#قصائد_استشهاد_الامام_الكاظم_ع


موشح في رثاء الإمام موسى بن جعفر عليه السلام


وين عن هاي الجنازه رجالها ؟
عالجسر مطروحه محّد شالها
*

هالجنازه منين ولمن تنتمي
شو سمعنه الناس گالوا هاشمي
هاشم الناس ابّختهم تحتمي
ليش چا هاي الجنازه احوالها
*

ليش مچتوفه بسلاسل وبحديد
عالجسر صاحبها ظل مرمي وحيد
گالوا أهله بدارهم ظلوا بعيد
ما اجو ما طالبوا چتّالها
*

من سجن هارون طلعت للجسر
هالجنازه عليها آثار الغدر
بالحديد مگيّديها بكل شبر
عالجسر ما واحد اتدنّالها
*

عرفت الناس الخبر موسى الغريب
وعتلت منها البواچي والنحيب
گالهم مسموم ياناس الطبيب
سمعت الشيعه الثگيله افعالها
*

سمعت الشيعه واجت صوب الإمام
تصيح واويلاه يانسل الكرام
أخذت جنازته من ايد اللّآم
عقدت بموسى الولي آمالها
*

شيّعوا واليهم بموكب رهيب
منلجسر للمرقد بنوح ونحيب
مو مثل جده البقه بالطف سليب
وخته ظلّت من عكب كفّالها
***

حسين محّد شيّعه ظل عالثره
ضلوعه بخيول آل اميّه مكسّره
ظل على التربان ينزف منحره
وخته راحت للسبي بعيالها

سيد زيد الفحام
______________________

♻الُسّلُامُ عّلُئ الُامُامُ الُمُضٌلُؤٌمُ♻
♻الُسّلُامُ عّلُئ الُامُامُ الُمُسّمُؤٌمُ♻
♻الُسّلُامُ عّلُئ الُامُامُ الُمُعّذِبُ فُيّ قًعّرً الُسّجَؤٌنَ♻
♻الُسّلُامُ الُامُامُ الُذِيّ غًطِتّهّ مُطِامُيّرً الُسّجَؤٌنَ♻
♻الُسّلُامُ عّلُئ صّاحَبُ الُسّجَدًهّ الُطِؤٌيّلُهّ♻
♻الُسّلُامُ عّلُئ الُامُامُ مُؤٌسّئ بُنَ جَعّفُرً♻
♻الُسّلُامُ عّلُئ كاظُمُ الُغًيّظُ♻
♻الُسّلُامُ عّلُئ مُؤٌسّئ الُكاظُمُ♻
♻الُسّلُامُ عّلُئ اسّدً بُغًدًادً مُؤٌسّئ بُنَ جَعّفُرً♻
♻الُسّلُامُ عّلُئ سّجَيّنَ بُغًدًادً //عظم الله اجورنا واجوركم

قصيدة (( 18 باب ))
#جديد لشهادة الامام موسى ابن جعفر
.
… .. وزن المجرشه……
.
.

من باب واحد للسجن منه الگلب ذاب
موسى ابنَ جعفر عنده صار 18 باب
الهن كرامات .. بيهن علامات .. بالكاظميه

ـــــــــــــــــ ❁ ❁ ❁ ـــــــــــــــــ

متحير وفكـري انـذهل بالكاظم واسراره
سدو عليه باب السـجن رادو تضيع آثاره
الـباري خله ابمرقده بـيبانه لجل انصاره
اصبـح عـددها (( 18 )) وترحب ابزواره
.
بيبان هاي من السمه للمرقد اوتاد
باب الرجا والمغفره وي باب المّراد
بيهن شفه الروح .. للگلبه مجروح
بالكاظميه

ـــــــــــــــــ ❁ ❁ ❁ ـــــــــــــــــ

باب الزچيه الي اندفع هـشم ضلع مولاته
خله بگلب راهب علي شوغة هظم بآهاته
من تلفظ أنفاسه النعي يذكر جرح مأساته
فـاتحله باب الفـاطمه لجـله يهـل دمـعـاته
.
هالباب مغلق للاسف چن فتحه ممنوع
يمكن لأن مـره انفتـح اوهـشم اضلـوع
بس باقي تذكار .. للزهره والدار
بالكاظميه

