#ايرين
-٢٩-
ﺍﻟﻠﻴﻠﻪ ﻋﺮﺱ ﻓﻴﺼﻞ ﺍﺗﺰﻭﺝ ﺍﺳﻤﺎﺀ ‏( ﻣﺘﺬﻛﺮﻳﻨﻬﺎ ‏) ﻛﻨﺖ ﻣﺎﺧﺪﻩ ﺩﻭﺭ ﺍﺧﺖ ﺍﻟﻌﺮﻳﺲ ﺍﻫﻞ ﺍﺳﻤﺎﺀ ﻛﺘﺎﺭ ﻋﺎﻳﺸﻴﻦ ﻫﻨﺎ ﻣﻦ ﺑﻴﻨﻬﻢ ﻋﻤﻬﺎ ﻭﺍﺳﺮﺗﻮ ﻋﻨﺪﻭﻭﻟﺪﻳﻦ ‏) ﺣﺴﺎﻡ ،، ﻫﺸﺎﻡ ‏) ﺣﺴﺎﻡ ﻣﺘﺰﻭﺝ ﻭﻫﺸﺎﻡ ﻻ ....
ﻣﻦ ﺷﺎﻓﻨﻲ ﺩﺍﺧﻞ ﻭﻣﺎﺭﻕ ﺑﻲ ﻭﺭﺍﻱ ﺍﻟﻤﺸﻜﻠﻪ ﺍﻧﻮ ﻓﻴﺼﻞ ﺍﻟﻐﺒﻲ ﺣﻜﻰ ﻟﻴﻬﻮ ﻗﺼﺘﻲ ﻻﻧﻮ ﺻﺤﺒﻮ ﻭﺍﻧﺎ ﺧﺎﺻﻤﺘﻮ ﻟﻲ ﻳﻮﻣﻴﻦ ﻣﺎﺑﺘﻜﻠﻢ ﻣﻌﺎﻫﻮ ﻣﻴﻦ ﺍﺩﺍﻫﻮ ﺍﻟﺤﻖ ﻳﺤﻜﻲ ﻟﻴﻬﻮ ﻋﻨﻲ ...
ﻛﻨﺖ ﻻﺑﺴﻪ ﻓﺴﺘﺎﻥ ﺯﻱ ﺍﺳﻮﺩ ﻭﻓﻴﻬﻮ ﺯﻱ ﺟﻨﻴﻬﺎﺕ ﺍﻟﺪﻫﺐ ﻓﻲ ﺍﻟﺼﺪﺭﻣﺎﺷﻲ ﻣﻊ ﺍﻟﺠﺴﻢ ﻣﻊ ﺟﺰﻣﻪ ﺳﻮﺩﺍ ﻭﻧﻨﻮ ﻓﺴﺘﺎﻧﻬﺎ ﻣﻦ ﻓﻮﻕ ﺩﻫﺒﻲ ﺿﻴﻖ ﻭﻣﻦ ﺗﺤﺖ ﺍﺧﻀﺮ ﻏﺎﻣﻖ ﻭﺍﺳﻊ ﻭﻃﺮﺣﻪ ﺧﻀﺮﺍ ﻭﺷﺒﻂ ﺩﻫﺒﻲ ﻣﺎﻛﺎﻥ ﻋﺎﺟﺒﻬﺎ ﺍﻟﻔﺴﺘﺎﻥ ﺑﺲ ﻣﺎﻋﻨﺪﻫﺎ ﺭﺍﻱ ﻃﺎﻟﻤﺎ ﻣﻦ ﺍﺧﺘﻴﺎﺭ ﻣﺎﻣﺎﻫﻲ ﻛﺎﻧﺖ ﺍﺷﺘﺮﺕ ﻓﺴﺘﺎﻥ ﻗﺼﻴﺮ ﻭﻣﺎﻣﺎ ﺣﻠﻔﺖ ﻟﻴﻬﺎ ﻳﺎ ﺗﻠﺒﺲ ﺩﻩ ﺍﻭ ﻣﺎﺗﺤﻀﺮ ﺍﻟﻌﺮﺱ ﻭﺣﺎﻟﻴﺂ ﻣﻜﺸﺮﻩ ﻭﻗﺎﻋﺪﻩ ﻓﻲ ﺍﻟﺼﺎﻟﻪ . ﻓﻴﺼﻞ ﻣﺸﻰ ﺍﻟﺴﻔﺎﺭﺓ ﻭﺍﺩﺍﻫﻢ ﻛﺮﻭﺕ ﻗﺎﻟﻴﻬﻢ ﺍﻱ ﺳﻮﺩﺍﻧﻲ ﻳﺠﻲ ﺍﺩﻭﻫﻮ ﻟﻐﺎﻳﺔ ﻣﺎ ﺍﻟﻜﺮﻭﺕ ﺗﺨﻠﺺ ﻭﺣﺎﻟﻴﺂ ﺍﻟﺼﺎﻟﺔ ﺍﺗﻤﻠﺖ ﺑﺎﻟﻨﺎﺱ ﺑﺴﺤﻠﻮﺓ ﺍﻟﻔﻜﺮﺓ ﻋﺠﺒﺘﻨﻲ ﺍﻟﻠﻤﻪ ﻭﺍﻟﻨﺎﺱ ....
ﻭﺍﻟﺤﻔﻠﻪ ﺑﺪﺕ ﺍﻧﺎ ﺧﺘﻴﺖ ﺟﺰﻣﺘﻲ ﺟﻨﺐ ﻧﺎﺱ ﻣﺎﻣﺎ ﻭﻣﺸﻴﺖ ﻓﻲ ﻧﺼﺎﻟﺤﻠﻘﻪ ﺑﺮﻗﺺ ﻭﺍﻟﻨﺎﺱ ﺩﻱ ﻫﺠﺠﺖ ﻫﺠﻴﺞ ﺯﻱ ﺍﻟﻜﺎﻧﻮ ﻓﻲ ﺳﺠﻦ
*********
- ﻳﺎﺍﺑﻮﻱ ﺍﻧﺤﻨﺎ ﻛﻴﻒ ﻧﺠﻲ ﻋﺮﺱ ﻧﺎﺱ ﻣﺎﺑﻨﻌﺮﻓﻬﻢ
ﻣﺤﻤﺪ : ﻳﺎﻭﻟﺪ ﻋﻢ ﺍﻟﻌﺮﻭﺱ ﻳﺎﻫﻮ ﺻﺤﺒﻲ ﻭﻫﻮ ﻋﺰﻣﻨﻲ ﺑﻲ ﻧﻔﺴﻮ
ﺟﺎﺳﻢ : ﺍﻧﺖ ﻗﻠﺖ ﺍﺩﻭﻙ ﻛﺮﺕ ﻓﻲ ﺍﻟﺴﻔﺎﺭﺓ ؟
ﻣﺤﻤﺪ : ﺍﻱ ﻭﻟﻤﺎ ﺭﻓﻀﺖ ﺍﺻﺮﻭ ﺍﺧﺪﺗﻮ ﻭﺍﻧﺎ ﻣﻘﺮﺭ ﻣﺎﺍﺟﻲ ... ﻭﺑﻌﺪ ﻛﻠﻤﺖ ﺍﻟﻬﺎﺩﻱ ﻗﺎﻝ ﺩﻩ ﻋﺮﺱ ﺑﺖ ﺍﺧﺘﻮ ﻭﻋﺰﻣﻨﻲ ﻋﻠﻴﻬﻮ
ﺟﺎﺳﻢ : ﺍﻫﺎ
ﻣﺤﻤﺪ : ﺍﻭﻻﺩﻭ ﻗﺪﺭﻙ ﻓﻲ ﺍﻟﻌﻤﺮ .. ﺍﺷﺮ ﻋﻠﻲ ﻭﺍﺣﺪ .. ﺍﻫﺪﺍﻙ ﻫﺸﺎﻡ ﺑﻴﻠﻌﺐ ﻣﻊ ﺍﻟﺸﻔﻊ
ﺟﺎﺳﻢ ﻋﺎﻳﻦ ﻣﺤﻞ ﺍﺑﻮﻫﻮ ﺑﺄﺷﺮ ﻟﻘﻰ ﻭﺍﺣﺪ ﻗﺎﻋﺪ ﻓﻲ ﻧﺺ ﺍﻟﺸﻔﻊ ﻭﺑﻴﻠﻌﺐ ﻓﻴﻬﻢ ﺿﺤﻚ : ﺷﻜﻠﻮ ﺑﺤﺐ ﺍﻟﺸﻔﻊ
ﻣﺸﻮ ﻗﻌﺪﻭ ﻓﻲ ﺗﺮﺑﻴﺰﻩ ﻓﺎﺿﻴﻪ ﻭﺷﻮﻳﻪ ﻭﺟﺎﻫﻢ ﺍﻟﻬﺎﺩﻱ ﺳﻠﻢ ﻭﻗﻌﺪ ﻳﺘﻮﻧﺲ ﻣﻊ ﻣﺤﻤﺪ ﺑﻌﺪ ﺷﻮﻳﻪ ﻗﺎﻡ ﻗﺎﻝ ﺣﻴﻨﺎﺩﻱ ﺍﻭﻻﺩﻭ ﺭﺟﻊ ﻭﻣﻌﺎﻫﻮ ﻭﻟﺪﻳﻦ ﺍﺷﺮ ﻋﻠﻰ ﺍﻻﻭﻝ ﻭﻛﺎﻥ ﺷﻜﻠﻮ ﺍﻻﻛﺒﺮ : ﺩﻩ ﺣﺴﺎﻡ ﻭﻟﺪﻱ ﻭﺍﻟﺘﺎﻧﻲ ﺩﻩ ﻫﺸﺎﻡ
ﺳﻠﻤﻮ ﻋﻠﻴﻬﻢ ﻭﻗﻌﺪﻭ ﻳﺘﻮﻧﺴﻮ ﺑﻌﺪ ﺷﻮﻳﻪ ﺟﻮ ﻭﻟﺪﻳﻦ ﺻﻐﺎﺭ ﻟﻲ ﻫﺸﺎﻡ : ﻋﻤﻮ ﻫﺸﺎﻡ ﻳﻼ ﻣﺶ ﻭﻋﺪﺗﻨﺎ
ﻫﺸﺎﻡ ﺿﺤﻚ : ﻫﻲ ﺍﻟﻠﻴﻠﻪ ﺻﻌﺐ ﻭﺑﻌﺪﻳﻦ ﻻﺯﻡ ﻧﺴﺘﺄﺫﻥ ﻣﻦ ﻣﺎﻣﺎ ﻓﻲ ﺍﻻﻭﻝ
ﺟﺎﺳﻢ : ﻣﺎﺷﺎﺀ ﺍﻟﻠﻪ ﺩﻳﻞ ﺍﻭﻻﺩ ﻣﻨﻮ ؟
ﻗﺒﻠﻮ ﻋﻠﻴﻬﻮ ﺍﻻﺗﻨﻴﻦ ﻭﺷﻬﻘﻮ : ﺑﺎﺑﺎ
ﻭﺟﺮﻭ ﻋﻠﻲ ﺟﺎﺳﻢ ﺣﻀﻨﻮﻫﻮ : ﺑﺎﺑﺎ ﺟﻴﺖ ﻣﺘﻴﻦ ﻭﻟﻲ ﻣﺎﻣﺎ ﻣﺎﻛﻠﻤﺘﻨﺎ
ﻫﺸﺎﻡ : ﺍﻳﺎﺩ ﻭﺯﻳﺎﺩ ﺯﺣﻮ ﻣﻦ ﻋﻤﻮ ﺟﺎﺳﻢ
ﺯﻳﺎﺩ ﻛﺸﺮ ﻭﺷﻮ : ﺩﻩ ﻣﺎ ﻋﻤﻮ ﺩﻩ ﺑﺎﺑﺎﻫﺸﺎﻡ : ﻳﺎﻭﻟﺪ ﺍﻧﺖ ﺟﻨﻴﺖ
ﺃﻳﺎﺩ : ﻋﻤﻮ ﻫﺸﺎﻡ ﺍﻧﺎ ﺍﺳﻤﻲ ﺍﻟﻜﺎﻣﻞ ﺃﻳﺎﺩ ﺟﺎﺳﻢ ﻣﺤﻤﺪ ﺍﻟﺼﻘﺮ
ﺟﺎﺳﻢ ﻓﺘﺢ ﺧﺸﻤﻮ ﻣﺨﻠﻮﻉ : ﻛﻴﻴﻒ ؟ ﻣﻴﻦ ؟
ﺯﻳﺎﺩ : ﺍﻳﻮﻩ ﻳﺎﺑﺎﺑﺎ ﻛﻴﻒ ﻣﺎﺑﺘﻌﺮﻓﻨﺎ ﻭﻣﺎﻣﺎ ﻗﺎﻟﺖ ﺍﻧﺖ ﻣﺴﺎﻓﺮ ﻭﺑﺘﻌﺮﻑ ﻛﻞ ﺣﺎﺟﻪ ﻋﻨﻨﺎ
ﺟﺎﺳﻢ : ﻣﺎﻣﺎ ﺍﺳﻤﻬﺎ ﻣﻨﻮ ؟
ﺯﻳﺎﺩ ﺿﺤﻚ : ﺑﺎﺑﺎ ﻧﺴﻴﺖ ﺍﺳﻢ ﻣﺎﻣﺎ ﻫﻲ ﺍﺳﻤﻬﺎ ﺭﻳﺮﻱ
ﺟﺎﺳﻢ ﻭﻗﻒ : ﻫﺸﺎﻡ ﺍﻣﻬﻢ ﺍﺳﻤﻬﺎ ﺍﻳﺮﻳﻨﻬﺸﺎﻡ ﻟﺴﻪ ﻣﺨﻠﻮﻉ ﻫﺰ ﺭﺍﺳﻮ ﺑﻲ ﺍﻳﻮﻩ
ﺟﺎﺳﻢ ﻗﺒﻞ ﻋﻠﻰ ﺍﺑﻮﻩ ﻛﺎﻥ ﻣﻨﺪﻣﺞ ﻓﻲ ﺍﻟﻜﻼﻡ ﻣﻊ ﺍﻟﻬﺎﺩﻱ ﻭﻣﺎ ﺍﻧﺘﺒﻪ ﻟﻠﺤﺎﺻﻠﺔ : ﻳﺎﺣﺎﺝ ﺍﻧﺎ ﺣﻄﻠﻊ ﺷﻮﻳﻪ
ﺳﺎﻕ ﺍﻳﺎﺩ ﻭﺯﻳﺎﺩ ﺑﻌﻴﺪ ﻣﻦ ﺍﺑﻮﻫﻮ : ﻭﺩﻭﻧﻲ ﻟﻲ ﻣﺎﻣﺎ
ﻓﺮﺣﻮ ﺍﻻﺗﻨﻴﻦ ﻭﺟﺮﻭ ﺑﻴﻬﻮ ﻛﻞ ﻭﺍﺣﺪ ﻣﺎﺳﻜﻮ ﻓﻲ ﻳﺪ ﺍﻭﻝ ﻣﺎﺷﺎﻓﻮ ﺍﻣﻬﻢ ﺑﻘﻮ ﻳﻨﺎﺩﻭﻫﺎ : ﻳﺎﻣﺎﻣﺎ .... ﻳﺎﻣﺎﻣﺎ
ﺷﺎﻓﺘﻬﻢ ﻭﺍﺗﺼﺪﻣﺖ ﻭﻣﺎﺣﺴﺖ ﺍﻻ ﻭﻫﻲ ﺑﺘﻘﻊ ﻋﻠﻲ ﺍﻻﺭﺽ ﺟﺎﺳﻢ ﻓﻚ ﺍﻭﻻﺩﻭ ﻭﺟﺮﻯ ﻋﻠﻴﻬﺎ ﺷﺎﻟﻬﺎ ﻭﻣﺸﻰ ﻟﻰ ﻏﺮﻓﻪ ﻓﻲ ﻃﺮﻑ ﺍﻟﺼﺎﻟﻪ ﻟﻘﻰ ﻓﻴﻬﺎ ﻛﻨﺒﻪ ﺭﻗﺪﻫﺎ ﻋﻠﻴﻬﺎ ﺷﺎﻑ ﻛﺒﺎﻳﻪ ﻓﻮﻕ ﺍﻟﺘﺮﺑﻴﺰﻩ ﺷﺎﻻ ﻭﺭﺵ ﺍﻟﻤﻮﻳﻪ ﻓﻲ ﺭﻳﺮﻱ ﺻﺤﺖ ﻟﻘﺖ ﺟﺎﺳﻢ ﺷﻬﻘﺖ ﻭﺑﻘﺖ ﺗﺒﻌﺪﻭ ﻣﻨﻬﺎ : ﺯﺡ ﻣﻨﻲ ﺍﺑﻌﺪ .
ﺯﻳﺎﺩ ﻛﺎﻥ ﻭﺍﻗﻒ ﺑﻌﻴﺪ ﻭﺧﺎﻳﻒ ﻣﻦ ﻣﻨﻈﺮ ﺍﻣﻮ : ﻣﺎﻣﺎﺭﻳﺮﻱ ﺑﻘﺖ ﺗﺒﻜﻲ : ﺍﻣﺸﻲ ﻳﺎﺯﻳﺎﺩ ﻟﻲ ﺗﻴﺘﺎ
ﺯﻳﺎﺩ ﻫﺰ ﺭﺍﺳﻮ ﺑﻲ ﻻ ﻣﺸﻰ ﻋﻠﻰ ﺟﺎﺳﻢ ﻭﺿﺮﺑﻮ : ﺯﺡ ﻣﻦ ﻣﺎﻣﺎ ﺍﻧﺤﻨﺎ ﻣﺎﻋﺎﻳﺰﻳﻨﻚ ﺧﻼﺹ ﻟﻲ ﺗﺨﻠﻴﻬﺎ ﺗﺒﻜﻲ
ﺭﻳﺮﻱ ﺑﻜﺎﻫﺎ ﺯﺍﺩ ﻛﻞ ﺍﻟﻌﺬﺍﺏ ﺭﺟﻊ ﻟﻴﻬﺎ ﻓﻲ ﻟﺤﻈﻪ ﺍﺗﺬﻛﺮﺕ ﻇﻠﻤﻬﻢ ﻟﻴﻬﺎ ﺿﺮﺏ ﻋﻤﻬﺎ ﻭﺍﻏﺘﺼﺎﺏ ﺟﺎﺳﻢ ﻭﻻﺩﺗﻬﺎ ﻭﻫﻲ ﺑﺮﺍﻫﺎ ....
ﺟﺎﺳﻢ ﻗﺎﻋﺪ ﻓﻲ ﺍﻻﺭﺽ ﻭﻳﺪﻳﻨﻮ ﻓﻮﻕ ﺭﺍﺳﻮ ﻛﻞ ﺩﻩ ﻣﺎﻗﺎﺩﺭ ﻳﺼﺪﻗﻮ ﺣﺎﺳﺲ ﺍﻧﻮ ﺑﻴﺤﻠﻢ : ﻛﻴﻒ ﻳﺎ ﺭﻳﺮﻱ ؟ ﺍﻟﻘﺎﻙ ﻭﻣﻌﺎﻙ ﺍﻭﻻﺩ؟ ﻣﺴﺘﺤﻴﻞ ﻳﻜﻮﻧﻮ ﺍﻭﻻﺩﻱ؟
ﺍﻭﻝ ﻣﺎﺳﻤﻌﺖ ﻛﻼﻣﻮ ﺟﺎﺗﻬﺎ ﻗﻮﺓ ﺧﻠﺘﻬﺎ ﺗﻘﺮﺏ ﻣﻨﻮ ﻭﺗﻀﺮﺑﻮ ﺑﻲ ﻳﺪﻳﻨﻬﺎ ﺍﻻﺗﻨﻴﻦ ﻓﻲ ﺻﺪﺭﻭ : ﺍﻳﺎﻙ ﻳﺎﺟﺎﺳﻢ ... ﺍﻳﺎﻙ ﺗﻈﻠﻤﻨﻲ ﺗﺎﻧﻲ ﻣﺎﺗﺼﻞ ﻟﻠﺪﺭﺟﻪ ... ﺳﻜﺘﺖ ﺷﻮﻳﻪ ... ﻻ ﻣﻌﺎﻛﻢ ﺑﺘﺼﻞ ﻟﻮ ﺷﺎﻛﻲ ﻓﻲ ﺍﺑﻮﺗﻚ ﻟﻴﻬﻢ ﻣﻤﻜﻦ ﺗﻌﻤﻞ ﺗﺤﻠﻴﻞ DNA ﺑﻴﺜﺒﺖ ﻟﻴﻚ
ﺟﺎﺳﻢ ﻛﺎﻥ ﻣﻘﺘﻨﻊ ﺍﻧﻮ ﻣﺎﺣﻴﻜﻮﻥ ﻋﻨﺪﻭ ﺍﻭﻻﺩ ﻓﻲ ﻳﻮﻡ ﻭﺩﻩ ﺍﻟﺴﺒﺐ ﺍﻟﺨﻼﻫﻮ ﻳﻘﻮﻝ ﻣﺴﺘﺤﻴﻞ ﻭﺍﺗﺼﺪﻡ ﺑﻌﺪ ﺳﻤﻊ ﻛﻼﻣﻬﺎ ﺑﺲ ﺍﺩﺍﻫﺎ ﺍﻟﻌﺬﺭ ﺍﻟﻌﻤﻠﻮ ﻓﻴﻬﺎ ﻣﺎﺷﻮﻳﻪ : ﺑﺲ ﺍﻧﺎ ﻭﺍﺛﻖ ﻓﻴﻚ
ﺭﻓﻌﺖ ﺭﺍﺳﻬﺎ ﺑﻲ ﺻﺪﻣﻪ ﻣﺎ ﺍﺗﻮﻗﻌﺖ ﺍﻟﺮﺩ ﺩﻩ : ﺷﻨﻮ ؟ﺟﺎﺳﻢ : ﺍﻳﻮﻩ ﻃﺎﻟﻤﺎ ﻗﻠﺘﻲ ﺍﻭﻻﺩﻱ ﻳﺒﻘﻮ ﺍﻭﻻﺩﻱ
ﺍﺳﺘﻮﻋﺐ ﻛﻼﻣﻮ ﺑﻌﺪ ﻗﺎﻟﻮ : ﺍﻭﻻﺩﻱ ... ﺃﺷﺮ ﻋﻠﻰ ﻧﻔﺴﻮ ... ﺍﻧﺎ ﻋﻨﺪﻱ ﺍﻭﻻﺩ ﻳﻌﻨﻲ ﻣﺎﻋﻘﻴﻤﺒﻘﻰ ﻳﻀﺤﻚ ﻭﺩﻣﻮﻋﻮ ﻧﺰﻟﺖ : ﻳﺎﺍﺍﺍﺍﺍﺍﺍﺍﺍﺍﺍﺍﺍﻟﻠﻪ
ﻗﺎﻡ ﻭﺳﺠﺪ ﺳﺠﺪﺓ ﺷﻜﺮ ...
ﺭﻳﺮﻱ ﺑﺘﻌﺎﻳﻦ ﻭﻣﺴﺘﻐﺮﺑﻪ ﻓﻲ ﺗﺼﺮﻓﺎﺗﻮ ... ﺟﺎﺳﻢ ﻗﺎﻡ ﻭﻣﺸﻰ ﻋﻠﻰ ﺯﻳﺎﺩ ﺣﻀﻨﻮ ﻭﺑﻘﻰ ﻳﺒﻮﺱ ﻓﻴﻬﻮ ﻭﻳﺸﻢ ﺭﻳﺤﺘﻮ : ﺍﺣﻤﺪﻙ ﻳﺎﺭﺏ
ﺯﻳﺎﺩ ﺑﻲ ﻣﻨﻈﺮ ﺍﺑﻮﻫﻮ ﺧﺎﻑ ﻭﺑﻘﻰ ﻳﺒﻜﻰ ﻭﻫﻮ ﺑﻴﻠﺰﻭ ﻋﺸﺎﻥ ﻳﺒﻌﺪ ﻣﻨﻮ
ﺭﻳﺮﻱ ﺟﺎﺕ ﻭﻓﻜﺘﻮ : ﺟﺎﺳﻢ ﺧﻮﻓﺖ ﺍﻟﻮﻟﺪ ... ﺯﻳﻮﺩﻱ ﺍﻣﺸﻲ ﻟﻲ ﺍﺧﻮﻙ ﺑﺮﻩ
ﺯﻳﺎﺩ : ﺣﺎﺿﺮ ﻳﺎﻣﺎﻣﺎ .
ﺑﻌﺪ ﻃﻠﻊ ﻗﺒﻠﺖ ﻋﻠﻰ ﺟﺎﺳﻢ : ﺍﺑﻌﺪ ﻣﻨﻲ ﻭﻣﻦ ﺍﻭﻻﺩﻱ ﺍﻧﺖ ﻣﺎﻟﻴﻚ ﻋﻼﻗﻪ ﺑﻴﻬﻢ .
ﺟﺎﺳﻢ : ﻛﻴﻒ ﻣﺎﻟﻲ ﻋﻼﻗﻪ ﺑﻴﻬﻢ ؟ ﺍﻧﺖ ﺟﺒﺘﻴﻬﻢ ﺑﺮﺍﻙ؟
ﺭﻳﺮﻱ ﺑﻴﻲ ﺳﺨﺮﻳﻪ : ﻻ ﻣﺎﺟﺒﺘﻬﻢ ﺑﺮﺍﻱ ﺑﺲ ﺷﻜﻠﻚ ﻧﺴﻴﺖ ﺟﺒﺘﻬﻢ ﻛﻴﻒ ﻭﻻ ﺍﺫﻛﺮﻙ
❤ ﻻ ﺗﻠﻬﻴﻜﻢ ﻋﻦ ﺍﻟﺼﻼﺓ

