شهامت و شجاعت حضرت زینب (س) در کوفه


اکبر ستاری (قیزیل قلم)

بخش 1️⃣

الا ای طالب احسان اورکدن سسله یا زینب
گزیرسن دردینه درمان اورکدن سسله یا زینب
آماندیر قالما سرگردان اورکدن سسله یا زینب
مقدّس آدینا قربان اورکدن سسله یا زینب
اِئدر چوخ مشکلی آسان اورکدن سسله یا زینب


حسین کی ایسته دی اسلامه خاطر انقلاب اولسون
شریک نهضت ایستیردی بو امره انتخاب اولسون
دئدی بو قانلی نهضت زینبیله ناب ناب اولسون
گلنده زینبین آدی گَرَک حفظ حجاب اولسون
گتیر زینب آدین دلدن دیله تا فتح باب اولسون
بو امره منده وار ایمان اورکدن سسله یا زینب


اگر سن عاشق و دلدادهٔ اولاد طاهاسن
اگر سن طالب الطاف بی مانندِ زهراسن
اگر سن راهی ملک بقا و کسب عقباسن
اگر سن عارف حق علی و مهر مولاسن
اگر دنیا بویی غرق سؤالات و معمّاسن
ائدر هر مشکلی آسان اورکدن سسله یا زینب


نئجه تصویره چکسین زینبین اوصافینی خامه
نئجه دریانی یئر وئرمک اولار بیر خیرداجا جامه
باخیردیم صفحهٔ تاریخیده بیر قانلی فرجامه
حسینه کوفه نین اهلی یازیبدیر نئچّه مین نامه
دئدی اهل وعیالیم زینبیم قرباندی اسلامه
گل ای اسلامه پشتیبان اورکدن سسله یا زینب


عقیله دختر زهراعلینین باشینین تاجی
جهانه گلمییب گلمز بئله بیر مهربان باجی
اولوبدور کعبهٔ حُسنِ حسینه اوّلین حاجی
ائدیبدیر سینه ده ازبر بوتون اسرار معراجی
اونو رهبر تانیر ئوزعشقینه هر محنت آماجی
داریخسا قلبین ای انسان اورکدن سسله یا زینب


شهامت مکتبیندن رتبهٔ ممتاز آلیب زینب
علیدن ئورگنیب خطبه دمِ اعجاز آلیب زینب
حسیندن اخذ ائدیب درس شهادت راز آلیب زینب
همای رحمتیندن شهپر پرواز آلیب زینب
حسینین انتقامین خطبه سیلن باز آلیب زینب
ائدیبدیر کوفه نی لرزان اورکدن سسله یا زینب


اسیر عنوانی گلدی کوفییه اما امیر اولدی
امیر کاروانه بیر سینیق محمل سریر اولدی
سریرعزتین شیراوژنی بیر گونده پیر اولدی
او پیرعشق الفاظ شماتت زهر تیر اولدی
آچیلدی نطق گفتاری دییردین جانه سیر اولدی
اونا لطف ائیلدی یزدان اورکدن سسله یا زینب


بویوردی اُسْکُتُواْ، ساکت، هامی، پیر و جوان دوردی!
سکوت حاکم اولوب گویا دامارلار ایچره قان دوردی
دوه لر زنگی خاموش اولدی یکسر کاروان دوردی
سراسر کؤل سپن، طعنه وئران، یا داش آتان، دوردی
بئشیکده کؤرپه لر تیترشدی، وحشتدن، قاچان دوردی
یئنه جوشه گلیبدیر قان اورکدن سسله یا زینب


مخاطب قیلدی یکسر #کوفه اهلین زینب کبرا
دئدی مکر و خیانت سیزده دیر ای مردم دنیا
حسینی تشنه ئولدوردوز ندیر بو شورش و غوغا
گؤروم اعوانیزی انصاریزی حق ائیلسین رسوا
پوزولماز صفحهٔ تاریخیدن منشور عاشورا
آییلسین ملّت نادان اورکدن سسله یا زینب


یزیدین امرینه تابع عبیداللهِ مرجانه
گلَه لعنت زیادین اوغلونا اَتباعِ شیطانه
اونون فرمانینه تابع اولان بیر عده نادانه
عوامی آلّادیب شمشیر چکدی روی قرآنه
ایکی دنیا دچار اولدوزعذاب و درد و خُسرانه
بو گون حکم ائیلییر وجدان اورکدن سسله یا زینب


ایتی شمشیریلن یورش ...


ادامه ⬇️⬇️

#کوفه
#زینبیه_مدح
#الا_ای_طالب_احسان_اورکدن_سسله_یازینب
#قیزیل_قلم
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شهامت و شجاعت حضرت زینب (س) در کوفه
اکبر ستاری (قیزیل قلم)

بخش 2️⃣

ایتی شمشیریلن یورش گتیردیز سیز قوناق اوسته
اوتانمیرسیز چکیرسیز طعنه ایلن داغی داغ اوسته
بَنی سفیانی رسوا اِئیلرم من اتّفاق اوسته
نه عنوانه تؤکورسیز کؤل ایشیقلی بیر چراغ اوسته
یانیب قلبیم داخی یاندیرمیون چوخ احتراق اوسته
یانیقلی قلبیم اولدو قان اورکدن سسله یا زینب


نه اندازه نمک نشناس و بی غیرت جماعتسیز
نَقدری بی مروّت بی هدف بی عار ملّتسیز
گئچیبدیر هجرتی آلتمیش بیر ایل سیز اهل بدعتسیز
سیز ای مردان کوفه باطناً عصمتسیزعورتسیز
اؤزوز یاخشی بیلیرسیز زیر بار ننگ و ذلّتسیز
دیلین قربانی زینب جان، اورکدن سسله یا زینب


خانم نطقین قوتاردی یاره لی قارداش دیله گلدی
وفالی باجیا قارداش صداسیندن صِله گلدی
گولون عطر و صفاسی قلبی یاره بولبوله گلدی
او اوچ گون آیریلیق گویا نظرده بیر ایله گلدی
اوخوردی آیهٔ کَهفی حسین، سس محمله گلدی
اورگین تاپسین اطمینان اورکدن سسله یا زینب


کی یعنی ذکرِاللّهیله قلبین مُطمئنّ اولسون
باجیمسان قویمادین گلزار دینین رونقی سولسون
دیریتدین نهضت خونینیمی دنیا بویی دولسون
سنین نطقین گرکدیر کاخ ظلمین ریشه سین یولسون
مبادا اشکیلن دشمن مصافینده گؤزون دولسون
یِئتر پایانه بو هجران اورکدن سسله یا زینب


او ساعت سسلدی زینب دیلین قربانی جان قارداش
دانیش اثباتِ حق اِئیله یارالی مهربان قارداش
اوزونده وار کول آثاری گؤزونده لخته قان قارداش
گلینلیکده منه سن دوتمیشیدین سایه بان قارداش
سنی بو حالتیلن گؤرمَه گَه یوخدور توان قارداش
پوزولدی گلشنِ خندان اورکدن سسله یازیب


باجی قارداشیلن درد دل ایلییر سوز و سازیلن
سَرِنی ده یارالی باش باخیردی چشم بازیلن
سینیق محملده بیر یورقون باجی دنیای رازیلن
بیری محمل نشیبینده بیری نیزه فرازیلن
بو گوللر پرورش تاپمیشدی مین اِعزاز و نازیلن
مدد قیل حجت یزدان اورکدن سسله یا زینب


یِئنه یاندیردیلار قلبِ بتولی کوفه اوباشی
بلالی زینبین دوشدی بلایه ناگهان باشی
کجاوه اوسته قول باغلی دؤنوبدور قانه گؤزیاشی
دؤزر هانسی باجی آیا او حالدا گؤرسه قارداشی
نه ظلم اولدی خداوندا بوتون آغلاتدی داغ داشی
بو آغلار گؤزلره قربان اورکدن سسله یا زینب


عجوزه غرفه دن باخدی یارالی باشه داش آتدی
نئجه گؤر کوفه نین ملعونه سی اؤزکامینه چاتدی
حسینین سجده گاهی پارچالاندی قانینه باتدی
بو محنت قورخولی قیزلاری چوخ شدّتله آغلاتدی
باجیدا باشینی یاردی اؤزون قارداشه اوخشاتدی
ایکی رخسار اولوب الوان اورکدن سسله یا زینب


اودور کی باش یارانلار ساخلییب الده بو معیاری
کی یعنی قانیلن امضا اولوندی عشق، طوماری
گرک زینب آدیلان خاتمه وِئرمک بو گفتاری
خانم مدِّ نظرده ساخلاسین جمله عزاداری
قوشول عاشقلره سنده دئنن صدقیله «#ستاری»
مقدّس آدینا قربان اورکدن سسله یا زینب


