ليه نقاطع وكيف ؟؟
تاني نداء لي اهل الحوبة والحارة في العاصمة والولايات وفي القرى والفرقان وفي الحلّال وفي أي بيت. نداء من نوع تاني لا فيه مشي لا هتافات صوت لا بمبان وأكيد ده ولا بهمكم شيّالين تقيلة شباب وشيّالين تقيلة شيوخ وسدّادات فرقة عمّات وخالات وامهات لو الحيل شدّاكم.
لكن ده محلكم زاااتو جيناكم فيه
مقاطعة وحصار الحرامية وشركات الحرامية والنظام والمال السحت ونقاطعهم عشان نقفل بلف مواردهم ال لا مشت لي تنمية لا لي خدمات لا لي مسكين لا مريض وخاصة أهلنا في الريف والولايات البعيدة. لو عيان ساي إلا تجي الخرطوم للعلاج لافي حكيم في المستشفى لا دواء في الشفخانة. لا كمان مشت لي محتاج لأنهم حرامية بتمشي ليهم هم وبتمشي لي أجهزتهم الحامية سرقاتهم وحامية ظلمهم واي جنيه يوصلهم مننا معناه جنيه ضد اولادكم وبناتكم وضد الشهداء أحباب الشعب وضد الثورة.
اها مش جيناكم في محلكم ؟؟
ده هو علمكم وتجربتكم الحسمت ثوراتكم بأقل تكلفة وأقل شهداء وأقل دم ؟؟
مش عملتوتها في أكتوبر وفي مارس ابريل ؟.
يلا اسي عاوزنكم تعملوها مع الأسوأ من ديلك كلهم.
جيبك عندك وايدك عندك ما تدخل ايدك في جيبك إلا تعرف قرشك ماش وين.
ده القرش الأبيض لثورة سلمية ضد الحرامية اها ضد الحرامية دي بقفل بلف قروشنا منهم.
قرش ماشي ليهم أو لي أي واحدة من شركاتهم يشموا قدحة.
طيب الحرامية منو وشركاتهم ياتها ونقاطع منو بعد ليه وكيف دي ح نجي نقعدها ليكم تب بي قائمة كاملة راصدين فيها أهم شركاتهم ف ارجونا في التفصيل نديكم النجيضة بي قائمة كاملة وكده ح ننشفهم لما ننشف خزينتهم وينشف ريقهم وبردلب يقعوا ونقوم نحن.
يلا دي محلاتكم والبيوت انتو اسيادها اعرفو قروشكم ماشة وين ولي منو.
والشعار جنيهنا يحرم عليهم وعلي شركاتهم
و كده ح تبرك رب
وتسقط تب
وننهض هوووب
#حنبنيهو
تاني نداء لي اهل الحوبة والحارة في العاصمة والولايات وفي القرى والفرقان وفي الحلّال وفي أي بيت. نداء من نوع تاني لا فيه مشي لا هتافات صوت لا بمبان وأكيد ده ولا بهمكم شيّالين تقيلة شباب وشيّالين تقيلة شيوخ وسدّادات فرقة عمّات وخالات وامهات لو الحيل شدّاكم.
لكن ده محلكم زاااتو جيناكم فيه
مقاطعة وحصار الحرامية وشركات الحرامية والنظام والمال السحت ونقاطعهم عشان نقفل بلف مواردهم ال لا مشت لي تنمية لا لي خدمات لا لي مسكين لا مريض وخاصة أهلنا في الريف والولايات البعيدة. لو عيان ساي إلا تجي الخرطوم للعلاج لافي حكيم في المستشفى لا دواء في الشفخانة. لا كمان مشت لي محتاج لأنهم حرامية بتمشي ليهم هم وبتمشي لي أجهزتهم الحامية سرقاتهم وحامية ظلمهم واي جنيه يوصلهم مننا معناه جنيه ضد اولادكم وبناتكم وضد الشهداء أحباب الشعب وضد الثورة.