#ايرين
-٣٠-
ﺟﺎﺳﻢ ﻃﻨﺶ ﻛﻼﻣﻬﺎ ﺍﻻﺧﻴﺮ ﻭﻫﻮ ﻣﻘﺮﺭ ﺍﻧﻮ ﻋﻤﺮﻭ ﻣﺎﺣﻴﺒﻌﺪ ﻋﻦ ﺍﻭﻻﺩﻭ : ﺭﻳﺮﻱ ﺍﻧﺎ ﻛﻴﻒ ﻫﻢ ﻋﺮﻓﻮﻧﻲ ﺑﺎﻟﺮﻏﻢ ﻣﻦ ﺍﻧﻬﻢ ﻋﻤﺮﻫﻢ ﻣﺎﺷﺎﻓﻮﻧﻲ؟؟
ﺭﻳﺮﻱ : ﻣﺎﻣﻦ ﺣﻘﻚ ﺍﻻﺟﺎﺑﻪ ﺑﺲ ﺑﻘﻮﻝ ﻟﻴﻚ ... ﺯﻳﺎﺩ ﻛﺎﻥ ﺑﻴﺴﺎﻝ ﻟﻲ ﻣﺎﻋﻨﺪﻱ ﺑﺎﺑﺎ ﻑ ﺍﺿﻄﺮﻳﺖ ﻳﻮﻡ ﺍﺩﺧﻞ ﺻﻔﺤﺘﻚ ﻓﻲ ﺍﻟﻔﻴﺲ ﻭﺍﺧﺪﺕ ﺻﻮﺭﺗﻚ ﻭﻭﺭﻳﺘﻬﻢ ﻟﻴﻬﺎ ﺣﻜﻴﺖ ﻟﻴﻬﻢ ﻋﻨﻚ ﻭﻗﻠﺖ ﻣﺴﺎﻓﺮ ﻭﻣﺎﻗﺎﺩﺭﻳﻦ ﻧﺼﻞ ﻟﻴﻬﻮ ﻣﺎﻛﻨﺖ ﻣﺘﻮﻗﻌﻪ ﺍﻧﻬﻢ ﺣﻴﺸﻮﻓﻮﻙ ﻗﻠﺖ ﺑﻌﺪ ﻳﻜﺒﺮﻭ ﺑﺮﺍﻫﻢ ﺣﻴﻔﺘﺸﻮ ﺍﺑﻮﻫﻢ ..
ﺟﺎﺳﻢ : ﺍﻳﻮﺍﺍ .. ﺑﺲ ﺣﺎﺟﻪ ﻭﺍﺣﺪﻩ ﻻﺯﻡ ﺗﻌﺮﻓﻴﻬﺎ ﻃﺎﻟﻤﺎ ﻫﻢ ﻋﻴﺎﻟﻲ ﻓﻤﺴﺘﺤﻴﻞ ﺍﺑﻌﺪ ﻋﻨﻬﻢ ﺍﻧﺎ ﻣﺎﺻﺪﻗﺖ ﺑﻌﺪ ﺍﻟﻴﺄﺱ ﺍﻟﻜﻨﺖ ﻓﻴﻬﻮ ﻭﻇﺮﻭﻓﻲ ﺍﻟﻌﺎﻳﺶ ﻓﻴﻬﺎ ﺣﺎﻟﻴﺂ ﺗﺠﻴﻨﻲ ﻓﺮﺣﻪ ﻣﻦ ﺭﺑﻨﺎ ﻭﻋﺎﻳﺰﺍﻧﻲ ﺍﺑﻌﺪ
ﺭﻳﺮﻱ : ﺑﺲ ﺍﻧﺎ ﻣﺎﻋﺎﻳﺰﺍﻙ ﻓﻲ ﺣﻴﺎﺗﻲ ؟
ﺟﺎﺳﻢ ﺑﻲ ﺳﺨﺮﻳﻪ : ﺣﻴﺎﺗﻚ ﺍﺷﺒﻌﻲ ﺑﻴﻬﺎ ﺑﺲ ﺍﻭﻻﺩﻱ ﻣﺎﺑﺒﻌﺪ ﻋﻨﻬﻢ ... ﺍﺭﺗﺎﺣﻲ ﻣﺎﺑﺰﻋﺠﻚ ﺑﺲ ﻋﻠﻴﻚ ﺍﻟﻠﻪ ﺧﻠﻴﻨﻲ ﺑﻲ ﺭﺿﺎﻙ ﺍﻛﻮﻥ ﻓﻲ ﺣﻴﺎﺗﻬﻢ
ﺭﻳﺮﻱ ﻓﻜﺮﺕ ﻓﻲ ﺍﻭﻻﺩﻫﺎ ﻫﻢ ﻣﺤﺘﺎﺟﻴﻦ ﻟﻲ ﺍﺏ ﻛﻤﺎﻥ : ﺍﻭﻛﻲ ﻳﺎﺟﺎﺳﻢ ﺑﺲ ﻟﻠﻤﻌﻠﻮﻣﻴﻪ ﻫﻢ ﺑﺘﻴﻦ ﻭﻭﻟﺪﻳﻦ
ﺟﺎﺳﻢ ﻓﺘﺢ ﺧﺸﻤﻮ ﺑﺎﻟﺼﺪﻣﻪ : ﻛﻴﻒ ؟
ﺭﻳﺮﻱ ﻛﺎﻧﺖ ﻣﺎﺳﻜﺔ ﺿﺤﻜﺘﻬﺎ ﻋﻠﻰ ﺷﻜﻠﻮ : ﺍﻳﻮﻩ ﺍﺭﺑﻌﻪ ﺗﻮﺍﺋﻢ ﺯﻳﺎﺩ ﻭﺁﻳﺎﺩ ﻭﻧﻮﻥ ﻭﻧﻮﺭ
ﺟﺎﺳﻢ ﺗﺎﻧﻲ ﺳﺠﺪ ﺷﻜﺮ ﻭﺍﻟﻤﺮﺓ ﺩﻱ ﺑﻜﻰ ﻭﻫﻮ ﺳﺎﺟﺪ ﻓﻀﻞ ﺩﻗﺎﺋﻖ ﻃﻮﻳﻠﺔ ﺑﻴﺸﻜﺮ ﺭﺑﻨﺎ
ﺭﻳﺮﻱ : ﺟﺎﺳﻢ ﻗﻮﻡ
ﻗﺎﻡ ﻣﺴﺢ ﺩﻣﻮﻋﻮ ﻭﻗﻌﺪ : ﺭﻳﺮﻱ ﺍﻟﻠﻪ ﻳﺮﺿﻰ ﻋﻠﻴﻚ ﻣﺎﺗﺤﺮﻣﻴﻨﻲ ﻣﻦ ﺍﻭﻻﺩﻱ ﺍﻧﺎ ﻋﺎﻳﺰ ﺍﻛﻮﻥ ﻓﻲ ﺣﻴﺎﺗﻬﻢ ﺑﻲ ﺭﺿﺎﻙ .. ﻋﺎﺭﻑ ﻇﻠﻤﺘﻚ ﻭﺍﻫﻠﻲ ﻇﻠﻤﻮﻛﻲ ﺑﺲ ﻋﺸﺎﻥ ﺍﻭﻻﺩﻧﺎ ﻣﺎﺣﻘﻮﻝ ﺍﻧﺴﻲ ﺑﺲ ﺍﺗﻨﺎﺳﻲ ﻣﺎﺗﺴﺎﻣﺤﻴﻨﻲ ﻷﻧﻲ ﻣﺎﺳﺎﻣﺤﺖ ﻧﻔﺴﻲ 😓
ﺳﻜﺘﺖ ﻣﺎﻋﺮﻓﺖ ﺗﺮﺩ ﺗﻘﻮﻝ ﺷﻨﻮ ﻓﻲ ﻗﻠﺒﻬﺎ ﺣﺎﺟﺎﺕ ﻛﺘﻴﺮﻩ ﺑﺲ ﻣﺎ ﺍﺗﻌﻮﺩﺕ ﺗﻌﺎﺗﺐ ﻣﺠﺮﻭﺣﻪ ﻣﻨﻬﻢ ﻛﻠﻬﻢ ﻣﺎﻋﺎﺭﻓﻪ ﺍﺫﺍ ﺣﺘﻘﺪﺭ ﻓﻲ ﻳﻮﻡ ﺗﺴﺎﻣﺢ ﺑﺲ ﺯﻱ ﻣﺎﻗﺎﻝ ﻋﺸﺎﻥ ﺍﻭﻻﺩﻭ ﺣﺘﺘﻨﺎﺳﻰ ﺑﺲ ﻣﺎﺣﺘﻨﺴﻰ
ﻟﻤﺎ ﺷﺎﻓﻬﺎ ﺳﻜﺘﺖ ﻭﻣﺎﺭﺩﺕ ﻗﺮﺏ ﻣﻨﻬﺎ ﻭﻣﺴﻚ ﻳﺪﻫﺎ ﺍﻧﺘﻔﻀﺖ ﻭﻓﻜﺖ ﻳﺪﻫﺎ ﻣﻨﻮ : ﻣﺎﺗﻠﻤﺴﻨﻲ
ﺯﺡ ﻭﻗﺎﻝ ﻟﻴﻬﺎ : ﺍﺳﻒ
ﺭﻳﺮﻱ : ﺍﻧﺖ ﺣﺎﻟﻴﺂ ﻣﺎﻋﻨﺪﻙ ﺧﺎﻧﻪ ﻓﻲ ﺣﻴﺎﺗﻲ ﺑﺲ ﺣﺘﻜﻮﻥ ﺍﺏ ﻟﻲ ﺍﻭﻻﺩﻱ ﻣﺎ ﺍﻛﺘﺮ ﺧﻠﻴﻚ ﻣﺘﺬﻛﺮ ﺩﻩ
ﺟﺎﺳﻢ : ﺧﻴﺮ .. ﻣﺎﺣﺘﺮﺟﻌﻲ ﺍﻟﺴﻮﺩﺍﻥ؟
ﺭﻳﺮﻱ : ﻟﻘﻴﺖ ﻓﻲ ﺍﻟﺴﻮﺩﺍﻥ ﺷﻨﻮ ﻋﺸﺎﻥ ﺍﺭﺟﻊ ؟
ﺟﺎﺳﻢ : ﻃﻴﺐ ﺭﺍﺣﺘﻚ ﻋﺎﻯ ﺍﻟﻌﻤﻮﻡ ﺍﻧﺎ ﺣﻨﻘﻞ ﺷﻐﻠﻲ ﻫﻨﺎ ﻭﻣﺎ ﺣﺮﺟﻊ ﻃﺎﻟﻤﺎ ﺍﻧﺘﻮ ﻫﻨﺎ
ﺭﻳﺮﻱ : ﺭﺍﺣﺘﻚ ﺩﻱ ﺣﺎﺟﻪ ﻣﺎﺑﺘﺨﺼﻨﻲ
ﺟﺎﺳﻢ : ﻃﻴﺐ ﻣﻤﻜﻦ ﺗﺤﻜﻲ ﻟﻲ ﻋﻦ ﺍﻭﻻﺩﻱ ؟
ﺭﻳﺮﻱ : ﺍﻣﻤﻤﻢ ﻃﻴﺐ ﺍﻧﺖ ﺷﻔﺖ ﺯﻳﺎﺩ ﻭﺁﻳﺎﺩ ﻟﻸﺳﻒ ﺑﺸﺒﻬﻮﻙ ﻓﻲ ﺍﻟﺸﻜﻞ ﺑﺲ ﺃﻳﺎﺩ ﺍﺧﺪ ﻟﻮﻥ ﻋﻴﻨﻲ ﺑﻲ ﺩﻩ ﺣﺘﻘﺪﺭ ﺗﻔﺮﻕ ﺑﻴﻨﺎﺗﻬﻢ ﻭﻏﻴﺮ ﻛﺪﻩ ﺯﻳﺎﺩ ﺷﺨﺼﻴﺘﻮ ﻗﻮﻳﻪ ﻭﻣﺎﺑﺨﺎﻑ ﻭﺃﻳﺎﺩ ﺷﻮﻳﻪ ﺧﺠﻮﻝ ﻧﻮﺭ ﻭﻧﻮﻥ ﺑﻴﺘﺸﺎﺑﻬﻮ ﻓﻲ ﻛﻞ ﺷﻲ ﻟﻮﻧﻬﻢ ﺍﺑﻴﺾ ﻭﺷﻌﺮﻫﻢ ﻟﻮﻧﻮ ﺑﻨﻲ ﻭﻋﻴﻮﻧﻬﻢ ﺑﻨﻴﻪ ﺑﺲ ﻧﻮﺭ ﺷﻘﻴﻪ ﻭﻋﻨﺪﻫﺎ ﻟﺜﻐﻪ ﻓﻲ ﻛﻼﻣﻬﺎ ﻭﻧﻮﻥ ﻫﺎﺩﻳﻪ ﻭﺻﻮﺕ ﻧﺎﺩﺭ ﻣﺎﺑﻴﺴﻤﻊ ﺩﻱ ﺣﺎﺟﻪ ﺑﺴﻴﻄﻪ ﺑﺲ ﻣﺼﻴﺮﻙ ﺗﻌﺮﻑ ﻋﻨﻬﻢ ﺍﻛﺘﺮ
ﺟﺎﺳﻢ : ﺍﻥ ﺷﺎﺀ ﺍﻟﻠﻪ
ﺭﻳﺮﻱ : ﺟﺎﺳﻢ ﺍﻧﺖ ...
ﻗﺒﻞ ﺗﺘﻢ ﻛﻼﻣﻬﺎ ﺟﻮ ﺍﻭﻻﺩﻫﺎ ﺍﻻﺭﺑﻌﻪ ﺩﺍﺧﻠﻴﻦ
ﺯﻳﺎﺩ : ﺑﺎﺑﺎ ﺷﻮﻑ ﺟﺒﻨﺎ ﻧﻮﺭ ﻭﻧﻮﻥ ﻋﺸﺎﻥ ﻳﺴﻠﻤﻮ ﻋﻠﻴﻚ
ﻧﻮﺭ ﻭﻫﻲ ﺑﺘﺮﻗﺺ ﺟﺴﻤﻬﺎ ﻭﺧﺎﺗﻪ ﻳﺪﻫﺎ ﻓﻲ ﺧﺸﻤﻬﺎ : ﺑﺎﺑﺎ ﻟﻮ ﺷﺎﺗﻞ ﺍﻋﻠﻒ ﺍﻧﺎ ﻣﻨﻮ؟ ‏) ﻟﻮ ﺷﺎﻃﺮ ﺍﻋﺮﻑ ﺍﻧﺎ ﻣﻨﻮ ‏(
ﺟﺎﺳﻢ ﺑﻲ ﺍﻟﻠﺜﻐﻪ ﻋﺮﻓﻬﺎ : ﺍﻛﻴﺪ ﻧﻮﺭ
ﻓﺮﺣﺖ ﻭﺻﻔﻘﺖ ﻳﺪﻳﻨﻬﺎ : ﺑﺎﺑﺎ ﻋﻠﻔﻨﻲ
ﺟﺎﺳﻢ ﺃﺷﺮ ﻋﻠﻰ ﻧﻮﻥ : ﻭﺍﻟﺤﻠﻮﻩ ﺩﻱ ﻧﻮﻥ
ﻧﻮﺭ ﺯﻋﻠﺖ : ﺍﺳﻤﻌﻨﻲ ﺗﺪﻭﻝ ﻧﻮﻥ ﺣﻠﻮﻩ ﻭﺍﻧﺎ ﻣﺎﺣﻠﻮﻩ
ﺟﺎﺳﻢ ﻓﺘﺢ ﻳﺪﻳﻨﻮ : ﺍﻻﺗﻨﻴﻦ ﺣﻠﻮﺍﺕ ﺗﻌﺎﻟﻮ
ﺟﺮﻭ ﺍﻻﺗﻨﻴﻦ ﻭﺣﻀﻨﻮ ﺑﺎﺳﻬﻢ ﻭﺿﻤﺎﻫﻢ ﻋﻠﻴﻮ ﻭﻫﻮ ﻣﺎﻣﺼﺪﻕ ﺣﺎﺳﺲ ﺍﻧﻮ ﺑﻴﺤﻠﻢ ﺧﺎﻳﻒ ﻳﺼﺤﻰ ﻭﻳﻠﻘﺎﻫﻢ ﻣﺎﻓﻲ ... ﻛﺎﻥ ﺩﺍﻳﻤﺂ ﺑﻲ ﻳﺤﺲ ﺑﻲ ﻗﻠﺒﻮ ﻓﺎﺿﻲ ﺍﻭﻝ ﻣﺮﻩ ﻳﻜﻮﻥ ﻣﻠﻴﺎﻥ ﺷﻌﻮﺭ ﻣﺎﻋﺎﻳﺰ ﻳﻔﻘﺪﻭ : ﻳﺎﺭﺏ ﻣﺎﻳﻜﻮﻥ ﺣﻠﻢ
ﺭﻳﺮﻱ : ﻣﺎﺣﻠﻢ ﺣﻘﻴﻘﻪ ... ﻗﺒﻠﺖ ﻋﻠﻲ ﺯﻳﺎﺩ : ﺯﻳﻮﺩ ﺍﻗﺮﺹ ﺑﺎﺑﺎ ﻋﺸﺎﻥ ﻫﻮ ﻣﺎﻣﺼﺪﻕ ﺍﻧﻜﻢ ﻣﻌﺎﻫﻮ
ﻣﺎﺻﺪﻕ ﺯﻳﺎﺩ ﺟﺎ ﻗﺮﺹ ﺍﺑﻮﻫﻮ ﺷﺪﻳﺪ ﻭﻫﻮ ﺑﻴﻀﺤﻚ
ﺟﺎﺳﻢ : ﺍﺍﺥ ﻳﺎﻭﻟﺪ ﺑﺮﺍﺣﻪ ﺍﻧﺎ ﺍﺑﻮﻙ
ﺯﻳﺎﺩ : ﺻﺪﻗﺖ ﻳﺎﺑﺎﺑﺎ ﻭﻻ ﺍﻗﺮﺻﻚ ﺗﺎﻧﻲ
ﺟﺎﺳﻢ ﺿﺤﻚ : ﺻﺪﻗﺖ ... ﻭﺍﻟﻠﻪ ﺻﺪﻗﺖ
ﻧﻮﺭ ﺑﺎﺳﺘﻮ ﻋﻠﻰ ﺧﺪﻭ : ﺑﺎﺑﺎ ﺣﺒﻴﺒﻲ ﺍﺩﺕ ﻟﻴﺖ ﺯﻳﻮﺩﻱ ؟
ﺟﺎﺳﻢ ﻣﺎﻓﻬﻢ ﻛﻼﻣﻬﺎ ﻗﺒﻞ ﻋﻠﻲ ﺭﻳﺮﻱ ﻑ ﺗﺮﺟﻤﺖ ﻟﻴﻬﻮ : ﻗﺎﻟﺖ ﻟﻴﻚ ﺍﺩﻕ ﻟﻴﻚ ﺯﻳﺎﺩ؟
ﺟﺎﺳﻢ ﺑﺎﺳﻬﺎ : ﻳﺎﻋﻴﻮﻧﻲ ﺍﻧﺘﻲ ﺍﺣﺴﻦ ﻣﻦ ﺍﺧﻮﻛﻲ ... ﻻ ﺣﺒﻴﺒﺘﻲ ﻣﺎﺗﺪﻗﻴﻬﻮ
ﺭﻳﺮﻱ : ﺍﻧﺎ ﺣﺨﻠﻴﻜﻢ ﻭﺍﻃﻠﻊ ﺍﺗﺎﺧﺮﺕ ﻋﻠﻲ ﻓﻴﺼﻞ
ﺟﺎﺳﻢ : ﻃﻴﺐ
ﻃﻠﻌﺖ ﺍﻭﻝ ﻣﺎﻭﻗﻔﺖ ﺟﻢ ﻓﻴﺼﻞ ﺑﻘﻰ ﻳﺸﺎﻛﻠﻬﺎ ﻋﺸﺎﻥ ﻃﻮﻟﺖ ﻣﻨﻮ ﻭﻫﻮ ﻣﺘﻮﺗﺮ ﺿﺤﻜﺖ ﻋﻠﻴﻬﻮ ﻭﻫﺪﺗﻮ ..
ﺍﻧﺘﻬﻰ ﺍﻟﻌﺮﺱ ﺍﻡ ﺍﻳﺮﻳﻦ ﻭﺗﻴﺘﺎ ﻭﻧﻨﻮ ﻋﺮﻓﻮ ﺑﻲ ﺟﻴﺔ ﺟﺎﺳﻢ ﻣﺎﺍﺗﻜﻠﻤﻮ ﻣﻊ ﺭﻳﺮﻱ ﻋﺸﺎﻥ ﺩﻱ ﺣﻴﺎﺗﻬﺎ ﻭﻫﻲ ﻣﺎﺻﻐﻴﺮﻩ ﻃﻮﺍﻟﻲ ﺍﺧﺪﻭ ﻋﺮﺑﻴﻪ ﻭﺭﺟﻌﻮ ﺍﻟﺒﻴﺖ ...
ﺟﺎﺳﻢ ﻛﺎﻥ ﻓﻲ ﺍﻟﻐﺮﻓﻪ ﺿﺮﺏ ﻟﻴﻬﻮ ﺍﺑﻮﻫﻮ ﻳﺴﺎﻝ ﻋﻨﻮ ﺟﺎﺳﻢ ﻗﺎﻝ ﻟﻴﻬﻮ ﻳﺠﻲ ﻟﻴﻬﻮ ﻋﻨﺪﻭ ﺣﺎﺟﻪ ﻻﺯﻡ ﻳﺸﻮﻓﻬﺎ
ﻣﺤﻤﺪ ﺟﺎ ﺩﺍﺧﻞ ﻟﻘﻰ ﻭﻟﺪﻭ ﻗﺎﻋﺪ ﻣﻊ ﺷﻔﻊ : ﺑﺎﻟﻠﻪ ﺳﺎﻳﺐ ﺍﻟﻌﺮﺱ ﻭﺗﻠﻌﺐ ﻣﻊ ﺷﻔﻊ
ﺟﺎﺳﻢ ﻭﻗﻒ ﻭﻗﺮﺏ ﻣﻨﻮ : ﺍﺑﻮﻱ ﺩﻳﻞ ﻋﻴﺎﻟﻲ
ﻣﺤﻤﺪ : ﻫﻮﻱ ﻳﺎﻭﻟﺪ ﺷﺮﺑﺖ ﺣﺎﺟﻪ ﻣﻦ ﺑﺘﺎﻋﺖ ﺍﻟﻜﻔﺎﺭ ﺩﻳﻞ ؟؟
ﺟﺎﺳﻢ : ﻭﺍﻟﻠﻪ ﻋﻴﺎﻟﻲ ﻣﻦ ﺍﻳﺮﻳﻦ
ﻣﺤﻤﺪ : ﺍﻳﺮﻳﻦ ؟؟؟ ﺟﺎﺳﻢ ﺍﻧﺖ ﺑﻘﻴﺖ ﻃﻮﻟﻲ ﻣﺎﺗﺨﻠﻴﻨﻲ ﺍﺷﻴﻞ ﺷﺒﺸﺒﻲ ﻭﺍﺿﺮﺑﻚ
ﺟﺎﺳﻢ ﻧﺎﺩﻯ ﺯﻳﺎﺩ : ﺗﻌﺎﻝ ﻗﻮﻝ ﻟﻴﻬﻮ ﺍﺳﻤﻚ ﺑﺎﻟﻜﺎﻣﻞ ﻭﺍﺳﻢ ﺍﻣﻚ؟
ﺯﻳﺎﺩ : ﺍﻧﺎ ﺯﻳﺎﺩ ﺟﺎﺳﻢ ﻣﺤﻤﺪ ﺍﻟﺼﻘﺮ ﻭﻣﺎﻣﺎ ﺍﻳﺮﻳﻦ ﻣﺼﻄﻔﻲ ﺍﻟﺼﻘﺮ
ﻣﺤﻤﺪ : ﻛﻴﻒ ﻭﻗﻠﺖ ﻟﻲ ﺍﻧﻚ ﻋﻘﻴﻢ ؟ ﻭﻣﺘﻴﻦ ؟
ﺟﺎﺳﻢ : ﺍﻧﺎ ﻣﺎﻋﻘﻴﻢ ﺷﺬﻯ ﻛﺬﺑﺖ ﻋﻠﻴﻨﺎ ﺑﺲ ﺩﻱ ﻗﻀﺔ ﺗﺎﻧﻴﻪ .. ﻭﻣﺘﻴﻦ ﻛﻴﻒ ﻳﺎﺍﺑﻮﻱ ﺍﻧﺎ ﻋﺮﺳﺖ ﺍﻳﺮﻳﻦ ﻣﻦ ﺳﻨﻴﻦ
ﻣﺤﻤﺪ : ﺟﺎﺳﻢ ﺑﺮﺍﺣﻪ ﻋﻠﻰ ﺍﺑﻮﻙ ﻻﻧﻲ ﻋﻨﺪﻱ ﻗﻠﺐ ﻣﺎﺗﻨﺴﻰ
ﺟﺎﺳﻢ ﺳﺎﻗﻮ ﻭﻗﻌﺪﻭ ﻓﻲ ﻛﺮﺳﻲ : ﺍﺑﻮﻱ ﺍﻳﺮﻳﻦ ﻟﻤﺎ ﻃﻠﻌﺖ ﻣﻦ ﺑﻴﺘﻨﺎ ﺟﺎﺕ ﻫﻨﺎ ﻭﻛﺎﻧﺖ ﺣﺎﻣﻞ ﻭﺟﺎﺑﺖ ﺍﺭﺑﻌﻪ ﺑﺘﻴﻦ ﻭﻭﻟﺪﻳﻦ ... ﺃﺷﺮ ﻋﻠﻲ ﺍﻭﻻﺩﻭ : ﺯﻳﺎﺩ ﻭﺃﻳﺎﺩ ﻧﻮﺭ ﻭﻧﻮﻥ .. ﺗﻌﺎﻟﻮ ﺳﻠﻤﻮ ﻋﻠﻰ ﺟﺪﻭ
ﺟﻮ ﺑﺎﺳﻮ ﻓﻲ ﺭﺍﺳﻮ ﻭﻳﺪﻭ ﻭﺣﻀﻨﻮ .. ﻣﺤﻤﺪ ﺍﻧﺒﺴﻂ ﻣﻦ ﻃﺮﻳﻘﺔ ﺳﻼﻣﻬﻢ : ﺍﻟﻠﻪ ﻳﺮﺿﻰ ﻋﻠﻴﻜﻢ
❤ ﻻ ﺗﻠﻬﻴﻜﻢ ﻋﻦ ﺍﻟﺼﻼﺓ

