🌹 🌸*ردادیة*🌸🌹
بمناسبة *میلاد الامام الحسن المجتبی علیه السلام*
✍للشاعر مرد مقدم
ـــــــــــــــــــــــــــ
هل علینه اهلال عیدک بالسلامه
بالفرح صرنه و تقلّدنه ابوسامه
یا حَسنّه
انته النه
احله جنّه
وانته عنوان الامل والأبتسامه
ـــــــــــــــــــــــــــ
انته دنیا و خیر وآمال ومعاني
انته میلادک شمع یملي الصواني
انته فرحة عید وامحمله ابأماني
انته آیات و صوّر واجمل تهاني
وبجماله
وبکماله
نوره لاله
مولدک یبن الوصي ابلیلة تمامه
ــــــــــــــــــــــــــ
یا سعاده الما مثل هاي السعاده
مـــولدک بالخیر بارینه استعاده
سیّدي الحَبّک لگه وحصّل مراده
انته راعي الجود والباقي امتداده
امنالبدایه
انته آیه
للبرایه
والیحبّک سجّل ابصکّه اغتِنامه
ـــــــــــــــــــــــــــ
مولدک زاح الاسی و نشّف دمعنه
والفرح عدنه انتِشر یوم السمعنه
اللیله نشدي ابهالحفل کلنه انجمعنه
والنه من حبّک سمه و خلینه معنه
من هوانه
یا حِمانه
واِنتِمانه
بس الک حد ما نَرِد یوم القیامه
ـــــــــــــــــــــــــــ
یالحسن یالمـولدک خیر و محنّه
یا عشگ ما ینوصف مَرنه و شملنه
اللیله عید النه صُفه و عیّدنه کلنه
واحنه من ازمان لِقدومه انتمنّه
ماکو مثله
عدنه واغله
واسمک احله
یالحسن یجمل اسم هِمنه ابهیامه
ـــــــــــــــــــــــــــ
انته مصدر خیر وافراح و معالي
انته نجمات الصُبح بسمک تِلالي
انته نور اتضوّي عِتمات اللیالي
انته من کل دنس یبن الزهرا خالي
انته حبنه
و ضي دربنه
وابگلبنه
اتعیش وانعیش ابوجودک واهتمامه
🌹🌸🌹🌸

*قـصیـدة*🌹
في حق سیّدي و مولاي الامام الرضا(ع) حول وبـاء الکرونا
للشاعر مرد مقدم
ـــــــــــــــــــــ
یا بحر الجود
بابک مسدود
ماهي هاي ابعاداتک
لا بمروتک لا ذاتک
لاهو مَعهود
یا بحر الجود
ــــــــــــــــ
ابدن ما یوم اِسمَعنه
باب اِکرامک سدّیته
او لا شفنه ابهذا المعنه
اسماط اضیوفک لمّیته
ندري العندک حَط ضَعنَه
کلشي المحتاجه انطيته
هالجرثوم الیمنعنه
نتعجّب ما زمّیته
یالتطوي الکون ابچفّک
فضلک خلّاک انعرفک
بَمْر المعبود
یا بحر الجود
ــــــــــــــ
یا آیـة رب القُدره
یمطبّق عدله ابأرضه
یالبابک فاتح صدره
یالحُکمک واجب فرضه
بحوال الینخاک ادره
تکشفله اهمومه و یرضه
سگم المسگوم اتودرَه
واعلاج آهاته و مرضه
عندک یاخذ مطلوبه
والخالق یمحي اذنوبه
یمشافي اوفود
یا بحر الجود
ــــــــــــــ
یمته اتعاید زوّارک
وابصحنک کلها اتصلّي
واتعود اتضوّي انوارک
والظلمه الجتنه اتولّي
یمته اتضیّف خطّارک
واعثوگ الفرحه اتدلّي
یمته اطیورک تتبارک
وابشوگ الفوگ اتعلّي
ما نگدر نبعِد عنّک
نفرح من نگرب منّک
وانفض اورود
یا بحر الجود
ـــــــــــــ
یالحُبّک یجري ابدمنه
یالماکو ابشکله و لونه
یالبیک اغرمنه و هِمنه
و ما همّونه الّآمونه
صغنه ابحُبّک وارسمنه
او بیک الوادم مفتونه
یالچنت اجموع اتلمنه
هیهات اتزمنه اکرونه
نرجع کل ما بعدینه
وانگلّک عِدنه و جینه
من دون اقیود
یا بحر الجود
ــــــــــــ
کل ما طالت فرگتنه
لازم نرجع وانشوفک
نار افراگک حرگتنه
اعطف وارحم ملهوفک
بالهم والغم غَرگتنه
مِد النّه ابجوز اچفوفک
واکرونه اشما طگّتنه
یا بومحمد منعوفک
نرجع وابصحنک نمشي
وایرد مثل اوّل کلشي
واضح مشهود
یا بحر الجود
ـــــــــ
نرجع وامنوّل اکثر
وایصیر اشما نتمنّه
من کل دیرة و کل مَعبَر
صوب المرقد نتعنّه
ابصحنک نمشي و نتبختر
یالصحنک روضة جنّة
وانطبلک بجمل منظر
وابشم عطرک نتهنّه
وانته ابحُبّک تروینه
یالضامن واتحیّينه
کود ایزم کود
یا بحر الجود
ــــــــــــ