اها مش جيناكم في محلكم ؟؟
ده هو علمكم وتجربتكم الحسمت ثوراتكم بأقل تكلفة وأقل شهداء وأقل دم ؟؟
مش عملتوتها في أكتوبر وفي مارس ابريل ؟.
يلا اسي عاوزنكم تعملوها مع الأسوأ من ديلك كلهم.
جيبك عندك وايدك عندك ما تدخل ايدك في جيبك إلا تعرف قرشك ماش وين.
ده القرش الأبيض لثورة سلمية ضد الحرامية اها ضد الحرامية دي بقفل بلف قروشنا منهم.
قرش ماشي ليهم أو لي أي واحدة من شركاتهم يشموا قدحة.
طيب الحرامية منو وشركاتهم ياتها ونقاطع منو بعد ليه وكيف دي ح نجي نقعدها ليكم تب بي قائمة كاملة راصدين فيها أهم شركاتهم ف ارجونا في التفصيل نديكم النجيضة بي قائمة كاملة وكده ح ننشفهم لما ننشف خزينتهم وينشف ريقهم وبردلب يقعوا ونقوم نحن.
يلا دي محلاتكم والبيوت انتو اسيادها اعرفو قروشكم ماشة وين ولي منو.
والشعار جنيهنا يحرم عليهم وعلي شركاتهم
و كده ح تبرك رب
وتسقط تب
وننهض هوووب
#حنبنيهو
غنجات غنجات
هاك الزيت والزيتون
يا ماشي تعال غاشي
جدول خط ستة:
الشغل استعدل والناس بقت بتغنج بحتت شغل ناس مفتحة وواقع ليها، بالله إعلان الموكب زاتو بالغمتي، هل من مزيد؟
- اها الجمعة ٢٩ مارس دي نشوف أي حي في أي مدينة البستلم الرصة والمنصة ويتوج نفسو ملك الغنجات، المكرفونات والأعلام تتصبن بدري، ٣ جوامع في الحي بتتجازف عادي، وقام بالضلام.
- السبت ٣٠ مارس كيف وكيف؟ حنبنيهو وأعلامنا فوق، نشوف وضعنا شنو والناقصنا شنو، ماا ينوم ااا ما ينوم.
- الأحد ٣١ مواكب تلخم والأمنجية يا فاطمة بغنو المواكب المركزية لابد من ترجع، ردم جد.
- الاتنين ١ أبريل خلي بالك أبريل كبس، متاريسك متاريسك.
- التلاتاء ٢ أبريل الطلبة الغلبة زط إلا خط، تحية لشاعر الشعب محجوب شريف.
- الأربع ٣ أبريل بكرة الموكب بكرة الموكب، والغنجات هنا وهناك سمحة، ده يوم مفتوح للغنجات.
- الخميس ٤ أبريل شتات وخالي محطات تيكة للقصر.
- الجمعة ٥ أبريل أملا التنك وعلمك فوق بوريك شغال صاح بكرة الموكب بكرة الموكب، سايق ١١ خ بتاع الدكان سايق الهايس كمساري الحافلة كلم أي زول بكرة الموكب بكرة الموكب.
- السبت ٦ أبريل اها ده اسمو الحل في البل.
قفل واحتفل
منتهي
#حنبنيهو
هاك الزيت والزيتون
يا ماشي تعال غاشي
جدول خط ستة:
الشغل استعدل والناس بقت بتغنج بحتت شغل ناس مفتحة وواقع ليها، بالله إعلان الموكب زاتو بالغمتي، هل من مزيد؟
- اها الجمعة ٢٩ مارس دي نشوف أي حي في أي مدينة البستلم الرصة والمنصة ويتوج نفسو ملك الغنجات، المكرفونات والأعلام تتصبن بدري، ٣ جوامع في الحي بتتجازف عادي، وقام بالضلام.
- السبت ٣٠ مارس كيف وكيف؟ حنبنيهو وأعلامنا فوق، نشوف وضعنا شنو والناقصنا شنو، ماا ينوم ااا ما ينوم.
- الأحد ٣١ مواكب تلخم والأمنجية يا فاطمة بغنو المواكب المركزية لابد من ترجع، ردم جد.
- الاتنين ١ أبريل خلي بالك أبريل كبس، متاريسك متاريسك.
- التلاتاء ٢ أبريل الطلبة الغلبة زط إلا خط، تحية لشاعر الشعب محجوب شريف.
- الأربع ٣ أبريل بكرة الموكب بكرة الموكب، والغنجات هنا وهناك سمحة، ده يوم مفتوح للغنجات.
- الخميس ٤ أبريل شتات وخالي محطات تيكة للقصر.
- الجمعة ٥ أبريل أملا التنك وعلمك فوق بوريك شغال صاح بكرة الموكب بكرة الموكب، سايق ١١ خ بتاع الدكان سايق الهايس كمساري الحافلة كلم أي زول بكرة الموكب بكرة الموكب.
- السبت ٦ أبريل اها ده اسمو الحل في البل.
قفل واحتفل
منتهي
#حنبنيهو
⭕️تجمع المهنيين السودانيين:
شباب التغيير
نحنا الجيل الراكب رأس
بدينا من الشوارع الجانبية، اشتغلنا مخاطبات في الشوارع، الجوامع، الاسواق، حتى الأجهزة القمعية كنا بنخاطبها وده جاب منهم جزء كبير في صفنا، اعتقلونا واتدقينا ومن المعتقل بنرجع الشارع، فقدنا اخوان في سبيل الوصول ربنا يتقبلهم ويصبرنا لحد نجيب حقهم. لحد وصلنا لاعتصاماتنا دي، وهي الأجبرت البشير يمشي وقادرة إنها تجبر أي زول يمشي، وقاعدين منتظرين.
الجداد الإلكتروني شغال وبقول ارجعو خلاص انتصرنا. للزول الصدق الكلام ده، دي أسئلة لو جاوبتها حتعرف وتقرر أنت ماشي الميدان ولا الجبنة.
شفت بعينك لحظة اعتقال زول من رموز النظام؟ شفت بيوت ودور الدفاع الشعبي فاضية وقدامها عربات الجيش؟ سمعت ساي انو شالو اسلحتهم ولا عرباتهم؟ جاك خبر انو النقابات، الاتحادات والمنظمات حقتهم استولى عليها الجيش؟ اتصادرت أموالها؟ خلاص شفت زول من الناس الأصدروا الأوامر بضرب الثوار بالذخيرة الحية معتقلين؟ تلفزيون السودان مديره مش كوز؟ اتغير؟ جاب كاميراتو وقعد وسطنا كتلفزيون قومي وصورنا ساي؟ طيب ده جزء من أسئلة كتيرة بتوريك إنو نحنا لسة بعيدين من الانتصار الكبير لكن ماشين صاح.
المطلوب مننا شنو أسى؟ مواصلة اعتصاماتنا ومراقبة مطالبنا، الدعوة لشباب الجامعات الخاصة الورونا إنو مافيش حد أحسن من حد، نتذكر شهداءنا ولا تعليم في وضع أليم، كل القوة قيادة جوه.
الناس بتسأل ليه نحنا ما في الميدان؟ جزء مننا ظاهر وبخاطب في المنصات، ونحنا في كل كورنة، اتفتشنا في كل البوابات، نمنا في الأرض، اكلنا وشربنا معاكم، لمن كل الأسئلة الفوق دي نضمنها حتشوفونا كلنا وتكتشفو إنو سلّمنا على بعض كتير، وحتتفاجؤا انو أختك أو أخوك واحد من المهنيين.
#حنبنيهو
#لم_تسقط_بعد
#اعتصام_القياده_العامه
شباب التغيير
نحنا الجيل الراكب رأس
بدينا من الشوارع الجانبية، اشتغلنا مخاطبات في الشوارع، الجوامع، الاسواق، حتى الأجهزة القمعية كنا بنخاطبها وده جاب منهم جزء كبير في صفنا، اعتقلونا واتدقينا ومن المعتقل بنرجع الشارع، فقدنا اخوان في سبيل الوصول ربنا يتقبلهم ويصبرنا لحد نجيب حقهم. لحد وصلنا لاعتصاماتنا دي، وهي الأجبرت البشير يمشي وقادرة إنها تجبر أي زول يمشي، وقاعدين منتظرين.
الجداد الإلكتروني شغال وبقول ارجعو خلاص انتصرنا. للزول الصدق الكلام ده، دي أسئلة لو جاوبتها حتعرف وتقرر أنت ماشي الميدان ولا الجبنة.
شفت بعينك لحظة اعتقال زول من رموز النظام؟ شفت بيوت ودور الدفاع الشعبي فاضية وقدامها عربات الجيش؟ سمعت ساي انو شالو اسلحتهم ولا عرباتهم؟ جاك خبر انو النقابات، الاتحادات والمنظمات حقتهم استولى عليها الجيش؟ اتصادرت أموالها؟ خلاص شفت زول من الناس الأصدروا الأوامر بضرب الثوار بالذخيرة الحية معتقلين؟ تلفزيون السودان مديره مش كوز؟ اتغير؟ جاب كاميراتو وقعد وسطنا كتلفزيون قومي وصورنا ساي؟ طيب ده جزء من أسئلة كتيرة بتوريك إنو نحنا لسة بعيدين من الانتصار الكبير لكن ماشين صاح.
المطلوب مننا شنو أسى؟ مواصلة اعتصاماتنا ومراقبة مطالبنا، الدعوة لشباب الجامعات الخاصة الورونا إنو مافيش حد أحسن من حد، نتذكر شهداءنا ولا تعليم في وضع أليم، كل القوة قيادة جوه.
الناس بتسأل ليه نحنا ما في الميدان؟ جزء مننا ظاهر وبخاطب في المنصات، ونحنا في كل كورنة، اتفتشنا في كل البوابات، نمنا في الأرض، اكلنا وشربنا معاكم، لمن كل الأسئلة الفوق دي نضمنها حتشوفونا كلنا وتكتشفو إنو سلّمنا على بعض كتير، وحتتفاجؤا انو أختك أو أخوك واحد من المهنيين.
#حنبنيهو
#لم_تسقط_بعد
#اعتصام_القياده_العامه
Forwarded from الإستعداد لرمضان 🌙
بكرة الموكب بكرة الموكب
شتات وخالي محطات
قطر، بص، طيارة انت بس تعال كشف، شغل خالي بلاغات، عفن وداير دفن، الاهم جيب ليك محل تقيف فيهو.
نحنا الجيل الراكب راس للنهاية، بحتت بقوف مجمجة ما في، كل ستة في حتة، تسليم مفتاح، مكملين.
الموضوع ده دايرنا كلنا نتعاون ونساعد لجان التأمين، نمط المساحة، نربط الساوندات مع بعض ونوحد الهتاف، وبكرة شنو؟ بكرة البل.
#حنبنيهو
#اعتصام_القيادة_العامة
#مليونيه_السلطه_المدنيه
شتات وخالي محطات
قطر، بص، طيارة انت بس تعال كشف، شغل خالي بلاغات، عفن وداير دفن، الاهم جيب ليك محل تقيف فيهو.
نحنا الجيل الراكب راس للنهاية، بحتت بقوف مجمجة ما في، كل ستة في حتة، تسليم مفتاح، مكملين.
الموضوع ده دايرنا كلنا نتعاون ونساعد لجان التأمين، نمط المساحة، نربط الساوندات مع بعض ونوحد الهتاف، وبكرة شنو؟ بكرة البل.
#حنبنيهو
#اعتصام_القيادة_العامة
#مليونيه_السلطه_المدنيه
السودان الوطن الواحد
الحاجة دي موجودة في القيادة وفي أي اعتصام في الأقاليم، نحنا ما غنيانين بمواردنا ولا طبيعتنا الساحرة بس، نحنا غنيانين بالسماحة، التكافل، الحب، التعاون وكل خصلة سمحة وحتى شينة فينا.
