و خطيبك بيك....
ما اتوقعت أصلا إنو خطتها تنجح من أول محاولة ، عشان كده واصلت :
- أوووففف ياريت لو هو يعرف بس... الحمد لله على كل حال
قال باستغراب : غريبة ، مع إنك قلتي لي المرة الفاتت إنكم متفاهمين و بتثقو في بعض
- يا أسامة الواحد ما ممكن يقول عيوب شريكو للناس و أنا حريصة إنو الناس تاخد عنو أحسن فكرة لأنو هو بعكسني أنا لأنو اختياري ولو فيهو عيب بمسني أنا.. و حسي لو ما كنت ارتحت للكلام معاك ما كنت قلت ليك كده
- طيب ليه مواصلة معاهو ؟ مافي شي يجبرك لو مامرتاحة إنتي لسه على البر
رفعت كفة يدها اليمين و قالت : شايف ؟؟؟
- طلعتي الدبلة ؟؟ يعني فسختي الخطوبة؟؟؟
- لسه ما كلمتو بس قررت كده.. أنا جواي حاجات كتيرة كاتماها ومافي زول حاسي بيها
- ممكن أسمعك لو تحبي تتكلمي
- حسي مابقدر لأنو بيتنا مليان ضيوف و لازم أمشي عليهم ، بس لو مافيها شي ممكن مرة تانية نتكلم.... لو ده ما بسبب ليك مشكلة طبعا
- لاماتشيلي هم ، نجود ماحتعرف شي و أنا بعتبرك دعاء أختي و بسمعك و بقيف معاك....
قالت في سرها : ههععع دعاء أختي قال ، أصبر لي يااااا أبوو خالد......

....
عدت تلاتة أيام و هاجر حالتها زايدة سوء ، كانت بتمشي الشغل و ترجع لكن ما كانت بتاكل و لا تشرب ولا بتتكلم مع زول ، هاري حاول معاها كتير بدون فايدة ، أما أسامة من يوم خلص ليها اجراءاتها ما رجع سأل منها تاني لغاية اليوم الرابع من الحادثة كانت قاعدة في عيادتها سرحانة و بتقلب في مجسم الفك القدامها ، دقت السكرتيرة الباب وفتحتو و دخل زول ، لمن رفعت راسها و شافتو عاينت ليهو بي حدة لغاية ما جا قعد في الكرسي و خت ليها كرت المقابلة وهو ساكت ، وهي براحة شالت الكرت و قطعتو و رمتو في السلة الجنبها ، ضحك و قال :
- كده بتعاملو المرضى ؟؟ ممكن أقاضيك على فكرة بسبب الحركة دي
قالت و هي بتضغط بين أسنانها بغضب :
- أنا..... ما... طااايقة.... أشوووووفك....
- ليه بس يا دكتورة
- لأنك سبب المصايب كلها ، في نفس اليوم الظهرت لي فيهو رجعت لي حاجات ليها ١٢ سنة و جابو لي بلوة كبيرة قاعدة لي في البيت و و و اليوم التاني قتلت لي مرة و ما بعرف تاني حيحصل لي شنووو
- ماصح الكلام ده على فكرة دي كلها أقدار أنا ماعندي ذنب
- ممكن أعرف عاوز مني شنو
أشر على السلة و قال : الكرت القطعتيهو ده أنا دافع عليهو قروش ، و الليلة مواعيدي معاك عشان نقلع الضرس....
أشرت على الكرسي وقالت : اتفضل هناك
قام و مشى استلقى في الكرسي و هي ولعت الكشاف الصغير و شالت حقنة البنج طعنتها ليهو بعنف لدرجة نط من مكانو لكن سكت.. و بنفس العصبية شالت الكماشة الصغيرة و مسكت الضرس حركتو يمين و شمال و جرتو جرة وحدة كان طلع في يدها ، و ختت ليهو قطنة.. و قالت :
- ماعاوزة أشوفك تاني بعد كده
كان ماسك خدو و هو مذهول من السرعة و العنف القلعت بيهم الضرس لكن برضو كان منبهر بمهارتها ، ماقدر يقوم طوالي و كمان البنج كان لسه مؤثر فيهو و الدم الطالع من ضرسو لكن ده كلو ما منعو إنو يتلفت يعاين ليها بإعجاب و هو بقول في نفسو : دي هي البت القوية الواثقة الواضحة الما بتزيف حقيقتها ، دي هي الشخصية الأنا بفتش عليها ، رغم العيووووب المالياها من أولها لآخرها و الانحلال الهي عايشة فيهو لكن دي هي المفروض تبقى.... الزوجة الرابعة.......
....
يتبع
رحمات صالح
تحيتي و محبتي 😊🌺🌸

#الزوجة_الرابعة
بقلم : رحمات صالح
-٧-
إتنفست بي راحة لمن طلع من عيادتها ، كانت بتحس إنو بكتم عنها الهوا و مابتقدر تتنفس بوجودو يمكن لأنو الزول الوحيد المن نفس بلدها وعاداتها وهو الوحيد الحيكون عندو راي في أخلاقها و طريقة حياتها ، تكلت راسها في مكتبها و غمضت و استسلمت للدمعة الجات نازلة من عيونها و هي بتتذكر منظر العجوز المرمية في الأرض وغرقانة في دمها.....
- هاجر
رفعت راسها وهي مخلوعة لأنها ما انتبهت للباب لمن اتفتح ، استغربت لمن لقتو رامي لأنو مابعرف يطلع براهو و ماعارفاهو جا هنا كيف ، لكن ما سألتو و لا اتكلمت ورجعت رقدت تاني ، وهو قال بحماس بعد ما قعد في الكرسي يمينها :
- أنا لقيت فكرة مناسبة بس أرجوك أسمعيني و فكري كويس في كلامي...
فتحت عاينت ليهو باهتمام وهو واصل :
- نحن لازم نرجع السودان
ابتسمت باستهتار و غمضت لأنها اعتبرتو طفل مافاهم شي..
- هاجر أرفعي راسك و عايني لي خليني أكمل كلامي.. نحن هنا غرباء و حنفضل غرباء مهما قعدنا ، أنا لي كم يوم بفكر لو حصلت لينا أي حاجة منو حيقيف معانا ؟ الفترة القعدتها مع أبوي في الخليج والكم يوم القعدتهم معاك هنا علموني إنو مهما كان مافي زي البلد و الأهل ، في بلدك حتى و إنتي وحيدة بتحسي الحوليك كلهم أهلك....
- رامي أششششش
- هاجر ، أنا جيت هنا متحمس للحياة والانفتاح والحرية و كنت راسم صورة مثالية للحياة البتمناها أي ولد مكاني لكن من أول يوم حسيت إنو الحياة هنا باردة أبرد من برودة الجو...
قالت بصوت ضعيف وهي مغمضة : رامي إنت ما مشكلتي أنا ، لو عاوز ترجع خلي أبوك يجي يسوقك
سكت لأنو شعر إنو كلامو ماحيجيب نتيجة لكن سمعها بتئن بألم و بتهمس بكلام ، ركز لقاها بتقول :
- أمي... اشتقت ليك
- طيب اتكلمي معاها ، هي عايشة؟؟
رفعت راسها زي كأنو قال ليها شي جديد مافكرت فيهو قبل كده ، و طوالي شالت التلفون و كتبت مفتاح السودان و وراهو الرقم ، كان قلبها بدق بخوف إنها ماترد عليها و ساعتها ما حتتحمل كسرة الخاطر و ده الكان مخليها ماتكلمها زمن طويل.....
- ألوو منوو معاي
سكتت لأنها ما اتحملت تسمع صوتها ، و أمها قالت :
- شكلو الرقم غلط
قالت بسرعة قبل ماتقفل : يمة.. دي أنا
.....
..
كانت واقفة قدام المرايا و بتسرح شعرها ، هاجمتها ذكرياتها : عاينت ليهو في المرايا وهو وراها و ابتسمت ، مسك شعرها و لماهو بالجنبة ، و ضماها من ورا و عاين في المرايا وقال :
- في اتنين أحلى من كده ؟
ضحكت وقالت بغرور : ما في أحلى من نجود
قال بزعل مصطنع : يعني في أحلى من أسامة ؟
- مش حبيب نجود! يبقى مافي أحلى و لا أحن و لا أحسن راجل منو
طبع قبلة رقيقة في رقبتها وقال : بحبك
مسحت دمعتها و هي بتتذكر تفاصيلو كلها ، كل يوم عاشتو معاهو بحلوو و مرو ، بتحبو بجنون و حبها ليهو هو البخليها تخاف تفقدو ، كانت بينها و بين نفسها عاارفة إنو أسلوبها غلط و هو كتير كلمها تخف عنو و هو من نفسو ما حيفكر يسيبها و لا يخونها ، اتنفست بي ألم : آاااااخخخخخ ياااا قلبي ، يا ترى ظلمتك يا أسامة و لا إنت فعلا بتخونني
قلبها كان بقول ليها إنها اتسرعت و ما أدتو فرصة يبرر موقفو لكن هو ما حنسها و لا طلب منها ترجع البيت.... عشان كده قررت تقعد و تنتظرو لغاية مايجي يعتذر أو يطلب منها تسامحو......
- بتك دي لسه هنا ؟
- ااااي بيت أمها و جدها تقعد براحتها
- هووووي أنا ماعندي كلام بالشكل ده ، ماعندي بت بتطلع من بيت راجلها و تجي تقعد لي هنا ، تمشي حسي تفهميها الكلام ده و بكرة الصباح ما ألقاها هنا مفهوم؟
جات جنب الباب وبقت تتصنت عشان تسمع باقي كلام خالها مع أمها
- بتي قاعدة معاي و مااافي زول بمرقها
- كلمة وحدة مابتنيها ، الصباااح ألقاها رجعت
ختت يدها في خشمها تمنع صوت شهقاتها لكن ماقدرت تمنع دموعها ، في اللحظة دي شعرت إنها فعلا اتسرعت و طلعت من بيتها بدون ما تتأكد من ظنونها و حسي بقت لا قادرة تقعد هنا و لا حتقدر ترجع بدون ما أسامة يطلب منها....
....
- هاجر يا حتة من قلبي أحيييييييا من العملتي فيني
قلبها اتقطع لمن سمعت صوت بكى أمها و بقت تبكي معاها ، رامي لمن شافها بتبكي و عرف إنها بتتكلم مع أمها قام طلع برة ، و هاجر قالت :
- ماعارفة عقلي كان وييين بس كنت محتاجة أسافر و أشتغل و أبني نفسي بنفسي يمة أنا الشفتو في حياتي ما كان هين و لازم أضمن مستقبلي و أستقل بحياتي...
- المهم إنك بعافية طمنيني عليك
- أنا كويسة لكن فاقداااك مووووت سامحيني بس
- سامحيني إنتي ، أنا كنت دايراك تقعدي جنبي.. كفاية اتحرمت منك صغيرة ما دايرة أتحرم منك بعد كبرتي عشان كده قلت ليك لو طلعتي برة البلد ماعافية ليك ولا بتي و لا تجيني راجعة ماقايلاك بتعمليها صحي و تفوتيني الزمن ده كلو
- كنت خايفاك تصديني عشان كده ما كنت بتصل عليك لكن بسأل منك و متابعة كل أخبارك
- ما بكفيني سؤالك ، منى عيني أشوفك و أطمن عليك
هاجر لقت نفسها بتقول : خلاص أنا في أقرب فرصة بنزل السودان وبشوفك..
انتهت مكالمتها مع أمها و هي حاسة إنه

ا بقت خفييفة زي الفراشة ، خلصت دوامها النهاري و ساقت رامي و طلعت بمعنويات مختلفة مشت على بيت العجوز الماتت ، لقت زوجها وحفيدتها العمرها حوالي ١٨ سنة :
Sorry, I had to make sure you were fine, but I was a bit upset because of the accident
أنا آسفة كان يجب أن أطمئن عليكم لكني كنت منهارة بسبب الحادث
العجوز استغرب و قال لبنتو :
Take the boy on a tour of the garden home
خذي الصبي في جولة في حديقة المنزل

البت قامت و هاجر فهمت رامي يطلع معاها لأنو مابفهم من اللغة الإنجليزية كتير ، والراجل قال :
How the procedures go in the insurance company
كيف تسير الاجراءات في شركة التأمين

They called me yesterday and told me that the compensation would be ready within days
لقد اتصلو بي بالأمس و أخبروني أن التعويض سيكون جاهزا خلال أيام

Good, جيد

I apologize again, Sir, for the accident and for everything
أعتذر مجددا سيدي عن الحادث و عن كل شيء

Don't be sorry, that will not return anything
لاداعي للأسف فهو لن يعيد شيئا
و يكفي مافعلته من أجل تعويضنا ، فما ترسلينه مع قريبك أسعد حفيدتي كثيرا ، لقد كانت حزينة لفراق والدتها ثم جدتها في وقت قصير ، لكن الهدايا التي تحضرينها خففت عنها كثيرا

هاجر استغربت لأنها ما رسلت شي. ، وقالت :
It seems to be something wrong
يبدو أن هناك خطأ ما

