#حضرت_ابوالفضل_ع



بخش_1

روز عاشورا یل ام البنین
محضر شاهه یئتیشدی دلغمین

آشنای حرمت و فرض ادب
طرز خاصیله ایدوب عرض ادب

باخ وزیر جنگیده بیر حرمته
اذن آلوب سوندان دل آچدی صحبته

خاضعانه عرض ایدوب ای شهریار
سینه می تنگه گتیردی روزگار

ایلدوقجا شامیان ظلمون علن
باغریمی قان ایلیوب سوز محن

ای لب عطشانیوه جانیم فدا
غیرتیم چکمور بو حالی گورماقا

آیری بیر حاله سالوب محنت منی
اولدورر آخرده بو غیرت منی

آغلوری احوالیمه الده علم
ای کرم دریاسی گل ایله کرم

لطف قیل وئر رخصت میدان منه
جانم اولسون سیدی قربان سنه

قالسا قید بندیده شیر نری
رسم عالمدور اولار روبه جری

بیر اشاره ایلسن کل سپاه
ایستیر سندن بو صحراده پناه

مین بئله لشگر اولا ای پاک باز
کیمسیه یوخدور بو صحراده نیاز

من همان شاگرد شیر داورم
درسیمه دعوا گونونده ازبرم

غم یئمه قانه باتوبدور لشگرین
شیر تک واردور هله بیر افسرین

شیریوه ویرسن اگر اذن جهاد
اوندا معلوم ایلیر بیداد و داد

اذن ویرسن لرزه سالام عالمه
اگلشر شام اهلی یکسر ماتمه

سیز که واقفسیز ازلدن ذاتیمه
مانع اولما ایندی بو میقاتیمه

♻

گوردی شه وئرسه وزیره اذن جنگ
عرصه میدان اولار کفاره تنگ

جان آلار جانلاردان اول حیدر خواص
عترتیندن شامیان ایلر قصاص

ایتدی فرمایش که ای شیر ژیان
یوخ رضای حق توکولسون چوخلی قان

ایندی کی سن اذن میدان ایستی سن
خدمت شایان جانان ایستی سن

یوخ سوزوم ای وارث شیرخدا
گئت گیدن یولاریوه جانیم فدا

گئت ولی لشگردن ایله سو طلب
چون که سنسن بو مقامه منتخب

خیمه لرده العطش آواسی وار
تشنه اطفاله اولوم سوداسی وار

لشگره بو وضع و حالی قیل بیان
اولسالار مانع اگر چه شامیان

اوندا سن شمشیری عریان ایله سن
دفع شر قوم شیطان ایله، سن

♻

حضرت عباس پورلافتا
یکه تاز عرصه دشت بلا

سالدی مشکی دوشینه با شور و شوق
باغلادی شمشیرینی سردار فوق

تا سوار اولدی او چولده مرکبه
دوشدی لشکره یکسره تاب و تبه

خیمه لردن آچدی بیر آز فاصله
فکر ایدوب بولمم نه گلدی حاصله

دوندروبدور مرکبین اول پاک باز
شاه عطشانه دوروب باخدی بیر آز

حرمتیندن ترک قیلدی مرکبین
گلدی اوپدی شاه مظلومین الین

خون دل قاتدی آخان گوز یاشینه
نطقه گلدی عرض ایدوب قارداشینه

سیدی قربان دل بیداریوه
تاپماسام توفیق اگر دیداریوه

اولسا تقصیریم حلال ائت برملا
الوداع ای شاه دشت کربلا


ادامه دارد🔽🔽🔽

#طهمورثی_ساده
#حضرت_ابوالفضل_ع

__

بخش_2

قویدی یوز میدانه اول شیر ژیان
قلب لشگرده غرض تاپدی مکان

شاهین امرین بیر گوزل رفتاریله
لشگره نقل ایتدی خوش گفتاریله

ائتمدی هیچ کیمسه اما اعتنا
خشمه گلدی پور شاه لافتا

سویلدی آگاه اولون ای شامیان
آچماساز نهرین یولون ناچار الان

من اوزوم بو امری اجرا ایلرم
شور محشر بوردا بر پا ایلرم

ایندی بو مطلب گرک اولسون علن
ویرمیشم سوقولینی اطفاله من

گئتمه سه اخیامه گر بیر مشک سو
ایلرم بو دشتی یکسر زیر و رو

لامحاله ایندی بو امر محال
لامحال اولسون گرک در عین حال

مشکلی من یوخسا آسان ایلرم
مانع اولساز قانه غلطان ایلرم

حین صحبتده او دریای کرم
گوردی تاثیر ایلمور سوز ، لاجرم

ویردی جولان مرکبین دور و بره
رعب و وحشت ساکن اولدی دللره

نعره چکدی لشگره بیر شیر تک
خیره اولدی شامیان نخجیر تک

عرصه نی کفاره ایتدی بی ثبات
گوردیلر تهدید ایدور هر دم ممات

آز قالور تکرار اولا جنگ جمل
جانلاری بیر بیر آلا پیک اجل

اتممیش شمشیرینی عریان هله
لشگره دوشموشدی یکسر ولوله

دوتدی سعد اوغلی ولیکن سرسری
