#عوده_روح
بقلم فاطمه السر
-٥-
زهره:( انتي م عندك اخوات?)
فلتا ليها:( لالا.. امي ( الله يرحمها) في ولادتي تعبت شديد و جاها نزيف،، اضطرو اشيلو ليها الرحم.. )
زهره:( لا حول لله...ربنا يرحمها... بس احسن ريحوك.. الاخوان غير التعب م بجيبو شي.. )
قلتا ليها:( بلعكس.. حلوين والله...بالجد كان نفسي اكون عندي اخوان)
زهره:( اسي بديك امجد و ايهاب .. غير التعب م حاعملو ليك حاجه)
ضحكتا قلتا ليها:( كويس)
زهره باستغراب:( ي ياسمين... انتي بتتكلمي سوداني كويس.. البشوفك م اقول امك مصريه و طول عمرك عايشه في مصر)
ضحكتا..
قلتا ليها:( ايوا.. امي اغلب كلامها سوداني و انا بقيت بتكلم سوداني.. ابوي بقول لي اتكلمي سوداني انتي سودانيه م مصريه)
زهره: ( كويس والله.. البشوف كلامك بيحلف انك عايشه في السودان .. )
قلتا ليها:( اي صح.. زهره دايره شريحه تلفون.. اضرب لخالاتي)
زهره:( عندي وحده فوق بديك ليها )
قلتا ليها:( طيب)

فضلنا انا و زهره نتونس كتيير.. كانت ظريفه شديد و وناااسه...
المساء جاني ابوي في غرفتي كنت بقرا في كتاب..
عبدالرحمن:( ياسمين.. ماشي اودي امي الدكتور..عشان عمليه القسطره)
قلتا ليهو: ( امشي معاكم?)
ابوي:( لالا ارتاحي...معانا سميه)
قلتا ليهو: ( طيب) ..
ناس ابوي مشو..
بعد شويه طلعتا برا م لقيت زول .. كنت دايره زهره بس م عارفه شقتهم وين.. طلعتا برا و ماشه علي الحديقه.. لقيت مياده جاريه داخله البيت.. لمن شافتني اتخلعت..
قلتا ليها:( مالك? في شنو?)
مياده عاينت لي من فوق ل تحت ..
مياده:( انتي مالك?)
سكتا خليتا.. مشت علي السلم الخارجي و طلعت بيتهم..
كنت دايره اسالها من زهره بس م ادتني فرصه..

دخلتا قعدتا في الصاله.. جا داخل امجد.. من شافني ابتسم و جا علي..
امجد:( مساء الخير)
قلتا ليهو:( مساء النور) قعد..
امجد:( مالك قاعده براك?)
قلتا ليهو:( ناس ابوي ودو حبوبه المستشفي.. )
امجد:( عشان العمليه وله حاجه تانيه? )
قلتا ليهو:( ااي عشان العمليه)
امجد:( كيف السودان معاك?)
قلتا ليهو:( كويس.. بس لسه م شفتا فيهو حاجه)
امجد:( اسي قومي نمشي نتفسح)
قلتا ليهو:( بس انت جاي تعبان)
امجد:( لالا م تعبان.. يلا قومي البسي)
قلتا ليهو:( طيب كلم زهره)
امجد:( طيب بكلمها.. يلا سرعه)
ابتسمتا قلتا ليهو:( طيب)
و مشيت علي غرفتي.. لبستا.. جاتني زهره لابسه..
زهره:( بركاتك ي ياسمين.. خليني امجد شخصيا يطلعنا الليله)
ضحكتا..
زهره:( انتي عارفه امجد مستحييل يطلعنا.. الليله انتي عملتي مععهجزه... )

ضحكتا قلتا ليها:( والله براهو القال لي يلا نطلع)
زهره:( بركاتكم ي ناس مصر.. يلا اطلعي خلاص.. )
قلتا ليها:( حاضر.. يلا) شلتا شنطتي و طلعتا..
ماشين علي باب الشارع لقينا إيهاب جاي طالع.. بتكلم في التلفون من شافنا نزل التلفون...
إيهاب:( علي وين? )
زهره:( بسبب بركات ناس مصر...امجد الليله مفسحنا.. يلا معانا)
إيهاب:( كويس طيب.. لالا تعبان ماشي ارتاح.. )
امجد:( راحت عليك تاني م بتتعوض)
إيهاب:( ماف مشكله..)
و دخل علي البيت...
زعلتا منو لا سلم علي ولا كاني موجوده، ، قلتا في نفسي :( ده شكلو شايل طبع امو و ابوهو)
امجد اشترا لينا ايسكريم و مشينا شارع النيل.. شربنا شاي و اتونسنا.. و رجعنا اتعشينا في مطعم و رجعنا البيت...جد انبسطا بالطلعه كتيير.. امجد و زهره جد مجانين ونسوني وضحكوني ضحك.. جد حبيتهم والله..
امجد و زهره طلعو بيتهم بالسلم الخارجي و انا دخلتا البيت.. مشيت علي المطبخ اشرب مويا.. لقيت ليلي جوه.. بتعمل في عصير... من شافتني كشرت لي..
ابتسمتا و مشيت اشرب مويا..
ليلي:( شنو الرجعك انتي و ابوك?)
استغربتا قلتا ليها:( كيف? )
ليلي:( جيتو عشان حبوبه زهره حتموت و تشيلو حق ابوك و تمشو)
اتخلعتا من كلامها... م عرفتا ارد..
ليلي:( اختشو علي دمكم شويه.. م تعملوها ظااهره كده.. ابوك نسي االناس زماان.. يدوب جاي افتش علي امو و يطلب رضاها? و ابوهو مات و هو م راضي عنو.. و اسي حبوبه زهره حتمشي م راضيه عليهو)

و شالت كبايه العصير و مشت.. استغربتا شديد في تفكيرها و كلامها معاي...
دخلتا غرفتي زعلانه شديد منها.. م عرفتا اكلم ابوي وله اسكت و له اكلم منو.. تاني قررتا اسكت م دايره اعمل مشاكل من الاول..
لقيت ناس ابوي جو و نامو.. رقدتا حاولتا انوم بس كلام ليلي م راح من راسي طوول الليل...

كنت قاعده في غرفتي جاتني عمتو اميره..( كان عمرها في اول ال 30 كده) قعدت معاي بقينا بنتونس..
اميره:( مرتاحه هنا? عجبك السودان?)
قلتا ليها:( اي.. الحمدلله)
اميره:( م ناقصك شي?)
قلتا ليها:( لالا الحمدلله)
اميره:( يلا احكي لي عنك.. عن حياتك! مخطوبه?? )
ضحكتا قلتا ليها :( لا)
اميره اتخلعت: ( ليه? ?)
قلتا ليها:( الحب بعد العرس بس.. العلاقات دي كلام فااضي ساااي)
في الوقت ده جات داخله زهره..
اميره:( تعالي شوفي ياسمي

ن.. قالت م بتؤم

ن بالحب قبل العرس)
زهره ضحكت:( انتي قلتي الكلام ده لزوله الغلط)
استغربتا قلتا ليها:( كيف?)
زهره:( عشان عمتك اميره دي.. اكتر وحده بتؤمن بالحب و تقدسو.. )
قلتا ليها:( ي سلااااام...عشان كده زعلتي)
و بقيت بضحك...
اميره:( تضحكي علي ي ياسمين... طيب)
عايزه تقوم تمشي مسكتها من يدها..
قلتا ليها:( اقعدي ي عمتو... كدي احكي لي قصتك)
زهره:( انا البحكي ليك.. عمتو دي بتحب واحد اسمو مصطفي ليها 8 سنه و هو كمان بحبها.. بس ابوي م موافق عليهو.. اتقدم ليها كم مره.. و ابوي برفضو... في الاخر عمتك الحلوه دي قررت تقعد كده بدون عرس...)
قلتا ليها:( و ليه عمو محمد برفضو?)
زهره:( بدون ااي سبب.. والله مصطفي ده زول ممتاز جدا... و بحب اميره دي و بحترمها فوق م تتصوري... بس ابوي م ااي زول بعجبو.. اي زول لازم اطلع فيهو الف عيب)

قلتا ليها:( يعني ح تسمعي كلامو و تخليهو?)
اميره:( لا م خليتو متواصلين.. مستنيين ربنا يهدي محمد اخوي و يوافق بيهو)
قلتا ليها:( لو م وافق? حتضيعي شبابك ساااي كده? انتي لسه صغيره والف مين بتمناك)
اميره:( م بعرس غير مصطفي..)
قلتا ليها:( عشان كده بخاف من الحب قبل الزواج...عشان الحركات دي)
زهره:( يعني طلعتي خوافه بس)
قلتا ليها:( والله هو خوف و ثقه و كده... عارفه قصه امي و ابوي دي عملت فيني عقده من الحب القبل العرس.. خايفه احصل ذي م حصل مع امي و ابوي...و او ذي م حصل مع زهره اسي.. عشان كده البجي بالباب بس بقبل بيهو و خلاص غير كده لا)
زهره:( احسن ليك والله ريحتي روحك.. الحب ده غير وجع القلب م بجيب شي)
نتلاقي😊

#عوده_روح
فاطمه السر
-٦-
قصه عمتو اميره اثرت فيني شديد.. زعلتا علي حالتها.. لسه شابه و صغيره.. ليه اخوها يكسرها كده و يكسر قلبها..

قاعدين ابوي و عمو محمد و عمتو سميه و عمتو امنه في الصاله.. و انا و زهره و اميره في الصفره بنشرب في شاي و بنتونس... و سامعين كلام ناس ابوي.. كانو بتكلمو عن حال حبوبه..
عبدالرحمن:( انا م بثق في الدكاتره هنا و م بقدر اخلي امي تعمل عمليه قسطره هنا)
محمد:( م فيها شي ي عبدالرحمن ،، الناس دي كلها بتعمل عمليات قسطره هنا)
عبدالرحمن:( هم حرين.. بس انا م بخلي امي تعملا.. حاسال عن احسن مستشفي في الاردن و له ااي مكان و بسفرا)
محمد:( لالا.. تعملا هنا و خلاص.. ماف اي سفر)
عبدالرحمن:( ليه?)
محمد:( كده بس)
ابوي زعل و انفعل ..
عبدالرحمن:( انت قنعان من امك? عشان كده دايرا تعملا هنا.. امي لو حصل ليها حاجه م حاسامحك ي محمد)

محمد ضحك و قال( انت اخر واحد تخاف علي امي)
عبدالرحمن وقف علي حيلو و قال:( انا م بخاف علي امي?)
محمد:( ايوا.. لو كنت بتخاف عليها م كنت كسرتا كلامها و مشيت عرستا وحده مصريه غصب عنها)

اللحظه ديك انا وقفتا و زهره و اميره كمان وقفو.. زهره مسكتني من يدي..و انا زعلتا شديد من كلام عمي محمد علي امي..
سميه:( خلاص ي جماعه.. اقفلو الموضوع ده?)
عبدالرحمن:( عاين ي محمد...حياتي انا حر فيها و انت م ليك حق تحاسبني.. بس امي م بخليها تعمل عمليه هنا ،، رضيت وله م رضيت بطريفتك)
ابوي طوالي طلع علي الحديقه برا زعلان..

