احرام عزا - تشت گذاری
با یاد و نام حضرت اباالفضل العباس علیه السلام

سید بشیر حسینی میانجی

عاشقلرین ای دار و نداری آی ابالفضل!
عشق عالمینین قافله داری آی ابالفضل!
غم عطری گلیر ماه محرّم گلیر آقا!
قؤردوق آدیوا تشت گذاری آی ابالفضل!


ماتمده اؤرَک، اهلِ عزا داغلیاجاقدی
یاسونده سنون باشه قرا باغلیاجاقدی
قانلی گؤزیوه گؤزلریمیز آغلیاجاقدی
بیله سُؤواریق لیل و نهاری آی ابالفضل!


بو پیر و جوان صدقیله دیلدن سنی سسلر
بیماری اولان صدقیله دیلدن سنی سسلر
مشکلده قالان صدقیله دیلدن سنی سسلر
باخ قانلی گؤزونله بیزه ساری آی ابالفضل!


درگاهیوه بیر عدّه دی آواره گلوبلر
تا ایلیه سن دردلرینه چاره، گلوبلر
ماهِ غمه خاطر گئینوب قاره گلوبلر
مأیوس ائلمه سنده بولاری آی ابالفضل!


چوخداندی بیلورسن سنون عشقونده علیلم
دوت مرحمتیلَن الیمی ابن سَبیلم
بال و پری سینمیش قوشام آهیله دخیلم
سالما نظروندن منِ زاری آی ابالفضل!


چؤل هر نه ده اولسا دولانوب گلشنه چاتماز
عشقینده نه فرهاد و نه مجنون منه چاتماز
حُسن عالمی یوسف ندی٬ آیدا سنه چاتماز
گؤیچک یارادوبدی سنی، تاری، آی ابالفضل!


چوخداندی کی گؤزلوردوم اولا تشت گذاری
تا کی گلم امّیدیله بو مجلسه ساری
مأیوس ائلمزسن گلن عاشقلری آری
نومید ائلمه سن منی باری آی ابالفضل!


بیر عمری آنون باشه قارا باغلادی ئولدی
آهیله یانان سینه سینی داغلادی ئولدی
گونلر قاباقیندا اُوتوروب آغلادی ئولدی
اولموشدی آدون دیلده شعاری آی ابالفضل!


جان بیشه ی غیرتده فدا سن کیمی شیره
وئرّم قسم اؤز آدیوه ای ماهِ عشیره
لطفیه شفاعت ائله محشرده «بشیر»ه
چوخ ایستیَن ای هشت و چهاری آی ابالفضل!


#سبک_ای_شمر_دنی_قیزلاری_معجرسیز_آپارما
#سبک_ای_باد_صبا_کرببلایه_گذر_ایله
#سبک_وقتیکه_دگوب_فرق_علی_اکبره
#سبک_افلاکه_چخوب_همهمه و ...


#ورود_محرم
#عباسیه_شهادت
#عاشقلرین_ای_دار_و_نداری_آی_ابالفضل
#سیدبشیرحسینی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

نوحه گفتگوی امام حسین علیه السلام و قمر بنی هاشم حضرت ابوالفضل علیه السلام

مرتضی اسکندری(ساعد زنجانی)

امام حسین:
ای منیم یاوریم یاتما اویان قارداشیم
سیندی بال وپریم قانه دونوب گوزیاشیم
برادر شهیدیم
آچ گوزلرون امیدیم

حضرت ابوالفضل:
سیدی یا حسین ای سرور شهیدان
شرمنده وزیرون قدملریوه قربان
گل یاحسین هرایه
باشیم دوشوب بلایه





امام حسین:
خوش سنون حالیوه آمالیوه چاتوبسان
آنامی گوروبسن القانیوه باتوبسان
دورایاقه یولون گوزلور رقیه قارداش
سوقولی ویروبسن ایندی عجب یاتوبسان
برادر شهیدیم
آچ گوزلرون امیدیم

حضرت ابوالفضل:
میداندا باشیمدان تیر بلا یاغوردی
گلدی زهرا آنون منی اوغلوم چاغوردی
چوخ تلاش ایله دیم مشکیمه اوخ دگمه سون
قولومی سالانلار سومشکیمه اوخ ووردی
گل یا حسین هرایه
باشیم دوشوب بلایه





امام حسین:
یاتما قان ایچینده سرلشگر سپاهیم
گوزلیور سو مشکین اطفال بی پناهیم
خیمه وین دوره سین لب تشنه ر آلوبلار
آچ گوزون باخ منه غم گونی دادخواهیم
برادر شهیدیم
آچ گوزلرون امیدیم

حضرت ابوالفضل:
اهل کین کینه ی بدر اوستونده دایاندی
سویولون گوزلمه سومشکیم پارچالاندی
گوزلروندن ایراق گوزلریمه اوخ دگوب
پرچمون سینه مون اوسته قانا بویاندی
گل یا حسین هرایه
باشیم دوشوب بلایه





امام حسین:
قان دولان گوزلرون قلبیمون باشین دلور
باشیوون اوستونده آنامون عطری گلور
دور بویون فداسی با هم گیداخ خیامه
زینبون قورتاروب اشکی یوزه قان الور
برادر شهیدیم
اچ گوزلرون امیدیم

حضرت ابوالفضل:
آند ویرّم سنی شش ماهه اصغریوه
لیلانون عزیزی شهزاده اکبریوه
فاطمه اجازه ویردی قارداش چاغوردوم
ویرمه چوخ خجالت شرمنده نوکریوه
گل یا حسین هرایه
باشیم دوشوب بلایه





امام حسین:
ای منیم امیدیم سر لشگر سپاهیم
یوخدی سندن صورا بو چولده تکیه گاهیم
سوسوزلار گوزلرون سومشگیوه تیکوبلر
گورنجه قوزانور افلاکه دود آهیم
برادر شهیدیم
آچ گوزلرون امیدیم

حضرت ابوالفضل:
آغلاما نوکرون قلبینی قان ایلمه
نوکریوه خاطر اشکون روان ایلمه
گوزلریم آغلیان گوزلریوون فداسی
ال چالور دشمنون اشکون روان ایلمه
گل یا حسین هرایه
باشیم دوشوب بلایه



#سبک_کربلا_کربلا_ای_تربت_شهیدان


#عباسیه_شهادت
#ای_منیم_یاوریم_یاتما_اویان_قارداشیم
#ساعد_زنجانی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

شجاعت حضرت ابوالفضل العباس ع


اسماعیل پریزاد کلوانق


عباسم من شاهِ کربُ بلا یاوری
حسینیم شاهیمدور منده اونون نوکری
منده اونون نوکری




اوت توکرم لشگره قوم جفا گستره
ویرمیوسوز سو نیه عترت پیغمبره
قانه دونوب اصغرون گوزدن آخان گوزیاشی
قلب رباب اوتلانور حال علی اصغره
حال علی اصغره



سیزلری بیر آنیده من بو بیابانیده
قانیزه غرق ایلرم عرصه میدانیده
تا سوآلام اصغره غنچه نیلوفره
اصغریمون قالمیوب تاب و توان جانیده
تاب و توان جانیده



واردی اورک محنتی چوخدی قولوم قوتی
منده بیلون ای قوشون واردی علی صولتی
امرایلسه شاه دین وارث حبل المتین
سیزلری من دوغرارام واردی قولوم قدرتی
واردی قولوم قدرتی



یوخدی سیزون حرمتوز ذره جه شخصیتوز
خیرداجا قیزلار چکور ایندی سیزون ذلّتوز
فاطمه مهریه سی چوخدی سویون غصه سی
باغلیوسوز سو یولون آرتیروسوز زحمتوز
آرتیروسوز زحمتوز



خیرداجا قیزلار ملر صورتینه اشگ الر
اصغریمون ناله سی قلب ربابی دلر
سو یولونی باغلسوز سینه لری داغلسوز
قیزلار ایدنده فغان دادینه زهرا گلر
دادینه زهرا گلر


ت
قولاریزی باغلارام سینه لروز داغلارام
نهر فراتین سویون خیمه لره باغلارام
جوش ایلیوب غیرتیم یوخدی داخی طاقتیم
آت ایاقیندا سیزی یکسره درناغلارام
یکسره درناغلارام



شیر خدا زادیم جنگوزه آمادیم
درگه مولاده من شیرم وافتادیم
ماهیم حسیندور منیم
شاهیم حسیندور منیم
سسلنور افتاده سی منده پریزادیم
منده پریزادیم



#سبک_آمریکا_آمریکا
مشابه


#عباسیه_شجاعت
#عباسم_من_شاه_کرب_بلا_یاوری
#پریزاد
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

لبیک یا ابالفضل......
شعر حماسی ...
«حُبّ الوطن مِن الایمان» (1)


مرتضی اسکندری(ساعد زنجانی)

