قصيده بحق ام البنين ع
------------------------

ام البنين تصيح والدمعه بالعـيـن
انه وبنيني شلون مانفدي لحسين
----------------------
اربـع اشـبـول حـيـود مــن كـبـرتهـــم
ينصرون ابـو السجاد بالطـف ردتهــم
الهل موقف وهل يوم انه اذخــرتهـــم
مطلوبه للــزهـراء يـولادي هـالـديــن
-----------------------
ديــن بـــرگـبـتـي شـلــــون لازم ارده
للزهـره هــا يــولاد خـــلـونــي اســده
لاتـتـركــون حسيـن بـالحـومه وحــده
اعـرفـكـم انتـو سباع انـتـم يطيـبـيـــن
-------------------------
عبد الله جعفر عـون صاحت يهل لناس
ويلادي والنعـمـيــن يـا رفعــت الـراس
والاغله من الروح والشمعـه عـبــاس
سمعـو وصيتي زين خاف انتو ناسين
-----------------------
ضحوله فـدوه الروح يـولادي وحموه
بالحـومه وحـده حسيـن لا لا تخـلـوه
والعـمــر للـمـظـلـوم لمـن تـقـدمــــوه
لأمكم فخـر يــولاد بالعــزه مـاشـيــــن
---------------------

عـندي بعـد عـبـاس هــاي الوصـيـــه
زيـنـب تظـل بحـمــاك بـالـغـاضـريـــه
بـيــدك امانـه تصـيـر مــن الـــزچـيـه
توصل عـزيـزه ويـاك فخـر النساوين
--------------------------
ويـاك امـانـه تـروح زينب والعـيــال
لتـقـصـر وحاشاك وبأصعــب الحـال
يايمه ياعـبـاس خاف السفـر طــــال
تبقه وتظل بحماك حـتى الصواويـن
---------------------
ظـلـت تون وتـنـوح بــرض المدينـه
ام البنين هـنـاك تبچـي وحــزيــنـــه
ماتدري طاح شلون حامي الضعينه
ومنفصل راس حسين عن جسمه نصين





الشاعر السيد رياض الرسل الجابري

مجلسك مهــما حيينه يــبقه قائم
نعطش إوبيه إرتوينه يَبن هاشم
لكَ تبكي كل عَين ياحبيبي ياحسين
************
الله لــو خـالـقـنـي بالطـــــف جوه جدمك صم تراب
تمشي وتدوس إعله صدري إويبقه عطرك بالثياب
حــاشـــه لله مايگـصـر للـــــدعاء هـــــــوَ المجاب
إنطاني إيد إوگالي إلطم صيح حي إعـــله المصاب

إلك شــــيعـه جعفريه بالمــلاحم
مايـهـابــــــون المنيه يَبن هاشم
لك تبكي كل عين ياحبيبي ياحسين
****************
الله بالـمـحـشــر يلمنه إونوگف إبيوم القــيــامــه
والخلگ ملـتـمه كـلـهه بالسره كـلمـــن وإيمامـه
اللاطم إبمجلس إوباچي تلگه بي خــتــم الكرامه
لو كشف صدره إو تشوفه تلگه كل لطمه علامه


إيگله إلك هاي الجنان طب يخادم
تستحـــــق هذا المكان يَبن هاشـم
لكَ تبكي كل عَين ياحبيبي ياحسين
***********
والخطيب الجاي يخطب للخدم وسط المجالس
عَــلــم الخِـدام شِنهي بالطفوف إجنون عابِس
إو للجنون إبكل محرم فتــحـوا إبحبه مدارس
وصــفلهم عاليعــزي چنـــــه يم الخيم حارس


إبچفهم إشموع إعلگوهه العرس قاسم
طلعت المهدي إنطــروهه يَبن هـــاشـم
لكَ تبــكــي كل عَين ياحـبـيـــبي ياحسين

**************
إيسيل دمهم بالطفوف إبكل محرم يوم عاشر
روسهم مطبوره لأجلك وإنته تستاهل مناحر
إوبيهم الينطر ظهور القائم إو بالگوه صابر
غيبته كـلـما تـطـول أيامـنــه إنحسهه خناجر


