🔆🔆🔆🔆🔆🔆🔆🔆🔆🔆🔆🔆🔆
زبانحال حضرت رباب(س) در شب عاشورا(جوشی)

رحم ایله یارب منه یاندی سوسوزدان بالام
واردی امیدیم سنه یاندی سوسوزدان بالام
حقه بالام سان ویرور
سودامریم جان ویرور
حد غم و محنتی بولسه بالام نیلرم
بند حیاتی اگر بولسه بالام نیلرم
اللریم اوسته سوسوز ئولسه بالام نیلرم
یوخ سو ویرن سوسنه یاندی سوسوزدان بالام
آل رسوله عدو ساخلامیوب احترام
باغلادی سو یوللارین لشکر بی عار شام
یوخدی سو الدن گیدور آی تاری دلسیز بالام
یوخدی دئین دشمنه یاندی سوسوزدان بالام
هی دیورم یات بالا یاتمیور افغان ایدور
یوخدی سودوم نیلیوم قلبی بو غم قان ایدور
گوزیاشی غملن دولان سینمی شان شان ایدور
صرصر اسوب گلشنه یاندی سوسوزدان بالام
گون قاباقیندا اَرور آرزیلاریم بوز کیمین
یاره لی قلبه بونون گوزیاشی دور دوز کیمین
عرش وفادن سوزور اصغریم اولدوز کیمین
اشکیم آخور دامنه یاندی سوسوزدان بالام
من کیمه ایلوم گله لشکر گمراهیدن
گون کی باتوبدور ولی اوت توکولور ماهیدن
ایستیورم چاره می من فقط اللهیدن
هی دیورم ذوالمنه یاندی سوسوزدان بالام
گوز قاباقیندا منیم دلبریم الدن گیدور
آغلیورام بو غمه یاوریم الدن گیدور
آغلامیوم نیلیوم اصغریم الدن گیدور
رحم ایلین یوخ منه یاندی سوسوزدان بالام
باری بو دشت غمه باد خنک اسمیور
من باخورام دلبریم جامۀ هجران گیور
یوخدی دلی گوزلری حسرتیلن سو دیور
آهی سالوب اوت تنه یاندی سوسوزدان بالام

""نوید آسال اردبیلی""
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

🔆🔆🔆🔆🔆🔆🔆🔆🔆🔆🔆🔆🔆
احوالات وداع علی اکبر(ع)

اکبریم گیتمه جهاده قلبیم اولدی قان اوغول
دوغریار قربان مثالی جسمووی عدوان اوغول
گیتمه میدانه علی جان آتما من بی یاوری
گور آتوب هانسی اوغول بحران زمانی مادری
راضی اولما تا سالوم منده باشا غم معجری
ایلمه هجرونده سن قلبیم ایوین ویران اوغول
من سنون عشقونله گلدیم بو دیار محنته
باخماسام بیر گون اگر آیدان منوّر صورته
بی گمان جانیم چیخار یوخدور توانیم فرقته
راضی اولما لیلی اولسون مونس افغان اوغول
سن منیم دنیا بویی دار و نداریم سن علی
عزتیم جاهیم جلالیم اعتباریم سن علی
بو بیابان بلاده غمگساریم سن علی
لیلی نون هرآن سنیدون دردینه درمان اوغول
خاطر پیغمبره گیتمه پیمبر بنذری
گیتمه رحم ایتمز سنه آل امیّه لشکری
بس نیه جانه آلورسان زخم تیر و خنجری
ایلیر اعدا وجودون قانینه غلطان اوغول
آسمان عشقیده ای آیدان انور اولدوزوم
هانسی مادر بو غمه آیا دوزوب منده دوزوم
قویما بو قد دل آرایه قالا حسرت گوزوم
ایلمه بو غم اسیرین بی سر وسامان اوغول
عمرومه زینت یاراتمیش خالق یکتا سنی
آتمیوب آتماز گوزوندن هیچ زمان لیلا سنی
گیتمه میدانه بالا گوزلور باجون صغرا سنی
داشینی آتسون ئولر اول خواهر نالان اوغول
بو جهانون هیچ کیمه ذرّه وفاسین گورمدیم
چوخ جفاسین گوردوم امّا بیر عطاسین گورمدیم
قامتونده حیف اولا بَی لیک لباسین گورمدیم
کاخ آمالیم اولوبدور خاکیلن یکسان اوغول
چوخ مراده عمروده ای غمگساریم یتمه دیم
من بو دنیاده سنه یاخجی آنالیق ایتمه دیم
سانما میدانه علی سنله برابر گیتمه دیم
سن ئولنده منده ئولّم ای گل رضوان اوغول

دوزدی اکبر جان شهید اولماق لیاقت ایستیر
مانع اولسا گر آنا یاخجی دلالت ایستیر
وار دلیلیم هجرووه دوزمکده طاقت ایستیر
یوخدی لیلاده بو طاقت روحیمه ریحان اوغول
چون حسین امر ایلیوبدور گیت بو میدانه ولی
حافظ اول قرآنیدن روشن قالا دین مشعلی
عرصه ده بحرانه دوشسون سسله محکم یاعلی
تا علی اولسون سنه میدان دا پشتیبان اوغول
واردی میلون زندگینی یارووه سخت ایتمگه
نه شتابون واردی لیلانی قرا بخت ایتمگه
قاره بختیم تک منی اوغلوم قرا رخت ایتمگه
اولمارام سندن سورا بیردم لبی خندان اوغول

""نوید آسال اردبیلی"🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

🔆🔆🔆🔆🔆🔆🔆🔆🔆🔆🔆🔆🔆
السلام علیک یا ابوالفضل العباس (ع)

