استمداد حضرت قاسم علیه السلام

مرحوم میرزا عبدالوهاب حقیرخویی

سبک:ای باشی سرنیزه ده معراج ائدن...

هارداسان ای دادرسیم داوریم
آلدیلا اطرافیمی دشمن لریم

یخدیلا آتدان منی
لشگر عدوان منی
لطف ائله یردن گوتور
ای شه عطشان منی



عرصه نی دشمن منه چوخ ائتدی تنگ
قالدی نه قدرت و نه یارای جنگ
جسمیم اولوب بسکه نشان خدنگ
دوشدی یئر اوزره یارالی پیکریم


دادیمه یوخدی عمو بیر کیمسنه
محض قالوب بیرجه امیدیم سنه
دورما اؤزون ایمدی یتور تئز منه
منتظرم گوزلوری یول گوزلریم


آرتوق اولوب زخم لریم کارگر
جان گئدر ایله باشیم اوسته گذر
گر منی ئولدورمه سه بو یاره لر
ئولدورر البته بو زخم سریم


چون اوزولور دامن وصلوندن ال
باعث تأخیر ندور العجل
وئرمیه قورخوم بودی مهلت اجل
بیرده جمالون گورم ای سروریم


صوت حزینیله یتوردی سلام
ردّ جواب ائتدی امام انام
ابلدی فی الفور یریندن قیام
سسلدی تئز آت گتور ای خواهریم


حمله ائدوب لشگره چون شاه باز
گلدی باشی اوسته امیر حجاز
لطفیله دامادین ائدوب سرفراز
کای فلک حُسنه مه انوریم


آچ گوزون ای وارث حُسن حسن
سنده حسن حُسنی به وجه حسن
عکس سالوب جام حسینیده سن
گور اؤزون ای آینه ی مظهریم


سن منه قارداشسان اوغول من سنی
جان کیمی آغوشه چکوم من سنی
لیک حیاسیزدی بو قوم دنی
هرگز امان وئرماقا یوخ یاوریم


خیلی گراندور منی فریادوه
سسلیه سن یِئتمیَم امدادیوه
یا یتیشن دمده اوغول دادوه
ایش گچه ایشدن سینا بال و پریم


آه بو بیر گوندی اعادی فزون
یار و هوادارلریم غرق خون
قلّت احباب و علم واژگون
وار نه معینیم نه قالور لشگریم


گل بدنون ای مه برج جمال
آتلار ایاقینده اولوب پایمال
فرق ائلمز بیر سوز علی ایّ حال
اؤز نظریمده سنیله اکبریم


آچدی گوزون قاسم گلگون قبا
عرض ائدوب ای خامس آل عبا
گَتدی سو کوثردن آتام مجتبا
گوردی عطشدن قوریوب لبلریم


قوی یوزومی توپراقا ای شهریار
تا سر کویونده ائدم جان نثار
بسدی منه بو شرف و افتخار
خاک رهون اولسا اگر بستریم


یازماقا وار الده «حقیرا» مجال
فوت ائلمه روز و شب و ماه و سال
تا ساق الیمده اولا وقت سؤال
نامه ی اعمال کیمی دفتریم


#سبک_ای_باشی_سر_نیزده_معراج_ائدن

#هارداسان_ای_دادرسیم_داوریم
#حقیر_خویی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

استمداد حضرت قاسم علیه السلام

مرحوم میرزا عبدالوهاب حقیرخویی

گل ای یتیملرین یار و دادخواهی عمو
یتور اؤزون منه بی یارلر پناهی عمو

یتیش هرایمه آتدان یره یخوبلا منی
گوزلرم یولوی ای مدینه شاهی عمو

یتن وورار سوروشان یوخدی بیر نفر آیا
بو نامراد جوانین ندور گناهی عمو

سزادی ائتسه گرفتار قادر و قهّار
کمند قهرینه بو قوم روسیاهی عمو

خیامیده منی بی اقربا آنام گوزلر
دلینده وای بالا وای ذکری دلده آهی عمو

او قدر یاره ووروبلار دورانمورام یردن
توکلّر اوخلاری هر یردن اوستومه بیردن

آت اوسته سسلماقا بیر او قدر گلدی سسیم
که سسلدیم سنی امداده تنگ اولوب نفسیم

کسلّه باشیمی گل تئز منه یتور اؤزوی
که بلکه بیرده گورم جان وئرن زمان یوزوی

بو قوم کینه سیر چون گوروب اوزاقدا سنی
آلوب آرایه تفاقیله اولدورولّه منی

چاغورمارام اوجادان قورخورام اولا آگاه
گله گوره منی بو حالتیله عبدالله

گوره بو حالیده قارداشینی دوام ائلمز
اونون اوشاقلیقینا رحم اهل شام ائلمز

بو اهل کوفه نی من بسکه بی وفا گوردوم
منیم کیمی اونودا اولدورر یقین بولورم

اوز ئولماقیم نظریمده دگل چخوب یادّان
ولیک سالما نظردن چخاتما سن یاددان

بدنده یوخدی توانا دوروم ایاقه عمو
دوشوم ایاقوه تا دوشمیوم ایاقه عمو

دایانما گل که گلور ضعف چوخ گئدور قانیم
گلونجه سن یانیما قورخورام چیخا جانیم

خلاف رسم و ادب منتهای جرئت دور
قبول عرضیمی ایله اگر چه زحمت دور

ایاقون آتدا اگر وئرمیم عموجان جان
نجه آتام یوزینه من باخوم سنه قربان

نچونکه باخمیاسان جان وئرنده سن یوزومه
یقین که باخمیاجاقدور آتام حسن یوزومه

وئروم او شوقیله جان تا آتام امام حسن
گلنده باشیمون اوسته دیه اوغول احسن


#قاسمیه_شهادت
#گل_ای_یتیملرین_یار_و_دادخواهی_عمو
#حقیر_خویی
#ترکی 🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

اذن میدان حضرت قاسم علیه السلام

مرحوم حافظی تبریزی

من نجه گوروم تنگ ایدوب عمو
عرصه‌گاهی بو اشقیاسنه
باخ الیمده‌کی دستخطّی گور
اذن ویر اولوم من فدا سنه
ای غریب دشت بلا سنه


قتلیمه آتام مجتبی یازان
اَلده‌کی بوفرمان اولااولا
یار و یاور آختارماقا گوزون
حسرتیله باخسون صاقا صولا
باشوا دولاندور اجازه ویر
سال عَم‌اوغلوم اکبرکیمی یولا
بو طریق عشق ایچره گوستروم
منده قُدرتیمجه وفا سنه


باغریمی بلا و مصیبتین
چوخلوقی عمو قانه دوندورب
منله اوز آراسنداکی گُلِ
اُلفتی آنام شاخه‌دن دَروب
اَل چکوبدی مندن کفن سالوب
بوینوما سنه فِدیه گوندروب
ای خلیله وارث اُولان بوگون
تشنه‌لب ذبیحِ مِنا سنه


ترک ایدن زماندان آتام حسن
بوجهانی سَنلندی زحمتیم
من سنی آتا بولموشم اولوب
دائماً سنه میل و رغبتیم
فرض ایله غلام اکبره منی
قارداش اولماقا یوخ لیاقتیم
بو سوزه گواه ایسته‌سن اولور
بو وصیّت مجتبا‌ سنه


باخما اِلتجا ایلرم گلوب
خاطریم منیم درده اِی‌عَمو
گوز یاشیم آخور سیل‌تک بیله
متّصل رخ زرده ای‌عمو
غصّه‌لنمه قاسم فدا سنه
تؤکمه گوزیاشون بیرده ای‌عمو
شاهزاده اکبر عم اوغلومون
محنتی ایدر اکتفا سنه


