#ژیان_چییه؟

ژیان خەونێکی ئاڵوزە
خەیاڵێکە بەدی نایە
چیرۆکێکی تفت و تاڵی دووپاتەیە
ڕۆمانێکی پڕ ئازاری بێ ئاکامە
تراویلکەی دوورە دەستە
ژیان بڵقێکی سەر ئاوە
بیرەوەری نامۆییه!
ژانێکی بێ کۆتاییە!
نە بە دەست خۆتە هاتنت!
نە موختاری لە ڕۆیشتنت!

#دونیا_چییە؟

قەفەسێکه بە ئەندیشە و بیری مرۆڤ تەندراوه!
کاروانسەرا بۆ مانەوەی چەند ڕۆژەیە
مەزرایەکی دڕک و داڵه
بە حەسرەت داچێندراوە!
زانکۆیە بۆ تاقیکاری مرۆڤەکان
لە پەڕتووکێک
کە یەک دێڕت نەخوێندووە!
لە مامۆستات نەبیستووە!
زیندانێکی نێڵدراوی ئاگرینە!
تاریکه ڕێی پڕ برینە!
ڕێبوارێکی نابەڵەدی ئەم ڕێگایەیین
زانا و بیرمەند
شێت و عاقڵ
گێژو نەزان!
نەفەس نەفەس
هەنگاو دەنێین
بەرەو قەبران!

خۆزگەم بەوەی
شەڕافەتمەندانە دەژی
لە ڕێی ئینسانیەت دەمرێ!
نانی سەرشۆڕی لا پیسە و
دەستی لێقەوماوێک دەگرێ!

✍#ئەیووب_ئەحمەدی(تینوو)

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌👇👇👇
کاناڵی ژیان جوانە،گەر چاوەکان جوانی ببینن...

👇👇👇🌿🌱❤️
http://telegram.me/Mostafazadeh2