تعبان وهلكان من الشغل 😓
خلاص جيبتي أخرك وماصدقتي معاد النوم جه 🥱

خد هنا استنى بس ..
هقولك على حاجة مش هتاخد من وقتك خمس دقايق ..
بس هتفرق جدًا في ميزانك وفي طاقتك لبكرة ..

سنة من سنن النبي ﷺ أغلبنا نساها وغفل عنها ..
بس من النهاردة وعد هنطبقها👌

- قال النبي صلى الله عليه وسلم :
( إن سورة من القرآن ثلاثون آية شفعت لرجل حتى غفر له وهي سورة تبارك الذي بيده الملك)
وكان لاينام صلوات ربي وسلامه عليه حتى يقرأها

متخيل تقرأها تجيلك يوم القيامة تشفعلك ..

ومن سنن النوم كمان الجميلة ❤️
واللي تعينك على الشغل والمجهود تاني يوم وتيسره عليك وعليكي ..

السيدة فاطمة راحت تسأل النبي صلى الله عليه وسلم خادم يساعدها في أعمال البيت ..
النبي صلي الله عليه وسلم قالها :
( ألَا أُعَلِّمُكُما خَيْرًا ممَّا سَأَلْتُمَانِي؟ إذَا أخَذْتُما مَضَاجِعَكُما تُكَبِّرَا أرْبَعًا وثَلَاثِينَ، وتُسَبِّحَا ثَلَاثًا وثَلَاثِينَ، وتَحْمَدَا ثَلَاثًا وثَلَاثِينَ؛ فَهو خَيْرٌ لَكُما مِن خَادِمٍ.)
تكبري ٣٤
تسبحي٣٣
تحمدي٣٣
تقومي تاني يوم كلك نشاط 🤝👌

#سنن_مهجورة
#رسايل_في_حب_النبي ﷺ

خلاص ياست الكل شطبتي المطبخ وخلصتي اللي وراكي ✨✨
تعالي بقي أقولك على سنة عظيمة من سنن النبي ﷺ
تحفظ بيتك وأولادك ..
وتصرف عنكم شر ممكن يحيط بيكم

قَالَ رَسُولَ اللّهِ صلى الله عليه وسلم :
"غَطُّوا الإِنَاءَ، وَأَوْكُوا السِّقَاءَ، فَإنَّ فِي السَّنَةِ لَيْلَةً يَنْزِلُ فِيهَا وَبَاءٌ، لاَ يَمُرُّ بِإِنَاءٍ لَيْسَ عَلَيْهِ غِطَاءٌ، أَوْ سِقَاءٍ لَيْسَ عَلَيْهِ وِكَاءٌ، إِلاَّ نَزَلَ فِيهِ مِنْ ذلِكَ الْوَبَاءِ" رواه مسلم

ومعني الحديث إن عند الليل أي حاجة مكشوفة غطيها
سواء طعام أو شراب ..
النبي ﷺ بيخبرنا إن فيه ليلة في السنة بينزل وباء فلا يترك إناء مكشوف إلا ونزل فيه ..

عافانا الله وإياكم من كل داء 🤲

سبحان الله ما أعظم ديننا يرشدنا على أدق التفاصيل في حياتنا 🤍

#سنن_مهجورة
#رسايل_في_حب_النبي ﷺ