*🌹لَـوْحَــــةٌ🌹*
*ــــــــــــــــــــــــ*
یَا اَجمَلْ اِمنِالْـوَرِد💐
یَا اَطیَب اِمنِالـعُطُر
خَلّینِی اَحِضنَکْ وِفَه
خَلّینی اَشِمَّک عُمُر
یَا اَترَفٰ اِمْنِالـنِده
یَا اَبعَد اِمْنِالْشَمِس
هَم تِدرِی بِیَّه اِشسِدَه
مِنْ دَوّریتَک ْاَمِس
مِثْلِ اِلِمـبَربِع خـمُر
بَسْ گِلّی وِشحَصَّلِت
مِنْ عَامَلِتنِی اِبهَجُر
بَس شَبَّعتنی سَهَر
وِدموع عینِی تُخُر
ظُلْ یَمَّی لاتبتِعِد
مَاعِندی بَعدَکْ صَبُر
مُر بِیَّه نَسمَة هَوا
تِتغَازَلْ اویَالْفَجُر
رِد بِیّهَ سِچَّت عِشِگ
لاتجفَل اِمنِالْکُـبُر
هَذا اِلْتِشوْفَه وَغَف
واَلْلِیلو یغطَس حَدر
لا تِکسر اِبخَاطِرِی
کَسر اِلْخَوَاطِر صَعُبَ
بِسهولَه مَاینجُـبُـر
غافی اِعلَه جَرحِی مِلِح
وِالْهَسَّه مَا عَلَّمِت
لیَلی و نَهَاری سوه
مَا بین مَد و جَزُر
کل لحظه بیک انلِچِم
بَس گِلّی اَرید اَفتِهِم
لَیَش اِمْنَریدَک تِحِن
تِطلَـعلِـی مِیَّت عِذر
🌹🌸🌹🌸
للْشاعِر مَــرِد مُـقَـدَّم
🌹98/3/11🌹
*ــــــــــــــــــــــــ*

🌙 *وداعــاً یـا رمـضــان*🌙
ـــــــــــــــــــــــــــــــــــــــــــــــ
تَمَـهّـلْ اَیُّهَـا اَلْشَهْـرُ تَـمَـهَـلْ
لِمَاذَا فی رَحِیلکَ صِرتَ تَعجَل
حَبـاکَ اللهُ یا خَیرَ اَلشُهـورِ
وَ مِن کُلِ اَلْشُهورِ بَرَاکَ اَفْضَل
بِکَ اَلْاَکْوانُ تَزهو حیِنَ تَأتی
وَتَبقَی فِ اکتآبٍ حِینَ تَرحَل
بِکَ اَلرَحمَن یَمحو کُلَ ذَنبٍ
وبالاغلالِ ابلـیـسٌ مکـبّـل
بِکَ اَلْنیرانُ تَخمُدُ وَالْجِنانُ تَمیسُ
وَاَبوابُ اَلْثَوابِ بِـها تُحَلْلل
بهاَ اَلْـریّانُ للضمـأنِ یَجری
نَقیٌ ، باردٌ ، عَذبٌ ، مُعَسّل
اَیا شَهرَ اَلْصیامِ سَمَوتَ مَجداً
فَ اَنتَ اَلمُکرَمُ اَلسَامی اَلّمُبَجّل
وَداعاً والقلوب الـیکَ حَرّی
ویا فـذّاً الیٰ لُـقیاکَ نأمَـل
🌹🌸🌹🌸
*بقلم✍🏻الشاعر مرد مقدم*

🚩 *قصیدة رثـــائیة نعی*🚩
بمناسبة استشهاد *اسد الله ورسوله،محافظ الأسلام و اوّل قائد عسکری فی الأسلام🏴 عم الرسول الاکرم (ص) سیّدنا وحبیب قلوبنا الحمزة ابن عبدالمطلب علیه السلام*🏴
✍🏻لخادم اهل البیت(ع) ‌مرد مقدم
🏴🏴🏴🏴
حگنه انتم بسه وهموم وآلام
والمدمع یره ونلطم عله الهام
ـــــــــــــــــــــــــــ
حگنه انتم بسه ونلطم عله الروس
و انقیم الـعَزه و انحَزّن الشوس
و اهدوم السواد اتلوگ ملبوس
وانجدّد حزنـّه ابکل سنة و عام
ـــــــــــــــــــــــــــ
خنواسی النبی ابهای المصیبه
کلــنه ابروح مالومه وکئیبه
منّـه انفگد زمـزیـر الحریبه
جیدوم السرایه الدوم مقدام
ـــــــــــــــــــــــــــ
خنواسی النبی ابفگد الشفیّه
نلطم روسنـه و ننصب عزیّه
وانساعــد علی ابهای الرزیّه
واعله الدور نرفع سود الأعلام
ـــــــــــــــــــــــــــ
ســود اعـلام نرفع عل حیاطین
واتهــل دم دمعها وتهمل العین
هل یوم انصدع و اتألّم الدین
للضحّی ابحیاته ابدرب الأسلام
ـــــــــــــــــــــــــــ
للضحّی ابحیاته وفِده ابچبده
والأهل الشرک دومه ایتِصدّه
ما خلّه النبی المصطفی الوحده
بوجوده ابن اخیّه اشلون ینضام
ـــــــــــــــــــــــــــ
صیّاد الأسود اشلـون ینصاد
حمزه البل حرب ما تعّبه اطراد
ابرمُح وحشی یصیبه ابلِب الفّاد
ابحلیه امنل رَذیله ابغَدُر واجرام
ـــــــــــــــــــــــــــ
هِـند الـدبّرت های الخدیعه
ابحّیله وغدر مدروسه وشنیعه
هـدّت سور و رکانه المنیعه
ومن چبده المگطّع لبست اوسام
ـــــــــــــــــــــــــــ
ما من مـثل عملتها المهوله
هند الحاقده البشعه الجهوله
صابت حمزه اسد الله ورسوله
وسوّت من چبدته اسنونها اقسام
ـــــــــــــــــــــــــــ
هلّن دم دمع وبچن یالعیون
ابعملتها الخبیثه هزّت الکون
ابچتل حمزه خذت ثارات ودیون
وغیبت من سمه طــه بدر تام
ـــــــــــــــــــــــــــ
حمزه البالفعل مامن مثیله
محّد بالحرب یـوگف جبیله
عله امصابه الدمع واجب نسیله
والیبچی اعله فگده عیب ینلام
ــــــــــــــــــــــــــ
حمزه الماوصل واحد الفخره
اول قائد ابجیش ابو الزهره
بس الله ایعرف قیمِته وقدره
علیه صلّی الرسول اجلال واکرام
ـــــــــــــــــــــــــــ‌
علیه صلّی النبی من دون ربعه
تکریماً الــه سبعین رکعه
الحمزه بالفضل یختلف وضعه
دافع عــن نبوّه ومنهج ایمام
ـــــــــــــــــــــــــــ
دافع وبعزم واصل دفاعه
عن اصلین بیمان وشجاعه
فاز و آخره حصّل شفاعه
ابحور ابدور والخدّام ولدان
ــــــــــــــــــــــــــ‌ـ
اسمع یل تـرید اتصیر مثله
انصر بل تملکـه الدین واهله
دنیه و آخـره ابهل عَمل تعله
واتخلّی الخصیم ایعیش بوهام
ـــــــــــــــــــــــــــ
ضحّی ابکل شکل یل مذهبک زین
مثل حمزه الأسد شیخ السلاطین
اعلَم لا نجاة ابدون ابوحسین
من دون الصله ما ینفع اصیام
ــــــــــــــــ‌‌‌‌ـــــــــــ
العبد دون الصله تبطل اعماله
هاذه الحکم مـن رب الجلاله
من حـط‌ للنبی وشرّع رساله
علی اوّل شـرط ینعد بل احکام
ـــــــــــــــــــــــــــ
✍للشاعرمردمقدم

🌑🌑 *ابــیـــات ابــوذیّـــه*🌑🌑

*بمناسبة استشهاد الامام محمد الجواد علیه السلام*

من کلمات خادم اهل البیت علیهم السلام
الشاعر مَــرِد مـقـدم🌑🌑
ـــــــــــــــــــــــــــ
مـا یــوم الــوکـت لـشـفــای بَـسّـم
مِـثـل حـای الـیـعِـد الـنـجـم بَـسّـم
عله المردت چبدته اُم فضل بـسّـم
الـجواد وعـافِـتـه ایعـانی المنـیّـه
ـــــــــــــــــــــــــ
الدنیا اعلـه الجـواد الحِـزن عَـمـهـا
مَـلـوم الـفـرگِـته مِـن تِـحِـد عَـمـهـا
حَسافـه اُم الفَضَل طاوَعَت عَـمـهـا
ودسّـت بـالـعَـنَـب سَـمـهـا الغَـبـیّـه
ــــــــــــــــــــــــ
هلـک من کِـثر جـود البـیک سمّوک
جــواد وشـیعـتک بل مجد سمّوک
یبو الهادی حَسافه اعـداک سمّوک
حگـنـه انتم بسـه و ننصِب عزیّـه
ــــــــــــــــــــــــ
اعله اهلها اُم فضل ما باقی حَیلهـا
ابحِـیلهـا ابلـیس مسـتانس حَیلهـا
الـف یـا حـیـف مـا خـابـت حِیلهـا
سگت چَـبـد الجواد اسمـوم حیّـه
ــــــــــــــــــــــــ
وحَـگ الّــی روه الشفّـین منشاف
یبو الهادی عـلیـک الدمـع منشاف
هلگد مِــن مصایب حِمل منشاف
چَـتل وبسـّم تـوالـیتوا الـمـنـیّـه
ــــــــــــــــــــــ
الجـواد اشـچان تقـصیره وذنـبـه
معـانی السـم فَـرَن چَبده وذنـبـه
کـیـد الـمـعـتـصِـم هـاذه وذنـبـه
وَز اُم الـفـضـل و اعـمِـلَت هـیّـه
ــــــــــــــــــــــــ
شَد غوجه الاسی او عی بعد یاعین
ابصبری ومــابـگالـی حـیـل یاعین
ابـــچــی للجــواد ادمـــوم یاعین
شـرب من چف حِقد کاس المنیّه
ــــــــــــــــــــــــ
اُم فضِل والمعتصِم بل شر عِدوله
مِـن الـسـم القـوی الـقـاتـل عِدوله
مِـثـل مـا عَــادوا الاهــلــه عدوله
جـرُمـهُـم مـا نِـگص عَـن آل اُمیّه
ـــــــــــــــــــــــــ
شـهر فگدک یبو الهادی بسی هـل
مواکب بالأسـه انقـیمه بسی هـل
علیک الدمع یل متوالی بسی هـل
بَسـه ویـبدی الحزن بل جعـفریّـه
ــــــــــــــــــــــ
علیک الـدمع یـل غــالی تـجـاره
یـل حُـبّــک لِـنـه یـنـعـد تـجـاره
اشلون ابسمّک الطاغــی تـجـاره
تبـع سیرت هَـلـه ابـهـای الرزیّـه
ـــــــــــــــــــــ
خِـطّـه المعتصِم خَـطها وعَـدها
لُـم الفـضل بس سَـرهـا وعَـدها
و اُم الـفضل ما خِلـفت وعَـدها
سمّـت لـلـجـواد ابعَـنـب هـیّـه
ـــــــــــــــــــــــ
حـگـّه الجـفـن لمـصابَـک مثل‌ ‌ما
الدین اصبحِت یل غـالی مثل ‌‌‌‌‌ما
مـتـت مسمـوم و تعـانی مثل ما
هَلک بلسم گضوا وسیوف اُمـیّـه
ــــــــــــــــــــــــ
حگی للـجــواد انحــول تـمّـیـت
وانته یل مـوالی ابحِزن تـمّـیـت
بید اُم الـفضـل یا حیف تـمّـیـت
سِگتّـه امنالــعنب کاس الـمنـیّـه
ــــــــــــــــــــــ
مصادر سَم ابـو الـهـادی روتّــه
الـدنیـا قِصص مختـلفـه روتّــه
اُم الـفــضــل بــیـدیـهــا روتّــه
حثها المعتصِم واعــمِلـت هـیّه
ــــــــــــــــــــــ
بنی العباس غـزلوا حِـقِـد ودروه
حسّوا بـل جـواد الخطـر ودروه
بل سم یا حَسافه ابعَجَل ودروه
خذوا مِهنه ودرس من آل اُمیّـه
ــــــــــــــــــــــــ
ابضیم اگلـوبـنـه الـتاریـخ وسّـم
والـنـه ابلوعـة اهـل البیت وسّـم
خلصوا یا اسف بل سیف وسّـم
علیهـــم للحشـر ننصب عـزیّـه
ـــــــــــــــــــــــ
بنی العباس هذا الحقد داسـوه
کـفـروا بـلنـبـی والدین داسـوه
سَمـهُـم للجـواد ابعَنب داسـوه
جریمه اتـزلزل ارکان الوطـیّه
ــــــــــــــــــــــ
گضینه العُـمُر دمعَـتنه تَـهِـل بس
لبو الهادی و فراهتنه تَـهِـل بس
یشهر اموادعه اعلینه تَـهِـل بس
سلونه الـنوح والـوَنّه الشِجـیّه
🏴🏴🏴🏴

🏴 *قصیـدة نـعی عـن لسان حال السیّـدة زینب الحـوراء(ع) تُـخـاطِب و تُـعـاتِب هـلال عـاشـور*🌙🏴
لخادم اهل البیت(ع) الشاعر مَـــرِد مُـقـدّم
ـــــــــــ
عِـتاب اویاک اِلی یَـهلال عـاشـور
گِـلّـی اِشلـون تِـگـدَر تِـطلَـع اِتـنـور
ــــــــــــــــــــــ
عِـتاب اویاک اِلی و اِسمَـع عِـتابی
تِــدری ابـهَـلّـِتَـک تـاخِـذ اَحـبـابـی
و اِبـنـوح او حِـزِن یِـبـدی عَـذابی
و ابگـه حایِـره و الگلُب مَـکسور
ــــــــــــــــــــــ
هَـم تِـدری اِشیِصیر ابـهَلّـِـتَک هـای
تِگطَـع عَـن بَنات الـمُصطَـفی الـمـای
اِلبَـس ثـوب حِـزنَک و الـطُم اویـای
ظُل لاخِـر حَیاتَـک بـالـحِـزِن دور
ــــــــــــــــــــــ
ظُل دور ابحِـزِن کِل وَکِت یَـهلال
و ابچی اویـای دوم ابدَمِـع هَـمّال
تِـدری ابـهَـلّـِتَـک تِـتـیَـتّـَم اَطـفـال
و اِتـرَمّـِل نِـسه و اِتـذَبّـِل اِزهـور
ـــــــــــــــــــــــ
لَـتـهِـل یـا هِـلال اَرجـوک لَـتـهِـل
بَـلایـه اِبـهَلّـِتَک لآل النَبی اِتـحِـل
اَطـهَـر ناس فـوگ الارض تِکـتِـل
و ابکربـله اِتـغیب انجوم و ابدور
ـــــــــــــــــــ
بـیهـا تِحـتِرگ و اِتـدَخّـِـن اِخـیـام
و اِلدین اِبـنَـبِـل یِـنقِـتل و اِسهـام
بـیهـا دَم طِـفِـل ینسِـفِک و ایمـام
بـیـهـا تِـنـذِبِـح آیـات و انـحـور
ـــــــــــــــــــ
تُـبـگـه ابـهَـلّـِتَـک زیـنَـب وَحَـدها
فوگ الـنَـهـر مِـن یـوگـَع عَـمَـدها
ما عِـدها الیـِردهـا الـوَطَـن جَدها
تِمشی اِمیَسّـِرَه و اِتـطُب بالـِقصور
ـــــــــــــــــ
بـقـصـور الـکُـفُـر تـوگـف رَهـیـنـه
تِـنـدِب یـا عـلــی لَـحّـِـج عَـلـیـنـه
بَـعد اِحـسـیـنـه بـویـه اِنسِـبـیـنـه
و اَصبَحنه اِبـهَـضیمـه او ظُلم و اِبجور
🏴🏴🏴

🏴 *قـصـیـدة نــعـی جدیدة بمناسبة استشهاد سیّدی ومولای الأمام علی ابن الحسین زین العابدین(ع)🌙*
لخادم اهل البیت(ع) الشاعر مَـرِد مُـقـدّم
ــــــــــــــــــــــ
تعالوا ابدم دمع وابگلب مالوم
للسجّـاد نبـچی ابحزِن هالیوم
ـــــــــ
خَل نبچی تعالوا ابگلب مجروح
و ابونّه شِـجـیّه اتـذوّب الـروح
هـاذ ایمامنـه و یسـتاهل النوح
خَلّص کِل حیاته اهموم بهموم
ــــــــــ
تعالوا ابکل حِزِن نبچی یشیعه
و انشـیّد مَـآتمـنه الوسیعه
فجیعه و یا کُـبُـر های الفجیعه
دین الله ابغیابه صُبَح مهدوم
ــــــــــ
دسله السم هُشام ابغَدُر و اجرام
و ابهاذ العَمَل سم گلب الأسلام
مِن غیّب علی غیّب بدر تام
غیّب سِر خَفی وآیات وارسوم
ــــــــــ
هُشام امنالولید استَلـَم دستور
نفّذ هَل جریمه و غیّب النور
یشیعی ابهالمصیبه های ماجور
ابچی المقتداک الصار مسموم
ــــــــــ
علیهم بالخَـطر حَـسّوا وجوده
هَز اعروشهم عِلمه و سجوده
سووّا های عملتهُم السوده
ظَنّوا هل عَمَل یستِمر مکتوم
ــــــــــ
اُمیّه کِل حکمهُم کُـفُر و الحاد
ظلمـهـم مانگص کلیوم یزداد
عله الدنیا العفی بعدک یسجّاد
سلوانه الاسی والاسف واللوم
ــــــــــ
عاشر مِن محرّم یوم الاهوال
مِن شِدّت امصابه ایهدّم اجبال
مطاعین او عطش و عیال و اطفال
والحَرگ المخیّم خیلها اتحوم
ـــــــــــ
حرگوا للخیم وابن النبی ایشوف
واهل الشَر عِدت برماح واسیوف
وایعاین العمّه ما من اچفوف
طایح بالشریعه الراس مجسوم
ــــــــــ
ما صارت مثل حاله و بلوته
اهله امجزّره اعله الثَره وموته
گضّه العُمُر بالدمعه سَلوته
طفّه الدهر منّه ابدور وانجوم
ــــــــــ
ابو جدّام عینه انذِبح عطشان
وابجسمه الخیول العِبت میدان
ظل وحده ابحَرم واطفال رضعان
وایشوف العقیله اتطیح واتگوم
ـــــــــــ
زینب چتل اخوها حسین هدها
مِن الضیم ما ظل حیل عِدها
مصایب کربله کلها شَهَـدها
عطشان الچَبد والجسم مَسگوم
ـــــــــــ
اسیر انگاد للکوفه او یعمته
او طوگ الجامعه ایحِز ابرگبته
یم ابن الدعی صعبه وگفته
یتشفّه ابهله الغالین بالسوم
ـــــــــــ
والأعظم واشد مِن مشوا للشام
یحدیهُم زَجُر و ارجاس ظلّام
خِدّر عالهِزِل والروس جِدّام
و ارمال الدَرب و اخرور و اچموم
ــــــــــــ
کل ساعه ابنَزل و ابحی یمُـرّون
خوارج بیهم الوادم یـظـنّـون
ابعلی او ذنّی خواته وین یدرون
بدو یتصدّقون ابزاد و اهدوم
ـــــــــــــ
بچت مِن ضیمها او حَـنّت اسکینه
او نادت یا علی ابونّه حَـزینه
یخویه الناس تتصدّق علینه
گلها استرجعی الله ابگلب مهضوم
ــــــــــــــ
مِـن بعد المهابه او زود عباس
حافی الجِدَم یمشی امکشّـَـف الراس
عله اخواته غِدت تتفرّج الناس
عید الآل اُمیّه احساب مرسوم
ــــــــــــــ
طبّوا بالقصر و یـزِیـد سکران
ظل یشتِم عَـلی مِـن دون وجدان
ایگول الیوم افرحوا یال سفیان
مِن هاشم خَذِت ثارات و ادموم
ـــــــــــــــ
یحچی ابلا حَیه طاغی زمانه
ذاک الیوم ریته انشَل لسانه
طگ شفت السبط بالخیزرانه
ابن هند النَذل تاثیرت الشوم
🏴🏴🏴🏴

هلّن یدمعات الـــورد
عُمرالطحیحینه ثلج 🌴
بردانه روحی و تنتظر
بلکت ضوه الغبشه یلج🌴
حدر السنابل مو گطه
هـودر قـطار المُختِنِج🌴
جاز الفــلاحیــةابزعل
ما مَـر فـراگینه ابغَنِج🌴
ما عاین الخوص النخل
ماشاف گلبی المحترج🌴
ضحکن ینجمـات الصبح
دولاب دولبنی العـشِج🌴

✍من روائع الشاعرمردمقدم

*ابیات المجد*
....
*مجموعة ابیات *المجد*
«للشاعر الأهوازی الکبیر مرد مقدم»
🌸🌹🌸
الله اکبر لمّا یگول
*الف وسفه سهمنه ابهدف مالاح*
*لـئـن بـینـه الأخـو یـغـدر خـویّـه*
🌴🌴🌴🌴
«مجموعة ابیات المجد»
..........
*یوم البی مجد* یـا یـوم *یدنه*
حدنه وسیف عدنه اتشیل *یدنه*
نعید امجـاد ابونـه وفخر *یدنه*
ونخلّی ابدار کل ظالـم عزیه
🔹🔹🔹
*یوم البی مجد* یمته *یمرنه*
وعلـه الکلفات قایدنه *یمرنه*
ابذلّـه اشینفـع الـدلّـه *یمرنه*
الدلّه اتود یمر باروت ضیّه
🔹🔹🔹
*يوم البی مجد* یمته *يسرنه*
عسرنه ايروح وانشاهد *يسرنه*
شنهو السبب شو طوّل *يسرنه*
اليسر ذلّـه ومهـانه ومهضمیّه
🔹🔹🔹
*یوم البی مجد* یا یوم *یهلی*
ومدمعکم یشف الغصُب *یهلی*
اَمل عندی بنیته ابزمن *یهلی*
اشوفن دیرتی حلوه وزهـیّه
🔹🔹🔹
*یوم البی مجد* یـا یـوم *ینزال*
چـل زلـزال والـمـازال *ینزال*
اریدک من تشیل السیف *ینزال*
ینّی ابراس من داس الحمیّه
🔹🔹🔹
*یوم البی مجد* یا یوم *یا یوم*
وتـذبین ثـــوب الـحزن *یا یوم*
هم اتشوف عینی القَرِم *یا یوم*
الـنـه وبـالعـدل یملـی الوطیّه
🔹🔹🔹
*یوم البی مجد* شو طـال *ماطال*
وجف شرجی الیریده الگلب *ماطال*
عسه عُـمر الیعیش ابهضم *ماطال*
وعسه الیهوه المجد داره زهیّه
🔹🔹🔹
*یوم البی مجد* شو طال *ما لاح*
وصبی عین فدعه النزف *ما لاح*
الف وسفه سهمنه ابهدف *مالاح*
لئن بینه الأخو یغدر خویّه
🔹🔹🔹
*یوم البی مجد* یا یوم *ینشاف*
ومنل مِن قِسَن واحبِسَن *ینشاف*
عَبَث بحر الـزَخَر بالفَخَر *ینشاف*
وزود الحوت ینصه ابلمض حیّه
🔹🔹🔹
*یوم البی مجد* یا یوم *ینزال*
مثل زلـزال والـذل لـزم *ینزال*
اریدک من تشیل السیف *ینزال*
ینّی ابراس من داس الحمیّه
🔹🔹🔹
*یوم البی مجد* یا یوم *یمته*
جیته والزهـه اعلـه الظلم *یمته*
اقسم بالسِمه اعله الناس *یمته*
احـس وتخیّله صبح ومسـیّه
🔹🔹🔹
*یوم البی مجد* یا یوم *یا ساع*
الدنیه وللمعالی ابعزم *یا ساع*
تسرج صافنات الرمک *یا ساع*
وتشعل نارهـا من کل نویّه
🔹️🔹️🔹️
✍مردمقدم
* احسنت یا شاعر ابیات ینکتبن بل تاریخ*

✏قنوات الشاعرمردمقدم✏
⬇⬇⬇⬇⬇⬇⬇⬇

✏واتساب ۱
(اشعار اجتماعیه و تعلیمیه)
https://chat.whatsapp.com/Hxj8DnPmTF36sLaYVlTDT1

✏واتساب ۲
(اشعارفی مدح اهل البیت‌ع)
https://chat.whatsapp.com/LuK21Hy26KX3m2P53qpKRV

✏تلغرام
https://tttttt.me/mered35

✏اینستغرام
https://www.instagram.com/mared.moghadam?igshid=129n9c4eaher9