محمد بقي يكورك :( انا الكبير هنا.. جاي واحد ذيك الليله يكسر لي كلمتي...كويس ي عبدالرحمن...بتشوف محمد حسين بقدر يعمل شنو)
جريت مشيت لحقتا ابوي... في السكه اتضربتا مع ايهاب .. عاين لي باستغراب ..
ايهاب:( مالك?)
م رديت عليهو.. لحقتا ابوي في الشارع.. لقيتو ماشي برجلينو وصلتو و بقيت ماشه جمبو و انا ساكته...

عبدالرحمن:( ارجعي ي ياسمين)
قلتا ليهو:( م بخليك براك ي ابوي)
عبدالرحمن:( انا اسي بجي.. ماشي ل واحد صحبي هنا) وقفنا..
قلتا ليهو:( طيب استني اجيب ليك العربيه م تمشي برجلينك)
عبدالرحمن:( انا داير اتمشي...الجو كويس.. يلا ارجعي اتطمني علي بالتلفون)

قلتا ليهو:( طيب.. )
و مسكتا يدو حبيت عليها و رجعتا البيت ...

حسيت روحي بكره عمي محمد شديد.. عامل فيها راجل البيت و بتحكم في اي حاجه هو.. حتي في حياه و مستقبل اخواتو..
دخلتا البيت لقيت زهره و اميره في الحديقه..
اميره:( تعالي ي ياسمين)
مشيت عليهم قعدتا و انا مكشره...

اميره:( عايني ي ياسمين... محمد و عبدالرحمن طول عمرهم بتناقشو كده و بجوطو.. و تاني برجعو عادي.. اتعودو علي كده،، انتي بس م تزعلي كده و مشي المواضيع عادي)
قلتا ليها:( بس ي عمتو.. ابوي كلامو صح و عمي محمد بدخل المواضيع في بعض سااي)
اميره:( صح كلامك.. انا ذاتي مقلقه من العمليه هنا.. بس محمد راسو قوي.. م بسمع كلام زول)
زهره:( ابوي عشان هو كبير البيت بتحكم في اي حاجه.. و كلمتو ذي السيف.. حتي حياتنا متحكم فيها.. دخلنا الكليات العلي مزاجو.. و م بنقدر نقول لا.. )
قلتا ليهم:( انتو عودتوهو تسمعو كلامو.. عشان كده بقي كده)
اميره:( هو اصلا صعب كده من زمااان.. قبل م يعرس.. حتي لمن ابوي كان حي.. كان بفرض رايو كده و ابوي بسمع كلامو.. حتي في موضوع عرس ابوك من امك.. قرار الرفض ده كان من محمد)

استغربتا قلتا ليهم:( و جدو م كان رافض? )
اميره:( ابوي في الاول م كان رافض شديد... بس بعد يومين جا رفض و شاكل عبدالرحمن.. و حصل مشكله كبيره و عبدالرحمن كان زعلان شديد و خلا البيت كم يوم.. تاني جا شال هدومو و قال لابوي انا ماشي اعرس ايمان و طلع مشي.. تاني م شفناهو)
اميره:( احنا شكينا انو محمد هو الحرش ابوي.. بس م متاكدين.. بس ابوك شكلو عارف حاجه بس م قال)

سكتا بقيت بفكر في عمو محمد و بالجد هو الحرش جدو علي ابوي وله لا....و هو السبب في غربه ابوي بعيد من اهلو..

بليل كنت واقفه في البلكونه .. لقيت سامي قاعد في الحديقه الورا.. و ماسك جيتار في يدو بعزف و شكلو بغني بصوت وااطي..
استغربتا..
قلتا في نفسي:( سامي ده بغني!! )
م حصل اتكلمتا معاهو ولا لاقيتو من اول يوم.. قلتا امشي اشوفو..
نزلتا مشيت ليهو...وقفتا جمبو.. لقيتو بدندن في اغنيه.. صوتو كان حلو شديد..
من شافني سكت و ابتسم..
قلتا ليهو:( انت بتغني? )
قال لي:( لالا.. دي موهبه بس)
قلتا ليهو:( والله صوتك حلو شديد.. ليه م تغني?)
سامي:( م بقدر)
قلتا ليهو:( ليه?)
قعدتا...
سامي:( الغناء في البلد دي م بالساهل كده.. و بعدين خالو محمد لو سمع بالموضوع ده ممكن يزعل)
قلتا في نفسي:( ااي زول في البيت ده خايف من محمد)
قلتا ليهو:( احنا هناك الغناء عندها ساهل و ااي ززول بغني و الناس بتفرح بيهو)
سامي:( هنا ايوا الناس بتغني.. بس نظره الناس ليك بتتغير.. م عارف ليه)
قلتا ليهو:( طيب ممكن تسمعن

ي

حاجه.. عشان اقدر احدد انو تنفع تغني وله لا)
ضحك و قال لي :( طيب... حاغني ليك اغنيه.. انا قلبي مالو اليوم.. )
و بدا يعزف و يغني... ياااخ.. جد صوتو رهيييييب.. و احساسو عاااالي شديد... بقيت بس سرحانه فيهو و في صوتو... جد انبهرتا بيهو... لمن خلص الاغنيه...

قلتا ليهو:( واااي.. جد صوتك اجنن ي سامي)
سامي:( شكرا.. ده من زوقك)
قلتا ليهو:( جد والله.. صوتك ابداااع عديل.. و احساسك عااالي جدددا...)
ابتسم
.. سامي:( تسلمي ي ياسمين)
قلتا ليهو:( جد فكر تغني و كده)
سامي:( انا لمن اكون مع اصحابي و كده بغني.. و عندي اصحابي برضو ذيي كده بحبو يعزفو و يغنو.. بنقعد مع بعض و نعزف و نغني.. )
قلتا ليهو:( و غير اصحابك? م داير تغني لباقي الناس? و الله خساره صوتك ده الناس م تسمعو)
قال لي:( لالا ... م بقدر...كده كويس.. )

جا إيهاب علينا..
إيهاب:( مساء الخير)
قلنا ليهو:( مساء النور)
إيهاب:( ساميي... بكرا بعد الصلاه عقد آمين..حتمشي? )
سامي:( ااي ان شاءالله.. و العرس متين?) .
إيهاب:( بعد بكرا.. السبت )
سامي:( اوكي.. بنمشي مع بعض)
ايهاب:( اوكي)
و مشي طوالي...

نتلاقي😊

#عوده_روح
بقلمي: فاطمه السر
-٧-
سالتا سامي..
قلتا ليهو:( إيهاب ده صعب ذي ابوهو صح?)
سامي:( لالا.. م ذي ابوهو.. إيهاب ده كان كويس شديد و مرح و وناس.. كان بحب وحده و ناوي يعرسها.. فجاه خلتو بدون ااي سبب و مشت عرست واحد تاني.. الكلام ده من 7 او 8 شهور كده.. من وقتها بقي كده.. م بقعد يتونس مع الناس لا بطلع لا ااي شي.. ليهو كم شهر عايش حياتو،، شغل و بيت و نوم بسسس... )

حنيت شديد علي حاله إيهاب..
قلتا ليهو:( يحليلو معناها كان بحبها شديد)
سامي:( ااي شدييد.. اتصدم فيها...و كره البنات كلهم بسببها)

صحيت الصباح يوم الجمعه..
زهره قالت لي :(الليله بتغدا كلنا مع بعض.. عن حبوبه هنا... )
مشيت المطبخ لقيت حبوبه قاعده و عندها شغالتين بعملو في الاكل..
سلمتا عليها.. و قعدتا جمبها..
حبوبه:(كيفك حبيبتي? )
قلتا ليها:( الحمدلله ي حبوبه.. انتي ليه شغاله هنا.. مفروض ترتاحي?)
حبوبه:( الليله الجمعه.. و اولادي كلهم بتغدو معاي.. لازم اشرف علي الغدا)
قلتا ليها:( انتي دايره تعملي شنو و انا بعملو ليك.. و انتي امشي ارتاحي)
حبوبه:( لالا.. انا اهو مرتاحه قاعده في الكرسي و بكلم البنات يعملو الاكل)
قلتا ليها:( طيب انا ممكن اعمل ليك حاجه?)
قالت لي:( شكرا حبيبتي.. اسي اميره بتجي تعمل لي السلطات.. الحلو بتعملو سميه.. و امنه حتعمل الفطاير)
قلتا ليها:( انا ممكن اعمل ليك السلطات)
قالت لي:( بتعرفي?)
قلتا ليها:( طبعا ي حبوبه... انا ماسكه بيتنا هناك... و من وفاة امي انا البعمل الاكل ل ابوي)
قالت لي:( ماشاءالله عليك... خلاص اعملي السلطات )
فرحتا..
قلتا ليها:( حتعجبك جدددا)
و قمتا بفرح بقيت بعمل في السلطات...

جات اميره قالت:( بتعملي في شغلي??)
حبوبه :( ايوا.. خلاص ياسمين حتعملهم.. انتي مستغنيين عن خدماتك)
انا بقيت بضحك..
اميره:( كده ي امي? تبيعيني في ثانيه لمن لقيتي ياسمين)
حبوبه ضحكت..
حبوبه:( ااي عشان لقيت ياسمين)
اميره:( خلي ياسمين تقعد معاك هنا طوالي و تعمل ليك ااي حاجه)
و طلعت مشت..
انا و حبوبه بقينا نضحك عليها...

وقت الغدا بنحضر في الصفره انا و اميره.. جات سميه و بناتها مياده و دلال.. شايلين صحانه ختوها علي الصفره.. و جات امنه و سلافه.. شايلين برضو صحانه ختوها علي الصفره..
ابوي و سامي و امجد قاعدين في الجلوس بتونسو.. و محمد ماسك تلفونو مشغول بيهو... و إيهاب م جا لسه..
كانو كلهم لابسين جلاليب بيضاء..
اميره:( ياسمين.. خلاص كده خلصنا.. امشي غيري و تعالي)
قلتا ليها:( طيب.. )

و طلعتا.. استحميت و لبستا جلابيه خليجيه.. لونها كحلي و لميت شعري لورا.. و عملتا حبه ميكب.. سمعتا زهره بتكورك لي في السلم..
زهره:( يلا ي ياسمين.. الغدا)
قلتا ليها:( طيب)
و نزلتا..
لقيتها واقفه نهايه السلم..
زهره من شافتني ..
زهره:( هييي.. مين القمر دي)
قلتا ليها:( بطلي بكش ي بت)
كلهم رفعو راسهم عاينو لي..
مشيت ..
حبوبه:( تعالي اقعدي جمبي هنا ي ياسمين)
قعدتا جمب حبوبه..
زهره:( ياسمين خلت حبوبه تنسي الناس كلها)
سلافه:( بقو بغيرو منك ي ياسمين)
قلتا ليها:( اصلا هم غيورين شديد.. بالذات زهره و عمتو اميره)
اميره:( اسي انا قلتا حاجه?)
حبوبه:( كلكم عندي وااحد.. م بفرق بينكم.. بس ياسمين كنت محرومه منها)
عاينتا لقيت إيهاب بعاين لي.. اول من عاينتا ليهو طوالي نزل عينو و بقي بياكل..
عبدالرحمن:( يلا ي جماعه اكلو.. بسم الله)
حبوبه:( اكلو السلطات دي عملتها ياسمين)
امنه:( ياسمين بتعرف تطبخ?)
عبدالرحمن:( طبعا.. ياسمين شاطره جدددا... اي حاجه بتعملا لي.. ماف طبخه بتغلبا)
امنه:( ماشاءالله)

نتلاقي

#عوده_روح
بقلمي: فاطمه السر
-٨-
بعد الغدا.. قعدنا كلنا نتونس.. الشغاله جابت صواني الشاي و القهوه و الحلو..
قمتا انا و زهره بقينا نصب الشاي و القهوه.. زهره ادت عماتي و البنات.. و انا اديت الرجال.. ختيت ل إيهاب فنجان القهوه قدامو..شالو اخد منو بق..
إيهاب:( ممكن تذيدي لي السكر)
قلتا ليهو:( حاضر)
ذدتا ليهو السكر.. و شلتا فنجاني و قعدتا جمب البنات سلافه شويه شويه بقت تتونس معاي.. اما مياده خالص م بتتكلم معاي.. بتكشر لي بس.. م عارفه مشكلتها شنو معاي..