ای درد مند مسکین
اولما بو قدری غمگین
سسلن حبیبون آدین
ویر درد قلبه تسکین

سسلن به عشق مولا لبیک یا ابالفضل
یا ساقیَ العَطاشا لبیک یا ابالفضل




کیم سسلنر بو آدی
دردین دوا ایده لّر
مقروض عالم اولسا
قرضین ادا ایده لّر
صدقیله گلسه حتما
حاجت روا ایده لّر

سسلن به صوت اعلی لبیک یا ابالفضل
یا ساقیَ العَطا شا لبیک یا ابا لفضل



عشق اهلینه بو ذکری
بیر دلبر ئورگدیبدی
شوره گلوب وجودی
سر تا سر ئورگدیبدی
لایلای چالوب ویرنده
صود مادر ئورگدیبدی

روحه ویرر تجلّا لبیک یا ابالفضل
یا ساقی العطاشا لبیک یا ابالفضل


ام البنینون اوغلی
سر حلقه ی ادبدی
مین دورت یوز ایلدی ایران
عباسه منتسبدی
یوخ فرقی آذریدور
یا فارس و یا عربدی

سسللّه بی محابا لبیک یا ابالفضل
یا ساقی العطا شا لبیک یا ابالفضل


دنیانی دولدوروبدی
داعشلرون هراسی
ایرانه واردی میلی
ابلیس کین قواسی
بیلمور گوزون چیخاردار
ایرانلیلار آقاسی

اوخدور به چشم اعدا لبیک یا ابالفضل
یا ساقی العطاشا لبیک یا ابالفضل


بی جا خراب ایدور ئوز
افکارین اشقیالر
بمب و سلاحی نیلور
عباسه آشنا لر
موشک دور اهل عشقه
بو پرچم عزالر

گورمور بو شوری اعدا لبیک یا ابالفضل
یا ساقی العطاشا لبیک یا ابالفضل


فکر ایلیوللر ایران
مصر و عراقه بنذر
چون غاصبان کعبه
اهل نفاقه بنذر
هانسی بلادین عشقی
بو طمطراقه بنذر

وار بیزده آیری سودا لبیک یا ابالفضل
یا ساقی العطاشا لبیک یا ابالفضل
ـــــــــ
(1) «مستدرک سفینة البحار»، «اعیان الشیعة»، «خزائن» نراقی(ره)،«کشف الخفاء»، «بیان المعانی»


#سبک_احوالیمیز_یاماندی (بیش از 10 سبک)

#عباسیه_مدح
#وطن
#ای_دردمند_مسکین
#ساعد_زنجانی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در مدح و شهادت حضرت ابالفضل العباس (ع)

اسماعیل پریزاد کلوانق

سردار حسین دینه نگهبانیدی عباس
حیدر مثلی حامی قرآنیدی عباس

مشگلده قالان وقتیده سسلر اونی شیعه
تیز چاره ایدر دردلره درمانیدی عباس

چون صدقیله دوتموش حق یکتا اتگوندن
معبودینه هر لحظه ثنا خوانیدی عباس

ای دردی اولانلار دوتون عباس اتگوندن
درمان ایلسون صاحب احسانیدی عباس

تعریفینی دشمنده ایدراَشجع ناسین
سرلشگر دین فارسِ شجعانیدی عباس

حق درگهینه هر گیجه نی طاعت ایدردی
سسلردی خدا صاحب عصیانیدی عباس

تیترردی گیدن وقتیده درگاهِ خدایه
درگاهِ خداده گوزی گریانیدی عباس

میدانیده گورسیدی اونی کیمسه دییردی
به به ایله بیل غیضیلی اصلانیدی عباس

هیچ عرصه ده تکبیرینی کسمزدی دیلیندن
ظلمتده اودور چون مه تابانیدی عباس

ام البنین آد قویدی که زهرایه کنیزم
هم نوکر حسینه همی قربانیدی عباس

حقّا یاراشور بیر ایله اولاده بو مادر
شاخ گل ریحان اودی ریحانیدی عباس

نوکر ویریب عباسی حسینه او وفاجو
اجرا ایلدی تابع فرمانیدی عباس

تقدیر قضا چکدی ایشی کرببلایه
چونکه بیزیچون عالی بیر عنوانیدی عباس

آتدان یخلوب دوتدی یوزون خیمه سرایه
سسلندی حسین قانینه غلطانیدی عباس

قارداش باشی اوسته یتیشوب شاه لب عطشان
گوردی دوداقی خشکیدی عطشانیدی عباس

سسلندی که قارداش گوزون آچ گلدی حسینون
دیداره گلن شاه شهیدانیدی عباس

آچ گوزلرون ای شیرخدادن منه وارث
قارداشین حسین گورنجه گریانیدی عباس

امیدیم اخی بیر سنیدون دهریده صدحیف
فخریم بوییدی دینه نگهبانیدی عباس

سن دین علمون ساخلاموسان جان سنه قربان
عالم بیلوری یکه میدانیدی عباس

سن سن بو فراتی بیله معروف ایلیوبسن
دنیا بو شجاعاتیوه حیرانیدی عباس

دولدوردون الین لبلریوه وورمادون اما
اصغر دیدون اخیمده لب عطشانیدی عباس

ایتدون منی شرمنده اخی بو ادبونله
بیکس قالانون گور نه پریشانیدی عباس

القصه گوتوردی باشینی آلدی دیز اوسته
قیزلار دیدی چوخ بی سر و سامانیدی عباس

گوز یولدا قالیبدورهامی اللرده سو جامی
دللرده عمو العطش عنوانیدی عباس

دور حمل ایلیوم خیمیه قیزلار سنی گورسون
چوخدور یارا جسمون اخی بیجانیدی عباس

عرض ایلدی یوخ خیمیه حمل ایلمه قارداش
یوخدور سویی شرمنده طفلانیدی عباس

قیزلاریوه احوالیمی بیر بیر دینه مولا
عطشانلارا بیر فدیه شایانیدی عباس

قیزلاره بویور دای یولومی گوزله مسونلر
سویله یخلوب قانینه غلطانیدی عباس

قوی عرصه گه ایچره قالا بو فاتح میدان
بلسونلر هامی دینه نگهبانیدی عباس

شاید گله بو قتلگهه نازلی رقیه
گورسونکه بو میدانیده دربانیدی عباس

گورسه منی نازلی بالا دل قورخیا دوشمز
حتی بیله گر فاقدِ امکانیدی عباس

احساس ایدر آماده دی عباس یانوندا
هر چند دوشوب قولّاری اصلانیدی عباس

بارماقلاری اوسته بو بیابانی گزنده
سسلر او زماندا سنه قربانیدی عباس

بو امره منی خیمیه حمل ایلمه قارداش
چون کشورغیرتده ده سلطانیدی عباس

وار دردیموز ای شیر خدانون گوزل اوغلی
غمدن اودی گوزلر بیله گریانیدی عباس

قارداشیوه خاطر بو #پریزاده نظر قیل
نوکردی سیزه لطفوه مهمانیدی عباس


#عباسیه_مدح
#عباسیه_شهادت
#سردار_حسین_دینه_نگهبانیدی_عباس
#پریزاد_کلوانق
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

در وداع و مرگ برادر

محمد رضا صادقی

دنیا بویونی دوتسا اگر ناله و ماتم
قارداش ئولوموندن سورا بوکمز بئلی ، هئچ غم

قان آغلادا واردور یری ،گر لیل و نهاری
قارداش ئولومی الدن آلار صبر و قراری

هر گوز اولا ، قارداش ئولومی نورین ائدر کم
هر قامتی سرو اولسا بوکر قدّین ائدر خم

قارداشی ئولن اُولمیا بو جَمعیده باری
بو سوزده اولار گوزیاشی رخسارینه جاری

آغلار دییر ایوای یارالی قارداشیم ایوای
هر غمده الیمدن یاپیشان یولداشیم ایوای

سال یادیوه «شیدا» او شه کرب و بلانی
بیر سوز دئدی آغلاتدی یقین اهل سمانی

جنتدن علینی چاغوروب بیرده رسولی
یوز دوتدی بقیع سمتینه سسلندی بتولی

گل داده ننه غم گونی سرداریم ئولوبدی
غیرتلی ابالفضلیم علمداریم ئولوبدی


#پندیات
#ختم_خوانی #برادر
#دنیا_بویونی_دوتسا_اگر_ناله_و_ماتم
#محمد_رضا_صادقی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت رقیه (س)


محمد علی مصیبی تبریزی

شمس برج ابتلایم سینم آتشخانه دی
مسکنیم ویرانه اما منصبیم شاهانه دی


شامیده آفاقه چاتدیردیم فغان و دادیمی
بسله دیم من اعتلای نهضته هر زادیمی
چون ئوزوم درداَهلیَم درداهلی سسلرآدیمی
دردمنده مرقدیم واللهی داروخانه دی


