زبانحال حضرت رقیه (س) در خرابه شام

مرحوم میرزا عبدالوهاب حقیر خویی

قالوب خرابه ی شاماتیده بنات علی
شکسته نی کیمی گلدی نوایه آل علی

یاتوب گل اوزلی اوشاقلار هامی قوری یرده
بلالی زینبی مطلق گتوردولر درده

چوخ آه و زار ائلیوب بیر گجه رقیه ی زار
یاتوب گوروب آتاسین خوابدن اولوب بیدار

اویاندی چون یوخودان اضطراب وحشتیله
باخوب اویان بویانا منتهای حسرتیله

یاپیشدی دامن زینبدن عرض ائدوب عمه
بابام خرابیه گلدی نه تئز گئدوب عمه

کسوب سبب ندی تئز التفاتینی مندن
علاج ائله بابامی ایمدی ایستورم سندن

نقدر وئردی تسلی رقیه ی زاره
که بلکه ساکت اولا گوردی اولموری چاره

گلوب او دم اورگی درده باشلیوب ناله
یتیشدی نوبت شیون صغیر اطفاله

رقیه شمع عزا دوره سینده اهل حرم
قوروب او محفل ماتمده حلقه ی ماتم

خرابه گوشه سینی ائتدیلر عزاخانه
اسیرلر هره بیر یاندا گلدی افغانه

بیری دیردی اوغول ای شبیه پیغمبر
آنان نه گونلره سنسیز قالوب علی اکبر

بیری دیردی طویی یاس اولان جوانیم اوغول
مراده یتمین عالمده مهربانیم اوغول

گلنده سوز دلیله سکینه فریاده
ائدردی پرده ده ناله عروس داماده

گل ای ائدن منی درده دچار عم اوغلوم وای
گجه گونوز ائدرم آه و زار عم اوغلوم وای

دیردی شوریله کلثوم ، ای رشید عباس
خرابه ده آنالار کیمی دوتموشام سنه یاس

گلوب خرابه ده بیر منزل و مکانیمه باخ
سالوب نه حاله منی گور فلک گوزوندن ایراخ

کیمی اوغول کیمی قارداش دیوب سیزیلداردی
سالوب خیاله هره اؤز عزیزین آغلاردی

خرابه دن اوجالوب ناله گوگلره دایانیب
او خواب غفلتیله خوابدن یزید اویانوب

دئدی نه سسدی منی ائتدی نصف شب بدخواب
او سست خواب غروره وئریلدی بیله جواب

عزیز فاطمه نین اوچ یاشیندا بیر قیزی وار
گوروب آتاسینی رؤیاده آغلوری او نزار

قویور نه عمه لرین نه اؤزی دوتور آرام
او طفل آغلادور اولاد مصطفانی تمام

گئدون ائدون دئدی آرام او طفل معصومی
خرابیه آپارون رأس شاه مظلومی

فغان او وقت خانم زینبه ویریلدی خبر
گلور خرابیه راس شهید تشنه جگر

دیدی رقیه دیوللر شه حجاز گلور
ایاقه دور آتاوی ایله پیشواز گلور

دوروب ایاقه یریندن قاچوب صول و صاقه
خرابه نین قاپوسیندا دوشنده تپراقه

دیدی که ایمدی ایده بولمرم ایدم اعزاز
ایاقی آتدا ایدیم قوی یوزیمی پای انداز

کسلّه رسمدی قربان عزیز مهمانه
گلور منیمده گمانیم بو ناتوان جانه

بسان سایه سالوب عکس گوزیاشی اوسته
گوزون آچاندا گوروب گون گلوب باشی اوسته

ایدوب خرابه نی روشن سر امام شهید
طلوع ایدوب گجه وقتی خرابه ده خورشید

جمالی طشت طلا ایچره آفتاب کیمی
یوزونی قان بورویوب سرخی سحاب کیمی

خرابه دن اوجالور دمبدم فلک لره نور
اولوب او نوریله ویرانه رشک وادی طور

تجلی ایتدی پس پرده دن جمال الله
مقام بهتده محو جمالی آل الله

عیالینین یوزونه بیر به بیر نظر سالدی
او قانلی گوزلری اما رقیه ده قالدی

آتا محبتی گلدی رقیه ده جوشه
باسوب او قانلی باشی حسرتیله آغوشه

یوزون قویوب یوزونه گیتدی سینه سینده تاب
یخلدی دوردی گلوب نالیه بسان رباب

دیدی بابا نیه بس ایتموسن یوزومه نظر
بیله گلور آتالار گورماقا عیالی مگر

سنون جمالیوا مدتدی قالمیشام حسرت
دوشوب اله نچه مدتده بیر بیله ساعت

بو قدر بول گَله لی شامه گولمیوبدی یوزوم
خرابه ده گجه گوندوز قالوب یولوندا گوزوم

یتن زماندا ولی دامن وصالون اله
صاقا صولا باخورام قورخورام که شمر گله

اگر گله گوره شرم ایلمز یانوندا وورار
یوزومه بسکه ووروب سیلی ایمدیده یری وار

دیمزدی الماقوی بس ندن بی بیم زینب
بو نوع گلماقی نیلوردوم ای امیر عرب

باشوی هانسی ستمگر بدندن ائتدی جدا
من صغیر و یتیمه بو ظلمی بولدی روا

بویور محاسنوی قانیله کیم ائتدی خضاب
جواب وئر منه منده سؤاله قالمادی تاب

بو شامده بولوسن من چکن مصیبتی سن
منِ یتیمی گوزوندن کنار ایلموسن

همان سکینه که جان تک اؤزون دوتادون عزیز
عزیزه دین آدینا شامیده دیولدی کنیز

ز بس سنی گتوروب تنگه طعنه ی اغیار
اماندی هر یره گتسن منی یانونجا آپار

مکدّر اولماسا گر خاطرون سوزوم چوخدور
ولی اوزونده بولورسن دئماقلیق آرتوقدور

دئدوقجا دردینی دردی اورکده ایلدی جوش
او قدر آغلادی دلدن دوشوب اولوب خاموش

دوداقینه یتشوب جان گره لنوب نفسی
زلال شهد وصال ایچماقا اولوب هوسی

آتا بالا هر ایکیسی دوداق دوداقه قویوب
گورنده جان کیمی شیرین او قدر اَموب که دویوب

مریض عشقه لب لعلی تازه جان وئردی
آتا باشی بالانین سینه سینده جان وئردی

«حقیر» سن یازانی اشگ دیده ایلدی مهو
سوزون ایتورمه دوباره یازاندا اولمیا سهو


#حضرت_رقیه_شهادت
#قالوب_خرابه_شاماتیده_بنات_علی
#حقیر_خویی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت زینب (س) به حضرت رقیه (س) در خرابه

غفاری اردبیلی

ای بلبل شیرین سخن لایلای رقیه
ویرانه ده مظلوم ئولن لایلای رقیه
آدون قیزیم پاینده دی/سندن بیبون شرمنده دی
ایوای رقیه/لایلای رقیه


تپراقون اوسته یاتماای زهرانشانی
سنسن عزیزیم زینبین آرام جانی
قول باغلی اولدون شهرشامون قهرمانی
ظالملری رسواائدن لایلای رقیه
عشقون باشونداتاج اولار/عالم سنه محتاج اولار
ایوای رقیه/لایلای رقیه


اولدوزکیمی آخدون گجه ویرانسراده
نسگیل اولاربومحنتون زین العباده
قالدی سنون حسرت گوزون کرببلاده
اولدی سنه غربت وطن لایلای رقیه
دیداره دلبرگلمدی/قارداشون اکبرگلمدی
ایوای رقیه /لایلای رقیه


قالدی حسینیم قوملاراوسته پیرهنسیز
کرببلاده نورچشمیم قالدی من سیز
سنده گئدورسن وای منه قبره کفنسیز
ئوزکوینگون اولدی کفن لایلای رقیه
قلبیم سنه پیوسته دی/یات خرداجسمون خسته دی
ایوای رقیه/لایلای رقیه


مندن نه گوردون داشیمی آتدون عزیزیم
اولدوزکیمی ویرانه ده باتدون عزیزیم
کوسدون یاتان بختیم کیمی یاتدون عزیزیم
قالدی چراغسیزانجمن لایلای رقیه
قویدون منی دنیاده تک/دشمن ایچینده بی کمک
ایوای رقیه/لایلای رقیه


دوزدون فقط اوچ ایل قیزیم غم ماجراسین
زینب بیبون چکدی ولی دنیابلاسین
الله یتیمون مستجاب ایلردعاسین
درگاه حقدن ایسته سن لایلای رقیه
وئرسین منیم درمانیمی/غمدن قوتارسین جانیمی
ایوای رقیه/لایلای رقیه



#سبک ها ⬇️⬇️
#سبک_ای_درد_بی_درمانلارا_درمان_اباالفضل (بدون واگیر)
ــــــــــــــــــ
#سبک_یا_فاطمه_من_عقده_دل_وا_نکردم (با واگیر)
ــــــــــــــــــ
#سبک_مستان_همه_افتاده_و_ساقی_نمانده (با واگیر)
#سبک_ای_کربلانون_تشنه_لب_قربانی_قاسم (با واگیر)