البحصل ده ما ثورة بس، ده ميلاد سودان كنا بنحلم بيهو، وأبطالنا القوميين على مر تاريخنا كان ده غايتهم وأملهم، نحنا حالياً عايشنو، متنفسنو، خوفي على البعيدين من الوطن، الأجبرتهم الإنقاذ والحالة الما دغرية على الهجرة، وفي الايام دي بالذات الغربة ميتة ممرحلة، مافي فيديو أو صورة بتوصل الجمال ده.
صقلنا تجاربنا من تاريخ الممالك النوبية وكوش وحتى اللحظة، وقعنا وقمنا، وقررنا نواصل، وتاني ما بنتغشى.
السودان زمان والسودان من هنا وقدام حاجة غير، ما بسبب حكومة أو حكومات، لكن بسبب وعينا، تجاربنا، حرصنا على مكتسباتنا، نحنا أسياد الثورة دي ونحنا حراسها.
#حنبنيهو
#مليونيه_السلطه_المدنيه
#اعتصام_القياده_العامه
https://www.facebook.com/857752900918065/posts/2682728631753807?sfns=mo
الحاجة دي موجودة في القيادة وفي أي اعتصام في الأقاليم، نحنا ما غنيانين بمواردنا ولا طبيعتنا الساحرة بس، نحنا غنيانين بالسماحة، التكافل، الحب، التعاون وكل خصلة سمحة وحتى شينة فينا.
البحصل ده ما ثورة بس، ده ميلاد سودان كنا بنحلم بيهو، وأبطالنا القوميين على مر تاريخنا كان ده غايتهم وأملهم، نحنا حالياً عايشنو، متنفسنو، خوفي على البعيدين من الوطن، الأجبرتهم الإنقاذ والحالة الما دغرية على الهجرة، وفي الايام دي بالذات الغربة ميتة ممرحلة، مافي فيديو أو صورة بتوصل الجمال ده.
صقلنا تجاربنا من تاريخ الممالك النوبية وكوش وحتى اللحظة، وقعنا وقمنا، وقررنا نواصل، وتاني ما بنتغشى.
السودان زمان والسودان من هنا وقدام حاجة غير، ما بسبب حكومة أو حكومات، لكن بسبب وعينا، تجاربنا، حرصنا على مكتسباتنا، نحنا أسياد الثورة دي ونحنا حراسها.
#حنبنيهو
#مليونيه_السلطه_المدنيه
#اعتصام_القياده_العامه
https://www.facebook.com/857752900918065/posts/2682728631753807?sfns=mo
الليله شنو المليونية يعني شنو الناس كمية
غلش من ابوهو عديل يا سمخاي دعوة للموكب في شكل موكب حركات التبش البمش زاتها، عرديب مركز
طاط خالي محطات وبدون مطاط، شوارعنا الما بتغبانا وما بنظلل عليها، اراك وتراني يا عمك
سلمية سلمية ضد الحرامية والقتلة وآكلي مال الشعب، كل الفارات ما ناسنهم من جواسيس الحلة لاكبر تلاجة موز في البلد، الهتاف ده ليهم ورط في الخط.
دولة قانون يا مفتحين يعني حقنا كامل وما بنجامل، في ناس بتقع زليق طين بس، بلاغات ألف. استلم بس
قفل البتاع ده
منهتي
#حنبنيهو
#الابيض_تنزف
#مليونيه_القصاص_العادل
غلش من ابوهو عديل يا سمخاي دعوة للموكب في شكل موكب حركات التبش البمش زاتها، عرديب مركز
طاط خالي محطات وبدون مطاط، شوارعنا الما بتغبانا وما بنظلل عليها، اراك وتراني يا عمك
سلمية سلمية ضد الحرامية والقتلة وآكلي مال الشعب، كل الفارات ما ناسنهم من جواسيس الحلة لاكبر تلاجة موز في البلد، الهتاف ده ليهم ورط في الخط.
دولة قانون يا مفتحين يعني حقنا كامل وما بنجامل، في ناس بتقع زليق طين بس، بلاغات ألف. استلم بس
قفل البتاع ده
منهتي
#حنبنيهو
#الابيض_تنزف
#مليونيه_القصاص_العادل