ـــــــــــــــــ ❁ ❁ ❁ ـــــــــــــــــ

واقع مصـيبة كـربله نلگـاهه مـن انطـوفه
باب الحسـين اليدخله منه يشوف اطفوفه
ملح البطوله ابعتبته وابو الفضل واچفوفه
والي يركز يسـتمع صـوت الشـمر وسيوفه
.
اطفال تركض بالفلا ومراشگ اسهام
واليختنگ يعني شهگ دخان الخيام
والمرقد اينوح .. للدمه مسفوح
بالكاظميه

ـــــــــــــــــ ❁ ❁ ❁ ـــــــــــــــــ

جرح الخـرابه ينفتح ياويلي من احزانه
باب الرقيه بي فتت اسمع نعي حيطانه
قصة يتيمه وي طشت ترويها كل بيبانه
ماتت سـبية كـربله امـسلبـه وعطـشـانه

ماتت رقيه وكل جسدها امترس اجروح
ماتت على راس الابـو مدمـعـها مسـفوح
ون اليتيمات .. نوح الحمامات
بالكاظميه

ـــــــــــــــــ ❁ ❁ ❁ ـــــــــــــــــ

للرحـمه بابه منفـتح واهـل السـمه ايحـيـطـونه
باب العلي وباب الحسن والصافي وسط اعيونه
نزلت اله امـلاك السـمه بالمــرقـد ايخـدمـونه
كلـها تـنـادي يـاهـلا بالگـصـدوا ايــزورونـه
.
باب الحكيـمه ونرجس وللعسـكريـين
وباب الرضا ناده هله بخدام الحسين
درب المطيعات .. والزينبيات
بالكاظميه

ـــــــــــــــــ ❁ ❁ ❁ ـــــــــــــــــ

بحر النوايب لو غـضب وتلاطمن امواجه
ولي تنـطره ما وفـه وشـح الـذي تحتاجه
اگصد ابو طلبه بهـظم وي دمـعتـه اتناجه
مايعتذر منك ابد يم بابه تگضي الحاجه
.
فرهـادي وي القبله ظلن انه عـنوان
والسيد محمد بعد والصاحب الزمان
18 باب .. هلن بالاحباب
بالكاظميه

ـــــــــــــــــ ❁ ❁ ❁ ـــــــــــــــــ

برهان حُسـن العـاقبه واضـح يظـل مقـياسه
موسى ابن جعفر بالسجن ومراقب ابحراسه
بالتـقـوى يبّـني الآخـره رص للگـبر أسـاسـه
والسـندي چـان ابغربته يحسب عليهّ أنفاسه

خالد يظـل گبر الوفـي بعـين النجـم لاح
بابه ارتفع رغم العدى وباب القصر طاح
والصبره آيات .. ترفعها رايات..
بالكاظميه
.
.
.
تمت بفضل ربي وعطاء اهل البيت
لا تنسوني ووالدي من فضل دعائكم المبارك
.

حسن الموالي الفاطمي
.

تأكدت من عدد ابواب مرقد الإمام
موسى بن جعفر عليه السلام وأسمائهامن خلال قسم العلاقات العامه في العتبه الكاظميه المقدسة..

شاهد الفطره الحسينيه
واستمع الى الصوت الحسيني الشجي
نعي للامام موسى ابن جعفر ع
بصوت الخطيب الحسيني
السيد ناعي الزهراء
والرادود الحسيني
ملا مصطفى الكربلائي
والله ولي التوفيق
https://youtu.be/SAqtqxNzjMw