لكن بسرعة استدركت وفكرت بذكاء و قالت : أسامة ؟؟؟؟
Yes this is his name ، Osamah
نعم ، هذا هو اسمه ، أسامة
....
..
- ألو أسامة
-مرحب
- مرحب ؟؟ بقيت ترد علي كده ؟؟؟
- أرد عليك كيف ، بعد العملتيهو معاي
- أنا عملت شنو
- طول عمرك كده و لا بتشوفي غلطك ، اتهمتيني و ظلمتيني و ما أديتيني الفرصة أوضح ليك شي و كمان طلعتيني خاين قدام أمك مع إننا من زمان متفقين مشاكلنا تفضل بيناتنا و ماتطلع
- لكن كل شي كان واضح قدامي و مامحتاج تبرير
- طيب أوكي ، خليك على كده يانجود
- كده يا أسامة ؟
- أيوة كده
- تمام
قفلت الخط و رمت التلفون بعيد و قالت و جواها نار مولعة : ياريتني مت قبل ما أذل ليهو نفسي بالطريقة دي ، كنت قايلاهو حيجري علي جري بمجرد ما يسمع صوتي لكن شكلي غلطانة
..
بعد أقل من ساعة دق باب غرفتها ، قامت فتحت و هي ما عندها نفس تتكلم مع زول و مفتكرة إنها حتلقى أمها ، لكن اتفاجأت بيهو بدخل و بقفل الباب و بياخدها في حضنو وبقول :
- مجنونة إنتي ؟ أنا بقدر أستغنى عنك ؟؟؟
زحت منو وقالت : أسااامة إنت دخلت هنا كيييف ، حتفضحنا كده
- يلا بيتنا عشان مانعمل فضايح
- ماماشة قبل ما تفهمني كل حـ.....
خت يدو في خشمها عشان يسكتها :
- اششششش ماااداير و لا كلمة زيادة في الموضوع ده....
.....
العجوز طلع ورا هاجر لقاها واقفة بتعاين لرامي و حفيدتو و هم قاعدين في المرجيحة و قال :
I have not seen Jane smiling for a long time, since the death of her mother
لقد مضت فترة طويلة لم أرَ فيها (جين) مبتسمة هكذا ، تقريبا منذ وفاة والدتها ، لقد توفيت قبل سنوات

هاجر ضحكت و قالت :
I do not know how they speak. Ramy does not speak English
لا أعلم كيف يتحدثان فرامي لا يتكلم بالإنجليزية

Let him stay with us for the rest of the day
دعيه يبقى معنا لبقية اليوم فأنا لا أصدق أن جين سعيدة هكذا....

Well, I'll tell him حسنا سأخبره بذلك

كلمتو و طلعت خلتو معاهم بعد ما اتفقت معاهو ترجع تاخدو بالليل بعد تخلص دوامها الليلي...
رامي كان مبسوط و حاسي إنو متفاهم معاها رغم إنها أكبر منو و مافي لغة مشتركة بيناتهم لكن من كلمات بسيطة و من الإشارة كانو بفهمو بعض...
بعد العصر جدها نام ، استغلت الفرصة و ساقت رامي و طلعو وهو ماعارفها سايقاهو وين ، بعد داك فهمتو إنها من زمان نفسها تعمل حاجات كتيرة و تخوض مغامرات جديدة لكن حزنها كان بغلب عليها و كمان ماعندها صديق يفهمها و يشجعها... وهو اتحمس ووعدها إنو حيبقى ليها الصديق اللي هي عاوزاهو و حيخوض معاها كل مغامراتها البتحلم بيها ، فهمت كلامو بصعوبة.... و أول شي سألتو لو كان معاهو قروش ، طلع من جيبو كم دولار و شالتهم منو و ركبو المترو و نزلو ، و رامي اتفاجأ إنها داخلة بيهو على كازينو....

Do not be afraid, we will have a fun ... drink something and play gambling to double the money with us
رامي مافهم كلامها بالتحديد لكن ظاهر إنها ناوية تشرب و تلعب القمار ، خاف مع إنو دي الحاجات الكان بفكر فيها قبل مايجي البلد دي ومما عرف إنو أبوهو جايبو هنا وهو بحلم بالحرية و الحياة الممكن يعيشها بدون قيود.... و هي ما أدتو فرصة يتردد طوالي مسكتو من يدو و سحبتو وهي بتهمس في أضانو :
If anyone asks about your age, say eighteen
إذا سألك أحد عن عمرك فقل ثمانية عشر

رامي فهمها وقال : eighteen يابت اللذين حالتك حزينة على أمك و حبوبتك
..
صحت من النوم وابتسمت لمن لقت نفسها في حضنو ، مسحت على راسو وقال برقة : صباح

الخير حبيبي يلا أصحى الوقت اتأخر
اتمطى واتقلب الجهة التانية وقال : نجوود خليني أنوم تعبان
- يلاا بلاش كسل الساعة ٨ونص
قام مخلوع و قال : معقولة نمت ده كلو ، عندي اجتماااع مهم الساااعة ٨
- كلووو ملحوق ياقلبي أهم شي إنم نمت وارتحت
- تعرفي يانجود لمن كنتي بعيدة ما ضقت طعم النوم
- ولا أنا ما كنت بنوم...
- الله ما يحرمني منك يا أم خالد ، يلا جهزي الشاي بسرعة مسافة أخد حمام و أصلي.....
قام فتح تلفونو وهو متوقع يلقى مكالمات من ناس الشغل لكن مالقى مكالمة ، من الاستعجال خت التلفون وهو مفتوح و شال غيارو و دخل الحمام ، و هي رتبت السرير و فرشتو و هي بتدندن :

معاااااااااااااااك ببقى الزمان حاضر
بجي العالم قريب مني و يكون أجمل
بعيد منك بموت صوتي
و يغيب فرح الزمن يكمل
هواك مد الأفق جواي
رسم قامة الشمس أطول
و خلاك أخر المرسى
و كأنك نجمي من أول
معااااااااااااااااك يبقى الزمان حاضر

أحبك
أحبك
تدي لعمري الأمااااااااااان
و ترجعي الشمس النست عمر الزمان
و تعودي بالفرح الأصيل
و تسافري بي من فوق وهاد المستحيل
و تركي بي في حضرة الزمن الجميل
و أحبك
أحبك
أحبك

لفت نظرها التلفون وهو مفتوح ، فكرت تشيلو تشوف الحصل فيهو شنو لكن تاني مسكت نفسها لأنها قررت تتغير ، لكن الصدفة كانت أقوى من إرادتها و شافت إشعار رسالة بتتوسط الشاشة و الصدمة إنها كانت من رقم معالي ، شالت التلفون وهي بترجف من الزعل وفتحت الرسالة :
أسامة صباح الخير ماعارفة كيف أشكرك جد ارتحت كتييير للكلام معاك ومنتظراك على الوعد عشان نكمل كلامنا ، لمن تكون فاضي اتصل علي نتقابل في نفس المكان
.
.
يتبع
رحمات صالح 💖❤

#الزوجة_الرابعة
بقلم : رحمات صالح
-٨-
ختت التلفون مكانو و مشت المطبخ عملت الشاي و جات لقتو استحمى و قاعد يصلي ، كانت خالية من أي شعور و كمان ماقادرة تفكر في أي شي ، الصدمة و إحساس الخيانة كان أكبر من تفكيرها و كمان هي حست إنها غبية سامحتو و اتنازلت و رجعت بدون ما يبرر ليها ، ده كلو خلاها تقعد و هي ساكتة...
- نجود ، مالك حبيبي
ابتسمت ابتسامة باردة و قالت :
- ولا شي يا روح نجود
طلع وهو كل تفكيرو يلحق الاجتماع ، و هي قعدت مكانها مدة من الزمن تفكر ، لو رجعت بيت أهلها خالها ما حيرحمها و كمان حسب تفكيرها إنو أسامة حيلقى راحتو في خيانتو ليها و يمكن يعرس معالي و يجيبها بيتها و هي ماقادرة تنسى كلام معالي وتهديدها فما حتتحمل تخليها تكسب ، قررت تتصرف بمكر و تقعد عادي زي كأنها ماعرفت شي و تنفذ الخطة البدت تتسلل ليها.... اللي هي إنها تشغلو بيها و ماتديهو فرصة يفكر في معالي تاني و بعد ماتضمن إنو خلاها ترجع تحاسبو على خيانتو ليها......
...
الوقت ده أبو خالد كان وصل الشغل و لقى الزول المفروض يجتمع بيهم ما وصل ، قعد وبقى يقلب في تلفونو لقى رسالة معالي و ما انتبه إنها كانت مفتوحة ، كان حيطنشها لأنو ما ناقص مشاكل مع نجود لكن لمن قراها تاني الكلام عجبو و كمان شعر إنو معالي بتتعمد تقرب منو و ماقدر يقاوم الإطراء الفي رسالتها ، و هي وعدتو إنو البينهم حيفضل سر بعيد من نجود يعني هو ماخسران شي ، عشان كده اتصل عليها و اتفق معاها يلاقيها بعد الضهر في نفس المكان القالتو......
....
.
رامي فتح عيونو بصعوبة وهو سامع أصوات الموسيقى الصاخبة لسه بترن في راسو مع إنو المكان هاااادي ، حاول يستوعب هو وين لقى نفسو راقد في الأرض و راسو فوق جين ، قام مخلوع و عاين حوالينو لقى آثار فوضى في الصالة الكبيرة و في واحد دخل وهو شايل مكنسة و قال :
What are you doing here, go? It's time to clean up ماذا تفعلون هنا ؟ إذهبوا فقد حان وقت التنظيف
رامي لمن شافوا بنضف عاين جهة الشباك لقى الشمس طلعت و اكتشف إنو هو كان بايت هنا ، اتذكر تفاصيل اليوم القبلو كان كلو رقص و لعب ، و بالمسا بدا يشرب مع جين رغم إنو كان رافض لكن هي أقنعتو و أجبرتو.... هزاها من كتفها لغاية ماصحت و برضو اتخلعت زيو ، طلعو من الكازينو و كل واحد فيهم بفكر حيقول شنو لمن يسألوهم كنتو وين؟
جين جاتها فكرة بس واجهتها مشكلة كيف حتشرح لي رامي التفاصيل عشان أقوالهم تتطابق ، و أثناء ماهم في الطريق لمحت بائع آيسكريم متجول ياما كانت بتشتري منو و عارفة إنو بتكلم عربي ، سحبت رامي من يدو و مشت عليهو وقالت :
Mr. ice , I want you to tell this boy about somathing he is not good at the language
سيد مثلجات من فضلك أريدك أن تخبر هذا الولد شيئا فهو لايجيد اللغة
الراجل سمع الكلام كلو و بعدين قال لي رامي : هذه الآنسة تخبرك أن أخاك الذي تبحث عنه كان محجوزا منذ الأمس في قسم الشرطة بتهمة ضرب شاب قام بالتعدي على صديقته ، و قد تم إطلاق سراحه الآن...
رامي ضحك و قال لي جين : me??
جين ضحكت و قال : yes
.....
..
Harry please do something هاري أرجوووك إفعل شيئا

No need to worry Hagar It is clear that your brother has gone out with that girl and will return soon
لا داعي للقلق هاجر فمن الواضح أن أخاك قد خرج مع تلك الفتاة وسيعودان قريبا

باااااارد أووووفففففف منك
what do you say ماذا تقولين؟
Nothing لا شيء
و طوالي شالت التلفون وضغطت على نفسها و اتصلت على أسامة :
- حباب الدكتورة
- أسمع ، رامي طلع من أمس مع البت جين حفيدة المرة الماتت و لغاية حسي ما رجعو
- كيف الكلام ده ، و انتي ليه خليتيهو يطلع
- أسامة ما تحقق معاي لو ما بتقدر تساعدني خلاص بس
- لا لا خلاص بتصرف و بعدين عندي معاك كلام تاني
قفلت الخط و لقت هاري بعاين ليها و شكلو ميز اسم أسامة ، و قال :
Looks like you do not need me, I'll go
يبدو أنك لا تحتاجين إلي ، سأذهب
كانت متخيلاهو زعلان لكن هو مسكها من وشها و طبع قبلة على راسها و قال :
I hope you find your brother soon, I love you أتمنى أن تجدي أخاك قريبا ، أحبك
اتضايقت منو شديد لكن ده ماوقتو ، طلعت مشت بيت العجوز و بقت منتظرة أسامة يتصرف أو الأولاد يظهرو.....
...
أسامة رجع البيت و هو حاسي بحالة غريبة ، مزيج من الإحساس بالذنب مع شعور حلو بالمغامرة ، كان حاسي إنو طلع من قيود نجود و خوفو من زعلها و قضى وقت حلو مع معالي ، رغم إنها طلبت تقابلو عشان تحكي ليهو عن مشكلتها مع خطيبها لكن طوول القعدة ماجابت سيرتو خالص و كان كلامهم عام ، اكتشف إنها بتشبهو في حاجات كتيرة ، اهتماماتو و ميولو الفكرية و فهمو في الحياة و حتى نوعية الأكل البحبو و الأغاني المفضلة و طبعا هو ماعارف إنها عرفت كتير من المعلومات دي من نجود... و أكتر حاجة عجبتو فيها ثقتها بنفسها و اتزانها و صفات كتيرة هي كانت متعمدة تظهرها عشان تثبت إنها عكس نجود ....
لمن دخل البيت كان