من نگین حلقۀ خیرالورایم شکّی یوخ
دختر دُردانه شاه ولایم شکّی یوخ
زینب عمّم تک ئوزوم دردآشنایم شکّی یوخ
خواهر سجّادی سانما دردیلن بیگانه دی


اوچ امامین محضریندن فیض آلان صاحب دمم
قارداشیم اکبر کیمی من هاشمی بیر ضیغمم
من عموم عباس تک مشکل گشای عالمم
شمع خوش سوزِ غمم عباسعموم پروانه دی


من سفیر خردسال دولت عشقم بیلون
با نجابت قیز، فروغ صولت عشقم بیلون
عمّۀ صاحب زمانم حجّت عشقم بیلون
بیت الاحزان مرقدیم زهراسی صاحبخانه دی


من کلام ((لا تُعزّ مَن تشَا ) ) منهاجیَم
کربلا شاهی حسینون باشدا عزت تاجیَم
اکبر طاها عذاره نازدانه باجیَم
انقلابیم شامیده بیر امر خونخواهانه دی


کربلا وکوفه دن گوردوخ مصیبت دم به دم
هامّینسگیل بیریانا بیرنیسگیل اولدی پُرالَم
چاره میزاولسیدی والله شامه قویمازدوخ قدم
آلله آلله شامین اهلی رحمیلن بیگانه دی


شامین اندوهیندن آلله چوخلیغم سینمده وار
صبر ائدوب د ؤزماقیمه امّا دلیل عُمده وار
چون بیلوردیم کی ابوالفضل غیرتی عمّم دهوار
انتخابی عمّه مین ازّل گون آگاهانه دی


عالم ذر کائنات عالمه دم وئردیلر
گل سِتان عشقیده گول سهمی شبنم وئردیلر
سهم دنیادن من ِ دلخستیه غم وئردیلر
ائتمرم بی جا گلایه سانکی خودخواهانه دی


هئچ سوسوزسقا گوروم بیرآن سبوسیزگلمَسین
کاش کیم اهل ِ حیادی آبروسیز گلمَسین
قبریمین زوارینه سویله وضوسیزگلمَسین
قاندان آلمیش دستمازین بوردا صاحبخانه دی


قبریمین زوّاری! قبریمدن شمیم عشق آلون
بیریاشیل کوینک گیوب اول صحنیده مُحرم قالون
قبریمه گر قیز گتورسیز باشینه چادر سالون
عفتّیم ییخدی یزیدی سانما کی افسانه دی


بیز نجابت اهلیوخ بیزدن یاغار عفت گونی
باخما چادرسیز دولاندیم چوللری وحشت گونی
غارت اولدی خیمه لرده چادریم غارت گونی
یازسالار عفت سیزم واللهی گمراهانه دی


جان ِ عالم دور بابام آئینۀ محرابدور
ناخدای کشتی دین ، عالمه اربابدور
بیزده خورشید هُدیٰ ازّلدن عالم تابدور
هر نه احسان ایله سوق عالمده اربابانه دی


یاز«مصیب»شأنیمی عشقیله؛تااحسان ائدوم
قبریمه بو جمع زاریلن سنی مهمان ائدوم
اذن حقّیلن نه دردیز اولسا گر درمان ائدوم
خورداجا قبریم،گوررسیز اوخشاری رضوانه دی


#حضرت_رقیه
#شمس_برج_ابتلایم_سینم_آتشخانه_دی
#مصیبی_تبریزی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

زبانحال حضرت زینب (س)به حضرت رباب (س)

معین عبازاده

((آغلاما بو قدر ائتمه اورکلری کباب،بسدی رباب
الله ائلسین حرمله نین ائوین خراب،بسدی رباب))




سسلمه علی اصغریوی ائتمه بو قدر آه و فغان
اصغر گئدلی رعشه دوشوبدور بو دل و جانه اینان
گهواره نی ترپتمه بئله قلبیلری ایلمه قان
بوش گهواره ایله اوزووی ایله مجاب بسدی رباب
"الله ائلسین حرمله نین ائوین خراب بسدی رباب"




آنامون ادبلی گلینی ایتمه بوقدر ناله و زار
سن آغلیوسان دولور بوتون قلبلره غملی شرار
بالاما اولوب حسینیمون سینه سینون اوستی مزار
قانیله اولوب صود امرین یوزی خضاب بسدی رباب
"الله ائلسین حرمله نین ائوین خراب بسدی رباب"




گلشنیمیزه باد خزان اسدی رباب بسدی رباب
امانیمیزی ناله لرون کسدی رباب بسدی رباب
ناله و فغان ائتمه داخی بسدی رباب بسدی رباب
ناله لرویلن منه سن وئرمه عذاب بسدی رباب
"الله ائلسین حرمله نین ائوین خراب بسدی رباب"


#سبک با صدای شاعر و مداح اهل بیت ، برادر بزرگوارم کربلایی معین عبازاده
⬇️⬇️

#اصغریه_شهادت
#حضرت_رباب
#آغلاما_بو_قدر_ائتمه_اورکلری_کباب_بسدی_رباب
#معین_عبازاده
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

«عرض استغاثه و اعتذار نوکران حسینی محضر حضرت اباعبدالله الحسین علیه السلام »
ذکر و دم پایانی


محمد علی مصیبی تبریزی


ای شاه کرب وبلا آه و زاره گلمیشم
گوزدن روان اشک غم اعتذاره گلمیشم
سسله دیقجا آدیوی من وقاره گلمیشم
عزّتلی بابِ شهِ تاجداره گلمیشم

گلمیشم- عشقیله - شاهیمین عزاسینه
تا آلام - تذکره - منده کربلاسینه





گلدیم بو درگاهه من استعانت آلماقا
باب کراماتیدن فیض و حاجت آلماقا
حسرت قالان قلبیمه بیر زیارت آلماقا
کربوبلا دشتینه برگ دعوت آلماقا

یانمیشام- آتش - عشق و ابتلاسینه
تا آلام - تذکره - منده کربلاسینه






ای آدی زینت اولان عرش طاقینه حسین
جانلار یانور قبریوین اشتیاقینه حسین
دعوت ائدر نوکرین غم رواقینه حسین
عزت گوزیله باخار ئوز قوناقینه حسین

سسلرم – آدینی – دردیمین دواسینه
تا آلام - تذکره - منده کربلاسینه






آیا کیمه حق وئروب بو جلال وشوکتی
درده دوا ایلیه خاک پاک و تربتی
یا کیم قویوب باشینه بیله تاج عزتی
محشرده حقد ن آلوب پرچم شفاعتی


آغلارام - آغلارام - غملی ماجراسینه
تا آلام - تذکره - منده کربلاسینه



#سبک_یخلدی_سقا_یره
با صدای کربلایی جمال یاوری


#ورود_محرم
#کربلا #آرزوی_کربلا
#حسینیه_مدح
#ای_شاه_کرب_و_بلا_آه_و_زاره_گلمیشم
#مصیبی_تبریزی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

جریان تاریخی شکار سلطان سنجر
#گریز به احوالات حضرت علی اصغر(ع)

فرهنگ خدایی اردبیلی

بخش1️⃣

هر بنا تاپسا اگر ظلمیله بنیان یاشاماز
سلطه ی زوریده آزاده مسلمان یاشاماز
خفّت و نکبته کُرنش ائدوب انسان یاشاماز
گورمیشوک عادتینی دِیْرِ خراب آبادون
عمری بش گونّوک اولار دهریده استبدادون


خوی انسانی اولان اهل زر و زور اولماز
زور بازوسینه یا ثروته مغرور اولماز
چهره سی جامعه ده چهره ی منفور اولماز
آه مظلوم یخار دهریده ظلّامون ائوین
نجه یخدی ننه لر ناله سی صدّامون ائوین


نه بلا چکدی بیلورسوز شهدانون ننه سی
چوخونون وار اؤ زماندان هَله اودلی نفسی
گوش افلاکیده قالمیش هله ده ناله سسی
سسلنردی ننه لر روح و روانیم لایلای
داغیلان پیکری چوللرده جوانیم لایلای


میِ قدرت خِرَد اربابینی مدهوش ائلمز
بزم عدل و شرفین شمعینی خاموش ائلمز
اوج قدرتده ده اللهی فراموش ائلمز
چون بیلَر قدرت مطلق فقط اللهوندی
«اللهون هر نئی وار آل یداللهوندی»(۱)


بو پیامی یازورام قدرت استکباره
پیر و سردسته ی حکّام جنایتکاره
بورا ایراندی آییل گوزلرون آچ بیچاره
سرزمین علویدور بورا تردید ائلمه
زینبون مملکتین بیر بئله تهدید ائلمه