#حضرت_رقیه_شهادت
#ای_بلبل_شیرین_سخن_لایلای_رقیه
#غفاری_اردبیلی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت زینب (س) به حضرت رقیه (س) در خرابه

مرحوم محمد حسن تابع دین

ائتمه بئله بلبل کیمی
افغان رقیه
سن آغلوسان باغریم اولور
القان رقیه


گل سینم اوسته قوی باشون بیر آز زمان یات
زینب بو آغلار گوزلره قربان رقیه


قویما بئله گول صورتون توپراقلار اوسته
گیرم که غمدن اولموسان رنجور و خسته
ئولسون بیبون گل باشوی قوی سینم اوسته
ائتمه بیبوندن دردیوی پنهان رقیه


شهزاده سن مسکن اولوب کنج خرابه
شهزاده لر قویماز یوزون روی ترابه
بار گراندور نسگلون بی کس ربابه
آغلار آنان بو نسگله هر آن رقیه


آخر وداعینده منه شاه شهیدان
امر ایلدی قویما بالام اولسون پریشان
سن آغلیاندا آغلاشور بیر عده ثکلان
ایلور غمونده ناله و افغان رقیه


گلسه سفردن اکبرون ای ماهپاره
قلبونده کی هر دردیوه وار اوندا چاره
ایلر تدارک معجر و هم گوشواره
خرسند اولارسان قلبیدن هر آن رقیه


ائتمه بئله ویرانه ده فریاد وشیون
گوزدن آخان گوز یاشیوه قربان اولوم من
سالما اشاقه باشیوی شهزاده سن سن
باخما شمادت ایلوری دونان رقیه


توکمه سرشک حسرتون گوزدن عذاره
گلمه قزیم بلبل کیمی چوخ آه و زاره
آه و فغانون سینمه سالدی شراره
ائتدون غمیله زینبی نالان رقیه


عالم بولر سنسن قزیم اکبر مارالی
اکبر غمی ایلوب سنی باشی بلالی
هجر علی اکبر ائدوب قلبون یارالی
درد فراقه منده یوخ درمان رقیه


یوخ «تابع دینه» بیر آن غمدن فراغت
شرح ائتماقا احوالیوی یوخ الده فرصت
فرصت تاپوب یازدی سنه بیر شرح محنت
سنده گل ایله بیر بیوک احسان رقیه


#سبک ها ⬇️⬇️
#سبک_ای_درد_بی_درمانلارا_درمان_اباالفضل
ــــــــــــــــــ
#سبک_یا_فاطمه_من_عقده_دل_وا_نکردم
واگیر برای این سبک : ایوای رقیه/لایلای رقیه (2)
ــــــــــــــــــ
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر برای این سبک از #غفاری_اردبیلی
آدون قیزیم پاینده دی
سندن بیبون شرمنده دی
ایوای رقیه - لایلای رقیه



#حضرت_رقیه_شهادت
#ائتمه_بئله_بلبل_کیمی_افغان_رقیه
#تابع_دین
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه علیها سلام

مرحوم حاج حیدر خوندل

قربان اولوم قدملریوه شامه گل علی
عمروم گونی یتیشدی بو گون شامه گل علی

اوّلده عزّتیم نَییدی گورموسن اوزون
آخِرده بیرده سیر سرانجامه گل علی

سنسیز بیزی زمانه سیه روزگار ایدوب
نفرین اولا بو گردش ایّامه گل علی

دیبایه ناز ایدنلره توپراق فراش اولوب
بی رحم دشمنیم یتیشوب کامه گل علی

بیدار ایدم وظیفمیدی اهل شامی من
چون آخِره یتیشدی او برنامه گل علی

شمرین قیریلدی رشته سی آخِر کمندینون
صیّاد مرگ سالدی منی دامه گل علی

توپراقلار اوسته جان ویرورم یولدا گوزلریم
گور دوشموشم نه زحمت و آلامه گل علی

انصافیدور سنون یوزیوی گورمیم اُلم
سینسون گوروم فراقی یازان خامه گل علی

بیر آرزوی وصله امیدیم قالوب منیم
نه ویر صبا پیامی نه یاز نامه گل علی

آخِر نفسده گل یوزیوی بیر گوروم اُلوم
زحمتلی گونلریم یتور اتمامه گل علی

دور ای شهید کوی وفا شهر شامیده
تشییعه بیر شهیده ی اسلامه گل علی

پیراهنیم گر اولماسا زیبنده شانیوه
اگنیمده وار غم ایتمه سیه جامه گل علی

ای آفتاب عمر زوالیم یاخونلاشوب
عمروم گونی یتیشدی لب نامه گل علی

تا بولدولر منیم ابو الایتامدور آتام
چوخ یاخشی حرمت ایتدیلر ایتامه گل علی

گورسم گلوب عیادته آرام جانیمی
آرامسیز گوگل یتر آرامه گل علی

«خوندل» ایله رقیّه دانیشسا بیله دیر
قربان اولوم قدملریوه شامه گل علی


#حضرت_رقیه_شهادت
#قربان_اولوم_قدملریوه_شامه_گل_علی
#خوندل_تبریزی
#ترکی 🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شهادت حضرت رقیه سلام الله علیها

مرتضی اسکندری ( ساعد )

