سلام عليكم ورحمه الله
خدام الحسين ع سنبدا بنشر قصائد لمحرم الحرام 1440 مع اللحان ابتدا من يوم غد السبت 2018 /8/25

لاتنسونا ووالدي بالدعاء
خادمكم الصغير مصطفى الكربلائي

بيهم ارفع راسي
جعفر وعباسي
وياچ عبد الله اويه عون
چفوف تفديچ وعيون
يازينب يازينب
**********
اربعه ربيتهم بلهفتي تانيتهم. بس لا يرجعون
الخدمتچ وفايه والي شال الرايه
يشيلچ بالعيون
انه وصيت الكفيل بخدمتچ
لا تخافين وعلي وياج اخوتچ
ما اريدن يمي تنزل دمعتج
من عگدت الرايه
انطوني بيچ احچايه
وياج عبد الله اويه عون
چفوف تفديچ وعيون
يازينب يازينب
***********
والبرز گدامه خله بيده الهامه بحضنه اتنفس
بوگفته يحاجيهم الزلمه وينه البيهم خل راسه يلبس
اهنا رقيه صاحته عمي تعال
الرگب خلصت والخلگ عدها جهال
گلها صار بخدمتچ كف النزال
ولمعة الترجيه
وتامر المسبيه
وياچ عبد الله اويه عون
جفوف تفديج وعيون
يازينب يازينب
***********
راسي بيهم عالي مثل راس الغالي
اويه الحرم يمشون
روسهم شالوها والشمس خلوها
اتفيي اعله الاضعون
اخيال مابين تره بدرب السبي
من سواد اعيونهم سود العبي
خويه عد عيناج زينب واطلبي
عل رماح انحورهم
اقمار من اتشوفهم
وياچ عبدالله اويه عون
چفوف تفديچ وعيون
***********
ذوله تعب اسنيني لچن يم حسيني يرحون فدوه
من يطب الغالي ويبتهج دلالي معشوگي هوه
عاشگتها من الزغر يانظرته
فدوه اضحي الاربعه الحك ردته
بشر لو شفتوه گله اشسألته
ماتعاين حالي
بشر وين الغالي
وياچ عبد الله اويه عون
چفوف تفديچ وعيون
يازينب يازينب
**********
زيد الزيدي

🌙قصيدة للهلال🌙
****************

لا تــهل يــهـــلال.....زينــب ابــياحــــــال
من تشوفك فاطمه..........تمطر جروح السمه
زينـــب ابياحــــال
************
لا تهل تأخر شويـــه انتـــــظر
من تشوفك زينب تحس باليسر
تذكر ايام السبي وسوط الشمر
من بعد ماجانت هي ام الخـدر

سيف اشوفك حاد............تذبح الاولاد
واذكر الاهـــوال............ زينب ابياحال
************
فاطمه تنشر قميص وبي دمـــاء
من تهل معناها عادت كربــلاء
والاذان يصير حي على العزاء
ويا حسين جروحك جروح السماء

وحتى جبرائيل........عزه ميكائيل
بالدموع وكال..........زينب ابياحال
************
من تهل لكربله يهزني الحنين
 سيف اشوفك يذبح بنحر الحسين
بيك اشوفن مشرعه و طف وونين
رايه اشوفن يمهه مكطوعات ايدين

بيك اشوفن نار.......على باب الدار
تشتعل لا زال...........زينب ابياحال
************
لا تهل يرجع مصابي من جديد
جني مسبيه رد بيدي الحــــديد
هلال اشوفك حرمله وسهمك عنيد
ترمي عبدالله وتذبحه من الوريد

وسهم صدر حسين....والكمر بالعين
تذبح الاطفـــــال.......زينب ابياحال
***************
من تهل يخنكني دخان الخيام
وجني محتاره برقيه الماتنـــام
وحدي عالتل واكفه وحل الظلام
حسين من كونك عدل رد السلام

بطلت الونين......ها متت يحسين
يتـــمت العيال.......زينب ابياحال
****************
لا تظن سكينه تنسه الي جرى
لا تزال اتاني سبع الكنطره
كال اجيب الماي عمي شأخره
خل يعوفه المهم سالم منحره

من يكلي جاي.......ما نريد الماي
صاحت الاطفال.......زينب ابياحال
***************

خادم الحسين  ع
الشاعر  جهاد البصيراوي

قصائد الهلال

متحف الطف وجِـراحه
عِلَن هـالليله افتتـاحه
كاتـب المهدي اعله بابه
آهـ يحسين و مصابه

هــلِ الهلال وكل جفن سال
لغالي دمعـــاته ورخيصه
وبالسماوات تعله صـرخات
حسيـن لن نشرو قميصه

والمشـــاعر نزلت آهــــات وبكاء
والقميص اعله الارض نگط دمــاء
وفاطمه وياها نزل مـــوكب عزاء
فتتحت لّمتحفْ بقـايه كــربلاء

المهدي عنده هـــالبقايه
خيمه محتـرگه وعبــايه
وفـاطمه حضرت تنــادي
آهـ يحسين و مصابه
ـــــــــــــــــــــــ

ابّدخلة الباب ابدمع إلِمصاب
فاطمه وشـــوغتها شوغه
إلگلب شـــاط شــافت اگماط
اعليه دم النحــر صوغه

ويمه شافت فاطمه بـدمع الحـداد
كومه من كـــاروك ما بين الــرماد
قمـاش ابيض مختنگ واصبح سواد
بيــه ورده انّلفــــت ادور ضمـــاد

كل بقـــــــايه طفل ابنها
تلولي عبــــد الله بحِزْنها
تحجي ويه المهــد صاحت
آهـ يحسين و مصابه
ـــــــــــــــــــــــ

تمشي خطوات تلگه مـــآساة
وآنّتِ الــــــزهراء آنّه
اتّصُب الدموع شـــافت اشموع
وعالرمل معجونه حنّه

وصـواني ابـــلا ورد ودم خضـــاب
الحنه عالجف تنوضع مو عالتراب
تمنت اتشــوف شلبس احلى شباب
لاچــن الثوب انسلب ويـــه الثياب

كل بقايه العــــرس عنده
حِنه مـــذبوحه اعله ورده
والشمــوع ادمــــوع يحچن
آهـ يحسين و مصابه
ـــــــــــــــــــــــ

عثرت ابـ آهـ صـاحت آحاهـ
ويـــاصبر مْــوّت وتلاشه
بگلب ممــرود نظـرت الجود
يسولف ابساقي العطاشه

جود عبـاس اشحمـل من ذكـريات
اشچم سهم بـــالجود ذابح امنيات
بيه طبع نظرات مـن عين البنات
بيه گطرة مستحه وشايل فــرات

جـــود عين الــزهره باقي
وريشه مــن خــوذة الساقي
بوجه جــــود الغيره تقره
آهـ يحسين و مصابه
ـــــــــــــــــــــــ

ابصدر مضنوك تنظر الشوك
لداسته جدام السبيه
ودم عله رمال يحچي والحال
هــذا دم إذنِ إلّرُقيه

صاحت اعله اجروحچن يُمّه السلام
شلــون گضيتنها وبــــلايا خيـــام
الحـــره صعبه ابـلاسگف يُمّه تنام
يمه جندوب الجفــــوف الّچن لثام

ولبگه لــــــزينب الحره
معصب وبيه اثـــر چمره
وتحچي وي معصبها گالت
آهـ يحسين و مصابه
ـــــــــــــــــــــــ

بنفس مشهوگ وكلشي محروگ
عثرت وصاحت يمهدي
يبني چا وين شّبْگه من احسين
ارد اشمه ويبقه عندي

گلها دمعــــاتچ عليه يمه تطــول
شيبقه منه لطحنته عشرة خيـول
مسلبينـــه مگطعينـــه يــالبتول
ودوريـــت ومــالگيت وشّـــرد أگول

لا محـــــابس لا ردائـــــه
والـــرمل شـــارب دمـــائة
مــابگه من عنـــده كل شي
آهـ يحسين و مصابه
ـــــــــــــــــــــــ




✍… ميثــاق المـالكي
محرم الحرام// ١٤٣٩

#قصيدة_مقدمة للهلال

يامحرم انتضر لتهل عليه
يامحرم روحي ما تحمل اذيه
//////////////////////////

بعده بعيوني الدمع يجري لكيته
والحزن بالروح لسه مانسيته
تدري كم غالي بمسيتك ودعيته
علنحر وبلا شفاهه قبليته

يامحرم قبلك اترجه المنيه
يامحرم روحي ما تحمل اذيه
//////////////////////////
شما اصدن وانضر بعين اليتامه
اذكر اليل بخرابه شلون انامه
وأنه لا كافل بقالي ولا سلامه
والعده عليه وكف شاهر حسامه

يامحرم حسره بضلوعي وشكيه
يامحرم روحي ما تحمل اذيه
//////////////////////////
شلي بالدنيه بعد ذيج الغوالي
ماجره عله أحد مثل ذاك الجرالي
لا ابن لا أخ ولا ناصر بقالي
وأنه حرمه اتدوهن بحالي الليالي

يامحرم امشي والكيد باديه
يامحرم روحي ما تحمل اذيه
//////////////////////////
عني ارحل لا تهيج ذكرياتي
ياشهر أتمنه وي جيتك مماتي
خلصت ابعاشر محرم كل حياتي
ويه نحر حسين ذبحوا امنياتي

يامحرم انه كملت الوصيه
يامحرم روحي ما تحمل اذيه
//////////////////////////
انه زينب ياشهر أم النوايب
مرت اعله عيوني من زغري العجايب
مايمر عام اله بأهات ومصايب
كربله مني خذت كل الحبايب

يامحرم مابقه واحد اليه
يامحرم روحي ما تحمل اذيه
//////////////////////////
أصبر اليا لوعه واشكي ياهضيمه
من بقينه بكربله وماعدنه خيمه
لو عله السجاد لو قرط اليتيمه
لو عله المذبوح وعياله وحريمه

يامحرم وأنه علهزل سبيه
يامحرم روحي ما تحمل اذيه

أحمد عيسى البديري

#للهلال رئيسية




ماتدري حقك من تهل* كل ســاعه تتغيرشكل
واتراوي زينب يا جرح* نحر وخيم چف وحبل
ــــــــــــــ

من تنـــولد تطلع قهر.. بس انته بيهـا ماتحس
خيط الضوه لمنك يجي ..جايب من العاشر شمس
ماتـدري ساعة طلعتك..اتصيرلها بحزانك حبس
ماتــدري جيتك ياجرح يادمعه جــابت من امس

مّوادع اخـوها ابشوفتك .ذاك الــــوداع ابحسرتك
شَمّت نحــرقَبّلت صـدر..يمــك إلمهــا يكتمـــل
ــــــــــــــ

مايل تشــوف ابهيئتك.سيف انته ابجفوف الشمر
تلمع ولاتـدري شجـره.وزينب عن احسيـن ابمتر
ما تــدري صَوّرة جيتك.بيها انـرفس اشرف صـدر
ماتدري زينب يم نحر.واثنعش طبـــــره ينطبر

ضامي وسگوه ابدم جِره. بيــن الجبين ومنحـره
امّعطر ابـــــدم السِبَح. بيه من سهم نحر الطفل
ــــــــــــــ

تتعمــد انته ابطلعتك..إي يــــــاهلال ولو طبع
شو محني ساعة ما تجي .لو عن جهل ترسم ضلع
ما تدري عن صدر الاخو..حافر فرس بيه منطبع
ماتدري عن صوت السَحِگ..إذن الخيم ليه تستمع

انته ابطلعتـــك يعتصر..إلطف ألم وكت العصر
وكل دمعه من زينب تصب. لا من بعـدها ولا قبل
ــــــــــــــ

مِلتف عله اسماها جرح..لــو روحـك التفّت قدَر
وزينب عليك اشما تصد..تشوفك جرحها لعالنهَر
ماتــدري يم چف الوفه..جفن الصبر يبچي إنِذَر
ماتــدري كافلها وگـــع ..لمن وگــــع گام الخطَر

من بعده سل سيفه العِطَش. يذبحهم ابليل اهدعش
وسكنه و لا همها الضمه ..بس رد يعم يابا الفضل
ــــــــــــــ

ضلت تصدلك بالسمه..وتذكرها نظــرات الالم
والطف عيون من انگلب..وكل نظره ابـزينب سهم
ماتدري من ظِلها نــِزف.. حــد ما تِشْيّع بــالعلم
ماتدري زينب ودِعَـــت ..وبچفها چمره من الخيم

ما چنها حضرت بت نبي..طلعت من الطف ابسبي
انته إنْتّجيت اعله السمه.وتجوتها طــايح منجتل
ــــــــــــــ

نظرة ضــوه موعن قصد.اتوديهـا بس توصل رمح
شايل عُمــرها ابلا نِفَس.يمشي العمر بس منذبح
ماتدري يحــديها الشمر..اخ اشكبر هــــذا الجرح
ماتدري يهــــلال وبعد .. تستر بديها من الصبح

وخيطك حبل من انگلب..يلتف عله جفوف ورگب
وصارت اسيــره بت علي..ويزجرها يحديها النذل



ــــــــــــــــــــــــ
✍️ميثـــاق المـــالكي
مُحَــــــرّم ///1438

#قصيدة_مقدمة للهلال

لاتهل لا ياشهر .. بجيتك كلبي انكسر
منك هواي عذابي منك هواي

ياشهر لمن تهل يكبر عذابي
بيك اشوفنه الحزن باقي علبابي
اعز من روحي وعلي عليه حجابي
ولو اشوفك ياشهر يكبر مصابي

بيك اني اطلع سبي… تحترك اطهر عبي
ومنك هواي عذابي منك هواي


بجيتك توكع جتل مذبوحه اخوتي
يعني اتمنه الي لو يدنه موتي
بدمعي اصيحن يابوفاضل مو بصوتي
لا تهل لا يشهر اهون لي موتي

يروح حارس خيمتي… بيك تكبر حسرتي
ومنك هواي عذابي منك هواي

شنتظر لمن تهل من يبقه اليه
يعني اروحن للغرب واطلع سبيه
يعني اشوفنه الحبل فوك من اديه
يعني اسمعهم يشتمون الزجيه

فوكي تلهب خيمتي… من افارك اخوتي…
منك هواي عذابي منك هواي

يعني لو توصل تره يسبوني باجر
وصدر اخوي احسين مترحمه الحوافر
بالمدن افتر انه ومسبيه اسافر
بجيتك اه ياشهر دلالي حاير

الخيل تسحك ع الصدر… يذبح حسين الشمر
منك هواي عذابي منك هواي

حافي اركض بالخيم واجمع بالايتام
والله ايامك تره هاي اصعب ايام
بكلبي منك للحشر موجوده الاسهام
ياشهر بيك انذبح من يحيي الاسلام

انته انته قاتلي ..اي وحق حيدر علي
منك هواي عذابي منك هواي

خالد عبد الساده

❉✎
قـل للـڪـآبـة تنجلـي✨
فاقترب تتويج الولـي👑
واذا بُليتَ بـنـڪبـةً💔
فاهتف ونادي ياعلي💚

#ياعلي 🤲

🦋الصـلاة على ولـي الامـر🍃🦋

💭💜اللهم صل على حجتك في أرضك، وخليفتك في بلادك، والداعي إلى سبيلك، والقائم بقسطك، والثائر بأمرك، ولي المؤمنين، وبوار الكافرين، ومجلي الظلمة، ومنير الحق، والساطع بالحكمة والصدق، وكلمتك التامة في أرضك، المرتقب الخائف والولي الناصح، سفينة النجاة، وعلم الهدى، ونور أبصار الورى، وخير من تقمص وارتدى، ومجلي العمى، الذي يملأ الأرض عدلاً وقسطاً كما ملأت ظلماً وجوراً، إنك على كل شيء قدير.....💜💭

🍀اللهم_عجل_لوليك_الفرج 🍀

جمعة مباركة