متوقع سؤال : اتأخرت ليه ؟ لكن ما سألتو و لا حتى اهتمت تستقبلو زي كل مرة ، كانت عيونها في التلفزيون و خالفة رجلها و ممسحة بحاجات غريبة و لابسة شرابات ورابطة شعرها بكيس ، قال :
- ده شنو العاملاهو في روحك ده
قالت وهي بتاكل في مكسرات ولسه عينها على التلفزيون :
- قررت أهتم بنفسي أكتر
خت شنطة اللاب توب و قعد جنبها بدون ما يشمئز من شكلها و لا ريحة خلطاتها :
- و منو القال إنك محتاجة تهتمي بنفسك أكتر ؟ عاجباني و مالية عيني
عاينت ليهو بطرف عينها و هي مقهورة من كلمة مالية عيني لكن قالت بنفس برودها : ما لازم أكون عاملاهم عشانك ، أنا عاملاهم لنفسي أصلا
- نجووووود طلعي العندك كلووو ، أصلوووو هدوئك ده مامريحني شكلو الهدوء الذي يسبق العاصفة
- ليه ؟ هو إنت عملت حاجة يعني و خايف منها ؟
طوالي اتغير و قال بحدة : أنا مابخاف من مرة فاهمة و لا لا!!!!
رجعت خلفت رجلها و قالت براحة : أوكي... خلينا في المهم ، عاوزة قروش طلبت لي شوية حاجات من قروب شوبينق في الفيس
- العاوزاهو شيليهو مافي مشكلة
- تلاتة و سبعمية
- تلاتة شنو ؟
- تلاتة مليووون و سبعمية
- نجود جنيتي ؟ طالبة شنو بالمبلغ ده كلووو؟؟
- لو ماعاوز تديني مامشكلة بشيل من أمي
وقف على حيلو و هو منفعل و عاوز يهيج لكن سكت لمن الجرس رن ، اتنفس بعمق و مشى عشان يفتح الباب ، وهي طوالي بقت تشهق بسبب الوجع الكاتماها جواها ودموعها جرت غزيرة لكن مسحتها بسرعة قبل ما يجي... و أسامة فتح الباب و اتصدم لمن لقاهو بتاع التوصيل جايب الحاجات الطلبتها نجود... و بطالب بتمن المشتريات وفوقهم حق التوصيل.....
....
- ده كلام شنو ده ؟ و منو الاتعدى عليها ؟ و كنتو في ياتو قسم ؟
- خلاص ياهاجر الحصل حصل و أنا لو ماعملت كده ما أكون راجل
انفعلت وقالت : لا إنت لسه ولد صغير و ما في شي يخليك تتصرف كده ، في البلد دي أي زول في حالو فاهم و لا لا...
رامي صدق نفسو و قال : لا مافاهم ، والبت كانت معاي وبنتمشى سوى ما ممكن أشوف واحد بتعدى عليها و أقيف أتفرج...
- طيب يلاااا يا دنجوان زمانك خلينا نمشي البيت
الحوار ده كان قدام جين و جدها و أسامة الجا بعد مكالمة هاجر لكن لقاهم رجعو ، كان بعاين لي رامي شديييد و بعدها قال لي هاجر :
- أسبقينا على البيت أنا سايقو معاي مشوار صغير
- مشوار وين
- هاجر الله يرضى عليك أمشي بس
جين قالت لي رامي قبل مايطلع : Thanks Ramy وغمزت ليهو غمزة هو فهم معناها إنها عاوزاهو يجي تاني و يكملو مغامراتهم... و هو رد ليها بابتسامة معناها اتفقنا.... و أسامة مراقب تعابيرهم دي كلها
رامي طلع مع أسامة و في الشارع سألو : مشوار شنو العاوز تسوقني ليهو؟
أسامة قرب منو و شم ريحتو ورامي تلقائيا رجع ورا وهو مرتبك ، أسامة سكت شوية بعدين قال : حنمشي القسم الكنت محجوز فيهو
رامي قال بإصرار : لا لا لا خلاص انتهى الموضوع ده
أسامة فتح باب العربية وقال : أركب
رامي أبى يركب و نادى هاجر وهو خايف لكن هاجر اتحركت ومشت قبل ماتسمعو ، و أسامة قال : أركب يا رامي حنتكلم بس
رامي ركب و أسامة كمان ركب و قفل الباب واتحرك و قال : زمان لمن كنت قدرك كنت خواف شديد ، عندي صحبي اسمو محمود ده كان كل مرة يحنسني نشرد من المدرسة و كان بجيب لينا السجاير ، كنت نفسي أعمل الحاجات دي كلها لكن خايف من أبوي ، يوم كده محمود أقنعني و أداني سجارتين شلتهن في شنطتي و مشيت البيت ، عندنا زقاق كده مافي زول بجي فيهو قمت ولعت السيجارة ، اللحظة دي أبوي جا من وين مابعرف ، قمت اتخلعت و حاولت أطفيها ماعرفت ، شالها من الواطة رجعها لي وقال لي كمل سجارتك و طالما إنت متدسي معناتا عارفو غلط و ده المهم عندي إنك تعرف الصح من الغلط ، و إنت بقيت زول مسؤول وراجل ماتخاف زول و تعال جوة البيت أشربها قدام أمك و أخوانك....
رامي عاين ليهو وقال باهتمام وهو مركز مع القصة : وعملت شنو ؟
أسامة ضحك وقال : تاني ما كررتها لي يومنا ده... أبوي كان راجل حكيم و لمن يشوفنا عملنا حاجة غلط مابشاكلنا لكن بخلينا نخجل من روحنا ، و ده الأسلوب الأنا ماشي بيهو مع خالد ولدي... على فكرة هو قريب ليك في العمر بكون أصغر منك بي سنتين و لا تلاتة...
....
يتبع
مع محبتي ❤💖
رحمات صالح

#الزوجة_الرابعة
بقلمي : رحمات صالح
-٩-
بعد أكتر من أسبوعين :

- أسامة أصحى
- أممم الساعة كم حسي؟ الصباح جا؟؟؟
- الساعة وحدة وتلت
قال بزهج و هو بتقلب عكسها عشان يرجع ينوم :
- عايزة شنو يانجود
- قوم جيب لي شاورما و بسبوسة
- حاضر الصباح بجيبهم ليك بس خليني أنوم
- لا عاوزاهم حسي بس
- حبيبتي حسي مافي محل فاتح و بعدين أنا تعبان و شغال محتاج أنووم
- تعبان من شنو من الحوامة مع البنات و التلفونات والونسة و لمن أنا أطلب منك شي تقول لي تعبان
رفع راسو و قال بهدوء مخيف :
- قلتي شنو ؟؟ عيدي كلامك ده تاني
حاولت تداري توترها و خوفها وقالت :
- قايلني ماعارفة عمايلك؟ لا أنا عارفة كل شي و ساكتة بمزاجي
مسكها بعنف من ساعد يدها و قال بغضب :
- لي فترة متحملك و بنفذ ليك كل طلباتك الممكنة والما منطقية و ما ببخل عليك بأي شي تطلبيهو و انتي زايدة نكد و قرف و غم لكن يا نجود انتي مابتعرفيني شكلك و أنا صبري نفد.. و ماا أنا البتقال لي الكلام ده فاهمة؟
قعدت تبكي وتقول بانفعال زول مكبوت ليهو فترة و ماسك جواهو حاجات كتيرة : و أنا ما بشر و لا ما عندي شعور ؟ ما بتفكر فيني قبل ما تمشي تعمل علاقات مع البنات ،و مع منووو كمان مع أعز صديقة عندي!! أنا عارفة كل شي من يوم بكى حبوبتها بس ساكتة ساي
نفض منو الملاية الكان متغطي بيها و قال : لو ما سكتتي مابقعد ليك في البيت ده ولا ثانية
- ماااابسكت لأنوووو إنت عااااارف نفسك كوييييس و ماعندك شي تدافع بيهو عن نفسك عشان كده بتهددني....
- يا زولة و لا أهددك و لا تهدديني و يلا سايب ليك البيت ده كلو كلو
قام لبس شبشبو وشال مفتاحو و هي بس بتبكي و ماعارفة تقول ليهو شنو لغاية ما طلع وهو بالبجامة العليهو....
.....
طلع دور العربية و اتحرك وهو ماعارف يمشي على وين ، و بقى لافي في الشوارع لغاية ماغلبو النعاس وقف جنب قسم شرطة و رجع مقعد العربية لورا و نام رغم الغضب الماليهو.....
نجود عينها ماغفت و ما اتحركت من مكانها لغاية الصباح ،كانت مقلقة عليهو لأنو طلع زعلان و ماشال تلفونو و كمان حاسة بالذنب لأنها صحتو من النوم و زعلتو وانفعلت في وقت ما مناسب ، قامت صلت الصبح و انتظرت أول ما الشمس طلعت اتصلت على دعاء تسأل منو :
- دعاء ، أسامة جاكم ؟
- آخخخخ منكم و من مشاكلكم ، مالكم تاني؟
- هو قال ليكم شنو ؟
- هو ما جانا أصلا
- جادة إنتي؟ طيب حيكون مشى وين؟
- بكون ما طلع من الجامع
- لكن يادعاء هو طلع من بالليل
دعاء قالت بخلعة : سجمي طفشتي أخووي ويين من بالليل ، الله يرضى عليك يا نجود خفي عليهو شوية و الله هو تعب منك حرام عليك
نجود بقت تكورك و تقول : حرام عليكم إنتو كلكم ظالمني و شايفني دايما غلطانة لكن زووول بحس بي مااافي لو كنت أختك ما كنتي قلتي كده لكن ليك حق تدافعي عنو لأنو أخوووك
- الله يسامحك طول عمري معتبراك أختي...
- لو معتبراني أختك ما....
دعاء قاطعتها وقالت : نجود معليش عشان مانخسر بعض طلعيني من مشاكلكم دي أوكي؟
نجود قفلت فيها الخط وشالت التلفون خبطتو في الحيطة لمن وقع وشاشتو محطمة وقامت بقت تعفص فيهو بكل قوتها و رفستو لمن طار بعيد ، وقعدت في الأرض وهي نفسها قايم من الغضب ، وشوية شوية بدت تهدا لغاية ما نامت في الأرض وهي قاعدة......
....
في مكان و زمان مختلفين...
هاجر رجعت من شغلها بالمساء و فتحت باب البيت اتفاجأت لمن لقت هاري راقد في الكنبة وخالف رجلو ، ولمن شافها قام و فرد ليها يدينو وقال وهو مبتسم بحب :
welcome my rose مرحبا وردتي

هاجر قالت بزعل : What are you doing here? We agreed not to meet at home and my brother is there
ما الذي تفعله هنا ، لقد اتفقنا ألا نتقابل في المنزل و أخي موجود

Do not be so complicated, and we do not do anything to be ashamed
لا تكوني معقدة هكذا ، و نحن لا نفعل شيئا يدعو للخجل ، هاجر أنت ترسمين حدودا بيننا ، تقريبا نحن الحبيبين الوحيدين اللذين لا.....

هاجر قاطعته بهمس:
The boy will hear you
اشششش سيسمعك الصبي

هاري ضحك وقال :
Do not worry, he will not hear anything
, هههههه لا تقلقي لن يسمع شيئا
وقرب منها وواصل : لكن كل شيء سيحدث قريبا
كانت عاوزة تزح منو لكن هو ثبتها وقال : بعد الزواج طبعا ، كما اشترطت مدللتي الفاتنة.....

هاجر ابتسمت وقالت : I hope so أتمنى ذلك

You want to know why I came today تريدين أن تعرفي لماذا أتيت اليوم ؟
لكي أدعوك لحضور حفلة توماس السنوية غدا ، و قد أعددت لك مفاجأة مذهلة....

Harry you know I do not like surprises هاااري أنت تعلم أنني لا أحب المفاجئات

Well baby, tomorrow I will ask you to marry In the presence of our friends and we will get married soon
حسنا حبيبتي ، غدا سأتقدم لخطبتك أمام أصدقائنا و سنتزوج قريبا

How will we marry Harry and our problem is not resolved yet
كيف سنتزوج هاري و مشكلتنا لم تحل بعد

I will solve it dear, all you need is to be the

most beautiful girl at the party
سأحلها عزيزتي ، كل ما عليك هو أن تكوني أجمل فتاة في هذه الحفلة

هاجر دمعتها جرت و دفنت نفسها في حضنو و هو شدد عليها و مسح راسها وهو بقول :
I love you madly أحبك بجنون
.....

