*🌸نظم المقدم🌸*
------------
یَبنْ الوَصی نورَکْ سِمَه/
نورَکْ سِمَه/
نَوّر،ًْ واَرُضْ حَلّاهَا/
بِلْ دنیا حَلْ بَجْمَلْ حَلَلْ/
بَجْمَلْ حَلَلْ/مِن کِلْ شِکِلْ حَلّاهَا/
زاح القَهَر/
وِالِکِلْ شَعَر/وِلْکِلْ شَعَرْ عَنْ کِلْ گَلُبْ حَلّاها/
لا آهه ظَلَت لاکِدَرْ لاتَم ْقَهَر لاتَمْ هَمْ/
یَلْ تِسْمَعْ الهٰذا الشِعِرْ نَظمَه المَرِدْ مُقَّدَمْ
🌹🌸🌹🌸
---------------
اَهْوَاک یَلَ شَوگَکْ یَمُرْ/
شَوگَکِْ یَمُرْ/بیّه و سَهَمْ خَلّانی/
بِمْحَبّتَکْ ذابِلْ گَلُبْ/ذابِلْ گلُبْ نَخْلَه اِبْصُبَخ خَلَانی/
یَبْنِْ الوَصی ماعِنْدی خِلْ/ماعِنْدی خِلْ/
اِنتَ وهَلَکْ خَلّانی/
وابْعَطْفَکْ اَفْرَحْ خَلْ وَ سُر یَوم الحَشُرْ وَ اَتْنَعَّم/
یَلْ تِسْمَعْ الهٰذا الشِعِرْنَظمَه المَرِدْ مُقَدَّمْ
🌹🌸🌹🌸

🏴🏴🏴
بحق *الامام علی(ع)*
................
من دعه وصاح المٶذن وارتفع صوت الاذان/
غبشه والوادم مرگده والسکوت ابکل مچان/
گصد للمسجد یصلی المرتضی والگدر حان/
بس طب محرابه/
بن ملجم صابه/
بل دم اخضابه/
خل تحزن لمصابه الشیعه
🏴🏴🏴
للشاعرمردمقدم
https://telegram.me/mered35