ابوي تلفونو ضرب.. شال تلفونو و مشي يتكلم بعييد..
ليلي نظراتها لي برضو كعبه.. و عمو محمد خااالص م بتكلم معاي.. شكلها هي و راجلا مقتنعين بموضوع الورثه ده عشان كده م بحبوني..

عماتي( امنه و سميه) برضو كلامهم محدود جدا معاي.. م عارفه اخليهم يحبوني ككييف...

ابوي خلص مكالمتو و جا قعد..
عبدالرحمن:( ي امي)
حبوبه:( ايوا)
عبدالرحمن:(شفتا دكتور كويس شديد في الاردن... و قال نجي هناك عشان نفحص ليك و يشوف لو بتحتاجي عمليه وله لا)
عمو محمد كشر وشو...
حبوبه:( ي عبدالرحمن ي ولدي.. الموضوع م بستاهل... اصلا العمليه ددي م مقتنعه بيها.. اسي انا اهو كويسه الحمدلله)
عبدالرحمن:( ي امي.. عليك الله اسمعي كلامي بس.. لو لقينا م محتاج بنجي راجعين)
عمو محمد طوالي قام مشي..
عبدالرحمن:( ي امي.. انا من زمان مقصر معاك.. و حاسي بالذنب شدييد نحيتك.. عليك الله خليني ارضي ضميري لو مره.. خليني احس اني عملتا ليك حاجه.. م داير احس بالذنب ي امي)
حبوبه:( م بتقصر ي عبدالرحمن والله.. عارفاك ي ولدي)
عبدالرحمن:( خلاص ي امي.. عليك الله وافقي.. و نحجز نمشي.. سميه وامنه منو البتمشي معانا?)
امنه:( م عندنا مشكله.. الدايرا انت بتمشي معاك)
عبدالرحمن:( انا م عندي مشكله.. اتفقو مع بعض و الدايره تمشي معاي اهلا وسهلا بيها)
قلتا ليهو:( و انا ي ابوي? )
عبدالرحمن:( لالا انتي حتقعدي هنا م حتسافري معانا)
اميره:( ااي عليك الله اقعدي معاي.. عشان م اقعد براي)
قلتا ليهو:( بس انا دايره امشي معاك ي ابوي)
عبدالرحمن:( لالا خليك هنا احسن)
زهره:( ااي عليك الله اقعدي معانا)

م اقتنعتا بفكره اني اقعد هنا بدون ابوي... خوفتا عدييل.. بس ابوي م كان دايرني امشي معاهم م عارفه ليه..
إيهاب:( يلا ي سامي)
سامي:( يلا اتاخرنا..)
زهره:( ماشين عقد آمين?)
إيهاب:( ايوا.. انتو م ماشين?)
زهره:( بنمشي العرس انا و اميره)
سامي:( اي عشان هاله بتزعل)
اميره:( تمشي معانا ي ياسمين?)
قلتا ليهم:( م بعرفهم انا)
اميره:( احنا بنعرفهم.. اصحابنا شديد.. و آمين صاحب ناس سامي..و هو ذاتو العريس اخو هاله صحبتنا.. )
حبوبه:( امشي معاهم م حصل حضرتي عرس سوداني انتي)
قلتا ليهم:( ان شاءالله)
إيهاب و سامي طلعو مشوو..

المساء قاعدين.. انا و زهره و اميره.. اميره جاها تلفون مشت تتكلم... بقينا قاعدين انا و زهره برانا..
زهره:( مليت.. ماف موضوع)
قلتا ليها:( اي والله.. تعالي نحضر التليفزيون)
قالت لي:( بايخ ياخ)
قلتا ليها:( بجيبو افلام اسي ظريفه)
زهره:( انا عندي افلام ظريفه في لابتوبي فوق... يلا نطلع نحضرا)
خوفتا من طلعت شقتهم فوق.. عشان ليلي و محمد..
قلتا ليها:( لالا جيبي هنا.. ناس ابوك قاعدين)
زهره:( ابوي المسا ده م بقعد خاالص.. طوالي بطلع مع اصحابو... و امي مشت ناس حبوبه.. البيت فوق فاضي)
قلتا ليها:( متاكده?)
قلتا ليها:( اي يلا مالك خايفه ييااااخ)
و مسكتني من يدي طلعنا من الصاله لقينا اميره قاعده في الحديقه بتتونس بالتلفون..
زهره:( اميره خلصي و تعالي لينا فوق)
اميره:( حاضر)
طلعنا بيتهم... شقتهم كبيييره و حلوه...ذي البيت التحت... دخلنا غرفه زهره..كبيره و حلوه و مليانه صورا و صور فنانين .. و الحيط كل حيطه لون... ضحكتا،،

قلتا ليها:( ده شنو في زول بضرب كل حيطه لون براهو و كل لون بعيد من التاني ماااف صله بينهم)
ضحكت ..
زهره:( ااي والله.. جن مني ساااي.. بس عملتا كده.. ااي زول بعلق لي عليهم بس برضو م حاغيرهم)
قعدنا في السرير.. طلعت اللابتوب..
زهره:( تعالي نعمل فشار وله حاجه)
قلتا ليها:( ممكن)
مشينا المطبخ.. طلعت شيبس و بيبسي... زهره سمعت تلفونها ضرب مشت.. بقيت بعمل في الفشار.. فجاه حسيت بزول جاي علي.. قلتا دي زهره فجاه زول لمسني من ظهري ..
قال لي:( بتعملي في شنو)
اتخلعتا و صرختا و قبلتا عليهو لقيتو إيهاب.. الاتنين اتخلعنا... من الخلعه ضربتا حله الفشار بيدي.. و يدي اتحرقت بحله الفشار و القشار اتدفق في الارض...

إيهاب:( اسف.. كنت قايلك زهره)
سكتا ..
إيهاب:( انتي كويسه?)
كشرتا وشي.. و مسكتا يدي..
إيهاب:( اسف.. حرقتك?)
قلتا ليهو بزعل:( انت شايف شنو?? )
ايهاب:( تعالي كبي فيها مويا بارده)
شال كبايه مويا و مشينا علي الحوض كبا لي فيها مويا..
إيهاب:( تعالي اعمل ليك فيها برهم)
مشيت معاهو علي الصاله.. قعدتا في

الصاله.. جات زهره سالت بخلعه..
زهره:( في شنو?)
ايهاب:( اتحرقت بالحله)
زهره جات جاريه علي عاينت ل حرقه في يدي..
زهره:( اتحرقتي كيف?)
قلتا ليها:( سرحتا بس)
ايهاب عاين لي باستغراب.. و فتح الدولاب جاب برهم..
ايهاب:( لمي الفشار من الارض ي زهره)
زهره:( حاضر)
و مشت
ايهاب:( ليه م قلتي ده انا الخلعتك و حصل ليك كده?)
قلتا ليهو:( م عارفه ،، م مشكله)
إيهاب:( اسف والله م قصدي،، قايلك زهره)
قلتا ليهو و انا مكشره:( حصل خير)
مسح لي البرهم و لفاها لي ب شاش..
زهره شالت و الفشار و الشيبس و البيبسي ودتهم الغرفه.. ايهاب:( خليها ملفوفه كده لبكرا)
قلتا ليهو:( طيب)
و قمتا مشيت ل زهره...

بقينا بنحضر في الفيلم ..و جاتنا اميره.. بس كل شويه بسرح بفكر في ايهاب.. م عارفه ليه بفكر فيهو.. صح هو حلاتو و وجيه.. اسمر و طويل.. و جسمو عريض... عكس امجد اللونو ابيض شويه شايل لون امو و ملامحها.. بس إيهاب اسمر علي ابوهو و بابا.. و شايل ملامحهم،، سامي اسمر برضو..و بلبس نظارات...

خلصنا الفيلم و جايه انزل البيت تحت لاقيت إيهاب في السلم..

ايهاب:( يدك بقت كيف?)
قلتا ليهو:( كويسه)
ايهاب:( مؤلماك?)
قلتا ليهو:( شويه)
ايهاب:( اوديك الدكتور?)
قلتا ليهو:( لا م بستاهل)
ايهاب:( جد والله.. ارح)
قلتا ليهو:( لالا للصباح بتبقي كويسه.. عن اذنك)
و مشيت خليتو واقف.. كنت برد عليهو بمسااخه... اصلو ابيت اديهو وش..

نتلاقي😊

#عوده_روح
بقلمي: فاطمه السر
-٩-
قاعدين ليلي و محمد في غرفتهم..
محمد قاعد مكشر..
ليلي:( حتخلي عبدالرحمن يودي خالتو زهره الاردن?)

محمد بزعل:( شايفاهو مصر كيف? .. اعمل شنو انا?)

ليلي:( امنعو م تخليهو.. مش انت اخوهو الكبير و المسئول. علي البيت ده و علي امك و ااي زول فيهو.. هو مشي غااب سنين و جاي اسي يتحكم فيك?)
محمد:( عبدالرحمن ده راسو قوي.. و انا عندي مشاكل في الشغل و م فاضي ليهو)
ليلي وقفت علي حيلها و بقت تكورك..
ليلي:( كيف م فاضي ليهو? خلي الشغل خلي ااي حاجه.. اتفاهم مع عبدالرحمن ده? هو بسمع كلام زول عشان احنا نسمع كلامو?.. هو جاي عشان الورثه بس.. م ااي شي تاني.. و م بعيد في سفرهم ده.. يخلي خالتو زهره تكتب ليهو البيت ده وله ااي حاجه تاني.. مش فضل عليها و سفرا و عالجا)
محمد:( ليلي.. لو سمحتي خليني اسي.. م محتمل كلمه منك)
ليلي:( لا حتتحمل.. اتصرف.. امنع السفر ده بآي طريقه.. )
محمد:( كويس ي ليلي كويس)
و قام طلع زعلان..