*قـصـیـدة*🏴
*بمناسبة استشهاد الأمام علی (ع)*🌙
لِخادم اهل البیت(ع)الشاعر مرد مقدم
🏴🏴🏴
ـــــــــــ
مِن یاها المحَشِّـم یایب اعلوم
یا زینب ینادي ابصوت مالوم
ـــــــــــ
یدگ بید اعله صدره او بید یومي
یا زینب یصیح ابصوت گومي
مـاهي سارّه یتّـچ اعلومي
طبروا راس ابوچ ابسیف مسموم
ــــــــــــ
طبروا راس ابوچ المرتضی الحِید
وابنوح او مَـآتِـم گلبوا العـید
یا زینب تِکـوّر لـوه الـتوحید
وانشَر عله الکوفه طالع الشوم
ــــــــــ
طبروا راس ابوچ المرتضی او طاح
والیاوي الیتامـه یا اسف راح
جبرائیل کبّـر بالسِمه او صاح
رکن الهدی العالي صار مهدوم
ــــــــــــ
ما محسوب هذا اللي جره او صار
من طاح الوصي رکن الهدی انهار
والدنیا غطاها ارماد واغـبـار
واهبوب الریاح او سود الغیوم
ــــــــــــ
لنواع المصایب حَضّری الحال
طاح اللي مِسعده بیه الآمال
بالمحراب مدمي ایرید شیّال
یا وسفه انچِتل ماکمّل الصوم
‌ــــــــــــ
وسفه او حیف ما کمّل اصیامه
خضبوا شـیبته او طبروا الهامه
للمحراب خَل تفزع عمامـه
واولاده النشامه سادت الگوم
ـــــــــــ
مِن سمعَت عَویله او یَضّة الناس
وایحَشّـم محمـد نوب عباس
وحسین ابوالیمّه او یلطم الراس
وینک یالحسن فات او گِضه السوم
ــــــــــ
ینخه لحِّجوا الحیدر یطیبین
بالمسجد وِگع وامغمّض العین
جیبوله طبیب ایعالجه زین
من گد مانِزف دم غییر ارسوم
ــــــــــــ
ابوکم یانشامه ابعَجل حِضروا
فوگ اظهورکُم بهداي شیلوا
شدّوا هامِـته او للبیت جیبوا
ظل طیر المنیّه ابجانبه ایحوم
ــــــــــــ
نشغَت والتسمعه ظنِّـته اوهام
والشي التِشوفه اغضاث احلام
مو مـعقول حیدر ینطبُر هام
مرعوبت گلب فَـزّت امنالنوم
ــــــــــــ
من شافت صدگ والخَبر موکود
ندبت یا علي او لطمت لِلخدود
یَم کلثوم اگعدي گوّض العود
ترکظ صوب ابوها اتطیح واتگوم
ــــــــــــــــــــــ
تبچیلـه ابحِزن وابگلب شاجر
مشدوها بُگت والفکر حایر
ما تدري ببوها اشلون صایر
تصرخ نوب،نوب اتلوب واتلوم
ــــــــــ
تبچیله ابحِزن وابألم قاسي
بعدک یا علي فیدي المآسي
ریت الصاب راسک صاب راسي
مارید الـعُـمُـر بعدک یجیدوم
ــــــــ
مارید الـعـمُـر بعدک یغالي
یا رجواي وآمالي او دلالي
اظل انعاک بـیّام او لیالي
وارها امنالجبال امحَمّله اهموم
🏴🏴🏴
ــــــــــــــــــــ

🌙 *وداعـاً یـا رمـضـان*🌙
✍🏻للشاعر *مرد مقدم*
ـــــــــــــــــــــــ
تَمَـهّـلْ اَیُّهَـا اَلْشَهْـرُ تَـمَـهَّـلْ
لِمَاذَا في رَحِیلکَ صِرتَ تَعجَل
حَبـاکَ اللهُ یا خَیرَ اَلشُهـورِ
وَ مِن کُلِ اَلْشُّهورِ بَرَاکَ اَفْضَل
بِکَ اَلْاَکْوانُ تَزهو حیِنَ تَأتي
وَ تَبقَی فِ اکتئآبٍ حِینَ تَرحَل
بِکَ اَلرَّحمَن یَمحو کُلَ ذَنبٍ
و بالاغلالِ ابلـیـسٌ مکـبّـل
بِکَ اَلْنیرانُ تَخمُدُ وَالْجِنانُ تَمیسُ
وَ اَبوابُ اَلْثَّوابِ بِـها تُحَلَّل
بهاَ اَلْـرّیّانُ للضمئَانِ یَجري
نَقيٌّ، باردٌ، عَذبٌ، مُعَسّل
اَیا شَهرَ اَلْصّیامِ سَمَوتَ مَجداً
فَ اَنتَ اَلمُکرَمُ اَلسَّامي اَلّمُبَجّل
وَداعاً والقلوب إلـیکَ حَرّی
و یا فـذّاً إلیٰ لُـقیاکَ نأمَـل
🌹🌸🌹🌸