غیضه گتدی جان به کف سرلشگری

سسلدی میداندا با صوت جلی
ایسترم سندن مدد من ، یا علی

لاجرم شمشیرین عریان ایلدی
مقصد و منظورین اعلان ایلدی

حمله ایتدی پوزدی بیر بیر صفلری
آیری حاله سالدی یکسر لشگری

قورخدان بیر عده اولدی بی قرار
عده ای فرصت تاپوپ ایتدی فرار

حمله سی بی مثل و عین رعد و برق
چوخلی باش سقا الیله اولدی فرق

کربلاده بیر اسفلی منظره
گورسدوب سقا سران لشگره

سویله دی ای جیره خواران سخیف
وار منه آیا بو لشگرده حریف

گلمیشم من پهلوان اولدورماقا
گلمدیم پیر و جوان اولدورماقا

♻
جنگ عباسه نه چون صفینیده
شاهدیدی ابن سعد ، اول حینیده

ماجرانی ماریده ویردی خبر
سویلدی مارید ایشیتمورسن مگر

پور حیدر گور نه غوغا ایلیوب
شور محشر بوردا بر پا ایلیوب

قالدی لشگردن نچه فرد ضعیف
مرکبین جولان ویرور ایستور حریف

عزمینی جمع ائتدی مارد جزمینه
گلدی عباس دلاور رزمینه

سویلدی مندن وصیت ای جوان
جنگ ایدنمز منله نچّه پهلوان

من بو چولده پهلوان نادرم
جانیوی آلسام الیندن قادرم

گل بو سودادن ایله صرف نظر
ائتمسن گر فکر خامیندن حذر

لاجرم قصد ایلرم من جانیوه
عرصه ده غلطان اولارسان قانیوه


ادامه دارد 🔽🔽🔽گلچین نغمه های غم( کاملترین و جامع ترین نوحه و مرثیه های ترکی)
گلچینی از نوحه ، مرثیه های ترکی تقدیم برای دلدادگان،شیفتگان،عاشقان و محبان حضرت ابا عبدالله (ع) وسقای دشت کربلا و یاران با وفایش-
خاک پایتان توتیای چشمانمان است.

ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

#طهمورثی_ساده
#حضرت_ابوالفضل_ع
__

بخش_3

بس که مارید ایتدی سقایه عناد
لاجرم نطقه گلوب اول پاک زاد

سویلدی ای پهلوان نامدار
سعی قیل چوخ وئرمه میداندا شعار

بی جهتدور اولموسان بئیله جسور
تاپمسان بیجا یره بو چولده شور

ایتمرم من دشمنه عجز و نیاز
ایسته سن ویرم ولیکن امتیاز

طالب اولسان امتیازه فی المثل
حمله ایله گورسدیم عکس العمل

صحبته چوخ طول وئرمه عرصه ده
بی سبب میداندا چکمه عربده

جنگیوی باشلا بو دمدن ای زبون
گر بولورسن جنگیدن فن و فنون

جرعتین وار بول غنیمت محلتی
قویما فوت اولسون بو عالی فرصتی

گوردی مارد اوز حریفین چوخ قدر
سهل سانسا فرصتی الدن گیدر

نیزه سین پرتاب ایدوب اول کین شعار
ائتدی سقا خط سیرینده مهار

ماردین چخدی الیندن نیزه سی
قالدی خالی مرکب اوسته پنجه سی

ویرمدی اصلا ثمر فن و فنون
مرکبیله اولدی با هم سرنگون

باخدی گوردی یوخ داخی راه فرار
شیره میداندا اولوب روبه شکار

سالدی دلدن ماردی اول با وفا
روحی اولدی عاقبت تندن جدا

باخدی تل اوسته او دریای کرم
گتدی سمت خیمیه نچه قدم

ایسته دی اولسون ادای احترام
شاهه وئردی بیر اشاره ئیله سلام

شه سلامین آلدی وئردی امتیاز
آچدی دل تحسینه ایتدی سرفراز

سسلدی ای شیر هیجا مرحبا
عشقیوه ایثاریوه جانیم فدا

اوخشیوبسان حیدر کراره سن
غالب اولدون لشگر خونخواره سن

ایندی معناده شه ملک ولا
شصتیوه احسن دئیور ای باوفا

بولسه بو ایثاریوی ام البنین
وار یقینیم سویلر اوغلوم آفرین

وار یری عالم سنه عشق ایلسه
عشقیوی بیر عمر سر مشق ایلسه

سن خدایه اولموسان امیدوار
ساخلیبدور اعتقادین پایدار

لشگر اسلامی ایتدون مفتخر
ثبت اولار تایخلرده بو ظفر


ادامه دارد 🔽🔽🔽🌴🍃🌴🍃🌴🍃🌴🍃⬇️⬇️گلچین نغمه های غم( کاملترین و جامع ترین نوحه و مرثیه های ترکی)
گلچینی از نوحه ، مرثیه های ترکی تقدیم برای دلدادگان،شیفتگان،عاشقان و محبان حضرت ابا عبدالله (ع) وسقای دشت کربلا و یاران با وفایش-
خاک پایتان توتیای چشمانمان است.

ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

#طهمورثی_ساده
#حضرت_ابوالفضل_ع
__

بخش_5

مرکب اوستن سالدی اطرافه نظر
گوردی وار میداندا ، آیری بیر خبر

تازه دن لشگر تاپوپ نظم و نظام
جنگه آماده اولوب قوم ظلام

صف چکوب شمشیر زن لر بی امان
آردیجا دوت مین نفر الده کمان

بیر نچه لشگر وریبدور ال اله
ختم اولا میداندا تا که مسئله

باغلیوبلار یولاری هر یانیدن
لاجرم یول سالدی نخلستانیدن

ابن سعد اول معدن کبر و غرور
لشگره ویرمیشدی دستور ضرور

گئتمیه اخیامه سو هیچ علته
تا چکه عصرین امامین بیعته

بو جهتدن اول لعین بد سیر
ویردی فرمان اولدی لشگر حمله ور

گئتمسین خرگاه شاهه بلکه سو
ائیلسین اهداف شومین جستجو

فاطمه اوغلون گور هانسی علته
ایستیور سعد اوغلی چکسون بیعته

بیر شهی که سو یرینه قان ایچه
اوز الیله اوغلونا خلعت بیچه

یوللیه میدانه اوز اوغلون اوزی
نیلییر بیر بیله شخصه سو سوزی

اوز خیالینده او شخص بد مرام
ایلیوردی گور نه نوعی فکر خام

الغرض سقای عطشان حسین
حضرت ام البنینه نور عین

راه و رسم عشقه ساقی بلد
سسلنوبدور یا علی سندن مدد

قبضه شمشیرینی آلدی اله
لشگره سالدی دوباره ولوله

کیمسه سقائیله چاتدی باش باشا
عمرونی بیر آنیده وئردی باشا

الده شمشیری اوزوردی باشلاری
قانلارون ایچره اوزوردی باشلاری

ایله جنگ ایلوردی پور مرتضی
تیتریردی سرزمین کربلا

مکر دشمن وئرمدی اصلا ثمر
چالدی لشگر عرصه ده طبل خطر

خوفیدن روبه صفت لر قاچدیلار
باغلانان یولاری ناچار آچدیلار

چکمدی بو وضع و حالی چوخ زمان
اوخ ورانلار عرصیه اولدی روان

ویردی دستور ابن سعد ناخلف
دوتدولار سقای عطشانی هدف

هر بیری بیر اوخ آتوب اول بی کسه
گویده اوخلار وئردی یکسر سس سسه

ایلدی تهدید تا مشکین خطر
قولارین سقا ایدوب فورا سپر


ادامه دارد🔽🔽🔽گلچین نغمه های غم( کاملترین و جامع ترین نوحه و مرثیه های ترکی)
گلچینی از نوحه ، مرثیه های ترکی تقدیم برای دلدادگان،شیفتگان،عاشقان و محبان حضرت ابا عبدالله (ع) وسقای دشت کربلا و یاران با وفایش-
خاک پایتان توتیای چشمانمان است.

ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

#طهمورثی_ساده
#حضرت_ابوالفضل_ع
__

بخش_4

سمع سقایه یتوب تا بو نوید
تازه جان تاپدی او سردار فرید

قویدی یوز نهر فراته بی درنگ
کامینه چکدی عدو جام شرنگ

خوفدن اول لشگر بیدادگر
پارچالاندی ، ایلدی سقا گذر

جلوه لندی دیده سینده تا فرات
خاطر یندن کچدی مخیمده بنات

فکر ایدردی خیمه ده بیکس رباب
ائیلیوب سو قولونون اوسته حساب

اصغرین جان تک آلوب آغوشینه
زمزمه ایلور بو نوعی گوشینه

اغلاما ای نو گل عطشان اوغول
صبرایله جانیم سنه قربان اوعول

سالما افلاکه بئله شور و نوا
عهدینه عباس عمون ایلر وفا

ایلمه من بی کسی چوخ خونجگر
گلسه گر سقا ، الینده سو گلر

وار یل ام البنینین غیرتی
غیرتیندن چون چکنمز خجلتی

یا سنه ائیلر فراهم ایندی سو
یا آلار قانیله بو چولده وضو

حضرت عباس دریای کرم
اصغرین فکرینده قالموشدی اودم

ساقی عطشان شاه مشرقین
گه دئیوردی جان علی گه یا حسین

گه دئیوردی ای گل خیرالنسا
هم سنه هم اصغره جانیم فدا

عاقبت یئتدی فراته دلغمین
ووردی نهر اوستونده دینون پرچمین

وارد اولدی نهره باچشم پرآب
سالدی یاده عترتی اول دلکباب

دولدوروبدور اوجونا بیر جرعه سو
ایلدی باخدوقجا بیله آرزو

گر یتورسم بو سودان اخیامه من
یوخ غمیم چاتدوم بو چولده کامه من

تشنه قزلار چخسالار پیشوازیمه
یانمارام بو چولده سوز و سازیمه

بو سودان گر ایچسه مخیمده بنات
اوندا بو جانیم تاپار تازه حیات

ایچسه سو گر عترت زهرا بو گون
ائتمیشم من عهدیمه ایفا بو گون

عشقه باخ سقا الینده واردی سو
ایچمیری ائیلور ولیکن آرزو

سپدی اوجوندان سویی آخر سویا
ایچمدی سقای دشت کربلا

عارضه جاری ایدوردی اشکینی
دیده گریان دولدوروردی مشکینی

دولدوروب مشکین چکوب آغوشینه
سالدی سقای لب عطشان دوشینه

بند مشکی ایلدی محکم مهار
شور و شوقیله اولوب مرکب سوار


ادامه دارد🔽🔽🔽گلچین نغمه های غم( کاملترین و جامع ترین نوحه و مرثیه های ترکی)
گلچینی از نوحه ، مرثیه های ترکی تقدیم برای دلدادگان،شیفتگان،عاشقان و محبان حضرت ابا عبدالله (ع) وسقای دشت کربلا و یاران با وفایش-
خاک پایتان توتیای چشمانمان است.

ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

🍂🍂چند بیتی از احوالات راه شام تقدیم به عاشقان زهرای سه ساله🍂🍂


باشه اکبرین قراسین سالمیشام بو چولده یارب
کاروان گیدوبدی یالقوز قالمیشام بو چولده یارب

دادیمه یتیش خدایا ای آدامسیزون پناهی
شاهزادییم داغیلدی شاهیمون ولی سپاهی
من یتیم بینوایم چاره قیل منه الهی
بو قدر بلایه اولماز من کیمون قیزون دوامی
یوخدی بیر نفر بو چولده گورسده صراط شامی

نچه گونده من آییردیم یار و دشمنی بوچولده
داده ای حق یگانه سسلورم سنی بو چولده
زجر اگر دالیمجا گلسه ئولدورر منی بو چولده
باشیمی آغارتدی یارب طفل وقتی غم فشاری
کاش بیلوب یولی گیدیدیم بیرده کربلایه ساری