قاعدين انا و ابوي الظهر في غرفتي.. انا قاعده زعلانه و مكشره..
عبدالرحمن:( يدك بقت كيف?)
قلتا ليهو:( كويس.. الالم بقي بسيط)
عبدالرحمن:( تاني انتبهي حبيبتي)
قلتا ليهو:( حاضر ي بابا)
عبدالرحمن:( انتي اسي ليه مكشره كده?)
قلتا ليهو:( ي بابا م ممكن تسافر و تخليني هنا براي.. م بقدر اقعد هنا بدونك..)
عبدالرحمن:( ياسمين حبيبتي.. احنا ماشين لعلاج امي.. و حنقصي طول الوقت في المستشفي .. و انتي حتتعبي ساي.. عشان كده احسن تقعدي هنا مرتااحه)
قلتا ليهو:( م بقدر اقعد مرتاحه الا معاك)
ضماني عليهو..
عبدالرحمن:( عارف والله.. و انا كمان م برتاح الا تكوني انتي جمبي.. بس دي ظروف.. كلها اسبوعين و بنرجع.. اقعدي هنا مع اميره و البنات.. بحبوك و حاهتمو بيك) دموعي نزلت..
عبدالرحمن:( ليه بس كده?.. في زول مزعلك هنا?)
قلتا ليهو :( لالا ي بابا.. بس م متعوده اكون بعيده منك)
عبدالرحمن:( خلاص حبيبتي.. عشان خاطر حبوبه بس اتحملي)
قلتا ليهو:( حاضر ي بابا.. )

يوم كنت واقفه في البلكونه.. لقيت جمب الحوض قاعد ايهاب.. مدخل رجلينو في الحوض.. و مشغل اغاني جمبو.. و سرحان..
بقيت واقفه بعاين ليهو.. جات من هناك مياده.. وقفت جمبو.. بقو يتكلمو مع بعض بس اانا م سامعاهم..
مياده:( مالك قاعد براك?)
ايهاب:( ماف شي..)
مياده:( ممكن اقعد معاك?)
ايهاب سكت شويه ..
ايهاب:( طبعا اتفضلي)
مياده قعدت جمبو...
انا حسيت في شي بينهم.. بس سامي م قال لي حاجه عنهم..
مياده:( ليه مكشر?)
ايهاب ضحك ضحكه تريقه كده..
ايهاب:( من متين انا م بكون مكشر?)
مياده:( لسه م قادر تنساها?)
ايهاب:( مياده م بحب اتكلم في الموضوع ده)
سمعتا صوت زهره بتناديني.. دخلتا الغرفه..
مياده:( لازم تنساها ي ايهاب.. و عيش حياتك..م ممكن تضيع شبابك علي وحده م تستاهل)
ايهاب سكت م ردا..
مياده:( في الف وحده تتمناك.. و تشيلك في راسها.. م تزعل عشان وحده باعتك في اقرب فرصه و م اهتمت ليك ولا سالت فيك)
ايهاب قام زعلان..بقي يكورك..
ايهاب:( عارف ،،م كل يوم تقوليهو لي.. بس اعمل شنو هي قاعده هنا)
و ضرب يدو علي قلبو..

ايهاب:( انتي قايلاني انا مبسوط كده? عاجبني حالي كده? بس م قادر.. م قادر انساها.. ولا اشوف غيرا.. م قادر)
و مشي بسرعه طلع...
و مياده قاعده في مكانها مبتسمه..
و تقول في نفسها( لازم اخليك تنساها.. و تفكر فيني انا.. انا بس الاستاهلك.. ماف وحده غيري تستاهلك)

قاعدين انا و زهره في غرفتي..
زهره:( عليك الله امشي معانا)
قلتا ليها:( م عندي مزاج)
زهره:( حتقعدي براك? .. انا و اميره ماشين.. جد حيكون عرس حلو و حتنبسطي)
قلتا ليها:( م عارفه افكر)
زهره:( لالا م تفكري.. قومي حضري لبسه.. عندك فساتين اعراس?)
قلتا ليها:( ااي جايبه واحد اسود كده)
زهره:( ظريف شديد.. حضري نفسك.. اهو شعرك كويس م محتاج تفرديهو تاني)
قلتا ليها:( لالا كعب محتاج.. عشان انا م ح البس طرحه)
زهره:(خلاص بعملو ليك انا عشان يدك)
قلتا ليها:( طيب.. بغسلو و بناديك)
قالت لي :( طيب.. يلا ماشه اشوف اميره)
و طلعت مشت...

طلعتا من الحمام...شعري مبلول و مفكوك.. مشيت اشوف زهره .. طلعتا في السلم الداخلي و وقفتا بنادي زهره.. م سمعتني..
قلتا في نفسي:( ي الله.. م دايره اطلع الاقي عمو محمد وله خالتو ليلي دي)
بقيت بنادي:( زهره.. زهره)
جاني ايهاب.. عاين لي و جا علي..
قلتا ليهو:( زهره وين?)
بقي بعاين لي نظرات غريبه..
ايهاب:( في غرفتها.. يدك بقت كيف?)
قلتا ليهو :( كويسه.. )
ايهاب:( ممكن اشوف مكان الحرقه!!)
هزيت ليهو راسي ب نعم...
مدا يدو مسك يدي و بقي يفك في الشاش..
عاين ل الحرقه.. و عاين لي في عيوني..
ايهاب:( بسيطه م كبيره)
قلتا ليهو:( ااي الحمدلله)
جات ليلي شافتنا واقفين كده..
ليلي :( ايهاب.. تعال)
انا و ايهاب اتخلعنا الاتنين..
ايهاب:( جاي ي امي.. حانادي ليك زهره)
و طلع بيتهم..
نزلتا رجعتا البيت ت

حت..

ليلي واقفه في نص الصاله و مربعه يدينها و زعلانه..
ايهاب:( ايوا ي امي?)
ليلي:(شنو الموقفك مع البت دي?)
ايهاب:( كنت بشوف في يدها الاتحرقت)
ليلي بزعل:( انت دكتور عشان تشوف ليها يدها.. مالك و مالها.. لو يدها اتحرقت وله هي زاتها اتحرقت)
جات طالعه زهره ..
زهره:( في شنو ي امي بتكوركو?)
ليلي:( شوفي اخوك واقف مع بت المصريه و ماسك ليها يدها كمان)
زهره:( مالو ي امي مش بت عمو)
ليلي كوركت:( اسمعو هنا.. اوعو تصاحبو لي االبت دي.. فاهمين.. م عندكم علاقه بيها.. ولا من قريب لا من بعيد خليها تتم هي و ابوها الايام الباقيه ليهو و يرجعو محل جو)
زهره:( ي امي م تتكلمي عنها كده.. ياسمين طيبه و مسكينه م تستاهل تتكلمي عنها كده)
ليلي:( انتي م بتوريني اتكلم مع منو و اخلي منو.. كلامي يتسمع بس م دايره نقاش معاكم..)
دخلت غرفتها زعلانه..

ايهاب:( امك لو م كوركت في اليوم م بتعدا من عمرها.. ) زهره:( م بعرفا ليه بتكره ياسمين...مع انها م عملت ليها شي)
ايهاب:( م عارفه امك انتي? م بتحب ااي زول .. بالذات لو زول ليهو علاقه بالورثه.. امشي شوفي ياسمين عايزاك)
و دخل غرفتو ..

نتلاقي😊

#عوده_روح
بقلمي: فاطمه السر
-١٠-
بليل جهزنا ماشين العرس.. انا و زهره و اميره.. ايهاب و سامي مستنيين في الحديقه جينا طالعين ليهم..
سامي:( ماشاءالله.. تلاته اقمار مره وحده)
بقينا نضحك..
اميره:( بطل بكش يااخ)
ايهاب قال بتريقه( يلا ي قمرات.. اتاخرنا)
بقينا نضحك..
ركبنا مع اميره.. و سامي و ايهاب مشو بعربيه سامي..
دخلنا مع بعض.. قعدنا.. الحفله كانت رهيبه.. الناس كلها بترقص .. قعدتا في نص ايهاب و اميره...

بقو يعلقو و يتكلمو مع بعض.. بس انا ساكته بعاين بس.. كان اول مره احضر عرس سوداني...في مصر كنت بعرف سودانيين اصحاب ابوي بس م حصل حضرتا اعراسهم.. ابوي و امي كانو بمشو و انا بقول م عايزه امشي..

شويه قامو سامي و زهره و اميره مشو يباركو و يجاملو العرسان.. بقيت انا و ايهاب بس..
ايهاب:( قومي امشي معاهم)
قلتا ليهو:( لالا )
ايهاب:( بتعرفي الاغاني السودانيه دي?)
قلتا ليهو:(بعرف كم اغنيه بس.. اغاني مصطفي سيد احمد.. ابوي كان بشغلا في البيت و العربيه طوالي.. بس الباقين م بعرفهم)
ايهاب:( احنا عندنا اغاني و فنانين..تقول لمصريين ديل انتو شنو)
ضحكتا قلتا ليهو:( كويس طيب)
ايهاب:( تحبي اعرفك عليهم?)
قلتا ليهو:(الفنانين?)
ضحك..
ايهاب:( لا طبعا.. الاغاني السودانيه)
قلتا ليهو:( اوكي .. ممكن)
قال لي:( طيب)

بقي كل م الفنان يغني اغنيه.. بقول لي اسم الاغنيه و الفنان الاصلي حقها..
العريس اصرا علي سامي في نهايه الحفله انو يغني اغنيه.. سامي في الاول رفض.. بس اصحابو شجعوهو..وافق يغني جزء من اغنيه..

وقف مع الفنان.. الفنان غني مقطع.. وسامي غني مقطع.. ياااخ جد صوتو اجننننن.. لمن خلص المقطع الناس دي كلها صفقت ليهو و كوركت.. انا و ايهاب وقفنا مع الناس بقينا نصفق ليهو..

راجعين في العربيه..
اميره:( ياخ سامي ده جد صوتو دماار)
قلتا ليها:( ااي والله.. قلتا ليهو غني.. بس قال لا)
زهره:( بخاف من ابوي...ابوي م بحب الغناء و كده)
قلتا ليها:( و ابو سامي برضو برفض?)
اميره:( ابو سامي قااعد في اوربا.. عندو الحاجات دي عاديه م معقد ذينا هنا.. م اظن يرفض)
قلتا ليها:( خلاص يقول ل عمو محمد ابوي موافق بس)
اميره:( محمد م برضي بعمل ليهو مشاكل سااي.. و امنه اختي م بترضي تزعل محمد اصلا)
قلتا ليها:( و الله خساره يضيع صوتو ساي يااخ.. م شرط يعمل حفلات و كده.. بس يكون في اغاني مسجلا بصوتو )
اميره:( ي ريت والله)

رجعنا البيت.. لقيت ابوي مافيش.. لقيت عمو محمد قاعد تحت في الصاله و مكشر... حسيت في حاجه.. طلعتا غرفتي غيرتا و رقدتا...