صحت بصوت باب الغرفة لقتو أسامة داخل وهو شايل كيس ، ختاهو ليها بدون مايتكلم و فتح الدولاب شال هدومو و دخل استحمى ، فتحت الكيس لقت فيهو الشاورما و البسبوسة ، حست بندم فظيع من تصرفها لأنو بعد كلامها داك كلو و بعد زعلو منها برضو بلبي ليها طلباتها و ما حصل قصر منها في شي ....
طلع من الحمام شال تلفونو و طلع ، لحقتو وهو طالع و قالت :
- أسامة ماشي وين؟ أقيف عاوزة أتكلم معاك
اتجاوزها عشان يطلع لكن هي جات وقفت في طريقو و قالت :
- أنا آسفة ، سامحني عليك الله
- نجود زحي أنا براي اتأخرت على الشغل....
زحت وهي مجروحة لأنو رفض اعتذارها ، وهو طلع و الدنيا ماسايعاهو من الضيق ، كان ماشي على الشغل جاتو مكالمة من أميرة :
- خالو صباح الورد
- اي يا أميرة!!
- ليه بترد علي كده ؟شكلك زهجان
- أميرة عايزة شنو بسرعة
زعلت و قالت بحزن :
- ماعاوزة شي كنت بسلم بس
قفل الخط لكن ندم على معاملتو ليها لأنو ما بتحمل زعلها ، رجع ليها وسألها :
- في البيت ولا في الجامعة ؟
- في البيت
قفل وطوالي غير طريقو و رجع على البيت ، لقاهم خاتين صينية الفطور ويادوب قعدو و أميرة مما شافتو قامت من مكانها و سلمت عليهو بفرحة ، و أمو قالت :
- أقعد قبال ما العصيدة تبرد
قعد و كفكف أكمامو و قال بحماس : اشتقت لملاح الروب حقك ده يمة
- تصدق يا أسامة يا ولدي أمس حلمانة ليك حلمة سمحة خلاص ، شفتك شايل شتلة صغيرة خدرااا و رويااااانة ، سألتك دي شنو قلت لي يمة أخيرا الزرعة نبتت...
أسامة ابتسم وقال : اللهم اجعله خير
- خييير ياولدي ده ياهو زاااتو خالد ولدك ، إنت ماداير تفرح قلبي و تحقق حلمي ده ؟
- يمكن حلمك ده معناتو نجود حتحمل و تجيب الولد البنتمناهو كلنا
- أسامة ياضناي نجود دي كان بتحمل كانت حملت زمان ، أسمع كلامي و أكسب شبابك و جيب ليك وليدات ينفعوك و يشيلو اسمك
- أسامة خت الملعقة من يدو وقال بضيق: يلا أنا ماشي
أميرة بسرعة مسكتو من يدو ، و أمو قالت : حلفتك بي الله كان تقوم قبال ماتكمل أكلك.....

...
كانت شايلة الفستانين واحد باليمين وواحد بالشمال و بتخت كل واحد عليها و تشوف في المرايا ، في النهاية ختت واحد و لبست التاني ، كان فستان أحمر سترابلس طويل ماسك على الجسم وفيهو فتحة لغاية الركبة و ثبتت شعرها القصير بي مشبك لي فوق و بدت تخت مكياج ، رسمت عيونها باحتراف و مررت الروج الأحمر على شفايفها و شالت مثبت المكياج رشت منو على وشها ، و لبست حلق طويل فضي و جزمة عالية ، و طلعت من غرفتها و قعدت منتظرة اتصال من هاري عشان تطلع ليهو :
- ماشة وين؟
- ماشة حفلة ، عيد زواج صديق
رامي قال وهو مخلوع : ماشة كده ؟
قالت بلا مبالاة : رامي خليك في حالك ؟
انفعل و قال بغضب : حتطلعي كده ؟ و أكتافك برة و ضهرك ؟؟ انتي جنيتي صاح؟ ولا عشان عايشة وسط الكفار ديل بقيتي زيهم لا ظابط لا رابط
هاجر وقفت و رفعت يدها و ضربتو على خدو وقالت : أوعك تاني ترفع صوتك و لا تتطاول علي ، مفهوم....!!!!!
طلعت الشارع و هي غضبانة و صادفت هاري وصل طوالي ركبت ومشت ، أما رامي كان حينفجر بسبب الكف بتاعها و طوالي مشى لبس معطف البرد و طاقية صوف وطلع وشال شنطتو في ضهرو و طلع .... و بقى ماشي مسافة طويييلة جدا لغاية ما وصل بيت العجوز جد جين ، ما كان عاوز يدق الباب عشان كده بقى لافي حولين البيت لغاية ما لقى غرفة خمن إنها غرفتها شال حجر و فلق بيهو الشباك..... و فعلا جين فتحت الشباك شافتو و بعدها طوالي طلعت ليهو....
قعدو شوية في الحديقة و بعدها جين فكرت و دخلت قالت لي جدها إنها داخلة تنوم ، و بعدها اتسحبت براااحة طلعت و ساقت رامي ، و مشو على مقهى ليلي.....
....
بالضهر نجود حست بألم في معدتها و دوار خفيف بسبب الجوع ، مع إنها ما كانت عندها نفس بسبب الحصل لكن الجوع غلبها و طوالي فتحت الكيس و طلعت السندوتش الجابو بالصباح و أكلتو بي نهم غريب ، و بمجرد ما خلصتو شعرت بطمام و جرت الحمام طلعت كل الفي معدتها ، و قالت في نفسها : شكلك جبت لي قرحة و لا قولون بي عمايلك فيني يا أسامة...
..
الوقت ده أسامة كان قاعد في المكتب و منهمك في شغلو ، رن تلفونو وابتسم غصبا عنو لمن شاف رقم المتصل و رد بسرعة :
- مرحبا بالمعالي
- ههههه أول مرة زول يقول اسمي كده
- صدقي اسمك حلو
- امممم برضو أول مرة زول يقول على اسمي حلو ، حتى سموأل بقول لي اسمك طويل وتقيل
أسامة اتضايق من سيرة سموأل لكن اتجاهل شعورو ده وقال : اسمك حلو غصبا عن أي زول ،وكمان الاسم ببقى أحلى حسب الشخصية وانتي محلية اسمك....
قالت بخجل : الله ، كلامك حلو... صدق ماحصل سمعت كلام زي ده من سمـ....
- يااااااااخ ماممكن كل شوية حتقولي لي سموأل سموأل...
ابتسمت بخبث و قالت :
- ومالك معصب كده؟ مش خطيبي ؟؟؟ أوع ت

كون بتغير!!!
- معالي مع السلامة برجع ليك لمن أفضى
- أسامة أقيف ماتقفل ، آسفة لو ضايقتك بس ما قصدت شي ، وخلاص من الليلة تاني مابقول اسمو.. كلو إلا زعلك
أسامة سكت لأنو شعر إنو اتمادى معاها و كمان بدت تظهر مشاعر تجاهها و هو ماكان مفكر يخون نجود لكن الموضوع أخد الاتجاه ده غصبا عنو
- ألوو ، مالك ساكت؟
- معليش يا معالي بس مضطر أقفل مشغول شوية
- أوكي بس لمن تفضى أرجع لي عاوزاك ضرووووري
- طيب تمام ، يلا سلام
قفل الخط و اتنفس بعمق و همس : ده شنو الأنا بعمل فيهو ده!!
بعد دقايق معالي رسلت رسالة : لو سمحت أفتح الواتس وشوف الاستوري حقتي .....
...
هنالك أشخاص نحبهم بلا حب
نشتاق لحديثهم
و ندمن اللحظات التي تجمعنا بهم
نشعر أن الدنيا أجمل بوجودهم
لا يربطنا بهم سوى إحساس عميق بالإلفة
هم مجرد أصدقاء ، ولكن حبهم فاق كل حب

على قدر ما كلماتها كانت حلوة لكن اتغاظ من كلمة مجرد أصدقاء وهو نفسو مافاهم روحو عاوز يصل لشنو ، و طوالي اتصل عليها و ده الكانت هي عاوزة تصل ليهو ، إنها تستفزو بالكلمة دي.....
......
Do you allow me this dance,My Princess? هل تسمحين لي بهذه الرقصة يا أميرتي ؟؟

مدت يدها و هو سحبها وبدو يرقصو بانسجام تام وهم ماحاسين بالناس الزحو من ساحة الرقص وبقو بتفرجو عليهم هم الاتنين ، وبعد الرقصة انتهت ولفاها حول نفسها صفقو ليهم بحرارة ، وهو طلع من جييو علبة مخملية صغيرة و فتحها و قعد على ركبة وحدة وقال : Do you accept marry me ؟ هل تقبلين الزواج بي ؟
الناس بدو يتهامسو لأنهم كلهم عارفين اختلاف الديانات البمنع زواجهم ، لكن هاري كرر بثقة :
Yes or No??? تقبلين أو لا؟

هاجر دنقرت بسيط وهمست :
Harry, we can't and you know that
هاري نحن لا نستطيع ، وأنت تدرك ذلك

غمز وقال براحة : We can, because I am a Muslim now And this is my real surprise
نستطيع ، لأنني مسلم الآن.... وهذه هي مفاجأتي الحقيقية....
وواصل بصوت عااالي سامعنو كل الناس : I love this Girl
بدون ما تتأكد من حقيقة كلامو طوالي صرخت من الفرحة و هو قام على طولو و شالها بقى يدور بيها وسط تصفيق و تصفير أصحابهم.......
.....
رامي و جين طلعو و جين بتترنح ، و رامي كان مقبوض من البعمل فيهو ده و متضايق زيادة لأنها كانت ما واعية و هو كل شوية يمسكها عشان تقدر تواصل مشي لأنو البيت كان لسه بعيد... و فجأة ظهرو قدامهم تلاتة شباب وواحد فيهم شايل مطوة صغيرة ، رامي قلبو قرب يطلع من مكانو من الخوف ، وجين ضحكت بصوت عالي و قالت بصوت متقطع :
We.. have.. nothing.. to.. steal
ليس.. بحوزتنا.. شيء... لتقومو.. بسرقته

واحد فيهم قال : But we do not want to steal لكننا لا نريد أن نسرق

جين قالت وهي بتضحك : So.. you.. want Jane, you.. can.. take me, I do.. not...want me هههههههه إذن.. تريدون.. جين.. تفضلو.. خذوني.. فأنا.. لا.. أريد.. نفسي

رامي فهم جزء من الكلام و بقى بعاين بخوف وهو بفكر حيعمل شنو و أول شي خطر ببالو إنو كذبتهم بتاعت المرة الفاتت اتحققت و بقت بالجد... لكن الزول لز جين لمن قربت تقع ، و قال وهو بعاين لي رامي من فوق لي تحت :
And we do not want her either, we want the boy ونحن كذلك لا نريدها ، نريد الصبي

وطوالي سحبو من يدو و خت ليهو المطوة في رقبتو و بقو بلزو فيهو وهو بقاوم وبصرخ وبنادي جين الأصلا كانت ما واعية بشي ، وبرفس بكل قوتو لكن هم كانو أكتر و أقوى منو ، و دخلو بيهو على زقاق مضلم تماما.... بدون ما زول يسمع استغاثاتو.........
.
.
يتبع
تحيتي و ودي
رحمات صالح
.
.

#الزوجة_الرابعة
بقلمي : رحمات صالح
-١٠-
كان خالف رجلو و بدور بالكرسي بتاعو و هو بتكلم معاها بالتلفون و فجأة انتبه وقال : ياساااتر الساعة ٥ جات ، إنتي عارفة نحن بنتكلم لينا كم ؟
ضحكت وقالت : ساعتين و ٢٣ دقيقة ، أممم لكن كأنها خمسة دقايق ما حسيت بالزمن خالص وأنا بتكلم معاك
- ولا أنا
- أسامة إنت قلبك أبيض و الكلام معاك مريح و بدي الدنيا طعم مختلف
- هههههه كده بصدق ياخ
- ليه ماتصدق ، والله لو في منك واحد تاني ما كنت بفرط فيهو
قال بي تردد : يعني كنتي حتخلي خطيبك عشانو ؟
- عشانك ما عشانو
أسامة ارتبك و قال بسرعة : يلا أنا طالع بعد ده ، أصلا دوامي انتهى قبييييل
- طيب مع السلامة
شعر بيها زعلت عشان غير الموضوع :
- معالي
- نعم
- إنتي كمان لو في منك اتنين... سكت ماقدر يتم كلامو ، وهي انفعلت وقالت بعصبية :
- أسامة خلاص ما محتاجة منك مجاملة
- ما بجاملك بالجد أناا....
- إنت شنو ؟؟
سكت.....
- أسامة.. إنت شنووو
خبط راسو وقال وهو مغمض : شكلي بديت أحبك....
......
..
هاجر وهاري واقفين قدام رامي الكان راقد في سريرو وعينو شاخصة في السقف وملامحو صارة ، هاجر لوحت بيدها قدام عينو وهو ما رمش وقالت :
- رامي ماممكن من الصباح إنت بالحال ده ، قلت ليك آسفة على إني مديت يدي عليك...
رامي ما رد ، و هاجر قعدت و بقت تهز رجلها بتوتر ، وهاري قال :
You have behaved improperly, هاجر لقد تصرفتِ تصرفا خاطئا ، فالضرب سلوك غير متحضر وهو ليس بطفل صغير.. أنظري إلى نتيجة تصرفك لقد أصبح غير مدرك تماما

هاجر قالت بعصبية :
Thanks for your advice, and my second mistake was that I contacted you and I had to deal with him alone شكرا على نصيحتك ، و خطئي الثاني أنني اتصلت بك كان يجب أن أتعامل معه بمفردي