آند اولا حضرت زهرا خانمون عصمتینه
زینبون قلب رئوفینده اولان محنتینه
اوجا قامتلی ابوالفضل آقامون غیرتینه
کشورین وقت خطر ملت ایران ساخلار
«بو علی مملکتین شاهِ خراسان ساخلار»(۲)


سعی ائدیم چیخماسون الدن سوزومون افساری
مقصدیم آیریدی انشا ٕ سخنیندن آری
یازورام بو خبری ایلسه الله یاری
وار امیدیم بیر اولان ذات حق داوردن
ائتمیه تا منی شرمنده علی اصغردن


بیربیره گاه گورَرسن جریانلار بنذر
واریمیش بیر نفر ایرانیده نیکو منظر
شاه ایران آدی معروفیدی سلطان سَنجَر
نسبتاً آینه ی معرفتی صاف ایمیش
اهل علم و خرد و منطق و انصاف ایمیش


سَلجُقون قرن ششم ده نوه ی خوشبختی
مَروْ شهرینده بنا اولدی رواق و تختی
اگنینه گئیدی سروریله حکومت رختی
چوخ بها وئردی هنر اهلینه اهل ذوقه
آخرین شهدی او شه سلسله ی سلجوقه


گردشه چیخدی غرض بیرگونی سلطان سنجر
مرکبین میندی، بئله باغلادی زرّین خنجر
نچه مأمور باشیندا هاموسی خوش منظر
هوس ائتمیشدی بیر آز گشت و گذار ایلمگه
اله تیر آلمیشیدی آهو شکار ایلمگه


یولا دوشدی غرض اول گشت و طرب سلسله سی
چوخالوب شهرلریلن اولارون فاصله سی
چاتدی بیر دشت خرامانه شهون قافله سی
بیلدی خلوت اؤ دیاری هامی منزل لردن
ساکن ایمیش دئمه اوردا کؤچری ائللردن


وئردی دستور اؤ چولده قورولوب چادرلر
سالدی کشتی لری دریاده کأنّه لنگر
استراحت ائلیندن صورا سلطان سنجر
حظّ ائدوب صحن طبیعتده هوای صافه
دوردی دقتله بیر آز سالدی نظر اطرافه


ئورگی شوق شکاریله اولوب آکنده
گوزینه دگدی اوزاقدان بالا بیر جنبنده
فکر ائدوب بچه ی آهودی گزور گلشنده
دئدی بختیم منه یار اولدی کمانی گتورون
ورجاقین من اؤ شکاری گئدوب آنی گتورون


قویدی اوخ چلّیه القصّه کمان آلدی کفه
آتدی تیری ئورگی دولدی سرور و شعفه
الغرض زوزه کشان دگدی اؤ پیکان هدفه
عاطفه دفترینی دگجگین اوخ پاره لدی
اؤ دیارین باشینا گرد مصیبت اَلَدی


صیده خاطر گئدوب هرکیم ئورگی قان گلدی
سوزی واضح یتوره بیلمدی گریان گلدی
اُوْ دالیجا غرض آخر ئوزی سلطان گلدی
گوردی بیر صحنه پناهنده اولوب گوزیاشینا
گوزی تار اولدی دولاندی او بیابان باشینا


گوردی بیر طفلک معصومی وئرور قان یاراسی
رخت شویی سو کنارینده ائدورمیش آناسی
ننه یانینده ایمکلیمیش اؤ دیلسیز بالاسی
فرض ائدوب شاه اوزاقدان اونی آهو سیاقی
وروب آهو عوضینده صود امر بیر اوشاقی


یاندی قلبی نجه کی عود یانار مجمرده
اولسا وجدانی وجودینده کیمون بی پرده
امر واضحدی دؤزنمز بئله مُهلک درده
سالدی تشویشه او سلطانی خطا ایلمگی
هامی کی حرمله اولماز اولا داشدان اورگی


نیلییَر گورسه بئله صحنه نی آواره ننه
گئدوب الدن بالاسی گورسه گونی قاره ننه
یوز دوتوب عورته عرض ائتدی ندور چاره ننه
بوندان آرتوق سنی من غرق ملال ایلمرم
ئوزومی من اگر ئولسمده حلال ایلمرم


آتدی تیریله کمانین یره وردی زانو
غیر عمدی دی منیم گرچه ایشیم ای بانو
اختیاروندیم ای مام پریشان گیسو
یا پول آل عفو ائله بو بنده نی ثروت اَله سال
یا ، ور ئولدور منی مظلوم بالوون قانینی آل


دئدی عورت،نه ...


ادامه⬇️⬇️


#اصغریه_شهادت
#هر_بنا_تاپسا_اگر_ظلمیله_بنیان_یاشاماز
#فرهنگ_خدایی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

جریان تاریخی شکار سلطان سنجر
#گریز به احوالات حضرت علی اصغر(ع)


فرهنگ خدایی اردبیلی

بخش2️⃣

دئدی عورت،نه دییم ایندی من ای شاه سنه
بالا اولماز داخی وئرسون هامی دنیانی منه
پولا خاطر بالاسیندان اَل اوزر هانسی ننه
منی ائتدون قره معجر ئوزووی شرمنده
سنی ئولدورمگیلن کی بالام اولماز زنده


تک بودور محنت الیندن منیچون راه نجات
بو مکاندا منه سن خلق ائله بیر امکانات
سپری بوردا ائدیم عمریمی تا وقت ممات
بالامون قتلگهینده سینمی داغلیارام
سس قوشوب چوللرون آهولرینه آغلیارام


ننه دور معدن ایثار و وفا دریاسی
وصفه گلمز ننه نون عاطفه سی احساسی
فرقی یوخ غملی ربابی اولا یا لیلاسی
سؤز سؤزی چکدی دوشوب یادیمه غملر ننه سی
نه بلا چکدی خدایا علی اصغر ننه سی


مرتضی شاه ولانون او وفالی گلینی
الی قوینوندا قالان باشی بلالی گلینی
غصه لی فاطمه نون قلبی یارالی گلینی
اهل معنا ئورگین ائتدی اونون دردی کباب
بیلمورم دؤزدی نجه غصه ی جانکاهه رباب


وئردی تحویل ربابه شهِ عطشان بالاسین
نیلییَر گورسه ننه قانینه غلطان بالاسین
چکدی آغوشینه جان مثلی اؤ جیران بالاسین
دئدی حنجرده کی اوخ یارووه جانیم قربان
لب خشکیده ی صدپارووه جانیم قربان


اتگوندن الیمی بس نیه اوزدون گوزلیم
بختیمون اولدوزی آیا هارا سوزدون گوزلیم
اوچ پر اوخ ضربینه آخر نجه دؤزدون گوزلیم
تشنه حالینده چیخان جانووه جانیم قربان
بوغازوندان سوزولن قانووه جانیم قربان


تشنه ی ساغر لبخندووم اوغلوم منه باخ
مادر بی کس و شرمندوم اوغلوم منه باخ
الی قوینوندا سرافکندوم اوغلوم منه باخ
بوغازون قانی چیلنمّیش یوزه جانیم قربان
گویدن اولدوز تک آخینمیش گوزه جانیم قربان


آچ گوزون گور نقدر آغلیانون واردی علی
نقدر خیمه ده لایلای چالانون واردی علی
غم یِمه حرمله دن قان آلانون واردی علی
ئورگیم محنت الیندن اؤ زمان دینجله جک
قانووی آلماقیچون قان آلان اوغلوم گله جک


خانمی غرق بلا ائتمیشیدی دست قضا
گئجه گوندوز ملیوب نی کیمی ایلوردی نوا
اربعینه ائله کی گلدی عزالی اُسرا
حضرت زین العبادن او خانم اِذن آلدی
اصغرون قانی آخان دشتیده بیر ایل قالدی


چونکه حبس ائتمیشیدی چوخ سؤزی حنجرده رباب
قوردی گلزاری سولان یرده سراپرده رباب
هامی گئتدی وطنه قالدی اؤ چوللرده رباب
چون حیا مانعیدی سینه سینی داغلاماقا
دوشدی فرصت الینه نوحه دیوب آغلاماقا


اوجادان شرم ائلیوب آغلامامیشدی اؤ خانم
سینه سین دردی قدر داغلامامیشدی اؤ خانم
چون اوغول یاره سینی باغلامامیشدی اؤ خانم
سسلنردی رگ خونپاشووه جانیم قربان
هوریلن قانیله گوزیاشووه جانیم قربان


هی آلاردی الینه قانه بَلَنمیش بلگی
اود کیمی شعله چکردی قانا دؤنموش ئورگی
اودلیاردی دل آفاقی نوا ایلمگی
سس قوشاردی سسینه گویده اوچان تیهولر
مَلشردی اونیلان دوره ده کی آهولر


اولمیان یاره سینون چاره سی اوغلوم لایلای
بوش قالان خیرداجا گهواره سی اوغلوم لایلای
ننه سی چوللرون آواره سی اوغلوم لایلای
بنذیین حنجری برگ تره جانیم قربان
اوخ دگن وقته اسن لبلره جانیم قربان


