#السلام على خلف السلف وصاحب الشرف،وحجة المعبود وكلمة المحمود الامام المهدي عليه السلام
#اللهم انفعنا بحبه و احشرنا في زمرته، وتحت لوائه،إله الحق آمين ربّ العالمين.
#جمعة_مباركة_ببركه_بقية_الله_ووليه_الامام_الحجة_عليه_السلام

رد . مو علي هالليله * گوّه الجدام إتشيله
ويّ أم حسن * دافن وطن * هالليله
ــــــــــــــــــــــــــ
كلش غريب إبلا وطن * رد و الصبر . يعتـازه
وياها حَبْ يمشي العمر * مو يمشي بيها جنازه
خطواته حيل إتكلّفه * اليدفن بدينه إعزازه
رجعة علي ابلا فاطمة * إيريدلها ألف عكازه

رد . مايشوف الوادم * مدري اشدفن وي فاطم
گاضيها . وَنْ * دافن وطن * هالليله
ــــــــــــــــــــــــــ
چان الصبر . چن محبسه * راح ورجع من دونه
رد . عنده أزمه ابخطوته * بس الله چان إبعـونه
جنازتها مو ذاك الثگل * بس هدّلت له امتونه
چان التراب الـ عالوجه * يشرب ابدمع اعيونه

رد والمناحه إتگوده * و ادموعه ترس اخدوده
اسنينه انتهن * دافن وطن * هالليله
ــــــــــــــــــــــــــ
مُر ( الصبر ) بس عد علي * يختلف عن هــالوادم
بس ويّه قنبر بي شَبَه * عاش ويه حيدر خادم
من چان عد فاطم نَفَس * ينزل ويصعد سالم
عبده الصبر بس إنعتق * راح أويه دفنت فاطم

دفنتها چانت تهضُم * تراب وضلعها أمورّم
ويه الورده چَنْ * دافن وطن * هالليله
ــــــــــــــــــــــــــ
رد . منها بس لازم علي * يلغي الصبح وانفاسه
هاي المراسم والدفن * صوّرها كلها إحساسه
مو بس حواسه إتشم حرگ * من الجدم حد . راسه
كل ناسه چانت فاطمه * و رد . من دفن كل ناسه

اتصور علي وحنيته * وبيّنت معالم بيته
لـ أم بيته حَنْ * دافن وطن * هالليله
ــــــــــــــــــــــــــ
والمشكله الـ بيته إقترب * وبالبيت ماكو احبابه
والمعضله الأدهى وأمَر * لازم يطب من بابه
لازم حِذِر من يِفْتَحَه * وما يسحگ اعله اعتابه
الباب الكتل أم و إبن * كلش جديد اصوابه

يم بابه گاعد ينحب * بس يدخل إتفز . زينب
إزغيرت مِحَن * دافن وطن * هالليله
ــــــــــــــــــــــــــ
بنت الحزن وام الحزن * لازم علي إيسميها
بعده أخضر تراب الگبر * للزهــرة شيوديها
الفايض صبر وشل صبر * چا . هيه شيضل بيها
خايف لتلطم عالگبر * ومتونهــا أتأذيــها

ولعيون منها إتغورگ * إزغير المتن ويزورگ
إحتار وصْفَنْ * دافن وطن * هالليله
ــــــــــــــــــــــــــ


مهدي التقي

للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

لمولاتي ام البنين...سلام الله عليها

تبجي عين ام الگمر
توسلت برب البشر
ربي طوّل عمري مااريد المنيه
گلبي مايحمل عتاب من الزجيه

لو يخلص هالعمر...ويندفن جسمي بگبر..وتخلص سنيني
بس يواريني الثرى..ويبدي عمر الآخره ..وحيدر يجيني
وينفتح باب السمه..ومنه تنزل فاطمه..ويكثر ونيني
شرد اواسي بيادمع..وآنه لاكسرة ضلع..لاعميه عيني
بت محمد فاطمه
وآنه الهم خادمه
شرد اسولف واحجي يارب البريه
گلبي مايحمل عتاب من الزجيه

آنه كل يوم اليمر...اجي لو صار العصر..اوگف ورى الباب
اذكر الدفعه واصيح..وابجي عالي الصوت اصيح..ياعظم المصاب
ويلي ياباب الحزن..باقي ظل ام الحسن..غافي اعله التراب
الكاع فاضت بالدمه..وضجت املاك السمه..كسرج فلاطاب
وسفه ياخير العمل
ابابك يصيّح نذل
ويدري يم الباب وكفت هاشميه
كلبي مايحمل عتاب من الزجيه

آنه ماشفت الجرى..بس حجالي حيدره...كل الروايّه
ياهظمته وحيرته..ياشهگته وحسرته..لرب البرايا
غرگت دموعه الثرى..علي قالع خيبره..بسوح المنايا
بيده لازم شيلتج..وينعه يمي مصيبتج..ويردد آيه
يقره سورة والعصر
وآنه اوصيه بالصبر
يگلي ماتحمل كسر فاطم نديّه
كلبي مايحمل عتاب من الزجيه