هوسات الى الامام الحسين ع
***********
ترفه حسين روحه وخفت لا حسده
وبحيث الورد كام ايغار من عنده
بميلاده الكواكب والسمه امعيده
ونجوم اليل تغنيله
**************
كشخ جبريل غاد وبدل اثيابه
واحله اكماط لحسين السبط جابه
وطش روحه ورد من وصل يم بابه
وفرحان اهواي بميلاده
*************
كلتلهم احبه ولا تلوموني
ابطن امي وصيح حسين مجنوني
اهلي اعله العشك تدرون فطموني
ولو هذا الحب لو ماريده
*************
كلبي حسين هوه وهوه سباحه
ولو مو حسين فطرس ما شفه جناحه
اشكد عالي النجم بس السبط لاحه
وحسين الدنيه امحليها
********
تمت
تحسين الخفاجي

نـورت ... دنيانـــه ... دنيانه .. دنيانه
مهدي ... يامولانه ... مولانه .. مولانه
....................................................
يصاحب هالزمانــــي نزف اجمل تهاني
شموع الفرحه هاليوم علگنــه بالصواني
عله الموعد لفينــــــه ابميلادك اجينـــه
ولينــه اليلـــــه مولود أهلا ياولينـــــــــه
شيعتك ..... فرحانه .... فرحانه ... فرحانه
مهدي ..... يامولانه .... مولانه .... ملانــه
...............................................
جروحــي لاتنزفـــــن هاي الليلـــه افرحن
ﮔلبي عوف الهمــــوم صــيح اهلا وسهلا
ياﮔلبـــــي علامــــــك مـــــيلاده إمــــامك
للعسكري ونرجـــــس بلله ابــعث سلامك
هالبدر .... ضوّانه ..... ضوّانه ..... ضوّانه
مهدي .....يامولانه ..... مولانه ..... مولانه
................................................
أحباب الزجيـــــــــــه تلگاهـــــه المسيـــه
منهه اتروح الارواح لرض الغاضريـــــه
المحب فرحان تلگـاه وبميلاد مــــــــوّلاه
صاح ابگبر عبـــاس حسينــــــا واحسينا
وبعلي ..... دعوانه ..... دعوانه .... دعوانه
مهدي ..... يامولانه ..... مولانه .... مولانه
.................................................
موعود الجلالـــــــــه سبحانــــه وتعالـــه
يومه ابنصف شعبان كل شيعي حلالــــه
ﮔلبي هذا يومـــــــــه يكشف عن همومه
أمل معقود بثنــــــين مــــــيلاده وقدومه
هالأمل ...... رجوانه .... رجوانه .. رجوانه
مهدي ....... يامولانه .... مولانـه .. مولانـه

سيد علي الموسوي

أبوذيات لمناسبة ولادة الإمام المهدي المنتظر عجل الله تعالى فرجه الشريف
🌻🌻🌻🌻🌻🌻🌻🌻🌻
أسلم عالنبي بذكرك / وصلي
يمهدي ولا خبر منك / وصلّي
هم يوم ويجي وأوكف/وأصلي
صلاة العشگ ياروح الزچيه...
💐💐💐💐💐💐💐💐💐
يمهدي بالعشگ ذايب/تره آنه
وعلى أوتار المحب گلبي/ترنه
يمن ما ننظرك وأنته / ترانه
شوكت نتلاگه وأهديلك هديه...
💐💐💐💐💐💐💐💐💐
زال الحزن من گلبي/وآلامه
ورد والياس أجمعله / ولمه
تهاني أبعث لبو المهدي/ولمه
ولجده المصطفى وحامي الحميه...
💐💐💐💐💐💐💐💐💐
من عالم الذر عشگك /والآ زال
ويظل گلبي ألك مخلص/ولا يزل
أنه أمتانيك عالموعد /ولا زال
أظل منتظرك الحد المنيه...
💐💐💐💐💐💐💐💐💐
ليل أنهار أصيح أسمه/وأنده به
بصلاة الليل أذكرنه / وأندبه
ودعاء الفرج أقراله / وندبه
وأزوره بكل صباح وكل مسيه...
💐💐💐💐💐💐💐💐💐
شكثر للمهدي ناديته/وصحتله
ألنه مغيمه الدنيا / وصّحت له
مايظهر بعد گالوا/وصحت لا
مايخلف وعد حاشه عليه...
💐💐💐💐💐💐💐💐💐
چم عاذل يضد بينه / ولا يم
وگالوا لا شهر يطلع/ ولا يوم
وگلت لابد إله ساعه/وأله يوم
يجي ويفكس عيون الناصبيه...
💐💐💐💐💐💐💐💐💐
يمهدي الدنيا بالظلمات/ماجت
ورسالة من جنابك ألنه/ماجت
أجت كل الجمع جمعتك/ماجت
تأخرت جمعتك يابو الحميه...
🌻🌻🌻🌻🌻🌻🌻🌻🌻
الشاعر(أسعد قاسم الگريعاوي)