دوداقین سوز عطشدن اَمن اوغلوم لایلای
قوللاری باغلی جهاده گئدن اوغلوم لایلای
جان وئرن وقته تبسّم ائدن اوغلوم لایلای
خردا قلبونده بویوک محنته جانیم قربان
اوخ دگن وقته گولن صورته جانیم قربان


علی اکبر کیمی جاندان کئچن اوغلوم لایلای
بوغازین تیر عداوت بیچن اوغلوم لایلای
ئوز قانین سو عوضینده ایچن اوغلوم لایلای
یات عزیزیم تن مجروحیوه جانیم قربان
بوغازوندان پر آچان روحووه جانیم قربان


کوسوب ائودن ننه دن سرد اولان اوغلوم لایلای
آتاسیلا گئدوب همدرد اولان اوغلوم لایلای
داش ئورک دشمنی نامرد اولان اوغلوم لایلای
آج گئدوب آج قییدن نوردوعینیم لایلای
بوغازیندان چیخادان تیری، حسینیم لایلای


بانی اولدی بو سؤزه«هاشمی» نیک تبار
اهل منبردی ئوزی صاحب ادراک و وقار
وار امیدیم صله سین حضرت زهرادن آلار
هامی احبابه خانم لطف ائلیر یوم حساب
ای«خدایی»سنه احسان ائلسین غملی رباب

ـــــــــــــــــــــ
حرمله بیر ستم ائتدی ئورگیم یاندی باجی
تار و پود بدنیم یاندی الولاندی باجی
اللریم اوسته علی اصغریم اوخلاندی باجی
بوغازین اوخ ایتی خنجر کیمی کسدی بالامون
اوخی چکدیم قوریان لبلری اسدی بالامون


علتی وار بئله میداندا یوباندیم زینب
خیمیه گلمگه بو حالدا اوتاندیم زینب
عرصه گهده بیر آز آواره دولاندیم زینب
هی باخوب گولدی منه حرمله، رنجور اولدوم
خیمییه گلمگه اصغر جانی مجبور اولدوم
ــــــــــــــ
(۱)از کلامی زنجانی
(۲)از مرحوم منزوی

#اصغریه_شهادت
#فرهنگ_خدایی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

اجلال نزول حضرت سیدالشهدا(ع)به تربت خونبار کربلا و آمدن ذوالجناح به خیمه ها

مرحوم انور اردبیلی

دل آچوب طوطی طبعیم دانیشور دلبردن
اورگیم غمله دولوب گوزلریم اشک تردن

عاشقم عمر بویی دلدن حسینون آدینا
ئوپرم نام حسین زینت اولان دفتردن

شکر اولا حقّه منه قدرت تمییز وئروب
آییروب عقل سلیمیم عَرَضی جوهردن

کاش ئولنده آقامون قاره سی اگنیمده ئولم
جان چاتا مقصدینه عشق همایون فـَردن

پیکریم حمل اولونا بزم عزادن قبره
ائتمیم کوچ ابدی منزلیمه بستردن

گوزل آدی آقامون نقش اولا قبریم داشینا
ره گذر یاد ائده مولایه گوره نوکردن

لحد آلتیندا بئله واردی بیر آز غصه لی خاک
یادگاریدی قالوب نوحه یازان #انوردن

ظهریله عصر آراسی دوشدی حسین زین اوستن
صوت عُرّا اوجالوب نُه فلکه لشگردن

قاش گوزی صورتی بیر پارچا قیزیل قانیدی
طاقت آلمیشدی تیکانلار او گل پَر پَردن

جسم موزونیده یارای تعادل یوخیدی
تیتریوردی بدنی اوخلار ائدن لنگردن

یاره لی ال یارالی قلبینون اوستونده امام
آیریلوب گون کیمی سیر ایلدیگی محوردن

ایکی سوزش واریدی قانی آخان قلبینده
بیری اوخدان بیریده داغ علی اکبردن

تپراق اوسته یخیلان وقته دئدی بسم الله
سجده ی شکریله یاد ائتدی حق داوردن

انبیای اولوالعزم آچدی او صحراده باشین
گلدی زهراده اورا جنّت جان پروردن

مرکبی باخدی حسینه،ائدوب احساس خطر
راکبین درک ائلدی قوزانا بیلمور یردن

هی دولاندی باشینا شیهه سینی ائتدی بلند
بویادی کاکلینی خون شه محشردن

اوجونا صاحبینون قانلی لُجامین قویدی
کلمه سیز قیلدی تمنّا یارالی سروردن

دور سوار اول سنی فوراً یتوروم خیمه لره
ائتمه شرمنده منی عترت پیغمبردن

یاره لی جسموه هی اوخدی گلور داشدی یاغور
چوخدی زجری سنه داش یاره سینون خنجردن

هر قدر سنده نفس وار وراجاق کوفه لیلر
بیر به بیر عضولرون آیریلاجاق پیکردن

ذوالجناحه بیر اشاره ائلدی سرور دین
گئت خیامه دئدی ال چک منِ بی یاوردن

گوزی یولدا قالان اطفاله گوزل قاصدسن
اوجالوب ناله سسی عائله ی حیدردن

سوسوز آهولریم ایندی ملشور هجریمدن
گئت حمایت ائله بیر عدّه قرا معجردن

ویرمینجا باشیمی شمر دنی نیزه سینه
کوفه نون اهلی بوراخماز یاخامی اللردن

حلّ اولان گوردی دگل مشکل لاینحلّی
یارالی مرکب اَنوب خیمیه فوراً تلّی

بیر اوجا شیهه چکوب ایلدی اعلان خطر
بیلون ای ختم رسول عترتی ختم اولدی سفر

الظّلیمه سؤزی شیهمده شعاریمدی منیم
قاصدم خیمه لره منده دی هر تازه خبر

ایسته سوز دردی سیزه روشن اولا صاحبیمون
ایلیون پیکر مجروحیمه دقّتله نظر

منه بیر یاره دگنده اونا یوزیوز دگدی
گورون ایندی یاراسی راکبیمون وار نقدر

مایلیدیم گتورم،گئت دئدی سن خیمه لره
باشینون اوسته آچوبدور باشینی پیغمبر

منتظر قلبلره منعکس اولدی بو صدا
چیخدی پیشوازینه وحشت زده آل حیدر

اللری باشدان اوجا، طرّه لری یوزلرده
هاموسی تشنه لبیدی هاموسی تشنه جگر

بیر سوری قورخولی جیرانه شبیهیدی اولار
ایلیوردی مَله جک سسلری آفاقه اثر

ناقصیم واردی خیال ایلمه تشبیهیمده
هانسی جیران آتاسیز قیز کیمی نسکللی ملر

ذوالجناحی بیلوسوز گوردی نه حالدا بالالار
سورونور یرده جلو ، قارنینین آلتیندا اَیَرْ

دوره وردی بالالار مرکبی آلدی آریا
بیرده گورمز ائله بیر منظره تاریخ بشر

اولمیوب آل عبایه ائله مشکل صحنه
مدرکیم عصرین امامی اوخیان مرثیه لر

بیری سویلر نه قرا گونلره قالدوق یارب
نه جوان قالدی بیزه نه قوجا نه بیر صودامر

بیری امداده نجفدن چاغورور مولانی
بیری یردن گتوروب باشینه تپراقی سَپَر

بیری سویلردی بئله خانه بدوش اولمازدوق
یوردوموزدا اموی لر بیزی قویسیدی اگر

قورخودان بعضی قیزون لرزه ائدوردی بدنی
یل اسنده نجه که بیر قوری یاپراق تیترر

گتوروبدور او زمان داده علی قیزلارینی
ناگهان کچدی قباقه بالاجا بیر دختر

بالاجا اللرینی چکدی آتین کاکلینه
دئدی ای پیک پیام آور و خونین منظر

خیمیه سنکه بوحالدا یتوروبسن اؤزوی
قتلگهده بئله معلومیدی وار آیری خبر

باباما وئردیله سو یاکه سوسوز جان وئردی؟
قوریان دیل دوداقی اولدی و یا اولمادی تَر

آیریلان وقته اُپوشدی منیله دوشدی یولا
واردی بیر خاطره سی ایندیده قلبیم گوینر

لبلریمدن بابامون لبلری چوخ ایستیدی
اونی آتش کیمی گوردوم اؤزومی ذرّه شرر

اؤ سوسوز ئولسه کول اولسون بو جهانون باشینا
او سوسوز ئولسه سرین سو نجه قیزلاری ایچر

اؤ سوسوز ئولسه نه لازمدی بیزه آب فرات
زندگینون بیزیچون فایده سی واردی مگر

#قتلگاه #ذوالجناح
#دل_آچوب_طوطی_طبعیم_دانیشور_دلبردن
#انور_اردبیلی
#صدای_عاشورا_انور
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

مشاهدات مرحوم حاج انور در مدینه ی منوّره

مرحوم انور اردبیلی

بخش 1️⃣

مسکینه کرم خانه ی حقدن صِله گلدی
عشقون گل آچوب مزرعه سی حاصله گلدی
زینب دیل آچان شهریده طبعیم دیله گلدی
اون گون علی اکبر دولانان شهریده قالدیم
عطّار کیمی عطر بنی هاشمی آلدیم


شهر نبوی مرکز تبلیغ رسالت
برنامه سی قرآن هدفی بسط عدالت
آفاقه سالوب شعشعه ی نور هدایت
گهواره ی اصحاب نبی مولد انصار
ارباب صفا گورسه بیلر که نه صفا وار


بیر یاندا نُمایان اُحُدون غملی نماسی
دامانینی مدفن ائدوب حقّون شهداسی
قرآنون اَوَل اولدی همان عدّه فداسی
مردان خدا مقصد حقّه چاتوب اوردا
شیر نبوی حضرت حمزه یاتوب اوردا


دندان نبی تاپدی همان یرده شهادت
دوقسان یاریا دوزدی علی شاه ولایت
زهرایه اوگون فکر ائله یوز وئردی نه حالت
ترک ائتدی ائوین معرکهٔ جنگه یول آچدی
دیلده آتا آدی اُحدون سمتینه قاچدی


کیفیّت تاریخ اُحد اولدی معیّن
واردور دئدیگیم شهریده بیر مجلس احسن
گلدسته لری سر بفلک طاقی مزیّن
معمارلر اوردا ائلیوب صنعتین ابراز
مرمردی ستونلاری تراشی ولی ممتاز


واردور نچه زیبا قاپوسی قدّی مطوّل
اما بیرینون رتبه سی معناده مجلّل
جبریل امین اوردان ائدوب مسجده گئت گل
نزدیک ترین دردی او در بیت رسوله
حجّاج سزاوار بیلور اِذنِ دخوله


مسجدده پیمبر ائوی معلوم و مسلّم
دقّتله باخان وقته اولور قبری مجسّم
اولموش او ائوه شیر خدانون ائوی مُنضم
بیر سمتیده کی منبر میر قُرشی دور
بیر یاندا اذان گاه بلال حبشی دور


چوخدور نبوی مسجدینون جاه و جلالی
اشیا ٕ گران قیمته دارا متعالی
سوزدن کچورم وار قلمون آیری خیالی
یوخ چاره سالوب تنگه منی غصّه کمندی
اوضاع بقیعدن یازورام بو نچه بندی


چوخدور قاپوسی غم توزی وار هر قاپوسیندا
حجّاج تاپور عالم دیگر قاپوسیندا
باخدوقجا چکور آه مکرّر قاپوسیندا
هرکیم او محیطه اوجالور پلّه لریندن
رخسارینه گوزیاشی آخور چشم تریندن


زهرا آدی دیلده هامی فکر هدفینده
جان نقدلری تحفه دی اخلاص کفینده
مدفونیدی زهرا او یرون باش طرفینده
دورد اوغلونا مونسدی مجاوردی مزاری
مخروبه قالوب قبرلرون دوره حصاری


زهرا یانینا اوّل آلوبدور حسن اوغلون
هم زین العبا سلسله بوینون کسن اوغلون
هم باقر و هم صادق صاحب سخن اوغلون
حجّاج همان قبرلری دوره ویرولّار
مأیوس باخوب اللری قوینوندا دورولّار


گوزیاشلاری گوزلرده او مأوادن اننده
بیر گوشه ده اوچ قبر گورلّر قییدنده
تحریک اولور حجّاج او اوچ قبری گورنده
هر قبریده بیر بانوی ارزنده ی اسلام
هر تک تکی گویا ائدور ئوز دردینی اعلام


باش سمتیده کی قبریده خاتون مکرّم
مشهور خانم عاتکه دور عمه ی خاتم
منضم اونا بیر قبر مقابلده مجسّم
کیمدور او مزار ایچره دئدوم غرقیدی خوابه
پیر خرده یتدی کانّه بو خطابه


من امّ بنینم صدف در کمالم
من امّ بنینم گهر کنز جلالم
من امّ بنینم هدف تیر ملالم
دورد اوغلوم ئولوب مین غم و مین درده دچارم
دقّت ائلیون قبریمه مخروبه مزارم


من امّ بنینم چالیشوب ...


ادامه دارد ⬇️⬇️


#زائر_کعبه
#حضرت_ام_البنین
#مسکینه_کرم_خانه_حقدن_صله_گلدی
#انور_اردبیلی
#قیام_زینب_انور
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

مشاهدات مرحوم حاج انور در مدینه ی منوّره



مرحوم انور اردبیلی

بخش2️⃣

من امّ بنینم چالیشوب مقصده یتدوم
دورت پنجه قوی تازه جوان تربیت ائتدوم
زهرایه اولوب خادمه زهرا یولی گئتدوم
پروانه اولوب شمع جمال حسنینه
خدمت ائلدوم زینب و کلثوم و حسینه


من امّ بنینم حرم شیر خدایم
من جاریه ی خانه ی امّ النّجبایم
اهل وطنیمدن ولی چوخ واردی گلایم
حسرت جمعه آخشامی چکور خسته روانیم
اولمور بیری اللهه گوره فاتحه خوانیم


افسرده دلم قلبیده سایسیز محنیم وار
داغ داشه مؤثردی او غصّیکه منیم وار
اولماز گلنیم ایلده بش اون گون گلنیم وار
زحمتله گلولّر بیلورم قبریمه هاردان
آند اولسون اباالفضله رضایم حاجیلاردان


زهرا او خانملار خانمی مام فداکار
اوغلانلارینون قبری هم ئوز قبری اولوب خوار
حجّاج گئدندن صورا گلمز بورا زوّار
ای کاش علی شیعه سی هر یاندا اولیدی
ای کاش بیزیم قبریمیز ایراندا اولیدی


من امّ بنینم چکیلوب قلبیمه داغلار
سؤندی ائویمون زینتی نورانی چراغلار
واضح دی بوسوزدشمنه دشمن چتین آغلار
اما منیم آخرده ایشیم بیر یره یتدی
مروان کیمی ظالم ده منه آغلادی گئتدی


بو شهریده اوّلده جلالیم چوخ اوجالدی
فرّ و حشمیم هر خانمی حیرته سالدی
اما صورادان امّ بنین بیر گونه قالدی
ئوز منزلیم اولدی ئوزومه گوشه ی محبس
قالدیم گوزی یولدا قاپومی آچمادی بیرکس


مهمانی اولان خانه اولوب خالی قوناقدان
حرمت منه ایلردی هر عورت که قاباقدان
گوردی گلورم کوچه ده تز چکدی اوزاقدان
بیلدیم که اوغولسوز آنانون قدری گئدیمیش
عباسه گوره هامی منه حرمت ائدیمیش


عباس نه عباس گوزل شهرتی واردی
زین اوسته مقام ایلیوب هروقت اوتوراردی
مردم یولی اوستونده تماشایه دوراردی
سویلردی هامی صانع ائدوب صنعتین ابراز
عالمده اباالفضل کیمی بیر اوغول اولماز


بیر عمر گوزل قامتینه آغلامیشام من
اخلاقینه خوش عادتینه آغلامیشام من
عبدیّتینه طاعتینه آغلامیشام من
تقدیسیده توحیدیده تکمیلیدی اوغلوم
دنیا بوئی شایسته ی تجلیلیدی اوغلوم


کیم یاد ائده عباسی منه منّتی واردی
مظلوم ائلیوبلر بالامی خجلتی واردی
مظلومه کمک ایلمگون قیمتی واردی
خشنود ائلیون امّ بنینی عملوزدن
السیز بالامی اوخشیون حق دوتسون الوزدن


یاد ایلیون عباسی علمدار گورنده
فریاده گلون شیری گرفتار گورنده
چوخ آه چکون قافله سالار گورنده
گورسوز یخیلوب سروین اولوب ریشه سی برباد
نوحه دیون عباسیمه اولسون ائووز آباد


هر کیمسه نی گورسوز اوخیور شوقیله قرآن
سجده اثری طاق جبینینده نمایان
محراب عبادتده اولور پیکری لرزان
قلبوز گوزی تز کرب و بلا دشتینه باخسون
عباسه سلام ایلیون اشگوز یوزه آخسون


گورسوز بیری مأیوس اولوبدور ئوز ئوزوندن
یعنی ال اوزوبدور گئجه سیندن گونوزوندن
گورسوز بیری قولسوزدی دگوب یاره گوزوندن
اوضاع نیستانی ائدون دلده مجسّم
ال گتدی گوزی گتدی بالام ساخلادی پرچم



