امل فيها ماشي بما يرضي الله

سواق 4 : 🤔 😃 ،عندي فكرة ، انو نحن نقد ليهو اللساتك حقتو ، كدة هو حيضطر يزيد التعريفة عشان يقدر يوفر للحاجة الزي دي لمن قروشو تخلص في الاسبيرات

حسن : هههههه 😁 فكرة سمحة ، خلاص كويس بنعملها فيهو

و يضحك الجميع و حسن يقول : نشوف بعد دا حتفضل لسه شريف يا استاذ صلاح 😈😈

يتبع

#المال_الحرام
بقلم : تهاني محي الدين
-٣-
صلاح جاء الموقف ووقف عربيتو و مشى الجامع عشان يصلي

و حسن لمن شافو جاء ،، قرر ينفذ الخطة و فعلا حسن و السواقين كلفو واحد فيهم و الزول دا قد لصلاح اللساتك حقتو الورا كلها و خلى اللستك ما ينفع فيهو ترقيع الا يتغير

صلاح جاء من الصلاة ، لقى اللساتك الورا كلها مقدودة و منفسة ، سال حسن
صلاح :😳 لا حول و لا قوة الا بالله ، اللساتك دي كانت كويسة ، الحصل شنو !!!
حسن : 😧 مبالغة ، دي ما نفعت تاني
صلاح : انت ما شفت زول جاء جنبهم !؟
حسن : لا والله ، شكلك جيت بيهم منفسات كدة
صلاح : و الله ما عارف ، يمكن زول قداهم ، استغفر الله العظيم ان بعض الظن اثم 😔
حسن : كدي امشي حاول رقعهم
صلاح : ديل ما اظن يترقعو تاني لانو رقعتهم كتير ، الا اغيرهم
حسن : الجوز بي كم في السوق
صلاح : تقريبا بي 1200 ج
حسن : كتييرة ياخ 😦
صلاح : ما مشكلة كلو لخيير ، الجاتك في مالك سامحتك زي ما بقولو 😊
حسن يقبل منو و يمشي و يبتسم 😈😈 و يقول: خلي النزاهة تجيب ليك اللساتك 😁

صلاح قال دا امتحان من ربنا و اكيد لخير ، مشى البيت شال من القروش العندو ، مشى السوق جاب اللساتك و جاء ركبهم في العربية

تاني يوم الصباح جاء الموقف ، حسن لمن شافو قال اكيييد حيشحن بي 6 ج عشان يعوض خسارتو لكن صلاح شحن بي 3 ج كالعادة

حسن اتغاظ منو شديد و قال الزول دا مالو ، عامل فيها مؤمن و لا شنو ، زول غريب خلاص 😏
و قال ما حيشتغل بيهو تاني و لمن يفلس براهو حيغير التعريفة زي بقية السواقين

اما ابوبكر بقى شغال نص خط عشان يكسب الضعف في الفردة و الناس بقت تحسبن عليهو لانو بستغل حوجتهم كتير

ابوبكر : الناس دي عندها قروش ، لازم نعصرهم كدة
علي : كلامك صاح ، كمان ينقو في انو ليه بنشحن لنص المسافة 😏
ابوبكر : و الله الجاب فكرة الشحن لنص المسافة دا ، ما قصر معانا لانو بقينا في الفردة بنكسب بدل الطاق طاقين 😁 و الناس عشان مضطرة بتركب عشان تصل بيوتها
علي : هسي كل الخطوط ، اغلب سواقينهم بقو يشتغلو كدة ، في كل انحاء العاصمة حتى ناس التي بقو يشحنو للنوبة و من هناك يشحنو لي التي عشان يكسبو بدل الطاق طاقين الا كم سواق كدة عاملين فيها شريفين 😏
ابوبكر : اي صاح ، خلي الشرف ياكلهم عيش 😂 ،، كمان يوم الخميس و الاحد ديل ، ايام الهناء و المنى لان الناس بكونو فيهم كتار و زحمة و بنكسب فيهم كتيير 😍
علي : 😁😁😁😁 دي الايام المفضلة عندي

ابوبكر : قوم غسل العربية ، عشان ورانا شغل كتير لسه

علي : كويس يا معلم

و كمان معاذ شغال يقلل في الميزان و ياكل حق الناس و محكر السكر في المخزن لحدي يغلا و الاسعار عندو زائدة من اي دكان تاني جنيه زيادة

في الجانب الاخر

مرت الايام و في يوم صلاح جاء عشان يشحن من بري للعربي و اول ما وقف الناس ركبو

و بقى بتاع النمرة في الحتة ديك يكورك عربي على خمسة جنيه

و من ضمن الناس الركبو ركبت الطالبة اللاقيناها المرة الفاتت الاسمها الاء و بقت تتكلم مع بتاع النمرة ( الاء دي بت مهذبة و هميمة و ما بترضى الظلم و قلبها حار و حنينة في نفس الوقت ، جميلة )

الاء : كيف 5 ج من هنا !!!
بتاع النمرة : هسي 5 ج دي قروش
الاء : هو العربي كريز بي 3 من هنا و انت تجي تستغل حوجة الناس و تقول 5😡

صلاح : يا جماعة الراكب 3 ج بس و انت يا بتاع النمرة ما تشحن على مزاجك 😒

بتاع النمرة : ما فرقت 5 من 3
الاء : بالله ، دا كلو عشان السواق يديك 5 😒و ما همك بالمواطن الغلبان ، انت لو شايفها ما فرقت لييه بتقول 5 جنيه ، كنت تقول 3 و كمان انا لاحظت انو انت بتقول كدة ما السواق لان السواق ما اتكلم معاك و انت طوالي قلت 5 ، ياخي اتقي الله 😡
بتاع النمرة : معليش خلاص
الاء : بطلو اكل الحرام لانو ممحوق 😡
في اللحظة دي صلاح اتحرك ،
الاء طول السكة كانت زعلانة من حركة بتاع النمرة لانو براهو زادها و اتبسطت عشان السواق ما استغلهم و ساقهم بالتعريفة الاصلية 😊

ووصلت العربي و نزلت تدفع لصلاح و قالت ليهو : شكرا لانك بالجد احسن سواق لاقيتو 😊
صلاح خدودو حمرو 😊 : دا الواجب ، انا ما بحب اشيل حاجة ما حقتي
الاء : ربنا يكتر من امثالك 😊 ، و دفعت القروش و مشت

صلاح عجبتو الاء لكن ما اشتغل بالموضوع كتير لانو بس جمعتهم الصدفة و قال ما اظن الاقيها تاني

في يوم صلاح جاء يشحن من الموقف ووقف عربيتو و الناس بدت تركب و هو نزل مشى يشرب موية مسافة تشحن العربية

جاءت الاء لقت العربية اتملت من ورا و بس فضل كرسي قدام واحد و كانت في مرا قاعدة قدام ، الاء جات عشان تركب قدام ، المرة نزلت ليها عشان الاء تدخل لجوا و الاء ركبت 😍 و المرة ركبت جنبها

صلا جاء لقى العربية اتملت و جاء يركب ، لقى الاء راكبة جنبو 😍🙈 اتبسط جدا لكن هي ما قبلت عليهو و لا شافتو لانها كانت مشغولة و بتقرا في الشيت لانو عندها اختبار في الجامعة

صلاح بقى ما عارف يلفت انتباها كيف عشان تشوفو 😁😁😁
، هو من طبعو خجول و ما بت

كلم كتيير لكن كان عايز يلفت انتباها عشان تتكلم معاهو و الاء كانت مندمجة مع القراية و ما مركزة مع الناس 😒 و لا حاسة انو الجنبها دا السواق الكويس العجبها
صلاح : زحمة شديدة الليلة 👀 ، عاين لي الاء و الاء ما عبرتو 😂 لانها ما مركزة معاهو و ردت ليهو المرة الجنبها
المراة : اي شديدة و الله ، عشان الليلة الاحد
صلاح : كلامك صاح 😒 و بقى يقول في نفسو دي شنو البت الدمها تقيل 😂

يتبع

#المال_الحرام
بقلم : تهاني محي الدين
-٤-
صلاح : كلامك صاح عشان الاحد بتكون الزحمة دي ، و بقى يقول في نفسو دي شنو البت الدمها تقيل دي 😂

الاء دخلت الشيت في شنطتها ، بقت تسبح طول السكة و مركزة مع الطريق عشان قربت تصل ، عشان ما تفوت محطتها

الناس بتنزل تمد القروش لصلاح و الاء تمسكها ، تناولها ليهو بدون تعاين في وشو 😁

صلاح شامي الوضع 😏 لانها ما لاحظت ليهو خالص 😂

الاء وصلت محطتها و قالت ليه : هنا لو سمحت و ادتو القروش قبل تنزل و ما عاينت ليهو

صلاح عشان يلفتها قال ليها : كم نفر مع انو هي ادتو 5 ج و الراكب ب3 ج يعني اصلا حقت نفر واحد 😁

هنا عاينت ليهو و اتلاقو العيون 👀👁 و قالت ليهو : ليه هو الراكب بي كم !!! ، لمن شافتو قالت في نفسها يا ربي شفتو وين قبل كدة الزول دا 🤔

صلاح اتبسط عشان شافتو و قال حتعرفو لكن هي خزلتو و ما اتذكرتو 😂 و قال ليها : بي 3 ج
الاء قالت في نفسها تلاتة جنيه و يقول لي كم نفر😏، غايتو الفهم قسم : طيب نفر واحد 😒
صلاح : اتفضلي باقيك 😔
الاء نزلت ، شغالة تفكر يا ربي شفت الزول دا وين و تحاول ترجع في ذاكرتها عشان تتذكر و تقول : انا متاكدة اني شفتو من قبل ، بعد مسافة اتذكرتو و قالت ايواا دا السواق النبيل 😍

صلاح قال البت دي شكلي ما عجبتها 😔 عشان كدة ما قالت حاجة لمن شافتني و لا اتذكرتني من اساسو 😢

... مرت الايام ، الاء ركبت تاني مع صلاح و برضو صادفت ركبت قدام لكن المرة دي اتذكرتو و سلمت عليهو بي ابتسامة، هنا صلاح اتبسط جدا 😍😍

صلاح : و عليكم السلام يا دكتورة
الاء : عرفتني كيف بقرا طب 😳
صلاح : من المرجع الكنتي بتقري فيهو المرة الفاتت ، ظاهر عليك بتقري مجال طبي 😁
الاء : ايوااا ، اي صاح
صلاح : ربنا يوفقك ان شاء الله
الاء : امييين يارب ، جمعا

و فضلو ساكتين لحدي العربية وصلت العربي و صلاح شال من الناس كلهم و اتعمد يخلي الاء اخر واحدة عشان يتكلم معاها 😁
الاء مدت القروش و صلاح قال ليها
صلاح : عايز اطلب منك طلب
الاء : اتفضل
صلاح : و الله بصراحة ، من غير لف و دوران انا عايز ارتبط بيك و غرضي شريف والله ، انتي شكلك انسانة فاهمة و الصدف جمعتنا كم مرة كمان ، انا حاسي انك زولة كويسة و انو مناسبين لبعض
الاء : 😳 انت شفتني بالعدد ،، كيف عرفتني كويسة او لا !!
صلاح : الجواب يكفيك عنوانو
الاء : لو بالجد غرضك شريف ، حتقدر تصل لي بيتنا لكن انا ما حتواصل معاك حاليا الا بعد العلاقة تبقى رسمي
صلاح : لكن انا لسه ما عارف عنك حاجات كتيرة و مفروض نتعرف اول
الاء : مش قلت الجواب بكفيك عنوانو ! 😒
صلاح : اممممم اي قلت كدة
الاء : طيب دا رقم ابوي ، كلامك مع الرجال تاني ، كتبت الرقم و ادتو ليهو و مشت و خلت خشمو ملح ملح 😂
صلاح في نفسو : 😳 انا اسمها ما عارفو ، حاقول لي ابوها شنو 😁 ، غايتو ختتني في موقف محرج خلاص 😂 و بقى يضحك براهو

الاء قالت في نفسها : اكييد ما حيتصل على ابوي لان الزمن دا اغلب الشباب ما جادين و عايزين يقضو وقت 😒 و قالت تنسى الموضوع على كدة ،،، لكن كمان قالت يمكن جادي

صلاح اتصل على ابو الاء و اسمو ابراهيم

صلاح : السلام عليكم
ابراهيم : و عليكم السلام
صلاح : كيفك يا عمي
ابراهيم : 🤔 الحمد لله بخيير ! ، معليش ما عرفتك يا ولدي
صلاح : ......