هاري طلع من البيت وهو معصب و هاجر قالت لي رامي : أسمع هنا أنا مافاضية ليك و لدلعك ده ، قلنا آسفين و خلاص مافي داعي للبتعمل فيهو ده
رامي قال و عينو لسه للسقف : رجعيني السودان
اتنفست بي راحة وقالت :الحمد لله إنك اتكلمت
لكن اتخلعت لمن شافت دمعة جارية من عيونو ، جات قعدت جنب راسو و مسحت خدو وقالت بقلق : في شنو يا رامي ، في حاجة غير زعلك مني ؟؟؟
بحركة غير متوقعة رفع راسو و لزاها من جنبو بعنف لمن وقعت في الأرض و صرخ : قلت ليييييييك رجعيييييني السووووووووداااااان مابتفهمي إنتييي؟؟؟؟؟
هاجر زحفت وهي خايفة منو خوف حقيقي و طلعت من الغرفة و هي مافاهمة الحالة الغريبة الأصابتو دي سببها شنو...
...
..
نجود كانت قاعدة مقلقة من تأخير أسامة الباب دق لبست توبها و طلعت فتحت لقتها جارتها شايلة صحن مغطى بغطاية جردل ، سلمت عليها وقالت :
- اتفضلي
- ماشة طواالي بس عملت لي فسيخ و عارفاااك بتريديهو قلت أضوقك ليهو
- لا أدخلي عليك الله ، أصلا أسامة اتأخر و أنا زهجانة قاعدة براي
جارتها دخلت و قعدت و نجود مشت جابت ليها العصير و لمن جات شمت ريحة الفسيخ طوالي معدتها وجعتها وجرت الحوش استفرغت وغسلت وشها وجارتها جات وراها و قعدتها وقالت : بسم الله عليك مالك؟
- والله مابعرف لكن من أمس بطني غاماني وبستفرغ
جارتها ابتسمت وقالت : نجووود والله قلبي لمن انشرح
- إنشرح من شنو أقول ليك عيااانة تفرحي؟؟
- كدي وريني آخر مرة جاتك متين
نجود قلبها دق بقوووة و فتحت عيونها لآخرها و قالت وهي بتحسب : شهر و ٢٦ يوم
جارتها ضمتها وهي بتبكي من الفرح وقالت : بسس أووول ما راجلك يجي تخلي يوديك الدكتور
نجود قالت وهي لسه مخلوعة : لا لا لا لا أنا ماعاوزاهو يعرف شي لمن أتأكد براي ، أسمعيني كدي بكرة الصباح بعد هو يطلع الشغل تعالي أمشي معاي و أوع زول يعرف بالموضوع ده
- يااارب يكون الفي بالنا صح
- ماعارفة لكن شكلي بتخيل بس
- ده من الفرحة يابت ، كدي لغاية مانمشي بكرة ونتأكد اعملي حسابك و ماتدنقري وماترفعي شي تقيل
نجود سحبت نفس عميق و ماقدرت تمسك دمعتها النزلت غصبا عنها.. وهي فرحانة و خايفة فرحتها تخذلها وتطلع غلطانة .......

....
هاجر كانت مقلقة من رامي لكن رغم كده مشت لبست و استعدت لدوامها الليلي و في اللحظة دي رن تلفونها ، قربت تطير من الفرح و ردت بسرعة : أمي اشتقت ليك
- يا حبيبة الليلة طارياااك ومشتهية صوتك
- و أنا كمان الليلة كنت حأتصل عليك و عندي ليك خبررر حلووووو حيفرحك شديد
- فرحيني يا حبيبة قساي
- أنااا اتخطبت
- خبر السرووور ده منو وود ناس منو و أهلو من وين؟
هاجر اتصدمت لأنها ما كانت متوقعة الأسئلة دي و جاوبت بحماس أقل :
- واحد أوروبي اتعرفت عليهو هنا و حبينا بعض و أسلم عشاني
أمها انفعلت و قالت : نعممم ؟؟ و كمان دي اااخرتهاااا ؟؟
- في شنو يعني المشكلة وين ؟
- أسمعي يا هاجر أنا عارفة كلمتي ما بتقدم ولا بتأخر و إنتي الفي راسك بتعملي بتعملي لكن أنا ما موافقة على العرسة دي ولو إنتي أصريتي وعرستي الزول ده أنا ما.....
هاجر قاطعتها وقالت : لا يمة بلاش منها الكلمة دي كفاية حرمتني منك خمسة سنين قبل كده... ألووو... ألووووو... أو

ووفف قفلت في وشي
قامت دخلت الغرفة الراقد فيها رامي وقالت ليهو : أنا ماشة الشغل ، عاوزاك تكون هادي لغاية ما أرجع و نتفاهم في موضوع رجوعك للسودان لأني ماحقدر أتصرف من غير أبوي ولا اجراءاتك أصلا بتتعمل من غيرو وهو تلفونو مقفول من يوم جابك هنا...
رامي رفع راسو و قال وهو بضغط بين أسنانو : و أناا قلت راااجع يعني راجع وقسما ماترجعيني أحرق ليك البيت ده و أحرق نفسي...
هاجر خافت من تهديدو لأنو كان معصب و ملامحو فيها غضب غريب و بقت ما قادرة تمشي الشغل تخليهو براهو و كمان مابتقدر تغيب ، ما كان عندها حل غيرو وهو البتلجأ ليهو دايما لمن تتورط في مشكلة ، مشت بعيد من رامي و اتصلت على أسامة ، و طلبت منو يجيها ضروري ، و لمن جاها حكت ليهو كل شي وهو قال ليها تمشي شغلها و هو حيقعد معاهو لغاية ماترجع و حيتكلم معاهو يشوف مشكلتو شنو....
.....
..
أسامة دخل البيت وهو بصفر كان مبسوط و ناسي كل زعلو مع نجود ، لكن لمن شافها اتذكر و استغرب إنها كانت قااشرة و قاعدة تقلب في تلفونها وهي رااايقة ، قال : مساء الخير
ابتسمت و ردت : مساء النور ، اشتقت ليك
بادلها الابتسامة و قرر ينسى الحصل كلو و جا قبل جبينها و قال : و أنا كتيييير يا غالية
- يلا أنا أمشي أجهز ليك الغدا
ختت تلفونها بدون ماتقفلو و هو الفضول خلاهو يشيلو لأنو شايفها مبسوطة و حب الاستطلاع خلاهو عاوز يعرف في شنو مفرحها كده ، شعر بي ألم كبير لمن شافها فاتحة صفحة في قوقل بتبحث عن صور أطفال... خت التلفون و قال في نفسو وهو موجوع : مسكينة نجود.....
....
الوقت ده معالي كانت بتقلب في تلفونها ، لقت صور هي مصوراها يوم جات لي نجود وفيها الهدايا الجابها ليها أسامة ، ركزت في صور فساتين النوم و شعرت بغيظ كبير و الحقد ملا قلبها ، و كمان جاها شعور إنو أسامة ده بقى ملك ليها و هي دخلت قلبو وبعد كده ما حتسمح لنجود تشاركها في حبو ليها..
....
..
أسامة قعد مع رامي و حاول يتكلم معاهو لكن رامي كان ما عندو غير كلمة وحدة إنو عاوز يرجع السودان... وأسامة شعر إنو في حاجة كبيرة حصلت ليهو عشان كده غير أسلوبو معاهو و قال :
- أنا ممكن أحل ليك مشكلة أبوك و أخلص ليك اجراءاتك و أرجعك لكن أنا عاوز أتكلم معاك كشخص كبير و واعي
سكت و عاين ليهو و لمن شاف في ملامحو تقبل لكلامو واصل : بصراحة أنا عجبتني جيتك دي ، أنا ما بعرف هاجر من بدري وتقريبا عرفتها في نفس اليوم الإنت جيت فيهو لكن بيني و بين نفسي قلت جيتك دي كويسة شديد عارف ليه ؟
رامي قال : ليه
- لأنو هاجر بت و عايشة براها و ماعندها زول يكون قريب منها يخلي بالو منها و يوجهها و يرشدها ، جد هاجر محتاجة راجل و إنت ربنا جابك ليها من السما...
- لكن هي مابتسمع كلامي
- حتسمع شوية شوية ، هاجر عنيدة و شخصيتها قوية لكن بقولو قطرات الموية نحتت الحجر ، طبعا هي حكت لي عن موقفك معاها بتاع أمس و أنا أعجبت بيك كتير كان نفسي فعلا يكون عندها زول يقيف ليها في وشها و يمنعها من الغلط والانحراف
- هاجر رغم تصرفاتها دي محترمة و أنا مابسمح ليك تقول عنها منحرفة
- ياسلام و ده الأنا عاوزو منك ، تدافع عن أختك.. فعلا أثبت إنك جدير بالثقة
- لكن أنا برضو مصمم أرجع
- و أنا برجعك ، لكن في الفترة دي عاوزك تخلي بالك منها كويس و ياريت لو أقنعتها ترجع معاك
- ده مستحيل أصلا ، خصوصا إنها حتتزوج
أسامة قال وهو مخلوع : تتزوج ؟؟؟ حتتزوج منوو؟
رامي قال : سمعتها قبيل بتتكلم مع أمها قالت حتتزوج واحد من هنا أسلم عشانها ، وطبعا حتكون قصدها هاري لكن بصراحة أنا مابرتاح ليهو و حاسي بيهو كضاب ساي
أسامة من الزعل بقى ماقادر يرد ، و رامي حس بيهو اتغير ، عاين ليهو جوة عيونو و قال : مالك زعلت كده ؟
أسامة ابتسم ابتسامة مفتعلة و قال : لا ما زعلت
رامي قال بي تردد : إنت.. بتحبها صح؟؟
أسامة لقى نفسو بقول بصراحة و بفتح قلبو لولد صغير : بصراحة ، ما بحبها ،، لكن في شي في شخصيتها بجذبني ليها ، شي عشت عمرو كلو بفتش عنو ومالقيتو في أي بت ، فيها شي أنا فاقدو و مااالاقيهو في نسواني التلاتة
رامي شهق وقال : إنت متزوج تلاتة؟؟؟؟
....
...
نجود انتظرت أول ما أسامة طلع جرت لبست و مشت دقت لجارتها الباب و ركبو أمجاد و مشو المستشفى ، وهناك بعد قابلو الدكتور طلب منهم يعملو فحص الحمل ، عملت الفحص و انتظرت نص ساعة كانت بالنسبة ليها زي السنة ، و بعد النتيجة طلعت شالتها بيد مرتجفة وماقدرت تقراها من شدة الارتباك و سألت طبيبة المعمل :
في ؟؟ ولا مافي؟
قالت : مافي حمل
نجود قربت تقع من طولها وقالت : كيف مافي ؟ طيب و الطمام ؟ و الاستفراغ ؟ و الغياب بتاع الشهرين.. مستحيل يكون مافي
طبيبة المعمل قالت : والله دي نتيجة الفحص القدامي ، عموما إنتي أرجعي للدكتور... و ربنا يرزقك قريب...
نجود شالت الورقة ومشت وهي بتجرجر رجلينها و جارتها وراها ، ودخلو للدكتور... شاف النتيجة و طلب منها تدخل يعمل ليها موجات... وهنا كانت المفاجأة
...
يتبع مع حبي 🌺🌸
رحمات صالح

#الزوجة_الرابعة
بقلمي : رحمات صالح
-١١-

- عايني في الشاشة هنا
عاينت وشافت كتلة صغيرة، قالت برعب : ده شنو يا دكتور؟ وررم؟؟؟؟
- اايوووة..... ده ورم ظريف كده حيكبر و يطلع للدنيا و يعذبك و يشيب راسك
قامت من سرير الكشف و قالت : قصدك شنووو؟؟؟
- مبروووك يا مدام ، و ناس المعمل ديل حسابي معاهم بعدين
نجود قربت تقع من طولها وكانت حاسة روحها في حلم ، و بقت بتحاول تركز في كلام الدكتور الكان بديها تعليمات عامة :
- كعب عالي لا ، لو بستخدمي أي كريمات توقفيها حالا ، ما تتحركي كتير ما تنفعلي ماتعصبي ما تزعلي ، حتبعدي من زوجك لغاية ما تقفلي الشهر الرابع ، أشربي حليب و أبعدي لي من القرفة و الحلبة و البلح و حأديك فيتامينات و مثبتات تواظبي عليها و تجيني بعد تلاتة أسابيع...
- ااه؟؟؟
- يا مدام إنتي مامعاي؟؟؟
- أنا... أنا ما مصدقة... يا دكتور خليني أشوفو تاني
- معليش وراك في ناس كتار ، شيلي الروشتة دي و نتقابل بعد تلاتة أسابيع
طلعت من العيادة لقت جارتها منتظراها بفارغ الصبر ، طوالي نجود اترمت في حضنها و بقت تبكي و كل الناس بعاينو ليها وبتقول : أناااا حاااامل أخيييييرا الحممممد لله يااارب الحمدلله
النسوان الفي العيادة اتأثروا و بعضهم بقو يقولو مبرووك ، وجارتها حاضناها و بتبكي معاها و نجود بتكرر و بتبكي : ألف حمد وشكر ليك ياااارب
.....
..
رامي بقى شخصية تانية ، كان ما بطلع خالص و لا بتكلم و شعرو بقى كثيف ودقنو البدا ينبت كان قايم في وشو بعشوائية ، و حتى ملابسو كان مابهتم يغيرها إلا بعد كم يوم و ده بعد ما أسامة يجي يزورو و يقنعو يقوم ياكل و يغير هدومو ، أما هاجر كانت ما ماخدة بالها منو و لا منتبهة للتغييرات الحاصلة ليهو لأنها كانت عايشة أجمل أيام حياتها و هي شايفة حلمها اتحقق و حبيبها حيبقى حلالها أخيرا و أثبت حبو ليها و اتخلى عن ديانتو و أسلم عشانها ، و بدت ترتب لزواجها.. أول شي مشو لشركة تنسيق أعراس و اتفقو معاهم على اليوم و المكان ، و بعدها بقت لافة تشتري في مستلزماتها الشخصية ، و تفتش فستان الزفاف ، هاري كان بوافقها في كل شي و أي حاجة تختارها ما بعارض و بقول ليها إنو أهم شي إنها تكون سعيدة و راضية و هو ما بتهمو كل التفاصيل دي و كل البهمو إنو حيتزوجها أخيرا.....
- look at my eyes أنظري إلي عيني
هاجر عاينت ليهو بحب و هو قرب منها ثبت جبينو في جبينها و قال : I will sing you the song I chose as our wedding song
سأغني لك الأغنية التي اخترتها كأغنية لزفافنا
هاجر اتلفتت حوالينها وهي بتضحك وقالت : Here ? in this place? هنا ؟ في هذا المكان؟؟
كانو قاعدين في حائط قصير بفصل بينهم وبين النهر و الناس متحركة و الباعة المتجولين البييعو الحلويات والآيسكريم...
قال بثقة : yes, Let them know that you are my beautiful bride أجل.. دعيهم يعلموا أنك عروسي الجميلة