سلام اولا اوجا دربارینه حسین آقامون
صفالی گلشن و گلزارینه حسین آقامون

سلام اولا شهدا قانینی آلان خانما
سفیر دولت بیدارینه حسین آقامون

سلما اولا متعهد وزیر خوش سیره
کشیده قامت علمدارینه حسین آقامون

سلام اولا او مؤذن شهید تشنه لبه
شبیه احمد مختارینه حسین آقامون

سلام اولا ئولومی حق یولوندا بال بیلنه
اون اوچ یاشیندا هوادارینه حسین آقامون

سلام اولا او مریضه که دینه جان ویردی
امام ساجد بیمارینه حسین آقامون

سلام اولا او کیچیک شیر خواره سربازه
دیل آچمیان گل بی خارینه حسین آقامون

سلام اولا قوجا سربازیده جوان ئوره گه
مظاهر اوغلی فداکارینه حسین آقامون

سلام او باشلارا که ووردولار جدا باشینا
جداده سیر ایدن انصارینه حسین آقامون

سلام او تربته که سرمه دور ملک گوزونه
دوای دردیدی زوارینه حسین آقامون

سلام اولا آقامون خالص آغلیانلارینا
لباسی قاره هوادارینه حسین آقامون

سلام او پرچمه که اوندا یاحسین یازیلوب
متاع رونق بازارینه حسین آقامون


او قاره پرچمه هرشیعه نون ارادتی وار
یقین حسینون اونا آیری بیر عنایتی وار


خدا ویروب نه گوزل اعتبار حسینچیلره
ملک ده گویده ایدرافتخارحسینچیلره

جهان بدون حسین کلبه محقردور
که عاقبت اولاجاقدور مزار حسینچیلره

حسینه سینه وورانلارجزاده یانمیاجاق
ویروب بووعده نی پروردگار حسینچیلره

منی بهشته طرف چکمه زاهد ساده
بهشتیدور بو دل داغدار حسینچیلره

بله مجالسه گلمز حسینچی ئوز باشنا
ایدوبدی فاطمه لطفون نثار حسینچیلره

آماندی یابن الحسن دوندی قانه گوزیاشیمیز
اولوبدی لذت دنیا شرار حسینچیلره

شریحون حکمینه بیر عده نامسلمانلار
ووروبلا زخم دل بیشمار حسینچیلره

کسوب حسین باشینی ووردولار جدا باشینا
باخاندا هر کس اولاردی خمار حسیچیلره

کسیک باشین دالیسیجا ملردی آهولر
گولردی لشگربی ننگ و عار حسینچیلره

گلنده کوفیه ئوز شهرینه خانم زینب
ووراردی دل یاراسی اهل نار حسینچیلره

بیر عده بامیلر اوستن سپردی کول باشینا
بیر عده قمچی ووراردی او زار حسینچیلره

بیر عده الده تصدق بیر عده نان و نمک
اهانت ایلَدیلر داغدار حسینچیلره

دولاندی کوچه به کوچه بلاد اسلامی
جداده باشلار اولوب هم قطار حسینچیلره

یتشدی شامه حسینون او غملی قافله سی
خرابه یرده ویروبلر قرار حسینچیلره

نجه خرابه که نه سقفی وار نه دیواری
اذیت ایلوری گرد و غبار حسینچیلره

اسنده یل در و دیوار اسورخرابه اسور
گلیب تسلی ویرن یوخدی زار حسینچیلره

رقیه بیر گیجه دوردی او غملی منزلده
او قدری آغلادی گَتدی فشار حسینچیلره

دیدی بابام هانی ای عمه ستمدیده
هاچان گلر چکه باش گلعذار حسین چیلره

نه وقتیدور گوزومی تیکموشم اونون یولونا
گلن شمادت ایدور بی قرار حسینچیلره

او قدری آغلادی دیدارینه حسین گلدی
طبقده یاره لی باش اولدی یار حسینچیلره

ساتاشدی گوزلری تا رأس شاه خوبانه
ئوز ئولکه گین ایله دی آشکار حسینچیلره


دیدی وصاله چاتوب روحیمون قوشی ئولورم
کفن تدارک ایله اکبره قوناق گیدورم


آماندی عمه منی قوی مزاره نیمه ی شب
آخوبدی چوخ گیجه اشکیم عذاره نیمه ی شب

الین فداسی اولوم باغلا عمه گوزلریمی
گوروم ساتاشمیا بو روزگاره نیمه ی شب

فراق اوتوندا بو باش یاندیروب منی یاخاجاق
علاج ایله بو دل داغداره نیمه ی شب

دینن گوروم نه گناه او‌سته کسدیلر باشینی
دچار اولوبدی بو باش هانسی خاره نیمه شب

بابام گلوب آپارا اکبرون یانینا منی
مسافرم گیدورم شهر یاره نیمه ی شب

ایاقلاریمی ولی باغلا گورمه سون اکبر
اذیت اولماسون اول شهریاره نیمه ی شب

الون وار اولسون اگر اولسا بیر تدارک ایله
علی اصغره بیر گاهواره نیمه ی شب

قولاقیمه گورورم آغلاماق صداسی گلور
گیدوم تسلی ویروم شیرخواره نیمه ی شب

منی رباب آنامون غملری هلاک ایلیور
گرک دوزه بوغم بیشماره نیمه ی شب

هله دوشوندن علی اصغر ینون عطری گلور
دورون سالون باشینا آیری قاره نیمه ی شب

منی باغشلا اگر زحمتیم چوخ اولدی سنه
حلال ایله منی پروردگاره نیمه ی شب

اوقدری آغلادی تا باتدی قوش کیمی نفسی
دونوبدی حالی اونون احتضاره نیمه ی شب

وصال یاره چاتوب یومدی خوردا گوزلرینی
ویروبدی خاتمه اول انتظاره نیمه ی شب

باخوردی زینب مظلوم او غملی منظریه
امید ایویندن آخوردی ستاره نیمه ی شب

#حسینیه_مدح
#سلام_بر_عاشورائیان
#خرابه_شام
#حضرت_رقیه_شهادت
#سلام_اولا_اوجا_دربارینه_حسین_آقامون
#ساعد_زنجانی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه (س) در خرابه شام

مرحوم میرزا عبدالوهاب حقیر خویی

قالوب خرابه ی شاماتیده بنات علی
شکسته نی کیمی گلدی نوایه آل علی

یاتوب گل اوزلی اوشاقلار هامی قوری یرده
بلالی زینبی مطلق گتوردولر درده

چوخ آه و زار ائلیوب بیر گجه رقیه ی زار
یاتوب گوروب آتاسین خوابدن اولوب بیدار

اویاندی چون یوخودان اضطراب وحشتیله
باخوب اویان بویانا منتهای حسرتیله

یاپیشدی دامن زینبدن عرض ائدوب عمه
بابام خرابیه گلدی نه تئز گئدوب عمه

کسوب سبب ندی تئز التفاتینی مندن
علاج ائله بابامی ایمدی ایستورم سندن

نقدر وئردی تسلی رقیه ی زاره
که بلکه ساکت اولا گوردی اولموری چاره

گلوب او دم اورگی درده باشلیوب ناله
یتیشدی نوبت شیون صغیر اطفاله

رقیه شمع عزا دوره سینده اهل حرم
قوروب او محفل ماتمده حلقه ی ماتم

خرابه گوشه سینی ائتدیلر عزاخانه
اسیرلر هره بیر یاندا گلدی افغانه

بیری دیردی اوغول ای شبیه پیغمبر
آنان نه گونلره سنسیز قالوب علی اکبر

بیری دیردی طویی یاس اولان جوانیم اوغول
مراده یتمین عالمده مهربانیم اوغول

گلنده سوز دلیله سکینه فریاده
ائدردی پرده ده ناله عروس داماده

گل ای ائدن منی درده دچار عم اوغلوم وای
گجه گونوز ائدرم آه و زار عم اوغلوم وای

دیردی شوریله کلثوم ، ای رشید عباس
خرابه ده آنالار کیمی دوتموشام سنه یاس

گلوب خرابه ده بیر منزل و مکانیمه باخ
سالوب نه حاله منی گور فلک گوزوندن ایراخ

کیمی اوغول کیمی قارداش دیوب سیزیلداردی
سالوب خیاله هره اؤز عزیزین آغلاردی

خرابه دن اوجالوب ناله گوگلره دایانیب
او خواب غفلتیله خوابدن یزید اویانوب

دئدی نه سسدی منی ائتدی نصف شب بدخواب
او سست خواب غروره وئریلدی بیله جواب

عزیز فاطمه نین اوچ یاشیندا بیر قیزی وار
گوروب آتاسینی رؤیاده آغلوری او نزار

قویور نه عمه لرین نه اؤزی دوتور آرام
او طفل آغلادور اولاد مصطفانی تمام

گئدون ائدون دئدی آرام او طفل معصومی
خرابیه آپارون رأس شاه مظلومی

فغان او وقت خانم زینبه ویریلدی خبر
گلور خرابیه راس شهید تشنه جگر

دیدی رقیه دیوللر شه حجاز گلور
ایاقه دور آتاوی ایله پیشواز گلور

دوروب ایاقه یریندن قاچوب صول و صاقه
خرابه نین قاپوسیندا دوشنده تپراقه

دیدی که ایمدی ایده بولمرم ایدم اعزاز
ایاقی آتدا ایدیم قوی یوزیمی پای انداز

کسلّه رسمدی قربان عزیز مهمانه
گلور منیمده گمانیم بو ناتوان جانه

بسان سایه سالوب عکس گوزیاشی اوسته
گوزون آچاندا گوروب گون گلوب باشی اوسته

ایدوب خرابه نی روشن سر امام شهید
طلوع ایدوب گجه وقتی خرابه ده خورشید

جمالی طشت طلا ایچره آفتاب کیمی
یوزونی قان بورویوب سرخی سحاب کیمی

خرابه دن اوجالور دمبدم فلک لره نور
اولوب او نوریله ویرانه رشک وادی طور

تجلی ایتدی پس پرده دن جمال الله
مقام بهتده محو جمالی آل الله

عیالینین یوزونه بیر به بیر نظر سالدی
او قانلی گوزلری اما رقیه ده قالدی

آتا محبتی گلدی رقیه ده جوشه
باسوب او قانلی باشی حسرتیله آغوشه

یوزون قویوب یوزونه گیتدی سینه سینده تاب
یخلدی دوردی گلوب نالیه بسان رباب

دیدی بابا نیه بس ایتموسن یوزومه نظر
بیله گلور آتالار گورماقا عیالی مگر

سنون جمالیوا مدتدی قالمیشام حسرت
دوشوب اله نچه مدتده بیر بیله ساعت

بو قدر بول گَله لی شامه گولمیوبدی یوزوم
خرابه ده گجه گوندوز قالوب یولوندا گوزوم

یتن زماندا ولی دامن وصالون اله
صاقا صولا باخورام قورخورام که شمر گله

اگر گله گوره شرم ایلمز یانوندا وورار
یوزومه بسکه ووروب سیلی ایمدیده یری وار

دیمزدی الماقوی بس ندن بی بیم زینب
بو نوع گلماقی نیلوردوم ای امیر عرب

باشوی هانسی ستمگر بدندن ائتدی جدا
من صغیر و یتیمه بو ظلمی بولدی روا

بویور محاسنوی قانیله کیم ائتدی خضاب
جواب وئر منه منده سؤاله قالمادی تاب

بو شامده بولوسن من چکن مصیبتی سن
منِ یتیمی گوزوندن کنار ایلموسن

همان سکینه که جان تک اؤزون دوتادون عزیز
عزیزه دین آدینا شامیده دیولدی کنیز

ز بس سنی گتوروب تنگه طعنه ی اغیار
اماندی هر یره گتسن منی یانونجا آپار

مکدّر اولماسا گر خاطرون سوزوم چوخدور
ولی اوزونده بولورسن دئماقلیق آرتوقدور

دئدوقجا دردینی دردی اورکده ایلدی جوش
او قدر آغلادی دلدن دوشوب اولوب خاموش

دوداقینه یتشوب جان گره لنوب نفسی
زلال شهد وصال ایچماقا اولوب هوسی

آتا بالا هر ایکیسی دوداق دوداقه قویوب
گورنده جان کیمی شیرین او قدر اَموب که دویوب

مریض عشقه لب لعلی تازه جان وئردی
آتا باشی بالانین سینه سینده جان وئردی

«حقیر» سن یازانی اشگ دیده ایلدی مهو
سوزون ایتورمه دوباره یازاندا اولمیا سهو


#حضرت_رقیه_شهادت
#قالوب_خرابه_شاماتیده_بنات_علی
#حقیر_خویی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت رقیه سلام الله علیها