ناقه اوسته زینب عمم نازیمی جانا آلاردی
بستریمیدی قوجاقی لایلایی منه چالاردی
هرگجه کی من یاتاردیم صبحه جک اویاق قالاردی
عممه دیینده هر سوز سوز باشیندا جان دیوبدی
جانیمی قوتار الیمدن دای بی بیمده اینجیوبدی

من حسینه روح و جانم افتخار بو ترابم
نجم عرش احتجابم جان نثار آفتابم
اکبرون گوزل نگاری نور دیده ی ربابم
نازیمی چکردی اکبر عزتیمه فخر ایدردیم
غم ندی مگر بیلردیم شوکتیمه فخر ایدردیم

من همان قیزام ملک لر گاهواره می ئوپردی
باخماقا بو دلفکاره عرشیدن یره گلردی
بس نیه بو حاله قالدیم کیم بو محنته دوزردی
باشیمه توکوب فلک کول ایللریم گیدوب الیمدن
بیر اوخیلا آلتی آیلیق اصغریم گیدوب الیمدن

وار ایاقیمون یاراسی قاچماقا یوخومدی طاقت
باری آیدا یوخدی گویده باغریمی یاروبدی ظلمت
راضیم ئولم بو چولده مرگیدن یوخومدی وحشت
اوچی قضا الینده پر شکسته بیر شکارم
آرزومدی وصل دلبر یوخ الیمده آیری چارم

گر چیخا بو چولده جانیم وار ئورکده درد مبهم
جسیمی اراده تاپسا راکبان قوم مظلم
جان ویرر ال اوسته گورسه نعشیمی وفالی عمم
کربلای پر بلادن مونسم اول غمگساره
راضی اولما یاره دگسون قلب زارینه دوباره

عترت رسولی ویرماز خالقه کیم اولسا بنده
جانیمه دوشور تزلزل تازیانه نی گورنده
اول قدر دگوبدی قمچی یوخدی صاف یریم بدنده
وار آنام کیمین یوزومده ضرب سیلی دن نشانه
چرخه باخ کی اوچ یاشیمدا قامتیم دونوب کمانه

توخدیا اولونجه ایکاش یاره لر بو پیکریمده
دیدیمه گلر گر ئولسم خاندان اطهریمده
گورسه تازیانه ردین طاقت اولماز اکبریمده
دائم اکبرین خدایا سینه سیدی خوابگاهیم
ایندی بو وسیع جهاندا یوخدی بیر پناهگاهیم

سلام بر شیفتگان،دلدادگان و عاشقان و دلباختگان حضرت ابا عبدالله الحسین(ع)

💢همان گونه که مستحضرید، مجموعه کانال«# گلچین نغمه های غم با هزاران متن نوحه و سبک از شعرای شهیر و فقید و اشعار نایاب از کتب نایاب ، با بیش از 30 ماه فعالیت می باشد و در طول سال فعالیت #مستمر دارد. به لطف خدا، درگیر فضای تبلیغ و تبادل نبوده و برای احترام به مخاطب و آرامش فضای کانال و عدم جهت گیری ، از تبلیغات خودداری کرده است. اداره، تداوم، تبلیغ و توسعه دائره اعضاء و مخاطبین کانال گلچین نغمه های غم» ، و راه اندازی این مجموعه در پیام رسانهای داخلی و ... به همت و حمایت معنوی تک تک شما دوستان بستگی دارد .


♦️ تشکر صمیمانه از شما 🙏
🌹🌹

آدرس #گلچین نغمه های غم در پیام رسانها
🔻 تلگرام
https://tttttt.me/naghmehaye/gham



🔻 سروش
https://sapp.ir/naghmehaye_gham

🔻 ایتا
https://eitaa.com/naghmehaye_gham

لطفاً ، عضو شوید.
ــــــــــــــــــــــــــــــ
ان شاءالله ، با عنایات اهل بیت علیهم السلام ،#بمرور ، متن ها و سبک ها را به پیام رسان های داخلی #منتقل می کنیم.

در خدمت شما دوستان با اخلاص بودن، باعث افتخار است .

لطفاً نرم افزارهای مربوطه را #نصب کرده و در مجموعۀ "گلچین نغمه های غم" #عضو شوید.
ـــــــــــــــــــ
اگر پیشنهاد ، نظر و یا انتقادی هم دارید لطفاً به آیدی زیر ارسال بفرمایید.

در تمامی پیام رسانها با آیدی زیر در خدمت شما عزیزان هستم

🆔Admin: @Ebadi_esmaeil


«به دور #اخلاص شما، باید #طواف کرد.»

✍️گلچین نغمه های غم✍️

🆔: @naghmehaye_gham

میلاد حضرت علی اکبر (ع)

آسال اردبیلی

عالم تاپوب سنلن صفا اکبریم
شادلیق ایدور ارض و سما اکبریم
عیدیانه شیعیانه ویر اوزون
زیارت کرب و بلا اکبریم



آیدان گوزلدی آی بالا مه یوزون
بالدان شیریندی لیلیه هر سوزون
بحرالغزلدی اکبر شهلا گوزون
ای اللری مشگل گشا اکبریم



آی عمرومون بو عالمده صفاسی
آتسون منی آرتار قلبیم یاراسی
گورن دیور یوزوندی آی پارسی
بدر دجا شمس ضحی اکبریم



جنت الاعلادی سنون اطاقون
جانیم آلار لحظه سنون فراقون
حور و ملکدی یکسره قوناقون
روح سخا نور خدا اکبریم



گورجک سنی حوری قالوب حیرتده
چاتماز سنه مین قهرمان غیرتده
سروه بنذرسن آی بالا قامتده
گوزی شهلا قدی رعنا اکبریم