بعد شويه سمعتا صوت ناس جايطين.. سمعتا صوت ابوي بينهم.. قمتا جريت نزلتا.. لقيت ابوي و عمو محمد واقفين بجوطو و بكوركو مع بعض.. و عمتي اميره و حبوبه واقفين..

عمو محمد:( اسمع ي عبدالرحمن.. كلامي م بعيدو..انا حجزتا لامي و حتعمل العمليه بعد يومين هنا و خلاص)
عبدالرحمن:( امي م بتعمل عمليه هنا.. انت زعلان ليه? كل مصاريف السفر و العمليه علي انا...انت دخلك شنو?)
محمد:( كيف دخلي شنو? انا كبير البيت ده و كلمتي تتسمع.. لو م داير اهو الشارع ارجع من محل م جيت) حبوبه:( محمد.. م تتكلم مع اخوك كده)
عبدالرحمن:( ده الانت دايرو.. دايرني ارجع.. م راجع ي محمد...م حاخلي ليك البيت تاني... انا قااااعد هنا و حانقل شغلي هنا و حاعيش هنا.. كفايا زمان حرشتا علي ابوي بعد م كان موافق علي عرسي خليتو يرفض.. انت قايلني م عارفك عملتا شنو...بس عشان انا ساكت)
محمد:( ابوي براهو م بحب المصريين و رافض انا م لي دعوه... انت ماشي تجيب لينا حلبيه من الشارع عايز تعرسا و تدخلا بيتنا و تشيل اسمنا)

انا اللحظه ديك صرختا بدون م احس.. دايره ارد عليهو.. لقيت ابوي رفع يدو داير يدي محمد كف.. محمد ثبت ليهو يدو... انا و اميره بقينا نصرخ.. و حبوبه بتبكي.. جو جارين امجد و ايهاب.. و سامي.. ابوي و محمد بقو يتضاربو مع بعض.. انا انهرتا من الموقف.. قعدتا علي السلم و بقيت ببكي... اميره واقفه بتهدي فيني...و الاولاد بحجزو في ابوي و عمي... فجاه حبوبه وقعت علي الارض.. كلهم صرخو و جرو عليها... انا حيلي برد م قدرتا اقوم..

محمد و امجد و ابوي و سامي.. رفعو حبوبه و جرو علي الشارع.. و اميره معاهم.. جو نازلين سميه و امنه برضو جرو علي برا.. زهره قعدت جمبي حضنتني و بقت تهدي فيني.. ايهاب طلع علي بيتهم فوق يجيب مفتاح عربيتو.. انا حاولت اقيف علي حيلي جيت واقعه م وعيت بحاجه.. زهره بقت تصرخ..
زهره:( ايهاب.. الحق ياسمين)
ايهاب جا جاري رفعني... دخلني غرفه تحت..
ايهاب:( جيبي ريحه ي زهره)
زهره مشت...
ايهاب:( ياسمين.. ياسمين اصحي)
زهره جابت ريحه شممني ليها حتي وعيت..
بقيت ببكي..
زهره:( اهدي ي ياسمين ماف شي)
ايهاب:( اهدي.. اهدي خلاص.. زهره اعملي ليها عصير)
زهره مشت تعمل لي عصير..
ايهاب:( ياسمين.. بطلي بكي ياخ...اهدي عليك الله)
مسك لي يديني الاتنين بيدينو...

و انا م قادره اوق

ف بكا... زهره جابت لي كبايه عصيرر.. ادتني م قدرتا اشرب..
قلتا ليهم:( عمو محمد نبذ امي قال حلبيه من الشارع)
ايهاب:( م تشتغلي بكلام ابوي.. ابوي بقول ااي كلام و خلاص.. م تزعلي روحك)
زهره:( ابوي طول عمره كلامو كده.. م تزعلي روحك عليك الله)
ايهاب:( زهره شوفي تلفوني وله من تلفونك اضربي اتطمني علي حبوبه)
زهره:( ااي صح حبوبه )
و قامت مشت..
ايهاب شال كبايه العصير اداني ليها..
قال لي بصوت حنيين:( عليك الله اشربي شوويه بس)
شلتا الكبايه شربتا حبه و اديتو الكبايه..
ايهاب:( تاني.. حبه بس)
تاني شربتا و اديتو الكبايه ختاها في الطربيزه..
قلتا ليهو:( انا دايره ارجع.. م دايره اقعد هنا.. انا بكره السودان ده)
ايهاب:( ليه كده.. م عشان حاجه وحده و بسيطه تكرهي كل الناس)
قلتا ليهو:( م بسيطه.. ابوك م بحترم زول...و نبذ امي.. امي في رحمه ربنا.. و لا يجوز علي الاموات الا الرحمه.. كيف يتكلم عنها كده?)
ايهاب:( عارف ابوي غلطان.. و كلامو كلو غلط و م من حقو يقول كلام عن امك ولا عن زول تاني)
نتلاقي😊

#عوده_روح
بقلمي: فاطمه السر
-١١-
جات زهره بتبكي..
زهره:( حبوبه دخلوها العنايه المكثفه.. حالتها خطره)
انا و ايهاب قلنا:( ربنا يستر)
قلتا ليهم:( يلا نشوف حبوبه)
ايهاب:( يلا)
لبسنا انا و زهره عبايات و طلعنا بعربيه ايهاب مشينا..
دخلنا المستشفي.. لقيناهم كلهم واقفين برا في حوش المستشفي.. من شفتا ابوي جريت عليهو و انا ببكي.. طوالي ابوي حضني عليهو،، كان الزعل باين عليهو...
محمد و امنه كانو جوه في المستشفي..
قعدنا في مكانا للصباح.. جات دلال و راجلا سالو من حبوبه و مشو..
الصباح ابوي دخل لدكتور... و جا طالع شال مفتاح عربيه سامي و مشي بدون م يقول حاجه...

جات سميه:( ي جماعه قعادكم هنا م منو فايده تعب سااي...امي م حتطلع الليله...امشو ارتاحو في البيت احسن)
زهره:( صح ..احنا من بليل هنا بدون فايده)
سميه:( انا حاقعد مع امي...يلا امشو)
قمنا كلنا مشينا.. عدا محمد و سميه قعدو مع حبوبه...
رجعتا البيت نمتا من التعب..
صحتني اميره..
اميره:( قومي اكلي ي ياسمين.. من بليل م اكلتي حاجه) قلتا ليها:( م دايره)
اميره:( ليه كده? عشان كلام محمد تزعلي مننا كلنا)
قلتا ليها:( م زعلانه.. بس م دايره اقعد هنا يوم وااحد تاني ابوي لمن يجي حاكلمو...حامشي اقعد مع خالاتي لمن هو يجي)
اميره:(حرام عليك ي ياسمين.. ليه كده... تعالي معاي)

مسكتني من يدي و نزلنا تحت.. دخلنا المطبخ.. قعدتا في الصفره و هي طلعت اكل ختتو في الصفره قدامي..

اميره:( انا م اكلتا معاهم.. مستنياك.. لو م اكلتي والله م باكل.. عشان خاطري بس اكلي)
م حبيت احرج اميره و اكلتا معاها شويه..
قلتا ليها:( ابوي جا?)
اميره:( ايوا جا و طلع تاني)
قلتا ليها:( مشي وين?)
اميره:( م قال)
بعد اكلنا شلتا تلفوني دقيت لابوي رد علي،،
قال لي:( جاي علي البيت)
استنيتو ...جا تعباان و دخل استحما.. حضرتا ليهو الاكل.. ابا ياكل.. بعد تحانيس اكل شويه.. و رقد داير ينوم..

قلتا ليهو:(ابوي .. انا دايره ارجع مصر.. )
ابوي عاين لي باستغراب..
قلتا ليهو:( م دايره اقعد هنا انا.. بمشي بقعد مع خالاتي لحدي م انت ترجع)
عبدالرحمن:( ياسمين.. م وقت الكلام ده.. لمن ارجع من الاردن حنرجع مع بعض)
اتخلعتا..
قلتا ليهو:( لالا م دايره اقعد هنا)
عبدالرحمن:( ياسمين.. عليك الله راسي جايط و م ناقص ااي جوطه تاني...اجلي ااي حاجه لمن نرجع.. تمام?)
قلتا ليهو:( لالا)
عبدالرحمن:( اقفلي لي النور ده خليني انوم)
و اتغطا.. قمتا قفلتا النور و طلعتا..

طلعتا مشيت الحديقه قعدتا جمب الحوض زعلااانه و ببكي.. حسيت روحي بكره السودان و بكره كل الناس الفيهو.. بقيت م طايقه ااي زول و زعلتا من ابوي.. عشان لسه مصر يسفر حبوبه...و يخليني هنا براي.. اقعد مع عمو محمد كيف براي...

جات اميره قعدت جمبي و سالتني ليه زعلانه ابيت ارد عليها.. تاني جات زهره...و جات سلافه... و سامي.. كلهم اتلمو فيني بحاولو يهدوني و اني م ازعل و م اساافر..

زهره:( احنا بنحبك و اتعودنا عليك.. كيف تخلينا و تمشي?) سامي:( م تخلي ااي زول يآثر فيك... قضي اجازتك و انبسطي و ارجعي بلدكم.. م تشتغلي بزول)
سلافه:( انتي م تبقي حساسه كده.. م تشتغلي بيهم.. علي قول اهلك ،، كبري دماغك)
بقو يضحكو في كلام سلافه..
اميره:( والله لو اشتغلتي بكل حاجه كده حتتعبي سااي..)
جات مياده سالت:( في شنو? )
زهره:( ياسمين زعلانه دايره تسافر)
مياده لوت خشمها و قالت:( دلع) و مشت..
م اشتغلتا بيها..
بعد شويه جا ايهاب.. برضو سال في شنو? حكو ليهو..
ايهاب:( م جاده طبعا... بدل تقيفي معانا و مع ابوك.. دايره ترجعي مصر?)
قلتا ليهم:( انا جد زهجتا و دايره ارجع...بقعد مع خالاتي لمن ابوي يجي)
ايهاب:(لا لا.. تقعدي هنا لمن ناس عمو عبدالرحمن يجو..و ماااف ااي زول حاقدر يزعلك)
زهره:( ي جماعه تعالو نعمل الليله برنامج ل ياسمين عشان تفك الزعله دي)
سلافه:( برنامج شنو?)
زهره:( نتلما المساء هنا و نعمل شاي و حلويات و نتونس)
سامي :( اي والله فكره..)
ايهاب:( انا ذاتي بكون معاكم)
زهره:( انت شخصيا ماشاءالله والله..)
اميره:( خلاص الساعه 7 نكون هنا.. يلا امشو اجهزو و كل زول يجيب حاجه.. زهره اشرفي علي الموضوع ده.. انا ماشه المستشفي و جايه)

مشيت مع اميره المستشفي شوفنا حبوبه.. قالو حالتها مستقره.. بس مانعين منها الزياره...و رجعنا البيت..