عجلنه فـــــي ظـهوره الزمن ظالم
من يشع بالدنيه نوره يَبن هاشـم
لكَ تبــكــي كل عَين ياحـبـيـــبي ياحسين

***************
لو ظــهـــر يگصد ضريحك زايرك وإبچفه رايه
إوياخذ إبـــــثار الرضيع البعده ما گـايل إحچايـه
إبچتفه جربه البيهه ماي الكوثرالمايگضي مايه
إوعالــفرات إيمــر يگله إشمالك إجروفك ورايه

ذكــــــرتنـــي بالمصيبه وآنه نادم
الجربه هايه مو غريبه يَبن هاشم
لكَ تبــكــي كل عَين ياحـبـيـــبي ياحسين
************
زيد الزيدي

قصيدة في حب الشعائر الحسينية


تربيتـي عله حب حسين تربيتـي
ومنيتـي امـوت بمجلسـه أمنيتي
.................

ابويه الچان للمجلس يوديني
وشارك باللطم امي التوصّيني
على مصاب الحبيب شگد بچت عيني
حبيبي حسين وبحبّه كبر صيتي
..................

وعيت عله المجالس واللطم والنوح
المقتل من اسمعه تهيج بيّه جروح
تفيض دموع عيني واذكر المذبوح
اموت من البواچي وتختنگ ريتي
...................

يامحله الليالي بموكب الزنجيل
الطم عالظهر وذكر حوافر خيل
تدوس بصدر ابواليمّه وتهِشّم حيل
ولطم حيل اواسي حسين كل نيتي
..................

اشوف بيوم عاشر لمن يطبرون
المواكب كلها تحضر وبحزن يقرون
ابچي وياهم ومافارگ اليبچون
مطبّر راسي لازم ارجع لبيتي
.....................

كبرت وكبرت وياي الشعائر هاي
اعز من الهوى عندي ولذيذ الماي
صرت خادم لبواليمّه السبط مولاي
اللطم والنوح صارن هنّه عافيتي
....................

شكراً سيدي يحسين عالخدمه
جبتني لخدمتك يالخدمتك نعمه
يهنياله الكتبت بدفترك اسمه
خادم للخدم تحسبني أمنيتي

سيد زيد الفحام
______________________________

فطمتك نبلة وخذت منك عُمُر
بصدر ابوك الخيل حفرتلك كبر
يمّه ياعبد الله يمّه ياعبد الله
@@@@@@@@@@@@@@@@

الرباب بكربلة تشهك حسافه
وليدهه خطّار ويدوّر الضيافه
والمعزّب حرمله وبكل صلافه
ايقدّم امثلث ابنص نحر الترافه
الشهكة ابني لطمت جروف النهر
السهم وي نحره ذبح عظم النحر
يمّه ياعبد الله يمّه ياعبد الله
@@@@@@@@@@@@@@@@

الحافر الاحمر اجه يشرح رزية
هذا دم حسين صاير ثوب الية
دبجت بصدره الخيول الاعوجية
بعد مايشبك رضيع ولا رقية
بحجم ابنج كالّي احفرنه لحد
بوسطه عبد الله ينام اوينسعد
يمّه ياعبد الله يمّه ياعبد الله
@@@@@@@@@@@@@@@@

يالمدلل والدك هالذابحينه
حيله اضن كلش رجيج امرضرضينه
بكل شبر حافر نبت زيّد بجينه
لحمه طايح عالترب يترس ادينه
إغفه لاترجع الخيل وتنمرد
الحافر امن حسين ضل يشرب جبد
يمّه ياعبد الله يمّه ياعبد الله
@@@@@@@@@@@@@@@@

إزرع بكل ثانيه اسم الله اعله نحره
باكت ارسومه الشمس مهجت الزهره
من تنام احذر لَتكلب يمنه يسره
الضلع خاف بنص كسر وانت تكِسره
حسين يحتار بجروحه الورّمن
لو ضلوعه المن لحمهن فرّعن
يمّه ياعبد الله يمّه ياعبد الله
@@@@@@@@@@@@@@@@

من تحرّك رجلك وبارد يصيبك
لايمِسّك اي فرح ضل بنحيبك
هذا موزمزم نبع دم الحبيبك
تشرب ارياجك سهم هذا نصيبك
الماي دار الظهر بشّر حرمله
الجربه طردت والسهم كلك هله
يمّه ياعبد الله يمّه ياعبد الله
@@@@@@@@@@@@@@@@

من تنام اعله الصدر يوليدي حاذر
لاتحرّك ايدك وتهتز مشاعر
بصدر ابوك المنسحك مكسور حافر
ينلجم من الوجع ويضل يكابر
ضلوعه كلهن خلّصن بيمن يضم
من الحسين الله يرحم كل عظم
يمّه ياعبد الله يمّه ياعبد الله
@@@@@@@@@@@@@@@@

ترف لحمك والهوه كلش يعوره
الرمح من يكرب الك مخك يطشره
راسك زغيرون اخافنه ينخره
من يجيسك رمح يافوخك يحفره
لايشيلك رمح مو كلبي انلجم
السهم كافي وزايد اعليك السهم
يمّه ياعبد الله يمّه ياعبد الله
@@@@@@@@@@@@@@@@
محمود البراك

مقدمة ليلة
علي الاكبر س
.
.
.

اللهُ أكـــبر .. يـبني يالاكبر
اشــصايـر بـيك حــاچيني
ييــمــه

___________________

السيوف اشلون لاحــنك .. انــته يالبــــدر چـــنـك
منــهو يالـولــد عگــبك يـضويني
مدري ابصحوه مدري احلم .. وجهك منصبغ بالدم
صدگ انته علي يولـيدي حاچيني
اشــفافك يابــسه اشــبيها .. راح ابدمــعـتي ارويها
يـــلي اســوالــفك چانت تــرويني

گلــبي تفَطر .. يـبني يالاكبر
اشــصاير بـيك حــاچيني
ييــمــه

___________________

ابچـي گاعده يمــك .. واعــاين يالــولد جـسمك
اجروحك ياعلي كل واحد اشكبره
اصفج راحتي ابراحي .. ماضل بيك شي صاحي
وذر جسمك ييمــه تــارسه الــغبره
اَجـــمع بيك يمگــطع .. وفــوگك ينــزل المــدمع
اشـوف الـگاع منـك صايـره حمره

جسمك توذر .. يـبني يالاكبر
اشــصاير بـيك حــاچيني
ييــمــه

___________________

كلشي ابجسمك اتغير .. وصدرك ياعلي امكسر
الحوافر يمه منك تارسـه الهيمه
ماخــلو كتـــر ســـالم .. ثـــار (البــكر ابن غانم)
بيك الجيش فــرغ يالـولد ضيمه
يبنــي وجهــك الـيزهر .. شفت منه الدمه يگطر
ومثل امك يالاكبر تنحب الخيمه

كلشي تغير .. يـبني يالاكبر
اشــصاير بـيك حــاچيني
ييــمــه

___________________

عقــلي ياعــلي حـــايــر .. يمــه ابطـــولك اشــصاير
محد يرضه يحچيلي يبعد امك
بس صوت البچي اسمع .. وروحي جاي احس تطلع
گبل الموت امك رايده اتضــمك
ساعه أشبگ ابـــأيـــدك .. ســاعه اتــحنه بــــوريـدك
وساعه ليله من المنحر اتشــمك


عالفرگه مگدر .. يـبني يالاكبر
اشــصاير بـيك حــاچيني
ييــمــه

___________________

يالمـــاينشـبــع مـــــنه .. يالطــولك نبــع چــنه
الصارن بيك يمه كونهن بيه
جسمك طعــن متعبي .. واحسهن كلهن ابگلبي
امنلزمك ياعلي ينشلن ايديه
بچفك يبني الف دوسه .. ابرجلك نبله مغررسه
بيك اجروح لا مامرن اعليه

عمري تطشر .. يـبني يالاكبر
اشــصاير بـيك حــاچيني
ييــمــه

___________________

انظـر والــدك مــثلي .. نــزلت دمعـــته قبلي
اعليك احسين يبني نزلت ادموعه
من ضمك على صدره .. ابعيني مابگت گطره
يالـيله يگــلي امكـــسره اظــــلوعه
اول مـــره اشوفــنه .. يــون احسين هـالونه
وانــه الونــته يـاعــلي مفــجـــوعه

گلبي تحسر .. يـبني يالاكبر
اشــصاير بـيك حــاچيني
ييــمــه

_____
حيدر تركي الكربلائي

حافر خيل  بالطف لمن داست صـدره
حافر خيل  ذكرني بضلع امي وكسره

ونار الخيمه وباب الچان
يرســم وجهــك بالدخـان
يامهدي يامهدي
****
بالطف اشصار اعله العتره
كل امصاب يواسي الزهره
من هشمت حافرهم صدره
وفوك ارماح وشالو نحره

كال اضلوعي المهشومات
لضلع امي يروحن فدوات

من اشتاكيت   لحضن امي وملكاها الحار
من اشتاكيت   سووه حافرهم بسمار

ونار الخيمه وباب الجان
يرســم وجهــك بالدخـان
يامهدي يامهدي
@@@@@@@@@@@@@
والمحسن واساه عبــد الله
بكماطه وعند امه الاغـلـه
سهمه البلمنحر من صلـه
فرق المحسن چان بشغله
 
بهــزه كاروكــه اچــم ذكـــره
ولابن امي اتذكر بس عصره

طاح ومات   مالحـك يبجــي ونــاغـيتـه
طاح ومات   ولا من فك عينه وحاجيته

ونار الخيمه وباب الجان
يرســم وجهــك بالدخـان
يامهدي يامهدي
@@@@@@@@@@@@
 
من تمشي الطفله المسبيه
واتخلي الجف علتــرجيــه
سطراتج واستـــها ارقيــه
كالت ياهي تــذكــرج بـيـه

عمه جروحج هاي اعرفهه
امي اعله الخد خلت جفهـه

علمجروح   دوم يخلي ايده اعله اجروحه
علمجروح   والتــاريـــخ يعــيد بــــروحـه

ونار الخيمه وباب الجان
يرســم وجهــك بالدخـان
يامهدي يامهدي
@@@@@@@@@

حيدر بوصيه مجتفينه
شاف الزهره ودمعت عينه
وبالطف سجاد مكيدينه
يشكف ياسوط من اسكينه

هاي اول مره الفقار
ضل بكرابه تحركه النار

القائم وين. يظهر ويبرد فقاره
القائم وين. ليمت يطلع ياخذ ثاره
نار الخيمه وباب الجان
يرسم وجهك بالدخان
يامهدي يامهدي
@@@@@@@@@@@@#
يلمهدي وبعد اشجم ليله
تظهر واتدافع عل عيله
غيرك ياهو العندي اشكيله
صاحو عمتك هاي اذليله

صعدت علهزل واتنوح
يوجع طاريه المذبوح

لو موجود ويانه تعيش الموضوع
لو موجود. ميت اهون لو موجوع
نار الخيمه وباب الجان
يرسم وجهك بالدخان
يامهدي يامهدي
*
زيد الزيدي

♥️ ‏يا كميْل !
أخبرنا كم أحبّك َالأمير حتّى أهداكَ دعاء فيهِ بلْسَم للرّوح ؟💕

ليلة جمعة مباركة💕🕊

#قصائد_على_لحن_باسم
#قصيدة_للعليلة ع
#لحن مو سهل جرح الاحساس

بوية مو كافي الغياب ضيعت كل الأحباب
كَلبي ما يحمل مصاب كَلبي ما يحمل مصاب
**********************
شرد اسولفلك يبوية على الجرالي
حتى حالي يا علي يبچي على حالي
غير بس النوح بالطف ما بكَالي
هاي زينب ضيعت كل الغوالي
ليش يابوية ما جيت وآنه بسمك تنخيت
وأخوتي كلها غياب كَلبي ما يحمل مصاب
*********************
شعجب عينك ما بچت من شال ضعني
ما وصلك للنجف بالليل ونـــي
بوية تدري يا مصايب شيبنــي
أنشتم كل ضربة يا بوية على متني
كَوة أوكَف يكرار حتى ما تدري الزغار
دموعي أظمهن بالحجاب كَلبي ما يحمل مصاب
*********************
هاي ياهي المثلي أهلها ما يجوها
هيچ زينب هينه عدكم من سبوها
بوية تدري شكَد رقيــة عذبوها
تموت خافن لو يجوها براس ابوها
بيها وصاني الحسين وين اخليها ما وين
بلا أخو الحرمة تنهاب كَلبي ما يحمل مصاب
*********************
شلون زينب تدري من راحت سبية
كلها بوية الناس كَامت تحچي بية
بوية فوكَ الناكَة مچتوفات أدية
شيبت كَلبي يبوية الغاضرية
بوية هم شايف خيام تحتركَ فوكَ الأيتام
ترضه يدفعني سلاب كَلبي ما يحمل مصاب
*********************
كون ألي يموت ألها أخو الوادم تجيها
تاخذ بخاطرها من تعزي بيها
وآني كل ساعة يجرون بأديها
الراح بتك واليجي ايباوع عليها
يسئل الماشي والجاي بتمن العالهزل هاي
ودي أظم وجهي بتراب كَلبي ما يحمل مصاب
*********************
يامن لسلمان اجيته بذاك المصاب
ليش ما جيت لبناتك داحي الباب
تدري يابوية شكثر چواني التراب
بلا كَلب يابوية يمشي الفاكَد احباب
يا علي كَلبي شيصير همي لو بالسمه تحير
فاركَت بوية چم شاب كَلبي ما يحمل مصاب
*********************
حيدر حسين الكرعاوي

ــــ


نعي ليله ام البنين عليها السلام
**********
ارضعتهم ارضعتهم انه در الوفه اولادي ارضعتهم
ردتهم ردتهم يبيضون الوجه بالطف ردتهم

صحت ولدي لون قصرو عنه
انه اعليهم حليبي لحرمنه

اربعتهم اربعتهم فده لحسين اولادي اربعتهم
علمتهم علمتهم يحنون اعله اخوهم علمتهم

ما وفينه ما وفينه وي حسين والله ما وفينه
قصرينه قصرينه اشكثر زينب وياكم قصرينه

انه ام البين وكلها تدري
وخدامه جبت لحسين عمري
اعاين للسمه ودمعاتي تجري
وصحت ما راح تعبي وذاك سهري

لا تعوفوه لا تعوفوه صحت عباس اخوكم لا تعوفوه
تشيلوه تشيلوه فوك الراس اريدنكم تشيلوه

عزيزات عزيزات خوات حسين يولادي عزيزات
حنينات حنينات مثل امهن يبعد اهلي حنينات

حمل وشال حمل وشال راعي البيت يمه حمل وشال
لا طال لا طال يريت العمر بعد حسين لا طال

لو اندلكم لو اندلكم انه اسكنها المكابر لو اندلكم
مثلكم مثلكم اشماله الموت ما حصل مثلكم

يركضون يركضون كلهم لو نخت زينب يركضون
يطيحون يطيحون كبل حسين كل ولدي يطيحون
ما يكطعون ما يكطعون من طبع النشامه ما يكطعون
يفيون يفيون كلهم جانو اعليه يفيون

كلهم كلهم نذر يروحلك يحسين كلهم
اكلهم اكلهم جنت عنك ييمه دوم اكلهم

خوالك خوالك يبو فاضل صدك تشبه خوالك
دلالك دلالك بعدهي اتفور بالحومه دلالك

ضناها ضناها تموت الوالده التفكد ضناها
شجاها شجاها الدنيه وياي شو عكست شجاها

مجاتيل مجاتيل اهل زينب يبعد اهلي مجاتيل
صحت حيل صحت حيل وراهم من مشو تانو صحت حيل

يوجعني يوجعني وعلي اصفاحي امنهدهم يوجعني
كتلني كتلني ونين الليل عز الله كتلني
*******
نسألكم الدعاء
الشاعر تحسين الخفاجي