Settle down with me Cover me up Cuddle me in
💕🎼🎶💕
Lie down with me And hold me in your arms
🎼🎶💕🎼
And your heart's against my chest, your lips pressed to my neck I'm falling for your eyes, but they don't know me yet And with a feeling I'll forget, I'm in love now
🎶🎼💕
Kiss me like you wanna be loved You wanna be loved You wanna be loved This feels like falling in love Falling in love We're falling in love
💕🎼🎶💕

Do you like the song honey?
هل تعجبك الأغنية صغيرتي ؟

قالت وهي بتمشيهو : Yes I do... نعم نعم

Harry There are things we did not talk about هاري هنالك أشياء لم نتحدث فيها

I hear you darling أسمعك حبيبتي

Have you learned how to pray?
هل تعلمت كيف تصلي ؟
لا أرى أنك تعلم شيئا عن الإسلام

Hagar my love let me be honest with you, .
هاااجر حبيبتي دعيني أكن صريحا معك ، أنا لم أسلم كي أصلي و أفعل هذه الأشياء ، أنا فقط فعلت ذلك حتى نتزوج..

But this is illogical, ولكن هذا غير منطقي يجب أن....

قاطعها بزهج :
So you do not care much about marriage
إذن أنت لا يهمك الزواج كثيرا و قمتِ بإجباري على دخول هذا الدين لأنكم تحبون أن يصبح جميع الناس مثلكم

Harry how you talked to me like that
هاري كيف تخاطبني هكذا؟
ماذا تقصد بأنتم ؟ أنا و أنت جميعنا مسلمون الآن

هاري اتنهد وقال :
So do not ask me again and it is enough that I entered Islam for you
إذن لا تسألي مجددا ، ويكفي أنني دخلت بالإسلام لأجلك

Well Harry I will not ask but there is something important
حسنا هاري لن أسأل و لكن هناك أمرا مهما ، يجب أن يتم الزواج بصورة دينية ، و يجب أن تعلن إسلامك حتى نتمكن من اتمام المراسم حسب الشرع و يجب أن نجد مأذونا شرعيا

Do not worry I'll arrange it, let's go لا تقلقي سأقوم بترتيب ذلك ، هيا بنا

Harry, why has your mood changed so much? هاااري لماذا تغير مزاجك إلى هذا الحد ؟

Hajar, let's

go I'm tired. هاجر هيا بنااا أنا متعب...
.....
نجود طلبت من جارتها ما تكلم زول بموضوع الحمل و جارتها وعدتها بكده ، و نجود رجعت البيت و بقت تفكر في طريقة حلوة تكلم بيها أسامة بالخبر ده و هي مقررة تنسى كل الفات و تفتح صفحة جديدة و تفرح معاهو بالبيبي الطال انتظارو سنين....
اتصلت عليهو و قالت :
- سمسم كيفك
- هههه ده من وين الليلة
- من جووة قلبي البريدك ده
- ياااا عيني ياعيني
- هههههه ماتصدق دي رشوة بس
- أمممم أها عاوزة شنووو
- عاوزة أمشي لي ماما تعبانة شوية هي ، و احتمال أبيت معاها
- ياانجود مش مية مرة قلنا مبيت مااف
- عشاني بس المرة دي ، و كمان أوعدك لو أموري اتسهلت أرجع الليلة آآاااقصدي لووو لقيت ماما بقت كويسة
- أوففف طيب طيب
قفلت و طوالي طلعت ركبت أمجاد مشت محل حلويات و طلبت يعملو ليها تورتة عليها رسمة بيبي و قالو ليها المغرب بتكون جاهزة ، و مشت طوالي على مركز تجميل استشورت شعرها و طلبت يرسمو ليها على بطنها بي حنة هندية آمنة للحوامل شكل قلبين واحد مكتوب فيهو (أنا جيت) و في القلب التاني (يا بابا)....
لمن انتهت وطلعت كان وقت استلام التورتة جا ، فكرت ترجع البيت على طول ومافي داعي تمشي بيت أمها ، وفعلا رجعت و شافت عربيتو واقفة .. دخلت برااحة و في الصالة طلعت عبايتها و صلحت شعرها جابتو بجنبة وحدة و طلعت كم خصلة ، و رشت من العطر الكان في شنطتها و سحبت نفس و ابتسمت وهي بتتخيل شكلو لمن يعرف بالمفاجأة الكبيرة دي ، شالت التورتة و مشت على الغرفة و هي متحمسة ، وقبل ماتدخل سمعتو بتكلم ، عرفتو بتكلم في التلفون و كانت حتدخل لكن الجملة السمعتها وقفتها متصمنة مكانها... و كل فرحتها بتنهار..
.
.
و أخيرا جا اليوم الكانت بتحلم بيهو خمسة سنوات ، لكن رغم كده ما كانت مبسوطة و حاسة بي غمة في قلبها ، يمكن لأنو أمها رافضة تقتنع ، و كمان رامي أبى يقيف معاها و أصلا هو الفترة الفاتت شارد و بعيد منها ، و أسامة حاول يقنعها توقف الزواج ده لكن هي ماسمعت كلامو و اتجاهلت تخويفو ليها و حاول يفهمها إنو إسلام هاري ده مشكوك في أمرو لكن هي اعتبرتو مجرد زول دايما قاعد يقيف في طريقها و يحبطها....
صلحت الطرحة البيضا المثبتة تحت شعرها المرفوع و مزين بورود فضية صغيرة ، و دورت يمين وشمال قدام المرايا و هي بتحاول تشوف فستانها بكل الجهات ، كانت راضية تماما عن شكلها... و طلعت لقت هاري في انتظارها ببدلتو السودا الفاحمة العاكسة بياض بشرتو ، مد ليها يدو اليمين و قبل كفها :
Today My Princess will be mine forever
اليوم ستصبح أميرتي ملكي للأبد
هل تعلمين أنك أجمل شيء رأيته في حياتي
لن أصفك بالوردة ، و لن أشبهك بالقمر
أنت هاجر أجمل شيء في الوجود
ابتسمت بي حب و شبكت يدها في يدها وطلعو ركبو العربية ومشو على الحديقة الحتتعمل فيها حفلة زواجهم ....
....
.
.
قيمة الحب تكمن في كونه ثمينا والأشياء النفيسة لا تبذل كثيرا...
فالقلوب أوعية ، و الوعاء عندما يمتلئ سيفيض و ما يفيض سيهدر عبثا
لاتعط أحدا أكثر مما يجب ، فالظمئان عندما يرتوي سيتوقف عن طلب الماء ، ولا تكن ضنينا بمشاعرك فالحب كالزرع يموت إن لم يسقَ
كن معتدلا.. و أنفق مشاعرك باتزان ، كن حكيما ولتعرف جيدا.. متى وكيف تحب!!!
.
.
- أنا بقيت مابرتاح إلا لمن أكون بتكلم معاك
- غريبة ، الليلة أول مرة تتصل علي بالمسا شكلها مداااام نجود ماافي
- الله يرضى عليك مالك جايبة سيرتها حسي ، اسمها ساي يجيب النكد ياخ
- ههههههه بقيييت تتكلم عنها كده سبحان الله ، كنت مابترضى فيها كلمة
- بصراحة أنا معاك بطلع كل الجواي ، وده الكنت كاتمو سنين و ما بشكيهو لي زول لكن نحن بقينا حاجة واحدة و بتكلم معاك زي ما بتكلم مع نفسي
- أنا فعلا نفسك و كمان بتمنى أبقى أقرب و أقرب
- أقرب من كده؟؟
- أيوووة عاوزة أكون زي أنفاسك البتتنفسها دي ، في كل ثانية أدخل جواك
- لكن النفس بدخل و يطلع و أنا عاوزك تدخلي و ماتطلعي......
قطع كلامو لمن باب الغرفة اتفتح بعنف و بسرعة قفل الخط وقال بارتباك : نجود ؟ مش قلتي بايتة ؟جابك شنو
قالت وهي بتتنفس بسرعة : جابني الله عشان أسمع خيانتك بأضاني
و بعصبية رفعت التورتة و رمتها عليهو و هي بتصرخ : بكرررررهك و بكررررره نفسي عشااااان بحب وااااحد خاااااااين و حقيييير زيك.....
- نجود انتي مجنونة ده شنو البتعملي فيهو ده
- اااي أناااا مجنونة عشان قاعدة في زمتك لغاية حسي أسامة طلقني حااااالا أنا مستحييييل أعيش معااااك ولاااا ثااااانية بكررررررهك و بقرررف منك طلقني حسسسي
أسامة كان واقف مكانو مذهول و الكريمة حقت التورتة مجلبطاهو و هو ماعارف يقول شنو و يتصرف كيف وهي في حالتها الهستيرية دي ، فجأة راقت لأنها اتذكرت كلام الدكتور لمن نصحها ماتنفعل وماتعصب و قالت في نفسها : ما حأخسر طفلي المنتظراهو سنين عشان واحد خاين.... لازم أهدا.. و كمان لازم أتطلق منو قبل مايعرف إني حامل.....
قالت بهدوء
- أسامة لو سمحت طلقني ، وحالا
- مافي طلاق ، والعملتي فيني ده ب

أدبك عليهو
- لو راجل ما حترضى تعيش مع وحدة نكد زي ما بتقول عني ، و كمان أنا ماطايقاك
- راجل غصبا عنك
- وريني رجالتك دي و طلقني
- رااااجل و إنتي طاااالق
......
يتبع 🌺❤💜
رحمات صالح
.