﷽

◎قال أبو عبد الله(عليه السلام):
• °ان المؤمن ليدعو فيؤخر الله حاجته التي سأل إلى يوم الجمعة ليخصه بفضل يوم الجمعة° •

◎المحاسن،ج١،ص٥٨.

#جمعة_مباركة

#قصائد_استشهاد_الامام_علي_ع





حياتي ابهل مجالس ياعلي
*--*****
آني لو ما هل مجــالس ماعشت ايامي
اركض ابلهفه العزائك ولخدمتك ظامي
اوياك حسيت ابسعاده وحققت احلامي
ابقه للمـــــوت ابطريقك ماتزل أقدامي

عشگتك آني مــن ذو الأزلي
حياتي ابهل مجالس ياعلي
*-*****

بشرف هل خدمه العظيمه ياعلي اتباهينه
المايخـــدمك ما يفوز وخســر كل اسنينه
احنــه من اجلك يحيــدر بالنفس ضحينه
وبل مجالس لا فتــى الا علي ناديـــــــنه

هتفنه ما نعوفـــــك يا ولي
حياتي ابهل مجالس ياعلي
*-*****

مؤمن الحبك يحيدر واليبغضك كافر
الجنه والنار بئديك وانته قسـم باچر
سيدي يفوز اليحبك وليضدك خاسـر
يا نجات المؤمنين ويا مذل الفاجـــر

نجـاتي ابحبك وبيك اعتلي
حياتي ابهل مجالس ياعلي
*-*****

منبرك علمني اصنــع ثوره ضد الظالم
وغير چفك لايحيدر چفي ابد ميسالم
عشت سلطان بولائك وبمحبتك هايم
اني صح خادم ولاكن هسه عندك عالم

ولائي بالحــــشر يشهد ألي
حياتي ابهل مجالس ياعلي
*-*****

يا علي لو ما وجودك دنيـــــتي معدومه
ونهار ايصير ظلمه وليلي تطفه انجومه
انتـه رحمه الله بعثهه بيــهه ينفع قومه
أليشك هامه ابخدمتك والله ابد مالومه

ابمحبتك كل كلب ظل مبتلي
حيــــاتي ابهل مجالس ياعلي
*-*****

الخادم
✍كامل السعيدي

#قصائد_استشهاد_الامام_علي_ع



🚩وداعيه🚩
................
 لذكرى أستشهاد أمير المؤمنين الأمام علي عليه السلام
................
الوداع الوداع ياأمير المؤمنين
الوداع الوداع ياأمام المتقين
................
ياأبو الحسنين حيدر ياولينه ياعلي
جادر أمصابك نصبنه والمدامع تنصلي
نلطم الليله صدرنه والحزن ماينجلي
ياولي الله أووصيه ياعشكنه الأزلي
ياملاذ الحائرين ... ياعرين الصابرين
................
ياأبو الكل اليتامه يتمانه أمصابك
هاي سجادة صلاتك باقيه أبمحرابك
ليلة الوحشه ثكيله لايطول أغيابك
ياأبو الشدات شده والفرج بعتابك
يامنار القاصدين ... ياصفاء العاشقين
................
المرادي أنشلت أيده أولاطبرلك هامك
ماخلص رمضان بعده العافيه أبهندامك
سفرة أيتامك تريدك تحتضن أيتامك
علي عاين عاليتامه حنت ألئيامك
يانواة الفاقدين ... يامضيف السائلين
................
الفجر حانت صلاته ماتصلي أبناسك
ياعلي لمن تأذن زاكيات أنفاسك
أوياعلي أبنية صلاتك مامثيله أحساسك جامع الكوفه يريدك والوفه نوماسك
ياحزن مايستكين ... يامعين المنهكين
................
أبابك الليله يتامه بالدمع ينعونك
سالم أوغانم يحيدر ودهم أيشوفونك
علي ياليث الحريبه أعداك ميهمونك
زودك أبكل المعارك ماخذل مضمونك
يامذل الكافرين ... يانجاة الراغبين
................
الوداع الليله هايه شيعتك حزنانه
ألتمت الليله أبمصابك والمهج ذبلانه
أنهدمت أركان الهدايه أبضربتك مولانه
أتنادي وتعشم نفسها بالحشر تلكانه
ياصراط الصادقين ... ياأمان الخائفين
................
خادم أهل البيت
الشاعر : أسماعيل الجوراني

#قصائد_استشهاد_الامام_علي_ع



علي علي نـادو يتاماك
علي علي شيبنه فرگاك
كلشي بالكون انعدم. ركن الاسلام انهدم
الدنيه گامت تبچي دم. علي علي
«»«»«»«»«»
الكوفه صارت. وحشه كلهه وحيل غاطيهه الظلام
والجــــــوامع. كبرت اللــه يــا جــرح الامـــــــــام
واللـــه صعبه. اشلون عنهه اتغيب ياعالــي المقام
واليتـــــــامه. كلهه متعــــــوده على ازنودك تنام
علي علي. يافخر الاسلام
علي علي لتعوف الايتـام
بعدك اذاهه السهر. حالهه ايبچي الصخر.
نادو ابحسره وقهر. علي علي
«»«»«»«»«»
بس مصايب. دنيــــه مابيهه فرح طول المدار
والنـــــوايب. والله ابد مارحمت اگلوب الزغار
ياشمســــنه. ألعنه غابت ونترس ظلمه النهار
مـن وداعك. ظلت اگلوب الخلگ مشتعله نار
علي علي. بينه اسعرت نار
علي علي. ياحامي كل جار
نار الموادع دوت. لحظه بعدك ماطفت
گلوبنه احنه اتصدعت. علي علي
«»«»«»«»«»
ياحســافه. فارگتنه وعنــه شـــــديت الرحيل
وبصـلاتك. هامتك تنصاب يا حامــي الدخيل
كلهه بعدك. عاشت ابدمعه ومعـــانات اوعويل
وبغيــابك. كل محب مجروح من عنده الدليل
علي علي. صـــوبت الگلوب
علي علي. يا اغلى محبوب
عذبتنه ابغيبتك. تاذي حيل امصيبتك
وسفه طبرو هامتك. علي علي
«»«««»«»«»
ياعــــــذابه. اليفگد احبابه ويعيش ابلا حبيب
ليله يخلص. دمعة ابخـده وفلا ايبطل نحيب
جرحه خزن. لادوه اينفعـه ولا ينفــــع طبيب
هــذا حاله. يبقه بين الناس عايش چن غريب
علي علي. كل شيعي مجروح
علي علي. بفراگك اينـــــــوح
دمعه بمصابك صفه. ياحبيب المصطفى.
نورك اليله انطفه. علي علي
«»«»«»«»
ذل فقـــارك. ســــاعة الصابوك ياحيدر زعل
ماتحمــــــل. يبقه بگرابه ويعيش ابن الفشل
أمن ابن ملجم. راد ياخــذ ثار هامك يالفحل
اوبس يمينك. مستعـده الحمله ياخير العمل
علي علي. يمبچي الابطال
علي علي. صولاتك اثگال
اي وحق تربة فدك. يشهد التاريخ الك.
چم عدو ابسيفك هلك. علي علي
«»«»«»«»«»
الخادم
كامل السعيدي