في الجانب الاخر ابوبكر كان شغال و زوجتو هدى اتصلت عليهو

هدى : يا راجل تعال البيت عشان نمشي عرس ولد حسن ود عمك
ابوبكر : ياخي المجاملات دي انا بكرهها لانو بكون في كشف و الكشف دا عايز قروش 😒
هدى : يعني نقاطع الناس و لا شنو 😏
حسن : خلاص اجهزي ، كرهتينا العيشة ، هسي في داعي تذكريني العرس دا 😡
هدى : انا حالبس من هسي ، ما تتاخر و قفلت الخط
ابوبكر : من هسي كلمتك ، انا ما حادفع حاجة في الكشف 😡
هدى : يا راجل مالك طوالي شايل حالنا
ابوبكر : القروش دي هم جابوها معاي عشان اديها ليهم !!
هدى : غايتو الله يهديك ، اتذكر انو الناس بالناس و الكل برب العالمين ،، اقيف مع الناس عشان لما تحتاج ليهم يقيفو معاك
ابوبكر : لا بقيف مع زول و لا حاجة ، تكتري كلامك ، ما بمشي العرس من اساسو
هدى : خلاص سكتت 🙊 ، تعال

ابوبكر جايي على البيت حسى بصداع شديييد في راسو لمن وقف العربية من شدة ما كان قووي

ابوبكر : يا راااااسي
علي ::😳 مالك يا معلم
ابوبكر : راسي عايز ينفجر
علي : اخد ليك بندول
ابوبكر : بقى ما بعمل لي حاجة البندول دا
علي : الصداع دا طول معاك و كل مرة بجيك اقووى ، لازم تمشي الدكتور
ابوبكر : امشي الدكتور عشان صداع 😒 ، عايزو يقول علي راجل ميكي 😏
علي : و الله انا كلمتك كم مرة ، احسن تمشي تفحص
ابوبكر : بطل نقة و اسكت

دور العربية ، مشى على بيتو و ساق مرتو ، مشو العرس و طول السكة مصدع ، لمن وصل ما كان مركز مع الناس اصلا بسبب الصداع

و هم طالعين من بيت العرس ، فجاءة ابوبكر وقع في الارض و الناس جات جارية عليهو

يتبع

#المال_الحرام
بقلم : تهاني محي الدين
-٥-
ابوبكر و زوجتو طالعين من بيت العرس ، فجاءة ابوبكر وقع في الارض و الناس جات جارية عليهو

هدى : كر علي و بقت تكورك بصوت عالي 😭

الناس بقت تهدي فيها و يقولو ليها ان شاء الله خير ،شالوهو ودوهو المستشفى و دخلوهو العناية المكثفة لانو حالة طارئة و دخل في غيبوبة

عملو ليه الفحوصات ، ادوهو دربات و بعد النتيجة طلعت ، الدكتور قال لاخوانو و زوجتو

الدكتور : للاسف النتيجة سيئة ، اخوكم دا عندو سرطان في المخ ، للاسف في مراحلو المتاخرة كمان

هدى : سرطان شنو يا دكتور 😭😳 ، عيدو الفحص تاني ، مستحيل يكون عندو سرطان 😭

الدكتور : النتيجة مؤكدة و لازم يخضع للعلاج الكيميائي يمكن يساعدو حبة في انو يعيش اكتر

اخ ابوبكر : مش ممكن نعمل ليهو عمليه !!!

الدكتور : العمليه معدل نجاحها ضعيف جدا ، انا شايف انو العلاج الكيميائي بخليهو يعيش اكتر
اخ ابوبكر : لا حول و لا قوة الا بالله ، ربنا يشفيك يا اخوي

هدى : يا حليلك يا ابوبكر ، عايز تمشي تخليني براي 😭😭

اخ ابوبكر : استغفري يا هدى و ادعي ليهو و الدعاء يغير شر القدر

هدى : استغفر الله 😭😭😭

ابوبكر استعاد وعيو و عرف انو عندو سرطان و بقى يبكي شديد و قروشو اللماها كلها من شقى الناس و استغلال حوجتهم راحت في العلاج الكيميائي و ما كفت كمان ، اضطر يبيع بيتو الكان ساترهم عشان يتعالج و الناس اتخلت عنو لانهم كانو عارفنو طماع و ما كان بساعدهم ، عشان كدة في مرضو ما لقى زول يقيف معاهو
هدى : 😭😭😭😭 اعمل شنو انا هسي
ابوبكر : سامحيني يا هدى
هدى : ما تطلب السماح مني ، ادعي ربنا يسامحك لانك كنت بتستغل حوجة الناس ،، بالجد المال الحرام ممحوق ،، هسي ما فضل لينا اي حاجة غير الحافلة
ابوبكر : كلامك صاح ، انا يا دوب عرفت غلطي 😭
هدى : انا اسفة يا ابوبكر عشان قلت ليك كدة 😭 ،انا حابيع دهبي و نتم بيهو علاجك
ابوبكر : دي الحقيقة ، انتي ما كذبتي لاني بالجد كنت طماع 😔 و دهبك يا هدى ما تبعيهو ، خليهو معاكي لليوم الاسود
هدى : يعني في يوم اسود اكتر من دا ، ما بخليك و انت محتاج لي 😥
ابوبكر : اصيلة بت اصول ، لكن انا حاسي انو ايامي بقت معدودة في الدنيا و كمان العلاج الكيميائي فترت منو ، نار في راسي 😭
هدى : ما تيأس من رحمة الله ، بعد الشر عليك ،، حتتعالج و حترجع احسن من الاول
ابوبكر : اسمعيني ، ادي الحافلة لزول امين يشتغل فيها و قولي لهو يلتزم بالتعريفة و ما يستغل حوجة الناس ابدا ، ما داير اي قرش حرام يدخل بيتي تاني ، الحصل لي دا بكون من دعوات الناس علي 😭 و انا استهونت بيها لكن صحي ربنا يمهل و لا يهمل ، انا ما بعت الحافلة مخصوص عشان اصلح غلطي و الحافلة تكون شغالة بما يرضي الله بدون استغلال لزول و بتمنى ربنا يسامحني 😭 ،، عايزك كمان تخصصي يوم في الاسبوع انو تركبو الناس فيهو مجاني
هدى : 😭😭😭 ان شاء الله ربنا حيسامحك و يشفيك
ابوبكر : ارجووك اعملي لي صدقة جارية ، لاني ما عندي حسنة اقابل بيها ربنا 😭
هدى : ما تقول كدة 😭 ، انك تركب الناس مجاني دي براها صدقة و ان شاء الله حتسوق العربية انت و حتعمل الحاجة دي براك بعد تبقى كويس 🙂
ابوبكر : ان شاء الله

بعد يومين هدى جات تصحي ابوبكر لقتو ميت و بقت تبكي و تستغفر ، تدعي ليهو

عملو العزاء و عملت زي ما راجلها قال ليها ، ادتالعربية لاخوها يسوقها و بقت الحافلة شغالة بما يرضي الله ، كمان خصصت يوم الاحد انو يركب الناس مجاني طول اليوم صدقة لروح زوجها ، العرف غلطو قبل يموت

ممكن انت كمان لو زي ابوبكر تلحق نفسك قبل تموت و قبل يوم الحساب حيث لا ينفع الندم و ما تبيع اخرتك بدنيتك لان دا الخسران الاكبر 😔

في الجانب الاخر نرجع نشوف الحصل مع صلاح شنو 😁

ابراهيم : الحمد لله بخير ، معليش ما عرفتك يا ولدي
صلاح : ااااااااا ، انااااااا صلاح
ابراهيم : صلاح منو !
صلاح : بصراحة يا عمي ، انا ما عارف اسمك منو ، لكن انا عايز اطلب يد بتك الما عارف اسمها منو برضو 🙊
ابراهيم : كيف الكلام دا 😳
صلاح حكى لابراهيم كل الحصل و حكى ليهو عن نفسو
ابراهيم : ايوااا ، دي بتي الاء
صلاح : اسمها الاء يعني 😍
ابراهيم : اي اسمها الاء ، طيب يا ولدي تعال قابلني في البيت عشان نشوف رايي البت و تقابل اخوانها و نعرف تفاصيل عنك اكتر و بعداك الفيهو الخير يقدمو ربنا
صلاح : طيب يا عمي ، لكن ما توري الاء اني اتصلت عليك ، عايز افاجئها 🙊
ابراهيم : كويس يا ولدي 😊

صلاح اخد منو وصف بيتهم ،قال في الاول يسوق معاهو صحبو و يمشو براهم و بعد ياخد الموافقة منهم يجيب اهلو

الاء رجعت البيت و بقت تمشي و تجي جنب ابوها كتير عشان تعرف انو سيد الكريز اتصل عليهو و لا لا 😁

ابراهيم : مالك يا بتي ماشية و جاية كتير بي جايي ، في حاجة !!
الاء : لا يا ابوووي مافي حاجة
ابراهيم : اهاااا ، تمام
الاء : في زول اتصل عليك !!!
ابراهيم : زول منو !! ، في زول حيتصل علي و لا حاجة 😁
الاء : لا لا ،

ما عارفة ، الليلة تلفونك دا ما دق نهائي يعني 🙊
ابراهيم : يا بت في شنو 😁
الاء : مافي حاجة 😞، اجيب ليك شاي
ابراهيم : اي جيبي

الاء مشت و قالت في نفسها : انا كنت عارفاهو ما حيتصل 😏😏 ، قال قصدي شريف قال ، اصلا اغلب الشباب كدة ، من يعرفو البت جادة و الموضوع جادي بنطو 😒 ، ابقى اسالني تاني يا بتاع الكريز لو ما شاكلتك 😡

ابراهيم بعد الاء مشت قعد يضحك 😁😂😂 لانو فاهمها قاصدة صلاح

الاء يوم الجمعة كانت بتنضف في البيت و شغالة غسيل طول اليوم لانو يوم الاجازة و انتهت قريب للمغرب من الغسيل و شالت الهدوم و دخلت الاوضة عشان تطبقهم

صلاح اتصل على ابراهيم و ابراهيم وصف ليهو البيت كويس ،، جاء براهو لانو لقى صحبو سافر ، اول غشى السوق خمى ليهو فواكه 😂😂😂 ، شالهم و جاء على البيت

اخوان الاء كانو في الكورة و ابراهيم كان قاعد في البيت ، بوصف لصلاح بالتلفون لحدي وصل البيت

جرس الباب دق ، ابراهيم نادى الاء من ضمن اخواتها عشان تفتح الباب

ابراهيم : يا الاء تعالي افتحي الباب
الاء : حاضر يا ابوي و لبست توبها و مشت على الباب
صلاح كان واقف متوتر جنب الباب و فجاءة الباب يفتح و يلقى الاء الفتحت ليهو

الاء : ........

