نصيحة رقم 1
🔘 #قبل_الامتحان بنصف ساعة تقريبا ينصح بترك الملازم وعدم المراجعة واراحة الذهن !!

يعني شباب لازم قبل الامتحان بنص ساعة تقريبا تعوف كلشي من ايدك وخلاص تدخل لقاعة الامتحان

🔘بعد دخولك #قاعة_الامتحان الوزاري راح تتوتر وهذا الشي طبيعي تقريبا لذلك تبدء بذكر الله والادعية ولا تحاول تستذكر الماده بهذه الفترة بل عليك ذكر الله والتوكل عليه !!

يعني طلاب انتوا راح تدخلون قاعة الامتحان وراح تبقون تقريبا 10_15 دقيقة تنتظرون الاسئلة علمود تتوزع ف انت بهاي الفترة حاول تدعي وتذكر الله وتتوكل عليه تمام ؟؟

🔘 بعد #توزيع_الاسئلة على الطلاب يجب على الطالب الاجابة على فرع بعد فرع على التوالي دون النظر الى باقي الاسئلة !!

يعني طلاب من تستلم الاسئلة اول ماتبلش ابدي بالفرع الاول من السؤال الاول حله ثم انتقل الي بعده بدون ماتقرا كل الاسئلة !! لان اذا قريت الاسئلة وشفت فد نقطه او فرع متعرفه او تشك بي راح تتخربط وتتوتر وتبدي تنسى باقي الاسئلة .... وتضيع هواي درجات فهمنا ؟؟؟

🔘 بعد #اجابتك كل الاسئلة راح يكون عندك ترك سؤال كامل او اذا كانت اسئلة اللغة العربية او الانكليزية ترك ضمني فقط (افرع) لذلك راح تتبع خطوتين حتى تقرر اي سؤال تترك :-

1⃣تراجع كل الاسئلة وتحسب درجات كل سؤال ✔️
2⃣بعد مراجعة الاسئلة وحسب درجاتهم عليك ترك السؤال او الفرع(اذا كانت الاسئلة اللغة العربية واللغة الانكليزية) الذي فيه اقل درجة ✔️

#ملاحظة : راجع أكثر من مرة ولا تستعجل

🔘 بعد #الترك واكمال الاجوبة بعض او اغلب الطلاب يحسب #الدرجة_النهائية للامتحان فاذا كانت الدرجة ترضيه عليه تسليم الدفتر ويخلص 😍

واذا كانت الدرجة النهائية تحت المتوقع وهو مايريدها وسقف طموحة اعلى هنا تبقى براحته اذا يريد يمسح الدفتر
او يسلمه كامل مع الاجابة

حسب #القناعة

🔘 بعد الخروج من الامتحان #لا_تحلون_الاسئلة : يعني بعد ماسلمت الدفتر وجاوبت ابد ما نصحكم تشوفون الأجوبة مال الامتحان ابدا لانه صدكني شلون ماكان راح تخرب معنوياتك وتشوف الأجوبة شوية تختلف عن اجوبتك ف دكول مجاوبت ومايبقالك واهس ..... وضحت !!

وبهذا الشي يكون خلص من #الامتحان

#اتمنالكم_كل_التوفيق_والنجاح
وتاكدوا مايضيع تعب اي احد توكل على الله #واحسن_الظن_بالله

#شارك_المنشور_ليصل_للجميع
تابع قناتنا ليصلك جديدنا ⁦⬇️⁩
https://tttttt.me/lraq_3D