السيده زينب ع تتكلم مع اخيها العباس بعد عودتها في الاربعين
-------------------------------



وصل ضعن الفواطم گوم ياعباس
تلگاني يخويه و لو متأخره

اجيت بأربعينك والگلب مشتاگ
فك باب الگبر منك ردت نظره

خجلان السهم بالعين ها متشوف
اخذ العين مني والگلب جبره

اگعد خل اسولف عالجره والصار
واراويك المتون البالضرب حمره

بعد عينك خذوني امچتفه بحبال
شسولف عالضرب عالشتم عالسطره

حدي بيه الشمر يا وسفه ياعباس
وصار الراي رايه والامر امره

وهسه اني اجيت ودمعتي بالعين
حاچيني خويه بداعت الزهره

حتى لو تون بالگبر اني ارتاح
سمعني ونينك والگلب صبره

متعوده يخويه امشي بس وياك
حارس خدر اختك انته والعشره

اجيت شلون وارجع وانته مو وياي
لتخليني خويه هواي منتظره

اول مره احچي وماترد عباس
راح ارجع يخويه وبالگلب جمره

مو هين افراگك صعب ياعباس
صعب كلش صعب وافراگك اشكبره








الشاعر السيد رياض الرسل الجابري

يالمهدي اجينه بدمعات انظر زحف خدامك


ويـنــه الـمنعـنـه يـنـظـر الـزوارك
مشايـه اجـتي اتعـاهــدك انصـارك
رايه احـنـه بيـدك سيـدي وثـوارك
خطارك احنه بكربله خــطــــــارك
بيوم اربعين المذبوح جبناها كلها اعلامك


مشايه اجـيـنـه و رايـه تتبع رايـه
وچـفـوفـنـه بفـيـض الدمه محنايه
للـزحـف انـظـر وانظـر المـشايــه
وفــايه كل هــاي الاجت وفـــايـــه
يالمهدي وفايه انصيح والاربعين ايامك


نـرفـع الـرايـه وبـدمانـه انعــاهــد
يالمهـدي انته المرجـع انته القائد
بـالـدم نـوقـعـلـــك والله الـشـاهــد
ويـــــاك احــنــه بالمصيبه واحــد
واسهامنه بوسط الروح يالمهدي هيه اسهامك






هاي الجـمـوع الـتـزحف اتلگـاها
راية نصر جـابـت تــرف ويــاهـا
يا آيـة الـقـدره و رمـز معـنــاهــا
خدامك احنه وخلي يشهـــد طــه
ايامك انته بدمعات تگضيها كلها ايامك


نـزحـف الك والعـالـم يشوفـونـــه
وشحدهـم يخـوفـونـه ويمنعـونــه
بصوت الـولاء انادي ويسمعـونه
بيوم اربعينك خلهم ايفجــرونــــه
بلكن نموتن يحسين ونحترگ مثل اخيامك


ونريد من امك الـزهـره التحـضـر
انصارك اتسجـلـنـا يـوم المحشــر
وهـنـاك نشرب ماينه من الكـوثـر
وانصيح وينك سيــدي ياحــيـــدر
تسگينه بيدك مولاي بالمحشر و گدامك





الشاعر السيد رياض الرسل الجابري

#جديد صفر 1440
قصيدة دمعه في يوم الاربعين..
……… ..وزن المجرشه…… ..
.
عمري فدوه الك عمري
نوحي وعبرتي وقهري
انته دمعتي التجري. ….. حُسيناه
.
.
.
يحسين الك ناوي السفر وي طلعة المشايه
فجر اربعينك من بزغ شلت ابيميني الرايه
رتلتك ابروحي. عشگ واربع حروفك آيه
سجلني. ياروح النبي وي ربعك الوفايه
.
أسمي أنته كل أسمي
جرحك يسري وي دمي
أگضي بخدمتك دهري.. حُسيناه
.
.
.
سائل اجيت الحضرتك منك اريدن نظره
تتصدق اعليه ابهظم وتمن عليه ابطبره
1900 جرح. انطيني. منهن. قطره
بيهن اواسي فاطمه بكسر الضلع والعصره
.
أسمع كسرة اعضامك
وافهم. ونّة. الآمك
واهدي الثورتك عمري .. حُسيناه
.
.
.
درب المشي لزيارتك متعطر بأحساسك
واليمشي مايتعب لأن يشتم عبير انفاسك
يالعندك انصار اشكثر بالخدمه رفعوا راسك
فزعوا مجانين العشگ خدامك وحراسك
.
خادم يغسل اجدامي
وآخر يروي بالظامي
واني دمعتي ذخري … حُسيناه
.
.
.
ماخذني الك درب العشگ امشي وعيش الآمك
بچفوفي ماشدوا حبل محروس أنه بخدامك
زاد الذي. استطعمه محرومه منه ايتامك
آنه المواكب.خيمتي وانت الجمر بخيامك
.
وجهي محد ايصفعه
ظهري محد ايدفعه
راحه بالگلب تسري… . حُسيناه
.
.
.
الگبرك ايرد الضعن يوم اربعين احزانك
يحمل خبر عن غربته من غيروا عنوانك
بنتك رقيه ابكل كتر چانت تدور احضانك
راسك تشوفه بلا جسد وتحاوطه عدوانك
.
لاچف لاحظن دافي
راسك بالرمح غافي
نادت بويه هم تدري… حُسيناه
.
.
.
أحلفك ابكسر الضلع هاي الزياره أقبلها
مدمن أنه بشم تربتك اودمعتك ماملها
سر كربله ماينفهم من كل درب نوصلها
حتى الطفل وسط المهد آية دمع رتلها
.
نحيى لمن انزورك
نبصر من يشع نوك
عاشگ للطم صدري… حُسيناه
.
.
تمت ولله الحمد
لا تنسوني ووالدي من فضل دعائكم المبارك
.
.
حسن الموالي الفاطمي
.
.
القصيده محرمه على رواديد الDJ

2018/10/20

للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

في امان الله .. يا حبيبي يا محرم
في امان الله .. يا صفر يالشهرك اعظم
في امان الله .. راح اظل بس بيكم احلم

في امان الله يشهور المصيبه
افراگم يعگوب وامودع حبيبه
حلوه حيل ايامكم واشگد غريبه
إمن الصبح لليل دمعاتي سچيبه

بيكم احله ايام .. بالمجالس من عشتها
بيكم احله ايام .. روحي اشعر طهرتها
بيكم احله ايام .. مابقى ابدلالي كل هم
في امان الله
_
شوگي ابمجلس أبو الأحرار گاعد
او للمجالس بالدمع ليليه گاصد
واسمع العالمنبر ابدمعاته صاعد
راح اشتاگ استمع ذيچ القصايد

لحله لطميات .. شوگي بس ابقى استمعهن
لحله لطميات .. اعيوني يتجارن دمعهن
لحله لطميات .. مو دمع راح اجري بس دم
في امان الله
_
اليوم سابع شوگي واجري دمعه دمعه
إمن الصبح اجمل خبز عباس اوزعه
او ليلة القاسم اجي او شاعلي شمعه
شلون راح اتذكره او رمله تودعه

ابليلة العريس .. ورده اجيبن واحله حنه
ابليلة العريس .. آنا اذكر كل حشدنه
ابليلة العريس .. عدنه چم شاب التبسم
في امان الله
_
اليوم العاشر شوگي وانظر دمعي ينهل
ابصوت عبد الزهره اسمع احله مقتل
الركظة اطويريج گلبي اهناكى يرحل
اركض او ملهوف اسلم آنا عالتل

هالله هالله إحسين .. انصيح ياعباس وينه
هالله هالله إحسين .. بالسيوف امگطعينه
هالله هالله إحسين .. عيلته راح اتيتم
في امان الله
_
او لمن ايخلص محرم دمعي ساچب
اتجه ويه اخوتي انصب مواكب
اخدم الزوار وآنا اگليبي ذايب
اخدم الشاب او بعد اخدملي شايب

الخدمة الزوار .. ابقى اشتاگ ابحسرتي
الخدمة الزوار .. ما اوصفها لهفتي
الخدمة الزوار .. احله خدمه او بيها اهتم
_
او من تخلص خدمتي امشي اعله جدمي
واشعر الزهره او علي يمشون يمي
واشعر ابدفترهم ايسجلون اسمي
او يندعون الوالدي او يدعون لمي

للمشي اشتاگ .. راح اظل يوميه وانحب
للمشي اشتاگ .. إمن المواكب ماي اشرب
للمشي اشتاگ .. اوخطوتي اشعرها بلسم
في امان الله

حيدر الحلفي

🌹 صباحكم_سُقياً_روياً_من_كفي_ابي_الفضل_عليه_السلام
#اللهم اجعل لي لسان صدق في أوليائك وحبب إلي مشاهدهم حتى تلحقني بهم وتجعلني لهم تبعا في الدنيا والآخرة يا أرحم الراحمين

#اللهمّ إنّي أعوذ بك أن أفتقر في غناك ، أو أضلّ في هداك ، أو اضام في سلطانك ، أو اضطهد والأمر لك.
صباحكم_دعوات_مستجابة_ببركة_الصلاة_على_محمد_وال_محمد
جمعة مباركة

#صباحكم_قلوب_تنبض_بالولاء_وحناجر_تصدح_بحب_الحسين_عليه_السلام
#اللهم صل على محمد وآل محمدٍ الأئمّة القادة والدعاة السادة والنجوم الزاهرة والأعلام الباهرة وساسة العباد وأركان البلاد والسفينة الناجية..

تبچي السمه وي فاطمه
للعسكري مدمعهه دم هالليله
*
هاللــــــيله ݘنــي ابفاطمه تبـــݘي اعـتنت سامره
تمشي وأديهه اعله الضلع كل خطوه تجذب حسره
اتعـنت تواسي المــنتـظر واعله المصيبه اتصبره
مكسور تدري ابخـــاطره ولوحده يجـــري العبره
محني الظهر يبݘي ابقهر
حيله عله الغالي انهدم هالليله
*




ݘنهه تحاݘي ابن الحسن وتـﮔــــــله جـــيتك يُمه
وضعك صعب يبني صُبح ابمجــره الدموع اتكلمه
مـــوسهله ادري اتيتمت ﮔلــــبي المصابك همه
مسموم راح العــسكري وغــــدار ندري السَمه
ابسم انݘتل عنك رحل
ولجله احس ﮔلبي انلݘم هالليله
*
هالليله جيت اجري الدمع يـــــمك وون يوليدي
وامسح دمعتك من تـــــهل بالشــيله يبني وبيدي
ظليـــــــت بس انـــته إلي يهلال روحي وعيدي
خوفي عليك امن الخـــطر بسمك يظل ترديـــدي
آخـــرولــد مـــــاظل أحد
روح النبي عمره انختم هالليله
*

ولدي ݘتل كلهه ﮔضت عـــندك عــلم يالــغالي
والدار من عدهم صُبح تــــــــدري ييُمه خالي
نوحي عليهم كل وكت مدمعــــي من دم هالي
واليـــــوم مني والدك راح وهــــــــظم دلالي
لفراﮔـه احن وانحب وون
هاج ابوسط ضلعي الألم هالليله
*
هل حان مــوعد غيبتك يبــــني ابــغيابك تدري
يُمه اليصوب مهجــتي اتغيب ودموعك تجري
لوضاﮔ صدرك بالحزن يالــمهدي أﮔصد ﮔبري
سولف هموك عالـﮔــبر يبني واخذ من صبري
يبن الحسن عندك محن
تشكي هموم ومنهه هم هالليله
*




موبس لبـــــوك العسكري بالغيبه تجري الدمعه
عندك خبر ضلعــي انكسر وثاري تتــاني اترجعه
وجرح الوصي ماينسي روحــــك عليه منفجعه
وللمجتبى وللمـــنــذبح او لولاده يبني التسعه
حزنك فرض يملي الأرض
لحزانك ابݘفك علم هالليله
***

تمت بعون الله تعالى وتوفيقه وفضلهِ وإحسانهِ والحمد لله رب العالمين وصلى الله على محمدٍوآله الطيبين الطاهرين وعَجل الله فرجهم وسهل مخرجهم اللهمَ صلِّ على
محمدٍوآل محمد
حيدركريم جارالله الكربلائي

‏هنا المهــديُّ في الظلمـاءْ
يُواري الشمسَ في اللحدِ

صباح الحـزنِ سامــراءْ
صباح اليُــتمِ يا مهـــدي
‎

صباحــكم حــزين


▪️عظــم الله اجـــوركم ▪️

له قسمات الوجه مثل محمد...وصولته كالمرتضى حين ما كرّا
#السلام_عليك_يا_مولانا_يا_صاحب_الزمان