#زائر_کعبه
#حضرت_ام_البنین
#انور_اردبیلی
#ترکی

🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

مشاهدات مرحوم حاج انور در مدینه ی منوّره

✍️ زبدة الاشعار ✍️

🆔: @nohe_torki

مرحوم انور اردبیلی

بخش2️⃣

من امّ بنینم چالیشوب مقصده یتدوم
دورت پنجه قوی تازه جوان تربیت ائتدوم
زهرایه اولوب خادمه زهرا یولی گئتدوم
پروانه اولوب شمع جمال حسنینه
خدمت ائلدوم زینب و کلثوم و حسینه


من امّ بنینم حرم شیر خدایم
من جاریه ی خانه ی امّ النّجبایم
اهل وطنیمدن ولی چوخ واردی گلایم
حسرت جمعه آخشامی چکور خسته روانیم
اولمور بیری اللهه گوره فاتحه خوانیم


افسرده دلم قلبیده سایسیز محنیم وار
داغ داشه مؤثردی او غصّیکه منیم وار
اولماز گلنیم ایلده بش اون گون گلنیم وار
زحمتله گلولّر بیلورم قبریمه هاردان
آند اولسون اباالفضله رضایم حاجیلاردان


زهرا او خانملار خانمی مام فداکار
اوغلانلارینون قبری هم ئوز قبری اولوب خوار
حجّاج گئدندن صورا گلمز بورا زوّار
ای کاش علی شیعه سی هر یاندا اولیدی
ای کاش بیزیم قبریمیز ایراندا اولیدی


من امّ بنینم چکیلوب قلبیمه داغلار
سؤندی ائویمون زینتی نورانی چراغلار
واضح دی بوسوزدشمنه دشمن چتین آغلار
اما منیم آخرده ایشیم بیر یره یتدی
مروان کیمی ظالم ده منه آغلادی گئتدی


بو شهریده اوّلده جلالیم چوخ اوجالدی
فرّ و حشمیم هر خانمی حیرته سالدی
اما صورادان امّ بنین بیر گونه قالدی
ئوز منزلیم اولدی ئوزومه گوشه ی محبس
قالدیم گوزی یولدا قاپومی آچمادی بیرکس


مهمانی اولان خانه اولوب خالی قوناقدان
حرمت منه ایلردی هر عورت که قاباقدان
گوردی گلورم کوچه ده تز چکدی اوزاقدان
بیلدیم که اوغولسوز آنانون قدری گئدیمیش
عباسه گوره هامی منه حرمت ائدیمیش


عباس نه عباس گوزل شهرتی واردی
زین اوسته مقام ایلیوب هروقت اوتوراردی
مردم یولی اوستونده تماشایه دوراردی
سویلردی هامی صانع ائدوب صنعتین ابراز
عالمده اباالفضل کیمی بیر اوغول اولماز


بیر عمر گوزل قامتینه آغلامیشام من
اخلاقینه خوش عادتینه آغلامیشام من
عبدیّتینه طاعتینه آغلامیشام من
تقدیسیده توحیدیده تکمیلیدی اوغلوم
دنیا بوئی شایسته ی تجلیلیدی اوغلوم


کیم یاد ائده عباسی منه منّتی واردی
مظلوم ائلیوبلر بالامی خجلتی واردی
مظلومه کمک ایلمگون قیمتی واردی
خشنود ائلیون امّ بنینی عملوزدن
السیز بالامی اوخشیون حق دوتسون الوزدن


یاد ایلیون عباسی علمدار گورنده
فریاده گلون شیری گرفتار گورنده
چوخ آه چکون قافله سالار گورنده
گورسوز یخیلوب سروین اولوب ریشه سی برباد
نوحه دیون عباسیمه اولسون ائووز آباد


هر کیمسه نی گورسوز اوخیور شوقیله قرآن
سجده اثری طاق جبینینده نمایان
محراب عبادتده اولور پیکری لرزان
قلبوز گوزی تز کرب و بلا دشتینه باخسون
عباسه سلام ایلیون اشگوز یوزه آخسون


گورسوز بیری مأیوس اولوبدور ئوز ئوزوندن
یعنی ال اوزوبدور گئجه سیندن گونوزوندن
گورسوز بیری قولسوزدی دگوب یاره گوزوندن
اوضاع نیستانی ائدون دلده مجسّم
ال گتدی گوزی گتدی بالام ساخلادی پرچم



#زائر_کعبه
#حضرت_ام_البنین
#انور_اردبیلی
#ترکی

✍️ #زبدةالاشعار ✍️

🆔: @nohe_torki

احوالات حضرت مسلم علیه السلام


مرحوم انور اردبیلی

بخش 1️⃣

چون نامه کوفه‌دن شه بطحایه یازدیلار
نور دو عین حضرت زهرایه یازدیلار

هر نامه‌ده امام حسینون حضورینه
بیر سلسله مطالب بی‌پایه یازدیلار

گل کوفه اهلینی ایله ارشاد رهبر اول
چک بو جماعتی ره معنایه یازدیلار

عصرون امامی سن بیزه واجبدی طاعتون
فوراً یتر اوامرون اجرایه یازدیلار

خوشدور هوای کوفه گلستاندی چوللری
هر یر دونوبدی باغ مصفّایه یازدیلار

خوش منظریله باش باش ویرمشله نخللر
خوش طرزیله سالوبلا یره سایه یازدیلار

سایسیز بو شهریده آتوون پیروانی وار
حسرت قالوبلا مَقدم والایه یازدیلار

اهل عراقه لطف ایله قالما حجازیده
گل صاحب اول بو خطۀ زیبایه یازدیلار


یاره خیانت ایلدی اغیار مسلکان
چشم زمان قیامته‌جک اولدی خونچکان


قیلدی حسین حضورینه احضار مسلمی
جریانیدن ایدوبدی خبردار مسلمی

لایق عم اوغلسون اوزینه نایب ایلدی
امر مهمّه بُلدی سزاوار مسلمی

برنامه یازدی کوفه‌ده نامه یازانلارا
تعریف ایدوب او قومه وفادار مسلمی

خیر و صلاحوزه سببین یولادوم سیزه
ناظر ایدون اموره فداکار مسلمی

بیعت اونا کیم ایتسه منه بیعت ایلیوب
حرمت قیلون مباد ایده‌سوز خوار مسلمی

توشیح ایدوبدی نامه‌نی ویردی سفرینه
برنامه‌سیندن ایلدی هشیار مسلمی

خلقه تواضع ایله عم‌اوغلی فروتن اول
اوندان دعا ایدوب شه ابرار مسلمی

گیت منزله بویوردی خداحافظ ایله گیت
سالدی یولا خلاصه دل افکار مسلمی


یول باشلیوبدی مرکب رهوار کوفیه
اجلالیه یتشدی او سردار کوفیه


مسلم جمالینی ایلکه رویت ایتدیلر
پیشواز ایدوبله مقدمینی حرمت ایتدیلر

اکرام و یا نوازش و یا دست بوسیده
بیربیرلرینه کوفه‌لیلر سبقت ایتدیلر

اطرافدن اوجالدی گوگه مرحبا سسی
شهره ورود ایدنده اونا خدمت ایتدیلر

خوش گلموسن آقا گوزموز اوسته وار یرون
مهمان اولا او حضرته چوخ منّت ایتدیلر

اشراف کوفه پیر و جوان اولدولار مرید
بیعت الین ویروبله اونا بیعت ایتدیلر

صفلر چکلدی پشت سرینده نمازیده
فیض نمازینه چاتالار سرعت ایتدیلر

هر مجلس و هر انجمن و بزم انسیده
سوز سالدیلار وفا سوزینی صحبت ایتدیلر

گوندردیلر سران بنی هاشمه درود
آل امیّیه دل آچوب لعنت ایتدیلر


دم ورودیلار مجاهدت و ترک جانیدن
نامردیلر چخانمدیلر امتحانیدن


تأمین ایدوبله ابن‌زیادین مرامینی
واجب بیلوبله اوزلرینه احترامینی

مطلق وجود مسلمی نادیده دوتدولار
هیچ کیمسه آلمادی او غریبون سلامینی

هیچ شهرون اهلی کوفه‌لی تک روزگاریده
خوار ایتمیوب او نوعیله نایب امامینی

گیتدی نمازه مسجده ...