سالار ملک مقدمووه شهپرین
قاشلارون یاد ایلر حیدر خنجرین
گورسه سنی یوسف کسر اللرین
ای منبع مهر و وفا اکبریم



ای گلشن پیغمبره ریحانه
باخسون اگر هر عاقله مستانه
بیر باخیشلان والله اولار دیوانه
سن سن بوتون درده دوا اکبریم


#میلادیه_اکبریه_
#آسال_اردبیلی_

میلاد حضرت علی اکبر (ع)



کربلایی رضا مه پری زنجانی


دوشدی گنه - دلبر آدی - دیللّره
جشن سرور - اولدی به پا - اکبره

خَلقاً و خُلقاً خود پیغمبردی
شاه شهیدان بالاسی اکبردی

حضرت لیلایه ویروب الله پای
گلدی رسول الله عاشقلر تای
روح و رواندی — جان جهاندی





اکبره باخ - اکبره باخ - اکبره
ماه ملک منظره باخ - اکبره

یاده گِچن گونلریمی سالدیم من
" منزویدن " بو سوزی قرض آلدیم من

سَسله سسون قوش او گوزل سروره
اکبره باخ - اکبره باخ - اکبره
اولموشام حیران — اکبره قربان





نور رخی - جلوه ویروب - عالمه
گوزلرون - آیدین اولا - یا فاطمه

عمّه سی زینب نه گوزل اوخشاردی
اکبری آغوشه باسوب ساخلاردی

سینه سی اوستونده اونی بسلردی
عمّه دینده علی جان سسلردی
سن منه جانسان — روح و روانسان





عمّه فدا - گوزلریوه - اکبر جان
دوزلی شیرین - سوزلریوه - اکبر جان

قارداشیمین قلبینه سن جان ویردون
جلوۀ پیغمبری احسان ویردون

حضرت لیلایه ویروب الله پای
گلدی رسول الله عاشقلر تای
روح و رواندی —جان جهاندی


#میلادیه_اکبریه
#ماه_پری_زنجانی_
#دوشدی_گنه_دلبر_آدی

میلاد حضرت علی اکبر (ع)


حاج رضا محمدی ولایی

#ترکی

گلدی گل باغ زهرا
طاقت و آرام لیلا
ال چالیر جنتده حورا
گلدی چونکه شبه طاها

خلقا خلقا یارانوب عین مصطفی
مقدمینه شیعلرین جانلاری فدا
باصفادی - مه لقادی
عشق شاهه کربلادی

مه جبین قاره گوز قاش هلالی
یوسفی ائتدی حیران جمالی
(یا علی جان یاعلی جان)٢


(مخالف)

رحمت حی ازلدی
هر گوزلدن بو گوزلدی
قامتی سروه مثلدی
لبلری همچون عسلدی

الله الله نجه گور گوزلدی
الحق الحق یوزی بی مثلدی
(یا علی جان یاعلی جان)٢


صولتی مولایه بنزر
طلعتی طاهایه بنزر
هرگورن سویلور باخشدان
جده سی زهرایه بنزر


الله الله نجه گور گوزلدی
الحق الحق یوزی بی مثلدی
(یا علی جان یاعلی جان)٢



#فارسی



برهمه گان نور عین است
این گل باغ حسین است
دل زنورش منجلی شد
نام پاک او علی شد

حور جنان شد همه محو جمال او
بر دلشان پر شده شوق وصال او

شبه طاها جان لیلا
طاقت و آرام زهرا

شهریار ملک منظر آمد
جان لیلا علی اکبر آمد
دلبرآمد اکبر آمد

(مخالف)

زینت عرش برین است
مه جمال و مه جبین است
حامی قران و دین است
مه ولی اندر زمین است

از همه مه جمالان سر آمد
جان لیلا علی اکبر آمد
(یا علی جان یا علی جان)


#سبک_مرغ_سحر

#میلادیه_اکبریه
#محمدی_ولایی
#گلدی_گل_باغ_زهرا

🌹میلاد علی اکبر (غزل) 🌹

آچ گوزون ناز ایلمه روحیمه ریحان اوغلوم
آلماقا نازووی قیمتدی فقط جان اوغلوم
یوسفین شهرتی گر مصری دوتوبدور اما
ایلیر بیر نگهون یوسفی حیران اوغلوم
گجه گورسه یوزووی ماه باتار خجلتدن
سیره چیخماز داخی اول بدر درخشان اوغلوم
گلمگون عالمه عرشه یتیروب عزتیمی
منه عزت یارادان اوغلوما قربان اوغلوم
بشیگوندور بو جهاندا گوزلیم پاتختون
بو جهان ایچره منم کاخووه دربان اوغلوم
قلبیمی غملر آلوب بیر نگهوندور چارم
بیر نگاهونله ایله دردیمه درمان اوغلوم
آغلاما باخماقا گوز یاشووه یوخ منده توان
گول یوزونده دوزولوب گوهر و مرجان اوغلوم
کیم گوروب صورتووی سسلدی احمددی گلن
سنده رخسار نبی اولدی نمایان اوغلوم
امپراطور جهان گورسه بو صورتده سنی
گوتورر فوری یقین تاجینی باشدان اوغلوم
بو تاجی قویماقا لایقدی دییر تک اکبر
نابه جادور من اولام عالمه سلطان اوغلوم
رخت شاهانی سویار جامه ی خدمت گیینر
سنه نوکر اولار اول حاکم دوران اوغلوم
کیم حسینوون اولا اولادی ولی حرمتی وار
اونا تعظیم ایلیر عالم امکان اوغلوم
گوره سن گوزلریم اوغلوم گوره جک طوی گونووی
طویووی گورسم اگر ایتمرم افغان اوغلوم
یثرب اهلین هاموسین جشنووه دعوت ایدرم
اولالار تاکی اوگون جشنوه مهمان اوغلوم
اوز الیملن یاخارام اللرووه طوی خناسی
سالاجاق بوینووا گول سرور خوبان اوغلوم
ای نویدا یمه غم یازدیغون اشعاره ویرر
روز محشرده سنه خلعت شایان اوغلوم(نویدآسال)

