♥️ ‏السلام على من قضَى عمّره بالنوح على الحُسين ولم تغمض له عينّ .
🆈🆄🆂🆄🅵🅵

|•°🥀


‏ـ كانت نساء الشام تصب علينا من فوق السطوح الماء الحار وترمينا بالنار حتى احترقت عمامتي واحترق رأسي.

-الإمام السجاد (عليه السلام)

. ❥̆❥̆❥ .❥̆❥̆❥. ❥̆❥̆❥ . •
•

أبُحثُ عٌنْ ظًِلَّيُ .. وُنَْفُڛيُ .. وُڪَهّفُ يَُأوُيُنْيُ! فَُمْآ وَُجڊتُْ غٍَيُر ڪَهفُ "آلَِ مْحمْڊٍ" مْأوُﮯ!
.
.لَلَهمْ_صًلَ_عٌلَﮯ_مْحمْڊ_وُآلَ_مْحمْڊ
ُ♡♡...🌹..

منهاج درب السبي / ١٤٤٠ هجري

حُسينيّه بدت بالغاضريه ... صارت ثورة الطف زينبيه

………………………………………………………………………………………………………………………………


ضماير يوم عاشر بدت ثورتهه 

وبدرب السبي أُم عون كمْلتهه

زينب غيرة العباس غيرتهه 

يعجز كل وصف يوصف شجاعتهه


ثلث تنعام من الهاشميه ... صارت ثورة الطف زينبيه

………………………………………………………………………………………………………………………………


شاء الباري يبقه الألم متواصِل 

نجحت بمتحان الخالق العادل

مستلمه الكفاله من أبو فاضل 

والعِبره النهايه ونعرف الحاصل


مآثر حيدريه فاطميه ... صارت ثورة الطف زينبيه

………………………………………………………………………………………………………………………………


صبر زينـــــب وما أدراك ما زينب 

من عدهه العجب لو شاف يتعجّب 

يتعب كل صبر بس هيّه ما تتعب

زينب بالشدايد سيف المْجرّب 


يكفي بت علي الكرار هيّه .. صارت ثورة الطف زينبيه

………………………………………………………………………………………………………………………………


تاريخ البطوله حافل وشاهد 

مروي وينتقل من واحد الواحد

زينب بالقصر زعزعت كل حاقد 

مهيوبه وتعادِل ميةْ ألف قائد 


هويتهه الشرف نِعْمَ الهويه . صارت ثورة الطف زينبيه

………………………………………………………………………………………………………………………………


ستر اللّه  وضياء العرش حجّبهه 

أخذت بالشجاعه الحرّه مطلبهه 

تگدر وبسهوله الشام تگلبهه

تحسبهه عدل لو يوم تحسبهه 


أسرار الثبات الكوثريه ... صارت ثورة الطف زينبيه

………………………………………………………………………………………………………………………………


ثورة وبالبطولة شلون تتوصّف 

معناها إنتصار الدم على المُرهَف

زينب يمهه كل تاريخ يتوقّف 

يعجز والوصف للحرّه ما أنْصف


إلى أن تبدأ الطلعه البهيّه ... صارت ثورة الطف زينبيه

………………………………………………………………………………………………………………………………


باچر أبو صالح من يصفّيهه 

تكمل ثورة الطف بمعانيهه 

رايةْ فخر بالطلعه يعلّيهه

يبنيهه بعزم دوْلِته يبنيهه 


ياخذ ثار دم روح الزچيه ... صارت ثورة الطف زينبيه

………………………………………………………………………………………………………………………………


خادم الحسين عليه السلام

عمار هليل الواسطي

محرم الحرام / ١٤٤٠ هجرية 

«السَّلَامُ عَلَيْكَ يَا مَوْلَايَ، وَ عَلَى الْمَلَائِكَةِ الْمَرْفُوفِينَ حَوْلَ قُبَّتِكَ، الْحَافِّينَ بِتُرْبَتِكَ، الطَّائِفِينَ بِعَرْصَتِكَ، الْوَارِدِينَ لِزِيَارَتِكَ»

.
گُومو لينه اليوم اجينه
نشفوا مدامعنه التهل نزلونه من ظهر الهزل
ــــــــــــــــــــــــــــــــــــــ
يـاريـحـــة أمـنـه والابـو .. الشوفتكم اشتاگينه
خلصت مسافــات السفر .. وامـن اليـسـر ردينه
سومر دمعنه امن البچي .. وأتـورمــت رجـلينه
هـاي الـربـاب وام عـلـي .. ورمله اجت واسكينه

بس رقيه أشگد خطيه
سافرت من هذا الشمل نزلونه من ظهر الهزل
ــــــــــــــــــــــــــــــــــــــ
جيناكم ابجـرح اليسر .. وانصيح أمِت يامنصور
وشفنه مگابركم ضوه .. وجــابــر لگــيناه ايـزور
واحنه عله ظهور الهزل .. نــقــره زيارة عاشـــور
نقره السلامُ اعله الگمر .. واعلى الإمـام المنحور

السلامو عالخيامو
انحلفكم ابدم الطفل نزلونه من ظهر الهزل
ــــــــــــــــــــــــــــــــــــــ
هاذي حرمكم عودن .. وگلب المفارگ محروگ
شافنكم ابهيمه وبگن .. يتساگطـن من الــنـوگ
بس ماكو شيله مايله .. ولاثوب منهن مشگوگ
كـضـن الرايه العالنهر .. وضلن يسونهه أعلـوگ

يالنحبكم وابدربكم
ظلينه بس سوط وحبل نزلونه من ظهر الهزل
ــــــــــــــــــــــــــــــــــــــ
اهنا يالفـواطم بالسره .. يم الحـسـيـن امشنه
للجنه كل مؤمن يطب .. واحسين هوه الجنه
خنسوي مجلـس للطم .. يمه ونكـثــر الـونــه
ويالـهـاشمـيـات النعي .. وصوت البچي علنه

اليبچي يمه ايفرح امه
يالمطرت اعليكم نبل نزلونه من ظهر الهزل
ــــــــــــــــــــــــــــــــــــــ
وانروح يـم الــمـشـرعـه .. عدنه اخــو نمشيله
وانصف عبينه امن الشمس .. يستاهل انفييله
وانگع أچــفــوفـه ابدمع .. والفــاتــحـه نهديله
ويم گبره كل احنه سوه .. خل نگعد ونشكيله

خل نگله الفرگه ذله
بس الهواشم ماتذل نزلونه من ظهر الهزل
ــــــــــــــــــــــــــــــــــــــ
ويم جاسم انوج الشمع .. وللاكبر انسوي فياي
وعبـد الله ناخــذله لبن .. وانبلل اشفافه ابماي
السجــــاد هـــو اليعُتبر .. اول الــوادم مـــشاي
وانتن وراه بالقـافـلـه .. والمهدي هم باچر جاي

وبظهوره ايلالي نوره
وانصاره لمن تكتمل نزلونه من ظهر الهزل


#العبدالحسيني_محمدالجماسي

نعي عودة زينب ع بالاربعين
---------------------------------

انه زينب ولرض الغاضريه جيت
من الشام اجيت وبالدمع رديت
لا ضلي اهل لا وطن لا ضل بيت
والدمعه احتارت بعيوني

وصلت الكربله وماشفت خواني
اجيت من اليسر محد تلگاني
ابچي وبالدمع غطتني احزاني
رحت وجيت وماشافوني

رحت للشام انه اهنا تركت انحور
عذبتني الليالي وبيه گام اتدور
رجعت الكربله وماشفت بس انحور
ضنيت اهنا يتلگوني

رجعت بدمعتي ويايه اطفالي
نزلت من الهزل ناديت عالوالي
فگدت بكربله ياروحي چم غالي
معقوله اخواني ايتركوني

نزلت من الهزل وبصوتي گمت انعه
ومتفارگ اخدودي گامت الدمعه
نطيت الكربله يادنيه چم شمعه
هسه احچي ولا ميسمعوني

تصيح بصوت زينب للگلب يفجع
نادت وبحزنها بجمرت المدمع
راح امشي يخوتي وللوطن ارجع
اتمنيت تشوفون امتوني

الشاعر السيد رياض الرسل الجابري

#قصيدة #الاربعين ....
وزن..الهجري مقطوع..
.
..

خطوه خطوه أمشيها...خطوه خطوه أمشيها
يوم اربعين ازيارتك....خطوه خطوه أمشيها
.
..
.
آنه شيعي اسمي وموالي رافضي ايسموني
آنه مجنون ابأمامي ماله حد اجنوني
هذا دربي ما. اردن. فنهم. ايمنعوني
تسري يحسين ابدمائي وانت ضي اعيوني
.
دمعتي أجريها.... دمعتي أجريها
لمن أطوف بحظرتك... دمعتي أجريها
.
.
.
حسين حبك كل كياني وبيقيني وذاتي
هنه يندلن طفوفك لو مشن خطواتي
بيرغك عالي ترفعه يسرتي ويمناتي
آنه احب احرگ گلبهم حيل كل شماتي
.
نيتي انويها......نيتي انويها
اسجد واقبل عتبتك.....نيتي انويها
.
.....................
.
يالتفجر ما يهمني وين عدمن دارس
ماتخوفني. بجنونك. لو حزامك لابس
حسين علمني البطوله صرت بالطف فارس
عابس آنه وهايه حربي هم سمعت بعابس
.
المنيه اشريها....المنيه اشريها
بس كون اشمن تربتك....المنيه اشريها
.
.
.
ما اهاب آنه النواصب ما اهم كل غادر
ما ارد عن اعتقادي لو حقدهم شاجر
لسه صوتك هالينادي ما ألي كل ناصر
ثوره آنه وبمسيري اگطع الهم دابر
.
چفي من يلويها.... چفي من يلويها
لمن اعلي رايتك .....چفي من يلويها
.
.
.
الوسيله حسين حبك وانت انت الغايه
احسب أيام ولياليه. لربعينك. هايه
خلها تنشر الدواعش عالدرب رمايه
تسحگ الموت وتعبره .لجلك المشايه
.
روحي الك افديها....روحي الك افديها
يلي فديت ابعترتك....روحي الك افديها
.
.
.
الك يبن الهادي ترخص دوم وتظل روحي
ويه حبك آنه شلي غير دمعي ونوحي
منك اتنفس شجاعه يالطفوفك سوحي
آنه اطيبن لو تجارت الك دم اجروحي
.
الكرامه الگيها.....الكرامه الگيها
رايه وترف ابگبتك....الكرامه الگيها
.
....................
.
الذبح اصبح وسامك طحت دامي وضامي
بالحجر صوبوا هامك ريت صابو هامي
خطوه خطوه وياي تمشي.تشفي كل آلآمي
صرت مصدر فكري انت.ومرجعي والهامي
.
.......................
.
خطوتي اهديها.....خطوتي اهديها
للي انحرم من شوفتك... خطوتي اهديها
.
.

حسن الموالي الفاطمي
.
القصيده محرمه على رواديد ال DJ