الزمن بيه لو يرد..اقسم بواحد احد..وهاي الرزيه
من تصير الفاجعه..افدي ولديّ الاربعه..لمحسن هديه
آنه لسحگ عالجمر..لفاطمه يهون العمر..تحله المنيه
ومتني خل ينزف دمه..والسياط تورمّه..وتبقه الزجيه
هيه بت خير الورى
وسفه يدفنها الثرى
وآنه لافاطم شفت لاغاضريه
گلبي مايحمل عتاب من الزجيه

ياعلي وماظل صبر..زهرة الله بلاكبر..لاحضره عدها
ورده وبعمر الصبا..تموت ليش معذبه..وسطره اعله خدها
الورده للشم والعطر..مو اباب وتنعصر..وظالم مردها
والحرك باب الطهر..يجي بعاشور الظهر..يذبح ولدها
وتمشي زينب لليسر
لااكو محمل لاخدر
بت رسول الله وعلي تصبح سبيه
گلبي مايحمل عتاب من الزجيه


علي طعمه البطاط

🌸اللهم اني أسالك توفيق أهل الهدى، واعمال اهل التقوى، ومناصحة اهل التوبة، وعزم اهل الصبر، وحذر اهل الخشية، وطلب اهل العلم، وزينة اهل الورع..
🌺 #طيب_الله_صباحكم_ببركة_محمد_وال_محمد

ميمر في رثاء الإمام علي الهادي عليه السلام

للهادي ماخذنه الشوگ كلها اعتنت سامرّه
====¤¤¤¤====

تشرّفت سامرّه بتراب الطيبين
من عترة الهادي النبي شلون ثنين
مثل الحسن واحدهم ومثل حسين
نبقه عله خطهم ماشين لا والله ما نتبرّه
====¤¤¤¤====

عاشر أئمّتنه الإمام الهادي
نتعنّه يمّه وبالضريح انّادي
( لَبيّكَ يبَنَ السّادةَ الامجادِ )
شبل الجواد المسموم. واجب علينا انذكره
====¤¤¤¤====

غصباً عله الهدموا بناء المرقد
نعاد وبنيناه بالذهب وتجدد
بنور الحسن والهادي يحله المشهد
ما ينهدم لا هيهات. حرّاسه بي منتشره
====¤¤¤¤====

احنا بمصاب الهادي نتعنّه انزور
ننصُب مآتم عالأمام المغدور
نوره اليشع هيهات ما يطفه النور
أكّد كلامي القرآن ما يطفه نور العتره
====¤¤¤¤====

للهادي نوصل نسجد عله عتابه
احبابه احنا ومايردّ احبابه
بالحضره ننصب مأتم عله مصابه
مجلس لطم يحله هناك. من ينعقد بالحضره
====¤¤¤¤====

ويّانه حاضر بالعزاء الموعود
يلطم معانا ويستمع للرادود
ونرفع ادينه للأله المعبود
شتاگينه للمهدي هواي. ياربي عَجّل امره

سيد زيد الفحام
_____________

قصيدة في رثاء الإمام علي الهادي عليه السلام

لسان حال الزهراء عليها السلام مع ولدها الإمام علي الهادي عليه السلام


يوليدي يامظلوم وبياذنب مسموم
مفجوعه وتنادي. آ ياعـلي الهــادي
.............

علي الهادي امام وعاشر اليمّـه
اعلم ناس عصره وظلمته الأمّه
مثل هالليله مسموم وكثر همّه
وچـن الزهـره امّه حاضره يمّـه
تنظر علي وحده. والسم مرد چبده
دمعتها سچابه. وتنادي بمصابه
آ ياعلي الهادي
..................

گصدت يم علي الهادي تون وتنوح
مثل چبدك ييُمّه چبدي هالمجروح
صبـــراً ياعـلي ثـارك ابــد ميــروح
يبنـي لا تـون ونّـــك يـفــت الروح
عالنايبه وعالبين. اصبر ينور العين
لحالك جره دمعي. جدد حزن ضلعي
آ ياعلي الهادي
..............

عسه انشلّت يمينه السمّمك يبني
امّـك فـاطـمـــة والبيــن شيّبـنــي
شفت چم لوعه چم مصاب دوهنّي
مابيـن الذبــح والسّـم كـثــر ونّــي
سم العده الاذّاك. ناعي الأجل ينعاك
يالماحصل مثلك. ناح العرش لجلك
آ ياعلي الهادي
..................

يبنـي مصيبتــك يالهــادي أذّتني
انـوح عليــك ليـل انهـــار خلّتني
لچن عندي اشد من عدها سلّتني
مصيبة جدك حسين اللي شيبتني
عالغبره ظل دامي متسلّب ودامي
ياريتــك تنظـره. متوسد الغبره
آ ياعلي الهادي
....................

انت الشيّعوك ودفنـوا الجثـمــان
ولاخلّوك سـاعـة ابعــازت الدفان
حسين تلث ليالي موسـد التربان
بلا تغسيل عاري وسلبته العدوان
راسه عله راس السان. يهــدونـه للبلــدان
وجروحــه شيعـدها. ريتـك تشــاهــدها
آ ياعــلي الهـــادي

لحن القصيدة ملا باسم الكربلائي
من نوصل العباس. تتعطر الانفاس

خادم الإمام علي الهادي عليه السلام
سيد زيد الفحام
_______________________________

وشــلـنّـــه دمــــــــوع.....يـالـهــادي
واهشـمـنـه ضـلــــوع.....يـالـهــادي
ومــا وفـيـنّـــه....عـطـفــك ليـنــه...يـالـهــادي

أَحــن مـن الحنــان انــت.....الحـنــان انطيـتـه حنـيـه
واليـنـخـاك بــس يـنــوي.....يلـﮔـه الحـاجـه مـﮔضيـه
الهوه الما بي عطر حبك.....ولا تـسـتـقـبــلــه الـريـه
ولـوّ شيعي الهوه انعرفه.....وهــي الـدنـيـــا شـيـعيـه

المـو شـيـعـي منـيـن.....يـالـهــادي
بـي فــد شـــي زيــن.....يـالـهــادي
وأحنـه اجنـيـنـه....عـطـفــك ليـنــه...يـالـهــادي
ـــــــــــــــــــــــــــــــــ1ــــــــــــــــــــــــــــــــ

جـرح شايـل جرح جينـه.....نواسي ابفـﮔـدك الـزهـره
ومـن كـثـر الحـزن بـيها.....الطـف ظـنـيـنـه ســامـره
وملائـك نِـحِـس مـشـايـه.....تبـﭽﻲ وﮔﺎصده الحضره
وعبـد الـزهـره للـزهـره.....لازم مـقــتـــــل ويــقــره

وحـمــزه ومنـظــور.....يـالـهــادي
قــرايــة عـــاشــــور.....يـالـهــادي
قِــرو اعلـيـنـه....عـطـفــك ليـنــه...يـالـهــادي
ـــــــــــــــــــــــــــــــــ2ــــــــــــــــــــــــــــــــ

وفـاتـك كـل سنه اتمـرنـه.....نـﮔـــول الجـايـه نـشـوفـه
نـجـي والمـهــدي قائدنـه.....بموكب مشي من الكـوفـه
وتـمـر سـنـيـن وابـقـيـنـه.....بطـــرﮔ عـيـون ملـهـوفـه
ونِـقَـبّــل بـابــك ونــاخـذ.....صـبـر مـن لمسة ﭽفـوفـه

يصبــرنــه بـهــــاي.....يـالـهــادي
لـلــعـــــام الجـــــاي.....يـالـهــادي
ومــتـــانـيـنــه....عـطـفــك ليـنــه...يـالـهــادي
ـــــــــــــــــــــــــــــــــ3ــــــــــــــــــــــــــــــــ

العـزه شما بي حزن عايز.....اذا مــو أهـلـه مـتحـزمـه
واذا نـلـطـم صــدر هـسـه.....بحـضور المهـدي نتدمـه
صـح موجـود نشـعـر بـي.....حـزيــن ومدمـعـه نشمـه
بــــــس انــريـد نـتـبـــرك.....ولـوّ نـظـره لأثـر جدمـه

وبـيــك نـعــزيــه.....يـالـهــادي
وانـفــاخـــر بـيـه.....يـالـهــادي
ويواسيـنـه....عـطـفــك ليـنــه...يـالـهــادي
ــــــــــــــــــــــــــــــــ4ـــــــــــــــــــــــــــــــــ

اذا كــل هالحـــزن بـيـنـه.....لاجلـك سـيــدي نحـسـه
نســأل عــن ابـو صـالــح.....حاله شـلـونه ﭽـﺎ هسـه
نتـواسـه ابعـضـنه احـنــه.....وهو لوحـده بس أمسـه
وننسى الهـم لـمـن نرجـع.....وهـو لـيـا حـزن ينـسـه

ضـلـع وبـسـمـــار.....يـالـهــادي
وخــيــــام ونــــار.....يـالـهــادي
وثــار احـسـيـنــه....عـطـفــك ليـنــه...يـالـهــادي
ـــــــــــــــــــــــــــــــــ5ــــــــــــــــــــــــــــــــ


أحمد البصراوي العبادي

تمت الزياره بالانابه عند مرقد ابي عبد الله الحسين ع واخيه ابي الفظل العباس ع عن جميع متابعي القناه