🌹میلاد علی اکبر (سرود)
اززبان حضرت لیلا 🌹


اکبریم مایه عزتدی منه
حضرت باریدن آیتدی منه
دییرم نور هدایتدی علی
لیلیه تاج شرافتدی علی
(روح غیرتدی علی –نور رحمتدی علی)
شیعه نین سینه سینه حکدی علی
یازیلوب عرش حقه تکدی علی
گل ریحان کیمی گویچکدی علی
زیب آغوش ولایتدی علی
اشبه ختم رسالتدی علی
(روح غیرتدی علی-نور رحمتدی علی)
یوز دوتاردیم بالامون صورتینه
هی باخاردیم او گوزل قامتینه
آچاریدیم دهنیم مدحتینه
دییریدیم منه شوکتدی علی
باعث منصب و شهرتدی علی
(روح غیرتدی علی –نور رحمتدی علی)
آچ او شهلا گوزووی یوخلا منی
کیپریگونلن بو گجه اوخلا منی
سایون آلتیندا اوغول ساخلا منی
کیپریگون پیک محبتدی علی
سنه اوخلانماق عنایتدی علی
(روح غیرتدی علی-نور رحمتدی)
سن اوغول گلشنیمون زیوری سن
جن و حور و ملکون ازبری سن
لیلینون باشدا گوزل افسری سن
لیلینون آدینه زینتدی علی
گل گلزار اماتدی علی
(روح غیرتدی علی –نور رحمتدی علی)
گلشن غیرته ریحان سان علی
رگلریمده دولانان قان سان علی
فارس و فاتح میدان سان علی
پیکر جود و شجاعتدی علی
دشمن کفر و جنایتدی علی
(روح غیرتدی علی –نور رحمتدی علی)
گاهوارون بالاجان ترپدرم
آغلاسون اشکیمی منده الرم
عاشقم گول یوزووه مفتخرم
عاشقه عشقی عبادتدی علی
گول یوزون کعبه ی حاجتدی علی
(روح غیرتدی علی –نور رحمتدی علی)
ع
(نوید آسال اردبیلی)

میلاد حضرت علی اکبر (ع)

حاج غلامرضا عینی فرد

ئوز قدرتینی ائتدی عیان خالق اکبر
ویردی بیر اوغول لیلیه پیغمبره بنزر


قلبیمده اونون نقش جمالون چکرم من
جیران گوزومه دگسه گوزوندن ئوپرم من
لیلا بالاسین آهو گوزونده گوررم من
جیرانلارون اکبر گوزونه گوزلری بنزر


کامل ایلدی صنعینی بو طفلیده صانع
آهو دیدیم اولمور ئورگیم بو سوزه قانع
من که ئوزونی گورممیشم حسنینه راجع
یوسف گنه چاه آختارا وار حقّی بو گونلر


حُسن حَسنی بوندا نمایاندی سراپا
صولتده شجاعتده اولوب حیدره همتا
نطقینده قیامنده قعودینده چو طاها
آئینه ده گویا ئوزونی گوردی پیمبر


یکسر ملکوت اهلی اولوب اکبره مبهوت
نوریندن ایشیقلاندی اونون عالم لاهوت
دیشلر دیه سن دُرّ و صدف، لبلری یاقوت
صف چکدی تماشاسینه هر یرده گوزللر


بطحاده نه غوغادی نه عالمدی یریز بوش
شهپرلرینی ائتدی ملک لر یره مفروش
لایلای دیوری لیلی اونا سنده سسون قؤش
پیغمبره بنذر بالا لای لای علی اکبر


عبّاس عموسی آچدی اوزون قوللاری ناگاه
آغوشه آلوب اکبری فرزند یدالله
بیر یرده گوزل دوشدی بوگون اولدوزلان ماه
غنچه دوداقین ئوپدی آلوب کام او دلاور


خلقت یاغیشی یاغدی آچوبدور گل تقوا
ویردی او گلی فاطمه نون اوغلونا لیلا
آغوشه چکوب اوغلون حسین عالمه مولا
سسلندی علی آدین، ایدوب سینیه زیور


گوردی اونون آینده سینی حجت یکتا
مژگانلاری قانه باتاجاق آغلادی مولا
به به نه گوزل تحفه دی سویلردی خدایا
حوریلر اولوب عاشقی جنّتده سراسر


"عینی فرد"قلمون سرعتینی ویرمه الوندن
بایرامدی مواظب اول اماندی بو دلوندن
یازما قلج، اوخ، نیزه، دگوب لیلی گلوندن
بایرام یاسا دونسه سنه آیا نه ویرللر


برج ادب و معرفتون ماهیدی اکبر
مُلک کَرم و جُود و سخا شاهیدی اکبر
هم ماهیدی هم شاهدی شهنشاهیدی اکبر
شاه کیمدی حسین اوغلودی شاهلار اونا نوکر


#میلادیه_اکبریه
#عینی_فرد_زنجانی
#ئوز_قدرتینی_ائتدی_عیان_خالق_اکبر

🌷🌷 میلاد منجی عالم بشریت حضرت ولیعصر (عج) خجسته باد🌷🌷

🍂🍂چند بیتی از احوالات راه شام تقدیم به عاشقان زهرای سه ساله🍂🍂


باشه اکبرین قراسین سالمیشام بو چولده یارب
کاروان گیدوبدی یالقوز قالمیشام بو چولده یارب