#ايرين
-٣١-
- ﺍﻣﻲ ﺍﻧﺎ ﺟﺒﺘﻬﻢ ﻟﻴﻚ ﻋﺸﺎﻥ ﺗﻔﺮﺣﻲ ﻣﺎﺗﺒﻜﻲ
ﻧﻌﻤﺎﺕ : ﻣﺎﻣﺼﺪﻗﻪ ﻳﺎﺟﺎﺳﻢ .... ﺳﺎﻣﺤﻨﻲ ﻳﺎﻭﻟﺪﻱ ﻟﻮ ﻣﺎ ﺍﻟﻌﻤﻠﺘﻮ ﻓﻴﻬﺎ ﻛﺎﻥ ﺯﻣﺎﻥ ﺍﻭﻻﺩﻙ ﻋﺎﻳﺸﻴﻦ ﻓﻲ ﺣﻀﻨﻚ
ﺟﺎﺳﻢ ﻓﻜﺮ ﻓﻲ ﺩﻩ ﺑﺲ ﻣﺎﺩﺍﻳﺮ ﻳﺒﻴﻦ ﻟﻴﻬﺎ ﻛﻔﺎﻳﺔ ﻣﺮﺿﻬﺎ : ﺩﻩ ﻗﺪﺭ ﻳﺎ ﺃﻣﻲ ﻣﻜﺘﻮﺏ ﻟﻲ ﻗﺒﻞ ﺍﺗﻮﻟﺪ ﻭﺍﻟﺤﻤﺪ ﻟﻠﻪ ﺷﻔﺘﻬﻢ ﻗﺒﻞ ﺍﻣﻮﺕ
ﻧﻌﻤﺎﺕ : ﺑﻌﻴﺪ ﺍﻟﺸﺮ ﻋﻨﻚ
ﺟﺎﺳﻢ : ﺍﻟﻤﻮﺕ ﻣﺎﺷﺮ ﻳﺎﺃﻣﻲ
ﻧﻌﻤﺎﺕ : ﺣﺒﺎﻳﺒﻲ ﻳﺎﻧﺎﺱ ﺍﻟﻠﻪ ﻳﺨﻠﻴﻜﻢ ﻭﻳﺤﻔﻈﻜﻢ .... ﻭﺣﺘﺮﺟﻊ ﺑﻴﻬﻢ ﺍﻟﺴﻮﺩﺍﻥ
ﺟﺎﺳﻢ : ﻻ ﺣﻌﻴﺶ ﻫﻨﺎ ﺟﻨﺒﻬﻢ
ﻧﻌﻤﺎﺕ ﺍﺗﺼﺪﻣﺖ : ﻛﻴﻒ ﻳﻌﻨﻲ ؟ ﻟﻴﻪ ﻣﺎﺗﺎﺧﺪﻫﻢ ؟
ﺟﺎﺳﻢ : ﻭﺍﻣﻬﻢ ؟
ﻧﻌﻤﺎﺕ : ﻛﻔﺎﻳﻪ ﺣﺮﻣﺘﻚ ﻣﻨﻬﻢ ﺧﻤﺴﻪ ﺳﻨﻴﻦ . ﺍﺧﺪﻫﻢ ﻣﻨﻬﺎ
ﺟﺎﺳﻢ ﺻﺮﺥ : ﺍﻣﻲ ﺩﻩ ﺷﻨﻮ ﺍﻟﻜﻼﻡ ﺩﻩ
ﺯﻳﺎﺩ ﺑﺎﻟﺮﻏﻢ ﻣﻦ ﻋﻤﺮﻭ ﺍﻟﺼﻐﻴﺮ ﺑﺲ ﻛﺎﻥ ﻧﺒﻴﻪ ﻭﻓﻬﻢ ﻛﻼﻡ ﻧﻌﻤﺎﺕ : ﺑﺎﺑﺎ ﺭﺟﻌﻨﺎ ﻟﻲ ﻣﺎﻣﺎ
ﺟﺎﺳﻢ : ﺯﻳﺎﺩ ﻟﻴﻪ ﻣﺎﻋﺎﻳﺰ ﺗﻘﻌﺪ ﻣﻊ ﺣﺒﻮﺑﻪ؟
ﺯﻳﺎﺩ : ﻻ ﻣﺎﻋﺎﻳﺰ ﻭﺗﺎﻧﻲ ﻣﺎﺑﺠﻲ
ﺃﻳﺎﺩ ﻭﻧﻮﺭ ﻭﻧﻮﻥ ﻣﺎﻓﺎﻫﻤﻴﻦ ﺑﺲ ﺍﻟﺒﻌﻤﻠﻮ ﺯﻳﺎﺩ ﺑﻴﻌﻤﻠﻮ ﻣﻌﺎﻫﻮ : ﻭﺍﻧﺤﻨﺎ ﻛﻤﺎﻥ
ﺟﺎﺳﻢ ﺍﺗﻀﺎﻳﻖ ﻋﺮﻑ ﺍﻧﻮ ﺯﻳﺎﺩ ﻓﻬﻢ ﻛﻼﻡ ﺍﻣﻮ : ﺍﺭﺗﺤﺘﻲ ﺑﺎﺃﻣﻲ
ﻧﻌﻤﺎﺕ : ﻣﺎﻗﺼﺪﺕ
ﺟﺎﺳﻢ : ﻭﻻ ﺗﻘﺼﺪﻱ ﻣﺎﻓﺎﺭﻗﻪ ... ﻣﺎﺣﺘﺘﻐﻴﺮﻱ ﻳﺎﺃﻣﻲ ﻭﺩﻩ ﺑﺨﻠﻴﻨﻲ ﺍﺻﺮ ﻋﻠﻰ ﻗﻌﺎﺩﻱ ﻫﻨﺎ ﺍﺧﺎﻑ ﺗﻌﻤﻠﻲ ﺣﺎﺟﻪ ﺗﺒﻌﺪﻫﻢ ﺗﺎﻧﻲ ﺧﻤﺴﻪ ﺳﻨﻴﻦ ﺳﺎﻋﺘﻬﺎ ﺣﻤﻮﺕ ﺑﺠﺪ
ﻧﻌﻤﺎﺕ : ﺟﺎﺳﻢ ﺑﺘﻘﻮﻝ ﻟﻲ ﺍﻣﻚ ﺍﻟﻜﻼﻡ ﺩﻩ
ﺑﺎﺱ ﺭﺍﺳﻬﺎ ﻭﻳﺪﻫﺎ : ﺳﺎﻣﺤﻴﻨﻲ ﻳﺎﺃﻣﻲ ﻏﺼﺒﺂ ﻋﻨﻲ ﻷﻧﻲ ﺗﻌﺒﺖ ﻭﻋﺎﻳﺰ ﺍﺭﺗﺎﺡ ﻭﺍﻓﺮﺡ ﺯﻱ ﺑﻘﻴﺖ ﺍﻟﻨﺎﺱ ﺣﺮﺍﻡ ﺍﻛﻮﻥ ﻣﺒﺴﻮﻁ
ﻧﻌﻤﺎﺕ : ﺍﻟﻠﻪ ﻳﺒﺴﻄﻚ ﻳﺎﻭﻟﺪﻱ ﻭﺍﻋﺮﻑ ﻣﻬﻤﺎ ﻋﻤﻠﺖ ﺍﻧﺎ ﺭﺍﺿﻴﻪ ﻋﻨﻚ ﺩﻧﻴﺎ ﻭﺍﺧﺮﺓ
ﻛﻼﻡ ﺍﻣﻮ ﺭﻳﺤﻮ ﺳﻠﻢ ﻋﻠﻴﻬﺎ ﻭﺳﺎﻗﻬﻢ ﻭﻃﻠﻊ .....
**************
- ﺍﻭﻭﻭﻭﻭﻭﻭﻭﻭﻭﻑ
- ﺍﻳﺮﻳﻦ
- ﻳﺎﻣﺎﻣﺎ ﺍﺗﺎﺧﺮﻭ ﺷﺪﻳﺪ
ﺍﻡ ﺍﻳﺮﻳﻦ ﺯﻫﺠﺖ ﻣﻨﻬﺎ ﻟﻴﻬﺎ ﺳﺎﻋﺘﻴﻦ ﻣﺎﺷﻪ ﻭﺟﺎﻳﻪ ﻗﺪﺍﻣﻬﻢ : ﻳﺎﺑﺖ ﻟﻔﻴﺘﻲ ﺭﺍﺳﻲ ﺍﻗﻌﺪﻱ ﻓﻲ ﻣﻜﺎﻥ ﻭﺍﺣﺪ
ﺗﻴﺘﺎ : ﺍﺗﺮﺯﻋﻲ ﻳﺎﺑﺖ ﺩﻩ ﺍﻧﺘﻲ ﺩﻭﺷﺘﻴﻨﻲ ﺭﺍﻳﺤﻪ ﻭﺟﺎﻳﻪ
ﻗﻌﺪﺕ ﻭﺑﻘﺖ ﺗﻬﺰ ﺭﺟﻠﻬﺎ ﺗﻴﺘﺎ ﺷﺎﻟﺖ ﺍﻟﻌﺼﺎﻳﻪ ﻭﺿﺮﺑﺘﻬﺖ ﻓﻲ ﺭﺟﻠﻬﺎ : ﺍﺍﺍﺍﺍﺍﺍﺍﺍﻩ ﻟﻴﻪ ﺑﺲ
ﺗﻴﺘﺎ : ﺍﻳﻪ ﺑﻘﻰ ﺧﻠﻴﺘﻨﻲ ﺍﺗﻬﺰ ﻣﻌﺎﻛﻲ ﺍﻫﻤﺪﻱ
ﺭﻳﺮﻱ ﺷﻮﻳﻪ ﻭﺗﺒﻜﻲ : ﻃﻠﻌﻮ ﻣﻦ ﺍﻟﺼﺒﺢ ﻭﺍﻟﺴﺎﻋﻪ ﻣﺎﺷﻪ ﻋﻠﻲ 6 ﺩﻭﻝ ﺍﻛﺘﺮ ﻣﻦ 10 ﺳﺎﻋﺎﺕ ... ﺷﻬﻘﺖ ... ﺗﻴﺘﺎ ﻳﻜﻮﻥ ﺧﻄﻔﻬﻢ ﻭﺳﺎﻓﺮ
ﺿﺮﺑﺘﻬﺎ ﺗﺎﻧﻲ : ﺍﻧﺘﻲ ﺍﻛﻴﺪ ﺍﺗﺠﻨﻨﺘﻲ ﺩﻩ ﺑﺴﺒﺐ ﺍﻟﺮﻭﺍﻳﺎﺕ ﺍﻟﻲ ﺩﺍﻳﻤﺂ ﺑﺘﻘﺮﻱ ﻓﻴﻬﺎ ... ﺍﻳﻪ ﺧﻄﻔﻬﻢ ﺩﻱ ﻳﻜﻮﻥ ﺍﺧﺪﻫﻢ ﻳﻔﺴﺤﻬﻢ ﻭﻻ ﺣﺎﺟﻪ ..
ﺭﻳﺮﻱ : ﻃﻴﺐ ﻛﻔﺎﻳﻪ ﺿﺮﺏ ﻳﺎﺗﻴﺘﺎ ﺩﻱ ﺑﺘﻮﺟﻊ ﺍﻭﻭﻱ
ﺗﻴﺘﺎ : ﻣﺎﺷﻲ ﻣﺎﺷﻲ ﺑﺲ ﺍﺳﻜﺘﻲ ﻭﺍﻗﻌﺪﻱ ﻓﻲ ﻣﻜﺎﻥ ﻭﺍﺣﺪ ...
ﺭﺑﻊ ﺳﺎﻋﻪ ﺟﺎﺳﻢ ﺟﺎ ﻭﺳﺎﻳﻖ ﺍﻻﻭﻻﺩ ﺍﻭﻝ ﻣﺎﺷﺎﻑ ﻣﻨﻈﺮ ﺍﻳﺮﻳﻦ : ﻗﺒﻞ ﻣﺎﺗﻘﻮﻟﻲ ﺣﺎﺟﻪ ﺣﺤﻜﻲ ﻟﻴﻜﻲ ﺑﺲ ﺑﻌﺪ ﻣﺎ ﺍﻻﻭﻻﺩ ﻳﻄﻠﻌﻮ ﻏﺮﻓﻬﻢ
ﺍﻡ ﺍﻳﺮﻳﻦ ﻭﺗﻴﺘﺎ ﺳﺎﻗﻮﻫﻢ ﻭﻃﻠﻌﻮ ... ﺭﻳﺮﻱ ﻗﺒﻠﺖ ﻋﻠﻴﻬﻮ : ﺍﻧﺖ ﻛﻴﻒ ﺗﺎﺧﺪﻫﻢ ﺍﻟﻮﻗﺖ ﺩﻩ ﻛﻠﻮ ؟ ﻭﻣﺎﺣﺎﻭﻟﺖ ﺣﺘﻰ ﺗﺘﺼﻞ ﻭﺍﺿﺮﺏ ﻓﻲ ﺗﻠﻔﻮﻧﻚ ﺍﻟﻘﻰ ﻣﻘﻔﻮﻝ؟
ﺟﺎﺳﻢ : ﺍﻗﻌﺪﻱ ﺍﻭﻝ ﻭﺍﺳﺘﻬﺪﻱ ﺑﺎﻟﻠﻪ
ﺭﻳﺮﻱ : ﺍﻫﺎ ﻗﻌﺪﺕ ﺍﺣﻜﻲ
ﺟﺎﺳﻢ : ﺑﻌﺪ ﻃﻠﻌﻨﺎ ﻣﻦ ﺍﻟﻤﺴﺘﺸﻔﻰ ﻃﻠﺒﻮ ﻳﻤﺸﻮ ﺍﻟﻤﻼﻫﻲ ﺣﺎﻭﻟﺖ ﺍﻗﻨﻌﻬﻢ ﻧﻤﺸﻲ ﻳﻮﻡ ﺗﺎﻧﻲ ﺑﺲ ﺍﺻﺮﻭ ﻭﻛﻨﺖ ﻋﺎﻳﺰ ﺍﺿﺮﺏ ﻟﻘﻴﺖ ﺗﻠﻔﻮﻧﻲ ﻓﺎﺻﻞ ﺷﺤﻦ ... ﺍﺳﻒ ﻋﻠﻰ ﺍﻟﻘﻠﻖ ﺍﻟﺴﺒﺒﺘﻮ ﻟﻴﻚ
ﺭﻳﺮﻱ ﻫﺪﺕ ﻻﻧﻬﺎ ﻋﺎﺭﻓﻪ ﻋﻨﺎﺩ ﺍﻭﻻﺩﻫﺎ : ﺣﺼﻞ ﺧﻴﺮ ﺑﺲ ﺗﺎﻧﻲ ﻟﻮ ﻃﻠﻌﺖ ﺍﺿﺮﺏ ﻟﻲ ﻣﻦ ﺍﻱ ﺗﻠﻔﻮﻥ ﻋﻤﻮﻣﻲ
ﺟﺎﺳﻢ : ﺍﻥ ﺷﺎﺀ ﺍﻟﻠﻪ
ﺑﻘﻰ ﻛﻞ ﻳﻮﻡ ﻳﺠﻲ ﻭﻳﺎﺧﺪ ﺍﻻﻭﻻﺩ ﻳﻔﺴﺤﻬﻢ ﻭﻋﺮﻓﺖ ﺍﻧﻮ ﺧﺎﻟﺘﻲ ﻧﻌﻤﺎﺕ ﻣﺎﺷﻪ ﻓﻲ ﺗﺤﺴﻦ ﻓﻲ ﻣﺮﺓ ﺟﺎ ﻫﺸﺎﻡ ﺍﻟﺒﻴﺖ ﻗﺒﻞ ﺟﺎﺳﻢ ﻭﻛﻨﺎ ﻗﺎﻋﺪﻳﻦ ﺑﻨﻠﻌﺐ ﻣﻊ ﺍﻟﺸﻔﻊ ﻭﻛﺎﻟﻌﺎﺩﺓ ﺯﻳﺎﺩ ﻭﻫﺸﺎﻡ ﻓﻲ ﻣﻨﺎﻗﺮﺍﺕ ﺑﻲ ﺳﺒﺐ ﺍﻟﻐﺶ ﻫﺸﺎﻡ : ﻳﺎﻭﻟﺪ ﺍﻧﺎ ﺍﻛﺒﺮ ﻣﻨﻚ ﻛﻴﻒ ﺗﻘﻮﻝ ﻟﻲ ﻏﺸﺎﺵ
ﺯﻳﺎﺩ : ﻭﺍﻟﻠﻪ ﻏﺸﻴﺖ
ﺟﺎﺳﻢ ﺟﺎ ﺩﺍﺧﻞ : ﺍﻟﺴﻼﻡ ﻋﻠﻴﻜﻢ
ﻛﻠﻨﺎ ﺑﻌﺪ ﺭﺩﻳﻨﺎ ﺍﻟﺴﻼﻡ ﺯﻳﺎﺩ ﻗﺎﻝ ﻟﻲ ﺍﺑﻮﻫﻮ ﻳﺠﻲ ﻳﻠﻌﺐ ﻣﻌﺎﻫﻮ ﺑﺪﻝ ﻫﺸﺎﻡ
ﻫﺸﺎﻡ : ﻛﻮﻳﺲ ﻳﺎﺯﻳﺎﺩ ﺑﻌﺘﻨﻲ ﺑﺎﻟﺴﺎﻫﻞ ﺍﺣﺴﻦ ﺍﺗﻮﻧﺲ ﻣﻊ ﺭﻳﺮﻱ
ﺟﺎ ﺟﻨﺒﻲ ﻭﺑﻘﺔ ﻳﺘﺠﻨﻦ ﻟﻲ ﻭﻳﺤﻜﻲ ﻟﻲ ﻧﻜﺎﺕ ﻋﺠﻴﻴﺒﻪ ﺍﻇﻦ ﺃﻟﻔﻬﺎ ﻣﻦ ﺭﺍﺳﻮ : 😂😂😂😂😂😂 ﻫﺸﺎﻡ ﺍﺳﻜﺖ ﺑﻄﻨﻲ ﻣﺎﻣﺴﺘﺤﻤﻠﻪ
ﻫﺸﺎﻡ ﺳﻜﺖ ﻭﺑﻘﻰ ﻳﻌﺎﻳﻦ ﻟﻲ ﻭﺍﻧﺎ ﺑﻀﺤﻚ ﻣﺎﺍﻧﺘﺒﻬﺖ ﻟﻴﻬﻮ ﺍﺻﻶ ﺑﺲ ﺟﺎﺳﻢ ﻻﺣﻆ ﻑ ﻗﺎﻡ ﻭﺟﺎ ﻗﻌﺪ ﺟﻨﺐ ﻫﺸﺎﻡ ﺿﺮﺑﻮ ﺑﺐ ﻗﻮﻩ ﻓﻲ ﻛﺘﻔﻮ : ﺍﺯﻳﻚ ﻳﺎﻫﺸﺎﻡ ؟؟
ﻫﺸﺎﻡ ﺍﻟﻀﺮﺑﻪ ﻭﺟﻌﺘﻮ ﻣﺴﻚ ﻛﺘﻔﻮ : ﺍﻱ .. ﺧﻒ ﻳﺪﻙ ﺷﻮﻳﻪ .. ﺍﻧﺎ ﺑﺨﻴﺮ ﺍﻟﺤﻤﺪ ﻟﻠﻪ
ﺟﺎﺳﻢ : ﺍﻧﺖ ﺷﻐﺎﻝ ﺷﻨﻮ ؟ﺍﺻﻠﻲ ﺩﺍﻳﻤﺂ ﺷﺎﻳﻔﻚ ﻋﺎﻃﻞ ؟
ﻫﺸﺎﻡ : ﺍﻧﺎ ﺩﻛﺘﻮﺭ ﻭﺣﺎﻟﻴﺂ ﺍﺟﺎﺯﺗﻲ ﺍﻟﺴﻨﻮﻳﻪ
ﺟﺎﺳﻢ : ﺩﻛﺘﻮﺭ ﺷﻨﻮ ؟ ﻣﺎﺗﻜﻮﻥ ﺗﺠﻤﻴﻞ ؟؟
ﻫﺸﺎﻡ : ﺍﻧﺎ ﺩﻛﺘﻮﺭ ﺟﺎﻣﻌﻲ ﻋﺎﻣﻞ ﺩﻛﺘﻮﺭﺍﺓ
ﺍﻟﺠﻮ ﺍﺗﻜﻬﺮﺏ ﺑﻴﻨﻬﻢ ﺍﻻﺗﻨﻴﻦ ﺍﺿﻄﺮﻳﺖ ﺍﺗﺪﺧﻞ : ﺯﻳﻮﺩﻱ ﺳﻮﻕ ﺑﺎﺑﺎ ﻟﻲ ﺍﺧﻮﺍﻧﻚ
ﻭﺍﻇﻦ ﺑﺪﻝ ﺍﻛﺤﻠﻬﺎ ﻋﻤﻴﺘﻬﺎ ﻻﻧﻮ ﺟﺎﺳﻢ ﻭﻟﻊ ﺯﻳﺎﺩﺓ : ﺭﻳﺮﻱ ﺍﻧﺎ ﻭﻗﺖ ﻋﺎﻳﺰ ﺍﺷﻮﻓﻬﻢ ﺑﻘﻮﻝ
ﺍﻭﻭﻭﻭﻑ ﻣﻨﻚ : ﻃﻴﺐ ﻳﺎﺟﺎﺳﻢ ﺭﺍﺣﺘﻚ
ﻫﺸﺎﻡ ﻗﺒﻞ ﻋﻠﻲ : ﻳﺎﻗﻤﺮ ﻣﺎﻗﻠﺘﻲ ﻣﻮﺍﻓﻘﻪ ﻋﻠﻲ ﺍﻟﻄﻠﻌﻪ ؟
ﺭﻳﺮﻱ : ﻣﺎﺣﺴﻲ ﻳﺎﻫﺸﺎﻡ ﻋﺎﺭﻑ ﺍﻧﺎ ﻣﻌﺮﺿﻲ ﺍﻟﺠﺪﻳﺪ ﻗﺮﺏ ﻭﺑﺠﻬﺰ ﻟﻴﻬﻮ
ﺟﺎﺳﻢ : ﺍﻧﺘﻲ ﺑﺘﻌﻤﻠﻲ ﻣﻌﺎﺭﺽ ؟؟
ﻫﺸﺎﻡ ﺍﺳﺘﻐﺮﺏ : ﻣﺎﻋﺎﺭﻑ ؟ ﺩﻱ ﻟﻮﺣﺎﺗﻬﺎ ﺑﻘﺖ ﻣﺸﻬﻮﺭﺓ ﻭﻣﺮﻏﻮﺑﻪ ﺟﺪﺁ
ﺟﺎﺳﻢ ﺑﻘﻰ ﻳﻌﺎﻳﻦ ﻟﻲ ﺑﻨﻈﺮﺍﺕ ﻏﺮﻳﺒﻪ : ﻣﺎﺷﺎﺀ ﺍﻟﻠﻪ
❤ ﻻ ﺗﻠﻬﻴﻜﻢ ﻋﻦ ﺍﻟﺼﻼﺓ

