Дар корхонаҳои соҳаи энергетика - ҷамъиятҳои саҳомии кушодаи «Барқи Тоҷик», «Шабакаҳои интиқоли барқ», «Шабакаҳои тақсимоти барқ» ва «Помир Энерҷӣ», нишасти матбуотӣ оид ба ҷамъбасти фаъолият дар соли 2025 баргузор гардид.

********
Саҳифаҳои расмии Вазорат дар шабакаҳои иҷтимоӣ:
Фейсбук
Телеграм
Инстаграм

Бо мақсади беҳтар гардондани таъминоти соҳаҳои иқтисодию иҷтимоии шаҳри Бӯстон бо неруи барқ, дар зеристгоҳи барқии «Юмгон» трансформаторҳои нави қудратӣ насб ва ба кор дароварда шуданд.

Дастгоҳҳои мазкур бо иштироки роҳбарияти вилояти Суғд, шаҳри Бӯстон ва филиали ҶСК «Шабакаҳои тақсимоти барқ» дар шаҳри Гулистон расман мавриди истифода қарор гирифтанд.

Қобили зикр аст, ки трансформаторҳои қаблии зеристгоҳ дорои иқтидори 16 ҳазор киловолт-ампер буда, беш аз 40 соли охир фаъолият мекарданд. Насби таҷҳизоти нави энергетикӣ имкон дод, ки иқтидори умумии зеристгоҳ аз 32 ҳазор киловолт-ампер то 50 ҳазор киловолт-ампер расонида шавад, ки ин қадами муҳим дар тақвияти инфрасохтори энергетикии минтақа ба ҳисоб меравад.

Татбиқи ин иқдом барои таъмини боэътимоди неруи барқ, кам намудани сатҳи сарбории шабакаҳои барқ, пешгирии қатъшавиҳои технологӣ ва фароҳам овардани шароити мусоид баҳри рушди минбаъдаи иқтисодию иҷтимоии шаҳри Бӯстон ва ноҳияи атрофи он заминаи устувор фароҳам меорад.

✅@mewrtj

04-уми феврали соли 2026, Душанбе. – Бо иштироки вазири энергетика ва захираҳои об Далер Ҷумъа, директори Агентии назорати давлатии энергетикӣ Сорбон Холмуҳамадзода, намояндагони вазорату идораҳо, инчунин намояндагии Иттиҳоди Аврупо дар Тоҷикистон, ҷаласаи панҷуми Кумитаи роҳбарикунанда Барномаи дастгирии энергетикаи устувор дар Тоҷикистон баргузор гардид.

Дар оғози ҷаласа вазир суханронӣ намуда, вазъ ва равандҳои татбиқи лоиҳаро дар шаш моҳи гузашта мавриди таҳлил қарор дод.

«Айни замон, дар кишвар раванди ислоҳоти соҳаи энергетика идома дорад. Дар самти такмили заминаҳои ҳуқуқӣ ва танзимкунандаи соҳа корҳои назаррас анҷом ёфта, лоиҳаи Кодекси энергетикии Ҷумҳурии Тоҷикистон таҳия гардида, айни замон дар марҳилаи баррасии вазорату идораҳо қарор дорад», – таъкид намуд вазир.

Сипас, натиҷаҳои бадастомада дар доираи барнома мавриди муҳокимаи муфассал қарор гирифта, мушкилоти ҷойдошта ва роҳҳои ҳалли онҳо баррасӣ гаштанд. Ҳамзамон, нақшаи кори шашмоҳаи навбатӣ муайян карда шуд.

Муфассал
Поробнее

✅@mewrtj

‎05-уми феврали соли 2026, Душанбе. – Вазири энергетика ва захираҳои оби Ҷумҳурии Тоҷикистон Далер Ҷумъа бо Гозӣ Шбайкат, Намояндаи доимии Хазинаи Байналмилалии Асъор (IMF) дар Тоҷикистон мулоқот анҷом дод.
‎
‎Дар ҷараёни вохӯрӣ ҷонибҳо дурнамо ва масъалаҳои калидии ҳамкорӣ дар соҳаи энергетика, аз ҷумла ҷараёни ислоҳоти соҳа, беҳтарсозии идоракунии молиявии ширкатҳои энергетикӣ ва ҷалби сармоягузориҳои байналмилалӣ барои татбиқи лоиҳаҳои стратегиро мавриди баррасӣ қарор доданд.
‎
‎Зикр гардид, ки аз ҷониби Ҳукумати Ҷумҳурии Тоҷикистон ба раванди корҳои сохтмонии Неругоҳи барқи обии "Роғун", коҳиши талафоти неруи барқ, беҳтар намудани вазъи молиявии ширкатҳои энергетикӣ, инчунин, тавсеаи манбаъҳои барқароршавандаи энергия таваҷҷуҳи хоса зоҳир мегардад.

****
Саҳифаҳои расмии Вазорат дар шабакаҳои иҷтимоӣ:

Фейсбук
Телеграм
Инстаграм