محمد حسین کتابچی (علومی تبریزی)

ای خرابه سنده بیر گنجینۀ عصمت یاتوبدی
دُرّ دریای شرافت لعل پر قیمت یاتوبدی


ای تراب تیره سانما بی سبب پر نور اولوبسان
یتموسن بیر منصبه اهل دله منظور اولوبسان
بیر رقیه آدلو قز باعثدی سن مشهور اولوبسان
خردا سنّیله سنه بی حد وئروب عزت یاتوبدی


آلموسان آغوشیوه سن بیر عزیز روزگاری
خوابگاه ایلردی دائم سینۀ شاه کباری
گلشن اسلامی آباد ایلدی سولموش عذاری
مکتب اسلام اونیلا چون تاپوب زینت یاتوبدی


گوشۀ ویرانه ده تیر بلا آماجی اولدی
دست کینِیله جهاندا عمرینون تاراجی اولدی
شاهزادیدی ولی بیر معجرین محتاجی اولدی
ایمدیده ویرانسراده دلده بو حسرت یاتوبدی


خردا قزلاری گورنده آغلیوب ایوای دیردی
قاسمی یاده سالاردی گاه اکبر وای دیردی
عالم رؤیاده گاهی اصغره لایلای دیردی
مهربان باجی گوزل قارداشه هم صحبت یاتوبدی


غصه و غمدن رقیه لحظه دینجلمزدی هرگز
هی باخاردی یوزده گوز یاشی دیله گلمزدی هرگز
وار خبر مظلوم امامین ئولماقین بولمزدی هرگز
اوچ یاشیندا نه بیلور خلقی دوتوب غفلت یاتوبدی


گه گوروردی عمه سی آهسته آهسته چکور آه
گه ایکی قولدان دیور قانلو علمدن گاه بیگاه
گیزلدور گوز یاشینی تا اولماسین شهزاده آگاه
بیلمه سین هاردا باباسی عالمه حجّت یاتوبدی


عرض ائدنده عمه جان بس هاردا دور شاه مدینه
کیم بیزی عمّه گتوردی بو یره بو سرزمینه
نه دئسون زینب قالور حیران باخور اول نازنینه
حجت اللهین صداسی واردی بیر حکمت یاتوبدی


سویلوری ایلوب سفر اول زینبون آرام جانی
اکبر وعباس و قاسمده اولوبلار هم عنانی
آز قالور ترک ایلیاخ بیزده قزیم ویران سرانی
بی خبر آل پیمبردن هله امت یاتوبدی


بیر گجه یاتموشدی گوردی عالم رؤیاده شاهی
قوللارین آچدی چکه آغوشه شاه بی پناهی
گوز آچوب ناگه آییلدی گویرله اوج ائتدی آهی
گوردی حسرتله همان ویرانه دور عترت یاتوبدی


سسلنوب بیردن دورون عمّه بابام گلدی سفردن
من اوزوم گوردوم اونی بیلَّم منی سالماز نظردن
بانوان محترم آغلاشدی بو غملو خبردن
خواب غفلتده ولی اشرار بد فطرت اویاندی


سس اوجالدی بو سسه دوردی یزید اولدی غضبناک
بیلدی بیر قز اؤز آتاسین ایستر اولموش سینه لر چاک
گوندروب ویرانیه شاهین کسوک باشین او ناپاک
کامران بیلدی اؤزون فکر ائتدی هر صحبت یاتوبدی


قانلو باش ویرانسرایه گلدی قوپدی بیر قیامت
وئردیلر الدن اله بیر بیر همای ائتدی زیارت
دولدی اطراف خرابه بو سسه گلدی جماعت
کیم دیر بیر کس بو آه و ناله دن راحت یاتوبدی


اوچ یاشیندا بیر اوشاق اوّلده بیر باخدی دایاندی
تئز ولی بیلدی او باش کیمدی شرار ظلمه یاندی
باسدی آغوشه او باشی جان کیمی دوردی دولاندی
گردش چشمینده گوردی هر باخان سرعت یاتوبدی


ناگهان دوشدی قوجاقیندن یره بیردن کسوک باش
گوردولر جان نقدین ائتدی بیر کسیلمیش باشه شاباش
وای رقیه ناله سی اوج ایلدی گوزلرده قان یاش
تا قیامت شامیده فکر ائتمه بو نهضت یاتوبدی


باشی اوسته عمه سی گوز یاشینی اوخشاتدی ابره
غسلنی وئردی سرشک چشمیله تاپشوردی قبره
قبری اوستونده شراری ووردی اود کانون صبره
سویلدی بو قبرده بیر معدن عصمت یاتوبدی


#سبک_ای_ویرن_ویرانه_یرده


#حضرت_رقیه_شهادت
#ای_خرابه_سنده_بیر_گنجینه_عصمت_یاتوبدی
#علومی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیّه (س) در خرابۀ شام

کربلایی موسی جوانی تبریزی

گوزیاشیم عذاره اولدی
شامیده روانه عمه
قلبیمی خدنگ ظلمه
ائتدیلر نشانه عمه


باغریما دگوب شماتت تیری ایلیوب شان شان
نه بابام نه قارداشیم وار دردیمی ائدیدیم اذعان
کاش اولیدی اکبر ایمدی گوگلومی آلیدی بیرآن
فرقتینده اوج ائدوبدی آهیم آسمانه عمه


منجنیق محنت وغم سالدی قلبیمی فشاره
اولموشام آتام اولندن غملی گلشنه هزاره
بویتیمی رافعتیله بیرده آل بی بی کناره
گوزیاشیمی شامون اهلی دوندریبدی قانه عمه


خرداسینیده سنون تک قاره باشیما سالوبلار
مهربان بابامی مندن ظلمیله عدو آلوبلار
آغلیاندابو ملاله اشقیالر ال چالوبلار
فکره گلمین جفانی گتدیلر عیانه عمه


بولموری بوشامون اهلی قلبی داغلی بی پناهم
قهرمان عموم اولندن گوزده گونذوزی سیاهم
بیر دیین تاپولمیبدی شامیانه بی گناهم
ویردیلارشمادتیله اود دوشوبدی جانه عمه


ایستورم اورک ملالین ایلیم بونوعی اظهار
واقفم که سنده من تک اولموسان غمه گرفتار
بوخرابه یرده آجلیق ایلیوب منی دل افکار
حال ضعف اولوب موثرجسم ناتوانه عمه


بلبل حریم عشقم گلشنیم اولوبدی تاراج
اولموشام خدنگه ظلمه اشقیاالینده آماج
عالمینه نازائدن قیزمعجره اولوبدی محتاج
گلمشم بوباره دن چوخ شامیده فغانه عمه


بوخرابده من اولسم قوی منی ئوزون مزاره
تاپشورعزتیله قبره توکمه گوزیاشون عذاره
گوگلون آل آنام ربابین گلمسین فغان زاره
گوزیاشین مزاریم اوسته ایتمسون روانه عمه


گردش زمانه آلدی عزت وجلال الیمدن
ظلمیله سالوبدی آیری خویش واقربا الیمدن
دوشمیوبدی اصغرآدی روزوشب منیم دلیمدن
دوندریب ریاض عشقی حرمله خزانه عمه


ایمدی پرشکسته قوش تک دام ظلمه دستگیرم
اشقیای شام الینده باغلیدی قولوم اسیرم
بولموری مگربودشمن اوچ یاشیندابیر صغیرم
زجرالینده گلمیشم چوخ دادوالامانه عمه


خون دل اولوبدی ممزوج گوزیاشیله اولدی جاری
روزوشب الیم دعاده ایلورم فغان وزاری
سسلرم خدایورلدوم قورتارعمر مستعاری
ایسترم بابام وصالین حقدن عاجزانه عمه


ای رقیه نین عزیزی عصمت خدا نشانی
کربلایی صادقیله بیرده واله اولدی بانی
امرائدوبدولر بوشعری یازدی نوکروز (جوانی)
ایستیوربو اوچ نواخوان قبرون عاجزانه عمه




#سبک_قافله_غم_دوزولدی
#سبک_سنه_سو_دین_دوداقلار
#سبک_سنی_سسلیور_هرایه
#سبک_یارالار_سینونده_قارداش
#سبک_سو_یوخومدی_قزلاروندان
#سبک_یانور_اصغریم_سوسوزدان (جوشی زنجیر) و ...