🏴بمناسبة استشهاد امیر المؤمنین الامام علی علیه السلام
لخادم اهل البیت علیهم السلام مــرد مقدم🏴
ـــــــــــــــــــــــــــ
*قصیدة نعی*
ـــــــــ
حگنه الیوم نبچی ابگلب محزون
وابعَبْره واَلـــم وآهات وشجون
ـــــــــــــــــــــــــــ
حَلّت هـــل المصیبه الما مثلها
تضنی اجبال مِـن شِدّت هَولها
ظل یبچی السمه،والارض کِلها
عمها الحزن و افتر طالع الکون
ــــــــــــــــــــــــــــ
ظلمه الارض صارت والفلک دار
واصْفَــَر الفضا واتـبـدّل اغبار
یوم اگشَر ،مثیله ما جــرّه وصار
قاسی، ابجِل مآسی وکِــدَر مشحون
ـــــــــــــــــــــــــــ
مـشحون ابمآسی و کِدر وانیاح
و اعــلـــه الناس هبّت سـوده الریاح
جبــــرائیل کبّر بل سمه وصاح
طـاح المرتضی یـا مِن تسمعون
ـــــــــــــــــــــــــــ
سمع کلمن سمع من نعه الناعی
و امحشِّـــم نَعَب للناس داعی
گــوّض للیتامه الچان راعی
عــوفوا النوم اگعدوا لا تنامون
ـــــــــــــــــــــــــــ
طاح المرتضی ورکن الهُدیٰ انهار
لا تِضوَن بعد ینجوم الاسحـــار
خل تفزع الکوفه ازغار ورکبار
خل تحضر عمامه وهله ایحضرون
ـــــــــــــــــــــــــــ
بالمحراب طاح المرتضی الحِید
واصواب البراسه وایــد امچید
الف وسفه انطبر ما عایـد العید
بعده اشلون نهنه ونفرح اشلون
ـــــــــــــــــــــــــــ
للمسجد الوادم فزعَت اتلوع
ترکظ و العیون ایهلّن ادموع
تندب یا علی وبصوت مسموع
و حسین و حسن طلعوا یرکظون
ـــــــــــــــــــــــــــ
لبوهم یــوم وصلوا لطموا اصدور
لگوا راسه الشریف ابسیف مطبور
بالمحراب طایـح والدمه اتفور
مصفَـر الــوجـه وامـغَـیـیر الّون
ـــــــــــــــــــــــــــ
طاحوا فوگ ابوهم یوم شافوه
اگعد یــا ولینه ابصوت نادوه
شَــدّوا هــامته وللبیت شالوه
وابدهشه عله الـکرار یبچون
ـــــــــــــــــــــــــــ
زینب شافِته ولطمت عله الراس
یبونه شلون صابک سیف الارجاس
یا صهر النبی و یا اشرف الناس
یا سِــر الاه الجلی المکنون
ـــــــــــــــــــــــــــ
یبونه اشلون ابن ملجم یصیبک
وابدم هـامِتک خضّب میشبک
یِا بـدر الدجه الیکلف مغیبک
عِــرضـه انصیر بعدک للیضدّون
ـــــــــــــــــــــــــــ
*ابــوذیـّـــــــــــــة*
قِسنَه اویل جبل همنه فراهـا
وعگبک ما بعد شفنه فراهـا
هامک سیف ابن ملجم فراهـا
مصیبه اتزلزل ارکان الوطیّه
ـــــــــــــــــــــــــــ
ابلیس آمـــر لبن ملجم وساسه
ابشگ راسک بنه الباطل وساسه
وهابی وداعشی احفاده وساسه
کفر ویهود مـا عدهم حمیّة
ـــــــــــــــــــــــــــ
*هــــــــــــــــوسات*
اشلون ابن ملجم یحیدر گدر یتدنّه و یصیبک
وابجرح راسک اتحییر وانذهل وایّس طبیبک
گمر یمنور اللیالی اظلمّت الدنیا ابمغیبک
یا نور الدنیا اشهل غَیبه
ـــــــــــــــــــــــــــ
من نعه الناعی ابمصابک وانتشر هذا الخبر
راسک ابسیف ابن ملجم یبو الحسنین انطبر
بِل یِتِم حَـسّن بناتک عگب عینک والْخطر
والشامت علّگ رایاته
ـــــــــــــــــــــــــــ
علّگ الشامت روایه من سمع بیک انصبت
وابتشر واستر یحیدر گال بعدک لو متت
من بدر ثارات یطلب تِکر بیهم من چنت
وادیون الهم وستافوها
ـــــــــــــــــــــــــــ
منّک استافوا طلبهم وابن ملجم نفّذه
وسط محرابک یحیدر مِن طُبَر راسک خِذَه
بس غبت یا وصی الهادی بدوا لولادک بذه
وادروب الشر ساروا بیها
🏴🏴🏴

*🌹هـــوســـــات🌹*
*حـول مکانـت الصدیـق الـوفـی*
✍🏻للشاعر مـرد مقدم
ــــــــــــــــــــــــــــــــــــــــــــ
وازنت بین الثلاثـه صاحبی و ابـنی و اخوی
ابنی بس عرّس ترکنی و عافنی و خلّانی الـوی
والاخو هَـد ابتفـگته و گال اریدن ورث ابـوی
والصاحب لـفنی ابـمـزویته
ـــــــــــــــــــــــــــ
صاحبی من ابنی اغلَه و من الـویای الرضع
ابنی بس عرّس ترکنی لم لم اغـراضه و شلع
والرضع ویّـای مامـر بـیّـه من طایح سمـع
والصاحب من دمـه انطانی
🌹🌸🌹🌸🌹
ـــــــــــــــــــــــــــ