15 сутак за торцік з «Пагоняй»

У пятніцу, 11 снежня, у доме па вуліцы Чыгуначнай прайшлі ператрусы ў кватэрах. У выніку затрымалі шэсць чалавек. Траіх, разам з гісторыкам Андрэем Мацуком, асудзілі ў панядзелак на 15 сутак.

Судзілі гэтых людзей за святкаванне дня нараджэння Андрэя Мацука ў двары іх дома ў пятніцу 4 снежня. Свята палічылі несанкцыянаваным мерапрыемствам. «Абцяжарвальнымі абставінамі» палічылі паяданне торцікаў з выявай «Пагоні».

Паглядзіце, якую незвычайную манету выпусціў Нацбанк

Яна прысвечана стагоддзю стварэння авангарднага аб'яднання УНОВИС.

У цэнтры Гродна лоб у лоб сутыкнуліся два гарадскія аўтобусы

Аварыя адбылася сёння раніцай на перакрыжаванні вуліц Ажэшкі і Сацыялістычнай побач з плошчай Леніна.

З-за аварыі праезд скрыжавання быў ускладнены. Рух рэгуляваў інспектар.

Муж Хіжынковай: Не сустракайце Вольгу з турмы, бо ніхто не ведае, як да гэтага паставяцца супрацоўнікі Акрэсціна.

https://nn.by/?c=ar&i=265306

У Мінску бацька выклікаў міліцыю на дзяцей, што павесілі бел-чырвона-белыя шторы

https://nn.by/?c=ar&i=265311

Лукашэнка: Давайце жыць дружна, захаваем краіну

«Я хачу, каб вы разумелі маю пазіцыю, яна нязменная: давайце жыць дружна, захаваем краіну (а мы яе захаваем, чаго б нам гэта ні каштавала, і не для мяне, і не для яго — гэта ўжо для ўнукаў). І гэта мая галоўная задача. Усё будзеце вырашаць вы. Абяцаю вам: усё будзеце вырашаць вы», — падкрэсліў Лукашэнка ў магілёўскай абласной клінічнай бальніцы.

За абразу экс-кіраўніка МУС Караева ў каментары на YouTube мінчука асудзілі да трох гадоў «хіміі»

https://nn.by/?c=ar&i=265310

Суперзоркі муай-тай Валент і Кулебін падпісалі лукашэнкаўскі ліст спартоўцаў, але не могуць патлумачыць матывы

Сябры ў шоку.

https://nn.by/?c=ar&i=265309

Мінгандлю будзе сачыць за цэнамі на мандарыны, шампанскае і кансерваваны гарошак

МАРГ узмацняе кантроль цэн на прадукты, традыцыйныя для навагодняга стала.

У пералік прадуктаў для пераднавагодняга маніторынгу трапілі 25-30 пазіцый, уключаючы кансерваваны гарошак, мандарыны, пэўныя віды цукерак, шакалад, шампанскае.

Пры выяўленні неабгрунтаванага росту цэн міністэрства можа нават закрыць крамы-парушальнікі.

У Пухавіцкім раёне мужчына дротам замкнуў рэйкі. А потым па снезе пайшоў дахаты

Здарэнне адбылося ў ноч на 15 снежня каля пасёлка Мар'іна, паведамляе СК.

Затрыманы 34-гадовы жыхар пасёлка — да яго дома ад рэек прывялі сляды на снезе.

Пухавіцкім РАСК распачата крымінальная справа па ч. 1 ст. 309 (наўмыснае прывядзенне ў непрыдатнасць транспартнага сродку або шляхоў злучэння).

Лукашэнка аб пратэстах медыкаў: Вы — мае выбаршчыкі, выказвайце прэтэнзіі

«Доктару няма калі бадзяцца па вуліцах. Доктар павінен лячыць. Ёсць у вас прэтэнзіі да ўлады — я да вас прыехаў, выказвайце прэтэнзіі. Вы — мае выбаршчыкі, выказвайце прэтэнзіі», — сказаў ён.

Статкевічу выставалі новае абвінавачванне: да васьмі гадоў зняволення

Мікалаю Статкевічу «абцяжарылі» абвінавачванне, паведаміла ў сваім фэйсбуку яго жонка Марына Адамовіч.

«Сёння Мікалаю «перавыстаўлена» абвінавачванне. «Дадалі» ч. 2 арт. 293 КК. Нібыта ён з Ціханоўскім і Севярынцам рыхтавалі масавыя беспарадкі», — напісала яна. Па гэтай частцы артыкула прагледжана пакаранне да васьмі гадоў пазбаўлення волі.

Статкевіч быў затрыманы 31 мая.

З'явіўся каляндар «Героі Беларусі» на 2021 год — ад Усяслава да Быкава

Гэта вялізны насценны каляндар з шыкоўнымі гістарычнымі ілюстрацыямі. Каляндар паказвае постаці мінуўшчыны ў гераічным стылі і ахоплівае ўсю беларускую гісторыю.

Аформіць перадзамову па зніжаным кошце можна праз Талаку.
Ці запоўніць заяўку ў гугл-докс.
Дастаўка магчымая па ўсім свеце.

https://nn.by/?c=ar&i=265077

Мінчук хадзіў па пад'ездзе з муляжом гранаты і пужаў суседзяў

Адзін з суседзяў вырваў гранату з рук.
Сапёры прыйшлі да высновы, што гэта муляж.

У Скідзелі затрымалі 38-гадовага прадпрымальніка — за каментары ў тэлеграме завялі крымінальную справу. "Я хацеў выразіць свой пратэст супраць празмернага гвалту з боку супрацоўнікаў міліцыі", — тлумачыць мужчына.

Дзед Мароз з-пад Полацка перадае вітанне ўсёй краіне!