دادیمه یتیش خدایا ای آدامسیزون پناهی
شاهزادییم داغیلدی شاهیمون ولی سپاهی
من یتیم بینوایم چاره قیل منه الهی
بو قدر بلایه اولماز من کیمون قیزون دوامی
یوخدی بیر نفر بو چولده گورسده صراط شامی

نچه گونده من آییردیم یار و دشمنی بوچولده
داده ای حق یگانه سسلورم سنی بو چولده
زجر اگر دالیمجا گلسه ئولدورر منی بو چولده
باشیمی آغارتدی یارب طفل وقتی غم فشاری
کاش بیلوب یولی گیدیدیم بیرده کربلایه ساری

ناقه اوسته زینب عمم نازیمی جانا آلاردی
بستریمیدی قوجاقی لایلایی منه چالاردی
هرگجه کی من یاتاردیم صبحه جک اویاق قالاردی
عممه دیینده هر سوز سوز باشیندا جان دیوبدی
جانیمی قوتار الیمدن دای بی بیمده اینجیوبدی

من حسینه روح و جانم افتخار بو ترابم
نجم عرش احتجابم جان نثار آفتابم
اکبرون گوزل نگاری نور دیده ی ربابم
نازیمی چکردی اکبر عزتیمه فخر ایدردیم
غم ندی مگر بیلردیم شوکتیمه فخر ایدردیم

من همان قیزام ملک لر گاهواره می ئوپردی
باخماقا بو دلفکاره عرشیدن یره گلردی
بس نیه بو حاله قالدیم کیم بو محنته دوزردی
باشیمه توکوب فلک کول ایللریم گیدوب الیمدن
بیر اوخیلا آلتی آیلیق اصغریم گیدوب الیمدن

وار ایاقیمون یاراسی قاچماقا یوخومدی طاقت
باری آیدا یوخدی گویده باغریمی یاروبدی ظلمت
راضیم ئولم بو چولده مرگیدن یوخومدی وحشت
اوچی قضا الینده پر شکسته بیر شکارم
آرزومدی وصل دلبر یوخ الیمده آیری چارم

گر چیخا بو چولده جانیم وار ئورکده درد مبهم
جسیمی اراده تاپسا راکبان قوم مظلم
جان ویرر ال اوسته گورسه نعشیمی وفالی عمم
کربلای پر بلادن مونسم اول غمگساره
راضی اولما یاره دگسون قلب زارینه دوباره

عترت رسولی ویرماز خالقه کیم اولسا بنده
جانیمه دوشور تزلزل تازیانه نی گورنده
اول قدر دگوبدی قمچی یوخدی صاف یریم بدنده
وار آنام کیمین یوزومده ضرب سیلی دن نشانه
چرخه باخ کی اوچ یاشیمدا قامتیم دونوب کمانه

توخدیا اولونجه ایکاش یاره لر بو پیکریمده
دیدیمه گلر گر ئولسم خاندان اطهریمده
گورسه تازیانه ردین طاقت اولماز اکبریمده
دائم اکبرین خدایا سینه سیدی خوابگاهیم
ایندی بو وسیع جهاندا یوخدی بیر پناهگاهیم
🍃🌴🍃🌴🍃🌴🍃🌴🍃🌴@naghmehaye_gham

زبانحال حضرت رباب در شب عاشورا


یارب الیم اوسته چوبالور سودامر اوغلوم
آهو مَثَلی سوز عطشدن ملر اوغلوم


سسلر هامی امداده سنی غملی چاقیندا
هر بیر آنانین ئولسه بالاسی قاباقیندا
قبره کیمی زندانی اولار غم اطاقیندا
وار حقّی بو مخنتده اگر خونجگر اولسا
دیوانه اولار اوغلی اگر سودامر اولسا


یوخ یوخ منه گوسترمه الهی بو بلانی
چون بو غم آلار دلده اولان تاب و توانی
چوخ گورمه منه ای حق داور بو بالانی
عمروم غزلیندن گوزل آرایه نی آلما
بو تِزلیگه اصغر قره سین باشیمه سالما


عطشانلیقا یوخدور بالامون طاقتی الله
تیترور الیم اوسته بالاجا قامتی الله
سولموش سوسوزوندان گولومون صورتی الله
بی رحم دی گرچه بیلورم لشکر عدوان
سن باری ایله اصغریمون دردینه درمان



من راضیم الله آلاسان جانیمی الآن
امّا سودامر اوغلوم ایده عمر فراوان
غمدن یورولان جانیم اولا اصغره قربان
هانسی چمنون سولدی مگر غنچه سی یارب
ناله اوقدر ایلدی باتدی سسی یارب


گوز اوغلوم آچوبدی یاریم ایلدی بو جهانه
آز مدتی بو همدم اولوب آه و فغانه
غم غصه دگتیردی سارالان غنچه می جانه
اوغلوم یاری قیرخی دی کی اهل سفر اولدی
چوللرده ربابیله ایله دربه در اولدی


من هی دیورم اصغره ای کان محبت
صبحه کیمین آی نازلی نگاریم ایله طاقت
سو اولسا اگر عترت پیغمبره قسمت
شادی و صفا خلعتین اندامه بیچرسن
سو گلسه اگر خیمیه اوّل سن ایچرسن🍃🌴🍃🌴🍃🌴🍃🌴🍃@naghmehaye_gham

السلام علیک یا اباعبدالله الحسین (ع )


صوته گلدی طبل هیجا تیتره دی قلب جهان
سیریدن دوشدی کواکب راکد اولدی کهکشان
سیل پهناور کیمین فرشه گلور کروبیان
غیرت سرشارینه احسن دیور دشت و فلات
ال چالور داشلان اولاندا روبرو نهر فرات