بو دگل وفا شرطی ای عمو
اَل تاپا بو چولده عدو سنه
من سنی کمَک سیز قویوب باخوم
اکثرّیتِ فوج دشمنه
جانووه قسم حالووی گوروب
یوز ویرور زِبس درد غم منه
علّتی اودور من بو حالیله
ایلرم بیله اِلتجا سنه


گلمشم بو گلماقدا اولموشام
لطفُوه اورکدن امیدوار
ناامید لطفوندن ایلمه
سنده ای شهنشاه تاجدار
قوی گیدوم باتوب قانه جان‌ویروم
اولمیوم قیامتده شرمسار
افتخار ایدوم فاطمه آنام
سویلسون اوغول مَرحبا سنه


سن پیمبره نور دیده‌سن
هم آناندی خیرالنّسا سنون
مجتبا آتامدور برادرون
هم آتاندی شیرخدا سنون
بولموری مقامات و شأنوی
دوره‌وی آلان اشقیا سنون
عترتین اؤزون تشنه قالموسان
ایلمور بو قوم اعتنا سنه


راضیم عمو باش قلج‌لانوب
قان آخا ایکی گوزلریم دولا
باش آچوب آنام نعشیمه باخا
اشگنی توکه زلفنی یولا
لیلی و سرّیه بو دشتده
وای اوغول دیوب همصدا اولا
لیک اولمیه ذرّه‌جه غم و
درد و محنت و ابتلا سنه


من گرک جلای وطن اولام
آیری بیر یره ایلیم سفر
لیلینون یوزون من گورنمرم
صاق قالوب عمو اؤلمسم اگر
چون اونون جوانی اؤلوب منی
گورسه اکبری یادینه دوشر
زنده دور عم‌اوغلون دیر اوغول
دوتموشام ولی من عزا سنه


«حافظی» شکایت زمانه‌دن
ایتمه روزگاریله‌ سازش ایت
مجتبی یتیمین خیاله سال
گوز یاشیله دردون گزارش ایت
هاردا بیر یتیم و یتیمه‌وار
رأفت ایله گورسن نوازش ایت
قورخما خالقون مهرباندور
چوخ ویرور جزاده جزا سنه




#سبک_نقش_من_چرا_نقش_ماتمه
#سبک_ساخلا_ناقه_می و ... ( 8 سبک )
مشابه⬇️⬇️


#من_نجه_گوروم_تنگ_ایدوب_عمو
#حافظی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت قاسم علیه السلام

مرحوم قمری

سالوب عروسینی قاسم نظردن آیریلدی
گورن دیردی مگر جان جگردن آیریلدی

مثال روح کسوب جسمدن علاقه سینی
و یا که اشگ در افشان بصردن آیریلدی

کمال حسنیله مهر منیر تابان تک
طلوع قیلماقا جیب سحردن آیریلدی

تصور ایتدی جهان اهلی قان توکن مریخ
رواق چرخده فوق قمردن آیریلدی

خزان هواسی یتن پر شکسته بلبلدی
چمنده غنچه نو خیز تردن آیریلدی

بیر آیری مشقه دوشوب عشق یاری ترک ایتدی
نگار لاله رخ و سیمبردن آیریلدی

یتشدی جانب معشوق اصلدن پیغام
یوزی شکفته لنوب جان و سردن آیریلدی

دیلینده کلمه لبیک دلده یا محبوب
سرای فانی محنت اثردن آیریلدی

یول اوسته یوسف مصری قویوب زلیخاسین
وصاله حسرت ایدوب رهگذر دن آیریلدی

عروس باخدی دالتجا دیدی عم اوغلوم وای
نه ظلمدور فلک کینه وردن آیریلدی

جهاندا دوشمه سین هیچ کیم منیم قرا گونیمه
مقدر اولدی بو هجران قدردن آیریلدی

قویوب فراقیله کو کو زنان او سرو روان
مثال (قمری) بی بال و پردن آیریلدی

غرض او آهوی رعنای باغ بیت حرام
یتوب حضور امامه دوباره ویردی سلام

آچوب لسان فصاحت مقال گفتاره
زبانحالیله عرض ایتدی شاه ابراره

بهار فصلیدی گلزار نینواده عمو
عیاندی بارش نیسان دم هواده عمو

گلوبدی نالیه هر بلبل اوز گولی اوسته
ووروبلا زمزمه شوریلن نواده عمود

دیسم که غنچه گولم وقتدور اولام خندان
نثار عطر قیلام دشت کربلاده عمو

دیسن که بلبل زارم گرک ایدم پرواز
گزوب سیاحت ایدم گلشن ولاده عمو

نه بلبلم نه گولم دورموشام تماشایه
غم و مصیبت و دردیم اولوب زیاده عمو

سنوبدی بال و پریم سالمسان منی قفسه
روا دگور که قالام مجلس عناده عمو

گیدور رفیق لریم گلستان سیاحتینه
نه اولموشم نه ساقام قالمشام آراده عمو

بو گون منه آتالیق ایلدون ایوین آباد
یتور دوباره گینه مطلب و مراده عمو

منی آیرما علی اکبر جوانوندان
گیدوب اونا یتشوم عالم بقاده عمو

غرض بودور بویانام قانیمه قباقوندا
که تا آدیم یازیلا دفتر وفاده عمو

دیسونله خلق که بیر نامراد دامادی
طویوندا کسدیله قربان سوسوز مناده عمو

رواق عرشده فخر ایلسین امام حسن
گزنده قانلی باشیم ناوک جداده عمو

تمام ایدنده سوزون اول ستوده عالم
جواب ویردی اونا پادشاه حل و حرم

دیمه بو سوزلری ای برگزیده ناسیم
سنون فراقیوه یوخ طاقتیم جوان قاسم

مرخص ایتمه ماقیمدا سنی واریمدی غرض
گرک بو گون اولاسان اکبر جوانه عوض

حسینیله حسنون بیر نشانه سی قالاسان
اوغول یرینه قاپومدا دوروب دعا آلاسان

بو غملی چولده گل اول نایب علی اکبر
اوغلسوزام منی قوی قبره ای وفا پرور

گلوب ترنمه اول عندلیب گلشن ناز
زبانحالیله عرض ایتدی ای امیر حجاز

یقین که ئولملیم قوی ئولوم قباقونده
منای حقده کسیلسون باشیم ایاقونده

سن اولماسان اوخیان ، جان ویرنده قرآنیم
غمیم زیاده لنوب چوخ چتین چخار جانیم

بو آرزوده وارام من یتیم ولخسته
ویرنده جان آلاسان باشیمی دیزون اوسته

بودور منیم غرضیم امریمی تمامه یتور
ئولن زمان گل اوزون نعشیمی آنامه یتور

غرض امام زمان شاه مذهب ملت
جهاده گتماق ایچون ویردی قاسمه رخصت

او نوجوان قمر طلعت و ملک سیما
قیتدی خیمیه قیلسون وداع آل عبا

دوروبدی خیام آراسیندا به دیده پر آب
زبان حالی بو مضمونیلن ایدوبدی خطاب


ای طویوندا گوز یاشی الوان اولانلار الوداع
درد و غم ده سینه سی سوزان اولانلار الوداع

خیمه لرده دورمیون الدن گئدور دامادیووز
دار دنیاده ایشی افغان اولانلار الوداع

هر کیمون پیغامی وار ئوز اوغلونا دردین دئسون
ای بو چولده درد بی درمان اولانلار الوداع

