مقدمه شهادت امام حسین علیه السلام

مرحوم سعدی زمان

فریاد و ناله سالدیلا کرّوبیان گویه
اوچ قانی گوندرنده حسین ارمغان گویه

جدّی شبیهی اکبرینون قانینی ازل
اوجیندا دوتدی آتدی او شاه جهان گویه

بیرده اَل اوسته سود امری اوخلانان زمان
قانین دوتوب سپوب شه لب تشنگان گویه

امّا اوچومچی قانی دیلیم دوتمور عرض ایدوم
پیغمبر اوغلی آتدی او قانی هاچان گویه

معذورم عرض ایدوم آقا یا صاحب الزّمان
جدّون نه وقت بیرده سپوب اَلده قان گویه

اول وقتیدی که اُلدی هامی یار و یاوری
سوز دل نهانی دایاندی عیان گویه

یالقوز مقابل اولدی اوتوز مین سپاهیله
اوج ایتدی داد و الحذرِ کوفیان گویه

غیظه گلوب یر اوسته یداللهِ باسطه
اَینَ المَفَرّ اوجالدوب او دم شامیان گویه

دعوا ایدوب یورولدی، یارالاندی، آخدی قان
ویردی نجوم تک یارا جسمینده سان گویه

یسر سمتیده چکدی دایاندی جداسینه
توحید هیکلینی ویروب یر نشان گویه

بیر داش گَلوب دگوب او زمان سجده گاهینه
شور نشور و زجّه سالوب قدسیان گویه

مرآت ذوالجلالی دوتوب پرده پرده قان
روح الامین سالدی صلای فغان گویه

پیراهنین کنار ایلیوب قانینی سیله
قلبی سالوبدی گون تک او دم شعشعان گویه

اوچ شعبه لی بیر اوخ او زمان آتدی بیر شقی
سالدی فغان و ولوله اول اوخ آتان گویه

ایتدی او تیر فاطمه نین قامتین کمان
شور نشور سالدی او تیر و کمان گویه

قلب امامی تشنه گوروب تیر آبدار
قان قان دیوب هواده او شیون سالان گویه

تالا مکان مکانین او اوخ ایلدی مکان
آهین اوجاتدی علّت کون و مکان گویه

دگی قاباقدان اوخ، دالیدان چخدی یرلری
اولدی خدنگ آهی اورکدن روان گویه

دلدن مقام وصله او اوخ آچدی شاهراه
گوستردی شاه یردن او دم امتحان گویه

چکدی دالی طرفدن اوخی خارج ایلدی
فکر ایتدی آشکار ایده راز نهان گویه

دولدوردی قانی اوجینا یاخدی جمالینه
یوز دوتدی حسرتیله شه بی کسان گویه

دولدوردی بیرده هر ایکی اوجین او قانیله
گوندردی تحفه شاه زمین و زمان گویه

یعنی الهی محشره بو قان ذخیره دور
ساخلا امانت ایله بونی کهکشان گویه

یوز ویردی گوشواره ی عرش خدایه ضعف
آخدوقجا قان یر اوستونه، ویردی تکان گویه

بی حال اولوب یخلدی یره ذوالجناحیدن
اعلان نوحه ویردی حقّ لامکان گویه

سکّان عرش آغلادی، عرش ایتدی زلزله
ناله یتوردی زینب بی خانمان گویه

زهرا اَلینده ساچلاری گوگدن گلوب یره
گوردی سَنان اَلینده اوجالدوب سِنان گویه

اوچ نیزه ووردی شاه شهیدین وجودینه
سیماب وار زلزله سالدی سَنان گویه

شمر و سَنان گونوز فلکه سالدی غلغله
امّا گئجه نی سالدی نوا ساربان گویه

روحون «حسینی» ایستَسه یر اوج قدسیده
آغلا حسینه اوج ایله یردن، دایان گویه


#قتلگاه
#سعدی_زمان
#فریاد_و_ناله_سالدیلا_کروبیان_گویه
#لمعات_حسینی ص 288
#ترکی

زبانحال سید الشهدا (ع) در بالین حضرت علی اکبر (ع)

✍️ زبدة الاشعار ✍️

🆔: @nohe_torki

مرحوم حسینی سعدی زمان

ای گل گلشن طاها ولدی یا ولدی
هاردا وار بو گل زیبا ولدی یا ولدی


هانسی گُلده گورونوبدور بو طراوت، بیله رنگ
بیله پامال ایلیوب هانسی گُلی خار خدنگ؟
هانسی با غی سولانون من تک اولوب شهدی شرنگ؟
دا غیدوب گلشنین اعدا، ولدی یا ولدی


ایله بیر خار چکوب قلبیمه بو قوم ضلال
گوره دنیا بویی بیر لاله بیله داغ، محال
باخ سنق قلبیمه گَل نطقه دانیش گوگلیمی آل
ای منه سرّ سویدا، ولدی یا ولدی


قطره قطره دوزولوب قان یوزیوه ژاله کیمی
مه یوزون چولقالیوب زلف سَرون هاله کیمی
دا غیلوب گُل بدنون برگ گل لاله کیمی
بَزَنوب دامن صحرا، ولدی یا ولدی


نجه قانون کیمی گوز یاشیم اوغول قان اولماز؟
بو نه عالمدی بیله صحن گلستان اولماز
صحن گُلزارده هیچ گُل بیله خندان اولماز
قاریشوب توپراقا اعضا، ولدی یا ولدی


ای قویان تک منی نازیله قوری یِرده یاتان
آند اولا جانیوه جان اوسته دی بو یالقوز آتان
چوخ جوان وار رهِ جاناندا بو گون قانه باتان
لیک یوخدور سنه همتا، ولدی یا ولدی


حالیمی یوخدی بُلن، بیر بُلوری غیبی بُلن
واردی بیر عدّه یانان حالیمه، بیر عدّه گُلن
اَلوم آختارماز اوغول یوخسا جوان اوغلی اُلن؟
کاش اُلم قالمیام اصلاً، ولدی یا ولدی


گوزیمون نوری عجب سالدون ایشیقدان گوزیمی
قویموشام بیله که قانلو یوزیوه من یوزیمی
گَلسون ای کاش اجل قویسون آ غیزدا سوزیمی
سنیله باهم اُلم تا، ولدی یا ولدی


یارالار گلشن جسمونده قزل گُلدور اوغول
بیرده گُل گلشنِ عمریم گُلینی گُلدور اوغول
صون نفسده آتاوا درد دلون بُلدور اوغول
وار سوزون ایلمه اخفا، ولدی یا ولدی


اوزین اُلدورسه آنان وار یِری ای ماه تمام
سنی اُلدوردولر اولدی گوزینه گوندوز شام
دور اَلون ویر اَلیمه منله ایداخ عزم خیام
بیرده گورسون سنی لیلا، ولدی یا ولدی


بو جهاندا منیم امید حیاتیم سنیدون
والی عهدیمیدون، ملک ثباتیم سنیدون
لنگر عمریمیدون، فُلک نجاتیم سنیدون
گوزوم اولماز نجه دریا، ولدی یا ولدی


بو گوزل گوزلره قربان اگر آچسان گوزیوی
حالیمی گورسن اوغول گوزدن آتارسان اوزیوی
قوی دیزیم اوسته، قوری یِرلره قویما یوزیوی
ایتموسن ایستی گون ایذاء، ولدی یا ولدی


بیزه «سعدیِّ زمان» خادم صادقدور اوغول
دست جودیمده گوزی لطفیمه شائقدور اوغول
اوزی بی ریب و ریا خدمتی لایقدور اوغول
ایلرم عزّته دارا، ولدی یا ولدی




ــــــــــــــ
👈 آرشیو و کانال اختصاصی متن نوحه های حضرت علی اکبر علیه السلام
ــــــــــــــ


#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و ...



#اکبریه_شهادت
#سعدی_زمان
#ای_گل_گلشن_طاها_ولدی_یا_ولدی
#آثارالحسینی2 ص 54
#لمعات_حسینی ص 142
#ترکی

✍️ #زبدةالاشعار ✍️

🆔: @nohe_torki

در جلالت حضرت اباعبدالله الحسین علیه السلام
ترجمه حدیث قدسی - گریز به عصر عاشورا و غارت - شام غریبان و قتلگاه


مرحوم سعدی زمان

بخش 1️⃣

جلالتینده حسینون عقول حیراندور
دگل غلوّ یازیلسا نقدر نقصاندور

وجودی مظهر آیات حیّ اکرمدور
فدا اولوم آدینا، آدی اسم اعظمدور

خدا که خلق ایلیوبدور بو کون و امکانی
ویروب ظهوره بو خلقتده صنع پنهانی

همین بو خلقته اون دورت وجود اولوب علّت
ویروب جهاندا بو اون دورت وجوده چوخ عزّت

بولار تمامیسی گُلدور، عزیز دوراندور
نه گُل وجودلری سر به سر گلستاندور

حسین وَلِیک بو اون دورد گلشنین گُلیدور
عزیز فاطمه دور کردگاره سوگُلیدور

عبث دگل که بونا ایل به ایل دوتولّار یاس
بونون جلالتی اولماز بیر اوزگه شخصه قیاس

جلالتینده حسینی لر ایتمیوب اغراق
بونا اولوبدی عزادار و روضه خوان خلّاق

سیخشمور عقلیوه مطلب دیمه که حدسیدور
یازان امام، روایت حدیث قدسی دور

✔️ ترجمه حدیث قدسی

ایدن زماندا م

ناجات، طور حقده کلیم

خدای عالمه عرض ائتدی ای خدای علیم

محمّد امّتینون فرقی سایر امّتیله
ندور کلیمیوه بُلدور بو سرّی حکمتیله

اولاندا درگه حقّه کلیم عرض رسا
همان او حالیده سس خلق اولوندی یا موسی

نقدر خالقینین خلقه افضلیّتی وار
او قدر امّت مرحومه نین مزیّتی وار

شرفده فرقی خداوند چون محال ایلدی
کلیم بو شرفین علّتین سوال ایلدی

بویوردی حضرت موسایه خالق حکمت
سبب بو عزّته واردور اولاردا اون خصلت

دیدی ندور او خصال، امّتیم ایده منظور
محیط صوتیله اولدی مُحاط وادی طور

عَلَم دور امّت مرحومیه گوزل عادات
صلات و صومیله حجّ و جهاد و خمس و زکات

پیمبری اولارین خاتم رسالتدور
سبب شرفلرینه جمعه دور جماعتدور

کلیمه دوقّوزونی بُلدوروب حق یکتا
اونومجین سوروشاندا بویوردی «عاشورا»

