علمتني السيدة هاجر

تخيلت ان زوج بيبلغ زوجته انهم هيغيروا مكان سكنهم
والزوجة تلم حاجاتها وتشيل ابنها الرضيع وتاخد معاها شوية تمر وماء لغاية ما توصل سكنها الجديد

اذ تفاجئ ان المسكن الجديد عبارة
عن صحراء لا فيها زرع ولا حيوان ولا إنسان ولا ماء

حسيت انا شخصيا بمشاعر الخوف والقلق
طيب ازاي؟
ليه؟
لغاية ماهتسمع جملة واحدة تبدّل المشاعر من خوف إلى أمن
من قلق إلى ثقة

اول ما سمعت انه أمر الله

خلاص الموضوع انتهى
مافيش جدال
مافيش ليه يارب
مافيش ازاي يارب
مافيش اشمعنا أنا،مش الزوجة الأولى

ثقة في قلبها خلتها تسلّم لقدر الله
ثقة جعلتها تقبل ماهو كائن وتتخلى عن ماكان يجب أن يكون

هذه الثقة اللي كانت نتيجتها انفجار بئر زمزم
لأن ما كان الله يضيع إيمان أحد

هذه الثقة التي ورثها سيدنا اسماعيل فقال:
يا ابت أفعل ما تؤمر

ثق في خطة ربنا وتدبيره
ثق ان قدر الله كله خير مهما أظلمت الدنيا

سلّم لله ولأقداره
حتى يبدلك بعد خوفك أمنا
وتنفجر أبواب الخير لك من غير حساب

اللهم ارزقنا يقين وثقة السيدة هاجر
حتى نعلم انه لن يصيبنا الا ما قد كتبته لنا

#النور_جواك
#التسليم #اليقين