ائشیتجگین بو سوزی عترت شه لولاک
سیاه زلفی پریشان تمام سینه چاک

دیلینده ذکرلری آه و ناله و یارب
قباقجه باشینه یدّی قرا سالان زینب

بنات شیر خدا بانوان جاه وجلال
آرایه آلدیلا اول ماهتابی هاله مثال

بیری ئوپردی یوزوندن بیری قوجاقلاردی
بیری کناره دوروب حسرتیله آغلاردی

گوروب سریه نی قاسم غمی ائدوب طغیان
زبانحالیله گویا بو عرضی قیلدی بیان

ای باشینه بو گونده قرالر سالان آنا
درد و غمی قراریمی الدن آلان آنا

گل بیر دویونجا باغریوا باس نوجوانیوی
ای کربلا چولونده اوغولسوز قالان آنا


#سالوب_عروسینی_قاسم_نظردن_آیریلدی
#قمری
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت امام حسین (ع) در بالین حضرت قاسم (ع)


محمدعلی مصیبی تبریزی


((منده عطشانم بالا ، لای بالام لای لای))


آچ گوزون یاتما ای نوگل یاسیم
گوزلور یولیوی بیکس آنان قاسیم

((مجتبادن یادگاریم آچ گوزون یاتما
غرقِ خون ای مه عذاریم آچ گوزون یاتما))


ای نور چشمیم وی پور آزاده
عشقیله اولدون ئولماقه آماده
دور، توپراقلار اوسته یاتماز شهزاده
عاشق والا تباریم آچ گوزون یاتما


غنچۀ خندان ای سیل قان ایچره
قویلانوب جسمین تیر و سِنان ایچره
قالمیش سریّه آه و فغان ایچره
سسلنور عزّ و وقاریم آچ گوزون یاتما

آهی یتیمون هر سینه نی داغلار
نیسگیلی اشک حسرت یوزه باغلار
اوخشار آناسی لای لای دییوب آغلار
ای نگار زخمداریم آچ گوزون یاتما



گلشن عشقین ای غنچۀ نازی
طوفان غمده اکبرین دمسازی
عطشان قیزلارین وی محرم رازی
پرپرغنچۀ بهاریم آچ گوزون یاتما




فاش ائدوب بیله کوفیان کینه سین
سیندیروبلار عزّتین آئینه سین
آتلار ایاقی سیندیردی سینه سین
تادوشدی آتدان نگاریم آچ گوزون یاتما




شهباز اوج عشق و صفا قاسم
سرباز راه دین و ولا قاسم
قانه باتوبسان صد مرحبا قاسم
ای عزیز حق شعاریم آچ گوزون یاتما



راه جاناندا سن جان نثار اولدون
تشنه لب جناته رهسپار اولدون
حلقۀ عشاقه تاجدار اولدون
نوجوان دل فِکاریم آچ گوزون یاتما


طائر روحیم چوللری گزردی
طوی اتاقیوی سریّه بزردی
آنالیق رسمینده هی قند ازردی
ای آلان الدن قراریم آچ گوزون یاتما


بنزور آنان بیر صولمیش گوله بالا
سندن صورا دای چتین گوله بالا
آرزو ایلر سن سیز ئوله بالا
سویلر واردی انتظاریم آچ گوزون یاتما


ئولونجه قانلی پیراهنه آغلار
چوللرده پوزولمیش گولشنه آغلار
قبر ایچینده ده حتی سنه آغلار
سسلرای دار ونداریم آچ گوزون یاتما




#سبک_منده_عطشانم_لایلای_بالا_لایلای
⬇️⬇️

#آچ_گوزون_یاتما_ای_نوگل_یاسیم
#مصیبی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شهادت حضرت قاسم علیه السلام


نوازی هشترودی

یوزی اوسته دوشدی آتدان بدنینده یاره قاسم
دورا ایسته دی ایاقه یخیلوب دوباره قاسم


ایلیوبله هر طرفدن گینه حمله دسته دسته
یوخیدی توانی دورسون او همای پر شکسته
یره دوشدی پرسیز عنقا سورونوردی قوملار اوسته
تاپا بیلمدی او چولده داخی راه چاره قاسم


او قدر ویروبدی یاره اونا لشگر ستمگر
قان ایچینده گل مثالی داغیلوبدی قانلی پیکر
یارالار آچوردی گل تک وورولوردی نیزه خنجر
یوزونی دوتوب خیامه گلوب آه و زاره قاسم


دیدی گل عمو هرایه کسیلوبدی راه چارم
دورا بیلمورم ایاقه بدنیمده چوخدی یارم
باشیمی کسوللر ایندی گوزی یولدا انتظارم
بیلوسن یامان گونومدی یانوری شراره قاسم


ایشیدوب حسین او دمده اوزی گلدی قتلگاهه
ساتاشوب گوزی ایلیکی او یارالی بی پناهه
دیدی گلمیشم اوغول دور کمک اول بو تشنه شاهه
غمون آز دگل بو چولده من دلفکاره قاسم


آچ او قانلی گوزلرون بیر یانورام اوغول فراقه
بیلورم که چوخدی یاره ن دورا بیلموسن ایاقه
نچه گوندی دیمیوب سو گورورم یانان دوداقه
ویروب اود بو حال زارون دل بی قراره قاسم


گتوروبدی قانلی نعشی دیزی اوسته شاه محشر
دیدی دور گیدک خیامه سنی گوزلیور حرملر
نه اولار منیله بیر دم دانیشا بو قانلی لبلر
دانیشانموسان اقلا ایله بیر اشاره قاسم



#سبک_قافله_غم_دوزولدی
#سبک_سنه_سو_دین_دوداقلار
#سبک_سنی_سسلیور_هرایه
#سبک_یارالار_سینونده_قارداش
#سبک_سو_یوخومدی_قزلاروندان
#سبک_یانور_اصغریم_سوسوزدان (جوشی زنجیر) و ...

#یوزی_اوسته_دوشدی_آتدان_بدنینده_یاره_قاسم
#نوازی_هشترودی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال امام حسین (ع) به حضرت زینب (س) در شهادت حضرت قاسم (ع)
کربلایی زهیر میری زنجانی

اورگیم آلیشدی ناره بویانوبدی قانه قاسم
باجی چک خیامه قاره بویانوبدی قانه قاسم



بو بلالی چولده باجی بیزه ظلم ایدوبدی اعدا
سو یولوندا تشنه قاسم قانا باتدی بی محابا
منی قارداشیم حسندن خجل ایتدی روز عقبا
نه دیوم وفالی یاره بویانوبدی قانه قاسم



بیزه عرصه نی بو لشگر نجه گور که تنگ ائدیبلر
بو یارالی سینم اوسته یارا اشقیا چکیلر
نجه گور باجی الیمدن بالالار بوگون گیدیلر
یارام اوسته دگدی یاره بویانوبدی قانه قاسم



بیلورم سریه آغلور باجی جان حرمده الان
اونا دی علی و قاسم باباما اولوبلا مهمان
اولارین غمینده قاره گیینوبدی کون و امکان
کسیلوبدی راه چاره بویانوبدی قانه قاسم



بو اون اوچ یاشیندا سرباز شرفیدی پادگانه
جدله گیدوب زره سیز خطر اولدی دشمنانه
یورولوب ووروبدی دشمن بویانوبدی جسمی قانه
چکوری دلیم شراره بویانوبدی قانه قاسم



باشی اوستونه یتیشدوم لحظات آخرینده
ایلدوم نظاره گوردوم یارالاری پیکرینده
ولی اشک شوق جنت ووروب حلقه گوزلرینده
چاتوری وصال یاره بویانوبدی قانه قاسم



بو غمی چکوبدی نظمه اوزی ((میری)) دیده گریان
اورگینده واردی مهر علی گورسنور نمایان
اونا ایستورم خدادن اولا کربلایه مهمان
توکه اشکینی عذاره بویانوبدی قانه قاسم




#سبک_قافله_غم_دوزولدی
#سبک_سنه_سو_دین_دوداقلار
#سبک_سنی_سسلیور_هرایه
#سبک_یارالار_سینونده_قارداش
#سبک_سو_یوخومدی_قزلاروندان
#سبک_یانور_اصغریم_سوسوزدان (جوشی زنجیر) و ...