#الزوجة_الرابعة
بقلمي : رحمات صالح
-١٢-

لمن العربية وقفت قدام الحديقة هاري نزل و جا فتح ليها الباب وهي شعرت بي قبضة شديدة في قلبها ، أول مرة تخاف من قرار اتخذتو بي نفسها لكن ده قرار مصيري و كبير و هي ما شاورت فيهو زول و حتى الناس العرفو ما كانو راضيين لكن ماعندها حل و لا حتقدر تتراجع و لا حتقدر أصلا تخسر هاري حبيبها ولا تعيش من غيرو عشان كده طردت مخاوفها و نزلت من العربية و شبكت يدها في يدو و مشو سوى بخطوات متساوية و مرتبة على أنغام الموسيقى و تصفيق أصحابهم.....
....
في البيت :
- لي ساااعة بدق في الباب لدرجة افتكرتك مشيت العرس
رامي بعد فتح الباب دخل جوة وهو برد على أسامة :
- لا مامشيت و لا ماشي و كلمتك قبل كده
- لازم نمشي ، يلا بسرعة ألبس و حصلني في العربية وبدون نقاش ، و بعدبن بفهمك كل شي
رامي الفترة الأخيرة كان بثق في أسامة و بسمع كلامو عشان كده مشى غير هدومو بسرعة و جا ركب معاهو و أسامة شرح ليهو إنو عاوز يتأكد إنو العرس يتم بصورة شرعية .. نزلو وهم شكلهم غريبين وسط الناس ، و هاجر بمجرد ماشافتهم ابتسمت بي فرح وهاري عاين ليهم بي ضيق لكن ما قال شي ، و أسامة سألها :
عقدتو و لا لسه
- لسه
- وين المأذون
هاجر همست رغم إنو هاري ما حيفهم كلامها :
- حنمشي ليهو بعد الحفلة
- كيف الكلام ده
- أسامة ما تسألني كتير ،ده الاتفقنا عليهو أنا وهاري
- لكن الزواج إشهااار
- نحن سألنا شيخ ، هاري ما بيقدر يعلن إسلامو هنا عشان كده مابنقدر نجيب المأذون هنا
- وهنا حتتزوجو كيف
هاجر ارتبكت و قالت : مجرررد زواج شكلي بس
أسامة قال وهو في قمة غضبو : بتغشي على نفسك و لا على ربك و لا على منو إنتي؟ مافي زواج بالشكل ده..
رامي اتدخل وقال : و إنتي ضمانك شنو إنو فعلا أسلم؟؟
هاجر قالت بي حزم : شكرا لاهتمامكم ، أنا زولة كبيرة وعارفة نفسي بعمل في شنو ، وهو الفي قلبو ما بهمني بحاسبو بيهو ربو أنا علي بالسمعتو منو
أسامة قال في محاولة أخيرة : يعني لو هو قال ليك إنو بحبك و هو من جواهو مابحبك حتقولي ما يهمني الفي قلبو و علي بالسمعتو منو ؟
هاري شعر إنهم محتدين في الكلام عشان كده مسكها من يدها و قال :
- let us dance my lovely bride
هيا بنا لنرقص عروستي الجميلة
أسامة خبط كفينو ببعض و قال لي رامي : أنا ماشي ، تمشي معاي و لاتقعد تكمل المهزلة دي؟؟
- خليني أقعد يمكن أقدر أمنعها
اتلفتو الاتنين على صوت وحدة بتقول بحماس : Raaaaamy
رامي لمن شافها شعر بي غل عمييق رغم إنها ماعندها ذنب في الحصل ليهو لكن مجرد شوفتها ذكرتو بأسوأ حاجة ممكن تحصل لولد... عمل نفسو ما شافها و قال لي أسامة : يلا أنا ماشي معاك
أسامة بقى عندو فضول يفهم الحاصل لكن رامي أصر يمشي و جين مسكتو من يدو :
- Stop Ramy I want to talk to you
توقف أريد أن أتحدث معك
لا داعي لأن تتهرب مني فما حدث لم يكن بسببي ، و بإمكانك أن تنسى كل شيء ، فأنت لست أول صبي يتعرض لمثل هذا التحرش و لكنك حساس جدا ، الأمر بسيط رامي
رامي ما كان فاهم كلامها لكن من نظرات أسامة و خلعتو عرف إنها فضحتو و قالت على الحصل ، ماقدر يتحمل طوالي لزاها بعنف و جرى ، و أسامة جرى وراهو و هو شايفو بطلع من الحديقة و بقطع الظلط بدون ما ينتبه للعربية الكانت ماشة بسرعة و ضربتو......
.....
...
أسامة مسكها من خدودها و قال وهو بيبكي ودموعو مبللة وشو : سامحيني والله ما قصدت أطلقك أنا بحبك نجود بس إنتي استفزيتيني
نجود كانت واجمة مكانها و مابترد ولا بتتحرك و هي ما متخيلةإنو بعد الحب البيناتهم ده كلو حيجي يوم و يطلقها بالبساطة دي ،
- نجود أنا رجعتك خلاص ، و ده راسك ، ولو عاوزة أبوس رجلك كمان
عاينت ليهو بنفس الشرود ، و قالت : وديني لي أمي
- لا ما حأخليك تمشي
بدون ماتنتظر ردو طلعت الصالة لبست عبايتها الكانت قلعتها هناك و شالت شنطتها و طلعت ، وهو بقى ماقادر يطلع وراها بهدومو ووشو المبهدل بسبب التورتة الرمتها فيهو ، دخل غسل وشو و غير بسرعة ، وطلع الشارع لقاها اختفت....
ركب العربية و مشى بيت أهلها ، لكن لقاها ماجات و أمها استغربت من جيتو و سؤالو عنها لكن هو ما أداها أي تفاصيل و بقى قاعد منتظرها تصل.... لكنها اتأخرت شديد وهو بدا يقلق......
...
كانت واقفة قدام الباب ومترددة تدق ولا ترجع و قبل ما تحسم قرارها الباب اتفتح ، كان أخو معالي رحب بيها وقال ليها تدخل رغم إنو مستغرب جيتها بالليل كده و وقفتها كده بدون ماتدق الباب ، نجود رفضت تدخل وقالت ليهو ينادي ليها معالي و فعلا ناداها.....
- نجود ؟ عاوزة شنو
- جاية أقول ليك كلمة وحدة أفهميها و ختيها حلق في أضانك ، راجلي بحبني و بعشق التراب البمشي عليهو و إنتي بالنسبة ليهو مجرد تسلية و لا عمرو ماحيفكر فيك بالجد ، لأنو لمن جا وقت الجد باس على رجلي عشان خاطر أسامحو ، يعني رجلي دي ما تسواك إنتي كلك على بعضك ، فاهمة المعلومة دي ياحلوة ؟
معالي ضحكت ضحكة مستفزة وقالت : لو كنتي واثقة في كلامك ده ما كنتي جيتيني لغاية هنا ، يا ماما إنتي لو ما

خايفة ما كنتي بتجيني بالليل ده لكن أنا ما حأرد عليك و الأيام هي الحتحكم بيناتنا
ودخلت وقفلت الباب و نجود من الزعل شعرت بمغص في بطنها ، سحبت نفس عميق عشان تهدا حفاظا على طفلها وختت يدها في بطنها و قالت : عشانك كلو يهون....
وقفت أمجاد وركبت بدون ماتقول شي لغاية ما الراجل سألها : ماشة وين يابتي؟
دمعتها سالت وهي محتارة بين تمشي بيتها ولا تمشي بيت أهلها ، وقالت بصوت مخنوق : ماعارفة
- كيفن ماعارفة ؟ إنتي بيتك بي وين
قالت وهي في قمة انهيارها و كأنها بتتكلم مع نفسها : بيتي ؟؟ هو بيتي بقى ماسايعني، شكلي ماشة بيت أهلي
- يابتي أسمعيها نصيحة من عمك ، بيتك إن ما وسعك تاني مااافي مكانا بسعك ، الحياة دي شان تمش معاك سمحة لازمن تدفريها دفر ، صلي على الرسول و أرحكاكي النوصلك بيتك و ماتفارقي تاني لامن تقوم القيامة.. أها بيتك ده بي وين ؟
نجود قالت الوصف وهو طوالي اتحرك و هو مواصل في كلامو ما سكت لغاية ما وصل :
مشكلتكن يا بنات الزمن ده غالباكن العيشة و غالبكن الصبر ، زمان أمهاتنا ديل مسكن الجمر ولاكن القرض و مسكن بيوتهن ، إنتن قايلات العرس لعبة أي كلمتين الوحدة تجري تمرق من بيتها ، يابتي راجلك مهما كانت سواتو فيك ياهو سترك و غطاك...
نجود كانت نفسها تصرخ و تقول ليهو أسكت ، لأنو كلامو بالنسبة ليها مجرررد كلااااام لكن الوجع الجواها كان أكبر بكتييييير...
....
..
حينما يوثق الرجل حبل الزواج فكأنما قطع على نفسه عهدا بإحاطتك بالحب و الأمان والاستقرار والسكينة ، فلا تتنازلي عن حقك في العيش بسعادة ، فأنت من دفعت له نفسك ثمن سعادتك ، كوني أول الثوابت في حياته ، أنت من يستحق الاحترام و الرحمة و الحب و الوفاء ، فإن لم تنالي نصيبك فلا تنسحبي باستسلام ، ولا تعاقبي نفسك مرتين ، مرة بالظلم و أخرى بالحرمان... لا تدفعي عنه ثمن أخطائه ، أنت الملكة وبيتك مملكتك.. ومهما حدث فلا تخلعي تاج كرامتك ولا تتنازلي عن عرش مملكتك .... كوني دوما فوق كل المصاعب ، و احفظي لنفسك حق العيش بسلام.... و تذكري مجددا مهما يحدث فاحتفظي بمكانتك في بيتك وقلبه.....
...
.
It's just a simple accident and he will be fine, do not spoil our wedding
إنه مجرد حادث بسيط و سيكون بخير ، لا تفسدي حفل زفافنا

عاينت ليهو بغيظ وقالت : I will not leave my brother in hospital alone to dance with you لن أترك أخي بالمستشفى وحيدا لأرقص معك

Hajer Do not be stubborn, your presence with him will not help him anything
هاجر لا تكوني عنيدة ، تواجدك معه لن يفيده بشيء
ونحن دفعنا أموالا طائلة لنقيم هذا الحفل ، دعينا نكمل الحفل و أعدك أن نذهب بعده مباشرة لنطمئن عليه سويا....
هاجر اقتنعت بكلامو و قالت : ok, If you will take me after the Wedding directly
حسنا مادمت ستأخذني بعد الحفل مباشرة

هناك كان رامي وصل بالإسعاف للمستشفى و طوالي عملو ليهو كشف سريع لكن كان كويس و كلها مجرد جروح و كدمات سطحية ، و الدكتور قال يقعد ساعتين يطمنو عليهو لو مافي شي حيمشي البيت...
رامي كان عينو على الباب و هو مترقب هاجر تجي ، و لمن عدت الساعتين وماجات جاهو إحباط شديد و قال لأسامة : يلا وديني البيت
أسامة قال : لكن مابقدر أخليك براك ، و.. هاجر دي.. ما معروف تجي البيت و لا لا
رامي غص بعبرتو و سكت ، أسامة شعر بيهو متألم من موقف هاجر و متألم أكتر من الحاجة الحصلت ليهو القالتها جين قبيل، عشان كده عرض عليهو يسوقو معاهو الشقة الكان ساكن فيها و رامي ما اعترض.....
وصلو الشقة و رامي كان مكسور و حاسي إنو ماقادر يواجه أسامة كأنو فيهو شي نقص و هو في سن حساسة و أهم ماعندو يثبت رجولتو و شخصيتو و دي حاجة اتسلبت منو ، أسامة دخل عمل كبايتين شاي و جابهم و جا و هو مصمم يقيف معاهو و يطلعو من الحالة دي....
- الواحد بدون مرة بكون بالو رايق لكن بتعب ، بالله كباية الشاي دي تبقى ليهو صعبة
رامي الحيرة خلتو يسأل رغم الظروف الهو فيها :
- كيف بدون مرة مش قلت متزوج تلاتة ؟؟
ضحك وقال : خليتن التلاتة في السودان و شردت ، يا زوول ده وجع راس شديد خلاص
- و إنت الخلاك تعمل في روحك كده شنو
- كل وحدة فيهن هي السبب في التانية
- كيف ده؟
- أوريك كيف... الأولى عايش معاها ٤ سنين ما ولدت ويومها الحملت دست مني بسبب موضوع تااافه ، ياخي أنا بالله ٥ شهور ماجايب خبر و مافاهم سبب تصرفاتها الغريبة و زهجها و ضيقها من الوحم ، و أول ماجاتني الفرصة أعرس عرست طوالي ، وبعد ما الفاس وقعت في الراس حتى عرفت إنها حامل.....
رامي احتار زيادة وقال : النسوان ديل أصلهم غريبات كده؟؟ ولا مرتك دي بس؟
- كلهن ياخوي ، بس نسوي شنو
....
نجود وصلت البيت و لقت أسامة مافي طوالي دخلت أوضتها وقفلت الباب بالمفتاح ، و شالت التلفون قفلتو لأنو أسامة و أمها ما وقفو اتصالات.... غيرت هدومها و أخدت الأدوية الكتبها ليها الدكتور و رقدت في سريرها وهي بتفكر حتتصرف كيف الفترة الجاية و أول قرار اتخذتو إنها ماحتخليه

و يقعد معاها في الأوضة دي و حتستغل زعلها منو عشان تمنعو يقرب منها لغاية ما الفترة الحددها الدكتور تنتهي....
أسامة بعد الوقت اتأخر وقلقو عليها زاد قال يرجع البيت يشوفها جات ولا لا ، و مما دخل البيت حس بريحتها مالية المكان ، اتنفس بي راحة وقال : الحمدلله ، وبدون مايشوفها عرفها جات لأنو أصلا وجودها دايما بدي البيت شعور بالإلفة ولمن تطلع البيت ببقى موحش ، مشى الأوضة لقى الباب مقفول بالمفتاح و ماحاول يتكلم معاها ، طوالي طلع شبشبو و فرش المصلاية في الواطة و سحب مسند الكنبة خت راسو فيهو و راح في نومة عميقة رغم كل الأحداث الصعبة الحصلت في اليوم ده
.....
يتبع💖
مع حبي لكم جميعا
رحمات صالح

#الزوجة_الرابعة
بقلمي : رحمات صالح
-١٣-
نجود تمت أسبوع وهي ما بتتكلم مع أسامة وكمان ما بتسمح ليهو ينوم جوة معاها وهو ما أصر عليها و خلاها براحتها وطبعا ما كلمتو بإنها حامل ، الفترة دي هو كان مابرد على معالي و لا عندو نفس يتواصل معاها بعد الحصل ليهو مع نجود بسببها ، ومعالي جن جنونها بسبب طناشو و إنو فضل نجود عليها.... و صممت تنتصر عليها بأي طريقة حتى لو لزم الأمر تمشي تعمل ليهو عمل...
يوم بعد المغرب أسامة كان مفرش في الأرض في الصالة زي ما اتعود ، كان راقد و بتقلب بملل ، حاسي إنو الحياة كئيبة لا هو قادر يخليها ترجع معاهو زي زمان ولا قادر يعيش كده بعيد عنها ، شال الريموت فتح التلفزيون و قلب كتير بين القنوات و تاني قفلو و رمى الريموت و بعد داك شال تلفونو لقى رسائل كتيرة في الواتس لأنو طول ما دخل...
لقى كم رسالة من معالي و بدون ما يفتحهم حذف الدردشة كلها ، و دخل على قروب دفعتو في الجامعة لقاهم بتونسو و بسترجعو ذكرياتهم القديمة ، بقى يقرا و يتبسم وهو بتذكر أيامو الحلوة معاهم ، قام كتب : أعزائي رفقاء دربي حين يجن الليل مظلما قاتما تبلج ذكرياتكم قمرا منيرا يبعث في حياتنا نورا ، و تأفل بإطلالتكم هموم الحياة...
أصحابو بدو يردو عليهو ويسلمو ، و بعدها جاتو رسالة في الخاص :
- مساءالخير أسامة
- مساءالنور مرحب منو؟؟
- ههههه جنووو شكلك كده عقلت و بقيت جادي
ضحك بي صوتو و كتب بحماس :
- جنووووو يااااخ ويين إنتي
- قاااعدة بس إنت الماقاعد
- والله يا أروى الحياة و المشاغل و الظروف و بس الحمدلله
- كيف المدام و العيال
- أممم المدام بخير ، و العيال ربنا ما كتبهم لينا
- الله يرزقكم ، لكن مالك مهموم كده
- أنا؟
- أيوووة ، حاسة عندك هم كبييير شايلو براك
- ههههه لسه زي ما إنتي تغوصي جوة أعماق الواحد و تكشفي الشي المدسووس
- بلاش فلسفة كتيرة ، أحكي سامعاك
- أحكي شنو؟
- لو إنت اتغيرت وبقيت راجل عاقل و هادي أنا لسه جنوو زي ما أنا و بفهمك من الكلمة البتكتبها...
- تسلمي أختي أروى
.....
..
هاجر دخلت المستشفى تجري رغم صعوبة الحركة بسبب فستان الزفاف لكن كانت قلقانة على رامي ، سألت عليهو في الاستقبال و الموظفة حركت الماوس شافت البيانات القدامها و قالت :
He went an hour ago
لقد ذهب قبل ساعة

هاجر قالت لي هاري يوديها البيت تشوفو و هاري وهو زهجان ومتضايق ساقها ووصلها بيتها ، دخلت لقت البيت فاضي و رامي مافي ، طوالي اتصلت على أسامة لأنها عارفاهو هو المشى معاهو المستشفى ، لكن أسامة ما رد لأنو كان تلفونو بعيد وهو بتونس مع رامي و بحكي ليهو عن قصتو مع نسوانو التلاتة......
هاجر قعدت وهي مقلقة و هاري قال :
No need to worry Hagar would be okay with that man I'm sure لا داعي للقلق هاجر سيكون بخير مع ذلك الرجل أنا متأكد

هاجر اتنهدت وقالت :
Well, let's go and finish our marriage
حسنا ، لنذهب للمأذون و ننهي زواجنا

هاري عاين لساعتو وقال :
The time has passed, we can not go now
لقد تأخر الوقت لا يمكننا الذهاب الآن

What do you mean
ماذا تقصد ؟

Hajer I took a date with the man and you who insisted on going to see your brother, all we can do is wait till tomorrow
هاجر لقد أخذت موعدا مع الرجل و أنت من أصررت على الذهاب لرؤية أخيك ، كل مايمكننا فعله هو الانتظار حتى الغد ...

قالت بزهج :
Well, go now I want to sleep
أوفففف حسنا ، إذهب الآن أريد أن أنام

قرب منها و مرر يدو في وشها وقال :
I go and leave the beauty, my bride to sleep alone? No way
أذهب و أترك جميلتي العروس تنام وحيدة ؟ مستحيل

Harry do not forget that we have not married yet, and what we did was something formality, do you want me to believe that trick ?
هااااري لا تنسى أننا لم نتزوج بعد ، و ما فعلناه كان شيئا شكليا ، أتريدني أن أصدق الخدعة التي خدعنا بها الناس؟

Sweetheart, I do not ask you anything, and as we did something formally we will complete it,
حبيبتي أنا لا أطلب منك شيئا ، و كما فعلنا شيئا شكليا سنكمله فلا يوجد عروسين ينامان منعزلين و أعدك أنني لن أجبرك على فعل شيء لاتريدينه
فكل مايهمني هو رضاك و سعادتك ، و يكفي أنك تلبسين خاتمي في يسارك ، وترتدين الأبيض لأجلي ، يكفي أنك أميرتي أنا فقط و حبي يملأ قلبك

هاجر ابتسمت و دموعها جرت وقالت :
are you real
هل أنت حقيقي ؟؟

مسك وشها بين كفينو و قال :
I'm just a lover, doing everything just to see this smile ...
أنا مجرد عاشق ، يفعل كل شيء فقط ليرى هذه الابتسامة...

Lovr you harry
أحبك هاري

ضماها وقال :
Me too, love you so much
و أنا أحبك ، جدا

..
نجود كانت منقطعة الأيام الفاتت من أهل أسامة وهم كمان ما سألو منها إلا دعاء الكانت بتتصل عليها و نجود مابترد ، لكن المرة دي نجود ردت عليها لأنها كانت حاسة إنها محتاجة تتكلم مع زول مع إنها عارفة د

عاء حتقول ليها إنتي الغلطانة :
- ألوووو أخيييرا ست الحسن والدلال ردت
- أهلين دعاء كيفك ، ما مني والله من أخوك ده
- تاااني حتقولي لي أخوك و ما أخوك ، يا زولة هيي أنا كلمتك ماعندي شغلة في البحصل بينكم إنتي حبيبتي وفردتي و هو أخوي
نجود اتصدمت ، و قالت :
كتر خيرك برضو
- المهم قبل ما تقلبيها لي زعل و نكد ، أميرة دي تخريجها بعد بكرة و هي ما كانت عاوزة تتخرج و أنا أقنعتها ، هي فارقة معاها أمها الله يرحمها و ما كانت عاوزة تتخرج بدونها ، عاوزاكم كلكم تجو و تفرحوها عشان ماتحس بالفقد ده...
- ماعارفة والله يادعاء لكن جد ماعندي نفس لي حاجة...
- عشان خاطري بس....
- طيب عشانك
نجود بعد قفلت الخط سرحت بعيد ، أول شي جا في بالها اتذكرت أبوها و كيف فاقداهو مع انها ما عاشت معاهو كتير و شعرت بي شعور أميرة ، مسحت على بطنها الما كانت ظاهرة أصلا و قالت : ما عاوزاك تطلع الدنيا دي وتلقى أمك و أبوك بعيدين من بعض....
قررت قرار مفاجئ إنها تطلع لي أسامة برة و تفتح معاهو أي موضوع و تخليهو هو يبادر و يصالحها ، ولو عمل كده حتكلمو بي حملها و تحاول تنسى و ترجع الأمور لطبيعتها.....
أخدت نفس عميييق و طلعت براحة من غرفتها و هي بتفكر حتبدا الكلام بشنو ، و لمن وصلت جنبو هو كان ما حاسي بحركتها و مندمج مع التلفون ، و أول ما شافها اتنفض مخلوع و دخل التلفون تحت مخدتو و قام و هو بقول بارتباك ملحوظ : نجود ؟ عاوزة شي؟؟
ابتسمت بمنتهى الحزن و قالت و هي ماقادرة تعبر عن حجم الوجع الجواها : مافي فايدة فيك....
.......
كثرة الصدمات كالطرق على مسمار فوق لوح خشبي
الأولى تحدث خرقا و ألما
والثانية تجعل الجرح أعمق
و الثالثة تجعل المسمار ثابتا كالوجع المتوغل داخل الروح
وبقية الطرقات لن تفعل شيئا ، و لن يزيد الجرح الميت موتا.....
.....
دخلت وخلتو واجم مكانو ، و رفع التلفون وهو نفسو يفهمها إنو ما كان بخونها ، هو بس كان بتكلم عنها ، بحكي لأروى عن حبو لزوجتو و عن الفراغ الحاسي بيهو بدونها وعن المرارة البتجرعها بسبب شكها فيهو ، لكن هي ما حتفهم ، ولا حتصدق ، و لا حتتغير
....
..
رحمات صالح
يتبع ، مع محبتي
.
.

#الزوجة_الرابعة
بقلمي : رحمات صالح
-١٤-

هاجر صحت الصباح لقت نفسها في أحضان هاري ، كانت نفسها تصرخ فيهو و لا تضربو و لا تطردو لكن هي من جواها كانت سعيدة و حاسة إنو حبها ليهو زاد أضعاف ، لكن جاتها خوفة إنو بعد ما أخد منها الدايرو ما يتزوجها عند المأذون ، شالت ليها هدوم من الدولاب ودخلت استحمت و لبست و جات صحتو و هي مقلقة و قالت :

هاري ، استيقظ يجب أن نذهب حالا لنتزوج
فتح بي كسل وهو مبتسم و قال :
Is this how you wake your husband after the first night?
أهكذا توقظين زوجك بعد أول ليلة ؟

Haaaarry what do you mean ?? I feel like you are cheeting me, I wonder what I did for myself
هاااري ماذا تقصد؟؟ كنت أشعر أنك تراوغ ، يااااه ماهذا الذي فعلته بنفسي لااااا

قال و ملامحو اتغيرت للزعل :
calm down Hajer and stop screaming, I did not think you did not trust me to this extent, and I am not the one who succeeds the promise
أهدئي هاجر وتوقفي عن الصراخ ، لم أكن أظن أنك لا تثقين بي لهذا الحد ، و لست أنا من يخلف الوعد ، ولا تنسي أنني لخمسة سنوات لم أقترب منك و لا من أي فتاة أخرى لأجلك ، لو كنت بهذه الحقارة لكنت أجبرتك على هذا الشيء و أنا أعرف جميع نقاط ضعفك و أعرف كيف أجعلك تنفذين ما أريد ، لكن حبي لك جعلني أحترم مبادئك...

هاجر قالت :
Sorry, I'm just confused because of what happened between us
آسفة ، أنا فقط مرتبكة بسبب ما حدث بيننا

Do not apologize, I'll call the man now to get him a date during the day
لا تعتذري ، سأتصل بالرجل الآن لآخذ منه موعدا خلال اليوم
و شال تلفونو وهو زعلان و اتصل و بقى يتكلم ، وبعدها قفل وقال :

Would you believe me if I told you that he had traveled this morning and would return five days later?
هل ستصدقي إن أخبرتك أنه سافر صباح اليوم وسيعود بعد خمسة أيام؟

Yes, Harry, I believe you completely, but we do not have to wait for him. We can find someone else
نعم هاري أصدقك تماما ، لكن ليس علينا انتظاره يمكننا أن نعثر على شخص غيره

I do not know anyone else. If you know someone, I do not mind
أنا لا أعرف غيره ، إن كنت تعرفين شخصا فلا مانع لدي

Well, I'll call Osama and tell him to
حسنا سأتصل بأسامة و أخبره أن.....

بحركة مفاجئة لز الحاجات الكانت فوق الدرج الجنب السرير لمن كلها وقعت و صرخ بغضب غريب عنو :

Do not say this name again
إياك أن تذكري هذا الاسم مجددا مفهوووووم؟

هاجر نططت عيونها و هزت راسها بمعنى نعم ، وطلعت من الغرفة وقعدت في الكنبة و هي بتاكل ضفورها بقلق و حاسة إنها دخلت نفسها في ورطة كبيرة....
اتخلعت لمن حست بكفة يدو الباردة على دقنها ، ورفع ليها راسها و قبل جبينها وقال :

Sorry my love I love you, and I feel jealous of you so much
آسف حبيبتي أنا أحبك و أغار كثيرا

هاجر ماصدقت إنها سمعت الكلمة دي منو لأنو أول مرة يعبر عن شعورو بالغيرة ، وقالت :
I did not know you were jealous
لم أكن أعرف أنك تغار

I do very hard but I press myself for you, but today and after I felt that you are my wife and mine I could not bear to hear that name
أغار بشدة ولكنني أتمالك نفسي لأجلك ، لكنني اليوم وبعد أن شعرت أنك زوجتي وملكي لم أستطع أن أتحمل سماع هذا الاسم...

الجرس دق و طوالي هاجر مشت فتحت ، لقتو رامي ، قالت :
- راااامي حمدالسلااامة إنت كويس ؟؟
اتخطاها و دخل بدون مايرد عليها ، ولمن شاف هاري وهو بالبنطلون بس و ماخد راحتو في البيت اتلفت على هاجر وقال :
- أنا داخل أشيل شنطتي و ماشي
- ماشي وين؟
- ماشي أقعد عند أسامة هو منتظرني برة أصلا
- مااااافي كلام زي ده ، إنت أماااانة عندي و حتفضل هنا لغاية ما أبوك يجي ياخدك
- ههه يعني إنتي كنتي محافظة على الأمانة بدليل خليتيني في المستشفى ماعارفة حاصل علي شنو و تميتي حفلتك عادي
ودخل جوة لم حاجاتو في الشنطة و شالها و قبل مايطلع هاجر كانت حتلحقو لكن هاري مسكها و قال :
Let him go, as long as he is with that man he will be safely
دعيه يذهب ، طالما أنه مع ذلك الرجل سيكون بأمان

هاجر عاينت ليه مستغربة من تناقضو لكن هو وضح وقال :
I hate him a lot but I know he will take good care of the boy
أكرهه كثيرا لكني أعرف أنه سيعتني بالصبي جيدا....
...
..
نجود بعد جهزت شنطتها طلعت لأسامة و هي لابسة توبها و قالت :
- الشنطة جوة شيلها و تعال وصلني بيتنا ، و بدون نقاش لو سمحت
- ما حأناقشك لكن عاوزك تعرفي حاجة ، بيتك مفتوح ليك في أي وقت حبيتي ترجعي ، و أنا ما حأطلب منك ترجعي بس عاوزك تكوني مرتاحة مكان ما تكوني
شعرت بكلامو خنجر بطعن فيها لأنها كانت منتظراهو يحنسها أو يعتذر أو حتى بس يبرر هو ليه دس منها التلفون ، وهو كان حاسي إنو مرهق منها ومن مشاكلها و ماعندو حيل للمناقشة و التبرير..