کیمدی عباس حسین لشکرینون سرداری

کیمدی عباس وجودی شرفون معیاری

گول دیمه معرفت و منزلتین گلزاری

دار خلقتده بونون یوخدی نظیری آری

کاخ اسلامه ستون اولدی اوزون قوللاری

کیمدی عباس قویوب تاج شرافت باشینا

گوهر خالص اونون فخر ایلیر گوز یاشینا

عمرینون شیشه سینی چالدی شهادت داشینا

حیدر اوغلی دی ولی نوکر اولوب قارداشینا

طول تاریخیده تای سیزدی بونون ایثاری

کیمدی عباس آدی لرزه سالور هر بدنه

نفسی روح صفا بذل ایلیور هر چمنه

آند اولا فاطمه اولادی حسین و حسنه

کیم اهانت ایلیه ساقی دشت محنه

بیله بیر شخصیده یوخدور شرفون آثاری

بو ابوالفضلی کی عاشق لری شیدا ایلیوب

حق اونی حشره کیمین شیعیه مولا ایلیوب

غیرتین چشمه سینی بوندا هویدا ایلیوب

ادبی بو آقانی شهره دنیا ایلیوب

بیزه الگودی او دریای کرم رفتاری

قلبینون صافیدی آیینه سی بی ریب و کلک

تک قالان شاهه اولوب روز بلا یاور ، تک

قانیلن یازدی تراب اوسته بودا اکبر تک

ئوله جک آل معاویه حسین ئولمیه جک

ایندی اثباته چاتوبدور او مهون گفتاری

بو حسیندن سورا آیری کسه مولا دیمه دی

کفره تعظیم ایلیوب نان حرامی یمه دی

مال دنیایه گوره شاهینی ترک ایلمه دی

ویردیلر رتبه ولی رد ایله دی ایستمه دی

دیدی رهبردی فقط کرب وبلا سالاری

روز عاشوریده بو باخدی یاتان لشکرینه

لیلینون اکبرینه ، قاسمینون پیکرینه

خرداجا طفل لرون مشکی دوتان اللرینه

یتیروب فورا اوزون سرورینون محضرینه

دیدی ویر اذن گیدوم عرصیه سن بیل تاری

تا اونون محنتینی درک ایله دی میر جنان

لشکریمدن دیدی سن سن قالانیم گیتمه دایان

خیمه ده قالسون اگر قیزلاریم اولماز نگران

جنگه ده گیتسون اگر گوزله بیر اوچ پر اوخدان

الون اولماز سیله سن قان بوروسه رخساری

گوره سن بیرده گورر چشم تریم پیکرووی

سرو تک قامتووی صورت خوش منظرووی

سنده اکبر تک آتورسان بو قوجا رهبرووی

گیدوسن ایندی کی قارداش قوی اوپوم گوزلرووی

گیت ولی سو گتی سیراب ایله عطشانلاری

اذن میدانی آلوب تاخلف شاه نجف

غملی قیزلاردیدیلر ایتمه عمو وقتی تلف

تاچیخوب تله باخوب نهرخروشانه طرف

عرصیه قصدایلیوب فوری گله ماه شرف

تلی سرعتله انور عشق حسین بیماری

کیم گوروب هیبتینی سسلدی صفدردی گلن

بعضی لرسسلدیلر کشته دیگردی گلن

دیمیون شمردیدی تکجه بیرافسردی گلن

دیمه عباس دئنن عرصیه لشگردی گلن

ایلیرقانوزیلن نهرخروشان جاری

تاگلوب عرصه میدانه اوسرداروفا

گلجگین باشلادی علقم یولونی نورخدا

باغلامیشدی قولونی خیمه ده سلطان ولا

فکرجنگی یوخودی تکجه گلوب سوآپارا

تاکی اخیامیده دلشادایلسون احراری
کیم اولوب سدرهی عالم اونا تاراولدی

گردنی طعمه شمشیر علمداراولدی

آغلیوب گویده باشی جسمه عزاداراولدی

روزمحشرایله بیل اوردا پدیداراولدی

گورمیوب چرخ کهنسال بیله پیکاری

فن پیکاری بونون طنطنه افلاکه سالوب

بعضی القانه باتوب بعضی ایاق آلتدا قالوب

بارک الله سسی تلیدن عرشه اوجالوب

مرحبا نوکره کی احسنی مولادن آلوب

دلبره خوشدی کی راضی ایلسون دلداری

بیری دی یاللعجب شیوه پیکاره باخون

بیری دی شیر دوتان خنجر خونخواره باخون

جنگی بوشلا بیری دی قوه لی قوللاره باخون باخون

دیدی احزابی گورن حیدر کراره باخون

بو علی مثلی سالار تپراقا مین سرداری
میمنه میسرنی ویردی غرض بیر بیرینه

لشکرون لرزه سالوب ماه وفا ، پیکرینه

ساق صولی توش ایله دی خنجر مرگ آورینه

روبرو ده دایانان اولدی فدا گوزلرینه

درک ایدوب قوم دنی مرحله ی دشواری

داغیلوب دور و بره لشکرکین،خصم زمان

ناگهان دیده ی سقایه اولوب علقم عیان

یتیروب فورا اوزون نهره او زیبنده جوان

آلجاقین علقمی سسلندی ایا شاه جهان

نهری تسخیر ایله دیم آگه ایله قیزلاری

دیمورم نهریله سقای لب عطشان سوزونی

نهری ترک ایله دی اخیامه یتیرسون اوزونی

نخل زار ایچره اوپوب بیر سه پر اوخ ساق گوزونی

اوخ داغیتدی گوز ایوین قان بورودی گول یوزونی

حیدرون یاسی اولوب لاله لرون اوخشاری

من یازوم هانسی غمی بو محن اکبردن

ویردیلار ظلمیله قوللاری دوشوب پیکردن

دیدی معناده علی حیف او گوزل اللردن

یاندی زهرا اورگی بیر محن دیگردن

آتدی ایمانی عدو دوتدی زر و دیناری

جسم سقانی بیراوخ اوت مثلی یاندیردی

ظلمینی چرخ فلک ماخلقه آندیردی

بیرشرف سیز اوزمان مشگینه بیراوخ ویردی

شیشه عزت سرداری اواوخ سیندیردی

سویی سوزدوگجه سولوب جودوکرم گلزاری

باشینی اگدی چیخاتسون اوخی گوزدن سقا

کلهی دوشدی باشیندان بورودی عرشی نوا

بیر عمود الده گلوب نوفل ظالم قاباقا

ایسته دی عرصه ده بیر محشر کبرا یارادا

""نویدآسال اردبیلی""🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

🔆🔆🔆🔆🔆🔆🔆🔆🔆🔆🔆🔆🔆
"احوالات ورود کوفه"

کوفه اهلی ویرمیون سرنیزه ده قارداشیمی
قانه سیز دوندرمیون بو شهریده گوزیاشیمی
^^^^^^^^^^^^^^^^^^^^^^^^^^^^^^^^^
من علی بن ابیطالب نگاری زینبم
اهلبیت مصطفانون یادگاری زینبم
مکتب حرّیتون آموزگاری زینبم
^^^^^^^^^^^^^^^^^^^^^^^^^^^^^^^^^^
من همان صاحب جلالم ایندی بی کس قالمیشام
یدی قارداش قاره سین بیرگونده باشه سالمیشام
عار اولا سیز ویردیگوز امضالره پیمانوزه
یاخجی حرمت ایلدوز بو شهریده مهمانوزه
من او شخصم کی ویروب درس شرف نسوانوزه
سیز ولی آل رسولی قانه غلطان ایله دوز
اهلبیت حیدری چوللرده ویلان ایله دوز
باخمادوز اهل ولانون گوزلرینده یاشلارا
حقی آتدوز یاور اولدوز باش کسن اوباشلارا
داش ویریسوز نه جسارته یارالی باشلارا
دیمورم من تک گلوب باشه ویرون قان آغلیون
دیورم آل علینون احترامین ساخلیون
او اوجا نی دی اوتورمیش شه وقاریم دور منیم
نه وقاریم ،افتخاریم اعتباریم دور منیم
قوی سوزی واضح دیوم دار و نداریم دور منیم
بنده ای مردم چکنمز هرفرومایه منی
اوباشین عشقی سالوبدور دشت و صحرایه منی
گوز قباقیندن کناره بیر چکون مولا باشین
گیزلدون لیلا گوزوندن اکبر زیبا باشین
حقه خاطر قیزلارا گورستمیون سقا باشین
تپراقا فورا آتون اللرده کی خفّت داشین
گیزلدون تازه گلیندن تازه دامادون باشین

""کربلایی نوید آسال🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت ابوالفضل ع

🔹🔹🔹

داغلیار قلب جهانی بو بلالی منظره

آغلیار عالم گوزی بو محنت دردآوره

بیلمورم مشکه باخوردی یا خیام اطهره

ساق گوزوندن دگدی بیر اوخ عرشه واویلا چیخوب

🔹🔹🔹

بیر عمود آهن بو ماهه گوندوزی تار ایلدی

مرتضا بوسه ویران رخساری خونبار ایلدی

بیلمورم آیا کیمی اول لحظه دیدار ایلدی

داغلی قلبیندن او شیرون آه محنت زا چیخوب

🔹🔹🔹

یور دوتوب اخیامه ساری سسلنوب ای نور عین

باشیم اوسته انبیا مولا ایدوللر شور و شین

گل طبیبانه عیادت ایله مندن یاحسین

گورمگه رخسارووی قلبیمدن آه و وا چیخوب

🔹🔹🔹

گل حسین احوالیمه وحشی صفت عدوان یانور

آیه آیه دوغرانان اندامیمه قرآن یانور

ساق گوزومنن سانجیلان اوچ شعبه لی پیکان یانور

کاسه دن عشقین یولوندا دیده ی شهلا چیخوب

🔹🔹🔹

گل حسین دیداریمه دردانه ی طاها گلوب

نهرین اوسته قطره نی درک ایتمگه دریا گلوب

نوکرین یاد ایلیوب الده ئولن زهرا گلوب

عرشه عطشان لبلریمنن ذکر یازهرا چیخوب

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

#عاشورا_گونی
زبانحال حضرت زینب خطاب به آفتاب



مرحوم حسینی سعدی زمان

عریان گورنده قارداشینی دخت بوتراب
یوز دوتدی آفتابه طرف ایلدی خطاب

ای گون ندور بو سوزشون اودلاندی قارداشیم
رحم ایله گورموسن مگر عریاندی قارداشیم

بیر آز شرار قوّۀ ناریه وی آزات
آرتورما اوز حرارتیوی یاندی قارداشیم

بی غسل و بیکفن قالوب عریان جنازه سی
یوخ بیر نفر دیسون که مسلماندی قارداشیم

شیرازه دن چیخوب داغیلوبدور ورق ورق
پامال اولان صحایف فرقاندی قارداشیم

وار گورموسن عوالم امکاندا انقلاب
قطب مدار عالم امکاندی قارداشیم

ایمانی اولمیانلار ایدور ادعای دین
بلموله اصل جوهر ایماندی قارداشیم

قرآن کتابمیزدی دینلر کسوب باشین
روح کتاب و معنی قرآندی قارداشیم

گزلت یوزین جمالیوه سال ابریدن حجاب
قانلی شفقده مهر درخشاندی قارداشیم

وار کافر اولسا شرعیده مهمانه احترام
بیر کس ترحم ایتمدی مهماندی قارداشیم

اولدی مباح سو بو قوناقدان مضایقه
یاندی سوسوزدان اود دوتوب اودلاندی قارداشیم

قانلی گوزی فراته باخور نوک نیزه دن
معلوم اولان که ایمدیده عطشاندی قارداشیم

نه باشی وار بدنده بیلکده نه اللری
تپراقلار استه قانینه غلطاندی قارداشیم

آت دیرناقی ایله داغیدوب یغماق اولموری
اعضاسینی که خاکیله یکساندی قارداشیم

قانین حلال فرض ایلیوب هر گلن ووروب
بیر پارچا شیشه دن توکولن قاندی قارداشیم(1)

اوخلار اوخ استینه وورولوب جسمی گزلنوب
یوخ اوخلارین چکن دولی پیکاندی قارداشیم

گودال قتلگاهی ایله دولدوروبدی داش
گورسنموری جنازه سی پنهاندی قارداشیم

جسمین قویوبلا قسمته قربان تک اهل شام
جدی قویان شریعته قرباندی قارداشیم

آل امیه ایلمسون دینی ملعبه
عالمده ملک دینه نکهباندی قارداشیم

هر بی شرف که بیر یارا ووردی وجودینه
جانان یولوندا عین شرف ساندی قارداشیم

بیر دسته آتشی گله بنزر یارالاری
سویلر گورن صفالی گلستاندی قارداشیم

آللهی دینی مذهبی انکار ایدنلره
دنیا بوئی مبلغ یزداندی قارداشیم

قارداشمین آدیله مجالس اولار بنا
احکام دین دیولماقا عنواندی قارداشیم

معلوم اولان یانورسان اودور وار حرارتین
آغلا سو سپ جنازه سینه یاندی قارداشیم

خاک شفادی تربتی درد «حسینیه»
هر درد، بی دوا اولا ، درماندی قارداشیم
ــــــــــــ
(1) اشاره به وِتر مَوتور است.

ــــــــــــــــــــ
👈 شعر دیگر از مرحوم سعدی زمان در این موضوع :
#غارت_گونی_عوالمه_چون_دوشدی_انقلاب
#باتدی_اسلامین_گونی_ای_گون_نه_رخوتدور_بوگو


#حسینیه_شهادت
#قتلگاه
#کوچ_کربلا
#سعدی_زمان
#عریان_گورنده_قارداشنی_دخت_بوتراب
#ای_گون_ندوربوسوزشون_اودلاندی_قارداشیم
#چهارده_معصوم_حسینی ص 346
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

خطاب به حضرت امیرالمؤمنین علیه السلام در روز یازدهم محرم

مرحوم سعدی زمان

آشیانی اودلانان قوشلار چمن سیزدور بوگون
یا علی گل هارداسان اوغلون کفن سیز دور بوگون


سندس و استبرقه ناز ایلین بیر جسم پاک
گون قباقیندا قالوب عریان یارالی چاک چاک
گون لحافی بستری آلات حرب و خون و خاک
کیم دیر دشت بلا لعل یمن سیزدور بوگون


وار یری فخر ایلسون فردوسه دشت کربلا
کربلانی دولدوروب عطر حسینی برملا
غبطه ایلر کربلا توپراقینه چین و ختا
کیم دیر دشت بلا مشک ختن سیز دور بوگون


ایلیوب آل امیه بیر جسارت یاعلی
اولمیوب اولماز گورن بیله شقاوت یاعلی
باغلانوبدور قو ل قولا آل رسالت یاعلی
سانما بیر قول آل عصمتدن رسن سیزدور بوگون


تشنه قربانلار ائدوب کرب و بلا دشتین منا
دین اسلامه بو قربانلار اولوب عطشان فدا
سویمیوب تنها حسینون رختینی اهل جفا
دین حق قربلانلاری یکسر کفن سیز دور بوگون


گلستانین گوللری گلچین ائدوبدور تارمار
نه قالوبدور غنچه ، نه بیر گول ، نه برگ شاخسار
ایلیوب گُل پالری ، مجروح جور نوک خار
قول قانادسیز قوشلارین سرو سمن سیز دور بوگون



سن ئولن گون زینب کبرانین ای شیر خدا
گوز یاشین سیلدی یوزوندن هم حسین هم مجتبی
مجتبی ئولدی تسلی وئردی شاه کربلا
زینبون اما حسین سیز هم حسن سیزدور بوگون


ای جنینی سقط اولان ، درگاهی ظلمیله یانان
پرده پرده غنچه تک غمدن اولاندا باغریقان
رسم عالمدور آنایه قیز ائدر دردین بیان
نیلسون بس زینب بیچاره سن سیز دور بوگون


ای ولیِّ عصر ای شاه ملائک پاسبان
شاه ائدر مدّاح دربارین همیشه کامران
سیزلره یوخسا دگول مداح «سعدی زمان»؟
رحم ایله آخر گورورسن رحم ائدن سیزدور بو گون


#کوچ_کربلا
#سعدی_زمان
#آشیانی_اودلانان_قوشلار_چمن_سیزدور_بوگون
#آثارالحسینی1 ص 259
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوچ از کربلا
زبانحال حضرت زینب (س)

مرحوم حسینی سعدی زمان

ای سبط نبی قتیل امت
لب تشنه غریب ئولن یارالی
چوخ خسته سن ایله استراحت
بو کرب و بلا بو سن یارالی


سن یات قوری یرده اکبریله
اوز سود امر اوغلون اصغریله
وقت اولدی گئدم حرملریله
شاماته اسیر ، من یارالی


گر ظلمدن اهل کین دویوبلار
علت ندی رختوی سویوبلار
گول جسمیوی بی کفن قویوبلار
ای پیکری بی کفن یارالی


من بلبل بال و پر شکسته
ایلوب سنی جور خار خسته
گول تک گورورم قوری یر اوسته
خنداندی بو گول بدن مارالی


بلبل مگر آیریلار سَمَندن
تا منده اولوم کنار سندن
دشمن گر آیرسا بو چمندن
وار هاردا بئله چمن یارالی


ای زینت گلشن امامت
وار سنده قیزیل گوله شباهت
از بس وورولوب ولی جراحت
صد برگیدی چون سمن یارالی


ای قُلزم نور سرمدیّت
وی نوح سفینۀ رسالت
وی رازِ نهان اصل خلقت
دین ساحلی گوسترن یارالی


فتوایِ شریح طالبِ جاه
ائتدی ائله کوفیانی گمراه
بو دشتیده قربتاً الی الله
ووردی سنی هر گلن یارالی


ای کاش انام بتول عذرا
بو چولده گلوب ائده تماشا
ظلمیله نجه بو قوم اعدا
وورموش قولوما رسن یارالی


سن پرچم انقلاب اوجاتدون
یاتمیشلاری سربسر اویاتدون
ترویج حق اوسته قانه باتدون
ناحقلری خوار ائدن یارالی


خدمتده «حسینی» ائتمه غفلت
هر کیم ائده بو حسینه خدمت
محشرده اوزی ائدر شفاعت
لب تشنه غریب ئولن یارالی

آرشیو و کانال اختصاصی مجموعه اشعار حضرت استادناالاعظم مرحوم سید رضا حسینی سعدی زمان



#سبک_قارداش_یارالی_باشیم_قالوبدور



#کوچ_کربلا
#سعدی_زمان
#ای_سبط_نبی_قتیل_امت
#آثارالحسینی2 ص 120
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوچ از قتلگاه
وصیت حضرت اباعبدالله الحسین علیه السلام


مرحوم سعدی زمان
تضمین از کلام خود امام (ع)

چون سکینه در دیار کربلا با آه و افغان
در میان خاک و خون جسم پدر را دید عریان
روی نعش شه فتاد و غشّ کرد آن ماه رخشان
این صدا ناگه بگوش وی رسید از شاه عطشان
«شیعَتی مِهمَا شَرِبتُم ماءَ عَذبٍ فَاذکُرونی»


هر کجا بینید شاهی، بی علمدار و سپاهی
یکنفر بیداد خواهی، کشته بی جرم و گناهی
در کف دشمن شهیدی، همدمی با سوز و آهی
از وطن دوری ملولی، بی معین و بی پناهی
«اَو سَمِعتُم بِغَریبٍ اَو شَهیدٍ فَاندبونی »


کس در این عالم ندیده این چنین جور و جفائی
در لب دریا غریبی در رسد کارش بجائی
قطرۀ آبی بخواهد وقت مرگ از بینوائی
سر بِبُرّندَش لب عطشان بیگناه و بی خطائی
«وَ انَا السِّبطُ الَّذی مِن غَیرِ جُرمٍ قَتَلونی»


صد هزاران تیغ و خنجر کرد بر جسمم اصابت
از کواکب در وجودم شد فزون زخم و جراحت
دست و سر انگشت و انگشتر همه گردیده غارت
آه والهفا نکردند اهل کین بر این جماعت
«وَ بِجرد الخَیل بَعد القَتل عَمداً سَحَقونی»


من نمیگویم بدشت کربلا از غمگساری
کاش میبودند نزدم شیعیان از بهر یاری
من همی گویم بجائی کار من شد از فکاری
شد بمظلومیّتِ من اشکِ چشمِ شمر جاری
«لَیتَکُم فی یَوم عاشورا جَمیعاً تَنظُرونی»


غنچۀ نشکفتۀ من شد ز قحطِ آب خندان
گشت از فرطِ حرارت مادرش خشکیده پستان
با امیدیکه دهندم قطرۀ آب اهل عدوان
کاش میبودید و میدیدید اندر این بیابان
«کَیفَ اَستَسقی لِطِفلٍ فَاَبوا اَن یَرحَمونی»


بود آن آبیکه مهر مادر زار و فکارم
قطره ای زان خواستم از بهر طفل شیرخوارم
ماند حرفم در دهن طفل عزیزم در کنارم
از جفا کردند پیش مادر وی شرمسارم
«وَ سَقَوهُ سَهمَ بَغیٍ عِوَضَ الماءِ المَعینِ»


ای عجب ویران نگردید عالم عُلوی و سُفلا
زان جفاهائیکه کردند اشقیا بر شاه بطحا
مختصر کن شد مُطَوَّل چیست این صُغری و کُبری
ای «حسینی» شد بجدّت جرأتی از قوم اعدا
«يا لَرُزءٍ وَ مُصَابٍ هُدَّ أَرْكَانِ الْحَجُونِ»



#کوچ_کربلا
#سعدی_زمان
#چون_سکینه_در_دیار_کربلا_با_آه_و_افغان
#شیعتی_مهما_شربتم_ماء_عذب_فاذکرونی
#لمعات_حسینی ص 11
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

ذکر آمدن ذوالجناح با یال پرخون
مقال حضرت سکینه (س) با ذوالجناح


مرحوم میرزا عبدالوهاب حقیرخویی

ای ذوالجناح هاردا قویدون غریب آتامی
سیراب ائدن کیم اولدی اول شاه تشنکامی


بو یال و کاکلینده سویله گوروم نه قاندی
قلبیم بو حالتیندن شکّه دوشور اماندی
گئتمیشدی سو گتورسون میداندا چوخ دایاندی
تأخیر ایلماقدان آیا نه دور مرامی


وئر بیر خبر صریحین ای توسن وفادار
بو نوع گلمگوندن سنده یقین خبر وار
چوخ قورخورام بابامی ائتسون شهید کفّار
از بس گوزوم گوروبدور بی رحم اهل شامی


هر چند گیزلدورسن مطلب عیاندی گویا
دورما رجوع ایله گور صاحبوندن آیا
وار بیر خیر خبر وئر چوخ دورما تئز گل اما
یتجاق اوپوب ایاقین مندن یتور سلامی


سو اولمیوب گَلنمور گر سرور مدینه
عرض ائت منیم دیلیمجه سو ایستمز سکینه
شرط ایلوری ئولونجه سو دگمه سون دیلینه
یا آلماسون الینه عمرینده بیر سو جامی


آخر بو خیمه لرده وار بیر بولوک عیالی
گوزلله یول عیالین یوخ یوخلاماق خیالی
هئچ بیر دئمور سکینه قالدی نه حاله حالی
چوخدور مگر یاراسی یوخ طاقت قیامی


زین واژگون جمالی پرخون عنان گسسته
بیر اؤزگه دللّریله اطفال دلشکسته
بیربیر خطاب ائدردی ای توسن خجسته
هاردا سالوب گلوبسن بس سیّد انامی


گوزیاشی تک آخاردی قان یال و کاکلیندن
هردم چکردی شیهه دیلسیز ته دلیندن
فریاد انطلیمه بیر امّتین الیندن
کیم ئولدورولله عطشان فرد و وحید امامی


آیا دیین بو حالی یوخ صاحب بُراقه
نولدی اوگون حسینه ائتدی اؤزینی ناقه
گلسون یارالی جسمین آلسون گنه قوجاقه
بیر کولگه یرده سالسون یوخدور گونه دوامی


گلمور ندن نجفدن بیر کربلایه حیدر
اوغلی وئرور سوسوز جان هاردا قالوبدی کوثر
نه حلمیدور خدایا قهریله شیر داور
چکمور بو قوم شومه شمشیر انتقامی


بسلردی سینه سینده بیر پیکری که زهرا
ایندی دوشوب یارالی فرشی بساط غبرا
بیر باشی کیم ائدردی دوش نبی ده مأوا
کسدی اونی قفادن میداندا شمر نامی


صاحب نفس دمیندن آلموشدی دم او حیوان
تأثیر تربیتدن اولموشدی کامل انسان
اؤز قابلیّنونده واردور«حقیر» نقصان
ناقصده کامل اولماز انسانیت مقامی




ــــــــــــــ
👈 آرشیو و کانال اختصاصی متن نوحه های ذوالجناح در ظهر عاشورا
ــــــــــــــ


#ذوالجناح
#ای_ذوالجناح_هاردا_قویدون_غریب_آتامی
#حقیر_خویی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوچ کاروان اسرا از کربلا به کوفه

مرحوم میرزا عبدالوهاب حقیر خویی

مداد نوریله الواح نوره خامه ی نور
شئون عشقی وجوهاتیله قیلوب مسطور

مقام ظاهری اوچ حرفیلندی بیر کلمه
همین بو کلمه ده ترکیب عشق ایدوبدی ظهور

نقدر شرح معانی اولوب بو کلمه ده درج
ائدوب قبول بیانیندن اعتراف قصور

نچه مراتبی وار لفظ عشقی معنی حبّ
بولوب تحقّقیله صاحبان فهم و شعور

آچان کلید محبتدی باب معرفتی
او بابدن اولا نازل مواهب موفور

مراد بیردی اگر حبّ آدی اولا تأویل
ضمیر الده دی گر ذکر عشق اولا مذکور

دگل تفاوت لفظینده حرف بوندادی سوز
که طالب اولمیا مقصود شاهدیندن دور

خود عشق لفظیدی مطلق بدون معنا لفظ
ذوی العقول یانیندا هبا ٕ دور منشور

اوز عالمینده جسد دور , بو عشقه روح ویرن
جهانه روح اولان عاشقین وجودی ضرور

اولوب بو مطلبه چوخ مدعی ولی هر کیم
دوتوب نزول بلایاده نفسینی معذور

دوام ایدنمدیلر امتحان معشوقه
جهت بودور که ایدوب عشق سرینی مستور

بو امر عشق قبولی سی اختیاری دور
بو اختیارده هیچ کیمسه اولمیوب مجبور

اوزون عزیز دوتان قدر جان بولن عاشق
محالدور اولا شایسته قبول حضور

نه انبیادی نظرده نه اولیا مقصود
بو پیشگاهده یالقوز حسین دور منظور

وجودی دایره ی عشقیده مثال الف
اولوب او عاشق یکتایه عاشقی محصور

کسوب علاقه الفت محبت جاندان
لطیف جسمی اولوب پایمال سم ستور

قیود دن چخادوب جسمی قید عشقه سالوب
اولوب لباس و کفندن یارالی پیکری عور

نه دفن ایدن نه نمازه گلن نه غسل ویرن
نه پیرهن نه کفن نه حنوط نه کافور

و غسله دمه والتراب کافوره
و لوح صدره مکسور نحره منحور(1)

هوای عشق ووروب باشه گیچدی باشندن
جدا باشندا اولوب گون کیمی باشی مشهور

گهی مکانی اولوب دیر گه کلیساده
مقام و منزلی خولی ایوینده گاه کنج تنور

علاقه سر و جانیندن ال چکوب ایدوب اخذ
کمال مرتبه کان سعیکم مشکور(2)

اسیر اهل و عیالی, صغیر اطفالی
مقام صبرده چون انبیا صبور و شکور

چالیندی طبل شهادت صدای کوس رحیل
اولوب مقدمه یوم ینفخ فی الصور

حجاز قافله سی کربلادن ایلدی کوچ
یتنده کوفیه ایتدی قیام شور نشور

ائشیتدی ابن زیاد عترت رسول الله
گلور اسیر موکّللر ایلدی مأمور

مقرّر ائتدی عموماً اهالی شهره
خبر وئرون اولالار مایل نشاط و سرور

گلن اسیرلرین پیشوازینه چیخالار
جوان و پیر و صغیر کبیر اناث و ذکور

دوزون گذرلره سازنده و نوازنده
چالون جغانه و چنگ و نی و دف و طنبور

چخوبلا دسته ایله کوفیان تماشایه
لباس تازه اگنلرده خوشدل و مسرور

قطار لنگه دوشوب اهل قافله تنگه
تردّد ائتماقا یول تنگ یوخ مجال عبور

بو ازدحامی گوروب آرتدی زینبین دردی
ائدوب خیالینه اوّل ورود کوفه خطور

دئدی بو یرده منی پیشواز ائدوبدی حسین
گرک گنه گله قلبیم شکسته دور رنجور

باشی دیزینده خیال عالمینده غرق ملال
نه گوردی جلوه لنور نیزه ده سر پرنور

او قانلی باش اوجا آوازیله اوخور قرآن
تلاوت ایلوری داوود گوئیا که زبور

دوشر نه حالته گور اوندا زینبین حالی
خیال ائاه دوشوب اوچ گوندی قارداشیندان دور

دئدی روا دگی زینب باشی سلامت اولا
سنون باشون یارالی گوزلریم اولیدی کور

سالوب چو آئینه مرآت حق نماسینده
فروغ نور جمال حسینی عکس ظهور

حسین گوزونده اؤزین گوزین اؤز باشین یاردی
اؤ چوبِ محمله از بسکه دوتدی زینبی شور

یاریلدی باشی آخوب قان فخّر مغشیّاً
مگر کلیمیدی محو ایلیوب تجلّی نور

قاریشدی بیر بیره اطفال اوج ائدوب ناله
گلوب ترنّمه سکّان عرش حور و قصور

«حقیر» کوفه ده آل علی مصیبتی نین
بیان ذکرینه کافی دگل سنین و شهور

الهی زینب مظلومه نین مصیبتینه
باغیشلا ایله بو جمعی حسینیله محشور

خرابه قلبیمه بیر ذرّه ایله تابنده
حسین نورینی ویرانه تا اولا معمور

(1) بخشهایی از دعای توسل به امام حسین (ع) :
السَّلامُ عَلي مَن دَمِه ي غَسلَه وَ شيبه قَطنه وَالتُراب کافوره .............
(2) سوره انسان – آیه 22:
إِنَّ هَذَا كَانَ لَكُمْ جَزَاء وَكَانَ سَعْيُكُم مَّشْكُورًا:
(خطاب شود كه) همانا اين (نعمت و رحمت) براى شما پاداش است، و سعى شما مورد سپاس است


#کوچ_کربلا
#کوفه
#مداد_نوریله_الواح_نوره_خامه_نور
#حقیر_خویی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در مدح مرد تنهای تاریخ علی(ع)و ماجرای زن عرب و #گریز به مصیبت حضرت رقیه(س)


مرحوم انور اردبیلی

بخش 1️⃣

بزرگ مرد جهان حجت الهی علی
سپهر معدلتون جاودانه ماهی علی

بسیط مصطبه ی لطفینون گداسی ملک
حبیب لم یزلون مرد دل بخواهی علی

بساط حشمتینه رشک ائدن سلیمانلار
ایاقی آلتدا قویان عالم رفاهی علی

عبادت عالمی هر لیلی مثل لیله ی قدر
صفای عشقی سالان حیرته پگاهی علی

مثال آینه دور کارنامه ی عمری
که قویمیوب ائله آئینه ده سیاهی علی

نه زور ائدوب بیرینه مطلقا نه زوری قبول
سریر منزلتون ذوالجلال شاهی علی

روشِ کاری مسلمانلارا گوزل میزان
خداپسند عملی ایلین گواهی علی

ایشیقلی مشعل اولوب سالکان معنایه
نشان وئروب هامی مخلوقه شاهراهی علی

اؤزی فروتنیدی زندگی سی درویشی
ولی ضعیف و ستمدیده تکیه گاهی علی

لقبینی خبر آلسون دییر سنه تاریخ
یتیم لر آتاسی بیوه لر پناهی علی



قسم خدایه علی ذات حقّه مظهریدی
قسم خدایه علی بی نظیر رهبریدی



تَیَمُّناً بو حدیثی به صورت اشعار
وئروم عریضه بو مجلسده اَیُّهاالحُضّار

کچوردی کوفه ده بیر کوچه دن ولی الله
گوروب بیر عورتی معبرده حیدر کرّار

دولی سو مشکین آلوب چیگنینه گئدور ائوینه
ائدوب اؤ عورتی دل خسته یولدا سنگین بار

دیور الهی داخی جاندا طاقتیم یوخدی
بو شهر کوفه ده یوخ من کیمی بلایه دچار

علی منی نه یامان گونلره قویوب یارب
اراده ایله ئوزون انتقامه یا قهّار

ائشیتدی سؤزلرینی عورتین وصیّ رسول
یاخینلاشوب اونا الطافین ایلدی اظهار

دئدی سو مشکوی وئر حمل ائدوم بیر آز دینجل
یورولموسان بیلورم ای عفیفه ی دیندار

منی ده دینی برادر حساب ائله ئوزوه
باجیا قارداشی حامی گرک اولا ناچار

سو مشکینی گوتوروب مقصده یتوردی علی
بویوردی قارداشوی عفو ائت ای وفا کردار

بو بیر سؤالیمون اما جوابین ایستیورم
علی سنه نه ستم ایلیوبدی قیل اقرار



دگل سن اولما ابوطالب اوغلونا خوش بین
ندور دلیلی اونا دلدن ایلوسن نفرین



دئدی اَخَ العرب ای عبد حضرت باری
سو مشکیمی گتوروب ایلدون منه یاری

ولی بو یاخشیلیقا منده بیر عوض یوخدی
جزا گونینده یقین اجروی وئرر تاری

دئدون علی ائلیوبدور سنه نه ظلم و ستم
ائشیت جوابینی ای خسته لر هواداری

شهید ائدوبله منیم دین یولوندا صاحبیمی
قالوبدی دورد اوشاقیم ائوده یوخ پرستاری

وظیفه دور اونا ایتام شهره باش یتوره
صغیر و بیویه یوز وئرمیه گرفتاری

رئیس مملکت مسلمین دور اما
یولونا منتظروک گلمیوب بیزه ساری

بالالاریما دویونجا غذا تاپانمیورام
آدین قویوبدی علی بیوه لر مددکاری

ائشیتدی شیرخدا عورتین بو سوزلرینی
گلوبدی رقّته گوزیاشینی ائدوب جاری

بویوردی حق سنیلندی قصور ائدوبدی علی
باغیشلا جرمین اونون بیلمیوب بو اسراری

طعاموزه سویوزا من ئوزوم کفیل اولّام
یتیم اوشاقلاروی ایلرم نگهداری



علی مثالی سیزه گونده باش یتورّم من
لباسه حاجتوز اولسا آلوب گتورّم من



وئروبدی قول حمایت اؤ بیکسه مولا
اورکده غصه لری جوشه گلدی چون دریا

دیوردی اؤز اؤزینه غفلت ایلیوبسن علی
قصور اولوبدی وظیفونده ائتمیوبسن ادا

آدون خلیفه الونده کلید بیت المال
خبر یوخون نه چکور خانواده ی شهدا

رئیس مملکت اولماق وظیفه دور سنگین
گرک تعهّد ائدن عهدینه ائده ایفا

چالیشدی ائتدی تهیه امیر گردون جاه
بیر آزجا بوغدا اُونی بیر طبق دولی خرما

رُطب طبقده الی اوسته، اُوندا چیگنینده
اؤ بیوه نون ائوینه حمل ائدوبدی شیر خدا

قاپونی وردی کچوبدور اطاقه خجلتیله
یره قویوبدی آپاردیقلارین شه والا

اوشاقلاری آلوب آغوشه یوزلرین ئوپدی
اؤ ائو محبت ائوی اولدی یعنی سر تا پا

بویوردی عورته قسمت ائدک ائوین ایشینی
مواظبت ائله سن بو اوشاقلارا حالا

گتوردوقوم اُونی دا من اؤزوم خمیر ائلیوم
سیزه چورک پیشیروم فوری ای حمیده لقا



علی اؤ بیوه نون القصّه گوگلونی آلدی
خمیری ائتدی مهیّا تنوره اود سالدی



یواش یواش ...


ادامه دارد ⬇️⬇️

#حیدریه_مدح
#حضرت_رقیه
#بزرگ_مرد_جهان_حجت_الهی_علی
#انور_اردبیلی
#صدای_عاشورا_انور
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در مدح مرد تنهای تاریخ علی(ع)و ماجرای زن عرب و #گریز به مصیبت حضرت رقیه(س)

مرحوم انور اردبیلی

بخش 2️⃣

یواش یواش اوجالوبدور شراره ی سوزان
لب تنوریدن ائتدی زبانه سی فَوَران

یوزین دوتوب اوجالان شعلیه بویوردی علی
جهنّمون اودونا یانما سن، بو شعلیه یان

شرار دوزخی یاددان چیخاتما ای نفْسیم
ائله بیر آتشه هانسی بشرده واردی توان

سن استراحت ائدوبسن یتیملر قالوب آج
دؤزر نه نوعیله بو درده صاحب وجدان

قاپی ویریلدی اؤ وقته گلوبدی بیر عورت
علینی گوردی کنار تنوریده حیران

سؤال ائدوب بو سؤزی خانه صاحب عورتدن
قوناقوی تانوسان کیمدی؟آدین ایله بیان

دئدی تانیمیورام ، آدینی خبر آلدیم
منه بویورمادی امّا اؤ نابلد مهمان

فقط دئدی بو سؤزی کوفه ده غریبم من
تنوری داغ ائلیوبدور بیزه پیشیرسون نان

جواب وئردی دایان قوی آدین دیوم کیمدی
علی ولیّ خدادی اؤ رادمرد زمان

علی آدین ائشیدوب قاچدی مطبخه اؤ خانم
دئدی اؤزوم بالالاریم آقا سنه قربان



گناهیمی آقاجان عفو ائله بو گوزیاشیما
جسارت ایلمیشم ساحتونده کول باشیما



جواب وئردی اونا شهریار ملک حجاز
علینی سن تانیدون کشف اولوندی حیف اولا راز

وظیفه دور گرک عذر ایستیه علی سندن
قصور مندن اولوب سنده یوخدی عذره نیاز

تَفضّل اولسا الٰهیدن ایلرم جبران
باغیشلیون بیلورم غفلتیم اولوبدی بیر آز

گلوب بالالاروی بیر بیر آلّام آغوشه
آتا کیمی دؤزرم هر نقدری ائتسه له ناز

قلم سؤزی گینه ده ایستیور گریزه چکه
سوزون گریزی اگر اولماسا گوزل اولماسا

گرک اورک اودونی گوزیاشیم ائده خاموش
دویونجا آغلاماسام قلبیمون اودی سویوماز

محلّی دور ائلیم عرض شحنه ی نجفه
آقا سنی بشریت تانور یتیم نواز

نوه ن رقیه کیمی نازنین بالا یوخودی
خرابه یرده آجیندان ائدوردی سوز و گداز

بنفشه مثلی قرا ساچلاری پراکنده
آز اولدی عمری ولی تار گیسوانی دراز

دوداقینی گوتورنده اؤ قیز دوداق اوستن
چمن غصه ده عیناً اولوردی غنچه ی باز



سولان یوزی ساری گلدن آلوردی صبر و قرار
خمار گوزلری نرگس لری ائدوردی خمار



زمانه ده اونون آیری زمانه سی واریدی
اورکده آتش غمدن زبانه سی واریدی

همیشه توأمیدی شبنمیله گل مثلی
یوزینده گوزدن آخان اشک دانه سی واریدی

گجه لری اویاقیدی گوزی ستاره کیمی
نجوم و ماهیله بزم شبانه سی واریدی

توکوردی هر نقدر گوزیاشی قوتارموردی
اورکده دُرّ سِرشکه خزانه سی واریدی

ترنُّمی ائلیوردی اثر قناری لره
ز بس قفسده یانقلی ترانه سی واریدی

عزا بهارینه بیر بلبلیدی پر بسته
دمیر قفس مَثَلی آشیانه سی واریدی

سیزیلدیاندا خانم زینبین آلیدی جانین
سؤزینده شرح غم عاشقانه سی واریدی

باخوردی حسرت آتا قارداش آختاروردی گؤزی
قیامت ائتمگه هرگون بهانه سی واریدی

دونی قرا ساچی قاره گونوزی بختی قرا
بدنده قمچی یریندن نشانه سی واریدی

یوزینده طُرّه سی آشفته تار فکری کیمی
تِلین داراماقا فکر ائتمه شانه سی واریدی



کچوردی عمری غم بی شماریلن اؤ قیزون
واریدی کشمکشی روزگاریلن اؤ قیزون



دیوردی عمه آتام سروریم هایاندا قالوب
رئیس سلسله ی اطهریم هایاندا قالوب

گلی گرک بجَره باغبانی گلشنده
سارالموشام بی بی گل پروریم هایاندا قالوب

بابام منی ایتوروبدور و یا که من بابامی
بو شهره نابلَدم رهبریم هایاندا قالوب

اگر مسافرت ائتمیش آتام سؤزوم یوخدی
بویور گوروم اؤ نبی بنذریم هایاندا قالوب

خبری یوخدی قرا بخت اولوب گوزل باجیسی
قبیله نون گوزلی اکبریم هایاندا قالوب

دئسم ملکدی علی اکبره خطا دئمیشم
مدینه یوسفی تاج سریم هایاندا قالوب

جانین نه ارزشی واردور ایتورسه جانانین
دیلیمده یوخدی توان دلبریم هایاندا قالوب

کشیده قامت عَموم بوشلیوب بیزی باشینا
علی نشانی علی مظهریم هایاندا قالوب

هاچاندی قاسم آهو نگاهی گورمه میشم
غزال عترت پیغمبریم هایاندا قالوب

ائلون جوانلاری گیرم سفرده دور هاموسی
ربابه سینه گلی اصغریم هایاندا قالوب

نقاب یوخدی یوزومده بی بی آچیخدی باشیم
سه ساله فاطمیم معجریم هایاندا قالوب



خطالی «انورم» الله اورکده وار محنیم
گناهیمی بو عفیفه قیزا باغیشلا منیم



#حیدریه_مدح
#حضرت_رقیه
#انور_اردبیلی
#صدای_عاشورا_انور
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

«طفلان زینب؛زبانحال امام(ع)»


سبک :: زینبم جان اوستیم ...

محمد علی مصیبی تبریزی

گل باجی تاراج ائدوب سرنیزه لر اطفالیوی
کوفیان ییخدی مناده کعبۀ آمالیوی

ایچدیلر قان سو یرینه تشنه لب قربانلارین
وادی ِ عزت ده قربان اولدیلار اوغلانلارین
طعمۀ کفتار اولوبلار باغریقان اصلانلارین
تیره باران ائتدی دشمن منظر ِ اجلالیوی


گون حرارتدن دایانمورایستی توپراق خسته جان
جوت بالان قانه باتوب آغلار قالوب کرّوبیان
اوخ یاریب بیر اوغلیوون آننون ایا درّ گران
بیر بالان دا نیزه آماجی ، پوزار احوالیوی


رسمیدور اولاد اگر رزم ایلیوب باتسا قانا
گر آناسی اولسا بالینه گلر مظلوم آنا
وار یری قلبون باجی نار فراق ایچره یانا
ئویله کی نار جفا یاندیردی پرّ و بالیوی


ییغ باجی اطرافیوه قیزلاری گل میدانه بیر
اوخشیاق هم اکبره هم جوت قوزی قربانه بیر
سویلیاق بو مطلبی سقای مظلومانه بیر
گور نئدور دشمن ، ئوزون آچ شعلۀ جوّالیوی


زینبیم گل آغلیاق قانه باتان پیکرلره
گوزیاشیلن قیل طبابت مضرب ِ نشترلره
حق وئروب درمان سرشک دیدۀ مادرلره
قان دولان مقتلده گل ، گُستر زبان حالیوی


گل باجی والله کسیلمیش شاه دینین چاره سی
گل سینمدن سن آییر بو ایکّی طفل نورسی
اوخ دگوب ازبس دوتوب پیکرلرین اوخ یاره سی
چشمه چشمه قان یاغور تکمیل ائدور اجلالیوی


گل کی قربانلاریوی تقدیم جانان ایلورم
قانلارین زینت گر دشت و بیابان ایلورم
قانه غلطان توپراقی هر درده درمان ایلورم
سنده گل ؛ یاغدور بو ماوایه سرشک آلیوی


صرصر ظلم اسدی صولدی نینواده گلشنون
گوزلرین غرقاب خون اما گولور اهریمنون
آند اولا اللهه دوتسا دشمنی ، آهون سنون
سوز آهین یاندیرار اهریمن قتّالیوی


قارداشون فخر ایلیر زینب ! صفالی آدیوه
خوفلی صحراده تنها حق یتر فریادیوه
قوملار اوستی،گل باجی گهواره دور اولادیوه
نازیلن لای لای چالوب آرامه یت اطفالیوی



#سبک_زینبم_جان_اوستیم


#طفلان_زینب
#گل_باجی_تاراج_ائدوب_سرنیزه_لر_اطفالیوی
#مصیبی_تبریزی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

«زبانحال امام با خواهرش درسوگ طفل شیرخواره»


محمد علی مصیبی

باجی آل بو قربانی مندن
بو گلبرگ حَمرانی مندن
بونعش لب عطشانی مندن- بالام وای

مهمانیدوق ؛ کوفیان نه گوزل یۆخلیوبلر
دریا یانیندا بالامی سوسوز اوخلیوبلر

بالام وای (2)



عطشدن گلنده فغانه
اوخا ایلیوبلر نشانه
بلشدی قوجاقیمده قانه - بالام وای

سالدی نه حالتده قاتل کمانین ترازه
وُردی سه شعبه اوخون بیرغزالی بوغازه
بالام وای (2)


باجی باخ صولان لبلرینه
اونون باصفا گوزلرینه
ایچوب قان بالام سویرینه - بالام وای

اوخشاتدی پیکان دمین نوک پستانه اوغلوم
امدی او پیکانی باتدی قزل قانه اوغلوم
بالام وای (2)




نه ظلم اولدی دیلسیز قوناقه
دوشوبدور هلالیم محاقه
سه پر اوخ وروبلار اوشاقه - بالام وای

سپدیم قزل قانینی عرش ِ نه طاقه ؛ زینب
تاعشقی دوشسون بونون قلب عشاقه زینب
بالام وای (2)



بالام میل ائدوب جام عشقی
اوجالدار قانی نام عشقی
سالار دهره پیغام عشقی - بالام وای

دان اولدوزوم برج عشق و شرافتده باتدی
اوچ شعبه اوخ چالدی لای لای سراسیمه یاتدی
بالام وای (2)


#سبک_خرابه_چراغونه_امشب

#اصغریه_شهادت
#باجی_آل_بو_قربانی_مندن
#مصیبی_تبریزی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

«وداع زبانحال امام»


محمد علی مصیبی تبریزی

زینبیم ذرّیۀ طاهانی تاپشوردوم سنه
من کی گئتدیم ؛ پرچم سقانی تاپشوردوم سنه


روز ازّل ایستدی خالق یازا طومار عشق
اولمادی بیر کیمسه ده جرات ائده اظهار عشق
اولدی آدیم باعث گرمیّت بازار عشق
مشتری اولسان همان کالانی تاپشوردوم سنه


من کی گئتدیم قویما دگسون جام اندوهه داشون
فکر ائله ازّل زماندان هئچ یوخیدی قارداشون
صبریوی الدن وئروب آخدیرما گوزدن قان یاشون
چون وقارِ ساحت زهرانی تاپشوردیم سنه


حقیلن عهد ائتمیشم هنگامۀ قالوا بلیꞌ
تشنه لب جاندان گئچم احیا اولا دین خدا
مرتضانین اوغلی هر عهد ایلَسه ایلر وفا
کوفه و شام عهدینه ایفانی تاپشوردیم سنه


ثابت ائتدیم عالمه اربابه "لا" نوکر دئمز
آل هاشم هر زنادن حاصله اطهر دئمز
مرتضیٰ اوغلانلاری هند اوغلونا رهبر دئمز
رگلریمده جوشه گلمیش قانی تاپشوردیم سنه


بولدی عالم لر باشیمدان آتمیشام دنیا داشین
سینه زهرادن اممیش شیر غیرت قارداشین
فاطمه اوغلی جگرخوار اوغلونا اگمز باشین
فاطمی بیر جرات شایانی تاپشوردیم سنه


عهدیمین ایفاسینه ایستیردیم اولسون خاتمه
شیرخواره قانینی سپدیم گویه بی واهمه
خیمه دن گوردوم آناسی سسلنور یافاطمه
گون قباقینده او سرگردانی تاپشوردیم سنه


لیلی دن آلدیم یامان وقتی علی اکبری
رزم ائدنده اکبریم گوردوم خود ِ پیغمبری
دوشدی آتدان توپراقا قانه بلشدی پیکری
بعدِ اکبر باغریقان لیلانی تاپشوردیم سنه


ساخلا یادینده ابوالفضلیم بو چولده نیله دی
عالمه اعلان ائله عشقین روالی بیله دی
اللرین آنلون گوزون تقدیم جانان ایله دی
حشر و نشر مکتب سقانی تاپشوردیم سنه


قیزلاریم تک تک هامی عشق ومحبت کانی دی
بیر قیزیم وار اوچ یاشینداعشقیمون عنوانی دی
سن بیلورسن کی رقیه بو حسینون جانی دی
شامی تسخیر ایلین مهمانی تاپشوردیم سنه


شور وصل یار بی همتا دوتوب یکسر منی
مقتلیمده گوزلوری بیر شمر و بیر خنجر منی
سعدین اوغلی منتظردور تا گوره بی سر منی
قطعه قطعه پیکر بی جانی تاپشوردیم سنه


من کی گئتدیم جوش ائدرقلبیمده کی غملر باجی
گرم اولار بازار عشقیم هر محرم لر باجی
اهتزاز ایلر جهاندا قاره پرچم لر باجی
بیله عشق وعزت و سودانی تاپشوردیم سنه


ای«مُصَیـّب»نشر فرهنگیم جهاد اوستونده دی
نهضتیم جاوید اولار چون اعتقاد اوستونده دی
هم نمازاوستونده هم عشق و وداد اوستونده دی
عشقیمه بیر یازمالی دیوانی تاپشوردیم سنه


#وداع
#زینبیم_ذریه_طاهانی_تاپشوردوم_سنه
#مصیبی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوچ اهلبیت از قتلگاه

مرحوم میرزا عبدالوهاب حقیرخویی

چون کاروان غم چکیلوب قتلگاهیدن
فریاد اهلبیت گچوب مهر و ماهیدن

گوردی اسیرلر دوشوب اجسام چاک چاک
بی غسل و بیکفن کفن و غسلی‌خون وخاک

نورسته سروهای گلستان احمدی
اون سگّیز آی گون اوزلی جوان محمدی

قان چشمه چشمه سینه لریندن اولور روان
جاری اولور فرات کیمی سو یرینه قان

باخدوقجا اهلبیتی دوتوب هول و واهمه
وئرذی اجازه زینب علیا مکرّمه

یکسر توکولدی ناقه دن اهل حرم یره
اطفال پر شکسته زنان مخدّره

گوزیاشلارین توکوب یوزه رنگی پریده لر
قیلدی خراش سینه لرین داغ دیده لر

چکدی اوغول جنازه سین آغوشه مادری
بیر گوشه ده قوجاقلادی خواهر برادری

تاپدی عروس پیکر دامادی غرق خون
قان سجّه سینده زورق جسمی دوشوب نگون

گؤردی او نازنین بدنی پاره پاره دور
گویا بدنده یاره فلکده ستاره دور

خنجر یاراسی اوخ اثری طعن نیزه دور
شمشیر زخمی جسمی یارا اوسته یاره دور

باخدی دولی گوزیله او نعشه کناریدن
اندیردی اقتضای حیا شرم و عاره دور

زینب گوروب عروس اوزاقدان دوروب باخور
ال قولتوقوندا بُهتیده محو نظاره دور

گویا ائدوب اشاره اوتانما عم اوغلوی
گئت سنده قیل وداع بو عمر دوباره دور

آلدی اجازه گلدی او نعشی قوجاقلادی
گوردی او قانلی کاکلی افشان عذاره دور

عرض ایلدی عم اوغلی وصیّتلرون تمام
آویزه گوشیمه عوش گوشواره دور

امر ایلمیشدون اولما آنامدان کناره جو
مندن عمل وصیّته سندن اشاره دور

مندن صورا دئدون باشیوا سالما شال آل
باشدان ایاقه هر نه وار اگنیمده قاره دور

اما بو بیر وصیّتوه ائتمرم عمل
سرّین سوروشما چون سببی آشکاره دور

آیا نجه روادی آدیم نوعروس اولا
قاره گیم بو قاعده ائلدن کناره دور

قانونله زلفیمی بویارام چون عروسلر
مایل همیشه زینت نقش و نگاره دور

یکرنگ اولاق که عاشقه یکرنگلیق اؤزی
عشّاق مسلکینده دلیل اعتباره دور

من ایمدی شامه گتملیم چون دورانمورام
چون کاروان یول اوسته بنامیز گذاره دور

جانیم سنون یانوندا قالور جسمیدور گئدن
جانا بو جان سنوندی منه استعاره دور

قویمولّا بیر دویونجا سنه آغلیام منی
بو داغ دل ئولونجه دل داغداره دور

قید محبتون منی زنجیره باغلیوب
ورنه عم اوغلی شمر ستمگر نه کاره دور

اوخشار سکینه اکبری من اوخشارام سنی
من اولسام عندلیب سکینه هزاره دور

بلبل گورنده گل یوزینی شورین آرتیرور
گؤر بلبلون نه نوع گرفتار خاره دور

بیر درده سالدولار منی کیم یوخدی چاره سی
ئولماق منِ فلک زدیه عمده چاره دور

بیر بیت وار مقابل هر بیتیده«حقیر»
چوخ مایه ی قلیل کثیر التجاره دور


#کوچ_کربلا
#چون_کاروان_غم_چکیلوب_قتلگاهیدن
#حقیر_خویی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت زینب(س)در قتلگاه


مرحوم میرزا عبدالوهاب حقیرخویی

سبک:دولانورعلی قیزی مقتلی...

بو نفاق چرخ سپهردن
بوکولوبدی قامتی زینبون
اورگینده دمبدم آرتوری
اَلَم و مصیبتی زینبون


بیر اوتان بو قدر جفا ندور فلک آل پاک پیمبره
بو نه جور و ظلم و نه کینه دور بو حریم عترت حیدره
نه روا سکینه اسیر اولا بو سَنان و شمر ستمگره
حذر ایله شرط وفا دگل اولا هتک حرمتی زینبون



قولی باغلی خیل اسیرلر چکیلوبدی قید سلاسله
حرم اهلی دستهٔ گل کیمی دوزولوب نظامیله سلسله
سفر ایلر ایمدی بو کاروان خبر اولدی کوچ ائده قافله
اولا شهر شامه طرف روان بو قطار محنتی زینبون



چوورنده قتلگهه اوگون چو مهار ناقه نی ساربان
یتیشن زماندا نه گوردولر توکولوب جنازهٔ بیکران
دوزولوبدی پیکر چاک چاک هامی زخم تیغیدی هم سنان
بو بساطی گوردی فزون اولوب الم کدورتی زینبون



نه گوروب که گلشن فاطمه پوزولوب هجوم سمومیدن
یخلوبدی قامت سرولر یره زخم تیشهٔ قومدن
یوزی اوسته بیرجه بدن دوشوب که فزوندی زخمی نجومدن
نظری دوشنده نه حاله گور دوشر اوندا حالتی زینبون



چکوب آه و ناله فغانیله بئله عرض قیلدی که یا اخا
سنه کیم بو ظلمی روا گوروب منی ائتدی هجریده مبتلا
نجه قان ایچینده گوروم سنی بو یارالی جسموه من فدا
نظر ایله قان کیمی دیده دن آخار اشگ حسرتی زینبون



باخورام که پیکر نازنین داغیلوبدی کثرت یاره دن
بولورم زیاده ویروبدیلار یارا اوسته یاره دوباره دن
بو قدر جراحت کارگر که بدنده چوخدی ستاره دن
نجه صبر و تاب و توان قالور توکنوبدی طاقتی زینبون



دئدی شرح حالینی بیر زمان توکوب اشک دیده نی دمبدم
چاغیروب فغانیله یاعلی بو بلا دیارینه قوی قدم
پوزولوب اساس جلالیمیز قریلوب سپاه یاتوب علم
یتیشوب زمان اسیرلیق داغیلوبدی شوکتی زینبون



بو همان حسینیدی فاطمه بویودوبدی نازیله سینه ده
هم آلاردی دوشینه مصطفی بو همان حسیندی مدینه ده
گور آلوبلا نیزه ده چیگنینه باشین ایمدی لشگر کینه ده
بو بلا چولونده قیام ائدوب بابا گور قیامتی زینبون



بولوسن که اوّل امریدن سنه امر ائدوبله بو خدمتی
نقدر که الده دی اختیار هدر ائتمه الده کی فرصتی
اؤز ایشوندی ایله«حقیر» جهد گئدر عمر بیر قالی حسرتی
وار امید روز جزا سنه یتیشه شفاعتی زینبون


#سبک_آنام_آغلاما_باجیم_آغلاما
#سبک_بالام_آغلاما_گلوم_آغلاما
#سبک_باجی_دورگئداخ_باجی_دورگئداخ


#کوچ_کربلا
#بو_نفاق_چرخ_سپهردن_بوکولوبدی_قامتی_زینبون
#حقیر_خویی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوچ از قتلگاه

مرحوم حسینی سعدی زمان

بو جسم قالب بی روحه جان ویرور یارالی
مشام جانه شمیمی روان ویرور یارالی

غریبه گُللر آچوبدور بو پاره پاره بدن
نشانه هر بیری بیر گلستان ویرور یارالی

نه گلستاندی که گُللر ورق ورق داغیلوب
بهاری نکهت فصل خزان ویرور یارالی

عبیر و عطر ایله دولدوروب بلا چولینی
که کربلا چولی عطر جنان ویرور یارالی

جهان جهان اولالی گورمیوب بیله گلشن
صفا گوگللره تا وار جهان ویرور یارالی

اولار لیاقتیجه باغبانی هر باغین
قضا بو باغه منی باغبان ویرور یارالی

هاچان منیم کیمی بیر باغبان ، سنون کیمی گل
نشان بو گردش دور زمان ویرور یارالی

چوخ امتحان ویرن عاشق بو روزگاره گلوب
ولی سنون کیمی کیم امتحان ویرور یارالی

نه بی مروّتیمیش باشیوی کسن جلّاد
هنوز خنجرینین زخمی قان ویرور یارالی

بو جسم عوره یانوم یا بو نحر منحوره
داش اولسا دل ، بونا آیا توان ویرور یارالی

آتام فدا اولا بیر جسمه بنزوری فلکه
گویون ستاره لرین یرده سان ویرور یارالی

سویولماسیدیم اگر جسمون عور قویمازدیم
مگر لباسیمی بیرده آلان ویرور یارالی

گمانی ساتره گلمور باجون خجالتدور
اودور سنه ساچینی سایبان ویرور یارالی

کمکلریم قیریلوب یوخدی سس ویرن سسیمه
مگر صدا منه کعب سنان ویرور یارالی

نه دیز گَلور دولانوم قیزلارون یغوم چولدن
نه شمر شوم و ستمگر امان ویرور یارالی

اوزوم بیان ایدوم احوالیمی دیلیم دوتمور
#حسینی خامه سی شرح و بیان ویرور یارالی

توجّه ائت اونی ساخلا اؤزون امانونده
همیشه نوکره آقا امان ویرور یارالی


#کوچ_کربلا
#قتلگاه
#سعدی_‌زمان
#بو_جسم_قالب_بی_روحه_جان_ویرور_یارالی
#لمعات_حسینی ص 304
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

کوچ از کربلا

سبک :: ای درد بی درمانلارا درمان اباالفضل و ...

مرحوم حسینی سعدی زمان

ای سو یانیندا جان ویرن عطشان یارالی
زینب یارالی نعشیوه قربان یارالی



گر ظلمیدن اهل جفا قارداش دویوبلار
قانه باتان رختون ندن یکسر سویوبلار
توپراقلار اوسته پیکرون عریان قویوبلار
یانّام گورنده جسمیوی عریان یارالی



بس که گوروبلر دادخواهون یوخ ووروبلار
نیزه قلج خنجر یاراسی چوخ ووروبلار
قلب شریفوندن ولی بیر اوخ ووروبلار
چوخ یاندیرور زهرانی بو پیکان یارالی



بو نحر منحورون باجون قربانی قارداش
بو اوخ دگیدی زینبین قلبیندن ای کاش
باجی دوزر توکمز مگر رخساره قان یاش؟
قارداشی اولسا گول کیمی خندان یارالی



قارداش نجه اولسون دوام و صبر منده
بیر بوسه گه باشدان باشا قالموبدی سنده
نه باش نه اَل نه بارماقون واردور بدنده
نعشون ایدوبلر زینت میدان یارالی



جسمون سپهر عشقیدور، زخمون ستاره
انصافیدور بیر پیکره بو قدر یاره؟
دوغرانموسان باشدان اَیاقه پاره پاره
توپراقلاریله اولموسان یکسان یارالی



ای ناطق قرآن، آدی قرآنه زینت
بُلموب سنی یوخسا مسلمان بو جماعت
بس که ووروبلار جسمیوه بی حد جراحت
جسمون اولوب شیرازه سیز قرآن یارالی



هر اوخ دگوب بو پیکر زیبایه قارداش
قرآن مُنزَلدن یازوب بیر آیه قارداش
تفسیری بیر گون نشر اولار دنیایه قارداش
قرآن تاپار بیر عزّت شایان یارالی



ظاهرده اسلامین گونی بو چولده باتدی
سیندی سپاهون، پرچمِ اسلام یاتدی
امّا بو پرچم پرچم دینی اوجاتدی
خورشید دینی ایلدی رخشان یارالی



سنلن ازلدن هر بلایه شرکتیم وار
عهد الست اکمالینه جدّیّتیم وار
اوز عهدیمون اثباتینه تا قدرتیم وار
عالمده یتسون قویمارام نقصان یارالی



قورتارموشام دارالفنون کربلانی
تحصیلیمون شاماتیده وار امتحانی
کشف ایلرم شام ایچره بو سرّ نهانی
عالی مرامون ایلرم اعلان یارالی



قیلّام اسارت امرینی عنوان اَلیمده
احقاق حقّه ایلرم برهان اَلیمده
باشون دالینجا شامه نقدِ جان اَلیمده
اولّام روان ای جسمیم ایچره جان یارالی



سن ایلینده نیزه ده قرآن تلاوت
منده او تبلیغاتیوه قیلّام شراکت
کفر اهلینی حیران قویار بو استقامت
حق اوسته ناحقلر گورر برهان یارالی



بیر نوع تبلیغ ایلرم بو ماجرانی
دنیاده رسوا ایلرم سُفیانیانی
تاریخده ننگین اولار نام و نشانی
قالماز بو مظلومیّتون پنهان یارالی



اسلامه تبلیغات اوچون محملده هر آن
من باشلارام بیر آتشین نطقیله عنوان
هر قدر تعمیر ایتسه کاخ ظلمی دونان
آخِر بو تبلیغات ایدر ویران یارالی



ویرّم نشان بو ایشده بیر محکم اراده
خورشید دینی قویمارام ابر خفاده
چکدیرّم اوز نطقیمله من دارالجفاده
قانونِ کفره بیر خط بطلان یارالی



ای غسلی اوز قانی اولان، کافوری تربت
بیر وقفه «سعدیّ زمانی» ایله دعوت
قبرونده برپا ایلسون بزم مصیبت
اولّام او توزلی قبریوه قربان یارالی


#سبک ها ⬇️
#سبک_ای_درد_بی_درمانلارا_درمان_اباالفضل

#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر برای این سبک:
بلالیدور باشیم حسین
یارالی قارداشیم حسین
حسینیم ای وای (2)

#سبک_یا_فاطمه_من_عقده_دل_وا_نکردم
واگیر برای این سبک:
اوغولسوزام من آدامسیزام من
حالیم یاماندی کمکسیزم من
یارالی قارداش یارالی قارداش


#کوچ_کربلا
#سعدی_‌زمان
#ای_سو_یانیندا_جان_ویرن_عطشان_یارالی
#لمعات_حسینی ص 312
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham