"پوختەی ڕێنووس و ڕێزمانی زمانی کوردی"

#پێشگر و #پاشگر

🔹 پێشگر دەکەوێتە پێش یان سەرەتای (بنچ، بناغە) یان (ڕیشە، پنج) یان (بنکە، قەد)ـی وشەوە و لەگەڵیان دەبێ بە یەک وشە، بە جۆرێک کە واتایەکی نوێ بگەینێ. بۆ نموونە:👇
َ"هەڵ"+کەندن= هەڵکەندن
"ڕۆ"+ کردن=ڕۆکردن
"هەڵ"+گرتن=هەڵگرتن
"تێ"+گەیشتن=تێگەیشتن
"پێ"+خستن=پێخستن
"لێ"+هاتن=لێهاتن
"وەر"+گرتن=وەرگرتن
"وێ"+چوون=وێچوو
"بۆ"+چوون=بۆچوون
"لە"+بار=لەبار

#تێبینی
هەندێک پێشگری ئاڵۆزمان هەیە وەکوو:👇 پێدا، تێدا، پێڕا، تێوە، تێڕا، لێڕا، پێوە، پێک،تێک،ڕێک، وێک. (پێدابردن، تێداچوون، پێڕاگەیشتن، تێوەگلان،تێڕابردن، پێوەدان، پێکهێنان، تێکدان، ڕێکخستن،وێکچوون).

🔸ئێمه‌ له‌ كوردیدا هێمای تەشەدیدمان له‌سه‌ر پیت نییه‌ بەڵام بۆ نموونە ئەگەر پێشگری (ڕێک) لەگەڵ (کەوتن)ـدا بێت و بێژە بکرێت، بەدڵنیاییەوە تەشدید دروست ئەبێت. لە ڕوانگەی چامسکییەوە گیرەکی دووەمی کاتێک بلکێتە بنچ یان پایەی وشەکەوە، دوو دەنگی هاوشێوە و وێکچوون دەکەونەوە شوێنی یەک و لە بێژەکردندا بە شێوەی تەشدیدە(شەدە) دەردەکەوێت وەکوو:👇
ڕێک=پێشگر
کەوتن=پایە
ڕێککەوتن=وشە

🔸لە زمانی کوردیدا بۆ پێشگری (اندر) کە لە فارسی و ئینگلیزدا واتای (میان، پینا "inter") دەدات پێشگری(نێوان) دانراوە وەکوو:👇
(Inter+disciplinary) میان‌+رشته‌ای
بینا+رشتەای
نێوان+زانستی
(Inter+cultural)بینا+فرهنگ
نێوان+کەلتووری
(Inter+semiotic)بینا+نشانەای

🔸ئەگەر لە کوردیدا بڵێین( نێوان+نیشانەیی) ،تەشدید دروست دەبێت.

ــــــــــــــــــــــــــــــــ
#پاشگر

🔹 پاشگر دەخرێتە کۆتایی (بنچ، بناغە) یان (ڕیشە، پنج) یان (بنکە، قەد)ـی وشەوە و لەگەڵیان دەبێ بە یەک وشە، بە جۆرێک کە واتایەکی نوێ بگەینێ.
بۆ نموونە:👇

وت+"ار"=وتار
ڕوون+"اک"=ڕووناک
ژن+"انە"=ژنانە
نووس+"ـەر"=نووسەر
تێک+"دان"=تێکدان
پیاو+"ـەتی"=پیاوەتی
کەس+"ایەتی"=کەسایەتی
ناڵ+"ە"=ناڵە
ڕوو+"بار"=ڕووبار
ئازا+"یەتی"=ئازایەتی
ڕەنگ+"ین"=ڕەنگین
چڵک+"ن"=چڵکن
...

کۆتایی

پێشکەشکار: ئەسعەد زولفەقاری(دڵـ ـخوێن)

👇👇👇

کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://telegram.me/Mostafazadeh2