#حضرت_رقیه_شهادت
#گوز_یاشیم_عذاره_اولدی_شامیده_روانه_عمه
#جوانی_تبریزی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

یا بنت الحسین ع

واصف مرندی

رقیّه بیر قیزیدی ظاهر امری اوچ یاشدا
آدین یازالّا ولی درس عفته باشدا
یازیب سرشکلری راه شامیده داشدا
نقدری مدح ائلسن اهلبیتی فرط اولماز
بنات فاطمیه سنّ و سال شرط اولماز


رقیّه مجلسینین معنوی جلالتی وار
ارادت ائلینه لطفی وار عنایتی وار
اونون عنایتینه هر کیمین لیاقتی وار
عقیله عمّه سینه قلباً اقتدا ائلسین
حقوق مطلبینی بزمیده ادا ائلسین


یازیب بیوک شعرامیز زبان حالیندن
کچیک اورگده آغیر محنت وملالیندن
خانملوقی اوجادی کوفه نین رجالیندن
دئدی شهید بالاسی ذلّتیله سوومز ناز
خرابه لرده وئرر جان یزیده یالوارماز


بابام بئله بویوروب غیرت و شجاعتدن
ئولوم گوزلدی یزید امرینه اطاعتدن
امان جهاندا مین ئوزلی عرب جماعتدن
قوناقی دعوت ائدیب احترام بولمزلر
پول آدی گلسه حلال و حرام بولمزلر


بو باره لرده ئولوم افتخاریمزدی بیزیم
حقیقته دیلیمیز ذوالفقاریمیزدی بیزیم
همین اسارتیمیز اقتداریمیزدی بیزیم
بو امریدن ظلما هئچ زمان چخانمازلار
اوجاتسا هرکیمی الله اونی یخانمارلار


بی بیم دعالری حقّیمده مستجاب اولاجاق
خرابه لر حرمیم ظلم ائوی خراب اولاجاق
اورکده سوزلریمین هر بیری کتاب اولا جاق
حسین چیلر اورگیندن ویرالّا عشق یولون
یووالّا کربُبلادن گلن دمشق یولون


بی بیم تعالیمینه واقفم سخن سنجم
خیال ایلمیون غرق محنت و رنجم
یزید بولمدی ویرانه لرده من گنجم
اسیر عشقیم اولان مرکبین مینیب چاپاجاق
کیمین نه حاجتی اولسا گلیب منی تاپا جاق


حرمسراده ازل عادت ایلدیم نازه
بابام گلنده قاچاردیم همیشه پیشوازه
اونون غمینده دچار اولموشام بی اندازه
بویوردی درده دوشنده پناه آپار صبره
منیم کیمین بدنین بی کفن گئدر قبره


کفن مصیبتیم البتده چوخ مفصلدی
خرابه سقفلرین آه وناله لر دلدی
خلاصه بیر گجه دیداریمه بابام گلدی
بی بیمدن اوندا خداحافظی خاص اتدیم
قرا کفن بورونوب اصغره قوناق گتدیم


سوروشسالار نجه اولدی دئیون فصاحتلن
رقیه ئولدی حسین عشقینه شرافتیلن
یزیدی خوار ائلدی زینبی شجاعتیلن
نه حکم ورمیشیدی باطلی قلم ویردی
بنی امیه ائوینده قرا علم ویردی


#حضرت_رقیه_شهادت
#رقیه_بیر_قیزیدی_ظاهر_امری_اوچ_یاشدا
#واصف_مرندی
#ترکی 🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه سلام الله علیها

مرحوم حسینی سعدی زمان

ئولورم خرابه ده یادینه
منی سالموری بابام عمّه جان
منه دور ایاقه علاج ایله
یاتا بُلمورم آجام عمّه جان


بو قدر مصیبت و دردیله
دیری قالموشام ندن اُلمورم
منی آل قوجاقیوه عمّه جان
قوریدور یریم یاتا بُلمورم
قولومی دوشاخه چوخ اینجیدور
یانوب آغلورام اودی گُلمورم
نه روا بو خورداجا سنّیله
بیله اوتدا من یانام عمّه جان


من اگر اَلم دوتاجاقدی کیم
بو خرابه شامیده یاسیمی
قیریلوب ایلیم، گیدوب عزّتیم
داغیدوب زمانه اساسیمی
بابام ایمدی کاش گَلوب گوره
منیم عمّه کهنه لباسیمی
هامی سرگذشتیمی بیر به بیر
اونا منده آندورام عمّه جان


من او بلبلم که خزان اولوب
سارالوبدی گُللریم آغلارام
منی گورماقا بو خرابیه
نیه گَلمور اکبریم آغلارام
دوشوری خیالیمه هر زمان
او گیچن که گونلریم آغلارام
گرک آغلیام بو خرابه ده
نقدر که من وارام عمّه جان


بو یانیقلی قلبیمی ایلیوب
شرر مصیبت و غم کباب
نجه صبر ایدوم بو مصیبته
که کسوبدی بوینومی بو طناب
نجه گور یارالانوب ایپ یِری
داخی قالمیوب اوره گیمده تاب
بو ایپی تاپولموری بیر آچان
که چوخ آغروری یارام عمّه جان


منه شمر قمچی ووروب ز بس
باشیم آغروری نجه من دوزوم
وورولوب عذاریمه سیلی چوخ
اودور علّتی گویَروب یوزوم
همی سیلی یرلری آغروری
همی خورداجا اوشاقام اوزوم
بدنیمده قمچی یرین گورر
بو غمه یانار آنام عمّه جان


هامی رنگ درد و مصیبته
خُم محنت ایچره بویانموشام
نقدر ووروب منی ساربان
دوزوب اول جفایه دایانموشام
بو اَیاقلاریما تیکان باتوب
اوقدر پیاده دولانموشام
بو قابار ایاقلارا معجریم
اولا کاش باغلیام عمّه جان


بو خرابه شامیده یوز ویروب
بُلوسن اوزون که نلر منه
هامی رنج و غصّه دن ایلیوب
ولی بیر مصیبت اثر منه
گَلی شام قیزلاری طعن ایدر
بو خرابه یرده گُلر منه
یِری وار بو محنته آغلیام
نقدر که من ساقام عمّه جان


ایلیوبدی کعبیه گر سفر
بابام عمّه جان ندور علّتی
قوری یرده بیزلره یر ویروب
بو خرابه شام جماعتی
گورولوبدی کافره بیر نفر
که گوره روا بیله ذلّتی
یانار اَرمنی گوره گر منی
نه روا بیله قالام عمّه جان


اولی چوخ «حسینی» اگرچه سوز
ولی سوزلرین گوزیدور بو سوز
سُوَر اوخشاماقلیقی فاطمه
او سُوَن سوزین اوزیدور بو سوز
بو قدر که وار اثری بونون
یقین اوزینون سوزیدور بو سوز
اُلورم خرابه ده یادینه
منی سالموری بابام عمّه جان




#سبک_نقش_من_چرا_نقش_ماتمه
#ساخلا_ناقه_می_کاروانیدن ( 8 سبک برای سینه زنی و زنجیر)


#حضرت_رقیه_شهادت
#سعدی_زمان
#ئولورم_خرابه_ده_یادینه_منی_سالموری_بابام_عمه_جان
#لمعات_حسینی ص 363
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه سلام الله علیها

مرحوم مضطر قفقازی

بو خرابۀ شامیده چکوب
چون رقیه چوخ مِحنت ای بابا
روزگاریدن شاکیم اولوب
روز وشب منه ظلمت ای بابا


منتظر قویوب بو رقیه نی
گوز تیکوب یولا گوزلرم سنی
گول جمالیوه قویموسان منی
روزگاریده حسرت ای بابا


شرح ایدنمرم بو فراقیوی
بو اؤرک چکر اشتیاقیوی
قوی اؤپوم سنین گول دوداقیوی
واردی الده چون فرصت ای بابا


دائما سنی یاده سالموشام
اوخشیوب قوری یرده قالموشام
ایمدی سینمه باشون آلموشام
ایله لطفیله صحبت ای بابا


مرغ دل ایدر چوخ سنه هوس
من یتیمیه یوخدی همنفس
بیر نولور منیم ویر سسیمه سس
چون خرابه دور خلوت ای بابا


روزگار دون ایتدی تلخکام
ایتمدی منی مقضی المرام
طعن ایدور منه دختران شام
ایلمز منه حرمت ای بابا


چکدی دشمن هر یانه باشیوی
کیم بلشدوروب قانه باشیوی
جان کیمی باسوم جانه باشیوی
چکمیشم زبس غربت ای بابا


بسکه ظلم ایدوب شمر بیحیا
باغلادی بیزی جمله قول قولا
خارجی بیزه ایلدی ندا
تاپدی آدیمیز شهرت ای بابا


آغلاشورهامی گوزلر آغلارام
متصل دیوب اکبر آغلارام
یادیمه دوشوب اصغر آغلارام
یاندوروب منی فرقت ای بابا


حالتیمی گر ایلسن سئوال
گوز یاشی منه ویرموری مجال
ئولدورور منی غصه و ملال
چکمیشم ز بس مِحنت ای بابا


دایم ایلرم بیله آه و زار
اولمارام داخی غصه دن کنار
ایلدی منه چرخ کجمدار
بو خرابه نی قسمت ای بابا


شمریدن بابا بسکه قورخورام
یوخ خرابه ده فرش و نه طعام
قالموشام قوری یرده من آجام
دای یاتانمورام راحت ای بابا