#کوفه
#زینبیه_مدح
#قیزیل_قلم
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در مدح و شهامت حضرت زینب (س) در مجلس ابن زیاد

فغانی تبریزی

اولان ای شاهکار صنع بی مثل خدا زینب
نمودِ بندگی آئینه ی ایزد نما زینب

گل بی مثل و مانند ای هامی گلزار خلقتده
آلوبدور گلشن هستی وجودوندان صفا زینب

گُله اوخشاددوم عفو ایله که یوخ گُلده بیله نزهت
طراوتدن دوشه هیهات گُل کان وفا زینب

فروغ نیَر حسنون سنون آفاقی دولدورموش
اودور ورد زبان اولدی هامی ذرَاته یا زینب

بودور دلده غرض هر گون افول و هر حلولینده
دولانسون باشوا شوقیله خورشید و سها زینب

زهی عزَت زهی شوکت آدوندور زینت حیدر
مسمی ایلیوب یزدان عجب اسمون به جا زینب

نه مریم هاجر و حوا سنه مدیوندی هر بانو
تاپوب جمعیت نسوان سنیله چون بها زینب

قلم حیران بیان الکن دوشوبدور قافیه تنگه
مگر لفظ و بیانیله اولار مطلب ادا زینب

سنون شانونده تک بیت غزل دور واژه قران
دگل شانونده هیچ شعر و غزل واره رسا زینب

ایدوبسن همت مرد افکن ای مرد آفرین بانو
تاپوبدور همتوندن دین رحمانی بقا زینب

سنیله هفت شهر عشقه اولموش پایتخت الحق
حریم دل صفای جان او دشت کربلا زینب

ولیکن گردش ایامدن بو عزَ و جاهیله
آغاردی بیر یاریم گونده او زلف مشگسا زینب

اولوبدور لاله تک قلبی دیار کوفه ده پر خون
اسارت یوخ شماتتدن گوروب چوخ غم بسا زینب

دلیم یانسون دیسم ابن زیادین مجلسیندن من
فرومایه جماعتدن گوروبدور نه جفا زینب

گوروب دشنامه دیل آچدی او ناپاک و زنازاده
مخاطب ایتدی اول نامردی با صوت رسا زینب

بیوردی ساکت اول دینمه دانشما یابن مرجانه
بیله فکر ایلسن آخر ئولوب ای بی حیا زینب

نه تنها سن دیار شامده ناپاک امیروندن
هراس ایتمز بوگون دخت علی المرتضی زینب

اوتور اگلشدوقون یئرده سنه یتمز فضول اولماق
وگرنه فاش ایدر سن کیمسن آخر برملا زینب

سنون ناپاک دور آغزون گتیرمه قارداشم اسمین
همان بیر اسمه کیم جانین گلوب ایدسون فدا زینب

بیله فکر ایلمه یوخدور منیم اعوان و انصاریم
قولاق ویر بیر ایشید سسلور تمام ماسوا زینب

اگر امر ایلسم یئرگوی سنه ویرمز امان بیر آن
ولیکن صبره مجبورم وئروب حقه رضا زینب

ائولوبدور قارداشم دین اوسته تا دین اولسون عالم گیر
دیریلدر دینی گوز یاشیله بعد موتها زینب

ایدوبسن سن نه فکر ای جانی و مرتد لامذهب
تاپار بیر تازه جان گورسه جهاندا هر بلا زینب

بیز آل عصمتوق گلموش بیزه آیات رحمانی
منم زینب همان دخت عزیز مصطفی زینب

یالانچی سنسن ای کذابین اوغلی هم امیروندور
دانشماز آندولا اللهه دنیاده هوا زینب

بیزوق گلزار خلقتده گل بی مثل و بی همتا
بو گلشنده اولوب دردانه آل عبا زینب

«فغانی» ختم ایله یازما داخی بو نسگل آثاری
یانقلی نوحه یه بی شک ویرر مزد و جزا زینب

عنایت ایلیوب گرچه بو خاتون فلک رتبت
امیدیم وار که محشرده الوندن بیر دوتا زینب


#زینبیه_مدح
#مجلس_ابن_زیاد
#اولان_ای_شاهکار_صنع_بی_مثل_خدا_زینب
#فغانی_تبریزی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوفه
مجلس ابن زیاد - راه شام

فرهنگ خدائی

بخش 1️⃣

نکهت گلزار عزت زینبون آدینده دی
وسعت بانگ شهامت نای و فریادینده دی
صولت خون ولایت قلب ناشادینده دی
زینبه دیل باغلیان دنیاده عزتمند اولار
جام عشقین باشینه کیم چکسه غیرتمند اولار


گوز آچان گوندن شجاعت لحم و بنیانینده دی
بیر خانم دور کی علینین غیرتی قانینده دی
مرتضی تک آسمانلار تحت فرمانینده دی
عرشیده دلبند زهرا نون اقامتگاهی وار
یردن آرتوخ زینبون گویلرده خاطرخواهی وار


روحی وسعتلی سما، خورشید مشکاتینده دی
شیر پنجه اللرون تصویری مرآتینده دی
جرات و جهد و جسارت زینبون ذاتینده دی
خلق ائدن خلقینده فرصت یوخ دیئم من نیلیوب
زینبی الله خلاصه ، قهرمان خلق ائلیوب


هیبت سیمای حمزه ، غملی سیماسینده دور
غرش نای ابالفضل ، صوت غراسینده دی
ذوالفقارون قدرتی ، الفاظ گیراسینده دی
زینبی الله نه تنها بیر دلاور خلق ائدوب
هم دلاور ، هم هنرور ، هم سخنور خلق ائدوب


انبیا افکاری یکسر مغز باهوشینده دی
قادریت رتبه سی الان دا سر دوشینده دی
جوشش آتشفشانلار خون پر جوشینده دی
آخدی باشیندن دیور راوی نجه قان کوفه ده
آند اولا خون حسینه قوپدی طوفان کوفه ده


اسکتوا سسلندی قاچدی چهره لردن رنگلر
تک نه اینکه ساکت اولدی خلق بی فرهنگیلر
ناقه لر بوینوندا حتی دوشدی سسدن زنگ لر
همهمه یاتدی سوزون حیدر کیمی روشن دیدی
نیزه اوسته قانلی باشلار زینبه احسن دیدی


ال چالوب غرا چکن اوباشی تحقیر ایلدی
کوفه فرمانده لرین خوار و زمین گیر ایلدی
در حقیقت کوفه شهرین گلدی تسخیر ایلدی
تارک تاریخیده یازدی حسینیم زنده دی
حشر اولونجا کربلانون پرچمی پاینده دی


قلب ناپاک عبیداللهه دوشدی ولوله
ایستیوردی زینبون بیر جور الیندن دینجله
کاسه لیسان پلیدین سسلدی تهدیدیله
ویردی فرمان کوفه ده آل علی چوخ قالماسون
بوندان آرتوخ شهره پیغمبر قیزی اود سالماسون


هیچ اسیره اوخشامور ، سردار نام آوردی بو
تک باشا حس ایلورم من ، بیر قوی لشکردی بو
تا دیل آچدی صحبته فکر ایلدیم حیدردی بو
بنذیور سیل خروشانه ، قاباقین سد ائدون
بو بلای خانمانسوزی باشیمدان رد ائدون


تا خبر گلدی ابالفضل ئولدی من ذوق ایلدوم
جشن پیروزی قوروب اجلالیمه شوق ایلدیم
کوفه ده حس غرور و شوق مافوق ایلدیم
بیلمیوردوم هیچ قاباقدا باشیمون غوغاسی وار
بیلمیوردوم هیچ حسینون آیری بیر عباسی وار


هیچ ایله بول کربلاده ئولمیوب قارداشلاری
داشلیوردی کوفه اهلی نیزه اوسته باشلاری
خطبه غراسی توکدوردی اتکدن داشلاری
عین صحبتده ایلیکی سسلدی ایوای ننه
داش آتانلار یکسره آغلاشدی گلدی شیونه


ئولدوروبسوز فخری وار عباس والا منصبی
بعد از آنکه دوغرادوز یتمیش ایکی عطشان لبی
قمچی آلتیدا گرک سیز ئولدوریدوز زینبی
چوخ زمان چکمز بو زینب عالمی مبهوت ایدر
سلطنت تختین یزیدیلن منه تابوت ائدر


تا نه قدری مرتضانون قهرمانی زنده دی
آل سفیانه حکومت جاده سی لغزنده دی
خطبه سین گوردوم علیدنده بتر کوبنده دی
مرتضی ، بوینون ویراردی ظالمون شمشیریلن
زینبی اما وررور گردنلری تکبریلن


باشلیا مجلسده قبل از اینکه غرا صحبتین
تا منه ساری دولاندیردی غضبلن صورتین
چهره سینده واقعا گوردوم علینی هیبتین
عنقریب اولدی کتاب آرزومی قاتدییا
رعشه دوشدی جانیمه آز قالدی باغریم چاتدئیا


آل طاهایه ویروب حق منطق برنده نی
پیش بینی ایلورم ...