#اورگیم_آلیشدی_ناره_بویانوبدی_قانه_قاسم
#میری_زنجانی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

اذن میدان حضرت قاسم علیه السلام


مرحوم رجائی تبریزی

من بُلورسن قتلیمه وار الده فرمانیم عمو
قوی قارشسون اوغلون اکبر قانینه قانیم عمو


گلمیشم اذن جهاده ای شهنشاه حجاز
ایستورم کسب ایلیم اوغلون علی تک امتیاز
آخر عمریمده آلّام قانیله من دستماز
تا او قان محشرده اولسون الده برهانیم عمو


سن پیمبر اوغلوسان عالم سنون جدّون تانور
من سنی یالقیز گورنده اود دوتور قلبیم یانور
نار حسرتدن آلور شعله وجودیم اوتلانور
سنده بولّم وار یقین بو درده درمانیم عمو


من نجه صبر ایلیوم ای دین حقّ پروانه ‌سی
خیمه‌ لردن عرشه اوج ایتسون سکینه ناله ‌سی
صبریمی الدن آلور لیلانون اکبر وای سسی
دویموشام جاندان داخی یوخ صبره امکانیم عمو


چوخ چتیندور من بو درده صبر ایدوب آسان سانام
اوغلون اکبر قانه باتسون من باخام دلدن یانام
لیلی آغلور خیمه ‌ده خجلت چکور بیکس آنام
قویما چوخ تأخیره دوشسون اذن میدانیم عمو


بو امیدیله آنام گوندردی عالی محضره
گیت دیدی سنده فدا اول مظهر پیغمبره
گلمیشم منده اولام قربان عم اوغلوم اکبره
مطمئن اول وار آنامدان قتله اذعانیم عمو


اوغلون اکبر شوق ایدوب شرع نبی اجراسینه
ویردی جان قربان بو چولده دینینون احیاسینه
منده بو منظوریله گلدیم بلا صحراسینه
اذن ویر قربان اولا اوز دینیمه جانیم عمو


دوشموشم منده بو فکره جان سوسوز عطشان ویرم
بو حیات مستعاری دینیمه قربان ویرم
یوخسا منده یوخ لیاقت دین یولوندا جان ویرم
سن بلورسن دینیمه وار دلده ایمانیم عمو


من عم اوغلومدان شهادت مشقینی‌ آلدیم بو گون
بوینوما اوغلون علی تک بیر کفن سالدیم بو گون
حیف اولا گیتدی عم اوغلوم منده تک قالدیم بو گون
قالمیشام یالقیز گیدوبدور جان جانانیم عمو


روز روشن تار اولوب چشم حقیقت بینیمه
حاضرم اولسون فدا جانیم گوزل آئینیمه
اذن ویر منده گیدیم قربان اولوم اوز دینیمه
مجتبا فخر ایلسون وار دینه قربانیم عمو


بیر سوزوم وار یاده سالسام گلمه داد و شیونه
قارداشون ایتدی وصیت جان ویرن ساعت منه
کربلاده قویمیام یالقیز ایدم نصرت سنه
ایستورم اجرا اولا اول عهد و پیمانیم عمو


سن بلورسن ئولماقا دلدن خوشام باک ایتمرم
ایچمسم جام شهادت دن مرامه یئتمرم
اذن میدان اولماسا بیرده خیامه گئتمرم
دست خالی گتماقا یوخ الده عنوانیم عمو


باخما بیر طفل صغیرم قالما مندن ناگران
رخصت اولسا بیر رشادت لشگره ویرّم نشان
قانین آلّام اوغلوون حیرتده قالسون کوفیان
آشنا گورسون فنون جنگه عدوانیم عمو


بسکه غم چکدیم علاقم قالمیوب اوز جانیمه
سربلند اولام اگر باتسام بو چولده قانیمه
بسدی بو لطفون ئولن ساعتده گلسون یانیمه
فخر قیلام باشیم اوسته گلدی سلطانیم عمو


باب رحمتدور قاپون بُلسونله بو قوم یزید
گلسه هر کیمسه #رجائیله قیتمز نا امید
نا امید ایتمه منی ای باب رضوانه کلید
قالماسون اوز دینیمه خدمتده نقصانیم عمو


#سبک_زینبم_جان_اوستیم (3 سبک متفاوت)

#من_بلورسن_قتلیمه_وار_الده_فرمانیم_عمو
#رجایی_تبریزی
#ترکی 🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

استمداد حضرت قاسم(ع)

کربلایی رحیم شایان

قالمیشام میدانیده اشرار الینده
پایمال اولدوم عمو کفار الینده
سنگباران اولموشام تیز گل عمو جان
قالمیشام بو فرقه کفار الینده

تز گل عمو قورتار بو بلوادن منی
چک ساحله طوفانلی دریادن منی
گل ویر نجات وحشتلی ماوادن منی



قالمیشام اتلار ایاقینده عمو گل
المیشام میدانیده قاندان وضو گل
گرچه لب تشنه شهید اوللام بو چؤلده
اب کوثردن ویرر جدیم سبو گل

قربانیوم الطافیوه وابسته یم
تیز گل عمو جنگ و جدلدن خسته یم
گوزلر اخور یوخدور امان جان اوسته یم



یوخ زره اگنیمده چوخدور یاره تنده
تشنه دور لبلر رمق یوخدور بدنده
بس که یاره ووردولار اعدا بو جسمه
وار نه تنده صاف یریم نه پیرهنده

تیز گل عمو اشرار ارا اواره یم
تیز گل عمو اکبر کیمی صدپاره یم
تیز گل عمو جسمی سراسر یاره یم



عرصه ده باشیم دوشوب اعظم بلایه
سال یتیمم باشیمه لطفیله سایه
جان بدنده اوستومه ات چاپدیریللار
نسگیلیم ایلر اثر ارض و سمایه
شهادتیم بالدان شیرین دیر قاسمه
اولماز چاتان بو معنوی احساسمه
الان باتار هامی خیمده یاسمه




#سبک با صدای شاهین نجفی
⬇️⬇️

#قالمیشام_میدانیده_اشرار_الینده
#شایان_ارومیه
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

‍ «بسته شدن راه آب وگلایه ازآب فرات»

محمد علی مصیبی تبریزی


سبک:صباخبروئر مریض عشقه ... آچیلدی پرچم ... عجب رسمیه ...
@okhshama


دونیدی قانه ، سویی فراتین
او دم کی چولدن ، چوله آخوردی
او آب نابه ،سوسوز اوشاقلار
ئورکده حسرت،یانوب باخوردی

((حسین حسین جان (4))


یقین کی شرط بقا اولوبدی
خلایقه سو فلکلره سو
ولی بو گوندن فرات آلیشدی
وُروبدی آتش ئورکلره سو
بلا چولونده نه شاه ایچوبدی
نه قسمت اولدی کمک لره سو