يتبع
[

#المال_الحرام
بقلم : تهاني محي الدين
-٦-
في الجانب الاخر

عمنا السر راجل كبير في العمر ، شغال في مصنع ،، كان لاقانا في اول حلقة لمن ركب مع ابوبكر و كان بضطر يركب مع السواقين الزي ابوبكر عشان يصل شغلو ، نص مرتبو ضايع في المواصلات و النص التاني بصرف بيهو على بناتو و اولادو و زوجتو ، مرات ما بكفي و بتدين

السر مشى لعبدالله سيد الدكان عشان يتدين منو

السر : السلام عليكم عبدالله
عبدالله : و عليكم السلام السر
السر : و الله خجلان منك شديد ، ما عارف اقول ليك شنو ، لكن انا محتاج و عايزك تديني 500 ج
عبد الله : و الله يا السر ، كان بودي ادينك لكن انت القروش الشلتها مني لي هسي ما رجعتها و ما بقدر اديك تاني لانو ديونك كترت و انت ما رجعت حاجة لسه
السر : انا عارف نفسي مقصر لكن اعمل شنو ، اولادي و بناتي لسه بقرو و عايزين مصاريف حتى عايزين ياكلو كمان
عبدالله : احسن تطلع محمد ولدك من المدرسة و تخليهو يشتغل يساعدك
السر : كيف احرمو من التعليم و اخد ذنبو 😔 ، طيب عن اذنك
عبدالله : حاول دبر القروش العليك عشان محتاج ليها
السر : ان شاء الله

السر بقى يقول في نفسو : انا اجيب قروش من وين تاني ، مافي زول حيديني تاني و اصرف على اولادي من وين ، و لا ادفع لناس المواصلات البستغلو في حوجتنا ديل و يا ريت لو بستغلوني براي حتى اولادي عايزين على الاقل يوميا 30 ج لكل واحد ، شكلي حاطلع محمد من المدرسة 😔

في الجانب الاخر

صلاح كان واقف متوتر جنب الباب و فجاءة الباب يفتح و يلقى الاء الفتحت ليهو

الاء : 😳 انت
صلاح : ايواا انا 😁 ، مفاجاءة مش
الاء : الجابك هنا شنو !!! و عرفت البيت كيف 😳
صلاح :عندي امانة عند عم ابراهيم ، ليها تقريبا 21 سنة و عايز اشيلها منو بعد دا لانو طولت عندو شديد 😉
الاء خجلت لمن خدودها حمرو و قلبها دق ❤ : 🙈 ما كنت قايلاك جادي ، ابوي ما وراني لمن سالتو 😌
صلاح : انا قلت ليهو ما يوريك 😁
الاء : متفقين علي مش ، كويس 😒
صلاح : 😂😂 ، ما حتقولي لي اتفضل و لا شنو
الاء : سووووري ?? ، اتفضل و مد ليها كيس الفواكه

الاء شالت الكيس و ساقتو على الديوان ، ابراهيم كان في انتظارو
صلاح سلم على ابراهييم و قعد اتكلم معاهو ، بعد مسافة جو اخوان الاء و اتعرفو عليهو و ارتاحو ليهو ، ادوهو الموافقة المبدئية و قالو الموافقة النهاية بعد يسالو منو

الاء كانت مبسووطة جدا و جرت كلمت امها

ام الاء : انا عارفة 😁
الاء : يعني انا اخر من يعلم 😒
ام الاء : هههههه ابوك قال لي ما اقول و انا بسمع كلامو 😁😁
الاء : 😂 كويس ، هسي شافني مبهدلة ، كنتو توروني كنت لبست حاجة سمحة
ام الاء : انت بتي السمحة في كل الاحوال
الاء : الله يخليك لي يا امي ، ان شاء الله ابوي يوافق و اخواني كمان 🙈
ام الاء : شوووف الخجل 😁 ،، ان شاء الله يارب

صلاح اتونس معاهم و اكرموهو و طلع منهم ،، منتظر منهم الرد

طلع صلاح مبسووط و اخوان الاء مشو سالو منو ، لقوهو زول كويس ، الكل يشهد بأخلاقو و اتصلو عليهو ادوهو الموافقة و قالو ليهو يجيب اهلو و صلاح كلم اهلو و فرحو ليهو جدا ، حددو يوم الجمعة للتعارف و الخطوبة

الاء مشت السوق عشان تشتري ليها فستان للخطوبة و ركبت المواصلات و ادت الكمساري 10 ج

الكمساري الناس كلها ادتو جنهين و هو قال تلاتة جنيه و الاولاد ادوهو جنيهين و ابو يدفعو ليهو زيادة

قام شال من الاء 3 ج
الاء : لييه تشيل مني 3 ج
الكمساري : اي بشيل 3

في مواطن ما عجبو كلام الكمساري و اتكلم معاهو

المواطن : رجع ليها الجنيه
الكمساري : انت مالك جابوك محامي
المواطن : يا زول دا حقها
الكمساري : الراكب 3 ج
المواطن: انت بتزيدها براك و لا شنو !!
الكمساري : اي و لو ما عاجبك انزل
المواطن : انتو مالكم ساكتين ، بالجد ليهم حق يعملو فيكم كدة و يزيدو على مزاجهم ما دام بتسكتو و بترضو بي اي حاجة

و لا راكب رد ليهو و المواطن لقى نفسو براهو البتكلم و عرف انو السبب الاساسي في زيادة اصحاب المواصلات للتعريفة انو المواطن اي سعر يقولو ليهو بدفعو عشان كدة ديلك بستغلو حوجتهم

المواطن : بالجد تستاهلو البحصل ليكم لانو بتسكتو عن الظلم ، سبحان الله ، تاني شيلي معاك فكة بس

المواطن عاين لي الاء و حسى بالالم في عيونها و الاء نزلت السوق و الدموع في عيونها 😥 لانو مافي زول وقف معاها غير المواطن و البقية ساكتين

مشت السوق و اشترت ليها فستان عادي بسيط و رجعت البيت

جاء يوم الجمعة و صلاح و اهلو جو و اهل الاء كمان و قلبو الخطوبة عقد ❤ عمت الفرحة البيت ،، حددو العرس بعد الاء تتخرج طوالي بعد كم شهر

اما معاذ بعد ملا المخزن سكر و كمان جاب دقيق كتير معاهو لانو كان سامع انو الدقيق حيغلا و جابو عشان يحتكرو لرمضان و ختى السكر و الدقيق في مخزن زنك و جات عاصفة شديدة و طيرت الزنك الفي العرش ،، جات بعدها مطرة كتيييييرة شديد

اصبح الصباح و معاذ جاء على المخزن و كانت المفاجاءة

يتبع

#المال_الحرام
بقلم : تهاني محي الدين
-٧-
اصبح الصباح و معاذ جاء على المخزن و كانت المفاجاءة انو لقى السكر و الدقيق كلو ذاب

معاذ : يا خراب بيتك يا معاذ 😭😭 ، السكر و الدقيق البجمع فيهو تلاتة شهور و دفعت فيهو كل راس مالي و اتدينت ليه كمان 😭، شربتو الارض كلو 😥😥
، يا حليلي انا كنت عايز احكرو لرمضان عشان ابيعو بالضعف

معاذ رجع البيت و هو دموعو في عيونو ،، جاء داخل و زوجته ميادة سالتو

ميادة : مالك يا راجل زعلان
معاذ : شقى عمري كلو راح ، المخزن الكنت مخزن فيهو السكر وقع و السكر و الدقيق كلو ذاب 😭😭😭
ميادة : 😳 انت جادي ، قول انك بتهزر
معاذ : دي حاجة يهزرو فيها 😡
ميادة : ياخي كنا حنستفيد منو كتير 😥
معاذ : انا ما عارف اعمل شنو ، انا دخلت نفسي في ديون كتيرة عشان الم الكمية دي
ميادة : كمان مديوون 😳
معاذ : اي مديون 😔ساعديني بي دهبك ، عارفك بتحبيني و ما حترفضي
ميادة : بري بري بري ، دهبي دا الحاجة الوحيدة الطلعت بيها منك ، ما بديك ليهو ، حب شنو كمان البتتكلم عنو 😏
معاذ : مش انا الجبتو ليك 😡
ميادة : جبتو لي عشان تشيلو مني يعني 😏، ما عندك دهب عندي ، انا ذاتي ما بقعد تاني في البيت دا ، عندك بتك معاك ربيها انت ، انا ماشة عندي بيت اهلي لانك بعد فلست ما بتلزمني
معاذ : 😳يعني انتي عرستيني عشان قروشي 😡
ميادة ، امال عشان سواد عيونك ، حسنة واحدة فيك مافي 😏 ، لانك حرامي و بتاكل حق الناس و تبخس في الميزان و لو ما قروشك ما كنت عبرتك من اساسو
معاذ 😳 اتفاجاءة من كلام زوجتو : و الله انتي الشر بعينو ، انا الله وقعني فيك كيف ما عارف !!!
ميادة : 😂الطيور على اشكالها تقع يا حبيبي ، سلام
معاذ : لو طلعتي من البيت دا طلقانة 😡
ميادة : 😂 نسيت اقول ليك عايزة ورقتي تصلني في اقرب وقت ، شالت هدومها ،و طلعت من البيت
معاذ : ما حتطلعي من هنا لو ما اديتيني دهبي

بقى يفتش في الدهب و يقلب الهدووم

ميادة : 😂 على حظي الحلو الدهب عند الصايغ لاني عايزة اعملو غوايش و قلت ليهو يسيحو

معاذ بقى يضرب فيها بجنون و ميادة بقت تكورك ، الجيران اتلمو و حجزوها منو و بتهم بقت تبكي شديد لمن شافت ابوها بدق في امها 😭😭

ميادة : والله ما بخليك 😭 ،، الا اسجنك يا معفن
معاذ : دا جزاي بالجد انو وقعت في مرة زيك 😔😔