#ايرين
-٣٢-
ﺑﺪﻝ ﻛﺎﻥ ﺑﻴﻄﻠﻊ ﻣﻊ ﺍﻟﻌﻴﺎﻝ ﺑﻘﺔ ﻳﻘﻌﺪﻭ ﻳﻠﻌﺒﻮ ﻓﻲ ﺍﻟﺒﻴﺖ ﻭﻫﺸﺎﻡ ﻣﻌﺎﻫﻢ ..
ﻓﻲ ﻳﻮﻡ ﻫﺸﺎﻡ ﻗﺎﻝ ﻣﺎﺟﺎﻱ ﻃﻮﺍﻟﻲ ﺟﺎﺳﻢ ﻗﺎﻝ ﻧﻄﻠﻊ ﻭﺍﺻﺮﻭ ﺍﻻﻭﻻﺩ ﺍﺟﻲ ﻣﻌﺎﻫﻢ ﻟﺒﺴﻨﺎ ﻭﻣﺸﻴﻨﺎ ﻋﻠﻰ ﺍﻟﻤﻼﻫﻲ ﺭﻛﺒﻨﺎ ﻛﻞ ﺍﻻﻟﻌﺎﺏ ﻭﺍﺷﺘﺮﻭ ﺍﻟﻌﺎﺏ ﻭﻓﺸﺎﺭ ﻭﺍﻳﺴﻜﺮﻳﻢ ﻟﻤﺎ ﻃﺎﻟﻌﻴﻦ ﺟﺎﺳﻢ ﻗﺎﻝ ﻟﻴﻨﺎ ﻧﻤﺸﻲ ﻣﻌﺎﻫﻮ ﺍﻟﺒﻨﻚ ﻋﻨﺪﻭ ﻗﺮﻭﺵ ﻣﺤﻮﻟﻪ ﻟﻴﻬﻮ ..
ﻭﺻﻠﻨﺎ ﺍﻟﺒﻨﻚ ﻭﻗﻔﻨﺎ ﺑﻌﻴﺪ ﺷﻮﻳﻪ ﻭﻫﻮ ﻣﺸﻰ ﻋﻠﻰ ﺍﻟﻌﻤﻴﻞ ﺑﺘﺎﻉ ﺍﻟﺒﻨﻚ ﺷﻮﻳﻪ ﺟﻮ ﺩﺍﺧﻠﻴﻦ ﺭﺟﺎﻝ ﻣﻜﻤﻤﻴﻦ ﻭﺷﻬﻢ ﺍﺗﺨﻠﻌﻨﺎ ﻭﺍﻟﺒﻨﺎﺕ ﺍﻟﻜﺎﻧﻮ ﻭﺍﻗﻔﻴﻦ ﺑﺪﻭ ﻳﺼﺮﺧﻮ ﺟﺎﺳﻢ ﺟﺎ ﻋﻠﻴﻨﺎ ﻭﺑﻘﺎﻧﺎ ﻭﺭﺍﻫﻮ ﻭﺍﻟﻌﻴﺎﻝ ﺧﺎﻳﻔﻴﻦ ﻭﻣﺎﺳﻜﻴﻦ ﻓﻴﻬﻮ
ﺻﺮﺧﻮ ﻓﻴﻨﺎ ﻧﻘﻴﻒ ﺑﻲ ﺟﻬﻪ ﻭﺍﺣﺪﺓ ﻛﻞ ﺍﻟﻨﺎﺱ ﺟﻮ ﻋﻠﻴﻨﺎ ﻃﻠﻌﻮ ﻣﻮﻇﻔﻴﻦ ﺍﻟﺒﻨﻚ ﻭﻗﻔﻮﻫﻢ ﻣﻌﺎﻧﺎ ....
ﻭﺍﺣﺪ ﻭﻗﻒ ﻗﺼﺎﺩﻧﺎ ﻭﺷﺎﻳﻞ ﻣﺴﺪﺱ ﻭﺍﻟﺒﺎﻗﻴﻦ ﻣﺸﻮ ﺟﻮﻩ ﺍﻟﺒﻨﻚ ..
ﻧﻮﻥ ﺑﺘﺨﺎﻑ ﻣﻦ ﺣﺎﺟﻪ ﺍﺳﻤﻬﺎ ﻣﺴﺪﺱ ﻟﻤﺎ ﺷﺎﻓﺖ ﺍﻟﺮﺍﺟﻞ ﺑﻘﺖ ﺗﺒﻜﻲ ﺑﻲ ﺍﻋﻠﻰ ﺻﻮﺕ ﺣﺎﻭﻟﺖ ﺍﻫﺪﻳﻬﺎ ﺑﺲ ﻣﺎﻑ ﻓﺎﻳﺪﻩ ﻭﺍﻟﺮﺍﺟﻞ ﻳﺼﺮﺥ ﻋﺎﻳﺰﺍ ﺗﺴﻜﺖ
- ﺩﻋﻴﻬﺎ ﺗﺼﻤﺖ ﺍﻭ ﺳﺄﺗﻲ ﺍﻟﻴﻬﺎ
ﻧﻮﻥ ﺳﻤﻌﺖ ﻛﻼﻣﻮ ﻭﺯﺍﺩﺕ ﺍﻟﺒﻜﺎ ﻭﻫﻮ ﺯﻫﺞ ﻭﻗﺮﺏ ﻣﻨﻨﺎ ﺍﻧﺎ ﺿﻤﻴﺘﻬﻢ ﻭﻣﺴﻜﺖ ﺟﺎﺳﻢ
ﺟﺎﺳﻢ : ﺗﻮﻗﻒ ﻭﺍﻳﺎﻙ ﺍﻥ ﺗﻘﺘﺮﺏ ﻣﻦ ﺍﺑﻨﺘﻲ .
ﺑﻲ ﺳﺨﺮﻳﻪ - ﻭﻣﺎﺫﺍ ﺳﺘﻔﻌﻞ ؟
ﺟﺎﺳﻢ ﺳﻜﺖ ﻃﻨﺸﻮ ﻭﺩﻧﻘﺮ ﻋﻠﻰ ﻧﻮﻥ ﺷﺎﻟﻬﺎ ﺣﻀﻨﻬﺎ ﻋﻠﻴﻬﻮ ﻭﺑﻘﻰ ﻳﻬﺪﻱ ﻓﻴﻬﺎ ﻭﻋﻴﻨﻮ ﻋﻠﻰ ﺍﻟﺮﺍﺟﻞ ﺑﻲ ﻏﻀﺐ ..
ﺑﻌﺪ ﺩﻗﺎﺋﻖ ﺳﺎﻗﻮﻧﺎ ﺩﺧﻠﻮﻧﺎ ﻏﺮﻓﻪ ﻓﺎﺿﻴﻪ ﻭﻗﻔﻠﻮ ﺍﻟﺒﺎﺏ ﺍﻟﻨﺎﺱ ﻳﺎﺩﻭﺏ ﺑﺪﺕ ﺗﺘﻜﻠﻢ ﻭﺗﺨﻤﻦ ﺣﻴﺤﺼﻞ ..
ﻧﻮﻥ ﻛﺎﻧﺖ ﻗﺎﻋﺪﻩ ﻓﻮﻕ ﺟﺎﺳﻢ ﻭﺯﻳﺎﺩ ﺑﻲ ﺟﻨﺒﻮ ﺍﻟﻴﻤﻴﻦ ﻭﺍﻧﺎ ﺍﻟﺸﻤﺎﻝ ﻭﺍﻳﺎﺩ ﺑﻲ ﺟﻨﺒﻲ ﺍﻟﺸﻤﺎﻝ ﻭﻧﻮﺭ ﻗﺎﻋﺪﺓ ﻓﻮﻗﻲ ..
ﻗﻌﺪﻧﺎ ﺳﺎﻋﻪ ﻭﺍﻻﻭﻻﺩ ﺯﻫﺠﻮ ﻭﺟﺎﻋﻮ ﺍﻟﺴﺎﻋﻪ ﻛﺎﻧﺖ ﻋﺎﻣﻠﻪ 9 ﻣﺴﺎﺀ ﻭﻫﻢ ﻗﺎﻋﺪﻳﻦ ﺑﺎﻟﻐﺪﺍ ...
ﺟﺎﺳﻢ ﻗﺒﻞ ﻋﻠﻰ ﺍﻧﺎ ﻛﻨﺖ ﻣﺘﻤﺎﺳﻜﻪ ﺑﺎﻟﻘﻮﻩ ﻣﺎﻋﺎﻳﺰﺓ ﺍﻧﻬﺎﺭ ﻗﺪﺍﻡ ﻋﻴﺎﻟﻲ .. ﺧﺖ ﻳﺪﻭ ﻓﻲ ﻛﺘﻔﻮ ﻭﺿﻤﺎﻧﻲ ﻋﻠﻴﻬﻮ : ﺍﻥ ﺷﺎﺀ ﺍﻟﻠﻪ ﺣﻨﻜﻮﻥ ﺑﺨﻴﺮ ﻭﻧﻄﻠﻊ ﻣﻦ ﻫﻨﺎ
ﻫﺰﻳﺖ ﺭﺍﺳﻲ ﺑﻲ ﺍﻳﻮﺍﺍ ﻋﺎﻳﻨﺖ ﻟﻲ ﻋﻴﺎﻟﻨﺎ ﻟﻘﻴﺘﻬﻢ ﻧﺎﻣﻮ : ﺟﺎﺳﻢ ﺍﻻﻭﻻﺩ ﻧﺎﻣﻮ
ﺟﺎﺳﻢ : ﺍﺣﺴﻦ ﺧﻠﻴﻬﻢ ﻧﺎﻳﻤﻴﻦ
ﺷﻮﻳﻪ ﻭﺍﻟﺒﺎﺏ ﻓﺘﺢ ﻭﻭﺍﺣﺪ ﻛﺎﻥ ﺑﻴﺼﻮﺭ ﻓﻴﻨﺎ ﺑﻌﺪ ﺧﻠﺺ ﺭﺟﻊ ﻗﻔﻞ ﺍﻟﺒﺎﺏ ..
ﺗﺎﻧﻲ ﺑﻌﺪ ﻧﺺ ﺳﺎﻋﻪ ﺟﻮ ﺍﺗﻨﻴﻦ ﺩﺧﻠﻮ ﻭﺍﺗﺠﻬﻮ ﻋﻠﻴﻨﺎ ﻣﺴﻜﻮ ﺍﻻﻭﻻﺩ ﻫﻨﺎ ﺟﺎﺳﻢ ﻏﻀﺐ ﻭﺑﻘﻰ ﻳﺴﺤﺒﻬﻢ ﺿﺮﺑﻮﻫﻮ ﺑﺎﻟﻤﺴﺪﺱ ﻓﻲ ﺭﺍﺳﻮ ﺍﻏﻤﻰ ﻋﻠﻴﻬﻮ ﻭﺍﻧﺎ ﺟﺮﻳﺖ ﻭﺭﺍ ﺍﻭﻻﺩﻱ ﺑﺒﻜﻲ ﻭﺑﺘﺮﺟﺎﻫﻢ ﻳﺨﻠﻮﻫﻢ ﻭﺍﻭﻻﺩﻱ ﺑﻴﻜﺮﻛﻮ ﻟﻲ ﻭﻟﻲ ﺍﺑﻮﻫﻢ ..
ﻃﻠﻌﻮ ﻭﻗﻔﻠﻮ ﺍﻟﺒﺎﺏ ﻣﺸﻴﺖ ﻋﻠﻰ ﺟﺎﺳﻢ ﻫﺒﺸﺖ ﺭﺍﺳﻮ ﻟﻘﻴﺖ ﺩﻡ ﻧﺎﺯﻝ ﻣﻨﻮ ﻓﻲ ﻭﺍﺣﺪﻩ ﻣﻦ ﺍﻟﻘﺎﻋﺪﻳﻦ ﺟﺎﺑﺖ ﻟﻲ ﻛﺒﺎﻳﺔ ﻣﻮﻳﺔ ﺷﻠﺘﻬﺎ ﻭﻗﻄﻌﺖ ﻣﻦ ﻃﺮﺣﺘﻲ ﺟﺰﻭ ﺑﻠﻴﺘﻬﺎ ﻭﻣﺴﺤﺖ ﻋﻠﻰ ﻭﺷﻮ ﺻﺤﻰ ﻭﺑﻌﺪ ﺷﻮﻳﻪ ﺍﺳﺘﻮﻋﺐ ﻗﺎﻡ ﻭﺟﺮﻯ ﻋﻠﻰ ﺍﻟﺒﺎﺏ ﻳﺪﻕ ﻭﻳﻜﻮﺭﻙ ﻋﺸﺎﻥ ﻳﻔﺘﺤﻮ ﻭﻳﺮﺟﻌﻮ ﺍﻻﻭﻻﺩ ﺑﻌﺪ ﻳﺄﺱ ﺟﺎ ﻗﻌﺪ ﺟﻨﺒﻲ .. ﺷﻠﺖ ﺍﻟﻘﻄﻌﻪ ﻭﺑﻠﻴﺘﻬﺎ ﺗﺎﻧﻲ ﻭﺧﺘﻴﺘﻬﺎ ﻓﻲ ﺭﺍﺳﻮ ﺍﻧﺘﻔﺾ ﺯﺡ ﻳﺪﻱ : ﺍﻧﺘﻲ ﻗﺎﻋﺪﺓ ﺑﻲ ﺑﺮﻭﺩ ﻛﺪﻩ ﻣﺎﻟﻚ ؟
ﺭﻳﺮﻱ : ﻟﻮ ﺑﻜﻴﺖ ﻭﻻ ﺻﺮﺧﺖ ﺯﻳﻚ ﺣﺴﺘﻔﻴﺪ ﺷﻨﻮ ؟ﺟﺎﺳﻢ ﺍﻫﺪﺍ ﺷﻮﻳﻪ ﺧﻠﻴﻨﺎ ﻧﻔﻜﺮ ﺑﻲ ﻋﻘﻞ
ﺟﺎﺳﻢ ﺳﻜﺖ ... ﺗﺎﻧﻲ ﺭﺟﻌﺖ ﺍﻟﻘﻄﻌﻪ ﻓﻲ ﺭﺍﺳﻮ ﻭﻣﺴﺤﺖ ﺍﻟﺪﻡ : ﺍﻟﻠﻬﻢ ﺍﻧﻲ ﺍﺳﺘﻮﺩﻋﻚ ﺍﻳﺎﻫﻢ ﻓﺎﺣﻔﻈﻬﻢ ﻟﻲ
ﺟﺎﺳﻢ : ﺍﻣﻴﻦ ... ﺧﺖ ﺭﺍﺳﻮ ﻓﻮﻕ ﺭﺟﻮﻟﻬﺎ : ﻳﺎﺭﺏ
ﻣﺴﺤﺖ ﻋﻠﻰ ﺭﺍﺳﻮ : ﺍﻳﻮﻩ ﻣﺎﻋﻨﺪﻧﺎ ﻏﻴﺮ ﺭﺑﻨﺎ
ﺑﻌﺪ ﺳﺎﻋﺎﺕ ﺍﻟﺸﺮﻃﻪ ﺟﺎﺕ ﻓﺘﺤﺖ ﺍﻟﻤﻜﺎﻥ ﻃﻮﺍﻟﻲ ﺟﺎﺳﻢ ﺟﺮﺍ ﻃﻠﻊ ﺑﺮﺍ ﻭﺍﻧﺎ ﻭﺭﺍﻫﻮ ﺑﻘﻰ ﻳﺴﺎﻝ ﺍﻟﺸﺮﻃﻪ ﻣﻦ ﻋﻴﺎﻟﻨﺎ ﺟﺎﻫﻮ ﻭﺍﺣﺪ ﻗﺎﻝ ﻟﻴﻬﻮ ﻗﺎﻋﺪﻳﻦ ﻓﻲ ﺍﻟﻌﺮﺑﻴﻪ ﻫﻨﺎﻙ ﻭﻗﺒﻞ ﻳﺘﻢ ﻛﻼﻣﻮ ﻛﻨﺎ ﺟﺮﻳﻨﺎ ﻋﻠﻰ ﺍﻻﺗﺠﺎﻩ ﺍﻷﺷﺮ ﻋﻠﻴﻬﻮ ﻓﺘﺤﻨﺎ ﺍﻟﺒﺎﺏ ﻟﻘﻴﻨﺎﻫﻢ ﻧﺎﻳﻤﻴﻦ ﺷﻠﻨﺎﻫﻢ ﻭﺭﺟﻌﻨﺎ ﺍﻟﺒﻴﺖ ﻣﻦ ﺍﻟﺨﻠﻌﻪ ﺍﻟﻔﻴﻨﺎ ﺭﻗﺪﻧﺎ ﻓﻲ ﻏﺮﻓﻪ ﺍﻟﻌﻴﺎﻝ ﺍﻧﺎ ﺿﺎﻣﻪ ﺍﺗﻨﻴﻦ ﻭﺟﺎﺳﻢ ﺿﺎﻣﻲ ﺍﺗﻨﻴﻦ ..
ﺻﺤﻴﺖ ﺍﻟﺼﺒﺎﺡ ﺑﻲ ﺻﻮﺕ ﺍﻣﻲ : ﺭﻳﺮﻱ ﻳﺎﺑﺖ ﻗﻮﻣﻲ
ﺭﻳﺮﻱ : ﺍﻳﻮﻩ ﻳﺎﺍﻣﻲ
ﺍﻡ ﺍﻳﺮﻳﻦ ﺑﻲ ﺻﻮﺕ ﻭﺍﻃﻲ : ﺟﺎﺳﻢ ﺑﻴﻌﻤﻞ ﻫﻨﺎ ﺷﻨﻮ ؟
ﺗﻌﺎﻟﻲ ﻳﺎﺍﻣﻲ ﺗﺤﺖ ﺑﺤﻜﻲ ﻟﻴﻜﻢ ﺍﻟﺤﺼﻞ ﻟﻴﻨﺎ ﺍﻣﺒﺎﺭﺡ ﺷﻨﻮ
ﻧﺰﻟﻨﺎ ﻟﻘﻴﻨﺎ ﺗﻴﺘﺎ ﻭﻧﻨﻮ ﺑﻴﻔﻄﺮﻭ ﺻﺒﺤﺖ ﻋﻠﻴﻬﻢ ﻭﻗﻌﺪﺕ ﺣﻜﻴﺖ ﻟﻴﻬﻢ ﻭﺍﻭﻝ ﻣﺎﺧﻠﺼﺖ ﻗﻠﺖ ﻟﻴﻬﻢ : ﻳﻼ ﺍﺗﺨﻠﻌﻮ ﺑﺮﺍﻛﻢ ﺍﻧﺎ ﻣﺎﺷﻪ ﺍﺗﻢ ﻧﻮﻣﺘﻲ ﻭﺍﺻﺤﻲ ﺟﺎﺳﻢ ﻳﻤﺸﻲ ﺷﻘﺘﻬﻢ ..
ﻃﻠﻌﺖ ﻋﺪﻟﺖ ﻋﻴﺎﻟﻲ ﻓﻲ ﺳﺮﺍﻳﺮﻫﻢ ﻭﺻﺤﻴﺖ ﺟﺎﺳﻢ ﺍﻭﻝ ﻣﺎﻓﺘﺢ ﻋﻴﻨﻮ ﺑﻘﻰ ﻳﺘﻔﻘﺪ ﺍﻟﻌﻴﺎﻝ ..
ﺭﻳﺮﻱ : ﺟﺎﺳﻢ ﺑﺴﻢ ﺍﻟﻠﻪ ﻛﻮﻳﺴﻴﻦ ﻣﺎﺗﺨﺎﻑ
ﺭﺟﻊ ﺧﺖ ﺭﺍﺳﻮ ﻓﻲ ﺍﻟﻤﺨﺪﺓ : ﺩﺧﻠﺖ ﻓﻴﻨﻲ ﺧﻠﻌﻪ ﻣﺎﺍﻇﻨﻬﺎ ﺗﻤﺮﻕ ﺗﺎﻧﻲ ... ﺍﻟﺤﻤﺪﻟﻠﻪ ﺭﺟﻌﻮ ﻟﻴﻨﺎ ﺳﺎﻟﻤﻴﻦ
ﺭﻳﺮﻱ : ﺍﻱ ﺍﻟﺤﻤﺪ ﻟﻠﻪ
ﺟﺎﺳﻢ : ﺭﻳﺮﻱ ﺑﻌﺪ ﺍﻟﺤﺼﻞ ﺩﻩ ﻳﺎﺭﻳﺖ ﺗﻔﻜﺮﻱ ﺗﺮﺟﻌﻲ ﺍﻟﺴﻮﺩﺍﻥ
ﺭﻳﺮﻱ : ﺩﻩ ﻣﻮﺿﻮﻉ ﺳﺎﺑﻖ ﻻﻭﺍﻧﻮ ﻳﻼ ﺍﻃﻠﻊ ﺍﻧﺎ ﻧﻌﺴﺎﻧﻪ ﻋﺎﻳﺰﺓ ﺍﺗﻢ ﻧﻮﻣﺘﻲ
ﺟﺎﺳﻢ ﻏﻤﺾ ﻋﻴﻮﻧﻮ : ﺍﻧﺎ ﺯﺍﺗﻲ ﻧﻌﺴﺎﻥ
ﺑﻘﺖ ﺗﻠﺰ ﻓﻴﻬﻮ : ﻗﻮﻡ ﺍﻣﺸﻲ ﺑﻴﺘﻜﻢ
ﻭﺟﺎﺳﻢ ﻳﺎﺟﺒﻞ ﻣﺎﻳﻬﺰﻙ ﺭﻳﺢ ﻣﺎﺍﺗﺤﺮﻙ ﻣﻦ ﻣﻜﺎﻧﻮ .. ﻛﺎﻧﺖ ﺑﺘﻠﺰﻭ ﺑﻲ ﻳﺪ ﻭﻣﺜﺒﺘﻪ ﻧﻔﺴﻬﺎ ﺑﻲ ﻳﺪ .. ﺿﺮﺑﻬﺎ ﻓﻲ ﻳﺪﻫﺎ ﺍﻟﻤﺜﺒﺘﻪ ﺑﻴﻬﺎ ﺟﺎﺕ ﻭﺍﻗﻌﻪ ﻓﻮﻕ ﺻﺪﺭﻭ ﺿﺮﺑﺘﻮ ﺷﺪﻳﺪ ﻭﻗﺎﻣﺖ
ﺟﺎﺳﻢ : ﺍﺍﺍﺍﺍﺍﺍﺍﺍﻩ 😅😅😅
ﺭﻳﺮﻱ ﺷﺎﻟﺖ ﺍﻟﺒﻄﺎﻧﻴﻪ ﻭﻏﺘﺘﻮ ﻛﻠﻮ : ﻧﻮﻡ ﺍﻧﺨﻤﺪ ﺍﻫﺎ
ﺟﺎﺳﻢ ﺗﺤﺖ ﺍﻟﺒﻄﺎﻧﻴﻪ ﻭﻳﻀﺤﻚ : ﻛﺘﻤﺘﻴﻨﻲ . ﺷﺎﻝ ﺍﻟﺒﻄﺎﻧﻴﻪ ﻭﻓﺘﺢ ﻭﺷﻮ ﻭﻫﻲ ﻣﺼﺮﺓ ﺗﻐﻄﻴﻬﻮ : ﻻ .... ﺷﺎﻟﺘﻬﺎ ﻭﻏﻄﺖ ﻭﺷﻮ : ﻧﻮﻡ ﺍﻧﺨﻤﺪ ﻗﻠﺖ ﻟﻴﻚ
ﺟﺎﺳﻢ ﺑﺎﻟﻀﺤﻚ ﻣﺎﻗﺎﺩﺭ ﻳﺘﻜﻠﻢ ﺷﺎﻝ ﺍﻟﺒﻄﺎﻧﻴﻪ ﻭﺗﺎﻧﻲ ﺭﺟﻌﺖ ﻏﻄﺘﻮ ..
ﺟﺎﺳﻢ : 😂😂😂 ﻃﻴﺐ ﺣﻨﻮﻡ ﺑﺲ ﻧﻮﻣﻲ ﺟﻨﺒﻲ
ﺍﻭﻝ ﻣﺎﺗﻢ ﻛﻼﻣﻮ ﺷﺎﻑ ﻳﺪﻫﺎ ﺍﺗﺮﻓﻌﺖ ﻣﺴﻜﻬﺎ : ﻻ ﺍﻟﻤﺆﻣﻦ ﻻ ﻳﻠﺪﻍ ﻣﻦ ﺟﺤﺮ ﻣﺮﺗﻴﻦ
ﺑﺲ ﺟﺎﺗﻮ ﺿﺮﺑﻪ ﺑﺎﻟﻴﺪ ﺍﻟﺘﺎﻧﻴﻪ ﻣﺪﺕ ﻟﺴﺎﻧﻬﺎ ﻭﻃﻠﻌﺖ ..
ﺟﺎﺳﻢ ﺿﺤﻚ ﻋﻠﻴﻬﺎ ﻭﺑﻲ ﺻﻮﺕ ﻭﺍﻃﻲ : ﺑﺤﺒﻚ ﻳﺎﺭﻳﺮﻱ ﻳﺎﺭﻳﺖ ﻟﻮ ﺗﺤﺴﻲ ﺍﺍﺍﺍﻩ ﺑﺲ ﻟﻮ ﻳﺮﺟﻊ ﺍﻟﺰﻣﻦ
ﺑﻌﺪ ﺍﻟﺤﺎﺩﺛﻪ ﺭﻳﺮﻱ ﻗﺮﺭﺕ ﺗﺮﺟﻊ ﺍﻟﺴﻮﺩﺍﻥ ﺧﺎﻓﺖ ﻋﻠﻲ ﻋﻴﺎﻟﻬﺎ ﻭﺑﺪﺕ ﺗﺠﻬﺰ ﻟﻠﺮﺟﻌﻪ ...
ﻧﻌﻤﺎﺕ ﺑﻌﺪ ﺍﻟﻜﻴﻤﺎﻭﻱ ﻗﺮﺭﻭ ﻟﻴﻬﺎ ﺍﻟﻌﻤﻠﻴﻪ ﻻﻧﻮ ﺍﻟﻮﺭﻡ ﺑﻘﻰ ﺻﻐﻴﺮ ﻭﺗﻤﺖ ﺍﻟﻌﻤﻠﻴﻪ ﻭﻧﺠﺤﺖ ﻭﺧﻼﺹ ﻫﻢ ﻛﻤﺎﻥ ﺣﻴﺮﺟﻌﻮﺍ ...
❤ ﻻ ﺗﻠﻬﻴﻜﻢ ﻋﻦ ﺍﻟﺼﻼﺓ

#ايرين
-٣٣-
ﻛﻨﺖ ﻧﺎﻭﻳﻪ ﺍﻋﻴﺶ ﻋﻤﺮﻱ ﻛﻠﻮ ﻫﻨﺎ ﺑﺲ ﺑﻌﺪ ﺍﻟﺤﺼﻞ ﻏﻴﺮﺕ ﺭﺃﻱ ﻭﻛﻠﻤﺖ ﻧﺎﺱ ﻣﺎﻣﺎ ﺍﻧﺒﺴﻄﻮ ﺷﺪﻳﺪ ﺑﺎﻻﺧﺺ ﺗﻴﺘﺎ ﻻﻧﻬﺎ ﺑﺘﻜﺮﻫﻢ ...
ﻛﻠﻤﻨﺎ ﺷﺮﻛﺔ ﺗﻨﻀﻒ ﻟﻴﻨﺎ ﺍﻟﺒﻴﺖ ﻭﺟﻬﺰﻧﺎ ﺣﺎﺟﺎﺗﻨﺎ ﻭﻗﺒﻞ ﻣﺎﺍﺭﻛﺐ ﺍﻟﻄﻴﺎﺭﺓ ﺿﺮﺑﺖ ﻟﻲ ﺳﻤﺮ
- ﺍﻟﻮﻭﻭﻭ
- ﺍﻟﻮ
- ﺳﻤﻮﻭﻭﺭﺓ ﺍﺯﻳﻚ؟
- ﺍﻳﻮﻩ ﻓﻲ ﺍﻟﻨﻬﺎﻳﻪ ﻣﻴﻦ ﻣﻌﺎﻱ ؟ﻭﺍﻟﻤﻮﺿﻮﻉ ﺍﻟﺪﺍﻗﻪ ﻓﻴﻬﻮ ﻣﻬﻢ ﻭﻻ ﻻ؟
- ﺳﻤﺮ ﺍﻧﺘﻲ ﻛﻨﺘﻲ ﻧﺎﻳﻤﻪ
- ﻳﺎﺷﻴﺨﻪ ﺍﻧﺘﻲ ﻣﻨﻮ ؟ ﻗﺒﻞ ﺍﺣﻈﺮﻙ
- ﺍﻧﺎ ﺍﻳﺮﻳﻦ
- ﻧﺪﻯ ﺑﻄﻞ ﻫﺒﻞ ﺍﻧﺘﻲ ﻋﺎﺭﻓﺎﻧﻲ ﻧﺎﻳﻤﻪ ﻋﺸﺎﻥ ﻛﺪﻩ ﻗﻠﺘﻲ ﺗﻀﺮﺑﻲ ﻭﺗﺴﺘﻬﺒﻠﻲ ﻋﻠﻲ ﻭﺑﻌﺪﻳﻦ ﺍﻟﺬﻛﺮﻙ ﺑﻲ ﺭﻳﺮﻱ ﺷﻨﻮ ﺩﻱ ﻣﻦ ﺳﺎﻓﺮﺕ ﻭﻟﻘﺖ ﻃﻮﻳﻞ ﺍﻟﻘﺎﻣﻪ ﻋﺮﻳﺾ ﺍﻟﻤﻨﻜﺒﻴﻦ ﺑﺎﻋﺘﻨﺎ .... ﻭ ﻗﻔﻠﺖ ﺍﻟﺨﻂ
ﺿﺤﻜﺖ ﻓﻲ ﺳﻤﺮ ﻋﻤﺮﻫﺎ ﻣﺎﺣﺘﺘﻐﻴﺮ ﺭﺳﻠﺖ ﻟﻴﻬﺎ ﺭﺳﺎﻟﻪ ﺑﺄﻧﻬﺎ ﺭﺍﺟﻌﻪ ﺍﻟﺴﻮﺩﺍﻥ ﻭﻻﺯﻡ ﺗﺴﺘﻘﺒﻠﻬﺎ ...
ﺟﺎﺳﻢ ﻭﺍﻣﻮ ﻭﺍﺑﻮ ﺭﺟﻌﻮ ﻗﺒﻞ ﻳﻮﻣﻴﻦ ﻭﺣﺴﻲ ﻛﻠﻤﺘﻮ ﻣﻴﻌﺎﺩ ﻃﻴﺎﺭﺗﻬﺎ ﻣﺘﻴﻦ ....
ﺑﻌﺪ ﺳﺎﻋﺎﺕ ﻣﺘﻌﺒﻪ ﻭﺻﻠﻮ ﺍﻟﺴﻮﺩﺍﻥ ﺧﻠﺼﻮ ﺍﻻﺟﺮﺍﺀﺍﺕ ﻭﻫﻢ ﻃﺎﻟﻌﻴﻦ ﺳﻤﻌﺖ ﺯﻭﻝ ﺑﻴﻨﺎﺩﻱ ﻗﺒﻠﺖ ﻟﻘﺖ ﺳﻤﺮ ﻭﻧﺪﻯ ﺟﺎﺭﻳﻦ ﻋﻠﻴﻬﺎ ﺣﻀﻨﻮ ﺑﻌﺾ ﻭﺑﻘﻮ ﻳﺒﻜﻮ ﻋﺎﺗﺒﻮﻫﺎ ﻟﻲ ﻣﺎﺿﺮﺑﺖ ﻟﻴﻬﻢ ﺑﺲ ﻣﺎﺯﻋﻼﻧﻴﻦ ﻣﻨﻬﺎ .. ﻋﻀﺘﻬﺎ ﻧﺪﻯ ﻓﻲ ﻳﺪﻫﺎ : ﻳﺎﻛﻠﺒﻪ ﻣﺸﺘﺎﻗﻪ ﻟﻴﻜﻲ ﻭﺣﻠﻔﺖ ﻟﻤﺎ ﺍﺷﻮﻓﻚ ﺍﻋﻀﻴﻚ
ﺭﻳﺮﻱ : ﺍﺍﺍﺍﺍﺍﺍﻱ ﺍﻧﺘﻲ ﺍﻟﻜﻠﺒﻪ ... ﻗﺒﻠﺖ ﻋﻠﻰ ﻧﺪﻯ : ﻧﺪﻭﺵ ﻣﺒﺮﻭﻙ ﻛﻤﺎﻥ ﺍﻟﺪﻛﺘﻮﺭﺍﺓ ﻭﺍﻟﻌﻘﺪ
ﺳﻤﺮ ﻗﺒﻞ ﻧﺪﻯ ﺗﺘﻜﻠﻢ : ﻭﺍﻧﺎ ﻣﺎﻑ ﻣﺒﺮﻭﻙ ﻟﻲ .
ﺭﻳﺮﻱ : ﻭﺍﻧﺖ ﻋﻤﻠﺘﻲ ﺷﻨﻮ ؟ﺣﻲ ﺍﻟﻠﻪ ﻣﺎﺳﺘﺮ ﻭﺑﺘﻜﻮﻧﻲ ﻧﺎﺟﺤﻪ ﺑﺎﻟﻌﺎﻓﻴﻪ ﻭﻟﻮ ﻣﺎﻧﺪﻯ ﻣﺎﺍﻇﻦ ﺭﺟﻠﻚ ﺗﺪﺧﻞ ﺟﺎﻣﻌﻪ
ﺳﻤﺮ : ﺍﻟﻤﻬﻢ ﻋﻤﻠﺖ ﻣﺎﺳﺘﺮ ﺍﺣﺴﻦ ﻣﻨﻚ ﻓﺮﺣﺎﻧﻪ ﺑﻲ ﻣﻌﺎﺭﺿﻚ ﺍﻟﻌﻤﻠﺘﻴﻬﻢ
ﺟﺎﺳﻢ ﻛﺎﻥ ﻭﺍﻗﻒ ﺟﻨﺒﻬﻢ ﻭﻻ ﺍﻧﺘﺒﻬﻮ ﻟﻴﻬﻮ ﺳﺎﻕ ﺍﻭﻻﺩﻭ ﻭﻧﺎﺩﻯ ﻧﺪﻯ : ﻳﻼ ﻳﺎﻧﺪﻯ ﻟﻮ ﺗﺎﺑﻌﺖ ﺍﻟﺠﻮﺯ ﺩﻳﻞ ﺣﺘﺘﻌﺒﻲ ﺧﺎﻟﺘﻲ ﻭﺗﻴﺘﺎ ﻭﻧﻨﻮ ﺯﻣﺎﻥ ﻭﺻﻠﻮ ﺍﻟﺒﻴﺖ ﻭﻧﺎﻣﻮ ﻭﻗﻔﻠﻮ ﺍﻟﺒﻴﺒﺎﻥ ﻭﺍﻧﺤﻨﺎ ﻣﺴﺘﻨﻴﻦ ﺭﻳﺎ ﻭﺳﻜﻴﻨﻪ
ﻧﺪﻯ : ﺍﻱ ﻳﻼ ﺑﺎﻟﻠﻪ ﺍﺻﻶ ﺻﺪﻋﺖ ﻓﻲ ﺍﻟﺪﻗﺎﺋﻖ ﺩﻱ
ﺳﻤﺮ ﺟﺮﺕ ﺍﻳﺮﻳﻦ : ﻳﻼ ﻳﻼ ﻳﺎﺭﻳﺎ ﺩﻳﻞ ﺣﻴﺨﻠﻮﻧﺎ ﻓﻲ ﺍﻟﻤﻄﺎﺭ ﻭﻳﻤﺸﻮ
ﺭﻳﺮﻱ ﻭﻫﻲ ﻭﺭﺍﻫﺎ : ﺍﺷﻤﻌﻨﻰ ﺍﻧﺎ ﺭﻳﺎ ﻟﻲ ﻣﺎﺍﻧﺘﻲ؟
ﺳﻤﺮ ﻭﻗﻔﺖ ﻭﺿﺮﺑﺘﻬﺎ ﻓﻲ ﺭﺍﺳﻬﺎ : ﺍﺳﻤﻚ ﺭﻳﺮﻱ ﻣﻊ ﺭﻳﺎ ﻭﺍﻧﺎ ﺳﻤﺮ ﻣﻊ ﺳﻜﻴﻨﻪ
ﺭﻳﺮﻱ ﻋﺎﻳﻨﺖ ﺣﻮﻟﻴﻨﻬﺎ ﻟﻘﺖ ﻧﺪﻯ ﻭﺟﺎﺳﻢ ﻭﺍﻻﻭﻻﺩ ﻣﺎﻑ : ﺍﻟﺤﻘﻲ ﻳﺎﺳﻜﻴﻨﻪ ﺧﻠﻮﻧﺎ ﻭﻣﺸﻮ
ﺟﺮﻭ ﻣﺸﻮ ﻟﻘﻮ ﺟﺎﺳﻢ ﻣﺘﺤﺮﻙ ﺑﺎﻟﻌﺮﺑﻴﻪ ﻛﺎﻥ ﻧﺎﻭﻱ ﻳﺨﻠﻴﻬﻢ ﻳﺮﺟﻌﻮ ﺑﻲ ﺗﺎﻛﺴﻲ ...
ﺑﻌﺪ ﺍﺳﺘﻘﺮﻳﻨﺎ ﻓﻲ ﺍﻟﺴﻮﺩﺍﻥ ﻧﺰﻟﺖ ﺍﻟﻌﻴﺎﻝ ﻓﻲ ﺭﻭﺿﻪ ﻭﻧﻨﻮ ﻣﺪﺭﺳﺘﻬﺎ ﺑﻘﻴﺖ ﺍﺭﺳﻢ ﻭﻧﺎﻭﻳﻪ ﺍﻋﻤﻞ ﻣﻌﺮﺽ ﻫﻨﺎ ﺍﺟﺮﺏ ﻛﺎﻥ ﻧﺠﺢ ﺑﻮﺍﺻﻞ ﻭﻟﻮ ﻻ ﺑﺮﺟﻊ ﺍﻋﻤﻞ ﺑﺮﻩ ﻟﻜﻦ ﻣﺎﺑﺴﺎﻓﺮ ﺍﻻ ﻓﻲ ﺍﻻﻓﺘﺘﺎﺡ ....
ﻣﺎﺣﺎﻭﻟﺖ ﺍﺗﺼﻞ ﺑﻲ ﺍﻱ ﺯﻭﻝ ﻣﻦ ﻋﻴﻠﺘﻲ ﻭﺩﻩ ﻛﺎﻥ ﺷﺮﻃﻲ ﻟﻲ ﺟﺎﺳﻢ ﻋﻤﺮ ﻣﺮﻩ ﺟﺎ ﺍﻟﺒﻴﺖ ﺑﺲ ﺭﻓﻀﺖ ﺍﻗﺎﺑﻠﻮ ... ﻓﻲ ﻳﻮﻡ ﺟﺎﺳﻢ ﻗﺎﻝ ﻟﻲ ﻋﺎﻳﺰ ﺍﻟﻌﻴﻠﻪ ﺗﺘﻌﺮﻑ ﻋﻠﻰ ﺍﻭﻻﺩﻭ ﻭﻋﺎﻳﺰﻧﻲ ﺍﺟﻲ ﻣﻌﺎﻫﻢ ﺭﻓﻀﺖ ﺑﺲ ﻛﻠﻬﻢ ﺍﺗﻔﻘﻮ ﻋﻠﻲ ﺍﺻﺤﻰ ﺍﻟﺼﺒﺎﺡ ﺍﻟﻘﻰ ﻣﺎﻣﺎ ﻓﻲ ﺭﺍﺳﻲ ﺑﺘﺰﻥ ﺍﻣﺸﻲ ﺍﻟﺼﺎﻟﻪ ﺗﻴﺘﺎ ﺗﺴﺘﻠﻢ ﻟﻤﺎ ﺗﺰﻫﺞ ﻳﺠﻲ ﺩﻭﺭ ﻧﻨﻮ ﻭﺍﻟﻌﻴﺎﻝ ﺣﺘﻰ ﺳﻤﺮ ﻭﻧﺪﻱ ﺑﻌﺪ ﻣﺤﺎﻭﻻﺕ ﺭﺿﻴﺖ ﺑﺲ ﻣﺎﻋﺎﻳﺰﺓ ﺯﻭﻝ ﻣﻨﻬﻢ ﻳﺘﻜﻠﻢ ﻣﻌﻲ ﺍﻭ ﺣﺘﻰ ﻳﺴﻠﻢ ﻋﻠﻲ ﻳﻌﺘﺒﺮﻭﻧﻲ ﻣﺎﻑ ﻻﻧﻬﻢ ﻣﺎﻟﻴﻬﻢ ﻭﺟﻮﺩ ﻓﻲ ﺣﻴﺎﺗﻲ ...
ﻗﺮﺭﻭ ﻳﻮﻡ ﺍﻟﺠﻤﻌﻪ ﻧﻤﺸﻲ ﺑﻌﺪ ﺍﻟﺼﻼﺓ ﺟﺎﺳﻢ ﻗﺎﻝ ﺑﻴﺠﻲ ﻳﺎﺧﺪﻧﺎ ﺍﻧﺎ ﺭﻓﻀﺖ ﻭﻗﻠﺖ ﺑﻨﺠﻲ ﺑﺮﺍﻧﺎ ﺑﺲ ﺍﺻﺮ ﻳﺠﻲ ﻳﺎﺧﺪﻧﺎ .
ﻭﺟﺎ ﻳﻮﻡ ﺍﻟﺠﻤﻌﻪ ﺳﻤﺮ ﺍﻟﻐﻴﺎﻇﻪ ﺟﺎﺕ ﻣﻦ ﺍﻟﺼﺒﺎﺡ ﺑﺘﺮﻓﻊ ﻟﻲ ﺿﻐﻄﻲ ﺑﺲ ﻭﺑﺘﺘﺸﺎﻛﻞ ﻣﻊ ﻧﻮﺭ ﻓﻲ ﻛﻞ ﺣﺎﺟﻪ ﺍﻟﻈﻬﺮ ﻟﻤﺎ ﺍﺫﻥ ﻳﺎﺩﻭﺏ ﺍﺗﻔﻘﻮ ﻭﺟﻮ ﻗﻌﺪﻭ ﻗﺪﺍﻣﻲ ﻭﺑﻌﺎﻳﻨﻮ ﻟﻲ
ﺭﻳﺮﻱ : ﺍﻫﺎ ﻓﻲ ﺷﻨﻮ ؟
ﺳﻤﺮ : ﻣﺎﻑ ﺣﺎﺟﻪ
ﻧﻮﺭ ﻗﻠﺪﺗﻬﺎ : ﻣﺎﻑ ﺣﺎﺩﻩ
ﺭﻳﺮﻱ : ﺳﻤﺮ ﺳﻮﻗﻲ ﻧﺴﺨﺘﻚ ﺩﻱ ﻭﻃﻴﺮﻱ ﻣﻨﻲ ﺍﺻﻠﻮ ﻗﻌﺎﺩﻛﻢ ﻣﺎﺳﺎﻱ
ﻧﻮﺭ : ﻣﺎﻣﺎ ﺍﻧﺘﻲ ﺣﺎﻳﻔﻪ
ﺭﻳﺮﻱ : ﻻ
ﺳﻤﺮ : ﺑﺠﺪ
ﺭﻳﺮﻱ : ﻻ
ﻧﻮﺭ : ﺗﻴﺐ ﺑﺎﺑﺎ ﺩﺍ ﻭﻗﺎﻝ ﻳﻼ ﺍﺗﻠﻌﻮﺍ
ﺭﻳﺮﻱ ﻗﺎﻣﺖ : ﻛﻴﻒ ﺟﺎ ﻗﺎﻝ ﺑﻌﺪ ﺍﻟﺼﻼﺓ
ﺳﻤﺮ ﻭﻧﻮﺭ : 😂😂😂😂😂
ﺳﻤﺮ : ﻗﻠﺘﻲ ﻣﺎﺧﺎﻳﻔﻪ ﺍﺭﺗﺎﺣﻲ ﻣﺎﺟﺎ
ﻗﻠﻌﺖ ﺷﺒﺸﺒﻬﺎ ﻭﻣﺸﺖ ﻋﻠﻴﻬﻢ : ﺍﻧﺎ ﺍﻭﺭﻳﻜﻢ ﻛﻴﻒ ﺗﻠﻌﺒﻮ ﺑﻲ ﺍﻋﺼﺎﺑﻲ ...... ﺟﺮﻭ ﺍﻻﺗﻨﻴﻦ ﻭﻫﻢ ﺑﺒﻀﺤﻜﻮ
ﺑﻌﺪ ﺍﻟﺼﻼﻩ ﺟﺎﺳﻢ ﺟﺎ ﻭﺍﺗﺤﺮﻛﻨﺎ ﺩﻗﺎﺋﻖ ﻭﻛﻨﺎ ﻭﺍﺻﻠﻴﻦ ﺍﻻﻭﻻﺩ ﻧﺰﻟﻮ ﻭﻣﻌﺎﻫﻢ ﺳﻤﺮ .. ﺍﻧﺎ ﻣﺎﻛﻨﺖ ﻋﺎﻳﺰﺓ ﺍﺩﺧﻞ ﺍﻟﺒﻴﺖ ﺩﻩ ﺗﺎﻧﻲ ﺑﻘﻴﺖ ﺑﺲ ﺑﻌﺎﻳﻦ ﻓﻴﻬﻮ ...
ﺟﺎﺳﻢ : ﺭﻳﺮﻱ ﻣﺎﻧﺎﺯﻟﻪ
ﺍﻧﺘﺒﻬﺖ ﻟﻴﻬﻮ ﻭﻫﺰﺕ ﺭﺍﺳﻬﺎ ﺑﻲ ﺍﻳﻮﻩ ﻓﺘﺤﺖ ﺍﻟﺒﺎﺏ ﻭﻧﺰﻟﺖ .. ﺟﺎﺳﻢ ﺍﺗﻘﺪﻣﻬﺎ ﻭﻣﺸﻰ ﻣﻊ ﺍﻟﻌﻴﺎﻝ ﺩﺧﻠﻮ ﺍﻟﺼﺎﻟﻮﻥ ﺍﻟﻌﻴﻠﻪ ﻛﻠﻬﺎ ﻛﺎﻧﺖ ﻗﺎﻋﺪﻩ ﻣﻦ ﻛﺒﻴﺮﻫﻢ ﻟﻲ ﺻﻐﻴﺮﻫﻢ ...
ﺟﺎﺳﻢ : ﺍﻟﺴﻼﻡ ﻋﻠﻴﻜﻢ .. ﺍﻋﺮﻓﻜﻢ ﺑﺎﻟﺸﻴﻮﺥ ﺍﻭﻻﺩ ﺍﻟﺸﻴﺦ
ﻗﺎﻣﻮ ﻛﻠﻬﻢ ﻭﺳﻠﻤﻮ ﻋﻠﻴﻬﻢ ﻭﺑﺎﺳﻮﻫﻢ ﺍﻧﺎ ﻗﻌﺪﺕ ﻓﻲ ﻃﺮﻑ ﺍﻟﺼﺎﻟﻮﻥ ﻣﺎﻋﺎﻳﺰﺓ ﺍﺗﻜﻠﻢ ﻣﻊ ﺯﻭﻝ ﺣﺘﻰ ﺳﻤﺮ ﻭﻧﺪﻯ ﺣﺎﻭﻟﻮ ﻳﺘﻜﻠﻤﻮ ﻣﻌﺎﻱ ﻭﻟﻤﺎ ﻣﺎ ﺍﺗﺠﺎﻭﺑﺖ ﻣﻌﺎﻫﻢ ﺑﻘﻮ ﻳﺘﻮﻧﺴﻮ ﺑﺮﺍﻫﻢ ..
ﻓﺠﺎﺀﺓ ﺧﺎﻟﺘﻮ ﻧﻌﻤﺎﺕ ﻧﺎﺩﺗﻨﻲ : ﺭﻳﺮﻱ
ﻗﺒﻠﺖ ﻋﻠﻴﻬﺎ ﻣﻦ ﻏﻴﺮ ﻣﺎ ﺍﺭﺩ ﻭﻛﻠﻬﻢ ﺳﻜﺘﻮ ﻣﺴﺘﻨﻴﻦ ﺗﻘﻮﻝ ﺷﻨﻮ ...
ﻧﻌﻤﺎﺕ : ﺍﻧﺎ ﺍﻟﻄﻠﺒﺖ ﺗﺠﻲ ﻣﻌﺎﻫﻢ ﻋﻨﺪﻱ ﻛﻼﻡ ﻛﺘﻴﺮ ﻋﺎﻳﺰﺓ ﺍﻗﻮﻟﻮ ﻭﻗﺪﺍﻡ ﻛﻞ ﺍﻟﻌﻴﻠﻪ
ﺟﺎﺳﻢ : ﺍﻣﻲ ﻣﺎﺗﺘﻌﺒﻲ ﻧﻔﺴﻚ ﺍﺭﺗﺎﺣﻲ ﺷﻮﻳﻪ
ﻧﻌﻤﺎﺕ : ﺍﻧﺎ ﻣﺮﺗﺎﺣﻪ ﻭﺑﻌﺪ ﺍﺗﻜﻠﻢ ﺣﺮﺗﺎﺡ ﻣﺎﺗﺨﺎﻑ ﻳﺎﺟﺎﺳﻢ
ﻗﺒﻞ ﺗﻘﻮﻝ ﺍﻱ ﺷﻲ ﺟﺎﺕ ﻭﺍﺣﺪﻩ ﺩﺍﺧﻠﻪ ﻻﺑﺴﻪ ﻓﺴﺘﺎﻥ ﺍﺳﺘﻐﻔﺮ ﺍﻟﻠﻪ ﺑﺲ ﻗﺼﻴﺮ ﻭﺿﻴﻖ ﻭﺍﻟﻄﺮﺣﻪ ﻓﻲ ﻛﺘﻔﻬﺎ ﻋﻤﺮ ﻭﺧﺎﻟﺪ ﻧﺰﻟﻮ ﺭﺍﺳﻬﻢ ﺍﻣﺎ ﻋﻤﺎﺭ ﻋﺎﺩﻱ ﻋﻨﺪﻭ
ﺍﻣﺎ ﺟﺎﺳﻢ ﻭﺷﻮ ﺣﻤﺮ ﻣﻦ ﺍﻟﻐﻀﺐ ﻣﺸﻰ ﻋﻠﻴﻬﺎ ﻭﻣﺴﻜﻬﺖ ﻣﻦ ﻳﺪﻫﺎ ﺑﻲ ﻗﻮﺓ : ﺍﻧﺘﻲ ﻛﻴﻒ ﺟﺎﻳﻪ ﻓﻲ ﻧﺺ ﺍﻟﺮﺟﺎﻝ ﻛﺪﻩ ﺍﻧﺎ ﻛﻢ ﻣﺮﻩ ﺣﺬﺭﺗﻚ ﻫﺎ
ﺷﺬﻯ ﺧﺎﻓﺖ ﻣﻨﻮ : ﺍﺳﻔﻪ ﺟﺎﺳﻢ ﻧﺴﻴﺖ
ﺟﺎﺳﻢ ﻫﺰﺍﻫﺎ : ﻧﺴﻴﺖ ﺩﻩ ﺭﺩ ﻟﻴﻚ ﺍﺻﻶ ﻣﻨﻚ ﺍﺗﻮﻗﻊ ﻛﻞ ﺷﻲ ﻭﺍﺣﺪﻩ ﻛﺬﺑﺖ ﻋﻠﻰ ﺭﺍﺟﻠﻬﺎ ﺍﺗﻮﻗﻊ ﺍﻛﺘﺮ ﻣﻦ ﻛﺪﻩ
ﺷﺬﻯ ﻣﺎﻑ ﺯﻭﻝ ﻛﻠﻤﻬﺎ ﺑﻲ ﻋﻴﺎﻝ ﺟﺎﺳﻢ ﺍﺻﻶ ﻣﺎﺑﺘﺨﻠﺘﻂ ﺑﺎﻟﻌﻴﻠﻪ ﻭﻫﻢ ﻛﻠﻬﻢ ﺑﻴﻜﺮﻫﻮﻫﺎ ﺣﺘﻰ ﺧﺎﻟﺘﻬﺎ ﺑﻌﺪ ﻋﺮﻓﺖ ﺍﻟﻌﻤﻠﺘﻮ ﺑﻘﺖ ﻣﺎﺗﺘﻜﻠﻢ ﻣﻌﺎﻫﺎ
ﺷﺬﻯ : ﻋﻤﻠﺖ ﺷﻨﻮ ؟
ﺟﺎﺳﻢ ﺃﺷﺮ ﻋﻠﻰ ﺍﻭﻻﺩﻭ : ﻋﺎﺭﻓﻪ ﺩﻳﻞ ﺍﻭﻻﺩ ﻣﻨﻮ ؟
ﺷﺬﻯ : ﻭﺍﻧﺎ ﺣﻌﺮﻑ ﻛﻴﻒ ؟
❤ ﻻ ﺗﻠﻬﻴﻜﻢ ﻋﻦ ﺍﻟﺼﻼﺓ

#ايرين
-٣٤-
ﺟﺎﺳﻢ : ﺍﻣﻤﻤﻢ ﺩﻳﻞ ﺍﻭﻻﺩﻱ؟
ﺍﺗﺨﻠﻌﺖ ﻋﺎﻳﻦ ﻟﻲ ﺍﻻﻭﻻﺩ ﻭﺭﺟﻌﺖ ﻋﺎﻳﻨﺖ ﻟﻲ ﺟﺎﺳﻢ : ﻛﻴﻒ ﻭﺍﻧﺖ ...... ؟
ﺟﺎﺳﻢ : ﺍﻧﺘﻲ ﻛﺬﺑﺘﻲ ﺍﻟﻜﺬﺑﻪ ﻭﺻﺪﻗﺘﻴﻬﺎ ﻭﻻ ﺷﻨﻮ ؟
ﺷﺬﻯ : ﺍﻧﺎ ﻣﺎﻛﺬﺑﺖ
ﺟﺎﺳﻢ : ﻳﺎﺷﻴﺨﻪ .. ﻃﻴﺐ ﺳﺆﺍﻝ ﺍﻧﺘﻲ ﺣﺎﻟﻴﺂ ﻋﻨﺪﻙ ﺭﺣﻢ ؟؟
ﻓﻜﺖ ﻳﺪﻫﺎ ﻭﺑﻌﺪﺕ ﻣﻨﻮ : ﺃﺃ .. ﺃﻧﺎ .......
ﺟﺎﺳﻢ : ﺍﻧﺘﻲ ﺷﻨﻮ ؟ﺍﻫﺎ ﻃﻴﺐ ﺍﺟﻬﻀﺘﻲ ﻛﻢ ﻣﺮﻩ ؟ ﻻ ﻭﺍﺻﻶ ﺣﻤﻠﺘﻲ ﻣﻦ ﻣﻨﻮ؟
ﻃﺒﻌﺂ ﺍﻟﻌﻴﻠﻪ ﻓﻲ ﺣﺎﻟﺔ ﺻﺪﻣﺔ ﺑﺎﻟﺴﺎﻣﻌﻴﻨﻮ ﻣﺎﻋﺪﺍ ﻣﺤﻤﺪ ﻭﻧﻌﻤﺎﺕ ... ﻭﺭﻳﺮﻱ ﺍﺻﻶ ﻣﺎﺑﻬﻤﻬﺎ ﺍﻟﺤﺎﺻﻞ ﺯﻱ ﻛﺄﻧﻮ ﺑﺘﺤﻀﺮ ﻣﺴﻠﺴﻞ ..
ﺷﺬﻯ : ﺍﻧﺖ ﺑﺘﻘﻮﻝ ﺷﻨﻮ ؟ ﺩﻩ ﻣﻨﻮ ﺍﻟﻜﺬﺏ ﻋﻠﻴﻚ
ﺟﺎﺳﻢ : ﻋﺎﻳﺰﺓ ﻧﻤﺸﻲ ﻟﻲ ﺍﻟﺪﻛﺘﻮﺭ ﻭﻧﻔﺤﺺ ﺑﺲ ﺍﻟﻤﺮﺓ ﺩﻱ ﻟﻲ ﺩﻛﺘﻮﺭﻱ ﺍﻧﺎ
ﻋﺮﻓﺖ ﺭﻭﺣﻬﺎ ﺍﻧﻜﺸﻔﺖ ﻭﻗﻌﺖ ﺗﺤﺖ ﺭﺟﻠﻮ ﻭﺑﻘﺖ ﺗﺒﻜﻲ ﻭﺗﺘﺮﺟﺎﻫﻮ ﺷﺎﺗﻬﺎ ﺑﻌﻴﺪ
ﺟﺎﺳﻢ : ﺍﺑﻌﺪﻱ ﻣﻨﻲ ﺍﺣﻤﺪﻱ ﺭﺑﻚ ﺣﺼﻠﺖ ﺣﺎﺟﺎﺕ ﺧﻠﺘﻨﻲ ﻣﺎﺍﻗﺘﻠﻚ ﺑﻌﺪ ﻋﺮﻓﺖ ... ﻭﺣﺎﻟﻴﺂ ﺍﻧﺘﻲ ﻃﺎﻟﻖ ... ﻃﺎﻟﻖ .... ﻃﺎﻟﻖ
ﺷﺬﻯ ﺑﻜﺎﻫﺎ ﺯﺍﺩ ﻫﻲ ﺣﺒﺖ ﺟﺎﺳﻢ ﻭﻛﺎﻥ ﺑﺎﻟﻨﺴﺒﻪ ﻟﻴﻬﺎ ﺟﻨﺘﻬﺎ ﻃﻠﻌﺖ ﻣﻦ ﺍﻟﺼﺎﻟﻮﻥ ﻭﻣﺸﺖ ﺗﻠﻢ ﺣﺎﺟﺎﺗﻬﺎ ﻋﺸﺎﻥ ﺗﺮﺟﻊ ﻟﻲ ﺍﻫﻠﻬﺎ ..
ﻧﻌﻤﺎﺕ : ﻭﺍﻧﺎ ﻋﻨﺪﻱ ﺍﻋﺘﺮﺍﻑ ﻛﻠﻜﻢ ﺍﻧﺘﺒﻬﻮ ﻣﻌﺎﻱ ﺣﺤﻜﻲ ﻟﻴﻜﻢ ﺣﺼﻞ ﺷﻨﻮ ﻗﺒﻞ 6 ﺳﻨﻴﻦ
ﺑﺪﺕ ﺗﺤﻜﻲ ﻟﻴﻬﻢ ﻛﻠﻬﻢ ﺍﻧﺼﺪﻣﻮ ﻭﺭﻳﺮﻱ ﺑﺘﺒﻜﻲ ﻛﺎﻧﺖ ﻭﺍﺛﻘﻪ ﺍﻧﻮ ﺑﺮﺍﺋﺘﻬﺎ ﺣﺘﻈﻬﺮ .. ﺑﻌﺪ ﻧﻌﻤﺎﺕ ﺧﻠﺼﺖ ﻛﻠﻬﻢ ﻗﺒﻠﻮ ﻋﻠﻴﻬﺎ ﺻﻼﺡ ﺣﺎﻭﻝ ﻳﺘﻜﻠﻢ ﺑﺲ ﻫﻲ ﺳﻜﺘﺘﻮ ﺑﻲ ﺍﺷﺎﺭﺓ ﻣﻦ ﻳﺪﻫﺎ : ﻣﻌﻠﻴﺶ ﺑﺲ ﻣﺎﻋﺎﻳﺰﺍﻛﻢ ﺗﻘﻮﻟﻮ ﺣﺎﺟﻪ ﺍﻋﺘﺒﺮﻭﻧﻲ ﻣﻮﺗﺎ
ﻃﻠﻌﺖ ﻃﻮﺍﻟﻲ ﻣﻦ ﺍﻟﺒﻴﺖ ﺍﺧﺪﺕ ﺍﻭﻝ ﺭﻛﺸﻪ ﻟﻘﺘﻬﺎ ﻗﺪﺍﻣﻬﺎ ﻭﺭﺟﻌﺖ ﺍﻟﺒﻴﺖ ﻣﺸﺖ ﻟﻲ ﺍﻣﻬﺎ ﻓﻲ ﺍﻟﻐﺮﻓﻪ
- ﻣﺎﻣﺎ
ﺍﻡ ﺍﻳﺮﻳﻦ ﻛﺎﻧﺖ ﺑﺘﺨﻴﻂ ﻭﻗﺎﻋﺪﻩ ﻓﻮﻕ ﺳﺮﻳﺮﻫﺎ : ﺭﻳﺮﻱ ﺭﺟﻌﺘﻮ ... ﻋﺎﻳﻨﺖ ﻓﻲ ﻭﺷﻬﺎ : ﻣﺎﻟﻚ؟ ﻛﻨﺖ ﺑﺘﺒﻜﻲ ؟
ﺭﻳﺮﻱ ﺭﻣﺖ ﻧﻔﺴﻬﺎ ﻓﻲ ﺣﻀﻦ ﺍﻣﻬﺎ : ﻣﺎﻣﺎ ﺑﺮﺍﺋﺘﻲ ﻇﻬﺮﺕ
ﻭﺑﻘﺖ ﺗﺒﻜﻲ : ﺑﺲ ﺑﻌﺪ ﻛﺴﺮﻭﻧﻲ ﻳﺎﻣﺎﻣﺎ
ﺍﻡ ﺍﻳﺮﻳﻦ : ﻣﺎﻛﺴﺮﻭﻙ . ﺍﻳﻮﺓ ﺍﺿﺮﺑﺘﻲ ﺑﺲ ﺍﻟﻀﺮﺑﻪ ﻗﻮﺗﻚ ﻣﺎﺿﻌﻔﺘﻚ .. ﺍﻧﺘﻲ ﺑﺖ ﻣﺼﻄﻔﻰ ﻳﻌﻨﻲ ﻋﻠﻤﻚ ﻣﻬﻤﺎ ﻭﻗﻌﺘﻲ ﺗﺮﺟﻌﻲ ﺗﻘﻴﻔﻲ ﺗﺎﻧﻲ ﻭﺍﻧﺘﻲ ﻭﻗﻔﺘﻲ
ﺭﻳﺮﻱ ﻣﺎﺭﺩﺕ ﺑﺲ ﺿﻤﺖ ﺍﻣﻬﺎ ﺯﻳﺎﺩﻩ ﻭﻏﻤﻀﺖ ﻋﻴﻮﻧﻬﺎ ﻧﺎﻣﺖ ﻭﻫﻲ ﻣﺮﺗﺎﺣﻪ ﻭﺑﺘﺤﻤﺪ ﺭﺑﻨﺎ ...
ﺑﻌﺪ ﺍﻟﻴﻮﻡ ﺩﻩ ﺑﻴﺘﻨﺎ ﺑﻘﺎ ﺩﻳﻤﻪ ﻓﻴﻬﻮ ﻧﺎﺱ ﻋﻤﻮ ﺻﻼﺡ ﻭﻋﻤﻮ ﻣﺤﻤﺪ ﻋﻤﺮ ﻭﻋﻤﺮ ﻭﺧﺎﻟﺘﻮ ﻫﺎﻟﻪ ﻭﺧﺎﻟﺘﻮ ﺯﻫﺮﺓ
ﻛﻞ ﻳﻮﻡ ﺑﻴﺠﻮ ﻳﻄﻠﺒﻮ ﺍﻟﺴﻤﺎﺡ ..
ﻣﺎﻣﺎ ﺳﺎﻗﺘﻨﻲ ﻣﺮﺓ ﻗﺪﺍﻣﻬﻢ ﻗﺎﻟﺖ ﻟﻲ ﻟﻮ ﻣﺎﺳﺎﻣﺤﺘﻴﻬﻢ ﺗﺒﻘﻲ ﻣﺎﺑﺖ ﻣﺼﻄﻔﻰ ﻷﻧﻮ ﻫﻮ ﺩﺍﻳﻤﺂ ﻛﺎﻥ ﺑﻴﻌﻠﻤﻚ ﺗﺴﺎﻣﺤﻲ ﻭﻗﺖ ﺗﻜﻮﻧﻲ ﻋﻠﻰ ﺣﻖ ‏) ﺍﻟﻌﻔﻮ ﻋﻨﺪ ﺍﻟﻤﻘﺪﺭﺓ‏( ﻋﻠﻤﻚ ﻗﻠﺒﻚ ﻣﺎ ﻳﻜﻮﻥ ﻗﺎﺳﻲ ﺩﻳﻞ ﺍﻫﻠﻚ ﻏﻠﻄﻮ ﻭﺣﺴﻲ ﻃﺎﻟﺒﻴﻦ ﺍﻟﺴﻤﺎﺡ ..
ﺳﺎﻣﺤﺘﻬﻢ ﻋﺸﺎﻥ ﺧﺎﻃﺮ ﻣﺎﻣﺎ ﻭﺑﺎﺑﺎ ﺑﺲ ﻣﺎ ﺍﻇﻦ ﻓﻲ ﻳﻮﻡ ﺍﺑﻘﻰ ﺍﻋﺘﻤﺪ ﻋﻠﻴﻬﻢ ﺍﺗﻌﻠﻤﺖ ﻣﻦ ﺍﻭﻝ ﻣﺮﺓ ﺑﺎﻻﺧﺺ ﺍﺧﻮﺍﻧﻲ ﺧﺬﻟﻮﻧﻲ ﻣﺮﺓ ﻭﺩﻩ ﻣﺎﺣﻴﺘﻜﺮﺭ ﺑﺄﺫﻥ ﺍﻟﻠﻪ ...
ﺟﺎﺳﻢ ﺍﻟﻮﺣﻴﺪ ﻣﺎﺳﺎﻣﺤﺘﻪ ﻭﻻ ﻫﻮ ﻃﻠﺐ ﻷﻧﻮ ﻋﺎﺭﻑ ﺍﻟﻌﻤﻠﻮ ﺍﻛﺒﺮ ﻣﻦ ﻛﻠﻤﺔ ﻣﺴﺎﻣﺤﻪ ﺑﺲ ﻓﻲ ﻳﻮﻡ ﺟﺎ ﻭﻗﻌﺪﻧﻲ ﻗﺪﺍﻣﻮ ﻗﺎﻝ ﻟﻲ : ﺭﻳﺮﻱ ﺍﻧﺎ ﻣﺎﺟﺎﻱ ﺍﻃﻠﺐ ﺍﻟﺴﻤﺎﺡ ﻷﻧﻲ ﺍﻟﻌﻤﻠﺘﻮ ﻣﺎﻗﺎﺩﺭ ﺍﺳﺎﻣﺢ ﻧﻔﺴﻲ ﻋﻠﻴﻬﻮ ﺑﺲ ﺩﺍﻳﺮﻙ ﺗﺪﻳﻨﻲ ﻓﺮﺻﻪ ﺍﻋﻮﺿﻚ ﻋﻦ ﺍﻟﻌﻤﻠﺘﻮ ﻋﺎﻳﺰﻙ ﺗﺠﻲ ﺍﻧﺘﻲ ﻭﺍﻻﻭﻻﺩ ﺗﻌﻴﺸﻮ ﻣﻌﺎﻱ ﻭﺍﻱ ﺷﺮﻁ ﺍﻧﺘﻲ ﻋﺎﻳﺰﺍﻫﻮ ﺑﻨﻔﺬﻭ ﻭﺍﻱ ﺣﺎﺟﻪ ﺑﻌﻤﻠﻬﺎ ﻟﻴﻜﻲ ..
ﺭﻳﺮﻱ : ﺍﻋﻴﺶ ﻣﻌﺎﻙ ؟
ﺟﺎﺳﻢ : ﺍﻳﻮﺓ ﺍﻧﺎ ﺍﺷﺘﺮﻳﺖ ﺑﻴﺖ ﻫﻨﺎ ﻗﺮﻳﺐ ﻣﻦ ﻧﺎﺱ ﺍﻣﻚ ﻭﻭﻋﺪ ﺣﻨﻌﻴﺶ ﺍﻧﺎ ﻭﺍﻧﺘﻲ ﺯﻱ ﺍﻻﺧﻮﺍﻥ ﻣﺎﺣﻘﺮﺏ ﻣﻨﻚ ﺍﻻ ﻳﻮﻡ ﺗﺠﻴﻨﻲ ﺑﺮﺍﻙ ..
ﺭﻳﺮﻱ ﻓﻜﺮﺕ ﻓﻲ ﺍﻭﻻﺩﻫﺎ ﻋﺎﻳﺰﺍﻫﻢ ﻳﻌﻴﺸﻮ ﻭﺳﻂ ﺍﻣﻬﻢ ﻭﺍﺑﻮﻫﻢ ﻭﻓﻜﺮﺕ ﻓﻲ ﺍﻣﻬﺎ ﻟﺴﻪ ﺷﺎﻳﻠﻪ ﻫﻤﻬﺎ ﻭﺑﺘﻔﻜﺮ ﻓﻲ ﺣﺎﻟﺔ ﺑﺘﻬﺎ ﻓﻘﺮﺭﺕ ﺗﻤﺸﻲ ﺗﻌﻴﺶ ﻣﻌﺎﻫﻢ ﻃﺎﻟﻤﺎ ﺑﺮﺍﻫﻮ ﻭﺿﻊ ﺍﻟﺸﺮﻭﻁ ﺍﻟﻜﺎﻧﺖ ﺣﺘﻘﻮﻟﻬﺎ : ﺍﻭﻛﻲ ﻣﻮﺍﻓﻘﻪ
ﺍﺗﺨﻠﻊ ﻣﺎﻛﺎﻥ ﻣﺼﺪﻕ ﺍﻧﻬﺎ ﺣﺘﻮﺍﻓﻖ : ﻗﻮﻟﻲ ﻭﺍﻟﻠﻪ ﻣﻮﺍﻓﻘﻪ ﻳﻌﻨﻲ ﺧﻼﺹ ﻗﺮﺭﺗﻲ ﺗﺠﻲ ﺗﻌﻴﺸﻲ ﻣﻌﺎﻱ
ﺭﻳﺮﻱ : ﺍﻥ ﺷﺎ ﺍﻟﻠﻪ
ﺟﺎﺳﻢ : ﺍﻭﻝ ﺣﺎﺟﻪ ﺣﻨﻌﻤﻠﻬﺎ ﺣﻨﺄﺛﺚ ﺍﻟﺒﻴﺖ
ﻭﺷﻬﺮ ﻛﺎﻣﻞ ﺍﻧﺤﻨﺎ ﺑﻨﺄﺛﺚ ﺍﺧﺪﻧﺎ ﺍﻻﻭﻻﺩ ﺍﺧﺘﺎﺭﻭ ﻏﺮﻓﻬﻢ ﺍﻟﺒﻴﺖ ﻛﺒﻴﺮ ﻣﻦ ﺗﻼﺗﻪ ﻃﻮﺍﺑﻖ ﺗﻌﺒﻨﺎ ﻟﻐﺎﻳﺔ ﻣﺎ ﺍﺗﺄﺛﺚ ﻭﺣﺘﻰ ﻣﺎﻣﺎ ﻭﺗﻴﺘﺎ ﻭﻧﻨﻮ ﺟﺎﺳﻢ ﺍﺻﺮ ﻳﺠﻲ ﻳﻌﻴﺸﻮ ﻣﻌﺎﻧﺎ ..
ﻭﺣﻴﺎﺗﻲ ﺑﻘﺖ ﺣﻠﻮﺓ ﻟﺴﻪ ﻣﺎﺳﺎﻣﺤﺖ ﺟﺎﺳﻢ ﺑﺲ ﻫﻮ ﺑﻌﻤﻞ ﻛﻞ ﺣﺎﺟﻪ ﻋﺸﺎﻥ ﺍﻛﻮﻥ ﻣﺒﺴﻮﻃﻪ ﻣﺮﺍﺕ ﺑﻘﻮﻝ ﺍﺳﺎﻣﺤﻮ ﺑﺲ ﺑﺘﺬﻛﺮ ﺍﻟﻠﻴﻠﻪ ﺩﻳﻚ ﻭﺑﺮﺟﻊ ﺍﻗﺴﻲ ﻗﻠﺒﻲ ﺑﺲ ﻣﺼﻴﺮﻱ ﺍﺳﺎﻣﺤﻮ ﻟﻜﻦ ﻣﺎﻣﻌﺮﻭﻑ ﻣﺘﻴﻦ ..
ﺍﺧﻮﺍﻧﻲ ﺍﻱ ﺳﺎﻣﺤﺘﻬﻢ ﻟﻜﻦ ﻣﺎ ﺣﻨﺒﻘﻰ ﺯﻱ ﺍﻱ ﺍﺧﺖ ﻭﺍﺧﻮ ... ﺍﺗﺒﻨﻲ ﺣﺎﺟﺰ ﺑﻴﻨﺎﺗﻨﺎ ﺑﻘﻴﺖ ﺍﺗﻌﺎﻣﻞ ﻣﻌﺎﻫﻢ ﺑﻲ ﺭﺳﻤﻴﻪ ﺷﺪﻳﺪﻩ ﻫﻢ ﻭﺍﻋﻤﺎﻣﻲ ﺑﺎﻟﺮﻏﻢ ﻣﻦ ﺍﻧﻮ ﻋﻤﺮ ﻭﻋﻤﻲ ﺻﻼﺡ ﻛﻞ ﻳﻮﻡ ﻓﻲ ﺑﻴﺘﻨﺎ ﺑﻴﺤﺎﻭﻝ ﻳﺮﺟﻌﻮﻧﻲ ﻋﺎﺩﻱ ﺑﺲ ﺻﻌﺐ ﺑﻌﺪ ﺍﺗﺨﺬﻟﺖ ﻣﻨﻬﻢ
❤❤❤
ﻧﺪﻯ ﺍﺗﺰﻭﺟﺖ ﻋﻤﺮ ﺑﻌﺪ ﻃﻠﻌﺖ ﻋﻴﻨﻮ 😂 ﻭﺣﺴﻲ ﻫﻮ ﻣﻄﻠﻊ ﻋﻴﻨﻬﺎ ﺑﻴﺎﺧﺪ ﺣﻘﻮ ﻣﻨﻬﺎ .
ﺧﺎﻟﺪ ﻭﺳﻤﺮ ﺍﺗﻘﺮﺑﻮ ﺍﻳﺎﻡ ﻭﻓﺎﺓ ﺍﻣﻮ ﻭﺣﺎﻟﻴﺂ ﻋﺮﺳﻬﻢ ﻗﺮﻳﻴﻴﺐ ﺑﺲ ﺧﺎﻟﺪ ﻫﺎﺩﻱ ﻭﺳﻤﺮ ﺍﻟﺠﻨﺎﻥ ﻧﻔﺴﻮ ﺑﺲ ﺑﻴﺤﺒﻬﺎ ﺑﻲ ﺟﻨﻮﻧﻬﺎ
ﺍﻧﺎﻭﺟﺎﺳﻢ ﻛﻞ ﻳﻮﻡ ﺑﻴﺜﺒﺖ ﺍﻧﻮ ﺑﻴﺤﺒﻨﻲ ﻣﺎﻗﺎﻟﻬﺎ ﻟﻜﻦ ﺍﻓﻌﺎﻟﻮ ﺑﺘﺜﺒﺖ ﻭﺑﻴﻐﻴﺮ ﻣﻦ ﻫﺸﺎﻡ ﻏﻴﺮﺓ ﻣﺎﻋﺎﺩﻳﻪ ... ﺍﻱ ﻫﺸﺎﻡ ﻟﺤﻘﻨﺎ ﻟﻠﺴﻮﺩﺍﻥ ﺑﺲ ﺭﺍﺟﻊ ﺗﺎﻧﻲ ﺑﻌﺪ ﺟﻨﻦ ﺟﺎﺳﻢ 😉
❤❤❤❤❤
ﺍﻟﻌﻔﻮ ﻋﻨﺪ ﺍﻟﻤﻘﺪﺭﺓ .. ﺳﻬﻞ ﺗﻘﻮﻟﻬﺎ ﻟﻲ ﺯﻭﻝ ﺑﺲ ﻭﻗﺖ ﺍﻟﺠﺪ ﺑﻴﺒﻘﻲ ﺻﻌﺐ ﺗﻨﻔﺬ ﺑﺎﻻﺧﺺ ﻟﻮ ﺍﻟﻈﻠﻤﻚ ﺍﻧﺴﺎﻥ ﻗﺮﻳﺐ ﻟﻴﻚ ﻛﻨﺖ ﺧﺎﺗﻲ ﻟﻴﻬﻮ ﻣﻜﺎﻧﻪ ﻋﺎﻟﻴﻪ ﺍﻭ ﻫﻮ ﺍﻗﺮﺏ ﺍﻧﺴﺎﻥ ﻟﻴﻚ ...
❤❤❤❤❤❤❤
ﻛﻮﻧﻮ ﺑﺨﻴﺮ
ﺍﺳﺘﻮﺩﻋﻜﻢ ﺍﻟﻠﻪ ﺍﻟﺬﻱ ﻻ ﺗﻀﻴﻊ ﻭﺩﺍﺋﻌﻪ

مرات بجي عليك يوم بتحس بالفراغ ، والوحدة رغم وجود الناس حواليك و رغم الزحمة و المشاغل لكن في حتة معينة كده في جواك لو ما اتملت ما بتحس بأي معنى للحياة ، بتحس كأنك فاقد شخص معين ، ممكن تكون مابتعرفو بس بتفتش عليهو في كل زول ، بتقرب من ناس إنت نفسك ما مقتنع بوجودهم في حياتك بس لأنو عندك أمل تلقى فيهم نصك الضايع ... أو زي مابقولو شريك الحياة ... ياااااه ش ر ي ك الحياة كلمة كبيرة ، كونك تختار لنفسك شريك يلازمك طووول العمر تكون مضطر تتعايش مع عيوبو و تتحمل المساوئ الفيهو و تغير عشانو نمط حياتك مواعيد نومك وصحيانك زمن أكلك و زمن طلعاتك ، حتى علاقاتك و مجاملاتك ، حتى تفاصيلك الشخصية .. في ناس بقولو الزواج تقييد و ناس بعتبروهو التزام، و في ناس بعيبو على الزوجة إنها تربط حياتها بزوجها ، ده كلو بوضح لو اتأملنا كلمة زواج ، زوج و زوجة .. ثنائي .. شركاء ... مافي فردية ومافي واحد يقدر يواصل حياتو مستقل .. مفرد ... عشان كده أكبر غلطة ممكن يرتكبها الواحد في حق نفسو إنو يشرك في حياتو زول ما يشبهو ...
في مرحلة فاصلة في حياة البني آدم و هي المرحلة البنتقل فيها من فرد ل زوج أو ثنائي ... الواحد عشان يقفز القفزة الكبيرة دي لازم يكون في كامل قواهو الفكرية و العقلانية والمنطقية والعاطفية، لازم يكون في حالة إتزان ...
و عشان يقدر يكمل طريقو مع شريكو لازم يكون مرن و صلب في آن واحد .. مرن يرخي لمن شريكو يشد و يشد لمن هو يرخي ، و صلب عشان يقدر يواجه الأزمات و العثرات البتلقاهو في سكتو، و مافي طريق خالي من العثرات بس في واحد ماشي صح ومع الإنسان الصح و معاهو يقدر يتخطى كل العوائق

#الزوجة_الرابعة

رواية ستقتحم الأبواب المغلقة لتفضح ما يدور خلف جدران الحياة الزوجية ... بحلوها و مرها

#الزوجة_الرابعة
بقلم: رحمات صالح
-١-
في وحدة من أمسيات الغرب الشتوية قاسية البرودة على مكتب أنيق فخم تصميمو يحمل الطابع الأوروبي الكلاسيكي القديم ، كانت قاعدة في مكتبها و منهمكة في شغلها رغم إنها ماقادرة تركز ، عاينت للساعة لقتها ٧:١٢ مساء و لسه باقي على نهاية دوامها المسائي ٤٨ دقيقة .. اتناولت الرموت و زادت درجة حرارة جهاز التدفئة و فركت يدينها عشان تدفي نفسها و شدت على جسمها معطف الصوف و زفرت بملل ، فتحت شنطتها طلعت المرايا اتأملت ملامحها... كانت تشبه الأوربيين فعلا بلون عيونها الزرقاء و أنفها المستقيم وخشمها الدقيق ولون بشرتها البيضاء المتشربة بحمرة خفيفة ... شالت مشطها الصغير مررتو على شعرها المصبوغ باللون الكبدي و حدو مع نهاية أذنها اللابسة فيها تلاتة حلقان و الرابع مثبت على أنفها ، و شالت ملمع الشفاة مررتو على شفايفها و ابتسمت لنفسها بحزن و إحباط..
كانت قدامها على المكتب لوحة خشبية صغيرة ، عدلتها باتجاهها و قرت الاسم المكتوب بصوت عالي : Dentist
Hajer Ala'a El.Deen
رفعت مجسم الأسنان الكان قاعد قدامها وبقت تحرك الفك و تقول بصوت زي كأنو هو البتكلم وهي بترد عليهو :
- مساء الخير هاجر.... مساء النور مستر فم.... كيف حالك حبيبتي..... أنا ما كويسة حزينة ووحيدة و فاقدة أمي.... ماتحزني ياغاليتي أنا جنبك و أنا أمك و أبوك و كل حياتك... تسلم لي يارب.... اشتقت ليك كتييير.... كيف اشتقت لي و انت قدامي طول اليوم ؟.... أنا بشتاق ليك حتى و انتي معاي....
رمتو من يدها و قالت : كذااااب و كللللللكم كذابين ، و لا بتعرفو تشتاقو و لا تحبو ، كل تفكيركم و همكم في شي وااااحد.. أوفففففف منكم الله يحرقكم كلكم

- talking to your self as usuall تحدثين نفسك كالعادة

كشرت وشها و عاينت ليهو بضيق وقالت :
- harry what do you want هاري ماذا تريد
وكيف دخلت إلى هنا.. أين تلك السكرتيرة الغبية

- calm down baby I just missed you إهدئي صغيرتي أنا فقط اشتقت إليك
و أنت ترفضين الرد على اتصالاتي المتكررة ، و أنااا أعلم جيدا ما يدور في داخلك ، فلا داعي لأن تتهربي مني...

خلفت رجلها وقالت ببرود متعمد :
And what is going on inside me, the genius magician وما الذي يدور في داخلي أيها الساحر العبقري ؟

- Your mind rejects our relationship because of your religion and nationality عقلك يرفض علاقتنا بسبب ديانتك و جنسيتك

قالت بسرعة : That's right, هذا صحيح

قرب منها ووقف ورا كرسيها و دنقر قريب لأضانها و همس :
- but your heart wants me and you need me Hajer لكن قلبك يريدني.. أنت تحتاجينني هاجر ، تحتاجين عاشقا مثلي يدللك و يعتني بك و يذيبك حبا و أنا واثق أنك لم تحتملي فراقي في الأيام الثلاثة التي مضت....

هنا الباب دق و اتفتح مباشرة ، السكرتيرة اتنحنحت و هاري بعد منها وقال :
- I will call you. Bye honey سأتصل بك لاحقا .. وداعا عزيزتي

هاري طلع و هاجر اتحرجت لأنو ورا السكرتيرة كان في زول واقف شكلو مريض جاييها و بقت تدعي في نفسها إن مايكون شاف الحصل ده.

....
في مكان و زمان مختلفين

كانت بالعصر بتقش في حوشها و بتفرش في السراير ، سمعت جارتها بالحيطة بتكلم ولدها :
- أجري شوف نجود لو محتاجة شي من برة جيبو ليها ، راجلها كان مسافر يادابو راجع الليلة و هي قاعدة براها...
ختت المقشاشة بهدوء و براااحة دخلت جوة و قفلت الباب عشان ما تسمع دق الباب و لا تفتح للولد الجاي ده ، و قالت بهمس و هي من جواها بتتكوي بالنار :
- بتصدقن علي بأولادهن عشان الله ما أداني ، مادايرة مساعدة منها عشان بعدين ماتقعد تقول نجود مسكينة ونجود ماعندها ولد ينفعها، ولو أنا ما كنت رسلت ليها ولدي ماعارفة كانت تعمل شنو ...

دخلت مطبخها ختت ليها فحمتين في النار و بقت تجهز في العشا مسافة النار تولع ، و بعد انتهت طلعت نضفت حفرتها و ولعت الدخان و كملت استعدادها لمقابلة زوجها ، و على الساعة ١٠ سمعت صوت الباب بفتح ، جرت عليهو بلهفة و شوق :
- حمدالله على السلامة
- الله يسلمك يا أم خالد
وشها اتغير و سكتت وهو رفع ليها راسها و قال بابتسامتو الخلابة :
- أيوة أم خالد ، و ما حأبطل أناديك بالاسم ده لغاية ما ربنا يكرمنا
- حاضر يا
قاطعها بسرعة :
- يا أبووو خاااالد
دفنت نفسها في حضنو و قالت :
- ولو خالد ما جا ، حتفضل تحبني؟؟
- لغاية آخر يوم في عمري
- الله يخليك لي و ....
قطعت كلامها و بقت تشم في ريحتو ، و مسكت لياقة القميص و شمتها و قالت :
- دي ما ريحتك أصلو
كشر وشو وقال :
- كيف ماريحتي
- ده مااا عطرك البتستعملو
- فعلا ، اشتريت واحد جديد
- لكن ده نسائي
- لا رجالي
انفعلت و قالت بصوت عالي :
- أصلااااا قلبي ما كان مرتاح للسفرة دي
- نجود صلي على الرسول و بطلي شك
- وقسما ما أبطل ، أنا شامة ريحتها فيك .. دي منو و لقيتها وين أوع تكون عرستها في سفرتك دي ...
قالت كلامها ده وبقت تبكي ...
و هو اتأفف بزهج و طلع القميص رماهو بعي

د بعصبية وخلاها بتبكي و دخل الحمام استحمى و طلع فتح الدولاب شال جلابية لبسها و فتح شنطتو الجا بيها من السفر طلع عطر و رش منو كتييييير وهو متعمد ، وهي لمن شمت الريحة عرفت إنها اتسرعت و خجلت من نفسها وقشت دموعها و قالت بإحراج :
- لبست جلابيتك ماشي وين ؟
قال بدون مايعاين ليها :
- ماشي أسلم على أمي و أبوي
- الوقت اتأخر خلي بكرة ، و انت ما اتعشيت
قال وهو متضايق :
- ماعندي نفس
.
أول ماطلع و هي اتأكدت من صوت الباب إنو خلاص مشى شالت تلفونها واتصلت على أصغر أخواتو كانت صحبتها و قريبة ليها في العمر :
- دعاء أسمعيني ، أخوك ده طلع قال جاييكم أول مايصل رني لي ضروري
- عشان لو اتأخر تطيني عيشتو صاح ؟
- ما هو انتي مافاهمة حاجة ، هو طلع زعلان مني و خايفة بزعلو ده يتهور يمشي و لا يتصل بي وحدة من البنات البعرفهم
- نجووود أخوي زول دغري و مابعرف بنات و إنتي بشكك ده حتجننيهو
- مافي راجل مابعرف بنات بس إنتي بتدافعي ليهو عشان أخوك
- يا سااااتر منك فظيييعة انتي ، والله أنا لو مكانو أخونك مخصووص ، و بعدين تعالي هنا هو متييييين لحق جا من السفر عشان تنكدي عليهو
- دعاء خلاص بس ، المهم لمن يصل كلميني
- مابكلمك و مووتي بشكك ده يلا ... سلااااام
قفلت الخط ورمت التلفون و مشت لبست قميص بكم طويل فوق هدومها و قعدت في نص السرير وهي بتنفخ من التوتر و القلق ..
.
.
مجرد بداية .. وتتوالى الأحداث في الحلقات القادمة.

#الزوجة_الرابعة
بقلمي : رحمات صالح
-٢-
بيت أهلو كان بعد كم شارع من بيتو لكن مامشى بالعربية كان محتاج يمشي برجلينو ، كان مخنوق شديد لأنو جا من السفر مشتاق ليها وملهوف لشوفتها و هي ضيعت كل شي بشكها ده ، لكن هو ده طبعها من يومها كده مع انو زمان قبل الزواج كان بحب غيرتها دي ، ابتسم لمن اتذكر الأيام الحلوة ديك أيام الجامعة لمن اتعرف عليها كان خريج وهي في سنتها الأولى ، و طول علاقتهم الاستمرت ٥ سنوات قبل الزواج كانت معذباهو شك و غيرة لكن كان معتبرها طفلتو و بحب غيرتها و جنونها ... ابتسم أكتر و قال لنفسو : و لازلتي طفلتي يانجود ....
وصل البيت و كان الوقت اتأخر ، لكن رغم كده لقى البيت صاخب و فيهو حركة ، و لمن دخل لقى أخوانو متجمعين ، الكبير و معاهو زوجتو و أولادو التلاتة الفي الثانوي و الجامعة ، و أختو مع أطفالها الخمسة البين ١٣ سنة و ٦ شهور ... و اتنين أولاد أختو المتوفية ، و أختو الأصغر منو دعاء و أمو و أبوهو ..
- سلاااام عليكم
بمجرد ما سلم لقى نفسو محاوط بأولاد أخوانو و كل واحد عاوز يسلم قبل التاني و قربو يرموهو ، بقى يضحك ويقول :
- براحة ياشباب واحد واحد هههههه
- عمو جبت لينا شنو من السفر
- جبت ليكم هدايا لكن ما جبتها معاي حسي ، وين أميرتي؟
أمو قالت بزعل : يعني بتسأل منها قبل ماتسلم علي؟
قبل جبينها و قال :
- إنتي ست الكل ، و بعدك طوالي أميرة
هنا سمعو صرخة عاااالية :
- خالوووووووو حبيبي جااااااااااااا
فرد يدينو و استقبل أميرة في حضنو و قال :
- اشتقت ليك يا روح خالو ، كيف أخبارك و كيف مع الجامعة
- أوووفففف ما تذكرني الجامعة
أخوها الأصغر منها قال :
- يعني هي بت أختك و نحن لا ؟
- كلكم حبايبي بس أميرة أول مولود فيكم حتفضل معزتها غير عن الكل
قال باستهزاء و غيرة من أختو :
- بكرة تجيب خالد و تنساها
الكلمة جرحتو لكن اتجاوزها لأنو كان مبسوط بلمتهم و حاسي إنهم كلهم أولادو و مالين عليهو حياتو
.
.
في #مكان
و #زمن آخر...
...
المريض دخل و مباشرة قعد على كرسي الكشف و اتكل و غمض عيونو ، هاجر استغربت لأنو ماقال شي و لا قال هو بشكي من شنو لكن قامت من مكانها و شالت الطوق الفيهو الكشاف لبستو في جبينها و مشت عليهو و قالت :
- How do you feel? بماذا تشعر
- Tierd متعب
- don't worry, let me see your teeth لا تقلق ، دعني أرى أسنانك
- but the pain of my sool is greater لكن الألم الذي بداخلي أكبر من ألم أسناني.. منهك حقا..
هاجر قالت بهمس : كلنا أرواحنا موجوعة لكن نقول شنو بس
اتخلعت لمن المريض نط من مكانو و قال : قلتي شنوووو؟؟؟
ختت يدها في خشمها وقالت : سوداني؟؟؟
ظاااهر علي لكن إنتي الماظاهر عليك ، فاجأتيني بصراحة ههههههه
بقى يضحك مع إنو الموضوع ما مضحك للدرجة دي ، و هي كمان ضحكت معاهو و قالت : لي سنة كاملة ماشفت لي زول سوداني عشان كده ماختيت بالي
استعدل و قال باهتمام : أسرتك وين ؟ و كيف مابتشوفي سودانيين البلد ملياااانة
اتجاهلت السؤال الأول و ردت على التاني : فعلا هم كتار هنا بس أنا ما ميالة ليهم....
- امممم شكلو كده وراك قصة ، رايك شنو أنتظرك برة تخلصي شغلك و أعزمك على العشا
- أنا دوامي خلص ، لكن ده بعرض شغلي للخطر لأنو ممنوووع مواعدة المرضى
- مواعدة و كلام فاضي ده كلام خواجااات ، نحن أولاد بلد.. حنتعشى و نتكلم بس....
عاينت للساعة وقالت :
- أوكي انتظرني تحت خمسة دقايق و أحصلك
....
..
فتح الباب براااحة و دخل وهو متوقع يلقاها صاحية لأنو عارفها لمن تكون متشاكلة معاهو ما بتقدر تنوم ، لكنهاا المرة دي خيبت ظنو و لقاها نايمة ، ضحك من منظرها و هي لابسة قميص كبير فوق هدومها ونايمة وهي صارة وشها.. طفى النور وغطاها و قبل جبينها و قال :
- تصبحي على خير حبيبتي
ابتسمت برضا لأنها لمن سمعت صوت الباب عملت نفسها نايمة عشان تتفادى المواجهة خصوصا إنها عاارفة نفسها غلطانة وخجلانة من تصرفاتها الغبية....
..
الصباح كانو الاتنين اتناسو الموضوع ، وهي قامت قبلو عجنت لقيمات و جهزت الشاي و طلعتو برة في الحوش ، و بعد ما هو صحى قعدو يشربو الشاي و بقى يحكي ليها عن سفرتو و الحصل معاهو في الشغل و هي بتسمع فيهو و بتعاين ليهو بإعجاب وهو انتبه لنظراتها و قطع كلامو و قال : بحبك يا أم خالد
ابتسمت وقالت : بحبك يا رووح أم خالد
زح شوية وقال : تعالي أقعدي جنبي هنا
جات قعدت و هي مدنقرة لأنها عارفاهو حيقول شنو ، و هو حاوطها بيدو من كتفها و قربها منو وقال :
- في حاجة يا نجود لازم تعرفيها ، في فرق كبير بين الغيرة و الشك.. أنا بحب غيرتك علي لأنها دلالة على الحب لكن الشك كعب لأنو ضعف في الثقة وهو ضد الحب ، الشك الكتير بخرب العلاقات و نحن علاقتنا دي متميزة لازم نحافظ عليها بالثقة ، و أنا بحبك براااك و عمري مافكرت أخونك لأنك أصلا ما محوجاني لشي ، فما تقللي من احترامي لنفسي و تضطريني كل مرة أقعد أبرر و أحلف و أشرح زي الطفل ، أنا راااجل و الراجل ما بحب يكون في موضع تهمة و تحقيق... فاهماني يا

حبي ؟
هزت راسها وقالت بإحراج : فاهماك ، و آسفة
- ماتعتذري ،بس مادايرك تكرريها تاني اتفقنا ؟
- اتفقنا
...

.
- أمممم ناوية تسكتي كده كتير ؟
- أقول شنو ؟
- كل شي ، داير أعرف كل شي عن الدكتورة
- على فكرة أنا مابحب الكلمة دي
- غريبة ، مع إنك مفروض تكوني فخورة بنفسك
- أنا فخورة بمهنتي لكن بحس كلمة دكتورة دي فيها نوع من التكبر
- هههههه متواضعة فعلا ، مع إنووو...
عاين ليها من فوق لتحت و واصل :
- مع إنو شكلك بيوحي إنك مغرورة
سكتت ، وهو سكت شوية و بعدين قال :
- سكوتك الكتير ده وراهو شنو ؟ حاسي بيك حزينة... ممكن أسألك سؤال ،، أسرتك وين ؟ شكلك كده مقيمة براك
اتغيرت ملامحها و قالت وهي بتغير الموضوع :
- ما قلت لي بتشكي من شنو
- ضرس العقل بألمني
- خلاص بكرة مر علي في العيادة خليني أشوفو
- تمام ، و لو إنو الألم صعب لكن حأصبر لغاية بكرة
طوالي بدون تردد طلعت موبايلها من جيب بنطلون الجنز الكانت لابساهو و فتحت الكشاف و قامت عليهو مسكتو من فكو وقالت : أفتح خشمك
اتخلع من تصرفها الجريئ وهم في وسط المطعم ، و من خلعتو فتح خشمو.. و هي عاينت شوية بعدين رجعت قعدت و قالت :
- لازم يتشال لكن هو ملتهب ، حناخد أنتي بايوتك لمدة ٥ أيام و مسكن و بعدها تجيني أقلعو ليك
قال بإعجاب : باين عليك شاطرة مع إنو شكلك اتخرجتي قريب لأنك صغيرة
ضحكت و قالت : تديني كم سنة كده؟
- ٢٣ سنة
- وتاني؟
- ٢٥ ؟؟؟
- ههههه وتاني
- ٢٧ و مابزيدها ااااخر كلام
- زود تاني ٨ سنوات
- أكييييد بتهظري ، مستحيييل تكوني ٣٥ سنة
- دي الحقيقة.... على فكرة ماقلت لي اسمك منو
دخل يدو في جيبو الأمامي طلع كرت و مداهو ليها ، و هي قرتو و قالت :
- Geographicall researcher, that's great
ابتسم وقال :
- ناكل بعد ده لأني جعت خالص..
لزت ليهو المنيو وقالت : أطلب إنت على زوقك
تلفونها رن ، عاينت في الشاشة و عملتو صامت و ختتو قدامها ، وهو سحبو قرا الاسم بفضول وقال : Harry????
قالت : خليك منو
- مين هاري ممكن أعرف؟
- ما ملاحظ إنك فضولي بزيادة يا أستاذ؟؟؟
- أسامة أظرف من أستاذ ، ولاشنو يا دكتورة!
التلفون رن تاني ، وهو شالو في يدو و قال :
- ظاااهر إنك متضايقة من المتصل ده ، تسمحي لي أخلصك منو؟
عيونها لمعت من إعجابها بالفكرة بس ماقالت شي ، وهو لمن شعر بيها استحسنت الفكرة طوالي فتح الخط :
- ألوووو
- who are you? Where is Hajer? من أنت و أين هاجر
- I'm her fiance, can I help you? أنا خطيبها ، أي خدمة؟
هاري ضحك و قال : - nice try, pleace tell her that I'm waiting her at home, our home
....
يتبع
مع حبي ❤💜 رحمات

#الزوجة_الرابعة
بقلم: رحمات صالح
-٣-

نجود بعد زوجها طلع الشغل قامت دخلت عدة الشاي و غسلتها و شالت هدومو الوسخانة الجا بيها من السفر و بدت تغسل ... و بعد شوية الباب دق ، نفضت يدها من الموية و مشت فتحت الباب :
- مالك مابتردي على التلفون
- دعااااء كنت بغسل ماسمعتو.. اتفضلي أدخلي
- أقيفي جاية وراي معالي مشت تفك القروش من الدكان لبتاع الركشة
نجود قالت بفرح :
- ياسلاااام معالي والله مشتاقة ليها
دعاء همست ليها :
- أقسم بالله صحبتك الفقر دي نهائي مابريدها بس لمن عرفتها جاياك قلت أجي معاها وكلمتها تغشاني ، ما بطمن ليها أصلي.. وعارفاك طيبانة
- حرام عليك معالي دي صحبتي بريدها و زولة قلبها أبيض
دعاء عوجت خشمها و دخلت ، و معالي جات وراها و سلمت على نجود بحرارة.... دخلو التلاتة جوة و نجود طوالي مشت المطبخ بدت تجهز في الفطور و هي مبسوطة بجية صحبتها و حماتها.....
.....
..
- your boyfriend waiting you at home... You can go
- أستاذ أسامة لو سمحت اتكلم معاي عربي وثانيا ما من حقك تأمرني أمشي البيت...
قال بضيق ظاهر على وشو و صوتو :
- أنا ما أمرتك لكن حبيبك منتظرك هناك و ما ظريفة تخليهو بالليل ده و تقعدي تتعشي مع واحد غريب ، ولا شنو يا دكتورة
عاينت جهة الويتر الكان جاي عليهم و جايب العشا ، و قالت ببرود :
- أتعشى أول لأني جعانة
بدت تاكل بنظام و دقة تشبه دقة الأجانب و هو بس بعاين ليها و مستغرب فيها ، بعد انتهت مسحت خشمها برقة بالمنديل ، و شالت شنطتها علقتها في كتفها و وقفت وقالت :
- شكرا على العشا... باي
- أقيفي.. حنتقابل تاني متين ؟؟؟
- بعد ٥ أيام عشان نقلع الضرس...
طلعت من المطعم و ركبت عربيتها و مشت بيتها الكان على بعد ٧ دقايق بس ، و لمن قربت تصل لمحت طيف زول في الضلام قاعد في مسطبة بيتها قدام بابها ، ضغطت على دواسة البنزين و انطلقت بسرعة تجاهو وهو قاعد على نفس وضعو ما زح و لا خاف منها ، و لمن بقت قدامو بالضبط ضغطت الفرامل ووقفت على بعد سنتمترات بس منو ، و نزلت وسط الغبار الكان ملا المكان.. و طلعت قعدت فوق العربية و قالت :
- what do you want Harry
ماذا تريد هاري

- I'm here for you sweety, as always as I'm being
أنا هنا لأجلك حلوتي ، كما أفعل دائما....

وقام من المسطبة و نط قعد جنبها في كبوت العربية و مسك يدها و قال :
You know Hajer I feel that I have been created to be beside you
هاجر ، أتعلمين بماذا أشعر؟ بأنني خلقت لأكون بجانبك ، نحن روح واحدة خلقت على نصفين لا يكتمل أحدنا إلا بوجود الآخر

قاومت العبرة الخنقتها... هي بتحبو ، بتحب وجودو في حياتها ، بتحب حبو ليها واهتمامو و الطريقة البحتويها بيها دايما ، حتى الوقت الاتعرفت فيهو على هاري كانت في قمة حوجتها لشخص زيو يعرف يكون جنبها و يهتم بيها يحس بيها ، لمن جات البلد دي قبل خمسة سنين و هي هاربة من المشاكل الكانت محاوطها من كل اتجاه.. أول زول لقتو كان هو ، اتعرفت عليهو صدفة ، وقتها ما فكرت في انو العلاقة دي ما بتنفع دينيا و لا عقليا و لا اجتماعيا لأنها كانت عاوزة تبعد من كل معارفها الزمان ، وهو كان الحضن الآمن الاحتواها و أداها كل حبو و اهتمامو..... بتجيها لحظات بتفوق لنفسها و بتخش في صراع عنيف و بتقرر تبعد منو لكن التنفيذ صعب بالنسبة ليها لأنها اتعودت انو جنبها دايما و بتلقاهو حوالينها في مكان...

- honey, don't worry.. we will find a solution
لا تقلقي حبيبتي سنجد حلا

هو كده... دايما بعرفها بتفكر في شنو بدون ما تتكلم ، استسلمت لقلبها و تكلت راسها في كتفو ، و قالت :

- Unfortunately there is no solution
للأسف لايوجد حل ، فديانتي لا تسمح لي بالزواج منك ، و أنت ترفض اعتناق ديانتي

I do not reject it, but it will expose me to many risks
أنا لا أرفض ولكن ذلك سيعرضني لمخاطر كثيرة و أقلها أن أحرم من حقوقي كمواطن في هذه الدولة

Let's run away to any other country
لنهرب إذا إلى أي دولة أخرى ، وحينها يمكنك أن تسلم و نتزوج

Honey, you know it's not that easy
حبيبتي تعلمين أن الأمر ليس بهذه السهولة

So what do we do?
و ما العمل إذن؟

If marriage is not permissible, love is not
إن كان الزواج محرما فالحب ليس كذلك ، دعينا نظل هكذا حبيبتي

No, Harry, I'm not religious, but I know that our relationship is not legitimate
لاياهاري ، أنا لست متدينة كثيرا ، لكني أعلم أن هذه العلاقة ليست جائزة ، و ما دامت لن تؤدي للزواج فيجب إيقافها

رفع يدو و ضماها من كتفها و قال :

God wants us to be happy
- الرب يريدنا أن نكون سعداء ، و لن يرضى أن نعذب أنفسنا بالفراق
أنا أحبك هاجر بل أعشقك ، و لن أتخلى عنك أبدا...

رغم إنها عارفة كلامو ضد مبادئها لكن لقت نفسها مرتاحة و غمضت وسحبت نفس عميق و قالت :
- love you Harry

- احم احم.. معليش أقاطعكم شوية
هاجر اتخلعت و رفعت راسها بسرعة من كتف هاري و قالت :
- أسامة

؟؟ جابك شنو
مد ليها تلفونها و قال : نسيتيهو عندي
- و كيف عرفت الطريق ؟؟؟؟
- المهم عرفتو و خلاص ، يلا أستأذن أخليكم تكملو الفيلم الرومانسي حقكم ده ، لكن باقي لي لو دخلتو جوة أحسن...
هاجر اتنرفزت و نزلت من فوق العربية وقالت :
- ماأسمح ليك تتدخل
هاري نزل وقال :
What is happening Hajar, does this fool bother you
ماذا يحدث هاجر ، هل يزعجك هذا الأحمق؟؟
أسامة ماقدر يمسك نفسو و طوالي أداهو بنية في وشو وقال :
- دي ماعشان شتمتني لكن عشان عرض بت بلدي يا كافر يا كلب
هاري مافهم كلامو لكن مسح الدم النزل من أنفو وقال :
- Hajer call the police
هاجر، أطلبي الشرطة......
...
..
نجود كانت مبسوطة بصحباتها المقيلات معاها ، و بعد الغدا دعاء استأذنت و مشت ، معالي كمان كانت ماشة لكن نجود أصرت عليها تقعد :
- يابت خليني أمشي قبل ماراجلك يجي
- راجلي بعمل ليك شنو يعني
- نجود صحي ماوريتيني جاب ليك شنو معاهو
نجود ساقتها جوة غرفتها و فتحت الدولاب طلعت تلاتة أكياس ، و معالي فتحت الكيس الأول و طلعت الفيهو :
- واااااو رهيبة الشنطة دي
و فتحت الكيس التاني و طلعت العباية اللقتها ، ختتها على نفسها و عاينت في المرايا وقالت :
- إبداااااع
و فتحت الكيس التالت و بقت تضحك :
- ههههههه
نجود وشها اتغير و قالت بإحراج :
- عيب ماتضحكي
معالي بقت تفرفر فيهم و تقول :
- لكن زوقووو خرااااافي ، أنا حأكلم سموأل يجيب زيهم
نجود قالت :
- بتبالغي يامعالي كيف حتكلمي خطيبك يجيب ليك ملابس النوم ؟
معالي قالت و هي بتطلع في تلفونها :
- عادي ، كدي أقيفي خليني أصورهم
بقت تصور فيهم و تقول :
- لكن ليه كلهم ألوانهم قريبات لبعض ؟
نجود ابتسمت وقالت :
- عشان هو بحب اللون الوردي و البنفسجي ، أقول ليك شي كمان؟
معالي كانت منشغلة بالصور في تلفونها و قالت :
- قولي
نجود همست ليها بكلام خلت معالي تنتبه معاها و تقول باهتمام :
- واااااو...... رومانسي راجلك ده مع انووو ما ظاهر عليهو
- بحبوووو موووت
- الله يخليكم لبعض و يديكم خالد قريب يارب
نجود اتصدمت من الكلمة لأنو معالي ما حصل فتحت الموضوع ده و هي مابتحب زول يجيب ليها السيرة ، و طوالي ظهر عليها الضيق و معالي لاحظت و قالت :
- سوري حبيبتي شكلي ضايقتك .. أنا بس بتمنى ليكم السعادة طول العمر
نجود قالت بإحباط : يعني قصدك السعادة ما حتكتمل لو ماجبنا طفل!
معالي قالت بسرعة : لا لا لا والله أبدا مابقصد ، بقيتي حساسة شديد ما نجود صحبتي الزمان
- خلاص يامعالي ما حصل شي.. أنسي
- أوكي... يلا دخلي حاجاتك دي قبل ماراجلك يجي و.....
سكتت لمن دخل عليهم و اتفاجأ بوجود معالي و رجع ورا وقال :
- احمم معالي كيفك
معالي ارتبكت وشالت شنطتها و قالت :
- حمدالله على السلامة ، معليش آسفين.. اتفضل أنا أصلا ماشة
- لا لا لا أخدو راحتكم أنا بمشي أغير زيت للعربية....
مشى و معالي بقت تقول بانزعاج :
منظري غبي و أنا جوة غرفة النوم ، يلا أنا ماشة
نجود ضحكت : عادي مافيها حاجة
معالي طلعت ووقفت في الشارع منتظرة المواصلات ،ووقفتها طالت وما في عربية جات... والشمس ضايقتها بقت مغطية وشها بكفة يدها ، بعد شوية في عربية وقفت قدامها و ضربت بوري خفيف والشباك اتفتح :
- تعالي أركبي
قربت شوية و قالت :
- ماتتعب نفسك أستاذ ، حسي المواصلات بتجي
- قلت ليك أركبي ، أصلا الليلة في أزمة مواصلات ما حتلقي
معالي اترددت لكن بعد إصرار ركبت و هي منحرجة منو و كمان خايفة من نجود لأنها عارفة صحبتها غيورة كيف ، فضلت ساكتة وهو اتنحنح و قال :
- ماشة البيت ؟
- أيوة ، عارفو صح؟
- عارفو....
اتحرك و فضلو ساكتين لغاية ما تلفونها رن و ردت :
- نعم سموأل... يادوب طلعت منها....... لا ما لقيت مواصلات.... ماشة مع أبو خالد..... تمام.... سلام
قفلت الخط ، و هو سأل بهدوء :
- ده خطيبك ؟
- أيوة
- أتمنى ما يكون اتضايق إني حأوصلك و كده
- لا لا عادي ، الثقة بيناتنا متوفرة طالما بصارحو و بصارحني بكل شي
- أمممم تمام ، أهم شي الثقة.... الله يتم ليكم على خير
- امين شكرا
- العرس متين
- بعد شهرين إن شاءالله ، تشرفونا لازم
- ده أكيد...
- اااه البيت كان بالشارع الفات
- آخخخ آسف ما انتبهت....
رجع و دخل بالشارع القبلو و لمن وقف قدام البيت ومعالي فتحت باب العربية سمعو صوت صراخ قوي جاي من جوة ، معالي نزلت تجري و هو نزل وراها و دخلو البيت لقو أمها و أخواتها في الحوش بكوركو و يبكو ، و معالي صرخت : حبوووووووووووبة
........
..
هاجر اترددت لأنها عارفة موقف أسامة ضعيف و بالإضافة لإنو أجنبي و اتعدى على مواطن.... بقت واقفة بيناتهم الاتنين و هم بتبادلو نظرات نارية و هاري مصر عليها إنها تطلب الشرطة ، في الأخير خلتهم الاتنين واقفين و دخلت البيت و قفلت الباب وهي ماعارفاهم حيعملو شنو في بعض.... زحت الستارة شوية شافت أسامة مشى ركب عربيتو و اتحرك و هاري ما سألو ، و جا تجاه الباب.... حاول يفتحو لقاهو مقفول ، دق الجرس... جات ورا الباب و قالت بدون ماتفتح :
- Go Ha

rry I want to sleep
إذهب هاري أريد أن أنام

My nose bleeds I need to wash it
أنفي ينزف أحتاج أن أغسله

هاجر فتحت الباب بقلق و خلتو يدخل و يقعد و جرت جابت تلج و شاش و ميلت ليهو راسو لقدام و بقت تمرر التلج على أنفو و تضغط بإبهامها في حتات معينة من وشو ، بعد شوية النزيف وقف وهاري ابتسم وقال :
That's why you should love a doctor
لهذا يجب أن تعشق طبيبة

و مسك يدها لكن هي سحبتها بسرعة و قالت :
You will sleep on this sofa, see you tomorrow
ستنام على هذه الكنبة ، أراك في الصباح...

Ooh no, I need you , what if I bleed again
أووه لا أنا أحتاجك بجانبي ، ماذا إن عاودني النزيف مجددا

قبل ماترد رن جرس الباب , مشت تفتح و هي بتقول في نفسها : أكيد ده الاسمو أسامة ده ، مابعرف طلع لي من وين!!!!
فتحت الباب و اتصدمت من الشافتو قدامها، فتحت عيونها لأقصى حد و هي بتحاول تستوعب إنو الشايفاهو حقيقة ما خيال ، ماقادرة تصدق إنو واقف قدامها بعد اختفاء ١٢ سنة ، نفس شكلو و ملامحو ، نفس اللامبالاة المرسومة على وشو ، حتى نظراتو الخالية من أي إحساس أو حنية....
هاري ناداها :
Baby, who's in the door
حبيبتي ، من بالباب؟؟؟

قالت بصوت مخنوق و هي متجمدة مكانها :
- He is my father

....
يتبع 💜💜💜
رحمات

#الزوجة_الرابعة
بقلم : رحمات صالح
-٤-
جا راجع البيت بعد العشا و مما فتح الباب جاتو ريحة البخور ، دخل و ابتسم لمن شافها في قمة أناقتها و لابسة فستان أسود و اكسسوار لولي و عاملة مكياج خفيف ، لكن كانت قاعدة خالفة رجلها و بتهزها بتوتر و صارة وشها :
- الله الله على الناس الأنيقة دي.. لكن مالووو القمر زعلان
- مافي شي
قعد جنبها و قال بعد ما سحب نفس عميق :
- تعباااان يا نجود و جعااان
اتلفتت عليهو وقالت بانفعال :
- ممكن أعرف كنت وين من العصر ؟ و أوع تقول لي ده كلوو بتغيير زيت للعربية
- طيب جيبي الغدا و بعد داك بحكي ليك
قامت بزهج و سخنت الغدا جابتو و ختتو وقعدت وهي مكشرة. و هو قام غسل يدو و جا و بدا ياكل وهي بس بتعاين ليهو
- ما حتاكلي معاي؟؟
- ما عاوزة
اتأفف و رمى العيشة في الصينية و قال :
- عارفك لو ما عرفتيني كنت وين ما حترحميني، ياستي صحبتك معالي حبوبتها ماتت و كنت في الدفن
- معالي؟ و انت عرفت كيف
هنا شعر إنو في ورطة حقيقية و لو قال ليها إنو وصلها حتطربق الدنيا فوق راسو ، زوغ عيونو من عيونها وقال :
- ما هي قريبة واحد زميلي في الشغل ، عرفت كده بالصدفة
نجود ضيقت عيونها وقالت بعدم تصديق : زميلك اسمو منو؟
- محمد
- محمد منو يعني
- يوووووه انتي حتحققي معاي ولا شنو
- ما هو إنت كلامك ما بخش العقل
- يعني أنا بكذب ؟
- أنا ماقلت كده لكن
نفض يدو و قام و هو بقول :
- يلا الأكل ده زاتو خليناهو... مرة تسد النفس
دخل جوة و بدا يفرغ جيوبو عشان يغير هدومو اتفاجأ إنو محفظتو مافي ، فتش جيوبو كلها مالقاها و طلع برة فتش العربية برضو ما لقاها ، خمن إنو نساها في بيت ناس معالي لمن دخل يتوضا ، فكر يرجع يشوفها لكن المشوار بعيد وهو تعبان ، مافي حل غير يتصل عليها لكن حيجيب الرقم من وين...
رجع دخل جوة لقى نجود قاعدة نفس قعدتها و متصنمة مكانها شكلها مصدومة من كلمتو : مرة تسد النفس ، لكن ما اشتغل بيها و دخل و بسرعة شال تلفونها و طلع رقم معالي حفظو في راسو ، و هي في اللحظة دي كانت بتفكر و حست انو الموضوع مايستاهل الزعل فقررت تصالحو و تقنعو يرجع يكمل أكلو.... لكن هو ما أداها فرصة و طلع الشارع و اتصل على معالي عشان يسأل من محفظتو لكن معالي ما ردت عليهو.... نجود كانت مقلقة من دخلتو و طلعتو ، طلعت وراهو و عاينت ليهو من ورا الباب ، شافتو شايل تلفونو و بتصل ، و الناااار ولعت فيها و صممت تعرف بكلم منو بالليل ده....
...
.
- حتخليني واقف كده في الباب؟؟؟
بعد ما أبوها قال كده لاشعوريا عاينت لهاري الكان ممدد في الكنبة و رفع راسو بعد سمعها قالت إنو الفي الباب أبوها
عاين مكان ما بتعاين و قال :
- امممم اتزوجتي ؟
رغم البينو و بينها لكن كانت محرجة من وجود هاري ، وارتاحت شوية لمن افتكر انها اتزوجت..
- للدرجة دي ناسية إنو ليك أب ، بتتزوجي و ما بتكلميني؟
- هو أنا عارفة ليك طريق ؟ 12 سنة ما شفتك ولا عارفاك وين
قال بعدم اهتمام : المهم إنك كويسة
و اتلفت برة و نادى :
- رامي تعال ، دي هاجر أختك الكبيرة
اتخلعت وهي بتشوف قدامها ولد عمرو حوالي 15 سنة لابس جيب شورت و تيشيرت بدون أكمام و لابس سلسل عليهو علاقة شكل جمجمة ولابس طاقية مقلوبة لي ورا وشايل شنطة في ضهرو و بعاين للمكان بإعجاب...
قالت لأبوها :
- ده منو
- هاجر أنا عارف قلبك كبير و ما حترفضي تخلي بالك من أخوك فترة مؤقتة و أنا أوعدك بعد مشاكلي تتحل بجي آخدو
الولد اتدخل وقال :
- براحتك يا أبوي أنا أصلا ماعاوز أرجع الخليج تاني ، من زمان أمنيتي أعيش في أوروبا ..
هاجر قالت بانفعال :
- بتقولو في شنوووو إنت وهو؟ أنا مااا مستعدة أتحمل مسؤولية أي زول ، و بعدين الولد ده كان وين من زمان و أضمن من وين إنو أخوي و ليه ما سمعت بيهو قبل كده....
رامي ما اشتغل بيها و اتخطاها و دخل البيت ، و أبوها قال :
- خلي بالك منو ، سلام
بسرعة مسكتو وقالت :
أقيف ، ما حتمشي قبل ما تفهمني.... و حتاخدوو معاااك لأنو أنا ما فاضية ليهو أساسا
أبوها قال :
- هاجر أنا طيارتي زمنها قرب ، بس أوعدك لمن أجي آخدو حأفهمك كل شي
طلعت قدامو و وقفت في طريقو وقالت وهي بتصرخ :
- إنت لووو مااا قدر المسؤولية بتجيبنا ليييه بتولدناااا عشان ترمينا وتعذبنا لييييه؟ نفففس المنظر ده حصل قبل سنييين شلتني وانا عمري 10 سنوااات رميتني لمرتك التانية و انت عاااارف هي بتكرهني و بتعاملني كيف ، و مشييت خليتني اضوووق الويل منها ، كنت مابشوفك الا مرة في السنة و كل ما تجي بقعد أترجاك ترجعني لأمي و إنت ما راضي و ده كلو عشان تقهرها هي و خليتني أكبر بعيد من حضنها ، و في النهاية اختفيت بالمرة و لا فكرت تسأل مني ، و جاي بعد 12 سنة لاحقني هنا عشان ترمي لي ولدك و تمشي زي ماعملت معاي؟؟؟ معلييييش والله يااا أستاذ علاء الدين... مسؤليتك شيلها براك
سكت و دنقر ، و هي واصلت بهدوء مفاجئ:
- وديهو لي أمو ، أكيد بكون محتاج لحضنها
اتفاجأت بصوت رامي بقول :
- لاااا أنا ماراجع تاني
بقت بتعاين ليهم الاتنين و هي

حاسة إنو البحصل ده جنووون... و أبوها ربت على كتفها و قال :
- خلي بالك منو ، و إعتذري لزوجك بالنيابة عني
رامي ضحك وقال :
- أشك إنو زوجها....
أبوها ما علق و مشى طوالي و هاجر قلبها اتشق نصين من إهمالو الفظيع ده و عدم اكتراثو و حتى ما اهتم يتأكد من الراجل الغريب القاعد مع بتو في بيتها و بالليل...
..
- لسه زعلان حبيبي؟
قبل جبينها وقال : صباح الخير على وردتي الجميلة
ابتسمت و قالت : صباح النور أبو خالد
- الله! طالعة من خشمك زي العسسسل
- الله يخليك لي ، يلا قوم صلي مسافة أجيب الشاي
قام اتسوك و اتوضى و صلى و بعد ماشرب الشاي طلع يجيب حاجات تموينية لأهلو ومشى وداها ليهم و قعد معاهم شوية و قبل ما يطلع صحت أميرة بت المرحومة و أحب وحدة في أولاد أخوانو :
- خالوووو صباح الخيير ده أحللللى صباح الليلة بي طلتك
- صباح الفل أميرتي ، الليلة ما شغالة جامعة ولا شنو
- مااا عاوزة أمشي تعبااانة و المواصلات صعبة الأيام دي
- لا كده ما ينفع ، أنا عاوزك دايما منضبطة.. يلا أدخلي أجهزي أنا بوصلك
قالت بفرح : جد يا خالو ؟
- جد ياروح خالو لكن عندي مشوار صغييير كده قبل ما أوصلك
- حاضر ياخالو أنا لاقية أمشي معاك
- يلا بسرعة
- أوووكي ، لكن ما وريتني ماشين وين
همس ليها براحة : حأوريك بعد نطلع بس حيكون سر بيني و بينك...
- هههههه أوع تكون ماشي لحبيبتك التانية
- اشششش إنتي عاوزة نجود تقتلنا ولاشنو ههههههه
قالت بجدية : خالو إنت بتخاف منها كده ليه
- ده ما خوف يا أميرتي ، بحبها و مابحب زعلها
- وهي لو بتحبك زي مابتحبها ما بتخنقك كده ، خالو إنت عايش مرعوب و خايف من زعل نجود حتى الكلام و الونسة والهظار بحساب
قال بحزم : أميرة بلاش كلام فارغ و إياك تاني أسمعك تجيبي سيرة نجود بالشكل ده ، و يلا أمشي ألبسي عشان نمشي
مشت و هي متضايقة لأنها ما اتعودت ينهرها و لا يرفع صوتو عليها إلا بسبب نجود دي...
طلعت معاهو و مشو بيت العزا و لمن وصلو نزل و لقى أولاد قاعدين برة ، سلم عليهم و سألهم من المحفظة لكن قالو مافي زول شافها ، و دخلو يفتشوها ليهو و هو واقف برة مقلق لأنو فيها بطاقات مهمة....
..
كانو التلاتة ساكتين و بعاينو لبعض و مافي واحد عارف كيف يتصرف في الوضع الغريب ده ، فجأة بقت بتضحك و تقول :
- Harry, tell me what I will do with this child
هاري ، أخبرني ماذا سأفعل بهذا الطفل

الولد قال بزعل : هيي أنا ما طفل.. و بعدين أنا ما حأتعبك في شي اعتبريني ما موجود
- أمك وين ؟ أنا ممكن أرجعك ليها ، و التذكرة على حسابي كمان...
ابتسم بحزن و قال : أمي خلتني لأمها و أنا بيبي في اللفة و اتزوجت بعد أبوي طلقها ، ربتني حبوبتي و جا أبوك أخدني منها هههه و بعد داك غلبو جا رماني ليك
- و حبوبتك وين؟ ليه ما رجعك ليها
- حبوبتي الله يرحمها ماتت ، تعرفي يا هاجر نحن الله ابتلانا بأبو ما بعرف غير يتزوج و يخلف و يرمي ، يمكن انتي أحسن مني لأنو أنا أمي و أبوي الاتنين ماقادرين يشيلو مسؤوليتي
قالت بدون ما تحس : أنا أمي اشتقت ليها كتيييير
رامي قال بفضول : أمك وين ؟
انتبهت لنفسها و صرت ليهو و قالت : أدخل نوم و الصباح حأشوف أعمل فيك شنو
رامي دخل الغرفة الأشرت ليهو عليها و هي كانت غرفتها و الغرفة الوحيدة في البيت الصغير ده ، و بعد داك هاري جا قعد جنبها ومسك يدها و قال :
Sorry baby you seem to be having trouble
آسف حبيبتي يبدو أنك تتعرضين لمشكلة ما

Do not worry, I'll find a solution
لا تقلق ، سأجد حلا

- I'm always beside you
أنا بجانبك دوما ، إن احتجتِ لأن تخبريني عما يحدث فسأسمعك و سأقف بجانبك

هاجر انهارت بالبكى و قالت :
I'm tired, Harry. I've been suffering a lot and I've had a lot of trouble
أنا متعبة هاري لقد تعذبت كثيرا و عانيت كثيرا ، لقد عشت حياة صعبة مع زوجة أبي بعيدا عن أمي ، ثم تخطيت كل شيء و درست باجتهاد و كافحت حتى أبتعد ، و ابتعدت.. جئت إلى هذه البلاد تاركة كل معاناتي خلفي ، لكن المشاكل لا تدعني و شأني وها هو أبي يعود بعد غياب ١٢ عاما ليحضر لي ابنه الذي لم أره من قبل و لا أعلم بوجوده أصلا....
هاري اكتفى بإنو مسك كفة يدها قبلها وقال :
We will overcome everything together
سنتخطى كل شيء سويا... لا تقلقي حبيبتي ف هاري معك و لن يدعك تشعرين بالسوء ، فقط أخبريني عما ترغبين بفعله و سأنفذه معك.. أريدك فقط أن تكوني سعيدة

عاينت ليهو وهي بتفكر ، و بعدها قالت :
We'll marry Harry, that's what I really want
سنتزوج هاري ، هذا ما أريده حقا....

I also want it, but how
أنا أيضا أريد ذلك ، و لكن كيف؟

قالت بالعربي و هي سارحة بعيييد : لقيت الحل ، الله يغفر لي لكن شكلو كده مافي حل غيرو......
-
يتبع 💜💜💜
مع تحياتي
رحمات صالح
.

#الزوجة_الرابعة
بقلمي : رحمات صالح
-٥-

شعر بإحباط بسبب إنو ما لقى محفظتو و مشى وصل أميرة و منها مشى الشغل وهو مقرر يصبر يومين لو ما ظهرت المحفظة يمشي يطلع بدل فاقد للبطاقات...
أثناء ماهو في الدوام جاهو تلفون كان رقم معالي ، رد بفرح وهو متوقع إنو محفظتو اتلقت :
- ألووو
- مرحب ، منو معاي لقيت مكالمة من الرقم ده
- معالي كيفك أنا أبو خالد زوج نجود
- مرحبا أستاذ ، معليش أمس مع الضيوف و الجوطة ماقدرت أرد عليك
- و لا يهمك.. كنت بسأل عن....
قطع كلامو لمن سمع صوت تنبيه مكالمة داخلة عليهو ، زح التلفون و عاين للشاشة لقاها نجود ، رجع واصل كلامو :
- عندي محفظة فقدتها لو اتلقت في بيتكم ياريت تديني خبر
- خير ، و شكرا على وقفتك معانا أمس
- العفو ، ده واجبنا
وقفل بسرعة و هو حاسي إنو زي الكان جاري ، سحب نفس وهو بتذكر كلام أميرة و بقول في نفسو : معقولة أنا فعلا بخاف منها كده ، لا لا أنا بحبها بس......
..
نجود كانت بتتصل عشان تكلمو إنها ماشة تعزي معالي و لمن لقتو مشغول قالت تتصل في المسافة دي على معالي و تعزيها و تكلمها إنها حتجيها ، لقت تلفون معالي مشغول برضو ، في لحظة كده قلبها أكلها لكن تاني قالت في نفسها : إنتي مجنونة ولا شنو ده شنو البتفكري فيهو ده.....
لبست و طلعت بعد هو رجع ليها و كلمتو إنها ماشة ، وقال ليها تمشي و هو بعدين بمر عليها يرجعها معاهو ، و فجأة خطر ببالو لو معالي فتحت معاها موضوع المحفظة حتكون ردة فعلها شنو ، فكر يتصل بمعالي ينبهها لكن تاني حس إنو التصرف ده بقلل من مكانتو كراجل ، عشان كده قال يخلي الموضوع على كده و اليحصل يحصل....
بالعصر خلص شغلو و طلع ، و مر عليها ساقها.. كان مركز معاها و مترقب تصرفاتها لكن لقاها عادية وارتاح شوية :
- رايك شنو نتغدى برة الليلة
قالت :
- ياريييت ، عارف أنا أبيت آكل في بيت البكى عشان عارفاك ما بتحب تتغدى براك
مسك يدها وهو مثبت الدركسون باليد الشمال ، و قال :
- الله يخليك لي يا أغلى زوجة في الدنيا
...
I do not mind, but I do not think that is called marriage
لا مانع لدي ، ولكن لا أعتقد أن ذلك يسمى زواجا

Why not, we will do all the marriage ceremony and declare our marriage and live as a couple and each of us will keep his religion
لم لا ، سنفعل كل مراسيم الزواج و نعلن زواجنا و نعيش كزوجين و كل منا سيحتفظ بديانته

Sweetie You're a bit confused by what happened today
حبيبتي أنت مشوشة قليلا بسبب ما حدث اليوم ، أنا أعلم أن هذا الأمر غير مقبول في شرعك و إن فعلنا فلن يسمى زواجا ، ستكون مجرد صداقة...

انهارت و قالت و صوتها ممزوج بالعبرات :
But you said that God wants us happy
ولكنك قلت أن الله يريدنا سعداء ، و أنا متعبة... متعبة كثيرا هاري ، أريد أن أرتاح

ضماها عليهو و قال :
Do not think now, calm down and close your eyes
لا تفكري الآن فقط اهدئي و أغمضي عينيك
و أعدك أنني سأفعل ما بوسعي لأسعدك ، أنا هنا لأجلك هاجر حتى إن لم نتزوج فسأظل أرعاك و أغرقك بحبي...
..
.
بعد اتغدو و طلعو من المطعم قالت :
- حبيبي ممكن أطلب منك طلب
- تأمري يا عيوني
- عاوزة أمشي أشوف ماما طولت منها
- بس كده ؟ طوالي نشيل لينا حاجة حلوة و نمشي نشرب معاها الشاي
ابتسمت برضا و هي حاسة إنها أكتر وحدة محظوظة في الدنيا ، ماحصل رفض ليها طلب و كل ماتقول عاوزة تشوف أمها بوديها طوالي لأنو عارفها متعلقة بأمها خصوصا إنو أبوها متوفي و ماعندها أخوان و أمها عايشة مع أخوها....
كانت حاسة انها كل يوم بتحبو أكتر لكن دايما في لحظات الحب و السعادة دي في خوف بدخل قلبها و بتفكر لو فقدتو حتعمل شنو ، نفضت الفكرة من راسها و طلعت تلفونها عشان تتصل على أمها تكلمها إنهم ماشين عليها ، لكن لقت نفسها ماعندها رصيد ؛
- حبيبي ممكن تلفونك أكلم ماما؟
- جدا ياروحي
طلع التلفون و فتحو و طلع ليها رقم أمها و ضغط اتصال و اداها ، و هي بعد ما اتكلمت و قفلت الخط لقتها فرصة إنو التلفون مفتوح و في يدها ، و دي فرصة مابتقدر تفوتها.. وبسرعة وبدون ماينتبه عاينت في سجل المكالمات الكان أصلا مفتوح قدامها بعد المكالمة انتهت .... و هناااا ألجمتها الصدمة......!!!
......
فضلت طول الطريق ساكتة ما سألتو وهو لاحظ بس استبعد فكرة إنها تكون شافت المكالمات البينو و بين معالي لأنو عارف طبعها لو شافت شي ما بتسكت... وصلو بيت أمها و سلمو عليها و هو قعد ، أما نجود دخلت غرفتها القديمة و غيرت هدومها بي بجامة و جات قعدت و هو و أمها استغربو و أمها قالت :
- ياسلام بايتة معاي الليلة ولاشنو
قالت و هي بتعاين ليهو بي حدة :
- لا يا ماما ما بايتة ، قاعدة معاك على طول
هو في اللحظة دي اتأكد إنها شافت المكالمات ، قرر يكون هاديء لأنو عارفها ما حتتفاهم في اللحظات دي ، قال بهدوء :
- فعلا يا خالتي نجود قالت نفسها تقعد معاك كم يوم.. و أنا أصلا الأيام الجاية عندي شغل كتير حكون مشغول...
نجود انفعلت و قا

لت وهي بتكورك :
- قول إنك ما صدقت لقيت فرصة تخلص مني عشان تمشي تفضى لحبيبة القلب...
أمها قالت بعصبية : ده كلام شنو يا نجود انتي متأكدة ؟
- شفت مكالماتهم بعيني في تلفونو ، و كمان الأستاذ عارف أخبارها أول بأول قال شنو قال واحد زميلو طلع قريبها لكن ده ما علي أنا
- صحي الكلام ده ؟؟؟
مسح وشو بزهج و قال :
- ياخواننا الموضوع ما كده والله
- طيب فهمني كيف وقول كلام يخش الراس بالله ، انا شايفاك بي عيني شلت تلفونك طلعت اتكلمت في الشارع و جيت لقيت المكالمة دي كانت رقم معالي و كمان في مكالمة منها و قبل ده كلو انت عرفت انو حبوبتها اتوفت في أول ساعة و مشيت معاهم الدفن ...
- أنا اتصلت بس لأني نسيت محفظتي عندهم و....
قاطعتو وقالت :
- أنا ماعاوزة أعرف شي... طلقني بس
و قامت و قبل ماتمشي قالت :
- غلطانة أنا البدخلها بيتي و بثق فيها ، ما كنت قايلة راجلي خاين و عينو زايغة....
...
- هاجر هاجر قومي
فتحت عيونها بكسل و اتلفتت عشان تعرف هي كانت نايمة وين ؟ لقت نفسها نايمة في الكنبة و بدت تسترجع كل أحداث الليلة الفاتت ، عاينت لأخوها و قالت :
- أوففف الساعة كم
- ماعارف أنا مافاهم شي في توقيتكم ده
قامت و هي بتتمطى و اتلفتت لقت هاري مافي خمنت إنو مشى لأنو شغلو بدري ، و مشت غسلت وشها وجات قالت لرامي :
- حأطلع أجيب الفطور و أجيب شوية حاجات
قال باستغراب :
حتطلعي كده ؟؟
- كده كيف؟؟
- بهدومك دي ؟
عاينت لروحها و قالت :
- مالها هدومي ؟ عشان كنت نايمة بيها ؟ عادي بمشي و اجي اخد حمام و أغير
عاين ليها وهو لسه مستغرب انها حتطلع لابسة بنطلون ضيق كده و تيشيرت قصير بس شافها شالت المعطف بتاع البرد و لبستو :
- طيب ألبسي طرحة...
اتجاهلتو و شالت مفتاح عربيتها ، وهو لحقها و قال :
طيب سوقيني معاك
طلع وراها و ركب و قال :
- هاري ده منو ؟
قالت بحدة :
- أسمع ، من هنا و لغاية ما تمشي أوعك تسأل من أي شي مابخصك ، انت فاهم
سكت و بقى يعاين في الشارع و الناس ، و بعدها قال :
- البلد دي كئيبة ، ما كنت متصورها كده و كنت فرحان إني جاي أعيش معاك
قالت بحزن : الكئابة دي شعور جوانا نحن...
صرخ بصوت عالي : هااااجر انتبهييييي
ضغطت فرامل بسرعة لمن انتبهت للعجوز القاطعة الظلط لكن للأسف العربية ماوقفت بسرعة و خبطت في العجوز و طارت فوق و جات خابطة في القزاز الأمامي... و وقعت على الأرض بدووون حركة....
...
أول ماراجلها طلع انهارت و بقت تبكي و أمها بتقول ليها : أصلا ده كلو عشان ما بتسمعي كلامي قلت ليييك الراجل ده من تدلعي ياهو بطلع ليك فوق راسك ، نوعية راجلك دي أنا بعرفها سممممح راجل زي الكلب تجري منو يجري وراك تجري وراهو يجري منك
اتضايقت شديد من تشبيه أمها و قالت : ماما حرام عليك ماتقولي عليهو زي الكلب هو ما قعد يقصر و بحبني و شايلني فوق راسو و مهما يعمل ده ما معناتو أنسى ليهو حقو علي...
- أجي يخواني! مش برااااك قلتي لقيتي مكالماتو مع صحبتك
- هو ما بعاين لغيري أنا متأكدة ده كلو من راس الاسمها معالي دي تلقيها هي الكانت جارية وراهو و أنا ما جايبة خبر....
- عشان عويرة بس
استفزتها كلمة أمها دي و طوالي شالت تلفونها ضربت لمعالي و هي هايجة :
- أسمعي هناااا ياااا معالي
- نجود ؟ مالك في شنو
- ماتعملي لي فيها مافاهمة ، لووو خطيبك ما مالي عينك دي مامشكلتي شوفي ليك زول غير راجلي انتي فاهمة؟
- نجود إنتي بتقولي في شنو
- ماغلطانة إنتي غلطااانة أنااا الماسمعت كلام دعاء ياما حذرتني منك تلقيها عارفاك خاينة
معالي غيرت نبرتها وقالت بحدة :
- هي هي أنا مابسمح ليك تتكلمي عني بالطريقة دي انتي ولا حماتك ، وانتي وراجلك ان شاءالله تولعو بجاز أنا مالي شغلة فيكم و أووع تدخليني في مشاكلكم، و عقدك دي طلعيها بعيد مني بالله
- انااا معقدة؟؟؟ ، ايوة طلعي الفي قلبك كلو يا حاقدة ما اتحملتي تشوفيني مبسوطة قلتي تخربي حياتي
معالي حست بنار ولعت جواها من كلمة حاقدة دي و لقت نفسها بتقول من غير ماتفكر في كلامها :
- قسما بالله يا نجود أنا في و إنتي في ، لو ما دفعتك تمن كلمتك دي ما أبقى معالي.. و راجلك ده لو ماعرستو و جبت ليهو خالد الإنتي ماعرفتي تجيبي ليهو تعالي أضحكي فيني و خلي ظنونك دي تنفعك. سلام......
...
..
يتبع
رحمات صالح
تحياتي 😊🌺🌸

#الزوجة_الرابعة
بقلم : رحمات صالح
-٦-

أصلا ما ممكن أعديها ليها على خير
أنا ؟؟ أنا يا نجود حاقدة و خاينة ؟
و قسما ما أرتاح لو ما ندمتها على كلمتها دي و خليت راجلها ده يجري وراي و يتمنى تراب رجليني و أشووف في عيونها بدل الدموع دم ، و بعد داك أفكو عكس الهوا أصلا سموأل قاعد حيمشي وين يعني!!!
- معالي مالك مقلقة كده داخلة و طالعة؟؟
عاينت لأختها و قالت وهي بتفكر ، و بتلعب بالمحفظة اللقوها من شوية في الصالون :
- تتذكري منال ؟ بت جيراننا الزمان ديك ؟
- اي بتذكرها مالها
- مش قالو عرست ليها واحد وزير و لا سفير ولاشنو مابعرف
- ااااي راجل عندو جنس قروش النار ما تاكلا و قالو عملت ليهو عمل جننتو عديل و خلتو ما يشوف غيرها
- بسسس ده الدايرة أسألك منو ، عملتو وين العمل ده
- سجمي يا معالي عمل شنو كمان! خطيبك بحبك و دبلتو في يدك ما محتاج تسوي ليهو عمل
معالي انتبهت للدبلة و طلعتها و قالت :
- انتي بس اعرفي لي مكان الشيخ ده بأي طريقة
- لا أنا لازم أفهم أول
معالي طنشتها و دخلت جوة ، شالت تلفونها و اتصلت :
- ألوو
- مرحب معالي كيفك كويسة؟
بدت تبكي وتقول : لا طبعا ما كويسة ااااااه أصعب شي إنو الوحدة يتهموها في سمعتها و تسمع الأنا سمعتو ده...
سكت لأنو خمن انو الموضوع متعلق بنجود ، و معالي واصلت وهي لسه بتبكي :
- أنا ؟ أنا وحدة رخيصة و بتاعت رجال و بجري وراهم ؟؟؟ أسامة حصل شفت مني شي كعب ؟ حصل مرة أنا رفعت عيني في عينك ؟؟ نجود مرتك دي صحبتي ليها كم سنة حصل يوم شافت علي حاجة ؟؟
- أهدي يا معالي و فهميني في شنو
- الهانم مرتك ضربت لي و قالت لي كلام ، استغفر الله بس أنا زاتي مابقدر أقولو....
- لاحول ولاقوة إلا بالله ، معليش حقك علينا ، بس في سوء تفاهم و إن شاءالله هي حتفهم وحتعرف كل شي
- يا أسامة انت ماعارف يعني شنو وحدة تسمع الأنا سمعتو ده ، و من أعز صحبة عندها.. موووت بالحياة أقسم بالله
لفت انتباهو إنها قالت اسمو مرتين مع إنها طول معرفتها بيهو ماحصل قالت غير أبوخالد لكن اتجاهل الحاجة دي و قال :
- ممكن أعرف بالضبط هي قالت شنو ؟؟
- أنا لقيت محفظتك ممكن تجي تاخدها و نتكلم و أوريك الحصل ، بس رجاء ما تكلمها إني اتصلت أنا ماناقصة مشاكل
- طبعا طبعا ما بكلمها ما بشيل بيدي الجاز أكبو فوق النار.....
ابتسمت بخبث و قالت : أوكي ، منتظراك أنا...
....
.
يااا هاجر ما كده ياخ
بقت تكفت في نفسها و تقول بصورة هستيرية :
- أنااااااا قتلللللت المرة أنااااا قتللللللتها إنت فاااااهم يعني شنوووو قتلتها
رامي بدون شعور لقى دموعو جارية ، كان الموقف أكبر منو بكتير ، ما حصل اتخت في موقف زي ده ، أختو الجابوهو ليها عشان ترعاهو داخلة في حالة جنونية و ماسكنها في القسم و هو ولا عارف يهديها و لا عارف يحل ليها المشكلة... والشرطي بقول في كلام و رامي مافاهم كلامو و الشرطي كمان مافاهمو ، فكر انو لازم يشوف زول يساعدهم و طبعا مافي غير هاري و أصلا ما شاف غيرو ، شال منها موبايلها و فتح المكالمات و ضغط على آخر مكالمة ، كانت رقم بدون اسم ، قال بصوت واطي :
- ألووو
اتفاجأ من الرد :
- معقووولة الدكتورة شخصيا ههههه لمن نسيتي تلفونك عندي رنيت لي نفسي و اتعمدت أخلي ليك الرقم لكن ما اتوقعتك تتصلي بالسرعة دي
- إنت منووو؟؟؟
أسامة ركز في الصوت لقاهو ما صوت هاجر ، وغالبا صوت ولد مراهق :
- إنت المنو ؟ و هاجر وين ؟؟
رامي اتنفس بي راحة شديدة وقال :
- الحمدلله ، لقيت زول بتكلم عربي... نحن في قسم الشرطة و هاجر منهارة ، أنا ماعارفك منو لكن بس تعال لينا بسرعة....
خلال دقايق بسيطة كان أسامة وصل ، واتكلم مع الشرطي وفهم منو إنو المطلوب بطاقة التأمين و ترخيص العربية و رخصة القيادة... و بعد تعب قدر يتحصل عليهم ، و بقى باقي النهار كلو بين المشرحة والقسم لغاية ما أهل العجوز استلمو الجثمان و الشرطة أفرجت عن هاجر بعد الاجراءات اكتملت....
...
..
- يا أخت معالي لازم تهدي
- أخت؟؟ لو كنت زي أختك ما كنت رضيت لي العملتو فيني نجود...
و مسحت دموعها وقالت بانكسار مزيف : لكن أنا مسامحاها عشان خاطر الصداقة البيناتنا و عشان الأيام الحلوة ، و عافية ليها دنيا و آخرة...
- أصيلة والله ، و حقك علي و أعفي لي دخلتك في حتة زي دي
- ولا يهمك يا أستاذ إنت كلك زوق و فهم و أنا نجود صحبتي و عشرة عمري و عارفاها كويس و ياما نصحتها تبطل شك و ظنون و قلت ليها الزواج ده علاقة مقدسة لازم نحترمها و نقدرها ونراعي حجم العلاقة لأنها ما حاجة هينة ، الواحد لو ما زوجتو وثقت فيهو و أدتو مكانتو و احترامو عمرو ما يرتاح... الله يهديها بس
- والله ماعارف أقول ليك شنو لكن أنا مرات فعلا بحس إني تعبت ، و برجع أقول لنفسي هي طبعها كده ولازم أتحملها
- تتحملها حاجة ، و تسمح ليها تتمادى حاجة تانية... إنت الراجل وفي مقام المربي و ماتنسى إنها فقدت أبوها وهي صغيرة يعني محتاجة أب ينصحها و يوريها الصح من الغلط مش يخليها تتمادى...
- كلامك كلو صح ، الله يكملك بعقلك... يابخت