هرز علف مثلی بیچور باشلاری شاه عالمین
هر باشا خنجر ویرور غبضیله میر قبلتین
باش بدندن آیریلور سسلور سنه احسن حسین
جسمیلر بی سر دوشور لر لاشه مثلی تپراقا
گوئیا حیدر گلوبدو ر بت لاری سیندیرماقا


قبض روح ایلور عدونی ختم پیغمبر کیمین
ذوالفقاری اوینادور گویده حسین حیدر کیمین
صفلرین نظمین پوزوروبدور حیدر صفدر کیمین
برگ پائیزان کیمین لشکر هراسیندن اسور
هر یریشده اون باشی شاه عشقینه قربان کسور


خوفیدن سرداریلر آتمیش یره خنجر قاچور
لشکری باشسیز قویوب صحرایه سرلشکر قاچور
چوخلاری بومطلبی ایلوب دیله ازبر قاچور
سسلنوللر بوحسین مین فارسی خوار ایلیر
هانسی قارداشی ئولن بو نوعی پیکار ایلیر


#نوید_آسال_اردبیلی
🌴🍃🌴🍃🌴🍃🌴🍃🌴@naghmehaye_gham

جان یا خانم رقیه (س )


گلدی أو گون شامی حرم ترک ایده
أهل حیا یثربه ساری گیده


بوردا گرک شیعه فغان ایلیه
گلدی أو لحظه مینه لر ناقیه


هامی قییتدی گینه ویرانیه
اوخشادی ویرانه عزا خانیه


دوره لدی خیرداجا قبری زنان
ایلدیلر هاموسی آه و فغان


زینبه چوخ گلدی بو محنت گران
سسلدی ای زینبی آغلار قویان


یاتما قیزیم آچ أو قرأ گوزلری
چوخدی أو قاره گوزووه مشتری


گرچه اولوب قان جگریم آچ گوزون
واردی سنه خوش خبریم آچ گوزون


آی بالا یوللار آچیلوب دور گیدک
دور بو جفا مملکتین ترک ایدک


شامیده حامی بیزه چوخدی اویان
قورخما بالا حرمله یوخدی اویان


رحم ایله بو خانه خرابه اویان
رحم ایله بیچاره ربابه اویان
🌴🍃🌴🍃🌴🍃🌴🍃🌴🍃🌴@naghmehaye_gham

چند بیتی از :

احوالات حضرت زینب در مجلس یزید


سسلدی زینب دوباره لال اول ای هرزه روان
ویردی جانین قارداشیم راضی نگارین ساخلادی
بسدی سالما بوندان آرتوق سن بلایه باشیمی
.

خاطر پیغمبره اینجیتمه دای قارداشیمی
اوحسینون غملری هفت آسمانی یاندیرور


تک یر اهلین یوخ غمی کروبیانی یاندیرور
.

گول کیمین ایلردی پیغمبر او باشین صاحبین
بی گمان گل پرپر اولسا باغبانی یاندیرور


ظلمیلن پرپر ایدوبلر حیدرون زیبا گولون
بو گولون قرمز گلابی گلستانی یاندیرور


واردی بیرمحنت دیوم آهسته قیزلار بیلمسین
چون بومحنت اوت کیمین روح وروانی یاندیرور


پرپر اولموش لاله نون اوسته اوگون آت چاپدیلار
نعل تازه . جسم عریان . کربلانی یاندیرور


مشعل کین اللرینده دولدی لشگر مخیمه
گوردوم اعدا خیمه ی عشق وصفانی یاندیرور


ناگهان گوردوم بیری کبروغرور محضیلن
مشعلیلن چادر زین العبانی یاندیرور


خیمه ی سوزانه گیردیم ناجی اولدوم نهضته
بو خبر گرچه قلوب اشقیانی یاندیرور


قوی دیوم بیر صحنه غارتدن کی قلبوزقان اولا
تا بیلون هانسی مصیبت مجتبانی یاندیرور


دوده ی آتش اوجالمیشدی سمایه فرشیدن
گوردی بیرصحنه گوزوم.کی جسم وجانی یاندیرور


نوعروسون سمتینه قاچدی رقیه سسلدی
گل باجی قوم دنی حجله سرانی یاندیرور
🍃🌴🍃🌴🍃🌴🍃🌴🍃🌴🍃@naghmehaye_gham

السلام علیک یا اباعبدالله الحسین (ع )


صوته گلدی طبل هیجا تیتره دی قلب جهان
سیریدن دوشدی کواکب راکد اولدی کهکشان
سیل پهناور کیمین فرشه گلور کروبیان
غیرت سرشارینه احسن دیور دشت و فلات
ال چالور داشلان اولاندا روبرو نهر فرات


هرز علف مثلی بیچور باشلاری شاه عالمین
هر باشا خنجر ویرور غبضیله میر قبلتین
باش بدندن آیریلور سسلور سنه احسن حسین
جسمیلر بی سر دوشور لر لاشه مثلی تپراقا
گوئیا حیدر گلوبدو ر بت لاری سیندیرماقا


قبض روح ایلور عدونی ختم پیغمبر کیمین
ذوالفقاری اوینادور گویده حسین حیدر کیمین
صفلرین نظمین پوزوروبدور حیدر صفدر کیمین
برگ پائیزان کیمین لشکر هراسیندن اسور
هر یریشده اون باشی شاه عشقینه قربان کسور


خوفیدن سرداریلر آتمیش یره خنجر قاچور
لشکری باشسیز قویوب صحرایه سرلشکر قاچور
چوخلاری بومطلبی ایلوب دیله ازبر قاچور
سسلنوللر بوحسین مین فارسی خوار ایلیر
هانسی قارداشی ئولن بو نوعی پیکار ایلیر
@naghmehaye_gham