*قصیـدة*
بمناسبة استشهاد *سیّدي ومولاي الامام جعفر الصادق☀(ع)*🏴
لخادم اهل البیت(ع)
الشاعر مرد مقدم
ــــــــــــــــــــ
النه ابموتّک مِن وصلت اخبار
یبو موسی حزنّه ازغار واکبار
ـــــــ
عَم بینه الحِزن مِن هالفِجیعه
واهتزّت اسی ارکان الوسیعه
سود اعلومها صارت الشیعه
سلوانه اللطم والدمع مِدرار
ــــــــ
سلوانه اللطم بعدک یمـهیوب
اوصارت نایحه ابکل ناحیه او صوب
والله ابموتّک فـتّیت الِگلوب
وابهَم مستِمر والفکر محتار
ــــــــــ
دور العِـلِم حزنت والعـباده
واظلم الفضا ابهاي الشهاده
یا وسفه العدوا حصّل امراده
واَعمَل عَملِته المجرم الغدّار
ــــــــ
یبو موسی اشعُظم هاي البلیّه
عمّت کل بلد ضجّه او رزیّه
خساره موتّک للجعفـریّه
یا سور الأمامه اشلون تنهار
ــــــــــ
یا سور الأمامه او ضنوت الگوم
دین المصطفی بجفاک مالوم
یبو موسی مِتت یا حیف مسموم
لله نشتِکي الواحد القـهّار
ــــــــــــ
متت مسموم یا تاج العله الراس
والفرگاک ظلّت تلطم الناس
عسی الله ینتقم مِن بني العباس
او جمعهُم للقیامه ایصیر طِشّار
ـــــــــــ
جمعهُم للسَعیر انشاالله ایصیر
او مِن اعمالـهُم ما شافوا الخیر
عِمدوا غیّبوک ابدون تقصیر
بعدوا عَن عَدن واختاروا النار
ـــــــــــ
نبچیلک نظل یا طیّب الذات
یا محبوبنه او ننساک هیهات
مِحِزنه الخاطرک صبحت الحوزات
یالعلّیتها او بیها العِـلِـم صـار
ــــــــــ
مدارس اسّست والعِلِـم زدته
او بین الناس یالصادق نشرته
موتک یا شهِم ما چان وکته
لو باقي بعد نوّرت الاقطار
ـــــــــ
اید السمّـِتک شلّاً عساهـا
شفنه الضیم مِن غیها او بلاها
اذّت للنبي المخـتـار طـاهـا
والزهرا الزچیّه او علي الکرّار
✍ *مردمقدم*
🏴🏴🏴🏴
1⃣قناة نشر اشعار مرد مقدم لمدح اهل البيت(ع)
https://chat.whatsapp.com/LuK21Hy26KX3m2P53qpKRV

2⃣قناة نشر اشعار مرد مقدم لمدح اهل البيت(ع)
https://chat.whatsapp.com/KdshfwvyB5BLUISRCWJOMQ

*ابیات ابوذیّة*🌸
بمناسبة *مولد السیّدة الطاهرة فاطمة المعصومة(ع)*🌹
للشاعر مرد مقدم
ـــــــــــ
الگلب بس ابهواها صُبح یلها
او روحي شوگها ابکل فخر یلها
المکارم من الاہ العَرش یلها
اخت الرضا المعصومه الزچیّه
ـــــــ
الحضرتچ شیّد الباری مناره
الیحبّچ نجح یا حرّه مناره
یطیبه انوارچ التزهي مناره
السعاده اتحیطني من کل نویّه
ــــــــ
ازمول اهل الحوایج منّخوها
یمها ابخیر رجعوا منّخوها
خِذت شاره او صداره منّخوها
الرضا الشع واشرگ اعله الناس ضیّه
ـــــــ
الندب فاطمه المعصومه وجدها
الباري منزله انطاها وجدها
موسی الحید والدها وجدها
شبل طه و زعیم الجعفریه
ــــــ
ضعنّه خیّم ابّابچ وحَـرّه
برد الوکت ماهمنه وحَـرّه
کریمه او طاهره او طیبه وحـرّه
الشفاعه انریدها منّچ هدیّه
ــــــ
گلبی امتیّم ابحُبها وباها
واحب انوارها التزهي وباها
اخوها ثامن الیمّه وباها
موسی الکاظم النهتِدی ابضیّه
ـــــــ
نسیت الحِزِن هاللیله ولالي
او بسمچ صغت موّالي ولالي
اعیّد وابتهج وافرح ولالي
غرض بالمایحب وایلوم بیّه
ـــــــ
اللیله امنالعَرش یضوي سنلها
او روحي چانت اتّاني سنلها
الشفاعه ابهوی المعصومه سنلها
وافوز ابحور وابجنه زهیّه
🌸🌹🌸🌹

*ردادیــة*
بمناسبة مولد السیّدة فاطمة المعصومة عليها السلام
لخادم اهل البيت علیهم السلام
*مرد مقدم*
🌸🌹🌸🌹
ــــــــــــــــــــ
الگمر بارک للشمس وانجومه
هللیله صارت فاطمه المعصومه
ـــــــــــــــــــــ
هاللیله صارت فاطمه بنت الولي
هاللیله یا دنیا ابحِسِنها اتجمّـلي
هاللیله ترفل بل فرح شیعت علي
والابتسامه اعله الوجه مرسومه
ـــــــــــــــــ
هاللیله لیله الما مثل هاللیله
بیها الفرح حد الفجر نحیّيله
میلاد غالي والوکت یزهیله
والجو صفه وانجلت کل اغیومه
ـــــــــــــــــــ
هاللیله لیله ابکل عطر فوّاحه
بیها الورد مجموع من کل واحه
الشیعه بیها امعیّده ومرتاحه
والگلبه بي هم مِشَت عنّه اهمومه
ــــــــــــــــــــــ
بیها الولایـه امعیّده ومسروره
معصومه صارت والفرح شع نوره
هاللیله لـیلـه بلکِتِب مذکوره
للابد تبگـه خالده ومعلومه
ـــ‌‌‌‌‌ـــــــــــــــــــ
للابد تبگه خالده ابمعناها
واجیال تبقه تستمر ویّاها
واحنه ابهواها کلوکت نتباها
بیها شفه لگلوبنه المالومه
ــــــــــــــــــــــــ
بیها شفه لگلوبنه المجروحه
من گد فضلها الدنیا صارت موحه
حلوه وجمیله وبل حسن مملوحه
للهادي سلـوه ولُمّته المرحومه
ـــــــــــــــــــــــــ
هاللیله للکاظــم بنت مولوده
بنوارها زاحـت لیالي السوده
انوارها تبگه وتظل مشهوده
للناس لا تخفه ولا مکتومه
ـــــــــــــــــــــــ
اخت الرضا والکاظم الربّاها
بین النسه مفروده ما تتظاها
نفتخر بیها وکل وکت نتباها
سر یبگه اسمها ابغایته ومفهومه
ـــــــــــــــــــــــــ
نرفع تهاني للنبي والآله
شیعـة وصیّه و ما نخیب آماله
یحسب علینه وکون نسعد حاله
وانظلّه حربه ابگلب کل اخصومه
..................