گه پیاده ام گه شُتر سوار
باخ ایاقلاریم کیم اولوب قابار
کیم طنابیدن قولّلاری آچار
چوخ منه یتوب زحمت ای بابا


چون اولار بابا عرصۀ جزا
قویما (مضطری ) دوزخه یانا
منعقد اولار مجلس عزا
او سنه ایدر خدمت ای بابا




#سبک_نقش_من_چرا_نقش_ماتمه
#ساخلا_ناقه_می_کاروانیدن ( 8 سبک برای سینه زنی و زنجیر)


#حضرت_رقیه_شهادت
#بو_خرابه_شامیده_چکوب
#مضطر_قفقازی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوفه و شام

مرحوم حسینی سعدی زمان

ایکی داشه بیر باش اولوب نشان
بیری کوفه ده بیره شامیده
ایکی یول دگوب اونا خیزران
بیری کوفه ده بیره شامیده



ایلیوبدی خنجریله جدا
بدنیندن او لباسی شمر ازل
گهی طعن ایدوب اونا اهل کین
گه اواوب کَُل اوستی اونا محلّ
یتیشونجه شامه جدالری
نچه یرده سِیر ایدوب اَل به اَل
ایکی یول سِنانه ووروب سَنان
بیری کوفه ده بیره شامیده



کسوب اهل کینه حسین باشین
سالوب اهل بیتینی مشکله
سارالوب حرملری اوخشیوب
چمن ایچره بیر سارالان گُله
گورولوب کسوک باشی نیزیه
وورالار خدا گنه قان گَله
ایکی یرده نیزه دن آخدی قان
بیری کوفه ده بیره شامیده



گهی کُللر اوستونه قویدولار
گه آقاجدان آسدیلا برملا
گهی بزم شربیده یِر ویروب
گهی دِیریده اونا اشقیا
نچه یرده فاطمه اوغلونا
دیولوبدی خارجی ای خدا
ایکی مجلسه گیدوب ارمغان
بیری کوفه ده بیره شامیده



یولا دوشدی غصّه لی کاروان
گیده شامه شمر دَغائیله
غمیله مُصاحبت ایلیوب
هم انیس اولوبلا بلائیله
نچه شهری سرعتیله گَزوب
ولی دوشدی جور و جفائیله
ایکی یرده لنگه او کاروان
بیری کوفه ده بیره شامیده



هر او یرده که اولوب ازدحام
یغشوب یول اوستونه شیخ و شاب
اوزینی علی قیزی گیزلدوب
که تانونماسون او فلک جناب
ولی بُلمورم نجه ظلم اولوب
داخی قالمیوب اورگینده تاب
ایکی یول ویروب حَسَبین نشان
بیری کوفه ده بیره شامیده




ستمیله عصرین امامینه
غَُل جامعه ووروب اهل نار
بو خیاله دوشدیله قانینی
توکه لر او فرقه ی کین شعار
سبب اولدی لیک حیاتینه
سپر ایلدی اوزین آشکار
ایکی یرده زینب باغری قان
بیری کوفه ده بیره شامیده




هامی رنگه فاطمه قیزلاری
خُم محنت ایچره بویاندیلار
نَقَدَر که شدّت ایدوب جفا
دوزوب اول جفایه دایاندیلار
نچه یرده آتش ظلمیله
دوتوب اود آلشدیلا یاندیلار
ایکی یرده چکدیلر الاَمان
بیری کوفه ده بیره شامیده




ویروب اهل بیتِ امامه یوز
اَلَم و مصبیت بی حساب
قولی باغلی ناقه سوار اولوب
توکوب اشک گوزلری چون سحاب
نچه یرده زینبون ایتدیلر
غمیله یانان جگرین کباب
ایکی یرده ایلدی چوخ فغان
بیری کوفه ده بیره شامیده



نه قدر «حسینی» نفس گَلور
اوزیوی کمند حسینه سال
گَلَن ایل زیارته گیتماقین
گوزی یاشلی ایسته، براتین آل
حرمینده فاطمه اوغلونون
نه گوزلدی ذکر اولا بو مقال
ایکی داشه بیر باش اولوب نشان
بیری کوفه ده بیره شامیده



#سبک_آنام_آغلاما_باجیم_آغلاما
#سبک_بالام_آغلاما_گلوم_آغلاما
#سبک_باجی_دورگئداخ_باجی_دورگئداخ
( 7 سبک برای سینه زنی و زنجیر )



#کوفه
#ورود_شام
#ایکی_داشه_بیر_باش_اولوب_نشان
#سعدی_زمان
#لمعات_حسینی ص 323
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

‍ ‍ ‍ زبانحال حضرت زینب( س )


قرخ گونده حسین سندن توشمشدم


ارالی من ایندی سنه مهمانم گوزیاشلی یارلی من

زینبین دردینه درمان حسین جان
گلمیشم قبروامهمان حسین جان
( ۲)
سنن سوراچولرده دوشدم نه حالا قارداش ( دوشدم نه حالا قارداش)


صبرایلدیم هرنولدی توکدیم اوزم قان یاش( ۲)
اولدی من یوللارداهمره یارالی بیرباش (۲)

گزدیم باشوین اردیجا پروانه مثالی من
پروانه مثالی من

زینبین دردینه درمان حسین جان
گلمیشم قبروامهمان حسین جان (۲)


ترویج ایلدیم دینی باشداقرمعجر باشداقرمعجر

دوشمن لر خوارایتیدم اولدیم سن غم پرور (۲)

الدی سسیمی هرکس فکرایتدی گلوب حیدر
بیرمنظره خلق ایتدیم حیدر جانی عالی من

زینبین دردینه درمان حسین جان
گلمیشم قبروامهمان حسین جان


کاخ ستمی ایتدیم نطقیمنه حسین ویرانه

چولرده عزادوتم قول باغلی سنه قربان

شام ایچری یانیب قلبیم
قیز لارون اولوب گریان

گوردم کی اولوب نالان اوچ یاشدا غزالی من

زینبن دردینه درمان حسین جان
گلمیشم قبروامهمان حسین جان (۲)



زینبین دردینه درمان حسین جان
گلمیشم قبروا مهمان حسین جان( ۲)


جان ویردی قیزون قارداش ویرانه بوجاقینده

باشدا قرمعجر قان ردی دوداقینده
قالمیشدی یارالی باشی جان ئوسته قوجاقینده

ویرانه ده دفن ایتدیم گوزیاشلی مارالی من

قالسین سوزموز قرداش ایندی سنه مهمانم (ایندی سنه مهمانم )

نهرواسته یاتان قولسوز عباسو قربانم
دیندی باجوقارداش من زینب نالانم

سس وسسیم گلدیم قبراوسته عزالی من🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

‍ ‍ زبانحال حضرت زینب (س) در شهادت حضرت رقیه علیه السلام

سیفی اردبیلی

ای ویرن ویرانه یرده توپراق اوسته جان رقیه
دائماً حسرتدن آغلار گوزلره قربان رقیه
لایلای ای آرام جانیم
لایلای ای شیرین زبانیم


ظلم الیندن درده دوشدون تاپمادون درمان و چاره
غم سنی اوچ یاشدا ایتدی قلبی یاره بختی قاره
من الی قوینیندا قالدیم وای دیدیم بو روزگاره
سولدی گل تک ابتلادن نوگل خندان رقیه


عموون دوندی خزانه جور اعدادن بهاری
روز وشب یاندون بلادن ایلدون چوخ آه و زاری
غم سنی سالدی دوزومدن قلبوون گیتدی قراری
اولمادون راحت ئولونجه غصه دن بیرآن رقیه


باشووه زهرا آنام تک تِز غبار غم اَلندی
ناره دوندی آه قلبون ابتلادن شعله لندی
نه یوزون گولدی دویونجا ، تِللرون نه شانه لندی
چوللری قول باغلی گزدون بیکس و ویلان رقیه


چشمه ی امید عمرون ظلمیدن دوندی سرابه
دوندروب بیداد دوران نازووی قهر و عتابه
خانه ی اقبالون اولدی بو اوچوق پوزقون خرابه
درّ تک اولدون بو ویران خانه ده پنهان رقیه


اینجیدون قول باغلی قوش تک تنگیِ دام خطردن
روزگار سفله پرور تز سنی سالدی نظردن
باغریقان اولدون مارالیم سیلی لردن قمچی لردن
اولمادی قبره گیدونجه مشگلون آسان رقیه


هم منیم اولدی جفادن هم سنون برهم تفاقون
سقف سیز ویرانه اولدی آخر عمرونده اطاقون
نه گونوز گلدی قوناقون نه گیجه یاندی چراغون
سن دیدون وای یاندیم عمه من دیدیم جان جان رقیه


تنگه گلدی اودلی سینون تنگ و ظلمانی قفسدن
شور وشوق زندگینی ترک ایدوب گیتدون هوسدن
بو قوری توپراقلار اوسته آغلادون دوشدون نفسدن
حال محنت بارون ایتدی سینمی شان شان رقیه