بو رسمِ شرع مبین دی؛هرآن
سو ایچدیرللر کسنده قربان
علاوه ، لازم دی هر مکاندا
کی حرمت اولسون گلنده مهمان
ولی او چولده نه حرمت اولدی
کسوبله شاهن باشین لب عطشان





سویون جفاسی او قانلی چولده
سوسوز بناتی نه حاله سالدی
کسوبدی راه فراتی اشرار
عطش نواسی فضانی آلدی
سو جامی الده سوسوز اوشاقلار
دیولـله سقا هایاندا قالدی



قالوبدی اوچ گون او آبه حسرت
منای غمده گوزی ربابین
سوسوز بالانین عطش نواسی
آلوب قرارین او دلکبابین
وئروبدی بیراوخ سو وجهینه قان
ائوین ییخوب آل بوترابین



عطش فغانی دوتوب خیامی
بالالار آغلور آنالار آغلور
دولوبدی دشته نوای اصغر
اونون نواسی ربابی داغلور
گوروب کی چاره یولی کسیلمیش
الین بالانین طنابه باغلور



سیزیلدور آغلور رباب او حاله
دیور ؛ امان اشقیا الیندن
الهی سالدی سویی حصاره
بو فرقه آل عبا الیندن
منیم گولوم آز قالور کی سولسون
بو چولده خار جفا الیندن

@okhshama

پیمبراوغلی سوسوز وئروب جان
ئولوب لب عطشان سویون یانیندا
ئوزی بالاسی سوسوز اخاسی
سووا باخوبلار ئولوم حالیندا
سالوبدی دیلدن او باغبانی
صولوب سارالدیب گولُستانیندا



حسین بو آب فراتی نیلور
اونی گوزتلور جناندا کوثر
ئوپر دوداقین بهشت حقده
می ِ طهور و زلال ساغر
آلاللار آب حیاتی والله
حسین الیندن گوی اهلی یکسر



دئنن «مُصَـیّب» سوسوز امامه؛
او نهر غمده ازل گؤزوم وار
ئوزون براتین عنایت ایله
نه عمر قالدی نه ده دؤزوم وار
خدا بیلور کی او قانلی آبه
یانان ئورکدن نئچه سؤزوم وار

╔ ✾ ✾ ✾ ᐸᐸ════════╗
@okhshama متن نوحه باسبک✅
╚════════ ✾ ✾ ✾>> ╝
#سبک نوحه بانوای ناصراسدی اردبیلی
👇👇👇👇👇👇

‍ «بسته شدن راه آب وگلایه ازآب فرات»

محمد علی مصیبی تبریزی


سبک:صباخبروئر مریض عشقه ... آچیلدی پرچم ... عجب رسمیه ...
@okhshama


دونیدی قانه ، سویی فراتین
او دم کی چولدن ، چوله آخوردی
او آب نابه ،سوسوز اوشاقلار
ئورکده حسرت،یانوب باخوردی

((حسین حسین جان (4))


یقین کی شرط بقا اولوبدی
خلایقه سو فلکلره سو
ولی بو گوندن فرات آلیشدی
وُروبدی آتش ئورکلره سو
بلا چولونده نه شاه ایچوبدی
نه قسمت اولدی کمک لره سو


بو رسمِ شرع مبین دی؛هرآن
سو ایچدیرللر کسنده قربان
علاوه ، لازم دی هر مکاندا
کی حرمت اولسون گلنده مهمان
ولی او چولده نه حرمت اولدی
کسوبله شاهن باشین لب عطشان





سویون جفاسی او قانلی چولده
سوسوز بناتی نه حاله سالدی
کسوبدی راه فراتی اشرار
عطش نواسی فضانی آلدی
سو جامی الده سوسوز اوشاقلار
دیولـله سقا هایاندا قالدی



قالوبدی اوچ گون او آبه حسرت
منای غمده گوزی ربابین
سوسوز بالانین عطش نواسی
آلوب قرارین او دلکبابین
وئروبدی بیراوخ سو وجهینه قان
ائوین ییخوب آل بوترابین



عطش فغانی دوتوب خیامی
بالالار آغلور آنالار آغلور
دولوبدی دشته نوای اصغر
اونون نواسی ربابی داغلور
گوروب کی چاره یولی کسیلمیش
الین بالانین طنابه باغلور



سیزیلدور آغلور رباب او حاله
دیور ؛ امان اشقیا الیندن
الهی سالدی سویی حصاره
بو فرقه آل عبا الیندن
منیم گولوم آز قالور کی سولسون
بو چولده خار جفا الیندن

@okhshama

پیمبراوغلی سوسوز وئروب جان
ئولوب لب عطشان سویون یانیندا
ئوزی بالاسی سوسوز اخاسی
سووا باخوبلار ئولوم حالیندا
سالوبدی دیلدن او باغبانی
صولوب سارالدیب گولُستانیندا



حسین بو آب فراتی نیلور
اونی گوزتلور جناندا کوثر
ئوپر دوداقین بهشت حقده
می ِ طهور و زلال ساغر
آلاللار آب حیاتی والله
حسین الیندن گوی اهلی یکسر



دئنن «مُصَـیّب» سوسوز امامه؛
او نهر غمده ازل گؤزوم وار
ئوزون براتین عنایت ایله
نه عمر قالدی نه ده دؤزوم وار
خدا بیلور کی او قانلی آبه
یانان ئورکدن نئچه سؤزوم وار

╔ ✾ ✾ ✾ ᐸᐸ════════╗
@okhshama متن نوحه باسبک✅
╚════════ ✾ ✾ ✾>> ╝
#سبک نوحه بانوای ناصراسدی اردبیلی
👇👇👇👇👇👇

‍ اظهار عطش جناب سکینه (س) به حضرت ابوالفضل (ع)


یاندیم عمو عطشدن
رحم ایله جانه گلدیم
چارم کسیلدی تا من
بو آستانه گلدیم


جام الده خیمگاهی باشدان باشا دولاندیم
بیر شربه تاپمادیم سو دلدن دوشوب دایاندیم
خاصّه گون ایسّی سندن دوتدوم شراره یاندیم
سندن سودان سو مشگین گوردوم نشانه گلدیم


گرچه سولوب سوسوزدان غنچه کیمی دوداقیم
گلمک لیگه حضوره گلمیردی هیچ ایاقیم
گوردوم که وار باشیمدا نچّه سوسوز قوناقیم
ایتدیم بوعذری لابد الده بهانه گلدیم
@okhshama

اَل پاک دامنوندن هرگز گوتورمَرَم من
بولّم بو احتیاجین باب المرادی سن سن
یوخ اوزگه بیر امیدیم مأیوسم هر طرفدن
سندن اولور علاجم من بو گمانه گلدیم


انصافدور که آخسون صحرالره فراتی
بیر شربه تاپماسون سو پیغمبرون بَناتی
آز قالدی خورده قیزلار ترک ایلسون حَیاتی
سنده بولوب دَوا بو درد نهانه گلدیم


باخ گل کیمی سارالمش سولموش بو رنگ آله
یوخ احتیاج هرگز تقریر و شرح حاله
از بسکه تشنه کامم یوخ قدرتیم مَقاله
بو غنچه لبلریمله شرح و بیانه گلدیم


سن سن منیم امیدیم رحم ایت منه عمو جان
اولما رضا بو چولده قالسون سکینون عطشان
باخسون فراته حسرت چکسون جگردن افغان
سَلب اولدی اختیاریم از بس فغانه گلدیم


من سَهلم اصغریمدن ایلوم سنه حکایت
سوز عطش وار اوندا بی حدّ و بی نهایت
اود تک یانار شراری ایتدی منه سِرایت
آلدیم دوباره اوندان اود یانه یانه گلدیم