ادامه دارد ⬇️⬇️


#مسلمیه
#چون_نامه_کوفه_‌دن_شه_بطحایه_یازدیلار
#انور_اردبیلی
#مردان_جاوید_انور
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت مسلم علیه السلام

مرحوم انور اردبیلی

بخش 2️⃣

گیتدی نمازه مسجده باشدا اوتوز نفر
ختمه یتورممشدی سجود و قیامین

بیربیر اوتوز نفرده ایدوب قصد انفراد
بر هم ایدوب پوزوبلا نمازون نظامینی

مسلم دونوب باخوب دالا بیر کیمسه گورمدی
ترک ایتدی اشگی گوزده عبادت مقامینی

حسرتله باخدی مرکبینه اولمادی سوار
آزاد ایدوبدی اوستونه آتدی لجامینی

یوخدور یریم دیدی سنی من هاردا ساخلارام
گیت بلکه روزون اولا بیر کیمسه ضامنی


محصور ایدوب بلا منی بیر یانه گیتمیوم
آواریم اوزوم سنی آواره ایتمیوم


یول باغلیوب پیاده اورک انقلابیله
پیچ و خم بلایه دوشوب پیچ و تابیله

شهرون غریبی، منزلی یوخ ، میزبانی یوخ
مقصد یوخیدی مقصده گیتسون شتابیله

حیران گزوردی کوچه‌لرون عرض و طولینی
همگامیدی شهادت او عالی جنابیله

بیر کوچیه دوشوب گذری چوخ طویلدی
طیّ ایلدی او کوچه‌نی رنج و عذابیله

بن ‌بستیدی یولی یوخیدی قالدی چاره‌سیز
دیواره تکیه قیلدی دیدی اضطرابیله

یارب یوخومدی مسکنیم آخر گیدوم هارا
طرد ایتدی کوفه اهلی من چون عتابیله

مأمورلر گزور اوتوروم کوچه‌ده نجه
صبح ایلیوم بو غملی شبی اشک نابیله

یوخدور بو شهر ایچره قوناق ساخلیان منی
نسبت مگر یوخومدی منیم بوترابیله


باغلاندی ایولرون قاپوسی ایش قالوب سنه
رحمت قاپونکه باغلی دگل چاره قیل منه


طوعه چخوبدی مسلمی ایتدی مشاهده
حیّ ودود شاهدی چاتدوردی شاهده

کیمسن دیدی قاپومدا دوروبسان نه علته
گتمورسن اوز مقاموه لیل سیاهده

فرمایش ایتدی گئت منه بیر کاسه سو گتور
سیراب ایله اَوَل منی بو ایستگاهده

طوعه سو گتدی مسلم ایچوب دوردی گتمدی
بیر آه چکدی قلبی یانوب سوز آهده

ایچدون سو ایندیکه دیدی بس گتموسن نیه؟
قویدی منی سنون عملون اشتباهده

قیلدی بیان هایانه گیدوم یوخدی منزلیم
گور منزلی اولان دایانار بین راهده؟

امکانون اولسا گور منه ویر بو گیجه پناه
الله سنی جزا گونی ساخلار پناهده

وار نسبتیم حسینه عقیل اوغلی مسلمم
بلمم نه گوردی کوفه‌لی من بیگناهده


طوعه ایشتدی مسلم آدین دلده اشتیاق
عرض ایلدی کنیزوه اول بو گیجه قوناق


مسلم صباح ایدوب گیجه‌نی سوز و سازیله
گرم اولدی رو به قبله‌ده راز و نیازیله

یاتماز بو رسمیدور گیجه شب زنده‌دارلر
تهذیب روح ایدر بلی روح نمازیله

گه سجده ایتدی ساحت معبودینه گهی
قرآن تلاوت ایلدی لحن حجازیله

لیل فراقه عزّتیله ووردی پشت پا
صبح وصالی درک ایلدی امتیازیله

ناگه سواره‌لر ایلیوب منزلین حصار
دوردی مقابل اولدی حقیقت مجازیله

شمشیرینه نجات ویروبدور غلافدن
گتدی بلا سراغنه آغوش بازیله

قرخ بش نفر یازولّا ...


ادامه دارد ⬇️⬇️


#مسلمیه
#انور_اردبیلی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

احوالات حضرت مسلم علیه السلام

مرحوم انور اردبیلی

بخش 3️⃣

قرخ بش نفر یازولّا بقوری ایدوب هلاک
زاغ و زغن رقیب دگل شاهبازیله

افسوس اولا کمکسیزیدی شهر کوفه‌ده
ناپاک‌لر حریفدی اول پاکبازیله


ظلمون دوشوبله باملر اوسته تلاشینه
بیعت ایدنلرون چوخی اود توکدی باشینه


روبه صفتلر آلدی او شیرون کنارینی
تنگ ایتدیلر او بیکسه غربت دیارینی

چوخ یاره دگدی فانی آخوب گتدی طاقتی
آرتوردی کوفیان ولی ظلم و فشارینی

شمشیری اندیروب یوزینه بیر نفر شقی
سالدی یره دیشیله لب درّ بارینی

قان داشلانوبدی آغزی دولوب لخته قانیله
الدن او یاره آلدی اونون اختیارینی

دیواره تکیه قیلیدی بیر آز بلکه دینجله
آرام اولوب ویره نفس مرگبارینی

نامردلر شماتت ایدوب طعنه وردیلار
مسلم ولیک ویرمدی الدن وقارینی

سعی ایتدیلر دوتولمادی حیلیله دوتدولار
چرخون گلون مذمّت ایدک کجمدارینی

شمشیرین الدن آلدیلا دستبند وردیلار
صیادلر کمنده سالوبدور شکارینی


ابن‌زیاد بزمینه قول باغلی گتدیلر
باش آچوق اسیری اورک داغلی گتدیلر


مملوّدی او بزم ستم ازدحامیدن
نخوت یاغوردی مجلسه قوم لئامیدن

ابن‌زیاده باخدی ولی ویرمدی سلام
عالِم اولان بصیر اولور علم کلامیدن

وارسته‌لر تملّقی بُلمز زمانه‌ده
آزاده‌لر محالیدی دونسون مرامیدن

باخدی او بزمه قانلو گوزی دوشدی کوزیه
گلدی دله سو ایستدی قوم ظلامیدن

بیر کاسه سو گتوردیلر اما ایچنمدی
قان کاسیه توکولدی لب لعل فامیدن

دنیا سوئی بویوردی داخی قسمتیم دگل
کسدی سو التفاتنی بو تشنه کامیدن

سعد اوغلونا وصیّتنی ایتدی بیر به بیر
جلاد اونی کناره چکوب بزم عامیدن

مجلسده کسمدی اوجا یرده کسوب باشین
آتدی یزه جنازه‌سینی پشت بامیدن


باشسیز بدنکه دوشدی اوجا بامیدن یولا
طوعه گلوب سراغینه زلفین یولا یولا


صیحه وروب سمایه اوجاتدی نواسینی
مهماننون اقامه ایدوبدور عزاسینی

آغلار گوزیله قیلدی نظاره قوناقنه
بیر پارچا قان گوروبدی بدنده لباسینی

سسلندی من خجالت اولان میزبانوم
گلدوم که طوعه‌نون گوره مردم وفاسینی

سن بیر گیجه ایویمده قوناق اولدون ای غریب
سالدی زمانه باشیمه خجلت قراسینی

صبحه کیمی نماز قیلوب ایلدون دعا
قویدون نشان ایویمده عبادت صفاسینی

جرمون نه‌ایدی کوفه‌لیلر کسدی باشوی
ناحقّه ساتدی سن کیمی حق آشناسینی

دست جنایت ایتدی منی تیره روزگار
پنهان اولام گورنده گرک آل یاسینی

گر قویسالار جنازوی کفن ایلرم سنون
دفن ایلیوب گتورم اله حق رضاسینی

قورخوم بودور قناریه ورسونلا نعشوی
حدّدن گچورتسون اهل جفالر جفاسینی

فرصت او قدر تاپمادی «انور» زمانه‌ده
یازدی بو سوزناک سوزی چایخانه‌ده



#مسلمیه
#انور_اردبیلی
#ترکی
🌴🍃🌴🍃🌴🍃🌴🍃🌴🍃🌴🍃
http://tttttt.me/naghmehaye_gham

‍ حاجیان جمعند دور هم به صحرای منا

#حاجیان
حاجی ما در بیابان در مسیر کربلاست

حاجیان کردند دل را خوش به ذبح گوسفند

حاجی ما ذبح طفلش پیش پیکان بلاست

حاجیان سر می‌تراشند از پی تقصیرشان

حاجی ما هم چهل منزل سرش برنیزه‌هاست

حاجیان دست دعاشان بر سما گردد بلند

حاجی ما از بدن دست علمدارش جداست

حاجیان را هست یک قربانی آن هم گوسفند

حاجی ما هم ذبیحش جمله تقدیم خداست

حاجیان را از هجوم زائرین بر تن فشار

حاجی ما سینه‌اش از سم اسبان توتیاست

خوش بود «میثم» همیشه سوگواری بر حسین

حاجی آن باشد که اشکش هست جاری برحسین
🌴🍃🌴🍃🌴🍃🌴🍃🌴🍃🌴🍃http://tttttt.me/naghmehaye_gham