دیدی که دوقّوزی واضحدی ای علیم و خبیر
خصال تِسعَه ده لازم دگل منه تفسیر

اونومجی لفظیده امّا وار عمده بیر معنا
صریح ویر خبرین، مُستَتَردور عاشورا

بویوردی ندبه دی مفهوم لفظ مُدغَمده
دیدی کلیم که بو ندبه هانسی بیر غمده

جواب گَلدی حبیبیم مُحَمَّدَه موسی
کرامت ایلمیشم بیر قیز اسمیدور زهرا

جمالی جلوه لَنر همچو نیّر اعظم
حسین آدینلو او خاتونه بیر اوغول ویرّم

شهید ایده لّر اونی عاشِرِ محرّمده
باشین کسلَّه، سو ویرمزله ساحل یَمده

جزاده امّت مرحومیه اولار او غیاث
اونون غمینده بو دنیاده هر ذکور و اُناث

اگر ایده یوزه بیر قطره گوز یاشین جاری
اونون آدین یازارام من حسین عزاداری

من اوز جلالیمه آند ایچمیشم عزاداری
بهشتیمه آپارام، گورمیه غضب ناری

حسینون آدی گَلنده او گوز که اشکی آخار
همان گوزه یارادان چشم رأفتیله باخار

حسین یولوندا بیری مصرف ائتسه بیر درهم
بو دهریده بیره یِتمیش اونا عوض ویرّم

جزا گونینده ده قیلّام مرامینی تأمین
مضاعف ایلرم اجرین او خرجه یِتمیش مین

کلیم عجزیله عرض ایتدی ای خدای جلیل
حسینه ایمدیکه وار آغلاماقدا اجر جزیل

کیم ئولدورر اونی، بُلدور الهی موسایه
توکوم سرشک، یتوم منده فیض عظمایه

جواب ویردی کلیمه خدای حیّ و جلیل
بنی امیّه ائدر کربلا چولینده قتیل

کلیم عرض ایلدی ای خدای عرش مجید
بنی امیّه ایده لّر اونی نه نوع شهید

جواب گَلدی اونون سینه سینی داغلالّار
سو یولّارین یوزینه کربلاده باغلالّار
ب
صغیر اوشاقلارینی ئولدورَر هوای عطش
کبیر جلدین ائدر مُنکَمِش بلای عطش

کلیمه غیبیده ذکر ایتدی خالق قاهر
دیوم همین بو مصیبت نه وقت اولوب ظاهر

✔️ فرمان نوشتن ابن زیاد به عمر س

عد

اولاندا سابع شهر محرّم، ابن زیاد

دوشوب بو فکره اولا خانمان دین بر باد

دیوم نه ظلم ایلدی آه یا امام زمان
گوتوردی زاده ی وقّاصه یازدی بیر فرمان

حسین یزیده گَلوب یا گرکدی بیعت ایده
و یا که جاه و جلالی اوزی فنایه گیده

قبول ایلسمه بیعتی قیام ایله
حسینه، عترتینه سن سویی حرام ایله

من ایلدیم سوئی بو حکمیده کلابه حلال
حرامیدور ولی ویرمه حسینه آب زلال

دایانسا ایش او یره باش و جانیدن گئچسون
سو ویرمه، سو یرینه لخته لخته قان ایچسون

بو قدر بُل که همین سوزده دور رضای یزید
حسین فاطمه نی تشنه کام ایله شهید

یارالی پیکرینی یرده ...



ادامه دارد ⬇️⬇️


#حسینیه_مدح
#حسینیه_شهادت
#قتلگاه
#شام_غریبان
#سعدی_زمان
#جلالتینده_حسینون_عقول_حیراندور
#لمعات_حسینی ص 292
#ترکی

در جلالت حضرت اباعبدالله الحسین علیه السلام
ترجمه حدیث قدسی - گریز به عصر عاشورا و غارت - شام غریبان و قتلگاه

مرحوم سعدی زمان

بخش 2️⃣

یارالی پیکرینی یرده قانه غلطان قوی
لباسین امر ایله سویسونلا، جسمین عریان قوی

حیالی عترتینون دوندر اشکینی سیله
سوموکلرین آت اَیاقینده خُرد خُرد ایله

همین که یازدی بو فرمانی ابن مرجانه
یتوردولر او زمان ابن سعد نادانه

ازل که حکمینی یدّیمجی گون ایدوب اجرا
قالوب اونومجی گونه حکم آخِرین امّا


✔️ غارت البسۀ امام مظلوم

او دم که

 فاطمه نین دوندی قانه گوز ی

اشی
وورولدی نیزیه پیغمبر اوغلونون باشی

خبر ویروب عمر سعده اهل کوفه و شام
امیر مژده ویر، اولدی حسینون امری تمام

ائشیتدی بو سوزی، اولدی او بی حیا خوشحال
دیدی که اولدی درخشنده کوکب اقبال

منیم اَلیمله یزیدین ر ضاسی گَلدی اَله
گَلر بو فعلیمیله ری حکومتی عمله

هوای ری باشینا دولدی اول جفا کانی
دیدی گرک اولا اجرا امیر فرمانی

گلوبدی قتلگهه الده بیر عصا او لعین
عزیز فاطمه نین گوردی نازنین بدنین

کسوبله باشینی مکبوتباً قالوب یرده
چکوبدور اوستونه اوز قانی قرمزی پرده

ایدوب عصانی اشاره او نازنین بدنه
شمادتیله دل آچدی امام ممتحنه

دیدیم حسین دیمَدیم گَل یزیده بیعت ایله
اوزیوی عترتیوی بو جهاندا راحت ایله

دیوب بو سوزلری یاندوردی روح زهرانی
دونوب مخاطب ایدوب تابعان سفیانی

تمسخریله خطاب ایتدی قوم اعدایه
همان حسیندی که جبریلیدی بونا دایه

همان حسیندی بونی چیگنینه آلاردی رسول
همان حسیندی بونون نازینی چَکردی بتول

اولون یزید یانندا بو ماجرایه گواه
منیم اَلیمده شهید اولدی بو کمکسیز شاه

بو ماجرانی بو چولده بو گون یاراتدیم من
حسینه اوّل اوخی صبح وقتی آتدیم من

نجه که جنگ بناسین قویان من اولدوم من
بو قانلی نعشیده اوّل سویان من اولدوم من

دیوم نجه دیوم اظهاری چوخ جسارتدور
گَلیم اگر دیمیوم معتبر روایتدور

بنی امیّه ایدن ظلمی ایتمیون مستور
به شرط این که سوزی ذکر ایدن ایده منظور

اگر اوزینده لیاقت بُلور دیسون بو سوزی
لیاقت اولماسا اولسون دیَنده کور گوزی

او یرده که بُلوری حقّین ایلمزلر اَدا
بو سوزلری اوخوسا خصم اولا اونا زهرا

نجه دیوم که عمر سعد نه جسارت ایدوب
امیر لشکریدی، شاهه قصد غارت ایدوب

اجازه ایستورم عرض ایتماقا او حالی عیان
آناسی فاطمه دن، سندن ای امام زمان

✔️ عریان ماندن امام مظلوم

دل پیمب

ره معناده ظلم اوخی ساچدی
حسی

ن گیَن گِییمین قانلی حلقه سین آچدی

یارالی پادشهین سویدی جبریله گِییمین
او قانلی سینه ده وار باخمادی یارا دورت مین

چخاتدی تا زِرِهی اول ستمگر بی دین
دیدی گَلون بو حسینون سویون لباسلرین

همین که ویردی بو فرمانی اول ستم پرور
حسینی سویماقا اولدی قُشون هجوم آور

بیری ازل گوتوروب نیزه ده عمامه سینی
بیری عباسین آپاردی، بیریسی جامه سینی

تمام سویدی لباسین او اشقیای دنی
قالوبدی ساتری، بیر پاره پاره پیرهنی

او پیرهن که اونی ایلینده عزم قتال
لطیف جسمینه گیمیشدی شاه عرش جلال

که سویسالار هامی رختین اگر سپاه شرور
او پیرهن قالا، بلکه وجودی قالمیا عور

بنی امیّه ده بیر ظلمه باخ شقاوته باخ
عناده باخ او حیاسیزده، بیر جسارته باخ

دوباره امر ویروب ابن سعد بی ایمان
بو کوینگینده سویون پیکرین قویون عریان

قدم قویوب ایرَه لی ابهر ابن کعب دنی
گَتوردی نالیه جنّتده روح فاطمه نی

بو رسمیدور قورویاقان بدنده زخمی سخار
او قانلی کوینگی فکر ایله گور نه شکل چخار

سویان ستمگر اولا حرمتینی گور ساخلار
علاوه جسمینه تیکمیشدی کوینگی اوخلار

غرض او کوینگی سویدی او ظالم گمراه
آناسی فاطمیه صبر ویر اوزون الله

بو قدر اولوب دیه بُلّم او ظلمینون اثری
یارالی جسمیده گوز گوز آچلدی یاره لری

✔️ جفای بجدل

گیدوب لباسلر عریان قا

لوب امام علیم

خیال غارتیله گَلدی بجدل ابن سلیم

پیمبر اوغلونی عاری گوروبدی کسوتدن
پوزولدی حالتی، محروم اولوب غنیمتدن

خیال ایدوبدی قِییتسون او کفر محض ظلوم
عزیز فاطمه ایتموب او کافری محروم

ایدوب سخاوتینی اهل عالمِینه عیان
او بی مروّته انگشترین ویروبدی نشان

او سفله طبع شریره ...



ادامه دارد ⬇️⬇️

#قتلگاه
#شام_غریبان
#سعدی_زمان
#ترکی

در جلالت حضرت اباعبدالله الحسین علیه السلام
ترجمه حدیث قدسی - گریز به عصر عاشورا و غارت - شام غریبان و قتلگاه


مرحوم سعدی زمان

بخش 3️⃣

او سفله طبع شریره طمع اولوب غالب
دوشوب بو فکره او انگشتره اولا صاحب

قدم قویوب ایرَه لی اول شقی ایدوب جرأت
دوتوب اَلین اوزوگه زوریله ویروب حرکت

سرشک موجی عبث دل حصارینی یخمور
نقدر جهد ایلدی گوردی قان دوتوب چخمور

نه قادر اولدی چخاتسون، نه حرص قویدی گیده
بو سوزده داش اورک ایستر دوزوب تحمّل ایده

صاقا صولا او ستمگر گوزین دولاندوردی
گَتوردی زینبی درده، بتولی یاندوردی

واریدی حربه سی بُلمم دینمورم اظهر
و یا که یردن اَله سالدی بیر سنق خنجر

بُلوب تعرّض ایدن یوخ، امام بی کسدی
همان اوزوکدن اوتور خوردا بارماقین کَسدی

دوباره امر ایلدی ابن سعد بی پروا
گرک امیرین اولا هر اَوامِری اجرا

گرک یزیده بو گون خدمتیم اولا خالص
زیادین اوغلی یازان حکم قالمیا ناقص

حسین عیالینی پیچیده ی ملال ایلیون
وجودین آتلار اَیاقینده پایمال ایلیون

سوار اولوب آتنا اون نفر شقیِّ لعین
گلوبله محو ایده لر شاه کربلا بدنین

یارالی نعشینون اوستونده چوخ دلیرانه
گَتوردیلر او زمان آتلارینی جولانه

قویاندا آتلار اَیاق نیزه و قلج یرینه
قاتاردی جلد و لُحوم و عظامی بیر بیرینه

کلام ناطقه آتلار ووروب ز بس دیرناق
چخوبدی پیکری شیرازه دن اولوب اوراق

او که جفادی امامه او قوم دون ایتدی
غرض یورولدی ستمگرلر، اَل چکوب گیتدی

هدایتین گونی غرب زواله یتمیشدی
جهانی عالم معناده ظلمت ایتمیشدی

باخوب او شمس هُدایه عزا بساطی قوروب
ایدوبدی ظاهر صورتده آفتاب غروب

✔️ احوالات ساربان لعین
گونوز جفاسی

 ایدوب آل عصمتی مرغول
ق

شون اولوب هاموسی استراحته مشغول

ولیک بیر نفرین ظلمی قالمشیدی گئجه
گونوز تاپانمادی اَل، گَلدی ظلمین ایتدی گئجه

همین بو مطلبه راویدی شمر ذی الجوشن
دیر اوتورمیشیدیم خیمه ده همان گئجه من

نه گوردوم ایلوری یر زلزله قیامتدور
خیال ایلدیم آیا بو نه علامتدور

دیدیم گونوز بو چوله من بو وحشتی سالدیم
گئجه نه زلزله دور بیله فکریده قالدیم

گیدوب تفکّره فکرین حصارینی یخدیم
دوروب تحیّریله خیمه گاهدن چخدیم

دیردیم اوز اوزیمه من، بو امر کیمدندی
قاباقدا تا گوزیمه بیر قارالتی گورسندی

دیدیم بو هرکیم اولا، بو سالوب بو زلزله نی
او قدر دوردوم او یرده گلوب یتوردی منی

ایدوب نظاره نه گوردوم که بیر کیشیدی گَلن
دیدیم هارا گیدیسن، ویر اوزون نشان کیمسن

ندور بو زلزله حالی ایله بو حاله منی
گلور خیالیمه سن سالموسان بو زلزله نی

دیدی بو زلزلیه عمده بانیم یا شمر
حسین فاطمه نین ساربانیم یا شمر

اوز ایتدیقیم عمله وار یری ایدم چوخ اسف
روانه اولموشیدیم ایمدی قتلگاهه طرف

دیدیم اَله گَتوروم بلکه بیر غنیمت و مال
حسین لباسینی گوردوم سویوبلا قوم ضلال

ایدوبله رختیدن عریان وجود خونبارین
دیدیم که غارت ایدوم منده بند شلوارین

جواهراتیله ویرمیشدیلر ز بس زینت
اَله گَتورماقا ائتدیم او وقتیده سرعت

ایکی اَلیله دفاع ایلدی او شاه زمن
اوتوزدوم عقلیمی دنیای دون متاعینه من

ستمله اودلادیم آل رسول دللرینی
باخا باخا آناسی، جدّی کَسدیم اللرینی

بو ساربان ستمی ذکر اولونسا هر یرده
آناسی فاطمه آغلار، یانار، گَلر درده

حسین مصیبتی اولماز یقین «حسینی» تمام
سُوَر حسین اولا زینب آدیله ختم کلام

✔️ احوالات و زبانحال حضرت زینب در

قتلگاه

یانان چادردا گئجه یاتدی توکدی گوزی

اشینی
صباح اولاندا گَلوب لیک تاپدی قارداشینی

گوروب حسین بدنی یرده قانه غلطاندور
بدن دئمه، دیه سن گُلدی یرده خنداندور

چوخور یره اولوب اوراق گُل کیمی جسمی
وجود یوخدی، بدندن قالوبدی بیر اسمی

نه اللری، نه باشی، نه بدن سلامتدور
نقدر ایشلوری گوز سر به سر جراحتدور

سویوبلا رختینی باشدان ایاقه قوم دنی
یارالی گون قاباقندا قالوبدی گُل بدنی

او کوینگی که گَلنده امام میدانه
علی قیزی اوزی ویرمیشدی شاه عطشانه

باخوب گوروب که همان کوینگینده قوم شرور
سویوبلا، قارداشینون نعشینی قویوبلار عور

گورنده قارداشین عریان اولوبدی قلبی کباب
یارالی قارداشینا یوز دوتوب ایدوبدی خطاب



عریان بدنون یرده دی ...


ادامه دارد ⬇️⬇️

#قتلگاه
#شام_غریبان
#سعدی_زمان
#ترکی

در جلالت حضرت اباعبدالله الحسین علیه السلام
ترجمه حدیث قدسی - گریز به عصر عاشورا و غارت - شام غریبان و قتلگاه


مرحوم سعدی زمان

بخش 4️⃣

عریان بدنون یرده دی قارداش باجون ئولسون
گُل جسموه قان پرده دی قارداش باجون ئولسون


ایلوبدی حسین نوک سِنان نحریوی منحور
نه دفن ایلین وار سنی، نه غسل و نه کافور
گون تک یارالی باشون اولوب نیزه ده مشهور
عریان بدنون یرده دی قارداش باجون ئولسون


آخدوقجا گوزومدن دیوری گوزیاشیم ایوای
درد و غمه توش اولدی بلالی باشیم ایوای
وردیم بودی ایوای یارالی قارداشیم ایوای
عریان بدنون یرده دی قارداش باجون ئولسون


حیراندی حسین اهل سماوات بو صبره
کیم سن کیمی قارداش دوزَر آیا بیله جبره
بیر کیمسه تاپولمور که جنازون قایوا قبره
عریان بدنون یرده دی قارداش باجون ئولسون


آت دیرناقی پامال ایلیوب سینه وی قارداش
جسمونده چکوب نقش فنا فی الَلهی قارداش
بو حاله نجه صبر ایلیوم بس منِ کُل باش
عریان بدنون یرده دی قارداش باجون ئولسون


بیر قطعه یارالی بدنون صاف یری یوخدور
باشدان باشا آماج دم نیزه و اوخدور
بو قطعه به قطعه بدنون یاره سی چوخدور
عریان بدنون یرده دی قارداش باجون ئولسون


چوخ ظلم ایلیوبدور سنه بو فرقه ی اعدا
بیر ظلم آنام اوغلی منی چوخ یاندورور امّا
دروت مین یارالی کوینگیوی کیم سویوب آیا
عریان بدنون یرده دی قارداش باجون ئولسون


ئولسون باجون، آیا بو نجه حالیدی سنده
نه اَل، نه لباسون، نه باشون واردی بدنده
بو درده نجه طاقت و آرام اولی منده
عریان بدنون یرده دی قارداش باجون ئولسون


معشوقیله لازمدور اولا عاشقی یک رنگ
آق زلفیمی منده بویارام قانیله دل تنگ
ای شاه سنه ایستی قوم اوستی اولوب اورنگ
عریان بدنون یرده دی قارداش باجون ئولسون


بس که وورولوب نیزه ایدوب جسمیوی گُل گُل
سینونده چاتوب باش باشا اوخ، چون گُل و سنبل
بو غصّه اولوبدور منِ بیچاریه مشکل
عریان بدنون یرده دی قارداش باجون ئولسون


چوخ ایستیدور آتلار قویا بُلمور یره دیرناق
سن قالموسان عریان یارالی، باشیمه توپراق
شام اهلی ایدوب جسمیوی قرآن کیمی اوراق
عریان بدنون یرده دی قارداش باجون ئولسون


یاز نوحه «حسینی» بو غمه آغلا ئولونجه
عمرون یتیشوب باشه اجل پیکی گَلینجه
بیرده بو سوزی قارداشا یاز باجی دلینجه
عریان بدنون یرده دی قارداش باجون ئولسون



#قتلگاه
#کوچ_کربلا
#سعدی_زمان
#عریان_بدنون_یرده_دی_قارداش_باجون_ئولسون
#لمعات_حسینی ص 302
#ترکی

استمداد حضرت قاسم علیه

مرحوم میرزا عبدالوهاب حقیرخویی

گل ای یتیملرین یار و دادخواهی عمو
یتور اؤزون منه بی یارلر پناهی عمو

یتیش هرایمه آتدان یره یخوبلا منی
گوزلرم یولوی ای مدینه شاهی عمو

یتن وورار سوروشان یوخدی بیر نفر آیا
بو نامراد جوانین ندور گناهی عمو

سزادی ائتسه گرفتار قادر و قهّار
کمند قهرینه بو قوم روسیاهی عمو

خیامیده منی بی اقربا آنام گوزلر
دلینده وای بالا وای ذکری دلده آهی عمو

او قدر یاره ووروبلار دورانمورام یردن
توکلّر اوخلاری هر یردن اوستومه بیردن

آت اوسته سسلماقا بیر او قدر گلدی سسیم
که سسلدیم سنی امداده تنگ اولوب نفسیم

کسلّه باشیمی گل تئز منه یتور اؤزوی
که بلکه بیرده گورم جان وئرن زمان یوزوی

بو قوم کینه سیر چون گوروب اوزاقدا سنی
آلوب آرایه تفاقیله اولدورولّه منی

چاغورمارام اوجادان قورخورام اولا آگاه
گله گوره منی بو حالتیله عبدالله

گوره بو حالیده قارداشینی دوام ائلمز
اونون اوشاقلیقینا رحم اهل شام ائلمز

بو اهل کوفه نی من بسکه بی وفا گوردوم
منیم کیمی اونودا اولدورر یقین بولورم

اوز ئولماقیم نظریمده دگل چخوب یادّان
ولیک سالما نظردن چخاتما سن یاددان

بدنده یوخدی توانا دوروم ایاقه عمو
دوشوم ایاقوه تا دوشمیوم ایاقه عمو

دایانما گل که گلور ضعف چوخ گئدور قانیم
گلونجه سن یانیما قورخورام چیخا جانیم

خلاف رسم و ادب منتهای جرئت دور
قبول عرضیمی ایله اگر چه زحمت دور

ایاقون آتدا اگر وئرمیم عموجان جان
نجه آتام یوزینه من باخوم سنه قربان

نچونکه باخمیاسان جان وئرنده سن یوزومه
یقین که باخمیاجاقدور آتام حسن یوزومه

وئروم او شوقیله جان تا آتام امام حسن
گلنده باشیمون اوسته دیه اوغول احسن
#گل_ای_یتیملرین_یار_و_دادخواهی_عمو
#حقیر_خویی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال خانم لیلا در بالین حضرت علی اکبر علیه السلام

کربلایی محمدرضاصادقی

ای اولان دشت بلاده اولین قربان عشق
آچ گوزون لیلانی مجنون ایلمه ای جان عشق


آیرلاندا خیمه گهدن من سنه دل داغلادیم
سن قدم آتدوقجا میدانه علی من آغلادیم
رشته امیدیمی تکجه خدایه باغلادیم
بارالها من دئدیم قویما اولام حیران عشق


یوز دوتوب درگاهینه آچدیم دعایه تا لبی
دعوت ائتدیم مجلس آمینه گلسون زینبی
تا دئدیم قیتر بالامی بولدی قیزلار مطلبی
چکدیلر آمین او دم طفلان سرگردان عشق


سن میننده مرکبه باخدوم او نازلی قامته
دوشدی جانیم لرزیه قالدیم بیر آیری حالته
گل دچار ائتمه دئدیم یارب بالامی آفته
اهل بیتی ایلدیم بو سوزده من نالان عشق


رزمگهده تا دئدون سن قل هو الله احد
صوتیوی اول دم ائشیتدی گویده الله الصمد
وار یقینیم غیبیدن گلدی سنه ناگه مدد
مرکز میدانه سالدون آیری بیر طوفان عشق


من دئدیم فاتح اولوب ایمدی گلر لیلاسینه
شکر اولا لیلا یتیشدی خیمه ده رویاسینه
گئچمدی بیر آز زمان غم گلدی آل یاسینه
گوردوم عازم اولدی میدانه علی ، سلطان عشق


بولدوم اعدا دوغریوب ظلمیله گل تک پیکری
عالم معناده چکدی کربلایه حیدری
هم بو غمده یاندیروب زهرانی هم پیغمبری
سسلدی ایوای علی اولدی آتان گریان عشق


دوشدی سس اکبر گلور چئخسونلار استقبالینه
بیرده لیلایه دیون خط چکسون اوز آمالینه
قویمیون بیرده گوزی دوشسون یوزونده خالینه
یوز گوزون گورسه اولار حشره کیمی سوزان عشق


نعشیوی گوردوم عباده گتدی شاه کربلا
سسلدی گل زینبیم اولدی بالام غمدن رها
گئت گتور لیلانی اما قویما گورسون برملا
دوغرانوب بولدوم اولوبسان قانیوه غلطان عشق


کیم گوروب یز دوندرر بیردن تانیشلاردان تانیش
کوسموسن آیا آناندان آچ گوزون گل بیر باریش
ایمدی که اکبر گلوبسن گل دیله منلن دانیش
ائتمه لیلانی بو چولده بی سرو سامان عشق


رد ایله یوزدن عبانی قوم گوروم مه صورتی
وئرمه باده چکدیقیم اون سگز ایلده زحمتی
بیر بئله یالوارماقون وار خواهشا بیر علتی
لحن داوودیله گل بیرده اوخی قرآن عشق


آیه آیه سن اوخی تا جان آلوم من تازه دن
ای چیخاردان پیکرون شمشیریلر شیرازه دن
ایستیرم بو صوتیدن بو لحن و بو آوازه دن
یادگار اولسون آنان لیلایه بو عنوان عشق


دوزدی آدیم لیلیدور اما بالا مجنونیوم
گرچه قالدی محشره دیداریمیز محزونیوم
لیک علی اکبر بو بابتدن سنون ممنونیوم
ایلدون زهرا حضورینده منی شادان عشق


روز و شب ، بوندان صورا اولدی علی یلدا منه
نیلمیشدیم هجریوی بولدی روا اعدا منه
لطف ایله هدیه وئروب بو نوحه نی « شیدا » منه
سنده دعوت ایله اولسون قبریوه مهمان عشق



#اکبریه_شهادت
#کوچ_کربلا
#ای_اولان_دشت_بلاده_اولین_قربان_عشق
#محمد_رضا_صادقی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت لیلا در کوچ از قتلگاه


مرحوم هندی تبریزی

دولاندی قتلگهی تاپدی اکبرین لیلا
حدیث درد دله آچدی دل که واویلا

باخوب نه گوردی خدایا که گورمَسون آنالار
ایدوبدی جسمنی باشدان ایاقه قان یارالار

عَمامه پارچالانوب نازنین باشی یاریلوب
نفس باتوب گوز آخوب جان گیدوب سینه داغیلوب

گوروب یارالیدی باشدان اَیاقه گُل جسدی
یانقلی قلبیله سسلندی آه یا ولدی

سنه قلج ویرانون من گوروم شَل اولسون اَلی
اَلیمی اوزدون اَلوندن بِلیمی بوکدون علی

نجه گوروم سنی هانسی آنایه بو گورونوب
بابان علی کیمی باشون علی ایکی بولونوب

گوزوم گوتورمز اوغول بیله بی کفن قالاسان
بو ایسّی قوملارین اوستُنده اَل ایاق چالاسان

او خَم قاشون کیمی یاخشی خَم ایلدون بِلیمی
بلی آنایه چتیندور جوان اوغول اُلومی

گَرَک اُلونجه ویرم من اجازه گوز یاشیما
ایویم یخیلدی فلک توکدی یاخشی کول باشیما

او عزّتیله گیچن گونلریم باشا یتدی
باشیم اوجالیقی سنله خانملقیم گیتدی

همین او بیر باخشون قلبموندی منظوری
بو قدر ناز ایلمه آچ گوزون گوزوم نوری

اورک دوگونمه سی جان لرزه سی گوزوم یاشی
بو نوع گیتسه اگر باشه آغلادور داشی

هجوم ایدوب غم و محنت آناوی یالقیزلار
من ایمدی بولدوم اوغول نیلوری اوغولسوزلار

محبّتون منه چوخدور اونی اوزوم بوللّم
گوزون آچوب یوزیمه ایمدی باخماسان اُللّم

سنون بو گُل یوزون هر کس سالوب طراوتدن
تعجّبم نجه خوف ایتمیوب قیامتدن

دولاندی باشینه اگلشدی سیلدی قانلی گوزون
او قان دوتان یوزینه قویدی بیرجه حسرت اوزون

گلوب او دمده آنالیق محبّتی جوشه
قولون حمایل ایدوب چکدی نعشین آغوشه

بویادی قانه اوزین دوشدی حِسّدن جانی
گورن دیردی که لیلا اُلوب آخار قانی

یریندن اوینادی شوق وصاله مرغ روان
یانندا دوشدی قالوب مثل صورت بی جان

زمانه ویرمدی فرصت پوزولدی وصلت یار
خیال وصلت هجر ایتدی عاشقی بیدار

گوروب باش اوسته جَرَس کوسِ رحلتین وُوردی
اَلین قویوب دیزینه یا علی دیوب دوردی

گیدردی گاه دوراردی چَکردی دلدن آه
یوزون دوتوب گوگه هردم دیردی یا الله

منیم قصاصیمی یا رب سن آل او ظالمدن
اَلیمی اوزدی منیم ظلمیله عَیالیمدن

وُوراردی هر قدمینده ایکی اَلین دیزینه
باخاردی چیگنینون اوستوندن اوغلونون یوزینه

باخاردی اکبره هر بیر قدم او ناقه سوار
اوزاقلاشوب او قدر تا گوزیندن اولدی کنار

چولون گورردی که بیر گوشه سی منوّر دور
دیردی قلبی که بو نور جسم اکبر دور

یوزون دوتاردی او نوره دیردی حسرتیلن
ایاقه دور گور آناوی اوغول بو ذلّتیلن

سن ایله کرب و بلانی وطن خداحافظ
بغیشله گیتملیم شامه من خداحافظ

خدنگ عشقیله بو یولدا سینه می دَللّم
مزارون اوسته سنون بیرده اُلمَسم گَللّم

اگر چه بوشدور اَلیم «هندی» گنه گارم
اوغول آناسی گورور اکبره عزادارم



#اکبریه_شهادت
#کوچ_کربلا
#دولاندی_قتلگهی_تاپدی_اکبرین_لیلا
#هندی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

#عاشورا_گونی

مرحوم یحیوی

چخدی پیمبر روضۀ رضواندان عاشورا گونی
گوردی کفن گیمیش حسین، پیکاندان عاشورا گونی


جنّاتید ن بیر حالیلن چیخدی، جنابِ مصطفی
تاجِ رسالت باشدا یوخ، دورینده کلاً انبیاء
پایِ برهنه، سینه چاک، ائتدی نزولِ کربلا
بلکه حسینین قورتارا، طوفاندان عاشورا گونی


گوردی لبِ گودالیده، زهرا یئره معجر سالیب
قاتل حسینین ذبح ائدیب، گول پیکرین بی سر سالیب
عرشه #حسینیم_وای سسین اوغلی ئولن مادر سالیب
زلفون ائدیب عنّابی رنگ، القاندان عاشورا گونی


بیر باخدی حسرتلن اونون، اعضایِ پیکان پوشینه
نیزه باشیندا نطقینه، یئرده تنِ خاموشینه
شوره گلیب پروانه تک، شمعین چکیب آغوشینه
گوردو اثر یوخ شعلۀ سوزاندان عاشورا گونی


ای مصطفی نین گلشن و گلزارینه ریحان حسین
مُحکم ستونی دینیمین، شیرازۀ قرآن حسین
دین اوسته وئردون جان حسین، جدّون سنه قربان حسین
دینی قوتاردون فتنۀ سفیاندان عاشورا گونی


زینب ده اَندی تلّیدن مظلوم حسینین گورمگه
گورموشدی چوخدور یاره سی تا گلدی درمان وئرمگه
ای کاش گلمیدی خانیم، محنت اودون سوندورمگه
باشسیز تاپیبدور قارداشین، میداندان عاشورا گونی


گوردی او نعشِ اطهری بی سر ییخیلمیش مَقتله
موج ایلیور دریا آخور، یول باغلی سو گلمز اله
چاره تاپوب تدبیریله، زینب بو امرِ مُشکله
سر وئردی آبِ دیده نی گریاندان عاشورا گونی


دیل بیلمیور سوز آنلاماز، وحشی عرب صحرانشین
چیپلاق آت اوسته اگلشوب، اللرده تیغِ آهنین
بیردن یئریندن اوینادی، بیر عده ای دریا کیمین
خیمه سرایه یوز قویوب، هر یاندان عاشورا گونی


غارت قیلیب هر خیمه نی میخ و طنابین قیردیلار
آلِ رسولی جمع ائدیب، بیر خیمیه اود ووردورلار
باطنده عرشِ اعظمی، اهلِ جفا یاندیردیلار
چیخدی مدارِ چرخِ دون، میزاندان عاشورا گونی


پیمانگذارانِ الست ائتدی عمل بی کیف و کم
تا ساحتِ قُدّوسیدن فرمان اولوب صادر او دم
اهلِ وفانی آد به آد، ثبت ائتدی لوح اوسته قلم
صورت دوتوب یتمیش ایکی قرباندان، عاشورا گونی


خندق قازاندا حضرتِ سلمان او سیمایِ جلی
گوردی مبارک ریشینی توز توپراق آلتدا پرده لی
امّا مظاهر اوغلونون باتدی قانا آق ساققالی
مظهر گورو ندی صورتِ سلماندان، عاشورا گونی



#سبک_ای_شاه_مظلومان_حسین (5 سبک متفاوت سینه و زنجیر و ... )
#سبک_آی_قارداشیم و ...


#عاشورا
#چخدی_پیمبر_روضۀ_رضواندان_عاشورا_گونی
#یحیوی_اردبیلی
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

#عاشورا_گونی
رجز روز عاشورا


مرحوم یحیوی اردبیلی

گل دشتِ نینوایه، یا خاتمُ‌النّبین
دوشدی حسین بلایه، یا خاتمُ‌النّبین


بیر وقتدیر بو ساعت، لازمدی سرعت اولسون
دئ خازنِ جَنانه آماده خدمت اولسون
دستور وئر قرادان، جنّاته زینت اولسون
کرب و بلاده حاضر طوبایِ جنّت اولسون
سالسین حسینه سایه، یا خاتمُ‌النّبین


زهراده قتلگاهه فوراً ئوزون یتیرسین
بیر رختخوابیلن بیر تختِ روان گتیرسین
نعشِ حسینی بوکسون، میدانید‌ن گوتورسون
زینب گید‌نده شامه، اجلالیلن ئوتورسون
یوخسا ائدر گلایه، یا خاتمُ‌النّبین


بیرده سفارش ائیله، ارواحِ انبیایه
سرعتله نازل اولسون، صحرایِ کربلایه
اونلار سنین دالوندا، گلسینله اقتدایه
سن قیل نمازِ دفنی، مظلومِ کربلایه
تحویل وئر بقایه، یا خاتمُ‌النّبین


کافور و سو گتیرمه، چون غسله یوخدی حاجت
غسلین ئوزی ائدیبدیر، قاندان تاپیب شهادت
ئوز نعشی اوسته باشی، قرآن ائد‌ر تلاوت
ائیلر نوایِ زینب، تلقینینه کفایت
سن گل فقط عزایه، یا خاتمُ‌النّبین


قانین یاخیب حَرَملر، مویِ سرِ سیاهه
عنّابی رنگ، زلفی توکدیله قتلگاهه
الوان کفن توخوندی، اعضایِ پاکِ شاهه
نه حاجتی حسینین وار پنبه و گیاهه
یا کهنه بوریایه، یا خاتمُ‌النّبین


جبریل هاردا قالمیش، دربارینین غلامی
قصدِ زیارت ائتسین، بو «وادی السَّلامی»
آلسین قنادی اوسته، گول پیکرِ امامی
عرشُ‌اللهه آپارسین، گزدیرسین هر مقامی
باخسونلار اول فدایه، یا خاتمُ‌النّبین


لقمان کی مدّعی دور دردین شفاسی واردور
گلسین حسینه وئرسین، درمان یاراسی واردور
باخسا دییر بو جسمین سالم هاراسی واردور
درمانیلن ساغالماز آیری دواسی واردور
مُحتاجدور بُکایه، یا خاتمُ‌النّبین


بیر عدّه قدّسیاندان گلسین همین دیاره
اوخلاری چکسین آتسین، بو جسمیدن کناره
تا یاره‌لر اوخ آلتدان چیخسینلار آشکاره
گور شاهد اول کی دشمن وورموش نه قدری یاره
دلبندِ مُرتضایه، یا خاتمُ‌النّبین


محرابِ وعده‌گاهه دوشموش یوز اوسته پئیکر
قویما بونوعی قالسین آرخاسی اوسته دوند‌ر
نه حالدا دور حسینون گورسون هامی ملکلر
درگاهِ کبریایه دوت سینه ‌سین برابر
سال عکسینی سمایه، یا خاتمُ‌النّبین


وقتیکه #یحیوی ‌نین روحی گئد‌ر بقایه
زیرِ لحد اولاندا، منزل او بینوایه
اوردا گلیب آلاندا مأمورلر آرایه
وئرّم قسم عزیزون مظلومِ کربلایه
اوندا یئتیش هرایه، یا خاتمُ‌النّبین


#عاشورا
#گل_دشت_نینوایه_یا_خاتم_‌النبین
#یحیوی_اردبیلی
#ترکی🌴🍃🌴🍃🌴🍃🌴🍃🌴🍃http://tttttt.me/naghmehaye_gham

شجاعت حضرت اباعبدالله الحسین علیه السلام
گریز به عزاداری حضرت در بالین حضرت اباالفضل العباس علیه السلام

مرحوم انور اردبیلی

بخش 1️⃣

سراج محفل وحدت زجاج وجه رحمانی
وجودی علت خلقت دلیل ذات سبحانی
حسین بن علی سبط پیمبر فاطمه جانی
باشیندا شور عشق الله ئورکده وصل جانانی
اراده ایلدی گئتسون جهاده اول وفا کانی


آتوب فرعی دوتوب اصلی تقرب گاهه یوز قویدی
ممات اوستونده سیر ائتدی فنا فی اللهه یوز قویدی
خلوصیله جهاد فی سبیل اللهه یوز قویدی
نمایان ایلیه عشقین خلیل اللهه یوز قویدی
مقام عشقیده باشه یتوردی عهد و پیمانی


یزیدون نقشینه جداً چکوبدور خامۀ ابطال
وصاله یتمگه جام شهادت الده مالامال
گوگول معشوق یانینده ئوزی سرمست خوش احوال
دَگُل مد نظرده خانمان و عترت و اطفال
فنا دنیانی ترک ائتدی نظرده دوتدی عقبانی


عنان مرکبین چکدی دوتوب یوز لشگر شامه
اراده ایلدی اول شه یتورسون حجت اتمامه
او قومی ایلسون دعوت طریق دین اسلامه
تکلم ایلیوب مشغول اولوبدور نشر احکامه
مخاطب ایلدی بو طرزیله افواج سفیانی


بیلون ای قوم بد فطرت منم سَر مطلع انوار
جمالیم زینت عرش و سما و ثابت و سیار
وجودیمدور وئرن بو عالم امکانه استقرار
قوای حقه فرمانده منم یا ایّها الکفار
منم اجرا ائدن امریۀ معبود یکتانی


منم اول کیمسه قورتاردوم نَجیَّ اللهی طوفاندان
مسیحی دارون اوستوندن حبیب مصری زنداندان
چخارتدوم یونسی بطن سمکدن حین بحراندان
مقام قربده عزّتلیم موسای عمراندان
منیم نوریمله سیناده تاپوبدور شأن و رجحانی


حسینی بیلموسوز آیا دلیل اهل معنادور
آتام شیر خدا جدیم حبیب لیل اسرادور
آنام صدیقۀ کبرا، کنیزی فوج حورادور
بیزیم اوصافیمیز آیات قرآندان هویدادور
بو امرون آیۀ تطهیردور برجسته برهانی


نه روم اهلی نه زنگی نه فرنگستان و نه چینم
حسینم حجة اللهم سراج بزم یاسینم
ئوزوم شاهم یانور قلبیم سوسوزدان اودلانور سینم
وزیریم قانه مستغرق سقوط ایلوبدی کابینَم
مگر بو نوعی غصب ایلر رعیت حقِّ سلطانی


امامون منطقین یکسر دوشوندی قوم بی ایمان
حقیقت کشف اولوب کل قوایه قالمادی پنهان
موثر اولمادی اما او قومه حجت و برهان
سران جنگی صفلردن ایدوبدور بو سوزی اعلان
یزیده بیعت ائت بیجا گتورمه آیری عنوانی


جواب نامساعد درک ائدنده سید ابرار
جلو مرکوبینه ویردی چکوب شمشیر آتشبار
ائدوب حمله او نیروی عظیمون اوسته حیدر وار
خطوط جنگی سیندیردی صفوفی بوکدی چون طومار
او تشنه حالیله کفره ائدوبدور تنگ میدانی


شعاع نیِّر اعظم دوشنده ذوالفقار اوسته
سالاردی شعشع خیره او قوم نابکار اوسته
کَانَّه برق اولور ساطع بولوطلان کوهسار اوسته
او الله شیرینون اوغلی غضبلنمیش شکار اوسته
داغتدی ضیغم آسا وحشیان جنگلستانی


او طوفانه او بحرانه او جنگ حیرت افزایه
یزید ابطحی ظالم چخوب ناگه تماشایه
ساتاشدی گوزلری بیردن شعاع تیغ برایه
مصاف کارزاری تنگ گوردی قوم اعدایه
پوزولموش سازمان لشگر خونریز سفیانی


گلور هی قوش کیمی باشلار هوا اوستونده طیرانه
یلان اژدها پیکر دوشر آتدان ذلیلانه
اَیَرسیز آتدی بی صاحب فرار ایلور بیابانه
حسینون برق شمشیری سالوبدور جلوه میدانه
پراکنده سراسیمه ائدوبدور قوم عدوانی


یزید ابطحی گوردی حسینون صولت جنگین
زبانه چکدی نیران تک آتوبدور غیظیدن رنگین
فرار لشکر کفری بیلوب بیر قصۀ ننگین
چکوب بیر نعره غیظیندن دئدی ای لشکر سنگین
مگر سایسیز قوشون بیر فرددن ایلر بو پروانی


کچوبدور خیمۀ مخصوصنه ...


ادامه دارد ⬇️⬇️

#سراج_محفل_وحدت_زجاج_وجه_رحمانی
#انور_اردبیلی
#یادگار_انور
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شجاعت حضرت اباعبدالله الحسین علیه السلام
گریز به عزاداری حضرت در بالین حضرت اباالفضل العباس علیه السلام

مرحوم انور اردبیلی

بخش 2️⃣

کچوبدور خیمۀ مخصوصنه اول کافر مُطلق
وجود نحسینی ائتدی سلاح جنگه مستغرق
وئروب باشدان ایاقه هیکل منحوسنه رونق
یاخنلاشدی اولا نار سَقَرده مارده مُلحق
الینده نیزه کتفیندن حمایل ائتدی قلخانی


ملازم لر قوی پیکر بیر آت گتدی او اثناده
اوتوردی کوه محکم تک آت اوسته اول زنازاده
چخوبدور قلب لشکردن مسلح جنگه آماده
دوشوب بیر عده سر کرده یَدَکدَه گلدی فریاده
بودور فرمانده لشگر بودور کفرون نگهبانی

G
ایچوب باده قزوب گوزلر ائله مست و خماریدی
یزیدون صولتی کل قوایه آشکاریدی
زبر دست و قوی پنجه نهنگ روزگاریدی
مصاف جنگیده گویا ائله با اقتداریدی
دوتاردیلار مقابل مرحبه اول گبر و ترسانی


او ظالم هی وروبدور مرکبین بیر گَتدی جولانه
گزوب بیر دوره میدانی یتیشدی شاه عطشانه
حسینه ووردی بیر ضربت او شه دفع ائتدی مردانه
تعجب ال وئروبدور رزمگهده قوم عدوانه
چخوب آی برج عقربدن ایشقلاندیردی میدانی


اوجا آوازیلن دیلدن چکوب بیر نعرۀ تکبیر
ائشیتسون صوت تکبیرین حرملر اولماسون دلگیر
یریندن ذوالجناحه هی وروب آلدی اله شمشیر
عمر سعدون ،یزیدون، لشکرون حالی تاپوپ تغییر
مجسم اولدی گوزلرده یزیدون قتل فرمانی


نظامیله دوروب لشکر صف اندر صف ، صف آرادور
سکوت افراد لشکرده کَاَنَّه حکم فرمادور
هامی مبهوت و حیرتده قالوب اوزگه تماشادور
هواده ذوالفقارون شعشعی گون تک هویدادور
حریفی حربگهده گزدیرور اول حیدر ثانی


قالوبدور بو شجاعتدن حجابات اهلی حیرتده
حسین مرد رشادتدور حریفی یوخ رشادتده
ئولوب قارداشلاری اوغلی وجودی غرق محنتده
یزیده وردی بیر ضربت آت اوسته حین سرعتده
نمایان لشکر کفره ائدوب اِنّا فَتَحنانی


نجف الاشرفه یوز دوندروبدور سرور محشر
نظر قیل کربلا صحراسینه ای ساقی کوثر
یخاندا مرحبی آتدان بابا یا مرتضی حیدر
بدن سالم سو ایچمیشدون واریدی دوره ده یاور
من اما تشنه ام یالقوز یارامون یوخدی درمانی


خیامیمده گوزی یاشلی بیر عده باغریقان واردور
عطشدن غش ائدن سو انتظاری نیمه جان واردور
نه دعوایه توانیم وار نه لشگردن امان واردور
نه اوغلوم قارداشیم واردی نه بیر شخصه گمان واردور
باجیم زینبدی آل عصمتون تنها نگهبانی


وجود واحدیم محصور اولوب افواج اعظمله
چکیلمیش قلبیمه داغلار ئورک مملودور غمله
نجه دشمن قباقینده دوروم بو قامت خمله
دیوب بو سوزلری اول شه سپاهه ایلدی حمله
قاریشدی بیربیره صفلر هیاهو دوتدی صحرانی


سپاه کوفه اول شاهه ائدوبدور حمله هر یاندان
باشی اوسته گورنلر ذوالفقاری دوشدولر جاندان
هوا توزدان دوتولدی توپراق اوستی فرش اولوب قاندان
بو غملی نکته نی یاران ائشیتدوم مرثیه خواندان
ائدون دقت بو مجلسده اولا تا ناله عنوانی


جهاد ایلوردی سرعتله حسین بیر نقطیه چاتدی
یره باخدی ائدوب ناله جمالین اشکی ایسلاتدی
کیمی گوردی بیلورسوز حضرت زهرانی آغلاتدی
تاپوب عباسینون جسمین ئوزون فوراً یره آتدی
قوجاقه آلدی میداندا دوباره نعش سقانی


غریبم بی کسم دلده سنه چوخدور سوزوم قارداش
فراقوندا توکور دائم یوزه اشکین گوزوم قارداش
دالونجا گَلمَلی اولدوم فراقه یوخ دوزوم قارداش
داغلمیش جسمووه قربان بالالاریم ئوزوم قارداش
کیمون امیدینه قویدون بو چولده آل طاهانی


وئروب سعد اوغلی نیروی عظیمه حکم حاضر باش
ایاقه دورماقا ایندی اولیدی قدرتون ای کاش
منِ مظلومه بیر ساعت اولیدون جنگیده یولداش
بو یورقون وقته میداندا ویریدوق ال اله قارداش
گئدیدون خیمیه بیرده گوریدون فوج عطشانی


هزار افسوس هزار افسوس جنازون یرده دور نیلوم
سن السیز سن ولی دشمن الی خنجرده دور نیلوم
گول اوزلی قیزلاریم گول تک سولوب افسرده دور نیلوم
امیدیم یوخ ملالیم چوخ یاخام اللرده دور نیلوم
یاخندور اهرمنلر تختیدن سالسون سلیمانی

#انور_اردبیلی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

#ای_اوخ ...
زبانحال حضرت اباعبدالله الحسین (ع) با تیر سه شعبه

مرحوم انور اردبیلی

بخش 1️⃣

اورکدن چخماقون ممکن دگل اینجیتمه جان ای اوخ
پرآچ ئوز آچدیقون بیر یاریه اول سایه بان ای اوخ


قرین عصر عاشورا زمان حدت گرما
فضای کربلانی ایستی دولدورموش بخارآسا
یرون ذراتینه تأثیر ایدوب مهر جهان آرا
کانه گون اولوبدور کورۀ آتش فشان ای اوخ


نچه شئ که موثر دور ایدر قلبه عطش ایجاد
ائدوب اجماع وجودیمده چکنموردوم نفس آزاد
دولانموردی دلیم آغزیمدا ائتسون کلمه نی ایراد
چوخیدی سن دگن یرده ولی سوز نهان ای اوخ


مثال عشق بنزر سهمگین پر موج دریایه
او دریایه همیشه قورخولی طوفاندی پیرایه
ضعیف عاشق قدم قویسا او بحر محنت افزایه
بفوری غرق اولار گورمز حیات جاودان ای اوخ


نجه پروانه ایستر شعله نی ئوز اختیارینده
فدای شمع اولوب پرسیز دوشر شمعون کنارینده
گرک عاشقده دورسون جان بکف کوی نگارینده
پر آچسون جانستان اوخدان یخلسون پرزنان ای اوخ


سنون بو گلمگونله وصلت جانان یاخونلاشدی
سروریمدن اؤرک پیمانه سیندن لخته قان داشدی
حقیقی عاشقه معشوق وصلی هر ندن باشدی
مقام عشقیده مطرح دگل سود و زیان ای اوخ


جبینیمدن توخانموشدی منیم بیر سنگ آهن دل
سیلوردوم کوینگیمله قانینی چوخ گرمیدی محفل
اؤرک آیینه سین گوردون کماندان ایلدون تعجیل
داغتدون قلبیمی اولدون کؤرکدن تئز عیان ای اوخ


الیمدن دوشدی شمشیریم بندندن طاقتیم گئتدی
تجلی گاه وحدتده حسین مقصودینه یتدی
توکولدی ایستی قان قلبیم بوشالدی روحیم حظ ائتدی
حسینیت گئدوب وحدت تاپوب جسم و روان ای اوخ


عجب موقع مزین ایلدون کاشانۀ عشقی
عجب موقع چخارتدون غنچه دن ریحانۀ عشقی
عجب موقعده روزن روزن ائتدون خانۀ عشقی
باخور هر روزنندن یاره یار نیمه جان ای اوخ


آتان بیلمور سنی دگدون هارا ای ناوک دلدوز
بیر آز بوندانصورا معلوم اولار بو درد عالم سوز
اوزون گون گیزلدر صحن سماده گورسنر اولدوز
نظامندن چخار گویا منظم کهکشان ای اوخ


سپاه کوفه فرض ایلور حسینون پرچمی یاتدی
یزیدی گورمیوللر منجلاب ذلته باتدی
شهادت کاروانیم عزتیله مقصده چاتدی
گئدنلر گوزلیور گلسون رئیس کاروان ای اوخ


منیع الطبع اولان عاشق محبت رشته سین قیرماز
قیریلسا قلبنون بندی دؤزر ابرویه خم وورماز
اوزون سندیرمیوبدور مرتضی اولادی سندیرماز
ارادم چوخ قوی دور سهو ائدوبدور اوخ ووران ای اوخ


آغیر تکلیفون انجامین ...


ادامه ⬇️⬇️



#قتلگاه
#اورکدن_چیخماقون_ممکن_دگول_اینجیتمه_جان_ای_اوخ
#هندی_تبریزی
#انور_اردبیلی
#مردان_جاوید
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

#ای_اوخ ...
زبانحال حضرت اباعبدالله الحسین (ع) با تیر سه شعبه


مرحوم انور اردبیلی

بخش 2️⃣

آغیر تکلیفون انجامین قبول ائتمیشدوم اولده
بحمدلله عمل ائتدوم بو میقات مجللده
یاتوبدور پارسایان زمانه قلب مقتلده
اولاری سسلیور گلدوم بو قلب خونچکان ای اوخ


شریعت باغینون آب حیاتی بو آخان قاندور
ذخیره ائتمیشیدوم قان دگول سرمایۀ جاندور
بیر عشق آتشینیله نثار کوی جاناندور
حضور یاره یوخ بوندان گوزل بیر ارمغان ای اوخ


گزور قانلو گوزوم بیر جایگاهی قربی اعلادور
حسینه جان چخان وقتینده محراب و مصلی دور
نزول ظاهریم علت ترفیع معنادور
نقدری قوی آخور آخسون اؤرکدن لخته قان ای اوخ


فنا فی الله مقامیمدور منیم ذره خیالیم یوخ
لقای یاره مشتاقم بیر آیری ایده آلیم یوخ
پیمبر سیرت اوغلوم دوغرانوب دفنه مجالیم یوخ
اونون داغی چکیلمیش قلبی ائتدون سن نشان ای اوخ


کمانوندن چخان وقته پر آچدون سسلدون قان قان
نه تک قلب حسینی ایلدون چوخ قلبی سن شان شان
آنام زهرا گوزون یومدی بویوردی جان حسین جان جان
کمانون تک ائدوبسن فاطمه قدین کمان ای اوخ


گتوردون مژدۀ وصلی حریم حقه تاپدون یول
باخوب فرمان تقدیره گلوب دوز گئتمدون صاق صول
سن ای فولاد زهرآگین نقدری سخت سن سخت اول
هدف اما سنه نسبت اولوب چوخ مهربان ای اوخ


نسیم صبحی درک ائتسه یقین برگ سمن تیترر
اورک بیر عارضه تاپسا مسلمدور بدن تیترر
حسینون تیترمز قلبی چون عرش ذوالمنن تیترر
اقلا سن یرونده تیترمه ثابت دایان ای اوخ


سنی قلبیم باشیندا دسته گول تک من دولاندیرام
ثبوت عشقیمه عنوان ائدوب اغیاری یاندیرام
آتوب هر کیم قوی آتسون من چخارداندا اوتاندیرام
بو قدرتده کمان چکمز اوخ آتسا بیر زمان ای اوخ


آتام محرابیده پاک عشقیله راز و نیاز اوسته
ایاقندان چکنده بلمدی تیری نماز اوسته
او عشقه وارثم شادم نه که سوز و گداز اوسته
اؤرکدن یوخ کؤرکدن منه سنه ویرم تکان ای اوخ


بیر آز بوندان قاباق سن شکلده اوچ شعبه بیر پیکان
لبن خوار اوغلومون ائتدی بوغازون گول کیمی خندان
اوخا لبخند ووردی تاپدی گویا چشمۀ رضوان
گوزون یومدی خموش اولدی او طفل بی زبان ای اوخ


بیر اوخدا رزمگهده سن کیمی چخدی کمینیندن
توکوب قان سس اوجاتدی کربلانون سرزمینیندن
آت اوسته عبدصالح قارداشیم چکدی جبینیندن
بوعشق و بووفا اولمازنصیب دیگران ای اوخ


ایدوب خلدآشیان«هندی»بوشعرون مطلعین انشاد
سنه سرمشق اولوبدور«انورا»مرقومۀ استاد
اونی یادائت اوخی بومصرعی عرض ایله روحون شاد
پرآچ ئوزآچدیقون بیریاریه اول سایه بان ای اوخ



#قتلگاه
#حسینیه_شهادت
#هندی_تبریزی
#انور_اردبیلی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

#ای_اوخ ...
زبانحال حضرت اباعبدالله الحسین (ع) با تیر سه شعبه

مرحوم سعدی زمان

منه قرب حبیبیمندن گتوردون سن پیام ای اوخ
حبیبین اوز یرینده من سنه وئرّم مقام ای اوخ


سنی من آختاریردوم مدّت عمرومده ازلدن
گئچم جاندان حمایت ایلیم قرآن منزلدن
امام ئولدورماقا گلدون خطالی قانلی بیر الدن
اگر چه سن گلونجه چوخ وورولموشدی سهام ای اوخ


منیله مُنتَظَمدور انتظام عالم امکان
چیخار من سیز نظامیندن مدار گردش کیهان
شَل اولسون حرمله یوخ جرم سنده قان توکن پیکان
نظام عالمی ایتدون بئله بی انتظام ای اوخ


کماندان ردّ اولوب اَوّل نوای دلنشین ایتدون
گلوب فُلک النّجاتی قان یَمینده گِل نشین ایتدون
دل پُر سوزیمی کانونِ آهِ آتشین ایتدون
الولاندیردون اودلی سینم اوستونده ضُرام ای اوخ


امامه رسم دور تابع اولار فعلینده هر مأموم
تقدّم ایلدون ایتدی بو فعلون قلبیمی مهموم
قاباقدان گَلدون اولدون هم اوزون هم ماسوا مغموم
سنه هم ماسوی اللهه منم آخر امام ای اوخ


من ایبستوردوم ستمدن اهل اسلامه رفاه اولسون
سوسوز قانیم توکولسون راه دینه شاهراه اولسون
یازیلمیشدی منه بو دشت پرغم خوابگاه اولسون
سنیله کربلا دشتی منه اولدی مَنام ای اوخ


عجب بیر پیکدون ظاهرده ابلاغ پیام ائتدون
ولی باطنده یارین اوز مقامینده مقام ائتدون
نظام عالم امکانی پوزدون بی نظام ائتدون
وئرر قانون اسلامه منیم قانیم نظام ای اوخ


حیاتین علّتی قان ، مرکز تولید قاندور دل
رموز آفرینشدن بو عالمده نشاندور دل
وئریلسه مؤمنه نسبت مکان لامکاندور دل
شکسته دلده ساکندور خدای لاینام ای اوخ


کیمون قلبی سینیقدور من کیمی بو کون امکاندا
کیمون من تک جوان اوغلی ئولوبدور بو بیاباندا
قالوبدور گول کیمی صد پاره نعشی قانلو میداندا
ائدوب چون لاله خونین دل منی قوم ظلام ای اوخ


جهاندا بدو خلقتدن اوغلو داغی گوروب چوخلار
ولی هانسی اوغولسوز قلبینی اوچ شعبه اوخ اوخلار
آچار مین پرچم غم تک به تک سینمده کی اوخلار
آلینجا قائم آل محمَّد انتقام ای اوخ


طریق آه باغلیدی یتشدون راه آه آچدون
تماشای جمال شاه عشقه جلوه گاه آچدون
گوتوردون مانعی بزم وصاله شاهراه آچدون
منیله عاشق دلخسته ائتدی اخذ کام ای اوخ


شکسته دلده گر تنگ ائتمسیدون جای جانانی
چخارتمازدیم دیردیم قال چوخ اینجیت طایر جانی
گوز اوستونده کریم النفس لر ساخلالّآ مهمانی
بیزه عادتدور ازّلدن قوناقه احترام ای اوخ


قوناقیمسن منیم وئرّم سنه منزل دل اوستونده
حسین ائتمز دل آزرده قوناقین منزل اوستونده
ولی خولی وئرر مهمانینه منزل کول اوستونده
کول اوسته وئرمز اوز مهمانینه کافر مقام ای اوخ


مکان حیّ اعلانی سن ای اوچ شعبه لی پیکان
ائله بیر حاله سالدون ایلدون ویرانه تک مهمان
مگر اوز میزبانین خانمان ویران ائرد مهمان؟
دگول تعمیره قابل سن ائدن بیر انهدام ای اوخ


دگنده قلبیمه عرش خدانی گر چه تیترتدون
ولیکن راضیم ، ائتدون منی آسوده دینجتدون
حضور یاره دعوت نامۀ محبوبیمی گتدون
یتیشدیم یاخشی کامه اولدی تحصیل مرام ای اوخ


یدالله اوغلونون ای قامت سروین بوکن پیکان
رُؤس ماسواللهه یاراسی کول توکن پیکان
سنون هر چند تقصیرون یوخ ای قلبی سوکن پیکان
ولی قویدون اوخ اوسته تا جهان وار ننگ نام ای اوخ


بیوک استادلردن ای «حسینی» اوخ یازان چوخدی
اولاریله قیاس اولسا بو شعرین ارزشی یوخدی
ولی قلبی دَلَر بو سوز باخان سویلر بو سوز اوخدی
منه قرب حبیبیمندن گتوردون سن پیام ای اوخ


نشست ایلر دله سوز گر یازان دل دردمند اولسا
دلیندن دل وئرن مولاسینه بیر رشته بند اولسا
وئرللر بیتینه بیر بیت سوز زهرا پسند اولسا
و إلّا چوخ یازار چوخ شاعر شیرین کلام ای اوخ



#قتلگاه
#حسینیه_شهادت
#سعدی_زمان
#منه_قرب_حبیبیمندن_گتوردون_سن_پیام_ای_اوخ
#آثارالحسینی1 ص 217
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

قتلگاه
☑️ متن کامل روضۀ معروف و سوزناک « #بو_اوخ_آتانین_کاش_الی_دوشسون_بیلگیندن ... »

مرحوم سید رضا حسینی سعدی زمان

باشسیز بدنونده آنام اوغلی یارا چوخدی
امّا باجیوی یاندوران اوچ شعبه لی اوخدی


ای کاش باجوندا یاراسندن چوخ اولیدی
یا بوندان ازل عالم امکان یوخ اولیدی
نه حرمله قارداش، نه کمان، نه اوخ اولیدی
باشسیز بدنونده آنام اوغلی یارا چوخدی


تا قلبیوه بو اوخ بو بیاباندا توخوندی
ذبح آیه سی حقّونده فلک لرده اوخوندی
بیر بوسه یری زینبه جسمونده یوخوندی
باشسیز بدنونده آنام اوغلی یارا چوخدی


اسلامیده سیندیردی بو اوخ رکن رکینی
زلفیم کیمی پوزدی هامی شیرازه ی دینی
بو اوخ دگی خنجردی ایدوب قطع وتینی
باشسیز بدنونده آنام اوغلی یارا چوخدی


گوردی که سوسوز قلبون اوغول داغی ایدوب قان
هیچ نحویله بو قلبه مداوایه یوخ امکان
فکر ایتدی بوشاتسون اودی نشترلدی پیکان
باشسیز بدنونده آنام اوغلی یارا چوخدی

هر بیر یارادان قلبینه بیر غصّه چوکوبدی
بو اوخ یاراسی کُل باشیمه لیک توکوبدی
قلبون آنام اوغلی بو نجه اوخدی سوکوبدی
باشسیز بدنونده آنام اوغلی یارا چوخدی


بو اوخ که سنون قانه دونن قلبیوی دَلدی
بی کس باجوین عزّتی قارداش باشا گَلدی
بو عرق حیاتی قیران اوخ پیک اجلدی
باشسیز بدنونده آنام اوغلی یارا چوخدی


بو اوخ آتانین کاش اَلی دوشسون بیلگیندن
هانسی اورگین قانی آخوبدور کوره گیندن
بو اوخ وورولِیدی باجوین کاش اوره گیندن
باشسیز بدنونده آنام اوغلی یارا چوخدی


صبر ایلیوم آیا نجه توکموم یوزه قان یاش
جسمون داغیلوب قطعه به قطعه یره قارداش
بوندان ازل عالمده ئولیدی باجون ای کاش
باشسیز بدنونده آنام اوغلی یارا چوخدی


سن ئولماقا چوخ طالبیدی گر بو جماعت
بیجادی ووروبلار سنه بیر بیله جراحت
بو اوخ یاراسی قتلیوه ایلردی کفایت
باشسیز بدنونده آنام اوغلی یارا چوخدی


بیر درده « حسینی » دوشوب ای خسرو والا
تشخیص و مداواسینه عاجزدی اطبّا
لطف ایله شِفا ویر اولا بو مطلبه گویا
باشسیز بدنونده آنام اوغلی یارا چوخدی



#قتلگاه
#کوچ_کربلا
#سعدی_زمان
#باشسیز_بدنونده_آنام_اوغلی_یارا_چوخدی
#لمعات_حسینی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال امام مظلوم در موقع وداع

مرحوم حسينی سعدی زمان

ایتمیشم ایجاب دعوت حیّ اعلادن باجی
وقت اولوبدور آیریلام من آل طاهادن باجی


آختاروردوم عالم هجراندا چوخداندور وصال
ایلیم اغیاریدن گیزلین نگاره کشف حال
آچمیشام تیریله ایمدی اوج وصله پرّ و بال
تا ایدم پرواز اعلایه بو سفلادن باجی


قارداشون بایِعدی باجی، مشتری ذات خدا
جان ثمن مثمن وصال خالق ارض و سما
گرم اولوب بازار محنت باشلانوب بِیع و شِری
ویرسم باش یتمرم سوده بو سوداده باجی


ثبت ایدن گون بو گونون وضعین مشیّت خامه سی
انبیانی حیرته سالدی بلا هنگامه سی
گوردولر بیر کهنه کوینک دور شهنشه جامه سی
شانه خالی ایتدیلر بیله قضایادن باجی


انبیا و اولیادن ویرمدی بیر کس بلا
من دیدیم بیر تک بلا گَلدی ظهوره هر بلا
سن شریکیم سن، محلّ امتحانیم کربلا
قائل لفظ بلی قاچماز بلایادن باجی


من او گون گوردوم ایدن بو باب عشقی افتتاح
باش گرک ویرسون باجی تا پیروی تاپسون فلاح
حرمتین هتک ایلین لر قانینی بُلسون مباح
مصدر اولسون لفظ ثاراللهه معنادن باجی


ایمدی تصمیم ایتمیشم اوز عهدیمون ایفاسینه
قانیمیله سو ویرم تا کربلا صحراسینه
ساچلاری اَلده آنام گَلسون حسینون یاسینه
ناله سی افلاکه اوج ایتسون بو صحرادن باجی


صبریمی الدن آلوب شوق حضور بزم یار
دوغرانوب اکبر، اَلوب قارداشلاریم، یوخ غمگسار
من غریبی ذوالجناحه ایمدی کیم ایلر سوار
بو کومکسیز دوشمسون تاخیرده دعوادن باجی


ای آنام زهرا عزیزی توکمه گوزدن گوزیاشون
آغلیوب آغلاتما بیر بیله یارالی قارداشون
ویرمه الدن اوز وقارون، صبر ایله آچما باشون
دوز، دایان هر ظلم گورسن قوم اعدادن باجی


آغلاما، باخما یارالی باشیمه، گوز یاشیمه
هاشمیّاته خبر ایله یغشسون باشیمه
قویما داد ایتسون، تسلّی ویر بنات هاشیمه
تک به تک آگاه ایله اجر شکیبادن باجی


خیمه دن چخما کناره، عجز قیلما دشمنه
قولّارون باغلانسا صبر ایت، گلمه داد و شیونه
گر سنه اولسا شمادت چوه موثّردور منه
یوخ بیوک بیر غم منه بو درد عظمادن باجی


آی آتام شیر خدانونشیره بنزر دختری
شیردور شیر ایستر اولسون ماده سی یا کیم نری
جلوه گر سندن گرک اولسون شئون حیدری
سن کیمی بیر قیز گرک اول شیر هیجادن باجی


قدرت الله دور آتان ای قدرت یکتا قیزی
عصمت الله دور آنان ای عصمت کبری قیزی
باشین آچماز، زلفینی یولماز باجی زهرا قیزی
سن که سرمشق آلموسان صبرونده زهرادن باجی


تشنه لب قانه بویانسام بو لب دریاده من
خار و خسدن جسمیمه باد صبا ایتسه کفن
موج اشکون گوزده تشبیه ایلمه دریایه سن
گورمسون دشمن گوزی گوهر او دریادن باجی


رسمدور آغلار او کس که قلبینی غم داغلاسا
نیزه ده من آغلارام امّا رقیّم آغلاسا
آغلاسون قویما بالام دشمن قولونی باغلاسا
چوخ علاقم وار اونا سایر صبایادن باجی


روحیم اینجیر گر او طفل ناتوانیم اینجیسه
دلده قالماز طاقتیم روح روانیم اینجیسه
جانیمه زحمتدی چوخ آرام جانیم اینجیسه
بیر دقیقه گوز گوتورمه اول دل آرادن باجی


سرپرستی سن سن ای باجی بو باشسیز عترتین
قوی منه منّت اگر چکسن سکینه زحمتین
قویما نیلی ایلسون سیلی صفیّه صورتین
با لطافتدور یوزی چون برگ رعنادن باجی


گَل الیندن آل منی بو قیزلارین، تیز سال یولا
قویما امّا قیزلاریم مندن صورا زلفین یولا
باغلانور گورسن نوامیس نبوّت قول قولا
قویما یالوارسونلا شمره خوف ایذادن باجی


سوگُلیمدور، قلبیمون آرامیدور نازلی رباب
بسلنوبدور نازیله ایتمز قوری یرلرده خواب
سینوه آل جان تک ای آرام جان بوتراب
قیل نوازش، اوپ لب لعل شکرخادن باجی


اول مواظب بانوان مُلک عزّ و جاهیدن
قویما چخسونلار کناره باش آچوخ خرگاهیدن
گرچه شهزاده دوزنمز آیری دوشسه شاهیدن
سن ولی سس قویما چخسون آل قُربادن باجی


گُلشنه باد سموم اسسه عیاندور گُل سولار
هکذا قلبه مصیبت یوز ویرنده گوز دولار
داغ دیده، نوجوان مرده، آچار باش، ساچ یولار
یوخ مذمّت هر عمل باش ویرسه ثکلادن باجی


سن ولی جِدّیّتونله ایله چوخ چوخ اهتمام
قویما لیلانون ایشیتسون ناله سین قوم ظلام
هم منیم روحیم سیزیلدار،‌هم گُلر اشرار شام
وای اوغول وای ناله سی اوج ایتسه لیلادن باجی


آغلاما اطفالیمی آغلاتما، دولدورما گوزون
چوخ مصیبت وار قاباقدا ایمدیدن یورما گوزون
هر مصیبتده شهامت گوستَرون، یکسر دوزون
صبره شیرین دور ثمر شهد مصفّادن باجی


راس «سعدیّ زمان» شوریله چوخ پرشوردور
اوز اَلیمله چکدیقی زحمتلره ماجوردور
قویمارام ذلّتده قالسون، خدمتی منظوردور
سهمی واردور عزّت دنیا و عقبادن باجی

#سبک_زینبم_جان_اوستیم


#وداع
#سعدی_زمان
#ایتمیشم_ایجاب_دعوت_حی_اعلادن_باجی
#لمعات_حسینی ص 264
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات وداع امام حسین علیه السلام

مرحوم حسینی سعدی زمان

واحسرتا بنای جفا قویدی روزگار
اولدی گینه فراقه مبدّل وصال یار

ترک ایلمزدی وصل گُلی جور خاریله
گر اوز اَلینده بلبلین اولسِیدی اختیار

نه سفله ساز عجوزیدی دنیای دون واز
نه پست طبعدور فلک پیر و کجمدار

قویماز ایکی حبیب وفاداری بی رقیب
ایتمز محبّت اهلینی بیر لحظه کامکار

بیر مختصر وصاله مطوّل یازار فراق
هر بیر مطوّل آیریلیقا مختصر عیار

آموزگار نوع بشر مرتضی علی
دُرج دهانیدن نه گوزل دُرّ ایدوب نثار

هر چند سختدور اُلوم، اونداندا سختدور
احبابه آیریلیق غمی، عشّاقه انتظار

بیر ایل تمام اولور که پریشان خیالیله
بیر جمعیله انیسیدی بو خاطر فکار

سالدی آرایه دور فلک سنگ تفرقه
ایستور ایده بیری بیریمیزدن بیزی کنار

داش اولسا قلب آیریلیقا ایلمز دوام
یوخدور غم فراقدن عالمده سخت کار

بیر بیله سخت اولور غم هجران، نَچَکدی بس
دشت بلاده سبط نبی، شاه تاجدار

اول ساعتیکه ایستَدی زینبدن آیریلا
شرق خیمدن ایتدی طلوع آفتاب وار

سَسلندی واردی بیر نفر الله رضاسینه
من بیکسین آتین گَتوره ایلیه سوار

نه قارداشیم قالور باشیم اوسته علم دوتا
نه اکبریم، اولا منه بیرده رکابدار

شاهم اوزوم و لیک منیم یوخدی لشکریم
لشکر سینوب، نظامیم اولوب جمله تار و مار

دشمنلریم باخور منی پوزقون گورور، گُلور
ایتدی عجب زمانه عزیز خدانی خوار

اهل حرم نه گوردوله ناگه علی قیزی
اَلدی عنان مُرتَجَز، افسرده، اشکبار

سَسلور گَل ایلیوم آنام اوغلی اوزوم سوار
غم چکمه یوخدی بیر نفر اولسون مُعین و یار

امّا اجازه ویر قولومی بوینووا سالوم
حسرت، گوزیمده قالماسون ای میر نامدار

قورخوم بودور که بیرده سلامت گورَن میم
جسمون که اولمیوب هله ظلمیله زخمدار

گَل آیریلیق زمانیدی بیر قول بویون اولاق
روحیم تک ایمدی که اولوسان جسمدن کنار

اهل حرم بو حالیده بیردن هجوم ایدوب
دوتقون آیی احاطه ایدوبلر ستاره لر

بعضی اَیاقلاریندان اوپوب، بعضی اَللرین
هر خشک دلده بیر دلیله لفظ آبدار

سَسلردیلر هارا گیدوسَن ای اُمیدیمیز
سَنسیز اولاق بو چولده کیمه بیز امیدوار

دامانینه ایدردی بالا قیزلار اعتصام
اولموشدی فاطمیّه لره محشر آشکار

هنگامه ی قیامتیدی آل حیدره
بُلمَم که هاردا قالمیشیدی شیر کردگار

یا فاطمه یِرون بوش او هنگامه ده سَنون
زلفین یولاردی قیزلارون ایلردی آه و زار

بعضی دیَردی گَل بیزی قِیتَر مدینیَه
سَن اُلسَن اهل بیتوی بو قوم دون سُویار

بعضی دیردی گیتمه گیدن گَلمیوب بو گون
بی رحمدور اوزون بُلوسن قوم نابکار

دوشدی او حالده گوزی ناگه سکینیه
گوردی خزان اولان گُله بنزور او گُل عُذار

زلفون آلوب اَله ایله آغلور بولود کیمی
گویا یاغیش یاغور چمنه موسم بهار

فرمایش ایتدی آغلاما، یاندورما قلبیمی
عورتلرین عزیزی، منه روح مُستعار

تا من ساقام سرشکوی توکمه عُذاروه
ایتمه یارالی قلبیمی بیر بیله داغدار

مندن صورا چوخ آغلیاجاقسان زمانه ده
گر قویسالار جماعت بی رحم و کین شعار

عریان گورنده نعشیمی زلفون سال اوستیمه
گوز یاشویله غسلیمی ویر نخل عُمره بار

اشک تریله یو بدنیم گرد و خاکینی
هر چند جسمیمی یوواجاق چشمه چشمه ثار

بو سوزلری یادیندا خانم ساخلادی تمام
اول وقته دین که قتلگهه ایلدی گذار

گورجک آتاسینون قوری یِرده جنازه سین
سَسلندی ای آدی شرف و عزّ و افتخار

آیا او وقت اولوب که آچام زلفیمی یولام
بو رسمدور اُلَنده آتا قیز ساچین یولار

باشسیز جنازه سین آتانین بیر قوجاقلادی
دل آچدی درد دل دیماقا معدن وقار

دور باخ حیالی عمَّمه نه حاله گور قالوب
باشینده وار نه مقنعه، نه چادر و خِمار

از بس که یاندی آغلادی، آغلاتدی دشمنی
ظلمیله گُلشنی پوزولان خسته دل هزار

گیتدی آتا جنازه سی اوستونده هوشیدن
هوش عالمینده ناگه ایشیتدی او دل فکار

سویلور آتاسی شیعه لریمه یِتور سلام
سویله سیزه غریب آتامین بیر پیامی وار

جان تشنه ویرماقیمی ذکر ایدون منیم
هر یِرده هر زمان ایچَه سوز آب خوش گوار

گورسوز غریب، غربتیمه نُدبه ایلیون
اشک بصر توکون یوزه چون دُرِ شاهوار

اُلدوردولر منی سپهِ کوفه بی گناه
آتلار یارالی پیکریمی ایتدی خاکسار

ای کاش اُولِیدوز اوندا که آلدیم قوجاقیمه
بیر شَربه سو هواسینه بیر طفل شیرخوار

رحم ایتمَدی گوزوم یاشینا قوم سنگدل
سو ویردی سود اَمر بالاما تیر زهردار

ای «سعدی زمان» سوزوی ایله سن تمام
اولماز بو غم تمام، تمام اولسا روزگار

زنجاندا باروفین ایوینده مُحبّلر
سندن بو نظمه اولدیلا صدقیله خواستار

تودیع مجلسیدی او مجلس همان گئجه
یازدون بو ماجرانی به عنوان یادگار

هوشی باشیندا رسمیدی اولماز مسافرین
ارباب فضل نقصه قبول ایلر اعتذار




#وداع
#سعدی_زمان
#واحسرتا_بنای_جفا_قویدی_روزگار
#لمعات_حسینی ص 257
#ترکی🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

استمداد حضرت قاسم علیه السلام


مرحوم میرزا عبدالوهاب حقیرخویی

سبک:ای باشی سرنیزه ده معراج ائدن...

هارداسان ای دادرسیم داوریم
آلدیلا اطرافیمی دشمن لریم

یخدیلا آتدان منی
لشگر عدوان منی
لطف ائله یردن گوتور
ای شه عطشان منی



عرصه نی دشمن منه چوخ ائتدی تنگ
قالدی نه قدرت و نه یارای جنگ
جسمیم اولوب بسکه نشان خدنگ
دوشدی یئر اوزره یارالی پیکریم


دادیمه یوخدی عمو بیر کیمسنه
محض قالوب بیرجه امیدیم سنه
دورما اؤزون ایمدی یتور تئز منه
منتظرم گوزلوری یول گوزلریم


آرتوق اولوب زخم لریم کارگر
جان گئدر ایله باشیم اوسته گذر
گر منی ئولدورمه سه بو یاره لر
ئولدورر البته بو زخم سریم


چون اوزولور دامن وصلوندن ال
باعث تأخیر ندور العجل
وئرمیه قورخوم بودی مهلت اجل
بیرده جمالون گورم ای سروریم


صوت حزینیله یتوردی سلام
ردّ جواب ائتدی امام انام
ابلدی فی الفور یریندن قیام
سسلدی تئز آت گتور ای خواهریم


حمله ائدوب لشگره چون شاه باز
گلدی باشی اوسته امیر حجاز
لطفیله دامادین ائدوب سرفراز
کای فلک حُسنه مه انوریم


آچ گوزون ای وارث حُسن حسن
سنده حسن حُسنی به وجه حسن
عکس سالوب جام حسینیده سن
گور اؤزون ای آینه ی مظهریم


سن منه قارداشسان اوغول من سنی
جان کیمی آغوشه چکوم من سنی
لیک حیاسیزدی بو قوم دنی
هرگز امان وئرماقا یوخ یاوریم


خیلی گراندور منی فریادوه
سسلیه سن یِئتمیَم امدادیوه
یا یتیشن دمده اوغول دادوه
ایش گچه ایشدن سینا بال و پریم


آه بو بیر گوندی اعادی فزون
یار و هوادارلریم غرق خون
قلّت احباب و علم واژگون
وار نه معینیم نه قالور لشگریم


گل بدنون ای مه برج جمال
آتلار ایاقینده اولوب پایمال
فرق ائلمز بیر سوز علی ایّ حال
اؤز نظریمده سنیله اکبریم


آچدی گوزون قاسم گلگون قبا
عرض ائدوب ای خامس آل عبا
گَتدی سو کوثردن آتام مجتبا
گوردی عطشدن قوریوب لبلریم


قوی یوزومی توپراقا ای شهریار
تا سر کویونده ائدم جان نثار
بسدی منه بو شرف و افتخار
خاک رهون اولسا اگر بستریم


یازماقا وار الده «حقیرا» مجال
فوت ائلمه روز و شب و ماه و سال
تا ساق الیمده اولا وقت سؤال
نامه ی اعمال کیمی دفتریم


#سبک_ای_باشی_سر_نیزده_معراج_ائدن


#هارداسان_ای_دادرسیم_داوریم
#حقیر_خویی
#ترکی