ادامه دارد ⬇️⬇️

#زینبیه_مدح
#کوفه
#راه_شام
#مجلس_ابن_زیاد
#نکهت_گلزار_عزت_زینبون_آدینده_دی
#فرهنگ_خدایی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوفه
مجلس ابن زیاد - راه شام

فرهنگ خدائی

بخش 2️⃣

آل طاهایه ویروب حق منطق برنده نی
پیش بینی ایلورم من ایندیدن آینده نی
ئولمسه ایتسه تحمل محنت سوزنده نی
شامه سالم چاتسا گر ، هند اوغلونون نظمین پوزار
تک یزیدین یوخ، امیه نسلینون قبرین قازار


الغرض آلدی علینین غصب اولا پاتختینی
کوفه نون خوار ایلدی اول زاده بدبختینی
باشینه مزدور دربارون چووردی تختینی
آل اطهاره خانم عز و شرف کسب ایلدی
کوفه بامینده حسینون پرچمین نصب ایلدی


حبل غیرت گردن شامه دولاشدی کوفه دن
شامه پرچم ویرماقا زینب یول آشدی کوفه دن
سیل ویرانگر کانه شامه داشدی کوفه دن
روز وشب طی ایلدی شامون بلالی یوللارون
قمچی لر یوللار بوئی سالدی قوادن قوللارون


خوش گون عمرینده گوروم اشرار کافر گورمسون
یول نه یول ، ایکاش او یولدان هیچ مسافر گورمسون
هیچ مسلمان شام یولون زهرایه خاطر گورمسون
دردینون داغلار دل دنیانی ، تک بیش عمه سی
حضرت مهدی بولور یولدا نه چکدی عمه سی


بیر سوزوم وار راه شامون دردینون معیاریدی
یول هله قالسین تیکانلیق یا کی ناهمواریدی
آل اطهارین ز بس احوالی رقت باریدی
استراحت وقتی با هم توپلاشیردی ناقه لر
سس قوشوب بی کس ربابه آغلاشوردی ناقه لر


دلسیز حیوانلار دیوللر بیر بیره ائمائیله
ایتمیشوک حمل مسافر عمروموزده بیر بیله
هیچ بولار تک گورمه میشدوک بیز آدامسیز قافله
بار الها بو بلالی کاروان هاردان گلور
آغلیان وقته بولار گویدن یره افغان گلور


دام صیاده دوشن جیرانه اوخشوللار بولار
خانه بر دوشان سرگردانه اوخشوللار بولار
اوغلی قارداشی ئولن انسانه اوخشوللار بولار
کیمدی بو غمدیده لر محنتلری باشدان داشور
وا حسین وا سسلننده قانلی باشلار آغلاشور


درد دل ایلوردی هرکس نیزه ده بیر باشیلن
هر ننه اوز غملی اوغلیلان ، باجی قارداشیلن
قان آخوردی ، سینمیشیدی بعضی باشلارداشیلن
اکبره لیلا باخان وقتده دیوردی جان بالا
پارچالانمیش باشیوه ویلان ننه نن قربان بالا


ایلیوب روشن یولی نور جمالون گون کیمی
اشگلیلر گوزدن فراقونده آخور جیحون کیمی
دوشموشم باشون دالیجا چوللره مجنون کیمی
در هم اولموش باشیوون زیبا نماسی، آخ بالا
هی باخورسان عمموه ، لیلایه ده بیر باخ بالا


بی جهاز اشترلره مینمیشدی زهرا قیزلاری
حددن آرتوق یورقونیدی ، سینموشدی تارو پودلاری
یوخلاشیردی ناقه لر اوستونده یورقون گوزلری
هی اوشاقیدی گوروردون کی سوروشدی ناقه دن
آغزی اوستونده تیکانلیق یرده دوشدی ناقه دن


سن مجسم ایله سیمای محاققین قیزلارون
گور نه حاله سالدی داشلار دیل دوداقین قیزلارون
دوغرادی خار مغیلان ال ایاقین قیزلارون
قان دوداقلاردان آخوب یرده یازوردی جان بابا
قیزلارون اولسون بلالی باشوه قربان بابا


آلنی اوسته کیم یخیلدی ، دوشدی علقم یادینه
یعنی علقمده یاتان سردار اعظم یادینه
زینیدن قولسوز دوشن غیرتلی ضیغم یادینه
سسلدی آی نیزه اوسته دورمیان القان قانی
ایندی بیلدیم نه چکوبسن آی حسینون قارداشی


پیکرون بیلدیم نیه قالدی آراده گلمدی
خیمیه اکبر کیمی نعشون عباده گلمدی
آیری باشلار تک نییه باشون جداده گلمدی
قادر الله خوار ائدیدی دشمن نامردووی
دردووه قربان ابوالفضل ایندی بیلدیم دردووی



#زینبیه_مدح
#کوفه
#راه_شام
#مجلس_ابن_زیاد
#فرهنگ_خدایی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

اسماعیل عبادی:
بسمه تعالی
عزاداران حسینی،پروانگانی شیفته نورند که شمع محفل آرای خویش را یافته و از شعله شمع پیراهن عشق پوشیدهاند با آرزوی قبولی عزاداری، هیئت شبیه خوانی گوگ تپه بر خود لازم می داند از حضور پر شور و با شکوه عزاداران حسینی،اهالی فهیم گوگ تپه ، خادمین هیئت ها و ذاکرین ملک پاسبان ابا عبدالله الحسین(ع)،دهیار محترم،شوراهای زحمتکش و شبیه خوانان بی ریای حسینی علی الخصوص محدثه و حدیثه فرجی پور که موجب مجد و عظمت و هر چه با شکوه تر شدن این مراسم شده اند مراتب سپاس و تقدیر خود را اعلام نماید. خداوند متعال را شاکر و سپاسگزاریم که این فعالیت مذهبی عاشورایی مورد توجه و تحسین شما و سایر همولایتی های عزیز واقع شده و باعث دلگرمی و ایجاد روحیه مضاعف در ادامه راه برا ی اعضای هیئت تعزیه خوانی گردیده است.خاک پایتان توتیای چشمانمان است.
با تشکر:حاج رشید آزادی
🌴🍃🌴🍃🌴🍃🌴🍃🌴🍃

http://tttttt.me/naghmehaye_gham

راه شام
زبانحال حضرت رقیه (س)

مرحوم انور اردبیلی

من یاتمشیدیم قافله کوچ ایتدی الهی
هانسی طرفه هانسی یولا گیتدی الهی


چوخ یورقونودوم بو چولی مأوا ایلینده
گلموردی دیزیم ناقه نون اوستونده اننده
بسکه اثر ایتمشدی یولون زحمتی منده
گون ایتدی اذیت گیدوب هریانه سیخلدوم
چارم یوخیدی خار مغیلانه سخلدوم


شهزاده لیگون عزّتنی فکردن آتدوم
گویا یورولان وقتیده راحت لیگه چاتدوم
لای لای دیمه میش خار مغیلان منه یاتدوم
آهو کیمی کاشانۀ آسایشیم اولدی
بیراهه چولون ایستی قومی بالشیم اولدی


غفلت یوخوسیمش بو یوخی دوتدی گوزیمدن
افسوس آیلاندان صورا مأیوسم اوزیمدن
یارب کمک ایت قورخی منی سالدی دوزیمدن
دل داغلی یتیمم منه زندانیدی فرشون
آهیمده اثر واردی نیه تیترمور عرشون


عهد ایلیورم یتسه الیم غملو قطاره
یول زحمتی یورقون بدنی یورسا دوباره
عریان دوه لر هر نقدر سالسا فشاره
منزلده دوشنده بدنیم اولسادا خسته
گورسم که یوخوم گلدی دایانام ایاق اوسته


ای یوسفی زندانیدن آزاد ایدن الله
طوفانیده نوحون اورگین شاد ایدن الله
بیچاره لره غم گونی امداد ایدن الله
نه اینکه گوزومدن توکولن یاشلارا خاطر
رحم ایله منه نیزه ده کی باشلارا خاطر


ظلمت گورونور گون چکیلور جانب غربه
صحرا قرالور قورخی دولور قورخولی قلبه
قورخوم بودی یارب یتیشه روحیمه ضربه
یل دگدوگجه تتریور اگنیمده کی کوینگ
لرزان اولورام دیسگینورم کولگه می گورجک


عزّت گونومون عمری آزیمیش بو جهاندا
ناز ایلریدوم اکبریم آغوشه آلاندا
یوخدور خبری من گزورم ایندی هایاندا
گول چولده تیکان سایه سینه دالدالانوبدور
قورخی اثریندن دوداقیم پارچالانوبدور


لطف ایله سونن شمع وصالیم گینه یانسون
بیربوگجه محنتله یاتان بختیم اویانسون
مظلوم آتامون باشی جدا اوسته دایانسون
رمزیله یتورسون بیبیمه یولدا قالان وار
بلسون او گیدنلر منیده یاده سالان وار


من تک بیری هیهات اولا قلبی شکسته
بیچاره اولا بو گویون آلتندا یر اوسته
بار غم و محنت ایلیه جسمنی خسته
دنیا نظرینده اولا بیر گوشه محبس
یورقون سسیله سسلنه سس ویرمیه هیچ کس


من مرغ شب آهنگ گلستان بلایم
یا بلبل شوریده گلزار عزایم
وار غملو سسیم زنگ قطار اسرایم
گر قافله غم بو چولون ترکنی ایتدی
هی فکر ایدورم بلمورم عمم نیه گتدی


آهیم اوجالوب قافلیه گیتمه دایان دی
اپدوقجه تیکانلار ایاقمدان منه جان دی
هر مأذنه ده ایندی موذن لر اذان دی
گلدسته لر اوسته دیولور جدیمون آدی
چوللرده هراسان گزورم من نه روادی


غملردن الهی اورگیم بیخبریمش
هرکیم کی یتیم اولسا نظردن دوشریمش
دنیا نقدر مرکز خوف و خطریمش
شهزاده لرون عزتی بیردن یوخ اولارمش
نیسان یاغیشندان آخان اشکی چوخ اولارمش


غارت گونی دوشدوک ائله گرداب بلایه
مال و حشم و بستریمز گئتدی فنایه
گلسیدی گمانیم بو گیجه کهنه عبایه
مابین ایکی خار مغیلانه سالاردوم
بیر خیمه قوراردوم اونون آلتیندا قالاردوم



#سبک_ای_شمر_دنی_قیزلاری_معجرسیز_آپارما
#سبک_ای_باد_صبا_کرببلایه_گذر_ایله
#سبک_وقتیکه_دگوب_فرق_علی_اکبره
#سبک_افلاکه_چخوب_همهمه و ...


#راه_شام
#من_یاتمشیدیم_قافله_کوچ_ایتدی_الهی
#انور_اردبیلی
#مردان_جاوید_انور
#ترکی

یتیم

مرحوم انور اردبیلی

گون مغربه گئدنده پریشان اولار یتیم
باد سحر دگنده هراسان اولار یتیم
بوینون اگوب بنفشه کیمی چیگنینه قویار
ابر بهار تک ولی گریان اولار یتیم


بنذر او غنچیه گل آچان وقتیده صولا
آفت یلی قروب سالا یا شاخه دن یولا
سیره چخار اورک آچیلا بلکه شاد اولا
تای توشلارین گورنده پشیمان اولار یتیم


بی مهر و بی علاقه گورر یار و یولداشین
کیپریکلری توکر یوزه حسرتله گوز یاشین
غم گوشه سینده غم دیزی اوسته قویار باشین
شمع شبانه تک ولی سوزان اولار یتیم


جرأتله قلبینون ائده بُلمز سوزون ادا
تاب ایلمز آجقلی سوزه تئز قیلار نوا
هئچ کیمسیه قوشولماز اولار غمله آشنا
فکر عالمینده دائمی حیران اولار یتیم


#یتیم #ختم_خوانی
#عبداله_العباس
#حضرت_رقیه
#حضرت_ام_البنین
#انور_اردبیلی
#گون_مغربه_گئدنده_پریشان_اولار_یتیم
#مردان_جاوید_انور
#ترکی

زبانحال حضرت لیلا(س)در راه شام به سر حضرت علی اکبر(ع)


مرحوم میرزا عبدالوهاب حقیر خویی

گل اوزون تار مار ایله صبا گیسوی جانانی
پریشان ایله احوالیم کیمی زلف پریشانی

چلیپا حلقه حلقه خم نجم زلفون عذارونده
دیرسن بس سحاب نیزه دوتموش ماه تابانی

طلوع صبح صادق ظلمت شبده اولور واقع
و یا ابر سیه مستور ائدوب مهر درخشانی

مداد کلک قدرت نقش ائدوب لوح جبینونده
سراسر سورهٔ یاسین و الرحمان و طاهانی

یازوب دیباچه سینده سبّح اسم ربّک الاعلی
و یبقی وجه ربّک کلّشیٔ غیره فانی

جمالون سوره ی والشمس زلفون آیهٔ واللیل
یازیلموش مصحف رخسارده آیات قرآنی

سواد زلف شرح لیلة القدری بیان ایلر
و ما ادراکدن اثبات اولور واضحدی برهانی

دوشوبدور گوشهٔ ابرو دالیندا نقطهٔ خالون
ویرور بسم اللهین با حرفینه بیر لفظ معنانی

بصیرت اهلینه آئینهٔ حسنون نهان اولماز
اوخور عکس رخوندن سورهٔ انّا فتحنانی

حجاب صورتی رفع ایله تا معنا ظهور ائتسون
ورا ٕ پرده ده مستور اولان اسرار پنهانی

جمالون نوری اولسون جلوه گر خرّ مغشیا
نشان وئر آشکار اولسون بو خرّ مغشیانی

کلیمه نخله ایمن ائدن نور تجلّانی
اوزون بو مطلبه شاهد گتور موسی بن عمرانی

اولا تابنده پشت پرده دن تا ذرّه نورون
فضای طور حیرتده قویار سرگشته موسانی

دئسم عیسی مقامیندن مقام عشقون اعلادور
یری واردور اگرچه چکدیلر داره مسیحانی

اولوب اوچ گون فراز دار اونا دارالمقام اما
سنون تک گزمدی قرخ گون جداده باشی صحرانی

چکوبلر نیزه باشینده سنی داره مسیح آیا
چکلّر عشق میدانیده داره عشقه دارانی

ائدوب قطع علاقه جسمیدن گچدون علایقدن
فراز نیزه ده ایلر باشون معراج جسمانی

علاقه ایلیوب زلفون طنابی رشته ی جانه
کمند کاکل مشکین چکوب زنجیره لیلانی

طناب زلفیله قید محبت جذبه ی عشقون
منی دیوانه لر تک گزدیرر کوه و بیابانی

آخار قان کاکلوندن قطره قطره اشگ چشمیم تک
گوزوم باخدیقجا اول قانه گلور جوشه اورک قانی

اولا گر ذرّه ی لطفون«حقیرین»حالینه شامل
آچار گلشن سرای مدحون ایچره نطق گویانی


#راه_شام
#اکبریه_شهادت
#گل_اوزون_تارمار_ائله_صبا_گیسوی_جانانی
#حقیر_خویی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کتاب گلچین نغمه های غم
(مجموعه نوحه،مرثیه،جوشی سینه زنی و زنجیر زنی)
تقدیم به محزونین،دلدادگان و دلباختگان حضرت ابا عبدالله الحسین(ع)
نویسنده:اسماعیل عبادی

با سلام از عنایت حضرتعالی در قدم برداشتن در راه اشاعه فرهنگ عاشورای حسینی از صمیم قلب قدردانی و سپاسگزارم با تشکر مجدد عبدزاده

غارت خیمه ها
مرحوم یحیوی اردبیلی

قشون قرالتیسی گورسندی تلون اوستوندن
حسینون عترتی تیترمیه دوشوب بیردن

اوشاق بیوک توکولوب دوتدی زینبین اتگین
الینن آلماسین الله هیچ کسون کمکین

دییردی قیزلار اولار کیمدی عمه جان قویما
آتاسیزوق بیزی اینجیتسه ظالمان قویما

بیزیم لباسیمیزی ویر یزید لشکرینه
آلوب بو غارتی لشکر قییتسون اوز یرینه

اماندی قویما عربلر بو خیمیه دولسون
اوزون گوروب اولارون طفللرهلاک اولسون

او سسلری که اوجالمیش گوگه عربلردن
بیزیم اورکلریمیز قان اولول بو سسلردن

ایا امام زمان یا خلیفة رحمان
او آغلیان گوزیوه جانیمیز اولا قربان

اوزون بیلورسن او بیرحملر نجه گلدی
هراس اولوب نچه قیز زهره چاک اولوب اولدی

قشون او خیمه لری بیر آلو کیمی بورودی
اوشاقلارون یاخاسیندان دوتان دوتوب سورودی

سویوب توکوب داغدوب چاپدیلار او خیمه لری
آپاردیلار زر ودیبا و شال و ترمه لری

هر اول کسی کی طلاسینی گج چیخارداردی
به فوری اوستونه یوز تازیانه قالخاردی

قاچاردی هر کیم اووحشیلرون قاباقیندن
قووب دوتوب چیخاداردی طلا قولاقیندن

ویرردی هر کیم الیندن نقاب و معجرینی
توکردی تز یوزونه پرده پرده زلفلرینی

هوا دولی سویولان قیزلارون نوا سسی دور
او دشتیدن اوجالان وامحمدا سسی دور

لباس و فرش و نمددور حریر اورتوکلر
بیری بوکر بیری قاتلار بیری آتا یوکلر

طنابلرکسیلوب خیمه لر توکولدی یره
بیری یغار بیری باغلار بیری چاتار شتره

حسینون اوندا قیزیل صندلین چکوب آپاران
ایاق یالین عربیدی اوزی کئچی اوتاران

آپاردی وردی اونی سعدون اوغلی اگلندی
او حالیله نئجه زينب گوزینه گورسندی

چکنمرم قلمه غارتی قلم به قلم
که یوخدی وقتیده فرصت دیوب سیزه یتورم

چون اولدی فارغ او غارتگران غارتدن
گینه گوتور مه دیلر ال حریم عصمتدن

حسین بالالارینی ایتدیلرسراسیمه
او یرده قوردیلا بیر کهنه مندرس خیمه

مکان وریلدی او خیمه بیر عده خون جگره
او خیمه نون اتگین میخیله تیکوبله یره

او خیمه دن اوجالوب عرشه صوت یاالله
آلولی مشعل الینده نچه عرب ناگاه

یتیشدی وردی اودی خیمیه الولاندی
آچلدی روزنه بیر سمتیدن چادر یاندی

امامدن یتیشوب اهل بیته حکم فرار
اوزون وروب اودا قاچدی یانا یانا قیزلار

ایاق یالین باش آچوق زلفلر پراکنده
اولوبدی هر بیریسی بیر یره پراکنده

بیری اوزاقلاشو تپراقدن قبا بورونور
یاتار یره سینه سی اوسته قورخودان سورونور

بیری اوزون ایتوروب ات دوشونده دالدالانور
او طفللر هارا گیتسون مگر هارانی تانور

بیریسی تلدن آشدی بیری نیستانه
بیری قاچوب سیخیلوب سایه مغیلانه

قباق قباقه گلن طفللر قوجاخلاشدی
او حالینه اولارون اهل لشکر آغلاشدی



#غارت_خیام
#قشون_قرالتیسی_گورسندی_تلون_اوستوندن
#یحیوی_اردبیلی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

دیر راهب
✔️ سوال و جواب

مرحوم یحیوی اردبیلی

✔️ زبانحال راهب

ای یارالی باش کیمسن سرّ بیشمارون وار
گوزلرون باخار حسرت کیمدن انتظارون وار


چوللره دوشوبسن سن وار سنون نه تقصیرون
بو کسوک بوغازیله وار دوداقدا تقریرون
بُرجده ائشیتدیم من نیزه اوسته تکبیرون
حق دیوب دانشدون سن وار سوزونده تأثیرون
راز غیبه عیسادن آرتوق اقتدارون وار


باشوی دوشوب گورّم ظلم الیله بو حاله
صورتون باتوب قانه مثل قرمزی لاله
بیلمورم سالوب نعشون دشمنون نه احواله
نعشیوون عزاسینده ایلیور باشون ناله
یاش توکور گوزون هر دم حال سوگوارون وار


دشمنان روح الله داره چکدی عیسانی
یاره گورمدی سن تک جاری اولمادی قانی
کسدیلر قزل طشته رأس پاک یحیانی
نیزه ده اونون باشی گزمدی بیابانی
گورسنور سنون آرتوق خصم کینه دارون وار


مرد غیب سن لاشک نورِ آسمانی سن
نیزه ده نچه گوندور ائتموسن مکانی سن
یاغدیرورسان هر لحظه تازه تازه قانی سن
زنده سن نه که مرده جان جاودانی سن
کیم دیر سنده مرده خون روحدارون وار


قانلو لبلرون گورّم سویلیور انا المظلوم
گوز یاشون جمالونده ایلیور اونی مرقوم
باشوون یاراسیندان محنتون اولور معلوم
حق رضاسین آلنوندا قاندان ائتموسن مختوم
اهل امتحان ایچره رتبه افتخارون وار


گوزلریمدن آچدون سن بیر نگاهیلن پرده
درک قیلام الساعه اوز گوزیمله ظاهرده
ال ال اوسته صف چکمیش قدسیان برابرده
انبیا طواف ایلور باشوه همین یرده
ای وجود نورانی نوردن حصارون وار


✔️ جواب حضرت اباعبدالله الحسین علیه السلام


ای کشیش نصرانی آگه اول بو حالیمدن
حال انتظاریمدن علت ملالیمدن
انتظارم اطفال زار و خرد سالیمدن
دست بسته صحنونده بینوا عیالیمدن
آغلا حالیمه راهب چشم اشکبارون وار


کاف و نوندن صادر خلق ابتدایم من
داردن مسیحایه عرشه رهنمایم من
یا که حلق یحیاده جوش ائدن دمایم من
مصحف مسلماندا سرّ هل اتایم من
گور کیمم باخ انجیله قلب هوشیارون وار


هنده اوغلی بو ظلمی ائتدی روزگارینده
پیکریم قالوب عریان کربلا دیارینده
خردا قیزلاریم یاندی خیمه لر شرارینده
ئولدی یار و انصاریم تشنه سو کنارینده
بیر نفر نصارادن اوردا یادگارون وار


کوفه دن چخان گوندن بو بلالی طفلانی
وئرمیوبدولر منزل گزدیروبله صحرانی
بو گئجه قبول ایله زحمت غریبانی
دیرده قوناق ساخلا دختران زهرانی
ایندی که سنون الده منزل اختیارون وار


فرش وبستره هرگز سندن ائتمرم اصرار
زیر سقفده وئرسون باش باشا یتیم قیزلار
دامن کفالتده زینبیم اؤزی ساخلار
بو محبته وئرّم مژده ای وفا کردار
یوم حشر جنّتده قصر زرنگارون وار


#دیر_راهب
#ای_یارالی_باش_کیمسن_سر_بیشمارون_وار
#یحیوی_اردبیلی
#اسرار_عاشورا_یحیوی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

راه شام

مرحوم یحیوی اردبیلی

طریق شامیده بیر گون او فرقۀ باطل
غروبیدی عربستان چولین ائدوب منزل

یوخودی بیر آبادانلوق نه ائو نه شهر و دهات
گوز ایشلدوقجا بیابان و کوه و دشت و فلات

او یرده قیلدی مکان قوم ارزل اعراب
قورولدی خیمه و چادر گچوب طنابه طناب

حسین باشینی صندوقه قویدی شمر لعین
ووربدی قفل ایلیوب موم و مهر اول بی دین

دوزولدی دوره ده مستحفظ و قراوللر
گئجه قرانلوقیدی یاندی خیلی مشعللر

گونون حرارتی گوندوز قوتاردی حدتیله
همان گیجه سویوق اولدی کمال شدتیله

لحاف و بستر ایچینده قشون یاتوب راحت
قالوبلا چولده بیر عده پناه سیز عورت

نه منزل اولدی نه حایل نه خیمه و نه اساس
هوادن حفظ ایلسون لااقل یوخیدی لباس

گیجه زمانی سویوق یل دگنده صبری کسور
حسین بالالاری تیترور الی ایاقی اسور

جناب زینب او بیچاره لر پرستاری
بو حالتیله گورنده یتیم بالالاری

دولاندی زحمتیله جمع ائدوب بیاباندان
گتوردی بیخ گَوَن ریشه سی مغیلاندان

اوشاقلاری چاغروب مختصر آلو قوردی
اودون کیمی او تیکان ریشه سینه اود ووردی

وئروبله باش باشا اول خرداجا خانم قزلار
اوت ایسّی سینده قوجاقلاشدیلار آدامسزلار

بو ماجرانی ائدور نقل زینب خاتون
یاتوب هامی او گئجه یاتمادوم من محزون

ایلیکه نصف شب اولدی یاتوب قراوللر
او قزلارون آراسندان اویاندی بیر دختر

باشینی قوزادی صندوقه ساری بیر یاخدی
یواش ایاقه دوروب گوز یاشی یوزه اخدی

گهی یروردی گهی اگلشوب دوراردی گهی
گهی دوشوب سورونوب قصدین آختاراردی گهی

مقام قیلدی او قیز مخزنون برابرینی
باشینی چگنینه ، قوینونا قویدی اللرینی

حزین سسیله باباسینه بیر سلام ائتدی
دئدی بابا بیزی مظلوم اهل شام ائتدی

دولانموشام بابا چوللرده چکمیشم زحمت
بو گئجه فرصت ائدوب گلمیشم ائداق صحبت

نولور سکینووه سنده بیر التفات ائده سن
بو بخت قاریه رسم وفانی اؤرگَدَه سن

آچیلدی قفل او صندوقون آغزی قوزاندی
گورن دیردی او صحراده مین چراغ یاندی

حقیقتون الی زندان ظلمی سندئردی
یارالی باش گوگه قالخدی هواده بیر دوردی

او قانلو گوزلرینی آچدی باخدی حسرتیلن
یتیم بالالارینی درک ائدوب او زحمتیلن

یواش یواش اشاقا اندی اندی آهسته
قویوب دوداقینی عطشان دوداقلارون اوسته

یوخیدی قول عوضینده دوداقلارین آچدی
دوداق دوداقه آتایلان بالا قوجاقلاشدی

دولان بو چوللری قورخما منیم بالام قورخما
سنون یانوندا همیشه اؤزوم وارام قورخما

ایاق یالین نقدر آت دؤشونده سن گزه سن
حسین خاطرینه سن گرک قزیم دؤزه سن

بئله خیال ائلمه سالمیشام سیزی گوزدن
همیشه شام یولوندا مواظبم سیزدن

گوروم یزید لعینون یوزی قرا اولسون
بو ظلمی گوردی روا خانه سی فنا اولسون

قرا گیوب دلِ خامه سوزی یازار آغلار
او یازدیقین اوخیور «یحیوی» اورک داغلار

#راه_شام
#طریق_شامیده_بیر_گون_او_فرقۀ_باطل
#یحیوی_اردبیلی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

راه شام
زبانحال حضرت رقیه به رأس مطهر برادرش



مرحوم یحیوی اردبیلی

نئجه عمه توز باسوبدی گور
نیزه ده قلم قاشین
اجازه وئر شمره یالواروم
وئرسون اکبرین باشین
سوسوز دوداقلارینه سپوم
سو یرینه گوز یاشین
وئرسه اکبرین باشین (2)



روا گوروب قاتلی نئجه بو جوان رعنایه
باشین کسوب پیکرینی غرق ائتدی قانلو دریایه
بلشدیروب قانه داغینی چکدی قلب زهرایه
مگر رحمی گلمدی سنه یا منه و لیلایه
یا باجیسی صغرایه (2)



مگر عمه اوچ یاشیندا قیز طی ائدر بو یوللاری
اکبریمون شوقیدور سالوب چوللره منِ زاری
دئ شمره سن وئرمیور اونی ساخلاسون ایاق باری
نشان وئروم اکبریمه تا بو قابار ایاقلاری
بو یانان دوداقلاری (2)



باخار هر دم کج نگاهیلن نیزه ده آناسینه
چالار کیپریک آغلیور اونون کهنه لن لباسینه
حزین حزین گوز دولاندیرور خویش و اقرباسینه
باجون قربان جان علی قارداش گوزلرون قراسینه
باشیوون بلاسینه (2)



اگر منه اَندیروب وئره نیزه دن او زیبانی
سیلم زلفین قاش گوزون یووام پاک اولا اونون قانی
یاپیشدیرام سینه مه دییَم شرح درد هجرانی
او باشی من شمره وئرمرم بیرده اکبریم جانی
داغلارام بو دنیانی (2)



#سبک_خداحافظ_ای_آنام_باجی
#سبک_شیرین_سوزوم_آیدین_اولدوزوم
#سبک_عم_اوغلی_چوخ_گل_سارالار



#راه_شام
#اکبریه_شهادت
#نئجه_عمه_توز_باسوبدی_گور
#یحیوی_اردبیلی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه سلام الله علیها


حاج مجید اشکی تبریزی

جمالی گلشن دینین اولان صفاسی رقیه
حسین فاطمه نون سویگلی بالاسی رقیه
دیردی زینبه درد و غم آشناسی رقیه
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


جنانه گیتملیم من دا آزمارام یولومی
فغان و شیونیله سیز آلون صاق و صولومی
آچون طناب جفائیله باغلانان قولومی
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


علی اکبریمین آدینین فداسی اولوم
اونون مزارینه دوشمز منیم دوباره یولوم
یارالیم ئولورم باغلانوب طنابه قولوم
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


بیر اوزگه سرّ وار ای عمّه جان فغانیمده
بابام یانیمدا اولیدی ئولن زمانیمده
گوریدی قمچی یرین جسم ناتوانیمده
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


بابام کیمی نجه گور منده امتحان ویرورم
بابامین ئولماقینی شامیده نشان ویرورم
کفن سیزم قوری یرده یارالی جان ویرورم
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


مزاریم اوسته منیم نچّه گون عزالی قالون
گورنده عمّه ساری گول، منی خیاله سالون
او گولدن عطریمی عمّه مشام جانه الون
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


گتورسه وار یری نالم جهانی فریاده
منیم کیمی هانی محنت چکن بو دنیاده
ویروبدی جان قوری یرلرده هانسی شهزاده
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


سزادی من کیمی غنچه گول آچمیوب سولسون
او قدری قالموری عمریم گولی خزان اولسون
بولود کیمی هامی گوزلر دئ بارشه دولسون
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


غریبه گونلره دور زمان منی سالدی
غریبه دار و دیار ایلدی بو چرخ دنی
قویون بو یرده مزاره من فلک زده نی
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


بو شام قیزلاری هردم گلور منیم یانیما
دیولَّه خارجی بو سوز سالور شرر جانیما
هزار شکر ئولوم ال قویوب گریبانما
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


گرک جنایت ایدن خوار و شرمسار اولسون
بساط ظلمی یزیدینده تار و مار اولسون
ئولن کناریمی بیگانه لر کنار اولسون
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


گیدوب جلالیم الیمدن دا من او قیز دگلم
بهشتده واردی جلالیم جلال سیز دگلم
اگر کتابت اولا شرح حالسیز دگلم
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


غم ایتمرم بو زمان گیچسه بیر زمان گلجاق
غمیمده عالمه مینلر اورک یانان گلجاق
«دخیلیدن» صورا «اشکی» کیمی یازان گلجاق
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار


ـــــــــــــــ
👈 آرشیو و کانال اختصاصی متن نوحه های حضرت رقیه سلام الله علیها
ـــــــــــــــ


#حضرت_رقیه_شهادت
#جمالی_گلشن_دینین_اولان_صفاسی_رقیه
#اشکی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

یتیم

مرحوم انور اردبیلی

گون مغربه گئدنده پریشان اولار یتیم
باد سحر دگنده هراسان اولار یتیم
بوینون اگوب بنفشه کیمی چیگنینه قویار
ابر بهار تک ولی گریان اولار یتیم


بنذر او غنچیه گل آچان وقتیده صولا
آفت یلی قروب سالا یا شاخه دن یولا
سیره چخار اورک آچیلا بلکه شاد اولا
تای توشلارین گورنده پشیمان اولار یتیم


بی مهر و بی علاقه گورر یار و یولداشین
کیپریکلری توکر یوزه حسرتله گوز یاشین
غم گوشه سینده غم دیزی اوسته قویار باشین
شمع شبانه تک ولی سوزان اولار یتیم


جرأتله قلبینون ائده بُلمز سوزون ادا
تاب ایلمز آجقلی سوزه تئز قیلار نوا
هئچ کیمسیه قوشولماز اولار غمله آشنا
فکر عالمینده دائمی حیران اولار یتیم


#یتیم #ختم_خوانی
#عبداله_العباس
#حضرت_رقیه
#حضرت_ام_البنین
#انور_اردبیلی
#گون_مغربه_گئدنده_پریشان_اولار_یتیم
#مردان_جاوید_انور
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

راه شام
زبانحال حضرت رقیه (س)

مرحوم انور اردبیلی

عمه جان دشمن سالوب محنت قطاریندن منی
نجم تک سن آیری سالما غم مداریندن منی


ای اسارت مکتبینده قزلارا آموزگار
هانسی بیر قز من کیمی دنیاده اولدی خوار و زار
شاخه می سندیردی گل تک تند باد روزگار
آیری سالدی زندگینون نوبهاریندن منی


آغلاسون آغلار گوزوم تک عمّه دنیانون گوزی
قلبنی دوتسون یانان قلبیم کیمی محنت کوزی
اؤزگه لرده بُؤلمسه سنکه بُؤلورسن بو سوزی
آرتوق ایستردی بابام دار و نداریندن منی


آشیانسیز بیر قوشام کیمدور یته امدادیمه
مانع اولدی ساربانلار نغمه و فریادیمه
اُفّ اولیدی آشیانیم یاندیران صیّادیمه
بوشلادی بیراهه ده چنگ شکاریندن منی


ظلمته دوتدی او گونکه عترت طاها گونی
باتدی اسلامون چوخوریرده جهان آرا گونی
ئولمدوم قالدوم سلامت حیف عاشورا گونی
طالعیم قورتارمادی دنیا فشاریندن منی


دقّتیله هر قدر ایتدوم نظاره یولّارا
ردّوزی گوردم نقدری بُلمدوم گتدوز هارا
رحم ائدون آخر منه اولدی ایاقلاریم یارا
اینجدوب بیراهه یولار نیش خاریندن منی


دردمندم تیکمشم گوز بیر سنون درمانووه
جاندان آز قالدوم دوشم اولسون قسم اؤز جانووه
نه الیم چاتمور بو صحراده سنون دامانووه
نه خلاص ائتمور اجل اؤز انتظاریندن منی


سهلدور عمّه ایاقیمدن آخور شدّتله قان
پردۀ خاک سیاهیله یوزوم اولموش نهان
توز دوتان آئینیه تشبیع ائدوب دور زمان
گور نه گرد آلوب ائدوب صحرا غباریندن منی


مونسم خار مغیلانیله خوار اگلشمیشم
دوشومشم دلدن یول اوسته انتظار اگلشمیشم
بختیمه یوخ لطفووه امید وار اگلشمیشم
گل حساب ائت لطفوون امیدواریندن منی


سنّمه نسبت بی بی چوخ چوخ بلالیمیش باشیم
صورتیم آئینه سینده لکّه سالمش گوزیاشیم
من مگر صحبت ائدنده جان دیمزدی قارداشیم
با کنار ایلردی بیر لحظه کناریندن منی


وای منه هر آن منه قربان دینلر هاردادی ؟
بلبل خوش لفظ و خوش الحان دینلر هاردادی
کَلمَمَه قیمت وئرنلر جان دینلر هاردادی
یوخدی بیر کس قورتارا غم زیرِ باریندن منی


غصّه سرگردانیَم عالمده هجران یولداشی
ساقه سی سنمش گولَم خار مغیلان یولداشی
روزگار اکبر غمین ایتدی منه جان یولداشی
سالدی عالمده جلالت اعتباریندن منی


خط سیرین سیر ایدوب مغربده باتدی آفتاب
دولدوروب بو قورخلی دشتی سکوت انقلاب
تترورم سیماب تک قلبیمده واردور اضطراب
چخمیوب آی قورتارا ظلمت حصاریندن منی


دامن صحرا قرانلوق گورسنور من قورخورام
یل اسور خار مغیلان ترپنور من قورخورام
تار زلفیم تل به تل قالخور اَنور من قورخورام
ترسناک ایلور طبیعت اقتداریندن منی


آغلاماق جرم اولسا ای عمه یتیمه قزلارا
ایلورم پیمان ئولونجه ائتمرم آه و نوا
قلب بی روحیم تک اولام من همیشه بی صدا
سنده قویمازسان بی بی گوز اختیاریندن منی


گرچه زحمتدور اؤزون گل ایلورم من التجا
یا بی بیم کلثومی گوندر ایلسون غمدن رها
زجر گلسه مانع اول گلسه اگر او بی حیا
اینجدور یولّاردا زجر و انزجاریندن منی


صورتین گورسم اونون غیظیله اولام زهره چاک
هم او نالمدن گریزان هم من اوندان بیمناک
آچسا بئلدن قمچیسین یوخ طاقتیم ایلر هلاک
کم قیلار فوج اسیرانون شماریندن منی


#انورم گر چه نصیبیم اولمیوب جاه و جهان
واردی حمدیم حق تعالی لطف ائدوب طبع روان
بزم عرفاندا ائدوبدور همدم صاحبدلان
مفتخر ایلوبدی نظمون افتخاریندن منی


#سبک_زینبم_جان_اوستیم (3 سبک)


#راه_شام
#عمه_جان_دشمن_سالوب_محنت_قطاریندن_منی
#انور_اردبیلی
#مردان_جاوید_انور
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

دیر راهب

مرحوم انور اردبیلی

راس حسینی راهب ائدوب دیره میهمان
قارداش قوناق گیدوب باجیسی قالدی ناگران

تزتز اوجاتدی آهینی قلب ملولیدن
حقی واریدی چون گوزی قوخمشدی خولیدن

فکر ایلیوردی ئوز ئوزونه اول وفاسیر
ترسا ائوینه هانسی مسلمان قوناق گئدر

هم دینیدی حسینمله خولی هم کتاب
مطبخ سراده کولدن اونا آچدی رختخواب

هم دین اولان منی گتوره بیله شیونه
نصرانی نیلر الله ئوزون رحم ائله منه

بیر باش که سندن ئوزگه نی معبود بیلمیه
بیر باش که غیر بیرکسه یارب اگلمیه

اون یدی یاره سی اولا تکبیرینی دیه
محرابی قان اولا دوشه عشقیله سجدیه

شمر دنی عناد ایلیه ظلمده دورا
دالدان کسه او باشی سنان نیزیه ورا

کهف آیه سی اونا اوجا نی ده شعار اولا
بازار کوفه نی دولانا سنگسار اولا

قانه باتان محاسنینه تازه قان آخا
قرآن صداسینی کسلر قیزلاری باخا

مرجانه اوغلی قرب و مقامین بوله بوله
معصومی متهم گوره توهین ائدوب گوله

حق سوز دیین دوداقلارینا خیزران ورا
معناده فاطمه باش آچوب الامان ورا

قورخوم بودور که راهب اونا ایلیه جفا
قارداشمون یری بوگیجه راحت اولمیا

دنیا حسینه عیسوی نی میزبان وئروب
هیچ بولمورم او باشه هایاندا مکان وئروب

دیر ایچره کاش مطبخ و خاکستر اولمیا
تا کول یارالی قارداشیما بستر اولمیا

ایکاش عیسوی چالشا امر خیرده
یورقون باشا مکان وئره محراب دیرده

قانلی یوزون یووا قوریان لبلر ایسلانا
آئینه نون توزی سیلینه دیر ایشقلانا

راهب اونون جمال دل آراسینه باخا
ذکر ایلین دوداقینه سیماسینه باخا

توفیق اولا دانشدیرا تا نیتین بیله
دیندیرسه میزبان قوناقی تز گلور دیله

گلسه حسین بیانه دئیر اصل مطلبی
راهب تمام عمرینه وئرمز بو بیر شبی

جام آلسا خضر عشقیدن عالمده مست اولار
دین مسیحدن چکر ال حق پرست اولار

مظلوم حسین دیوب گیجه دیره قرا چکر
خوشبخت اولار مسیح گلر لبلرین اوپر

عیسا ئوزی حسینچیدی اخیاریلن گزور
باشین آچوبدی احمد مختاریلن گزور

زینب بو فکریله گیجه نی ایلدی سحر
آماده اولدی گیتمگه اول قوم فتنه گر

غم سیرینه دوشوبدی بنات محمدی
رهبانیدن کسوک باشی سعداوغلی ایستدی

راهب دئدی او باشیله من الفت ائتمیشم
اعجازینی گوروب گیجه چوخ صحبت ائتمیشم

سیزسوز گناهگار عملوز جرموزه گواه
ناحق کسوب بوباشی ائدوبسوز بیوک گناه

انجیلی قویموشام یره قرآنی دوتموشام
مریمدن ال چکوب داخی زهرانی دوتموشام

اول گلون کسوک باشی مندن آیرمیون
آلسوزدا باری نیزیه یوللاردا ویرمیون

قانین یووب یارالارینا سپمیشم گلاب
نازک حریریدن یوزونه چکمیشم نقاب

غم بوسه سین گیجه لب و دندانه ویرمیشام
چوخ عشقیله محاسنینه شانه ویرمیشام

انصافیدن دگول باتا زیبا یوزی توزا
یل تند اسوب محاسینینون نظمینی پوزا

وئرسوز منه بوباشیله خوش الفت ایلرم
سجادهء عبادتیمه زینت ایلرم

واردور یری بیانه گله سبط بوتراب
اعجاز منطقیله وئره راهبه جواب

آت بوخیالی قیزلاریم آغلار،قالمارام
قیرخا یاخین گوزتلینیم وار قالمارام

دوندر بو دیری مسجد ائله یغ جماعتی
شرح ایله دردیمی اول عزادار قالمارام

بزم یزیده زینبی تک قویمارام گئده
شمر و سنانه ائلمه اصرار قالمارام

من خیزرانه مشتریم خوشدی گئتمگیم
گل برگینه گرکدی دگه خار قالمارام

چیخ دیردن کناریده باخ اهل عیالیمه
چوخ ناگراندی قورخولی قیزلار قالمارام

ویرانه ده رقیمه من باش چکم گرک
آخر نفس اولام اونا دلدار قالمارام

قویسام دوداق دوداقه بالام تز یومار گوزون
اولماز دوباره شمره گرفتار قالمارام


#دیر_راهب
#راس_حسینی_راهب_ائدوب_دیره_میهمان
#انور_اردبیلی
#یادگار_انور
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

جریان و کیفیت منزل حرّان

مرحوم انور

بخش1️⃣

پیش گفتار یازور خامه بو محکم خبری
مطلبه دقت ائله قلبوه اولسون اثری
کوفه دن دوشدی ردیفه اسرانون سفری
نه سفر دفتر عالمده بیر عالم سؤزی وار
دوزه‌بیلمز سؤزونه‌هرکیمون آغلار گوزی وار


نه سفر گوندوزی زهرا قیزینا لیل دُجی
مرکبی ناقه ی عریاندی یولی آلچاق اوجا
دوه اوسته اوتورانلار قیز اوشاقی بالاجا
میله ی غصه قرا گوزلرینی سُرمَلیوب
مشگبو طرّه لرین تارینی تپراق بَلیوب


سؤزومون منظره سی داش اولا هردل یارالار
ناقه لر تند گئدور اگلشه بیلمور بالالار
دیل دوداقلار قوریوب یورقون ایاقدا یارالار
تیتریور هربالا قیز که ائشیدور زجرین آدین
سیندیروبدی او ستمگر چوخونون قول قنادین


وئردی بیر دسته گلی چرخ دنی خار الینه
دین و دل اهلی دچار اولدی دل آزار الینه
تازیانه وئریلوب زجر ستمکار الینه
شامه جک وردی او ظالم دینَنی دینمیَنی
دولادی قمچی سینه اصغره لایلای دییَنی


هر نویسنده سؤزوم یوخ سوزی هریانه آتوب
کیم بیلور آل علی شامه نه حالیله چاتوب
هانسی منزلده او بیچاره لر آسوده یاتوب
یازمارام هرسوزی قلبون آلیشا یازهرا
اُسرا منزل حرّانیده ائتدی مأوا


خبرون متنی کتابتده وئرور بیله نشان
کوفه نون فاصله ده شامه یاخیندی حرّان
یورولان قیزلار اَنوبلر دوه اوسته نگران
ملر آهولری صیّادلر آلدی آریا
دئدیلر ساکت اولون کیمسه گرک آغلامیا


اهل حرّانی تماشایه چکوب بو جریان
نیزه بانلاری گلوب دوره لدی پیر و جوان
توپلاشوبلار اسرانون باشینا فوج زنان
دئدیلر بیربیرینه اهل شریعتدی بولار
بنذمور خارجیه صاحب عفّتدی بولار


وئرسه رخصت قاباقا قویسا نگهبانلار اگر
اُسرائیله دانیشسوق اله منظور گلر
قویمیولّار دانیشاق جرمیدی صحبتده مگر
طرز صحبت لری منطقلری گیرادی عجب
اوتوروب بیر بالا قیز اورتادا زیبادی عجب


او اوجا بویلی خانم که گوروسوز چوخ قوجالوب
غرق دریای بلادور باشینا قاره سالوب
ئوله نی چوخدی یقیناً اودی بو حاله قالوب
هی باخور قانلی باشا دادرسی گوزیاشیدور
بو اونون‌باجیسی‌حتماً او بونون قارداشیدور


واریدی منزل حرّانیده بیر تلّ نُما
اوردا بیر مرد یهودی ائلمیشدی سُکنا
آدی یحیی ئوزی توراته بصیر و بینا
طرز اندیشه سی مثبت اورک آئینه سی صاف
تیز فهمیدی عدالت روش و ذرّه شکاف


سالدی سرنیزه ده که باشلارا بیربیر نظرین
تاپدی عشق عالمینون سرور شوریده سرین
روحی درک ائتدی او روحانی طبیبون اثرین
روبرو اولدی حسین باشینه اول پاک ضمیر
دئدی ای باش گورورم سنده وار اسرار کبیر


اولموسان موسی عمران کیمی سن معجزه گر
زنده لر تک باخوسان زنده سن ای شاه مگر
لبلرون بیربیره دگدوقجه سنون ذکر دییر
دینوون خاطرینه ایلمه مبهوت منی
ذکریوه طول وئروب روشن ائله مسئله نی


شاه دین مرد یهودینی گورنده نگران
آیت حق اوخودی آیه ی حقّی اوجادان
قلب یحیایه حسینون سسی گتدی هیجان
قالدی حیرتده گوروب منظره بُهت آوردی
دئدی حتماً بو باشون صاحبی پیغمبردی


اولیادندی و یا اینکه بئله قدرتی وار
گوره سن هانسی گوزل سلسلیه نسبتی وار
حیف اولا پارچالانوب آلنی عجب صورتی وار
سوروشوب آدینی بیلسم تانیسام سلسله سین
کول دولان گوزلرینون اشگیله سیلَّم گیله سین


نیزه داره دئدی کیمدور بو باشون جدّ و اَبی
آدینی ایله بیان شرح ائله اولسا لقبی
دئدی ئوز آدی حسین دور باباسی ختم نبی
آتاسی شاه ولادور آناسی خیر نسا ٕ
هاشمی دور نسبی خامس ارباب کسا ٕ


شام سلطانینه باش اگمدی خوار ایلمیشوک
باشینی ذبح ائلیوب نیزه سوار ایلمیشوک
حرم آهولرینه گوندوزی تار ایلمیشوک
هاشمی نسلینی شمشیره چکوب صاق گئدوروک
قصر خضرای یزیده یوزوموز آق گئدوروک


ائشیدوب بو سوزی یحیی ائلدی فکر عمیق
دوشونور مطلبی هرکیم اولا خوش بین و دقیق
خبره صرّاف بیلور هانسی دی یاقوت و عقیق
دئدی تصدیق ائدورم دین رسول اللهی
نه دیوب ختم پیمبر دوزوموش واللهی


اِقرأ بسمیله قویوب تاج قبول ایلیورم
قدسیان نطقینه محتاج قبول ایلیورم
ایلیوب گویلره معراج قبول ایلیورم
تُفلحوا کلمه سین السّاعه خیاله سالورام
ئوزونی گورمدیم عطرین نوه سیندن آلورام


قید توراتی آتوب تابع قرآن اولدی
ذکر ائدوب کلمه ی توحیدی مسلمان اولدی
گوزی دوشدی اسرایه جگری قان اولدی
دئدی بیر باشکه جدا اوسته منه رهبر اولا
قویمارام من بالاجا قیزلاری بی معجر اولا


باشدا عمّامه ی مصری واریدی جنسی کتان
نچه قطعه ائدوب عمّامه سین اول پاک روان
باش آچیق قیزلارا تقدیم ائله دی ناله کنان
سیّد ساجده اثبات ائلدی خدمتینی
چیگنینه سالدی اونون جُبّه ی پرقیمتینی


بیرده مین درهم اولان نقدین او پاکیزه تبار
یتوروب زین العباده بئله ائتدی گفتار
آل دئدی بو پولی یولّاردا آقا لازم اولار
چوخ حساب ایله بو آز تحفه نی ای کان کرم
قَییدن ده بورا گلسون سنی پیشواز ائدرم


بو ...

ادامه ⬇️

#راه_شام
#پیش_گفتار_یازور_خامه_بو_محکم_خبری
#انور_اردبیلی
#قیام_زینب_انور
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham