*🏴🏴🏴🏴🏴
ـــــــــــــــــ
بمناسبة استشهاد السیدة الطاهرة رقیة
بنت الامام الحسین علیهم السلام
لخادم اهل البیت مرد مقدم
ــــــــــــــــــــــ
خل نبچی ابحـزن های المسیّه
بدیـــــار الغُرُب ماتت رقیّه
ــــــــــــــــــــــــ
خل نبچی ابحزن و ابدمع سچاب
و انشـــارک العتره ابهذا المصاب
رقــیه استشهدت ببلاد الاجناب
رزیــه ویا کُــبُر های الرزیّه
ــــــــــــــــــــــ
بعیده استشهدت عن دار اهلها
موقف کربلـــه الدامی ذهلها
عگب احسین ابــوها خاب املها
ضاع ویل سبط بالغاضریّه
ــــــــــــــــــــــــــ
عطشت والعطش فتت چبدها
واعلـه النهر مِتکوِّر عمدها
والی ابکربله ما بعد عدها
کلها امجــزَّره فــوگ الــوطیّه
ــــــــــــــــــــــــ
طفله وشاهدت حرب المیادین
و سبی العایله وحرگ الصواوین
فــرت خایفـــه وی النساوین
مسگومه غـدت من هل بلیَّه
ــــــــــــــــــــــــــ
فرت خایــفه من شدت النار
وامنهل السلب واخیول الاشرار
تنادی احسین ابوهــا ابدمع مطار
علینه الحگ یبن حامی الحمیّه
ــــــــــــــــــــــــــ
مسگومه اصبحت من شدت الخوف
ابوها انذِبـح یمها وعینها اتشوف
وابــلاد ابیسرها اتــــدور واتطوف
نحیلــه اصبحت من کثر الاذیه
ـــــــــــــــــــــــ
بین ارجال شرسه ابظعن یحدون
میتین الضمایـر مـــا یرحمون
عله اظهور الهــِزِل تتحمل شلون
بنت المصطفی سید البریَّه
ــــــــــــــــــــــ
ابــوها احسین نهّلها ابمصابه
وضیم الدهــر جرّعها ابشرابه
ماتت صابره ابــوسط الخرابه
بین الآه والونه الشجیّه
ـــــــــــــــــــــ
بچت زینب علیها و هلَّت العین
وصاحت من هلی اشخلیت یالبین
عتبه احساب الک واتطالب ابدین
راحوا کل هلی من بین ادیَّه
ـــــــــــــــــــــــــــ
✍مردمقدم
https://chat.whatsapp.com/LuK21Hy26KX3m2P53qpKRV

🌴🌹بیت ابوذیة🌹🌴
ـــــــــــــــــــــــــــ
الماعت خیط مزویتی معته
و لاصاحب المـا راعـه معته
طلـب للـمـا یـــویّبنـی معته
ولاشـد راس للعایف خویـه
✍مردمقدم🌹🌹🌹🌴
ـــــــــــــــــــــــــــ
✏قنوات الشاعرمردمقدم✏
⬇⬇⬇⬇⬇⬇⬇⬇

✏واتساب ۱
(اشعار اجتماعیه و تعلیمیه)
https://chat.whatsapp.com/Hxj8DnPmTF36sLaYVlTDT1

✏واتساب ۲
(اشعارفی مدح اهل البیت‌ع)
https://chat.whatsapp.com/LuK21Hy26KX3m2P53qpKRV

✏تلغرام
https://tttttt.me/mered35

✏اینستغرام
https://www.instagram.com/mared.moghadam?igshid=129n9c4eaher9

قصيدة تحت عنوان:
🌴 *وطنی*🌴
✍للشاعرالاستاذمردمقدم
🚩🚩🚩🚩
لا ادری ماذا اکتبُ فی شعري..
إن كانَ شعوري لا يطاوعُني..
هل اكتبُ دمعاتِ يتامة الحيّ..
وصرخات اراملهِ..
أم أكتبُ عن حنّاءٍ عُجِنت..
بِدموع نساءِ المفقودينَ ..
يا روحَ الشعرِ تعالَي نتعاطی
الحُزنَ ونكتُبُ شعراً ..
إنَّ الدنيا ضاقت في عيني ..
وإنهارت كُلُّ بقايا العُمرِ ..
وصار السُهدَ يُداعبُني ..
كَ اُرجوحةِ طفلٍ ..
صارَ يُداعبُ اجراس الدربِ
المحشوِّ ألمً ..
آهٍ ..آهٍ .. يا وطني ..
من يرضعُ من ثدي النتنِ ..
يخُنكَ يا وطني ..
يا جامعَ شملِ الأحبابِ ..
ومأوی الأفكار الحرّة ..
✍🏻مرد مقدم
✏قنوات الشاعرمردمقدم✏
⬇⬇⬇⬇⬇⬇⬇⬇

✏واتساب ۱
(اشعار اجتماعیه و تعلیمیه)
https://chat.whatsapp.com/Hxj8DnPmTF36sLaYVlTDT1

✏واتساب ۲
(اشعارفی مدح اهل البیت‌ع)
https://chat.whatsapp.com/LuK21Hy26KX3m2P53qpKRV

✏تلغرام
https://tttttt.me/mered35

✏اینستغرام
https://www.instagram.com/mared.moghadam?igshid=129n9c4eaher9

*🏴ابوذیـــــات🏴*󞠼􍀪
ــــــــــــــــــ
بمناسبة استشهاد السیدة الطاهرة رقیة
بنت الامام الحسین علیهم السلام
لخادم اهل البیت مرد مقدم
ــــــــــــــــــــــ
دمـه واجب دمعتی منّهلها
الرقیه وحیل انوحن منّهلها
هضیمه الدهـر شتها منّهلها
ابدرب الشام وافتها المنیّه
ـــــــــــــــــــ
الحادی بــالیسر للشام جدها
رقیــه الحیدر الکــرار جدها
تمشی وراس ابوهاحسین جدها
گلبها انصدع مـن های الرزیه
ــــــــــــــــــــ
رقیـّه اخـلاف ابـوها راحملها
ابیسُر وتشوف مامن راحملها
عگب سعــد اللیالی راحملها
طفلـه وعـانت انـواع الاذیـه
ــــــــــــــــــ
الرقیه اویای یمــوالی تعالی
من ضیـم الیسـرظلّت تعالی
تصیح ابصوت یاعمَّـه تعالی
ارید اموادعچ گبل المنیه
ـــــــــــــــــــــ
🏴مردمقدم
https://chat.whatsapp.com/LuK21Hy26KX3m2P53qpKRV

🌴🌴🌴🌴
//حــــکــــمـــــة//
ایّاک ان تستغل غباء الآخرین
کی تصل الی اطماعک و مئاربک
فتذکّر انّ رَبّکَ لَبِالمرصاد
✍مردمقدم

✏قنوات الشاعرمردمقدم✏
⬇⬇⬇⬇⬇⬇⬇⬇

✏واتساب ۱
(اشعار اجتماعیه و تعلیمیه)
https://chat.whatsapp.com/Hxj8DnPmTF36sLaYVlTDT1

✏واتساب ۲
(اشعارفی مدح اهل البیت‌ع)
https://chat.whatsapp.com/LuK21Hy26KX3m2P53qpKRV

✏تلغرام
https://tttttt.me/mered35

✏اینستغرام
https://www.instagram.com/mared.moghadam?igshid=129n9c4eaher9
🌴🌹🌴🌴🌹🌴

الشاعر مرد عبدالحسين المقدم من أبرز الشعراء المرموقين في المحافظة، فقد ترعرع في عائلة شاعرة و مثقّفة في مدينة شادگان (الفلاحية). درسَ أبجدية الشعر في مدرسة والده عبدالحسين المجيدماوي الشاعر الموهوب و الذائع الصيت، و الذي تغنّی الکثير من المطربين بأشعاره في زمن شبابه؛ و أما شقيق الشاعر هو الاستاذ عبدالقادر ابو عارف مقدم فهو أيضاً شاعر و أديب مثقّف، و لأولاد مرد أيضاً قريحة شعرية و اهتمامات واسعة في الشعر و الأدب؛ و الجميع شارکوا في الکثير من الإحتفالات و المهرجانات التي تُعقد في المحافظة.

لقد نشأ الشاعر مرد مقدم في بيئة ساحرة و طبيعة جميلة بنخيلها الوارفة و بأنهارها العذبة و بزقزقة عصافيرها. فهذه العوامل کلّها تضافرت و شکّلت من مرد مقدم شاعرا أديبا يمتلک ناصية الشعر و يحمل رسالة سامية في شعره. للشاعر إلمام واسع في فنون الشعر الشعبي و أوزانه. و هذه المعرفة العميقة بالشعر الشعبي دفعته الی ابداع فنّ جميل، هو وزن المقدم. للشاعر أيضاً قصائد باللغة الفصحی و قصائد نبطية تنمّ عن مدی تمرّس الشاعر و اضطلاعه بالشعر.
✍بقلم الدکتور والناقد رسول بلّاوی

✏قنوات الشاعرمردمقدم✏
⬇⬇⬇⬇⬇⬇⬇⬇

✏واتساب ۱
(اشعار اجتماعیه و تعلیمیه)
https://chat.whatsapp.com/Hxj8DnPmTF36sLaYVlTDT1

✏واتساب ۲
(اشعارفی مدح اهل البیت‌ع)
https://chat.whatsapp.com/LuK21Hy26KX3m2P53qpKRV

✏تلغرام
https://tttttt.me/mered35

✏اینستغرام
https://www.instagram.com/mared.moghadam?igshid=129n9c4eaher9

‏استعمل هذا الرابط للانضمام إلى مجموعتي في واتساب: https://chat.whatsapp.com/JkgTJYmxauG3vSOBBsEBWv

👆👆👆👆
تابعوا اشعار الشاعرمرد مقدم عبر الواتساپ🙏🙏🙏🙏

*هوسات حول الصاحب*
🌹🌸🌹🌸
✍للشاعر مرد مقدم
----------------------------
الصاحب کون یوفی الصاحبه ابدمّه
ماهـو بس احبّک من گعد یمّه
عون ایصیرله ویشارچه ابهمّه
والصحبه ایقدّر معناها
🌸🌹🌸
الصاحب من یصاحب کون یوگف لو نطه احچایه
و امنیشوف ملک الموت ما یتراجع ابرایه
مو کلیوم یمشی ابرای وبسع ینخبط مایه
وبیوم الضیج ایسد بابه
🌸🌹🌸
صاحب الیوفی العمامه ویفتخر من یعله اخو
وعاف مرته الساومتّه وظل وفی الأمّه وابو
صاحب الیعدل المیله وماغدر بل ماوفوا
وجدام الصاحب ذب روحا
🌸🌹🌸
صاحب الیملک مبادء عالیه وعنده اعتبار
ینصح اویاک ابصحبته او واضح ابلون النهار
لو نخیته ابیوم کلفه اعیونه تجّادح شرار
وللموت اویاک ایذب روحا
🌸🌹🌸
صاحب الیوفی ابوعوده ومایخون ابصحبته
ویفدی للصاحب حیاته ودم وریده ومهجته
اطواب من اتثور یمّه ابیومها ماهزّته
للصاحبه یوگف ملزومه
🌸🌹🌸
لو تصاحب خوش صاحب لو تظل وحدک فرد
ولا تهبّط راس لحّد صیر بس لله عبد
تذکره احسبها ونصیحه ابهوسة الشاعر مرد
محفوظه اتفیدک خلّیها
🌸🌹🌸
✍🏻للشاعر مرد مقدم
🌴🌹🌴🌹🌴

1⃣قناة نشراشعارمردمقدم ۱🚩
https://chat.whatsapp.com/Hxj8DnPmTF36sLaYVlTDT1

⬇الانضمام الی القناة الثانیة اذا کانت الاولی ملیئـة بالأعضاء⬇الأشعارمشترکه فی القناتین⬇

2⃣قناة نشراشعارمردمقدم ۲🚩

https://chat.whatsapp.com/JkgTJYmxauG3vSOBBsEBWv

*ابیات المجد*
....
*مجموعة ابیات *المجد*
«للشاعر الأهوازی الکبیر مرد مقدم»
🌸🌹🌸
الله اکبر لمّا یگول
*الف وسفه سهمنه ابهدف مالاح*
*لـئـن بـینـه الأخـو یـغـدر خـویّـه*
🌴🌴🌴🌴
«مجموعة ابیات المجد»
..........
*یوم البی مجد* یـا یـوم *یدنه*
حدنه وسیف عدنه اتشیل *یدنه*
نعید امجـاد ابونـه وفخر *یدنه*
ونخلّی ابدار کل ظالـم عزیه
🔹🔹🔹
*یوم البی مجد* یمته *یمرنه*
وعلـه الکلفات قایدنه *یمرنه*
ابذلّـه اشینفـع الـدلّـه *یمرنه*
الدلّه اتود یمر باروت ضیّه
🔹🔹🔹
*يوم البی مجد* یمته *يسرنه*
عسرنه ايروح وانشاهد *يسرنه*
شنهو السبب شو طوّل *يسرنه*
اليسر ذلّـه ومهـانه ومهضمیّه
🔹🔹🔹
*یوم البی مجد* یا یوم *یهلی*
ومدمعکم یشف الغصُب *یهلی*
اَمل عندی بنیته ابزمن *یهلی*
اشوفن دیرتی حلوه وزهـیّه
🔹🔹🔹
*یوم البی مجد* یـا یـوم *ینزال*
چـل زلـزال والـمـازال *ینزال*
اریدک من تشیل السیف *ینزال*
ینّی ابراس من داس الحمیّه
🔹🔹🔹
*یوم البی مجد* یا یوم *یا یوم*
وتـذبین ثـــوب الـحزن *یا یوم*
هم اتشوف عینی القَرِم *یا یوم*
الـنـه وبـالعـدل یملـی الوطیّه
🔹🔹🔹
*یوم البی مجد* شو طـال *ماطال*
وجف شرجی الیریده الگلب *ماطال*
عسه عُـمر الیعیش ابهضم *ماطال*
وعسه الیهوه المجد داره زهیّه
🔹🔹🔹
*یوم البی مجد* شو طال *ما لاح*
وصبی عین فدعه النزف *ما لاح*
الف وسفه سهمنه ابهدف *مالاح*
لئن بینه الأخو یغدر خویّه
🔹🔹🔹
*یوم البی مجد* یا یوم *ینشاف*
ومنل مِن قِسَن واحبِسَن *ینشاف*
عَبَث بحر الـزَخَر بالفَخَر *ینشاف*
وزود الحوت ینصه ابلمض حیّه
🔹🔹🔹
*یوم البی مجد* یا یوم *ینزال*
مثل زلـزال والـذل لـزم *ینزال*
اریدک من تشیل السیف *ینزال*
ینّی ابراس من داس الحمیّه
🔹🔹🔹
*یوم البی مجد* یا یوم *یمته*
جیته والزهـه اعلـه الظلم *یمته*
اقسم بالسِمه اعله الناس *یمته*
احـس وتخیّله صبح ومسـیّه
🔹🔹🔹
*یوم البی مجد* یا یوم *یا ساع*
الدنیه وللمعالی ابعزم *یا ساع*
تسرج صافنات الرمک *یا ساع*
وتشعل نارهـا من کل نویّه
🔹️🔹️🔹️
✍مردمقدم
* احسنت یا شاعر ابیات ینکتبن بل تاریخ*

✏قنوات الشاعرمردمقدم✏
⬇⬇⬇⬇⬇⬇⬇⬇

✏واتساب ۱
(اشعار اجتماعیه و تعلیمیه)
https://chat.whatsapp.com/Hxj8DnPmTF36sLaYVlTDT1

✏واتساب ۲
(اشعارفی مدح اهل البیت‌ع)
https://chat.whatsapp.com/LuK21Hy26KX3m2P53qpKRV

✏تلغرام
https://tttttt.me/mered35

✏اینستغرام
https://www.instagram.com/mared.moghadam?igshid=129n9c4eaher9

*هـوسـات*
بمناسبة میلاد
*الامام محمّد الباقر(ع)*☀
للشاعر مَـرِد مُـقـدّم
🌹🌸🌹🌸
یبو جعفر انوارک شعّت اعله الکون
متحیّر شوصفک سیّدی ابیا لون
ابمیلادک احبابک کلهُم ایهوسون
عید الهُم صارت هاللیله
ـــــــــــــ
هاللیله انولد مولود بس الله ایعرف قدره
مِتحیّر شَوصفه اشلون باچر لو بزغ فجرہ
ما تستوعِبه الاکوان نوره ایعود للزهره
وارسوم الهادی ابشمراته
ـــــــــــــ
یا دنیا انولد مولود للسجّاد هاللیله
ابوجعفر عظیم الشان والواجب نِحیّیله
رِسم ربّک ابوجها اکتاب مِن نور ابتفاصیله
بس الله ایقدّر تفسیره
ــــــــــــــ
لبوالکاظم تهانی ابشوگ نبعَثها او نودّیها
مزیونه ابورد وابیاس وابکل فرح نهدیها
الدنیا استرّت ابهل یوم واتحلّت معانیها
والکون امعیّد حَل بابه
ـــــــــــــ
اللیله فرحه، اللیله بهجه،اللیله مقرونه ابسعاده
اللیله حَل العَرش بابه او بارک الباری العِباده
انولد باقر للولایه او یا هَله ابهای الولاده
واجبنه العِتره انهنّیها
🌹🌸🌹🌸

*ابـیات ابوذیّـة*
🏴🏴🏴
بمناسبة استشهاد *الامام الهادی(ع)*☀️
للشاعر مَـرِد مُـقـدّم
ـــــــــــــ
اسی الهادی قَـهَـر گلبی وفاته
بالسم مُضه او تاذینی وفاته
عدوّه خابت آماله وفاته
ابمماته اَبدت حیاته السرمَدیّه
ــــــــــــ
المَکارم مِن هَله او عوده نهلها
نِحِن واجسامنه امصابه نهلها
اله یستاهل الدمعه نهلها
الهادی ابن الحسن ذاک الشفیّه
ـــــــــــ
اِلی ویّه الأسی گعده وبیته
ابحزنی الراد یدنانی وبیته
عله البسّم فروا چبده وبیته
لحده صار بمر ابن الدعیّه
ــــــــــ
المکارم مِن هَله او عوده نحلها
نِحن واجسامنه امصابه نحلها
بعد هیهات لحزانه نِحِلها
علینه اموشّحَه ابلوعَه او عَزیّه
ـــــــــــــ
المآسی دوم ادوّرها فراها
بنی العبّاس ماخلّوا فراها
سمهُم چبدت الهادی فراها
مِثِل عوده شِرب کاس المنیّه
ـــــــــــــ
اظل یل هادی احزانک محلها
او یبقه ابگلب کل شیعی محلها
حَسافه انوارک الطاغی محلها
سمّک وابحِزِن عم البَریّه
ــــــــــ
روایه الحزن للهادی شدینه
او عگب الفرح بل ونّه شدینه
دَینه الواجب اعلینه شدینه
وفانه الآه و الونّه الشِجیّه
ـــــــــــ
محاله احزانک انحلها محاله
علینه للحشر تبقـه محاله
وجودک حَسّب الطاغی محاله
خِطه ابسمّه او فِزِت بالاخریّه
🏴🏴🏴

*هـوسـات*
🏴🏴🏴
بمناسبة استشهاد *الامام علی الهادی(ع)*☀️
للشاعر مَـرِد مُـقـدّم
ـــــــــــــ
هِلّن دم دمع یعیون للهادی ابحزِن وابچن
خلّن للنَعن خلّان یحچن بالوفه عنچن
حتّی ام الحسن وحسین تشفع بالحشر الچن
یستاهل تبچن للهادی
ـــــــــــــ
عَود الحسن عانه الضیم من زمرت بنی العباس
عاصر حُکُم ست حکّام ماعدهُم رحم للناس
مثل اسلافهُم طاغین من غیهُم یشیب الراس
ستّتهُم عادوا للهادی
ــــــــــــ
من زمرت بنی العباس عانه الهادی ماعانه
فترة ظلم، فترة جور، واهما امنَـلَـد عدوانه
یمشون ابغدُر ویّاه رادوا طمُس عنوانه
وابسَمهُم رادوا یمحونه
ـــــــــــــ
بالسم رادوا ایضیعون اسمه او جملة اعلومه
او رادوا ینمِحی امنل دور شخصه او تنمِحی ارسومه
مات او منعوا التشییع عن ربعه او هَله او گومه
ما قبلوا لهله ایشیعونه
ـــــــــــــ
الهادی مِن گِضه مَسموم مَـحّد شیّعه امنَـهله
واجه من بنی العبّاس ضیم الما جِره مثله
المُـعـتز آمر ابکل جور گبره ابمنزِله ایجعله
ممنوع الناس ایزورونه
🏴🏴🏴

*ابـیـات ابـوذیّـة*
بمناسبة میلاد الامام
*محمد الجواد(ع)*☀️
للشاعر مَـرِد مُـقـدّم
ــــــــــــــــــــــــ
🌹🌸🌹🌸
بلاها الما شده ابعیده بلاها
یعیش العُمُر کل وکته بلاها
الجواد الروح بمحبته بلاها
عشگته وما دریت اشصار بیّه
ـــــــــ
اِرگه یالرضا اللیله جوادک
واگصِد گبّت الغالي جوادک
عشگته و من کِـثر عشگي جوادک
عگلي ومهجتي و روحي الشجیّه
ــــــــــ
الجواد انعرف بخلاقه وجوده
یحگلي طرب مولوده وجوده
وحگ عباس وعموده وجوده
محبته واجبه صارت علیّه
ـــــــــ
زاچي و کل دغش ما یجد لبنه
بنه سور المحبه ازهور لبنه
الرضا خل یبـتـهج بالفرح لبنه
الجواد الشع گمر وانتِشر ضیّه
ــــــــ
الجواد اعلوم مکنونه نشرها
إله رایت فرح واجب نشرها
نشرها الجهل میلاده نشرها
لئن مولود للزهراء الزچیّه
ــــــــ
اگلوب الما تودّه عیب تسعه
وُ تهـنه للجواد الغدت تسعه
ثمن اشموس وهوا انولد تسعه
وثلاثه اشموس من بعده مضیّه
ـــــــ
گلبي مکرمه وغایه وجدله
الجواد وُ هام بوداده وجدله
إله والد، وَلي عابد وجدله
وصي طه النبي سید البریّه
ـــــــ
بیابي عافت اللیله نزفها
ابولاده عیب من نطري نزفها
تهاني للنبي و آله نزفها
ابمیلاد الجواد السطع ضیّه
ـــــــ
الناس اتشید بالواهي وناشید
جوادي واطرب ابحُبّـه وناشید
وِرِد یحلن ابمیلاده وناشید
و إله انقیم الفرح صبح ومسیّه
ـــــــ
کفو بالرضع واتربّه بدرها
و زاد الخیر من اللّه بدرها
الدنیه انولد هاللیله بدرها
الجواد النّوّر ارکان الوطیّه
🌹🌸🌹🌸

*🌴🌹قــصیدة فـرح🌹🌴*
ردّادیّه بمناسبة میلاد
*الامام الجواد(ع)*☀
✍🏻لِخادم اهل البیت(ع) الشاعر مَـرِد مُـقـدّم
🌸🌹🌸🌹
ــــــــــــــــــــــــ
میلاد الجواد
بهجة وانسعاد
ــــــــــــــــــــ
میلاد الجـواد میلاد السعادة
فرحـة وامنیات وامبارک یسادة
هاللیله احلى عید واطقوس وعبادة
دعا مستجاب للیطلب مُرادة
لیله الما مثلها
جمیلة ابشکلها
اخذلک مُـراد
ـــــــــــــــــــــ
اِنـارة و بهاء تِبیّن علینه
یجلي الظلام کماله ابجبینه
قدومه السعید فخر للمدینه
سلیل النذیـر محمّد نبینه
امام الهدایة
کریم السِجایة
مُحال النَـفـاد
ـــــــــــــــــــ
نثرنـه الورود رفعنه التهاني
شعلنه الشموع فتحنه المباني
نحس بـرتیاح نَکـَـد ما نعاني
بعدنه الشجون بلغنه الاماني
نحبّه و نودّه
یظل عالي مجده
والسند والعماد
ـــــــــــــــــــــ
نودّه وُ یزود وعینه و رؤآنه
تَعدّه الحدود عشگنه وُ هوانه
محبّة و حنان نطانه و روانه
نظل ابأمان نعیش ابحَنانه
عقدنه النوادي
فرحنه ابتَمادي
فرح بازدیاد
ــــــــــــــــــ
نحبة ابجنون محبّة ابشراها
وداده العقول سلبها و خذاها
انولد والسرور ارضنه ملاها
انولد والنجوم زهتله ابسماها
ابـد ما مثیله
المجد ینحِنیله
سبیل الرشاد
ــــــــــــــــــ
جماله الفـرید یِـنَــور اللیالي
سلیل الرسول جلیل المعالي
عشگ مستدام رسمته ابخیالي
ملیک الفؤاد حبیبي المِثالي
هویناله کلنه
فرحنه ابحفلنه
نِشَدنه ابوداد
ــــــــــــــــــــ
تهاني ابسرور نودّي الرضانه
انیس النفوس جدیر الضَمانه
إله ابکل وجود نجدّد وفـانه
یا عـود الجـواد نگلّـه ترانه
بعدنه ابدربکُم
نموت و نحبکُم
لِـیومِ المعاد
🌹🌸🌹🌸
ـــــــــــــــــــــ
*🌹بیت ابوذیّـة🌹*
گلبی ابکثر ما حَبکُم نَحبکُم
عن کل المله نائی نَحبکُم
یبومحمّد عله الفطره نِحبکُم
محبّتکُم هَنه وجنّـه زِهیّة
☀🌹☀🌹

*ابـیات ابـوذیّـة*
🌹🌸🌹🌸
بمناسبة میلاد الامام *علی علیه السلام*☀
✍🏻للشاعر مَـرِد مُـقـدّم
ــــــــــــــــــ
علي بسمک سفینة نوح سارت
او طفت نار العَله ابراهیم سارت
ابمیلادک جمیع الناس سارت
یبن عم النبي و زوج الزچیّة
ــــــــــ
مِن مِثل اُم ابوالحسنین یابت
شجاع و بالفَـخَـر مَفرود یابت
علي ابیابیت صار و سِکن یابيت
ابّـیت الله و سِکن منزِل نبیّه
ـــــــــــــ
یحیدر لا ذهب غیرک ولایه
انته النباء والحجّه ولایه
نطاک الله یبو زینب ولایه
عله کلشي بعد طه نبیّة
ـــــــــــ
عگب طه النبي حیدر ولي تام
عَمل ما ینقِـبل دونه ولي تام
ارامِل عاشَت ابسدّه ولي تام
وابو للناس دنیه وآخریة
ــــــــــــ
علي آیه اعله کل آیه ولایه
البیها آدم نجه وحصّل ولایه
علي لا راحل ایشبها ولایه
علي سر خالقه وحِکمت نبیّه
ــــــــــــ
علي حُبّک شبیه العسل وصفه
فرید و حَـیّـر العشّاگ وصفه
علي یالما تِمسّک بیک وصفه
بلا عنوان دنیه وآخریّة
ــــــــــــ
تاه إلّي یِضِد حیدر ولایه
والهم حِمَس دلّاله ولایه
ابوالحسنین إله امناالله ولایه
مِثِل طه عله الکل البریّة
ــــــــــــ
نکرها الما یحِب حیدر نکرها
حیث اولایته السّمحه نکرها
رگبته ابسیفنه الباشِط نکرها
وُ کلمَن ینتِمیله اندوس ابیّة
ـــــــــــــ
علي القرآن والسورة ولایه
ابدنیه وآخِره عِنده ولایه
بعده ما یجي مِثله ولایه
مِثله و تَم ولي الرَّب البَریّة
ــــــــــــــ
یا کرار غیرک یاهوآیه
وارغب دون حُبّک یاهوآیه
روحي و شِفه جروحي یاهوآیه
وَنَس عمري واحسّک نَفس لیّة
🌸🌹🌸🌹

🌹🌷 *هـوسـات*🌷🌹
بمناسبة میلاد *امام العارفین والمٶمنین علی ابن ابیطالب(ع)*☀
✍لخادم اهل البیت(ع) الشاعر مَـرِد مُـقـدّم
ــــــــــــــــــــــ
ابیوم اِجت لیها الولاده یعني اُمّک فاطمه
رحمه مِن الله لجلها احتلّت ابواب السِمه
انشگ جِدار البیت الها و صرت یا حامي الحِمه
بس انته البس صرت ابّیته
ــــــــــــــ
انته صرت ابّیت الله والله طبعاً شرّفک
خصّک ابهاي الولایه والمحمّد عرّفک
حاوي عِلم اکتاب وحیه مستحیل الوصّفک
قرآن الناطق وآیاته
ـــــــــــــ
انشگ جدار البیت لُمّک یا علي مِن یابِتک
و آسیه و مریم وُ حوّه اتکفّلَن برعایِتک
غِدت کاروکک الکعبه والملایِک هـزّتک
یالوحدک حاوي الهالشاره
ــــــــــــــ
خِتَم رب الکون بیته والخَتِم طر الجِدار
او شاء مِن تولَد ابیوفه رسماً ایحَصل اعتبار
یاهوه بالعالم شبیهَک رَد الک نص النهار
والباب ابچفّک حلّیته
ــــــــــــــ
چَفّک الحَل باب خیبر والیسدّونه اربعین
یا وصي الباري و رسوله النِـمت بفراش الامین
الشِرِک والاسلام برزوا وانته فاروق الثنین
باب الله و عَدله و دستوره
ـــــــــــــ
انته سیف الله یحیدر وانته ناره و جنّته
وانته عنوان الولایه و باب عدله و غایته
ناده جبرائیل واعلَـن غیر حیدر لافتـه
سیف الله انته وعصة موسه
ـــــــــــــ
آنه ما غالي امنوصفک الله حَبّک واصطفاک
وصي خلّاک الرسوله والرضا انشَد ابرضاک
الله ولّاک اعله کونه و بس الک وحدک نِطاک
واسراره ابصدرک خلّاها
ــــــــــــــ
للنبي اسرار النِطاهن بعده حوّلهِن علیک
یا علي و حکم الوصایه سلّمه کامل بِدیک
انته قرآنه وحِکِمته و شاء فعلاً یصطِفیک
مختار الله ابجِنّه و ناسه
ـــــــــــــــ
یا علي انطاک الولایه و علّمَک حِکمه و درس
واختَمِت لکنوز عِلمه و طهّـرک مِن الرِجِس
وآمر ایطیعَک یحیدر مَعشَر الجِن والاِنِس
والما طاعَک نار ابعینه
ـــــــــــــ
سلامي للشهید حسین والعباس المشَکّر
عنوان الفخر والزود والکل مَکرمه مَصدر
اهنّیهُم ابهالمیلاد، میلاد الوصي حیدر
والعِتره اللیله انهنّیها
ــــــــــــــــــ
🌹🌸🌹🌸

*🌹قـصـیـدة*🌹
في حق امیر المؤمنین
*الامام علي(ع)*☀
لِخادم اهل البیت(ع) مَـرِد مُـقـدّم
🌹🌸🌹🌸
ـــــــــــــــــــــــــــ
أَشْهَدُ أَنّکَ مَـولَانَا عَلي
أَنتَ بَعدَ الرُّسلِ لِلنَّاسِ وَلِي
ـــــــــــــــــ
أَنتَ بَعدَ الرُّسلِ للهِ سَفیر
کَضِیاء الشَّمسِ وَالبَدرِ الْمُنیر
وَ وَصيٌّ للنّبي الهادي الْبَشیر
وَ أَمیرٌ صِرتَ في یومِ الْغَدیر
أَنتَ َهَديٌ وَ مَسار
أَنْتَ جَنّاتٌ وَ نَـار
أَنتَ عَدلُ اللهِ وَالنُّورُ الْجَلِي
ـــــــــــــــــ
أَنتَ بَعدَ الرُّسْلِ وَالْهَادي الْأَمین
أَنتَ مَـولاَيَ وَ مَوْلَی الْمُسلِمین
أَنتَ لِلنّاسِ إِمَـامـاً وَ مُعين
أَنْتَ هَـديُ اللهِ رَبِّ الْعَالَمین
أَنْتَ نُور الخافِقَین
وَ أَمیر الْمؤمِنین
لَستَ بِالْآخِـرِ أَنْتَ الْأَوّلي
ـــــــــــــــــــــ
أَشْهَدُ أَنّـکَ نـورٌ وَ ضیـاء
فیکَ أَرضُ اللهِ تَزْهُـو وَالسَّمَاء
یَا إِمَاماً لَـمْ یَخِبْ فیکَ الرَّجَـاء
أَنْتَ لِلْعـَدلِ مَـقَامـاً وَ لِــوَاء
أَنْتَ خَیـرٌ وَ عَـطَاء
أَنْتَ فَضْلٌ وَ نَـمَـاء
فَـلْیَمُت غَیظًـا وَ یَبلُـو عَـاذِلِي
ـــــــــــــــــــ
مَنْ یُوَالِیکَ نَجَی یَوْمَ الْحساب
وَ مِنَ الْقَبْـرِ وَ أَنْـوَاعِ الْعَذَاب
وَ مِنَ الشَّـأْنِ بِکَ لا یُستَرابْ
خَصمُکَ إِفْـکٌ وَ کُـفْـرٌ وَ سَرابْ
حُبُّکَ فَـرْضٌ عَظیمْ
مِنْ لَـدُنْ رَبٍّ کَرِیمْ
مِنْ لَـدُنْ، مَـنْ لا عَلَیْهِ یَنْطَلي
ـــــــــــــــــــــــــــ
لَوْ أَتَی عَبْداً وَ ِلِلهِ عَـبـَد
أَلفَ عَامٍ ثُـمَّ قَـاَم وَ سَجَد
وَ نَفَی الدُّنْیَا مِراراً وَ زَهَـد
وَ تَمَارَا فِیکَ بُغضاً وَ جَحـَد
فَـهْوَ کَفَّـارٌ أَثْیم
فِي سمُومٍ وَ جَحِیم
خَالِداً فِیهَا وَ حَقـاً مُبتَلي
ـــــــــــــــــــــ
کِلْمَةٌ طَـٰه النَّبيُّ قالَهَا
أَنا لِلْعِلْمِ مَدِینة، وَ عَليٌ بَابُهَا
وَابْنَتِي وَاوْلادُهَـا حُجَّابُها
وَ أَعَـدَّ الله لَـهَا أَسْـبَابُـها
نُورُنَا مِنْ نُورِهِ
یُهْتَدَی دَوْماً بِهِ
مُشْرِقاً لِلْخَلْقِ طُـرّاً وَ مَلِي
ــــــــــــــــــ
🌹🌸🌹🌸
*مع اجمل التهاني والتبریکات*