🌸🌹🌸🌹
ـــــــــــــــــــــــــــ
🌴🌹🌴🌹🌴
1⃣قناة نشر اشعار مرد مقدم لمدح اهل البيت(ع)
https://chat.whatsapp.com/LuK21Hy26KX3m2P53qpKRV

2⃣قناة نشر اشعار مرد مقدم لمدح اهل البيت(ع)
https://chat.whatsapp.com/KdshfwvyB5BLUISRCWJOMQ

*ابیات ابوذیّـة*
🌹🌸🌹🌸
بمناسبة *میلاد الامام الرضا(ع)*☀
للشاعر مرد مقدم
ـــــــــ
وحگ مِن علّـگ المیزان بسما
او زیّن واجهات العَرش بسما
صدگ عنّک بعید البیت بسما
نسیتک یالرضا او رب البریّه
ـــــــــ
احِسّک شَهَد ما حِسّک ضمنته
او شعري ابحُبّک الغالي ضمنته
غزال البالفله شارد ضمنته
او دعیت الله او ترس ودیان میّه
ــــــــ
اعیّد وابتهج وافرح ونبعید
میلادک یبومحمّد ونبعید
صحت یا عید الک عیّد ونبعید
هله ابهالعید وایّامه الزهیّه
ــــــــ
وحگ مِن تحلف الوادم بسنته
ملکت الروح یالغالي بسنته
الف مره الگلب یهوه بسنته
یزورک یالرضا او یدّي التحیّه
ــــــــــــــــــــــ

(ایضاً بیت علی وزن المـیمـر)
طعم العَسل یاخِذ حَله من شفته
واتولّعِت بمحـبّـتـه من شفته
سلوه لگیته او بالفِعل من شفته
عَود الجواد و بیش اوصفه امحیّر

*قصیدة جدیدة*🌸
فی حق سیّدي ومولاي *الامام الرضا(ع)☀* حول *وبـاء الکـرونـا*
للشاعر مرد مقدم
ــــــــــــــــــ
یا بحر الجود
بابک مسدود
ماهي هاي ابعاداتک
لا بمروتک، لا ذاتک
لاهو مَعهود
یا بحر الجود
ــــــــــــ
ابدن ما یوم اِسمعنه
باب اِکرامک سدّیته
او لا شفنه ابهذا المعنه
اسماط اضیوفک لمّیته
ندري العندک حَط ضَعنَه
کلشي المحتاجه انطته
هالجرثوم الیمنعنه
نتعجّب ما زمّیته
یالتطوی الکون ابچفّک
فضلک خلّاک انعرفک
بمر المعبود
یا بحر الجود
ـــــــــــــ
یمته اتعاید زوّارک
وابصحنک کلها اتصلّي
واتعود اتضوّي انوارک
والظلمه الجتنه اتولّي
یمته اتضیّف خطّارک
واعثوگ الفرحه اتدلّي
یمته اطیورک تتبارک
وابشوگ الفوگ اتعلّي
ما نگدر نبعِد عنّک
نفرح من نگرَب منّک
وانفض اورود
یا بحر الجود
ـــــــــــ
یا آیة رب القدره
یمطبّق عدله ابأرضه
یالبابک فاتح صدره
یالحکمک واجب فرضه
بحوال الینخاک ادره
تکشفله اهمومه او یرضه
سگم المسگوم اتودرَه
واعلاج آهاته او مرضه
عندک یاخذ مطلوبه
والخالق یمحي اذنوبه
یمشافي اوفود
یا بحر الجود
ـــــــــــــ
یالحُبّک یجري ابدمنه
یالماکو ابشکله او لونه
یالبیک اغرمنه او هِمنه
او ما همّونه الّامونه
صغنه ابحُبّک وارسمنه
او بیک الوادم مفتونه
یالچنت اجموع اتلمنه
هیهات اتزمنه اکرونه
نرجع کل ما بعدینه
وانگلّک عِدنه او جینه
من دون اقیود
یا بحر الجود
ــــــــــــ
کل ما طالت فرگتنه
لازم نرجع وانشوفک
نار افراگک حرگتنه
اعطف وارحم ملهوفک
بالهم والغم غرگتنه
مِد النه ابجوز اچفوفک
واکرونه اشما طگّـتنه
یا بومحمّد منعوفک
نرجع او بصحنک نمشي
وایرد مثل اوّل کلشي
واضح مشهود
یا بحر الجود
ــــــــــــــ
نرجع وامنوّل اکثر
وایصیر اشما نتمنّه
من کل دیره او کل معبَر
صوب المرقد نتعنّه
ابصحنک نمشي او نتبختَر
یالصحنک روضة جنّه
وانطبلک بجمَل منظَر
وابشم عطرک نتهنّه
وانته ابحُبّک تروینه
یالضامِن واتحیّنه
کود ایزم کود
یا بحر الجود
🌹🌸🌹🌸

*اشعار لمدح اهل البیت ع*
*المقدم ۲*
*ابوذیات ۴*
*هوسات ۵*
*بمناسبة زواج الامام عـلي و السیدة فاطمه علیهم السلام🌹*
🌴🌹🌴🌹🌴
*المقدم جناس تام*
نورین واتلاگن سوه *اتلاگن سوه* سرالعرش *بیهنّه*
والواسع الباري العلي *الباري العلي* والفاطمه *بیهنّه*
هاللیله هل بیها السعد *بیها السعد* غــرّد نشد *بیهنّه*
هاللیله واجب نحتفل وانعیّد و ننسه الهم
ـــــــــــــــــــــــــ
*المقدم جناس ناقص*
ــــــــــــــــــــــــ
هاللیله یلیالي الهنه *یانه الهنه* جایب خبر *منیانه*
معلن زواج المرتضی *والمرتضی*
ما مَی طعُم *منیانه*
بیّه الفرح یاخذ ورد *وانثر ورد*
واکثر یَجِب *منیانه*
فرحان واهلي امعیّده وُ ولّـــه الحـــزن عـنّه وُ زم
یالتسمع الهذا الشعر وزنَ المرد مقدم
🌴🌹🌴🌹🌴
ــــــــــــــــــــــــــــــــــــ
*🌴🌹ابــوذیّات🌹🌴*
👇ــــــــــــــــــــــــــ👇
عید و فـرح صارت *ونتهنّه*
وگلبي ابتشر واستر *ونتهنّه*
خنعیّد اللیلـــــــــــه *ونتهَنّه*
ابزواج المرتضی من الزچیه
ـــــــــــــــــــــــــــــــــــــــــ
الزهرا الطاهــــره الماکو *خطبها*
علیمه و حیرت العالم *خطبها*
الباري امنالنبي الحیدر *خطبها*
قرینه و مسکن الحامي الحمیّه
ــــــــــــــــــــــــــــــــــــــــــ
الزهرا النور من نوره *براها*
و من کل دنس باریها *براها*
رسول الله النبي الهادی *براها*
بعد یاهي المثلها اتصیر هیّه
ـــــــــــــــــــــــــــــــــــــــــ
ادموع الحزن یاشیعه *کفوها*
الزهرا ابفرح هاللیله *کفوها*
بس المرتضی حیدر *کفوها*
التقن نورین هاللیله سویه
ـــــــــــــــــــــــــــــــــــــــــــ
*🌴🌹هــوسات🌹🌴*
👇ـــــــــــــــــــــــــــــــ👇
آمر الباري اعله طه والامر واضح جلي
گله یتحتم قضائي اتزوج الزهرا ابعلي
گلّـه شتریدین گلها ایصیرلچ واتدللي
یجرالچ کلشلي التردینه
ـــــــــــــــــــــــــــــــــــــــ
آمر الباری اعله طه و نزل جبریل اَعلمه
گله نفذ یا محمد هــذا امـر رب السمه
من علی الکرار حالاً گـوم زوّج فاطمه
والیوم اتنفذ دستوره
ـــــــــــــــــــــــــــــ
نفّذ الدستور حالاً وابتده ابعقد الثنین
وابتشر واستر نبینه و فرح جبریل الامین
فاطمه انزفت اللیله البیت امیرالمؤمنین
نورین اتلاگن هاللیله
ــــــــــــــــــــــــــــــــــ
نفّذ الدستور حـالا والله بارک للرسول
وگله گلها اشما اتآمر والها یجره اشما تگول
للوصي ابفرحه و سعاده انزفت اللیله البتول
بس حیدر وحده اليسواها
🌴🌹🌴🌹🌴
شاء بارینه ابقدرته نــور یتلاگـــه اوینور
والعرش حل باب جوده وفاحت اللیله ابعطور
استرت الاکـوان کلها وحسّت اللیله ابسرور
بس الله ایقدر معناها
ــــــــــــــــــــــــــــــــــــ
🌴🌹🌴🌹🌴
✍ *مردمقدم*
🌴🌹🌴🌹🌴
1⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/LuK21Hy26KX3m2P53qpKRV

2⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/KdshfwvyB5BLUISRCWJOMQ

*قصیدة نعي للسیدة حمیدة بنت مسلم بن عقیل(ع) بمناسبة شهادة والدها*
لخادم اهل البیت(ع) الشاعر مَـرِد مقدم
🏴🏴🏴🏴
ــــــــــــــــــــــــــــــــ
یَـتّـه اخبـار موثـوقـه واکـیده
صاح حسـین جیبـولي حمیده
ـــــــــــــــ
جیبـولي حمیـده ابـعَجَل یَـمّي
هاي اهیه الوَدیعه امنِـبن عَمّي
اواسیـهـا وگلـهـا ابـکِـثِـر هَـمّي
مِـن عِگب الأبو ظَـلّت وحیده
ــــــــــــــ
صاح ابصوت عالي وتِـهل عینه
مِـن عِـگب الأبـو ظَـلّت حَـزیـنه
مـا بـین الحِـزِن والـهَـم رَهـینه
ابـوهـا انچِـتل بـدیار الـبَـعـیده
ــــــــــــــ
ابـوهـا انچِـتَـل بـدیار الـغَـریبـه
لـو رادت تشـوفـه امنین اجیبه
ذاب الـگـلب مِـن هـاي المصیبه
عنـده امدلّـِلـه وچـانت سـعیده
ــــــــــــــ
عِـد مُـسلـم مَـحـبّـتهـا عَـظـیـمـه
چانت سَلـوه الـه واحسَن نَدیـمه
بَـعده اصبحَت مَهضومه ویتیمه
تحني الجِـبَـل تَـهلَـتهـا وتِـمـِـیده
ـــــــــــــ
تَـهلها ايهد جبل عالي او يخضّه
صارت للحِـزِن والـنـّوح عِـرضـه
یـا مِـلّـه وشـریعـه ابـهـاي ترضه
عَـسکـر ضِـد فَـرِد یعزِف نَشیده
ـــــــــــــ
زینب یوم سِمـعَت نِـشَـد عَـنـهـا
انــواع الـهَــواجِــس داهِـمَــنـهـا
اِجَـت واتگلّـه شنهـو اترید مِنهـا
آنــه ابـکـانــهــا گـول الـتِـریـده
ــــــــــــ
گلـها ارجوچ جیـبـیـهـا وتـعالي
یـالحِـرّه انچِـتَل مُسلـم الغـالي
یـخـتـي آه مِـن ضیـم اللـیـالي
خَـلّن بـالـگلب عِـلّـه مِـچـیـده
ــــــــــــ
جـابـتـهـا او یِـهِـل زیـنـب دَمِـعـهـا
تـبـچي ابـألـم مِِـن شِدّت جَـزَعـهـا
خِذه بت مُسلم ابحضنه او وِضعها
واعـلـه راسـهـا یـمـسَـح ابـأیـده
ـــــــــــــ
یمسَح راسهـا ونـوبـه الـیـحِـبـهـا
واهـوا ایگول یـا ربّـي اشذَنِـبـهـا
حمیده اتوجّـِهَـت وابدَت عَجَبهـا
واتحِس صارت ابقـصّه فَـریـده
ــــــــــــــ
گـلّـتـلــه یَـعـمّـي هَــل عَـلامـه
مـا تِـنـعِـمِل بَـس ویّه الیـتامـه
ابـوي انچِـتَل لو بَـعده ابسلامه
گلها استَرجِعِي ابحَسره شَدیده
ــــــــــــــ
گلها استَرجِعِي حیث الأمُـر فات
بـالــکـوفـه یـبـنـتي والـدچ مات
اتشوفینه او یشوفچ بَعَد هیهات
بسیـوف الـغَـدِر گـطـعـوا وریـده
ـــــــــــــــ
اسـمـعي قـصّـتـه وللّي جـرالـه
لـلکـوفـه اعـتِـنـه مِـنّي ابـرسالـه
بـس یـا حیـف مـا واحد وفـالـه
ولا عدهُم لـِگه احچایه مُـفـیـده
ـــــــــــــــ
تِـلَـگّـوا بل هَلـه وچسبـوا رِضاتـه
وهـانـي ضیّـفـه او صلّـوا صلاتـه
کـل اوعــودهُــم طـلـعَـت لِـواتـه
وطلعـولـه ابألـف حیلـه ومَـکیده
ـــــــــــــــ
کلـهـا اتـفـرّقـت عَـنّـه وجِفـتّـه
والـبـل لـیـل گـالَــتّــه نِــفَــتّــه
بس طـوعه الشریفه ضیّـِفَـتّـه
اُم الـوفـه المَحمـوده الـرَشـیده
ـــــــــــــــ
وامنـل زلـم بـس هـانـي وفـالـه
طلّـگ شیخـتـه وعـاف الجَـلالـه
الـي والخـاطري ابروحه فِـدالـه
واعـدني وصدگ وآفـه ابـوعیده
ــــــــــــــ
ومُسلم ظَـل وحید إبّـین الأشرار
الـمَـن یـتّـِجـِه یـا صـوب مـحـتـار
دارتـلـه ابـحَـجَـر وسیـوف وبـنـار
واهـوا ایجـول ما ینجَح طَـریـده
ــــــــــــــ
نـوبـه ایشیلـهـا ونـوبـه الْـیفـرهـا
ونـوبـه ابسیفـه الـمـهَـنّـد یِکـرهـا
مِـثـل عَـمّـه علـي فـارس بــدرهـا
والـفَـن هـاذ بس اهـوا الْـیِـجـیده
ـــــــــــــــ
نصّین ایغَدي سیـفـه الْـیِـطبـره
کـلـهـا احـتــارت الـعِــدوان بَـمـره
اِلـه حفـروا ابـنص الـدَرب حـفـره
وگـع بـیـهـا وجـرالـه الـمـا نریـده
ـــــــــــــــ
عَـدد فـرقـات هِـجـمَـت واسّـرتّـه
والأبـن الـدَعـي الـطـاغـي خِـذتّـه
ومِن فوگ القَـصِر ظامي ادفَـعَـتّه
صـابـر مُـحتَـسِب یـدوي رِعـیـده
ــــــــــــــــ
نوحي الـوالـدچ یستاهـل الـنـوح
بـالکـوفـه شهـیـد ومـات مذبـوح
للحَـگ والـعـدالـه شـیّـد اصـروح
وحـاز الـفَـخَـر بـفـکـاره السَـدیده
🏴🏴🏴🏴
✍ *مردمقدم*
🏴🏴🏴🏴
ـــــــــــــــــــــــــــ
🏴🏴🏴🏴
1⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/LuK21Hy26KX3m2P53qpKRV

2⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/KdshfwvyB5BLUISRCWJOMQ

*قصیدة بمناسبة استشهاد هـاني ابن عروه لخادم اهل البیت علیهم السلام مردمقدم*
🏴🏴🏴🏴
ابن عـــروه الوفي الحید المچنّه
شافـــوه العِده وُوبــــشوا منّه
ـــــــــــــــــــــــ
ابن عروه الاسد من وگف شافوه
وي مسلم اومـــا ینگحم عرفوه
خـطر مجبل عله ابن ازیاد حسّوه
لبن ازیاد راحـــوا وشوا عنّه
ـــــــــــــــــــــــ
گلوله اویامسلم وگف هاني
هــذا البالفــخر شیّد مباني
وگفته اسرار مَلیانه اومعاني
جیدومه او نوایب ما ثننّه
ـــــــــــــــــــــــ
هاني بالفعل شیخ العمامه
واشگال او اُمَر نافذ کلامه
وابیوم الحرب کلهم نشامه
عدوهم درب لهروبه ایتمنّه
ـــــــــــــــــــــــ
علیک انخاف یاراعــي الاماره
ایشیل السیف و ایقـرر قــراره
خصمک ضیّفه او حل باب داره
فرصه لایــــره البیها ایتهنّه
ـــــــــــــــــــــــ
الکوفه ابهالوضع صارت مُخیفه
صار اویالعــــده او فرّع مضیفه
کلنه ایبیدنه لــــــــو شال سیفه
اشلون ایحاربه او ینجه المثلنه
ــــــــــــــــــــــ
زاد الخـوف عدهم من وجوده
والضیفه الشهـم یبـذل جهوده
هـاني من یسیل اشیکظ زوده
والحدّه ایخسي زلـــمه ایتدنّه
ــــــــــــــــــــــ
وگف مهیوب ماهاب الاعادي
وي مسلم مثل لیث البوادي
ابقوه او زود وایمان اوتمادي
ماخیّب لبــو السجاد ظِنّـــــه
ـــــــــــــــــــــــ
لبن ازیاد وحشه انگضت لیله
کل لحظه یظن هـاني یجیله
لملم زمرتـــــه وافتعل حِیله
والهاني ابرسم ضایف تعنّه
ـــــــــــــــــــــــ
هــاني دستر المسلم یکتله
صاح ابصوت اریدن ماي لهله
بس یـاحیف مسلم ماطلعله
مو شانه الغدر یوم التونّه
ــــــــــــــــــــــــ
حس الطاغیه او بالعجل ولّه
خایف منهزم یرکـض ابذلّه
دم هاني الصبح من صار حلّه
عله بیته هجوم الرجس شنّه
ــــــــــــــــــــــــ
یابــــه للقصر وامکشّف الراس
حتی ابهاذ فعله ایخوّف الناس
ضرب وجهه ابشراسه اربات الارجاس
وابحچیه القذر صار ایتجنه
ــــــــــــــــــــــــ
هاني جاوبه ابشده و شجاعه
حامل فکــر وایمان و قناعه
من فـوگ القصر آمــر اتـباعه
ینذب لا یکتلونــــــه ابأسنّه
ـــــــــــــــــــــــــ
رزیـه الما مثل هـــاي الرزیّه
طاح امنالقصر فوگ الوطیّه
یهانــي امبارک ابهاي المنیّه
سعاده او حصّلیت ابهاي جنّه
ـــــــــــــــــــــــ
✍ *مردمقدم*
🏴🏴🏴🏴
🏴🏴🏴🏴
1⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/LuK21Hy26KX3m2P53qpKRV

2⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/KdshfwvyB5BLUISRCWJOMQ

🏴🏴🏴🏴
*🏴ابیات ابوذیة بمناسبة استشهاد هاني ابن عروة لخادم اهل البیت علیهم السلام مردمقدم🏴🏴*
🏴🏴🏴🏴
حال او مال مـــاعـنّه لهاني
مآتــم ناصب ابگلبي لهاني
یشیعي ابنوح ساعدني لهاني
انچتل مظلوم بید ابن الدعیه
ـــــــــــــــــــــــــ
احب اَهـوه مثل هاني منهوه
حسین و حصّل ابحبّه منهوه
اقصور وحــور جایزته منهوه
من سطح القصر فوگ الوطیه
ـــــــــــــــــ
هاني ماقبل موتـــه بذلّــه
حَب حسین وابروحه بذلّــه
آله اتـــصیر تضحیته بذلّــه
تَحَمّل أذه او ما هاب المنیّة
ــــــــــــــــــــ
عله هاني منِبــن ازیاد ودّه
يجي وایگص رگبته ابسیف وده
کفو ابهانی گضه المطلوب ودّه
حچه اشما راد ضده وهان امیه
ــــــــــــــــــــــــــ
مسلم من وصل هانی حیاله
گضه المطلوب ماقصّرحیاله
ابــن ازیــاد حي راده حیاله
ابقصره وشتّمه هاني الشفیه
ـــــــــــــــــــــــــــ
هـاني رحب المسلم وداره
مضیفه حلّله ابشانه وداره
خوف اوطمع ماهزّه وداره
لبوالیمّه انتخه اوحیّه المنیه
🏴✍ *مردمقدم*🏴
🏴🏴🏴🏴🏴
ـــــــــــــــــــــــــــ
🏴🏴🏴🏴
1⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/LuK21Hy26KX3m2P53qpKRV

2⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/KdshfwvyB5BLUISRCWJOMQ

*نـعـي الی عـبدالله الـرضیـع(ع)*🌙
للشاعر مَــرِد مُـقـدّم
ــــــــــــــــــــــــــــــ
شـال حسیـن طـفـلـه ایـلـوج بـیـده
شـــافـــه مــوتّــه صـــارت اکــیــده
جسمـه امنل عِـطش مِـثل الحدیـده
بِـچه الحالـه او جِـذب ونّه شَـدیـده
لـلـعــســکـــر خـــذا گـاصـد یــریـده
یــشــربـــه مـــاي والاُمّــــه یـعـیـده
لاچِــن حــرمــلــه صـابــه ابــوریـده
گـص الـحَـنـجَـره او کل الشـرایـیـن
🏴🏴🏴🏴
🏴🏴🏴🏴
1⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/LuK21Hy26KX3m2P53qpKRV

2⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/KdshfwvyB5BLUISRCWJOMQ

🏴 *نـعـي الی سیّـدي ومولاي عـلـي الأکـبـر(ع)*🌙
للشاعر مَــرِد مُـقـدّم
ـــــــــــ
*لمّا رجع علي الأکبر(ع) من ساحة المعرکة عطشاناً و اراد من ابیه الحسین(ع) شربة من الماء*
ـــــــــــــــــــــــــــــــــ
گـلّـه الـمـاي یَـبـنی امـنـیـن اَجـیـبـه
وانـه گـلـبـي مِـثِـل گـلـبَــک لَــهـیـبـه
حبـیـب اتـشابُـگوا هـوّه او حبـیـبـه
او طاحوا عَل ثَره ابشوگ الحَبیـبَین
هـوّوا بَـدریـنـهُــم فـــوگ الــوطـیّـه
هَـوی الـمَـلگـه و اَسـه اوداع المِـنیّـه
بَـعَـد شَعـظم واشَـد مِـن هَـل رزیّـه
ابـو ایـزِف الـوَلَــد صـوب الـمَـیـادین
ابـو ایـزِف الـوَلَــد صـوب الـمِـنـایـه
گـبـل احسـیـن عِـدمَـن جِـرت هـایـه
فِـرَق دارت عـلـه اولـیـده او سَـرایـه
بـنـواع الـســـلاح اِشــمـال ویـمـیـن
مـا بـین الــطـبُــر و الــضرُب والـکـر
و انـواع الـنَـبِـل والــعِـطـش والـحَـر
علـه اعیـون الـمُـهُـر دم الـوَجِـه خَـر
تـاه الـمُـهُــر دربـه او ما دره امنـیـن
للوَسـطه الـمُـهُر مِسرِع مِـشه او راح
مِتـعَـنّـي ابــعَـلي لسـیـوف وارمـاح
وَذرتّـه الـهـنـادي او مِـن وِگــع صاح
بـویـه امــوَدّعَـک یَـبـن الـمَــیـامـین
🏴🏴🏴🏴
🏴🏴🏴🏴
1⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/LuK21Hy26KX3m2P53qpKRV

2⃣قناة نشر اشعار *مرد مقدم* لمدح اهل البيت(ع)
https://chat.whatsapp.com/KdshfwvyB5BLUISRCWJOMQ

🏴 *ابوذیّـة عن لسان حال السیّده زینب الحوراء(ع)*
للشاعر المرحوم ابـومَــرِد مُـقـدّم🏴
ــــــــــــــــــــــ
الـدَهـر مَـنـسـه عـذابـه ونسبـیـنه
رکـبـنــه نـــوگ هِـــزّل ونسبـیـنـه
حَـرِگ حِـرگوا اخـیمنه ونسبـیـنـه
او غـِدینه انلوذ کِل وحده ابنویّـه

🏴 *نـعـی یُنشر لِاوّلِ مـرّة*
لخادم اهل البیت(ع) الشاعـر مَـرِد مُـقـدّم
ــــــــــــــــــــــ
*لسان حال الأمام السجاد(ع) مخاطباً بنی اسد عند ما دفنوا کل الأجساد الطاهرة فی کربلاء وبقی جسد ابوالفضل العباس(ع)🌙مطروحاً علی نهر العلقمی*
ـــــــــــــــــــــــــ
بعد عِدنه جَسد ضَحّی ابوجوده
فوگ العلگومی امنل طَبُـر کوده
سـبـعین الـف طشّـرهُـم ابـزوده
راوه العَجَب بخلاصه و صموده
طـایح بـیرقه و مـزروف جوده
مـا بی راس وامـگطّـعه ازنـوده
🏴🏴🏴🏴

يَـمـتـه ابـيا وکِـت يـا يـوم
*نـــامـــــــن*
مِـنّـه ومِــن فِـتـنّـه الـيـهَـل
*نـــامـــــــن*
تدری اعيون ضِدنَه اشوکِت
*نـــامـــــــن*
نـامَـن یـوم حُـبـنَـه انـگلـب
حَــيّـه🐍
✍ *مردمقدم*
🌴🌹🌴🌹🌴
🌴ابـوذیـّة🌴
ــــــــــــــــــــــــــــــــــــــــــــ
إلهدلک واجب ابضیجه تهدلَه
و صدرک بالأسى مثلـه تهدله
الــو یامِـر جبـل عـامــر تهدله
إلوفه دین وُ شِیَم لهل الحَمیَّه 🌷🌴🌹🌴🌹🌴
ــــــــــــــــــــــــــــــــــــــــــ
3⃣قناة نشراشعارمردمقدم👇
https://chat.whatsapp.com/Fau8xtNkHoALUknvrSflbT

*عتاب*
🍂💕🍂💕🍂
عد روحک نسیتک من جفیت اویاي
وارتـاحـیــت مـنّـي وُ اَمّـنَـت روحـک
بعد مارید اشوفک بس اظل اهواک
یا قاسي الگلب یالعفت مجروحک
یالطبعک جبان امنالخیال اتخاف
اذا مـا لوحک آنـه، حوبتي اتلوحک

✍مرد مقدم
🌴🌹🌴🌹🌴
2⃣قناة نشر اشعار مرد مقدم ۲🚩

https://chat.whatsapp.com/JkgTJYmxauG3vSOBBsEBWv