يل تحب حسين باچر شيل بيدك قامتك
لجل الحسين ودمائه حيل اطبر هامتك
حيدر حيدر

1

خادم ولحسين باقي بيوم عاشر والصبح
مو جرح بالراس طبر طبر اكثر من جرح
شنهي لحسين الجروح
حسين يستاهل الروح
حيدر حيدر

2

يل تحب حسين طبر لجل الحسين بدمه
حتى بالمحشر تحضرك باچر انته فاطمه
والتحضره فاطمه
صك شفاعه اتسلمه
حيدر. حيدر

3

يل تحبون العقيله انطو للزهره عهد
مو شباب وشيب نطبر احنه حتى البل مهد
بقامة الحب والوفاء
خلها تصرخ هالدماء
حيدر. حيدر

4

حسين ناذر لجلي دمه شما اقدمله قليل
ابقه كل عمري اطبر ما اتركه مستحيل
بيدي شايل قامتي
واصرخ اني بطبرتي
حيدر. حيدر
5

مبدأ التطبير عدنه مبدأ الحق والوفه
ولهذا انطبر احنه عن يقين وعاطفه
هاي اسمعها الك
الطبره يحرسها ملك
حيدر. حيدر

6

بيوم عاشر من نطبر نطلع احنه من الصبح
والجرح يتشافه لنها فاطمه اتضمد الجرح
امقصرين بهل جروح
احنه فدوه الها نروح
حيدر. حيدر

7

من الصبح وبيوم عاشر والشباب امحزمه
للحسين الراس فدوه نطبر وينزف دمه
فدوه راس الاوفياء
ونصرخ بهذا النداء
حيدر حيدر

الشاعر السيد رياض الرسل الجابري

للتطبير
سيد رياض الرسل الجابري

شلون گضّيتها عَشْرَه الثانيه
حسين ما فارگ خيالچ ثانيه
ما كِمَل دَفْـن الحِنين
الله خالق له أربعين
ــــــــــــــــــــ
حسين حتّه بدفنه ضَلْ ما مستراح
يخْلَص من الخيـل يصعـد عالرماح
صـار ميّمونه الرمـح وبضعْنَـه راح
رافگاچ وخِلَـص سبييّچ يالله طـاح

يمشي بس أوداجه تگْطُر عافيه
إبرمحه ويسـولف سوالف دافيه
يدري باچر راجْعِين
الله خالق له أربعين
ــــــــــــــــــــ
گلُب والــد چـان ويْحـس بالزغـار
شما طفل ضاع انتبه له وراسـه دار
وچــان بالـ آيـات يختـار إختــيار
وعينه چانت عالشمر تمطر شَرار

حسين گلبه چبير گلب الوالد
وياچ طول الدرب واگـف گاعد
حسين أمان الخائفين
الله خالق له أربعين
ــــــــــــــــــــ
چانت حچايـاته تطلـع بالصمـيم
(أَمْ حَسِبْـتُم أَنَّ أَصْحَـابَ الْرَقِـيْمْ)
رغم ما بالضعن چان إشچـم لئيم !!
وانتو مچتوفين بس ضعنچ عظيم

النـاس إلـ تسمّي سبـي وهمـانه
جيش طبّيتوا اعله بن مرجانه
موش كيفه ابن اللعين
الله خـالق له أربعين
ــــــــــــــــــــ
خوش وگفات ويه ضعنچ عنده چان
وصار عنـده وياچ بصمه بكل مكان
حسين چـان أبطُـوله واگف للزمان
ينلچـم كلسـاع بس ينيـطچ أمــان

رغم دُوْرَت راسه تآذي أوداجه
چان يندار إعله گـدّ الحاجـه
عدل .. ميّت.. ما يِلِين
الله خالق له أربعـين
ــــــــــــــــــــ
وأبو فاضل دخـل قبلچ يـم يَزيد
إلـ وَحْدچ اتدخلين ميْعوفچ أكيـد
برمحه بس أوداعتچ لو عنده إيـد
چان خلّه الشام عِدْ جِدمچ عبـيد

الرمح شايل راسه بس بي خُوفه
چــان يتمَنَّــه بعـدها إچفوفه
برمحه گلّچ تنتچين
الله خالق له أربعين
ــــــــــــــــــــ

مهدي التقي

للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

عافوني الاحباب بقيت وي الدمع عافوني الاحباب
امشي وي الاجناب صرت بويه علي امشي وي الاجناب
............ ١.............
مشينه يبويه بعد ذبح اهلنه
بنيران المخيم تطشر شلملنه
تسحكه الحوافر اذا يوگع طلفنه
برمح يابويه شالو راس المحنه
راس الخدر شاب يبويه من الهظم راس الخدر شاب
امشي وي الاجناب صرت بويه علي امشي وي الاجناب
.............٢..............
من ركض المخيم عظم ماصاحي بيه
وهسه علناكه تدولبني بأذيه
اخافن اطيحن وانه مربطين اديه
ولا. ينكسر ظلعي مثل الزجيه
ماعوف الحجاب يبويه ولو طحت ماعوف الحجاب
امشي وي الاجناب صرت بويه علي امشي وي الاجناب
..............٣.............
انه الحامل الراس اكله زين الزمه
اخاف بمشيتك تميل وتلجمه
الألم لو ايتگاسم انه وياه اگسمه
يحركلي رمشه من اصيحله بسمه
بلحيته الخظاب حسين على الرمح بلحيته الخظاب
امشي وي الاجناب صرت بويه علي امشي وي الاجناب
..............٤.............
يدكون بلطبول يبويه الدمعتي
ويصيحون يزينب شعجب ماوكعتي
اجيتي بكفيلج وسبيه رجعتي
يلمحد يشوفج ابطولج طلعتي

يماشيني سلاب يبويه يياوكت يحديني سلاب
امشي وي الاجناب صرت بويه علي امشي وي الاجناب
.............. ٥................
شمسوين الاحبال خلوهه بركبنه
ونسينه لذت الماي نشرب من دمعنه
اذا نرتاح لظحات شمرهم يطكنه
يبويه تراب موماي منهم شربنه
تارسني عطاب لهسه من الخيم تارسني عطاب
امشي وي الاجناب صرت بويه علي امشي وي الاجناب
.............٦..... ........
درب اليشرد منين مانندل غريبات
الشرده اتريد رجلين والرجلين ميتات
يابويه العطش صار فوك اشفافنه ايبات
ومن خيامي الجفوف ضلت بيهه جويات
مجروحهه الرگاب. يبويه من الحبل مجروحه الرگاب
امشي وي الاجناب صرت بويه علي امشي وي الاجناب
..................
بشار السامي

ارد احظنك بويه كلش خايفه
هاذه راسك وين جسمك عايفه
فشله كدامك اجر انفاسي ،،شلون فوك امتوني كاعد راسي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راسك اجه وضاك الهوه ،تارس طشتهم بس ضوه
هسه بحلم جنه سوه ،هسه شبكتني
فزيت اشم عطرك ردت ،بس راس اجيت بنص طشت
بمكفاي بس لوفتشت ،تبجي علمتني
كلت اجيج وانه اخذت احجايتك
وكمت احضر وافرش مصلايتك
ليش تتركني بجروحي النازفه ،ارد احظنك بويه كلش خايفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من طيفك اعليه بطه ،فز كلبي جن طير الكطه ،
وجابولي راس اعليه غطه ،بس ماعرفته
مابيه اكومن بس كمت ،يم الطشت وتكربت ،
من الدمع كوه شفت ،راس وحظنته
مطبر وكوه عرفت اوصافك
من شفتهن يابسات اشفافك
شايل ابوجهك الي اجم سالفه ،ارد احظنك بويه كلش خايفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيك اشكثر روحي انتخت ،ذبحوك يانحر البخت ،
ترجيتي دم بعدك صفت ،جرح وبواجي
جرهن وصاحت كربله ،لتشك اذنهه مدللة
لو كايل انطيهن اله ،اه التراجي
بويه احس يوم الذي جراهن
جنه اخذ وصله من اذاني وياهن
هيج ناس ابلا رحم ماشايفه ،ارد احظنك بويه كلش خايفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، بنظراتهم صرت انجلد ،طفله وينظرولي بحقد ،
حضرلي يم راسك لحد ،شلي بحياتي
براسك اثر خله الرمح ،خل اشهك اكبالك جرح ، بسيف الحزن خلي انذبح ،واعلن وفاتي
ركظت الراسك تشمه اجروحي خلي اشبكك حتئ اودع روحي
روحي يم راسك تودع حالفه ،ارد احضنك بويه كلش خايفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بشار السامي

السيده زينب ع تتكلم مع اخيها العباس بعد عودتها في الاربعين
-------------------------------



وصل ضعن الفواطم گوم ياعباس
تلگاني يخويه و لو متأخره

اجيت بأربعينك والگلب مشتاگ
فك باب الگبر منك ردت نظره

خجلان السهم بالعين ها متشوف
اخذ العين مني والگلب جبره

اگعد خل اسولف عالجره والصار
واراويك المتون البالضرب حمره

بعد عينك خذوني امچتفه بحبال
شسولف عالضرب عالشتم عالسطره

حدي بيه الشمر يا وسفه ياعباس
وصار الراي رايه والامر امره

وهسه اني اجيت ودمعتي بالعين
حاچيني خويه بداعت الزهره

حتى لو تون بالگبر اني ارتاح
سمعني ونينك والگلب صبره

متعوده يخويه امشي بس وياك
حارس خدر اختك انته والعشره

اجيت شلون وارجع وانته مو وياي
لتخليني خويه هواي منتظره

اول مره احچي وماترد عباس
راح ارجع يخويه وبالگلب جمره

مو هين افراگك صعب ياعباس
صعب كلش صعب وافراگك اشكبره








الشاعر السيد رياض الرسل الجابري

في امان الله .. يا حبيبي يا محرم
في امان الله .. يا صفر يالشهرك اعظم
في امان الله .. راح اظل بس بيكم احلم

في امان الله يشهور المصيبه
افراگم يعگوب وامودع حبيبه
حلوه حيل ايامكم واشگد غريبه
إمن الصبح لليل دمعاتي سچيبه

بيكم احله ايام .. بالمجالس من عشتها
بيكم احله ايام .. روحي اشعر طهرتها
بيكم احله ايام .. مابقى ابدلالي كل هم
في امان الله
_
شوگي ابمجلس أبو الأحرار گاعد
او للمجالس بالدمع ليليه گاصد
واسمع العالمنبر ابدمعاته صاعد
راح اشتاگ استمع ذيچ القصايد

لحله لطميات .. شوگي بس ابقى استمعهن
لحله لطميات .. اعيوني يتجارن دمعهن
لحله لطميات .. مو دمع راح اجري بس دم
في امان الله
_
اليوم سابع شوگي واجري دمعه دمعه
إمن الصبح اجمل خبز عباس اوزعه
او ليلة القاسم اجي او شاعلي شمعه
شلون راح اتذكره او رمله تودعه

ابليلة العريس .. ورده اجيبن واحله حنه
ابليلة العريس .. آنا اذكر كل حشدنه
ابليلة العريس .. عدنه چم شاب التبسم
في امان الله
_
اليوم العاشر شوگي وانظر دمعي ينهل
ابصوت عبد الزهره اسمع احله مقتل
الركظة اطويريج گلبي اهناكى يرحل
اركض او ملهوف اسلم آنا عالتل

هالله هالله إحسين .. انصيح ياعباس وينه
هالله هالله إحسين .. بالسيوف امگطعينه
هالله هالله إحسين .. عيلته راح اتيتم
في امان الله
_
او لمن ايخلص محرم دمعي ساچب
اتجه ويه اخوتي انصب مواكب
اخدم الزوار وآنا اگليبي ذايب
اخدم الشاب او بعد اخدملي شايب

الخدمة الزوار .. ابقى اشتاگ ابحسرتي
الخدمة الزوار .. ما اوصفها لهفتي
الخدمة الزوار .. احله خدمه او بيها اهتم
_
او من تخلص خدمتي امشي اعله جدمي
واشعر الزهره او علي يمشون يمي
واشعر ابدفترهم ايسجلون اسمي
او يندعون الوالدي او يدعون لمي

للمشي اشتاگ .. راح اظل يوميه وانحب
للمشي اشتاگ .. إمن المواكب ماي اشرب
للمشي اشتاگ .. اوخطوتي اشعرها بلسم
في امان الله

حيدر الحلفي

توقف كل من الفيسبوك والواتساب و الانستغرام و.. مرة واحدة والخلل الحاصل فيها يذكرنا بخطورة الاعتماد الكلي عليها في حياتنا الشخصية والعامة، وان تكون الوسيلة الوحيدة في التواصل مع الأهل والأصدقاء.


واذا ما استمر العطل اياماً، فسوف نكتشف ان "نمط الحياة" الذي يعتمد على ملأ فراغات اليوم بمراجعة رسائل الواتساب، او متابعة منشورات الفيس، او صور الانستا .. انما نمط حياةٍ خاطئ.. ان تركناه فسوف لا نخسر شيئا، ولكن بالقطع واليقين سنربح كثيرا.

_السيد مُحسِن المُدرسي.

لشهادة الامام الحسن العسكري ع

يمتـه يـا يـوم الـفـرج يا ساعه تظــهر ... الله أكبـر
چـبد أبـوك العـسكري بـالـسـم تــوذّر ... الله أكبـر
*
ملينه من هذا الصبر ... ما تطفي جمر ٱمصابك
وليمـته نبگه ننتظـر ؟ ... تـــرجـع مـتـى ٱلأحـبابك ؟
نتـرقبك من كـل كتـر ... نسمـع نـــريــد ٱجـوابك
عـجّل فـديناك العــمر ... طـــوّل عــليـنه ٱغـيابك
نـاطــريـنـك ســـيــّـدي مـن عـالـم الـذر ... الله أكبر
نسأل وجرح البــعـــد ظـل بـيـنـه يكبر ... الله أكبر
*
ظلينه بـــــــدمـوع الـجــفن ... يا سـيـدي نـــــــتــــــــــــــنـــــطــــــر
طول الوكت ننعه ونون ... وبينه الـــجرح ظل يكبـر
غايب تظل لا ما نظن ... لا بـــد نـــشــــوفـــــك تـظهر
تتعـنــــى سامره بــــــــحــــزن ... لـمصاب عــودك تـــــثــــأر
شوف گبر الـعـسـكـري لـمـن تــفـجّـر ... الله أكبر
ولـمـــصـابه ونــــــــــايــبـــــــــة چـبــــــده تـذكـّر ... الله أكبر
*
يبن الـحسن ظل ينـتحب ... لـمصـاب أبوك اﻹسلام
لـمصيبته ٱبـگـــلب الـــمحب ... يبقه جــرح مـــــا يـــــــلــــتــــام
مظـــــــلـــوم حــــگــــــه مـنـــسلب ... جــــــاروا عـلـــــيـه الــظــــلام
خلص حـــــيـاتــــــــه ٱبلا ذنب ... بيـــن الغـصص والآلام
ٱمن المصايب والـقهر گـــلـبه تفـطر ... الله أكبر
ما رحـــــم بـيــــــــه الـدهـر لاچـــــن تصبّر ... الله أكبر
*
الله مـــــــــــــــــــــــــــا أعـــــــــــــــظـــــــــــــــم ألــــــــم ... گـلـبـك يـــــــسـر اﻷســــرار
چم طعنه بيه شـچم سهم ... تاركها چــــــــــفّ اﻷقــــدار
مو بس أبــــــوك الــــــــمـــــا سلم ... مــــــــــنّ الـزمــــان الــــــــــغــدار
گـبــــــره يـــــــــــمـــــــــولاي ٱنـــــــــــــــهـــــــدم ... ولهـــسه مــا مأخذ الـثار
مـا تـطـــــــــالـب ســيــدي ٱبثــــاراتـه تـحـضـر ... الله أكبر
آه من هذا الزمــــن شـــــــــــــتــريــــد أكــــثــــر ... الله أكبر
*
چم لوعه نـــتـــحـمل بعــد ... چم نايبه ٱشــچــم ٱصواب
يومــــــــيـــــه فـــــــتـوه مــن بـلـد ... ٱتــــــكـــــفــرنـــــه يــــــــبن اﻷطياب
أنت اﻷمـل أنــت الــسند ... إلـنـه يـبـــن داحــــــي الـــباب
نـــــــــتـــــــــأمـــــّـــــــلك يــوم الــوعــد ... تسـحگـﻬـا روس اﻹرهاب
ٱبلايه ذنب الشـــيعـي بغـــــــــيابك تكـفـر ... الله أكبر
گــــوم لأنــصـــــارك تــــــــره الـموعــد تــأخــر ... الله أكبر
عـجـل ظهورك ... سيدي ... عجل ظهورك
*
گلب المحب ظل منصدع ... وٱبْصـدره تــــســعـر نـارك
وثـــــار الــــبـــــتـــــول ٱبـــكـل ضـلع ... تـــــارك أثــــــــــــــــر أخـــــــبــــــارك
نــــتـــــــــــنـــــطـّرك نـــــــورك يــــــــــــشع ... ٱوتــظـــهــــــــــر تـــــطــــالب ثأرك
ونــــتــــمــــنّــــــــه لـــو صــــار الفـــزع ... تحســــبنه من أنـصـارك
آه يـــا نـــجــل الضياغم يــمــتـــه تــثــأر ... الله أكبر
باليـهود ٱتـــــعـــيد وقـــعـــة يــوم خــيــبـر ... الله أكبر
***

عمر فاروق البدراوي

#قصائد_شهادة_الزهراء_عليها_السلام


🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ

يم الگبر أبچي اوگفت مقهور
ليش الترب باگ إمن ادية النور
گلبي اويه ضلعچ فاطمة مكسور

مشتاگه الچ روحي اتصيح . وادموعي گدامي اتطيح . الگبرچ توديني الريح . حتى الهوى اوياي اشتاگ
ابليل اظلم آنه اتعنيت . ابلياچ گعدات البيت . تذبحني فاطم مليت . ما أدري يذبح لفراگ

شحچيلچ .. ماغافي من يوم الرحتي
شحچيلچ .. مدري آنه لو إنتي المتي
شحچيلي .. عافيتي يا فاطم خذتي
شحچيلچ

مشتاگ اصلي اوياچ انه لغروب
إلمن يعيش الما ملك محبوب
لو يبچي كل عمره ترى معذور
________
مشتاگ الچ مو بوصاف . دمعاتي أخفي او تنشاف . حيدر يصيحون انعاف . بعد الزچية الشمات
من رحتي ماغرد طير . واحچاية اصباح الخير . أسمعها گمت إمن الغير . حچي الحلو بعدچ مات

مو بيدي .. يم گبرچ إمن اگعد أنحب
مو بيدي .. يافاطمة العافچ يتعب
مو بيدي .. كل بيتي بعدچ ماينطب
مو بيدي

مشتاگ اسمعچ تقري بالقرآن
مت اعله شوفچ موتة العميان
والعافچ اشگد عالصبر مجبور
__________
اشمحلة الهوى ابگربچ آه . يمچ يزهرة اشمحلاه . أشتمه واصرخ الله . من گبرچ اعذيبي ايفوح
لو عنچ ابعد خطوات . يالزهرة اجر بس حسرات . مات الهوى بعدچ مات . وابروحي ماظلت روح

ماشمه .. حتى الهوى بعدچ گمت
ماشمه .. عطرچ يفاطم أيست
ماشمه .. احجاب العليه اتعودت
ماشمه . ماشمه

يالزهرة باقي بس جسد تدرين
لا عندي روح ولاوطن لا عين
هيچ الزمان اعلية گام ايدور
_________
آه اشكثر ياذي الليل . بعدچ يضي عيني اطويل . ياجنة ياطعم الهيل . اشيگضيها بعدچ دنياي
ابصدرچ صحيح البسمار . بس آنه لبصدري النار . افراگج حرگ كلبي او صار . مثل الجمر وانتي ادواي

بسمارچ .. اشما ألمچ بيه الألم
بسمارچ .. فطر هرش گلبي وهدم
بسمارچ .. راواني چم طف وخيم
بسمارچ . بسمارچ

اتصورته سوط وياذي لبنيات
وزينب شفت تركض عله الجمرات
البسمار ذكرني ابمتن مسطور
_________
اوليداتچ ابلايه افياي . عطشوا إلچ عطشة ماي . فاطم يسلمون اهواي . أولادچ الليلة اعليچ
كل ليلة من اينامون . ابثوبچ يزهرة ايشمون . عالباب رجعي ايكتبون . يمّ الحسن بلله وبيچ

بس عودي .. يايمى وانطشلچ ورد
بس عودي .. ضحكتنة يافاطم ترد
بس عودي .. يازهرة يانسمة برد
بس عودي . بس عودي

رجعي اعله بيتچ فَرحي لگلوب
چم دمعة طاحت چم گلب متعوب
يانبرة الحب ياحزن عاشور

#حيدر الحلفي

#قصائد_استشهاد_الزهراء_ع



قصيدة : بالحطب شبوا الباب
المناسبة :
هجوم دار الزهراء وحرقها وكسر الضلع وإسقاط الجنين ..إلخ...
الوصف : خطاب الزهراء لأبيها رسول الله صل الله عليه وآله



بُويَهَ مِنْ ضَمَّكْ اتْرَابْ .. هِجْمَوا اعْلِينَهَ لَصْحَابْ
خَـالِـفُــوهَـا الْوِصِيَّهَ .. بِــالْحَطَبْ شَبَّوا الْبَابْ
ـــــــ
لاحْ صُـوتِـي بُويَهَ مِنْ هِجْمَوا عَلَيَّهَ
آَنِي بِـنْـتْ الْمُصْطَفَى خِـيـرْ الْبَرِيَّهَ
وَصَّـى بِـيَّـهَ وَالِـدِيِ وِيـنْ الْوِصِيَّهَ
لا تِهِجْمُوا الــدَّارْ هَـاذَانِـي الزِّچِيَّهَ

الْعَبِدْ مَـــا رِحَمْنِي .. حِـرَگْ بَـابِـي اودِفَعْنِي
بُـويَهَ گُوَّهَ عِصَرْنِي .. اوسِگَطْ مُحْسِنْ بِالِعْتَابْ
ـــــــ
نِيَّةْ الْـعِـدْوَانْ قَـتْـلِـيِ مِنْ لِفُونِيِ
وِابْحَرِگْ دَارِيِ يَـبُـويـهَ رَوِّعُـونِـيِ
ابْنَبْتَتْ الْـمِـسْمَـارْ صَدْرِيِ آَلِّمُونِيِ
امن الْحَشَىَ طِفْلِيِ يَطَهَ سَگِّطُونِي

مِــــنْ أَثَرْ عَصْرَةْ إِعْدَايِ .. إِصحت يافضه تعاي
سِگَطْ مُحْسِنْ مِنْ إِحْشَايِ .. وِشْ ذَنِبْ طِفْلِيِ يَاباب
ـــــــ
صِحِتْ يَافِضَّهَ عَجَلْ گُومِيِ الْحَگِينِيِ
هَالنَّذِلْ مِنْ عَصْرِتَهْ أَسْـقَـطْ جَنِينِيِ
كَسَّرْ اضْلُوعِي يَـفِـضَّـهَ لِطَمْ عِينِيِ
عَلِيِ وِيـنَـهَ مَـا أَشُـوفَـهَ جَاوِبِينِيِ

جَاوُبَتْ فِـضَّـهَ بِالْحَالْ .. إِنْگَادْ حِـيــدَرْ بِلَحْبَالْ
الْفَارِسْ الْمِثْلَهَ مَاصَالْ .. بِـالْحَبِلْ گَادِتَهَ أَذْنَابْ
ـــــــ
إِطْلَعِتْ خَلْفَهَ أَسْحَبْ أَذْيَالْ الْمُصِيبَهَ
عَنِّي رَاحْ الْمُصْطَفَى مِنْ وِينْ أَجِيبَهْ
خَلُّوا عَنْ حِيدَرْ عَلِيِ لِـيـثْ الْحَرِيبَهَ
هَـذَا أَخْ طَهَ النَّبِيِ اوصَهْرَهَ اوحَبِيبَه

إبْصُوطَه لَوَّعْنِي مِنْ عَادْ .. هَـالْـرِجِـسْ يِحْمِلْ أَحْقَادْ
عَالْمَتِنْ نِــزْلَـتْ أَوتَــادْ .. امْنْ الضَّرُبْ خَاطِرِيِ ذَابْ
ـــــــ
امْصَابْ حِيدَرْ لِلضِّلِعْ نَسَّانِي كَسْرَهَ
ضِلْعِي بَـاچِرْ يِنْجُبُرْ وِجْرُوحِي تُبْرَهَ
لَچِنْ لُو مَيِّتْ عَلِيِ امْصَابَه اشْيِجُبْرَهْ
عَلِيِ يِطْلَعْ لُو غَضَبْ شَعْرِيِ أَنِشْرَهَ

رِدِتْ أَشْكِـي شِجُونِي .. غَـصُبْ دِمْعَتْ عِيُونِيِ
خِفِتْ لا يِـنْـسـِبُـونِي .. أَرْمَلَةْ دَاحِـيِ الْـبَـابْ
ـــــــ

كلمات خادم الزهراء (ع) :
السيد موسى السلمان الأحسائي