🏴 *قـصیدة جدیدة* 🏴
بمناسبة وفاة عقیلة بني هاشم *السیّدة زینب الحوراء(ع)*
✍🏻للشاعر مَـرِد مُـقـدّم
ــــــــــــــــــــــــــــــــ
علیچ العین هلّت یا زِچیّة
یبنت المرتضی حامي الحَمیّة
ـــــــــــــــــ
علیچ العین هلّت والدمع سال
و هم اگلوبنه ارها امنالِجبال
عله هالحال نبگه و نِحب هالحال
لیل انهار ننصبلچ عزیّه
ـــــــــــــــــ
ننصبلچ عزیّـه ابدمع مسفوح
وابلوعـه و حِزِن یا زینب انّوح
زدتي اگلوبنه آلام واجروح
صرنه انعیش بالونّه الشجیه
ـــــــــــــــــ
فگدچ مو سهل وِیهون هیهات
کل ونّه النِّجرها اتجیب ونّات
رفعنالچ عله کل بیت رایات
سود ایجسّدن هاي الرزیّة
ــــــــــــــــــ
فگدچ یا فگد یشبه مثیله
بس الطاهره الزهرا الجَلیله
من دم، الدمع واجب نسیله
الچ یَم الوفه صُبح و مسیّة
ـــــــــــــــــ
یاهي اتحمّـِلت مثلچ بلایه
وانواع الاسی و ضیم الرَزایه
المصایب صارن ابشانچ هوایه
منهن تنحِني اوتاد الوطیّة
ــــــــــــــــ
مصیبة ذاک ابوچ المات مظلوم
بالمحراب طاح الراس مجسوم
بید اشقه البشر والسیف مسموم
وابهالحال وافتّه المنیّة
ـــــــــــــــــ
واُمّچ یالعقیله و عَصرت الباب
بید اهل الخَنه ابلا ذنب واسباب
ضلعها انکسر بالبسمار وانعاب
و صرتی اخلافها ادموعچ جریّة
ـــــــــــــــــ
وامصاب الحسن مامن مثیله
بالسّم مرّدوا چبده و دِلیله
همّچ محّد الیگدر یشیله
لو تنجمع کل های البریّة
ــــــــــــــــ
واعظمهِن یزینب یوم عاشور
من غابت شمس واتهاوت ابدور
واهل الشَر علیچ ابخیلها اتدور
والاعظم واشد رحتي سبیّة
ـــــــــــــــ
مشیتي ادروب یا زینب صعیبة
صوب الشام مهضومه و غریبة
هزّیتي العَرش مِن هالمصیبة
وابحضنچ قَـهر ماتـت رقیّـة
ـــــــــــــــ
وابیوم الوگفتي ابمجلس ایزید
والطاغي ایتِشفّه اباَهلچ ایرید
واعلَن بنتصار اعلیکم ابعید
مطعون النَسَب وابن الدَعیّة
🏴🏴🏴