لقيت زهره و سلافه بحضرو في الصفره في الحديقه و خاتين شاي و حلو..
مشيت استحميت و غيرتا و جينا قعدنا كللنا..الا مياده.. بقو يتونسو..الا انا م قدرتا اتونس معاهم كنت لسه زعلانه... بحكو لي قصص حصلت ليهم.. و مواقف مضحكه.. شويه شويه بقيت بضحك و بتونس معاهم..بعد شويه مياده جات قعدت و مكشره.. م عبروها..
زهره:( سامي يلا سمعنا حاجه ياج)
سامي:( الجيتار فوق)
اميره: ( امشي ي سلافه جيبيهو)
سلافه مشت جابتو..

مسك سامي الجيتار:( اغني ليكم شنو?)
زهره:( ليله ..اغنيه عبدالرب ادريس)
سامي:( حاااضر)

و بدا يعزف و يغني.. و احنا بنسمع بككل حواااسنا... و مبسوطيييين...
لقيت إيهاب بعاين لي.. عاينتا ليهو ،، ابتسم لي.. ابتسمتا ليهو.. لمن خلص كللللنا قمنا صفقنا ليهو.. و الاولاد صفرو ليهو.. و كوركنا...
اميره:( اسكتو خلاص.. عيب.. محمد لو سمعنا حاطردنا)
قعدنا.. بقينا نشرب في الشاي و ناكل في الحلويات..
مياده قعدت جمب إيهاب.. بتتونس معاهو..
بعد خلصنا تاني سامي غني لينا.. و بقينا نغني معاهو... و احنا مبسوووطيين شديييد...
فجاه لقينا عمو محمد واقف قدامنا و مكشر..
كلنا اتخلعنا.. سكتنا..

محمد:( ده شنو الكلام الفارغ ده?)
سكتنا م ردينا..
محمد:( ده شنو ي سامي? بتغني?)
سامي:( تسليه بس..)
محمد:( بتتسلو? عاملين شاي و حلويات و غني? م بتخجلو و حبوبتكم راقده في المستشفي بين الحياه و الموت.. يخس عليكم)
اميره:(مشينا لامي و اتطمنا عليها و رجعنا منها قبل شويه) محمد:( برضو.. ماف داعي لحركات دي.. سامي تاني م اشوفك شايل الجيتار ده.. فاهم? بلا تسليه بلا كلام فاضي)
و مشي دخل البيت...
كلنا بقينا ساكتين.. و مكشرين.. خرب لينا مزاجنا..

نتلاقي

#عوده_روح
بقلمي: فاطمه السر
-١٢-
ايهاب قام مكشر..
ايهاب:( يلا ي جماعه.. قومو نومو.. بكرا عندنا دوام) و مشي علي فوق..
سامي و سلافه :( يلا تصبحو علي خير) و مشو...
مياده قامت مشت..
امجد برضو مشي..

فضلنا انا و زهره و اميره...
زهره:( انا م عارفه ابوي بعمل كده ليه? شايفنا قاعدين مبسوطين.. ليه يخرب علينا كده?)
اميره:( اصلا محمد دي حركاتو...اي شي م بعجبو)
زهره:( بتعامل معانا علي اساس احنا عيال صغار.. م ناس كبار و عاقلين)
قلتا ليهم:( في فرق كبييير بينو و بين بابا،، م تقولو اخوان.. بابا حنين و طيب.. و بحب اللمه و كده.. اسي لو كان جا و لقانا قاعدين هنا.. كان قعد و برمج معانا و ضحك و اتونس و غني و كلوو)
اميره:(صح فرق كبير بينهم...)
قمتا وقفتا..
زهره:( ماشه وين?)
قلتا ليها:( ماشه انوم.. تصبحو علي خير)
زهره و اميره:( و انتي بخير)
مشيت متضايقه و زعلانه.. بعد كنت مبسووطه.. في ثانيه عمو محمد قلب لي مزاجي...

حبوبه تاني يوم بقت كويسه.. و طلعت الغرفه.. مشينا اتطمنا عليها.. و ابوي مشغول باجرآ۽ات السفر..
تاني يوم حبوبه طلعت البيت..
ابوي مشي ل حبوبه في غرفتها.. لقاها راقده.. قعـد جمبها و مسك يدها باسها ليها..
حبوبه:( اهلا بالغالي ابن الغالي)
عبدالرحمن:( كيفك الليله ي امي?)
حبوبه:( احسن الحمدلله)
عبدالرحمن:( الحمدلله... امي انا عملتا كل اجرا۽ات السفر و حنسافر بكرا الصباح)
حبوبه:( ليه متعب روحك ي عبدالرحمن.. العمليه هنا كويسه)
عبدالرحمن:( عليك الله ي امي خليني احس اني عملتا ليك حاجه.. م تحرميني من الاجر ده.. ربنا بعيدين بسالني منك)
حبوبه تبتسم:( راضيه عليك ي عبدالرحمن.. خلاص م حاكسر بخاطرك.. حنسافر و كل الدايرو حاعملو ليك)
عبدالرحمن ابتسم:( الله يخليك لي ي امي.. و يديك طوول العمر.. )
حبوبه:( الله يباركك و يبارك ليك في ياسمين)
عبدالرحمن:( اللهم آمين)
حبوبه:( منو من اخواتك االحتمشي معانا?)
عبدالرحمن:( حتمشي معانا امنه)
حبوبه:( ان شا۽الله)

كنت قاعده في غرفتي.. بتونس مع خالاتي في التلفون.. جا ابوي قعد جمبي.. خلصتا كلامي و قبلتا علي ابوي..
عبدالرحمن:( احنا مسافرين بكرا الصباح)
سكتا... دموعي نزلت..
عبدالرحمن:( ياسمين.. انتي كبيره.. بطلي البكي و حركات العيال دي)
قلتا ليهو:( م قادره اقعد هنا..و بدونك م بقدر والله)
عبدالرحمن:( حبيبتي)
و حضني عليهو...
عبدالرحمن:( كلها اسبوعين ان شا۽الله و بنجي... م تخافي.. اميره و البنات حياخدو بالهم منك)
قلتا ليهو:( ان شا۽الله)
حضرتا لابوي شنطه سفرو..
ايهاب و سامي كانو موصلين ابوي و حبوبه و عمتو امنه المطار،،ابوي بجهز قدام المرايا.. و انا واقفه بعاين ليهو و دموعي في عيوني.. جا ايهاب دقي الباب و دخل..
ايهاب:( يلا ي عمي)
عبدالرحمن:( شيل الشنطه ي ايهاب و انا نازل وراك)
ايهاب شال الشنطه و نزل.. ابوي جا علي حضني ..
عبدالرحمن:( م تزعلي يااخ...م بقدر اشوفك كده،، الايام بتمشي سرعه و تلقينا رجعنا..طيب!! في قروش خاتيها في دولابي هنا.. لو محتاجه اي حاجه جيبيها)
قلتا ليهو:( حاضر)
مسكني عليهو و نزلنا السلم...لقينا حبوبه و امنه جاهزين... و كلهم موجودين.. م عدا.. محمد ... ابوي سلم عليهم كلهم.. و سلمتا علي حبوبه و عمتو امنه...بقيت ببكي.. طلعو مشو...رجعتا غرفتي رقدتا في سريري ببكي...

سفر ابوي زعلني شدييد.. قعدتا في غرفتي م طلعتا.. اميره كانت في الشغل.. و الباقين كلهم الشغل و الجامعه.. ذي الظهر كده.. دقي لي ايهاب..م كنت بعرف رقمو..

ايهاب:( الو)
قلتا ليهو:( مرحب)
ايهاب:( انا ايهاب ي ياسمين)
قلتا ليهو:( اهلا ي ايهاب.. كيفك?)
ايهاب:( الحمدلله..مالو صوتك?)
قلتا ليهو:( عارفني زعلان عشان ابوي سافر)
ضحك ايهاب:( اي عارف.. طيب ممكن تجهزي?)
قلتا ليهو:( لشنو?)
ايهاب:( حاطلعك عشان زعلانه.. ابوك وصاني عليك)
قلتا ليهو:( لا م عندي مزاج)
ايهاب:( ليه?)
قلتا ليهو:( ايهاب.. ابوك بعمل موضوع في اي حاجه.. اسي لو طلعنا و هو عرف ،،حاعمل موضوع و حازعلنا ذي امبارح)
ايهاب:( م ليك دعوه بابوي ... م بعرف.. بس اجهزي سرعه... انا ربع ساعه و بكون قدام البيت)
سكتا...
ايهاب:( ياسمين...يلا سرعه.. باي)
و قفل..
بقيت بفكر...امشي وله لا... خايفه من عمو محمد و كلامو.. و في نفس الوقت زهجانه و نفسي اطلع.. و الجو برا كان حلو و ذي الجاي مطر..
في الاخر اتشجعتا و قمتا لبستا...

ايهاب جاني..نزلتا ركبتا معاهو العربيه و مشينا..
ايهاب:( عارفه.. لو كنتي م وافقتي.. تاني م كنت حاطلعك تاني)
سكتا و عاينتا ليهو سااي..
ضحك..
ايهاب:( ليه بتعايني كده?)
قلتا ليهو:( ماف مشكله.. اسي اعتبرني م وافقتا و رجعني)
ضحك ايهاب:( بهظر معقووله بس.. دايره تمشي وين?)
قلتا ليهو:( م بعرف انا.. دي بلدكم انتو)
ايهاب:( طيب...حاوديك مكان حلو شديد.. عارفه... الليله طلعتا بدري مخصوووص و خليت الشغل و ااي شي.. بس عشان عارفك زعلانه و قلتا اجي اطلعك)
قلتا ليهو:( عمو م

حمد لو عرف?)
ايهاب:( م بقدر يقول لي حاجه.. ماسك ليهو شغل و ممشي ليهو ااي شي..م بقصر معاهم.. عشان كده م بسالني لو طلعتا يوم بدري)

وصلنا ذي برج كده كبيير... نزلنا و دخلنا.. طلعنا بالاسانسير لطابق الاخير.. دخلنا مطعم... قعدنا و المنظر من فووق كان رهييييب.. و الجو كان حلو شديييد...
ايهاب مدا لي المينيو:( اختاري دايره تاكلي شنو)
شلتا المينيو و اخترتا العايزاهو...و هو كمان اختار..

ايهاب:( الجو حلو شديد)
قلتا ليهو:( ااي جددا)
ايهاب:( اخترتا الوقت الصح)
قلتا ليهو: ( اي)
بقينا ساكتين.. و انا لسه م قادره اتونس معاهو عادي برد قدر السؤال و بسكت..
ايهاب:(مالك ساكته?)
قلتا ليهو:( ماف شي)
ايهاب:( م دايره تتونسي معاي?)
قلتا ليهو:( م كده...بس)
و سكتا..
ايهاب:( خلاص ي ستي.. انا بحكي ليك عن نفسي...ممكن?) قلتا ليهو:( اوكي)
ايهاب:( انا قريت اداره اعمال جامعه الخرطوم.. و من كنت بدرس.. كنت ايام الاجازه بمسك لابوي شغل البقالات حقتو دي هو و جدو.. و بعد اتخرجتا ابوي قال لي امسك لي الاداره و كده م بقدر براي لانو جدو كان اتوفي و الشغل كلو علي ابوي براهو .. عشان قبل كده في ناس غشو و شالو قروشو.. يلا بقيت شغال مع ابوي.. ماسك الشغل كلو.. كل يوم لازم الف علي كل البقالات... هم 5 فروع.. و في الفرع الكبير الاساسي هنا في الرياض.. ده عندي مكتب فيهو و بقعد اغلب الوقت هناك.. ابوي م بكون قاعد طوالي.. مرات بمر كل يومين.. و مرات اسبوع كامل م بجي.. عندو شغل خاص كده مع صحبو شاغلو اكتر من البقالات... وبس)

قلتا ليهو:(كويس والله... حاجه كويسه انو تمسك لابوك شغلو.. ابوك بكون مبسوط بيك.. انت ولدو الكبير و ماسك ليهو شغلو و مريحو و كده.. اسي ابوي مرات بتمني يكون عندو ولد عشان يمسك ليهو شغلو...اسي انا م مقصره معاهو بس الولد م ذي البت)

ايهاب:( ايوا صح.. البت م بتقدر تمسك الشغل ذي الولد.. و بعدين ممكن في ااي لحظه تعرس و تخلي الشغل و تقعد في البيت)
ضحكنا....
الاكل جا...
ايهاب:( ناكل و بعدين نتم كلامنا)
حسيت ايهاب.. متغير...طيب و حنين.. غير ايهاب العرفتو اول ايام.. م عرفتا ليه غير تعاملو معاي فجاه.. الايام الاولي سلام سااي م بديني ليهو...
دقت لي عمتو اميره..
قلتا ليها :( انا مع ايهاب)
قالت لي :( طيب)
و قفلت...

نتلاقي😊

#عوده_روح
بقلمي: فاطمه السر
-١٣-
لمن خلصنا اكل.. ايهاب طلب لي حلو و عصير..
قلتا ليهو:( ايهاب.. م بقدر علي ده كلو..م بحب الحلو كتير انا)
ايهاب:( لا تاكلي.. )
قلتا ليهو:( كفايا والله)
ايهاب:( لا بتقدري.. يلا...احكي لي عن نفسك)

قلتا ليهو:(طيب..انا قريت اداره اعمال جامعه القاهره.. و لمن اتخرجتا قريب سنه كده،، نزلتا مع ابوي الشركه بقي بعلمني الشغل.. شويه شويه بقيت بعرف الشغل.. و بقيت ماسكه معاهو الشغل)
ايهاب:( و تاني?)
قلتا ليهو:( بس)
ايهاب:( حياتك تاني كيف? صحباتك و علاقاتك و كده) قلتا ليهو:( ايام الجامعه كانو عندي صحبااات كتاار.. بس لمن خلصنا.. اغلب صحباتي عرسو.. و فيهم السافرو و كده.. بقينا بنتكلم مره مره...كل وحده في مشغولياتها.. عندي معاي في الشغل زميلاتي بس برضو علاقتي معاهم م قوويه كده.. الشغل اصلا بياخد وقتي كلوو م بلقي فرصه اني اطلع و الاقي ناس و كده.. )
ايهاب:( صح.. الشغل بياخد وقت الزول كلو.. و تاني?)
ضحكتا قلتا ليهو:( بس...من وفاه امي.. بقيت ماسكه البيت انا... برجع بدري بحضر الغدا و كده.. عندي خالاتي و بنات خالتي.. بس بعيدين مننا شويه.. بمشي ليهم في الاسبوع مره.. او هم بجوني برضو مره مرتين في الاسبوع.. بس)
ايهاب:( كويس)

قضيت مع ايهاب وقت ظريف.. بقي يحكي لي و كده .. جد طلعني من جو الزهج و الزعل الكنت فيهو..

رجعنا البيت انا و ايهاب قبل م انزل البيت.. ايهاب اداني فلاش فيهو اغاني سودانيه.. قال لي دي الاغاني المفضله عندي..اسمعيها.. شلتا الفلاش و نزلنا .. جينا داخلين لقيت مياده واقفه في البلكونه بتعاين لينا.. دخلتا علي البيت و ايهاب طلع بالسلم الخارجي علي بيتهم..
مياده وقفت لايهاب في السلم.. من جا ..
مياده:(كنتو وين انت و ياسمين?)
ايهاب:( كنت بفسحها عشان زهجانه)
مياده:( مالك و مالها تفسحا ليه? ماف غيرك?)
ايهاب:( في شنو ي مياده?)
مياده:( م تفسحا م ليك دعوه بيها)
ايهاب:( دي اوامر?)
مياده:( ايهاب.. انت عارف كويس.. صح?)
ايهاب:( عارف شنو?)
مياده:( انا بحبك)
ايهاب سكت ساااي.. م ردا ليها..
مياده:( انت عارف كده.. م تعمل روحك اتفاجئتا.. عشان كده ابعد من ياسمين دي)
ايهاب:( مياده... انتي ذي اختي.. انتي و زهره عندي وااحد احنا متربيين مع بعض.. عشان كده...)
قاطعتو مياده..
مياده:( عشان كده انا بحبك.. عشان من قمتا و شايفاك انت قدامي.. كبرنا مع بعض..عشان كده اتعلقتا بيك و حبيتك)
ايهاب:( مياده... م عارف اقول ليك شنو...بس.. )
مياده:( م شرط تحبني اسي.. اخد وقتك.. بس ابعد من ياسمين...عشان انا بكرههها)
ايهاب استغرب
ايهاب:( بتكرهيها ليه?)
مياده:( بس كده م بحبها ياخ)

و مشت دخلت شقتهم..

ليلي جات ل محمد في الغرفه.. كان بقرا في جريده.. ليلي قعدت جمبو...
ليلي:( محمد.. اهو اخوك عمل الفي راسو.. و م عبرك.. و سفر خالتو زهره.. حتعمل شنو?)
محمد:(الفي يدي كلو عملتو.. و م نفع.. اعمل شنو تاني?)
ليلي:( اخوك بقي م معبرك.. عامل هو الكبير.. و م بسمع ليك كلمه.. لمن يرجع لازم تتفاهم معاهو و تخلي يرجع محل م كان.. م يجي هنا تاني)
محمد:( اصلا هو حارجع ماف حاجه بتخليهو يقعد هنا )
ليلي:( يمكن يقعد.. شنو الضمنك!! المهم ي محمد خلص الموضوع ده اول من يرجعو)
محمد:( طيب ي ليلي)

مشيت نزلتا الاغاني في اللابتوب و نقلتها في تلفوني بقيت بسمع فيها الليل كلو.. عجبتي شدييد.. و اتخيلتا انو ايهاب الواقف بغني لي... جد انبسطا...

قاعدين انا و زهره و اميره في الحديقه بنتونس.. جا سامي سلم و قعد.. كان شكلو محتار و متضايق..
زهره:( مالك ي سامي? شكلك مهموم كده)
سامي:( داير استشيركم في موضوع)
اميره:( قول)
سامي:( جاني عرض حق غنا۽)
ال3 عاينا لبعض بفرحه..
مياده:( اها?)
سامي:( اغني في كافي.. يوم الخميس الجاي.. و بقروش و كده.. قالو سمعو صوتي و عجبهم)
زهره:( كويس شديد.. امشي طوالي)
سامي:( امي اصلا مسافره.. بس خالو محمد)
اميره:( م بعرف.. انت عاجبك العرض و دايرو وله لا?)
سامي:( عاجبني و دي فرصه كويسه شديد... بس خالو محمد لو عرف.. )
قاطعتو اميره..
اميره:( م بعرف،، امشي غني)
زهره:( و كلنا بنمشي معاك)
سامي ابتسم و قال لينا:( بالجد بتمشو معاي?)
قلتا ليهو :( ايوا بنمشي.. دي فرصتك م تضيعا)
سامي:( طيب..حاتصل عليهم و اقول ليهم اني موافق)
مياده:( ايوا تمام.. )
سامي مشي مننا مبسوط..
اميره:( لازم نقيف معاهو)
قلتا ليها:( ايوا والله.. سامي بستاهل كل خير)

علاقه ايهاب معاي غريبه.. م قدرتا افهمو داير شنو لانو م قال لي حاجه.. مرات يتونس ممعاي.. و مرات م بسال مني خالص.. و لمن م يسال م بسالو انا بخليهو براحتو.. بس بفكر فيهو كتير...و بكون مبسووطه لمن يضرب لي او يقول لي يلا نطلع.. طلعتا معاهو مره وحده بس يوم ناس ابوي سافرو..

كنت راقده في غرفتي.. كانت الساعه10 بليل.. و اميره مشت نامت.. و انا م جاييني نوم.. ضرب لي ايهاب..رديت
قلتا:(الو)
ايهاب:( نمتي?)
قلتا

ليهو:( لا)
ايهاب:( تعالي الحديقه جمب الحوض)
قلتا ليهو:( لشنو?)
ايهاب:( تعالي بس)
قلتا ليهو :( طيب)
نزلتا.. لقيتو قاعد جمب الحوض في الكراسي...
ايهاب:( تعالي)
مشيت قعدتا جمبو.. كان قدامو شندوتشات و عصير و شوكلاتات..
عاينتا ليها باستغراب..

قلتا ليهو:( ديل لشنو?)
ايهاب:( جبتهم سااي قلتا بتسلي بيهم انا و انتي)
ضحكتا قلتا ليهو:( كويس)
ايهاب:( اكلتي?)
قلتا ليهو:( لالا م بعرف ااكل براي و اميره و زهره نامو قالو تعبانين)
ايهاب:( خلاص كل يوم بجي اتعشا معاك)
قلتا ليهو:( طيب)
ايهاب:( يلا اكلي)
شلتا شندوتش و بقينا بناكل.. و نتونس..
حكي لي بشغلو و حياتو.. حاجات كتيره.. بس م جاب سيره البت الكان بحبها و عرست.. و م حبيت اسالو منها..
بعد اكلنا..
ايهاب:( تعالي اوريك حاجه)
و قمنا مشينا في البيت ورا لقيت ذي ملحق كده.. اول مره كنت امشي بهناك..
استغربتا..
قلتا ليهو:( ده شنو?)
قال لي:( تعالي م تخافي)

مشينا.. فتح الباب و دخلنا،، المكان كان مظلم.. فتح النور،، بقيت بعاين.. الغرفه ذي استوديو.. فيهو لوحات خشب حقت رسم.. و ورق ابيض و كتيير و الوان..
بقي بعاين لي و هو مبتسم و شايفني مستغربه..
قلتا ليهو:( ده شنو?)
ايهاب:( ده مرسمي .. كنت بقعد هنا برسم..)
قلتا ليهو:( بترسم شنو? )
ايهاب:( اي حاجه.. ناس...مكان... طبيعه.. ااي شي.. تعالي)
مشينا علي ورق ابيض قاعد في لوحه.. بقي يفتح في الورق.. و بشوف في الرسمات...كان كم رسمه لوحات طبيعيه.. و تاني راسم البيت ده من برا.. و تاني راسم ناس واقفين و كده...الرسمات كانت حلوه شديييد..