قویمادی دوران سیلینسون گرد غم هرگز یوزوندن
دویمادی عمون او شهد نابیدن شیرین سوزوندن
باشوی آلدیم قوجاقه دَمبدم ئوپدوم گوزوندن
یات دیدیم دینجل بو یورقون جانوه قربان رقیه

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

‍ زبانحال حضرت زینب (س) درخرابه شام

درسوگ حضرت رقیه (ع)

____________________


‍ ‍ اولسون سلام دللار طوفان سالان قیزا

اقلارقویوب خرابه ده اغلارقالان قیزا

اولسون سلام غم یوخوسونان دوران قیزا

بابادئن ده عمه سینی اغلادان قیزا

اولسون سلام خانه غمده اولن قیزا

اولسون سلام قبراوینه اج گدن قیزا

اولسون سلام قبراوینه اج گدن قیزا

یاالله یاالله
حتما بوگونلرین روضه سی دی التماس دعا
آی رقینین

عزاسنه گلئننر ای بالاجابالایادئیملی دردی
اولانار

عمه سی زینب بویوررور
گجه لرهامی یاتار
بالاجابالالار یارالی باشلارین قویاریره
اوغلی اولن ننئه لر یاتار
قارداشی اولن باجیلار
اتاسی اولن بالالار
اما خانم زینب مشغول نمازشب

خانم بویور بیرگجئه مشغول نمازشبم گئوردیم الله بالالاردان بیری یاتابیلمیر الله بیرساقاچونوربیرصولا چونیر نمازی قوتاردیم یواش یواش گلدیم بالارین یانینه الله گوردوم رقیه بیرساقاچونوربیرصولاچونیر
اخه بالا نیه یاتامیسان
دردون نئدی حاجتون نئدی
خانم بویرور بیراشاره الدی عمه بیرکمک اول ایلشئم
بالام اوتدی گوردم یواش یواش دئیر عمه اجازه ور بیر اورئمون سوزین دئم
بالا عمون اولیئدی
بالا اورگون سوزنه زینب ون قربان
بالا دی گوروم دردون نئدی گوردم یواش یواش الین قویدی اورگینین باشینا

یواش یواش دیرعمه بتر آجیخمیشام

عمه اجیم نان یاتامورام
عمه بابام گولوم استیر

سلام اول قبراونه اج گدن قیزا
اولسون سلام بابا سی اولوب باش یولان قیزا
سیلی دیب قرا گوزنه قان دولان قیزا

اولسئون سلام قانلی باشی باغرینا باسیب(2)
زهرا اوپن دوداخلارنا بوسه وران قیزا

زینب دیرگوردم الله اوظالم دیاندی قاپیدا الیدن بیرطشت طلا بیرالیئنده طبق دئدم ظالم دیان گئلمه قاباقا
ای نگهبان اوباشی گورسه بالام جان ورئجک
بیلیرم جانین جانانینه قربان ادئجک
امایارالی باشی قویدی یره
خانم طبق اورتوگن گئوردی
بیر لحظه باخدی
حسین خوش گلئبسن ای قارداش اخه رقیه کربلادن هی سوروشوردن بابانئی
خانم گل بابان گئلب خرابیه
فورن اویارالی باشی خانم الدی قوجاقه
یانمیشدی زبس شمع کیمی ناره فراغه نیلدی ائیلدی بیراوزن قویدی بابانین دوداقلاریئنا
قوئدی سارالان لب لرینی قانلی دوداقه
اوپدی دوداقن گتدی دله محنت دردی
اوپدی اوپدی دیدی بابایورولموشام بابایوللاردادویولموشم انجمیشم بابا

باخدی باخدی عمه سینه عمه من دیردیم بابام کاش گلیدی
دای دیمزدیم کسیک باباش گلیئدی یاندم الله
اوجادنئن یاحسین

خانم اوزن قوئدی بابانین اوقانی دوداقلاریئنا
بودل شبده منی یادائلدون سن یارالی
بونه عالم دی باباسن یارالی من یارالی
ای وای بابام ای وای بابادولانم باشومن

کیم سنی بوحاله سالیب اویان ای باش ایندی بابا

دولانیم باشومن کیم سنی بوحاله سالیب
بو باش ایئندی بابا بس بدنون هارداقالیب

سن هارا خولی هارا من هاراویرانه هارا
کسدی باشین دیه گورم هانسی دل اهن یارالی
حسین قان اولان قلبیم ویران الئدی باش یاراسی
یاندرارقلبم النئوندا اولان داش یاراسی یارالی بابا سن نئج گون کیمن سن باتون منده باتارام بابا

کنج ویرانه ده قبریمده کفن سیز یاتارام

اوجادئنن یاحسین ........
کئنج ویرانه ده
منده بابا کفن سیز یاتارام

کئنج ویرانده منده کفن سیزیاترام
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

‍ ‍ ‍ در شهادت حضرت رقیه سلام الله علیها
_________________________


ویرانه ده نازلی بالام جان وردی دینجلدی
بو دختر شیرین کلام جان وئردی دینجلدی


بختی بو طفلون اوجیدن دوشدی سرازیره
یکسر آتا قارداشلارین چکدیله شمشیره
کرب و بلادن شامه دین باغلاندی زنجیره
یاتماق اونا اولدی حرام جان وئردی دینجلدی


قالدی اراده بی کفن الله بالام ئولدی
بیر کیمسه نم یوخ دفن ایدن الله بالام ئولدی
آسوده اولدی ظلمیدن الله بالام ئولدی
هر زحمته ایتدی دوام جان وئردی دینجلدی


بعضی گئجه اکبر بوئین اوخشاردی یاتمازدی
شمری گورن گون اوُل گئجه قورخاردی یاتمازدی
چوخ یالواراردیم یات قیزیم آغلاردی یاتمازدی
ایندی نجه گور اولدو رام جان وئردی دینجلدی


غسلون وئرن یوخدور نِئدیم ئولدی بالام قالدی
ئوز معجرینله دفن ائدیم ئولدی بالام قالدی
سونمز اودون یاندیم دئدیم ئولدی بالام قالدی
هی آغلارام آرتار یارام جان وئردی دینجلدی


یاتدی حسینین بلبلی یانام اَلولانّام
یاده دوشر شیرین دیلی یانام اَلولانّام
واردور بونون بیر نیسگیلی یانام اَلولانّام
گیزلین دئدی عمه آجام جان وئردی دینجلدی


زنجیر کسن قولارینون نقشینه باخدوقجا
کهنه حصیردن آلنینون فرشینه باخدوقجا
یاننام بالامون خوار اولان نعشینه باخدوقجا
بو دللریله اوخشارام جان وئردی دینجلدی


ای هاشمون اوغلانلاری عباس و یا جعفر
هاردا قالوبسیز پس بوگون ای قاسم و اکبر
آخر سکینم (رقیّم) یئرده دور زینب سیزی گوزلر
چوخ اینجیدوبدور اهل شام جان وئردی دینجلدی


غساله گورسه آغلیور شمرون جفاسیندن
مالش ویرنده قویمارام قمچی یاراسیندن
زهرا آنامه بو قیزی باشیم بلاسیندن
من بیر نمونه یوللارام جان وئردی دینجلدی


یاز آغلا نوحه #یحیوی تا وار نفس جاندا
مظلوم حسینون بیر قیزی دفن اولدی ویراندا
چوخ اینجیوب اشکنجه دن آخر او زنداندا
شهزادۀ والا مقام جان ویردی دینجلدی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

‍ خطاب به زنجیر

مرحوم حسینی سعدی زمان

ای کائناتی آغلادان دنیاده زنجیر
آرام و طاقت قویمویان زهراده زنجیر
ــــــــــــــــــــــ
واگیر :
دست علینی باغلادون
چوخ سینه لری داغلادون
دور زماندا
جور زماندا

@okhshama
گَه خردا قزلار بوینونا اولدون دوشاخه
گَه غلّ و جامع سیّد سجاده زنجیر


سندن گلوب گَه حجر کندی قلبی درده(1)
گاهی وورولدون صیفیِ آزاد مرده(2)
گاهی علی پیرولرین هر رهگذرده
ائتدون مقیّد حلقۀ بیداده زنجیر


اولسون گونون قاره بیزی ائتدون سیه پوش
مالک رقاب عالمه اولدون هم آغوش
سجّادین اولماز بوینونون زخمی فراموش
زنجیر آدی تا واردی بو دنیاده زنجیر


هر چند اوزونده یوخ سنون فعل و اراده
قلبیم گلور اما سنی گوردوقجا داده
چکدون امامی مجلس ابن زیاده
گلدی علی المرتضی فریاده زنجیر


سن شاهد اولدون نه جفا اولدی امامه
ظُلّام ، امامین گوندوزین دوندردی شامه
سالدی حرم آهولرین کفّار دامه
سن ناظر اولدون صیده هم صیّاده زنجیر


هر یرده بیر ظالم گوروب ائتدون اعانت
مظلوملر اَوداجینی قیلدون جراحت(3)
ویرانه ده بیماری گَه ائتدون عیادت
گوردون نلر او سقف سیز مأواده زنجیر