قعدو الاهل و قدرو يقنعو ميادة انو ما تفتح فيه بلاغ ،،معاذ طلقها
و اضطر يجرد دكانو و يبيعو عشان يسدد الديون العليهو ،، بعدها رجع بلدو مع بتو لانو خسر اي حاجة بسبب طمعو و بالجد الطمع ودر ما جمع لانو كان بغش في بيعو و ناسي ان الله يمهل و لا يهمل و انو حق الناس كناس ، ربنا بياخدو من الزول في الدنيا قبل الاخرة و خسر تجارتو كلها ، كمان هنا بنبهكم انو تختارو الزوجة الاصيلة البتقيف مع زوجها في المرة قبل الحلوة زي ما عملت هدى مع ابوبكر و تبعدو عن الزوجة المادية الزي ميادة لانو في اول عترة تلاقيك بظهر معدنها و الناس معادن فيها الاصلي و فيها المصدي 😔

اما صلاح جهز بيتو مع اسرتو و فصل لنفسو و بعد الاء اتخرجت تمو الزواج ، عشان كان متقي الله و ماشي بما يرضي الله في شغلو ، كمان برغم الابتلاءات ما يأس من رحمة الله ، ربنا وفقو و اكرمو و عاش في سعادة مع الاء ، انجبو اولاد و بنات ☺☺

في الجانب الاخر

عم السر مشى البيت و نادى محمد ولدو
محمد : نعم يا ابوي
السر : يا ولدي كيف مع المدرسة
محمد : تمام الحمد لله ،، و الله يا ابوي انا بحب المدرسة و نفسي اقرا كتير عشان اطلع مهندس قدر الدنيا 😍
السر : بتحب القراية للدرجة دي 😔
محمد : اي ، ان شاء الله السنة الجاية عايز اشيل هندسية و اوعدك اني اجي في اوائل السودان يا ابوي 😍 ، و ابقى مهندس قدر الدنيا

عم السر نفسو ما طاوعتو يكسر حلم ولدو و يطلعو من المدرسة 😔 و قرر يشتغل شغل اضافي و مشى كلم مامون جارهم انو يديهو ركشتو يشتغل بيها بالمساء و حيورد ليهو يوميا لان مامون بشتغل بالركشة لحدي المغرب و تاني ما بطلع
السر : بدل الركشة تقعد ساي خليني اشتغل بيها بالمساء و اورد ليك منها
مامون : موافق يا السر ، لو ما انت زول عزيز علي ما بديك ليها لان الركشة عايزة راحة كمان

مامون بقى يديهو الركشة يوميا المساء ، عم السر قلبو ضعيف و حتى علاجو وقفو بقى ما بشتريهو عشان بقروش العلاج يصرف بيها على اولادو 😔 لانو لسه بقرو

السر يوميا بعد يجي من الشغل ، يغير هدومو و يمشي يسوق الركشة لنص الليل

زوجة السر : يا السر انت كدة بترهق روحك ، طول اليوم شغال و انت قلبك ضعيف بتحتاج راحة 😔
السر : اعمل شنو يا نفيسة ، انتي براكي شايفة المرتب ما بكفي و الاولاد محتاجين اكل و شراب و علاج و تعليم و المواصلات بالشي الفلاني كمان

نفيسة : لكن صحتك كدة حتدهور
السر : الحمد لله على كل حال ، ربنا بدي الجنة
نفيسة : ربنا يساعدك
السر : ان شاء الله

السر بقى شغال كدة طوالي لحدي مافي يوم جاء بعد وقف الركشة في بيت مأمون ، اتحرك على بيتو و في السك

ة جاتو طعنة شديدة في قلبو و وقع من طولو في الارض

يتبع
[

#المال_الحرام
بقلم : تهاني محي الدين
-٨-
عم السر هو راجع على البيت فجاءة جاتو طعنة و وقع من طولو في الارض 😔

حاجة نفيسة قلقت على السر لانو اتاخر شديد و الساعة فاتت 12 منتصف الليل

نفيسة : محمد محمد قووووم
محمد : 😲😲 بتثاوب ايوااا يا امي ، عايزة حاجة
نفيسة : ابوك لهسي ما جاء ، امسك الحاجة دي اتصل عليهو

محمد يشيل التلفون و يتصل على ابوهو
محمد : مافي زول برد يا امي
نفيسة : الله يجيب العواقب سليمة 😔 يارب ، قوم يلا نمشي لناس مامون نشوف ابوك مالو اتاخر كدة
محمد : كويس يا امي ، انتي خليك قاعدة انا بسوق احمد و نمشي
نفيسة : اسرعو و جيبوهو معاكم من ناس مامون ، اول مرة يتاخر كدة 😔

محمد يصحي اخوهو احمد الاصغر منو و يطلعو يشوفو ابوهم ، ( طبعا عم السر دا عندو تلاتة بنات و ولدين ، صفاء و مروة بقرو في الجامعة و محمد في تانية ثانوي و احمد في اولى ثانوي ، مزدلفة في 5 ابتدائي ). شالو التلفون حق امهم الربيكا و مشغلين المصباح و ماشين في الشارع ، قبل يصلو بيت مامون لقو ابوهم واقع في الارض

محمد : 😦 ابوووووي ابووووي قووووم ا

عم السر ما برد 😔

احمد : ابوي دا مالو متلج كدة 😥
محمد : يا ابووووي قوووم 😭 ، محمد بقى يبكي باعلى حسو

ناس الحلة سمعو كواريكم و طلعو لقو عم السر واقع في الارض

مامون هبش السر و قال : لا حول و لا قوة الا بالله ، ان لله و ان اليه راجعون ، ربنا يرحمك يا السر 😔

محمد : 😳ابوووووي ماات ، ابووي حي ما تقول انو مات ، هسي بقوووم ، انا متاكد ، هو بحبني ما حيخليني 😭😭😭 ، ابوووي قوووم عشان الناس دي بتقول انك مت ،، قووم وريهم انك حي 😭😭

مامون : استغفر يا ولدي دا حال الدنيا

احمد قوووم اخوهو محمد و ببكي معاهو 😭

الرجال شالو جثة السر و ودوها بيتهم

نفيسة : 😳 في شنو ، مالو السر شايلنو كدة
مامون : البقاء لله يا حجة 😔

نفيسة كانت واقفة فجاءة كرعينها ما شالوها و قعدت في الارض ، من الصدمة غلبها تبكي

بناتها بقو يبكو على فراق ابوهم و الاهل جو و الجيران

عم السر وقع بي زبحة و مات لانو قلبو ما اتحمل التعب 😔😔

تمت ايام العزاء و الاسرة كان جو الحزن مسيطر عليها ، نفيسة بقت شايلة هم اولادها و حتاكلهم من وين 😭 ، ما كان عندها زول غير زوجها يصرف عليهم

نفيسة : يا محمد يا ولدي ، خليني اشوف شغل
محمد : يا امي انا راجل ،، ما بخليك تشتغلي و تتمرمطي في الشارع
نفيسة : انت عندك قرايتك يا ولدي ، لازم تركز فيها
محمد : انا قررت اخلي المدرسة يا امي 😔
نفيسة : اوعك تخلي المدرسة يا ولدي ، دا مستقبلك
محمد : انتو مسؤلين مني بعد وفاة ابوي الله يرحمو ، و اخواني لسه بقرو ، و الصرف كتير ، و انا ما بخليك تشتغلي ، انتي كمان عيانة محتاجة راحة و ادوية ،، ربنا يديك العافية

نفيسة : سامحني يا ولدي 😭
محمد : انا مبسوط اني حأتحمل المسؤليه ، و لو اخواني قرو كأني انا قريت 😊

محمد مشى من جنب امو قبل دموعو تنزل ،، و متاثر جدا لانو مضطر يخلي المدرسة ، بقى يشتغل عشان يصرف على اخواتو و اخوانو ، الشافع بقى مسؤول و حلمو اتحطم قدامو 😔😔 حلمو انو يتم تعليمو و يبقى مهندس ،،

عبدالله : البركة فيكم يا محمد ، انت هسي بقيت راجل البيت بعد والدك الله يرحمو ،، ابوك دا انا كنت عايز منو 3 مليون
محمد : 😦 3 مليون !
عبد الله : اي يا ولدي ،، انا محتاج ليها حاول دبرها لي
محمد : طيب يا عمو ، اديني فرصة انو ارجعها ليك جزء جزء ، كمان انا ما حاخلي روح ابوي تكون معلقة بسبب الدين العليهو ، الله يرحمك يا ابوي .
عبد الله : طيب يا ولدي

محمد بقى يسدد في ديون ابوهو لحدي ما خلصها و شغال ليل نهار مرة طلبة و مرة كمساري و مرة يسوق ركشة جارو و مرة يبيع رصيد عشان يوفر لاخوانو المصروف و ما يحسسهم بفقدان ابوهم و ربنا ساعدو لانو كان متقيهو في كل تصرفاتو

بعد مدة طلعت حقوق ابوهو و اشترى بيها ركشة و بقى شغال فيها ليل نهار لمن شكلو بقى اكبر من عمرو من المسؤليه ، فضل شغال كدة لحدي اخواتو اتخرجو و اشتغلو و ساعدوهو في المصاريف

احمد قرا قانون و بقى محامي و كان بس بمسك القضاية حقت المساكين و المظلومين ،، و اي قضية جاتو والوكلو فيها ظالم رفضها لانو كان بخاف من حق المظلوم و دعوة المظلوم ليس بينا و بين الله حجاب و قال ما بقبل مال حرام على نفسو او لي اهلو ،، اما محمد بعد اطمن على اخوانو قرر يواصل تعليمو لان الحمل خف عنو و قرر يواصل حلمو ، فعلا امتحن شهادة و جاب نسبة كبيرة بالرغم من انو كان شغال و بقرا و دخل هندسة ، مرت السنين و اتخرج ، ربنا سهل ليه و لقى شغل برا السودان ،، و عرس لاخواتو الكبار ، و عمل لابوهو صدقة جارية و كان نعم الابن الصالح 😊😊😊 ،و الاخ الحقيقي الممكن يضحي بسعادتوو عشان اخوانو و اهلو يكونو مبسوطين و كتار زيووو الحمد لله

في قصتنا دي

القصة من وحي الخيال ،و بقول ليكم ما تخلو زول يستغلكم ، لو ابيتو تركبو لناس المواصلات البزيدو على مزاجهم و بشحنو

لنص المسافة ما كان استغلوكم ، و حيضطرو يشحنو بالسعر الاصلي و للمشوار كامل من غير يقسموهو

ابعدو عن الظلم و اكل اموال الناس بالباطل لان الظلم ظلمات يوم القيامة و عن اموال الحرام ، كمان في بعض من المحاميين بمسكو قضايا وسخانة و يدافعو عن المجرمين برغم علمهم انو مؤكلهم مجرم و بقبلو على انفسهم يظلمو مظلوم و ياكلو مال حرام ،، كمان في محاميييين نزهييين و كتااااار كمان الحمد لله و ما بقبلو على نفسهم قرش حرام و سخرو انفسهم لنصرة المظلومين و ما بقبلو قضايا وسخانة حتى لو دفعو ليهم مال قارووون ، بتمنى الناس تراعي ربنا في اي تصرف يعملوهو و عن أبي عبد الله النعـمان بن بشير رضي الله عـنهما قـال: سمعـت رسـول الله صلي الله عـليه وسلم يقول: (إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب) وربنا يهدي الجميع

امشي بما يرضي الله زي ما كان صلاح بعمل و ما تقول عشان الناس بتعمل كدة انا اعمل زيهم لان بعدين اي زول ربنا حيحاسبو براهو ، اتقو الله في تصرفاتكم ( و تحسبونه هينا و هو عند الله عظيم ) اكثرو من الاستغفار و من لزم الاستغفار جعل الله له من كل ضيق مخرج و رزقه من حيث لا يحتسب ، قال تعالى (و ما كان الله معذبهم و هم يستغفرون ) صدق الله العظيم

تشكرو على المتابعة و بتمنى تكونو استفدتو من الرواية

اختكم
❤❤❤❤
تهاني محي الدين

الشوق حاااار... 💔
15/2/2019
  3:22Pm                              

                              
لمن تصل ليو يختصرك ويقول ليك حاتصل ليك بعد شوية...وانت تكون مستني تسمع صوتو وليك زمن منو ومشتاق ليو شوق خرافي  ... وانت  تحرس التلفون ذي ولدك الخايفو يضيع... ومستني تتونس معاو وتتفضفض ليو ... لانك اشتقت ليو اشتقت لي نبرة صوتو لي طريقة كلامو المميزة... لي ضحكتو ... غموضو... كلامو المستفز...سكوتو في نص الكلام ....
وبعد ما انت تستنى وتضيع وقتك الفضيتو عشانو ...هو ما يتصل .....
وبعد سااعاات انتا بتشوفا سنين.... تقوم تتصل انت.... وما يرد ليك ...ويرسل ليك رسالة (انا مشغول ماتزعجني... لو فضيت بتصل عليك...)
و انت بتقرا في رسالتو... تحس بي  دمعة حارة بللت خدك.... ما بكيت عشان انت ضعيف بكيت عشان شوقك ليو ... الشوق القطعك و ساهر بيك....💔💔كما قال الشاعر : و رُبَّ تنهيدة من شـوق صاحبها .. تكادُ من هولها الأضـلاعُ تنـكسرُ ❤!

*فنصيحتي ليك ما تتعلق بزول شديد(مهما كانت العلاقة حب او صداقة) ...خصوصا لو كان جديد في حياتك.... وخليك حذر في تعاملك معاو... وما تتسرع وترسم آمال...لانو كل شي مقدر ومكتوب... لو الله كاتب إنو الزول دا  يكون في حياتك... مهما حصل حيكون فيها... فانت اصبر وما تتسرع في قراراتك....🙃🙃

الله يوفقكم ويديم المودة بينكم....💙
بقلم فاطمة عبد المجيد
#مقتطفات

#رضيت_بقدري..فكان هو🔞
بقلم الاء محمد الحسن ابوشمال..
مقتبسه من قصه حقيقه...
( ياخي قوووم مني ابعد عني ليييه ماقادر تحس بي ليييه أبسط حق لي بحسو أداء واجب السرير دا بالنسبه ليك زي المشنقه ليه ناقصني شنو انا مرة والله وست النسوان مريحه ومدخنه مهتمه بيك اقول ليك شي ياخ انا لو عاهرة مابتعاملني كده..عارف انا حاسه بي شنو..ولا علي شنو انت عمرك ماحتحس بي و تاني اوعك تقرب لي..لاني حقيقه بقيت ماطايقه) *الي حين عودة*
-1-
بسم الله نبدأ..
نور..يابت يانور قومي ...
نور..ايوه يا امي سامعاك بس والله ماقادره اتحرك تعبانه شدييييد ..
امها..الليله ماماشه تقدمي للشغل الجديد دا كل يوم تهاتي بيهو الليله مالك يايمه اصلك مانور بتي...
نور..والله ياست الحبايب ارهاق ماطبيعي لكن كدي النقوم احاول اتحرك...
امها..طيب انا مسويه ليك الشاي ومعاه لقيمات ..انا ماشه اوزع الكسره في الدكاكين..
نور وعلامات الوجع اترسمت في وشها...لي متييين كده يا امي...
امها وهي ماشه علي الباب ..لحدي ما ربنا يفرجا وترفعوني انتي واخوك...
نور..اللهم اميين قريييب..
نور هي قايمه تلفونا اتصل..
عاينت فيهو بي طرف عينا وعملتو صامت..
وقامت يادوب الشمس بدت تشرق.
قامت علي الحمام بي كسل ماطبيعي استحمت ولبست عاينت لي وشها في المرايا وقالت والله لو يجيبني المكياج الأولي مابعملو طلعت علي الشارع واتوكلت وهي ماشه شافت زول واقف جمبك العمود غيرت مسارا بس لحقها بي الشارع التاني وهي بتحاول تتعداهو بس دخلت بالزقاق وهو كان أسرع مسكها وجراها عليهو ولصقها علي الحيطه لمن حست بي إنفاسو في وشها اتوترت وخافت انهم في الشارع وبقت تقول ليهو فكني والله اكورك
هو..كوركي ساي وهو بزح شعرها من وشها بعد طرحتا اتفكت..
نور..هاشم انت ليه بتعمل كدة
هاشم..من امس مابتردي علي تلفوني ليييه..
نور..واتفكت منو وزحت حبه لأنك انسان مابتساهل وانسان نفسك مريضه انت شايف عني شنو؟؟ شايف أني بت ماكويسه؟؟شايفني منحله؟؟ ولا عشان انا اديتك فرصه يبقي أني كعبة.. لاياهاشم انا بت ناس شديد وعمري مابضيع تربيه امي الباعت الكسرة والطعميه عشان تربيني صاح.. والفي نفسك شيلو لانو عمرك ماحتصلو..
أتمني كلامي دا يكون وقع ليك يا ود العز..وعن اذنك انا إتأخرت وبالمناسبة ياريت تمسح رقمي وتاني ما اشوف اسمك في شاشتي..انا بكرهك وبكره اليوم العرفتك فيهو..
هاشم..نور اوعك تتحديني انتي ماقدري..
نور ..اوه نسسسيت يا ود سعادة المستشار بتخوفني علي اي اساس رجالتك دي اعملا علي اخواتك..
هاشم..نوووور حدددك اوعك انا بحزرك..
نور..اعصاااابك اصلو الحقيقه مرة..
عن اذنك يااااسيد الرجال..ومشت خلتو واقف بضرب اخماس في اسداس (صحي الكي في الوجع بشفي)
نور..مشت دموعها في عيونا لمن وقفت ف الظلط..واشرت لي هايس وركبت عاينت للزمن لقت مواعيد المعيانه قربت وفيها تلحق أولا.. قالت في نفسها عنو إن شاء الله ماظبطت واشمعني دي الحتظبط طلعت سبحه الاستغفار وبقت تستغفر وغمضت عيونا ورجعت رأسا ودموعا جاريه..
..في جانب تاني..
هاشم سايق
معقول دي نور معقول دي الكنت بحركا زي عروسه الخيوط تقوم كده ويطلع ليها صوت والله ياخ دي ما كانت بترفض لي طلب..
وبقي يتزكر في جملتها الاخيرة دي..إلا الشرررف إلا الشرف يا هاشم يا اخو الاخوات..
وبقي يقول في نفسو واشمعني دي الكاسر فيها رقبتك وانت حواليك من البنات مليون بس ليييه دي ماقادر تتخطاها عشان ماجات علي طوعك صحي الكلب بريد خناقو..
عند نور..واقفه في إستقبال الشركه بتتكلم مع الولد
الشاب..معليش يا انسه والله انتي اتأخرتي خالص ياريت لو بقدر اخدمك
نور واصلا هي باكيه.. عليك الله حاول لي انا محتاجه للشغل دا ضرورري..
الولد..والله ما في صلاحيتي اتدخل ربنا يسهل امرك..
نور..الحمدلله المامكتوب في النصيب..
نور واتوكلت وطلعت وهي موجووعه والحمد الله علي وجعها رغم كل شي..
الولد الفي الإستقبال مراقبها لحدي ماطلعت وفي نفسو بقول (سبحان الذي خلق فأبدع )..فجأه انتبه للفايل الموجود علي التربيزة نست فايلها حقيقيه البت دي شكلها وراها قصه..
وفي الخفاء في عيون مراقبه الوضع الكان في الإستقبال..
نور اول ما ركبت المواصلات انتبهت انها نست فايلها المشكله انو فيهو شهادات أصل بس ما كانت عايزة ترجع لأنها محبطه قالت حترجع بكره..طلعت تلفونا من الشنطه لقت قرابه ١٦ مكالمه و٥ رسائل نصيه امها وهاشم وصحبتها حظرت رقم هاشم ودخلت التلفون ف الشنطه..وسرحت فلاش بااااك
(في يوم كانت في الدكان بتودي الكسرة فجاه لقت ولد واقف قدامها ريحه عطرو ماليه المكان ويتكلم بي صوت فخم زي الكأنو يسأل من حته وبتاع الدكان بقول والله جديد في المنطقه فجأه شاف نور واقفه وراه قال للولد ممكن البت دي توريك لانهم قدام هنا الولد أتلفت وسبحان من شاف سلم عليها وشرح فيها لمن انتبه لي نفسو
نور.. بتسأل من ناس منو انت..
هاشم..من ناس أنور محمود ..
نور..أيوه امشي كدة وكدة اخر الشارع بابهم اسود..
هاشم وهو سارح معاها زي الاهبل..أيوه تمام..

نور..طيب عن اذنك..
هاشم..دقيقة لو سمحتي بس ممكن رقمك خايف اتوه وما اعرف اوصل..
نور عوجت خشمها واضح الوصف يااخينا..
هاشم..والله انا غريب وطولت من البلد ماتعصري علي .
نور..أوكي سجل الرقم..
هاشم..ياخ تسلمي وشكرا" ليك..
نور..العفو يا اخ
وقبلت بقت بتتكلم مع بتاع الدكان وهاشم دور عربيتو امشي..
والمساء اتصل عليها وشكرها وبقي بيناتهم تلفون بيسأل منها ومن اخبارا والعلاقه بيتهم اتطورت وهو حس بي انجاذب تجاه نور جدا بس هو عارف انو ماحيقدر يرجع يوثق في بت بي سهوله نور كانت معجبه بي شخصيتو وهو محترم معاها..ماكان بتحبو بس حاسه انها مارفضاه وقالت يمكن بي تصرفاتو تقدر تحبو والعلاقه استمرت بينهم شهور.. وكان بلقي نفسو بحكي ليها كل اسرار بيتو..عن اخواتو وانهم ماخدين حريه كبيره..وهو بحس انو ماعندو شخصيه مع ابوه وانو تصرفات اخواتو ماعاجباه وكتييير من حاجاتو..وكان كل ما يطلب يلاقيها هي بترفض ويوم اصر عليها وهي حست انو ماف خوف وفعلا طلعت لاقتو وركبت معاه العربيه ودورو..فجأه لقت نفسها في شارع غريب ومخيف بس ماخافت لانو ماختت نيه سيئه تجاه هاشم وفجاة هاشم وقف وبقي بحاول يقرب ليها بي طريقه غريبه وهي اتوترت ولسانا انعقد خافت والدنيا دارت بيها وهو لسه مستمر في لمسات الغريبه ويحاول يقبلها وهي ما قادرة تتحرك لانو ماسك يديها بس دموعها جاريه..وفجاه همس ليها في إضانه..
نور انتي عذراء ولا لا..
الكلام وقع عليها زي الكأنو هي جوة بير..نور بتحاول تستوعب كلامو و بعد شويه حست انو رخا قبضتو فكت يديها ولصقها ليهو كف خلت اتخلع وقالت ليهو انا مابلومك انا بلوم نفسي الوثقت في راجل..بس انت اتخطيت حدودك..
هاشم بحاول يستوعب..نور دقيقه عايز اوضح ليك..
نور..لاياهاشم إلا الشرف إلا الشرف يا أخو الاخوات..
صحت من سرحتها بي محطتها ونزلت وقلبها دي مقصوص اشلاء صغار..
دخلت البيت لقت امها قاعدة ترمي ليها في طعميه.. منتظر امها وشقاها خلاها تنفجر بكاء الواجعها كتير امها فهمت انو ما اتفقت في الشغل..
ومشت عليها..يابتي الشغل من ربنا ورزقك راااقد وانا عافيه ليك بس ماتستلمي..
نور باست رأس امها ودخلت الغرفة ختت تلفونا الطافي شحن..وصلت الضهر ودخلت مع امها المطبخ وعملت الغداء واتغدو شربو شاي الغداء ولمتها هي وامها واخوها بس كانت بتريح اعصابها وبتهديها وبتخليها تنفس عن نفسها وتجدد طاقه وامل..
بعد غسلت عدتها وفرشت حوشها دخلت وفتحت تلفونا..جاها أشعار الرسايل القبيل كلها من هاشم الكان فيها قصه خلت في رأسها مليون استفاهم..
يتبع

#رضيت_بقدري فكان هو 🔞
بقلم الاء محمد الحسن ابوشمال
-2-
نور فتحت التلفون لقت الرساله من هاشم..الاولي مكتوب فيها ردي علي عليك الله يانور عايز افهمك حاجه والتانيه مكتوب فيها نور انا مازول كعب انا زول مخدوع بس وفاقد الثقه حتي في نفسي بس لو عامله لي خاطر ردي علي لودقيقه والثالثه نور انا بكرة مسافر بس مسافر بدون رجعه عايزك تعفي مني لاني من شفتك ماشفت فيك الا خير والرابعه مكتوب فيها بريدك ياخ وبعزك وبحترمك وانتي انضف بت عرفتها ..
اما الخامسه فكانت مكتوب فيها الاتي(نور انا ماعايز ابرر ليك بس انا قبل امش عايز اوريك انا عملت كدة لي شنو انا من يوم شفتك قررت اغير حياتي لانك زوله مربيه بي حق وحقيقي وبت ناس شديد ودي حاجه انا مابقدر انكرا وغيرتي فيني كتير بس المشكله انا الدخل فيني ما اظن يطلع انا زول مكسور من جوة وقررت اني عمري تاني ماحاغلط ولا حادخل بت في حياتي ..قبل تلاته سنوات وبعد اغتربت بي سنه واحدة اتعرفت لي علي بت سودانيه كان شغاله في الدوله الانا فيها البت كانت شغاله سيكورتي في محل العاب انا البت كانت بتصعب علي لانها ممكن تكون ٢٤ ساعه واقفه واتعرفت عليها والبت كانت زول ممتازة وحبيتها شديد وبي شغلي الكويس اتوسطت ليها في الشركه واشتغلت شغل كويس شديد وبي تلاته اضعاف مرتبها..وفجاه تصرفاتها اتغيرت بقي لبسها شاز ومطلعه شعرها وحتي اسلوبا في الكلام اتغير ولاحظت كمان انها بدت تتقرب من المدير شديد لي درجه كم مره بلقاهم قافلين باب المكتب وحاولت اصفي نيتي ما لأني غبي بس لانو البحب بعمل نفسو ماشايف نور انا البت دي ادمنتها لغايه مافي يوم طلعنا انا ومروان صحبي ومشينا نتعشاء فقدت محفظتي اتزكرت اني نسيتا في درج المكتب قمت رجعت وانا معاي مفتاح لاني مرات بجي بدري ومرات بطلع متأخر فتحت المكتب حسيت بي حركه غريبه في غرفه المدير خفت يكون اقتحام اوسرقه بس فتحت باب المكتب ماشفت الا شعاع حسيت روحي بحلم معقول دي حبيبتي معقول البت كما خلقها ربها في وضع بنات الليل بخجلو+18 منو مع منو مديري الانا بحترمو انا مانطقت ولا كلمه لاني حقيقه اتبكمت وطرشت وعميت انا يانور قدر ما اوصف ليك انا حسيت شنو مابقدر اوصف انا طلعت بس ماشي ولافي لمن حسيت اني كملت الطاقه الفيني ولسه بحاول استوعب عاينت لي تلفون بنور لقيت ٤٠ مكالمه منها و٢٠ من المدير الواجعني انو المدير ود بلد وصحبي وعارفاها حبيبتي وصلت شقتي ماعارف الساعه كم دخلت الحمام فتحت فيني الدش عسي ولعل يخفف الصداع الفي راسي العايز يتكسر طلعت بس صليت ودعيت ربنا يبدلني خير ف مصيبتي ويخلف لي خير منها ..
نمت يمكن ساعه بعد صراع كل ما اغمض بتجيني صورتا بصحي قمت بي صوت المنبه صليت ورجعت نمت قفلت تلفوني وفصلت الجرس ونمت لو النوم بخفف ابو بشيل مني لو حبه صحيت مع العصر صليت وحسيت نفسي جعان لاني علي فطور امس اكلت فتحت التلفون لقيت مليون مكالمه مارجعت لي زول بس طلعت مشيت شربت قهوه واستغفرت كتييير وحاولت اجبر كسري بي يدي وانسي وفعلا تاني يوم نزلت الشغل عادي ولاقيتها اول زول في خلقتي ماقرفت منها بي قدر ماحسيت اني مستحقرها وصعبانه علي وحنيت عليها برضو حاولت تتكلم معاي بس قفلتها بي كلمه واحدة ومرت الايام قدر ماحاولت تبرر ماقدرت لي درجه انها خلت شغلها وحولت شركه تاني ومرت سنه والسنه دي اتعرفت فيها علي كل الوان البنات وكان اول سؤال بسالو للبت انتي عذراء؟؟ وبضحك علي الاجابه لانو العذريه في النفس ماعذريه جسد وفي المنهم مستعدة تفقد عذريتها باسم الحب وبقو البنات بالنسبه لي مجرد اجساد حايمه علاقات سرير وبس لحدي مابعد سنه سمعت بي حبيبتي اتمسكت في اكبر شبكه دعارة وهنا زاد حقدي وكرهي لي صنف البت بس كنت لسه بحس بالحنين ليها الحب ماساهل لحدي ماجيت السودان ولاقيتك نور اقسم بالله انا حبيتك من جوووة قلبي بس خفت اظلمك ولمن لاقيتك اتصرفت معاك تصرف خوفني من نفسي وعرفت اني ماحاتغير ولانك ماعايز اظلمك اعتبريني محطه وعدت في حياتي لانو اوعدك تاني ماتسمعني عني ولاشي لانك ماتستاهلي انسان زيي ابقي بي خير وانا كل ما اتزكرك بدعو ليك بالخير كان نفسي اقدم ليك حاجه بس انا منتهي الصلاحيه كيف اقدر انفع..ابقي بي خير دوما" في امان الله)
نور كانت بتقرأ في الرساله ودموعها ماقادرة تقيف حاولت تتصل علي تلفون هاشم بديها مغلق حاولت كتييير لمن ملت وحست قلبها موجوووع وفعلا حسته محطه في حياتها وانتهت يمكن اتعودت علي وجودو وخايفه من غيابو قفلت علي كدة ونامت بعد معافرة صحت الصبح صلت ودعت ليهو ربنا يوفقو وين ماكان ..
وطلعت الحوش لقت امها بتعمل في الكسرة صبحت عليها ودخلت المطبخ عملت الشاي وقعدو شربو جاء اخوها طالع من الغرفه وهو لابس وطالع المدرسه شرب معاهم الشاي وطلع..
نور..امي انا الليله طالعه
احسان..علي وين يابتي عندك شنو..
نور..نسيت طبعا احكي ليك امس بالزعل نسيت فايلي وفيهو شهاداتي الاصل ..
احسان..يابتي الفي نصيبك غيرك مابياخدو لو حصل اي شي بس انتي خليها علي الله..

نور..ونعمه بالله..
دخلت جوة فتحت تلفونا قلبت في المواقع وقدمت علي كم وظيفه لحدي ما الساعه ٩ جات لبست وطلعت..
طيب اخلي نور تعرفكم عليها
(طبعا انا نور وزي ماعرفتو من الاء جزء من قصتي اللي هي محطات في حياتي طيب انا نور الايمان الطاهر صديق..طبعا انا عمري ٢٦ سنه خريجه لي ٤ سنوات من علوم اداريه جامعه الخرطوم بي امتياز بس الغلبان في البلد دي مابياكل عيش احم احم طبعا انا جميييله وشكار نفسو ابليس وهديني بايرة برضو وربنا حباني بالقوام الممشوق ودا طمع ناس الدنيا امي احسان زوله مكافحه وبتربي فينا انا واخوي زي ماتقدرو تقولو مقطوعين من شجرة رغم وجود اهلنا ف الدنيا بس لمن النفس تطمع العلاقات بتخلص اهلي من حته شمال السودان بدون زكر اسماء ابوي الله يرحمو كان علم في الخير والكرم والجود وكنا عايشين في امن وامان حصلت قصه ومنها جينا الخرطوم وكانت كلها قوالات من الاهل ومشاكل وتحاريش ولمن امي الله يديها العافيه فاض بيها قررت تجي الخرطوم ورغم صعوبه القرار بس ابوي وافق وبناء علي القرار كل اخوانو قاطعوه وقالو ليها انت بتنصاع للحريم وهو ماسمع وواصل في قرارو بعدها بي فترة جدي اتوفي ربنا يرحمو فقاموا اعمامي نصبو علينا في حقنا واخدو ليهم وابوي اختصار للمشاكل احتسبو لله وكنا عايشين والله ومن عرق ابوي اشترينا البيت دا وقريت احسن قرايه الحمدلله اما امي اصلا مربياها خالتها لانها يتيمه وحبوبتي المربيه امي اتوفت بعد نحن اتولدنا ..وفي يوم ابوي في اثناء شغلو كان برحل بضائع حصل حادث وابوي طلع بي شلل نصفي وكانت صحتو في النازل وهو شايف امي شقيانه وبقت هي الشايله البيت وفي يوم لقينا ابوي ميت في سريرو من الوجع والقهر وحتي باقي ديونو العند التجار ما ادونا ليها ونسو انو دا حق يتيم والله ازمه مرت علينا ما يعلم بيها الا الله واعمامي جونا لحظه العزاء وبعدها مافقدونا ونحن كفينا خيرنا شرنا وقفلنا الباب دا وبقينا عايشين وهديني ساعيه للشغل وربنا يكرمني واعوض امي شقاها اما اخوي الصغير مرتضي في تالته ممتحن شهادة زول نااابغه وانا كل همي بس ينجح وينفعنا وهو راجلنا رغم انو صغير بريتكم صاح خلا ص خلاص ارجعو مع الاء القصه)
نور لبست وطلعت وقفت مسافه مالقت مواصلات قربت ترجع بس الله اداها حافله ركبت والسخانه تلحم وصلت الشركه ونزلت ..
نور في الاستقبال..
سلام عليكم يا اخ انا امس جيت هنا لو متزكرني ..
الولد..هلا هلا ايوة متزكرك(هو انتي بتتنسي)..
نور..معليش انا امس نسيت فايلي هنا .
الولد..ايوه صاح امس المديرة شالتو لمن لقتو هنا
نور..اها والعمل
الولد ..اصلا المديره طلبت تشوفك لمن تجي تسالي عن الفايل..
نور..خير ان شاء الله
الولد..والله ان شاء الله شايفه المكتب العلي يمينك دا حق المديرة هي موجوده وقالت تدخلي ليها وكتك البتجي.
نور ارتبكت..اوك
نور ماشه خطوة قدام واتنين وراء وقلبها بضرب ماعارفه ليه متوترة..
وصلت الباب وخبطت مرتين ماف زول رد اتلفت لبتاع الرسبشن الولد اشر ليها بمعني ادخلي فتحت الباب ودخلت انبهرت بالمكتب ولا التربيزة واستغربت في اسم المديره الغريب شويه (دكتورة قثاء احمد المجذوب) واثناء ماهي في عز الانبهار باب الحمام فتح نور اتخلعت ورجعت ورا شويه الدكتورة هلا هلا نور الايمان اتفضلي..
نور ..وهي متوترة مرحب دكتوره ..
قثاء قعدت في كرسيها اتفضلي اقعدي
نور..تسلمي الولد بتاع الرسبشن قال لي ملفي عندك معليش للازعاج ممكن اخدو..
قثاء بي اسلوب ردع لا ماممكن تاخديه لانو بقي عندي وتاني مابرجع ليك..
يتبع..
في الحلقات القادمه
*مستحييييل لالا مابقدر اصدق ااااه ياقلبي هاشم خاف يعلقني بيهو لانو مفارق احي ياهاشم ربنا يعوض شبابك الجنه
*قسورة؟؟ قسورة منو والاسم الغريب دا شنو ؟؟ قسورة دا اخوي الوحيد ومقيم في كندا..

#رضيت_بقدري فكان هو 🔞
بقلم الاء محمد الحسن ابوشمال
-3-
قثاء قالت لي نور ماحارجع ليك الملف لانو بقي عندي أنا ..
نور اتوترت جدا وماعرفت ترد ليها فجاه قثاء ضحكت قالت ليها البشوف شكلك مابقول انك جبانه ..
نور اتنفست حبه ..لا والله انا ماجبانه بس صراحه مابحب اسلوب الردع او بخاف منو عديل تقدري تقولي بالنسبه لي عقدة ..
قثاء يازوله العفو منك
نور..حصل خير يادكتوره
قثاء..عايني انا مابحب الكلف يانور ولا بقولو ليك ايمان
نور ابتسمت..لالا بقولو لي نور
قثاء بس اكتفت بالابتسامه وعم صمت صغير بينهم..
نور قطعت الصمت ..معليش يادكتوره ممكن اخد الملف لاني اتاخرت علي امي ..
قثاء ..مالك مستعجلة افطري معانا وانا كمان عايزة اتكلم معاك شويه
نور..في وكت اوسع ان شاء الله..
قثاء..نور شكلك بتحبي اسلوب الامر طيب خلي الفطور واقعدي معاي طالب وظيفه ومدير..
نور وعلامه الاستفهام في وشها..
قثاء طوالي اتكلمت..طيب يانور مؤهلاتك الدراسيه انا شفتها في الملف..اتكلمي عن نفسك بي صوره سريعه وعن خبراتك وعن فهمك للشغل وكيف تقدري تديري..
نور لسه مهجومه..
قثاء..نور جاوبي دي معاينه محددة بي زمن
نور شويه بدت تستوعب وبدت تتكلم عن الاداره بي فهما وكيف تقدر تنجز فيها وكان كلاما ممنطق ومقعده يقنع اي زول..
قثاء بعد خلصت الكلام اخدت مسافه..وصفقت لي نور برافو عليك يانور انا بفتش علي زوله زيك من زمان انتي ويين.
نور ولسانا انعقد ..مافهمت يادكتورة تقصدي شنو..
قثاء..الغريبه شكلك بدل علي انك شاطرة وبتفهميها وهي طايره
نور..ايوة بس الا انا بعرفو انو معاينتكم خلصت وقفلتوها ..
قثاء..ياستي ماف زول بياخد نصيب زول وانا عندي الكفاءة والشطاره اهم من اي شي لاني زوله عمليه جدا
نور..يعني شنو..
قثاء..يعني من بدايه الاسبوع تقدري تجي وتستلمي شغلك ..اول حتاخدي ١٥ يوم تحت التدريب لانو سستم الشركه محتاج شويه دراسه وانا واثقه انك حتجتازي وحتتفوقي..
نور ماقدرت ترد..بس حست في عبرة عميقه سادة حلقها يمكن لانها طيبه يمكن لانها زوله في عز وجعها بتحمد الله وبتشكرو ..يمكن دي دعوات امها يمكن ربنا كاتب ليها تشيل عن امها شويه ..اكتفت بالابتسامه وردت بعد زمن طيب ان شاء الله انا حانزل معاكم طيب ممكن امشي لاني حقيقي اتاخرت وامي بتكون قلقت ..
قثاء مدت لي نور الاوراق الاصليه واحتفظت بي نسخه من الملف ..
نور طلعت وهي حاسه نفسها زي الفي حلم بتحاول تستوعب .. طلعت دون ماتقول اي شي بس حاسه نفسها تبكي من جوة قلبها يمكن عشان صبر السنين وعشان الظلم الاتظلموهو وعشان ابوها مات بي حسرتو البوجع كتييير..
قثاء سرحت..معقول البت المميزة دي مالاقيه شغل المدة دي كلها ياخ دي لو في انصاف كان تكون مديرة عديل عجبتني ثقتها في نفسها حقيقه انا حاسه انها لو استمرت معاي حاتطور جدا وانا كما حاسعي جدا انها تاخد مكانا الحقيقي..
فلاش بااااك
(يوم نور نست ورقها كانت قثاء مراقبه البت دي جاها فضول زيها زي اي بشر مع انها في العادة مافضوليه حست انو البت وراها قصه لانها كانت بتبكي وباين انها موجوعه ولما حاولت توصل لي نور لقتها طلعت بس لي حسن الحظ لقت الملف ولقت انها زول متميزة وحقيقي يمكن ربنا سخرها ليها عشان تقدر تختها في مكانا الحقيقي)
نسافر لي مكان بعيييد..
ملحوظه(طبعا الكلام مفروض يكون بالانجليزي بس ماحاقدر اكتب واترجم ف حاكتبو بالفصحي)
هو داخل مكتبو وكلو هيبه ولابس بدله كحليه وفيهو صفاء النكهه السودانيه وعيون لوزيه عميقه مكحله بي عدسه عسليه وسمرة جذابه كان كلو جذاب وجنتل مان ..
جوليا..صباح الخير مستر قاس..
هو..مرحبا جوليا نعمتي صباحا"..
جوليا ومدت ليهو بكيه ورد..اتمني ان يكون يومك جميلا" مثل هذا الورد..
هو..اكتفي بالابتسامه بس
جوليا..حسنا" سيدي اليوم جدول اعمالك مملؤ جدا" اتمني ان لا نؤجل اي اجتماع فقد بدأت بعض الشركات في الشكوي من كثرة التأجيل..
هو..نعم اعلم اشكرك عزيزتي..
جوليا..ارجوك مستر قاس اجعل حياتك الخاصه مفصوله عن عملك حتي لايتراجع اسمك في سوق العمل..
هو..حسنا" واشكرك كثيرا"..(طبعا دا لو عندنا كان صمتا كف وطردا)
دخل مكتبو جدع فريمو في ومفتاح العربيه في التربيزة وخت الورد في الفاظه..
قعد في المكتب وبدأ يحاول في رقم عندو وكان بديهو مغلق حاول لمن زهج..وجدع التلفون ورجع راسو لي وراء واتنهدت..وبعدين معاك ياجاكلين..
نرجع ارض وطني حسيت اني مسافرة..
نور جات داخله البيت وشافت امها قاعدة في المظله تشرب ليها في قهوة دخلت علي امها بس حضنتها وقعدت تبكي حست انها محتاجه تبكي كتييير وامها مخلوعه يابت في شنو انتي كويسه نور بتهز راسها بس اخوك كويس نور بتهز راسها ..طيب يابت في شنو ولا اقول ابكي يابتي بكاك بريحك ..
نور اخدت مسافتها وقامت غسلت وشها وجات قعدت جمب امها. يا امي ماقلت ليك حاعوضك امي دعواتك مافارقتني امي انا الليله ربنا كتب لي وظيفه مابحلم بيها ..
امها ..وظيفه شنو مش انتي قلتي ماشه تجيبي ملفك ..

نور حكت لي امها القصه لمن دموعها امها جرت وقالت ليها..ماقلت ليك يابتي الفي نصيبك مابياخدو زول والحمدلله نعيش مستورين..
وفي اثناء مابتكلمو الباب خبط شديد نور عوجت خشمها اها الخلاقه جات..
امها ضحكت والله الاتنين ماعاقلات..
نور فتحت الباب جاتها ليك بنيه في ضهرا نور لمن رجعت لي ورا..احييي والله كنتي جايه مصارع ماليك علاقه بالانوثه نهااائي ..
سلام.. خليتك لي الانوثه انتي يا ام هناي
نور..احم احم عندك شك..
سلام..عندي معاك كلام تاني ودخلت بتكورك ياخالتو احسان مشتاقييين ..(طبعا صوتا زي الاء بتحسها بتنبح بس والله دا صوتا الطبيعي المشكله انها حته وتشبه نمله السكر)
سلمت علي احسان ..
احسان..كيف ياسلومه يابتي وكيف امك واخوانك والعرس كان كيف..
سلام ..والله ياخالتو رهيب وبورسودان الايام دي فيها جوو خرافي كان عارفه جو الخرطوم كده ماكنت جيت..
نور من جوة المطبخ..بتقعدي انتي يا الهامله كان الله سهل ليك..
سلام..هوا تشرطك بركت الله ياعاطله يابايرة بتسوي في شنو انتي جوه
نور..بسوي ليك في عصير يعصرك فيل ان شاء الله..
( طبعا الكلام كلو نبز ودعي اتعودو)
سلام..تعالي متسله انا دايرة جبنه خالتو دي بس والله مشتاقه ليها..
احسان..تشتاق ليك العافيه ياسلومة..
نور جات شايله العصير وقعدت وقالت ليها يختي بايرة وعرفناها ومعترفه بس عاااطله تاني ماااف..
سلام..اشتغلتي حراميه ياربي..
نور..فكت الملعقه بس سلام زاغت..
سلام يابت دايرة تعميني يبقي علي بورة وعطال وتشويه..
نور ..طيب احترمي لسانك كلك قدر نمله السكر..
سلام ..سكر يرميك في الشوك ان شاء الله ياخلاقه..
احسان..يابنات خلاص روقو خشومكم دي ما وجعتكم..
المهم شربو القهوة ونور حكت لي سلام عن الشغل..
احسان لبست توبا ..عن اذنك ياسلام يابتي البيت بيتك الليله الجمعيه..
سلام ..امي قبيل مشت اتفضلي ياخالتو..
احسان طلعت..وسلام استلمت نور..اها هاشم اخبارو شنو ..
نور اسكتي بس هاشم حكايتو حكااااايه..
يتبع..
في الحلقات القادمه..
*لماذا تتجاهلين اتصالاتي هل تستغلين تعلقي بك..
لا قاس فقط اخبرك للمرة الاخيره ان اهلي يرفضون ارتباطي بشخص من اصل عربي وبالاخص من عرق اسود..
*دقيقه دقيقه والله ياهو الفضل منتصر منو وجن احمر منو انا دا اشوف العمي ولا اشوفو كمان معاها فتحت نفس..مش دا الكان السبب في اكل حقنا ابعدي مني ود امو دا..

#رضيت_بقدري فكان هو🔞
بقلم الاء محمد الحسن ابوشمال
-4-
بعد طلعت احسان نور ظبطت الجبنه وقعدو في المظله بتونسو هي وسلام نور حكت لي سلام قصه هاشم من طق طق للسلام عليكم..
سلام..كر علي حنني الولد والله ياحليلو دخلتو عقدة
نور..انتي عارفه قدر ماكنت شايله منو اتعاطفت معاهو والله وجع قلبي..
سلام..وانتي ماحاولتي تتصلي عليهو
نور..والله من امس بحاول اتصل عليهو تلفونو مغلق وحساباتو كلها محذوفه..
سلام..شكلو حباك بالجد يانور لو ماحباك ماعمل كدة
نور سرحت..والله ياسلام انا اتعودت عليهو شديد يمكن حاسه بي فراغ يعني لمن تلفوني يتصل بجري عليهو جري علي امل يكون هو..
سلام..والله شكلك حبيتيهو يانور..
نور..والله ماعارفه ياسلام لكن هاشم كان زي الطيف دخل حياتي وطلع وحأعتبرو تجربه وعدت زي ماقال هو..
سلام..حتي لورجع ليك؟؟
نور..بتمني مايرجع لي حاساهو دوامه ممكن تخرب سلام حياتي وانا كدة كويسه يادوب بجمع في نور الايمان عشان تبقي قويه وتعمل حاجه..
سلام استعدلت في قعدتها..نور انت قايله نحن صغار والله العمر ماشي نلحق نعمل لينا بيت واسره..
نور ..لالا ياسلام انا المرحله دي بعيده عن فكري حاليا ما لاني صغيرة بس لاني نفسي اعمل عشان اسكت الشمات الكتار..حتي لو بكلفني اقعد بدون زواج..
سلام..يابتي تفي من خشمك مالك يابت حلاااااتك وفاهمه وملتزمه وقسمتك لسه ماجات وربنا يوفقك بي قدر ماصبرتي..
نور..اميييين يارب انتي زاتك شوفي ليك شغل يحركك..
سلام..وقفت بتصلح في توبا والله انا شكلي عندي مستقبل في موضوع المكياج دا وبحاول ادخل في دورات تدريبيه وبعمل لي اعلانات في قروبات جديدة حلوة بدخل..
نور ..كدي اسي طايره وين اقعدي..
سلام..يابت اقعد وين ماشه اعمل الغداء امي الليله عامله اضراب يمكن اجيك بعدين بالليل..
نور..تمام يازوله يلا لي بعدين...
نور قدمت سلام ورجعت مسكت تلفونا قلبت في المواقع كتير لمن زهجت وحست نفسها نعسانه ورجعت رقدت نامت ..ماصحت الا بي امها بتقول ليها قومي يابت المغرب اذن ماعوايدك تنومي زي الساعه دي..
نور فزت من السرير مخلوعه..وب علي انا العصر ماصليتو جرت علي الوضايه اتوضت وصلت واتغدت براها لانو امها واخوها اتغدو ..وهي بتشرب في شاي المغرب جات سلام داخله سلمت عليهم ودخلت مع سلام غرفتها وشالو شايهم ..وبقو بتونسو بي صوره عامه وفاتحين تلفوناتهم وسلام اضافت نور في كذا قروب وفي اثناء مانور بتقلب فجاة جدعت تلفونا وختت يدها في خشمها وبقت دموعها جاريه زي الشلال سلام كانت مركزا في تلفونا انتبهت وبقت تضرب في نور يابت بسم الله نور في شنو ونور مسهيه وماعارفه ترد سلام شالت التلفون هي كمان بقت تقول انا لله وانا اله راجعون لاحولا ولاقوة الا بالله..
وبقت تهدي في نور نور اهدي دا قدرو دا مكتوب ربنا يتقبلو ويعوض شبابو الجنه..
نور بقت بتبكي بي هستريا بكاء يقطع القلب كر علي ياسلام كر علي هاشم كان معاي اول امس احيييي ياهاشم وجعتني احي ياااااهاشم قطعت قلبي انا قلبي اتقطع هاشم والله انا بغيرك ياريييييتك ماسافرت ااااه ياقلبي ياخ نفسي يتصل علي ياريتني ما اتجاهلتو ياريتني سمعتو سلاااااام انا صدري مولع ناااار كدي اديني الصورة اتأكد يمكن ماهاشم سلام بحاول تهدي صاحبتا بس ماقدرت خلتها تبكي لمن قامت بعد شويه واستغفرت وصلت العشاء ودموعها نازله في خدها زي النار وبتدعي من قلبها انو ربنا يعوض شبابو الجنه ويغفر زلاتو..سلام لسه كانت قاعدة..
سلام..نور انتي كويسه
نور ..اي كويسه ياسلام..
سلام ..ماشكلك كويسه انا حابيت معاك..
نور..لالا ياسلام انا كويسه والله قدر الله وماشاء فعل قدرو وحكمتو ياريتني مادخلت القروبات يمكن لو ماكان شغت الصورة والنعي كنت بفتكر انو بي خير وقلبي ببرد..بس اسي انا حاسه بي وجع مايعلمو الا ربنا..
سلام..وقفت حيلها وقالت لي سلام محتاج دعاك ياصحبتي ..اتصبري قلبي معاك وانا بجيك الصباح..
نور..تمام يازوله تصبحي علي خير..
سلام..وانتي من اهلو حبيبتي..
طلعت سلام وخلت نور في بحر دموعها ..وبعد مسافه بقت تقلب في صوره هاشم وتتزكر كل مكالمه كانت بينهم وهزارو ضحكو لمن يكون مستاءة ويشكي ليها من اخواتو حست انو طييييب شديييد ورجعت تاني تبكي بي هستريا..شالت التلفون رسلت طلب صداقه للمنزل البوست ..وجدعت التلفون وسارحه جاها اشعار قبول الطلب شالت التلفون ورسلت السلام عليكم انت منو..
هو..وعليكم السلام انتي منو..
نور ..انت بتعرف هاشم او قريبو.
هو..انتي بتعرفي هاشم من وين..
نور..انا اسمي نور كان في بيني معرفه وبين هاشم في الفترة الاخيرة..
هو..نور الايمان؟؟
نور..ايوة نور الايمان انت بتعرفني من وين..
هو..ااااااااه انا من اول امس لحدي الليله مامر علي اسم قدر اسمك ولاسيرة غيرك ..
نور..انت منو..
هو..انا مروان تقدري تقولي صديقو اخوهو تؤام روحو انا القلبي مفطووور وانا دفنت صحبي قبل ساعات واسي في غربه ماعارف اقبل وين..
نور..احييييي انا مالو يامروان مالو الحصل ليهو شنو مالووو ورجعت دموعها تكب شلالات..

مروان..بس من جا من السودان وهو زول تاني بسألو مالك بس يانور معلق فيكي حكي لي تفاصيلك ياخي انا شفتك من خلال عيونو وانا بحاول اقنعو يدي نفسو فرصه معاك يمكن ينسي الزول بغلط وبغفر وهو بقول لي مابقدر اظلمها ونحن بنتكلم في الشركه جاهو اشعار في الايميل لمن فتحو لقي انو البت حبيبتو منها لله ورطتو في مشكله وحاولت تشوه صورتو وهو بي مغصتو منها طلع بدون وعي وانا مالحقتو وبتصل عليهو مابرد لحدي مابعد قريب ساعه رد بس ماهو كان واحد بقول لي تجي في مستشفي...... تتعرف علي الجثه..جثه شنو جثه منو برد علي بقول صاحب الجوال انا يمكن لحظتها اغمي علي بقيت في حاله وعي ولا وعي ولمن فقت مشيت واتعرفت ويارييييتني ما اتعرفت لقيتو ياهو رفيق دربي اخووووي وصحبي انا تاني ماوعيت الا الناس بتصبر فيني وهو بيندفن ..انا الليله دفنت قطعه من روحي في التراب نور انا استلمت تلفونو لقيتو مسجلك بي نور حياتي كان شايفك رجعتي نورتي حياتو وسبحان الله في نفس يوم وجعتي ترسلي لي واعرفك..
نور..بي هناك حاسه راسها اتفتح نصييين من البكاء بتبكي بي صوت مكتوم لمن قلبها قرب يطلع من محلو بقت ماعارفه تصبر مروان ولا يصبرا..(والله الولف لويوم حار)..
نور..مروان اتصبر مع انو عارفه صعب انا حاسه بيك والله وخت راسك وادعي ليهو وانا برجع ليك الصباح..
قفلت دون ماتشوف ردو ..
وبعد صراع عمييييق نامت نور وجواهو الف وجع واحلامها كلها هاشم كلامو يوم لاقاها..صحت مع الصبح صلت ودعت ليهو..واستغفرت كتيير رجعت راسها لي ورا واتنهدت..ااااه ياقلبي هاشم خاف يعلقني بيهو لانو مفارق احي ياهاشم ربنا يعوض شبابك الجنه..
مرت علي نور ايام عصيييبه ورجعت تتعايش عادي وكانت بتخفف علي مروان وبخفف عليها واتكونت صداقه جميله بينهم وخوه نضيفه..عدت الايام ونور بكرة نازله شغل من بالليل جهزت غيارها ونزلت الشغل الصباح ..
ومشت الشركه اتعرفت بالناس وكان تعاملهم حلو جدا وكتييير من نظرات الاعجاب من الشباب بس هي هدفها كان تشتغل وتلقي زاتها وبس وفعلا نزلت بي عزم شديييد وتركيز عالي..
وقثاء كانت واقفه فيها بي نفسها في ايام تدريبها وكانت ملاحظه انها رادعه وعمليه جدا مع كل العاملين..بس لمن تجي عندها بتعاملها بي لين شديد ونوع من المودة غريب لمن دخل في نفس نور مليوووون سؤال..
يتبع...