هر یانی آختارولّار بیر آز اَلَه سو چاتمور
سو یوخ آناسی ویرسون باشدان سو فکرین آتمور
هر قدر او شیرخواره لایلای دیولّه یاتمور
گوردوم اونون او حالین من اَلأمانه گلدیم
@okhshama

قویدوم اونی گلنده بیر نوعیله عطشده
رنگ طراوت اصلاً قالموب او غنچه وشده
دلسیز دوشوب سیزیلدار جان اوسته حال غَشده
یوخدور امید او غشدن بیرده اویانه گلدیم


از بس خراش ایدوبدور هولیله گُل جمالین
لاله تک ایلوب احمر قانیله رنگ آلین
اوز فکریمی اونوتدوم گوردوم اونون او حالین
چوخ نِسگل اولدی دردی من ناتوانه گلدیم


چوخ ایلدیم جسارت عذر ایسترم سوزومدن
آشفته حالم از بس وار غفلتیم اوزومدن
اظهار مطلب ایلوم گلمیردی هیچ یوزومدن
دلدن ز بس زبانه چکدیم زبانه گلدیم


«ذهنی» گر ایسته سن اوز سلطانوین عطاسین
اشگتریله یوزده یاز بو سو ماجراسین
بابالحوائج ایتسون تا دردوین دواسین
عرض ایت امید اوزیله بو آستانه گلدیم


#سبک_احوالیمیز_یاماندی

✍ذهنی تبریزی

زبانحال حضرت اباعبدالله الحسین (ع) به حضرت زینب (س) در شهادت حضرت علی اصغر (ع)


مرحوم حاج عبدالرحیم شباهنگ ( هندی تبریزی )

گل علی اصغری آل حالتی برهمدی باجی
قانلی قونداق آرا بیر روح مجسمدی باجی


قوروموشدی آنا پستانی داخی سود یوخیدی
سوزش و ناله آنادان بالادان چوخ چوخیدی
اونی سیراب ایدن عالمده فقط بیر اوخیدی
از قضا تیر قضا زهریله پر نَمدی باجی


آتش عشقیده صاف ایتمک ایچون غلّ و غشین
آلدیم آغوشیمه قونداقینی اول حور وشین
لبلرینده اوخودوم شدت سوز عطشین
گل یوزینه توکولن گوزیاشی شبنمدی باجی


الیم اوستونده گوتوردوم آپارام میدانه
هدیۀ کوچک ال اوستونده گیده جانانه
تحفۀ کوچک ذی قیمت اولور شاهانه
قطره کوچک دی ولی زیب کَفِ یَمدی باجی


سو امیدیله آپاردیم صف اعدایه اونی
اوخلیوب آخ دیمیوب دشمن دون پایه اونی
گورمدیم من قوجاقیمدا داخی جز سایه اونی
قوی قدم بزم غمه گور بو نه عالمدی باجی


صبح صادق کیمی آق گردن مینا گورونوب
پرنیان قونداق آرا بیر تن رعنا گورونوب
تن رعناده گلو لوءلوء لالا گورونوب
حرمله گوردی که منظوری منظمدی باجی


ائتمدی هیچ خطا اوخ اتانون تدبیری
پر آچان نعره چکن وای دین بیر تیری
راست گلدی یره یخدی او گوزل نخجیری
دیمدی صید حرم صید محرمّدی باجی


دوغری تشخیص ایلیوب تیر جفانین هدفین
سیندیروب اصغر والا گهرون جان صدفین
بوغازی نازکیدی آچدی اونون هر طرفین
اوخ بوغازه نه ایدر امر مسلّمدی باجی


نوک پیکان یرینه ناوک پیکان آلدی
گوش تا گوش گلو ویردی بوتون جان آلدی
شیر و شیرانه بالام جانله جانان آلدی
سعی و توفیق هامی امرده باهمدی باجی


شیر مادر کیمی اوخ اصغری سیراب ایلدی
نازیله آچدی گوزون باخدی گینه خواب ایلدی
نخله ی جانی آخان قانیله شاداب ایلدی
نخل اگر سو ایچه شادابدی خرّمدی باجی


بسکه قونداق لطیف ایچره قیزیل قان دولدی
دامنیم قرمزی گوللرله گلستان اولدی
گل یاسیم یوزومه گولدی ده گل تک سولدی
اوزی اوز یاسنه خندان گا ماتمدی باجی


کعبه حقده قویون کسدی اگر ابراهیم
کربلاده قوزی قربانی اولور ذبح عظیم
قان مرکّب قلم اوخ سطح گلو صفحه سیم
او گوموش صفحه قیزیل قانلا مترجَمدی باجی


بیر اووج آتدیم اوقاندان فلک الاَفلاکه
بیر کیچیک قطره سیده گلمدی روی خاکه
دامن عرش مقام اولدی اوخون پاکه
سرخی رنگ شفق آیت محکمدی باجی


شکر صد شکر الیم اوسته بالام جان ویردی
جان ویروب سهلیدی لب تشنه و عطشان ویردی
اولدی قربان هامی قربانلارا بیرشان ویردی
آدی اصغردی اگر، رتبه سی اعظمدی باجی


هرنه قربان ویره جکدیم او بویوک درگاهه
بیر به بیر یولّامیشام محضر شاهنشاهه
گیدورم ایمدی فراغتله لقاء اللّهه
چونکه اسباب سفر جمله فراهمدی باجی


شهر تبریزده «هندی» دو تا هرگونه مرض
یازماسا نوحه محرّمده اولور نقص غرض
آیریلور چونکه بودرگاهیده ذاتیله عرض
گَله هر کیمسه خلوصیله او اقدمدی باجی



#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و ...



#گل_علی_اصغری_آل_حالتی_برهمدی_باجی
#هندی_تبریزی
#ترکی

خطاب به فرات
زبانحال حضرت سید الشهدا علیه السلام در مصیبت علی اصغر(ع)

مرحوم واقف

ایچسون دویونجه قوی سنی بو لشکر ای فرات
من آغلیوم اَلیمدَه علی اصغر ای فرات

آخدون گوزوم یاشی کیمی توپراقلار اُستونه
لب تشنه جان ویرنده علی اکبر ای فرات

عباس گلدی سو گتوره قویمادون گله
آغلار سکینه امیدی یولون گوزلر ای فرات

دامادیم اُلمینجه سوسوز راحت اولمادون
راحت یاتوب قوم اوسته اومه پیکر ای فرات

بوطفله رحم ایدوب اورگون قانه دونمسه
تا حشراولونجه قانه دونرکوثر ای فرات

لب تشنه جان ویره الیم اوستونده اصغریم
ملک نجفده باشه وورار حیدر ای فرات

جدیم شریعتینده بو طفلین گناهی یوخ
رحم ایتگلن بخاطر پیغمبر ای فرات

باخ بیربوطفله اللریم اوستونده جانویروب
گورسه بو حالی رحمه گلو کافر ای فرات

هرقدرمن دیدیم سوسوزام سو ویرون منه
بو قوملن سن ایلمدون باور ای فرات

صبرایله ایمدی دوندره رم قانه رنگیوی
خنجر چکنده شمر ستم پرور ای فرات

سن شاهد اول گیوبدی هامی یار و یاوریم
بو چولده قالمیوب منه بیر یاور ای فرات

(واقف) علی اصغریمه نوحه ذکر ایدر
قویماز ذلیل اولا فزع اکبر ای فرات


#فرات
#ایچسون_دویونجه_قوی_سنی_بو_لشکر_ای_فرات
#واقف_سرابی
#ترکی

قانلی قنداق


محمد حسین غلامی سرای

اسیردی تللری یِلدن
سالیردی زینبی دیلدن
کچیردی خسته محمل لر
عجب آیریلدولار ائلدن


باخان یوخ گوزده یاشلاره
آتیلار داش او باشلاره
رباب گیزلین باخیر اما
دییر لای لای او قاشلاره


دوشور یاده گولَن وقتی
یووب جانین سیلَن وقتی
اوزون گهواردن آتدی
آتا صوتین بولَن وقتی


بوکوب بیر عنبرین طاقه
یتیشدی مرکب و ناقه
ولی بیردن گوروب اما
سپیلدی قانی قنداقه


اوپردی چوخ بوغازینان
دویاردی؟یوخ بوغازینان
آناسیننان ایراخ اوپدی
سه شعبه اوخ بوغازینان


نه جور چکسین او پیکانی
نه جور ردّ ایلَسین قانی
گتیرسین خیمیه یا نه
دولاندیرسون او میدانی ؟


ایشیق گوندی قَرا زینب
ائله غمنن آرا زینب
گل آل بو قانلی قنداقی
آپاروم من هارا زینب


بالانی آل قوجاقیمنن
دوشوب غنچه بوداقیمنن
اوزونن اوپبوشم از بس
دامور قانی دوداقیمنن



منی شمر و سنان گوزلیر
بو دشتِ بی کران گوزلیر
گل آل گیزلین بو قنداقی
بالامی اوخ ووران گوزلیر


گل نیلوفریم لای لای
باتوبدی اللریم لای لای
یات ای شش ماهه لب تشنه
یارالی اصغریم لای لای


لباسی ارغوان لای لای
آتاسیننان دویان لای لای
یرینه جرعه سو وئردی
ووران اوخ ، لخته قان لای لای
ـــ
در چند سبک مختلف شور ، سینه زنی ، زنجیر ، از جمله سبک کوچه لره سو سپمیشم و ... میشه اجرا کرد.



#کوچ_کربلا
#اسیردی_تللری_یلدن
#غلامی_سرای
#ترکی

«زبانحال رباب با شش ماهه علی اصغر»


محمد علی مصیبی تبریزی


سبک:کربلا منتظرماست بیا تا برویم


بو قدَر آغلاما باخدوقجا سنه اودلانوام
سوسوزام منده سنون تک سوسوزومدان یانورام

گورورم؛غمله اوغول قالمالیام
قره معجر باشیما سالمالیام



بوردا غمدن ئورگین داغلینی اوخلوللار
داغ محنتدن اوغولوای دیئنی اوخلوللار
سو سؤزین آچما کی سو ایستینی اوخلوللار
کربلا دور بورا بو توپراقی والله تانورام



گوزیوین یاشینی خون دلیمه قاتما بالا
بو قدَر آغلاما آخر منی آغلاتما بالا
دئمورم یاتگیله اصلا بو گئجه یاتما بالا
یاتما امّا ال ایاق چالما اوغول اودلانورام


بو جماعت کیمی عالمده ستم خو یوخدی
آخوری چوللره دریا بیزه بیر جو یوخدی
بیربه بیر خیمه لری گزدیم اوغول سو یوخدی
کیمه سو صحبتین آچدیم دئدی منده یانورام



بوگئجه گرچه سنون چوخدور اوغول درد و غمون
آغلا آسوده قوی آخسون یوزیوه اشک یمون
ئولمیوبدور هله صاغدور سنون عباس عمون
اودا شرمنده دی بیر جرعه سو تاپسون قانورام



منیم ای دیزلریمین قوتی وی تاج سریم
گوزلریمدن آخوری صورته خون جگریم
همّی آج همّی سوسوزسان بیلورم صودامریم
دئمه یانماقیوی بو سوز عطشده دانورام



ال ایاق چالما گل آغلاتما اوغول مادریوی
یالواریم من کیمه تا دولدورا بوش ساغریوی
یوخدی چارم ائدورم بند طناب اللریوی
ذهنیمه هر نه گلور چاره سیزم تولانورام



اوچ گئجه گوندوز اولور کی بالا خواب ایله موسن
دئمورم دیلسیز اوغول فکر رباب ایله موسن
من کی هئچ عمه لری دیده پرآب ایلموسن
یوزلریندن اولارین سرّ ضمیرین آنورام



باسمیشام باغریما جان تک بو سارالمیش یوزیوی
حسرتیم آرتوری گورجاق سووا حسرت گوزیوی
سینه می یاره لمه زحمته سالما ئوزیوی
قوریوب بوشدی بو سینه دئمه آز غم سانورام


سارالان رنگیوه قربان منه ای راحت جان
وئرمیشم بیر نئچه پیکانه بو سینمده مکان
قوی دیوم هانسی اوخا سینۀ زاریمدی نشان
بو فراتین سولی پیکانلارینا اوخلانیرام



دوشه هر درده « مُصَیـّب» گتورر یوز قاپیوا
نیتین پاک ائلیر تا کی گله دوز قاپیوا
یازار آغلار سورونر هر گئجه گوندوز قاپیوا
بی ریا بنده دی آغلار گوزی واردی تانورام




#سبک_کربلا_منتظر_ماست
#سبک_شهریاریمسن_آقا
#سبک_یارالی_جان_یارالی و ...
#شب_عاشورا
#بو_قدر_آغلاما_باخدوقجا_سنه_اودلانوام
#مصیبی_تبریزی

زبانحال حضرت رباب

معین عبازاده


هر گئجه هرگوندوز ،ملرم علی
گوزیاشیمی یوزومه،الرم علی
بوش قونداقون هی آچیب،بلرم علی(۲)

ئولونجه عزالی قالارام اوغول_قالارام اوغول
دردیوی جانیما آلارام اوغول _آلارام اوغول
سنی یادیما هی سالارام اوغول_سالارام اوغول
بوش یئرووه لایلای چالارام اوغول_چالارام اوغول

لای لای علی لای لای(۴)







دردونله سینمی من داغلارام علی
گوزیاشیمی عذاره باغلارام علی
سنی یادیما سالوب آغلارام علی(۲)

علی علی چاغیروب گول تک اوغول سارالمیشام من
سندن صورا علی باخ یامان گونلره قالمیشام من
سن گورن دگولم آی بالا گل باخ قوجالمیشام من(۲)

لای لای علی لای لای (۴)






سسلیرم ای باشی بلالی بالا
ای بوغازی اوخلانان یارالی بالا
(۲بار)

چوللره هر گئجه گوندوز سیل کیمی آخارام علی
دیرناقلادوقون یئرلره هرگئجه باخارام علی
(۲بار )

لای لای علی لای لای (۴بار)


#سبک با صدای سرور بزرگوارم معین عبازاده
#حضرت_رباب
#هر_گئجه_هر_گوندوز_ملرم_علی
#معین_عبازاده
#ترکی

بسته شدن راه فرات
گریز به حضرت علی اصغر علیه السلام


کربلایی احد ظهرابزاده ( واصف مرندی )


ائله کی سویولونی باغلادیلار هریاندان
سودالیسیجاگئدن بوش قیدیب میداندان
مشکلر خالی اولوب دولدی اورگلر قاندان
واقعی ائتدی غمی واقعه ده قحطی آب
کربلانی آنالارین باشینا اتدی خراب


ای حسینین آدینا ایلدن ایله قاره گیین
بوقرا پرچمینه دردینه ماتمده دیین
آی اروجلوقدا سوسوزلوق غمین احساس ائلین
نجه گلزاریده گول صرصرالینده سارالار
مین اولارداندا بتر صولدی سارالدی بالار


خیمه گاهی کیم ائده یعنی مجسم گوزونه
نوحه لازم دگولی ناله ادر ئوز ئوزونه
داغلار ئوزسینه سینی غملی ربابین سوزونه
دئدی بوندان صورا بوچولده قیامت گونودی
هرکیمین غیرتی وار زار و خجالت گونودی


اورگیم بنزیه جاق خیمه لرین مشعلینه
ناگرانم بوایشین آخرینه اولینه
اختیاراتی فراتین دوشه جاق شمرالینه
العطش صوتی اوجالسا سویا قیمت قویاجاق
بیزی بوندان صورا خوش گونلره حسرت قویا جاق


ای صولان صود امریم اشکیمی گوزدن الرم
سنه خاطر دوشرم چوللر ویلان ملرم
گر اجازم اولا گتسن سویا منده گلرم
قورخورام رشته امیدیمی سندن قیرالار
پهلوانلاری یخان اوخلاری سندن ویرالار


بولاری فکرایلییب گوزیاشیمزقانه دونر
خطراحساس ائلییب آهیمیز افغانه دونر
گجه میز گوندوزوموز شام غریبانه دونر
توکرم سویرینه قانه دونن گوزیاشیمی
آقامین خدمتی عالمده اوجالدارباشیمی


وقت او وقت خدایا بوشالیب خیمه سرا
آنالار اولدی خجالت غمینه سینه یارا
اصغرین گلدی حسین کوی نگاره آپارا
دئدی زینب بزییون کوی بلا مشتاقین
اکبریمین کفنیندن دوزدین قنداقین


آچدی بوغملی بیان مسئله نین اورتوگونی
آهیدن قاره دومان دوتدی اوصحراده گونی
دیشیب آغ کفن ائتدی بالانین دوشلوگونی
قنداقین محکم ادیب مین غمیلن نیسگیلیلن
باشینی باغلادی اما حسنی یاشیلیلن


دئدی خوش گلدین اوغول تاپشورورام آللهه
قییدینجه یانارام محنت سوز و آهه
تئز قید قویما یانام دردو غم جانکاهه
سن گلینجه سوپوروم خیمه وی گوزیاشی سپوم
آلوم آغوشیمه اولده بوغازیندن اوپوم


دیلی اولمادی دیه آی آنا زحمت چکمه
اگلشیب خیمه قباقینده چوخ حسرت چکمه
صودوی یعنی حلال ایله خجالت چکمه
سینه وی یاره لییبدور بوگجه دیرناقیم
گلمه سمده گله جاق محضریوه قنداقیم


قولاریم باغلیدی اما گئدیرم بیر سفره
سالاجاقدور سو سوزی باشیمی حتما خطره
بابامین حالینی مندن صورا چوخ آل نظره
دئمیرم معجریلن یاره می تئز گل باغلا
بابامین اوغلی ئولوب آغلاسان آرام آغلا



#فرات
#ائله_کی_سو_یولونی_باغلادیلار_هر_یاندان
#واصف_مرندی
#ترکی

مقدمه تشنگی آل الله و بسته شدن راه فرات راجع به شهادت حضرت علی اصغر(ع)


مرحوم صحاف تبریزی

سیراب اولون بو آب زلالیله صبح و شام
اما حسینی تشنه لب ئولدوردی اهل شام

لعنت ایدون یزیده ایا شیعة الحسین
ایچدوقجا بو سرین سولاری جمله خاص و عام

کرب و بلاده ویرمدیلر سو او سروره
آی حلالی نسل حرام ایلدی حرام

ایتمشدی مهر حضرت زهراسی اطهره
قانه دونن فراتی خداوند لاینام

بولمم او چولده باغلادیلار نه دلیل لن
پیغمبر اوغلونون یوزینه فرقه ظلام

عرش برینه اوج ایلدی بانگ العطش
اوچ گون تمام قالدی سوسوز عترت امام

تنگ اولدی عرصه حضرت زهرا عزیزینه
ئولدوردولر کمک لرینی تشنه لب تمام

بو سهلدور سو ویرمدیلر اهل بیتنه
سو اوسته تشنه یخلدیلا سقاسین اهل شام

گتدی قوشون مقابلنه شیر خواره سین
آلدی ال اُسته غنچۀ گل تک شه انام

ایتدی خطاب بیر باخون ای لشگر جفا
دوتموش نجه شراره عطشدن یانار بالام

ذرّیۀ رسولدی بو سود امر بالا
قالمور او قدری جان ویره ای لشگر لئام

لشگر باخاندا اصغره سس چکدی آغلادی
ضد یزیده آز قالوب ایتسون قوشون قیام

سعد اوغلی گوردی چوخ پوزولوب حالی لشگرون
تشویش ایدوب مباد هدر گیتسون اهتمام

ایتدی اشاره حرملۀ بی مروته
علت ندور دایانسان الدن گیدور مرام

ویردی بروزه حرمله فورا شقاوتین
الده حسینون اصغری اوخلاندی تشنه کام

قلب قلوب عالمی بو اوخ یارالادی
بر نوعله که حشره کیمی تاپماز التیام

#صحاف سال کمند حسینه اوزون دخیل
توک عارضه سرشکوی آغلا عَلَی الدَّوام




#فرات
#سیراب_اولون_بو_آب_زلالیله_صبح_و_شام
#صحاف_تبریزی
#ترکی

زبانحال حضرت رباب در شام غریبان


حاج افشین بابک اردبیلی

خزان اولان گولوم
یارالی بلبلوم
آنون گلور نوایه اصغر
باشیم دوشوب بلایه اصغر
یارالی قربانیم
سنه فدا جانیم
ربابین ای غزالی لایلای
دیل آچمیان مارالی لایلای




آنون گلوب جانا
قالوب یانا یانا
فراقون اود سالوبدی جانه
دوداقلارون بویاندی قانه
شیرین دهن لایلای
اوخا گولن لایلای
بو دوشلوگون ندن علیجان
اولوب سنه کفن علیجان




گل ای سولان لالا
دیل آچمیان بالا
باغیشلا سن بو دلکبابی
حلال ایله آنون ربابی
ملالینی بیلسون
اگر اوغول گَلسون
جهانی داغلاماز علیجان
قولووی باغلاماز علیجان




آنون نوا ایدر
گجه گونوز ملر
منیم یارالی اصغریم گل
اوغول سینوبدی شهپریم گل
آنون گلوب جانه
دیور یانا یانه
منیم غزاله بنزریم سن
بوغازی یاره دلبریم سن




گونوم اولوب قرا
گیدیم اوغول هارا
آقام ئولوبدی یالقوزام من
آدامسیزام اوغولسوزام من
مرامیوه چاتدون
گیدوب قانا باتدون
حسینیمیله یاتدون اوغلوم
غریب آناوی آتدون اوغلوم




سو ایچدیم اصغریم
دولوبدی دوشلریم
گوزل بالام هایانداسان گل
یوخ حرمله امانداسان گل
آنون دوشوب بنده
اولوبدی شرمنده
غریب آنوندان ال اوزوبسن
قولووی باغلادیم کوسوبسن




ئورک یانور علی
الولانور علی
سوسوز بالام مرامه یتدون
ربابیدن گیلیلی گئتدون
اوغول سنی تاری
یوخوما گل باری
باریش منیله دیندیریم گئت
سنی بیر آز امیشدیریم گئت


#سبک با صدای استاد بزرگوارم ، حاج افشین بابک اردبیلی

#حضرت_رباب
#شام_غریبان
#خزان_اولان_گولوم
#بابک_اردبیلی
#ترکی