حال امامه گوئیا سن اودلانوردون
ایستی هواده قلبینی اودلاندیروردون
یاندوقجا بوینین اُول شهین چوخ یاندیروردون
گویا یانوردون عالم معناده زنجیر


زنجیره دوشدوقجا گوزوم گلَّم نوایه
یانّام بنات حضرت خیرالورایه
گَه دل گوزی شامه باخار گَه کربلایه
فکریم گئدر گَه مجلس بغداده زنجیر


گوردون نجه کام آلدی اولاد سُمیّه
جور و جفادن دویمادی آل اُمیّه
ویرانه کنجینده غریب ئولدی رُقیّه
گورسندی محشر عترت طاهایه زنجیر


بزم یزیدی شامده گه یاده سالّام
گه خردا قزلار حالینه حیرتده قالّام
گاهی سسون بغدادده زنداندان آلّام
چون شطّ آخار اشکیم، گلر دل داده زنجیر


شعرون زبانِ حالدور ساده «حسینی»
زین العبادی آغلا سال یاده «حسینی»
زنجیره باخ گل نی کیمی داده «حسینی»
گورمز عزاداری اونون عقباده زنجیر
ـــ
(1)حُجْر بن عَدیّ بن جَبَله کندی، صحابی پیامبر(ص) و از یاران خاص امام علی(ع) و از بزرگان کوفه بوده است.
(2)صیفی بن فسیل از بزرگترین یاران حجر ابن عدی بود که به جرم حمایت از علی(ع) بدستور معاویه بشهادت رسید.
(3)اوداج=شاهرگها،رگهای
╔ ✾ ✾ ✾ ᐸᐸ════════╗
@okhshama متن نوحه باسبک✅
╚════════ ✾ ✾ ✾>> ╝
#سبک نوحه بانوای ناصراسدی اردبیلی
👇👇👇👇👇👇

نوحۀ سینه زنی حضرت رقیّه (س)


مرحوم غمکش

آز سنّیده چوخ دوشدی غم و درد و ملاله
ویرانه ده دویدی جانا زهرای سه ساله


آهیله دولوب سینه، یانوب قلبی شرردن
دل کاسه سی محنتله دولوب خون جگردن
گل صورته شبنم توکولوب اشک بصردن
اولموشدی گئجه گوندوز اونون مونسی ناله


ویرانه بوجاقینده قالوب قلبی شکسته
پژمرده اولوب گل کیمی توپراقلارین اوسته
شام اهلینه ایلردی نظر با دل خسته
الله فقط عالمدی خانیم قالدی نه حاله


آهسته خانیم زینبه ایلردی اشاره
گل عمّه ائله درد دل زاریمه چاره
هر چند کی گلمز اورگیم دردی شماره
عمروم گونونی غصّه و غم سالدی زواله


عمّه قان ائدور قلبیمی بو اهل عداوت
گؤزیاشیمه باخدوقجا گولوللر بو جماعت
طعنه اوخی ایلوبدی دل زاری جراحت
گلمزدی بو گونلر، بو غم و غصّه خیاله


رخساریمه اشرار ویروب ظلمیله سیلی
بیر باخ کی اولوب صورت زهرا کیمی نیلی
ذکریمدی «علی گل باجوی قویما گلیلی»
هاشا ولی چاره اولا بو امر محاله


آهیم اوجالار نُه فلکه آهیله یاننام
گؤزیاشیمه بو خانۀ ویراندا بویاننام
یاتسام یوخوما زجر و سنان گلسه اویاننام
قورخوم بودی سیلی ویرالا بیرده جماله


ویرانه دولار شیون و شوریله دمادم
فریاده گلر عترت پیغمبر خاتم
برپا اولی ویرانه ده بیر مجلس ماتم
یوخ کیمسه اورک یاندیرا بو عترت و آله


اؤز «غمکشوم» ایله خانیم لطف و کرامت
هر چند الیم بوشدی ئوزوم قاره خجالت
قسمت ائله قبرون ائلیم بیرده زیارت
احسان ائله ائتمه منی اغیاره حواله

#سبک_ای_شمر_دنی_قیزلاری_معجرسیز_آپارما
#سبک_ای_باد_صبا_کرببلایه_گذر_ایله
#سبک_وقتیکه_دگوب_فرق_علی_اکبره
#سبک_افلاکه_چخوب_همهمه و ...
#سبک_ما_درس_سحر_در_ره_میخانه_نهادیم
#سبک_مقصود_تویی_کعبه_و_بتخانه_بهانه

#حضرت_رقیه_شهادت
#آز_سنیده_چوخ_دوشدی_غم_و_درد_و_ملاله
#غمکش
#نوحه_های_محرم_غمکش
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه سلام الله علیها

مرحوم حسینی سعدی زمان

بیر عمریدور خرابه ده خونبارم آغلارام
گوزدن دوشن سرشک کیمی خوارم آغلارام

کنج خرابه محنت غربت اوزوم اسیر
پابند قید شمر جفاکارم آغلارام

نه مونس و انیس، نه بیر دادیمه یتن
دلدن نشان طعنه ی اغیارم آغلارام

ایلوم نه چاره بوینومی زنجیر چوخ سیخور
زنجیریمی آچان هانی ناچارم آغلارام

عمّه کسوبدی قولّاریمی گور نجه طناب
غم لر دچاری حسرت غمخوارم آغلارام

راحت یاتالّا صبحه کیمی شام قیزلاری
من هر گئجه خرابه ده بیدارم آغلارام

شامین اوشاقلاری منه باخدوقجا طعن ایدر
دلگیر ظلم فرقه ی اشرارم آغلارام

عمّه مگر بیزیم یوخودی خانمانیمیز
ایمدی قوری یر اوسته بیله خوارم آغلارام

گوزدن سالوب بابام منی گَلمور خرابیه
دائم یتیم لر تک عزادارم آغلارام

مدّتدی اولموشام من علی اکبر آیریسی
هجران غمینده سخت گرفتارم آغلارام

دلدن سنه علاقه واریمدور «حسینیم»
لطف ایت خانم غلام گنهکارم آغلارام

جرمیم مقابلینده اُلونجه گر آغلاسام
چوخ آزدی، چوخ بُکایه سزاوارم آغلارام



#حضرت_رقیه_شهادت
#سعدی_زمان
#بیر_عمردور_خرابه_ده_خونبارم_آغلارام
#لمعات_حسینی ص 366
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه (س

محمد رونقی

خواهم درآغوشت کِشم پیوسته چون جان ای پدر
بنشینم و بنشانمت بر روی دامان ای پدر

چون گُل تورا بُویم همی گَرد از رُخت شُویم همی
با تو سخن گویم همی از درد هجران ای پدر

تو ماه بر نی اندری آری ز مه زیباتری
از عالَمی دل میبری با روی رخشان ای پدر

تو کعبه ی جان منی مهر فروزان منی
جانیّ و جانان منی در مُلک امکان ای پدر

دیدم تو را جان یافتم جان چیست جانان یافتم
گویی که سامان یافتم در این بیابان ای پدر

گر چه شدم دور از تو من افکار و رنجور از تو من
اینگونه مَهجور از تو من با آه و افغان ای پدر

خنجر بُریده حنجرت ببریده شمر دون سرت
در پیش روی خواهرت با کام عطشان ای پدر

شام است یا شام وداع بنهادمش نام وداع
دانم که فَرجام وداع خواهد شد آسان ای پدر

من بی تو آخر چون کنم دل لُجّه ای ازخون کنم
از دیدگان بیرون کنم مانند طوفان ای پدر

یاری کند گر ذات حق از دیگران گیرم سَبق
روپوش گیرم از طبق با دید اِمعان ای پدر

دشمن گُمان برده که من هستم چو او درقید تن
شدفاش با وجه حَسن آن راز پنهان ای پدر

میخواست آن شیّاد دُون سازد مرا خوار و زبون
برگشت برنَفسش کنون خواری و خَذلان ای پدر

از جور چرخ اخضری وز مردم از حق بَری
قسمت شده دربدری ما را بدینسان ای پدر

گه میکشیدندم به خار گه میزنندم زار زار
از کربلا تا شام تار بودم هراسان ای پدر

نیلی ز سیلی شد رُخم طعن و شماتت پاسخم
بنگر که دود آوخم رفته به کیوان ای پدر

از شوق وصلت هر زمان دریای عزمم بی گُمان
بوده بسان پَرنیان خار مُغیلان ای پدر

دردا که از جور عَدو شُرب غمم شد در سَبو
گشتم چنین زآن زشت خو سر درگریبان ای پدر

دانم که با رنج گران آخر دهم یکباره جان
باشم چو گنجی شایگان در کنج ویران ای پدر

جانا مرا اینجا مَهِل ای مَه ز رُخسارت خَجِل
با « رونقیِّ » صدق دل هستم نواخوان ای پدر


#حضرت_رقیه_شهادت
#خواهم_در_آغوشت_کشم_پیوسته_چون_جان_ای_پدر
#رونقی_مازندرانی
#فارسی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham