجتبى ما تنكر ......القرد هههههههه القرد .......خلاص لالا ما قادر ما قادر .....بعد مسافة من الضحك و الموع بي جاي و بي جاي جات وقفت جنبهم توسل ( دفعتهم ) ....ما تضحكونا على معاكم يا مجتبى 😍 ......تاني فكر الضحكة هو و صاحبو و يضربو في يدينهم مع بعض ...... هي انا ما بتكلم معاكم بتضحكو دا كلو في شنو ......مجتبى رد ليها بعد فتر من الضحك .....لالا ماف شي المحاضرة بدت ؟ .....قربت تبدا خلاص انا بمشي احجز قدام ......خلاص كويس لاحقنك ......مشت توسل و هي بس ما في راسها إلا ضحكة مجتبى لبس مجتبى قميصو كلو علي بعضو كدا مكسرها بس هم أصدقاء من زمان بس جواها ليهو حب كبير . .....دخلت القاعة و حجزت ليهم قدام .....مشو هم غسلو وشوشهم و جو ......احمد عارف توسل بتحب مجتبى من زمان عشان كدا بخلي مجتبى يقعد جنبها و هو بقعد طرف ......توسل بقت ما يتركز في المحاضرات بي سبب مجتبى جنبها .....مجتبى معتبرها صديقتو و المقربة فقط لا اكثر ......خلصت المحاضرة و مجتبى و احمد طلعو عشان يصلو في المسجد توسلص قالت ليهم امشوض انا بحصلكم ......توسل ما عندها علاقة كبيرة بي بنات دفعتها كل همها مجتبى و صاحبو مبارياهم في اي مكان .......مجتبى و احمد خلصة صلاة و طلعو من المسجد احمد لكز مجتبى قال ليهو قريبتك هههههههه ......لكزو مجتبى اتلفت. و شاف مودة و برضو بقى يضحك مع احمد ياخ دي شناتها مرة .......ما قلت لي قريبتك .....ياخ انت شنو قريبتك ياخ كرهتني بيها دي قرد بس ههههههههه.......احمد بقى يضحك و ماشين كدا في شارع المين هي شافتهم هي و صحبتها عسجد جو سلمو عليهم ......مجتبى عاين لي احمد نظام ما تضحك ما تفضحنا ......سلمت عليهم و قالت لي مجتبى دي عسجد صحبتي .....ايوااا تمام اتشرفنا ......و دا أحمد صاحبي يا مودة ....ايوا تشرفنا ......مشت مودة من قدامهم قالت ليهم عن اذنكم ......مودة زولة بسيطة جاية من الاقاليم و طبعا ما جميلة و لبسها كلو عبايات بس اما عسجد اتعرفت بيها في الداخلية و طلعت زيها برلومة جديدة .....دا منو يا مودة بتعرفيهو من وين ......

يتبع

#كيان
بقلم نرمين طه
-٢-
عاينتا للصوره و دخلتها طوالى ٫ بعد مسافه باب الغرفه دق و دخل ابوي ..

محمد:الحلوه⁦❤️⁩
نرمين: ..(أبتسمتا ليهو)
محمد:ليه م جيتى سلمتى علي لمن دخلتي
نرمين:م حبيت أشغلك
محمد:(قعد جمبي و خته يدو فوق يدي ..)زمان قبل امك ربنا يرحما تموت كانت بتقول لي انت عارف ي محمد انا شايفه انو نرمين دي ح تبقا حاجه مهمه كده .. كنت بضحك و بقول ليها هيا بتى اكيد ح تطلع تشبهني😂كانت بتزعل شديد و تقول لي لا نرمين بتشبهني انا ..
نرمين:(قاطعتو ..)اظن الكلام ده أتقال بس بأسم نسرين و انتا حسي بتغير اسامي ساى!..
محمد:صح نسرين كانت العاقله البتسمع الكلام ٫ بس عمرنا م فرقنا بينكم .. صح هيا كانت مرتبه و شاطره بس كان ف عيونك انتى ف حاجه م عندها ..
نرمين:عيوني م فيها اي حاجه ي ابوى ..
محمد:(أخذ نفس عميق ..)لو م انتى قررتي تطلعي من الأنتى فيهو ماف زول ح يقدر يطلعك ٫ م تكسري حلم امك زي م حسي كاسره خاطري بحالك ده ..(و طلع لقا كيان واقف بره و سمع الكلام ..)م عارف اعمل معاها شنو ي كيان ٫ م عارف😪(و مشا ..)

كيان وقف مسافه عاين لي و مشا غرفتو ..

(احنا كنا ف كندا بعد م حصلت معانا ظروف جينا هنا قبل حوالى سنتين تقريبا و نزلنا ف بيت جدي ..
بعد أتوفى جدى بيتو كبير شديد اتقاسموهو ابوي و عمي بالتساوى و كده بقينا ساكنين ف نفس البيت ..)

بليل كده نزلتا المطبخ و عملتا لي سندوتش جبنه ..

كيان:م ينفع اتعبك و تعملى لى
نرمين:للأسف م ينفع!
كيان:لو سمحتى
نرمين:اعمل براك
كيان:جعان ي نرمين .. يلا شاطره
نرمين:اوف ي كيان ياخ ..(و دخلتا بقيت بعمل ليهو ..)
كيان:ع فكره ..

نرمين:خير

كيان:مع اني و لا مره شفتك بتضحكي بس حاسى انو ضحكتك ح تكون حلوه⁦❤️⁩

نرمين:(عاينتا ليهو جوه عيونو ..)شوف .. انت بتحاول تعمل ايه؟!..

كيان:بحاول اوريكي قدر شنو انتى حلوه من غير م تكونى عارفه .

نرمين:(بزهج ..)كيان

كيان:عيون كيان🖤

نرمين:(اديتو الشندوتش و طلعتا قعدتا بره ف الحديقه .. بعد مسافه جا ..)ي ربي
كيان:حسي انا عملتا ليكي شنو
نرمين:عايزه اقعد براي
كيان:و انا داير اتكلم معاكي
نرمين:بخصوص؟!..
كيان:ليه كده؟!.
نرمين:ليه شنو؟!..
كيان:كان طول عمرك حلمك تبقى دكتوره!..ليه حسي حتى ده اتخليتو عنو!..
نرمين:...
كيان:لا بتمشي الجامعه .. لا بتحضرى محاضرات لا بتقرى .. ليه ي نرمين؟!..ده علاقتو ايه بالحصل؟!..

#باك فلاش :

نرمين:(صحيت و راقده ف المستشفى ف كندا ..)
mama!!
"ماما .."

_See, don't move
" عايني م تتحركي "

نرمين:
where Mama and Nisreen ?!..
" ماما و نسرين وين؟!.. "

_Dedicate and do not move

" اهدى و م تتحركي "

نرمين:
where Mama and Nisreen ..Did something happen to them?
" انا بقول ماما و نسرين وين😭😭😭حصلت ليهم حاجه صح؟!.. "

_Dedicate until I explain to you

" طيب انتى اهدي و انا ح اقول ليكي "
نرمين:
explain now

" حسي عايزه اعرف وروني "

_ Life is this many times by taking the closest people ... unfortunately died

" الحياه كده .. مرات بتاخذ اقرب ناس .. ماتو !..انا آسفه "💔 #

كيان:نرمين ..
نرمين:م بقدر اطلع لناس اقول ليهم انو المريض الجوه مات و هو مجرد مريض للمستشفى بس بالنسبه ليهم قطعه مهمه ف حياتم ..
كيان: دي سنه الحياه
نرمين:م بقدر اكون جزو من حاجه توجع ..(و طلعتا طوالى غرفتي و رقدتا و انا بعاين للسقف ..)

احيانا الفقد بنقص فرد و احيانا بياخذ معاهو روح ..
مجبورين نكمل بس محتاجين نوقف ٫ نقع ٫ نبكى .."نضعف" .

نمته و صحيت مع أذان الفجر صليت و نزلتا عملتا الشاى لانو ابوى و عمى بطلعو الصلاه و بمشو الشغل طوالى ..
صبحو علي و شربو الشاى و طلعو ..
و انا طالعه غرفتى لقيت كيان نازل و كالعاده مبتسم ..

كيان:صباح الخير ي كل الخير
نرمين:(عاينتا ليهو بخلعه ..)صب ..صباح النور!
كيان:محاضرتك الساعه 8 نومى و ح تصحى بعدين نمشى
نرمين:انا م بحب زول يأمرنى
كيان:انا م بأمرك انا بوريكى ال ح تعمليهو
نرمين:ده كده م أمر؟!..
كيان:(أبتسم لى ..)لا ..(و نزل ..
نرمين:اقسم بالله الولد ده م نصيح!!..(طلعتا غرفتى و كملتا نوم من غير اظبط منبهى و اصلا م كنتا ناويه امشى الجامعه لمن م فجأه حسيت بمويه بارده اتكبت ف وشي ..
صحيت مخلوعه ..)
كيان:ده الاسلوب الجديد!!
نرمين:انتا مجنون ..(و بقيت بصرخ و جايطه ..)
كيان:(عاين للساعه اللابسه ..)عندك نص ساعه عشان تجهزى و نطلع لازم نلحق المحاضره..
نرمين:اها و لو قلتا م ح ألبس
كيان:(عاين لى بنظره خبيثه ..)ده احلى جزو ف الأسلوب الجديد⁦ ..ح البسك براى❤️
نرمين:نعم!!انتا .. انتا انسان ..
كيان:(قاطعنى ..)انجزى ..(و طلع ..)

قمتا و انا زهجانه لبستا لى بنطلون و تيشيرت و طلعتا ..
لقيتو راكب العربيه و مشغل اغانى و مستكين ..

نرمين:ي رب الصباح ده يعدى ع خير!(ركبتا و قفلتا الباب قووى ..)
كيان:دى م عربيه ابوكى ع فكره
نرمين:(م رديت عليهو ..)

اتحركنا و