‍
🎵 #گۆرانی:
"ئەڵێم ئەم شارە جێ بێڵم سەفەر کەم"
هۆنراوەی:
مامۆستا #جەلال_مەلەکشا

🎻 بە دەنگی:
هونەرمەند #ژاڵە
ـــــــــــــــــــــــــــــــــــــ

ده‌ڵێم ئه‌م شاره‌جێ بێڵم سه‌فه‌ر که‌م
بڕۆم و خـۆم لـه دنیا ده‌ر بــه‌ده‌ر کـه‌م

بـه‌هــاواری دڵ و بــارانــــی ديــده‌م
له‌ده‌ردی خۆم هه‌موو عاله‌م خه‌به‌ر که‌م

له‌ده‌ستـی يـاری دڵڕه‌ق شـه‌رتـه‌ئـيتـر
بڕۆم تـه‌رکـی کچـی ئـومـولبـه‌شته‌ر که‌م

ره‌فيـقانـم گـه‌لـێ پـه‌يـمـان شـکێنـن
بڵا راکـه‌م لـه‌ديـتـنـيـان حــه‌زه‌ر کــه‌م

ئه‌گه‌ر بـۆم بێـته‌جـه‌ننـه‌ت ئـه‌م وڵاتـه
شه‌قی پـێداده‌ده‌م و عـه‌زمـی سه‌قه‌ر که‌م

هه‌ڵۆی شاخـم کـه‌وی ديلی قـه‌فـه‌ز نيم
بـڕۆم و رو لــه‌کـێـوان و کـــه‌مــه‌ر کــه‌م

گوڵـێ نـاپـشــکـوێ لــه‌م شـۆڕه‌کاتــه
له‌وه‌رزی وشک و قاقـڕ چـۆن سـه‌مـه‌ر کـه‌م

جـه‌فا تـه‌نگی وه‌هــا لـێ هـه‌ڵـچنيـوم
ده‌بێ هـه‌ر بـۆ وه‌فـا شيـن و چـه‌مـه‌ر کـه‌م

هه‌مـوو نـامـۆن و مـن تاک و غـه‌ريـبـم
نـه‌مـاوه‌ ئاشنــا بــۆ کـوێ نــه‌زه‌ر کــه‌م

شـه‌واره‌م بـێ نــه‌بـيـنـم رۆژی روونـاک
ئـه‌گـه‌ر بـه‌م شـاره‌دا ئـيـتــر گـوزه‌ر کــه‌م

وڵاتـی مـه‌رگـه ‌ئـێــره ‌گـۆڕی عـه‌شـقـه
بڕۆم چـاکـه‌و لـه‌خـۆم ده‌فعـی خـه‌تـه‌ر کـه‌م
ـــــــــــــــــــــــــــــــــــــــ


کاناڵی ژیان جوانە، گەر چاوەکان جوانی ببینن...

👇👇👇🌿🌱❤️
http://telegram.me/Mostafazadeh2

‍ 🌿💫

"پاییز"


وەرن سەیری دڵی من کەن چ پاییزێکی بێ بەرگە
غەریبستانە وا ئێرە، پڕی تاسەی هەزار ڕەنگە

بە دەم وادەی گەڵاڕێزان بکەن یادی غەریبی من
کە پاییزی غەریبان قوژبنێکی ساکت و مەنگە

وەها ئاسمانی من لێرە هەموو دەم لێڵ و ژاکاوە
بەهاریش گەر بە هەڵکەوت بێ، بە سرتە دێت و بێ دەنگە

لە مێژە ژین وەکوو زریانی بێ ڕەحمە لە باخی دڵ
خەزەڵوەر ئاخرێن مەودا بەرەو زستانێ پڕ نەنگە

دەبەم هانا هەمیسان وا بە ناچاری لە بۆ پاییز
کە نازانم چلۆن ساڕێژ دەبێ زامم، لە کوێ؟کەنگە؟

دەکەم هەر دەم بە دڵ یادی ژوانی چاوی بارانیت
وەکوو ئیلهامە تاسەی تۆ، غەزەڵ چارەی دڵی تەنگە

شێعر:
#ژاڵە_سەفی_یاری
دەنگ و دیکلەمە:
#عەلی_دەروێشی

کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://telegram.me/Mostafazadeh2

#خۆشم_دەوێی_ئەزیزم
بە دەنگی: #ژاڵە_سنەیی
ــــــــــــــــــــــــــــــــــــــ

گا دەگریێم گا دەسووتێم غەرقی ئاو و ئاورم
ئاخ لەبـەر بەخـتی سیا! نازانم ئەز بۆچ نامرم؟
ھەر کە دەتبینم دەڵێی تۆ شەم و منیشە پەروانەتم
تا سەراپا نەبمە کۆی زووخاڵ قەد ئارام ناگرم

خۆشم دەوێی ئەزیزم، ئەزیزم، لە دووری تۆیە زیزم

عەکسی زوڵف و ڕووتە مایەی جۆششی گریانی من
چی بکەم ئاخر چاو پڕاوی دوودی عوودی مەجمەرم
هەر ڕەگم تارێکە ناڵەی دێ لە شـەوقی ڕووی تۆ
عەندەلیبم، موتریبم ، خۆشخوانی گوڵی ڕامشوگەرم

خۆشم دەوێی ئەزیزم، ئەزیزم، لە دووری تۆیە زیزم

گەر بە ناز هەر دەمکوژی با تێر ببینم چـاوەکەت
لێم گەرێ جارێ بە کووچەی مـەیفرۆشان ڕابرم

خۆشم دەوێی ئەزیزم، ئەزیزم، لە دووری تۆیە زیزم

گەر دەگریم گاە دەسووتێم قەرقی ئاە و ئاگرم
ئاخ لەبەر بەختی سیا نازانم ئەز بۆچ نامرم
هەرکە دەتبینم دەڵێی تۆ شەمع و من پەروانەتم
تا سەراپا نەبمە کۆی زووخاو قەت ئارام ناگرم
خۆشم دەوێی عەزیزم، لە دووری تۆیە زیزم
خۆشم دەوێی عەزیزم، لە دووری تۆیە زیزم

عەکسی زۆلف و ڕووتە مایەی جۆششی گریانی من
چیبکەم ئاخر چاو پڕ ئاوێ دوودی عوودی مەجمەرم
هەر ڕەگم تاریکە ناڵەی دێ لە شەوقی ڕوویی تۆ
عەندەلیبم، مۆتربم خۆشخان گوڵی ڕا موشگەرێم
خۆشم دەوێی عەزیزم، لە دووری تۆیە زیزم
خۆشم دەوێی عەزیزم، لە دووری تۆیە زیزم

گەر بە ناز هەر دەمکوژی با تێر ببینم چاوەکەت
لێم گەڕێ جارێ بە کووچەی مەی فرۆشان ڕابەرم
خۆشم دەوێی عەزیزم، لە دووری تۆیە زیزم
خۆشم دەوێی عەزیزم، لە دووری تۆیە زیزم

#خۆشم_دەوێی_عەزیزم
#ژاڵە_سنەیی


کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
@Mostafazadeh2