قلتا ليهو:( انت الرسمتهم?)
ايهاب:( ايوا)
قلتا ليهو:( م مصدقه..حلوين شديد... و اسي ليه م بترسم?)
ايهاب:(لي كم شهر خليت الرسم)
قلتا ليهو:( ليه?)
ايهاب:( برسم لمن بالي يكون رايق.. و لي كم شهر مدروش في الشغل و م قدرتا ارسم)
قلتا ليهو:( بس رسمك حلو شديد.. خساره تخليهو و تهملو كده)
ايهاب:( برجع ليهو ان شا۽الله)
قلتا ليهو:( ان شا۽الله)
ايهاب:( يلا نطلع)

طلعنا قعدنا جمب الحوض بنتونس..
جد ايهاب طلع ظريف شديد و حبوب..فضلنا نتونس لحدي12..
قلتا ليهو:( الساعه12 جات)
ايهاب:( م حسيت بالوقت معاك)
قلتا ليهو:( ولا انا.. بس انت لازم تنوم عندك شغل الصباح)
ايهاب:( م حاسي نفسي داير انوم...داير اقعد كده لحدي الصباح)
ضحكتا
قلتا ليهو:( لالا لازم تنوم... يلا انا كمان ماشه انوم)
ايهاب:( حاوصلك لحدي فوق) ..
مشينا مع بعض.. وصلني لحدي قدام غرفتي..
قلتا ليهو:( تصبح علي خير)
ايهاب :( و انتي بخير)
و مشي..
رقدتا في سريري وانا مبسووووطه.. اول مره اكون مبسوطه كده ..كنت مرتاحه جددا..

اتكلمتا مع ابوي.. طمني عليهو و علي حبوبه و قال لي لسه م حددو ليها العمليه..

قاعده الظهر براي في البيت.. بتونس مع خالاتي في الواتساب.. باب الغرفه دقي..
قلتا:( اتفضل)
دخلت مياده.. من شفتها اتخلعتا ..
مياده بابتسامه:( ممكن ادخل?)
استغربتا..
قلتا ليها:( اتفضلي)
دخلت قعدت جمبي في السرير..
مياده:( م بتملي بتقعدي الظهر ده براك?)
قلتا ليها:( بمل والله.. بس اعمل شنو...بتسلي بالواتس او التليفزيون.. لحدي م عمتو اميره او زهره يجو.. مرات سلافه لمن ترجع بدري بتجيني)

مياده:( كويس والله...غايتو انا مليت من الجامعه و القرايه.. اسي عندي محاضره خليتها و جيت راجعه)
قلتا ليها:( صح مرات الزول بمل والله)
مياده:( اسي انا بمل بسرعه.. بس ايهاب مرات بطلعني من جو الزهج ده)
استغربتا..
قلتا ليها:( كيف?)
مياده:( بجي يطلعني من الجامعه و نتفسح و كده.. بغير لي جو شويه)
قلتا ليها:( في حاجه بينكم يعني?)
مياده:( ايوا.. بنحب بعض.. و متفقين علي العرس بس اخلص السنه الاخيره دي)

طبعا اتصدمتا شديييد... مياده و ايهاب?? ?? معقوله?? ماف زول كلمني ليه?? و ايهاب ذاتو م كلمني ليه?? ? بقت تحكي عنها هي و ايهاب...بس انا كنت سرحانه بعيييد م قادره اركز لكلامها..
تلفونها ضرب.. عاينت لرقم و ابتسمت..
مياده:( ده ايهاب)
و ورتني التلفون.. عاينتا فعلا لقيتو رقم ايهاب و اسمو... شالت التلفون و طلعت برا بتتكلم..
مياده:( ايوا ي ايهاب)
ايهاب:( لقيت منك مكالمات.. خير في حاجه?)
مياده:( كنت دايره اسالك لو كنت في البيت.. كنت دايره امي و م ردت.. بس خلاص انا رجعتا)
ايهاب:( اوكي تمام.. يلا سلام)
تاني مياده م جاتني..
رقدتا زعلانه...بفكر في ايهاب..

نتلاقي😊

#عوده_روح
بقلمي: فاطمه السر
-١٤-
علاقه ايهاب و مياده.. زعلتني شديد حسيت ايهاب بلعب بي .. بقيت بسال في نفسي:(لو ايهاب بحب مياده.. داير مني انا شنو?)

ايهاب ضرب لي..
رديت..
قلتا ليهو:( الو)
ايهاب:( كيفك?)
قلتا ليهو:( تمام)
ايهاب:( الاخبار شنو?)
قلتا ليهو:( الحمدلله)
ايهاب:( دايره تطلعي وين الليله?)
قلتا ليهو:( ولا حته)
ايهاب:( كيف يعني?)
قلتا ليهو:( م عندي مزاج اطلع مكان)
ايهاب:( لالا اجهزي ارح... ) قاطعتو..
قلتا ليهو باسلوب باايخ( م ماشه اي مكان ي ايهاب)
ايهاب سكت مساافه..
ايهاب:( اوكي.. سلام)
و قفل...

زعلتا من طريقه كلامي مع ايهاب.. بس م قدرتا اتحمل فكره انو يعلقني بيهو ساي.. مع انو هو م قال لي ااي حاجه ..
قلتا في نفسي:( يمكن هو م قصدو يعلقني بيهو او يغشني.. يمكن هو بالجد داير يفسحني و يغير لي جو بس ... المشكله م فيهو.. المشكله في تفكيري انا.. )
راسي جاط شديد و م فهمتا شي..

قمتا وقفتا في البلكونه.. لقيت المطر نزل و وقف.. و الجو ظرييف.. نزلتا المطبخ.. عملتا كبايه نسكافي و مشيت قعدتا في المرجحانيه و بقيت بسمع في الاغاني الاداني ليها ايهاب... جا امجد.. لقاني قاعده.. جا علي...
امجد:( ممكن اقعد معاك?)
قلتا ليهو:( طبعا)
قعد جمبي..
امجد:( الجو حلو شديد)
قلتا ليهو:( ايوا.. هناك في مصر لمن المطر ينزل.. الجو ببقي برد شديد.. بس هنا الجو ببقي حلو و م برد شديد)
امجد:( ايوا عشان انتو المطر عندكم في الشتا۽)
قلتا ليهو:( اايوا.. عشان كده م بنستمتع بيهو شديد)
امجد:( خلاص اقعدي هنا معانا)
قلتا ليهو:( م ينفع.. انا و بابا خلينا شغلنا و اي حاجه و جينا هنا...شغلنا كلو واقف.. لازم نرجع)
امجد:( و حتجينا تاني?)
قلتا ليهو:( ايوا طبعا .. بجيكم)
امجد بقي يتونس معاي و بحكي لي..جد ضحكني.. و انبسطا شديد...طلعني من حاله الزعل الكنت فيها..

جا داخل ايهاب.. لقاني قاعده مع امجد.. عاين لينا ساي و طلع بيتهم...

كنا قاعدين.. انا و اميره.. في الصاله فوق.. بنحضر في فيلم..سمعنا صووت عمي محمد بكورك..
محمد:( اميره.. اميره)
ردت اميره..
اميره:( ايوا ي محمد انا هنا)
جا طالع نص السلم شافنا قاعدين..
محمد:( تعالي ي اميره عايزك)
و نزل طوالي..
اميره عاينت لي و قالت:( ربنا يستر)
و مشت...
بقيت بحضر براي.. بس قلقتا من مناداه عمو محمد ل اميره.. اميره ذاتها قلقت..
بقيت بحضر في الفيلم بس م قادره اركز بالي مع اميره .. بعد ربع ساعه جات اميره مكشره..

و قعدت مكشره.. طوالي قبلتا عليها باهتمام شديد..
قلتا ليها:( حصل شنو)
اميره اخدت نفس و دموعها في عينها..
قلتا ليها بخوف:( احكي في شنو?)
اميره:( محمد جايب لي عريس)
اتخلعتا..
قلتا ليها:( اها!!!)
اميره:( صاحبو.. قال لي زول كويس و كده.. و جاي بكرا يشوفني و كده)
قلتا ليها:( قبل م ناس حبوبه يجو?)
اميره:( ااي.. قلتا ليهو م دايره.. بس قال لي م علي كيفك .. م عارفه اعمل شنو ياخ)
قلتا ليها:( ارفضي ،، م ممكن يعرس ليك غصب)
اميره:( م بقدر اعرس غير مصطفي...م بقدر)
قلتا ليها:( م بقدر يغصبك.. بابا لمن يجي يتفاهم معاهو.. لا بابا لا حبوبه حارضو يعرس ليك غصب عنك)

اميره دموعها نزلت.. قعدتا جمبها و حضنتها...
قلتا ليها:( م تخافي م بقدر يجبرك علي حاجه.. و الله م بقدر.. بكلم ابوي يقيف ليهو.. ذي م وقف ليهو في سفر حبوبه.. م تزعلي)
اول مره اشوف اميره بتبكي.. جد حنيت عليها... قلبي وجعني عليها..

اميره طلعت ل سميه تحكي ليها عشان تشوف ليها حل..
و انا قعدتا مع زهره و سلافه.. كلنا راسنا جاايط بسبب اميره.. بنفكر ليها في حل...

اميره ضربت ل مصطفي حكت ليهو...مصطفي زعل و جاط و قال م بخليها..م بتعرس غيرو.. اميره حاولت تهديهو انو بتلقي حل لمن عبدالرحمن و حبوبه يجو من الاردن..

تاني يوم اميره مشت الشغل و جات..زهجانه و رقدت م اكلت م عملت اي شي..حنستها علي الاكل رفضت..

المساء دخلت المطبخ لقيت في حلويات و كده.. سالتا الشغااله قالت لي:( بابا قال في ضيوف)
قلتا ليها:( طيب)

و مشيت طلعتا فوق غرفه اميره...شويه كده.. محمد جا لاميره في الغرفه..
محمد:( الزول جا.. اجهزي و انزلي سرعه)
اميره:( محمد م دايره اشوف زول انا)
عمو محمد جا عليها..
محمد بزعل:( اميره...م داير كلام كتير.. م تخليني اسوقك بالقوه.. 10 دقايق و القاك تحت)
و طلع مشي..
اميره بقت تبكي..
قلتا ليها:( معليش...قومي البسي و انزلي عشان م يعمل معاك مشكله.. و لمن ناس بابا يجو بنحل الموضوع)
جات زهره.. قالت ليها نفس كلامي..
زهره:( مشي يوم الليله ده و ربنا بحلها)
قامت لبست و لفت طرحتها و بدون ااي ميكب نزلت..

لقت محمد و معاهو واحد اسمو علاء قاعدين.. و قدامهم شاي و حلويات..
اميره:( السلام عليكم)
محمد و علاء :( و عليكم السلام)
محمد:( تعالي ي اميره... سلمي)
اميره مدت يدها سلمت عليهو..
محمد:( ده علاء صحبي.. )
اميره:( اهلا)
محمد:( اقعدي)
اميره قعدت مكشره..
محمد و علاء بتكلم

و في الشغل و كده.. و اميره سااكته.. قعدت شويه و قامت استآذنت و مشت طلعت..

جات طالعه قعدت مكشره.. لقت مصطفي ضارب ليها كتيير.. شالت التلفون و طلعت البلكونه بقت بتتكلم معاهو و انا و زهره وسلافه قاعدين ساكتين..

نتلاقي😊